زينب كتلعب بوجهها و باغية تقول شي حاجة و هو يسبقها
ياسين: وقفاتك غير هي أما كوراك باقا مطوفاني زيدي قدامي نقلبو على حمام
زينب مصدومة: واش دويت بالجهد كيفاش عرفتي
ياسين: سر المهنة سيري هاهو الحمام قدامك
مشيت و انا مدهولة في راجل لي كيفهمني بلا مانحتاج نهضر و كنحمد الله عليه قديت حاجتي و تميت خارجة لقيتو كيهضر مع واحد الشهبة عقدت غوباشتي تميت غادية في الاتجاه المعاكس شافني تبعني
ياسين: اجي لهنا فين غادة
زينب: مبغيتش نديرونجيك
ياسين هزها: اجي لهنا المغيارة ديالي
زينب: بعد مني ملقيت علامن نغير
ياسين: هي نرجع لعندها
زينب: نخرج ليك مصارنك اصلا اش موقفك معاها
ياسين: مجرمة تسخاي براجلك جات سولاتني على مطعم قريب حيت هي اسبانيا و مفهماتش الكتبة بالفرونسي
زينب: ملقاتك غير نتا تسولك
ياسين: ههههه مجنونة و كنحماق على هبالك(قرب طبع بوسة في فمها)
زينب: ياويلي راه حنا في الزنقة
ياسين: هادو عندهم عادي
زينب: اوكي يالاه حطني فيا الجوع
ياسين: كنربي بنت صغيرة انا فيها بيبي فيها جوع مغيارة
زينب ضرباتو لكتفو: مالك معجبتكش
ياسين: كتصطيني زيدي نعمرو الكريشة
في المغرب عند لمياء
جالسة خاشية راسي في الكتوبة و الاوراق حتى تحل الباب دخل ايمن
ايمن: الكسولة فين وصلتي
لمياء: غنتصطى ضرني راسي مبقيت عارفة والو
ايمن: عندي ليك مفاجأة خلصيني و نعطيها ليك
قربت حداه ضرت راسي غنبوسو في حنكو و انا نعضو
ايمن: ااااي قاعيدتك هي قاعيدتك ياك قلت ليك حيديها منك صافي انا غادي في حالي كاع
لمياء: وا صافي منبقاش نعاود غير اجي 😢😢😢
جا حدايا وحط شي تصاور و واحد السيدي غير شفتهم تلاحيت عليه بتعنيقة
مبقيتش طلقتو حضنو هو الأمان بالنسبة ليا مني حليت عيني و انا لحاجة لي كنحتاجها إلى مجابهاش ليا ياسين كيجيبها ايمن مني عرفتو ماشي خويا بدا كيتسلل لحب لقلبي و انا مزال صغيرة كنفكر في النهار لي غنتزوجو و شحال من ولد غنولدو 😂 هبيلة رغم أنه عمرني محسيت باهتمام غير اخوي من ايمن ديما كيعاملني على أساس ختو الصغيرة لا أقل لا اكتر و لكن قلبي معمروا شاف من غيرو معرفتش هادشي فين غيوصلني ولكن لي عارفة هو أنني كنبغيه و انا في حضنو دابا
تمشينا حتال السينما كانت قريبة ختاريت فيلم رعب هههه لي فيا ممهنيني مكنتخلعش فاش كنكون كنتفرج مكتجي الخلعة حتى كنبغي ننعس ههه دخلنا تفرجنا و خرجنا داني ياسين تعيشت و ديريكسيو ل اوطيل دخلنا لغرفتنا انا مشيت نيشان دوشت و لبست بيجامتي و ياسين تبعني حتى هو دوش و لبس سروالو و جا تلاح على كرشو حدايا في الناموسية
زينب طلعات فوق منو: عييتي ندير ليك مساج
ياسين بصوت تقيل: مكرهتش
خديت الزيت و بقيت كندير ليه مساج ضهرو كتافو أسفل ضهرو راسو و انا نتفكر اول مرة ندير ليه مساج ضحكت
ياسين: مالك
زينب: ههههه والو تفكرت شي حاجة
هوب زرب عليا دارني تحتو كي ديما
ياسين: اشناهي هاد الحاجة
زينب: وا صافي غنحشم نقولها
ياسين: اش قلنا على الحشمة صافي تجردي منها راه انا وياك ولينا جسد واحد أولى
زينب: امممم
ياسين: يالاه قولي
زينب: تفكرت اول مرة ندير ليك المساج فاش بستيني
ياسين: ههههه كانت هاديك اول مرة تجاوبي معايا و انا نسيت راسي
زينب: حتى انا نسيت راسي كنت غندير كارثة
ياسين: علاش
زينب: ك كانت فيا les règles ديك الساعة
ياسين: وايلي
زينب : علاش مكنتيش عارف داكشي علاش وقفتي
ياسين: الصراحة لا وقفت حيت مبغيتيش ندير شي حاجة و انا مخبي عليك كلشي بغيت نحافظ عليك حتى نتجرد قدامك من داك ياسين لي كان ملازمني اولى على الأقل غير حتى تعرفي بأمر الأسهم و ديك الساعة كيبقى القرار ليك
زينب: 😢 و كان احسن قرار خديت
ياسين: شششش مبغيتكش تبكي
