خرجت من البيرو طلاقيت بالسكريتيرة هي الأولى كتشوف فيا شي شوفات الله يحضر السلامة تقول خاطفة ليها الراجل هادي كانت عينيها في ياسين مفيهاش أودي حرز عليها الخدمة أما نشدها نريشها و لكن باقي لحال و مشيت لقسمي و أعين الموظفين كلها و كيفاش كتشوف شي محاملنيش شي مكره شي كيبتسم شي كيتجنبني خوفا و انا هادشي لي مبغيتش بغيت نحس براسي بحالي بحالهم وصلت لقسمي طلقات ليا امال
امال: أو مدام العلوي كلها صاحبتي و انا مافراسيش
زينب: امال سميتي زينب
امال: اوا عاودي ليا
زينب: القصة طويلة نعاودها ليك من بعد
امال: اجي دابا عندي امل في داك التيتيز ديال مروان
انا في خاطري " أودي و تسمعك حنان تخرج ليك حلاقمك "
بقيت خاشية راسي في الأوراق هملت الخدمة هاد الايام بقيت خدامة نسيت راسي حتى ضلام الحال ساليت هزيت راسي بان ليا كلشي مشا مشيت عند ياسين لقيتو باقي حتى هو فوق الوراق
زينب: باقي خدام
ياسين هز راسو ابتسم و رجع هبطو: 5 دقايق انا معاك
زينب: اوكي
ياسين: قربي
مشيت قربت حداه هزني حطني فوق البيرو و رجع خدام
ياسين: هكدا حسن غادي نقدر نركز اكتر
رجع لخدمتو و انا مقابلاه كنشوف هاد الشخصية المحيرة بالنسبة ليا هاد التصرفات الجداد عليا التقارب لي تقربنا الصباح و عودنا لبعضياتنا حوايج من ماضينا حسيت براسي مرتاحة و انا كنعاود ليه و عندي فضول نعرف هاد الشخصية لي قدامي علاش مطوية بقيت سارحة في الطريقة باش شاد الستيلو و كيفاش مركز و عروق ايديه باينين من القميجة لي مطلع ليها كمامها و قلبي باغي يخرج من بلاصتو يعلن استسلامو لمنظر هاد الشخص و هو خدام كلو جاذبية 😍 سلا خدمتو وقف كنحس بحنكي دخل طبع بوسة فيه💋
ياسين: افين سارحة من الصباح و انا نعيط ليك
زينب: ااااا بغيتي شي حاجة
ياسين: قلت ليك يالاه 😉
زينب: اوكي مشينا
عنقني جنب و خرجنا من الشركة ركبنا في الطوموبيل الوجهة فيلا العلوي وصلنا واحد البلاصة عامرة غير فيلات بعدنا شويا كتبان البلاصة خاصة و وقفنا قدام الفيلا في الباب فيه 2 ديال الكارد دخلنا مع الباب تحلو عيني و فمي اش هدا يعجز اللسان على الوصف اش هاد التصميم الرائع اش هاد التناسق تلفت
زينب : وااااو 😍 شكون دار هاد التصميم الرائع
ياسين: عرفتك اوف حاجة غادي تسولي عليها هو التصميم 😅 في نظرك 😉
زينب: متقولش ليا نتا
ياسين: شويا انا شويا سي العلوي الكبير حنا مكناش ساكنين هنا من الاول مي فاش بغينا نبدلو الدار اختارت نصمم انا و الواليد هاد الدار
زينب: روعة واااو احساس زوين تسكن في بلاصة نتا مصممها
نزلت من الطوموبيل و جا ياسين شد فيا و تمينا داخلين متشوقة نشوف كيدايرة من الداخل 😍
خذلنا و كيفما توقعت الداخل لا يقل روعة على برا الصالات شي مفرش بطريقة عصرية و شي الآخر بطريقة تقليدية جات لمياء هابطة كتجري عنقاتني و غوتات
ياسين: امالك على الصداع
لمياء: مسوقكش انا و مرت خويا
جات سوما حتى هي رحبات بيا و ذخلاتنا للصالون كان موسيو العلوي و واحد المرأة تكون في الخمسينات لابصة الكلاص و طالقة الشعر و مجبدة و حداها بنت تكون قدنا و لا كبر طارت على ياسين بتعنيقة و جالسة عليه توحشتك انا تقرصت مكرهتش نتلاح عليها بشي نتفة شكون هادي 🤔 كلها مقربة و الشعر مشهباه زوينة ولكن كتبان مسيميمة 😡
