طغيان معذبي الجزء 15

سهار شافت فيه بغيص و قالبة وجهها بحال لا مكاينش و ماجاوباتووش .. حيت هي لي عطاتو هاد الحق.. نهار اعترفات ليه ..

جوكر : سكتي

سهار : مابقا لي مانقوول .. بغيت غا نعرف حاجة لاش مزال تابعني ياك خرجت من حيااتك .. شنو باقي مزال

جوكر : والله انا براسي ماعارفش .. لي عارفو دب نلقااك مع شي قواااد ديك ساعة تشوفي شغانديير ..

سهار: زوينة هادي .. باي حق تحكم فياا ؟ واش دخلك نكون مع من بغييت

جوكر : انا حذرتك و نتيي ديري لي فراسك ..

سهار : اه غنديير لي فرااسي و غنبني حياتي من جديييد واخااا نعرف نسافر على برااا و مانبقاش نشوف كماارتك ..

جوكر : قبل ما ديريهاا نقتلك ..( قرب تا لوجهاا و هو حاضي شفايفهاا ) و نشرب من دمك..

سهار : ( شافت فيه بتحدي ) اوا هاحنا غنشوفو..

جا شوفير .. خلاتو بلاكة .. طلعات فطوموبيل بعد ماشافت فيه شوفة مطولة .. وصلات للفيلا دخلات لبيتها ديريكت .. عياانة دوشات و تخشات ففراشها كتبقشش فتيليفون.. #عند_لؤي

كان فلوطيل فبيتو .. طول ليوم و هو تم .. عاطيها غير لشرااب .. فجأة جات تصويرة ايمان فباالو .. كيفاش قدر يعشقها من اول نضرة .. سرعان ما تفكيرو تلاشى بعد ما تفكر اش دار ليهاا هو براسو رماها للجحييم .. واش غيجي نهار تسامحو فييه .. بقا تا يشرب .. فتح صدايف قاميجتو و تنهد بتعب ..

#عند_جوكر..

من بعد ماشاف سهار مشا لقهوة تجمع شوية مع صحابو و رجع لدارو لقا هناء جالسة عند لبااب كتسنا فييه ...

جوكر : تقعديي علاش ماعيطيش ..

هناء : ( وقفات حداه ) شحال صونيت و مكنجاوبنييش ..

جوكر : هنااء ..

هناء : ( قاطعاتو ) غير قولي كيفاش قدرتي تضحك عليااا خليتيني نحمااق علييك و نشوه راسي مع ناس درب .. و نتا حاسبني بحال شي قحبة ..

جوكر : ( غوت فوجها ) عارفة هاد الهضرة ما منهاااا والو و كت حاسبك بنت زنقة .. كون حويتك و رميتك هادي شحااااال ..

هناء: شنو لي مخليك تصرف معايا هاكة ؟ علاش كتعدب فياال ريحنيييي خلاص..

جوكر : هناء شوفي رانيييي عيان ماتزيديهاأش علياااا بنكير ديالك غدا ندوييو .. طلعي فطوموبيل نوصلك ..

هناء : بلاش غنمشي بوحدي..

جوكر : لييل هدااا .. طلعي بلا ماتعصبيني ....

مزادتش معاه لهضرة ركبات لقدام و هو كيصوg و مغوبش .. مكيشوفش جهتها عكسها هي لي حاضياه .. وصلها لداار و رجع هو بحالو...

صبح صباح .. فاقت سهار دارت روتينها اليومي .. وهبطات تفطر .. كلشي كان مجموع .. من غير بلاصة لؤي كانت خاوية ..فطراات و باست باباهاا خرجات على برا وصلها لشوفير لفاك كلعادة .. دخلات قرات حصصهاا تا ل ديك 5 ندامجات مع طلبة لي معاها كانو ضريفين خصوصا آدم..بغات تمشي تعتادر ليه على لي وقع لبارح..

سهار : ادم واش نقدرو ندويو ؟

آدم : اه تفضلي ..

سهار : امم الا عرضتك تقبل عراضتي ..؟

آدم: اكيد واخاا انا لي خاصني نعرضك..

سهار : مرا خراا انشاء الله...