زينب: 😭 مزيان مني جمعونا تخيل كون بقيت واخدة موقف و نتا مشيتي و خليتيني 😭
ياسين كيمسح ليها دموعها : شششش الحمقة اصلا عمرني كنت نتخلا على برهوشتي على شكون يدير ليا الزبايل
زينب: متبقاش تقوليا برهوشة قول الأخرى
ياسين: اشناهي الأخرى
زينب: نتا عارف
ياسين: بوكاهونتاستي
زينب: هادي 😍
ياسين: نتي راه فيك كلشي برهوشتي و بوكاهونتاستي و العمر و الكبدة و القليب و حبيبتي
بقى كيقرب ليا حتى دخلنا في قبلة لي كتدينا لعالمنا الخاص نخدمو على وليداتنا ههههه
في المغرب
محمد: الله يهديك ا سي العربي راه ضروري من الدوا
العربي: علاش نتمحن و نمحن خليوني هكدا حتى يدي مول الأمانة امانتو
سوما: ولكن ا سي العربي راه مخسرتي والو إلى جربتي الدوا و راه الطب تطور
العربي: والله انا مكنقد على جو السبيطارات
الباتول: و زينب حتال امتى غتبقى مخبي عليها
العربي: زينب خليها في التيقار مدامها هانية مع راجلها هداك هو الرباح
الباتول: الله يهديك راه حتى هي غتبغي تكون حداك
عند لمياء
و اخيرا كملت درت نشوف ايمن لقيتو ناعس بحال شي ملاك مقدرتش نقاوم و تمشيت حتال عندو درت ايدي في شعروا و دوزتها على وجهو يالاه غنحيدها و هو يشدها
ايمن: اش كتديري
لمياء: ا ا انا م م هو و راه
ايمن: ههههه با بو بي امالك تمتمي اكيد كنتي باغية ديري شي كارثة
لمياء: لا لا
ايمن: تيقتك اجي متوحشتيش تنعسي وسطنا و نشدو ليك في ايديك
لمياء: اه اه 😍 توحشت ولكن مكاينش ياسين
ايمن: انا مقديتكش
لمياء: هههه الخير و الباراكا
ايمن: يالاه تلاحي
نقزت حداه من الجهة الأخرى درت على جنبي و هو كذلك شد ايديا بجوج و عينينا مقابلين كنا دايما كنديروها فاش كنا صغار حيت كنت كنخاف ننعس بوحدي و كان ياسين و ايمن ديما ناعسين حدايا و شادين في ايدي غمضت عويناتي مني شفت ايمن نعس و استسلمت للنوم 😴😴
مروان: عرفتي اش يجيك مليح انا غنجلس في البيت تيتي نيني مكاين لا خروج لا والو
حنان: 😭😭 ياك دابا هادشي لي كنسوا عندك تشوف في وحدة أخرى باقي مكملناش حتى يومين في شهر عسلنا
مروان قرب حداها و شد وجهها: حبيبتي كنقسم ليك بالله مشفت فشي وحدة بوحدك لي شاغلة هدا ❤ و هدا(شير على عقلو ) و هادو 👀 مكيشوفوش من غيرك المجنونة المغيارة مكانش كيحساب ليا مغيارة حتال هاد الدرجة
حنان: انا ممغياراش 😏 نتا لي عينيك زايغين
مروان: ههههه اوا باز اجي لهنا البكاية ديالي(خشاها في حضنو بحال إلى كيقوليها نتي ديالي و انا ديالك )
في فرنسا عند زينب
أصبحنا وأصبح الملك لله فقت هاد المرة انا الأولى بقيت كنشوف ياسين كيفاش ناعس و تغوبيشة على وجهو و شعرو لي هابط شويا على عينيه بقيت كنلعب بشعرو و نجبد في وجهو و خدودو ههه حتى فاق
ياسين: المبرزطة زعما متخليناش ننعسو
زينب: انا فقت يعني حتى نتا خاصك تفيق فين غتديني اليوم
ياسين: اليوم غنسد عليك هنا و نخرج نشوف التيتيز الفرنسي
زينب: 😠😠 جرب أ وليدي ا ياسين و تشوف نهارك متطلع فيه شمس
ياسين: شريرة نتي نهون عليك
زينب: اه تهون و لاهيلا قاليك التيتيز الفرنسي
نضت مقلقة دخلت للحمام قديت حاجتي و وقفت قدام المرايا نغسل وجهي و هو يجي خشى راسو في عنقي
ياسين: المغيارة ديالي
زينب: بعد مني
ياسين: وا صافي والله حتى غير كنضحك اصلا ميبان قدامك حد
زينب: صبغني
ياسين دورها عندو: على الأقل في عينيا حتى ملكات الجمال و ميجيوش قدامك موااح
زينب: ههه بصح
ياسين: بصح يالاه هووووب اجي ندوش لبنتي
زينب: هههههه لا ياسييين ههههه
بعدما سالينا الدوش و بسالات ياسين لبسنا حوايجنا و هبطنا نفطرو
ياسين: حبيبة عندي ليك مفاجأة
زينب: وااو اشناهي
ياسين: مغتبقاش مفاجأة إلى قلتها ليك
زينب: بفففف
ياسين: متبقايش تأفأفي غنسلخ والديك
