ياسين ضرب البيرو حتى تزعزع: اش هاد الضسارة ديك المرة حضرتك معنديش مع هاد البسالة الخاوية(بالغوات) فهمتي هادا تاني انظار المرة الجاية الباب فهمتي
صوفيا صفارت بالخلعة: ف ف فهمت
ياسين: يالاه براااااااااااااا
خرجات بسرعة البرق و سدات وراها الباب هي لي بقات ناقصاني 😡
في الفيلا
عند زينب
بقيت ناعسة شويا جات عندي لمياء بقينا شادين الحديث حتى دخلت ماما و سوما و مدخلين معاهم جميع أنواع الماكلة
زينب: امالكم
سوما: معرفناكش علاش كتوحمي جبنا كلشي
الباتول: اه ا بنتي خاصك تاكلي و توكلي التيلاد لي في كرشك
لمياء: مغتجي فين تولدي حتى تولي قد البقرة
زينب: البقرة هي مك يا الخانزة
سوما: شكرا الله يكتر خيرك
زينب:🙊 ويلي سوما نتي راه الحب راه هاد البنت لي معرفت لمن خارجة
لمياء: 😂😂😂😂
زينب: تهجريه😏
الباتول: يالاه هاكي ا بنتي تاكلي تبغي الدجاج
انا غير شميت ريحتو تقلبت ليا معدتي و نضت بالزربة للحمام نستفرغ جات لمياء كتضرب ليا على ضهري و عوناتني نغسل وجهي خرجت من الحمام
سوما: من اليوم منبقاو نطيبو الدجاج
انا بانت ليا الطابلة عامرة أشكال أنواع بان ليا اللحم بالبرقوق طحت فيه عمية كان فيا الجوع عمرت الكريشة و هبطت جلسنا في الصالون جا موسيو العلوي و جلس حدايا
موسيو العلوي: سمحي ليا ا بنتي مقصدتش قبيلة قلتها بلا ما نحس
ياسين ابتسم ليا و دوى معايا بعينيه زعما واش شويا غمضت عيني زعما الحمد لله و ابتسمت
موسيو العلوي كيشوف في ايمن: شي منافسة أخرى
ايمن: مرحبا باقي منسيتش آخر مرة
سوما: بديتو تاني المهم متديروش الدجاج
ايمن: علاش
لمياء: حيت ولد ختك مكيحملوش
زينب: و راه قلت ليكم بنت 😡
الباتول: لي جابها الله مرحبا بيها
ياسين: غدا الصباح ان شاء الله غنمشيو عند الطبيبة
زينب: نقدرو نعرفو من غدا اشنو جنس المولود 😍
لمياء: قاريا في الزحام جنس المولود مكيتعرف حتى تفوتي الشهر التالت
زينب جمعات غوباشتها: بفففف
ياسين: اش قلنا على تأفئيف
زينب: 🙊 اووبس نسيت
ايمن: بعدو من ختي نتوما زنوبتي ديري لي عجبك
ضحكنا كلنا و مشى موسيو العلوي و ايمن و لمياء و سوما للكوزينة باش يصاوبو العشا و جا ياسين جلس حدايا
ياسين: كليتي
زينب: اه كليت ياسين بغيت نمشي نقضي داك الغرض ديال المحكمة غدا ان شاء الله
الباتول: مسعفتينيش ابنتي غتعطي رزق باك للطماعة
نضت من حدى ياسين و جلست حداها عنقتها
زينب: هكدا احسن غنخلي الدار حيت عندنا فيها ذكريات و نعطيهوم المحل
الباتول: واخا ابنتي ديري لي يسلكك و انا خاصني نرجع بحالي
زينب غرغرو عينيها: كيفااااااش
ياسين: علاش الحاجة واش كاينة شي حاجة مقلقاك هنا
الباتول: حاشا ا ولدي لا غير هو لي زار يخفف
ياسين: الحاجة عتابري هادي دارك و معندك فين تمشي منقدروش نخليوك بوحدك في الدار
زينب: اه ا ماما ياسين عندو الحق عافاك متمشيش
الباتول: واخا ا بنتي الله يخليكم ليا
ياسين و زينب: و يخليك لينا
جات عندنا نورة قالت لينا راه العشا واجد
نضنا للطبلة لقينا فيها أشكال و أنواع الأكل و كلو خفيف كلينا حتى شبعنا و شكرنا اكل لي الشاف ديالنا و هاد المرة ربح ايمن هههه و طلعنا كل واحد لبيتو و انا مشيت مع ماما تخشيت حداها و بقينا كنهضرو شحال حتى داتني عيني 😴😴
شويا كنحس بشي ايد كتفيقني لقيتو ياسين يالاه غنهضر بالجهد و هو يشد فمي
ياسين و هو داير صبعو على فمو و كيهدر بهمس: شششششش غتفضحينا
انا عاد استوعبت أنني ناعسة حدى ماما ماشي في بيتي ضحكت على ياسين
ياسين بنفس الهمس: كتضحكي لمك من الصباح و انا نتسنى دابا تجي دابا تدخل و نتي حالة فمك كتشخري هنا
زينب بهمس: راه محسيتش على راسي امتى نعست
ياسين: دابا نوضي يالاه قدامي
زينب شادة فيه: لا خليني ناعسة هنا
