لمياء: اويلي فين هادو ياكما مشاو و خلاونا وسط الغابة أودي قاليك مود حفلة هادا را..... باقة مكملاتهاش شعل الضوء بانت الصالة مزينة بالنفاخات و الحلوى الوسط كبيرة فيها صورة لمياء
كلنا: هابي بيرداي 🎉🎉🎊
لمياء كتغبن: يحساب ليا نسيتوه
مشات ديريكت عند ياسين و ايمن جمعاتهم في تعنيقة وحدة من بعد مروان سلم علينا و تمنى ليها جوايو انيفيرسار هه و جات لعندنا جامعاتنا في تعنيقة قربات حدا الكاتو طفات الشمع قطعات منو و عطات لكل واحد مورسو و ايمن و ياسين وكلاتهم بايديها جلسنا كنضحكو بيناتنا ناض ايمن خدم موسيقى كلاسيك و مد ايديه للمياء يرقصو كذلك مروان و حنان و اخيرا انا و ياسين
حنان: مسوقيش و زيدون راه شهر عسل واحد لي غادي ندوز ندوزو في جبل😏
مروان: ان شاء الله ايامي معاك غتكون كلها عسل موااااح 💋
عند زينب و ياسين
ياسين: عجبك الجو
زينب: كيحمق غزاال 😍
ياسين: بحالك خاصني نقوليك شي حاجة
زينب: قول
ياسين: ماشي دابا(طبع بوسة على خدي)
عند ايمن و لمياء
ايمن: اش هاد اللبس 😏
لمياء: وا صافي ايمن مكاين حتى واحد غريب زائد اليوم عيد ميلادي ندير لي بغيت
ايمن: هه حمقة كيحساب ليك نسيناك
لمياء: عارفة ننسى انا و نتا لا
ايمن: بغيتي تشوفي كادوك
لمياء بفرح: اه 😍
عند زينب شفنا ايمن جار لمياء و دار لينا إشارة باش نتبعوه ذخل لواحد الغرفة و شعل الضوء كانت عامرة بالنفاخات في السما و كل وحدة هازة صورة للمياء من عمر اليوم يومين.. الشهر شهرين... سنة سنتين.... حتال 20 سنة بجميع حالاتها ضاحكة باكية يالاه فايقة من النعاس مخنزرة فرحانة 😍😍 و في الوسط طابلو مغطي وقف ايمن لمياء قدامو و حيد الغطا وااو كتبان رسمة روعة ليها و هي في سن العشرين و الفوق كاينة سنسلة كتحمل نفس الرسمة مصغرة ركبها ليها و قال
ايمن: كل عام و انت شريرة يا الشريرة
دارت لمياء و عينيها عامرين بالدموع عنقاتو مبقاتش باغا تطلقو حتى فيقها صوت ياسين و انا مبغيتيش تشوفي كادويا
لمياء بعدات شويا على ايمن: اه بغيت
ياسين جبد الساروت من جيبو و عطاه ليها
لمياء تلاحت عليه: الطوموبيل لي شفت داك النهار
ياسين: اه ههه كل عام وانت مجنونة
مروان و حنان عطاوها كادوهم حتى هما كان عبارة على براصلي فيه سميتها
زينب: باقي كادويا
لمياء: اشنو😍
زينب: اجي معايا
ديتها وقفتها قدام السلة ديال القطة غير شافتها و هي تغوت واحد الغوتة تسمعات في الغابة كلها عنقاتني و مشات تلعب مع القطة و تبوس و تعاود محطاتهاش
بقينا جالسين مجمعين قتارح علينا ايمن نلعبو act ou vérité نيت نتعرفو على بعضنا اكتر جلسنا بشكل دائري و جبنا قرعة دورناها جات في حنان و ايمن
حنان: عندك شي وحدة في حياتك 🤔
ايمن كيفكر بقى ساكت شحال و عينيه على لمياء: لا
حركناها مرة أخرى جات في لمياء و ياسين
لمياء: اشنو الحاجة لي تبدلات فيك و بسباب شكون
ياسين فهمها علاش كتقلب: بزااااف ديال الحوايج تبدلو اكيد لاحضتيهم و السباب واحد الانسانة جالسة حدايا
شد ليا ايدي و طلعها حتال فمو باسها انا ابتسمت و غرقت في عينيه حتى كنسمع سؤال مروان موجه ليا
مروان: زينب اشنو الحاجة اللي مستحيل تسامحي فيها
شفت في حنان و ضحكت هه و هي تنقز
حنان: انا نجاوبك باقا واحلة ليا
زينب: 😂😂 باقا عاقلة
حنان: على انا ننسى 😏 زينب عمرها تسمح ليك إلى خبيتي عليها شي حاجة