زينب: 😏😏
خرجنا و غادين جيهة المطار
زينب: وايلي غنرجعو للمغرب
ياسين: حمقة ههههه
ركبنا في الطيارة و من بعد في يخت هو لي وصلنا لواحد الجزيرة 😍😍 روعة
زينب: واااو البلاصة كتحمق
ياسين: متكونش بحالك
مشينا لواحد اوطيل قريب كان ياسين ديجا حاجز فيه دخلنا لغرفتنا
زينب: وااع مكرهتش نعوم
ياسين: عومي شكون حبسك
زينب: نتا لي جايبنا بلا حوايج
ياسين: اصلا مغنحتاجوش لحوايج 😉
زينب: تا مالك ماسخ
ياسين: انا ندي حبيبتي تعوم في بلاصة مفيها حد
و فعلا خرجنا و تمشينا واحد لمسافة لواحد البلاصة خاوية فيها غير انا و ياسين حيدت كسوتي بقيت بدوبياس و ياسين بالشورط و دخلنا نعومو 😍 و نضاربو بالما بحال الولاد الصغار و ضروري من البسالات ديالو بقينا في الماء كتر من ساعتين حتى بدى كيبرد الحال و تطيح الضلمة خرجنا و جلسنا نقابلو منظر الغروب مع كلمات غزل من حبيبي 😍
هكدا دازت عطلتنا كلها عسل رجعنا لباريس مخلينا فين درنا و خديت كادوهات للكل و سالات سيمانتنا و هاحنا راجعين للمغرب الحبيب
رجعنا للمغرب كان الكل مجموع في الفيلا طبعا إلا حنان و مروان لي باقي مجاو وصلنا سلمنا على الكل مشيت جلست حدا بابا حيت بان ليا ماشي هو هداك بحال إلى عيان
زينب: بابا ياكما كاين باس بنتي ليا بحال إلى عيان
بابا:والو باس ا بنتي غير تمارة ديال المحل راك عارفة
😂😂😂😂😂 و هكدا دازت شهرين كلها عسل مكنتش عارفة انو بعد هاد الشهرين غتجي الصدمة لي غتصدمني صدمة حياتي 😨😨😢😢
دازت شهرين من بعد ما رجعنا من شهر عسلنا استأنفنا فيها الخدمة لمياء دوزات امتحاناتها و دابا كتسنى نتائجها حنان داها مروان لألمانيا باش يكمل شغلوا تما و يرجعو من بعد ما قرروا يستاقرو في المغرب سوما و ماما ديما جالسين عليا كاينة شي حاجة في الطريق نديرو ليك المساخن تشربي العشوب ههه حمقات ايمن هداك ديما تالف جابو غير رمضان دوزو معانا هو و العيد و هاهو هرب عوتاني 😂 علاقتي بحبيبي 😍 غادية و كتقوى واخا كنتخاصمو بعد المرات بحال نهار....
#فلاش_باك
كنا في ل beauty centre انا و لمياء
الكوافورة: نحيد ليك لي بوانت الالة
زينب: لا لا
لمياء: علاش لا حيديهم باش يقوى ليك واخا نتي شعرك تبارك الله قوي
زينب: لا ا ختي راه خوك قاليا متقطعيهش
لمياء: راه غير لي بوانت مغايدي مايجيب غير قطعيهم ليها
زينب: عافاك غير شوياا
الكوافورة: واخا ا لالة
نقصت لي بوانت و انا كنفكر في ردة فعل ياسين وواش غيعيق اولا لا كملنا و خرجنا نيشان للدار جمعت شعري باش ميشوفوش ياسين تعشينا و طلعنا للبيت يالاه دخلنا كان ياسين ورايا حيد ليا القراصة
ياسين: مال بوكاهونتاستي خازنة عليا زينها
زينب في خاطرها "بوكاهونتاستك مقفراها "
تمشيت قدامو باش ندخل للدريسينغ رووم و هو يغزت ياسين
ياسين: زييينب 😡
انا كنقفقف ما كيعيط بسميتي إلا إلى كان معصب أو غادي يخاصم عليا درت عندو بسلو موشن عرفتو عاق بيا
زينب كترعد: ن نعام
ياسين: قطعتي شعرك
زينب: لا
ياسين: متكدبيش
زينب: غير شويكيك
ياسين مغوبش: انا اش قلت
زينب: متقطعيهش
ياسين: و علاش قطعتيه معندكش الحق هدا راه ممتلكاتي انا قلت هضرة و نتي لحتيها في الزبل و درتي لي في راسك
مشى خرج البالكون معصب كينكر بقيت شويا بدلت حوايجي و هو باقي متفشش في البالكون مشيت في اتجاهو ذلك و عنقتو من اللور زينب : ياسين بليز متتقلقش مكنحملش نشوفك هكدا
ياسين: الصمت
زينب: وا ياسييين 😢
ياسين: الصمت
زينب: راه قطعت غير شويا باش يزيد يطوال
ياسين جرها و دارها قدامو: تعاوديها نطوعك من هنا
زينب عنقاتو: هههه صافي منبقاش نعاود
#باك
ههههههه دابا شعري طوال كنت غادية ناكل العصا على شعري 😂 و عوتاني نهار....
