قصة صفقة زواج من متعجرف

من تأليف مينيو كيم
2018قصة كاملة سفالة نادرة

محتوى القصة

رواية صفقة زواج من متعجرف

اديك البغلة نوضي باراكا من النعاس 
وا ماما وا حرام عليك واش حتى العطلة منرتاحوش 
انوضي تكعدي ياك قلتي باغية تخرجي نتي و ديك زطيونح ديال حنان دابا تم جاية تصدع ليامخي راه نجمعك نتي وياها 
وصافي هاني نايضة 
نايضة مالك سكوتر تهزي تفطري باش نجمع الماعن 
اعتذر على هاد الدخلة هدا هو فياقي مع نبع الحنان نعرفكم على راسي 
_زينب الناجي في عمري 21 عام طالعة في 22 و هاد العام الأخير ديالي في كلية الهندسة عندي حقي من الزين 🙈 بشرة قمحية حروفي كحلين نويف صغير و الفم غوز و اهم حاجة شعري طويل و اسود و مكنطلقوش طويلة و فورمتي هي هاديك كل حاجة في بلاصتها انحدر من أسرة ميسورة الأب ديالي العربي الناجي عندو محل ديال الذهب و الأم ديالي الباتول ربة بيت انا بوحدي لي عندهم شخصية شعبية عزيز عليا الضحك و التقشاب فيما كانت شي زبلة تلقايني مخشية فيها عندي جوج ديال الصحاب علي و حنان على دكر حنان ويلي ويلي بقيتو ملاهيني حتى نسيتها اليوم تقجني 🏃🏃

زينب: ماما هانا خرجت راه تعطلت على حنان 
الباتول: سيري و بقاي دايعة حتال نصاصات الليل كي زوفري 
خرجت و هزيت ببوشتي(الطوموبيل )وغادية حتى كنسمع تيليفوني كيصوني هدا صديقي علي من الكلية ديما منوضينها فديك الكلية عزيز عليا ديما كنصوفيه في الدروس و الفروض بلا ميعيقو الأساتذة الحاصول ناجح على ضهري و صافي 
زينب: افين البغل 
علي: في الفليبين العوجة فين شاداها 
زينب: غادية عند حنان طلباتني نمشي معاها للمول تاخد شي لعبات 
علي: اياه الناس ديال المول بالصحة الالة اممم
زينب: امالك تمتم عليا طلق اش فيها
علي: وااع كتطيريها في السما المهم دابا مريم عيد ميلادها قرب و حنا مخاصمين بغيت ناخد ليها شي حاجة و بغيتك تختاري معايا 
زينب: خود ليها شي نص فيه الطون و لا شي بيتزا راها كتحماق على كرشها 😂 
علي: وااااا البقرة داوي من نيتي وراه مخاصمين شوفي ليا شي كادو يرضيها 
"علي خاطب بنت خالتو مريم و ديما مخاصمين و زينب دايرة مصلح اجتماعي و كتعاونو " 
زينب: وصافي مني نرجع للدار نهضرو واتساب و نحلو قضية الكادو و قضية الخصام نقصو شويا راكم قهرتوني ياك كنقوليك شد معاها الخاطر 
علي: يحفظك اتيتيزة ديالي امتى يجي نهار لي نولي حتى انا ننصحك و نعاوك 
زينب: أودي نصح غير راسك خليني من صداع الراس راك عارفني آخر حاجة كنفكر فيها هي الزواج و الارتباط انا عندي المستقبل اولا طموحي و أحلامي و السفر تانيا 😍😍😍
علي: واييييه غا تمشي بعييييد و تديري جولة حول العالم و ترجعي حفيانة 
زينب : كل شيء ممكن يا عزيزي المهم باش نكونو مفاهمين راه منعقلش عليك مني نحقق أحلامي و طموحاتي 
علي: اجي على دكر طموحاتك اش درتي في الستاج 
زينب:سكت متفكرنيش غادي نمشي غدا ان شاء الله وااااع شاداني للقفقافة من صبعي الصغير أكبر مجموعة شركات هندسة و عمارة في البلاد و خارج البلاد باينة غادي يحطوني في الأرشيف نشوف إنجازاتهم 
علي: يا ريت يديروها باش نتشفى 
زينب: بحال إلى داروها غادي نقولها ليك صافي تلاح راه شي واحد ورايا صدع ليا مخي بالكلاكصون 
قطعت و هزيت راسي نشوف

