دخلنا للحمام وقفنا قدام لمرايا حنان كتقاد في العكر و تهضر
حنان: عندي ليك آخر الأخبار
زينب: اش تما
حنان: بغاو يزوجوني 😭
زينب: اويلي لمن
حنان: لداك بابا عجينة ديال سمير
زينب: اويلي من نيتهم رفضي
حنان 😏: كتفلاي بابا راه غير سمعو غادي يخلص عليا ديك المدرسة لي محاملاها ماقابلاها سمعني الخل على وذني و قال ليا إلى رفضتي نقطع ليك الرجلين
زينب: اوا اشنو المعمول اش غادي تديري
حنان: غادي نهرب حتى ينساو و نرجع
زينب: بعقلك و لا وضرتيه كيفاش غادي تهربي تصطيتي اجي بعدا امتى جايين هادو
حنان: معرفتش واقيلا غدا مكيهمنيش انا قررت
زينب: حيدي عليا هاد التخربيف من دماغك انا اليوم غادي نمشي نبات معاك و نلقاو حل ان شاء الله
حنان: وياسين زعما يخليك تباتي برا
زينب: متخافيش نطلبو
حنا باقيين داويين تمو داخلين واحد الجوجات
البنت 1 : اري اري داك العكر على الله يجيب نتيجة و يديها فينا
البنت2: هاكي ياختي شفتيه شحال زوين و مرزن
البنت1: ياودي انا اش حضيت من غيرو مني دخل
البنت2: شكون هاديك لي معاه تكون ختو
حنان: احم احم لا ا حبيبة مرتو
البنات: اه اوا الله يخليهم لبعضياتهم و خرجو
زينب: 😂😂😂😂 امالك اصاحبتي زعزعتيهم
حنان: باز لقلبك بارد وا راه راجلك هداك لي داويين عليه
زينب: أودي خليهم يهضرو مال الهضرة بالفلوس
حنان: زيدي قدامي غادية تطرطقي ليا المرارة
خرجنا قلبت على ياسين بعيني ملقيتوش خرجت من القاعة للجردة بان ليا واقف مشيت عندو وقفت قدامو
زينب بصوت ملحن: ياسييين 😇
ياسين: شي كارثة تاني الله يسمعنا خبار الخير
زينب ضربتو لكتفو: بغيت نبات اليوم مع حنان😇
ياسين و عينو خارجين 😳: و علاش
زينب: بغاتني نعاونها فشي حاجة عافاك متقولش لا 😢
ياسين: لا جيبيها هي تبات معاك
زينب: لا متقدرش وا ياسين وا عافاااااك 😢
ياسين ساهي في عينيها:امم زيدي طلبيني ممكن نوافق
زينب هزيت ايدي للسما: سير ا ياسين اولد العلوي انا بغيتك ديما الفوق الفوق قول امين بغيتلك شي 100 مليون و فيلا حدا البحر و طوموبيل مدايراش و سفرة 3 ايام إلى المالديف و شي تيتيزة من الفوق
ياسين غادي يتفركع بالضحك: 😂😂😂😂 هادشي كولو عندي شوفي شي طريقة أخرى
زينب: وا ياسييين وا عافاااااك 😢
ياسين كيشير لحنكو: بوسي 😘
انا حشمت و لكن ما باليد حيلة قربت باش نبوسو في حنكو و هو يدور وجهو جات في شفايفو 💏 😳 بعدت عليه بالزربة و بديت نسب و نضرب
زينب: الله ينعل لي ما يحشم يا الاستغلالي يا المتعجرف
ياسين كيضحك شد ايدي و قرب ليا: وا رساي راه غادي نبدل رأيي يالاه تحركي نقولو لصاحبتك يالاه اجي بعدا
زينب: مالك اشنو
ياسين: عطيني تيليفونك
مديتو ليه و هو كيكتب في نمرتو
ياسين: مرتي و معنديش نمرتها
دخلنا مشادين الايدين لقينا حنان واقفة ورى العروسة باش تشد البوكي 😂😂 و فعلا شداتو و علي من بعيد كيقوليها مول المحلبة صبعات ليه و جات لعندنا يالاه مشينا وصلنا ياسين لدار حنان و مشي
عند ياسين لي داخل للدار كيضحك و يصفر للدار
اكيد كتساؤلو فين كنت غابر هاد 15 يوم كاملة 🤔🤔
