حلات عينيها بشوية و هي كتحك فيهم.. وقفات و هي مزالة دايخة بالنعاس و كتفوه.. دخلات الحمام غسلات و خرجات كتكسل.. دورات وجهها عااد شافت الغرفة.. البارح مرداتش ليها البال كانت عيانة.. بقات غير حالا فمها عجباتها بزااف.. حسن من غرفتها القديمة و هادي اساسا تصميم ديال البنات ماشي بحال غرفة جوزيف.. فيها زوج ألوان أساسية حمر بارد مايل للوردي و الأبيض.. سرير دائري وسط الغرفة جنبو كوافوز فنفس الأحمر و فوقو مرايا مزخرفة بشكل رائع.. زوح كنابي قدام السرير.. عاد الشرفة لي مدلي عليها الخوامي و مطيرهم الريح.. فيها طبلة ديال الزاج بزوج كراسا فالأطراف ديالها.. دورات وجهها شافت الماريو حلاتو و تصدمات.. تقريبا بحال شي غرفة بوحدو عامر بالملابس النسائية.. السراول من جيه التيشورطات و لي شميز من جيه عاد الكساوي فجهة خرى و الصبابط اشكال و الوان تحت.. شافت فداكشي باقي جديد.. اكيد عاد دخلو للخزانة.. رجعات سداتو و نزلات بخطوات بطيئة كانو غير الخدم كيتجاراو.. بقات غادة كتستكشف فالقصر حتا وصلوها رجليها للمطبخ.. شمات ريحة الأكل هي لي وصلاتها.. سمعات شي صوت جاي من وراها..
المرأة: بنتي اش كديري هنا.. خاصاك شي حاجة نجيبها ليك.. (دارت بانت ليها مرة كبيرة فالسن شوية و لكن باقا شادة فراسها)
اكرام: لا غير كندور فالدار..
المرأة: اه ا بنتي.. المهم الى خصاتك شي حاجة معليك غير تأمري..
اكرام: شكرا.. واش نتي دادا لي هدر ليا عليها لؤي؟!.. قاليا ففاس ما فاس..
المرأة: لا ا ختي كنظن غيكون دوا على جداكم.. حتا انا كيناديني بدادا و لكن مدام قال فاس راه كان كيدوي على لالة فاطمة..
اكرام: اااه شكرا..
المرأة: لا ا بنتي مكين لاش.. لؤي وصانا عليك بزاااف.. انا مليكة لي مكلفة بالخدم هنا و لؤي ولدي الله احفظو كيعتابرني فمقام داداه..
اكرام: اه مشرفين باينة.. خالتي.. و لا دادا تقدي تقولي ليهم يصاوبو ليا معقودة تشهيتها..
مليكة: على الصباح ا بنتي.. غضرك.. و كنظن مزال مفطرتي..
اكرام: لا ماشي مشكيل.. عفاااك بغيتها دبا..
مليكة: ههه واخا ا بنتي هي لولة..
اكرام: (باستها على خدها) شكرااا دادا.. انا غنجلس فالحديقة.. (خرجات كتجري و خلات دادا مليكة كضحك عليها.. ظنات بللي غير آلاء لي هبيلة....
جلسات فجليسة صغيرة فالحديقة حتا جات عندها دادا.. حطات ليها المعقودة عصير و شي حوايج خرين ديال الفطور.. طاحت فالطبسيل ديال المعقودة عمية مهزات راسها حتا كملاتو عاد خدات ليها العصير.. هزات راسها بان ليها لؤي واقف عليها و داير ابتسامة جانبية..
لؤي: هادشي على الصباح..
اكرام: معرفتش تشهيتها و صافي..
لؤي: مممم غيكون غير الوحم.. يللا نوضي لبسي باش تمشي تشوفي عائلتك..
اكرام: اه واخا هي لولة.. (طلعات لغرفتها حلات الخزانة و جبدات سروال ديال العسكر طالع حد السرة مع تيشورط ميني فونطر بيض و واسع.. لبساتهم و هزات صبادري باسكيط بيضة... نزلات مع الدرج و خرجات لقاتو كيتسناها فالسيارة.. حلات الباب و طلعات حداه.. حرك لوطو و كسيرا..
لؤي: اه.. حيت تقريبا هي لي كبراتني.. كنت عايش معاها فهاد القصر..
اكرام: اه.. و لاش مبقيتيش مع دادا ففاس..
لؤي: مبغيتش.. مكيعجبنيش سيسطيم ديالها..
اكرام: ياكما تكون من دوك الفاسيات نيييت القاصحات..
لؤي: بحال داكشي.. و لكن متخافيش تعاملها مع كنزة كيبقا مختالف.. و حتا نتي حفيدتها..
اكرام: مممم على الله.. (طلعات النفس و نزلاتها بقوة و بصوت مسموع) معرفتش كيغندير نتساير مع العيشة الجديدة..
لؤي: واش ممكن تحبسي من الأسئلة و توريني طريق داركم منين؟!..
اكرام: هه واخا.. غتمشي لحي ****..
لؤي: صافي عرفتو.. احم اكرام
اكرام: ويي..