لقيت واحد الطوموبيل كتكلاكصوني و تعاود و تعطيني الضو عنكشاتني كاع في الطريق خويت الطريق باش تدوز جات حتى تقابلت معايا هبط الزاج و خنزر فيا و خلا غير الريح وراه معجبنيش الديكور غادية في الطريق و نعاير حتى وصلت عند حنان شافتني تمت جاية لابسة كسوة حد الركبة كتبان تيتيزة هي بيضة و شعرها قهوي و العوينات طياحين مطويلاش بزاف و لكن لاطاي ديالها 😍😍 مهم داكشي ديال الأنوثة كتحماق على الموضة و الماكياج عكسي لي معنديش مع هاد التخربيق 
حنان:لا زيدي واحد شويا البقرة باقي الحال 
زينب:طلعي باراكا من الطنز راه مراشقاش ليا 
حنان: امال بنادم قالب وجهو ياكما ضاربتي في الطريق عوتاني المسخوطة 
زينب:موقفش أما كون وريتو التخنزير بشحال كيتقام 
حنان:مكتساليش فيما تخرجي خاصك تضاربي في الطريق اجي بعدا شي تيتيز 😍😍 اولا شي شارف بحال المرة لي فاتت 
زينب: الله يعطيك الساحق و اللاحق و الرصاص المتلاحق هادشي فاش حادكة هو محققتش فيه مزيان و لكن واحد الحديدة عندو 😍😍 احححح طحت مكرهتش حتى نخدم و نحقق ذاتي و نشري فحالها 
حنان: ان شاء الله بعد 40 سنة و دابا قلعي راه تعطلنا 
كسيرت نيشان المال دخلنا و المجحومة ديال حنان سخفتني ندخل من هنا نخرجو من لهيه كلشي بغاتو و شي مخداتو كنحسدها عندها السوفل لهادشي انا عييت و هربت ناخد للكلاص حتى تسالي و تلحق عليا خديت لكلاص و انا غادية كنلتاهم فيه حتى بان ليا داك المخنزر جالس مع مجموعة ديال الدراري و المفاجأة 😳

المفاجأة كنسمع السيد و بكل وقاحة كيهضر عليا😤
المخنزر: واحد خيتي فقصاتني في الطريق مخاليت كلاكسون ضو درابتو عليها وهي والو لا بغات تزعز صايكة ليا ببوشة وداوية في التيليفون مفهمتش علاش كيعطيوهم للبرمي هادو 😏
الشخص1: واغير شوف اوكان شي تيتيزة ياك 
الشخص 2: واكون ماكانت تيتيزة غيتنازل الأخ و يدوي عليها 
المخنزر: اشمن تيتيزة تكاعدو ت..... كتخلع بنهار 
انا سمعت هضروتو مرضيتش "واخا يا المخنزر المتعجرف هانا نوريك كنخلع بنهار كيدايرة و نوريك تقول ليا على طوموبيلتي ببوشة انا الوحيدة لي نقول ليها ببوشة " تميت غادية جيهتهم بشويا و كنمختر حتى قربت حداه أو هووووب درت راسي تعكلت و كلاصي حبيبي 😭 ولى فوق قميجة المتعجرف 😂😂 عبرت عليه باش يتعلم يهضر عليا رجعت تعبير البراءة في وجهي 😇 و قلت 
زينب: ooops je suis vraiment désolé 😇 مشفتكش 
المتعجرف معصب 😠 : اوووووو مكتشوفيش قدامك مبان ليك فين تتعكلي 
زينب: انا اش غادي ندير ليك إلى كان لكلاص ختارك بالعكس خاصك تكون فرحان 🤗المهم كنكرر الاعتدار ديالي و مشيت حسيت بيه مرضاش و مبغاش يبين قدام صحابو تلاقيت حنان و رجعتها لدارهم و غادية و تفكيري كامل مع هاداك المتعجرف عصبني و لكن مبقاش فيا الحال حيت فديت دقتي 😂 تبا كم انا شريرة 😈
دخلت للدار لقيتهم حاطين لعشا كنتسناو فيا تعشينا و دردشنا شويا و سولني بابا على الستاج طلعت لبيتي هضرت مع داك المتسول ديال علي فكينا موضوع الكادو دخلت دوشت يالاه خارجة من الدوش أو هي تبان ليا الباتول جالسة فوق الناموسية و كتضحك هاد الضحكة اعرف مغزاها الباتول الله يسمعنا خبار الخير

