طغيان معذبي الجزء 18

من تأليف هند القادري
2018

محتوى القصة

رواية طغيان معذبي

سهار : تانا كنبغييك بزااف ..
جوكر: شنو لمدينة لي باغا نمشيو ليها ..
سهار: شفشاون كيعاودو عليها زوينة ماكرهتش نشوفهاا...
جوكر: واخا احبي وجدي راسك مور غدا نمشيو ليها
سهار: حلف
جوكر: والله..
سهار: يعني شهر عسل..
جوكر : وانا فين عرفت طبونمو شكايسميوه.. 
سهار: ( باستو ففمو معبرة على فرحتها ..)..
#عند_لؤي
من بعد ما سالا هضرتو مع ايمان تبعهاا .. لقاها واقفة مع مها و كيتسالمو مع العائلة ستغل الوضع وهضر.. 
لؤي: انا نوصلكم..
فاطمة: بلاش اولدي . نشدو طاكسي وصاف ..
ايمان : ( مخنزرة فيه )..
لؤي: حشومة اخالتي انا نوصلكم را ولينا عائلة دب .. و زايدون را فات لحال مغتلقايش طاكسي فهاد الوقت ..
فاطمة: اه بصح اولدي اوا يعطيك رضى ...
لؤي: (بتاسم ليها)
خرجو من لفيلا ايمان ماحاملاش شوفة فيه و هو مراقب كل تحركاتهاا .. توحشها بزااف هاد المدة كلهاا .. ماقرب لتا مرة من غيرها.. كيغايدير يكسبها و هادشي شبه مستحييل.. طلعات فطوموبيل لور و زدحات لبااب بجهد و فاطمة جلسات لقدام.. و هو كيصو g بشوية و حاضيها من لمراية د طومو بيل و هي مكتشوفش جيهتو ...
فاطمة: اوا باقي اولدي متزوجتي .. تبارك الله عليك مخاصك والو 
لؤي: خاص غي لي يفهمناا ..
فاطمة : ( كتمعني على بنتها و ايمان عايقة ) دبا تلقاها اولدي...
لؤي: ( شاف ف ايمان نضرة مطولة عاد دوا ) امييين اخالتي امييين...
فاطمة : اوا ولدي فاش خدام ؟..
ايمان : وامييي براكة من الاسئلة خلي دري يصوg. براحتو
لؤي: انا مرتااح غي سولي اخالتي .. انا خدام مع الواليد فشركة .. 
فاطمة: مزيان مزياان.. اوا زعماا ماتلقاوش لبنتي خدمة معاكم.. را دات لباك بنقطة زويينة مشاء الله عليها قرااية ..
لؤي: ( بابتسامتو الساحرة و الجذابة ) على لعين وراس..
ايمان: ماماااا .. انا مابغييت نخدم عند حد.. و زايدوون انا باغا نولي طبيية..
لؤي: ( فرح بزاف منيين عرفها كملات قرايتها و دات لباك).. قدرات تغلب على كلشي .. بنسبة لبنت فعمرها فحاجة صعييبة .. اول حاجة تفكر ديرها من بعد دكشي لي عاشتو هو الانتحاار .. ولكن هي مابغاتش تكون جبانة .. قومات و صبرات لكلشي خدات لبااك.. و دابا ناوية تكمل حلمها بانها تولي طبيبة ...
فاطمة .. كانت كتوريه طريق .. دخلو لدرب لي كان شعبي.. و كاع جيران كانو كيحضيو عارفيين ليوم كان عرس جوكر.. باينة فيهم ناس لهاي بحكم طوموبيل لي شافو فيها لؤي..دخلو لدار و شكراتو فاطمة .. عيات فيه يدخب يشرب شي حاجة ولكن مابغاش .. كان فات لحال خلا ليهن راحة باش ينعسو .. غايكونو عيااو مع لعرس .. دخلو جلسو فصالون .. و فاطمة ماسكتاتش من لهضرة على لؤي..
فاطمة: سعدااات هادي لي تديييه تباركالله و صلا عنبي زيين و الفصالة .. و لفلوس .. و مربي
ايمان: ( مع نفسهاا.. لمضاهر خداعة اميي .. كون تعرفي وجهو الحقيقي..) صافي امييي.. سكتيناا هووف انا غادة نعس تصبحي على خير..
فاطمة : هادي مالها معصبة ..
ايمان دخلات لبيتها.. مسحات لميكاب من وجهها.. و حيدات تكشيطة رجعاتها لبلاكار .. و جبدات بيجامتها .. لبساتها .. و تخشات فلفراش كتحاول تنعس و تنساا لقائها ب لؤي...

