زينب: متجبديش عليا داك المتعجرف حال و عقل مكنفهموش كيكون ضاحك حتى كيغوبش أودي واقلة السيد زان زان
حنان: داك الزين كامل و زان زان راه نتي لي طاير ليك الفريخ كون منك انا كون اغتاصبتو
زينب: تفو عقلك ديما في ز.....
حنان: اجي قدامي نقادك راه مشى الحال
نضت عندها لبست كسوة كحلة طويلة دومي مونش و شوية عريانة من جهة الصدر مي ممعيقاش جاتني زوينة جلساتني و دارتلي مكياج روعة ركزات على العينين و خلات ليا شعري مطلوق
زينب: ا والله لا مشيت بيه مطلوق
حنان: وا الخرية جاك كيحمق
زينب: و لا جمعيه
حنان: تفوو المرض معاك دوري
جمعات ليا شعري و خلات ليا الكصة مرخية عجبني راسي
حنان: قل أعوذ برب الفلق جيتي كتحمقي يا ختي
زينب: صبغتيني بزااف يا ختي
حنان: لا شكرت خدمتي ا بيبي يالاه دكي
خرجت من عندها كنضحك و مشيت نيشان لمكان الاحتفال
وصلت لمكان الاحتفال لقيت الدنيا عامرة و الموظفين كاملين متأنقين و موسيقى هادئة مشيت نيشان فين كاينين قسمي بقاو شادين فيا
رئيس القسم: افين كنتي مخبية هادشي كامل
محمد معايا في القسم: كنت مانعها تطلق عليكم جمالها 😂😂
زينب : اياااه تماما
امال معايا في القسم: أودي سعدات هدا لي غادي يديك
بقينا عاطينها للضحك و التقشاب حتال لواحد عم الصمت في القاعة و كلشي كيشوف في الباب اه كان ياسين لي جا ضارب واحد الكوستار في الكحل و شعرو موقفو و اللحية مطراسية كيبان 😍😍😍 ولكن بلاتي 😠 شكون هاد الصفريطة لي شادة فيه بفففف و انا مالي جات عيني في عينيه بقى كيشوف فيا شي 3 دقايق شوية توجه للمنصة رحب بالناس كيهضر واتق من نفسو و تمنى أن مشروعنا يلقى نجاح لي متوقعينو و اكتر علاش لا من بعد عطى لكلمة لمروان لأن خدمتنا غادي تكون معاه ناض مروان و عطى كلمتو حتى هو بكل تقة و تمنى للناس حفلة ممتعة أودي قول مملة معرفتش لاش اختارعو هاد الحفلات 😪
انا الحفلة كلها و انا حاضية المتعجرف لي باقي مع ديك الصفريطة بفففف حتى جا عندنا مروان سلم علينا و طلب مني معاه
انا قربت حدا وذنيه و قلت
زينب: انا أرا ليا لا كاين شي شعبي شي حيحة أما هاد الشطيح ديال التبعكيك كيدير ليا المعدة
مروان: 😂😂😂 نتي علام بوحدك معليش انا نعلمك
شد فيا و دار ايد في خصري و الاخرى شاد في ايدي كنرقصو و نضحكو
مروان: وا هانتي كترقصي حسن مني
زينب: أودي راه غير كنبغي نتواضع معاكم و صافي
مروان: اوا الله يكتر خيرك الالة 😂😂
سالينا الرقصة و رجعنا للطبلة هزيت بوشيطتي و استأذنت نمشي للحمام تميت غادية حتى كنحس بشي ايد جاراني مخرجاني لجيهة الطوموبيلات هزيت عيني كان ياسين كتبان عليه معصب ركبني بالجهد في الطوموبيل و ركب و كسيرا بأقصى سرعة بلا هضرة بلا جوج انا الطريق كاملة و عقلي خدام هدا مالو علاش كيتعامل معايا هكدا اشنو درت ليه واش شويا لاباس في عقلو وصلنا للدار دخلنا و جمعت شجاعتي كاملة
زينب: ياكما كاين باس اش هاد التصرف درتي
