صفقة زواج من متعجرف الجزء 16

حياة: جلس ا ولدي نيت نحيد عليا التقليد 

ايمن: ماما انا مبغيت نعرف والو و ممستعدش (بس: ايمن مني كانت عندو 4 سنين و هو كيقوليها ماما ) 

حياة: حتال امتى ا ولدي جلس اصلا هادشي لي غنقول لزينب كيخصك حتى نتا 

ايمن: واخا أمري لله 

انا مبلوكية كيفاش قصتي كتخص حتى ايمن و اشمن علاقة بيناتنا بقيت غير كنشوف و حالا وذنيا مستعدة نسمع كل حرف غتنطقو مامات ياسين واخا عارفة انه ممكن يضرني خاطري انه ممكن يكون صعيب و مكاينش حتى ياسين لي يخشيني في حضنو و يواسيني " قولو ليا ياسين هو نيت خاصو من يواسيه " بقيت تايهة في أفكاري حتى خرجني صوت خالتي حياة 

حياة: مني كنت صغيرة و انا و صاحبتي خديجة مكنتفارقوش نخرجو بجوج ندخلو بجوج كنا ساكنين في حوما و على قدنا معندناش و مخاصناش انا كانت مربياني جدا أو خالي و خديجة كان عندها واليديها و لكن باها كان قاصح شويا المهم حنا من صغرنا حلينا عينينا في بعضياتنا حتى درنا 18 عام وصلنا الباك و كنقراو مع بعضياتنا واحد النهار راجعين من الليسي 

#فلاش_باك

خديجة: واش شفتي لي شفت 

حياة: اش شفتي 

خديجة: واتي دار با المعطي لي باعها شوفي شكون خارج منها 

درت نشوف لقيت واحد الشاب غيكون في العشرينات عندو حقو من الزين و لابس مزيان و ريحتو سابقاه في الحوما كاملة 😍 

حياة: شكون هدا 

خديجة : ملاك بوقوص 

حياة: ههههه زيدي زيدي دابا مرت خالي تسمعني الموشح اليومي 

خديجة: 😨ويلي حتى انا نسيت بابا 

مشينا كل وحدة دخلات لدارها الغد 

دركاتني خديجة باش نمشيو لليسي 

خديجة: وا سربي ا صاحبتي راني جبت الدوسي ديال البوكوص 

حياة: وايلي حتى حاجة متفلت ليك تقوليك المقدم ديال الحوما يالاه قولي 

خديجة: اوا سمعي الالة سميتو عبد الواحد عندو 20 عام كيقرا في لافاك لي حدانا و ساكن هو و مو و ختو في الدار 

حياة: اوا مزيان يالاه خففي رجليك راه تعطلنا دابا يسدو علينا الباب

دازت أيامنا هكداك ولينا كنتلاقاو عبد الواحد في الحوما و يقول لينا السلام و بعد المرات يوصلنا لليسي و يمشي هو لافاك مع المدة بدا كيتسلل الحب لقلبي ديال عبد الواحد و حتى هو اعتارف ليا و تصاحبنا و كان مواعدني غير يكمل القرايا يجي يخطبني بقينا في علاقة والصراحة هملت صاحبتي خديجة مبقيتش سولت فيها و لا خرجنا فيما كنخرج من الليسي نمشي معاه و نرجع معاه كنت كنشوفها غير في القسم و هي ديما كانت كتقوليا نسيتيني انا ديك الساعة كنت معميا بالحب و مرديتش البال لصاحبتي لي خليتها تكرهني بسبب تصرفاتي كملنا العام انا نجحت و هي لا ممشيتش عندها مواسيتها كان كل همي نمشي عند عبد الواحد و نقوليه راه نجحت دازت شي سيمانة و خديجة مكتخرجش من دارهم و انا مع غير الدار كنت كنمشي مع مرت خالي للخدمة كانت كتطيب في العراسات داك النهار لي غتبدل فيه حياتي درت السبة بالحمام و خرجت نشوف عبد الواحد مشينا لواحد القنت و بقينا نهضرو و نضحكو شويا دايزة خديجة عينيها منفوخين بالبكا و ضعافت و وجهها صفار كنت باغا نمشي عندها ساعة حبسني و قال " بقاي معايا هي كتشوفيها ديما" و فعلا درت راسي مشفتهاش و كملت ضحكي معاه و هي حدرات راسها و مشات مكنتش عارفة انها مشات لخليان عشتي 

رجعت للدار تلقى ليا خالي بجوج تصرفيقات و مرت خالي بالنتيف و القريص و كتردد " ياك الشايطة هادي هي تربيتنا هدا هو جزاءنا جالسة تتمعشقي في راس الدرب ا دوي كوما صاحبتك نبهاتنا كوراه معرفت فين ولينا " جدة تفك و هما حلفو ميتفرقو معايا حتى كليت طرح ديال العصا و حبسني في الدار منخرج مندرج حتال نهار جا و قال " وجدي راسك في العشية عندك ضريب الصداق " نزل عليا الخبر بحال الزلزال و لكن معندي مندير فكرت نهرب فكرت نتاحر فكرت في بزااف ديال الحوايج و لكن مبغيتش نهبط راس خالي الأرض وسط الحوما و هو خيرو سابق و فعلا جاو الناس و درنا ضريب الصداق و انا مكنعرف لا عريس لا عائلتو لا حتى واحد درنا العرس و كانت هاديك اول مرة نشوف سي العلوي الصراحة كان كيبان ضريف و الله يعمرها دار عمرو مجبرني على شي حاجة و عرفت انه شافني فشي عرس كنعاون مرت خالي عجبتو سول عليا و جا خطبني من عند خالي كان و نعم الزوج و عيشني ملكة دازت فترة و حملت بياسين و قررت نمشي للحومة نشوف خالي و مرت خالي و جدة و فعلا مشيت حتى كنتفاجئ بداكشي لي قالت ليا مرت خالي 😨😨

مشيت تطمئنت على عائلتي و خبرتهم بلي جايني مولود في الطريق و جلست شويا و تفكرت صاحبتي خديجة الصراحة محقدتش عليها لأنني حتى انا كنت أنانية بزااااف في رمشة عين تخليت عليها و درت راسي فحالي عمرني عرفتها وقفت باش نمشي نشوفها و هي تشدني مرت خالي 

