الطاحونة لعنة دموع الجزء الثاني

بقيت واقفة كنطلل مسرحة عيني لي شافني من بعيد يسحابو غير حاضية شي تيتيز و انا حاضية غير بنت ههه مني فقدت الامل دخلت طلعت عند ريتاج و سهيل لقيت الباب مفتوحة دخلت كانو جالسين فحالي كيتسنانوني

انا..نقدر نعرفةاش واقع 

رتاج..احم موقع والو غير

سهيل..اللي وقع هو

..هو اننا لبارح مني مشينا قاصدين داك ضو مكان والو لا ضو لا تاحاجة هداك غير ضو د القمرة شفنا راجل دايز من تم لمحنا و هرب حتي وقف علينا واحد حمق كيهدر

الحمق..اش تا ديرو هناا ها ها ههههه

سهيل..سمعنا صوت مدابزة بين راجل و مرتو و جينا نشوفو اش واقع 

الحمق..هههه هههه ودراجل و مرتو 😂😂 هربو بروحكم لا لحقتو هربو متبقاوش دكرو هادشي علي لسانكم هربووو هربوووو

سهيل تا اش كتقول

الحمق..هربو دب يقتلكم هربوووو

سهيل ههههه

الحمق ..دكشي لي شفتو و سمعت ما هو الا من ماضي بعييييد هربو بريشكم متديوهاش فاش كتسمعو و كتشوفو هربووووو

قالنا بلي هداك لي شفنا ما هو الا لمحة من الماضي مفهمت والو مني كنا جاين كنضحكو عليه و حنا نطيحو ف  😢😢 طحنا فحفرة عامرة بالحم خانز والعضام معرفناش واش د بنادم ولا حيوان معرفناش بقينا معافرين تا لقينا خيط و طلعنا و المسطي غبر ما بقا بان ولكن سمعناه كيقول سدو فامكم و متعاودو كلامي لتا حد دكشي علاش كنا خايفين 

انا..ويلي واش هادشي بصح 

سهيل اه.😢 دكشي علاش مبغينا نعاودو لك والو 

تعانقت هي وخوتها كيتباكاو حتي تفشو و هكدا كملو نهارهم فالليل كيف ديما جلست فالتيراسا مع خوتي تا كتبان لي دموع من بعيد دايزة كيف لبارح مشفتش وجهها وانما شفت ردائها عرفتها هي عيطت عليها تا عيت مجاوبتنيش خليتها علي خاطرها مع اني مدرت ليها والو مشيت كملت لعب مع خوتي 

هكا دازت ايامي كتاشفنا حاجة خرا فالدار و لي كنرد ليها البال بزاااف كتكون الدار فيها ريحة المسك من الصباح تا لآدان المغرب غير كيفوت المغرب كتطلع وحد الريحة خااانزة معرفتش منين كنبقا نطلقو فالروائح و وااالو و تقول واش كينة شي ريحة زوينة غير البخور لي كيعتقنا و يغير ريحة شويا و الفحر لي كل نهار كنسمعو فنفس الوقت مع ان بابا ديقو بلي مكينش جامع فهاد الفيلاج نهااائيا و بتاتااااا 

ليوم فقت مع الفجر كيف سمعتو كيأدن توضيت صليت و نزلت كنتمشا فداك الضلام د صباح غادية خطوة خطوة حتي كتبان لي كتامشي كيف ديما شكون غيرها دموع 

تبعتها كنحري تا دخلت لوحد الكوخ صغير متهالك ولكن شكلو مزيون دقيت دقيت دقيت حتي تفتح الباب و دخلت كان مرون و مغبر مفهمت والو فينها دموع كان باب خر من حهة تانية كيدخل للغابة نيشان انا خفت و رجعت كنجري لقيتها جالسة فالضفة خدا الواد كتاكل التفاح و كتهضر مع غراب و ضحك معاه 