ياسين: شوفي متهضريش معايا و دخلي فحالك
زينب بالغوات: كيفااااااش 😡
ياسين حتى هو بالغوات: كيفما سمعتي و متهزيش صوتك عليا و زايدون اش هادشي لابسة 😡😡
زينب: لا واش من نيتك شكون خاصو يتعصب مقدكش التصرف ديال الصباح و زدتي كملتي دابا بهاد التصرف اش هادشي راني مبقيت فاهمة والو
ياسين: صافي سكتي😡😡
زينب: لا مساكتاش و كتدوي على لبسي ياك النهار الأول نتا لي قلتي fais ta life et je fais la mienne اشنو تبدل دابا علاش..... باقي مكملتهاش حتى كنحس بشي حاجة سخونة على فمي 😳😳😳😳😳
لا واش كنحلم اش هادشي واش بصح ياسين حاط شفايفو على شفايفي انا تصدمت و معرفت مندير احساس في شكل اول مرة نحسو اول مرة نكون بهاد القرب من شي راجل تكاكيت و دفعتو و هربت نيشان لبيتي الف سؤال و سؤال في بالي اش وقع دابا؟! علاش ياسين دار هادشي؟! واش نسى انه زواجنا مجرد صفقة؟! اش هاد الغموض لي داير بيه؟! اش هادشي كنحس بيه بقيت نخمم و نخمم و ملقيتش حتى شي جواب دخلت للحمام حليت الرشاشة و تخشيت تحتها
عند ياسين لي وسط الحمام كيدوي راسو
ياسين: لاااااااااااااااااااا ا ياسين اش هادشي درتي علااااش نسيتي انه مخاصكش تعلق بشي وحدة؟! نسيتي انها تقدر تمشي و تخليك؟! واااااع هز ايدو وضربها مع المراية ديال الحمام حتى تهرسات و خرج هز سوارتو و ردخ و خرج ركب في سيارتو و كسيرا خلا غير لعجاجة و راه 😡😡😡
عند زينب
خرجت من الحمام و سمعت الباب تخبط على الجهد عرفت بلي ياسين لي خرج احسن نيت مقادراش نواجهو معارفاش اش نقول حتى سمعت تيليفوني كيصوني كانت حنان
حنان: العوجة كي دازت الحفلة
زينب: كي الويل
حنان: اويلي مالكي ياكما كاين باس
زينب: معرفتش
حنان: كيفاش معرفتيش شكون غادي يعرف هضري راك خلعتيني
زينب: حتى نتلاقاو و نهضرو اوكي
حنان: اوكي يالاه تلاحي
قطعت مع حنان و تكيت في بلاصتي ننعس و حلف نعاس لا جاني
بعد 15 يوم
اياااه 15 يوم دازت عادية في الخدمة لي ستلمتها انا و جوج مهندسين مع مروان لي ولى قريب ليا في هاد الفترة عندنا بزاف النقاط مشتركة و كيفوج عليا اجيو نعرفكم عليه
مروان الرامي مغربي أبا عن جد عندو 27 سنة شخصية اجتماعية بامتياز مرحة و كيعشق شي حاجة سميتها المغامرة كبر بين ألمانيا و المغرب قرى و خدم و كون راسو ولى شريك في الشركة الألمانية لي خدامين معاها اه و راه سيليباتير و تيتيز(الصورة) 😂😂
ياسين من داك النهار مشفتو لا في الدار و لا في الشركة سرطاتو الأرض يمكن
جات عندي لمياء تبات معايا ضروري من الزبايل 🙊🙊🙊
فلاش باك
سر سر سر
زينب: بلاتي هانا جاية
حليت الباب بانت ليا لمياء جايا بعجاجتها
لمياء كتضحك: امالك خايفة يشفروك
زينب: اوا اختي خوك غابر و مخليني اش بغيتيني ندير
لمياء جمعت الضحكة و بغات تقلب الموضوع: غادية تخليني في الباب
حتى انا مبغيتش نحكر و لا نسولها عليه حيت عارفا انه هو اللي مصيفطها