لؤي: الشقة لي كنت فيها مع آلاء غتبقا غير خاوية دبا.. داكشي لاش فكرت انك تخلي عائلتك فيها.. اول حاجة غياخدو راحتهم و كيبقاو هما لي رباوك و اكيد مصروفهم على حسابي..
اكرام: معرفتش محال واش غتبغي ماما و لا ختي..
لؤي: مهمتك تقنعيهم..
اكرام: (دارت شافت فيه مطولا بنظرات غريبة و رجعات شافت قدامها) دبا هاد كنزة ختي.. كيدايرة؟.. واش فعلا كتشبه ليا؟!.. (طووول الطريق و اكرام غير كتسول على جميع المواضيع خاصة عائلتهم عندها فضول كبير باغا تعرف كلشي.. و أكييد ما بيد لؤي غير انه يصبر و يجاوبها.. وقف فاش وصل للدرب ديالها.. دارت شافت فيه لقاتو نزل.. دار للجهة لاخرة ديال السيارة و حل ليها الباب.. مد إديه شدات فيه و شاف فيها بحالة كيقويها..
نزلات و هي شادة فيديه.. دورات وجهها كلشي حاضيهم.. من عيالات دراري و حتا رجال.. أكييد و هو حي شعبي و واضح عليه الفقر من الراس ديالو.. ماشي عادي ان الفيراري واصلة ليه.. سمعات الهدرة ديال شي عيالات أكيد عرفوها واخا كدير النقاب ماخافيش عليهم وجهها.. دفعات الباب بدون اهتمام ليهم.. تحل و طلعات مع الدرج الضيق بشوية.. لؤي غير تابعها و كيتحسس فأرجاء المكان بعينيه.. دقات كتسنا الجواب و هي كتفكر طفولتها لي دوزات فهاد الدار.. كيفاش غتقدر تقول للمرأة لي رباتها بللي هي راجعة مع عائلتها الحقيقية.. تحل الباب.. كانت غيثة.. شادة البواني ديال الباب بأطراف صباعها و دايرة كتغوت على ولدها.. لؤي غير كيشوف بنظرات فارغة و حادة فنفس الوقت و ملامح غير مفهومة.. دارت شافت فيهم و كانت الصدمة..
غيثة: اكراام!!😨..
اكرام: اه مالك؟!..
غيثة: (دارت شافت لؤي واقف بكل اناقتو طلعات و نزلاتو بلعات ريقها و هي كتمنا ميكونش داكشي لي فبالها صحيح) اكرام فينو نقابك..
اكرام: واش غتخليني فالباب على ود النقاب.. ندخلو و نشرح ليك.. (حلات غيثة الباب و خلات ليهم منين ادخلو بقات مراقبة لؤي و هي مفاهما والو و 100 سؤال كيجول فبالها.. غير سدات الباب محساتش حتا تلاحت عليها اكرام عنقاتها.. كانت موحشاها بزاااف را كتبقا ختها لي مولداتهاش مها.. ختها لي تربات جنبها.. و كبرات معاها..
تكا على الحائط و هو مراقباهم.. كيفاش كانو معانقين و كيفاش شدو فيدين بعضهم و هما كيسولو على أحوال كل وحدة فيهم.. مكانش كيسمع لحديثهم.. تقريبا كانو كيهدو بهمس.. بقا مكتافي فقط بأنه يقرا شفايفهم.. هزات غيثة راسها شافت فيه..
اكرام: (بصوت مرتافع شوية) احم.. هادا لؤي.. خويا..
غيثة: (بصدمة مقدراتش تخفيها من ملامحها) خوووك؟!!..
اكرام: اه.. انا لقيت عائلتي الحقيقية ا غيثة..
خديجة: (لي كانت كتصلي فصالة.. وقفات و هي كتشوف فالأرض.. شافتها اكرام و مشات كتجري عندها عنقاتها..
اكرام: ماما توحشتك ا لحبيبة ديالي كيبقيتي..
خديجة: (كتبكي) اهيء سمحيلي ا بنتي.. سمحيليا خبيت عليك.. اهيءهيء و لكن را حيت عتابرتك كثر من بنتي مقديتش على قراقك.. اهيءهيء..
اكرام: (بعدات عليها شوية و شدات فوجهها) شوو ماما صافي انا عارفة لي كاين.. ماكاين لاش تعاودي هاد الهدرة و غتبقاي ديما ماما لي كبراتني..
لؤي: (شاف فتيلي ديالو لقاه غيطرطق بلي زابيل و حتا الميساجات.. دخل قرا واحد و تغيرو ملامحو) اكرام.. انا غنمشي دبا.. خاص نجيب آلاء.. غير جلسي و غنرجع ناخدك..
اكرام: اه صافي غير سير..
خديجة: لا ا ولدي بقا شرب معانا غير كاس تاع أتاي.. حشومة تمشي هاكا..
لؤي: مرة خرى ا خالتي مزروب دبا.. (خرج بسرعة نزل مع الدرج.. بقات متبعاه غيثة بعينيها و مشات طلات عليه من الشرجم لقاتو طالع فسيارتو.. دارت عند اكرام بنظرات اعجاب..)
خديجة: واش نتي مكتحشميش همك غا فطوموبيلات دبا.. الله يا ربي يا كبيدتي فين غتمشي و تخليني..