لمياء: 😨
ايمن: 😵
ياسين قلبو قفز و تملكو الخوف و نطق بزز: و علاش 😳
زينب: الصراحة معرفتش ممكن شخصيتي هاكدا و لكن غير مع لي قراااب مني يمكن حيت انا شفافة و لي كانت كنقولها كنحس إلى خبى عليا شي واحد شي حاجة راه متايقش فيا أو باني حاجز بيني و بينو
ياسين عرقان و متوتر: يقدر مكانش قصدو
حنان: ا واخا يكون مداير لا بايدو لا برجلو انا راه مهضراتش معايا 20 يوم على قبل واحد سوء تفاهم يا حسرة عشرة عمر 😡
زينب: و صافي راه انا هكدا دايرة شخصيتي منقدرش نبدلها
حنان: اوا الله يخليها شخصية
ياسين توتر و تبدلو ملامحو و شاف في ايمن و لمياء لي كيصبروه بعينيهم
لمياء بغات تلطف الجو: وا شتكوم طولتو عند زينب حتى انا سولوني
حنان هزات القرعة و دارتها على جهة لمياء: اكتر كادو عجبك
لمياء: الصراحة كنت من ديما كنحلم نربي قطة نقدر نقولو حبيتها من اول نظرة لكن اكتر كادو اتر فيا( هزات عينيها في ايمن ) هو ديال ايمن كنضن عمرني ننساه حياتي كاملة مكرهتش نبقى فداك البيت حياتي كاملة ههه
ايمن: هداك البيت غيبقى تما وقت لي بغيتي مرحبا
شافت فيه و ابتسامات و حتى هو بادلها الابتسامة بقينا لاعبين حتى عييت و داتني عيني و انا فوق كتف ياسين
عند ياسين
ايمن انتابه لزينب ناعسة معنكشة : مدامتك نعسات
دارت لقيتها ناعسة ابتسمت بحسرة هزيتها طلعتها للبيت حطيتها فوق الناموسية و بستها 💋 و خرجت لقيت الكل مشى ينعس خرجت للجردة لقيت ايمن وقفت حداه
طلعت لقيتها مشرشمة و كل رجل في جيهة و الكسوة طالعة على فخادها لي باينين بيضين هادي كتقلب عليا نغتاصبها في هاد الليل بدلت حوايجي و مزعمتش نبدل ليها حوايجها خفت منتحكمش في راسي انا دابا و جهلت خليتها بكسوتها تخشيت حداها هزيتها حطيتها على صدري بقيت كنلعب ليها بشعرها حتى نعست 😴😴
أصبحنا و اصبح الملك لله
عند زينب فقت لقيت راسي فوق ياسين هزيت راسي كنتأمل فيه كانت نعستو زوينة وجهو منفوخ شويا مع النعاس قربت بستو من حنكو مفاقش و دزت للحنك التاني حتى هو بستو و مفاقش تميت نايضة و هو يجرني رجعني فوق منو و وجهنا مقابلين
ياسين: كتشفرني و انا ناعس بغيت بوساتي
انا مركت عاق بيا😢 مقلت حتى كلمة
ياسين: مالك تزيزنتي عطيني بوساتي
مديت ليه حنكي شد وجهي بين ايديه و طبع جوج بوسات في فمي
ياسين: هنا احسن
زينب متوترة و فرحانة في نفس الوقت: ص ص ااافي خليني نوض
طلقني مشيت بجرية للبيت عند لمياء لقيتهم باقين ناعسين و كل وحدة لايحة رجليها على الأخرى ذخلت للحمام هزيت سطيلة عمرتها ما😈 خرجت خويتها عليهم و عطيت الريح لرجلي حتى كنسمع
حنان و لمياء: زييييييييييييييييينب 😡
ذخلت للبيت عند ياسين لقيتو واقف غير بالبوكسر و هاز فوطة شاف فيا و قال
ياسين: واشتي كون تعطلتي شويا كون شفتي شي حاجة اخرى مالك هربانة من شي واحد
انا حالة فمي كنشوف فيه و كنقول في خاطري " وااااو حفلة ديال العضلات 😍" شويا توكدت
زينب: حنان و لمياء
ياسين: درتي شي كارثة
زينب: لا والو 😇
ياسين: البراءة غادي يتبعوك غير هاكدا راني حافظ زبايلك سيري لبسي حوايجك و اجي ندورو شويا في الدار
زينب: اوكي😀
