زينب: أودي بان عيبك قولي باغية تهلاي في ولدك و صافي سمعوني بجوجات متندمونيش حيت عرفتكم على بعضياتكم من الاول و داكشي ديال شري شري تكلفو بيه غير نتوما انا خدامة اه (تلفت عند سوما) و هادوك الخيوطة راه منلبسهمش 😏 مبقيتو تحشمو
ماما و سوما دقة وحدة: الحشمة سي كوا شي حاجة كتكال
زينب: أودي اش غادي نقول ليكم مني كتلاقاو ميقد عليكم غير لي خلقكم و تميت خارجة حتى حسيت بشي يد جراتني و كلاتني مع الحيط جات عيني في عين ياسين و قال
ياسين: هي غادي نتبرع باحمم فكرة مبيهاش
انا مركت و كاع ألوان الطيف دازو فيا انا بطبعي مكنحشمش ولكن عمرني تحطيت في بحال هاد الموقف و هو كيديرها بلعاني باش يستافزني المتعجرف لاخر طلقت منو و قلت بصوت متقطع
زينب: ب بقى تحلم و هربت دخلت لبيتي
داز شهر طاير عند ماما و سوما لي معياوش من الشريان و التوجاد عندي انا في الخدمة 😍 و التيم ديالي مفروح كتر مني كنجي للخدمة فرحانة واخا العيا عند ياسين الله اعلم مكنتشاوفوش بزاف و حتى الى شفنا بعضياتنا في الشركة مكنهضروش القسم ديالنا خدام على واحد المشروع مكملناه غير بمشقة الأنفس و جالسين كنراجعوا فيه و كنتناقشوا شكون غادي يعرضو على ياسين حتى سيفطات ليا سوما ميساج
" مرت ولدي الغزالة راه حجزت ليك نتي و لمياء في beauty centre و راه غادي تدوز عندك تديك" يالاه غادية نخرج و هي تصيفط ليا تصويرة ديال شوميز دونوي اشمن شوميز هادو خيوطة دونوي أنا بالصدمة لحت التيليفون و وقفت ميفقني غير تصفيقات اويلي هادو مالهم
رئيس القسم كيضحك: برافو زينب سيري نتي اكتر وحدة دارسة المشروع
تصدمت هادو يحساب ليهم نضت باش نمشي عند ياسين سيري اسوما كون ماكنتي استادتي العزيزة كون فديت دقتي فيك 😭 تميت غادية على وعدي و سعدي دقيت الباب سمعت دخل مع الدخلة تكوانسيت ماشي حيت خايفة لا واااااع تيتيز سهيت فيه الطريقة باش خاشي راسو في الوراق كيفاش مطلع كمام القميجة و كيفاش مركز مع الخدمة موقفش و ريحتو لي دايرة في المكتب كامل 😍 مفيقني من سهوتي غير صوتوا
زينب: تحت سناني ييييخ على متعجرف دابا انا كنت حالة فمي في هدا و غدا غانتزوج بيه واااع جمعت راسي و قلبت للمود ديال الجدية
زينب: موسيو العلوي جيت على ود المشروع الخاص بالقسم ديالنا بغيت نوريك المخطط باش إلى كانت شي تعديلات قبل الاجتماع
ياسين: اوكي تفضلي
جلست و بقيت كنشرح ليه و هو بدورو كيعطيني ملاحظات الصراحة الحاجة الوحيدة لي فيه زوينة خدمتو و الحاجة الوحيدة المشتركة بيني و بينو كملنا و خرجت لقيت لمياء كتسنى فيا وشدينا طريق ل beauty centre
لمياء بنت زوينة صغر مني بعامين كتقرى تصميم المجوهرات شخصية ماشي اجتماعية و معندهاش صحابات و لكن معوضها خوها فيه كلشي الأب الأخ و الصديق 🤗 وصلنا دخلنا و بداو لينا ها les soin de visage ها l'épilation ها السونا و الشعر ها المساج المهم خرجونا جداد هاهاهاهاهاها طلعنا في الطوموبيل كنا ساكتين حتى كسرات الصمت لمياء و قالت
لمياء: اوا كي كتحسي و عرسك غدا
انا درت الوجه الملائكي الحشمان و قلت
زينب: الصراحة حشمانة و خايفة و مخربقة 😊
