بقينا واقفين كناقشو خططنا الشريرة حتى تمو جايين عندنا ياسين و ايمن
ياسين عنقني: علاش مجموعات نتوما هنا
ايمن: على شي زبلة باينة
زينب و حنان و لمياء: حنا ضريفات 😇
ايمن: هههه باينة
ياسين: انا غادي خارج انا و ايمن عندنا غراض
زينب بخوف: فين غادي لا متمشيش عافاك
ياسين شد وجهها بين ايديه : الخوافة ديالي مغادي يوقع والو خوي راسك من هاد الأفكار و زيدون غادي نبقى دايما مخشي في الدار
زينب قربوا ينزلوا دموعها: وا مقلتش هاكدا غير.....
مخلاهاش ايمن تكمل و قال
ايمن: متخافيش هانا معاه و غادي نديو معانا الكارد نتي غير ارتاحي
ياسين نزل باسها في خدها قدامهم: يخليلي انا لي كيخاف عليا موااح 💋
خرجوا الدراري و ذخلنا حنا للدار موسيو العلوي كان في بيروه سوما مشات للكلية و احلام واقيلة سادة عليها في بيتها ذخلنا انا و البنات لبيت لمياء و بقينا كنتحتو و نخططو نسينا راسنا حتى جات نورة قالت لينا راه كيتسناونا للغدا هبطنا و بان ليا ياسين جالس عاد ارتاحيت
حنان كتغز في لمياء: تي شوفي دريا شافتو الضرسة الآخرة بانت ليها
نزلنا جلسنا تغدينا كاملين و كنضحكو و نتناقشو سالينا و طلعنا انا و ياسين للبيت
ياسين: البارح دوزتها ليك بلا حكيم اليوم تخسري نحكم عليك
زينب: 😏😏 وا راه نتا لي غشاش
جلسنا في الكراسا و جبدنا الرامي كنلعبو هههه
زينب: وا تكايس عليا انا راه يالاه مبتدأة
ياسين: والايني راسك خفيف من بعد غادي نعلمك شطرنج و البلاي
زينب: نتعلم و لكن الى ربحتيني منلعبش معاك
ياسين: يالاه دابا قطعي خلينا نبداو
قطعت فرق ياسين و بدينا نلعبو بقينا شحال كنحس بياسين رابحني من زمان و انا تقيلة ههه تعصب و حطهوم قدامي ربحني انا مرضيتش و لحت الكارطا و عينيا غرغرو و جبدت فمي لتحت
زينب: الحكرة مبقيتش باغا نلعب
ياسين: متحاوليش مغادياش تهربي غادي نحكم عليك
زينب: قول نسمع 😏
ياسين: تدوشي ليا
زينب: 😳😨 اشنو
ياسين: كيفما سمعتي 😂
زينب: متديرهاش اياسين
ياسين: درتها حكمة معندكش الحق تقولي لا (حابس الضحكة )
زينب جامعة البكية: واخا يالاه زيد
نضت على سعدي ووعدي جبدت واحد اللصقة عطاها لينا الطبيب مكتوصلش الماء للجرحة و جبتها درتها لياسين فوق الجرحة و عاونتو يدخل للحمام و خرجت نجبد ليه حوايج لتحت و فوطة خديتهم ذخلت لقيتو جالس في الجنب ديال البينوار مسفح غير بالبوكسر مركت مشيت قربت حداه الصراحة تلفت متوقعتش يطلب هاد الحكمة و معارفة مندير بقيت واقفة شحال عاد توكدت حليت الروبيني و خديت سطيلة بديت كنخوي عليه في الماء و هو مغمض عينيه كنحس بيه فرحان و عاجبو الاهتمام ديالي بيه درت ليه شمبوان و بقيت كندير ليه مساج لراسو غسلت ليه شعرو ساليت و درت ليه باندوش و دوزت ليه على لحمو كامل كنقفقف شللت ليه و قلت
