طغيان معذبي الجزء 14

جلسات فناموسيتهاا و شاردة كتفكر لحضاتها زوينة و لخاايبة .. و تخيل دب كو كانت تم شكانت غديير .. جا فبالها نزاار فاش كان ناعس و مغوبش كانت اول مرة تشوف فوجهوو و تحقق فييه و يعجبوهاا ملامحو .. كل هادشي جا فبالها كيفاش غتبداا من جدييد و تكمل حياتهاا بحال لا ماواقع والو صعيب صغيب بزااف .. جا لييل و هي على نفس حالتهاا .. تا سمعاات صوت باهاا لتحت و هي تخرج من لبيت كتجري قريب طيح فدروج و صلات عندو و هي تعنقو و تزير علييه بحال غيهرب هو لي كيعطيها القوة .. بقات كنبكي فحضنو بهستيرية و هو مافاهم والو .. كيدوز على شعرهاا و يحاول يسكتهاا و يفهم منهاا اش واقع .. منضر كيأثر .. لؤي ماحملش يشوفهاا فديك الوضعية مدمرة .. خرج على جرداا و هو جامع يديه على شكل قبضة .. سهار تهدنات و جلسات حدا باهاا ..
احمد :بنتي الله يرضي علييك لما هضري علاش كتبكي شي حد قلقك علاش مشيتي بلا ماتعلميناا بزاف دلحوايج خاصهم يتشرحو ..
سهار : هيييى هئ هئ والو اباابا هيييى هئ ..
احمد: والو ؟!! وشوفي كيفاش كتبكي ( جبد مشوار من جيبو و مسح ليها دموعهاا ) مابغيتش نشوفك كتبكي مرة خراا..
سهار : ( كتحاول تمنع شهقاتهاا و دموعهاا باش ماينزلوش تاني ) توحشتككك و صاافي ..
احمد: انا بااك و مربييك على يدي الحاحة لي ضرك تضرنيي ومنيين تكدبي نعرفك .. قوليلي شنو كاين شنو شي لي مخلييك مقلقة لهاد درجة .. ( قاسهاا فخدودهاا ) هادو كانو ديما ضاحكيين و موردين شنو وقع ليهم داباا ..
سهار : والو ابابا كيما قلت ليك توحشتك بزااف ..
احمد: علاش مشيتي بلا ماتعلميني ولا تخبريني ..و تا تلفون مكتسوليش فياا عييت نصوني ليك والو ..
سهار : منت مضطرة ابابا سمحلي .. رغد مرضات و مشيت عنظهاا مشيت بلا ما نعلمكم ( شافت فيهم كلهم كان كلشي مجموع ) كنعتاادر ..
رقية : ماشي مشكييل ابنتي مهم رجعتي ليناا سالمة غانمة ..
احمد: ضعافيتي رجعتب للريجيم تاني ..
سهار : بغيتي نكون غليضة ..
احمد : ههه الا لا ..
جات لخدامة و حطات لعشا فوق طبلة .. و عيطات ليهم ناضو كلهم جلسو فوق طبلة .. من غير احمد و سهاار ...
احمد : يلاه تاكلي غتكوني توحشتي الماكلة ديالنا...
سهار: غا سير ابابا مافيا لي ياكل .. معندي منيين يدووز
احمد: يلاه يلاه قداامي .. غتااكلييي دكشي كلو ( شير بيها على الماكلة ) ..
سهار : ولك...
احمد: ( جرها من يدها مكاين لا ولكن )...

جلسها فطبلة حدااه .. كياكلو فصمت غا صوت الفورشيط ولمعالق لي كيسمع .. سهار غا كتنقب و مرة مرة تبسم فوجه باها باش ما تحسسو بواالو.. كملو الماكلة و احمد شاف فطبسيل ديالها لقاه كيما هو مابغاش يزيسد يضغط عليهاا خلاها على راحتها.. ناضت من بلاصتها ستاذنات و طلعات لبيتهاا مشات لجهة لبالكون ديريكت كطل على سماا و مغمضة عينيهاا و الريح كيضر فوجهاا لي ذباال بقوة الهم .......
#عند_جوكر..