زينب: دخلي من الهضرة
دخلات و جلسنا كنهضرو و نضحكو شويا تفكرنا حنان قلنا نمشيو عندها خرجنا ببيجاماتنا هزينا الطوموبيل و مشينا خرجناها من دارهم ببيجامة و ركبنا غاديين كندورو في الشوارع و مجهدين مزيكا و كنغنيو و نغوتو بحال السكرانات مشينا تعشينا في ماكدو خارجين ببيجاماتنا كلشي كيشوف فينا شي كيضحك وها لي تنغز في صاحبتها و حنى ممسوقينش خدينا داكشي لي بغينا ناكلو و جلسنا شادين الحتيت و الضحك و خرجنا غاديين قالت ليك حنان نمشيو لحدا البحر اوا مشينا و البرد كيطير و حنا جالسين مقابلين البحر
لمياء: والله حتى نتوما مفزعات جالسين تجمعو في البرد
حنان: أودي هدا راه منظر رومانسي البحر و الليل خاص غير شي تيتيز يسخن الجناب
هزيت راسي كيبان ليا واحد الشمكار كيقضي في حاجتو 🙊🙊 و انا نتفرقع بالضحك 😂😂😂
زينب: لا رومانسي نيت(كنشير ليهم على الشمكار) شافوه و هما يطلقو لحلوق 😂😂😂
لمياء: هانتي ا حنان جاب ليك الله تيتيز حتال بين ايديك 😂😂😂
هو سمعنا كنضحكو شاف فينا بشر و تم جاي جيهتنا
زينب: لمياء حنان عندكم شي رجلين...باقي مكملتهاش لقيتهم وصلو حدا الطوموبيل بنات اللذين طرت حتى انا ركبت سدينا علينا و ديماريت و تفركعنا بالضحك 😂😂😂😂
لمياء: والله حتى طاير ليكم لفريخ
عودة للحاضر
داخلة للشركة كنهضر في التيليفون
زينب: وا صافي البقرة قلت ليك جي لعندي هنا مع 4 و نخرجو نقديو اش تابعنا
حنان: وا نتي لي كل شويا حال و عقل ولكن تفوتي 4 بدقيقة ندير ليك الشوهة في ديك الشركة
زينب: صافي صافي تلاحي
مروان: وا من نهار عرفتك و نتي تلوحي في بنادم مكتحشميش
زينب: زيد قدامي و لا غادي نتبعك ليها 😏
مروان: لا لا نخاف على راسي هاني غادي 😂😂
زينب: 😂😂 اجي شفتك هنا علاش ماشي في الموقع
مروان: صباح الخير غادي نمشي نطل في العشية ان شاء الله
السكريترة كتمتم: راه راه مكتفارقش مع موسيو الرامي و علاقتهم كتبان وطيدة
الشخص في خاطرو " اياه مدام العلوي على علاقة فضيحة من العيار الثقيل هاهاها(ضحكة شريرة ) " : سمعني مزيان غادي تطلقي إشاعة انه كاينة علاقة بيناتهم و نبغيها توصل لسي العلوي 😈
السكرتيرة: ولكن موسيو العلوي هادي 15 يوم مجاش للشركة
الشخص: نبغيه غير يجي يسيق الخبار
السكرتيرة: اوكي موسيو
قطعت و هي كتفكر اشنو علاقة موسيو العلوي بالمهندسة و مروان مهم دارت خدمتها و طلقت البراح
اجيو نمشيو عند حنان لي وصلات قدام الشركة لابسة كسوة قصيرة و طالقا شعرها و كتهضر في التيليفون
حنان: اهبطي ا ديك العوجة
زينب: اوكي هانا نازلة
حنان: وا تبتيني بهاد انا نازلة سربي خلاص
الدورة لي غادي ندور كنحس بايدي طارت تضربت مع الزاجة ديال واحد الطوموبيل
حنان: اوا الله يعطي العمى لهذا لي عطاك البيرمي مالك على هاد الدورة ديال الخظارة و انا باقية كنجعوق و هو يتم نازل واحد التيتيز سرطت لساني و حليت عيني و فمي احححح اش نقوليكم سكانيتو على مزيناتو اش منك يا طولة و يا تجريدة قلبي كيضرب عرفتو هداك لي كيقولو ليه حب من اول نضرة هو لي شدني دابا