فلاش باك
في فيلا فوسط الغابة أقل ما يقال عليها تحفة فنية نبع للراحة النفسية دايرا بيها حديقة جامعة جميع أنواع الزهور و اندرها و الداخل مزينا بالألوان و الطابلوهات و صور المناظر الطبيعية جالس ياسين و صاحبو
....: اش هاد الحالة وصلتي ليها شوف ايديك حالتها كي ولات حالك معاجبنيش ا صاحبي
ياسين: ايمن قلب عليا ا صاحبي راه طالع ليا الدم
ايمن: وانتا لي هازها منين تقالت قوليها كولشي و هني راسك
ياسين: كتطنز عليا ياك نمشي عندها السلام و عليكم و عليكم السلام زينب انا تزوجت بيك على قبل الطمع
ايمن: اش هاد الشرح د المرض عندك ماشي هادي هي version الصحيحة غادي تصارحها و تعاود ليها كلشي
ياسين: صعيب و بزاااف فين عمرني في حياتي ما درتها مع شي وحدة
ايمن: هي ماشي وحدة هاديك مراتك
ياسين: و في نظرك وحدة بحال زينب غادي تتقبل الموضوع عادي
ايمن: إلى صارحتيها نتا اكيد غادي تتفهمك و متنساش أن زواجكم من الاول مجرد صفقة
ياسين: متافق معاك و لكن متنساش أن هاد الصفقة انا لي درتها و زيد هي من الاول كانت صريحة و مخبات عليا والو
ايمن: كتعجبك
ياسين: ولفتها و مبغيتش نتعلق بيها مبغيتش تاني مرأة نتعلق بيها تمشي و تخليني
ايمن: نسا عليك الماضي ا ياسين متبقاش اي حاجة تربطها ب.....
ياسين قاطعو: متكملهاش مبغيتش نسمعها
ايمن: اوا نسى و فكر في مراتك
ياسين: زينب بنت مختلفة بزااف مكتخليش حقها تبقى تابعاك حتى ترجعو ذكية بزاف كتبان مرأة ناضجة قدام الخدمة و إلى شافت الماكلة كتولي برهوشة عندها 8 سنين 😂 كنت كنضن كاع البنات كيبكيو ليلة العرس ديالهم على واليديهم ساعة لا السيدة نعسات و ممسوقاش 😆 كتخليك تبعها في تبرهيشها عمرك تخيلتي ياسين العلوي كيضارب بالمخاد هه و لا كيدور في جامع الفنا لا و الواعرة نعست في الأرض و ضربني البرد هههه
ايمن: خلي قلبك مرة مرة يتحكم في تصرفاتك مغاتندمش وفاش تشوف الوقت مناسب صارحها من الأحسن تجي من عندك
ياسين: فهمتك العود هه لي يشوفك كتنصح فيا يقول السيد خبير العلاقات العامة
ايمن في خاطرو "حيت لي بغيتها بعيدة عليا و مقادرش حتى نصارحها " : اه نسيت عيد ميلاد لمياء الشهر الجاي جيبها نديروه ليها هنا
ياسين: فكرتيني كنت ناسيه و لكن راه معندي كانة لشي عيد ميلاد
ايمن: أودي عارفك غير جيبها انا غادي نتكلف بكلشي و منها نتعرف على لي دات ليك العقل
ياسين: اوكي دير لي عجبك
ايمن: اوا نوض تنعس راه غدا غانمشيو نصيدو
ياسين: ان شاء الله تصبح على خير
ايمن و هو غادي: تصبح على خير و اه باقي منسيتش البلان ديال جامع الفنا 😂😂
اجيو نتعرفو على ايمن