غيثة: كيفاش طرا هادشي بعدا..
اكرام: نجلسو بعدا و نعاود ليكم..
نخليوهم اكرام كتعاود ليهم.. اكيد مقالتش الحقيقة.. قالت فقط انها تلاقاتو فخدمتها لي هي x بالنسبة لمها و الرقص بالنسبة لغيثة.. و نمشيو للؤي من بعد ما وصل آلاء للقصر و سولها كيدوزات.. رجع طلع فسيارتو و كسيرا.. وقف فاش وصل قدام الشركة.. دخل و طلع بخطوات ثقيلة مع مشيتو المعتادة و شوفاتو الحادة.. حتا حد ممنعو كلشي ولا عارفو.. حل باب المكتب بقوة و دخل.. كان عاطيه بالضهر داير إدو فجيابو و كيشوف فالزاج ديال المكتب.. دار فاش سمع صوت الباب كيتحل..
جوزيف: على السلامة..
لؤي: (سد الباب و تقدم فاتجاهو بخطوات سريعة) اش هادشي لي سمعت؟!..
جوزيف: كيفما سمعتي.. السلع موصلاتش لإيطاليا.. تعرضات ليهم الشرطة الدولية فآخر لحظة.. و مزال معرفنا شكون بلغهم و كيفاش وصلات ليهم المعلومات..
لؤي: و الفلوس؟!..
جوزيف: موصلوش..
لؤي: يعني خسارة للأطراف بزوج..
جوزيف: (جبد سيجار من جيبو شعلو و بدا كيكمي فيه بكل برود و هو كيخرج الدخان من فمو) لينا و ليهم..
لؤي: شفتك مبرد و مرتاح..
جوزيف: (هز فازة كانت حداه و شير بيها على الحيط فلحظة تحول من الرجل الهادئ لثور هائج بالأعصاب خاصو غير فين ابرد أعصابو) شنو بغيتيني نقتل دوك الأغبياء واحد واحد على هاد الخسارة... (دوز إدو على وجهو و هو كيحاول يبرد نفسو) أغلبيتهم رجالك.. تكلف بيهم..
لؤي: يستحيل ندوزها ليهم.. و مالك نتا بنتي ليا ماشي هو هداك؟!..
جوزيف: بلا متسول من الأحسن.. (حط السيجار من إدو حط إدو فجيابو و مشا بخطوات بطيئة فاتجاه لؤي..) متأكد ا لؤي معندك حتا علاقة بموت ياسر؟!..
جوزيف: متأكد ا لؤي معندك حتا علاقة بموت ياسر؟!..
لؤي: واش عارف راسك اش كتقول؟!..
جوزيف: اه عارف.. عارف مزيااان.. نهار مات ياسر كلشي طرا بزربة.. رجالك هما لي تكلفو بكلشي لدرجة حنا محضرنا تا لآخر لحظة حتا كانو دفنوه.. و كان واضح من لول إعجابك بآلاء.. فاش مات دغيا قررتي أنك تزوج بيها و مسمعتي لرأي حتا واحد فينا.. شنو زعما هادشي كللو محبة فياسر..
لؤي: شنو كتقصد؟!..
جوزيف: لحد الآن مزال مقصدت والو.. شنو مخبي ا لؤي؟!..
لؤي: لا لا نتا أكيد ماشي فوعيك.. و إلا مكنتيش غتقول هاد الهدرة.. كنظن غير مزال متقبلتي ان اكرام خرجات من قصرك داكشي لاش بديتي كتخربق..
جوزيف: اكرام معندها حتا شي دخل فهادشي.. انا غير لصقت الأحداث و استنتجت.. كنتمنا ا لؤي ميكون عندك حتاشي دخل.. حيت الى لقيت شي علاقة و لو بسيطة متقدرش تصور اش ممكن ندير... (خرج من المكتب بلا ميزيد كلمة وحدة.. حط لؤي إديه على المكتب و هو كيحاول يستجمع أفكارو.. بالكاد قدر يستوعب اتهامات حوزيف.. هادشي طول بزاااف خاصو يوضع حد لهادشي.. خرجو من أفكارو صوت الهاتف ديالو.. جبدو كانت نمرة كنزة..)
لؤي: ويي
كنزة: كيفاش وي.. مالك اش كاين لقيت تيلي غيطرطق غير ب الكال ديالك..
لؤي: علاش مكتجاوبيش؟!..
كنزة: واه كنت مع صحابي كنحفضو.. هادشي لي كاين..
لؤي: كتحفضو و لا مقصرين؟!.. عنداك تفكري بللي خبارك مواصلانيش.. و كل مرة حفلات و تقصار فشكل.. راك تم غير باش تقراي.. عنداك تنساي هادشي..
كنزة: ..!!? serious you right now لؤي راك عارفني مزيااان.. ميمكنش نبقا غا القرايا ضروري مرة مرة من الخروج و الحفلات راك عارفني.. و عاد رجالك تابعيني فين ما مشيت..
لؤي: هاحنا غنشوفو نقاطك.. مبقا والو و يسالي العام..
كنزة: احم مغنقدرش نرجع...
لؤي: لاش؟!!