صبح صباح جدييد على ابطالنا .. فاقت سهاار فحضن حبيبها جوكر كان ناعس .. باستو ففمو بوسة خفييفة .. و تسلتات من حدااه .. دخلات لدوش.. دوشات و لبسات تكشيطة سامبل على ود لفطوور.. طلقات شعرهاا لكحل طوييل.. و دارت ميكاب هادئ .. ناض جوكر.. باسهاا فعنقهاا و داز للحماام دوش تا هو .. لبس تا هو و تم غادي خارج..
سهار: لفين؟
جوكر: لعند صحابي
سهار: ماغتبقاش؟
جوكر: شغانديير مع لعيالات..
سهار: اه نسيت ..
جوكر: فلييل غنكون معاك..ماتخافيش دغيا غنرجع..
خرج على براا.. دا طوموبيلتو لافاج.. و مشا لريسطو .. يشوف كيف غادي لقا دعوة هانية و كلشي غادي هو هداك.. من بعد مشا للقهوة فدرب فين كايكونو صحابو.. غي دخل .. كاع لي فلقهوة ناضو سلمو عليه و باركولي .. شكرهم من بعد تخطاهم مشا لطبلة لي فيها صحابو.. جلس معاهم و هو كانو كيتسناو فيه على نار..
سعيد: امضرا كيداز دكشي..
مهدي: واش حويتيهاا ولا غا دخلتيه و خرجتيه..
علي: تا دوي خلاص..
جوكر : (خنزر فيهم) شهاد دخول صحة.. اوا مزيان هادشي ليبقا..
مهدي : ( بنفاذ صبر) دب غتعاود ولا لا ازبيي
جوكر:والقلاوي وا لعاااملة و زوامل ابعدوو منيي شغايوقع متلا.. را باين ليلة دخلة شغايكون فيهاا بفف شحال كتسولو
مهدي: احححخ بغييت نتزوج تانا
علي: زيدني علييك.. زواج بنيين
سعيد: ( بآسى) و هناء؟..
جوكر: ماتجبدهالييش انا هاديك نسيتها.. 
سعيد: شنو لي وقع
جوكر: صافي نساا
مهدي:( نغزو باش يسكت )..

#عند_هناء..
جالسة فبيتها و جامعة رجليها عندها .. و دموعها شلال عينيها تنفخات بقوة لبكاا.. لماكلة هادي يومين مطاحت فكرشها.. كتشوف غا فسقف و تبكيي بحال شي هبيلة مكتهضر مع حد.. دمرات نفسيتها من بعد ماعرفاتو تزوج.. حاسة بروحها كتزهق.. كيغادير تعيش بلا بييه .. و عي نفس لي كتنفسو شي حاجة فاتت الحب .. الهوس .. بغلطة و بطيش منها.. خسرات العشرة و كلشي .. دبا خسراتو فمرة .. دخلات عمتها هازة فيديها بلاطو على امل .. تاكل حالتها كتشفي لعدو ..
ع:( حدات لبلاطو حداها) الله عليك ابنتي لما حطي هاد لقمة فكرشك..شوفي حالتك كيولات..
هناء: هئ هئ هئ ماقدراش نعيش بلا بيه هنننئ هنى هئ .. ماقدراش نتنفس هئ هئ هئ هئ عمرك جربتي هاد الاحساس هييئننهئ . كنحس براسي كنمووت اعمتيي هى هئ هئ كنمووت هييييئ ...😭
ع: ( كدوز يديها على شعرها فمحاولة منها تواسيها )..
هناء: ( جاتها هستيرية ولات بحال شي هبيلة ) 
دفعاتها و كتغوت فوجها .. ضربات لبلاطو بيدييها .. و حلاقمهاا كيتجرحو و ماحاسة بوالو من غير .. نار لي كتحرق قلبها..
هناء: هييييييييييئ نتيييييي نتيييي سباااااب هنننئ هئ نتييييي لي خرجتييييي هييييييننننئ علياااا لعبتيييي فعقلي هى هئ 😭😭
ع: ( باغا تعنقها و تهدنها ولكن خايفة لا دير شي ردة فعل )..