مرت خالي: جلسي فين غادية مسكينة صاحبتك دارت فيك خير و خرج ليها ببومزوي 

حياة: 😨 اويلي علاش 

مرت خالي : على ماشي داك عبد الواحد من نهار مشيتي و هو عاطيها للحشيش و الشراب و الفنيد حتى ولى مايسحاش و معرفت منين سمع خبار أن صاحبتك هي اللي قالت لينا على علاقتكم خلاها حتى خرجات من دارهم و تعرض ليها داها لشي خلا و تكرفص عليها و شعبها عصا و خلاها مليوحة تما و زاد كوما المحسنين داوها للسبيطار 

حياة: اويلي هادشي كولو طاري ليها و دابا هي كيدايرة 

مرت خالي: اوا بقات في السبيطار شحال ديكلارات بيه و شدوه و مو طلباتها تسمح ليه و هو يصلح غلطو و داكشي لي كان تزوج بيها و راه معيشها في العذاب و ساد عليها الزنقة متشوفهاش و راه تصابت حاملة 

حياة: 😭😭😭😭😭 الله يا ربي صاحبتي مسكينة شحال بقات فيا و هو معرفتوش هكدا 

مرت خالي: حمدي الله لي تفكيتي منو و صاحبتك الله يدير ليها تاويل ديال الخير 

حياة: 😭😭 امين 

خرجت مصدومة من دار خالي تلاقيت معاه في الحوما معرفتوش كي ولى كيتلاوح و الحوايج كيفاش دايرين يحسن عوان صاحبتي مسكينة 😭 بقى كيشوف فيا شحال و حتى انا شويا جا كيتلاوح و قال " خليتيني على ود الفلوس طماعة كلكم بحال بحال غنتاقم منكم كاملين و بديت بهاديك لي فرقاتنا" و مشى و خلاني غارقة في دموعي على صاحبتي داز الوقت وولدت ياسين كان حياتي كاملة و حتى محمد كان هو عينيه كنمشي مرة مرة نشوف دار خالي و كنبقى مقابلة الحوما و دار هاداك لي ميتسماش على أمل نشوف خديجة والو دار ياسين 4 سنين كان ولد شقي و دكي و متعلق بيا بزاف مشيت داك النهار نشوف جدة كانت مريضة و انا خارجة من دار خالي بانت ليا صاحبتي جالسة قدام الباب و معاها دري صغير و سيكان فيهم حوايجها جلست ياسين في الطوموبيل و مشيت لعندها جلست حداها الله على صاحبتي كي ولات ضعافت و اتار الضرب و التعنيف باينة عليها 

حياة: السلام خديجة 

خديجة مشافتش فيا و غير سارحة و مخبية وجهها 

حياة: سمحي ليا 

خديجة: 😭😭😭😭 نتي لي سمحي ليا 

حياة: شششش بالعكس نتي لي خاصك تسمحي ليا 

عنقاتني و انا كذلك بادلتها العناق 

حياة: اش كتديري هنا بحوايجك 

خديجة: جرات عليا العدوزة حيت الراجل في الحبس شدوه على الحشيش 

حياة: و نتي اش غتديري كاين فاش نعاونك 

خديجة: إلى بغيتي تعاونيني دي معاك ولدي 

حياة: اجي معايا حتى نتي 

خديجة: لا اختي انا مبغيت نجبد ليك صداع و معارفاش داك الجلاخة امتى يخرج خفت على ولدي شي نهار يقتلو ليا بالضرب 

حياة:😨😨 كيفاش كيضربو 

عرات ليا دراعو و ضهرو كنشوف اتار الضرب زرقة في لحم ولد يالاه عندو 4 سنين بكيت حتى طبت 

خديجة: اشنو غتديري فيا هاد الخير 

حياة: اه غنديه معايا 

خديجة: الله يكتر خيرك هدا هو المضمون فيك 

حياة: متقوليش هكدا راه حنا خواتات اشنو سميتو 

خديجة: ايمن 

عطيتها نمرتي و عطاتني وراقيه و هزيتو و مشيت حطيتو حدا ياسين و جلست حداهم و مشينا للفيلا هضرت مع محمد و مقلتش ليه الحقيقة ديال واليدين ايمن غير قلت ليه راه من الحوما و بقى فيا و جبتو نربيوه حتى هو معتارضش بالعكس رحب بالفكرة و ربينا ايمن لي كان هادئ عكس ياسين و دخل الفرحة لدارنا بحكم أنني معاودتش حملت مورا ياسين ماجابش الله بقيت كنتواصل مع خديجة عام كامل حتى انقطع الاتصال بيها خطرة وحدة دار ايمن و ياسين 7 سنين كنا فرحانين بيهم و هما كيكبرو قدامنا محمد عمرو فرق بين ياسين و ايمن ديما شاري ليهم بحال بحال مخرجهم و داير معاهم الخاطر خالي تحول من الحوما من نهار ماتت جدة الله يرحمها و خديجة انقطع اتصالي بيها حاولت نوصل ليها ووالو حتال النهار لي عيطات ليا و كان النهار لي غتقلب فيه حياتي 😢

كنت جالسة بعدما تغدينا محمد خرج لخدمتو ياسين كيلعب قدامي و ايمن ناعس حتى جاني اتصال من نمرة معرفتهاش جاوبت كانت خديجة كتطلب مني نجي عندها للمستشفى لبست حوايجي و تميت خارجة لصق فيا ياسين ديتو معايا و توجهنا للمستشفى في طاكسي حيت الشيفور مكانش وصلت سولت عليها وراوني غرفتها دخلت و لقيتها ناعسة وجهها شاحب و حداها واحد الملاك 

حياة: خديجة ياك لاباس اش وصلك للمشفى و شكون هاد البنيتة متقوليش ليا بنتك؟! كي درتي ليها 