من بعد ما مشاات سهاار كان معصب اول مرة بتعصب لديك درجة شخشخ البيت كلوو تا من لمرااية هرسهاا .. خرج على براا مشا عند لقهوة عند صحاابو كان غا كيكمي مكيهضرش .. تا جا لييل رجع لداار حل لبااب كان مواالف غير يجيي يسمعها كضحك عند تلفازة جالسة كتفرج .. دغياا حيد عينو من جهة صالون مشا لبييتو ديريكت دوش و طااح على ناموسية .. باغي ينعس ولكن كيتفركهاا خصووصا فداك لبييت .. عاش معاها بزاف دلحضاات كيفاش كان كيبكيهاا اول مرة باستو وهرباات .. ماقدرش يزييد يجلس تماا مزال .. هز قرعة ديال شرااب و خرج على برا جلس فسيارتو كيشرب و يشرب .. باغي ينسا اي حاجة متعلقة بيها ماباغيش يزييد يتفكرهاا..
#عند_سهار
لؤي كان جلس فجردة لمحها و بقا كيشوف فيهاا .. غير شافتو و هي دخل لداخل .. جات عندها ندى بغا دير لخباار حيت شاكة بلي مكانتش مسافرة ..
ندى : سهاار ممكن ندوييو..
سهار : اه اجي ..
ندى : ( جلسات حداهاا ) ياك حناا صحاباات فتحي قلبك و عاوديلي شنو واقع ليك ..
سهار : ( عرفات نواياها ) ندى لفين باغا توصلي را قلت كنت مسافرة لا ما تيقتيش سوقك هظااك و داباا يمكنلك تخرجي حيت باغا ننعس ..
ندى : غا بشوية و صااف مكاين لي يهضر فهاد داار بلحق كنا مهنيين ماعرفت منيين تصلتو ليناا..
سهار:( بالغوات ) لاياااش باغا توصلي ..
ندى : لوالو ( خرجاات بلا ماتجاوبها ) ...

سهار : تفو على جنس هدا هو دخوول صحة .. اوف ( تلاحت على ناموسية و تغطات كتحاول تغمض عينيها و تنعس ) ..
مجاهاش نعااس بقات فايقة كدور من لقنت لقنت شعلات تيفي تفرج ولكن والو حاسة براسهاا مخنوقة لدرحة كبييرة .. مكرهااتش توقف فشي بلاصة بعيدة على بلادم و تغوت و تخرج كاع لي فقلبهاا باعلى صوتها..
#عند_جوكر ..
ليل كلو مدوزو فطوموبيل كيشرب و يكمي تا كتولي عينيه حمرة .. صبح صباح جدييد .. جوكر كسيراا بسيارتوو للقهوة فطر تماا و تجمع مع صحابو ..
مهدي: جوكر مالك حالك ماعاجبنيش من لبارح..
علي : اه اصاحبي شواقع ..
جوكر : مكاين والو ..
سعيد : هضر و براكة ما تخبي و تكدب علينا حنا را عشرانك..
جوكر : صافي يا لقلاوي قلنا مكاين والو ماتندموناااش ..
مهدي : على سبة صاف ريح اصاحبي ...
جوكر : كيف غادة لخدمة..
مهدي : لباارح بعناا جووج كيلو لواحد خييناا الربح فلييل انقسموه ..
جوكر : غا هو و صافي؟
علي: اه غير هو ..
سعييد : كيف دايرة لبنت لي معاك؟
جوكر : ونتا مالك ازاامل شتك منهاار جبتهاا و نتا كتسول و تحامي عليها ياك لابااس ..
سعيد : ( وقف و حاط عينو فعينيه ) جووكر عرف اس كتخرج على فمك ..
جوكر: كدبت .. دور تقود هاد سااعة مامساليش لتبرهيش دياالك ..
سعيد: راك مقود فعقلك و يبانلي حماقيتي هاد لبنت ماخلات فيك عقل منهار جبتيها و نتا مبدل ..
جوكر:( شدو من تيشورت ديالو و عروق بانت ) سير غبر قبل ماندير فيك يديي خليني محتارمك على ود العشرة لي بيناتنا ..
مهدي : ( دخل و فرقهم ) امالكم يا زوااامل نسيتو حناا خووت ..