لمياء: الصراحة انا عارفة زواجكم غير صفقة
زينب: اوا قوليها من الصباح علاش مخلياني نقلب على احساس البنت في ليلة الدخلة
لمياء:😂😂😂😂 لا نتي و الله حتى علام يعني متقلقتيش
زينب: علاش غادي نتقلق بالعكس نلقى علامن نبرد و نشبع في خوك سبان على خاطري
لمياء: 😂😂😂 علام معرفتش كي غادي تعيشو تحت صقف واحد و نتوما كي طوم و جيري
زينب: انا اكيد هي جيري و داك الوحش ديال خوك هو طوم
لمياء: وحش كاع 😂😂 هو ياسين عصبي اه و لكن كيعرف يسيطر على غضبوا و حنين
زادت في الصوت و غادين كنغنيو حتى وصلنا للدار و مشات هي لدارهم و دارت معايا غادي تدوز عندي غدا باش نمشيو مجموعين للصالون
دخلت للدار لقيت الباتول مسرحة الحوايج على قد الصالون ها التكاشط و التواب و شي بيجامات و تخربيق قالت ليك دهازي و جالسة عليا اجي تشوفي
زينب: الباتول و الله حتى مهدودة الخدمة و زيد مشيت لbeauty centre مع لمياء و مزال خاصني نطلع نجمع الحوايج ديال هاد 3 ايام دالبصل راه غادي نمشيو نيشان من العرس
ماما: اوا هاكي جمعي هادو مع حوايجك
زينب: اش هاد المسخ صافي الباتول بان عيبك اجي ا العربي تشوف مرتك كتشجعني على الفحشاء و المنكر
ماما: اوا اش غادي نقوليك ابنيتي الله يمسخك راه راجلك هداك عادي
ماما تحنات على الصندالة: اوا الله يقطع شيطانك يا الماسخة
زينب: وا صافي متقلقيش اريه(دايرة ليها الخاطر)
ماما عينيها مغرغرين: صافي ابنيتي غاتمشي عليا
زينب: الباتول كنقوليك متبقايش تفرجي في سامحيني بزاااف راه خرجو عليك و زايدون ياك نتي لي كنتي باغا غير تفكي مني
ماما: ياسين ولد الناس و باينة غادي يتهلى فيك نوصيك حتى نتي ديري عقلك و تهلاي فيه
انا في خاطري لا باينة حنا قالبينها صباط نهار الأول
زينب: ان شاء الله يالاه تصبحي على خير بستها و طلعت لبيتي جمعت حوايجي و نعست 😴😴😴
أصبحنا و أصبح الملك لله جاء اليوم الموعود 😂😂 عرسنا البنات العاديين مكيجيهمش نعاس و كتشدهم الخلعة
انا لا بايتة نحلم بمشروعنا و الاجتماع و زيد المتعجرف قطع ليا الوراق قدام الناس و خلاهم يضحكو عليا 😤😤 فقت قافزة
زينب: سير المتعجرف بغيت ليك الحكة في المناطق الحساسة بغيتك تمشي للالاسكا و تكوفر تما بالبرد بغيت.....قاطعاتني ماما: شكون هاد المسكين لي كتدعي عليه
زينب: واحد المتعجرف متعرفيهش
ماما: اوا تكعدي راه لمياء و حنان كيتسناو فيك برا
لبست و خرجت عند لبنات غاديين ل beauty centre محمحين و طالقين الموسيقى على جهد تلاقينا حتى نطقات حنان: صحايبتي غادي تزوجي و تديري عقلك و مغاديش نبقاو نديرو الزبايل 😢
زينب بضحكة شريرة: اشنو رأيك فشي وحدة دابا
حنان: هي الأولى لمياء حبيبة رومي لليمين
لمياء: كيفاش علاش
زينب: اجي جلسي في بلاصتي خليني نسوق
دارت داكشي لي قلت ليها طلعت انا في بلاصتها و هبطنا الشراجم انا و حنان و تمينا غاديين قربنا حدا واحد الطوموبيل فيها بنت سايقة و مضاربة مع ولادها
زينب: ختي متعصبيش راسك راه كاع دراري مشطونين
حنان: لا اختي عنداك تعصبي فين باه علاش ميشدهمش شويا أو كولشي علينا نحملو نولدو نربيو