عمرتها بالأسئلة لأنني كنت مستغربة الوضع 

خديجة: بنتي ا ختي 😭 انا لي درتها لراسي عوتاني 

حياة:اويلي متقوليش ليا رجعتي ليه 

خديجة: رجعت كي شفتي هو دوز عامين في الحبس و انا في ديك العامين مني عطيتك ايمن و انا خدامة كنت معولة نجمع فلوس و نوقف على رجلي و نجي ناخد ايمن حتال نهار جا وقف عليا فين خدامة تخلعت و تبهضت و جريت عليه و بقى شحال وهو غادي جاي و كيقنعني راه تبدل و قاليا غنرجعو ايمن صافي حتى اقتنعت و رجعت معاه دازو شي 4 أشهر كنشوف سيد تبدل و دار عقلو قلت الحمد لله اكتشفت راسي حاملة و قلت ليه يالاه نجيبو ايمن سولني على فين هو قلت ليه عندك قال ليا واخا من بعد و نجيبوه بقى شحال حتال نهار خدا الفلوس كاملين لي كنت مخبية و رجع عوتاني داك الوحش لي غتاصبني ضرب و تعنيف و ممراعيش للحمل ديالي رجع يشرب و يتحشش و يقصر في الدار هو و صحابو و الق*** و كل نهار يتحلف عليا يقتل التيلاد لي في كرشي صبرت شويا و لكن مقديتش و خرجت هربت قبل ميقتلني انا و لي في كرشي مشيت دقيت البيبان حيت عارفة عائلتي غادين يرجعوني و يقولي ليا صبري خدمت عند واحد الناس في الفيلا دارو فيا خير واخا كرشي كانت لفمي بقيت خدامة عندهم حتال اليوم شدني الوجع و جابوني لهنا و لكن كنتفاجئ بالراجل لي خدامة عندو خلص عليا و مشى مرجعش و قال للممرضة قوليها مترجعش عندي و مطاح ليا حد في بالي من غيرك و عيطت ليك 

حياة: الله ا صاحبتي و اش داز عليك و دابا اش غتديري 

خديجة: حشمانة نطلبها منك تاني 

حياة: بغيتيني ناخد حتى البنت 

خديجة: إلى مبغيتيهاش عطيها لشي عائلة و لا حطيها في الخيرية على الأقل نكون مطمئنة عليها حسن متطيح في ايدين هداك الوحش 

حياة: لا هاد المرة غتمشي معايا نتي وياها و نقولو مشكلتك لمحمد راجلي راه يقدر يعاونك 

خديجة: لا انا مبغيتش نتقل عليك 

حياة: الله يهديك هاد الهضرة ماشي وقتها سمعيني انا غندي ياسين للدار كنت غنجيب معايا حتى ايمن و لكن كان ناعس ماعلينا قريب غتشوفيه ان شاء الله 

خديجة: ان شاء الله 

حياة: غندي ياسين للدار و نجيب محمد و نجي صافي تسنايني هنا 

خرجت ديت ياسين للدار و قلبت على محمد ملقيتوش خرجت باش نمشي لعندو للشركة لكن للأسف درت كسيدة 

🔙وهادي هي قصتي و قصتكم 

انا في حالة صدمة كيفاش دابا ايمن خويا انا عندي خويا و ماما كاع هاد العداب دازت منو و هداك الإنسان لي حاشا واش يكون انسان لي كان ناوي يقتلني للأسف هو الأب البيولوجي ديالي كترو عليا الصدمات و لكن الصدمة لي كانت قوية هي خويا هزيت عيني في ايمن لقيتو حمر و عينيه كي الجمرات و كيترعد شويا وقف معصب و خرج تبعاتو لمياء انا عاد فقت من الصدمات و تفكرت ياسين و درت عند خالتي حياة 

زينب: علاش ا خالتي مرجعتيش لحياتك 

حياة تبسمات لأنه عرفاتها كتفكر في ياسين: فاش درت كسيدة بقيت شهر غيبوبة حيت تلقيت ضربة على مستوى الرأس و مني فقت فقت صفحة بيضاء كنت فاقدة الداكرة 

زينب مصدومة:كيفااااااش 😨

حياة: كيفما سمعتي بقيت فاقدة الداكرة عامين و السيد لي ضربني هو لي تكلف بيا للأسف حتى واحد مسول عليا بقيت شحال كنت كنتدكر غير تشاش حتال نهار رجعت داكرتي و تفكرت ولادي لي غيكونو كبرو مشيت نيشان لعندهم للدار لقيتهم محتافلين بسبوع خت ياسين و الكل فرحان يااااه دغيا نساوني بقى فيا الحال و بكيت و غوت و لكن مبنتش ليهم وقف معايا السيد لي تكفل بيا و عرض عليا الزواج و مشينا للمحكمة و لقيت راسي مطلقة و تزوجت بابات راوية قلبت على خديجة والو ملقيتهاش تحولنا لطنجة و كان راجلي ديما كيجيب ليا تصاور ايمن و ياسين لي كتشوفي قدامك عمرني نسيتهم و لكن حتى انا مكانتش عندي الجرأة نواجههم و بالأخص ياسين 

زينب: 😭😭😭 هادشي كلو داز عليك 

حياة: الله يجعلها مغفرة الذنوب ابنتي متبكيش الله يرضي عليك 

زينب كتمسح في دموعها: واخا دابا سمحي ليا غنمشي 

وقفت و وقفات حتى هي شدات وجهي بين ايديها 

حياة: بنتي نقوليك واحد الحاجة 

زينب: مرحبا 

حياة: باينة عليك حالة حاملة

زينب: 😳😳😳

حياة: ههه متبهضيش انا كنعرف الحاملات من عينيهم ان شاء الله يكون لي في بالي صحيح و يجيني حفيد و ولدي يسمح ليا 😭 

زينب: ان شاء الله يكون خير ا خالتي خليت ليك الراحة

سلمت على خالتي و راوية وخرجت كنجمع شتات عقلي و نتفكر كل كلمة لا بل كل حرف قالتو خالتي حياة نزلت وقفت قدام ياسين طالبة حضنو و محتاجاه هو فهمني و جرني دخلني في ضلوعو بقيت مدة و هز ليا راسي دار وجهي بين ايديه و قال 