ايمن 28 سنة قد ياسين تخلاو عليه واليديه و جابتو مامات ياسين للدار تربى معاهم ولى صاحب ياسين الروح بالروح و كتر من خوه عرف بأنه ماشي خو ياسين الحقيقي فاش كانت عندو 7 سنين من مرات عم ياسين و ولدها واخا هكداك ياسين متخلاش عليه و بقى ديما يقول ليه خويا و كبر بيناتهم وصل ل 17 عام اكتاشف الموهبة ديالو في الرسم و التصوير خدم و قرى و ولى مطلوب و طابلوهاتو و صورو دايرة بوم قرر يخرج من الدار واخا موسيو العلوي مبغاش مي من بعد احترموا قرارو و لانه مهووس بالطبيعة قرر يبني فيلا في وسط الغابة بناها هو و ياسين ياسين تكلف بالهندسة ديالها و موسيو العلوي بالبناء و ايمن تكلف بالديكور الداخلي من طابلوهات و صور و الخارجي الحديقة لي ردها تحفة فنية عمرو ما سول في والديه لانو كيقول كون كانو باغينو ميتخلاوش عليه ايمن شخصية مرحة ديما ضاحك و ناشط كيهوى الطبيعة و الهدوء ماشي اجتماعي بزاف دوز علاقات عابرة في حياتو و لكن لي بغاها كيفما قال بعيدة عليه( طلبوني و نجمعهم 😂😂🙊 )
اوا هدا هو ايمن صاحب ياسين الوحيد
عودة إلى الحاضر
عند ياسين بقيت 15 يوم عند ايمن داك المكان كيخليني نحس بالراحة و ننسى و لكن منسيت والو ممشاتش من بالي طول 15 اليوم اشنو كتدير ؟!واش كتقلب عليا؟! واش توحشاتني؟! طلبت من لمياء تمشي لعندها تونسها هاد 15 يوم خلاتني نعرف بلي زينب شي حاجة مهمة في حياتي و رجعت و انا ناوي نصارحها بكلشي واخا خايف مي متأكد غادي تتفهم فيما كتجي الفرصة مكنقدرش و دابا قالت ليك مشات تبات مع حنان أودي منين خرجات ليا هاد حنان تاني 😠 نمشي نعس احسن
أصبحنا وأصبح الملك لله
فقت الصباح معطل و انا مقرر ندي بوكاهونتاستي لشي بلاصة و نصارحها و نعتارف ليها كنعيط و نعاود مكتجاوبش قلت باقيين ناعسين مع العرس لبست حوايجي و اتجهت للشركة دخلت كاينة حركة غير اعتيادية و الكل كيوشوش بالصدفة سمعت حديث 2 ديال الموظفات
البنت1: هي زينب بنت زوينة و ضريفة عمرنا مشفنا عليها شي حاجة خايبة تستاهل
البنت 2 : و ماشتي هو راه موسيو الرامي و تيتيز من الفوق جاو مع بعضياتهم الصراحة
البنت 1: كوبل الشركة زينب الناجي و مروان الرامي
انا كنسمع و دمي كيفور كنغلي مكرهتش نفجر هاد الشركة بلي فيها دخلت للمكتب كنعيط و والو تاني
ياسين:😡😡 جاوبي ا زينب جاوبي " انكم في العلبة الصوتية....."
هزيت واحد الفاز قدامي و شخشختو مع الأرض و خرجت معصب
عند زينب
فقنا انا و حنان لي عينيها منشفوش من البكا البارح كاع داكشي لي شطحاتو في العرس صرفاتو بكا حيت ماماها قالت لينا راه الناس عيطو و جايين اليوم ملقينا حتى حل من غير الهرب
زينب: صباح الخير كي صبحتي
حنان: منرتاح حتى نخرج من هاد الدار سمعني اش غادي نقوليك غادي نهبطو نفطرو و تقولي لماما راه راجلك جا يديك عندك شي خدمة و خرجي تسنايني في بلاصتنا باش ميقلبوش عليا عندك اوكي
زينب6: بفففف اوكي معنديش حتى ببوشتي تنفعنا في هاد المواقف دابا طلقينا اري ليا شي حاجة نلبسها و مبغيتش داك التقزاب
حنان: هو لي كاين ا بب
عطاتني مانلبس لبست و هبطنا فطرنا و خرجت نتسنا حنان في بلاصتنا شويا تمات جاية
حنان: يالاه نحيدو من هنا نخرجو للشارع و نهضرو
مشينا حتى خرجنا للشارع و وقفنا
زينب: ها حنا بعدنا اش ناوية تديري مكاينش حتى علي لي نتشاورو معاه يالاه معايا للدار
حنان: لا اختي نحشم من ياسين
زينب: اوا اش ناوية تديري..