مروان: انسة واش طرات ليك شي حاجة سمحي ليا
حنان درت فيها عزت نفسي: لا مكاين والو غير المرة الجاية دير نظاظر
مروان: سمحي ليا ولكن راه نتي لي خرجتي قدامي
حنان صافي رجعت مود تناتيف: نعام نعام وا الأخ راه عندك 3 ديال المرايات و 6 ديال الجاجات و نتا لي خاصك ترد البال للطريق و متزيد حتى تضرب عليهم طليلة كاملين
مروان: صافي انسة باينة نيقاشنا مغادي يوصلنا حتال شي نتيجة المهم إلى كان شي ضرر خليني نديك للمستشفى
حنان: وا المستشفى سير خود فيها رونديفو دوز على عينيك
مروان دور وجهو بلا حول ولا قوة الا بالله : مهم انسة كنكرر اعتذاري ومشى ركب في طوموبيلتو و زاد
حنان : احححح حرز عليك تيتيز أما كون درت ليك موتا حمار هنايا دابا فين هاد الهيشة 😡😡
عند زينب خرجت عند حنان لقيتها شاعلة
حنان: اوا بغيت ندعي عليك و لكن حالتك تشفي العدى
زينب: امالك شاعلة
حنان: واحد العور ضربني لايدي بالطوموبيل
زينب: و الطوموبيل ماطرا ليها والو بعدا
حنان: تفووو عليك 😡😡😡 نتي وياه
زينب: دابا نتي مالك شاعلة أنا متأكده انه سمع خل وذنيه و جمعتي عليه الناس و الغادي و الجاي تفرج فيه
حنان: ماشي حتال ديك الدرجة راه تيتيز 😍😍 داكشي نقصت لادوز
زينب: ماشي من عوايدك طحتي الصكعة
حنان: هاهاها باسلة زيدي قدامي باقي تابعنا مايدار
ركبنا في الطوموبيل و تحركنا
زينب: فين نمشيو دابا
حنان: نمشيو ناخدو تكاشطنا من عند الخياط هو الأول و من بعد نمشيو ناخدو الكادو
مشينا عند الخياط خدينا تكاشطنا لقيناه وجدهم طلعو شي حاجة واو 😍😍
ومن بعد مشينا ناخدو الكادو ضرنا حتى عيينا باش نلقاو شي حاجة كتعجب سي علي و لالة مريم خدينا داكشي لي بغينا و مشينا جلسنا في واحد الكافي
حنان: و هانتي البعلوك حتى هو سبقني بقيت غير انا البايرة فيكم
(بس: انا و علي و حنان و مريم كنا ديما كنخرجو مع بعضياتنا داكشي باش حتى حنان كتعرفو)
زينب: اوا شوفي ليك مع التيتيز ديال قبيلة
حنان: قلبي عليا مالكي باسلة أمم
زينب: بلا ماتبقاي تمتمي تما غير سولي
حنان: ياسين مكاينة حتى خبار عليه
زينب: معرفتش و مباغاش نعرف متبقايش تسوليني عليه
حنان: زينب راك صاحبتي و كنعرفك علاش كتعاندي و مباغاش تعتارفي
زينب : باش غادية نعتارف ا حنان واش كتضحكي عليا
حنان: انك معجبة براجلك
زينب: قلتي راجلي ياك راجلي لي مكنعرف عليه والو من غير سميتو و كنيتو راجلي لي 15 يوم و هو غابر معرفتش فين راجلي شخصيته لحد الآن مقدرتش نحددها كلها غموض راجلي لي كيكون فرحان حتى كيقلبها معصب و مكنعرف حتى علاش
حنان: صافي سمحي ليا مقصدتش نعصبك
زينب: حنان مبقيتش كنعرف راسي واش انا هي زينب لي كان همها غير الخدمة و الأحلام و الطموحات و السفر مشا هادشي كامل وليت نفكر غير في هاد الشخص اللي مكنفهم فيه والو