ياسين: 😏😏 نوضي راكي عارفاني مكنقدرش نعس بلا بيك
زينب: ههههه مجنون يالاه زيد قدامي
ياسين: بشويا لا تفيقي ماماك ( هاد الرومانسية كاملة حداها و مفيقتوهاش سيرو الله يجيبكم على خير)
خرجنا من بيت ماما و دخلنا لبيتنا كالاني ياسين مع الحيط
ياسين: ياك لمك و جاك النعاس بلا متمخشي فيا
زينب: و راه محسيتش و زيد مع الحمل راه كيجيني النعاس بزاف و فينما كان
ياسين: زيدي قدامي كنتي باغية تحرميني من هاد الفنكوش( كيلعب في كرشها) هاد الليلة و حنا عندنا مواضيع مهمة نناقشوها
زينب: ههههه ياك غتصدرو السردين للمزنبيق
ياسين: لا غنصدرو زبايلك لاسيا
مشينا تخشينا في الناموسية و ياسين المسطي الليل كامل و هو حاط راسو على كرشي قاليك كيهضر مع ولدو هههه عطاني الله راجل مجنووووون 😂
أصبحنا وأصبح الملك لله
ياسين: وا نعاسة فيقي
زينب: اممممم خنيني
ياسين: فيقي نرجعو من عند الطبيبة و نعسي عوتاني
زينب كتكسل: وااع متخلي لي ينعس
ياسين: ياك لمك زيدي قدامي للحمام تغسلي حالتك
نضت دخلني للحمام عوني نغسل وجهي جريت عليه حتى نقضي حاجتي
ياسين: واغير ديريها قدامي راني شايف كلشي
زينب: وا ياسين 😢
ياسين: صافي تي وليتي خاصك غير علاش تغبني
خرج و قديت حاجتي و خرجت لقيتو لابس و موجد ليا مانلبس لبسني و انا كنتفشش لقيت علامن و هبطنا مفطرناش مشينا دخلنا لعيادة الطبيبة كانت خاوية مع الصباح دخلنا عندها فحصاتني
الطبيبة: مبروك عليك مدام العلوي
زينب: ميرسي
الطبيبة: البيبي عندو شهر و تلاتة سيمانات
ياسين: ياك صحتو مزيانة دكتورة
الطبيبة: ممتازة الحمد لله مدام العلوي تحاولي متحركيش بزاااف بينما شد البيبي بلاصتو تاكلي اي حاجة غير متكتريش فيها و حاولي تبعدي على الدهنيات و انا غنكتب ليك شي فيتامينات يعاونك
زينب: اوكي شكرا دكتورة
الطبيبة: و من هنا 15 يوم رجعي عندي
زينب: ان شاء الله دكتورة ممكن نسولك نقدر نمشي للخدمة
الطبيبة : وي تقدري غير هو تحاولي على راسك
ياسين: متخافيش ا دكتورة انا ديما معاها
الطبيبة: اوا إلى كان هكدا مزيان الله يكمل عليكم بالخير و يفك وحايلها على خير
زينب و ياسين: امين
خرجنا من عند الطبيبة نيشان للمحكمة لقينا عمي تما فكيت معاه كلشي باش ميبقاش تقليدو على كتافي و مشينا نفطرو فطرنا قدام البحر في جو زوين و كلو ضحك و ياسين ممخلينيش حتى نتحرك كيقوليك قالت ليك الطبيبة ارتاحي هههه رجعنا للدار و انا مشهية كسكسو داخلة من الباب كنغوت
زينب: ماما سوما بغيت كسكسو
ياسين: يالاه كنتي كتخشي في وجهك غير دابا
زينب: و نتا مالك سير فحالك
سوما: خليو حبيبتي تشهى لي بغات
الباتول: واخا هانا نوض نصاوبو لبنتي
لمياء: بقاي توحمي باش ناكلو الشهيوات شوفي في العشية توحمي على بيتزا اوكي
زينب: مشات و لكن اش المقابل
لمياء: تي مال مك طماعة هههه
ياسين: اجي نتي بعدا نجحتي
لمياء : باقي معطاوناش يا خويا شحفونا اليوم عطاو لصحاب الباك
زينب: وايلي هي اليوم عطاو لراوية عيط سول عليها اش دارت
ياسين: الصمك امالك على هاد الغوتة تلاحي فحالك سلمي على ماما
راوية: و اجي شتك دغيا كركبتيني فين الكادو ديالي
ياسين: حتى تجي تدوزي الامتحان و نعطيه ليه
راوية: يخليك ليا ا خويا الزين يالاه سلم على كلشي و على لمياء و ايمن
ياسين: مبلغ (قطع معاها) ههههه مجنونة هاد البنت
زينب: ولكن ضريفة
لمياء: هه وي دغيا كتدير بلاصتها و لكن شوف انا راه مغيارة كنبقى انا ختك الأولى
ياسين: وينو على فنكوشتي اجي لعندي(فتح دراعو)
لمياء مشات عنقاتو: ياك انا لي كاينة و مكاين ما حسن
ياسين: نتي راه ختي و بنتي و كلشي
زينب: 😏😏 و انا اش خليتي ليا
ياسين و لمياء: غرتي ا الشعبية
ايمن كان داخل فتح ليها دراعو : اجي ا حبيبة خوها متحاشيهاش ليهم