#فلاش_باك
كنت يالاه خارجة من الدوش بالبينوار و كنمسح في شعري و مضاربة غير مع راسي واش نقول لياسين أولى منقولش حتى بان ليا داخل عيان مع الخدمة قربت حداه
ياسين خاشي راسو في عنقها: بالصحة
زينب: كتبان عيان دخل تدوش
ياسين: هي لا دخلتي معايا
زينب كتدفعو لجيهة الحمام: الله يمسخك انا يالاه خرجت منو
دخل ياسين يدوش و انا لبست بيجامتي و قررت نقوليه اش طرى اليوم خرج و مشا للدريسينغ رووم يلبس تبعتو لقيتو كيلبس السروال
زينب بصوت ملحن: ياسييين
ياسين: درتي شي كارثة
زينب: لا والله غنقوليك شي حاجة و متقلقش
ياسين: قولي نسمع
زينب: قبيلة فاش خرجت من الشركة كنت جاية للدار كانت ورايا واحد الطوموبيل و خلاتني حتى دخلت واحد الطريق خاوية و بدات كتكلاكصوني و تعطيني الضو الصراحة تخلعت مبغيتش نوقف حتى تقابلت معايا و كنسمع " مدام زينب وقفي خاصني نقوليك شي حاجة ضروري مدام زينب "
ياسين معصب: متقوليش ليا وقفتي
زينب بتلعتم: و و وقفت
ياسين خرجو عينيه: كيفااااااش واش تصطيتي
زينب: معرفتش الفضول لي خلاني نوقف
ياسين تعصب و عينيه حمارو كيغوت: واش حماقيتي اشمن فضول اش هاد التخربيق والمشكله في الخلا و قلتي الطريق خاوية باغية تخرجي ليا العقل و شكون وقفك بالسلامة
زينب: المهندس لي طردتي لي كان باغي يعطي المشروع ل the black
ياسين: كيفاش و اش بغا
زينب: قاليا راه السكريترة هي لي كانت همزة وصل بينو و بين the black و قاليا راه كتنقل أخبار الشركة لبرى لمن بالضبط معارفش
ياسين: و هادشي مالو مقالوش من الاول
زينب: معرفتش
ياسين: و علاش ميجيش عندي انا يقوليا هاد التخربيق
زينب: معرفتش ا ياسين معرفتش انا وقفني قاليا هاد جوج كلمات و مشى
ياسين بالغوات: وا علاش توقفي معاه من اصلو(غادي جاي قدامي معصب و يديه كترعد هز واحد الديكور لاحو في الأرض تشخشخ ) متهضريش معاه متوقفيش كملي طريقك كاع إلى ضطريتي توقفي سدي عليك بيبانك و عيطي ليا
زينب كترعد حيت شافتو معصب: وا صافي دابا موقع والو
ياسين صعر: كيفاش موقع والو واش كتفلاي باغا تخرجي ليا العقل 😡😡 (شاف راسو ممكن يغلط ) صافي زينب حيدي من قدامي غنخرج شي حاجة ماشي هي هاديك
مشيت تخشيت في الناموسية كنشهق بالبكا خلعني عرفت راسي غلطت ولكن منستاهلش هاد الغوات كامل هو خرج للبالكون كيبرد بقى واحد 30 دقيقة عاد باش حسيت بيه دخل و انا باقية كنتغبن جا تخشى حدايا و دورني عندو
ياسين: سمحي ليا غوت عليك
زينب: اهئ اهئ😭😭
ياسين: وا صافي راه تخلعت عليك سمعيني ا زينب اي حاجة فيها ريحة الخطر بعدي عليها راه منقدرش نتحمل توقع ليك شي حاجة و هدا حنا معرفناهش علاش جا أو اشنو غرضو أما بالنسبة للسكرتيرة من غدا نعرف اش تحت راسها و نكركبها غير نتي اي حاجة شكيتي فيها ماهياش قوليها ليا
زينب كتسمع: 😭😭😭😭😭😭😭😭
ياسين كيمسح ليها دموعها: وا باراكا من البكا راه غتلعني الملائكة إلى نعستي باكية تبغيها لراجلك
زينب: 😢😢 لا
ياسين: يالاه باراكا من البكا وريني ضحيكة
زينب: ههه ( بغات تنوض )
ياسين: اوا اجي لهنا حتى نتي غتنعلك الملائكة
زينب خرجو عينيها: علاش 😳😳
ياسين دوا معايا بعينيه
زينب ضرباتو لصدرو: ماسخ
ياسين: ياك لمك اجي نوريك المسخ كيداير
😂😂😂راهم بجوج ماسخين 🙊
أصبحنا وأصبح الملك لله اليوم مكاين حتى واحد في الفيلا سوما و موسيو العلوي و ماما و بابا مشاو للفيرما و لمياء مسافرة مع صحابها فقت على صداع ياسين لابس حوايج السبور كيبان تيتيز 😍