ماما: بالصحة الدوش الغزالة ديالي 
زينب: الباتول من امتى هاد الحنان خوي المزيودة خلاص الله يسمعنا خبار الخير 
ماما: اوا الله يمسخك ابنيتي المهم سمية جايا تزورنا هي و عائلتها وولدها بعد غدا ان شاء الله 
انا سمعت ولدها دارت ليا في بالي طن و قلت 
زينب: مرحبا بيها إلى بغيتي نعاونك فشي حاجة حتى نجي من الستاج 
ماما: ومسولتينيش على سبب الزيارة 
زينب: وا الباتول على نتي مكتعرفيش بنتك تربية ايديك راني طيرتها في السما غير بغيت حتى يجيو و نرفض بآداب 
ماما: و حتالاين غادي تبقاي لي جا ترفضيه راه هادي هي سنة الحياة راك كبرتي و انا بغيت نطمن عليك في دارك عوينة وحدة لي عندي نشوف ولادك ونهزهم زايدون باك عاجبينو العائلة و سمية راه صاحبتي و الاستادة العزيزة عندك عافا بنتي لاما ديري ليا خاطري 
انا هاد الموضوع كيعصبني مكنفكرش في الزواج و سيرتو دابا قلت ليها: صافي اماما يكون خير ان شاء الله 
غير باش نسد الموضوع و تلاحيت ننعس و عقلي خدام 🌞🌞 أصبحنا وأصبح الملك لله فقت لبست طوب في الأسود و فيست في الابيض و جمعت شعري مكنديرش الماكياج من غير الريسيل و واحد العكر كيحمقني لونو و خرجت في اتجاه أكبر شركة هندسة و عمارة في المغرب وصلت سولت موضفة الاستقبال و رشداتني لواحد القاعة كانو فيها 4 الأشخاص كنتسناو حتى هما واحد 10 دقايق و دخلات عندنا السكريترة و قالت 
السكرتيرة: للأسف المسؤول على الموارد البشرية معطل اليوم لذلك المدير هو لي غادي يستقبلكم الكل تبدل لونو و لاو يقفقفو انا في خاطري "ااااو المدير كامل غادي يستقبلنا واقيلا مشينا فيها"
دخلاتنا لواحد البيرو أقل ما يقال عنه أنه روعة و تصميمو هائل و ديكور متناسق و الريحة يا سلام و واحد الشخص عاطينا بضهروا 
السكريترة: موسيو العلوي هاهما الستاجر لي جاو اليوم 
ضار لعندنا و ياريت ما ضار انا حليت عيني و فمي 😳😳

المخنزر المتعجرف اش كيدير هنا تصدمت و قلت في خاطري( هانتا اعلي حلمك غادي يتحقق و يلوحوني في الأرشيف هادشي إلى ملاحونيش من الباب)
هز السيفيات فايديه بلا حتى كلمة بقى شحال كيشوف ووجه كلامو للسكرتيرة 
المتعجرف عطاها سيفيات ديال لي كانو معايا و بقى السيفي ديالي في ايدو: ممكن ترشديهم لاقسامهم
و دار عندي وجه ليا الكلام 
المتعجرف: انسة نتي بقاي 
انا كنخمم علاش قاليا بقاي هدا مالو كيشوف فيا هاكدا 
المتعجرف كيشوف فيا و يشوف في سيفي: كاع الناس كتشهد بالدكاء و الكفاءة ديالك لكن نساو أهم حاجة الوقاحة ممكن تضيفيها هنا راه تعاونك 
انا واقفة على اعصابي كنت ناوية منجوبوش و لكن ابدا واش نسكت على حقي 😒
زينب: كنضن المدير لي قدامي فايتني فيها( هدااااف وجهي صحيح)
المتعجرف 😠😠: على العموم مرحبا بيك معانا في الشركة و كنتمنى تعجبك الخدمة معانا 
و طبع ضحكة شريرة على صفرة و فيها شويا ديال السخرية شككني في راسي و عيط للسكرتيرة كتب في الورقة شي حاجة و تبسم في شر و انا محملاش راسي كون طلقوني عليه نقجو المتعجرف لاخر 😏 داتني السكريترة و كيفما كنت متوقعة الأرشيف 😂 المهم خدمة الموض التفاؤلي ديالي و قلت على الأقل ناخد فكرة على إنجازاتهم و مشاريعهم بقيت خاشية راسي في الأوراق حتى وصل وقت الخروج خرجت نيشان للدار عيانة باغية غير فين نحط راسي