مشيت عند البنات نتفوتي مزيان عطاتني لمياء حوايج ذخلت دوشت و هبطت جلسنا نفطرو كاملين في جو زوين و خرجنا من بعد انا و ياسين بقينا شحال و حنا كندورو في الجردة العجيبة و فينما ندوزو من حدا شي وردة نصورها و يعطيني ياسين سميتها و اش كتعني كانو أزهار غريبة و نادرة مشينا لأماكن سرية في الدار و بلايص كاتب فيهم ياسين و ايمن في سن العشرين و راسمين استمتعت و تقربت من ياسين اكتر بحكم كنشوف ذكرياتو كنحس بيه قريب مني كنحس بقلبي فرحان و انا معاه مكرهتش نبقاو ديما هنا مكرهتش نغوت و نقول ليه شحال كنبغيه 🙊 بقينا داويين عرفت القصة علاش تبنات هاد الدار و كيفاش ذخلنا للدار كنسمعو الصداع في الكوزينة ذخلنا بانو ليا الحادكات ديال لمياء و حنان قالبين الكوزينة قالك بغاو يطيبو الغدا
زينب: 😂😂 مروان باش نكونو مفاهمين من دابا عول حياتك كاملة غادي تقديها ب BM
مروان: اشناهو
ايمن: البيض و مطيشة 🍅
حنان: بزاف عليك زعما نتي مطفراه
زينب: اش بان ليك
حنان: اه نسيت الباتول
زينب: هه يالاه جمعوا عليا هاد الروينة بعدا و نتوما( كنهضر مع الدراري) برا
مروان: في نظرك غادي نتغداو اليوم
ايمن: كنقتارح ندومونديو بيتزا 🍕
ياسين: السوشي احسن🍣
زينب بتهديد: اوا عنداكم شي واحد فيكم يحط ايديه في طيابي يالاه برااا 😏
خرجو الدراري و البنات جمعوا الدنيا خرجت اللحم من التلاجة و طنجرة البصلة و كاع داكشي لي غادي نحتاج و خليت البنات يتكلفو بالشلايظ و العصير و جلست ننصب و درت البرقوق يتصلق و البيض حتى هو بقينا داويين و حاضيين الغداء حتى طاب حطيت داكشي جا كيشهي زوقنا الطبلة ديال الأكل و عيطنا للدراري طاحوا فيه عميين
زينب: فين مالين بيتزا و سوشي 😏
ياسين: دابا هاد الطياب من ايديدات مرتي
زينب: 😏
ايمن: سمحي لينا ا الشاف مريم صراحة طيابك زين
زينب: 😑
مروان: خويا الشاف موحا طيابك يتكالو عليه الصبعان
شيرت عليه بسربيتة كملنا غدانا بالضحك سالينا جمعنا الدنيا اوا لي زار يخفف نضنا سلمنا على ايمن شكرناه على هاد اليومين و كل قصد دارو وصلنا للدار تميت طالعة
ياسين: غادية تنعسي دابا
زينب: لا نطلع غير نبدل
ياسين: و نزلي نشوفو فيلم
زينب: super 😍
طلعت بدلت حوايجي لبست بيجامة خفيفة و خليت شعري مطلوق و نزلت لقيت ياسين حتى هو بدل حوايجو لابس سروال سيرفيط و تيشورط و جالس قدام التلفزيون مشيت حداه خشاني فيه و جلسنا كنتفرجو في الفيلم سهيت مع الأحداث حتى وصل لياسين ميساج تبدلو ملامحو و تعصب و ناض طلع ضرب الباب بحر جهدو تخلعت بقيت غير كنشوف مقدرتش نمشي لعندو طفيت التلفازة و طلعت تخشيت في بيتي هضرت مع علي لي جا من شهر العسل حتى نعست
أصبحنا وأصبح الملك لله
صبحات فيا خالتي ممشيتش للخدمة خرجت نشوف ياسين لقيتو مكاينش بقيت كنتوجع خديت شي حاجة سخونة و نعست حتى وصلات الحداش ديال الليل و خرجت باقي ياسين مجاش تشوشت بزاف عيطت مجاوبنيش ياكما مشى و خلاني عوتاني 😢 ياكما غادي يغبر تاني 😭 و انا غارقة في أفكاري سمعت الباب ديال بيت ياسين كيتحل جا 😍 خرجت كنجري ذخلت عندو كيبان ليا عيان عينو ذابلين و رجليه مهازاهش
زينب بصوت حنين: ياسين
هز فيا عينيه ابتسم و دار ليا إشارة بعينيه نقرب مشيت حداه عنقني ذخلني في ضلوعو
ياسين: ممكن نطلب منك طلب
زينب: اممم
ياسين: بغيتك ديري ليا ماساج
واخا مزعمتش حشمت و لكن كيبان ليا عيان بزاف اش غاندير مشيت قلبت على الزيت في حوايجي جيت لقيت ياسين غير بالشورط ناعس فوق الناموسية على كرشو قربت حداه زعمت طلعت فوق ضهرو بديت كنماسي ليه من كتافو لاسفل ضهرو عنقو راسو حسيت بيه ترخى بقيت كنفكر مالو مكنبغيش نشوفو مقلق بغيت نشوف ضحكتو هبطت ايدي لجنابو كنهر فيه والو محستش و انا نبدى نقرص