ياسين: نوضي المعكازة غنديرو الرياضة
زينب: اممممم حرام عليك مخليتينيش نعس البارح و زايدها اليوم مفيقني دابا ارحمني 😢
ياسين: وا نوضي يالمعكازة راه ترتشتي واحد شويا غيولي الباب ميدخلكش
نزلنا و مشينا لاصال السبور لي في الفيلا واااو كبيرة و فيها جميع الآلات و حلبة ديال البوكس بدينا التسخينات انا عييت من 10 دقايق الأولى مموالفاش ليا قلت واقيلا مع قلة النعاس و سي ياسين قاليك باغي يعلمني فنون الدفاع عن النفس و يعلمني للبوكس
زينب: وا ياسين مبقيتش نعاود مبقيتش نهضر مع حد و الله غير خليني عليك دابا
ياسين: اجي لهنا لابد تعرفي تصرفي
زينب: غندير رشاشة ديال البزار في صاكي ا سيدي لي دوا معايا نرشها ليه في عينيه
ياسين: ههه اجي لهنا من التبعصيص
بدى كيعلمني كيفاش ندافع على راسي و مكايس و انا مسخسخة ممركزاش معاه كاع مرة مرة كيضربني لراسي باش نفيق معاه صافي حتى جلست ليه في الأرض و سرحت رجلي
زينب: صافي هدا جهدي منزيدش معاك الضربة
ياسين ضحك عليها و هزها: يالاه اجي ا بوكاهونتاستي نفطرك
زينب: 😍😍
بقى من داك النهار و هو كيدربني حتال يومنا هدا و مكايس عليا حيت صحتي على قد الحال 😂😂
نرجعو للحاضر
أصبحنا وأصبح الملك لله
فقت اليوم قبل من ياسين كنشوف فيه ناعس قدامي زويين و كيوت معرفتش اش جاني عليه شديت وجهو بين ايدي و نزلت بستو من شفتو التحتانية و حناكو و دخلت نيفي في عنقو كنشم في ريحتو و نعاود حتى كنحس برجفتو حل عينيه و هز ليا وجهي
ياسين: المشاغبة مالك معايا على الصباح...
مخليتوش يكمل تلاحيت ليه على شفايفو و كنبوس في كل جزء في وجهو و في عنقو 😨😨 معرفتش منين جبت هاد الجرأة كنبوس و كنتمخشش فيه معمرها كانت ليا
ياسين مستغرب و عاجبو الحال: واش كنحلم
زينب حشمات و معارفاش مالها: سمح ليا
ياسين: حمقة نتي اجي لهنا
قلبني تحتو و نغامسنا في عالمنا على الصباح
بعد مدة متكي ياسين ضهرو على الناموسية و واخدني في حضنو
ياسين: حبيبتي مغتمشيش للخدمة
انا يالاه حلات ليا النعسة
زينب: اممم لا بغيت نعس
ياسين: اوكي انا غادي(باسها في راسها )
زينب بصوت تقيل: ياسين لبسني عاد سير
ياسين: هههه اوكي بلاتي نجبد ليك متلبسي
زينب: لا لبسني تيشورت ديالك
ياسين: لا نتي بيك شي حاجة اجي لهنا
لبسني تيشورت ديالو و دخل للحمام يدوش و خرج لبس حوايجو و خرج و انا غرقت في نعاسي و انا كنشم ريحتو في التيشورت
#في_ايطاليا
مراد كيدوي في التيليفون: مزيان تأكدتي بلي طردها
المهندس: وي ا سيدي طردها بعد داكشي لي قلت لمراتو
مراد: وي كنت متأكد داكشي علاش صيفطتك عند مرتو ماشي عندو هو
المهندس: و علاش
مراد: حيت هو دكي غيغرقك بالأسئلة ماشي فحال مراتو كانت خايفة باغة غير امتى تسالي هضرتك
المهندس: اه فهمتك اسيدي و لكن واش مخفتيش هاديك السكريترة تقوليه شي حاجة
مراد: لا حيت عارفة إلى حلات فمها بحرف واحد مصيرها القتل
المهندس: فهمت ا موسيو
قطع مع المهندس و دخلت عندو احلام صاعرة ووراها مها
احلام: امتى غنهبطو فحالنا للمغرب 😡 أو راه دازت شهرين و الزيادة
مراد: مالك محيحة صبري مبقى والو و اصلا بديت كنمهد لحبيب القلب باش نفرقو مع مرتو غير بقاي ليا على خاطرك
احلام: بصح 😍 اش درتي
مراد: غنصيفط ليه صوفيا تولي سكريتيرة ديالو و تحاول تغريه حيت هاديك الفاشلة لي كانت قبل منها مدارت والو 😏