زينب: غادي نخليك تكمل راسك ها الفوطة و حوايجك و خرج
ياسين وقف حدى المرايا : خرجي 5 دقايق و اجي باقا حاجة اخرى
زينب: ياسييين 😢
خرجت بدلت بيجامتي حيت فزكات شويا و رجعت لقيت ياسين واقف و لاوي الفوطة عليه
ياسين كيشوف فيها من المراية مبتسم: قربي
زينب مشات وقفت حداه مقابلة مع المراية: هانا اش باقي
ياسين: تقدري طلعي و لا نهزك
زينب: لا لا متهزني منهزك نطلع راسي نتا باقي مريض
ياسين: كتخافي عليا
زينب طلعات فوق لافابو و جلسات: و دابا اش غاندير
ياسين جا تخشى بين رجليا و حط ليا الطوندوز في ايدي و شير على لحيتو
زينب: 😨 لا ا ياسين نقدر نخرج عليها
ياسين: 😂😂 متخافيش طوندوز مبروغرامي
زينب: ومجرحكش زعما
ياسين: متخافيش غانعلمك كيفاش تستعمليه
بدا كيعلم فيا و انا كنشوف في اللحية ديال ياسين كتخفاف غير شويا عجبني الحال بقيت كنصاوب ليه حتى كملت
زينب: مندوزش عليك
ياسين كيقرب: هه و زعما مايبقاش فيك راجلك
انا دخت حتى لقيت راسي داخلة معاه في قبلة طوييييلة 💋 شويا حبس وقال
ياسين: نزلي غانصدق داير شي كارثة
شد في ايدي و عاوني ننزل نزلت و خرجنا مشا للدريسينغ رووم لبس حوايج و جا تلاح في الناموسية و انا نقز حداه
زينب: ا نوض و الله لا كانت ليك نوض غانكملو اللعب
ياسين: عييت خلي حتال غدا
زينب: ياسين 😭😭
ياسين: صافي خاصك غا علاش تغبني نوضي جيبي الكارطا و اجي هنا
نضت طايرة كنقلب لقيت اش بغيت و جلست حداه و حطيتها في ايديه
ياسين: نووو وااي
زينب: لا لا داكشي تماما غادي تصبغ ليا ظفاري 💅
ياسين: دابا انا اش فهمني في هادشي ديال البنات سيري عند لمياء ولا حنان يصبغو ليك
زينب: و لااا انا بغيتك نتا
ياسين: اوا تحملي مسؤوليتك
حل الصباغة و بدا كيصبغ ..عفوا اقصد يجلخ ههههه انا كنشوف فيه و نضحك الصراحة واخا خربق ليا ضفاري مع صباعي و عمر ليا ايدي كاملة إلا أنني فرحانة و حاسة قلبي باغي يطير حاسة بيه قريب مني بزااف و كيدير اي حاجة باش نبقى مرتاحة تأكدت ان انطباعي الأول كان خاطئ %100 بقيت ساهية فيه حتى كنحس بشي حاجة في نيفي
زينب: ياسييين 😡
ياسين: واتي لي ساهية من صباح و انا كنهضر
زينب : و دابا إلى ممشاتش
ياسين: راه غير صباغة
هبطت عيني شفت اللوحة الفنية قصدي الكارثة الفنية لي دار ليا ياسين تفركعت بالضحك
زينب: وااااع شحال هدا مضحكت هكدا
ياسين: مستاعد ندير اي حاجة باش نبقى نشوف هاد الضحكة موااح💋
زينب نايضة: انا نمشي نجيب ديصولفو من عند لمياء نمسح هاد اللوحة لي درتي ليا
خرجت مشيت عند لبنات لقيتهم جالسين كيتفرجو شافوني
حنان: اجي تفرجي معانا
لمياء: مال ايديك
زينب: خوك حكمت عليه يصبغ ليا ايدي(هزات ايديها) و ها النتيجة
حنان و لمياء: هههههههههههههههه
