وصلنا لمكناس بدات حنان كتنعت لياسين الدار وقفنا قدام الدار بان ليا واحد l pâtisserie حداهم دخلنا خدينا منو حلاوي و كرواصة و الحليب و شي تخربيق مجاتش ندخلو بايدينا خاوية طلعنا دقينا حلات لينا كريمة شفناها طلقناها بغوتة و تعانقنا بتلاتة
كريمة: توحشتكم
حنان و زينب: حنا توحشنا التيتيز ديال جاد
شافت مروان و ياسين سلمات عليهم و دخلنا جلسو الدراري في الصالون و حنا مشينا مع كريمة للكوزينة
كريمة كتعمر في اتاي: اياي ياي ياي التيتيز عوتاني شكون راجلك فيهم
زينب: لي لابس لكحل
كريمة: و الآخر
نعت ليها بعيني لجيهة حنان
كريمة: 😱😱 تزوجتي يا الهيشة بلا بيا
حنان: لاواه زمرت
كريمة: اجيو بعدا كيفاش هربتي من الدار عيط ليا امين راه حالف عليكم
زينب: أودي قصة طويلة حتى يجي امين و نعاودوها في خطرة
كريمة: اوكي اوا سمعي ا حبيبتي نتي و ياها غادي تهزو هاد الصينية و الضيافة و تديوهم للصالون و جلسو تسناوني انا خارجة نتقدى باش ندير ليكم الغدا
زينب و حنان في دقة: بسطييييييلة 😍
كريمة: غادي يولي غوتي ماشي غدا
زينب: ماشي مشكل وقتما وجدات ناكلوها مشهياها من ايدك بليييز
كريمة: ياكما كتوحمي
زينب: كنخرى
كريمة: طليه هانا خرجت ردو معاكم البال لجاد راه ناعس إلى فاق بدلو ليه الكوشة و عطيوه الرضاعة راها
زينب و حنان: اوكيي 😍😍
مشات لبسات جلابيتها و استأذنت من الدراري و خرجات حنى هزينا الصينية و داكشي و مشينا حطيناه حدا الدراري و جلسنا
مروان: امتى غادي يجي خوك
حنان: معرفتش ياكما مليتي
مروان: عمرني نمل و انا حداك
تزنكات و حدرات راسها و هو خربق ليها شعرها و ضحك
ياسين قرب لوذني: اول مرة في حياتي نجي لدار شي واحد مكنعرفوش
زينب: امين اكتر من خويا و كريمة صاحبتي يعني غير خود راحتك
ياسين: انا راحتي كناخدها غير معاك
انا تزيزنت ديما كيدير ليا هاد البلانات كيقول شي حاجة يخلي قلبي يرفرف شويا سمعنا جاد كيبكي نضنا كنتسابقو انا و حنان شكون يوصل عندو دخلنا للبيت لقيناه طالق زواكتو غير شافنا سكت بقينا مضاربين شكون تهزو هزيتو و خرجت و هي تابعاني
حنان: اريه راه انا لي عمتو
زينب: بزعطا هو اصلا ممعترفش بيك
دخلنا عند الدراري جلسنا حداهم بداو كيشوفو في جاد و يضحكو
حنان: شوفي راه تطيري تنزلي انا لي غادي نبدل ليه
زينب: اوكي نتي بدلي ليه انا نرضعو
حنان: اجي ياكما يكون داير كاكا يبيع و بغيتي تلصقيه فيا ياك ضيراها بلعاني
زينب: راه غادي نوض نريشك
مروان: موسيو العلوي واقيلا خاصني نعيد النظر في الزواج
ياسين: وانا خاصني نفكر في الطلاق 😂
مروان: وا برهوشات هادو خدينا 😂😂
زينب: مالكم كتفرنسو ياك لاباس
مروان: اري داك الدري تعديتي عليه و خلعتوه(دار عند حنان) من هنا نتفاهمو الولاد انا اللي نربيهم منتيقش فيك
حنان: مالي كي جيتك راه باقي مدرنا في الطاجين ما يتحرق
مروان: اري الولد لهنا