ياسين: اش واقع و مال ايمن خرج معصب 

زينب تفكرت ايمن: فيناهو دابا 

ياسين: مشا و تبعاتو لمياء باش متخليهش بوحدو 

زينب: اه اوكي 

حنان: و دابا قولي لينا اش عرفتو لفوق خلا ايمن فديك الحالة 

زينب: مقادراش نهضر و لكن الحاجة لي نقدر نقول ليكم هي انا و ايمن خوت 

حنان: كيفااااااش 😳

مروان:😳😳😳

ياسين: 😳😳😳😳😨😨😨😨

عند لمياء 

لمياء: ايمن نقص شويا من السرعة مالك باغي تقتل راسك 

ايمن : الصمت 

لمياء: اوكي مبغيتيش على ودك شوف راه انا معاك زعما مخايفش عليا 

ايمن : الصمت 

بقى ساكت و كنحس بالسرعة كتنقص تدريجيا و ايمن مرفوع مساهلاش تعرف هادشي كامل على واليديك 😢 مساهلاش تعرف راسك ضحية اغتصاب 😭 و سيرتو أن ايمن مكانش باغي يقلب عليهم تلقاه كيقول في خاطرو انا اش جابني كنشوف الحزن في عينيه معرفتش فاش كيفكر و كيفاش كيحس بغيت نواسيه و معرفتش فضلت الصمت حتى نوصلو و ناخدو بين ايدي 

عند حنان و مروان في الطوموبيل 

حنان: فهمتي شي حاجة 

مروان: بالعما كيفاش هي و ايمن خوت 

حنان: و الله معرفت آخر حاجة كنت نتوقعها أن زينب يكون عندها اخ و هي لي دايما تضارب معايا على امين 

مروان: ملقيت منقول مسكينة زينب حياتها تقلبت رأسا على عقب في سيمانة وحدة 

حنان: دابا هي علاش قررات تبقى في طنجة 

مروان: ممكن حيت عيانة مشفتيش وجهها 

حنان: اه مسكينة عجينة ايدي الله يكون معاها 

مروان: امين 

عند زينب 

قتارحت على ياسين نبقاو هنا اليوم بحجة عيانة باش نخليه يمشي عند ماماه و فعلا جاتني واحد الدوخة شديت راسي غير بزز عيا فيا ياسين نديك للطبيب مي مبغيتش 

دخلنا للاوطيل ياسين خدا شومبر هزني و طلعنا ليها هازني و انا خاشية وجهي في عنقو الله على ريحة(الوحم 🙊) دخلنا للغرفة و حطني فوق الناموسية 

ياسين: حبيبتي ارتاحي 

باسني فوق راسي و تم نايض شديتو من ايدو و قلت 

زينب: لازم تعرف كلشي 

ياسين: ماشي دابا 

زينب زيرت على ايديه : لا لازم تعرف و دابا 

جلس حدايا و شد ايدي و قال 

ياسين: كنسمع

زينب: اوا ا سيدي........... 

عودت ليه كلشي لي قالت ليا ماماه نعاود و نستاراح وصلت حتال فين عودات لايمن و دموعي مبغاوش يحبسو مني كنتفكر اش داز على ماما 😭😭😭 خداني في حضنو كيواسيني بالعبارات ديالو لي كتخليني نحس بالأمان و فعلا عندي لي واقف معايا و عمرو يتخلى عليا سكت شويا و عاودت ليه قصة ماماه و علاش مشات معاودش ليه داكشي لي قالت على الحمل بغيت حتى نتأكد 

زينب: اوا هانتا سمعتي قصة ماماك 

هزيت عيني لقيتو مصدوم وجهو مفيه حتى تعبير😢 قلبت في ملامحو باش نعرف باش كيحس و والو اكتفيت أنني نجرو و نحط راسو على صدري بقى مدة عاد خرج من صمتو 

ياسين: هي انا ضلمتها؟! هي حكمت عليها مسبقا؟! هي عشت حياتي في الظلام و انا متأكد انها سمحات فيا بلى منعرف ضروفها؟! هي كان عندي الحق في الاول فاش حملت سي العلوي مسؤولية غيابها؟!

زينب: ولكن هو باش غيعرف 

ياسين معصب ناض: علاش ميقلبش عليها؟ واش اعباد الله مرتو مجاتش للدار و مقلبش عليها و صابح الغد يقولينا متقلبوش عليها 😡😡 

زينب: ياسين تهدن 

ياسين: كيفاش غنتهدن قولي ليا 21 عام و انا كنلومها مرة نكرهها مرة نبغيها مرة نتوحشها مرة نقطع تصاورها 21 و انا حابس راسي مكنعرف حد و مدخلت حتى واحد لحياتي خوفا من انو نتعلق بيه بحالها و يمشي و يخليني 21 عام و محاولتش نقلب عليها اش كنفرق دابا انا على سي العلوي قولي ليا 

زينب: ياسين متحملش راسك المسؤولية نتا مكنتي عارف والو و حتى نتا حياتك مكانتش حسن منها صعيب باش تعيش 21 عام بعيد على ناس صغر داز بالعنف و فاش كبرتي دفنتي راسك في الخدمة شوف فيا اكيد ماماك غتفهمك اكيد عارفة و متأكدة انه ولدها كان كيفكر فيها كيفما كانت هي كتفكر فيك 

ياسين: معرفتش اشنو كنت ندير بلا بيك 

زينب: انا ديما معاك 

ياسين: حتى القدر ديما جامعنا شوف الصدفة لي جمعتنا كان ممكن تجي تترباي معانا 

زينب: كنت غنولي ختك ههه

ياسين: لا اكيد كنت غنبغيك 

زينب:😍😍 حتى انا اكيد كنت غنبغيك

ياسين ابتسم و جرني لحضنو 

ياسين: احسن حاجة دار سي العلوي في حياتو هي زوجك ليا 

زينب خرجات من حضنو متحمسة: ياااي ياسين يالاه استوعبت انا عندي اخ و خويا هو ايمن ممصدقاش 