حنان: وا طلع موهوب هاد ياسين الشعيبية طلال و مدارتش هاد الفن
زينب: هههههه دابا نوضي عطيني نمسح هادشي
حنان: اه عطيها و اجي تسمعي اش خططنا
مسحت ايدي و نيفي و جلسنا كنوشوشو حتى جاو عيطو لينا نزلو نجلسو معاهم حيت جاو واليديا خرجنا بان ليا ياسين حتى هو خارج مشيت شديت فيه و هبطنا بقينا جالسين كنهضرو جبدنا كاع المواضيع من هنا و من لهيه و ريا و سكينة مقابلينا انا و ياسين يعلم الله لاش كيخططو 😂 وصل وقت العشا تعشينا و كل واحد طلع لبيتو مشيت جمعت حوايجي و حوايج ياسين و تلاحيت في الناموسية حداه جرني خشاني فيه ولفتها حتى انا ونعست 😴😴
أصبحنا وأصبح الملك لله فقت على ايد ياسين كتلعب في وجهي
زينب:صباح الخير
ياسين: صباح الورد يالاه نوضي لبسي حوايجك هانا غادي نسبقك راه هبطو لينا الحوايج
زينب: اوكي
نضت ذخلت للحمام قديت حاجتي و غسلت لبست حوايجي و خرجت بانو ليا سليعفانات خارجين من بيت احلام و كيضحكو
زينب: عفريتات نجحتو
لمياء: واييه غير بانت لينا هبطات و حنا ندخلو هزيناه هههه
حنان: وايالاه راه كلشي كيتسنانا
نزلنا و شدينا الطريق كلنا في اتجاه المزرعة وصلنا الله على جو و على مزرعة فنة و كبيييرة و طبيعة خضراء ذخلنا و كل واحد مشا يحط حوايجو و يرتاح في بيتو ذخلنا انا وياسين للبيت مشى تلاح فوق الناموسية و انا وصلني ميساج "اجي خلاص ها حنا كنتسناوك"
زينب لحناتها: ياسين
ياسين: شي كارثة قولي
زينب: غانمشي عند البنات كيتسناوني
ياسين: دابا انا هاد سليعفانات غادي يبقاو مقاسمين معايا في رزقي و لا كيفاش
زينب: وا ياسييين 😢
ياسين: سيري تي خاصك غير علاش تغبني
تميت غادية و هو يعيط ليا
ياسين: زعما منسيتيش شي حاجة
قربت حداه و بستو في حنكو
ياسين: ولد خوك انا 😑
شد وجهي بين ايديه و باسني بوسة طويلة في شفايفي كانت غادية و كتحول حتى هربت ليه😂 مشيت عند العفريتات لقيتهم واقفين قدام الباب
حنان كتهضر بشويا: ا مالك تقولي كنتي تديري في الدراري
زينب: و شكون قاليك مكنتش كنديرهم
لمياء: زعمتي ا بنت الباتول
حنان: المنكر هو هدا
زينب: لا ا ختي حلالا طيبا
لمياء: اوا يالاه نهبطو خلاص
هبطنا و مشينا مورا الدار كاين واحد الكلب زوين قربت منو حنان تلعب معاه للأسف انا منقدرش جبدات لمياء الشال
زينب: متأكدة مكيعضش
لمياء: وا تي لا راه مربي غادي يبقى غير تابعها و هي اصلا معندهاش معاه كتشوفو كتهرب
حنان: اوا خليه يتبعها باش تجرب احساس حتى هي هههه
هطات لمياء الشال على نيفو و هو بقى كيشمشم فيه شحال صافي طلعنا لبيت البنات جلسنا كنهضرو
حنان: اوا مقلتوش ليا اش بان ليكم تركيا و لا المالديف
زينب: أودي نتي سيري ليك غير لمولاي يعقوب هو لي يقبل عليك
لمياء: هههه هادي خليها غير في دار حتى بلاصة متقبل عليها