جلست تعشيت سولوني على الستاج شافوني عيانة مبغاوش يقجرو طلعت للبيت تيليفوني كيصوني هادي الهيشة ديال حنان 
زينب: العوجة 
حنان: من آداب التيليفون ناس كيقولو الو 
زينب: سيري دوك القوالب ديريهم مع غيري قالت ليك آداب التيليفون دابا لاش معيطة اش بغيتي 
حنان: زعما غير لي بغا يدير معاك المزيان و يسول فيك المهم كي جاك الستاج 
زينب: كي الزيت بالفرونسي 
حنان: اويلي اش درتي ميمكنش زعما نتي عندك حتال القرايا و الخدمة مفيهمش اللعب اش واقع 
زينب: قصة طويلة حتى نتشاوفو و نعاود ليك سمعي نقوليك القنبلة غدا جايين عندنا الخطاب 
حنان: 😂😂😂😂😂😂😂😂
زينب: امالك كتفرنسي 
حنان : حيت عرفت مصيرهم مساكن بحال لي قبل منهم 
زينب: هادي مياخدكش فيها الشك المهم غدا مع الربعة تكوني عندي 
حنان: اوكي يالاه بونوي 
زينب: تلاحي 
أصبحنا وأصبح الملك لله فقت لبست حوايجي جمعت شعري و خرجت للستاج مع دعاوي الباتول وصلت دخلت للارشيف داز النهار عادي خدامة و تفكيري كامل فشي طريقة نرفض بيها بآداب جات عيني على وراق ديال واحد المشروع فيه سميت المتعجرف حليت فمي لانو فعلا كان في غاية الروعة و حتى فاش خرج لأرض الواقع قلت تحت من سناني 
زينب: اوا ها المتعجرف ضار شي حاجة مفيدة الصراحة مكرهتش نخدم معاه باينة غير من هاد المشروع انو عندو خبرة كبيرة تفكرت اش دار ليا و انا نخنزر 😤 كيبقى متعجرف ميحيدهاش ليا الطبيب
وصل وقت الخروج خرجت نيشان للدار لقيت الباتول قالبة دنيا هي و حنان اشمنك يا مسمن و يا بغرير و كيكات على الأشكال و جميع انواع الحلوى الطارطات التمر اللوز الكركاع البيستاج مخلاتش من جهدها المهم خلاتها على العربي عونتهم شويا و طلعت ندوش

دوشت و خرجت لقيت حنان كالسة كتسنى فيا 
حنان:بالصحة الالة العروسة 
زينب:راه غا نتف ختي قلبي عليا 
حنان: اجي معاودتي ليا والو و زيد هاد الخطاب مفهمتش راني كي الأطرش في الزفة 
زينب: أودي حتى نفهم انا و نفهمك راني مودرة + الباتول تغبنات عليا كي خالتي سلين في سامحني راني سايرتها حتى نشوف شي طريقة و نسل شوكتي بلا دم 
بديت نقلب على اش غادي نلبس جبدات ليا حنان واحد قفطان و لبساتني و ماكات ليا حيت وصاتها ماما ضاربت معايا حتى عيات باش نطلق شعري مبغيتش في الاخير جمعاتو ليا دخلت ماما 
ماما: باسم الله ما شاء الله تبارك الله عندي الزين 😍 
حنان:اوا ا خالتي كل قرد في عين مو غزال 
شيرات عليها بمسند كان حداها و قالت:مالك عمية شوفي تبارك الله جات حسن من منار لي في سامحيني 
زينب:وصافي الباتول حشمتيني 
ماما: نتي كتعرفي الحشمة أودي المهم هو متحشميناش مع ناس(أنا خنزرت) ولكن منخافش كاينة سمية 
زينب: ياك الباتول كتشديني من نقطة ضعفي
سمية البروفة ديالي كانت معايا من اول خطوة خطيت في الكلية صداقتها ب ماما كانت بسباسي من نهار لاقيتهم و هوما مكيتفرقوش طاح الحك و صاب غطاه 
سمية انسانة قوية و طموحة رغم أنه سمعنا ان عائلة راجلها لاباس عليهم الا انها عمرها تخلات على مهنة التدريس قالت ليك كتلقى فيها شغفها و أحلامها داكشي علاش كنعتبرها قدوتي هي لي خلاتني نبني طموحي و أهدافي منساش فاش وقفة معايا في سنتي التانية كنت خديت قرار انه نحبس القرايا بسبب شي مشاكل في الكلية و لكن لقيتها واقفة ليا 
عندها ولد و بنت البنت قدي في لاج شفتها معاها شي مرة في الكلية بالنسبة لزوجها مكنعرفوش الصراحة انا ماشي شخصية فضولية اوا نجيو لعريس الغفلة لي باقية كنفكر فشي صدمة نخليه يهرب ميشوفش قدامو مكنعرفوش عمرني شفتوا و أول مرة نعرف سمية عندها ولد 
صافي سكتو ها الصونيت جاو يالاه غادية نحل الباب شداتني حنان 
حنان: لا واش من نيتك كاينة شي عروسة كتحل الباب ركني في بلاصتك 
مشات الباتول تحل الباب كترحب و تعاود شويا جات قالت ليا نخرج نهز الصينية و ندخل نسلم عليهم مشيت على وعدي و سعدي هزيت الصينية و تميت داخلة يالاه هزيت راسي تكوانسيت رجليا تقالو عليا 😳😳😳😳