البنت: اه بصح الرجال كاملين بحال بحال
لمياء حابسة الضحكة: الله يصلحهم ليك اختي بسلامة
وركت و حنا نطلقوها بواحد الضحكة 😂😂😂😂
لمياء: هههههههههههههههه واااع كرشي اليوم تخاصم مع راجلها المصطيات
حنان: شوفي شوفي قربي حدا ديك الطوموبيل
مشيت كان واحد الراجل كبير و حداه مرتو و هي تنطق حنان
حنان: الحاج كون كنتي غير صغير شويا و ممزوجش كون خديتك
الحاج: الشباب في القلب ابنتي
زينب: 😂😂😂😂 تبارك الله عليك الحاج حافظ قوالب الطريق
لمياء: الله يخلي ليك الحاجة
الحاج: امين راه العشرة ديال 40 سنة
قلنا كاملين: الله يخليكم لبعضياتكم و مشينا
حنان: آخر فيكتيم و نمشيو
قربت حدا واحد الكولف سايقها واحد الدري و حداه بنت
زينب: خويا ممكن نسولك
الشاب: مرحبا
زينب: اشنو سر الجمال ديالك
نقزات البنت اللي حداه: زعما و الله مبقيتو كتحشمو
حنان: زعما نتي لي كتحشمي راه غير مجرد سؤال
البنت: و مالقيتي شكون تسولي
لمياء:صافي اختي سمحي لينا مبقيناش نهضرو مع شي واحد في الطريق بسلامة
حنان: خويا قبل منمشيو آخر سؤال
الشاب: تفضلي
حنان:زعما منلقاش عندك شي بلاصة لحي محمدي عافاك
انا تفركعت بالضحك و كسيريت
لمياء:😂😂😂😂😂 وااااااع كرشي يالاه راه تعطلنا زعما غير لي بغا يدير فيكم راسو
وصلنا لbeauty centre بداو لينا ها الشعر ها المكياج ها الظفار كملنا لبست تكشيطة في الابيض و لمياء تكشيطة في الأزرق و حنان تكشيطة في البوردو سالينا و تمينا خارجين بانت ليا طوموبيل ياسين مشيت طلعت حداه و توجهنا لمكان العرس في السكات غير كنخطفو الشوفات في بعضياتنا كان لابس كوستار في الأسود و مشيك على الحالة و ريحتو سابقاه التيتيز المتعجرف
وصلنا تلقاو لينا بالصلاة و السلام و الزغاريت "العروسة جات لالة العروسة " زينب تحت سنانها : هانا جيت و من بعد غادي تهزوني فوق ديك الطبلة و تقلبو ليا المعدة
ياسين حابس الضحكة قرب حدا وذني: على يتعكلو و تطيحي
زينب : ياك هادشي لي باغي ليا اوا سير بغيت ليك الحكة و قلة الضفار سير الله يعطيك الصلع المبكر و نتشفا فيك بغيت ليك سريرة و قلة الما
ياسين: صافي صافي سكتينا زيدي خلي هادشي يدوز بخير و بزربة راه معنديش مع هاد الاجواء
زينب: بفففف زيدني عليك
اوا بقينا بدل لبس دخل خرج و بنادم يتفرج فينا دايرين سبيكطاكل انا عييت و ياسين حاسة بيه غادي يهرب لبست الكسوة و رخفو ليا شعري شويا و خرجنا جات لعندنا لمياء
لمياء:مبروك عليكم ا عرسانا
زينب: واتي غير كمليها و قولي عرسان مزورين
لمياء: 😂😂 واااع على مفروحة سيري قوليها في الميكرو راه مسمعوكش
زينب: واهي إلى مشيتي جبتيه
لمياء : شوفي راك خديتي نوارة ديال دارنا
زينب: متخافيش نديرو في عيني و منخليهش يخرج من الدار و نتهلا فيه
ياسين معصب: لمياء طيري من قدامي راه غادي نقسمك على جوج
شويا وقف علينا شاب يكون قد ياسين هز ايدي باسها و دار عند ياسين
الشاب: مبروك اولد العم
ياسين: الله يبارك فيك العقبة ليك
الشاب: سيليباتير و بخير
مشى و في خاطرو كيقول " ايه اولد العم تزوج غير نتا لي جات معاك خديتي كلشي و لكن لي حطيت عليها العين والله لا كانت ليك مزال غادي نتلاقاو "