انا..دموع فخبارك شحال و انا نقلب عليك كيفاش درتي من تم لهنا 

دموع..هههه ناس كيقولو سلام بعدا عاد كيدويو

انا..سلااام الالة 

دموع..و عليكم بالمتل علاش كتقلبي علي

انا..غير بغيت نقرقب معاك الناب و صاف و نسولك علي ديك البنت ههه صراحة درني راسي بغيت نعرف علاش مداربة مع راجلها 

دموع..هه فضولية مع راسك

انا.هههه شوية 

دموع..واه نعاود لك ..الالة ديك البنت كانت اجمل بنات هاد الفيلاج كيفما كان الفيلاج احسن الفيلاجات الواد لي كتشوفي لهيه هداك كان كيصب فيه شلال كان منضر رائع السجر كانو وريقاتو خضر الورد مفتح الدنيا كانت زوينة و مفتحة هاد البنت لي قتليك كان كلشي حاسدها علي جمالها و برائتها الفتانة كانت مختالغة علي كلشي لا شكلا ولا قالبا كانت بنت قايد القبيلة كلشي كان كيدرب ليها شان ولكن الحسد من تحت للتحت من كترة ما كانت نية كانت كتعطيهم دهبها كامل لصحاباتها كانت كنيق بزاف فاي واحد شكون ما بغا يكون كانت كتأمن بلي الخير كاين كان شعرها كيدرب حتا لرجلها بلونو المميز عن غيرو كانت هي الوحيدة امختلفة و كانت عندها قدرة مميزة او نقولو الحادسة السادسة كتشوف المستقبل ولكن متقدرش تغيرو الشيئ اللي كان كيدرها فخاطرها انهم كانو كيعايروها ب بنت الزانية حيت هي بنت غير شرعية ولكن كلشي عارف باها و شكون هي مها مها كانت كتبصر و حتي هي كانت من اجمل جميلات القرية لي خلا الغني و الفقير يتبعها و نفس الشي واقع مع بنتها 

انا..اهاه كملي

دموع..المرة الجاية ههه عيت عندي ميدار دب و المغرب قرب يأدن خاصني ندخل للدار 

انا..ولكن راك كتخرجي بالليل 

دموع..كنخرج نطمئن واش كلشي مزيان و كنرجع مكندير والو غير الخير

انا..اللع يتبتو لك انا مشيت ولكن غدا فنفس الوقت غنتسناك هنا باش تكملي ليا القصة 

دموع واااخ بسلااامة 

انا بسلامة كيف ديك المرا بقيت متبعاهاض بعيني حتي لبست الرداء و ختفت

بقيت متبعاها بعيني حتي لبست الرداء و ختفت و رجعت انا ادراجي للدار كنجري كان بابا جا من مهرت فين هاد المدة كاملة و هو كيخرج معارفينو فين كيصد 

دخلت تخشيت فبيتي كنفكر فالقصة لي غاودت لي دموع مسكينة ديك البنت بقات في 

دخلت ريتاج كتنقز تخشات حدايا كتسولني فين كنت 

ربتاج..اجي فين كنتي غابرة هاد العشية

انا..كنت مع صاحبتي 

ريتاج: شكون هادي امتي تعرفتي عليها 

انا..و نتي مالك

ريتاج..يااااك هادي هي جااع اصدقائي اصدقاائد اووك

انا...هههه غير ضاحكة غير وحد البنت كدوز من هنا هضرت معاها و صاف هدا ما كان 

ريتاج ..هممم و فاش هضرتو..

انا..سيري تنعسي خليني مشي نكمل تصوير قالك اش قلتو بغيتيني نعاود لك اسرار الناس 

ريتاج ياااك اوك واخ 

مبغيت نعاود ليها والو حيت حشومة نفشي اسرار الناس البنت كتعاود لي تاقت في وانا نعاود مقدرتش ولكن انا مكنتش عارفة انه خاصني نعاود لختي مكنتش متوقعة اش غيوقع و بلي اي حاجة خاصني نقولها لختيي 

بقينا فحال هكدا كتشوف في علي اساس زعما مقلقة و انا مميكة عليها دايرة راسي مشايقفاهاش 