عطيتو الولد و مشيت جبت كوشة و لانجيت باش نبدلو ليه بدلنا ليه(زعما بدل ليه مروان حنا غير كنشوفو) و ضحكنا معاه حنان ناضت جابت الرضاعة و الحليب و الماء سخون باش نصوبو ليه ما ياكل و جلسات
حنان: شحال نعمر في الرضاعة
زينب: عمريها كلها
حنان: و الحليب
زينب: ديري شي عشرين معلقة
ياسين: لاواه 100 صبري بلاتي
جلس يخنشش في تيليفونو
ياسين: ديري ليه 120 و ديري 6 المعالق ديال الحليب و عنداك يكون سخون لا تسلقي ليه لهاتو(دار عند زينب) نتي عنداك تفكري تربي ولادنا قبل ما تاخدي دروس في تربية الطفل
زينب: اصلا شكون قاليك غادي نولد منك 😏
ياسين قرب حدايا و هبط باس جاد و ضربني لنيفي
ياسين: دابا نشوفو 😉
حنان صاوبات الرضاعة كيفما قاليها ياسين و عطاتها ليا بديت كنرضع فيه و هو عاجبو الحال كيفركل و يبجغط حتى كملها مسحت ليه و حطيتو قدامنا في الكونة و جلسنا نضحكو معاه حتى دخلات كريمة و في ايديها التقدية خلينا جاد مع الدراري و مشينا عند كريمة نعاونوها في الغدا شويا سمعنا صوت الساروت ديال الباب 😳😱
امين جا مشينا كنتجاراو انا و حنان
زينب: ياربي السلامة امالك تسابقي معايا
حنان: وراه خويا و توحشتو
امين ضحك علينا و جمعنا بجوج بتعنيقة
امين كنعتابرو اكتر من خويا من نهار عقلنا انا و حنان و هو معانا كيلعب معانا و كيخرجنا و يشري لينا و يوصلنا للمدرسة و ميخلي حتى واحد يضصر علينا عمرو مافرق بينا انا و حنان هو أكبر منا ب 12 سنة قرى و جاتو خدمة في مكناس تزوج كريمة لي اول مرة تنتقل لحدى دار حنان محملناهاش انا و حنان و ضاربنا معاها واخا كانت أكبر منا شويا و لكن كنا مكنقيلو حد دايرين بحال ريا و سكينة المهم ضاربنا مضاربة شويا خايبة حتى تدخل امين باش يفك المشكل و تما تعرف على كريمة و عجباتو و علمنا أنه ناوي المعقول درنا فيها يدين و رجلين و مبغيناش( عقل الصغر) حتال واحد المرة تلاقينا في الحمام و حنى ضاربنا مع وحدة على قبل السطولا و جات حتى هي كملات عليها 😂😂 ومن تما و حنا صحابات و حبابات و تزوجوا هي و امين و انتاقلو لمكناس و جلسو شحال عاد ربي رزقهم بجاد 😍😍
امين طلقنا و شدنا من وذنينا بجوج و تم داخل بينا للصالون
امين: قولو امين سليعفانات اش كتطبخو كيفاش نتي هربانة من الدار و نتي معاوناها
مروان: خويا امين مكنتعارفوش و دخلتكم هاد الدخلة و لكن مافيها باس نعرفك براسي سميتي مروان الرامي زيادة و خلوق في المانيا واليديا ماتو في حادث سير فاش كنا صغار انا و ختي و رباتنا دادا هي أمي التانية و دابا عايشة معايا فينما كنت كتكون واليديا كانو ناس ميسورين داكشي باش عيشاتنا دادا كبرنا و قرينا خدمت و كانو عندي طموح و الحمد لله ربي مخيبنيش ووليت شريك في شركة ألمانيا معروفة و دابا عندنا مشروع مع شركة موسيو العلوي نيت داكشي علاش انا متواجد في المغرب
ختي تزوجات و مشات مع راجلها لتركيا وانا الصراحة ممستقرش ضايع بين المغرب و ألمانيا كيفما كتعرف ألمانيا كاينة خدمتي و دادا كتوحش البلاد و دايما كنجيو و معنديش مشكل ننقل أعمالي لهنا إلى مبغيتوش حنان تبعد عليكم اوا هدا هو انا اش قلتي