نضت تخشيت في حضنو و كنقليو السم لياسين و لمياء ههه😂😂
زينب: مغتمشيش للخدمة
ياسين: لا حتال العشية دابا غنمشي ندير سبور
ايمن: اش ضهر ليك فشي ماتش
ياسين: مرحبا
مشاو الدراري لبسوا لبس السبور و انا و لمياء مشينا جبنا شيبس و العصير و سبقناهم متفرجين انا كنشجع زوجي و لمياء كتشجع الحب المستحيل ديالها هه دخلو للحلبة و بداو المباراة بقاو دقة في ايمن دقة في ياسين و لكن مكايسين على بعضياتهم صافي حتى سخنو الطرح و بحركة سريعة من ياسين طاح ايمن الأرض
و انا نضت
زينب: ياسين ويييين هييييي 🎉🎉🎉🎉
ايمن: ياك لمك كتشفاي في خوك لمياء دافعي عليا
لمياء: أودي نوض جمع شتات جسمك فضحتيني
ياسين: ههههه واييه شتي لي متشجعتيش ياسين اش كيطرى فيها
لمياء: أودي نتا راه وحش حكرتي عليه
زينب: بعدي من راجلي نتي
لمياء: مالك هاديك المشعكة بغيتي شي مباراة حتى نتي
زينب: أودي فيك غير لفم زيدي نوريك
ياسين: تتحركي نكرض ليك الرجلين و نتي بعدي من مرتي و ولدي
زينب:وقلنا بنت😡😡
ياسين: بنت بنت ا حبيبة غير بقاي على خاطرك
ايمن و لمياء: 😂😂😂 مجانين
خرجنا من الصال بعد المباراة دخلنا لبيتنا دخل ياسين يدوش
زينب: دق دق دق ياسييين
ياسين حل عليها و شمبوان باقي في راسو و هابط على عينو: ا مالك
زينب سهات فيه: كتبان كيوت
ياسين: من نيتك سربي راه عيني كتحرقني
زينب: حتى انا بغيت
ياسين: اش بغيتي بالضبط
زينب: ندوش
ياسين جرها: هههه اجي طلبتي غير الموجود
دخلني للدوش دوش ليا اكيد مع لي بيتيز ضروري راه ياسين هدا خرجنا من الدوش ملويين في بينواراتنا جبد ليا ياسين مانلبس لبسني و لبس حتى هو جات نورة قالت لينا راه الغدا واجد انا سمعت الغدا و عارفاه الكسكسو عيني خرجوا و نضت بالزربة
ياسين: بشويا لمك امالك متخافيش مغيهربش
مجوبتوش خرجنا من البيت وصلت للدروج كنشم ريحة السمن و ريحة الكسكسو كتشهي طاحوا ريوكي و هبطت نجري وصلت للطبلة متسنيت حد جلست نخشي في وجهي
ياسين جاي: و غير تسناينا
ايمن: خلي لينا ما ناكلو
لمياء: كانو سادين عليك الأخت
انا مجاوبت حتى واحد فيهم كنخشي في وجهي و نتبنن و نعاود
سوما: خليوها عليكم ههه
موسيو العلوي: كولي ا بنتي إلى مقدك نزيدوك
زينب: ربي يخليك ا عمي
صافي بدينا ناكلو زعما بداو أما أنا راه دخلت في نص القصرية كسكسو الباتول طوب متشبعيش منو حتى تكلم موسيو العلوي
موسيو العلوي: عيط عليا مراد
ياسين حط المعلقة و ايمن كذلك
ياسين: ياكما كاين باس اش باغي
موسيو العلوي: غيجيو غدا ان شاء الله
ياسين: إذن أنا غنرجع لداري
موسيو العلوي: راه قال ليا كيعتاذر منك نتا و زينب
ياسين: حسابي معاه هو الآخر
زينب: إلى مشينا و ماما
ياسين: تمشي معانا
سوما: 😢😢 حشومة عليك اولدي حتى عمرتو عليا و بغيتو تخليوني
ياسين: و لكن
موسيو العلوي: ما كاين ما ولكن صافي نعل الشيطان و زيدون هادي راه دارك حتى واحد مغيمشي من هنا و حتى نتا ا ايمن صافي طفيو عليا هاد الغضب راكم كبرتو زعما و احلام حتى هي غتعتادر من زينب و نبينا عليه السلام
ياسين: يكون خير ان شاء الله
موسيو العلوي: هكدا نبغيك اولدي
كملنا الأكل ناض ياسين مشى للشركة و ايمن مشى لدارو باش يجيب شي حوايج و انا و لمياء مشينا عند حنان
دادة : مرحبا بنياتي
زينب: اهلا دادة كيدايرة
دادة: لاباس ا بنتي نتي كي دايرة مع شي خفة
زينب: الحمد لله يالاه باديين ا دادة دعي معايا
دادة: سيري الله يفك وحايلك على خير و بخير
زينب: امين ا دادة
لمياء: حتى انا ا دادة بغيت شي دعيوة
دادة: الله ينورك ا بنتي و الله يعطيك شي نقرة فين يغبر نحاسك
لمياء: امين
زينب: دابا خويا نقرة
لمياء: خوك الألماس 💎
حنان: احححح اش كتديري للتعناب
زينب: 😂😂😂
حنان: دخلو بعدا متبقاوش واقفين زارتنا الباراكا