و انا مالي مشيت سلمت على بابات ياسين و سلمت عليهم واخا جاني سلامهم ناقص قدماتهم ليا سوما
سوما: هادي مرت عم ياسين فوزية و هادي بنت عمو احلام
زينب: متشرفين
جلسنا حدايا لمياء من اليسار و ياسين من اليمين و سوما مقاداها فرحة تدور و ترحب بيا
زينب: ياك لمك من نهار دفنوه ما زاروه غبرتي
لمياء: وايييه الوقت مكنلقاهش حتى نحك راسي
ياسين سمعها: سيدة الأعمال الأولى الله يمسخك
لمياء: و مالك كي جيتك 😏 زينب توحشت شي زبلة من دياولنا
ياسين: راه غادي نوض نعلقك و نوريك الزبايل
لمياء: راه مرتك هي لي علماتني
انا ضرت لعندو و كنلعب بعيني و دايرا راسي بحال إلى غادية نبكي
زينب: تعرفني نديرها 😢
ياسين تخدر هز ايدو و حطها على خدي: لا انا مرتي الغزالة متديريهاش
انا بقيت كنترعد حيت كنحتارمو بزاف و باقي كنحشم منو
زينب: ش شويا الحمد لله
بقى كيسولني على الخدمة و انا واخا متوترة كنجوبو سوما ناضت تشوف لعشا و ياسين كيهضر مع لمياء
لمياء: خويا صافي قاديتي امورك
ياسين: الحمد لله
لمياء: متصورش شحال فرحت زينب بنت روعة قلتي ليها
ياسين مزال ملقيتش الوقت المناسب و لكن على الأغلب نقوليها مني نمشيو للدار ديال الغابة
لمياء: اوووه غتمشيو عند ايمن 😍
ياسين: غانمشيو كاملين حتى نتي الخيبة
لمياء: امتى
ياسين: بعد غدا
لمياء: ان شاء الله
عند فوزية و احلام
احلام: يييييخ شوفي كيدايرة خايبة معرفتش اش عجب عمي فيها انا احسن منها
فوزية: راه هاديك العقروشة ديال مرتو هي لي جابتها ليه
احلام: انا عارفة ياسين مكانش باغي يتزوج غير ضغطو عليه و لكن و الله لا خليتوا ليها 😡😈
نرجعو عند زينب
جات سوما و قالت لينا العشاء جاهز نضنا نحو طابلة كانت مزوقة باشهى الأطباق جلس موسيو العلوي على رأس الطاولة و على يمينو كاينة سوما حداها فوزية و احلام و على اليسار كاين ياسين و انا و لمياء بدينا الأكل انا حشمت حيت اول مرة غير كنقب حاسة الكل كيشوف فيا قرب ليا ياسين
ياسين كيهمس في وذني: كولي مالك حشمتي مموالفاش ليك
زينب قربت بدورها لحدى وذنيه: غادي تخلصها غير بلاتي نخرجو لاما تشري جوج بيتزات و موناضا و الكلاص راني منتسماش
ياسين رجع لوذني: راك تاكلي
زينب: زقرام اجي متقولوش لسوما تدير لينا شويا في خبيز
ياسين بقى حابسها حتى عيا و هو يتفركع بالضحك: 😂😂😂😂😂😂😂😂😂
مبقاش بغى يسكت و انا كنقرص فيه كيضحك من قلبو بقى كلشي كيشوف فيه و مصدومين سوما و محمد و لمياء فرحانين و فوزية و احلام باغيين يحماقو
احلام نقزات: ياسين ضحكنا معاك
سوما: يمكن شي حاجة خاصة بينو و بين مراتو
فوزية: اوا راه ممزيانش التوشويش في الوذنين وسط الجماعة
ياسين خنزر يالاه غادي يجاوبها و هو يجاوبها باه
محمد: عادي يهضر هو و مرتو و حنا مقلقتناش هضرتهم بالعكس فرحنا حيت شفناه كيضحك
دربو الطم و مبقاوش هزو راسهم من الطبسيل
لمياء جرتني لعندها : وا بربي حتى فقيهك صحيح
زينب: فكريني نعطيك عنوانو
لمياء: 😂😂😂