ياسين: هه رصاي اش كتديري
زينب: مفيكش هر
ياسين: عند بالك كتهريني راك كتقرصيني
زينب: المهم كتحس بشي حاجة
ياسين: ههههه😂 رصاي لمك
زينب: هههههه و اخيرا ضحكتي
طلعت ايدي لعنقو كنهر فيه تبورش هووووب لقيت راسي انا لتحت و هو لفوق
ياسين: قلت ليك رصاي مبغيتيش اوا تحملي عواقبك
زينب: صافي منعاودش
ياسين كيهر فيا: دوي تخافي متحشمي
زينب كتفركل تحت منو و عقلها غيخرج بالضحك: ههههه ياسين و الله حتى فيا هر باركة عافاك
ياسين بقى كيتأمل فيا كنضحك شويا تلاح على شفايفي بحال شي عطشان لقى الماء كيبوس كل شفة بوحدها انا غيبت و تجاوبت معاه هزيت ايدي حطيتهم على عنقو قربتو ليا اكتر عضني عضة خفيفة حليت فمي خلا لسانو يلعب في فمي ايد مكالي بيها باش ميلوحش تقلو عليا و ايد كنحس بيها كتسارا في جسمي من خدي لعنقي لكتافي و استقرات في صدري( اويلي ا زينب شفتك غيبتي نوضي راكم غاتعصاو مولانا) بغيت نقوليه حبس و مقادراش و سيرتو مع صدري دارني تيزنت حتى كنحس بيه ناض قافز و خرج و سد الباب وراه اويلي ياكما عاق نضت قلت اللهم نمشي نعس و لا يجي يكمل ما بدا خرجت لقيتو قدام الباب دزت من حداه شدني
ياسين: فين غادية
زينب حادرة راسي و متوترة: ن ن نعس في بيتي
ياسين: خليك معايا عارف خاصنا نهضرو في بزاف ديال الحوايج و بزاف ديال الأسئلة كتدور ليك في دماغك كنواعدك غنجاوبك و لكن ماشي اليوم دابا كنترجاك خليك معايا
انا حشمت معرفت منقول عرفتو معاقش كون شاف المنكر عمرو يقرب ليا 😂😂 حتى كنحس براسي مهزوزة و غادي بيا لجيهة الناموسية حطني و مشا من الجهة الأخرى و خشاني فيه و نعسنا 😴😴
أصبحنا و اصبح الملك لله
فقت ملقيتش ياسين لقيتو مخلي ليا ورقة و فوقها وردة
" صباح الخير فقت بكري عندي شي غرض مبغيتش نفيقك نتلاقاو في الشركة💋 " خطو زوين 😍
نضت بدلت حوايجي و انا بالي ممهنينيش حاسة براسي مخنوقة خرجت نيشان للشركة بقيت خدامة كل شويا نسول على ياسين تقول ليا ديك المسمومة باقي مجاش كنعيط بواط فوكال وصل وقت الغداء جا عندي مروان هبطنا الكافيتريا ديال الشركة مع الدخلة كنسمع
التلفازة " خبر عاجل نقل الوريت الوحيد لمجموعة شركات العلوي ياسين العلوي للمستشفى ضهرا اتر تعرضه لإصابات بالرصاص و مصادرنا تؤكد أن حالته حرجة " 😳😳
انا كنسمع و رجليا كيتقالو عليا دموعي وصلو فين بغاو😭 قلبي خرج من بلاصتو و رجع خواو بيا رجلي شدني غير مروان
ضرت لقيت كلشي كيشوف شي بحسرة شي مخلوع شي مهاموش كلا و نضرتو
زينب: انا مسوقيش في الناس 😭 بغيت ياسين ديني عند ياسين 😭😭😭😭
مروان: واخا تهدني و يالاه
خرجنا و انطلقنا للمشفى لقينا الدنيا عامرة صحافة بوليس كارد كور ذخلنا و انا كنطلب في خاطري ميكونش هو كنقنع راسي انو ياسين ميديرهاش 😭 غير شفت الكل واقفين و وجوههم مكتفسرش طحت على ركابيا مقدرتش نحبس دموعي جات شداتني سوما جلساتني فوق الكرسي و كتطبطب عليا
سوما: متخافيش غايكون مزيان ياسين قوي
زينب: 😭😭😭
شويا خرجات الممرضة كتجري قالت
الممرضة: خاصو الدم و ملقيناش زمرة دمو عندنا
زينب نقزات وسط دموعها: انا نتبرع ليه
الممرضة: اشنو فصيلة دمك