حنان: واجهيه
زينب: معنديش استعداد نواجهو خايفة و معارفاش اش ندير
حنان: اوكي متفكري في والو دابا كل حاجة بوقتها
زينب: يالاه نوضي نوصلك باش نمشي راه غدا خدامة
مشينا وصلت حنان لدارهم و مشيت للدار دخلت لقيتها مضلمة عرفتو باقي مجاش كنحس بالدار خاوية و باردة مفهمتش اش هاد الاحساس طلعت حليت الباب ديال بيت ياسين كان عندي امل نلقاه و لكن والو مشيت جلست فوق ناموسيتو و تفكرت نهار كان مريض و كيهتهت قلبي مزير عليا و باغية نبكي علاش مبغاش يخرج من عقلي اش هادشي لي كتحسي بيه ا زينب نسيتي راه هو نفسو ياسين المتعجرف نفضت راسي من هاد الأفكار و نضت لبيتي دخلت للدوش دوشت و لبست بيجامتي و نشفت شعري و خليتوا مطلوق و مشيت صاوبت ليا سوندويش و جيت تقابلت مع التلفازة كنتفرج في فيلم رعب و ناكل و مع انا الصكوعية كتقول ليا خالتي هووووب ☻☻ تقطع الضو تخلعت و اللقطات ديال فيلم الرعب باقين في بالي مشيت طليت مقطوع على الزنقة كاملة الخلعة شداتني من صبعي الصغير جميع سيناريوهات الرعب جات في بالي سمعت شي صوت كيلعب في الباب بحال إلى كيحاول يحلو اويلي صافي اليوم يغتاصبوني ويقطعوني هنا مشيت كنجري هزيت الشطابة و تخبيت ورا الباب غير تحل و انا ننزل عليه ضرب يا ما تضرب حتى سمعت صوتو و تسمرت
ياسين: امالكي تصطيتي حبسي ملقيا ليا بالعصا هادي هي توحشتك في بلادكم
اه صوتو ريحتو هو طيحت الشطابة و دموعي خرجوا بلا منحس و بركت كنضرب في صدرو و صوت التنخسيس ديالي كيتسمع محسيت حتى خشاني في صدرو عنقني و كيدوز على شعري بقيت كنتنخصص حتى رجع الضو شدني ياسين من كتافي و قابلني معاه
ياسين بابتسامة: ساكنة بوحدك في هاد الدار
حيدت ليه ايديه و تميت غادية و كنهضر تحت من سناني
زينب: قربت ننسى راه ساكن معايا شي واحد في هاد الدار
سمعني ياسين و جرني رجعني قدامو باسني في حنكي و خربق ليا شعري تصدمت و كنقول في خاطري هدا مالو
ياسين: برهوشة و بكايا هه سيري غسلي خنونتك و خرجي عندي بغيت نهضر معاك فشي حاجة
طلعت لبيتي مدهشرة شكون هدا لي جا واش ياسين نيت بفففف هاد السيد اكيد عندو انفصام في الشخصية دخلت غسلت وجهي و نزلت عندو كيبان ليا كيخمم اممم هاز المغرب
زينب: هانا اش بغيتي
ياسين كيتمتم متردد: اممم لا لا والو بغيت غير ناقش معاك شي حاجة كتخص الخدمة(الله يجعلني نتيق )
زينب: من نيتك 😏
ياسين: اه علاش
زينب: زعما هادشي لي عندك
ياسين: هادشي لي كاين دابا ياكما بغيتي تعرفي فين كنت 😉
زينب عزت نفسي: ماشي سوقي
ياسين بضحكة شريرة: اجي جلسي
مشيت جلست حداه و بقينا كناقشو الخدمة و خاشيين راسنا في الأوراق و ياسين مرة مرة كيسها عقلو ممعاياش حتى داتنا عينينا
أصبحنا و أصبح الملك لله فقت لقيت راسي مخشية في ياسين و حاطة راسي اويلي كي درت ليها بقيت كنشوف فيه كيبان كيوت و هو ناعس😍 زينب الرجوع الله نوضي اش كتقولي نضت و انا نسمعو