خرجة من لفاك بزوجهم .. آدم شاب في لعشرينات من عمرو .. عندو حقو من زيين .. تا هو من ناس لهااي .. ركبات فطوموبيلتو لقدام و ديمارا هو .. هادشي كلو شافو جوكر .. تبعهم .. و سهار كتنعت ليه فطريف على ريسطو .. وصلو تم دخلو لداخل .. و نزار مراقبهم على برا و نار الغيرة شاعلة فيه مكرهش يقتلهم بزوج و يشرب من دمهم .. حالف تا يخرجها منها ..خداو 2 بيتزا و عاصير ليمون..

سهار : انا كنعتادر ليك على ستون لي وقع لباارح..

آدم : هانية نتي لي سمحيلي يمكن جيت فوقت غالط..

سهار : لا لا ..

آدم : كان معاك صاحبك و انا حطيتك فموقف خايب ..

سهار : هدااك ماشي صاحبي و مكنعرفووش ..

آدم: بصح ؟ و شكون هو

سهار : غا واحد تابعني و صاف خلينا منو..

آدم: وي حيت جاتني غريبة وحدة غزالة بحالك تصاحب مع واحد بحال هدااك غا من لباسو تعرفيه مشمكر..

تعرفو علة بعضياتهم آدم شخص ضحوكي بزااف .. سهار لاول مرة تضخك من قلبهاا.. و هو مان ساهي فضحكتها و ابتسامتها السااحرة .. و سي جوكر كيتسناا غا امتا طييح فيدو 😂😂 ..

سهار : يلاه انا خاصني نمشي .. شوفير غيكون كيتسنااني..

آدم: انا نوصلك لداار ..

سهار : لا لا غيكون كيتسنااني .. مرة خراا ..

آدم: واخا خليني غا نوصلك للفاك بعداا ..

سهار : اوك ..

جبدات صاكها غادة تخلص .. ولكن حبسها و خلص هو .. ركبات معاه فطوموبيل وصلها للفاك .. و مشا هو بحاالو .. يلاه غتقطع شانطي و هي تحس بيد شادة شعرها...

سهار : اي طلق طلق طلاااق مني ....

جوكر : ( مكيجاوبهااش)

دفعهاا فطوموبيل و سد لبااب و كسيرا لدارو غادي باقصى سرعة و هي كتغوت عليه .. وصل لدار .. شدها من يدهاا و دخلها لداار .. داها لبيتو.. دفعها جات طايحة فلرض ...

جوكر : باغا غا لعب انا مولاه ( تحنا عندهاا و شادها من شعرها ) تعلمتي تقحبييين يا بنت القحبة ..

سهار : طلق منيييي الخرااا

جوكر : ( صرفقها تا رعفات ) كتحدااايني .. و غادة جاية مع دك زااامل .. ( زادها تانية للحنك لاخر ) جاوبينييييي علاش تمشي معااااه علاش تهضري معاااااه علاش تركبي معاااه علاش علاش ( كان بحال شي بركاان فيض ) الله ينعل..********** ( بقا يعاير فيها غا من سمطة لتحت )

بدا يعطيهاا تصرفيق لحناكها بلا وعي و هي كتبكيي و تحاول تهرب منو باغا توقفو باي طريقة .. شدهاا من شعرهاا و دفعها على ناموسية ..

جوكر : توحشتينييي باغا جوكر ااااا هانا غنوريك لعب معايا بشحال طاااالع 😡...

حل لبلاكار و جبد صمطة .. غير شافتها و عي تبدا تزااوك و ترغب فيه حيت ديجاا كلات منها .. ماسمعش ليهاا .. كيشحط فيهاا بكل جهدو كتسمع غير صوت الصمطة من لحم .. و عي كتبكي و تخبي و جها من شي ضربة ... تا وعا على راسو و هو يرمي صمطة .. و جلس فطرف ناموسية .. حاط يدو على شعرو .. و هي كتبكي بصمت .. و ناضت بكل جفاء حلات لباب باغا تمشي .. تا حبسها بصوتو ..

جوكر : رجعي لبلاصتك..

سهار : ياك خرجتي طاقة سلبية ديالك خاص نمشي دب بابا غيكون كيتسناني ..

جوكر : سهار.. سمعيني ( قرب ليها ) مكنتش ناوي نحط عليك يدي ولكن نتي باغاني نكون معاك واحد اخر ..

سهار : عادي مسامحاك ( حيدات يدو من كتفها )

مشا سد لبااب ..