بقات كضرب ف اي حاجة حداها تا من لمراية هرساتها .. تا عيات طاحت لرض كتبكيي .. بحال شي بنت خسرات واليديها و مابقا عندها حد فدنيا .. تحنات عندها فوزية و عنقاتهاا زيرات عليهاا .. كدوز على شعرها كتبكي معاها .. بقات فيا باغا تعاونها ولكن مرضها ماعندو دوا .. احب ماعندو دوا.. كيما قالو ناس زمان .. 
#عند_سهار ..
من بعد ما قادات راسها مزيان .. جات عائلة جوكر ..و جايبين لفطور معاهم و كيزغرتو .. هادو هما العادات ... سمعاتهم فتحات ليهم الباب سلمات عليهم.. و دخلاتهم جلساتهم فصالون و جلسات حداهم.. حطو دكشي فوق طبلة .. ( الملاوي .. جميع انواع الحلويات .. البيض مسلوق .. دجاج محمر .. المناضات .. الخ) ايمان لبسات عباية .. جاتها على فورمتها و شعرها طلقاتو على راحتو ..بقاو ميوشوشو بيناتهم .. 
ايمان : امم عاوديلي ميدازت ليلة .. 
سهار : ( مزنكة ) ويلي شغايوقع .. حم روك عارفة دب تزوجي و تجربي .. 
ايمان: (غمضات عينيها بحزن.. ولات تكره اسم راجل .. ولا علاقة جنسية شي لي عاشتو كرهها فكلشي ..) نتمناا ليكم سعادة ديما تعيشو مرتاحيين..
سهار : ( باستها فخدها ) ربي يخلييك يا اخلى اخت تعرفت عليهاا .. ( دغيا تفكرات صحابهاا رغد توحشاتهم بزااف )..
فاطمة : اوا بنتي .. كيجاك زواج..
ايمان : واميي و را اول نهار ليها كتسولي فيها ..
سهار: ( ضحكات بعفوية ) مزيان اخالتيي ..
صونا تلفونهاا .. جاوبات كان جوكر .. ستاذنات و خرجات من جماعة ..
جوكر : توحشتك..
سهار: حمق .. قطع دب را معايا هنا ناس..
جوكر : مكاين لي يتوحش مراتوو..
سهار : وا نزاااار 
جوكر : عيوون نزاار .. 
سهار : تاليل ( قطعات عليه )..
ورجعات عند جماعة جلسات معاهم .. كياكلو و يضحكو و يسولوها على حياتها .. و هي كتعاودلهم.. تا وصل لغداا تكلفات فاطمة .. حطاتو تغدااو .. و نفس شي بنسبة لعشية حطو كسكروط شربو اتاي .. و مشاو بحالهم...

سدات لباب بساروت .. و طلعات لبيتها .. حيدات ديك تكشيطة و لبسات بيجامة .. عبارة عن شورط حد لفخاذ مع دباردور ديالو .. مسحات ميكابها و نزلات لتحت جمعات دكشي و حطاتو فلكوزينة .. شعلات تلفازة كتقلب على شي حاجة تفرج فيها .. تا حاجة معجباتها .. هزات تلفونها كتقلب فليوتوب و تسمع للاغاني .. تا سمعات دقان .. ناضت فتحات لباب .. كان جوكر هاز فيديو ميكات .. باسها في فمها و دخل دكشي للكوزينة و حطهم فوق لبوطاجي ..
سهار : جيعان.. 
جوكر : اه و بزااف ..
سهار : تسنا نسخنلك ما تاكل..
جوكر : ( جرها من خصرها و جلسها فحجرو ) جيعان .. و باغي ناكلك نتيي ماباغيش الماكلة .. 
سهار : (ضورات يديها. ورا عنقو و نزلات على شفايفو كتبوس فيهم)
و هو مسايرهاا و كيتلمس فترماحتها .. تا نوضات لمعلم داير خيمة .. ما بعدات تا سمعو دقان .. بغات تحل لباب حبسها نزار .. مشا فتحو هو.. كان لؤي .. خنزر فيه و عيط على سهار و هو دخل لداخل..جات و قفات حداه فلباب..
سهار : يلاه دخل مالك واقف
لؤي: لا بغينك فحاجة .. غنمشي دبا
سهار : وي شنو؟..
لؤي: مي عاوديلي ماترفضيش؟
سهار : واودوي خلاص !!
لؤي: باغي نمرة ايمان و عارفها عندك
سهار : سير راك بديتي تقلب على لمشاكل خلي عليك لبنت..
لؤي: عفاااك اختي عطيني النمرة لا غا نحماااق مستحييل نفرط فيها بعد ما لقيتها..
سهار : لؤي نساها عمرها تغفر ليك..