حنان: اوا انا لي حمارة جاية نتشاور معاكم تفو عليا
زينب: غير كنضحكو معاك انا كنقتارح المالديف
لمياء: حتى انا معاها اصلا مروان مغيطلقكش مغاديش تدوري مزيان في تركيا
حنان: اويلي متخلعونيش كيقولو داكشي صعيب
زينب: أو مالك كتشوفي فيا انا باقا ببوشونتي اختي
حنان: ياك علاقتكم طورات
زينب: هي تطورات و لكن لم تتعدى مرحلة 💋💋 ههه و زيدون راه مريض
لمياء: منضمنش ليك ياسين يصبر اكتر راه طول غتطرطقيها قبل العرس و قولي لمياء قالت
زينب: منخليهش يطرطقها حتى يعترف ليا
لمياء: اعتارفي نتي 😂
زينب: ا و الله لا كانت ليه 😂
حنان: زيدي زيدي الصوت هاد الديسك كيعجبني
انا غير سمعتو نضت فوق الناموسية و طلقت الحلوق
شكون قال انا نحب 🎶🎶
ونبات معدب🎶
سهران نتقلب 🎶🎶
على ود وحدة🎶🎶
عند ياسين كان خارج من بيتو تلاقى مع ايمن و مروان حتى هما هابطين سمعو صوت الموسيقى جاية من بيت لمياء مشاو يطلو اش واقع لقاوني طالعة فوق الناموسية و حنان و لمياء واقفين كيغنيو
ياسين: عندنا المطربات في الدار
مروان: هادو مني كيتلاقاو الله يحضر السلامة 😂😂
ايمن:هههه خليهوم يالاه نهبطو نشربو قهوة في الجردة
عند احلام كتهضر في التيليفون في بيتها
احلام: وا ماما قلت ليك شوفي ليا حل مبقيتش قادرة نصبر مكيشوفش فيا كاع
فوزية: هاكي خوك بغى يهضر معاك
احلام محاملاهش: الو
مراد: اهلا ختي الصغيرة
احلام: اش بغيتي
مراد: كتبكي على الفارس المغرور ديالك
احلام: بزاف عليك هداك
مراد تعصب: واشتي انا لي كنت باغي نعاونك
احلام: قول اش كاين
مراد: سمعيني مزيان و حلي وذنيك ياسين زواجو ماشي حقيقي
احلام: كيفااااااش 😨😨
مراد: داير هو و مراتو صفقة الغرض منها أنه باه يعطيه أسهم الشركة كاملة و لكن الواضح انه طاح فيها و هي مافراسها والو على الأسهم و الشركة اوا اونتي و ذكائك 😈
احلام بابتسامة شر : فهمتك شكرا(قطعات)
عند مراد و فوزية
فوزية: اجي و نتا كيفاش عرفتي هادشي كامل
مراد: كنهضر مع ديك المكلخة ديال لمياء و كلفت واحد ياخد تيليفونها بلى متعيق و يدخل ليا واحد الابليكاسيو نعرف معامن كتهضر و هادشي لي اكتاشفت
فوزية: اياه و نتا اش باقي كتدير هنا علاش منزلتيش للمغرب
مراد: بغيت نلعب آخر كارت قبل مانبان في الصورة اوا دابا نشوفو سي العلوي واش غادي يقدر على فراق حبيبتو😈
عند زينب
زينب: اش تما معامن كتميساجاي
حنان: شي حبيب
لمياء: يشويني فيكم راه غير ولد عمي( تنهدات) أما الحبيب عندي انا راه العشق الممنوع
زينب: شوف ليك الدرية و مخبية علينا
لمياء: قصة طويلة من بعد و نقولكم كولشي يالاه نهبطو
هبطنا ذخلنا للكوزينة لقينا موسيو العلوي و ايمن دايرين الطابليات و كل مركز فاش كيدير و سوما و ماما و بابا مقابلينهم
حنان: اش كيديرو
سوما: منافسين شكون طيابو احسن