جوكر : ماغتخرجي من هنا تا نتفاهمو على بزااف دلحوايج...

سهار : ( ببرود )علاياش غنتفاهمو متلا؟؟

جوكر : انا وياك خاص نهضرو..

سهار : مكاين فاش نهضرو .. خليني نمشي بحالي يرحم ليك الوالدين..

جوكر : فاش شتك معاه كنت غنتسطاا .. حسيت بنار شاعلة فيا بزز تحكمت فراسي ..

سهار : ( لا رد )

جوكر : ( قرب ليهاا كيتلمس فحناكها ) سمحيلي نتي لي عصبتينيي .. واش عارفة باش حسييت منين شتك معااه..

سهار : ( تفكرات نهار شافتو مع هناء ) اه حااااسة ( كرزات عليها ) و عارفة هاد الشعوور مزياااان...

جوكر : نتي .. نتي كلك دياالي ما منحق تا واحد يشوفك ولا يمسك..

سهار : ديالك ههه افيييق فيق ولا بغيتي نفكرك .. ولا باغيي حاجتك تاني..

جوكر : نتي عارفة كون كنت باغي حاجتي غنديهاا بزز منك .. دب شوفي خلينا مهنيين و ماديريش لحواايج لي يعصبونيي را ماكنحكمش فراسي ..

سهار : خليني نمشي بحالي تفرق علياا .. ياك هادشب لي كنتي باغيه .

جوكر : هادشي باغيه عقلي اما قلبي حاجة خراا ..( شدها من يديها و جلسها حداه فناموسية ) نتي قدرتي دخلي لقلبي عمري بغييت شي وحدة .. ولا فكرت نبغيي ولكن نتي بوحدك دينا كنت نحاول نبعد و نطلعك من راسي .. نهار لي مشيتي فيه ماقدرتش نبقا فداار كلشي كيفكري بييك.. جيت لجامعو جيت نشوفك .. توحشتك توحشت كلشي .. فيك .. ليوم شفتك مع ظاك زويييمل تبعتكم عرفتي باش حسييييت نار كتاكل فياا ..

سهار : ( مصدومة من شي لي كتسمعو و طايرة من لفرحة .. ولكن مابغاتش تبين ...) علاش نهاار سولتك واش باغيني نمشي .. جاوبتي باه

جوكر : ماغتفهمينيش.. نسااي ..

سهار : واش كتبغيني ؟

جوكر: ( بقا ساكت ماجاوبهااش)..

سهار: انا بحال لحمارة كنسول .. تهلا فرااسك و اخر مرة تقيسنيي ولا تبعني بقا بعيد علياا ولا تا من لجامعة مانبقاش نجي ليهاا غندير اي حاااجة باش مانشوفش وجهك.. ندمت ندمت .. ( بغات تبكي و تغوت فوجهو و لكن كرامتها كتمنعهاا ..) ..

تمشات نحو الباب فتحاتو .. باغا تخرج وقفها بصوتو الخشن احح😍😍

جوكر: اه كنبغييك..

سهار: ( بقات مسمرة فبلاصتها ماتيقاتش لي سمعاتو )...

تقلبات عندو بلعرض البطيئ و ملامح وجها خالي من تعابير .. كتسناه يقولها غا كنضحك ولا اي حاجة ولكن اول مرة تشوفو ساكت و حاني راس مشبك يديه....

سهار : شنوو

جوكر : اه كنبغييك عندك شي مشكييل..

سهار : وعلاش ماعتارفتييش من لول اااا ( مشاات عندو كضرب فصدرو بحال شي هبيلة ) علاااش عدبتيني علاااش... عرفتي شداااز عليااااا ااا دوييي..

جوكر : سهار .. ( اول مرة ينطق سميتهاا ) سمعينيي واخ كنبغييك و بزااف .. ماغنزيدكش ننكر ولكن حنايا ممكتابينش لبعضياتناا..

سهار : كيفااش ؟ لاين باغي توصل ؟

جوكر : ( حمحم و وقف مقابل مت وجها و ريحة الكارو مخلطة مع لبارفان ديالو عاطية منو ) واخا كتبغيني و نبغييك ولكن ماغنقدرووش نعيشو مع بعضيااتنا..

سهار : وعلاش .. شنو سبب ..