احلام بالغوات: كيفااااااش جيتي تكحلها عميتيها اويلي على صوفيا
مراد: سمعيني صوفيا غير تسالي مهمتها و غتغبر و ديك الساعة ديري لي عجبك و متبقايش تنقزي عليا هنا 😡
تورية: صافي أ احلام سمعي من خوك
ضربات رجليها مع الأرض و مشات
نرجعو للمغرب و بالضبط في المستشفى
عند ياسين
ياسين: كيفاش تخبيو عليها موضوع مهم بحال هدا
سوما: ولدي راه باها لي مبغاش يشطنها
ياسين: ولو كنتو على الأقل تقولوها ليا انا نعرف كيفاش نقنعو
محمد: ولدي تهدن خلي يخرجو الأطباء و يقولو لينا حالتو
ياسين: الحاجة اشنو قالو ليك الأطباء المرة الأولى
الباتول: 😭 اولدي قالو ليه خاصك تدير عملية ما حد المرض باقي منتشرش و تبع الدوا و لكن مبغاش عييت معاه ووالو حتى من باباك و سوما حاولو يقنعوه و لكن لي في راسو في راسو
ياسين: انا غنعيط لزينب
الباتول: عيط عليها اولدي تالين غنبقاو مخبين عليها
عند زينب
كنت في غرق نعاسي حتى سمعت صوت التيليفون مجاوبتش في الاول حتى سمعتو عاود و انا نهزو لقيتو ياسين
زينب بصوت ناعس: الو
ياسين: حبيبتي
زينب: اممم
ياسين: سمعيني اجي لعندي للمستشفى ***
انا سمعت المستشفى و انا نقفز و دموعي وصلو فين بغاو
زينب: 😭😭 ياسين واش واقعة ليك شي حاجة متكدبش عليا
ياسين: حبيبة و الله ماواقعة ليا شي حاجة غير اجي
قطعت معاه نضت تالفة دخلت دوشت بالزربة و خرجت لبست حوايجي و دموعي مبغاوش يحبسو و قلبي مقبوط عليا هبطت لقيت لمياء يالاه داخلة بباليزاتها
خرجنا من الدار انا و لمياء توجهنا نيشان للمستشفى طريق طوالت و انا خاطري ممهنينيش و قلبي غادي يخرج من بلاصتو كاع الاحتمالات حطيتهم وصلنا نزلت رجلي تقالو عليا تميت داخلة مشيت مع الكولوار و لمياء شادة فيا حتى شفت ياسين واقف قدامي على رجليه حمدت الله و لكن شكون ادا في المشفى سرحت عيني بان ليا موسيو العلوي و حداه سوما و في الجهة لي مقابلة معاهم كاينة ماما و عينيها منفوخين بالبكا تهز قلبي من بلاصتو عرفتو بابا تفيكسيت مقدرتش نزيد كنقلب في ملامحهم على شي واحد يقول ليا شي كلمة تطمئني والو قرب حدايا ياسين شدني طلقاتني لمياء و مشات حدا ماماها و انا كنشوف في ياسين و كنهضر معاه بعيني و كنحاول نفهم باش غيجاوبني ساعة اكتفى بأنه يجمعني في حضنو بلا ماينطق حتى كلمة لا بعينيه و لا بفمو بعدت عليه و تمشيت جيهة ماما لي جالسة في الكرسي و دموعها معمرين وجهها هزات ايديها و خشاتني في حضنها
زينب بصوت باكي: ماما اهئ بابا 😭
الباتول: دعي معاه ابنتي ربي يشافيه لينا
زينب: اش عندو متخبيش عليا
الباتول: باك عندو كونصير و عرفنا هادي 3 أشهر و الزيادة و مبغاناش نقولوها ليك باش ميبرزطكش
زينب تجمع عليها كلشي بين غضب و خوف ولات غا كتخرج من فمها لي لقاتها: كيفااااااش منتبرزطش كيفاش 3 أشهر كيفاش تخبيو عليا واش باغين تحمقوني و شكون عرف واقيلا كلشي عارف إلى انا الهبيلة الزيادة لايحيني لتوش(اتاجهات عند ياسين ) حتى نتا كنتي عارف دوي عارف و غايب بيا مسافرين و مرتاح ولى على بالك ياك
موسيو العلوي: تهدني ا بنتي ياسين ماكان عارف والو حتال اليوم الصباح و غير عرف عيط ليك
سوما: اه ابنتي موضوع المرض عارفة بيه غير انا و عمك و حاولنا نقنعو باباك بالعلاج مقدرناش و كانت رغبتو هو انك متعرفيش لانو عارفك متعلقة بيه و مغتستحمليش