كملنا العشاء في جو زوين و ياسين فينما يشوف في وجهي يضحك و انا كنقرص فيه و نضنا جلسنا في الصالون شويا حسو بينا باغيين نمشيو و هي تحلف علينا سوما نباتو وافقنا طلعات مدات ليا لمياء بيجامة و جرني ياسين لبيتو كان زوين و كبير و غالب عليه الأسود طابع رجولي ذخل ياسين للدريسينغ رووم خدا حوايجو و مشى يدوش انا غير بدلت حوايجي و خرجت نبقشش في بيتو شفت ميداليات معلقين ديال البوكس و مجسم صغير ديال شي دار و صورة هو وواحد الولد يمكن يكون ايمن لي قال ليا الصباح و عاد صورة كتجمعهم بتلاتة معاهم لمياء وسط منهم و كيلعبو سمعتو خرج من الدوش درت نشوف و ياريتني مدرتش لابس سروال سيرفيط و الفوق والو اشمنك يا عضلات و يا فورمة و الشعر فازك و طايح على عينيه تصعقت و حليت فمي محدو كيقرب و انا قلبي كيضرب شافني فين كنت كنشوف
ياسين: هادي انا وأيمن فاش كانت عندنا 7 سنين و هادي معانا لمياء كانت عندنا 12 و هي 3 سنين و نص
زينب: كنتي كيوت
ياسين كيقرب حدايا و ريحتو كتدوخ و شعرو لي طايح على عينيه: و دابا
زينب دايخة : تيتيز
ياسين قرب باسني بوسة خفيفة على شفايفي: عارف راسي
زينب: مغرور
ياسين: ياك لمك 😂 سيري تنعسي
زينب: و نتا
ياسين: ماشي مشكل نفرش في الأرض
زينب: لا لا تمرض ليا عوتاني
ياسين: امممم خايفة عليا
زينب: لاواه الزفت كنفكر غانبقى الليل كامل مقابلاك ندير ليك الثلج
ياسين: تيقتك اوا اشنو المعمول نعسو بجوج
انا وليت حمرة و هبطت راسي لتحت معرفت منقول
ياسين مبتاسم: اوكي فهمتك يالاه غير ارتاحي انا نخرج للبالكو يضربني البرد و نجي( بغاها تاخد راحتها )
زينب: نجي معاك حتى انا مفياش النعاس
ياسين: اجي
شد ياسين في ايدي و خرجنا للبالكو كانت فيه جليسة و طبيلة و المنضر روعة ديال البيسين و الجردة لي شاعل فيهم الضوء جلسنا كنهضرو
زينب: دابا عائلة عمك ساكنة معاكم
ياسين: تقدري تقولي اه تقدري تقولي لا ممستقرينش كيمشيو عند ولدهم لإيطاليا
زينب: امم مزيان و علاقتكم كيدايرة
ياسين: الصراحة مرت عمي معنديش معاها من صغري على قبل ايمن و راكي شفتي مكتدخلش سوق راسها و احلام عادي معندناش شي علاقة
زينب تحت سنانها: حولها غير شافتك تلوات عليك بتعنيقة حتى خنقاتك
زينب: جات و هضر امين مع عائلتو و غدا غانمشيو نخطبو
ياسين: وايلي زربا خايبة هادي
زينب: 😂😂
ياسين: اجي قلتي عانمشيو
زينب: وي حيت طلبني بغاك تمشي معاه هو معندو حتى شي راجل يمشي معاه و راجل ختو عندو الخدمة
ياسين: جا عند الشخص الغلط انا راه معنديش مع هادوك الأجواء و حتى جوج كلمات مكنعرف نركبهوم في هاد المواقف
زينب: عارفة و لكن راه دادا لي غادي تكلف بالهضرة نتا غير جلس و بان في الصورة باش يتيقو عائلة حنان حيت كيعرفوك جاو لعرسنا
ياسين: واخا الالة ميكون غير خاطرك اجي نتي بعدا غاتمشي من عائلة العريس و لا العروسة
زينب: إلى بغيتي مرتك تتقطع طراف نمشي عند عائلة العريس
ياسين: 😂😂 لا لا منسخاش انا ببرهوشتي يالاه نوضي ندخلو برد الحال
دخلنا و مشيت نيشان للقنت ديال الناموسية و نعست و ياسين كذلك بقيت كنتلوى حتى جريت عليه الغطا كامل
ياسين كيضحك: واها لي مبغيناش
درت نشوف مالو لقيت الغطى كامل جاراه عندي جاتني الضحكة قربت حداه و بديت نغطيه و حتى هو قرب غطيتو شد ليا ايدي و قال
ياسين: غير بقاي قريبة و الله مكانعض