سالا العرس و بدات دراما الباتول الصراحة راه مساهلاش حتى عليا فجأة كتلقاي راسك غادية من داركم لدار مكتعرفيهاش و مع شخص بالنسبة ليا انا غامض و مكنعرفوش قاصحة عنقت ماما و سلمت عليهم كاملين و مشينا شدينا الطريق لأكبر منتجع سياحي في مراكش غادي نجلسو غير 3 ايام حيت عندنا اجتماع مهم انا مع العيا نعست محسيت حتى فيقني ياسين
ياسين: نوضي وصلنا
فقت مقلوبة خدا ياسين الساروت ديال الغرفة و طلعنا غير حل الباب و انا نتكوفر عاد سرات معايا انه غادي نبقاو في نفس الغرفة😱 قفزني غير صوت ياسين
ياسين: مالك تكوانسيتي دخلي متخافيش مغاديش ناكلك
دخلت مع الدعقة مشيت نيشان للحمام اوا راكم عارفيني صكعة بقيت مضاربة مع الكسوة و حلفت هي إلى بغات تحل اويلي اش هاد الحصلة لا عافاك متديريهاش مغاديش نرضى نخرج عند المتعجرف يحلها ليا 😭😭😭
ما باليد حيلة جمعت تقزديرتي و خرجت نيشان لعندو كان كالس فوق الفوتوي
زينب: شوف ها غمض عينيك و حل ليا السنسلة ديال الكسوة
ياسين مبهوض: نعاااام
درت ليه إشارة للسنسلة
ياسين: اه دوري
زينب: ولا غمض عينيك هما الأولين
ياسين: وا دوري من البسالة خلي هاد الليلة تدوز على خير
درت حل ليا سنسلة و طرت هزيت باليزتي و دخلت للحمام دوشت حيدت لعيا حليت الباليزة بان ليا داك المسخ ضحكت و تفكرت حنان فاش كانت شادة فيا " اوا الليلة ليلتك شوفي لبسي لحمر 🙊" و علي" ياك البرهوشة مطلعتيش ساهلة كتضربي غير من لتحت" ضحكت و لبست بيجامتي نشفت شعري و جمعتو و خرجت ملقيتش عريس الغفلة احسن مشيت تخشيت في الناموسية صافي خليوني نعس سيرو عند ياسين شويا
عند ياسين لي جالس قدام البيسين
ياسين: انا ياسين العلوي عندي 28 سنة الناس كتقول انا شخص عصبي و غامض صحيح و انا شخص عصبي و معنديش مع الناس ماشي اجتماعي خدمتي محور اهتماماتي بديتها في سن 22 كان الحلم ديالي نوسع و نكبر شركتنا اكتر و هادشي وصلت ليه بواحد %60 اعدى حاجة عندي هي يفرض عليا شي واحد رأيو اولا تفرض عليا شي حاجة بالنسبة البنات فكرة ممحية من دماغي بصفة نهائية
واحد النهار جات عندي سوما و قالت ليا بغاو يهضرو معايا في واحد الموضوع أو بالأحرى قرار لي خداو بلا موافقتي الزواج واش كيهضرو من نيتهم انا علاقات مع البنات و مكنديرهمش بقى غير نتزوج 😳 زائد انهم اختارو اسهل طريقة باش يلويو ليا ضراعي( من بعد و تعرفو ) تعصبت و غادي في الطريق بسرعة باش نوصل عند دراري شويا عنكشاتني واحد الطوموبيل في الطريق بقيت كتكلاكصوني باش تحيد ليا من الطريق ووالو بقات حتى سالات مكالمتها على خاطرها عاد بعدات من الطريق بفففف عصباتني شفت فيها شي شوفات كون كانو قرطاس كون تيريت فيها من بعد مشيت عند الدراري شفت نفس البنت عرفاتني و انتاقمات مني بطريقتها عصبتني قدام الدراري و مرضيتش مشيت الغد للشركة و تلاقيت نفس البنت و انتاقمات منها حتى انا على داكشي لي دارت فيا قدام الدراري حتى كنتصدم انها نفس البنت لي باغيين يخطبو ليا