لؤي: عفاك اختييي كنترجاك عطيني نمرة .. 
سهار : ( بقا فيها مقدراتش ترفض )
جبدات تلفونها من جيب ديبارظور و عطاتو ليه .. غي خداه باسها فراسها و مشا ركب فطوموبيلتو.. و هي دخلات لدار و سدات لبااب ..
جوكر : شنو بغا ..
سهار : ( كتقفقف ) ا..لا..واللو اه غا كيسول فيا و صاف..
جوكر :( بشك ) غي هادشي ؟
سهار : اه .. ( بغات تلف ليه الهضرة ) و نتا فين كنتي .. فين دوزتي نهارك 
جوكر: مع دراري و دزت على الريسطو شفت الخدمة كيف غادة تما.. غنمشي ندوش و نجي ..
سهار: اوكي ..
طلع لبيتو يدوش و هي بقات فبلاصتها كتبقشش فتلفون .. تا فكرات سمير و رغد.. توحشاتهم و اكيد غيكونو نساوها و كرهوها حيت مابقات سولات فيهم.. ولكن لا عرفو لي دازت منو غيعدروها .. فكرات تاصل بيهم.. ولكن خافت من ردة فعلهم .. دارتها فيد الله.. و دارت نمرة سمير .. لول حيت هي لي حافضاها..خرج ليها الواتس ديالو من بعد ما سجلات النمرة ...

شافت تصويرة بروفايل ديالو بتاسمات .. خلا لحية و وصحاح .. ولا متييتز دوزات لابيل و جاوب فاش لقا نمرة مغربية .. 
سمير: الو؟
سهار: سمووووري
سمير: شكون معايا
سهار: سهار معقلتيش صوتي
سمير: سمحيلي مكنعرف حد بهاد سمية ..
سهار:سميير عفاك سمعني عارفا راسي غلطت فحقكم مي تيقنيي ضروفي كانت اقوى مني .. ( بنبرة حزينة ) ماتخيلش شحال توحشتكم..
سمير: عليها كنتي كتسوليييي شنو هاد ضروف لي مخليينك.. تقلبي وجهك عليناااا عرفتيي رغد شحال بكاات ماخلات لمن عيطات باش توصل ليك و تا تلفونك ديما طافي..
سهار: سمير سمعني .. والله تا ضروف كانت قوا منيي .. عمركم غبرتو من بالي و تلفون تهرس لي هادي شحاال .. واش تانتوما غتقلبو عليا وجهكم.. 
سمير: تفووو.. عارفا قلبي هشيش الخرااا .. ولكن و نشدك تا نخرج منك القديم و جدييد. 
سهار: صاف اسااط.. رغد كيفها..
سمير: جنية تعرفات على واحد الالماني هادي شهراين بدات علاقتهم كطور تا رطابتو..
سهار: بنت لحراام..صيفط لي نمرتها معاك .. 
سمير: واخا الحب.. دبا عاوديلي عليك نتي..
سهار: خاصني نتللاقاك باش نهضرو .. هضرة دتلفون.. مافيها مايتقال .. بنسبة لياا طراو بزاف دلحواايج..
سمير: همم نديرو شي بروكرام انا و رغد نهبطو للمغرب شي سيمانة نزوروك..
سهار: لا حلف غا تجييييي ما متيقاااش توحشتكم بزااااق ..
سمير: نجي نحوي شي مغربية هادي شحال مادقت حلاوة لحوا المغريبي و نقود بحالي..
سهار: سميييييير ...
حساا بتلفونهاا طار من حداها هزو جوكر و طفاه و حطو فجيبو .. ماع الهضرة سمعها ودنييه كيفورو .. شدها من كتفها و مزير عليك..
جوكر : غا قوليلي لربك.. اش حاسباااني؟ زااامل؟ دمدومة انا ؟؟؟😡
سهار: نزاار خليني نفهمك.. وبلاش من هاد العصبية كلها الموضوع والله مايستاهل .. 
نزار: سهاااااااار .. سدييييي فمك ماباغيش نرفع عليك يديييي حيت باقا عروسة..
سهار : اهاه حيت باقا عروسة ماغتحطش يديك عليا.. و فاش تكمل سبعيام تولي تسلخني ياااك.. دير كيماا قبل 
جوكر: سهاار سدييي فمك حسن مانفوت فزامل بووك شي دقة دايراها قد راسك و باقا كتهضري😡
سهار: شنو درت ااا هداك صاحبي.. 