بقيت كنسمع ليهم و دموعي دايزين شلال و مشيت لملجئي للحضن لي كنرتاح فيه مشيت تخيت في ياسين شادة فيه يايدي بجوج و مزيرة مخبية وجهي في صدرو و هو محاوطني كذلك خايفة و قلبي مزير بقيت مدة و انا في حضنو حتى سمعنا الباب تحل و تهز معاه قلبي خرج الطبيب و على وجهو علامات القلق و الأسف مشينا قربنا حداه
موسيو العلوي: دكتور امدرا
الطبيب: الصراحة مكاين منخبي عليكم المريض كيلفض انفاسو الأخيرة
الباتول: 😭😭😭😭😭😭😭
سوما: الله و اكبر
انا رجلي فشلوا عليا كوما ياسين لي شادني
الطبيب: شكون هي زينب المريض بغا يشوفها
انا مزيزنة مبقاش عندي حتى الصوت باش نهضر طلقت من ياسين و دخلت عند بابا للغرفة كنشوف فيه و عيني دايزين بالدموع نبكي و نقول مبكيت وصلت حدا السرير ديالو و بست راسو هز عينو فيا و قال
العربي: بنتي الغزالة نوارت داري تهلاي في راسك و في ماماك و في راجلك و عائلتو و حتى هما قولهم يتهلاو فيك و عرفي بلي خبيت عليك مرضي غير باش منشطنكش و عرفي بلي كنبغيك
زينب: 😭😭😭😭😭😭😭😭 علاش مبغيتيش تعالج ا بابا
العربي: ماشي وقت هاد الهضرة ابنتي
و بداو مؤشرات القلب كيصدرو الصوت و كيطلعو و يهبطو حتى جاو الطبيب و الممرضات خرجوني و سدو الباب مشيت تخشيت في ياسين
ياسين كيمسح على شعرها: شششششش ان شاء الله ميوقع والو
شويا تحل الباب كان الطبيب بملامح ممحية شاف فينا و قال
الطبيب: الباراكا في راسكوم
زينب: لاااااااااااااااااااا بابااااااااااااا
طحت على ركابيا كنبكي و ياسين هبط عندي خداني في حضنو
ياسين: الباراكا في في راسك
زينب: لا ا ياسين قوليا راه غير كيكدبو قوليا راني غير كنحلم 😭😭😭
ياسين: زينب الصبر كلنا ليها
جات لمياء تخشات حدايا و عنقاتني بايديها بجوج و كتبكي و حتى انا لقيت الراحة في حضنها و جلست نبكي
أما ماما سخفات و داوها موسيو العلوي و سوما للغرفة باش ترتاح
عند سوما
الباتول بدات كتحل عينيها و تفكرات بدات تبكي
سوما: الباراكا في راسك 😢😢
الباتول: ما مشى معاك باس
موسيو العلوي: ان لله وان اليه راجعون و دابا خاصك توكدي و توقفي مع بنتك لي حتى هي حالتها حالة
الباتول: ان شاء الله
موسيو العلوي: و انا و ياسين غنتكلفو بكولشي
الباتول: الله يكتر خيركم سمحو لينا ديما معدبينكم
سوما: متقوليش هكدا راه حنا عائلة
عند زينب
تكلف موسيو العلوي و ياسين بكلشي المستشفى و الدفين و الجنازة و كلشي جاو حنان و مروان غير سمعوها شدو الطيارة و جاو جا ايمن حتى هو و جا واحد عمي و عائلتو جوج ولادو و بنتو و مرتو عمرات الدار بالعائلة و انا مبغيت نشوف حد سديت عليا في بيتي مكنهضر مع حد من البارح مني جينا من المشفى دخلو عندي حنان و لمياء و مروان و ياسين و ايمن و علي و مريم كلشي سلم عليا و عزاني و انا مكنهضرش بقاو معايا شحال حتى طاح الظلام و جاو الناس حيت اليوم العشا و مع دلك مخرجت مهضرت دازت سوايع و انا بوحدي في البيت دموعي على خدي و عقلي معرفت فين سارح و كنسمع غير صوت القرأن حتى دخل عليا ياسين قرب حدايا جلس فتح ليا ايديه تلاحيت في حضنو داك الحضن اي كيحسسني بالراحة و الأمان الملجئ ديالي مني كنكون فرحانة و لا مقلقة و لا خايفة و لا باغا نتخبى الحضن لي كيدخلني لعالم ياسين لي كيحسسني أنني ماشي وحيدة هزني حطني على رجليه بحال شي بنت صغيرة في حضن باها انا عطيتها غير للبكا و هو كيلعب ليا في شعري و في ضهري حتى ترخيت و داني النعاس 😴😴
أصبحنا و اصبح الملك لله
فقت على ايدين ياسين كيلعبو في وجهي