تم داخل ياسين و مروان
زينب: فين كنتي اجي تجلس
ياسين: لا لا عييت من الجلوس
زينب: اوكي اجي شد فيا
ياسين جا حدايا و دور ايدو على كتافي و قرب باغي يبوسني و انا نقرصو
زينب: وجهك هداك و لا كفاك هاداك ماشي بابا لي جالس
ياسين: ههههه مشفتوش كتباني ليا غير نتي (شاف في ايمن و باباه) هادو بداو عوتاني
باقا معنقة ياسين و كنشوف في ايمن و موسيو العلوي خدامين حتى جات اللصقة و شدات في ياسين اش هاد الزعامة 😏
احلام كتحلون: ياسين خاصنا نهضرو
ياسين بغى يصدرها: من بعد و نهضرو ا احلام
انا تقرصت طلقت منو خنزرت فيهم و خرجت
ياسين حابس الضحكة: برهوشة و مغيارة
زينب خنزرت فيه: فاش بغات تهضر معاك 😏
ياسين: شكون عرف مكيهمنيش
زينب: متهضرش معاها
ياسين: هههه واخة الالة
زينب: و دابا علاش كتضحك
ياسين: حيت مرتي كتغير عليا
زينب: مكنغيرش 😏
ياسين: هههه تيقتك اجي نجلسو لهيه
مشينا جلسنا فواحد الفوتوي درت راسي على كتف ياسين و بقينا كنتأملو في الطبيعة
عند احلام لي مقابلاهم
احلام: اهئ اهئ علاش ا ياسين علاش هي و انا لا ا أولى انا لي بغيتك الأولى كنواعدك غادي تبقى ليا يالاه دارت رجليها في الجردة و هي يجي الكلب كيجري عندها 😂😂😂
عند زينب و ياسين
سمعنا الكلب كيغوت و غادي كيجري جيهة زعفرانة و هي هربانة و هو تابعها خرجو لمياء و حنان غادي يتفركعو بالضحك تابعهم ايمن و مروان
ايمن: هههه احلام وقفي إلى بقيتي كتجري غادي يبقى تابعك
احلام: منقدرش مكنحملهوش عتقوني
و بقات كتجري و تقول مجريتش حتى طاحت و جا الكلب كيلحس فيها 😂😂😂😂 و هي كتغوت مشا ياسين خدا الكلب و ايمن عاونها ناضت و مشات ديريكت لبيتها و حنا
لمياء و حنان و زينب: هااااي فايف😂
مروان: مسخوطات 😂😂
خرجات عيطات لينا سوما نتغداو ذخلنا حابسين الضحكة لقينا الطابلة فيها 2 ديال الأطباق رئيسين مع مقبلات و شلايظ داكشي زين كلينا و صوتنا و ربح موسيو العلوي
ايمن: أودي راه غير بغاو يديرو ليك خاطرك
موسيو العلوي: ا نوض باراكا مرضيتيش
خرجنا جيهة الاسطبل ايمن هز عود و ركب معاه لمياء و مروان كذلك ركب معاه حنان و مشاو و ياسين ميقدرش باقي الجرح جديد و انا مكنعرفش جرني
ياسين: اجي غادي نعرفك على الشبيهة ديالك
دخلنا وقفنا قدام واحد الفرس بيضاء فنة
ياسين: كنقدم ليك ايلينا الشبيهة ديالك برهوشة و مكتخليش حقها و لا شي واحد يقرب ليها من غيري و تبقى تدور بيك حتى تدير ليها اش بغات و كتحماق على الحلاوة
زينب كتلعب في وجهها: هههههه
ياسين: راها حاملة غادي نخليك تسميه
زينب: بصح😍
ياسين: بشرط
زينب: اشنو
ياسين: انا نسمي ولدنا الأول
زينب بلا متقصد نطقات: على حنا درنا شي حاجة بعدا باش يوليو عندنا ولاد
ياسين ابتاسم: هي الأولى مكاين ما أنسب من هاد البلاصة
زينب: 😳😳😳😨😨😨🏃🏃