دخلنا و جلسنا استئدنات دادة كتبغي تنعس ورا الغدا و حنى جابت لينا الخدامة العصير و الحلوة و جلسنا نقرقبو الناب
حنان: اوا اش كتعاودو
زينب: طالع ليا الدم
حنان: اويلي علاش ياكما ضاربتي مع ياسين
زينب: فمك لاحسو جرو 😏
حنان: و علاش
لمياء: الصفريطة راجعة
حنان: شكون الصفريطة ديك زعفرانة ديال بنت عمك
لمياء: هاديك تماما
حنان: اش مرجعها تا قلنا تهنينا منها
زينب: هانتي تشوفي و مجاياش بوحدها
حنان: شكون جاي معاها
زينب: ماماها و خوها
حنان: ايااااه و هاد خوها كيداير
لمياء: عادي انا كيجيني ضريف
زينب: اجي شفت ياسين و ايمن بحال إلى معجبهمش الحال مني سمعوه جاي و مال ياسين معاه
لمياء: هوما من صغرهم مكيحملوهش حيت كان قبيح بزااف و كان كيستفز ايمن بزااف و زيد فاش كبر و سافر ولى كيدير غير الكوارت و بابا هو لي كيفكهم ليه
زينب: اممم و اشمن حساب كان كيهضر عليه ياسين
لمياء: حيت هو لي قال لختو على الصفقة
زينب: 😳😳و كيفاش عرف
لمياء: معرفتش كي دار حتى عرف
زينب: اوا دابا نشوفو هاد ولد عمك حتى هو كيداير
لمياء: حنان نتي اش درتي في قرايتك
حنان: مشيت تقيدت 😍😍 فرحت بزاااف تخلصت من ديك المدرسة الأولى مكنت حاملاها و لا قابلاها
زينب: مزيان تديري داكشي لي عاجبك
حنان: داكشي
بقينا كندردشو شحال حتى بدى كيطيح الظلام دخل مروان
مروان: سليعفانات تجمعتو ياكما تافقتو على شي زبلة تاني
زينب: ههههه عمرك تنساها ا سي مروان و لكن باقي الخير لقدام
مروان: انا مزاوك ها العار اش بغيتي عندي
لمياء: هاديك راه المعزة
مروان: لاواه الجدي
حنان: 😂😂😂
مروان: كتضحكي نتي باينة ما ساكتة غير على خزيت
حنان: لا صافي أ حبيبي حرمت حتى تولد زينب
الكل: هههههههههه
سلمنا عليهم و توجهنا للدار لقيناهم على طابلة العشا كلشي كاين إلا ياسين جلسنا نتعشاو و نتحدتو شويا سالينا العشا و ناض كل واحد تيسر لبيتو طلعت لبيتي لبست بيجامتي مفكرتش جوج المرات تخشيت في الناموسية و نعست كنت عيانة شويا ضرباتني الفيقة كنشم ريحة الببوش في نيفي ضرت لقيت ياسين باقي مجاش هزيت التيليفون نشوف شحال في الساعة لقيتها 11 يالاه غنعيط عليه و انا نسمع صوت الطوموبيل نضت زدت عليا واحد البوليرو فوق البيجامة و لبست في رجلي و هبطت تلاقيت مع ياسين قدام الباب
زينب هازة ايديها على شكل فردي: 🔫فين كنتي
ياسين هاز ايدو للسما : هانا الشاف كنت في الخدمة محمقني واحد المشروع راني بقيت خدام عليه
زينب: اوكي نشوفو امر هاد المشروع من بعد و دابا زيد قدامي
ياسين: فين ا الشاف
زينب: بغيت الببوش
ياسين خرجو عينيه: 😳 الببوش في هاد الوقت فين غنلقاه
زينب: وا راه بنتك لي باغاه
ياسين هبط لكرشها: بانليك غير الببوش و في هاد الليل باينة غتطلعي برهوشة بحال ماماك
زينب: 😢😢 ياك دابا انا برهوشة
ياسين: وااع غير سكتي انا لي برهوش خاصك غير علاش تبكي
زينب: وا سكتني
ياسين: هي الأولى
شد وجهي بين ايديه و طبع قبلة على شفايفي و حتى انا كنت طالبة عليها مشيت معاه و ريحتو لي كتحمقني شويا تفكرت الببوش بعدت عليه
زينب: ياسين الببوش
ياسين: زعما البوسة منساتكش زيدي قدامي
خرجنا ركبنا في الطوموبيل و مشينا عند مالين الببوش لي حدا البحر بقيت ناكل و نعاود حتى ضربت شي 7 الجبابن
ياسين: صافي باراكا اويلي راه غيضرك شفتك كتاكلي غير الببوش و البلول مكاتشربيهش
ماما: نتي عارفاني مكيعجبنيش داك ولد عمك لا ختو مكتعرفيهم علاش مطويين(شيرات لجيهة قلبها ) هنا عندهم ما صافيش
لمياء: اوكي اوكي دابا نشوفو
طلعت كنحسب في الدروج و كنخطط معرفتش هادشي لي غندير واش غيسلكني مع ايمن و لا لا مي ضروري نجرب
نمشيو عند الحيبان لي وقفو قدام الدار ديال البحر لي عاشو فيها أجمل أيامهم دخلو
زينب: ياااااي جينا لأحسن بلاصة كنحماق عليها