جوكر: خوك .. كيغانديير نكون معااك و خوك دمر حياة ختي .. من جهة نتي و من جهة ختي .. قوليلي كيفاش غنتصرف .. ثعييب نكون معااك و داك زاامل خوووك .. كيفاش بغيتي تكون علاقتناا ؟ ممكتابينش لعضياتنا..

سهار : ( دموعها نازلين بحال شلال حيت اي هضرة قالها كانت بصح.. ما غيقدوش يستمرو .. غلط خوها ديما غيكون واقف فوجههم .. مسحات دموعهاا بكمها و شافت فيه شوفة مطولة ).. الله يعاونك انزار .. كيما اي حاجة قلتيها كان عندك فيها الحق .. غنحاول ننساك و نبدا حياة جدييدة.. و نتا دير نفس شي ..

جوكر : ماقادرش .. ولفتك.. صوتك باقي فوذني ماقادرش نبقا فهاد دار كل خاجة خانقاني .. كنحس براسي مربووط ماقادر نديير والو ..

سهار : طريقنا مسدوود انزاار .. سير تزوج بهنااء .. غتقدر تنسيك فكلشي .. هي كتبغييك عطيها فرصة ..

جوكر : كنبغييك نتي .. نتي و صااف ماباغيهااش ..

سهار : عفاااك انزار ماتصعبهااش علينا .. مكاينش حل

بقا كيشوف فيهاا بلا مايجاوبها حيت بصح مكاينش حل .. قرب ليهاا باسها ففمها بوسة طولة و هي دموعها رجعو خانوهاا خرجات من دار كتبكي .. و هو تابعهاا كيحاول يوقفهاا وصلات لشانطي وقفات طاكسي وصلها لدار...

دخلات لبيتها منكاسرة و مدمرة رجعات لحالتهاا رجعات تفكرات كلشي من بعد مابدات تناساا شوية . كانت مقررة تبدا حيااتهاا من جدييد ولكن اليوم كلشي تهدم خصووصا فاش عتارف ليهاا و خوهاا واقف فطريقهم .. دخلات لدووش طلقات لعناان لدموعها كتبكي و تقول مابكات .. عارفة الغلط ماشي ديالهاا ولا دياالو .. لؤي دمر حياتها و حيات نزار و ايمان دمرهم كلهم بفعايلو .. نزار ماغلطش كيفاش يديرو علاقتهم .. و خوهاا دمر ختو ماغتقدرش تستحمل و تاهو غتفكرو بفعايل خوهاا و ختو واش غتقبل علاقتهم ؟ ..مسحات دموعهاا و نيفهاا حمار .. بدلات حوايجها لبسات بيجامة و تخشات ففراشها كتحاول تنعس .. مرت ساعات .. جا وقت لعشاا لخدامة جات تفيفهاا ..

خ: سهار .. سهار لعشاا واجد

سهار:مابغيتش ..

خ : را سي احمد اصر انك تجي ..

سهار: قوليلو ناعسة ولا اي عذر والله ماعندي نفس ..

خرجات من بيتها و سداتو خبراتو بلي ناعسة ..

احمد: لعجب هدا ما ملفاش تنعس فهاد لوقيتة

رقية : غتكون بغات ترتاح و صاف ..

احمد: نمشي نشوفها..

ناض من طبلة طلع لبيتها لقاهاا مغطية غا شعرها لي باين تكا حداها كيلعب فشعرها و يهضر معاها بنبرة حنينة ..

احمد : بنتي حبيبتي مالك ..

سهار: ( ماقداتش تمنع دموعها من انهم ينزلو كتبكي بحرقة .. عنقاتو و مزيرة عليه ) هييييئ هئ هنئ 😭😭

احمد: ششش ( كيبوسها فراسها ) شكون قلقك ..

سهار : ( غا كتخنصص )

احمد: ( خلاها تبكي على راحتها تا تفشات عاد هضر ) يلاه داباا عاوديلي مالكي .. ياك ما كنتي تخبي علياا تا حاجة ..

سهار: عذرني ابابا فهاد الحالة بضبط ماقاداش ندوي .. تلفت مابقييتش حاسة براسي .. كنضيع ابابا..

احمد: ( كيدوز على شعرها ) عارفاك قوية و غدوزي من هاد المحنة .. عمرك ما ستسلمتي ديما كنتي قوية و غتبقاي قوية ديما ..