انا عارفها مكتحملنيش و كاين احتمال ترفضني و انا هادشي ماشي في صالحي داكشي علاش عرضت عليها صفقة الزواج كانت قالت ليا سوما على طموحات و شغفها للعمل داكشي لي خديت بعين الاعتبار و عطيت اقتراحي و كنت واتق انها غادي توافق وافقات و بدات الخدمة معانا و تافقات بشكل كبير مع فريقها و كيشهدو بكفاءتها و اجتهادها معمرني شفتها من نهار الخطبة لي شفت فيها ديك البنت لي كتحشم و برهوشة حتى جات عندي واحد النهار استفزيتها و تسيف عليا مبقاتش ديك البنت اللي غير تابعة انتقامها و ديك البنت الحشومية نو تبدلات 180 درجة لمرأة ناضجة عملية و جدية وواتقة من نفسها و من خدمتها حسيت بلي كاينة شي حاجة كتجمع بيناتنا فكراتني في راسي في سن 22
جا نهار العرس قالك خاصك تمشي تجيبها انا معصب اولا معنديش مع هاد الاجواء و الناس بزاف تانيا تعطلو بزااااف كنت ناوي نسمعهم خل وذنيهم و لكن غير خرجات تصرط لساني مشا العصب مشا كلشي كانت قدامي بابهى حلة محققتش بزاف بقيت غير كنخطف فيها شوفات حتى سالا العرس و شدينا الطريق لمراكش وصلنا و شفتها نعسات حققت فيها مزيان كتبان هادئة و شعرها بحال الظلام و ريحتها مالية الجو نفضت راسي و فيقتها طلعنا و جات عندي حقا ما حقا غمض عينيك و حل ليا السنسلة 😂 حليت ليها السنسلة و في الصراحة مغمضتش عيني خرجت باش تحس بالراحة قتلني البرد و دابا هاهي قدامي ناعسة و مكمشة فوق الناموسية من نيتها ههههه(ضحكة شريرة ) جاء وقت الانتقام على التعطال و على مغاديش تخليني نخرج من الدار هزيتها و حطيتها فوق الفوطوي و غطيتها و مشيت ضربتها بنعسة فوق الناموسية الله على راحة
أصبحنا وأصبح الملك لله
عند زينب فقت كنلقى راسي فوق الفوتوي
زينب: اويلي انا اش كندير هنا لا متقولوش ليا المتعجرف هزني وحطني هنا واااااااااااااااااع
مرضيتش و نضت لبست حوايج sport و انا كنتحلف على المتعجرف حالفة حتى نرضها ليه درت شويا sport طلعت دوشت و هبطت نكتاشف شويا داك المنتجع اكتاشفتو مزيان محسيتش بالوقت حتى وصلات لعشية كليت شي حاجة خفيفة و طلعت للبيت ملقيتش ياسين بدلت حوايجي لبست كسيوة قصيرة و جمعت شعري و ضرت شويا الماكياج واخا معنديش معاه هبطت بان ليا جالس في الريسطو تفكرت الانتقام و عاودت طلعت للبيت ههههه(الضحكة الشريرة) شديت سطل دالما كبيتو في الناموسية و رديت عليها الغطى و هبطت جلست حداه
ياسين: على سلامتك فين كنتي
زينب: واقيلا انا لي خاصني نسول هاد السؤال من الصباح و نتا غابر
ياسين: باز مكتقادايش كولي كولي في خاطرو( شفتها مضواتش على موضوع الفوتوي زعما تكون نساتو و لا كتوجد شي انتقام )
تعشينا و طلعنا ياسين خدا حوايجو و مشا دخل يدوش و انا خدمت مود البراءة و جبدت غطايا و جلست فوق الفوطوي نتفرج خرج ياسين كيمسح في شعروا و شافني مكمشة في الفوتوي و قال
ياسين: لا انتي حالك معاجبنيش اش هاد الضرافة نزلات عليك فجأة كيهضر و غادي يتلاح فالناموسية
انا في خاطري " هانتا غادي تشوف الضرافة 3 2 1 "
ياسين: برهووووووووووووشة 😡😡
ياسين: نتي مولات هاد التبرهيش و انا كنقول مالها ساكتة
زينب: اوا بصحتك اش داك تهزني و تحطني في الفوتوي