يالاه غادية نكمل و هو يوقف علينا مروان بالطوموبيل نزل
مروان😂: مال التيتيز واقف هنا
يالاه غادية نجاوب و هي تنقز الآنسة المصونة قالت ليك هربانة
حنان: ايوا تجمع و عرف راسك معامن كتهضر راه مرت الراجل هاديك
مروان دور راسو شاف فيها شافت فيه
مروان و حنان 😳😳: 👈نتي نتا 👉
مروان ضار شاف فيا: زينب فين كتعرفي هادي
حنان: زينب معرفتكش كتعرفي هاد الأشكال
مروان: ياك لاباس كي جيتك
حنان: كي الزيت بالفرونسي
انا غير كنضور في عيني مفاهمة والو وسطهم حتى غوت
زينب: سكتونا فين كتعرفو بعضياتكم
حنان: هدا هو لي ضربني داك النهار
زينب: اهاه و انا نفهم مروان هادي صاحبتي حنان لي قلت ليك عليها صدقات هي نفسها حنان هدا مروان الكاوري ديال شهر العسل
حنان قربات حتال وذني: قلتي ليا مخلط و مدردر صدق مغربي و ماتيتيز ما والو
زينب: 😏😏 من نيتك تلقايك حليتي فيه فمك النهار الأول
زينب مخلاتهاش تكمل: زميه لقيتي ما حسن منها نيت نتهنى عليك حتى نشوفو اش غادي نديرو
كمل مروان طريقو وقفنا قدام واحد الفيلا صغيرة و غزالة حل لينا الباب دخلنا فيلا عصرية بلمسة مغربية استقبلاتنا واحد المرأة في الخمسينات من عمرها مي باقية شادة فراسها و أنيقة بقفطانها
دادا: ولدي مروان رجعتي
مروان تحنى باس ليها ايديها: اه ا دادة جيت و جبت معايا الضياف هادي صديقتي زينب و هادي صاحبتها حنان غادي تبقى معانا في الدار شي ايام
دادة: مرحبا مرحبا و يبقاو حتى بجوج عمرو عليا نيت
زينب و حنان: ربي خليك اخالتي
دادة: عيطو ليا دادا بحال مروان دخلو تجلسو
مروان: انا غادي للخدمة نتي مخداماش ولى مرت مول شي تمشي وقت لي بغات
زينب: هههههه بحال داكشي
حنان: عافاك خليك معايا
زينب: معندي فين غادية غير سكتينا
مشى مروان للخدمة جلسنا مع دادا جابت لينا الخدامة الضيافة و بقينا كنهضرو و نتعاودو عاودنا لدادا مشكل حنان و عودات لينا هي على مروان و على عائلتو تغدينا و بقينا على التقشاب و الضحك نسيت راسي حتى دخل مروان
زينب: اويلي جيتي على شحال في الساعة اليوم ياسين يتعشى بيا
مروان: يا ربي يديرها هههه
زينب: براكة من الهضرة و يالاه وصلني
وصلني للدار و دخلت لقيت ياسين معصب و كشاكشو خارجين و غادي جاي في الصالة 😡😡
ياسين بأعلى صوتو: فين كنتي الالة لااااا غير بقاي علاش جاية دابا😡 و هاداك التيليفون لاش كيديروه الناس هضري 😡😡
انا خلعني صوتو عمرني شفت ياسين بحال هاكدا كانو عينيه كيخرجو العافية جرني من ايدي بالجهد حتى وعتني
ياسين: هضري فين كنتي
زينب: الصمت
ياسين هز واحد الفاز ضربوا مع الحيط: هضري متجعرينيش
زينب كتمتم: ك ك كنت مع حنان
ياسين: ماتكدبيييييييييييييش
عمرو عينيا بالدموع و مبقيتش قادرة نحبسهم كنتنخصص و نترعد
ياسين شافها في هاد الحالة تهدن عرف راسو خلعها جرها عندو عنقها: شششششش صافي علاش لبكا