حتي مشنا نعسنا عطاتني بالضهر و طفات ضو 

~~~~~

انا ريتاج كيف قلتليكم ختي حني توينز و حقيقي اي اي حاجة كتكون فخبارنا بزوج ولكن هاد المرة ختي خبات علي مكنتش متوقعاها منها موضوع صغير و دلنت غريبة مبغاتش تعاودو ليا فحالي انا معرفت لمن غنعاودو بقا في الحال حيت انا كيف ما كانت الحاجة كنعاودها ليها ميكت عليها النهار كامل و فالليل مشيت نعست عطيتها بالضهر و مشيييت ولكن انا في قاعدة اي حركة بسيطة كانت كتقفزني من نعاسي و دكشي لي كان كنت ناعسة حتي سمعت سي حاجة طاحت بالجهد علي الجليج معرفتش ديالاش و لكن انا خوافة مقدرتش نزعم و ننزل للتحت باش نشوف ديالاش دكشي كنفيق ف ريتال و والو تقول واش بغات تفيق فحالي مغيبة لي زاد خلعني كنحس بالنفس سخونة فعنقي شي لي كيبورشني مني كندور مكنلقا والو خفت خفت بزاف معرفتش واش نوض ولا نبقا جالسة بلاصتي درني فضولي زحت الغطا و

درني فضولي و زحت الغطا علي و نضت غادية بخطوات بطيئة كنتحسس فالضلام فتحت الباب و دورت عيني فالكولوار كنشوف واش كاينة شي حاجة من غير الهوا لي كيدرب صوتو كيخلع و انا كنتمشي فالكولوار باقي موصلتش للدروج كنسمع نفس الصوت د ديك المرا مداربة مع راجلها و الغوات د ناس يزاف قفزت من بلاصتي و كل ما هو و الصوت كيجهد طلعتني التبوريشة من صبعي الصغير كرمت بلاصتي و صوت بكا ديك المرا كتتنخص كل ما هو و كيزيد يقرب اش هدا معرفت مندير تا الغوتة مطلعتش ليا عرفتو مني كيشدكم بوغطاط و مكتقدروش تتحركو الحركة كتولي بطيئة بزاف هاديك كنهز فرجلي ولكن مكتتهزش صاف الموت هي هادي 

الريح كتدرب بااجهد تقول فيلم هندي ولكن هدا الواقع كنت غنمشي فيها و الباهية كملت مني حسيت بيد تحطت علي تفتي تم طلقتها بغوتة دايزها الكلام 

انا...اااااااااه مامااااا

ريتال..(كتمسح فعينيها ) مالكي ..اويلي لاش كتغوتي 

انا..😢 مسمعني والو هئ هئ كانو كيتدابزو عوتاني المرا و راجلها غواتهم كان واصل تا لهنا 

ريتال..نن مسمعت والو غيكون غير جاب لك الله احبيبة يالله تنعسي 

انا..كنحلف ليك انا اصلا خرجت من البيت حيت سمعت شي حاجة تضربت مع الارض و مني خرجت بديك كنسمع دبازهم و المرا كتغوت 😢😢 

ريتال..نن انا مسمعت والو والله راه ايكون غير بقيتي عاقلة علي دكشي لي وقع دك النهار ..

انا..هئ مغتيقينيش انا عارفة ولكن راه فعلا سمعت دكشي 😢😢 حيدي مشات كتجري لبيتها و خلاتني واقفة كي العمود فالكولوار دورت وجهي فيه من ليمن و ليسر تا دربت لي الريح جيهت ودني قفزتني هربت كنجري للبيت سديت و تخشيت حدا ختي عنقتها و نعست

ريتاج..مغمضة عينيها..راه والله تا سمعت صوتهم كيتغاوتو و الصوت كان قريب ليا بزاف معرفتش فين بالضبط زلكن لي عرفتو انه كان قريب لي بزااف 

انا..تيقتك ا ريتاج ولكن فين غيكون دكشي ياك دك نهار لقيتو الضو مافيه والو و الراجل معرت اش بقا كيخربق ليكم تا جيتو ريحتكم كتقلب خانزة 