ضحكت واخا متوترة من هاد القرب غمضت عيني على أمل نعس ووالو ريحتو قلباتني و ذخلات مع ضلوعي و انفاسو كنحس بيها قريبة حليت عيني لقيتو مراقبني وجهو قريب من وجهي و غادي و كيقرب خايفة بزاف و متوترة و لكن ممنعتوش عارفة باقي يالاه كنتعرف على ياسين عارفة باقي بزاف ديال الحوايج مبهمين عارفة باقي حتى مشاعرنا معترفناش بيهم بينا وبين راسنا حتى و لكن شي حاجة الداخل فيا كتقول ليا خليه يدير لي بغا غمضت عيني كنتسنى قبلة على شفايفي و لكن كانت قبلة طوييييييييييلة و سخونة على على جبيني بحال إلى كيحميني من راسو بحال إلى كيقول ليا غادي نوصلو لهاد المرحلة و لكن درجة درجة و من بعدها ضمني لعندو حط راسي فوق صدرو العريان و عنقني و انا كنسمع دقات قلبو مقال والو و حتى انا مستفسرش يمكن حس أنني متوترة بقى كيلعب ليا في شعري هاد الحركة كتجيب ليا النعاس حتى غمضت عيني و نعست 😴😴
ضرباتني الفيقة مع 2 ديال الليل كرشي كتزغرت اكيد الجوع هو لي مكيخلينيش ننعس ضرت عند ياسين لقيتو في سابع نومة مخنزر و فمو محلول شويا بحال الدراري الصغار 😍 كيبان كيوت مزعمتش نهبط بوحدي و مكنعرفش فين جا بيت لمياء باش نمشي لعندها إذن زوجي انت الحل الوحيد تفكرت ضحكو عليا قلت نردها ليه
زينب: ياسين فيق ياسين وا نوض 😭😭
ياسين فايق مخلوع شد ليا وجهي بين ايديه: زينب مالكي
زينب: 😭😭
ياسين: وا قولي ليا مالكي واش شي كوشمار
زينب: 😭😭😭
ياسين: وا متبقايش تبكي خلعتيني
زينب: 😂😂😂😂
ياسين عاق: برهوشة كتفلاي( شدني من وذني )
زينب: اي اي ولا وراه فيا الجوع 😢
ياسين: برهوشة مفيقاني و خالعاني باش تقولي ليا فيا الجوع شفتي التبعكيك في كيوصل
زينب : وا ياسييين باراكا ديني ناكل و لا والله لا نعستي 😡
ياسين: 😂 نوضي نشوفو ليك ما تاكلي لا تصرطيني
هبطنا للكوزينة صاوب ليا ياسين سوندويش و عطاني عصير جلست ناكل و نتبنن بحال إلى عام مكليتش
ياسين: غير بشويا غادي توحل ليك
زينب كتصرط: متبقاش حاضني غير نتا ماغادي يطرى والو
ياسين: اياه سري انا لي مخلي المانطا و مهود نصاوب ليك متاكل
زينب: الحمد لله شبعت
ياسين: بالصحة يالاه زيدي قدامي تنعسي
زينب: طار مني النعاس اجي نخرجو للجردة
ياسين: نتي طار منك انا باقي فيا
زينب كتحلون: ياسييين
ياسين: متبقايش تديري هاكدا راه كنشد راسي غير بزز
زينب: غادي تخرج هكدا البرد
ياسين: على حنى معاك في الخير( هز واحد المانطا صغيرة من فوق الفوتوي ) زيدي قدامي
خرجنا للجردة قدام البيسين ووقفنا
زينب: داركم تصميمها كياخذ العقل
ياسين ساهي فيها: بحالك
زينب: اشنو
ياسين: والو هه مفيكش البرد
زينب: شويا ولكن مسخيتش بهاد الجو
قرب حدايا و حل المانطا عنقني من الوراء و غطانا بيها و بقينا واقفين
ياسين: دابا غتدفاي
في نفس المكان الفوق
عند سوما و محمد لي مقابلينهم من الشرجم
محمد: الحمد لله لي شفت ولدي كيضحك و مرتاح
سوما: الحمد لله كنت خايفة ميتقبلش زينب و لكن باينة خلاتو يخرج من داكشي لي كان فيه
محمد: باينة عليها بنت ذكية و بريئة احسن حاجة درنا زوجناه كون مضغطتش عليه كوراه باقي خاشي راسو في الوراق و الهضرة بالعبار و حتى الجلسة ميجلسش معانا
سوما: الله يسعدهم و يرزقهم بشي نونو يعمر علينا الدار
محمد: ان شاء الله
عند احلام و مها
احلام واقفة قدام الشرجم كتغدد: واااااع ا ماما واش شفتيه واش هدا هو ياسين لي مكان كيهضر مع حد و حتى سنانو مكنشوفوهمش غادية نحماق