جوكر : انا مناسيش . فكر هداا علي : صافي حبسو.. و بدلو ساعة بخراا...
جوكر :انا غادي تهلاو ..
خرج من لقهوة معصب و مكيشوفش حدااه غادي بسرعة تا صونا تلفونو جاوب كانت هناء ...

هناء : نزار توحشتك .. علاش مكتجاوبش..
جوكر : توحشتيني اوا مزياان ..
هناء : ونتا ماتحشتينيش ؟
جوكر: هناء اش باغاا ..
هناء: بغيت نشوفك نجلسو و نهضرو بحال اي جووج..
جوكر: واخ 10 دقاايق غتلقاينس حداا لبااب ..
هناء: واخا احبي ..
قطع عليها و يقا كيعاير بينو و بين نفسو .. بعد 5 دقايق وصل عندهاا بقا كيتسنا فيهاا . اما هي فكانت لاهية كتماكي .. و تختار شنو تلبس .. لبسات صاية طوية مع قاميجة و طلقات شعرهاا رشاات بارفانهاا طلات من سرجم لقاتو لتحت جالس فطوموبيلتو سلمات على عمتهاا و خرجات عندوو .. جلسات لقداام و ديمااراا حبس سيارة فواحد جردة كانت خاوية ..
هناء : ( كتلمس فيدوو ) حبيبوو علاش مقلق؟
جوكر: ( تنهد ) هنااء عفاااك يرحم ليك لواليدين لما سكتي راسي كنحس بيه غيطرطق سكتي ..
هناء: علاش معصب علياا واش ديما غتبقا تعاملني بحال هاكة ..؟
جوكر: شنووو توحشتيي ااا .. شوفي انا غا شمكااار و بزنااز ولد لحراام مغنفعكش ..
هناء : نزاار اش كتقصد بهاد لهضرة ؟
جوكر : توحشيتيني يااكي..
هناء : اه و بزااف
جوكر :واخاا ..
جرهاا ليييه وشدها من شعرهاا كيبووس فيهاا بطريقة جنونية .. كيمص و يعص و يرجع يمص طيبليهاا شنايفهاا و هي كتحااوب تبعد منو و دفعو ولكن كان قوي عليهاا .. عضهاا بجهد تا بقات تبكي ما وقف تا حس بمذاق دموعهاا و بعد .. بقات كتلمس فشنايفهاا لي كانت مجروحة بحال عاضها شي وحش .. جبدات كلنكس من صاكها و بقات كتمسح ففمها .. لي تنفخ بقات كتشهق و تبكي حدااه ...
هناء : هيييييئ هى هئ هئ تا نقول كلشي تصلح هيييئ هى و بدا يبغينييي هيييئ هئ كترجع دمرنيي بفعاايلك هييييييئ هى ة علاش علاش كتصرف معاياا هاكة هييييئ هئ هئ علاش علاش 😭😭😭
جوكر: ياك توحشتيني اوا بستك...
هناء : هيييييئ هاديك كتسميها بوسة هئ هئ؟
جوكر: لابغيتي نوريك صح ماعندييش مشكيييل
هناء: ( بقات كتبكي و تخنصص حدااه و هو غي كيفكر فسهار )....
جوكر : ( بلغوات ) حبسيييييي حبسي سكتيييي من لبكااااا و لا برب تا نعطييييك علاياش تبكي دبصح😡😡
هناء: ( صقلات مسحات دموعهاا ) ..
وحلات باب طوموبيل و خرجات مشات بحالها و هو كاع ماعلابالوش.. غادة و كتبكي بحال شي هبيلة ... اه لحب من طرف واحد صعييب بزااف .. بحال كتحرق راسك بناار مكتطفااش...

ماتبعهاش ولا عيط ولا حاول يراضيهاا بقا جالس فبلاصتو ... شدات طاكسي تالداار .. دخلات كتبكي و عمتهاا كتحاول تفهم منهاا شنو واقع ليها .. ماقدراتش تجاوب غا كتخنصص عنقاتهاا تا رتاحت .. و بقات كتعاود ليهاا و تخنصص و هي كدوز على شعرهاا ...