ياسين تم جاي عندي معصب راه غادي نهز مك نطوعك من البالكون سيري تنعسي قبل مندير فيك ايدي مشا هز حوايجو بدلهم و عيط عليهم يبدلو ليه الفراش و انا ناعسة و دايرة إبتسامة نصر على وجهي
أصبحنا وأصبح الملك لله فقت لقيت ياسين مكاينش بدلت حوايجي و تميت خارجة حتى بان ليا شاد الحتة مع شي كاوريات اياه ا سيدي تحتت مع راسك تيليفوني كيصوني كانت حنان
زينب: الو الكارثة
حنان: صباحية مباركة يا عروسة
زينب: تمشي تخراي لا اشمن صباحية و لا مسائية اجي تشوفي عريس الغفلة شاد ليا الحديث مع التيتيز الأجنبي
حنان: هي معجبوش المنتوج المحلي
زينب: داكشي لي بان ليا حتى انا معجبنيش كنفكر ندوز للمنتوجات المستوردة
حنان: اوا الله يمسخك نتي راه خاصك تغضي البصر
زينب: سكتي سكتي هاهو لقيتو جالس حدايا واحد التيتيز يا نقوليك تركي على ألماني و مدردر بشويا ديال الجاذبية الإيطالية هاهو كيشوف فيا و يفرنس نمشي نشوف معاه
حنان: الله يعطيك عقل سلمي على ياسين و نتشاوفو غدا يالاه تلاحي
قطعت معاها و عيطت لماما دويت معاها شويا و قلت ليها ياسين كيسلم عليك(كدبة بيضاء) مطلقاتني حتى عرضات عليا كتاب التوصيات كيف تتهلين في زوجك في 7 ساعات قطعت معاها و لقيت داك خونا باقي كيشوف فيا و يبتسم و انا بادلتو الابتسامة
الشخص: bonjour
زينب: bonjour bienvenue au maroc
الشخص: merci j'aime vraiment le Maroc
زينب: حتى هو تيحبك amusez vous bien ودي ماتعاود
الشخص تفركع بالضحك : متخافيش ديما كنعاود على بلادي
أودي لي صكع ووجه لهم بحالي راه صكع فمي شي نهار ندير ليه السودانية المهم قصحت وجهي و دفعت الصنطيحة
زينب: العز الواحد هو لي يفتاخر ببلادو واخا مكتبانش فيك منتوج محلي صدفة سعيدة و مرة أخرى استمتع و مشيت مخليتوش حتى يجاوبني خارجة و هو يبان ليا ياسين غادي لجيهة ديال طوموبيل طرت حداه
زينب:فين غادي
ياسين: سوقك خارج
زينب: ديني معاك
ياسين: أو اش هاد الزعامة
زينب:اوا صافي نخرج بوحدي
ياسين:بففففف طلعي الله يخرج هاد الخرجة على خير
ركبت حداه و مشينا في اتجاه اوريكا داني ياسين لواحد المطعم تما كالم مقابل مع الطبيعة شي حاجة روعة انا جلست نصور المناظر الطبيعية تما كتحسي بالارتياح و نصور راسي و نغفل ياسين و نصورو فشي لقطات مغمض عينو حال فمو ههههه و لكن تيتيز طلب ياسين الغداء تغدينا و شدينا الطريق و انا الطريق كاملة مضاربة مع راسي واش نطلبو و لا لا حتى نطقت
زينب:ياسين ملحنة
ياسين تصدم اول مرة ننطق سميتو و زائد اللحن فيها ان عاق بيا و قال
ياسين بتشكيك: اش بغيتي
زينب:ديني لجامع لفنا
ياسين: كنت حاس غادي تخرجي شي حاجة ماهياش انا معنديش مع البلايص لي فيهم بنادم بزااااف
زينب: اوا صافي حطني فشي بلاصة قربية نمشي بوحدي
ياسين شاف حتى عيا: أمري لله
مشا براكة الطوموبيل و نزلنا لجامع لفنا مخليت قرودا تصورت معاهم لفاعي هزيتهم دخلت وسط الحلاقي كنصور و نستكشف خديت سوفونير و كادوهات للدار المهم ياسين باقي ليه شويا و يقجني حتى قال
ياسين:اشوفي راه منزيدش معاك الضربة صافي عييت و شحفت
صفقة زواج من متعجرف الجزء الثاني
محتوى القصة
التنقل بين الأجزاء