ياسين: حتى انا ممصدقش غتورتيني حتى في خويا 

زينب: هههه حتى نتا عندك ختك أخرى 

ياسين تبدلو ملامحو: عارف 

زينب: ياسين سير شوفهم باش ترتاح نتا باش قلبك يطمئن و يصفى 

ياسين: زينب مساهلاش راه 21 عام مشفتهاش 

زينب: عارفة و لكن تشجع و سير و كون اكيد مع هاد المشية غتولي ياسين آخر 

ياسين: نعسي من هنا لغدا يحن الله 

زينب: بغيت نبات بتريكوك 

ياسين: هههه و انا نبات عريان 

زينب هزات كتافها: نتا ديما بايت عريان 

ناض على وعدو و سعدو حيد التريكو عطاه ليا و بقى هو بالسروال فقط انا حيدت حوايجي بقيت بدوبياس و لبست تريكوه الله على ريحة مشيت تخشيت حداه دخلت وجهي في عنقو و نشمشم 

ياسين: وا رصاي راه غنقلبك و نصدقو فشي طاب و شي تحرك 

زينب كتشم: لا لا خليني مخشية هنا عافاك فيك ريحة زوينة 

ياسين: ههه سكرتي تاني 

زينب: علاش فاش سكرت قلتها ليك 😳

ياسين: هههه معقلتيش نعسي نعسي راني شاد راسي بزز 

بقيت نتمخشش فيه حتى داني نعاس 😴😴

أصبحنا وأصبح الملك لله 

ياسين: بغيت غير نفهم علاش مبغيتيش تمشي معايا و منين خرج ليا هاد الغرض في طنجة 🤔

زينب: مبغيت نمشي معاك حيت فكرت نخليك مع ماماك بوحدكم اكيد نتوما محتاجين هادشي و الغرض من بعد و تعرفو و دابا يالاه نخرجو 

ياسين: زيدي قدامي حتى نشوفو بلاناتك فين غادي يخرجونا 

خرجنا من الاوطيل متوجهين للطوموبيل 

زينب: ياسين انا غاناخد طاكسي 

ياسين: كيفاش طاكسي خليني نوصلك نيت نعرف لاش كتخططي 

زينب: والله مكنخطط لشي حاجة و دابا يالاه باي 

ياسين: اجي لهنا 

رجعت لعندو و بستو في حنكو و قلت 

زينب: نسالي و نتاصل بيك اوكي 

ياسين: اوكي خلي تيليفونك في ايديك و تهلاي في راسك 

توجهت للشارع شديت طاكسي و ياسين بقى واقف حتى زاد الطاكسي قلت لمول الطاكسي يديني للمشفى الصراحة هضرت خالتي حياة مخلانيش ننعس الليل كامل و مع انا الفضول واكلني مقدرتش نصبر حتال كازا قلبت على عيادة للنساء و هانا غادية ليها 

في بلاصة آخرة و بالضبط في منزل الغابة عند لمياء و ايمن لي كل واحد فيهم جالس مسند على باب بيت ايمن غير ايمن الداخل و هي برى 

لمياء: ايمن حل هاد الباب عافاك من البارح و نتا ساد عليك خلعتيني 

ايمن: الصمت 

لمياء: حل عافاك على الأقل خليني نعرف باش كتحس من ملامحك 😢 عارفة راسي مهما قلت مغنخففش عليك و لكن حل هاد الباب خليني قريبة ليك عافاك 😭 

ايمن: الصمت 

لمياء: واخا مبغيتيش على الأقل ضرب الباب جوج ضربات باش نعرفك راه كتسمعني 

بقيت شحال حتى فقدت الأمل و انا نسمع جوج دقات في الباب تنهدت الحمد لله على الأقل كيسمعني اكيد خاصو الوقت باش يرجع لينا 

عند ياسين لي وصل قدام دار الأم ديالو و واقف متردد واش يدق و لا يرجع منين جا عارف ان ورى هاد الباب كاين شخص مشافوش هادي 21 عام شخص كن ليه جميع المشاعر من نهار تزاد لدابا شخص الدنيا ضلماتو هو و ياه و بعداتهم على بعضياتهم واقف كيقول في خاطرو "ياسين إلى متشجعتيش دابا عمرك تتشجع " هز ايدو كترعد و قربها للجرس و دق 

سر سر سر

تسنيت شويا و هو يتحل الباب على وجه كنعرفو مزيان وجه والفت نفيق معاه و نعس معاه نفس الوجه نفس الملامح نفس الضحكة شافتني و هي تجمعها و عينيها غرغرو و معرفات متقول و انا اكتر منها حتى انا هاربين ليا الكلمات مساهلاش معارفش اش ندير و لا اش نقول بقينا كنشوفو في بعضياتنا شي 15 دقيقة و الأم ديالي دموعها غادية و كتزاد و صوتها غادي و كيتزاد حتى كنحس بيها غادية تطيح قدامي شديتها بين ايدي بسرعة قبل متطيح و هي تقول 

حياة:ولدي 😭😭😭😭

عاونتها و دخلتها للصالون جلستها كان تما الماء فوق الطابلة عطيتها تشرب خليتها حتى تهدنات عاد هضرت 

ياسين: علاش 

حياة: اكيد مرتك غتكون عودات ليك 

ياسين: بغيت نسمع من عندك 

حياة: من حقك أ ولدي 

بدات كتعاود ليا نفس داكشي لي قالت ليا زينب كتعاود و انا مركز مع كل حرف و كنسمع في صوتها لي كان كيعني ليا الأمان في صغري هو هو متبدلش ملامحها كذلك هما هما قربت حداها و مسحت دموعها بايدي و بست على راسها 

حياة: سمح ليا ا ولدي سمح ليا خليتك و مشيت و لكن ماشي لخاطري 😭😭 و الله ما لخاطري عمرني نسيتك لا نتا لا ايمن كنتو ديما معايا و كنت مرة مرة نمشي نشوفكم في المدرسة و بعد المرات كنت كنمشي لمباريات دياولك كانو فينما يضربوك قلبي كيبغي يخرج من بلاصتو سمح ليا 😭😭

ياسين: شششششش صافي خلينا ننساو الماضي و حتى نتي سمحي ليا حيت كنت كنلومك و حيت مقلبتش عليك 