ريتاج..معرفتش معرفتش والله ولكن راه بصح كاينة شي حاجة غريبة مسمعتيش صوت دكشي التقيل لي طاح..

انا..نن كنت ناعسة ولكن حسيت بك مني مخصتيني غير عكست النوض مني حسيت بك نضتي من بلاصتك نضت تبعتك و مكان والو غير الريح لي كيدرب 

ريتاج..معرفتش معرفتش ولكن انا متأكدة كينة شي حاجة و خاصنا نعرفوها شناهيا حيت بزاف هادشي 

ريتال..اوك غادي نشوفو اش وقع بقينا معانقين و غمضنا عينينا علي امل اننا غادي نلقاو حل للغز ديال هاد المرا و الراجل لي كيضلو يتغاوتو غير بليل و الفحر لي كنسمعو بلا جامع و ريحة الخنز لي كطلع بالليل و فالصباح كتكون ريحة المسك مفهمت وااالو

المهم نعسنا داك النهار و كيف ديما الغجر سمعتو كيتأدن نغزت ريتاج تا فاقت و سمعاتو حتي هي بقينا كنشوفو فعينين بعضيتنا كانو معالم الخوف مرسومة و الا سولنا بانا علي اش هادشي ما فيهاش ايقتلنا مغيبغيش يعاود لينا 

كيف ديما نني فقنا عاونا مامانا وجدنا الفكور حتي حا بابا كيغوت صوتو ختارق جدران الدار 

الاب..شكون الحمار فيكم لي فتح داك الباب 

انا..تا حد ابايا اش من باب راك داوي عليه 

الاب..الباي الرمادي لي لهيه لي قتليكم متفتحوش شكون لي فتحو 

انا تا حد درت عند ريتاج كانت كتقققق شاف فيها بابا لقاها كتترعد مسا لهندها سرفقها دون سابق اندار 

انا..بابا راه ماشي هي 

ريتاح شادة حنكها و غير كتبكي ناضت خرجت كتجري و هادي اول مرة ختي تخرج فيها من الدار واهم حاحة مكتعرف والو علي هاد الخلا لي حنا عايشين فيه 

تبعتها كنجري لقيتها طارت و كيف ديما كنقلب بعيني علي دموع ملقيتهاش بقيت كنتمشي و الناس كيشوفوني كيهربو فحالي قاتلة ليهم روح حتي بانت لي ختي جالسة كتبكي فوق وحد الحجرة و الناس واقفين بعيد و كيشوفو فيها قحالي شي كائن فضائي مشيت عندها واسيتها و بقينا دايعين و جاتني فبالي علاش منعرفهاش علي دموع اكيد غتعز عليها بقينا دايعين غير غادين و ندورو ف فاس كنتي تلقاي شي شجيرة ليها ليمون ولا تفاح تشفري و تهربي هنا تا الشجر مكاين كاين العود و الوراق غامرين تا من العود ولا كحل ولا رمادي ههه يليق يجيو يمتلو فيه فلم رعب 😂😂 

تعشات لعشية و حنا علي لحم بطننا ختي مبغاتش ترجع لدار قلنا صاف لبان لينا شي حاجة نشريوها ناكلوها بقينا هكاك تا تعشات العشية و ضلمت بقينا دايعين تا وصلنا جيهت الواد فين كتكون دموع او فين درنا نتلاقاو كانت جالسة بعيد علي وحد السور و ردائها كيف ديما عليها و كترسم فالارض بوحد العود ديال الخشب بقينا كنقربو لجيهتا تا وصلنا و هزت راسها بإبتسامة زوينة و ضحكت فوجه ختي 

دموع..ختك ؟!

انا..اه ..توأمتي ريتاح 

ريتاج..هادي هي صاحبتك لي قلتيلي ا ريتال 

انا..اه 

ريتاج..تشرفت بيك..فهبارك راك زوينة بزافةههه..

دموع..شكرا 😊 