كنزة: باقي ليا شي حاجة و غنعوض فهاد العطلة..
لؤي: ها لي قلنا.. واخا تالمن بعد و نشوف اش ندير معاك.. (قطع و هو حاس براسو كيغلي.. نساراسو أنه فمكتب جوزيف خرج بسرعة طلع فسيارتو.. كسيرا بسرعة خيالية و دوز الإتصال بواحد من رجالو دار الهاتف على مكبر الصوت و حطو..
......: الو مسيو لؤي..
كانت جالسة كتبادل اطراف الحديث مع الام ديالها و ختاها من بعد ما تغداو مجموعين.. كانو كيهضرو فمواضيع مختالفة...
اكرام: احم ماما.. بغيت نطلبك طلب و نتمنا مترديهش فوجهي..
خديجة: الله يا ودي يا بنتي.. علاه انا مزال نقول ليك لا.. طلبي عويناتي نعطيهم ليك..
اكرام: هه لا ا ميمتي خلي عويناتك عندك.. فالحقيقة ا ماما.. لؤي عندو واحد الدار فحي زوين و نقي.. و بغاكم تحولو ليها منها نيت تهناو من الكرا عاد المصروف بغا هو لي يتكلف بكلشي ديالكم..
خديجة: لا ا بنتي مبغيناش نثقلو على السيد..
اكرام: مكين ما لا ا ماما.. معندك ما ثقلي عليه.. الدار مدير بيها والو هو غير محطوطة و الى بغا وحدة خرى يشريها فساعتها.. نتوما كتبقاو عائلتي و حتا انا مطلبت منو والو هو لي اقتارح هادشي بنفسو.. و نتي قلتي مغترفضيش طلبي.. براكة عليكم من هاد العيشة و دبا انا بنتكم ميمكنش نعيش فراحة الى كانت خاصاكم شي حاجة..
خديجة: اوا شغنقول ليك ا بنتي.. الله ادير لي فيها الخير..
غيثة: انا را مزال ما قتانعت بيك لاش حيدتي النقاب مزال مبغات دخل ليا لراسي.. غا شفتي الفلوس درتي ما بغيتي..
خديجة: تي خليها عليك.. مزالة صغيرة اش بغات بشي نقلب انا اصلا مكنتش باغاها ديرو من لول.. را غير لصقات عليه و صافي..
اكرام: (باست إيد مها) ربي يخليك ليا حبيبتي..
غيثة: و سبحااان مبدل الأحوال ههه (وقفات فاش سمعات صوت الدقان.. حلات الباب لقاتو لؤي.. و لكن هاد المرة كان مخنزر كثر من الصباح و شوفاتو الحادة بحال الخنجر كتختارق الأجساد..)
لؤي: تقدري تكلمي ليا اكرام.. (هزات راسها باه و هي مستغربة من حالو.. مشات بخطوات متسارعة وقفات حداهم)
غيثة: اكرام.. خوك جا..
اكرام: هي صافي خاص نمشي.. غنتوحشكم بزاااف.. (عنقات الأم ديالها و هي كتبكي.. رجعات عنقات غيثة و بقات كل وحدة فيهم كتبكي على كتف لاخرة.. ليوم و للمرة التانية خاصها تودع مكان عزيز على قلبها.. مكان عاشت فيه كل طفولتها.. فرحها و حزنها.. آلامها و سعادتها.. نزلات دمعة حااارة من عينيها و هي كتخطي عتبة الباب.. نزلات فالدرج بخطوات بطيئة كتحسس فالأرجاء بعينيها.. خرجات لقات لؤي حال ليها باب السيارة و واقف كيتسناها.. ضارت شافت فالدار مطولا من برا.. فالتالي تنهدات و طلعات للسيارة.. دار لؤي طلع هو كذالك و كسيرا ..
بقاو غادين فصمت تام.. مسافة الطريق و كانو قدام القصر.. نزلات اكرام غير سدات الباب رجع لؤي كسيرا.. طلعات لغرفتها مباشرة تكات فوق سريرها كانت عيانة و محتاجة للراحة...
دازو يوماين من الروتين عند اكرام.. جالسة غير فدار و كتحاول تجنب آلاء و أسئلتها لي بدورها كانت مشغولة بالباك ديالها.. كانت جالسة هي و آلاء فالحديقة كيديرو العصرونية..
اكرام: كيدوزتي؟!
آلاء: سافا.. مزيان با مال..
اكرام: ممم مزيان.. غا شوفي و كان هه
آلاء: احم نكدب عليك ا ختي انا اصلا مدرتش شي خدممممة هي باش نتوقع شي معدل ههه.. النجاح مضمون و لكن النقطة منظنش..
اكرام: هه اودي المهم راك دوزتي و صافي..
آلاء: اصلا معندي مندير بيه.. مكنتش باغا ندوزو غير لؤي لي بززو عليا.. قالك لا غتحتاجيه شي نهار غير دوزيه و ناض جاب ليا لي بروف بففف..
اكرام: هه و شكون بحالك..
آلاء: (حطات كاسها ديال القهوة و تقادات فالجلسة) احم اكرام..
اكرام: (حطات كاسها ديال العصير و تقادات فالجلسة هي التالية) كيفاش زعما..