زينب: انا فصيلة دمي -o نقدر نتبرع لأي واحد 😢
الممرضة: اوكي اجي معايا
مشيت معاها دخلاتني لواحد الغرفة سولاتني شويا الأسئلة و فحصاتني لقات كلشي هو هداك خداو مني الدم و عطاتني عصير قالت ليك باش منسخفش نرتاح أودي فينها الراحة شربت شويا من داك العصير و خرجت جلست حداهم
محمد: بنتي شويا
زينب: الحمد لله
لمياء جات حدايا و عنقاتني: 😭😭
ايمن: زينب متخافيش ياسين اكيد غادي ينقزها
زينب: ان شاء الله 😭
بقينا جالسين اكتر من ساعتين كنتسناو حتى خرج الطبيب طرنا عندو نطمئنو
الطبيب: لحسن الحظ القرطاسة متعمقاتش كانت ممكن تضرب الكبد و لكن موسيو العلوي نزف بزاف قبل ميجيبوه داكشي لي تطلب نقلوا ليه الدم
ايمن: دكتور طمني العملية كيف دازت
الطبيب: الحمد لله العملية كانت ناجحة و دابا غادي نتسناو 24 ساعة ان شاء الله خير خليت ليكم الراحة
اووف ارتاحينا شويا مني سمعنا العملية نجحات
سوما: زينب سيري نتي و لمياء و ايمن ارتاحو و رجعوا غدا ها حنا معاه
مشاو الكل و حتى مروان و بقيت انا و ايمن حتى بانو لينا مخرجينو من غرفة العمليات مغمض عينيه و ناعس طرت لحداه و دموعي مبغاوش يحبسو
زينب: ياسين 😭😭😭😭
ايمن جرني ذخلوه للعناية المركزة نقدرو نشوفوه غير من الزاج كيبان صفر و دايرين ليه دوك الخيوط في صدرو هادا ياسين قدامي ياسين لي ذخل حياتي بدون سابق إنذار ياسين لي كيشد معايا ضد ياسين لي غير كيشوفني كيضحك ياسين لي عشش ليا في دماغي و قلبي 😭😭 ناعس و مكيهضرش معايا 😭😭😭
بقينا واقفين انا و ايمن قدام الزاج حتى بانت لينا واحد الممرضة طلبناها تخلينا ندخلو عندو وافقات بحكم انه موسيو العلوي لبساتنا اللباس ديال la réanimation و ذخلنا جلسنا حداه مقدرتش نقرب كنشوف فيه كيتنفس بصعوبة دايرين ليه الأوكسجين و التخطيط ديال قلبو كيطلع و يهبط 😭😭😭
زينب: ايمن شكون هادو و علاش دارو هاكدا 😭😭
ايمن: شششش تهدني حتى انا معارفش بالضبط و لكن يقدر يكون على قبل شي صفقة( بغى يبعدها على السبب الرئيسي)
زينب: صفقة! يقدرو يكونو the black
ايمن: شكون هادو
زينب: شركة كانو بغاو يشفرو واحد المشروع من الشركة و لكن كشفناهم في الوقت المناسب و مداو والو زعما يكونو كينتاقمو
ايمن: كلشي ممكن نتي ارتاحي متفكريش بزاف ان شاء الله كلشي يكون بخير
زينب: ان شاء الله
بقينا داويين و كل شويا نشوف في ياسين واش كيتنفس واش هداك التخطيط باقي طالع هابط 😭😭حتى داتني عيني
أصبحنا وأصبح الملك لله
فقت كيبان ليا ياسين حال عينيه طرت من بلاصتي و دموعي وصلو فين بغاو عوتاني تخلطو عليا صدمة فرحة كلشي معرفتش منقول خليت دموعي يهضرو في بلاصتي ذخلات الممرضة طلبات منا نخرجو باش يفحصو الطبيب و داكشي لي كان خرجنا و دخل فحصو الطبيب و خرج عندنا وجهو مبتاسم
الطبيب: الحمد لله على سلامتو كلشي عندو مزيان واحد 10 دقايق و ينقلوه لغرفة خاصة
ايمن: شكرا دكتور
زينب: الحمد لله
مدازش بزاف خرجوه و داوه لغرفة خاصة و لحقنا عليه انا و ايمن
ايمن: العود خلعتينا عليك
ياسين بزز باش كيبتسم: و راك عارف خوك قرطاسة وحدة متقديش فيه
ايمن: شحال بغيتي كوليكسيو بااز
انا غير كنرمش و ساكتة كنشوف واش هدا ياسين لي كان البارح ناعس مكيهضرش
ياسين هز عينو شافني بتاسم: قربي
قربت حداه هز ايدو كيمسح ليا دموعي
ياسين: خليتك تبكي بزااااف ياك
زينب: 😭😭😭