فوزية: البنت مطورة عرفات ليه و خلاتو يتقلب يعلم الله اش دارت ليه
احلام: راني حلفت منخليه ليها ياسين ديالي 😡
فوزية: صبري حتى نشوفو خوك اش تحت راسو
احلام: باقا كتيقي في هداك العجل ديال ولدك انا منعولش عليه
فوزية: وا صافي دوينا
احلام قلبات وجها و كتحلف في خاطرها على زينب
عند ياسين لي نعسات ليه زينب بين ايديه هزها طلعها للغرفة خشاها فيه يالاه غينعس وصلو ميساج قراه و لاح التيليفون و نعس
أصبحنا وأصبح الملك لله
عند زينب
فقت لقيت راسي فوق صدر ياسين اويلي كي درت ليها كيبان كيوت و هو ناعس قربت بقيت كنلعب بشعرو و خايفة يفيق طبعت قبلة على خدوا و نضت بالزربة للحمام قديت حاجتي و غسلت خرجت دخلت للدريسينغ رووم بدلت حوايجي كيبان ليا ياسين باقي ناعس قربت حداه نفيقو
زينب: ياسين نوض
ياسين بصوت مبحوح حال عين و ساد الأخرى: هاكدا كيفيقو العيالات رجالهم في نظرك
زينب: ياكما بغيتي نجيب ليك الدقة المراكشية باش تفيق نوض
لمياء: كون تشوفي انا اماما توحشتها و توحشت زبايلها
زينب: انا معاك بالله و بالشرع بعدي مني راه خوك عاق بينا نهار خرجنا بالليل و جبد ليا الوذنين
لمياء: عبر عليك
سوما: اونتي كيدايرة مع ياسين
زينب حشمت و معرفت منقول: الحمدلله مزيان
لمياء بغات تنقد الموقف: تي شوفيها كي زيانة عرفي طالعها السر
زينب بالنفاخة: انا اصلا ديما زوينة
ياسين جاي سمعها: 😂 تبا لتواضعك
زينب دارت لعندو كتلعب في وجهها و بصوت محلون: مالي كذبت 😇
ياسين دايخ: لا غزالة ( قرب حدا وذنيها) هاد لي جيست لي كتديري غادية تفديهم غابلاتي
زينب ابتسمت ابتسامة شر😈 عارفة كتخرجو عن شعورو بتحلوينها: 😂😂
سلمنا عليهم و خرجنا ركبنا في الطوموبيل
ياسين: غادية تمشي للشركة
زينب: لا خاصني نمشي للسوق مع حنان باغية تاخد شي حاجة عاد نمشيو لbeauty centre
ياسين: اوكي انا غنمشي للشركة و نتي خودي الطوموبيل و سيري بلا منمشيو حتال الدار
زينب: أو نتا كي غادي تدير تجي
ياسين: إلى تكرمات مدامتي و جات ليا نكون ممنون
" عندو ما طوموبيل ما جوج في الكراج ديال الشركة و كان بامكانو ياخد طوموبيل من دارهم و لكن هو باغي يجبد زينب و يشوف ردة فعلها😂"
زينب: واخا اسيدي نخدمو شوافريا عندك ماشي مشكل
ياسين كيوقف الطوموبيل دار باسني في خدي و ضحك : يالاه نتسناك 💋 ( نزل)
نزلت جيهة الشيفور رجعو ليا ذكريات اول مرة نشوف هاد الحديدة ضحكت و زدت
شديت الطريق نيشان لدار حنان دخلت لقيتهم مرونين سلمت عليهم جراتني خالتي كتسولني على مروان حيت قالت ليها حنان راه كنعرفو و خدام معانا طمئنتها و قلت ليها راه غادية تشوفيه و ترتاحي ليه
خالتي: وانا خايفة يبعد بنتي عليا
زينب: وا خالتي هادي حاجة يقرروها هو و حنان و زايدون راها متقدرش تبعد عليا
زينب: زيدو يالاه راه باقي تابعنا السوق غادي نتعطلو
خرجنا حنان شافت الطوموبيل و قالت
حنان: ياك ا بنت اللذين عديمة الوفاء بدلتي الببوشة 😢
زينب: إلا ببوشتي منقدرش عرفتي هاد الطوموبيل هي لي شفت فيها ياسين اول مرة و قلت ليك مكرهتش نشري بحالها و طنزتي عليا قلتي بعد 40 سنة
حنان: وا هاهي دازت 3 أشهر وهانتي سايقاها لا بركاتك يا حاجة خلاوها خوتنا المصريين