آلاء: معرفتش.. راك عارفاه دغيا كيتعصب و مكيبقاش عاقل على راسو.. واحد المرة كان قال ليا حمدي الله نتي ماشي مراتي بصح و غير أمانة عندي حيت لي كنت غنديرو فيك مكيتصورش.. منعستش ديك ليلة و انا غير كنفكر فهضرتو.. دبا انا مراتو بصح ممكن شي نهار يديرها الى عصبتو..
اكرام: مديش عليه ا آلاء.. هو واضح ان شخصيتو حادة و طبعو صعيب.. و لكن هاديك غير هدرة و دبا نتي هي حياتو.. كوني هانيا مغيقدرش يآديك غير لحظة غضب و دازت..
آلاء: معرفتش.. كنتمنا هضرتك تكون صحيحة..
اكرام: متخافيش راها صحيحة.. (تنهدات فنفسها و حدرات راسها.. هي بنفسها ممقتانعاش بهدرتها.. هدرة آلاء صحيحة لؤي واضح عليه سريع الغضب.. و العاصفة لي كتجي ورا غضبو ممكن دمر كلشي.. حتا أقرب الناس ليه.. هزات راسها ابتاسمات فاش شافتو..)
اكرام: عمرك طويل..
آلاء: كيفاش.. (سكتات فاش حسات بيديه فوق إديها و قبلة منو على عنقها..)
لؤي: شادين فيا النميمة.. اش كتقولو عليا..
اكرام: (وقفات و مشات فاتجاهو بخطوات واثقة وقفات فاش وصلات حداه و حطات إديها على كتفو) خير.. غير الخير... غنطلع نوجد راسي كنظن جا الوقت باش نمشيو.. .
طلعات لغرفتها هزات السبادري ديالها لبساتو.. و نزلات لقات الخدم نزلو ليها لي فاليز دياولها.. طلعات هي و آلاء فالسيارة لور و لؤي هو الشيفور القدام.. تحركات السيارة و تبعوهم زوج سيارات كحلين فيهم لي كارد كورد.. بقاو غادين فصمت تام.. اكرام و آلاء كللا وحدة شادة تيلي ديالها كتخربق فيه.. اما لؤي فكان مسافر بدماغو لبعيييد.. مسافة الطريق و كانو قدام المطار.. أكيد مغيمشيوش بالسيارة غتلزمهم مدة طويلة باش اوصلو.. استغربو البنات بزوجات فاش موقفوش لأي إجراء فالمطار.. مشاو مباشرة لبلاصة الطائرات.. لقاو الطائرة الخاصة فانتظارهم.. دارو كيشوفو فبعضياتهم حتا ناداهم لؤي..
لؤي: غتحركو لا؟!.. را مغنباتوش هنا.. (تبعوه و طلعو جلسو بلاصة بحال الصالون و الطائرة مزال كبيرة حتا وحدة فيهم ما تجرآت تنوض دور فيها.. جلسو بزوجات قدام لؤي..
لؤي: اكرام..
اكرام: مممم..
لؤي: عطيني نمرتك باش تبقا عندي.. الى حتاجيتك نلقاها..
اكرام: اه واخا.. ** ** ** ** 06 ...
لؤي: (دخلها فتيلي ديالو) اه واخا.. ديرو تيليفوناتكم على مود افيون.. (دارو داكشي لي طلب منهم بلا ميناقشو.. سرعان ما بدات الطائرة كتقلع.. شدو فيدين بعضهم و هما كيشهدو.. كانت اول مرة لكلتاهم فالطائرة.. احساس غريب اول مرة كيعرفوه.. علا لؤي راسهم شافهم كيفاش هازين ريوسهم للسما و كيتمتمو بكلمات غير مسموعة.. ضحك على منضرهم و هو كيتصفح أخبار البورصة و عالم البيزنس فالجريدة...
نصف ساعة او اقل و كانو فمطار فاس.. نزلو من الطائرة غير خرجو لقاو ثلاثة السيارات كيتسناوهم.. طلعو فوحدة على نفس وضعهم من قبل.. و لي كارد كورد من وراهم.. مسافة طريق مرة أخرى و وقفات السيارة.. نزلو و هما كيشوفو قدامهم رياض رااائع غير من الواجهة ديالو.. شي حاجة متقدرش تعبر عليها او توصفها فقط بالكلمات.. تصميم و طابع مغربي 💯 بقاو غير حالات فمهم حتا فيقهم لؤي..
لؤي: واش ممكن تفضلو.. (دارو شافو فيه و تحل الباب حطو أول خطوة فيه.. مكانوش عارفين بللي هاد الرياض هو لي غيشهد على بزاااف ديال الأحداث فحياتهم القادمة.. غيشهد على أفراح كثييييرة.. و فالمقابل أحزان متقدرش تنسا بسهولة او بالأحرى عمرها غتنسا.. دخلو مع الحديقة الواسعة و هما كيتأملو فالمكان.. يللا غيخطي لؤي باش ادخل وسط الرياض حتا كيحس بإيد اكرام شادة فيديه و جراتو..
لؤي: (بصوت هامس) اكرام اش كاين؟!..