امين: اش غادي نقوليك انا حنان و زينب راهم بناتي ماشي غير خواتاتي واخا زينب ماجامعناش الدم و لكن معزتها من معزة حنان كبروا قدام عيني كنت نديهم المدرسة و نجيبهم و نشري ليهم لي بغاو و منخلي حتى واحد يقرب منهم و بطبيعة الحال انا لي كنفك زبايلهم واخا مختالفات على بعضياتهم و لكن راهم النوارات ديالي و ديما كنت نحلم نطمئن عليهم مع الراجل اللي غادي يصونهم و يكون بيهم و انا منلقاش لختي احسن منك اسي مروان
مروان: الله يبارك فيك اسي امين و انا كنواعدك نديرها في عيني
زينب: أودي انا خايفه غير من داك الزين الصافي ديال راجلك يمشي يحطني بوجهي قدام ياسين
كريمة: أو على الوقت كامل أو باقي معرفكش
حنان: أودي راه اول مرة تلاقات معاه صبناتو بالعصير اش كتسناي منها
زينب: يستاهل 😂 واااع كريمة الريحة كتهبل
حنان: معلوم طياب مرت خويا لا يعلى عليه
زينب: جيري جيري و مكتقادايش
كريمة: اديك ريا و سكينة سيرو قادوا الطبلة ديال الماكلة و نتوما واقفين عليا وحدة تسرح ووحدة ترد
خرجنا قادينا الطبلة و جابت كريمة الماكلة مشهيتكم فيها بسطيلة و لحم بالبرقوق و شلايظ و عواصر و عاد الديسير عيطنا على الدراري يتغداو جلس امين في راس ديال الطابلة و ياسين حداه من الجهة اليمنى و أنا حداه و مروان من جيهة اليسرى و حداه حنان و كريمة في راس مقابلة امين و جاد نعس
امين: مرحبا بيكم الدار داركم
ياسين و مروان: ربي يخليك
زينب و حنان: اممممم الصواب
مني جلسنا و حنان كتغمز فيا و تضرب فيا برجليها باش زعما نسول امين واش وافق و غادي يعاونها تقنع أهلها و لا لا
زينب: وا ختي خليني نعقل على بسطيلتي و نهضرو من بعد
كلشي كيشوف مافاهمين والو 😂😂
حنان: واخا لمك نتي كتشوفي البسطيلة كتغيبي
زينب: 😏😏 الأخ امين من هاد المنبر و ماحد رجليا باقي مطراش فيهم إصابات خطيرة غادي ناخد الكلمة و نسولك واش وافقتي على الأخ مروان و غادي تعاونا ولا نديرو بحال المسلسلات نزوجوهم و نحطوكم أمام الأمر الواقع
امين: لا درت حسنة في هاد الدراري
حنان: كيفاش
امين: قنعت مروان يحيد فكرة الزواج من وحدة بحالك و في طريقي نقنع ياسين بالطلاق
ياسين كيضحك 😂😂
زينب: كتضحك عاجبك الحال و نتا قلتي قنعتيهم اوا ا حبيبي نجيو نسكنو عندك هنا نوسوك نيت حسيت بيك توحشتينا😈
امين: لاااااااااااااااااااا حجاركم يشدوكم موافق موافق غادي ناخد واحد اليومين من الخدمة و نهبط نهضر مع الدار و يكون خير ان شاء الله
حنان: عارفيني هنا
امين: اه عيط ليهم
زينب: اوا من الصباح قول راه موافق لاش مشحفنا كتمشي غير بالتهديد كريمة زيدي بسطيلة نعقل عليها
امين: باقا تسرطي ما تعقلي
ياسين: حط ليها الماكلة و نساها
كريمة كتشوف فيها داخلة في الطبسيل طول و عرض: كتوحمي مافيهاش
زينب: كح كح كح كح كريمة خليني معاك مزيانة و لا نوض نفكرك في نتيفي
امين: عقلتي نهار لي ضاربتي معاها و جمعتي عليها الن.......