😳😳😳 معرفتش تكوانسيت نزيد ندخل ولا نرجع نسد عليا في بيتي وايييه اه اه هاداك فيمن كتفكرو المتعجرف المخنزر جالس في صالونا لا واااااع بزااف على الصدفة و لكن ارتاحيت لأنه مستحيل نتزوج بمتعجرف و عندي عدة أسباب لرفضه من بينهم الانطباع الأول ديالي على بنادم ديما صائب و هاد الإنسان لي قدامي جميع انطباعاتي عليه كي الويل دخلت سلمت عليهم بآداب شفت مسيو العلوي صاحب مجموعة شركات العلوي عمرني نسيتو من نهار جا عطانا محاضرة في الكلية تبارك الله راجل كيبان فيه الوقار و كيخليك تحتارمو كنشوف في سمية و نشوف فموسيو العلوي و نرجع نشوف في المتعجرف و نقول في خاطري(هدا لمن خارج 🤔) المهم جالسة و مقررة انه هاد الزواج مستحيل وكنفكر و عقلي كيفصل و يخيط كنقول كيفاش متعجرف قابل يتزوج بهاد الطريقة استأذنت منهم و نضت للكوزينة نقلب على خطة نفرتك بيها هاد الرمانة واخا عارفة حتى هو مني شافني غادي يرفض و لكن تجري الرياح بما لا تشتهي السفن 
و انا كنفكر في خطة سيرو عند الكاتبة تعرفكم على المتعجرف 
ياسين العلوي وريت مجموعة شركات العلوي ملامح حرشين بيض و حروفو كحلين الفورمة مقادة و الطولة تبارك الله خلاصة تيتيز 😍 عندو 28 عام علاقاتو مع النساء منعدمة مي دوز فاش كان صغير شخص يعشق الخدمة من نهار استلم الخدمة و هو خاشي راسو فيها كفاءتو في الخدمة كرجل دوز 40 سنة في الخدمة حلمو يزيد يطور مجموعة شركاتو و يصنع اسمو و اليوم جا يخطب 😭 راح التيتيز يا ويلي