اكرام: لؤي دبا انا حاملة.. و نتا قلتي بللي دادا صعييييبة بزااااف.. شنو غتكون ردة فعلها الى عرفات بقصة حملي.. خايفة بزاااف.. خايفة لا تكرهني.. خايفة أنها متقدرش تقبلني.. ..
اكرام: خايفة أنها متقدرش تقبلني.. خايفة بزاااف..
لؤي: حيدي هاد الافكار من بالك.. هادشي مكينش و انا متأكد انها غتفرح بيك.... (قاطعاتو قبل ميكمل كلامو)
فاطمة: لاش ا وليدي حتا نفرح بيها انا.. مالي هبلت.. (دار شاف فيها كانت واقفة خلفهم.. مشات بخطوات ثقيلة حتا وقفات قدامهم.. هزات اكرام راسها فيها بصعوبة.. مقدراتش تشوف فعينيها.. كانت مرة كبيرة شوية فالسن و لكن مزال مهلية فراسها.. عينيها رماديتين نفس عينين اكرام و نفس النظرة.. مكياج خفيف على وجهها مقطعة شعرها كوب كارسون و مصبغاه فلاكاجو.. كانت لابسة قفطان فالحمر مطروز بليد بالذهبي.. و مخفاش عليها حتا الذهب لي كيزين ودنيها.. عنقها و حتا إديها.. حدرات اكرام راسها و هي كتشوف فالخوا)
لؤي: دادا خليني نشرح ليك.. (آلاء غير كتشوف و ماقادرة تفهم حتا كلمة من نقاشهم)
فاطمة: معندك ما تشررح لي.. (رققات الراء فتشرح) تزوجتي بلا خبارري.. ءلتي (قلتي) خت صاحبك و كذا.. ءلنا (قلنا) مافيها باس.. و لكن باش تجيب لي يا ولدي ينات الزنائي (الزناقي) و باغيني ندخلهم لوسط داري.. لا يا ولدي غلطتيي.. هادي لي عمرها تكون..
لؤي: دادا راها ختي..
فاطمة: كيفاش ختك.. واش هبلتي نتينا ا ولدي و لا باغي تهبلني.. كلشي خواتاتك نتينا.. منعرفها منين جابت داك الويل لي فكرشها.. و بغيتيني ندخلها لآع (لقاع) داري.. (دارت إيد على إيد) لا بنتي لي بديتي كتخرف نتينا.. (حدرات اكرام راسها و نزلات دمعة حاارة من عينيها.. شنو كانت كتوقع أنها تقبلها و ترحب بيها بصدر رحب.. هاهيا موقفاها قبل ما تفوت عتبة الباب.. حسات بالخناجر كيتغرسو فقلبها.. مقاداش حتا تهدر و كتحاول تكتم شهقاتها.. مسحات الدمعة المحطوطة على حنكها بطرف صبعها)
لؤي: (شاف فاكرام و شاف الدموع لي فطرف عينيها) دادا هادي را اكرام.. اكرام ختي و حفيدتك..
فاطمة: (كتحاول تستوعب كلماتو لي مبغاوش يدخلو لراسها) اكرااام؟!..
لؤي: اه اكرام.. اكرام لي غابت علينا سنين حتا فكرنا انها ميتة.. (بقات فاطمة كتشوف فيه.. دورات وجهها عند اكرام و هي كتمتم بكلمات غير مسموعة او مفهومة.. حطات إديها لي كانت كترعد على خد اكرام و همسات بصوت خافت..)
فاطمة: بنتي.. (محساتش حتا جراتها عندها عنقاتها.. هادي بنتها حفيدتها لي خلاتهم سينين طويلة هادي.. ضماتها عندها بقوة محساتش حتا بداو دموعها فالسيلان.. كانت مشتاقة ليها و بزاااف.. مزالة كتفكر اول مرة هزاتها بين إديها.. عمرها تقدر تنسا اول كلمة نطقاتها.. دازت قدام عينيها كل لحظة معاها.. فاش كانت كتشد ليها فيدياتها الصغيورين و تحاول توقفها.. فاش كانت كتمرض.. الأم ديالها كتقابل كنزة و هي كتقابلها حيت توأم كيمرضو فدقة..
فاطمة: (بعداتها عليها شوية و شدات وجهها بين اديها) اكرام.. بنتي..
اكرام: (هزات راسها باه.. دموعها و شهقاتها المتواصلة منعوها من الكلام)
فاطمة: الله يا رربي.. و اخيرا ربي رحمناا و رجعك وسطنا.. (جراتها من إديها و هي كتمسح وجهها لي غطاوه الدموع) اجي ا بنتي جلسي اجي.. غتكوني عيتي.. (دخلو لصالون تقليدي كبيييير و واسع ضايرين بيه السدادر.. تلامطو فالبيض مرسوم بالحمر.. العود ديالهم فالبني البارد و منقوش بطريقة رااائعة و محترفة.. زربية حمرة رباطية مزينة الصالون من صنع اليد عاد طبلة دائرية الشكل فالوسط بنفس شكل عود السدادر و طبقة من الزاج فوقها.. دخلو جلسات اكرام حدا جداها و آلاء مقابلة معاهم.. اما لؤي جاه اتصال و خرج للحديقة كيدوي..)