عاد سرى معايا اش قلت ويلي ويلي على شوهة غادي يقول هادي عقلها غير في المنكر 😨 طرت للبيت سديت عليا و كنضرب في راسي و ففمي😭😭 نمشي ندوش على الله نبرد اشمن وجه غادية نبقى نشوف فيه 😢
دخلت الحمام كلي كنقفقف حيدت حوايجي هزيت شمبوان و باندوش و صابون و تميت غادية جيهة الدوش طاحوا ليا من ايدي بالدعقة عاودت هزيتهم و مشيت ذخلت تحت الدوش كملت و مشيت لبست بينوار و غادية نوقف قدام المرايا
زينب:اااااااااااااااي
ياسين داخل سمع الغوتة: زينب مالكي ياك لاباس
زينب: اي اي اهئ اهئ
ياسين حل الباب لقاني طايرة على مسعودة و كل رجل في جيهة جاب الله لابسة البينوار جا عندي حابس الضحكة
ياسين: اشتي طرطيا فين كتوصل
زينب: وا باراكا و الله حتى موعتة
ياسين:اجي اجي 😂😂😂😂😂 مقدرتش نحبسها
زينب: لا لا متهزنيش نتا باقي جرحك جديد
ياسين: ماشي مشكل غير اجي
زينب: ولا هي لا غير عاوني انا نحاول نتمشى وباراكا من الضحك
ياسين: ههههه راسك قاصح يالاه اجي بشويا عليك
عاوني وقفت و بديت كنحرك رجلي بشويا حتى وصلت للناموسية
ياسين: انا غانمشي نعيط عل الطبيبة راه غير في الفيرما لي حدانا
زينب: ياسين
ياسين: نعام
زينب: عيط ليا على ماما اولا حنان يلبسوني حوايجي
ياسين: أو انا اش كندير نخرج نقوليهم اجيو لبسوا مراتي
زينب: اويلي 😳 اوا صافي غمض عينيك
ياسين: من نيتك
زينب: والله و مغمضتي عينيك لا قيصتيني
ياسين: ههه أمري لله
مشا جبد ليا بيجامة و دويباس في الكحل و جا جلس حدايا و انا كنترعد و نولول في خاطري غمض عينيه
ياسين: اري رجليك عاونيني راني مكنشوف والو
زينب كيلبسني في السليب: اي ااا وااع فين كتقيس
ياسين: راه غنشقلب مك انا كنشوف شي حاجة باش نعرف فين كنقيس
ياسين تعصب و حلهم في وجها نيشان: هانا حليتهم و من بعد
هبط عينو جيهة صدرها حل فمو بان ليه رزقو مدفق و بيض بحال الحليب
زينب: اش كتشوف يالمنحرف😭😭
ياسين: ههه كنشوف رزقي على ماشي راجلك
زينب: 😭 وا مبغيتش لبسني خلاص
لبسني حوايجي و هو حابس الضحكة و انا جامعة البكية( يشويني فيك يعطيك الدل) خرج يعيط على الطبيبة دخلو عندي سليعفانات كيضحكو
لمياء و حنان: 😂😂😂😂😂😂 امالكي
زينب: ذنوب زعفرانة خرجو فيا 😂😂
جات الطبيبة فحصاتني دكات ليا الابرة طمناتهم معندي والو غير مقصحة كانو الكل كيطمنو عليا شويا خرجو بقيت غير انا و ياسين
ياسين: المجنونة الهبيلة بقيتي طرطاي حتى جبتيها في مسعودة اري نشوف مالها
زينب: عرفتي و متفرقني عليك غندير فيه عاهة مستديمة
ياسين: كنضن خاصك حتى تكوني قد هضرتك عاد قوليها أما بهاد الحالة حتى بلاصتك متقدري تفوتيها
زينب حلات دراعها: اجي
ياسين بشك قرب و عنقني و انا خشيت وجهي في عنقو 1 2 3
ياسين: اااااااااااااااي برهوشة وصلنا للعضان