زينب:😂😂 اوا شتي العود لي تحكرو يعميك
شدينا الطريق للسوق و خدينا شي حوايج خاصينا مع القفاطن من عند الخياط سالينا و شدينا الطريق لbeauty centre دخلنا دارو بينا مخلاو لينا soin مساج ظفار مكياج شعر لبسنا عندهم انا لبست قفطان رمادي سامبل و فيه طريزة و جمعت شعري جمعا خفيفة أما حنان لبسات قفطان بيض و دارو ليها مشيطة غزالة جات بحال الأميرة 👸 و كريمة لبسات قفطان في الأزرق و دارت الزيف المهم خرجنا من عندهم أميرات ركبنا في الطوموبيل و غاديين و كنهضرو
زينب: اوا معودتيش ليا كيفاش قنعتو عمي و خالتي
حنان: غير سكتي ماشي بابا عكس لينا مكانش باغي يدخلني ذخلني غير أمين بزز قالك الالة علاش رافضين ولد صاحبو و هز شوكتو و مبغاش يسمعنا
زينب: اوا 😳
حنان: اوا امين جعر اول مرة نشوفو هكداك قاليه ولد صاحبك كيضل شاد الركنة حدا مو بغيتيها حتى هي تمشي تيتي نيني حداه و لا تمشي تشقى عليهم قال ليه هادي راها بنتي و انا لي مربيها باغي نزوجها و نتهنى عليها ماشي نزوجها و تولي كل سيمانة جاياني غضبانة بنتي و كنحلم النهار لي نزوجها فيه و نقدمها لعريسها و انا مطمئن عليها و مني شفت الراجل لي جا يخطبها عرفتو ولد الناس و غادي يصونها و شفت في عينو الصدق و عرفتو راجل خدام و بدراعو ماشي بحال داك بابا عجينة ديال ولد صاحبك وافقت عليه حيت بغيت نشوف ختي ديما فرحانة صافي عاد باش اقتنع و قال ليه قول للسيد يجي و حيت امين عندو خدمة ضرورية غدا الصباح خاصو يكون في مكناس داكشي علاش زربنا اوا هدا ماكان
زينب: 😢😢😭😭 يخلي لي حبيبي امين الغزال ديالي لي كيدافع على ختو شتي راكي محزمة بالرجال
كريمة قرصاتني: شتك كتغزلي ليا في راجلي
زينب: اي 😏 راه خويا قبل ميكون راجلك المغيارة
كريمة: ولو 😏 هي حتى انا نتغزل في التيتيز ديال راجلك
زينب: 😳😳 واااع فكرتيني فيه نسيتو كوراه باقي كيتسنى فيا هبطو في حالكم نمشي نجيب ياسين و نجي
حطيتهم قدام الباب و مشيت طيارة للشركة عيطت لياسين هبط ركب حدايا بقى كيشوف فيا ساهي مقال حتى كلمة وتروني شوفاتو و انا سايقة فينما كنتوتر كنزيد في السرعة حتى سمعت صوتو
ياسين: شوفي ليك شي جنب ووقفي
زينب دازت لجنب ووقفات: و علاش
ياسين جرني من دراعي حتى ولى وجهي مقابل مع وجهو: باقي باغي نعيش مالك على هادشي
زينب كتقلب عينيها: مالي كي جيتك
ياسين: غزالة كتحمقي طيرتي ليا العقل بكثرة ما سهيت فيك مبغيتش نسوق باش نبقى نشوف فيك
كيهضر و يقرب ليا تخالطو انفاسنا روايحنا تغلغلو فينا حط شفايفو على شفايفي غيبت معرفتش اش هاد الاحساس توتر فرح رعشة كلشي مجموع كنحس بشفايفو سخان كيتحركو فوق شفايفي و انا مدايرة حتى ردة فعل باينة انها تجربتي الأولى ممنعتوش شي حاجة خلاتني ممنعوش شي حاجة فيا مباغاهش يحبس بغيتو يزيد يقرب رغم أنني معارفاش باش كنحس و حتى مشاعري ممفرزاهمش و لكن عاجبني الحال و غارقة معاه في أول قبلة ليا 💋💋
بعد شويا و طلع طبع قبلة طويلة على جبيني و انا مزالة مغمضة عيني ووجهي ولى كي مطيشة و قلبي كيتسمع في الطوموبيل كاملة هادشي لا مكانش الشارع كامل
ياسين شاد وجهي بين ايديه: يخليلي لي كيحشم انا اجي خليني انا نسوق