جوكر : ( قبل ما تكملها نزل عليها بتصرفيقة نساتها راسها) .. بربي و ماتوكضيي معايااااا تا نخلي دار عشتك انا راجلك عارفة شناهي راااااجلك.. و كتقوليها قدامي صاحبي باغاني ندفنك..
سهار: ( باقا شادة فحنكها و كتبكي فصمت )
جوكر: هي تانا ندويي معا بنت حدااك و نقوليها توحشتك.. اجيي نتلاقاك ( غوت بكاع جهدو ) دوييييي القحبة دويييي دبااا علاش سكتييييي كترتاحي غير فاش كطلعي لزامل بويا الخرا لراااس😡
سهار: هئ هئ هئ هادووك را صحابي كنعرفهوم قبل منك نتاااا هيىى هئ 😢 
جوكر: ( يلاه غينزل عليها بتصرفيقة خراا لحنكها تاني تحكم فراسو و جمع يدو على شكل قبضة و ضربها مع لحيط.. )..
عضلاتو زادو بانو .. و عروقوو بزوو بقوة الاعصاب.. تحكظ فراسو بزز اما كون قتلها..
سهار: هى هئ عمرك ماغتبدل😭
جوكر: غنربيييك اسهااار برب تا نربيي جدك.. وشتي هاد تلفون برب لا حلمتي بييييه .. زامل انااا هاااا كتهضري مع زواامل فقلب دااااري وبلا شواري .. غي قوليلي واش باغاني نقتلك.. ولا عارفاني كنبغيييك و كتختابري صبري..
سهار : ( مكتجاوبوش حدها كتبكيي و منزلة راسهاا مابغاتوش يشوفها كتبكي)..
جوكر: را واخا نكوون كنمووت عليييك راني راااجل .. و بربييي اسهااار و بحيااااة مييي لي والدااااني و تغلطي هاد المرة .. مانعقلش عليييك و نسااك بلي لبنت لي كنبغيييي😡 
خلاها كتبكي و خرج من داار معصب جلس فدوموبيل حل سرجم و كيكميي .. باش يبرد على راسو ...

بقات مكمشة تم و دايرة يديها على وجها كتبكيي.. تا تفشات طلعات لبيتها .. تقابلات مع لمراية كتحسس اثار صباعو لي تصورو فحنكها تنهدات بتعب و دخلات فلفرااش طافية ضو. و متقلبة لجهة خراا.. بقات فايقة تا دخل هو شعل ضوو ناضت بغات تخرح من لبييت و هو يشدها من كتفها..
جوكر: لفيين
سهار: مافيااش نعااس
جوكر: من قبييلة و نتي هناا تا جيييت بانلك تمشي .. مابقييتش فاهمك اناا
سهار: انا لي مابقييت فهمتك.. كان على بالي فاش نتزوجك .. غا تبدل ساعة راك باقي هو هو ..
جوكر: نتبدل؟ متلا نولي بوكيمون نسمع مرتيي كدوي مع زوامل. نبقا ساكت؟ نشوفك لابسة لمعري نبقا ساكت؟ نخلييك ديري لي عجبك نبقاا ساكت .. تصحااب ليك را مزوحة زااامل ولا..
سهار: ديما كضربنيي على والو و تسممني بكلامك.. على وااالو
جوكر: على والو؟؟ هي انا حكاااار.. حمدي ربك تحكت فراسي اما كون قتلتك تم..
سهار: ماعاطينيش تا فرصة نشرح ليك.. نتا عارفني مستحييل نخونك ..
جوكر: راتي ساامع كلشي بودني..
سهار: هدااك سميير صاحبيي من صغر منيين كنت فلندن انا ويااه بحال لخووت.. سولت فييه و صااف .. بحال خوياا
جوكر: ماتحكمتش فرااسي .. 
سهار: رجعلي تلفون..
جوكر : ( خنزر فيها ) الا ماغاتخديهش غا نساايه
سهار: واش ناوي تحبسنيي.. 
جوكر: ( باسها ف فمها بوسة خفيفة ) ما حبستكش.. تا نلقاااك غادة نيشان غنعطييه لييك.. و دب سيري ترجعي غداا مسافرين نسيتي..
سهار: ( ضربات برجليهاا فلرض ) ...
و رجعات لبلاصتهاا .. مستافزعا بكلامو .. حيد حوايجو .. بقا غا بسروال د سيرفيط.. و لفوق عريان تخشا حداها و هي عاطياه بضهرها طفا ضو و بقا خاضيها و هي دايرة راسها ناعسة .. عنقهاا من لور و هي مخلياه .. تا نعسو بزوج ...