بقات معنقاه حاسة بلامان معاه .. مابغاتش تفارق عليه .. بقا معاها تا نعسات .. باسها فوق راسها و طفا ضو .. وخرج من بيتها...

دازت 2 سيمانات تا حاجة ما تبدلات سهار من دار لفاك .. و جوكر من داك.نهار ما لمحاتوش الا و هو كان كيقراقبها و مراقب كل تصرفاتها .. لؤي عاطيها لشراب و الكما تا حاجة ماكيديرهاا ديما فنهار فغرفتو فلوطيل و ليل فلبواط لتحت حياتو مضيعة غا فهادشيي .. ..

#عند_جوكر..

هناء : مزيااان انزااار عرفتي كيفاش ضحك علياا و تلعبني ..

جوكر : ( تنهد مابغاش يجاوبها )

هناء : عفاك جاوبني و ريحني واش كتبغي شي وحدة من غيري ؟ واش ضريتك فشي حاجة ؟

جوكر :هناااااء ما تعصبييييش دلمي واش ديما نفس الهضرة رااااك مرضتينيييييي مرضتينيييي

هناء: ( نزلات دمعة حارة من عينيها ) اهاه .. سمحلي ماكنتش عارفة راسي مرضاك ..و مالقيتي كيدير تسوسني ..

جوكر : ها لقلاااوي لي كيعصبنييي واش سمعتي مني هاد الهضرة عارفااااني مشغووول و عارفاني فاس خداااام كنكوون لاهي ..

هناء: صافي انزار انا لي تماديت بزاف .. الغلطة غلطتي من لول ..

جوكر : (خلاها تمشي بلا ما يوقفها )

تفكيرو مشتت عارف راسو كيحرقها بتصرفاتو ولكن ماشي فيدو ماعندو مايدير من لول ماكيبغيهاش ولكن مقيد .. عارفها كتبغييه و تقد تقتل راسها على ودو و هي اخر وحدة يفكر ياديها .. تنهد تنهيدة خارجة من اعماقو و جبد باكية دلكارو من جيبو داير سيكار ففمو و مرة مرة ينتر منو.. هناء خرجات من دارو كتبكي .. رجعات لدارهاا و عمتها تخلع من منضرهاا عينيها حمرة بحال دم مشات لبيتها كتضرب فاي حاجة جات حداهاا شخشخات كلشي و عمتها خايفة عليها عيات و هي طيح لرض .. كتغوت باعلى صوتها ( علاش علااااش ماكيبغينييييش واش انا خااااايبة ) ...

عمتها : ( معنقاها ) داك الزمر عااود .. الله عليك ابنتي لاما خلي زمر شوفي كل مرة كيبكيك دموعك غالية عليه ..

هناء : هييى هى كنبغيه كنبغييه هييييئ اعمتي 😭😭 .. مانقدرش نعييش بلا بيه هييييئ هئ هنننى نمووت بلا بيه 😭

ع: صافي ابنتي سكتي سكتي والله لا بقات فييه..

خلاتها فلبيت فدبك الحالة و هي لبسات جلابتها و الفولار و خرجات من الدار ...

مشات عند فاطمة كدق فلبااب بجهد .. فاطمة حلات لبااب و هي مخلوعة..

فاطمة : لا هرسييه نتي حسن ياك لابااس ..

فوزية ( عمت هناء) : دخلي وخلينا نهضروو..

فاطمة دخلاتها و جلسو فصالون كتسناها تهضر..

ف: داك دري عندك مابقا يحشم كيضحك على بنااات ناس و با حسرة ياك عندو ختو دب ربي يحازييه..

فاطمة : اااا حدك تم .. نزااار عمرو ضحك على شي وحدة مربيااه احسن تربية

ف: لا بااااينة بلعمى .. اشوفي جييت ديري معاياا حل .. هناء بنت خوياا الله يرحموو هي لي بقاتلي منوو نقتل على ودهاا عيييت تا نميك و نقول دب يجمع رااسو ..

فاطمة : شتك غاكدخلي و تخرجي فلهضرة جيني نيشان..