ياسين: وا صافي هانا حداك مطرى والو
زينب: 😭 خفت عليك
ياسين: حتى انا خفت عليك
سمعنا الباب تحل تمو ذاخلين الكل سوما و موسيو العلوي و لمياء و مروان و حنان و حتى والديا جاو يطمئنو على ياسين شفت ماما طرت عليها بتعنيقة عرفاتني خفت بزاف بابا باس على راسي و انا بست ايدو و مشى يطمئن على ياسين
محمد: ولدي شويا دابا الحمد لله على سلامتك
ياسين: الله يسلمك الوالد
سوما: ولدي خلعتينا عليك 😭
ياسين: يخليك ليا سوماتي متخافيش
لمياء: اخي العزيز راك عايش دابا بدم زينب
ياسين شاف فيها بحب: نتي لي تبرعتي ليا كيحساب ليا ايمن
ذخلنا جلسنا شويا مع ياسين دخلات الممرضة بغات تفحصو خرجنا و الكل استئذن مشاو مشيت هضرت مع الطبيب و رجعت عند ياسين
ياسين: كلشي مشا
زينب: اه
ياسين: امتى نخرج مكنحملش الجو ديال المشفى
زينب: قال ليا الطبيب غدا
ياسين: مزيان اجي عندي
قربت حداه و عنقتو تفكرت في لحضة كنت ممكن نفقدو قلبي تهز و دموعي عمرو عينيا هز ليا وجهي بايديه و كيمسح ليا دموعي
ياسين: شششش مكنحملش نشوف عويناتك كيبكيو
قربني ليه و طبع بوسات في عينيا بجوج
زينب: ياسين غانمشيو نسكنو في الفيلا
ياسين: لا نخاف مترتاحيش تما
زينب: اشنو لي مغاديش يريحني تما ياك نتا معايا
ياسين: امم
زينب: اوا صافي نمشيو و زيدون انا منرتاح حتى نشوف هاد لي ضربك في الحبس
ياسين: متشغليش بالك راه البوليس كيدير خدمتو و اكيد موسيو العلوي حتى هو
زينب: ان شاء الله يشدوه في اقرب وقت
ياسين: ان شاء الله 💋💋
أصبحنا وأصبح الملك لله
فقت لقيت ياسين حال عينيه و شاد ليا في ايدي و ايد كيلعب في شعري حيت كنت ناعسة فوق الكرسي حداه
ياسين: صباح الخير
زينب: صباح النور
ياسين: نعستي معدبة
زينب: ماشي مشكل نتا كي كتحس براسك شويا
ياسين: كوني غير حدايا غادي نكون بخير 😘
جا الطبيب فحصو و عطاه الاذن بالخروج مشيت جبت حوايجو عونتو يلبسهم
زينب: تقدر تمشى ولا نجيب ليك كرسي متحرك
ياسين: هزيني
زينب: هههههه كتفلى شوف انا قديداش و نتا قدااااش اوا باز
سندتو عليا و تمينا خارجين كيتمشى بشويا لقينا الشيفور كيتسنانا برا و 4 ديال الكاردكور ركبنا انطلقنا للفيلا و مورانا سيارة الكاردكور وصلنا للفيلا لقيناها مطوقة بالكارد و الكاميرات فينما دزتي نزلنا من الطوموبيل و رجع ياسين سند عليا و ذخلنا لقينا الكل سوما و موسيو العلوي و ايمن و احلام و حتى واليديا كانو أما لمياء باقا خامرة و فوزية مسافرة سلمو علينا و طمئنو على ياسين توجهنا للاسونسور و طلعنا لبيت ياسين لقيناه تبدل في الديكور و الفراش جلست ياسين في الناموسية
زينب: ارتاح انا غادي ندوش و نجي
ياسين: اوكي
ذخلت للدريسينغ رووم لقيت حوايجي كنت طلبت لمياء تجيبهم ليا من الدار و لقيت حوايج جداد غا المقزب و لي شوميز دونوي هادو اكيد فعايل سوما ذخلت للدوش دوشت لقيت خالتي مشات واقيلا مع الخلعة هه لبست كسوة طويلة نقدر نتحرك بيها في الدار و نشفت شعري و خرجت لقيت ياسين متكي و مغمض عينيه قربت حداه جلست مديت ايدي كنلعب في شعروا و لحيتو خفت بزاااف نفقدو قبل مانقوليه شحال كنبغيه خفت من بعد متعلقت بيه يخليني 😢
انا بقيت غير كنضور في عيني مموالفاش هاد الكلمات و هادشي قلبي كيشطح حتى قربني اكتر لعندو و ذخلنا في قبلة طويلة و حنينة و هي تذخل الرعدة ديال لمياء مدرمة