زينب قاطعاتو: سيادنا السلام و عليكم شبعت الله يخلف الله يعمر
امين: 😂😂 خفتي نفرشك جلسي خليني نعاود لياسين وحدة من زبايلك
ياسين: قول نسمع
زينب: اش غا يقول امين راه غانغضب
امين: لا صافي منقدرش نقلق المشعكة ديالي
ياسين جرني جلسني و بقا شاد في ايدي: جلسي امو زبايل خليني نسمع
حنان: عاود ليها نهار شعلت العافية في المدرسة
ياسين: 😳😳 مجرمة نتي
زينب: 😂😂 شحال هدا
امين: 😂😂 كانت في الكوليج ديك الساعة و عندها واحد الاستاذ مكتحملوش باش متقراش مشات جمعات جميع الاوراق لي مليوحين في الأقسام و جابتهم للقسم لي داخلة ليه و شعلت فيهم العافية و خرجات من الشرجم ووقفت حدى التلاميذ كأن شيئا لم يكن
زينب: حنان لي عوناتني حضات ليا
ياسين: وباش عرفوها هي
امين: تكلخات ملاحتش البريكة باش شعلات فاش قلبوها لقاوها عندها
ياسين: 😂😂 مزوج مجرمة
زينب: اوا شتي خليك معايا زوين
ياسين قرب حدى ودني وهمس: منقدرش نكون معاك إلا زوين 😉
هزيت عيني و انا كنشوف نيشان في عينو قررت نعرف سبب هاد التصرفات و نشوف اش مخبيين عينيه سرحت فيهم و هو كذلك حتى سمعنا
الكل: احم احم نحن هنا 😂😂😂
كملنا غدانا في جو ديال الضحك و التقشاب سالينا و جلسنا معاهم شويا و استأذنا يالاه نشدو الطريق عياو فينا نباتو معاهم و لكن الخدمة شحال ممشينا ليها حنان بقات حتى تجي مع أمين و حنا خرجنا ركبنا في الطوموبيل غير شدينا الطريق ضربتها بنعسة
عند ياسين في الطوموبيل سايق و جالس حداه مروان لي نتابه اني نعست و ضحك عليا بقاو غاديين في صمت حتى كسروا ياسين
ياسين: من امتى و نتا عارف زينب مراتي
مروان: من قبل مانبداو الخدمة مع بعض
ياسين: كيفاش
مروان: عرفتها في مراكش فاش كنتو في شهر العسل بالصدفة شفت زينب كتهضر في التيليفون على الأغلب مع حنان و لي جدبني في حديثها انها كانت كتهضر عليا بقيت كنسمع عرفتها كيحساب ليها ماشي مغربي داكشي علاش كانت واخدة راحتها
ياسين: برهوشة لي فيها ممهنيها
مروان: من بعد هضرات مع مها و قالت سميتك في الحديت و شفتكم خارجين مع بعض فاستنتجت انه نتا راجلها
ياسين: هي لي طلبات منك يبقى الأمر سر
مروان: وي فاش عاودت شفتها في الاجتماع تفاجأت لانو كنت متوقع غادي يدخل معاك شاب و فاش خرجت نلقي عليها التحية سلمت عليها على أساس مدام العلوي و لكن هي قدمات ليا راسها على أساس زينب الناجي و طلبات يبقى الأمر بيناتنا و انا احترمت رغبتها و من بعد ولات اعز صديقة في ديك الشركة مكنعرف حد هدا ما كان