ياسين: حتى هي كتحماق عليك اجي معايا
جرني من ايدي و خرجنا برى قدام البحر كيبانو ليا قلوبة صغار مضاوينش حيت النهار مي عاطيين منظر زوين بزاف بقينا تابعينهم حتى وصلنا لواحد القلب كبير و دخلنا وسطو 😍
زينب: وااو امتى درتي هادشي كامل
ياسين: علاش كنتي كتضني أنني ننسى عيد ميلادك
زينب: يخليك ليا
ياسين: و يخليك يا اجمل مرأة شفتها في حياتي
انا طرت عليه بتعنيقة
زينب: و نتا احسن حاجة طرات في حياتي
جبد ياسين من جيبو بواطة صغيرة و برك على ركابيه
ياسين: انا مطلبتش منك الزواج بطريقة لائقة و مكنتش كنتصور شي نهار غنبغي شي وحدة كتر من روحي و انا دابا كنطلب منك تزوجي بيا و نعيشو حياتنا كاملة مع بعضياتنا حتى نشيبو على مخدة وحدة
زينب عينيها مغرغرين: موافقة موافقة 😢
ركب ليا الخاتم و ناض هزني عنقني بكل ما يملك من قوة و همس في ودني
ياسين: كنبغيك
بقينا جالسين شحال قدام البحر و ضروري من كلام غزل من حبيبي و مرة مرة نقلبوها صباط 😂😂 حتى قرصني الجوع و ضرت عندو مخسرة سيفتي
ياسين: هههه اكيد فيك الجوع
زينب: بنتك لي فيها الجوع
ياسين: لقيتيها تسلكك على أساس فاش مكانتش هي مكنتيش كتاكلي
زينب: كيفما شفتيني تخليني خمسة و خميس
ياسين:لمك دابا انا غنعينك
زينب: و ماعرفتي
ياسين: تكعدي يا هاد الهبيلة
زينب: فين غناكلو
ياسين: مشهية شي حاجة و متقوليش ليا الببوش نقجك حتى يخرجو عينيك بحالو
زينب: هههه لا بغيت الحوت
ياسين: اوكي يالاه
مد ليا ايديه و كيسوس ليا في حوايجي قبطنا ايدين بعض هز الايد لي فيها الخاتم باسها و قال
عمرت الكريشة و ياسين مقابلني قاليك من هنا شويا غنولي قد البوطة و الباب ميدخلنيش و جلست نبكي ليه حتى ولى كلشي يشوف فينا كيحساب ليهم ضربني 😂😂 شحال و هو بهزر فيا باش نسكت شويا عيطات لمياء قالت ليك خاصنا نمشيو ناخدو الكساوي و نمشيو ندورو بحالتنا اوا وصلني ياسين لعندهم و جالس و يوصي
ياسين: متخليوهاش تتحرك بزاف و إلى جاها الجوع وكلوها
حنان: وا صافي تقول غير مرتك لي حملات هاد العام
ياسين: فليفلة المغيارة عيطي على مروان يدير ليك اكتر من هاكدا
حنان: اوا هانتا يا مروان يا بارد القلب خليتي العديان يتشفاو فيا
زينب: ههههههه
لمياء: البرينسيسة متضحكيش بزاف باش ميعياش البيبي
زينب: حيدي تق..... من البهلان
محسيت براسي اش قلت حتى طلع معايا ياسين بالقرصة
زينب: ااااااي😢 و راه هي لي جبداتني
ياسين: ولو مخاصش ولدي يسمع هاد الهضرة و حتى نتي متقوليهاش (حمر فيها ) واخا
زينب جامعة التكبيعة: واخا
ياسين: يالاه سيرو و متعطلوش
مشينا دخلنا للمول بقاو من محل لمحل و انا فينما يبان ليا شي كرسي نجلس فيه و فينما تبان ليا شي حاجة في ايد شي واحد خاصني ناخدها ليه و سبحان الله كتعجبني هاديك لي في ايد الناس مخليت مخديت سوندويش🌭 بوب كورن 🍿 عصير ميلك شيك المهم كلشي حتى من الدراري صغار خديت ليهم الماكلة من ايديهم و لمياء و حنان تابعيني متديوش عليها راها كتوحم سمحو لينا شوهتهم في داك المول خدينا اش بغينا و مشينا لbeauty centre درنا بالحالة شعر و مكياج و لبسنا تما و خرجنا اتجاهنا للفيلا كان ظلام الحال وصلنا الفيلا مزوقة بطريقة رائعة و الموسيقى هادئة و الناس قلال غير شي معارف و علي و مرتو و عائلة حنان و الدراري بتلاتة متأنقين و واقفين مع بعضياتهم كيهضرو هزو عينيهم فينا و تفيكساو وصلنا عندهم جرني ياسين
ياسين: غادا و كتزياني شي نهار تحمقيني
زينب :😍😍😍
مروان : مو زبايل هابي بيرداي تو يو
زينب: تانكيو مروان
ايمن: حبيبتي كل عام و نتي هبيلة
زينب: و نتا اهبل فين كادويا
ايمن: من بعد و نعطيه ليك
مشينا سلمنا على الناس و وقفنا مع سوما و موسيو العلوي و ماما