نضت تبدلت معاه بلا حتى شي كلمة مشينا نيشان لدار حنان تلاقينا مع مروان و دادا يالاه داخلين دخلنا مجموعين سلمنا و جلسنا انا بقيت حادرة راسي مهزيتوش خايفة نشوف فشي واحد و يعرفني اش دايرة 🙈جات حنان بالصلاة و السلام جلسوها حدى مروان تولات دادا مهمة الكلام تافقو و توالمو و امين عاد ارتاح من ناحيتنا ركبوا الخواتم و انا طايرة بالفرحة تقول انا لي كنتزوج و كنصور و نعاود و حاسة بياسين حاضيني و لكن مهزيتش فيه العين حطو العشاء و تجمعنا تعشينا ناض امين لأنه خاصو يشد الطريق سلمنا عليه ووصانا نجيو عندو مرة أخرى حيت المرة الأولى ممحسوباش و ياسين عرض على مروان و حنان قاليهم راه كاين العيد ميلاد ديال لمياء 😳 اشمن عيد ميلاد مفراسيش بغيت نسولو و لكن مقدرتش كمدتها سلمنا حتى حنا و خرجنا نيشان للدار انا غير وقفات الطوموبيل طرت ذخلت للدار طلعت لبيتي سديت عليا مقدرتش نواجهو معندي منقول ذخلت دوشت و خرجت ضربتها بالنعسة مع العيا و الصدمة مفكرت في والو
عند ياسين لي ناعس فوق فراشو مبتاسم باقي مفكر طعم شفايفها و ريحتها لي تغلغلات في اعماقو منظرها لي خطف انفاسو و حشمتها لي حمقاتو شاد التيليفون و كيشوف في تصويرتها
ياسين: غادي نعتارف ليك ا بوكاهونتاستي من غدا ان شاء الله مغتبقاش بيناتنا لا حواجز لا صفقات
وصلو ميساج تبدلو ملامحو للعصبية طفى التيليفون و لاحو و تقلب ينعس
زينب: الصراحة بغيت شي حاجة تكون سبيشال و فكرت في قطة اشنو بان ليك
ياسين: عرفتي لمياء غادي تحماق ليك و تولي تبغيك اكتر منا 😂 من ديما باغية تربي قطة و سوما كتقول ليها حتى تكوني قادرة عليها
زينب: حتى انا شحال تمنيت نربيها مي دوماج عندي حساسية منهم
ياسين: نتي غادية تربي حاجة اخرى
زينب بعدم فهم: اشناهي
ياسين ابتسم : من بعد و تعرفيها
جلست حداه و عطيتو القهوة و خديت حتى انا
زينب: مغتمشيش للشركة
ياسين: غادي غير ندوز خاصني نسيني شي وراق ضروري و نمشيو
زينب: اوكي
كملنا قهوتنا و طلع كل واحد يبدل حوايجو و هبطنا ديريكسيو الشركة
طلع ياسين انا بقيت كنتسناه في الطوموبيل متعطلش بزاف نزل و شدينا الطريق مشينا للبلاصة فين كيبيعو القطوط طاحت عيني على واحد القطة صغيورة كتحمق خديناها و خرجنا عيط ياسين لمروان باش نتلاقاو و نمشيو مجموعين أما لمياء سبقاتنا جا مروان و حنان و مشينا كل واحد في طوموبيلتو دخلنا للغابة ووقفنا قدام واحد البوابة مع الحلة مع وساعو عيني واااااو على جمال في هاد الدار و على جردة و أزهار كتبعت على الراحة النفسية هبطت بقيت كنتسيلفى و نعاود لحقات عليا حنان و جلسنا في تصاونا و هبالنا مخلينا كيفاش تصورنا و مروان و ياسين كيدورو في وجاههم بلا حول
ياسين جرني من ايدي: اجي لاحقة على التصاور
دخلنا و كيما توقعت الدار كتبان ديال شي فنان كلها طابلوهات كيحمقو بان ليا واحد الشاب جاي جيهتنا مبتاسم كتبان شخصيتو مرحة
ايمن جا قرب حدايا و مد ليا ايديه: مرحبا بمرت خويا انا ايمن
زينب بابتسامة : متشرفين انا زينب
سلم على مروان و حنان لي قدمهم ليه ياسين و هي تم هابطة لمياء سلمات علينا و قالبة وجهها كيحساب ليها نساو عيد ميلادها جلسنا كنهضرو شويا جرني ياسين للكوزينة و تبعنا ايمن
ياسين: شفتيها
زينب: 😂 واييه كيحساب ليها نسيتوها