اصبحنا و اصبح الملك لله .. لؤي كان فشركة خدام .. فشي ورااق ببذلة رسمية و شعرو مرجعو لور .. عينيه سودة .. شوفة فيهم تجذبك ليه.. بقا خدام تا لديك ل 11 خرج.. ركب فطوموبيلتو.. و تاجه عند ايمان.. وصل لحدا داار .. و مخلي طوموبيل بعيدة صونا ليها.. لقات نمرة غريبة جاوبات..
ايمان: شكون؟
لؤي: انا لؤي.. سمعيني عندك ربع ساعة نتسناك تخرجي .. ولا ندخل لداار.. و مكاين لي خرجني .. ( قطع عليها )..
خلاها كتغلي من داخل .. طلات من سرجم لقاتو واقف تماا.. و متكي على لحييط..و كيشوف فساعة...

دغيا لبساات .. كسوة طويلة بكمامهاا .. و جمعات شعرها عشوائيا و خرجات بجرية عندو..
ايمان: مخور فمخك يمكن.. سير بحاالك دب ناس يشوفوناا ماناقصنييش مشاكل..
لؤي: يلاه معاياا و ماغيكون تا مشكييل ..
ايمان : ( خايفة منو لا يرجع يديها لديك لبلاصة ).. الا ماغنمشيي معااك لتا بلاصة سير بحااالك..
لؤي: (زاد حقد على راسو فاش شاف نضرة الخوف فعينيها ).. ايمان تيقيني مغنآديكش.. بغيت غي نهضر معاك..
ايمان: فااش غنهضرو بسلامة.. بعد منييي بعد من طريقي .
لؤي: اوك.. ( هزها فوق كتافو بحال ريشة .. و هي كتفركل و تقمش فضهرو.. ماقاداش تغوت باش مايشوفوش جيران و مايسمعها حد)..
وصل لطوموبيل .. ركبها لقدام و سد لباب و طلع هو تاني .. كيصوg و هي كتغوت باش يحبس و ينزلها..
ايمان: طلقنييي نمشي بحالي..
لؤي : غندوييو.. ديك ساعة ديري لي عجبك
ايمان: معندنا فاش ندوييو انا ويااك .
فضل يبقا ساكت و خلاها كدوي و تغوت فوجهو.. و هو ساكت مكيحاوبهاش هادشي لي زاد جننها.. وصل لبارطمة ديالو.. هزها تاني فوق كتافو.. هنا بدات تغوت حيت خافت.. و دموع بداو ينزلو ليها بحال شلال.. دخلها حطها .. و سد لبااب بساروت دايرو فجيبو .. و متكي على لباب حاضيها..
ايمان: عفاك رجعني بحاالي. 
لؤي: علاش خايفة مني لهاد درجة.. مغنآديكش.. اصلا منقدرش نآديك. نتي حياتي.. هاد الوقت كلوو.. كانقلب علييك ماخليت فين قلبت..
ايمان: باش ترجعني لداك لجحييم و تولييي تبييييع فلحمي..
لؤي: ( غمض عينيه بآلم ).. عارف راسي .. دمرتك و عدبتك.. ولكن.. انا كنت باغييك من لول.. من اول نهار شفتك فييه.. قلت مع راسي هادي ديالي .. مستحييل نخليها لشي حد اخر من غيري.. من بعد ديك ليلة لي شفتك فيه مع داك زامل.. ناوعيتش على راسي شكنت كانديير..
ايمان: هيييييييئ هننى حبس حبس حبببببس برااااكة هئئئئىىى هنئ مابغيت نزيد نسمع وااالو.. شحاااال بكيت شحال ترجيييتك هئ هئ .. بيديييك بيدييييك نتا رميتينييي ليهم😭😭..
لؤي: ( نزلات دمعة حارة من عينو ).. ايمان .. كنترجاك سمحيلي مستحيل نخلييك من بعد مالقيتك .. طول هاد المدة..
ايمان: عمرييي ماغنسمح ليك و نسا اش دوزتي علياا.. شحال من بنت دمرتي.. شحااال.. 
لؤي: غنبقاا تابعك.. تا تسمحيلي.. الله كيسامح شكون حنا لي مانسمحووش...
ايمان: دعييي ربك يساامحك عاد اجي طلب سماحة من ناس لي آذيتيهم.. نتااا راك وحش بصفة انسان..