ياسين: و هي لي عرفاتك على حنان
مروان: لا حنان نهار تلاقيت معاها تخاسمنا
ياسين ضحك تفكر نهار خوات عليه الكلاص انتقاما منه: 😂😂 هي و صاحبتها سلعة وحدة
مروان: زينب بنت ذكية و مرحة في نفس الوقت و اهم حاجة شفافة مكتخبي حتى حاجة نتمنى ربي يسعدكم
ياسين معرفش كيفاش طول الحديث و هو لي كان الكلمة كتخرج بالعبار : امين و حنان كي دايرا
مروان: حنان 😍 الصراحة باقي معرفتش شخصيتها عن قرب و لكن الحاجة الوحيدة اللي عارف أنني مستعد نغرق في عينيها كل نهار و ندير المستحيل و منشوفهمش كيبكيو فاش عرفت ان دارهم باغيين يزوجوها حسيت بحال إلى غادي تضيع مني شي حاجة و معارفهاش اشناهي
ياسين: هادشي كامل و معارفهاش أودي راك طحتي خلاها ايمن اوا مبروك و حتى حنان تستاهل كتبان بريئة و لي في قلبها على لسانها
مروان: الله يبارك فيك ا موسيو العلوي
ياسين: ياسين
مروان: كيفاش
ياسين: عيط عليا ياسين حنا ماشي في الخدمة دابا
مروان ابتسم: مشات ا سي ياسين 😂
وصلت مروان قدام دارو و مشيت وقفت قدام الباب نزلت و حليت الباب من جيهة برهوشتي لقيتها دايرة واحد النعسة ديال الدراري الصغار ضحكت عليها حاولت نفيقها ووالو هادي يهزوها و يهربو بيها و متحس بوالو هزيتها دخلتها للدار طلعتها لبيتها حطيتها في ناموسيتها و بقيت نتأمل فيها مكرهتش نخشيها في صدري و نبقى نشم ريحتها
فقت على صوت الخبيط نضت طليت بان ليا ياسين في الصال الصغيرة ديال الرياضة لابس شورط و قبية و داير ليكات في ايديه و كيضرب في صاك ديال البوكس الصراحة حمسني للسبور دخلت غسلت حالتي و لبست حوايج السبور و خرجت لعندو طلعت فوق tapis roulant و بديت كنتحرك
ياسين كيضرب في الصاك: فقتي بكري النعاسة
زينب: اممم صباح الخير
ياسين: صباح النور شفتك صابحة نشيطة
زينب : انا و لا نتا
ياسين: 😂 بجوج عيطتي لصاحبتك
زينب: صيفطت ليا ميساج يالاه شدو الطريق
ياسين: متعلقة بيها بزاف
زينب: حنان اكتر من صاحبتي هي ختي لي معنديش كنت دايما كنتمنى يكون عندي خوتي و ربي عوضني بحنان و امين
ياسين: امممم مزيان الله يخليهم ليك
زينب: امين 😇 ديما كنبغي نسولك و كنسى
ياسين: قولي
زينب: نتا معندكش اصدقاء؟!