لمياء: خويا حب........ تصعقت مبقاتش هضرت
ياسين: شير عليها بمسند: قاعدتك هي قاعدتك
ايمن داخل: ا مالكم
لمياء: حصلتهم كيديرو المنكر
زينب غارقة في حوايجها و كتهضر تحت من سنانها: اللقوة واخا ابنيتي ا لمياء و الله لا بقات فيك
ايمن: باقي لي فيك ممهنيك انا اش قلت اجي لهنا
لمياء خايفة: صافي منعاودش 😢
ايمن: قلت اجي
قربات حداه و شدها من وذنيها جبدهم ليها مزيان
ايمن: باقا تعاودي
لمياء: لا مبقيتش😭😭
ياسين: تيقتك صافي طلق البرهوشة راها تحمقك
ايمن: يالاه غاتحمقني راه نوضت فيا الشيب من زمان
زينب ناضت: تخافي متحشمي زيدي قدامي نهبطو نقول ليهم يصاوبو لاصوب لياسين و نجلسو شويا مع الدار خرجنا و خلينا الدراري بوحدهم
عند ياسين
ايمن: ياك قلت ليك دير attention بحال هادو مكيضحكوش
ياسين: وا صافي اصاحبي مكتابة
ايمن: و علاش مقلتيش للدار على التهديد
ياسين: باش منحققش ليهم داكشي لي بغاو راك عارف سي العلوي إلى سمع
ايمن: و نتا معاقلش اش طرى داك النهار
ياسين: معقلتش كانو صيفطو ليا ميساج تعصبت و طفيت التيليفون و صباح غير شعلتو جاني اتصال جاوبت كان صوت روبو كيهضر معايا و كيهدد و انا غير كنسمع شويا جبدو ليا سميت زينب انا غير سمعت سميتها صعرت و سبيتهم راك عارفني فاش كنتعصب خرجت صاعر لعند فؤاد باش نشوفو فين وصل يالاه خرجت جاتني القرطاسة سمعت غير الصوت من تما معقلت على والو
ايمن: كيفاش وصلو يهددوك بمرتك شكون هاد ز.........
ياسين:خليهم غانلقاهم
ايمن: بعد من هاد الناس حنى معارفينش حتى شكون
ياسين: منواعدكش إلى جبدو سمية زينب مرة اخرى
ايمن: راسك قاصح ا صاحبي
في مكان آخر
الشخص معصب و كيغوت: كييييفاش مطرى ليه والو و خرج يعني غير خبشتوه علاش مكتكملوش خدمتكم 😡😡
الشخص 2: تهدن ا موسيو ممكن نحاولو مرة اخرى رغم الاحتياطات لي خداهم موسيو العلوي
الشخص: متقولش ليا تهدن ا ز......... مخدم معايا الرعاوين و دابا متديرو حتى حركة انا لي غاندير( قطع )
شاد تصويرة ديالو هو و زينب ديما كتفلت منها بحال الجن نشوفو واش غادي تحمل حتى هادي 😈😈
مشات للكوزينة و حنا طلعنا كلنا عند ياسين لقيناه جالس كيهضر مع ايمن شافنا و ابتسم دخلات نورة البلاطو فيه لاصوب خديتو من عندها و مشيت جلست حداه بديت نوكل فيه و الكل كيشوف فينا و مبتاسم
الباتول: دابا هادشي هو لي غادي يقوتو راه خاصو ياكل مزيان باش يوقف على رجليه
زينب: هي إلى صاوبتي ليه شي كوكوط ديال الكرعين بالحمص
الباتول على نيتها: اياه هي الأولى تاكلها ا وليدي
ياسين: لي جات من عندك مرحبا
زينب: باز عرفها بعدا و لا غير داوي
ياسين: معرفتهاش مي إلى دارتها ناكلها
زينب حابسة الضحكة حيت عارفاه مياكلهاش إلى عرف اشناهي: اوا صافي أ ماما غير يصح ياسين و نديروها ليه
لمياء كترطى: حتى انا بغيت
زينب: مرحبا 😂
بقيت كنوكل فيه حتى سالا و عطيتو الدوا جات نورة دات البلاطو و هي تذخل زعفرانة خلاتها حنان
احلام: ياااي ياسين خرجتي الحمد لله على سلامتك 😍
انا نضت قربت حدا لمياء و ايمن و كنعيب فيها
زينب: ياااي ياسين خرجتي لا باقي لداخل 😏
ايمن و لمياء تفركعو بالضحك: 😂😂
الباتول قربت ليا : تي شكون هادي ختو
زينب: بنت عمو بحال ختو
الباتول: ومالها مقزبة كي الليل ديال الصيف
ايمن و لمياء و زينب: 😂😂😂😂