ياسين: صباح الخير اليوم بغيت نسمع صوتك
زينب بصوت باكي : صباح النور 😢
ياسين: حبيبتي انا خلي إيمانك قوي عارفها مساهلاش و لكن معندنا منديرو و دابا نوضي دوشي و لبسي و هبطي تفطري
نضت درت داكشي لي قال ليا و لبست جلابة و لويت عليا زيف و خرجت شد فيا و هبطنا كانو الناس جيران و شي وحدين من العائلة شي كنعرفهم شي مكنعرفهمش بانت ليا الباتول جالسة مشيت تخشيت فيها
الباتول: كي بقيتي ا بنيتي
زينب: الحمد لله و نتي
الباتول: الحمد لله معندنا منديرو
عيط ليا ياسين نضت من وسط الجماعة و مشيت لعندو جرني للكوزينة لقيتو موجد ليا ماناكل طحت فيه عمية كليت واخا معنديش شهية كملت غسلت و خرجنا من الكوزينة شدني ياسين
ياسين: حبيبة انا غنمشي للخدمة و في الليل نجي كولي و ردي البال لراسك اوكي و إلى كانت شي حاجة عيطي لي
زينب: اوكي
عند ياسين
خرجت تلاقيت مع امين يالاه جا هو و كريمة و جايا معاهم حنان و لمياء و مروان و ايمن بركت نوصي في البنات
ياسين: سمعوني متخليوهاش بوحدها فينما مشات تبعوها و إلى وقعات شي حاجة عيطو ليا و انا كل شويا نعيط عليك أ لمياء هي تيليفونها معرفت فين لايحاه اوكي
لمياء: اوكي كون هاني
ايمن: و نتا فين غادي
ياسين: عنمشي للشركة نطل عندي واحد الخدمة مبرزطاني
ايمن و مروان: تسنا نمشيو معاك
ياسين اوكي يالاه
عند زينب
كنت جالسة مخشية في ماما حتى بان ليا امين داخل مشيت تخشيت في حضنو و بديت كنبكي بالصوت و هو محاوطني و كيسكت فيا و كلشي لي داير بيا كيبكي بقيت مدة في حضن امين من بعد هزيت راسي شفت كريمة شداتني عنقاتني و داتني جلساتني بقيت متكية على صدرها دخل امين سلم على ماما و خرج بقيت جالسة شحال كنسمع أحاديث العيالات و هضرة منها و هضرة من لهيه وقفت وقفو معايا البنات عرفتها أوامر ياسين طلعت لبيتي و دخلو معايا
حنان: صحايبتي كي بقيتي شويا
زينب: نقولو الحمد لله
كريمة: الصبر ا حبيبتي و دعي ليه بالرحمة
زينب: انا لي مقلقني أنني مكنتش معاه و هو مريض محسيتش بيه و هو كان ديما معايا انا أنانية 😭😭
لمياء: متقوليش هاد الهضرة باباك كان باغي يشوفك ديما فرحانة مكانش باغي يشوف نظرات الحزن في عينيك داكشي علاش طلب منهم يخبيو عليك
زينب:😭😭😭😭 توحشتو
حنان: دعي معاه بالرحمة و باراكا من البكا
زينب كتمسح في دموعها: الله يرحمو
الكل: امين
في المساء جا ياسين لقى الدار بدات كتخوى شويا بقاو غير شي ناس من العائلة و عائلتو و عائلة حنان سلم عليهم و جلس حدايا قرب حدا وذني
ياسين: حبيبة كي بقيتي
زينب شافت فيه تبسمات ابتسامة باهتة: الحمد لله
ياسين حط ايدو على كتفها: الحمد لله
تعشينا و مشاو الناس بقا غير عمي وولادو
طلعت انا و ياسين لبيتي عينيا كيتلسقو بالنعاس
زينب: مشيتي للشركة اليوم
ياسين كيشوف فيها عينيها كيتلصقو و معارفاش علاش كتقلب قرب حداها جبد ليها بيجامة: اه اجي نلبسك
لبسني و عطاني الماء شربت حيت كان فيا العطش و هزني حطني فوق الناموسية و تخشى حدايا كيلعب ليا في شعري حتى نعست 😴😴
دازت تلات ايام
في هاد 3 ايام داني ياسين للمقبرة شبعت فيها بكا عوتاني و جيت محطمة وليت كل نهار مخشية في ماما الناس ديما عندنا البنات و الدراري مفارقونيش كيجيو كل نهار حتى سوما مفرقاتش ماما باقيين معانا دار عمي و لي جمعنا اليوم الصباح انا و ماما قالك موضوع مهم
صفقة زواج من متعجرف الجزء 14
محتوى القصة
التنقل بين الأجزاء