زينب تقابلت معاه: والله حتى كنت مع حنان العشية كاملة اهئ و التيليفون مسمعتوش اهئ
ياسين كيمسح ليها في الدموع: صافي شششششش تخلعت عليك عرفتي شحال عيطت من مرة
زينب: مسمعتوش متبقاش تغوت عليا
ياسين: باقا حاجة وحدة (جرني من وذني بشويا ) اش هاد اللبس مموالفاش ليك
زينب: مدياليش ديال حنان
ياسين: اوكي البكاية دخلي غسلي وجهك و بدلي حالتك و اجي بغيت نهضر معاك
دخلت غسلت حالتي و لبست بيجامتي و بانطوفة ديال الدار كرشي كتزوي انا هاكدا فينما نبكي كيجيني الجوع خرجت لقيتو جالس لابس سروال سيرفيط و تريكو في الأسود و كيتسناني جلست حداه سمعت كرشي كتغوت تاني
زينب: فيا الجوع
ياسين: 😂😂 يالاه كنتي كتبكي
زينب: انا هاكدا فينما نبكي خاصني ناكل
ياسين: هههههه جديدة هادي اش بغيتي تاكلي
زينب: سباكيتي 😍😍
ياسين: هي إلى نضتي صاوبتيها لينا
زينب: اوكي و لكن بشرط
ياسين: أما هو
زينب: نتا تحك مطيشة
ياسين: ههههه ياك الالة ياسين العلوي يحك مطيشة
زينب: اه وغاتلبس الطابلية من الفوق
ياسين: برهوشة يالاه زيدي قدامي نشوفو هاد لحريرة
مشينا للكوزينة جبدت داكشي لي غادي نحتاج و درت لي باط يتسلقو و عطيت لياسين يحك مطيشة شبعت عليه ضحك و هو كينكر حيت كيضرب صبعانو ههههه شكون قال المتعجرف في يوم من الأيام يحك مطيشة و يدير ليا خاطري الصراحة نظرتي ليه تبدلات بزااف ولفتوا ياسين القديم و ياسين الجديد بجوج فيهم شي حاجة كتخليك ديما تفكري فيه وخا باقي واحد الجانب ممفهومش ليا ولكن يمكن يكون جزء من شخصية ياسين و مع الوقت غادي نعرفو صاوبنا سباكيتي اكيد بالتعافير و الغوات تعشينا جات زوينة نضت جمعت الطبلة و درت الماعن في الغسالة و مشيت جلست حدى ياسين يالاه غادي يهضر سمعت صوت التيليفون شفت مروان عرفتها غادي تكون حنان استأذنت من ياسين و طلعت للبيت نهضر مع حنان
زينب: الو حبيبتي صافا
حنان: اهئ اهئ اهئ
زينب: حنان طيبتي دوك العينين اختي باراكا راه خلعتيني عليك
حنان: زينب واش تقلت عليهم حتال هاد الدرجة بغاو يعطيوني لواحد لمجرد انه غادي يخلص عليا ديك المدرسة لي محاملاها ماقابلاها و كون غا بفلوسو فلوس باه و هو تيتي نيني حدا مو اهئ اهئ
زينب: متديريش هاكدا ضروري نلقاو شي حل عافاك متفكريش بزاف
حنان: ياك غادي نلقاو حل راه منقدرش نتزوج بداك الهبيل أحلامي كلها غتضيع
زينب: امممم أحلامك التيتيز على الفرس الأبيض
حنان: سيري تخراي اشمن فرس بغيت فيراري
زينب: ها حنان لي كنعرف اوا باني على حقيقتك سيري شوفي ليك مع داك التيتيز لي معاك في الدار
حنان: منين جاتو
زينب: اوا باز لوجهك
حنان: اوا صافي تيتيز غا هو عور و ديال القجان
زينب: هههههههههههههههه الله يستر تلاحي خليني نعس
حنان: بونوي اه دوزي عندي غدا الصباح بلييز
زينب: ان شاء الله ندوز قبل مانمشي للخدمة بونوي
قطعت مع حنان و تقاديت في بلاصتي عينيا كيتلاصقو ونعست