فاطمة: الله يا ربي يا بنتي.. متءديشي تخيلي فرحتي بيك ءدااشي..
اكرام: (اكتافات فقط بابتسامة)
فاطمة: سميرة.. سميييرة..
لمياء: (جات كتجري و هي حادرة راسها) نعام ا لالة..
فاطمة: سيري عمري لينا واحد براد أتاي يكون متيييول.. و جيبي معاك دوازو.. ليوم فرحتي ببنتي مءادانيشي فالدنيا..
لمياء: واخا ا لالة هي لولة.. (خرجات بسرعة.. كانت بنت تكون فالثلاثين من العمر.. لابسة صايا قصيرة فوق الركبة لاصقة و كحلة مع قميجة بيضة خاشياها فيها و جامعة شعرها كوب شفال.. غتكون رئيسة الخدم..)
فاطمة: اوا يا بنيتي شني كتعاودي.. بنتي لي صفرة.. شنو ئصتك نتينا يا بنتي.. باااين مادازشي عليك الساهل..
اكرام: (و هي كترجع سينتا ديال حياتها بلور) بزاااف ا دادا.. و لكن عفاك متسولينيش.. مبقيتش قادرة نهدر..
فاطمة: اوا شنو غنؤول ليك ا بنتي نهار ترتاحي خوي عليا ءلبك.. راني غا جداك يا الحبيبة دألبي... لمياااء.. يا لميااااء.. (شافت فآلاء لي غير ساكتة حادرة راسها و كدور عينيها فالخوا) نتينا هي آلاء؟!..
آلاء: (هزات راسها باه..)
فاطمة: (كطلعها و تنزلها) مممم.. اوا هاحنا غنشوفوك علاياش ءادة..
(جات سميرة هي و زوج من الخدم وحدة هازة صينية ديال أتاي و تانية هازة فيديها زوج طباسل ديال الحلاوي المغربية.. كعب الغزال الفقاص غريبة و غيرهم..)
فاطمة: (سيري طلعي شوانط البنات.. اكرام فداك البيت لي حدا بيت كنزة.. و آلاء.. (سكتات شوية و هي كتشوف فيها عاد كملات) حطيهم فبيت ولدي لؤي..
سميرة: هي لولة ا لالة.. ..
هزات فاطمة البراد.. بدات كتخوي فأتاي و هي كطلع فالبراد الفوووق.. عمرات الكاس لول و نصو غير كشكوشة.. عنرات تاني و الثالث.. مدات كاس لاكرام و التاني لآلاء بلا متهز فيها العين..
آلاء: شكرا دادا و لكن مكنشربوش..
فاطمة: (دايرة إيد على إيد و كطلعها و تنزلها) و علاياش بالسلامة و العافية؟!..
آلاء: غير مكنشربوش ا دادا و صافي.. مموالفاش عليه..
فاطمة: مادادات حد انا.. يشويني فيك.. ءالك مكتشربشي اتاي..
(دخل لؤي جلس جنب آلاء و جرها لعندو من خصرها) مراتي ماشي بحالهم ا دادا.. (خشا راسو فعنقها كيشم فريحتها و هي تقرسات.. و حسات بشوفات فاطمة لي كانو غياكلوها)
آلاء: (كتحول تبعدو) احم لؤي..
فاطمة: (كتحاول تبعد نظراتها عليهم.. قربات طبسيل ديال الحلوى لاكرام) خودي ا بنتي... (هزات اكرام حلوى وحدة و اكتافات فالصمت.. غير ساهية و كتفكر فحريرتها.. لؤي بعد على آلاء فاش حس عليها تحرجات و خدا كاس ديال أتاي..)
اكرام: احم دادا واخا نطلع لبيتي.. بغيت نرتاح..
فاطمة: اه غير سيري ا بنتي.. الله ارضي عليك.. طلعي للطاج تانية غتلقاي سميرة تم..
(خرجات اكرام و دارت بكلام داداها.. غير طلعات بانت ليها سميرة و وراتها غرفتها.. دخلات مداتهاش فيها.. تلاحت مباشرة فوق السرير على ضهرها و هي كتشوف فسقف الغرفة المنقوش.. سرعان ماداتها عينيها..)
كانت واقفة قدام المرايا ساهية و فكرة ديها و تانية تجيبها.. حتا كتحس بيديه على خصرها و انفاسو على عنقها..
آلاء: ايهي على الشرمولة.. الصراحة تانا كنت بحالك عندي عادي.. و لكن غير مع صحاباتي فدار لا.. و لكن دبا مع لؤي يستحييل ينحرني الى سمع مني شي كلمة.. مع راك عارفة تانا كبرت فحي شعبي..
اكرام: و ناري مكتسكتيش.. ههه تانا كنت هاكا فكل جملة ضروري من التخصار.. و لكن مع جوزيف مكينش لعب.. نقول شي كلمة يفرشخ ديلمي..