حياة: لا ا ولدي متقولش هكدا معنديش لاش نسمح ليك نتا راه كبدتي 

ياسين: اللوم كلو على السي العلوي 

حياة: لا ا ولدي باك من أحسن و أطيب خلق الله عمرو خسر ليا و لا عاملني بشي طريقة ناقصة شوف كيفاش مقلبش عليا الله عالم بضروفو 

ياسين: واخا دابا نعرفو هاد الضروف 

حياة: ياسين ممكن نطلب منك طلب 

ياسين: مرحبا 

حياة: ممكن تعنقني 

حليت دراعي و خديتها في حضني هاد الحضن لي كان الأمان بالنسبة ليا فاش كنت صغير الحضن لي كنت دايما انا لي كنطلبو اليوم هي لي طالباه نفس الدفئ نفس الريحة و نفس الأمان هادي هي الأم ديالي الحمد لله لي سمعت كلام زينب و جيت فعلا كنحس براسي تحررت كنحس براسي لحت تقل من على كتافي بقيت حاضنها حتى سمعنا صوت الباب كان راجل غيكون في 60 من عمرو و معاه بنت صغيرة بعدت شويا و هما بقاو واقفين شحال كيشوفو فيا قربات ليا البنت 

راوية: و اخيرا شفت خويا و راك تيتيز مع راسك حسن من التصاور 😉

ضحكاتني بقيت كنشوف فيها و خربقت شعرها و قلت 

ياسين: اشنو سميتك 

راوية: نعرفك على راسي سميتي راوية عندي 17 عام و كنقرى في الباك و ان شاء الله نشدو و ندخل لكلية الطب لي في كازا 😍

ياسين: اياه هي جايا لعندنا مرحبا 

راوية: ربي يخليك و دابا يسمح ليا خويا التيتيز نعنقو 

ياسين فاتح دراعو و كيبتاسم لجرأة هاد الصغيورة: مرحبا 

خديتها في حضني و كنضحك هزيت عيني سلمت على داك الراجل لي عرفت انه زوج الأم ديالي و سلمت عليهم خاصني نمشي و هي توقفني الأم ديالي 

حياة: ياسين تسنى 

مشات دخلات جابت ليا معاها صورة فيها ايمن فاش كان صغير و واحد المرأة 

حياة: هادي كنت بغيت نعطيها لمرتك و لكن نسيت 

ياسين: هادي ماماها 

حياة: اه هادي هي الصورة الوحيدة لي بقات عندي ديال صاحبتي 

ياسين: و نتي دابا معارفهاش فين هي 

حياة: لا سولت عليها في الحوما قالو ليا مبقاتش بانت و عبد الواحد سمعت بلي مات بكسيدة 

ياسين: اوكي يالاه دابا نخليك تهلاي في راسك (باس راسها )

حياة: متقطعش رجليك ا ولدي 

ياسين : متخافيش ان شاء الله غنرجع 

راوية: خويا الزين مغتعطينيش نمرتك نبقاو نهضرو في واتساب 

ياسين ابتسم: هه يالاه قيدي *********06 

ليماء: يالاه بيناتنا واتساب بسلامة 

ياسين خربق شعرها: بسلامة 

نزلت من عندهم و دوزت نمرة زينب 

ياسين: حبيبة 

زينب: حبيبي ساليتي 

ياسين: وي فينك 

زينب: انا قدام البحر 

ياسين: اوكي بقاي تما هانا جاي

مشيت لقيتها جالسة قدام البحر و حاطة قدامها 1 2 3 4 5 6 ديال جبابن ديال الببوش هههههه برهوشتي هي برهوشتي مكتبدلش 😂

عند زينب 

خرجت من عند الطبيبة من بعد ما قالت ليا خبر لي خلا قلبي يفرفر بالفرحة جلست حدا البحر و كنتخيل عندي بيبي صغير بحال ياسين و لا شي زنوبة صغيورة و كنواعد راسي باش واخا يوقع لي وقع عمرني نتخلى عليه و ندير المستحيل باش نعيشو فرحانين حياتنا كاملة حتى شميت ريحت الببوش شفت في مول الكروسة ديال الببوش و قربت شويا حداه خديت الجبانية الأولى و تانيا و التالتة و فينما نسالي نقوليه يجيب ليا وحدة أخرى حتى وقف عليا ياسين كيضحك 

ياسين: الهبيلة دابا يضرك 

زينب: لا لا متخافش راه زوين جلس 

ياسين: نوضي يالاه نشدو الطريق خاصنا نمشيو عند ايمن راه عيطات ليا لمياء قالت ليك مني وصلو البارح ماخرج من بيتو 

زينب: اوكي يالاه 

خلص ياسين مول البابوش و مشينا شدينا الطريق و حنا كنهضرو مع بعضياتنا و على لقاء ياسين بماماه 

عند لمياء 

لمياء: دخلو 

مروان: فيناهو 

لمياء: راه الفوق من البارح مخرجش من البيت 

حنان: دابا فهمينا اش واقع 

لمياء: دخلو جلسو بعدا و نهضرو 

دخلنا جلسنا و بديت نعاود ليهم و هما حالين فامهم مصدومين 

حنان: اش هادشي يا ربي كل نهار قصة تجرك لقصة و مامات ياسين معرفتوهاش علاش مشات 

لمياء: ايمن خرج غير كملت هضرتها على ماماه وانا تبعتو بقات معاها غير زينب مقالت ليكم والو 

حنان: حتى هي خرجات صفرة و وجهها مكيتفسرش قالت لينا غير ايمن خويا و سكتات 

مروان: اوا راه مساهلاش عليها 

لمياء: اه بصح مساهلاش عليهم بجوج 

حنان: ان شاء الله هادشي كولو يبقى غير تعاويد و كلشي يتصلح 

لمياء و مروان: ان شاء الله 

عند زينب 

بقينا داويين شحال حتى غفيت وقف ياسين في محطة الاستراحة خدى ليا شي حاجة ناكلها و كملنا الطريق 