ف: اوا الالة سمعيي .. ولدك مصاحب مع بنت خوياا .. هادي عام ولا كتر خلاها تبغييه و ديما كنشوف فيها كتعدب ليل كلو تبكي تا ضعاافت ولات حالتها حاالة.. لاكان كيضحك على البنت بغيت ربي يجاازييه .. اما لاكان ناويها للحلال يجي يخطبها ..

فاطمة : ( مرضاتش ) ولديييي خاطيه التفلية مدام تصااحب معاها الا و ناويهاا حلالو ..

ف: اوا نتمنااو ..لمهم انا نخلييك و نتمنا تكوني فهمتي شباغا نقصد ..

سلمات عليها و خرجات .. اما فاطمة فكانت معصبة و طالع ليها دم لبسات جلابتها هي تانية .. و شدات طاكسي عند نزار .. دقات لباب دقة ديال لمخزن .. جوكر نخلع صحابو غا جدارمية لي جااو تا سمع صوت مو ( فتح فتح الباااب يا مسخووط الوالدين )..

جوكر : ( فتح ليها الباب ) و الواليدة طيرتيها مني خلعة او غا بشوية ..

فاطمة : ( دخلات وهازة خنافرها الفوق .. جلسات فصالون )

نزار : اوا الواليدة نهار كبير هدا

فاطمة : شووف اداك المسخوووط ماحشومااش علييك ضحك على البتت و تجرجر فييها ياك عدك ختك .. ااا ماخايفش الله يجيبلها لي يضحك عليها كيما كضحك على بنات ناس ..

جوكر : ( زير على قبضة يدو فاش ذكرات ايمان و عاض على شنافتو بقوة الاعصاب ) واش هي لي جات دوات معاااك ..

فاطمة : الااااا البنت خاااطيها جات عمتهاا.. دب غا قوولي واش انا هاكة ربييييتك ..

جوكر : وامييي را مكنضحكش عليها ..

فاطمة : ( قاطعاتو ) اوا لا مكتيش كضحك علييهاا كمل عليها وكون راجل معاهاا و زايدون راك شرفتيي خاصك تزوج و دير وليداتك...

جوكر : انا مكنفكرش فزواج امي..

فاطمة : غتزوج لبنت و براكة ما ضحك عليهاا ماشي فعايلك هادو انزار ..

جوكر : بدلي علياا هاد الموضوع الله يرحم ليك الوالدين ..

فاطمة : ( ناضت وقفات و خنزرات فيه مزياان ) انا قلت لي عندي يا تديهاا و تكمل معاها راجل يا عمرك تشوف خليقتي ..

مشات بحالها خلاتو مصدوم مه هضرتهاا .. ضرب طابلة بيدو .. صونا لهناء مكتجاوبش .. رجع شعرو لور بيدو و جبد تاني يكمي باش يتهدن .. وصل لييل مشا للقهوة كان تما غا مهدي جلي معاه و هو ساكت غا شارد فتفكيرو ..

مهدي : سااط .. طلق اش كاين ..

جوكر : اودي والو غا لمشاكيل ..

مهدي : اوا عاود ياك حنا خوت مكنخبيو تا قلوة على بعضياتنا ..

جوكر : ( دار ابتسامة جانبية ) ابزااف امهدي منين نبداا

مهدي : وحدة بوحدة .

جوكر : لولة طحت طيحة خايبة .. و تانية هناء ..

مهدي : كيفاش طحتي طيحة خايبة لا ماتقولهااس ياك ما ديك لبنت ..

جوكر : ( قاطعو ) اه هي هي .. ندمت على نهار لي خطفتهاا و جبتها لداري على بالي كنتاقم من خوها ساعا كنت كنتاقم غا من راسي.. ولييت فين ما نشوفهاا ديماا مراقبهاا ..

مهدي : دابا لي عطا الله عطاه خاصك حل ..

جوكر : مكاينش حل طريقنا مسدوود نتا راك عارف كلشي ..مستحيل تكون شي حاجة بيناتنا ..

مهدي : ( بقا ساكت ماعرف باش يجاوبو ) و هناء مالها ؟

جوكر : هاديك قصة خرا .. معدبها معايا ..و الواليدة ساقت لخبار .. و حالفة عليا تا نتزوجها ..

مهدي : ولكن را كتبغيك اجوكر .. را عشرة بيناتكم ماغتقدرش تسمح فيها فنص طرييق ..