ياسين و كيماصي في كتفو: راسك تقيل كتفي طاح 😅
زينب مرضاتش: اولا الناس كيقولو صباح الخير و تانيا إلى كان راسي تقيل راه عامر كيتك
ياسين: هاهاهاها برهوشة
زينب: متعجرف 😜😜😜
دخلت لبست حوايجي سروال جينز و تريكو سخون شويا و سبرديلة و جمعت شعري و درت شويا الماكياج و الريحة و خرجت لقيت ياسين قدامي
ياسين: إلى كنتي غادية للشركة تسناي نوصلك
زينب: لحسن الحظ غادية للموقع و زايدون بغيتي توصلني و يكتر القيل و القال
ياسين كيقرب: و خليهم يقولو و من بعد
زينب: كيفاش
كالاني مع الحيط و طبع بوسة طوييييييييييلة على خدي و قال
ياسين: صباح الخير 😊
خرجت غادية في الطريق و كنفكر في تصرفات ياسين الجديدة بالنسبة ليا هاد السيد صفحة بيضاء و كل مرة في حال الله يستر وصلت للموقع لقيت مروان ساهي كيخمم
زينب: صباح الخير امالك كتخمم هاز المغرب
مروان: قلبي عليا جايا بعجاجتك
زينب: امال بنادم قالب وجهو و معصب
مروان: مناعسش مزيان
زينب: اش تمى 😉
مروان: واحد البنت البارح دات ليا العقل بعينيها و لكن لسانها سليط تعشقي تبقى غير ساكتة
زينب: سبحان الله كنعرف شخص نفس المواصفات
مروان: ياكما ياسين
زينب: لاواه المرض صاحبتي قالاك ياسين
مروان: هههه امالك عرعرتي راه غير ضحكت اجي بعدا فطرتي
مشينا درنا جولة على الخدامة و هضرنا معاهم شويا و خرجنا مشينا نفطرو و من تما للشركة دخلنا كنهضرو حسيت بحركة غير اعتيادية في الشركة و كاع الموظفين كيشوفو فيا انا و مروان
زينب: اجي شوف فيا ياكما فينا شي حاجة ماشي نورمال
مروان: واييه داكشي لي كنشوف مالهم
زينب: و شكون عرف نخليك دابا نمشي نكمل شي خدمة
مشيت للقسم يالاه جلست و هي تعيط ليا السكريترة ديال ياسين قالت ليك بغاني مشيت نيشان عندو لقيت السكريترة كتطلع فيا و تهبط و قالت
السكرتيرة بالنسخة : دخلي موسيو العلوي كيتسناك
دقيت و سمعت دخل دخلت لقيتو حادر راسو على الوراق هز راسو شافني ابتسم ابتسامه دوخاتني و قال
ياسين: اهلا من الصباح و انا نتسنى فيك
زينب: علاش 😳
ياسين: والو بغيت نشوفك
زينب: علاش
ياسين: توحشتك
زينب: كيفاش
تميت غادية جيهتو هزيت ايدي بشويا و حطيتها على جبهتو
زينب: مافيكش سخانة و كتهتهت غريبة
ياسين: حالتي خطيرة ا دكتورة
زينب: اه و بزاف حالتك كتطلب استدعاء الإسعاف حالا سويرتي تعيش
زينب: ممسالياش و خرجت وجهي غادي يتفركع و كلي كنترعد و قلبي كيضرب
مشيت لقسمي بقيت خدامة و علقي حتى هو خدام في تصرفات ياسين شي نهار يسكت ليا القلب ساليت خدمتي و خرجت عيطت على حنان درنا نتلاقاو في beauty centre مشيت تلاقيتها في الباب
حنان: ا فين ا تيتيز
زينب: هالو بب يالاه ندخلو
دخلنا و قادوا لينا شعورنا و الماكياج و الظفار و خرجنا
حنان: جبتي معاك تكشيطتك
زينب: لا بقات في الدار نمشي نلبس تما و ندوز لعندك و نيت نقول لياسين راه غادية نمشي للعرس