بعد ساعات وصلنا قدام الدار ديال الغابة دقينا و حلات لينا لمياء عنقات خوها و جات عنقاتني دخلنا لقينا مروان و حنان سلمنا عليهم و جلسنا قالت لينا لمياء راه ايمن من البارح ما خرج و ما هضر و ما واكل والو خايفة عليه طلع عندو ياسين و حنا بقينا كنهضرو شويا تمو هابطين هزيت عيني في ايمن لي باين الحزن في عينيه وقف قدامنا في الصالون كيشوف فيا و معارف ما يقول و انا اكتر منو غير كندور في عينيا كنقلب في ملامحو واش كيشبه ليا كنشوف فيه هاد الشخص لي دغيا دخل ليا لقلبي و ارتاحيت ليه و انا معارفاش راه خويا بقيت شحال سارحة فيه حتى سمعت صوتو 

ايمن: زينب ممكن نعنقك 

نضت من بلاصتي و تميت غادية لجيهتو و هو فتح ليا ضراعو و تخشيت في حضنو يااااه هدا هو حضن الأخ لي دايما كنسمع بيه معرفتش باش حسيت كاع المشاعر تخلطو عليا صحيح كان امين كيعوض هاد الحضن و لكن مع ايمن غير 

عارفة بانو رابطة الدم جامعانا عارفة اننا جينا من نفس الكرش واخا متربيناش مع بعضياتنا و لكن الاحساس انه من لحمي و دمي كان حاظر بقوة بقيت مخشية في حضنو حتى نطق المغيار ديالي 

ياسين: وا باراكا ورتيني 

ايمن: باقي مشفتي والو ياك قلتي حتى تولي خوها و اجي عنقها 

ياسين: عنقها ماشي ورتها 

ايمن جرني و جلسني حداه معنقني و انا عاجبني الحال: ختي هادي 

زينب: هههه 

ياسين: كتضحكي عاجبك الحال 

ايمن شاد في.ياسين: معلوم يعجبها الحال عندها خوها كبير يحميها و يشري ليها لي بغات و يزوجها 

لمياء: ايمن يهديك الله راها مزوجة 

ايمن كيلعب على اعصابو: و لو خاصو يجي يعاود يطلبك مني و ندير ليك العرس راني محضرتش لعرسك 

زينب بلا ما تحس: اشمن عرس راني غندير الاولاد 🙊🙊🙊 (عاد عاقت اش قالت)

ايمن تكوانسا: وايلي هي غنولي خال

لمياء: ممتيقاش ياسين غيدير تريكة 

حنان: عجينة ايدي سبقتيني 

مروان: ياسين مبروك 

فيناهو ياسين راه مصدوم 😳 ناض وقف شد ايمن من قفاه و حيدو و جلس حدايا باقي مصدوم ما عارف ما يدير و لا ما يقول شد ليا في شعري في وجهي في كتافي في ايدي في كرشي 

ياسين: دابا بصح انا واش بصح هادشي لي سمعت كيفاش امتى معاش غيولي عندي شي بزقول و لا بزقولة يقولو ليا بابا ياك 

زينب: هههه اه 

ياسين: امتى عرفتي 

زينب: الغرض 

ياسين: اه وانا نفهم 

جرني عنقني دخلني في ضلوعو بعدني و شد وجهي بين ايدو 

ياسين: كنواعدك غنكونو اسعد أسرة 

قرب غادي يبوسني 

الكل: كح كح نحن هنا 

ياسين: تفووووو ديما محرمينها عليا 

الكل:😂😂😂

طلبنا العشا و تعشينا مجموعين مروان و حنان مشاو و حنا قررنا منخليوش ايمن بوحدو بتنا تما الغد الصباح توجهنا للدار لقينا الكل كيتسناونا باغين يعرفو اش طاري جلسنا مجموعين في الصالون و ياسين كيتفادى يشوف في باه و إلى شاف فيه كيلومو بعينيه عودنا ليهم كلشي لي قالت لينا خالتي حياة ماما و سوما تصدمو و بقاو شحال كيشوفو فينا انا و ايمن و موسيو العلوي عينيه عمرو بالدموع عرف انه الدنيا غضراتو و ضلم ام ولدوا و خلاها عاشت عامين بلى هوية و معارفاش راسها من رجليها ياسين جبد من جيبوا الصورة و مدها ليا 

ياسين: هادي ليك 

انا شديتها و بقيت كنشوف فيها شحال كانت امرأة زوينة و حروفها كحلين و كتشبه لايمن و شادة طفل صغير في ايديها قرب حدايا ايمن و شاف الصورة بقى كيتأمل فيها شحال 

زينب: هدا نتا 

ايمن: اه 

زينب: غرت منك 

ايمن بتساؤل: علاش 

زينب: على الأقل عندك صورة معاها 

ايمن قربني لحضنو ضمني و مدواش عطيت الصورة لماما و كأني كنسولها واش هي المرأة لي عطاتني ليها هي فهماتني شداتها بايديها و قالت 

الباتول: اه هي لي عطاتك ليا كانت كتبان متوترة بحال إلى شي واحد تابعها حطاتك لينا و مشات بحال إلى عمرها كانت حنا من فرحتنا و دعقتنا حيت كنت فاقدة الأمل حتى نزلها عليا الله بحال درهم الحلال مسولناهاش لا مالها لا واش نقدرو نساعدوها لا سميتها 😭😭 مكانش يحساب ليا هادشي كامل دايز عليها 

زينب: 😢😢 

موسيو العلوي: ياسين 

ياسين: الصمت 

موسيو العلوي: ولدي 

ياسين : الصمت 

موسيو العلوي: عارفك كتلومني و لكن ماشي لخاطري 

ياسين: كيفاش ماشي لخاطرك كيفاش عطاتك نفسك متقلبش عليها علااااش 

موسيو العلوي: كلشي بسبابو

#فلاش_باك 

كنت خارج من الشركة جاي عند مراتي و ولادي وقف عليا شخص مكنعروفوش 

الشخص: اوووه موسيو العلوي 

موسيو العلوي: سمح ليا شكون نتا 

الشخص: اه نسيت معرفتكش على راسي انا عبد الواحد عشيق مراتك 

انا مشعرتش و ضربتو بكروشي حتى داز دمو 

موسيو العلوي: عرف راسك اش كتخرج من فمك راه نقتلك و منعقلش عليك 

عبد الواحد بإبتسامة سخرية: هاهاها بقيتي فيا ا موسيو العلوي مقلوبة عليك القفة و باش نأكد ليك هاك شوف(جبد صورة ديالو هو وياها قبل ما تزوج ) شفتي بعينيك و نزيدك هاداك الدري لي كتربي ولدي 

موسيو العلوي بصدمة:😳 ايمن 

عبد الواحد: اه و غتزاد عندي بنت و غنربيوها تاني انا و حياة و هاد المرة غتمشي معايا يعني بلا متقلب عليها يالاه نخليك 

زاد و خلاني غارق في أسئلتي واش ايمن ولدوا بصح؟! واش بصح كتخوني معاه؟! اشنو كتدير تصويرتها عندو؟! 