موسيو العلوي: بنتي كل عام و انت الفرحة ديال هاد الدار
زينب: شكرا عمي
الباتول: بنتي كل عام و انت نوارتي
زينب عنقاتني: و نتي احسن شكلاطة عندي الباتول
طلقات موسيقى كلاسيكية شديت ايد ياسين و مشينا نرقصو بقينا كنرقصو حتى سالات الأغنية و حبسنا كلشي كيصفق عيطات لينا سوما نقطعو الكاتو
قطعناه و بقيت كنعطي لكل واحد حتى وصلت لياسين وكلتو بايدي و عطاوني كل واحد كادو فرحت بزاف حتى جا عندي ايمن و عطاني كادوه شديتو بين ايدي و بديت كنحيد البابيي كادو غرغرو عيني و تخلطت عليا فرحة و بكية و كلشي 😢
كان عبارة عن طابلو مرسوم فيه صورتي و صورة امنا فرحت بزاااف عارفة ماشي حقيقة و لكن المهم انه في ايطار واحد عنقت ايمن
زينب: 😭😭😭 شكرا
ايمن:مبيناتناش
لمياء بغات تلطف الجو: ياسين مشفناش كادوك
ياسين: اوا الواحد هو لي يدير الحاجة مخبية
انا هزيت ايدي و قلت
زينب: ياسين طلب مني الزواج
لمياء: قاليك مخبية اويلي على ولد الهبيل راك مزوج بيها ديجا
ياسين: بغيت نطلبها بطريقة مميزة بغيت نطلبها قدام ولدنا(حط ايديه على كرشها)
زينب: وا شحال من مرة غنقولها بنت 😡 بنت
ياسين: بنتنا بنتنا 😂😂😂
الكل: هههههههههه
هاد الهضرة دازت على اذان عائلة عم ياسين لي داخلين للفيلا خلات احلام تطيح داكشي لي في ايديها و تغبر الفرحة لي جات بيها و تقول
احلام: حاملة 😨😳
عند مراد
جر ختو بالزربة من بعد ما شاف الكل تلفت يعرف مصدر الصوت و دوى في وذنيها
مراد : سمعيني هاديك البرهوشة تديري شي حاجة حاكة ولى حاكة نوريك وجهك في المرايا
احلام: كيفاش 😡
مراد: كيفما سمعتي خليني حتى نسالي علاش جيت نتفاهم مع داك ولد عمك المغرور و عاد عومي بحرك
احلام: بفففف لا نتا باغيني نشوف الحب و الغرام قدامي و هاديك الزبلة لي معرفت منين دبر عليها كتدور قدامي بكرشها و مندير والو ميمكنش
مراد معصب و كيدوي كارز على سنانو: راني دويت 😡😡 و دابا غتزيدي قدامي تعتاذري منهم و للأسف حتى انا غنظطر حيت ورطتيني زيدي قدامي يالاه
عند زينب
تلفتنا لقينا زعفرانة جات هي و داك خوها و مها و كنتناقشوا بيناتهم باينة كيتضاربو معرت مالهم ايمن خنزر ياسين كذلك أو هادو مكيتحاملوش حتال هاد الدرجة جاو في اتجاهنا و زعفرانة محاملاش راسها وصلات مهم رافعة راسها للسما
فوزية: امممم ياكما محتافلين برجعتنا
سوما: لا محتافلين بمرت ولدي عندها عيد ميلاد
فوزية: اوا على قدها باقي يحتفل بعيد ميلاد
سوما: اوا معرفتش شكون لي قبل مايمشي دار أكبر عيد ميلاد و خبى السن ديالو الحقيقي
فوزية: اشنو دابا كتمعني عليا انا را.......
موسيو العلوي مخلهاش تكمل غوت: فوزية 😡 مالنا على الصداع
فوزية صفارت: مقصدتش سمحوا ليا
مراد: متديش عليها ا عمي واقيلا غير مع السفر
سلم على عمو و على سوما و حتى على ماما و دار لجهتي شد ايدي باسها
مراد: العمر كلو مرت خويا و مبروك على البيبي
زينب محملتوش: شكرا(ضحكة صفرة)
دار جيهة لمياء و بدون سابق إنذار عنقها
مراد و هو كيقول في خاطرو شوف البعلوكة كبرات اوا مفيها باس نلعبو شويا معاك: لولو ديالي توحشتك
لمياء منزعجة من تعنيقتو و لكن قالت ممكن تعاوني في خفتي: امممم حتى انا
كيبان ليا ايمن كارز على ايديه غادي يهرسهم و ولى احمر و عينيه كيطلقو الشر و كيتنفس بصعوبة ضربات ليا طن في راسي زعما ممكن 🤔🤔 مني شفت هكداك جريت لمياء من بين ايدين ولد عمها بحجة بغيت نقوليها شي حاجة و هو يوقفنا
مراد: بلاتي ا مرت خويا انا و احلام باغيين نعتاذرو منك إلى سببنا ليك فشي سوء تفاهم مع ياسين سمحي لينا و كوني متأكدة مكناش قاصدين ياك ا احلام
احلام كارزة على سنانها: اه ا خويا سمحي لينا مقصدناش
زينب: الله يسامح
مراد: اوا مزيان مبغينى حتى واحد يبقى هاز من الاخر حيت......