ريتال..شوفي انا معاودت ليها والو علي دكشي تا تقوليلي واش بغيتيني نعاود ولا لا 

دموع ..غير قوليها ليها ولكن هاد السر يبقا بيناتنا بتلاتة حيت حتي خد معارف شنو كان كيوقع لديك البنت غيري 

ريتاج..شنو كيفاش زعما كان كيوقع ليها ياك عاد لبارح دك نهار كانت كتغوت 

دموع بغيت نقول لي كيوقع لديك البنت معارفو تا حد غيري 

انا اااه اوا كملي ليا شنو وقع ليها و علاش 

دموع ..كنت حبست لك دك النهار بلي نفس الشي لي كان كيوقع مع الام كيوقع البنت حتي هي اغني اغنياء القبيلة كانو تابعينها ولكن هي كانت كتبغي واحد واحد لي دا قلبها كانو من الاغنياء ولكن مكانش كيهمو جاهو كان متواضع بزاف كان كيبغي ناس كان كيخلي خدمتو الاثلية و كيهدم مع الفلاحة فالارض كيهز التقل مع الخضارة كان راجل و نعم الرجلة كان قدوة للجميع حتي هو كان كيبغيها كانو كيتلاقاو بالصدفة و كيخدمو بجوج فجو مليئ من الضحك تا هي واخ كانت لاباس عليها كيعجبها تخدم مكتبغيش تبقا جالسة فالدار و الناس يخدمو عليها كانت علاقتهم سرية بزاف تا خد مكان عايق بلي دوك الزوج كيبغيو بعضياتهم غير واحد صاحبتها لديك البنت لي يا حصرة كانت ملجأ اسرارها و لي كتاشفت من بعد انها كانت كتبغي نفس الشب كشات عاودت دكشي لمرت اب البنت و كيف رجعت من الارض فالعشية دخلتها لبيت و بقات كتعطيها فالعصي تا شفات غليل السنين حيت بات البنت كانت مزوح هدا شحال نهار لي مشا عند مت هاد البنت ولكن الحقيقة انه كان كيبغس مها من الصغر و باه جبرو يتزوج بنت عمو ولكن القايد متخلاش علي حبو و بقا علي علاقة مع مت البنت حتي كانت تمرت حيهم هاد البنت ولكن فعلاقة غير شرعية 

ريتاح..ااااه مسكينة عانات بزاف 

دموع..كتر متتصوري..

انا..كملي..

دموع..(شافت فالسما)المغرب قرب يأدن و انا خاصني نمشيو نتلاقاو مرة اخرا و كيف وصيتكم هدا سرنا و تا حد ميعرفو 

انا ز رتاح..وعد باااي

دموع(وهي غادة كتنزل الرداء علي راسها كتأشر لينا بمعني باي ) حتي ختفت 

ريتاح..بقات في ديك البنت والله 

انا..حتي انا بزااف 

ريتاح..عاوديلي شنو لي قالت لك قبل..

عازدت ليه دغيا و حنا غادين من تم ناحية الدار ديالنا تا وصلنا 

رتاح..يعني البنت كانت من اجمل البنات ..

انا..اه 

ريتاج..مسكينة..بقات في تضلمات و كملت عليها مرت باها حسن عوانها والله بقات في 

انا..حتي انا احبيبة ..صاف يالله دب ماما غتكون مقلقة علينا 

ريتاح

..بصح يالله سربي قبل منحصلو 

طلعنا كنجريو مشينا عنقنا ماما قبل متبدا تغوت حطت لينا تغدينا اولا المعني الاصح تعشينا ههه و حنا كنضحكو تا كملنا و مشينا للتيراسا كنلعبو خلينا ماما و بابا كيتفرجو فالاخبار 

اما سهيل قتبدب ديك الضحكة لي كانت فوجهو مبقاتش معرفتش علاش 

انا..بس بس..سهيل..تيتيز ديالي

لا رد

انا..سهيييل 