لؤي: تيقينيي.. من نهار خسرتك.. بعدت على ديك لخدمة.. ما تخيلييش شحال تعدبتك.. تا نعاس ماكانش كيجيني بتآنيب الضمير.. ريحيني خلاص ا ايمان...

ايمان: هادشييي فاش غينفع ؟؟؟ غيرجعلييي كرامتيي!
لؤي: ( قرب ليها و حد يدو على وجهها بحنان ) عفاك ا ايمان سمحيليي.. غنعوضك على كلشي ..
ايمان: ( نترات يدو بجهد ) عمرك.. عمرك تقيييييسنيييي دبااا طلق مني و هليني نمشي بحااالي..
لؤي: تا تسمعيني لول..
ايمان : الخرااااا مابغيت نسمع منك وااالو بعد منيييي لاش راجع تخربقلي حيااااتي..
جلس فصالون و هي بقات واقفة كتسناه يفتح لها لبااب .. مادار تا ردة فعل بقا حااني راس... و داير يديه فوق راسو بتعب .. بحالا كاع مشاكل دنيا هازها فوق كتافو... بقا سامت مدة عاد هضر.. بنبرة حزيينة كيعاود ليها على سبب لي هلاه يلتاجئ لديك الخدمة.. و كيفاش تا بعد منها و شحال تعدب و مقدش ينعس .. ولا ترمش عينو قاصى بزااف.. واها عارف بليي خاصو باقي يتعدب.. ولكن مغيفقدش الامل تا يفوز بيها.. ولا يخسر حياتو.. حيت ايمان هي حياتو .. نهار شافها فلعرس خس بروح رجعاتلو .. اول مرة ضحك من قلبو بعد مدة.. هي بقات كتسمع .. واخا بقا فيها و لكن عمرها تنسا شي لي دازت منو .. لا هي و لا لبنات لي كانو معاها .. تا كمل هضرتو طلع فيها عينيه لي كانت حمرة و مدمعة .. مابقا ليه والو و طيح دمعة من عينيه .. 
ايمان: هادا ماشي مبرر باش تنوض تعدب و تخطف بنات ناس و تبييع فيهم.. عمرو مكان هدا مبرر 
لؤي: ( تنهد) راني نااادم ما تخيليييييش شحال نادم .. كون يرجع بيا زمان لوور عمري كنت غا نغلط.. 
ايمان: ندامة ما غتنفعك فوالو دباا .. براكة مابغييت نسمع منك والو .. ماشي بزز مني نسمع منك.. حيد من طريقي خليني نشووووف حياتي ماتقربش لجيهتي... 
لؤي: ماغنفقدش الامل .. غايجي نهار تسامحيني فيه.. ( فتح ليها لباب ).. تسنااي نوصلك .. ىا ماعارفاش طريق..
ايمان: نمشي لراسي..
لؤي: يلاه بلخاطر حسن .. ما نهزك بحال قبيلة..
ايمان : ( خنزرات فيه و تمشات )..
و هو سد لباب و تبعهاا ركبات لور و هو ركب لقدام.. طريق كلو و هو حاضيها عكسها هي لي مطلعاتش فيه عينها .. طلبات منها ينزلها فراس درب على عيون ناس...

دخلات لداار و هي تغوت ..
ايمان: سااااااارة واااع لا لا ممتيقاااش ..
سارة: (طارت عليها و عنقاتها كتبوس فحناكها)... 
تسالمو و جلسو مع بعضياتهم.. سارة صاحبة ايمان ..كانو كيقراو بزوج فطنجة .. طورات علاقتهم وولاو صحابات.. فاش جات لكازاا سارة بغات دير ليها مفاجأة و جات عندها تجلس معاها شي يامات..
سارة : امضراا شنو خبارك.. من نهار جيتي ماعيطتيي
ايمان: سمحيلي را غي كنت لاهية مع عرس خوياا .. 
سارة: اوا مبروووك الالة.. ونتي ماناوياااش تزوجي و تولدي شي وليد. 
ايمان: براكة من ضحك.. انا مابقييتذ كنفكر فزواج ولا غيرو ..
ايمان: وا صااف ا ايمان خاصك تنسااي و تعيشي حياتك.. هداك كان من لماضي ناتبقايش تفكري فيه..
ايمان : ونتي.. كيبقيتيي مع محمد
سارة: همم تخطبناا ( و وراتها لخاتم لي فيديها )..
ايمان: هههه الاا ( عنقاتها) مبروووك مبرووك.. ماتخيلييش شحال فرحت..
سارة : لعقبة ليك..
ايمان: فيين مشات مي..