اوا بقى كيعطينى في المواعض دودودو عندو اللسان كيعرف كيفاش يجر بنادم لتفكيرو و يبين أن داكشي لي كيقول هو الصح المهم بقى كيهضر و ياسين و ايمن قالبين وجههم الحفلة كاملة حتى مشاو الناس مبقى حد من غيرنا دخلنا كاملين و ايمن و ياسين بقاو شويا قدام البيسين خرجنا عندهم انا و لمياء
زينب: مالكم ما ناويينش تذخلو
ياسين: والو بوكاهونتاستي غير كنشمو الهوا
ايمن معصب و موجه هضرتو للمياء: انا اش قلت
لمياء: و راه مدرت والو غير سلمت عليه
ايمن: شكون عطاه الجرأة باش يعنقك دوي
لمياء: 😭😭 وا ماشي انا و زيدون ماشي سوقك
ياسين خنزر و تعصب: لمياء 😡 قاليك الصح كيفاش يعنقك شكون هو اصلا
خارج مراد و احلام سمعو اش تقال و قال
مراد: ولد عمها ا ولد عمي
ياسين صافي كان صابر واقيلا غير على حساب الناس بخطوة وحدة كان قدامو و عطاه جوج كروشيات حتى طاح للأرض
ياسين: الاولى باش تعلم تتدخل في اموري الخاصة و التانية باش تبعد من ختي 😡
جر ايمن لمياء لي كانت كتبكي و مصدومة دخلو للفيلا من بعد جا عندي ياسين و شد ليا ايدي و طلعنا لغرفتنا
عند مراد
كيمسح في حدى فمو لي عمر دم
مراد: واخا ا ولد العم انا تضربني إلى مندمتكش راني منتسماش مراد
احلام: نوض يالاه باديين النهار الأول هكدا نوض يالاه ننعسو
طلعو حتى هما ينعسو و طفى الضوء في الفيلا و كل واحد اش في بالو شي كيبكي شي كيخمم شي ناعس و مجايب للدنيا أخبار و شي كيخطط لدمار هاد العائلة
دابا محدهم ناعسين اجي نعرفكم على مراد
مراد العلوي ولد عم ياسين 29 سنة من صغرو و هو ضاسر و مكيحملش لا ياسين لا ايمن كان كيضارب معاهم يوميا حيت كانو ساكنين مع بعض مني خسر باهم كلشي عمهم مبغاش يتخلى عليهم كانت مو ديما تحرشو شوف راه عمك كلى ليك حقك و قتل باك دير و دير وصل ل18 عام سافر اوا من بلاد لبلاد كيدير غير الكوارت و موسيو العلوي كيخلص عليه الزبابل د الفلوس باش يخرج منها و يمشي لمدينة أخرى و لا لدولة أخرى و يعاود نفس الحاجة و كذلك عمو يخرجو لقى هاد الطريقة مناسبة لانتقامو و بقى على داك الحال حتال النهار لي مشى لإيطاليا و تلاقى مع واحد قاليه راني باغي ننتقم من عائلتي و عاود ليه اش كاين و الآخر لقاها فرصة و دخلو معاه للمافيا قاليه غتخدم معانا و حتى تكبر و تولي معروف في عالم المافيا و ديك الساعة غنعونوك تتنقم بسهولة اوا خدم معاهم و فعلا ولى معروف شويا و دار بزاف ديال الحوايج لعائلتو و كان المستهدف الوحيد ياسين لي بقدرة قادر كان كيفلت منها حتال نهار قرر يجي ضارب مع المافيا و هرب ليهم للمغرب حيت مكانوش خلاوه يخرج من ايطاليا و هاهو دابا وسط منهم لاش كيخطط حتى واحد ما عارف
أصبحنا و اصبح الملك لله
عند زينب
فقت على صوت ياسين
ياسين: النعاسة غتمشي معايا للشركة
زينب مغمضة عينيها: اه اه ضروري
ياسين: لا باينة ضروري حبيبتي خلي حتى تشبعي نعاس و اجي
زينب: لا غير غسل ليا وجهي غنفيق
ياسين بشر: هي الأولى 😈
دخل عمر سطيلة بالماء و خرج حتى كنحس بالماء في وجهي
نضت دخلت للحمام قضيت حاجتي و غسلت وجهي و سناني و خرجت خديت حوايجي كنلبس جا ياسين عاوني و كيلعب في كرشي و حاط وذنو عليها كيهضر معاها ههه حمق لبس و خرجنا هبطنا لقيناهم كيفطرو كلشي كاين إلا احلام و لمياء فطرنا و كل واحد خرج يقضي شغالو
عند لمياء
فقت و انا باقي في عقلي داكشي لي طرى البارح و ياسين كيفاش ضرب مراد و انا جالسة نخمم و نعاود واش نكمل داكشي لي باغية ندير باش نفقص ايمن و لا نحبس كلشي لا يقطع ليا ياسين الرجلين حرت معرفت مندير عيطت لحنان و درت معاها نتلاقاو فشي بلاصة هي هاديك نضت لبست حوايجي و خرجت هبطت تلاقيت مع مراد