وصلت للفيلا و كنطلب من الله انها تكون في الدار مع ولادنا كنطلب انه يكون عندها تفسير لهادشي كامل و تكون هضرة هداك الكلب غير كيكدب قلبت عليها حتى عييت ندخل من هاد البيت و نخرج في الاخر و ملقيتهاش بدى كلام هداك الشخص يدخل معايا تسنيتها الليل كامل و والو مجاتش داك فقتي الصباح كتقلب نتا و ايمن و قلت ليكم متبقاوش تقلبو 

🔙 موسيو العلوي: هدا ما كان كلشي من داك الشماتة 

عند زينب 

انا كل كلمة كان كينطق بيها كنحسها خنجر تغرس فيا شادة في ايد ايمن و مزيرة عليها إذن المسؤول على تعاسة هاد الناس كاملة الأب البيولوجي ديالنا 

ايمن كيهضر مع موسيو العلوي: شكرا 

موسيو العلوي: علاش 

ايمن: حيت عرفتي هادشي كامل و مع دلك ربيتيني احسن تربية و عمرك فرقتي بيني و بين ياسين 

موسيو العلوي: معندكش لاش تشكرني راك ولدي 

انا كنسمع حديتهم و دموعي سايلين و نضت طلعت لبيتي باغا نحماق بالبكا 😭😭😭😭😭😭😭😭

دخل لبيتي شبعت بكا حتى جا عندي ياسين 

زينب: سمح ليا 😭😭😭 

ياسين كيمسح ليها دموعها: شششش علاش غنسمح ليك 

زينب: ياسين دابا داك لي ولدني هو المسؤول على فراق واليديك 😭

ياسين: الله يرحمو 

زينب: كيفاش 😢

ياسين: هو مات شحال هادي دابا الله يسامحو 

زينب: مشى متقل بذنوب بزاف ديال الناس 😢 

ياسين: الله يسمح ليه 

زينب: امين 

عنقني و كيدوز على شعري 

زينب: ياسين 

ياسين:اممم 

زينب: دابا نتا مكرهتينيش 

ياسين هز راسها: هبيلة نتي كاين شي واحد كيكره روحو(شد وجهها بين ايديه ) شوفي فيا نحسب على تلاتة غتنساي كولشي و تفكري غير فينا انا و هاد الكتكوت(كيلعب بكرشها) 3 2 1 

زينب: هههه شكون قاليك كتكوت انا باغا كتكوتة 😏 

ياسين: إلى كانت مشاغبة فحالك و كتدير الزبايل بغيتها 

زينب: اممم فكرتيني شحال هادي مدرت شي زبلة 

ياسين: مكاينش دابا غتبقاي جالسة متحركيش لا هكدا لا هكدا 

زينب: ياك و علاش 

ياسين: باش البيبي ديالي يبقى مرتاح 

زينب: هههه مجنون 

ياسين: اه خاصنا نمشيو عند طبيبة 

زينب: وي ضروري 

ياسين : يالاه دابا ارتاحي انا غنمشي للشركة عندي شي خدمة مني نرجع نمشيو لعند الطبيبة 

زينب: اوكي 

ناض تم غادي و انا نوقفو 

زينب: منسيتيش شي حاجة 

ياسين ضحك و قرب ليها باسها بوسة طويلة في شفايفها: كنحماق عليك(نزل لكرشها) مون بيبي هانا مشيت إلى بغيتي شي حاجة قول لماماك تعيط ليا 💋💋 

زينب: هههه 

عند لمياء في الجردة 

لمياء: كيف كتحس 

ايمن: مخربق معارف راسي من رجلي كلشي تخلط عليا الصراحة شحال قلت مع راسي كون غير ممشيتش و معرفتش هادشي كامل

لمياء: كلشي غيولي مزيان 

ايمن: كنتمنى 

فتحت دراعي كأني كندعيه لعالمي مكرهتش ناخدو نسد عليه ولا نمسح ليه داكرتو و حتى هو مرفضش حضني و عنقني حتى حسيت بضلوعي طرطقو و لكن معليش حيت حسيت أنني قدرت نواسيه باي شكل من الأشكال بقينا مدة معانقين حتى بان لينا ياسين جاي لجيهتنا 

ياسين: صاحبي شويا 

ايمن: نقولو الحمد لله 

ياسين: كلشي غيكون مزيان 

ايمن: نتمناو 

ياسين: لمياء انا خارج ردي ليها البال و مرة مرة طلي عليها لا تخصها شي حاجة 

لمياء: واخا غير سير متخافش عليها انا معاها 

ايمن: حتى انا غادي عندي شي خدمة 

لمياء: اوكي 

مشاو الدراري دخلت انا لقيت ماما و خالتي الباتول جالسين في الصالون 

مشيت جلست حداهم 

ماما: الدراري مشاو 

لمياء: اه فين بابا 

ماما: مشى للمكتب 

خالتي الباتول: فين زينب ابنتي 

لمياء: غتكون ناعسة 

خالتي الباتول: مموالفاش ليها تنعس هاد الوقت ياكما مريضة 😢 

لمياء: تهدني ا خالتي غنقوليكم واحد الخبر 

ماما: متخلعيناش 

لمياء: متخافوش زينب حاملة 

ماما: الله و اخيرا خبر يفرح 

خالتي الباتول: الله يفرحك ا بنتي كيفما فرحتيني 

لمياء: امين

يتبع