عند ياسين لي غادي جاي معصب حيت شاف تيليفون زينب فاش صونا و شاف سمية مروان
ياسين: علاااااااش علاش ا زينب علاش يعيط ليك في هاد الوقت شكون هو اش بينك و بينو لا لا ميمكنش تكون شي حاجة مغاديش نبقى جالس حتى تضيعي مني
خرجت توجهت لغرفتها ناوي نستفصر على هادشي لي سمعت في الشركة و هادشي لي شفت في التيليفون و لكن لقيتها ناعسة مشرشمة فوق الناموسية كل رجل في جيهة هههههههه هاد البنت كتقدر تضحكني و تبدل مودي حتى في نعاسها قربت حداها قاديتها و غطيتها و طبعت خفيفة على شفايفها باش متفيقش و خرجت دخلت لغرفتي و نعست
أصبحنا وأصبح الملك لله
فقت بكري معول نهضرو و نحطو النقط على الحروف و نقوليها كلشي خرجت لقيتها لابسة حوايجها و مقادة و غادية جيهة الباب
ياسين: صباح الخير فقتي بكري
زينب متوترة: ا اه صباح النور
ياسين: إلى كنتي غادية للشركة نمشيو بجوج
زينب: ا ا لا اا هو غادية للشركة و لكن عندي واحد الغراض نقديه هو الأول
ياسين: ماشي مشكل نوصلك لغراضك عاد نمشيو للشركة
زينب: لا لا مبغيتش نعطلك
ياسين: اوكي على خاطرك
خرجات و تبعتها لانو بانت ليا متوترة و تصرفاتها في شكل( سمحي ليا ا زينب و لكن اضطريت ) حتى كتبان ليا وقفات قدام واحد الفيلا نزلات دقات تحل الباب و دخلات
عند زينب
فقت الصباح شويا بكري باش منتصادفش مع ياسين و اسئلتو ماشي مبغيتش نقوليه و لكن كتبقى مشكلة حنان و احترمت رغبتها لأنها كتحشم من ياسين ساعة لي خفت منو طحت فيه لقيت ياسين حتى هو فايق توترت شبعني أسئلة بقيت كندخل و نخرج في الهضرة و خرجت توجهت لفيلا مروان دقيت حل ليا مروان
مروان: صباح الخير
زينب: صباح النور باقي هنا
مروان: واييه حتى نفطر
زينب: طبعا الأكل هو الأول 😂😂😍فين ديك الهيشة و دادا
مروان: حنان واقيلا باقا ناعسة و دادا في الكوزينة سمعنا الصونيط في الباب مروان كيضحك
مروان: جايا و جايبة معاك الضياف 😂😂
حل الباب و تحل معاه فمي و عيني 😱😱😳😳😳
اياه هو ياسين شاف مروان ولى وجهو احمر بالاعصاب اكيد غادي يفهم غلط يالاه جيت نهضر و هو ينزل على مروان بواحد الكروشية زعزعاتني من بلاصتي و بخطوة وحدة كان حدايا عينيه بحال الجمرة قجني حتى خرجو عينيا يالاه غادي يهز ايدو يضربني و هي تبان ليه لالة مولاتي حنان جاية(عتقاتني ) لابسة بيجامة و شعرها طالع للسما و كتفوه نحلف عليها باقة ناعسة شافتو شانق عليا و هي تم جاية تجري
حنان: عافاك ا شاف طلق منها راه مدارت والو راه هو لي ممبربيش(هادي غادي تخرج علينا )
ياسين طلق مني و كيشوف فيا بمعنى اش واقع هنا 🤔 انا ليعتها بقرصة
زينب: تي اشمن شاف الله يحرق طواسلك هدا راه ياسين فيقي شوفي بلاناتك فين وصلونا
حنان يالاه فاقت "صباح الخير ": خويا ياسين صباح الخير
ياسين: شي واحد يشرح ليا اش واقع هنا
يالاه غادي نهضر و هي تسبقني حنان
حنان: خويا انا غادي نشرح ليك كلشي اجي بعدا نجلسو