حنان بالغوات: رجاااااااااع
زينب: الجهل مالك تقولي كان مودر
حنان: فين كان هاد المدة
زينب: و شكون عرف مسولتوش مسوقيش
حنان: اوا الله يهديك خليك حتى تدور بيه شي وحدة و ديك الساعة شدي في البولة 90
زينب بخوف: زعما يكون كان عند شي وحدة أخرى
حنان: و هداك التيتيز يدير حتى 10
زينب: بفففف و انا مالي يدير حتى 100
حنان: اوا باز ليك سيري حيدي خليني نهبط لدارنا
هبطت و كسيريت ديريكت للدار دخلت ملقيتش ياسين دخلت لبيتي لبست تكشيطة درت les accessoires ديالي و رشيت الريحة شفت راسي في المرايا تزعطت فيا 😂 و نزلت يالاه غادية نحل الباب و هو يدخل ياسين
ياسين: اوه الأميرة فين غادية
زينب: اليوم العرس ديال علي جيت عنداك قبيلة للبيرو باش نقولها ليك و ملقيتكش
ياسين فين هو ياسين ساهي و كيشوف كيفاش كتحرك فمها و عينيها : امم
زينب: راك حتى نتا معروض و لكن قلت موحال تبغي تمشي
ياسين كيقرب ليا كيحساب ليا غادي يبوسني عوتاني في حناكي شديتهم بجوج ضحك و جبد منديل و بدا كيمسح ليا في العكر
زينب" لا اكيد انفصام في الشخصية خاصني نسولو فين كان في هاد 15 يوم"
بقيت مضاربة مع أفكاري حتى كيبان ليا نازل ضارب بدلة في الكحل و ريحتو سابقاه و مشيك ليا على الحالة بقيت حالة فيه فمي جا سد ليا فمي و شد ليا في ايدي انا ضربني الضو و مركت غادي يقول غير طحت فيه خرجنا حل ليا الباب ديال الطوموبيل و مشينا نيشان عند حنان
خرجات حنان لابسة تكشيطة في البوردو طلعات سلمات على ياسين و انطلقنا لمكان العرس نزلنا شد ليا ياسين في ايدي قربت حنان لوذني
حنان: اوا يشويني فيك شوفي التيتيز كلو حداك انا كون كان عندي بحال هدا نسد عليه
ياسين قرب حتال ودني: سمعتي الناس اللي كيفهمو
زينب: تلاقيتو وافق شن طبقه نسد عليك مالك نوتيلا
ياسين: احسن من نوتيلا خاصك غير تدوقيني 😉
انا شفت فيه ديك الشوفة ديال واش من نيتك 😏
زينب: اش غادية نذوق فيك
عاد سرات معايا و خرجت عيني😳😳 وطلقت من ايديه و تميت غادية بزربة حتى تعكلت كنت غادية نجي على فمي كونما شدني ياسين
ياسين:😂😂 برهوشة مالك كتطيري و لكن معندي منتسالك فهمتيها
انا ألوان الطيف دازو فيا وليت ندخل و نخرج في الهضرة
زينب: انا ا اا لا اش هو غير مفهمتش
ياسين: 😂😂😂😂 بغيت جملة مفيدة 😂 اجي تجلسي
جلسنا مبقيتش طلعت عيني فيه شكون هدا مكنعرفوش فين ياسين المتعجرف كون غير رجع😭
بقينا جالسين شادين النميمة انا و حنان و البنات حاضيين ياسين لي كيخنشش في تيليفونو لا انا لا هو عندنا مع هاد الاجواء غير على ود علي دخلو العرسان ناضت حنان حيحات تشطح و تعاود هههه مجنونة بدلات اللمسة الأولى و التانية و التالتة شويا و هي تقوليا حنان اجي نشدو في البرهوش قربت لياسين لوذنو
زينب: غادي نوضو عند العرسان تمشي معانا (كنتناه يقول لا)
صفقة زواج من متعجرف الجزء الرابع
محتوى القصة
التنقل بين الأجزاء