ياسين: كاين واحد سميتو ايمن
زينب: واحد من هادوك لي كانو معاك في المول
ياسين: لا هادوك زملاء قدااام في البوكس
زينب: دابا نتا قديم في البوكس
ياسين: دخلت ليه مني كانت عندي 7 سنين
زينب: 7 سنين باقي صغير بزااف
ياسين: دخلاتني ليه سوما حيت كنت كنضرب الدراري معايا في المدرسة قالت بعدا يفرغ طاقتو في الرياضة تعاونوا
ياسين: تماما و لكن عمرني حسيت بتقصير من طرف سوما أو تمييز بالعكس حملاتنا مسؤوليتها كاملة انا و ايمن
زينب: سوما اصلا امرأة رائعة
ياسين: عمرك عاودتي ليا كيفاش تعرفتي عليها
زينب: قصة طوييييلة
ياسين: كلي اذان صاغية
زينب بغات ترد ليه الصرف: مبغيتش نهضر في الموضوع
ياسين: 😂😂😂😂 برهوشة كتضربيني بسلاحي
زينب: 😂😂 لا غير كنضحك اجي نجلسو بعدا
هبطنا جلسنا فوق الفوتوي و هو مزال معنقني
زينب: عرفتي عائلتك عندها دور كبير في أنني كملت قرايتي و درت قدامي أهداف باش نحققها
ياسين: كيفاش 🤔
زينب: اوا سمع اسيدي نجحت في الباك ودرت تخصص الهندسة لانو عجباتني الكلية 😂 كان عامي الأول مقدرتش نتأقلم لانو عمرني بعدت على حنان في قرايتي زائد البنات تما كانو مختالفين بزاف عليا
ياسين: كيفاش
زينب: هما كان راسهم عامر لبس ماكياج طالون طوموبيلات انا كنت بعيدة كل البعد كانت في بالي غير القرايا و مكنهضر مع حد حتال واحد النهار استدعاني واحد الاستاذ للمكتب ديالو بحجة شي بروجي نخدم عليه مشيت على نيتي مني دخلت وهو كيلمح أنني عجبتو انا معجبنيش الحال ووقفتو عند حدو و تميت خارجة هو مرضاش شدني بزز عنقني دفعتو و يالاه غادية نبدى نغوت و هو يطلقني و هز ايدو جرى عليا من بيروه خرجت و انا محاملاش راسي و الموقف لي طحت فيه و علاش مجمعتش عليه الناس الغد جاية مقررة أنني غادي نشتكي على الاستاذ دخلت كلشي كيشوف فيا كيطلعو و يهبطو و يوشوشو بيناتهم و انا مفاهمة والو حتى جات عندي وحدة وراتني جوج تصاور لي صدموني و خرجو على حياتي كنشوف و انا ممتيقاش وحدة و انا معنقة الاستاذ ووحدة و هو كيجري عليا يالا سخرية القدر من ضحية وليت مجرمة علاش واش غلطت مع شي واحد و انا مني بديت القرايا و انا داخلة سوق راسي و كيفاش هاد التصاور تخادو و لي صدمني انهم في تيليفون كل واحد في الكلية ووصلوا للمدير ولى كل واحد واش كيقول شي بغات النقط شي حولها ديما هي الأولى شي كيسب ووووووو...
ياسين زيرني لعندو: فين كانت هاديك زينب لي مكتخليش دقتها ديك الساعة
زينب: تضلمت ا ياسين و كلشي كان ضدي 😭😭
ياسين: صافي البكاية كملي
زينب: عيطو لينا المجلس التأديبي و بطبيعة الحال الاستاذ استغل الموقف و قال انا لي جيت لعندو و حاولت نغويه و هو جرى عليا مقدرتش ندافع على راسي حتى الدموع تحجرو في عيني خداو بعين الاعتبار أنني متفوقة و منضبطة و عطاوني فصل اسبوع و إنذار و لكن انا جلست اكتر مبغيتش نرجع لبلاصة تضلمت فيها عياو فيا واليديا و حنان و امين ووالو