ع: صاف ابنتي طيبتي عويناتك بلبكاا .. يا و شحاال وصيتك و حذرتك منو واش لي متيسول فيك و مكيعيط لييك اش باقي مزاال كتسنااي منوو..
هناء: هييييئ هئ هئ صحابلك ماعارفااش هادشي هئ هيينننئ انا عارفة هادشي متر منك اهئ اهئ اهئ ولكن مانقدر ندييير والو كنبغيييه هو حياتي ماكنتخيلش حيااتي بلا بييه هييييييئ هنننئ فهميني اعمتيي كنفضل ندفن راسي تحت تراب ولا نخليه هئ اهيييئ ولا نشوفو مع وحدة من غيري هيئ هئ هى هئ 😭😭
ع: صافي سكتيي قطعتيلي قلبيي .. دابا يبرد و يرجع يتصالح معاك فين يلقا لي تصبر لهبالو بحاالك .. غيعرف بقيمتك و يجيي يطلب فييك عقليي ....
هناء : هييييئ هئ واش عارفة علاش كنبكي هييييييئ هئ هئ هئ حييييت عارفاااه مغيجييش هييييئ هئ مغيجييييش هييييئ هنئ و انا غنمشي نركع ليييه تاني هيييييئ هئ هئ هئ كنكره رااسي هئ هئ هئ حييين باغاااه هييييئ هئ كنكره راسي حيت ديما كنفكر فيييه هييييييينننىى هئ هئ 😭😭
ع: يعطيك الرضى ابنتي لما سكتي .. ماتستاهلييش هادشي ...
#عند_سهار ..
من بعد ما خدات دوش كتلبس حوايجهاا .. لي عبارة عن سروال جينز مع تيشورت بيض ..و صبادري بيضة .. يايبا شعرهاا و خلاتو مطلوق على راحتو .. و دارت ميكاب خفييف .. هبطات لتحت .. رقية كانت خارجة ندى فلفااك غي هي و لؤي لي كاينيين .. مابغاتش تبقا معاه راس فراس خرجات هي تجلس فجردة .. تبعهاا .. وجلس مقابل ليهاا ...
لؤي: عفااك بقااي ياك نتي لي كنتي كتفهميني ديماا كنتي الصدر الرحيم لياا .. نسيتي شحاال حاميتي علياا و دافعتي عليا فوجه بابا ..
سهار: باقا عاقلة مزياااان مزيااااان ندمت ندمت ندممممت كنت نداافع على واحد حقيير بحاالك .. عمري ضنيتك ديير دكشي واش معندكش اخت واش مخفتييش على بنات ناس كيما كتخاااف عليااا ؟ واااااش ماخفتيييييش من الله لي فوق مناا كامليييييين .. نتاااا حراااااام واش تكون من جنس آدم.. ناضت و خلاتو قبل ماينطق حس بشي لي داارو وشي لي تسبب فيه لبنات ناس ولكن كيما كنقولو لبكا مور لميت خساارة...

جلسات فصالون .. كتسنرجع ذكرياتها مه نزاار.. فلاخير غمضات عينيهاا و حلاتهم و تنهداات... براكة اعقليي ما تفكر حبس .. خاصني نبدا و نرتب حياتي من جدييد.. كانت تجربة خايبة و دزت منهاا.. اه انا قوية و غنتغلب .. و غنسااه و نوصل لدكشي لي كنت باغا غنرجع سهار لقديمة .. لي همها تكون امرأة راقية و عندها مكانتها فلمجتمع .. و كلشي يحتارمها و يضرب ليها الف حسااب .. انا ويااه عمرناا ماغنكونو لبعضياتناا .. انا غلطت من لول فاش فتحت لبااب لهاد الاحسااس لي دمرني يتغلل لداخل دياالي... هادشي كلوو قالتو مع نفسهاا و تزعماات من هاد لحضة غتعييش حياتهاا و تكملهاا و تغلب على كلشي.. قاطع تفكيرهاا لؤي..
لؤي: سهاار ..
سهار: شحال من مرة خاصني نعاودهاا لييك.. ماتهضرش معاياا ..
لؤي: غنهضر و غتسمعيي...