جوكر : حاس براسي مقيد بلمينوط و فلحبس من جهة هادي و من جهة هادييك .. شنو غانديير مانقدرش نسمح فيها و نزيد نعدبهاا معاياا ..

مهدي : واش كتفكر تزوجها؟

جوكر : ماعارفش ..

مهدي: ديك لبنت نساها علييك را عمرك تكون معاهاا و هناء لي كنتي معاها فلول و صبرات معاك و لهبالك

جوكر : خايف لا نتزوجها و نصدق مقودها ديك ساعة دبصح ..

مهدي: علاش .. هناء كتبغييك و غدير لي فجهدها باش تخليك مزيان ..

بقا ساكت ماجاوبووش .. فهاد اللحضة تفكيرو تخربق .. بدا يشرب تا سكر مزيااان وصلو مهدي لداار .. و بقا معااه ...

#عند_سهار..

فاقت كتفوه و شعرها معنكشها .. دخلات لدوش ديريكت دوشات و دهنات لحمهاا بكرييم دليمون .. شللات شعرهاا لبسات صاية قصيرة شوية فلكحل مع شوميزة فلبيض و طالون فزرق فاتح .. شعرها طلقاتو .. و دارت ميكاب هادئ و هزات صاكادو .. نزلات لتحت فطرات فجو من ضحك صونا تلفونهاا .. كانت نمرة غريبة قلبها بدا يضرب ف 90 كانت متوقعة يكون جوكر .. خرجات ستاذنات و مشات لجردة جاوبات .. و قلبها قريب يخرج من بلاصتو كانت كتسنا تسمع صوتو ..

سهار : .. الوو ..

لؤي : (كيبكي فتلفوون بحرقة و سهار كتسمع ماقادش يدوي ) ..

سهار :لؤي .. لؤي .. شنو وااقع .. جاوبني..

لؤي ( كيبكي و يطلب منها سمااح )

سهار : لؤي .. عفاك هضر ماتخلعنييش فينك .. قولياا فينك نجي عندك.. لؤي .. لؤي ..

قطع عليهاا خلاها غتحمااق .. مشات عند شوفير بجراا و ركبات فسيارتو. .. مشاو لبزاف دليزوتيل كيقلبو علييه .. تا لقاوه عطاوها رقم الغرفة ديالو ..طلعات بلسنسور .. وصلات عندو حلات لبااب لقاتو جالسة فطبلة و قراعي دشراب حدااه كلهم خاوية وكاس حداه كيشرب منو .. منضرو كيشفي العديان قربات منو .. و حيدات ليه الكاس من يدو جلسات مقابلة ليه ..

سهار : لؤي .. واش حماقيتيي اش هاد الحالة داير فرااسك..

لؤي:( بنبرة حزينة) عييت شراب لي كيخلينيي نرتااح و نساا شوية لهم ..

سهار : لؤي ..

لؤي : ( قاطعها ) عفاك اسهاار سمحيليي .. مابقييتش قاد نصبر كل نهاار كنموت .. شنو ندير باش نصلح لغلط دياالي

سهار :( كتشوف فيه و عينيها كيدمعو من الحالة لي وصل ليهاا )

بقات تبكي عليه .. بعيدا عن كل شيئ فكيبقا خوها من لحمها و دمهاا .. متقدرش تفرط فييه و تخلييه يموت بين عينيهاا .. بقا كيهلول و يهضر .. ناضت عنقاتو و كتبكي فخضنو و دابزو و هو معنقهاا و كيبكي معاها ..

سهار : هيييييى ئ ئ الحيوان هيييئ 😭..

لؤي: البرهوشة.. (بقاو متعانقيين .. مسح ليها دموعهاا) اخر مرة مشوفك كتبكي .. باغيك تكوني ديما ضاحكة ..

سهار : ( بابتسامة مصطنة ) يلاه زيد نمشييو ..

لؤي: لفين ..

سهار : لداار مكاين لاش تبقا هناا

لؤي: غا سيري نتي راك عارفة الواليد..

سهار : انا غندوي معاه .. شوف حالتك كي ولات زيد معايا ولا نتقلق عليك تاني ..

شاف فيها تا عيا و رمش تبعها سد لبااب و هز لمفاتح .. رجعهم و خلص .. ركبو مع شوفير راجعين لدار...

يتبع