بقيت جالسة في الدار حتال واحد النهار جات عندنا سوما للدار و هي لي فيقاتني و عوناتني واحد القوة باش منتخلاش على قرايتي و قالت ليا ان الاستاذ طردوه لانو تفضح كيتحرش بالبنات خديت قرار نرجع و فعلا سوما مفرقاتنيش عوناتني بزاف و زائد ولات صاحبة ماما مكيتفارقوش تعرفت على علي و قدر يكسب صداقتي كان ديما معايا و كيحميني مبقات حتى شي بنت دارت بيا كملنا عامنا الأول و نجحنا و بدا العام التاني و كنت ديما متفوقة و لكن الصراحة كنت كنقرى لمجرد القرايا معنديش شي هدف حتال نهار زارنا موسيو العلوي 😍 كان غادي يعطينا محاضرة عمرني ننسى داك النهار كان رجل وقفتو كتخليك تحتارمو و عندو هيبة كان كيختار كلماتو بعناية عاود لينا كيفاش بنى الشركة و كيفاش تطورات كنت حاضياه و كنحس و هو كيعاود على إنجازات الشركة واحد اللمعة في عينيه وواحد الفرح و افتخار كانت كل كلمة كتدير بلاصتها في عقلي و من داك النهار و انا هدفي أنني نخدم في شركتكم قلت ممكن حتى انا نلقى ديك اللمعة و ديك الفرحة و نبغي خدمتي وشي نهار حتى انا نجي نعطي محاضرة لطلاب الجامعة بفرحة بحال لي في عين موسيو العلوي
قريت و نجحت و تقبلت في الستاج في شركتكم و اخييييييييرا متصورش فرحتي كيفاش كانت حتى شفتك تما تحطمت و زدتي مني حطيتيني في الأرشيف حسيت بأحلامي مستحيلة و لكن مني شفت واحد من مشاريعك الصراحة تمنيت نخدم معاك قلت واخا متعجرف و لكن داير شي حاجة مفيدة
ياسين ضربني لراسي: ياك لمك انا متعجرف
زينب: 😂😂 غي شويا
ياسين: اجي فين نلقى داك الاستاذ
زينب: لاش
ياسين: نمشي نوريه كيفاش يحط ايديه على مراتي
زينب: 😂😂 مجنون وصافي راه خدى جزاءو
ياسين: انا مجنون و كيقرب من وجهي
زينب كتمتمم: اااااااا ل اااااااا انا ا ل م جنو ن ة
سر سر سر سر اووووووف الحمد لله ديما التيليفون ينقدني
ياسين كيشوف في تيليفون: هادي سوما عمرها طويل الو
سوما: ولدي عاش من شافك لاباس عليك
ياسين: لاباس الحمد لله نتي لاباس
سوما: إلى كنتي نتا بخير انا بخير واحد زينب لاباس عليها
ياسين: الحمد لله
سوما: عيطت باش نعرضكم اليوم للعشاء عندنا
ياسين: اممم اشنو المناسبة
سوما: ضروري تكون مناسبة توحشتاك و زينب عمرها جات عندنا للدار
ياسين: اوكي الالة دابا نجيبها ان شاء الله (قطع) عارضينا للعشاء اليوم
زينب: بصح 😍 نيت نشوف سوما و لمياء توحشتهم
ياسين: توحشتيهم اولا توحشتي الزبايل نتي و ديك الصفريطة و الخروج بالليل راه وصلاتني خباركم
بقيت غير ندور في عويناتي
زينب كتلحن صوتها: مشينا غير عند حنان
ياسين: وا غير الله يحفظ مني كتجمعو بتلاتتكم
زينب بنفس الصوت: ياسين فيا الجوع
ياسين: بقاي تديري داك الصوت حتى نصدقو في شي حاجة ماهياش
زينب البراءة: كيفاش
ياسين: 😂 والو نوضي دوشي و لبسي حوايجك و يالاه نخرجو نفطرو
زينب: غادي نمشيو للشركة اليوم راني عيقت يوماين ممشيت و عندي الخدمة بزاف
ياسين: يوماين كاملة مني توصلي فكريني نطردك( ضربني لنيفي ) يالاه طلعي نفطرو و نمشيو
داكشي لي درت طلعت دوشت و خرجت نشفت شعري و لبست حوايجي و جمعت شعري و درت شويا الماكياج و ريحتي المفضلة و خرجت لقيت ياسين واقف كيتسناني بكل اناقتو لابس الكلاس و ريحتو دايرة في الدار كاملة
زينب: غانمشيو في طوموبيل وحدة
ياسين: مالك خفتيني منرجعكش
زينب: هههههه تديرها راك حال و عقل
ياسين شد ايديها: زيدي منقدرش نخلي برهوشتي إلى درتها عارفك غاتنتاقمي مني
زينب: 😈😂😂 اوا مزيان مني عارفها
خرجنا و توجهنا للمطعم على البحر فطرنا و خرجنا نيشان للشركة هبطت كنجري سبقتو دخلت وقفاتني امال خدامة معايا في القسم
صفقة زواج من متعجرف الجزء السادس
محتوى القصة
التنقل بين الأجزاء