جلسنا و سرسرات حنان لياسين كلشي من الألف للياء
ياسين: ولكن احنان كلشي كيتحل بالعقل
زينب كتشير على وجه مروان: تماما بالعقل
ياسين ضربني لراسي بشويا: سكتي نتي مزال غادي نتفاهمو من بعد
حنان:خويا ياسين راه دارنا مستحيل تتفاهم معاهم يعني ميسمعونيش
ياسين: ولكن علاش مجيتيش مع زينب للدار
حنان حادرة راسها:الصراحة حشمت منك
مروان: سبحان الله كتحشمي
حنان: ديها في راسك نتا
ياسين: اوكي حتى دابا موقع والو نوضي جمعي حوايجك و يالاه نمشيو
مروان بلا ما يحس: لا فين غاتمشي مغاتمشيش
ضرنا كلنا لعندو كنشوفو فيه بمعنى امالك
حنان: ماتديوش عليه راه مرة مرة كيهرب ليه الريزو مسكين
مروان: راه غادي نوض نهرس ليك داك الفم و نوريك الريزو لي هارب كيداير
حنان: اوا حربش قرب ليا لما ندخل خويا من عين الإبرة و نخرجك من عين المخيط
مروان: ماخوكش انا
حنان: يحصل ليك الشرف
انا وياسين بقينا كندورو عينينا مرة عند مروان مرة عند حنان جابو ليا الدوخة و غوت
زينب: سكتونا وقت مضاربتكم دابا راه خاصنا نلقاو حل
حنان: اه انا مبغيتش نتزوج بسمير البهل 😭😭😭
زينب: اه كتسناي فارس الأحلام على العود الأبيض لا نسيت الفيراري
مروان: عندي بورش كحلة دايزة 😉
حنان: هاهاهاها حامض و زايدون ماشي وقت ضحكك الباسل
مروان بجدية: مكنضحكش داوي بصح واش تقبلي تزوجي بيا
زينب: 😳
ياسين: 🤔🤔
حنان:😳😳😱😱😱😱
تصدمنا و معرفنا منقولو بقينا شوف فيا نشوف فيك اطاجين الحوت حتى نطقت
زينب: مروان واش كتهضر بصح
مروان: اه بالصح
زينب: كيفاش
ياسين: علاش 🤔
حنان: امتى
مروان رجع راسو اللور و كيتفكر
فلاش باك
حنان عطيني التيليفون بغيت نهضر مع زينب
مروان جبد التيليفون و مدو ليها: هاكي قادي ليا الصولد
حنان: زقرام 😜😜 ومشات طلعت لبيتها
مروان كان غادي لبيتو داز من حدا بيتها لي مكانش مسدود وقفاتو هضرتها مع زينب شاف دموعها متحملش يشوفهم ضرو خاطرو دخل لبيتو غادي جاي أفكار تديه و أفكار تجيبو معارفش اش هاد الاحساس؟! شكون هاد البنت اللي خلاتو يفكر فيها؟! علاش متحملش دموعها خرج من بيتو في اتجاه بيتها باش ياخد تيليفون(تيقتو 😏) لقاها نعسات و دموعها على خدها جلس على رجليه حداها مسح ليها عينيها و خدها سرح فيها و هي ناعسة شعرها ريحتها كلشي كيجدبو هبط و باسها بوسة طوييييييييييلة فوق جبينها كانو باغيها تفيق باغي يغرق في عينيها لي هوما بحر بالنسبة ليه غطاها و خرج و هو كيواعد راسو انه ميخليهاش تضيع منو
عودة للحاضر
حنان: نعاااااااااااام اش قلتي بستيني يا المستغل المنحرف 😠
ناضت كتضرب فيه و تعاود مروان شد ليها يديها و رجعها ورى ضهرها و جلسها عندو
مروان: رصاي في هادشي كامل لي قلت بانت ليك غير البوسة
حنان حشمانة من الجلسة و كتهضر بصوت متقطع: ط ط طلقنيي
مروان: حتى تعطيني جواب