زينب: شحال هدا قلت ليك متبقاش تتحداني
ياسين كيحك في عنقو: عضتك مسمومة
زينب: تستاهل
ياسين ابتسم: غادي تخلي لاطراس😈 إلى سولوني نقوليهم مرتي جاهلة و عضاتني
زينب: لا اويلي غادي يفهموها غلط
ياسين: داكشي لي بغيت يالاه هانا هبطت
زينب كتلحون: غادي تخليني بوحدي
ياسين: تستاهلي عاضاني و باغاني نبقى معاك
زينب: وا صافي منبقاش نعاود 😢
ياسين جلس حداها: يالاه اجي
زينب قربات تخمشات فيه: فيا الجوع
ياسين: نستغرب مون مقلتيهاش
خدا التيليفون و طلب منهم يطلعو الأكل جابوها قرب حدايا البلاطو و بقى كيوكلني
ياسين: زينب فين تبغي نسافرو
زينب: القمر
ياسين: 😑😑
زينب: ياااي كتهضر بصح 😍
ياسين: اش بان ليك
زينب: انا باغية نزور بلدان العالم كلها 😍
ياسين: ختاري اكتر بلاد باغية تزوريها
زينب: معرفتش جيتيني على غفلة
ياسين: فكري بشويا عليك باقي عندنا الوقت غير نسالي شي خدمة و نخطفك
زينب ابتسمت و عينيها كيلمعو: كيفاش حتى طاحت عليك هاد الفكرة
ياسين: من شحال هدا و انا كنفكر فيها و نيت خاصنا نهضرو في بزاف ديال الأمور و نديرو بزاف ديال الحوايج راه تعطلنا
انا فهمت قصدو و حشمت و تزنكت حدرت راسي و قلبي كيضرب و اخيرا غادي يعتارف ليا مجرد مكنتخيل ياسين العلوي المتعجرف هههه كيعترف قلبي كيبغي ينقز من بلاصتو
ياسين: ا فين مشيتي اجي تنعسي ترتاحي
زينب: هانا حداك
خشاني فيه و بقى كيلعب ليا في شعري حتى نعست ضرباتني الفيقة مع 2 الليل شحفت ضرت ملقيتش ياسين هدا فين زاد 😏 حاولت نوض وقفت واخا مقصحة و لكن قادرة نمشي نزلت في الدروج حتى كنسمع الكلام لي بلوكاني و تخشى في قلبي بحال الجناوا
ياسين: اش كاين ا احلام
احلام: ياسين انا عارفة كلشي عارفة زواجك غير صفقة و عارفاك تزوجتي غير على قبل أسهم الشركة لي غادي يخليهم ليك باك و انك مكتبغيهاش
ياسين: اش كتخربقي نتي
انا كنسمع و جوج دموع من العين و رجلي كيتقالو عليا
احلام: مالك تنكر بلي عمي كتب ليك أسهموا كاملة مقابل تزوج و دابا غادي تولي مالك مجموعة العلوي رسميا و رئيس مجلس الادارة
مع كملات هضرتها مع طحت على ركابيا تلفتو ليا بجوج
ياسين جاي كيجري: زينب
زينب كترعد و الدموع في عينيها: سؤال واحد و جاوبني بصراحة هادشي لي قالت بصح
ياسين: زينب خليني نشرح ليك
زينب بالغوات: بالصح ولا ماشي بصح
ياسين: بصح ولكن
زينب مخلاتوش يكمل: ✋✋ ستوب مبغيت نسمع والو عيط ليا على واليديا و مروان يوصلنا لدارنا
ياسين: زينب تهدني كيفاش نعيط ليك على مروان في هاد الليل
زينب وقفات : غادي تعيط ليا عليه و لا اقسم بالله نمشي بوحدي
تميت غادية جيهة الباب و دموعي مغطيين وجهي و قلبي شاعلة فيه العافية جمعت نفس طويل طلقتو و قلت
صفقة زواج من متعجرف الجزء التاسع
محتوى القصة
التنقل بين الأجزاء