سهيل (هز عينو فيا لي كانو حمرين) مالك اش كاين 

انا...لا والو غير خلعتيني هليك

سهيل متتخلعيش..

ناض مشا استغربت صراحة ماشي من عوايدو يتصرف هكدا حيت هو اكتر رزانة من هك والله اعلم مككن يكون توحش صحابو شكون عرف 

بقينا انا و ريتاج كنهضرو و كنعاودو علي موضوع البنت تا سمعنا الفوت عوتاني 

ريتاج..يالله ندهلو من هنا بداو عوتاني 

انا..هممن يالله ..نضنا سدينا التيراسا و دوزنا خامية و..طلعنا لبيتنا كنطلو غير من الشرجم كيف ديما ضو شاعل فنفس البلاصة تا كنلمحو دموع دايزة من قدام الدار ميلت راسها شويا لعندنا فالشرجم و رجعت مشات نكدب عليكم لقلت ليكم مخفتش حيت كان الوقت منأخر بزاف و مع هادشي لي زلينا كنعيشو خفت و خفت بزاف انا و ريتاح ماشي غير بوحدي اه مقلتش ليكم مني طلعنا كان بابا و ماما نعسو و طفاو الضواو اي غير انا و ختي لي باقين فايقين مشينا جلسنا فوق الناموسية مكونكتين تا كنسمعو غحال الباب د التلاجة لي كتكون عند الجزار داك الصوت لي كيخرج غليض هداك قفزنا بجوج تا طاخو نيليفونات و نفس طلعناها بالزربة 

ريتاج..سمغتي ياك سمعتي

انا..(بخوف) اه اه سمعت..اش هدا 

ريتاح..معرفتش والله ..نهبطو نشوفو 

انا..ها...م..م..معرفتش..شكيبان لك..

ريتاج..خلينا نهبطو شكون عرف شنو نلقاو لتحت اصاحبتي اش غيكون يقدر يكون غير قطيط ولا شي حاجة 

انا..لا انا ممطمناش صراحة ولكن الطيب احسن دوزي تنعسي 

ريتاج ..نن اصاحبتي خلينا نشوفو 

انا ..دوزي تنعسي 

ريتاج..افف عرفتي شنو انا نازلة بوحدي دفعت الفراش و مشات كتجري

انا..ريتاج ريتااااح.

تبعتها كنجري لقيتها طارت تقول الارض نشقت و بلعتها تبعتها للتحت نازلة و كنقفقف و بحكم عندنا بالكون فالطابق اللي فوقنا داخل ريح قوي كيزعزع كنشوف ورايا و قدامي و الضلام مكيبان واالو 

انا..ر...ري..ريتاااج...ري...ريتاااااج فينك..

ريتااااااج..💔😢 فينك بلا لعب دراري صغار بلا تبعليك فين راك راه يفيق بابا يقتلنا كنقسم ليك و انا كندور و معارفاش فين كندور سمعت صوت بكا د..دشي ولد صغير بكا د بيبي صوت كيتجهد لا ميمكنش شنو هدا ميمكنش دكشي لي كان كيتعاود لينا يامات ليسي نن يا ربي اعود بالله من شيطان الرجيم طنحس بشي حد كيشوف فيا شي حاجة كدوز علي عنقي كتبورشني كنحس بعينين شي حد كيختارقوني قدامي نيشان معرفتش ديالاشو انا كنتمشي و كنتحسس تخبطت مع وحد بلاكار هلي حد علمي ماما كانت دايرة فيه شمع و لوقيد هزيت شمعة فيدس و انا كنقفقف خايفة من خيالي لنشوفو بقيت مداربة مع الوقيد كنشعلو و والو حلف لتشعل واخيرا شعلتو و شعلت الشمعة درت بالشمعة مرة وحدة مع هزيت راسي شفت وجه ماشي وجه كان مشوه بنت مكانتش ختي خلعتني شعرها طاير و هي معوجة راسها كيف صححت الشوفة لحت الشمعة من يدي وطحت فالارض مكمشة فراسي 

انا..اه اااااااااه ماماااااا ماماااااااا

يتبع