حنان: بغيت 7/7 من الحاجة و عرس اسطوري و شهر العسل في المالديف و فيلا وسط للبحر و 100 مليون في الصداق
زينب: اتكايسي كيم كارداشيان و مطلباتش 7/7 من الحاجة و فيلا وسط البحر ناوية تربي الروكان 😏
حنان: غير كنضحك 😂(دارت عند مروان ) و لكن خاصك تجلس على رجليك و في ايديك الخاتم تطلب ايدي بطريقة رومانسية و تقوليا شحال كتبغيني و شوف واش نوافق و لا لا
مروان : موسيو العلوي واقيلا تعطلنا على الخدمة
زينب و ياسين: 😂😂 الخدمة مغاديش تهرب
حنان ضرباتو لكتفو: زعما منستاهلش
مروان: تستاهلي غير هو الخاتم منين نجيبو دابا
بان ليا واحد الفاز فيه ورد بلاستيك صغير شديتو صاوبتو على شكل خاتم و فيه وردة و مديتو ليه
زينب: هاك ورينا رومانسيتك
مروان: باغا غير امتى تهناي منها
هزها و حطها فوق الفوطوي و جلس على رجليه قدامها
مروان: مكنعرفش نقول الشعر أما كون كتبت قصائد غير في عينيك لي سحروني من اول نضرة و انا غارق فيهم و بغيت نبقى ديما غارق فيهم حنان واش تقبلي تزوجي بيا 💍
حنان عمرو عينيها بالدموع عمر شي واحد تغزل في عينيها عمرها فكرات انها غادي تلقى عرض زواج بحال هكدا عمرها تخيلات انها تخرج من دارهم باش تلقى فارس الأحلام
حنان كتحرك راسها و الدموع في عينيها: اه موافقة
مروان شدها عنقها و ركب ليها الخاتم لي من اختراعي و طبع قبلة في جبينها
خرجات دادا قلناها لينا طلقات واحد مولاتي التزغريتة
دادا: روروروروروروروي حمدتك يا ربي و شكرتك غانشوف وليدي عريس و نشوف وليداتو
مروان: الله يخليك ليا الحبيبة و تربيهم إن شاء الله
انا عنقتها مطلقتها صاحبتي و رفيقة دربي فيها كلشي غادية تزوج كنت فرحانة في الأعماق ديالي
زينب: مبرووووك حبيبتي
حنان: الله يبارك فيك الكبيدة
ياسين: موسيو الرامي حنان مبروك
مروان و حنان: الله يبارك فيك
ياسين: حنان دابا اشنو غادية تديري مع داركم
حنان تقلبو ملامحها لحزن: معرفتش انا دارنا صعاب و مستحيل يتقبلو فكرة أنني نرفض العريس لي جابو هما باش ناخد لي بغيت
مروان جرها لعندو و شد ليها في ايديها: ضروري نلقاو شي حل ولا شي واحد يأتر عليهم يبدلو رأيهم
انا شفت في حنان و حنان شافت فيا و طلقناها بواحد الغوتة
زينب و حنان: اميييييييييييين
ياسين و مروان: شكون امين
زينب: امين خو حنان مزوج ووالد و مستقر في مكناس و كيجي مرة مرة مع الخدمة حنان عيطي ليه
حنان: عيطي ليه نتي انا نخاف و زيدون تيليفوني خليتو في الدار
جبدت تيليفوني و دوزت نمرتو درت سبيكر صونا شويا و هو يجاوب
امين: اواه المشعكة تواضعات و عيطت ليا ممتيقش
زينب: المشعكك هو نتا اولا و تانيا غير حيت مضطرة أما منعيطش راك عارف علاش
امين: الحبيبة الكبيدة الغزالة ديال خوها عارف راسي دايرها قد راسي و لكن غادي نعوضك مبروك بعدا 😂 هادي هي انا منتزوجش صدقتي مزوجة نتي الأولى قبل من سليعفانة
صفقة زواج من متعجرف الجزء الخامس
محتوى القصة
التنقل بين الأجزاء