مراد: الزين فين غادي
لمياء: دايرة مع صاحبتي و غادية عندها
مراد: إلى بغيتي نوصلك
لمياء: لا لا غناخد طوموبيلتي شكرا
غفلني و باسني في حنكي😨😳 و قال
مراد: يالاه سيري الكتكوتة
مع الهزة لي غنهز عيني كيبانلي ايمن في الدروج الفوق 😨😨😨😨 مشيت فيها
كان معصب لأقصى الدرجات و الشر كيخرج من عينيه و تم نازل بالزربة مع الوصلة لي وصل للدرجة الأخيرة هز رجليه حتى هزها و ضرب مراد حتى طاح و قال
و دار لجهتي خنزر واحد مولاتي التخنزيرة جمدت ليا الماء في الركابي و قال
ايمن: زيدي قدامي قبل ما ندير شي كارثة يالاه 😡
خرجنا ركبت معاه و مشينا في صمت حتى سمعت صوتو
ايمن: فين غادية
لمياء: لكافي******
ايمن: ولاش بالسلامة
لمياء: غنتلاقى مع حنان
كمل طريقو منطق بحتى كلمة حتى وصلنا شاف فيا ديك الشوفة ديال التهديد زعما هاه ولا هاه غنوريك
عند زينب
امال: وا غبرتي ا صاحبتي بزاف
زينب: غير الضروف
امال: دابا مغتبقايش خدامة معانا في القسم
زينب: لا رئيس القسم راه صبر عليا بزاف و انا مرة جاية و عشرة لا خليني نخلي بلاصتي لشي واحد محتاجها و انا غنخدم ديريكت مع ياسين
امال: اوا الله يسهل عليك أختي
زينب: شكرا بزاف
جاو لي معايا في القسم كاملين سلمو عليا و رئيس القسم حتى هو عطاني نصائح و تمنى ليا التوفيق 😊 جمعت حوايجي و تميت غادية عند ياسين نزاحمو في بيروه بيما صاوبو ليا بيرويا
دخلت كنضحك حطيت حوايجي و جريت الكرسي و قربت حداه جلست
ياسين: اوا مصدقتيش حنا تافقنا على هادشي
زينب: ههههههه وا صافي كون تحشم راه غيدخل علينا شي واحد
ياسين: عادي مالها اول مرة ياك كلشي محصلنا
زينب: ويلي حشمتيني حتى مع خويا
ياسين قرب باسها من شفايفها: و نتحاشمو تاني اش فيها
زينب: حيد الله يمسخك عطيني نشوف المشروع ديال الجامعة
حط المخطط قدامي و بقينا خدامين عليه محسيناش بالوقت هو كيعطي افكارو و انا كذلك نخدمو شويا و نتعافرو شويا مرة متافقين مرة لا حتى تدق الباب و دخل ايمن لقانا هو هاز عليا قلم و انا هازة مسطرة و مستعدين للهجوم 😂😂
ايمن: زعما خدامين عولو عليكم بكري اكيد غتخرجو عليهم
زينب و ياسين: 😂😂😂😂😂
ياسين: و نتا ديما محرمها علينا كتجي في الأوقات الغير مناسبة
زينب: بعد من خويا راه انا لي قلت ليه يجي
ياسين: و لاش ياك كتشوفيه في الدار
زينب: بغيت نخرج معاه الراس في الراس و حتى واحد ميديرونجينا
ياسين قلب قنوفتو و دار راسو تقلق: ياك دابا وليت كنديرونجي
انا مقدرتش نقاوم الكياتة شديت وجهو بين ايدي و بستو في حناكو بجوج و نضحك
لمياء: هادي غير نسايها راه قلت ليك ردت فعل ياسين فحالو ولا اكتر منو إذن غير مباغينيش نقرب منو و لكن شحال كيعجبني الحال في ايمن فاش كيتعصب مني كندير الضد كيبان كيوت و فاش كيغوت كيطيح فيا النص مي كنحس برجولتو طاغية 😍😍
حنان: ا تجمعي شوفي مدام كيتعصب حاولي ديري داكشي لي باغا تديري و لكن متزيديش فيه خلي كلشي يبان بحال إلى طبيعي
لمياء : زعما ينفع
حنان: حنى غنمشيو حتال الأخير باش نشوفو فين غنوصلو و لكن ها حدي مع داك ولد عمك
لمياء: انا اش بغيت بيه راه غير باش نغير حبيبي
حنان: هاكيلي هاكاوا على حبيبي وصلتي لهاد المرحلة دغيا
لمياء: لهلا يوريك لمرحلة لي واصلة ليها 🙊
حنان: اوا نوضي تهزي الله يمسخك
نضنا خرجنا شدات حنان طاكسي مشات لدارها و انا تمشيت شويا حتى وقف عليا هاد اللصقة ديال مراد بالطوموبيل ركبت معاه قلت يقدر يكون ايمن في الدار يشوفنا نعصبو
صفقة زواج من متعجرف الجزء 17
محتوى القصة
التنقل بين الأجزاء