سارة: كانت كتوضاا .. 
ايمان: اوك تبعيني للكوزينة نصايبو شي حاجة ناكلوها بزوج..
سارة: اه رااني جييييعاااانة..
دارو ماياكلو و بقاو كيهضرو على لي فاتهم شنو وقع و شنو الجديد.. سارة لاحضات بلي ايمان متشي تالهييه بقات كتحكر و تسول و تضغط عليهاا تا خلاتها تعاود كلشي..كتعاود و دموعها ماحبسووش.. على اختطافها وشنو داز عليهاا .. و البنت لي بغاها خوها .. مانسات تا حاجة .. سارة ناضت عنقاتها..
سارة : ششش صافي ا ايمان.. علاش سكتي وهزيتي هاد الهموم كلها فقلبك..
ايمان: ( مسحات دموعهاا و تنفسات الصعداء ) غنحااول غنحااول نساا
سارة:حقييير و باقي كيقولك كنبغييك..مريض هادا فرااسو 
ايمان: صافي نساااي .. جيتي تفوجي بلاماا تشغلي راسك بهاد شي..
سارة: غتسنااي غتنسااي كلشي..

سهار و جوكر..وصلو لشفشاون .. شدو اوطيل جلسو فيه .. و الجو مكهرب بيناتهم.. واخا كيهضرو واحد مقلق من تاني.. دوشاات وخرجات لاوية عليها فوطة و شعرهاا كيتقطر بلماا نازل ليهاا على صدرها جوكر.. كان حاضيها مكرهش ينقز عليهاا و ياكلهاا .. 
شاد راسو بزز بقا مراقبها بنص عيين.. و هي ولا على بالها تا مقدرش يصبر.. قرب ليهاا معنقهاا و هي ولا حركة مزال دايرة فيها مقلقلة .. باسهاا ففمها بوسة رطبة خلاتها تسد عويناتهاا .. تبسم ابتسامة خفييفة و كمل على لي بدااه .. كيبوس فشفايفها بكل حب .. بحالا كيروي عطشو .. تعلات و دورات يديها ورا عنقو .. و هي طيح ليهاا الفوطة .. لقاها فرصة شد فطرماحة كيتلمس فيها و فكل ذاتها.. هزها وحطها فوق ناموسية و هو باقي كيبوس فيهاا .. و هو كطلق اهات خفييفة .. حيد حوايجو تاهو بقا غا بلبوكسر.. شد ليها يديها .. و دفن راسو فعنقهاا كيمص.. و يدوز لجهة لوخراا خلاه كلو مطبع .. بقا نازل بقبلاتو تا وصل للمركز... فرق ليها رجليهاا كيلحس فيه و هي شادة فليزار و كتوحوح بجهد.. ما تهداات تا جابتو .. كتنهد.. حيد البوكسر جبد.. لمعلم حطو.. ف ... 😂😂 و هي كانت كتسترجع انفاسهاا ماحسات غي بلمعلم داخل فيها.. تاوهاات .. دورات يديها على عنقو مستمتعة شهوة مخلطة مع الالم.. جابو فيه و طاح حداها كينهج.. حطات راسها على عنقو تا غفات .. كانت اصلا عيانة مع طريق و مع لماتش لي لعباتو😂😂.. حس بيها نعسات .. دخل هو لدوش .. دوش و خرج نعس حداهاا..
#تسريع_الاحدات..
دازت سيمانة على جوكر و سهار دوزوها كلها دوران و ضحك و لعب .. ماخلاو ما دارو بهبالهم.. 
كانو جالسين فلقهوة .. تا شدات فيه و فكرشهاا كتألم و تغوت .. كاع لي فلقهوة ناضو يشوفو مالها .. جوكر هزها فيديه و حطها فطوموبيل .. مكسيري بسرعة داها لوبيطال .. دخلوها كيتسناا و خايف لا تكون واقعة ليها شي حاجة .. خرج دكتور متبسم..
دكتور: مبرووك.. مرتك طلعات حاملة ..
جوكر:( بقا واقف كيستوعب شي لي كيقولو .. بقا كيضحك بحال شي هبيل من لفرحة ).. زعما واش بصح.. بغيت نقول واش .. ( هربات ليه الهضرة .. )..
دكتور: ( ضحك و مشا بحالو )..
وهو دخل عندها لقاها جالسة و شادة فكرشهاا .. فرحانة قرب ليها باسها فجبهتها ..ويديها..
جوكر: هدا احسن خبر سمعتو فحياتي كلهاا...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.