لمياء: راها مكابراش هنا ا خالتي ههه بقينا جالسين شحال كنهضرو في مواضيع عادية من بعد خرج الكل و انا قربت من ياسين
زينب: شويا دابا باش كتحس
ياسين: شويا الحمد لله عييتي
زينب: شويا غادي نذخل نلبس بيجامة و نتكا
ياسين: فيك النعاس
زينب: لا غير نتكى
ياسين: اوكي هي نشوفو فيلم
زينب: واخا مشات
ذخلت للدريسينغ رووم كنقلب على بيجامة شفت وحدة واخا قصيرة لكن عجباتني لبستها و طلقت شعري و خرجت
زينب بتوتر: و و الله م مقصدت انا غانمشي عند لمياء كاع
ياسين كيضحك بالصوت: اجي لهنا يالهبيلة راه غير كنضحك
قربت حداه و جلست في الناموسية
ياسين: قربي
زينب: غانعكرك
ياسين: متخافيش الضربة من الجيهة الأخرى
قربت حداه و حطيت راسي على صدرو و جلسنا كنتفرجو في الفيلم و هو كيلعب ليا في شعري حتى نعست 😴😴
بعد أربعة أيام
دازت 4 ايام و حالة ياسين غادية و كتحسن و علاقتنا حتى هي كتطور مبقيناش كنتفارقو الخدمة خليناها غير لمروان
سر سر سر سر
زينب فاقت هزات التيليفون: الو العوجة مالك بايتة تحلمي بيا
حنان: وا الله يعطيني عقل انا اللي متبعاك و جاية لعندك
زينب: هه فينك وصلتي
حنان: انا لتحت مع لمياء
زينب: اوااه لمياء فايقة بكري اوكي شويا و ننزل
قطعت و ضرت لقيت ياسين حال عينيه و كيشوف فيا
زينب: فيقتك
ياسين: فليفلة جات غاتجمعو تاني
زينب: 😈😈ههه
ياسين: الله يحضر السلامة معاكم
زينب: يالاه طلقني خليني نهبط
ياسين زير عليها: وغاتخلي راجلك و تهبطي عند سليعفانات
زينب: اشنو نبقاو هنا متلا
ياسين: مكرهتش
زينب ضرباتو لكتفو: وا نوض
ياسين ناض و تم غادي للحمام : اش كتسناي
زينب: ولفتي الفشوش
نضت ذخلنا للحمام عونتو غسل وجهو و سنانو و خديت الفوطة مسحت ليه و دورتو في اتجاه الباب
زينب: يالاه برا لبس حوايجك هانا جايا
تحنى باسني في حنكي و خرج مشيت انا قضيت حاجتي و غسلت وجهي و سناني و خرجت لقيت ياسين لابس سروال و كيتسناني نلبسو تريكو لقى علامن يتفشش 😂 لبستو التريكو و مشيت لبست حتى انا حوايجي و خرجنا و ياسين مسند عليا (اياه تبوحط اوليدي لقيتي علامن) نزلنا لقينا الكل على طابلة الفطور إلا احلام
لمياء: ياااي فكرة واعرة متأكدة غادية تعجبك المزرعة ا زينب
سوما: وي منها نيت نبدلو جو المدينة و غانعيط لصاحبتي الباتول تمشي معايا
زينب: اعتذر مبقيتش غادية
ياسين: و علاش؟!
زينب: عرفتي مني كيتلاقاو هاد الجوج غير ريا و سكينة
ياسين: ههههه بحالكم نتوما بتلاتة
حنان: خويا ياسين كتجرح ليا مشاعري
ياسين: حتى نتي عندك المشاعر افليفلة
لمياء: انا ضريفة
ايمن: كح كح كح لا باينة عليك الضرافة
لمياء: ايمن😢
ايمن: صافي سمحي ليا البكاية 😂
كملنا فطورنا فجو من الضحك و خرجنا للجردة ايمن واقف هو و ياسين و حنا واقفين بعاد عليهم شويا انا و حنان و لمياء شويا و هي تبان ليا زعفرانة اللصقة جايا جيهة ياسين
احلام: ياسين كنت كنقلب عليك كي بقيتي اليوم مزيان
لمياء و زينب قالوها معاها قد قد: ياسين كنت كنقلب عليك كي بقيتي اليوم مزيان هاهاهاهاهاها
زينب: high five
عطاتني لمياء خمسة و تفركعنا بالضحك
حنان: شفتكم حفظتوها
لمياء: اسطوانة ديال ديما كل صباح هكدا
زينب: أودي راه غير كنغفل عليه كنلقاها لصقة فيه كي الكرادة طلعت ليا السكر هاد 4 ايام غادي نرتكب فيها شي جريمة
صفقة زواج من متعجرف الجزء الثامن
محتوى القصة
التنقل بين الأجزاء