ياسين: هانتي نتي تكلفي بيها خليها الفوق حتى نساليو
زينب: اوكي شحال يقدكم ديال الوقت
ايمن: شي ساعتين
زينب: واخا مشات
تميت غادية حتى جرني ياسين و باسني في حنكي قدام ايمن انا مركت درت وجهي في الأرض و زدت لا كلمة لا جوج وقفت على البنات و قلت ليهم يالاه نطلعو لفوق عندنا بزاف مايتقال حنان فهماتني طلعنا لبيت لمياء لي باقة عاقدة 7×4
حنان: ياك ا بنت اللذين متسوليش كتعرفي غير مرت خوك
لمياء: أودي راه حتى مرت خويا مكنشوفهاش بزااااف اجي قالو ليا تخطبتي مبروووك
حنان: أودي غير سكتي متخطبت حتى شفت الويل 😢
لمياء: وايلي عاودي ليا مكاين مكاين مايدار
حنان: اوا يا لالة......(بدات تعاود ليها )
" مزيان نيت نضيعو شويا ديال الوقت دازت واحد الساعة إلا ربع غير فالتعاويد ديال حنان "
حنان: اوا هدا ما كان
لمياء: لا لا بلاتي نستوعب ياسين خويا انا دار هادشي كامل
حنان: سيري انعن طاسيلتك من الصباح و انا نعاود من هادشي كامل بان ليك غير خوك
لمياء: اويلي راه إنجاز هدا عرفتي اشنو يمشي عند ناس مكيعرفهومش و زيد يلعب مع ولد صغير لا و الطامة الكبرى يمشي يخطب مع شي واحد( ضارت عند زينب) تستاهلي الجائزة الكبرى
زينب: هههههه علاش مالو كي جاك
لمياء: انا ياسين لي كنعرف من الاخر معقد
زينب: ايوا حدك تما متعيريش ليا راجلي
لمياء: هاي هاي زعمتي
حنان: عجينة ايدي شي حاجة تما كري
زينب: مكاين والو بعدو مني
حنان: عليا انا هضري
زينب بتلعتم: ب ب باسني
حنان: وايلي امتى😍
لمياء: كيفاش باش حسيتي
زينب: البارح فاش كنا جايين في الطوموبيل باش حسيت معرفتش داكشي مخلط
حنان: واااااو و اخيرا صاحبتي ولى عندها احساس و دابا كتحسي بشي حاجة اتجاهو
زينب: نكدب إلى قلت لا انا مكانوش عندي تجارب باش نعرف اشنو كيعني الحب و لكن مننكرش أنني تعلقت بياسين بزاف بكلشي فيه تصرفاتو هضرتو ضحكتو ريحتو كلشي
لمياء: اوا نوضي على سلامتك راك طحتي على زنافرك
زينب: شوفي عنداك تقولي ليه شي حاجة انا باقة معرفاش هو باش كيحس
لمياء: مالي برهوشة يالاه نوضو نهبطو
زينب: بلاتي اش ضهر ليكم نديرو مود حفلة و نفاجئو اي لتحت
حنان فهماتني: اه فكرة زوينة و لكن معندنا منلبسو
لمياء: انا نعطيكم
دخلاتنا للدريسينغ رووم انا كنبقشش
زينب: عندك غير لمقزب اصاحبتي
لمياء: وا ختي هنا فين كنقدر نلبسهم أما لهيه مانعهم عليا ايمن
حنان: دابا ايمن خوك
لمياء تقرصت جاوبت بزربة: لا لا ماشي خويا ايمن قالت ليا ماما جابتو مامات ياسين للدار مني كانت عندو 4 سنين و من تما و هو معانا
حنان: مامات ياسين 🤔
زينب: هادي قصة أخرى دابا نعاودها ليك من بعد و ايمن شخصيتو كي دايرة
لمياء ابتسمت: عكس ياسين هو ضحوكي و دغيا كينسجم مع الناس غير لي بغى هو واخا مكيعرفش واليديه إلا أنه ممشكلش ليه هادشي عقدة و كيهوى شي حاجة سميتها الرسم و الفوتوغرافي و راه رسام مشهور
زينب: اممم مزيان باينة غير من هاد الدار شوفي عطيني شي حاجة مستورة نلبسها راني من الصباح و انا نقلب
حنان: انا عادي غير اري التقزاب
زينب: يا ربي يحيح عليك مروان
لمياء مدات لينا كساوي و خدات حتى هي وحدة و لبسنا و تقادينا مكياج و شعر و تمينا هابطين
صفقة زواج من متعجرف الجزء السابع
محتوى القصة
التنقل بين الأجزاء