سهار : ( بغات تخطااه ولكن شدها من كتفهاا و جلسهاا بزز منهاا ) .. سهار باقا عاقلة على ليلة لي نوضناها انا و بابا فلندن .. ليلة لي خليت فيها دار ...
سهار : ( لارد )
لؤي: باقا عاقلة ياك.. ( كيدوي بنبرة حزيينة بحال لا كيقول ليهل نتي املي لوحيد ماتخلاايش علياا ) هاديك كانت اسوء ليلة .. كانت ليلة لي غدمرني و تخرج لي على حياتي .. خرجت من دار معصب و مشيت للبار بقيت كنشرب تا سكرت ..( عادليها كلشي من ديباار )..
سهار : هدا مكيعنييش تعدب بنات ناس غير قولي كيفاش عطااك قلبك تقبل بهادشي كيفاااااش يا خسارة تربية با ليييك..
لؤي: عفااك اسهاار فهميني ..
سهار : شنو باغيني نفهم ؟ كيفاش كنتي كتعدبهم و تضربهم .. و تعريهم وسط نااس
و...و المكاابيت دلمجتمع ينهشرو لحمهم .. ونتا شايف كل هادشي و ساااكت .. مافكرتييش بلي انا كنت نقدر نكوون فبلاصة ايماان و لا من دوك لبناات... عمرك تقوووول هاد الهضرة دياال سمعينيي.. ولا حاولي تفهمينيي.. حيت شي لي درتو مستحييل يتنساا و غيبقا تابعك طول حيااتك .. و دابا طلق مني خليني نمشي ..
لؤي: ( ماقدر يجاوبهاا بواالو خلا ليها طريق.. شافت فيه نضرة كره..)
سهار : ( بصدمة ) باباااااا...

الهضرة كلها لي دارت بيناتهم سمع ليها احمد ماتيقش شنو سمعو ولدو لي رباه و كبرو و ماخلاه مخصوص من تا حاجة يدير بحال هاكة ..
احمد: ( مشا ديريكت عندو و عطاه تصرفيقة نساتو القبلة ) كيفاش .. واش بصح شنو سمعت ... هضضضضضر ماتبقاااااش ساااااااكت...( شدو من الكول دلقاميجة كيدي ويجيب فيه .. كيتسنااه ينكر ).. اهضر ابناااااادم..
لؤي: اه بصح ابابا ولكن سمعني..
احمد:( ماخلاش ليه فين يجاوبو زادو تصرفيقة خراا ).. من هاد اللحضة ما انا باك ما نتا ولدي..
لؤي: الله يهديك الواليد..
احمد: خرج علياااااا برا خرج...
لؤي: متأكد
احمد: اه مايشرفنييش يكون عندي ولد بحاالك .. عمرك باقي تعتب بااب هاظ الدار..خرج خراااااااج ....
لؤي: ( طلع لبيتو و جمع حوايجو فلباليزة .. و تم هابط من دروج)...
لمحاتو سهار و تصدماات .. ماكانش على بالها غيديرها بصح.. كانت باغا توقفو و ماتخليهش يمشي .. ولكن شي لي دار تا حد ما يغفرو.. شاف فيهم نضرة مطولة .. و احمد كيبادلو نفس النضرات .. نضرة خيبة امل ..خرج من لفيلا .. و تلاقا بعمو ..
مصطفى : فين غادي اولدي ..
لؤي: ( خلاه بلاكة ماجاوبوش )..
دخل مستغرب كيسول ف احمد على سبب لي خلا لؤي يخرج .. واش مسافر ولا شنو... احمد ما قدرش يجاوبو ولا يصرح .. بشي لي دار ولدو .. طلع نيشان للبيرو ديالو .. جلس فلكرسي و مرجع راسو لور ..
#عند_جوكر
مشا تقداا .. و ديمارا عند مو .. دخل و استقبلاتو قالبة وجهها ..
جوكر : ( باسها فوق راسها ) ياك لاباس الواليدة مالك قالبة وجهك...
فاطمة : و تا تسول بوجهك حمااار هادي كتر من 15 يوم ماعتبتي داري ..
جوكر : والله امي غا لاهي مع لخدمة راكي عارفة..
فاطمة : ( خنزرات فيه ) جيعان ..
جوكر : هههه و بزاااف ...