وصافي رجعو عندي شفتكم غير شفتو التيتيز نسيتوني وانا باقا كنفكر في حريرتي حتى كنحس بشي واحد ورايا 
ياسين: ممكن نهضرو 
زينب: كنسمع 
ياسين :ماشي هنا 
دخلنا للبيت و هو يتلفت ليا وقال 
ياسين: بغيتي تخدمي معانا في الشركة و تحققي أهدافك و طموحاتك 
انا في خاطري اووووووف من الخير اكيد غادي يقول ليا نرفض مخليتوش يكمل و قلت
زينب: بلا خدمة انا اصلا رافضة هاد الزواج مستحيل نتزوج بيك 
ياسين: مالك كتطرطاي مخليتيني نكمل حتى جملتي 😒 مجاوبتينيش
زينب: في نظرك اي واحد قرى قرايتي مغاديش يكون هدفو انه يخدم في شركة بحال شركتكم 
ياسين: اوا تزوجي بيا 
😨😨😳😳 اش هادشي سمعت مبقيت سمعت والو تصدمت معرفت منقول بقيت غير كنبلق في عينيا اكيد عارف نقطة ضعفي و شدني منها و لكن علاش واش من نيتو باغي يتزوج ببنت مكيحملهاش يالاه غادي نحل فمي نبدى نتفلسف عليه و هو يقاطعني 
ياسين: عارفك اش غادي تقولي و فاش كتفكري بلاش غير وفريه بالطبيعة الحال لا انا لا نتي موافقين على هاد الزواج 
هاد الزواج ممكن نسميوه صفقة بيناتنا عام و نتفارقو بحجة اننا متفاهمناش و انا اكيد مغاديش نتفاهمو هكدا غادي نكونو استفدنا بجوج من هاد الزواج فكري و عطيني جوابك اه و بطبيعة الحال زواجنا غادي يكون غير على الوراق يعني fais ta life et je fais la mienne 
زينب: اوكي فهمت أنني غادي نستافد من هاد الزواج و لكن فهمني اشنو غادي يستافد واحد بحالك من هاد الزواج 
ياسين: مكنضنش كيهمك 
خرج أو خلاني كناكل في راسي بالعصاب و قوة التفكير رجعت جلست حداهم و مرفوعة كنفكر حتى نغزاتني سمية و قالت في وذني: ممتيقايش غادي تكوني مرت ولدي 
انا ابتسمت و عقلي ممعاياش حتى كنسمع بابا كيهضر معايا: اوا ابنتي اش قلتي 
زينب: سمح ليا ا بابا مسمعتكش اشنو قلتي 
نقز بابات ياسين و قال 
محمد: بنتي حنى جينا نخطبوك لولدي ياسين و بغينا نعرفو رأيك 
هزيت راسي في ياسين و قلت

زينب: خليو ليا شويا دالوقت نفكر 
ياسين عاق بيا مشوشة و داكشي لي كان نيت قالك نيت نتعرفو على بعضنا اكتر مشاو عائلة ياسين من عندنا و ماما سكوتي محيرها جمعنا الدار و طلعنا انا و حنان لبيتي 
حنان كتقرص في راسها: لا واش بصح قلتي ليهم باغية تفكري انا ممصدقاش اجي ياكما 
قبل ماتكمل شيرت عليها بمسند 
زينب: بعدي مني مناقصاكش 
حنان: ا و الله منتفارق معاك حتى نفهم 
زينب: اوا سمعيني هضرتنا تبقى هنا(عاودت ليها كلشي من نهار تلاقيت مع ياسين) اوا هادشي لي كاين اش بان ليك 
حنان حالة فمها: هو عقلي الصغير استوعب فقط الربع في هضرتك 
زينب: وا نوضي الله يخليك بالخلا انا لي حمارة دايرة فيك راسي 
حنان: اوا اش قررتي تديري 
زينب: معرفتش 
حنان: هي في الصراحة فرصة لا تعوض منها خدمة و منها تفيقي كل صباح تشوفي هاد التيتيز 😍 و متعارفي تولي تبغيه 
زينب: حيدي لهيه نتي راه لحسو ليك دماغك المسلسلات التركية و الأفلام الهندية خليني نعس راه غدا عندي ستاج 
نعسات حنان وانا حلف لا جاني عييت بقوة التفكير و خديت قراري و نعست
أصبحنا وأصبح الملك لله فقت لبست حوايجي توجهت للشركة مشيت نيشان للبيرو ديال ياسين سولت السكريترة واش كاين طلعات فيا و هبطت و هضرت معاه في التيليفون و قالت ليا تفضلي دخلت اشار ليا ياسين باش نجلس جلست تشجعت و بديت الهضرة 
زينب: انا فكرت و خديت قرار 
ياسين: باينة فيك منعستيش يالاه فاجئني بقرارك 
زينب: موافقة 
ياسين:كنت عارف اوكي تافقنا 
زينب:عندي شرط 
ياسين:اياه هادشي فيه الشروط قولي نسمع 
زينب: مبغيتش الناس في الشركة يعرفوني مدام العلوي
ياسين: و علاش 😤 
زينب: هكداك مبغيتش 
ياسين: اوكي اوكي

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.