مشات لكوزينة صايباات طاجين بلحم و لبرقووق حطاتو ليه.. كلا تا شبع .. و بقا فدار عندهاا تا لليل.. وصاها بلي غيرجع و يبات عندها فدار عطاتو مفتاح د دار .. خرح و داز على القهوة جلس شوية مع درااري ... كيكمي و مرة مرة يشرب...
مهدي: جوكر تا مالك اصاحبي دويييي و هنيييينا شصاري...
جوكر: ( شاف فيهم عارفهم ما غيسكتو تا يعاودلهم )... خليتهاا تمشي بحالهاا...

مهدي : اشنوو ؟؟ واش لبنت لي كتي خاطف..
جوكر اه هي..
مهدي : و باقي جالس غادي جااي .. غتكوون تشكاات للبوليس نوض جمع خناينك و قود معانا نشوفو فيين نخبيوك شتي ازبييي .. فين وصلك حمااقك....
جوكر : وا سكت و صاااف متشكااتش.. را لبنت طلعات كتبغيني ..
مهدي : هاد لبنت طلعات بنت لحلال .. كتبغيك !
جوكر : و قصة طوييلة نسااو علياا...
سعييد: وامزياان منيين خليتي لبنت تمشي بحاالها..
علي : واصاافي تبدااااوش تاااني ..
بقاو مجمعيين تال 12 دلييل غا ساكتيين خصووصا نزاار مدواش كااع غا كيكمي .. و ختمهاا بجواان ناض مشاا بحاالو وصل درااري لدارهم و هو رجع لعند مو .. لقاها باقا فايقة كتسناا فيه ..
جوكر : واميي باقا فيك هاد طبيعة سيري تنعسي ..
فاطمة : ماقديتش ننعس .. تسنا نحطلك لعشاا ( دازت من حداه و شمات فيه ريحة الكارو و هي تخنزر فيه ) .. الله يعفو عليك من هاد لبلية ..
جوكر : اميين ..
تعشاا و غسل يدييه.. جلس فصالون كيتفرج .. و فاطمة مشات تنعس ..كان بادي فيلم الاكشن .. 12 Roundes.. تفرج فيه تا كمل و مشا نعس فبيت ايمان ....غمض عينيه و حاول ينعس...
اصبحنا و اصبح الملك لله .. فاقت سهار منشطة ليووم .. لبسات صاية قصيرة .. مع شوميزة بيضة.. و طالون كحل .. جمعات شعرهاا لفوق على شكل كعكة دارت الايلينر و ماسكاراا و دارت غوجاليف .. فلغووز غامق .. كانت كتباان كيووت .. هزات صاك صغير ديال لويس فيتون .. و رشات بارفانهاا و هبطات لتحت فطراات .. كلشي كان مجموع .. فطرو فجو من صمت تا كسراتو سهار ..
سهار : غنمشي للفاك ليوم ..
ندى : غنمشيو بزوج ..
سهار : اوك..
احمد: احسن حاجة غديريها ابنتي ..
سهار : ( بتاسمات فوجهو ) ..

كملو فطروهم باسن باها من يدو و خرجو هي و ندى ركبو مه شوفير وصلهم .. و طوموبيلة كحلة تابعاهم .. وصلهم للفاك نزلو .. و دخلو من لبااب لكبيرة كل وحدة مشات تدرس حصصها... تا وصلات زوج خرجاات لكافيتيريا لي فلفاك تغدات .. و ندامجات مع طلبة لي معاهاا .. ضريفيين خصوصا دراري .. كملات لغدا و رجعات تكمل حصصها تال 5 دلعشية عاد خرجات على براا .. و شخص جالس فسيارتو مراقبها من بعيد .. و حاضيها من ساسها لراسهاا ... وقف عندهاا واحد بسيارتو كيقرا معاها .. نزل كيدوي معاها و يتغزل و هي مسايراه..مد ليها يدو ..
آدم: سلام انا آدم .. غتكوني عارفاني ياك..
سهار : ( بابتسامة اه عارفاك )..
آدم : نوصلك ؟
سهار : لا بلاش ..
آدم : امم كتسنااي فشي واحد..
سهار : ههه لا .. ( تا وقف عليهم جوكر بحال شي جن زعزعها بصوتو ) اه كتسنا .. كاين شي مانقضيو..
آدم : ديزولي على ديرونجمو..
جوكر : ( خنزر فيه ) ..
آدم مشا بحالو و خدا اقود قمعة معاه .. جوكر بقا مراقبو تا كركب هضرات سهار بصوتها العالي ..
سهار : لاش جاااي اش باغييي عندي و اش دخلك فياااا ...
جوكر : قسما برب و تغوتي فوجهي تاني .. غنشوهك حدا عباد الله ..
سهار : شوف سير بحاالك.. مابقات تاحاجة تجمعني بييك .. سير بحااااالك و خليني نشوووووف حيااااااااااتي...
جوكر : ( ماعرف باش بجاوبها ) لا ماغنخليكش تعيشي حياااتك يلاه ... شكون هاد زامل لي كان معاك داباا .. و باركة تعنبي وضحكي ( طلعها و نزلها ) كيشي قحبة خارجة من لباار..
سهار : سوقك فياااا ..
جوكر : ( شدها من كتفهاا ) اه من هاد نهاار ولا سوقي..
سهار : ( نترات منوو ) مريييض ..
جوكر : اه مريض و حمق انااااا .. جا الشيفور واقف كيتسناها خنزرات فيه و طلعات فسيارة و هو ما تزعزع تا مشات .. رجع لطوموبيلتو و كسيراا لدارو ..

دازت ليلة كل واحد فدارو كيفكر فتاني .. سهار متوقعاتش تشوفو .. توحشاتو بزاف.. واخا يكوون حداها كتوحشوو .. دغياا نفضات هاد الافكار من راسهاا و نعساات و هو نفس شي .. اما لؤي فمان فلوطييل .. كيسرب و يعاود حاس برااسو خسر كلشي كرامتو روجولتو عائلتو .. مابقات تا حاجة زوينة فحيااتو.. كلشي دمر بنسبة لييه ..
صبح صبااح جدييد على جوكر مقرر فييه ماغيخلييش سهاار بحاالها .. واخا مايكوونش معاها لمهم يشوفها كل نهاار .. ناض دوس و لبس سيرفيط د لاكوسط بيضة مع تيتانيك .. و دار كاسكيطة و ديمارا بطوموبيلتو للفاك كيتسنا فيهاا تجيي .. هي من بعد ما فطراات دازت على بوتيك دتلفونات شرات واحد جدييد.. و وصلها شوفير للفاك نزلات كتسناا ف لكليكة .. تا وقف عليهاا جوكر تاني ..
جوكر : ياك ما كتسناي حبيب القلب..
سهار :( بغات تعصبو ) اه .. بحالا علمك الله
جوكر : ( زير على فكهاا ) نهاار نشووفي مع شي زاامل ( قرب لجيهة فمهاا و كيهضر و مغوبش ) عرفتي شغاندير لييك.. نقتلك و نشرب من دمك..
سهار: ( دفعاتو ) ماتقربش ليا متحطش علياا يدك .. كتفهم .. ( حابسة دمعة بزز ) شبااغي عندييي .. كلشي خديتييه و عرفتي كيفاش دمرنييي و تخليني لووور .. خليني نكمل حياااتي بعد منيييي بعد..
جوكر : اه مغنخلييكش .. و هانا علمتك .. اه و حاجة خراا .. هاد زبل ماتبقاايش تلبسييييه ولا لمرة جاية .. نفهك بطريقتي الخاصة .. ورااكي جربتيهاا..
سهار: سير لعندك حبيبتك تزوج بيهاا و سترهاا انا صاافيي.. اصلا علاش باقا كندوي معااك اناا .. سمع مزيااان اسي جوكر كيما كيسميوك ( رفعات صبعها فوجهو بتهدييد ) نهاار نلقاك كدووور بساحتييي كنقسم ليك تا نجمع عليك عبااد الله .. و مايفكني منك غا لبوليس ..
جوكر : عارفك ماغاديريهااش ...
سهار : وشنو لي مخليك متأكد؟
جوكر : ( ب ابتسامة عريضة ) حييت كتبغيني ...

يتبع