آلاء: على خاطرك.. نهار تبغي تعاودي غتلقايني جنبك.. المهم نخليك تبدلي.. (خرجات و خلاتها واحلة وسط افكارها.. فالتالي تنهدات و ناضت تشوف اش تلبس.. جبدات شورط ديال الدجين قصير بزاااف و طالع قريب للسرة مع ميني فونطر فالكحل و كتبة بالألوان.. كيتعقد من الجنب.. لبسات كونفيرس كحلة و نزلات لقات آلاء لابسة سروال جينز لاصق و مقطع من الركبة مع ديباردور بيض مرسوم من الوسط بالزرق و فوقو شميز بلا كمام فالزرق بارد.. خرجو لقاوه واقف متكي على لوطو كيتسناهم داير إدو فجيابو و ساهي بدماغو لبعيييد.. غير شافهم تقاد فالوقفة..
لؤي: باين ليا غندير بالناقص..
(شافو فبعضهم باستفهام و نطقات اكرام)
اكرام: لاش؟!.. اش درنا؟!!
لؤي: دبا هادا لبس لابسات.. جلسو فدار حسن..
اكرام: شوف انا مغديرش عليا داك الحكام الخاوي.. عارفة راسي شكندير.. اما آلاء ما لابساش شي حاااجة.. عادي..
لؤي: نتي دوك الفخاد و الكرش عادي.. (شاف فآلاء) و حتا نتي عادي داك الصدر لي قرب يخرج من بلاصتو..
اكرام: وا هيا ناري شحال فيك.. لؤي حرام عليك خلينا خارجين دبا بلا عكس.. را كنت ناعسة نوضاتني غير آلاء..
آلاء: (غير ساكتة كتشوف و كدور فعينيها.. خافت تهدر و تصدق مزبلاها على راسها..)
لؤي: زيدو قدامي.. (غادي فاتجاه الجهة التانية من السيارة) و لكن اهدر معاكم شي حد نحي مو..
طلع لؤي فالسيارة لي من نوع بورش سبور كحلة.. مشات اكرام للباب لوراني و تبعاتها آلاء..
اكرام: شكديري نتي؟!..
آلاء: طالعة حداك.. شنو؟!..
اكرام: سيري كوني تحشمي و طلعي حدا راجلك..
آلاء: بففف هاهيا غادة..
(شدات كللا وحدة بلاصتها و كسيرا لؤي.. دارت آلاء قادات الموسيقى.. خدمات Swalla ديال جيسين دريلو و نيكي ميناج.. جهدات الصوت و بدات كتغني معاها و كتشطح.. لؤي شوفة فيها و شوفة فالطريق.. اما اكرام شادة تيلي ديالها كتخربق فيه و كضحك على آلاء.. فعلا هبيلة ضاربة الدنيا بركلة.. وقف لؤي لوطو و نزل.. تبعوه حتا هما.. شد فآلاء من إديها و جر اكرام قدامو..
اكرام: معنديش مع داكشي.. (دخلو مع شي دروبة ضيقين و هما كيدورو عينيهم فالبني القدييم و لكن تصميم رائع.. بقاو كيدخلو من درب و يخرجو من لاخر هما غير كيضورو فعينيهم و استغربو للؤي كيفاش حافض الأحياء.. حيت دروبة كيتلفو.. وصلو للطالعة صغيرة.. و بقاو كيدورو فالمحالات لي تم.. ديال الملابس.. العشوب و المواد الطبيعية.. بقاو غير كيشوفو بعينيهم و كيستاكشفو.. الدنيا عامرة بزااااف و الغالبية غير من السياح.. مخلاوش شي بلاصة بزوجات شادين فإيد بعضياتهم كيتحتو و يتسركلو.. اما لؤي غير تابعهم فهبالهم.. بقاو حتا عياو و وقفو..
آلاء: لؤؤؤي..
لؤي: ممم اش كاين؟!..
آلاء: (شدات ليه فيديه) فيا جوع.. عيت بالضوران..
اكرام: اه حتا انا..
لؤي: (دار ابتسامة شيطانية) كيعجبكم الطاجين فوق المجمر..
آلاء: واااع اه اه.. شحال مكليتو..
لؤي: زيدو قدامي.. ليوم مغتنعسوش بليل.. (مشا و خلاهم تابعينو.. نزلو للطالعة الكبيرة غير قربو ليها وصلاتهم ريحة الشوا و الأكلات المغربية التقليدية.. آلاء سمحات فالطاجين و دارت كتشوف فلؤي على ود الشوا..
لؤي: ليل هادا.. سيري جلسي را غيضرك داكشي..
آلاء: لا لا عفااك و الله ما يضرني.. تشهيييتو بزاااف بليييز.. شحال مكليت الشوا.. (كتبيض فعويناتها و ترمش ببراءة) بليييييز..
لؤي: (ذاب فعينيها و فشفايفها لي كيتحركو بشوية.. كون مكانش فالزنقة كان يلتاهمها شد فراسو بالسيف) صافي واخا خوديه.. و لكن متكتريش.
آلاء: (كتقلب بعينيها هي التالية) يللا كانت حدايا دبا..
لؤي: (شد آلاء من إديها جرها و هو كيقلب و ينادي اكرام.. تملكو الخوف و هو كيتمنا فنفسو ميكونش داكشي لي فبالو صحيح.. .
كان مزير على إيد آلاء و هو كينادي باسمها.. تعصب فاش مبانتش ليه.. عاقد حجبانو و عروق جبينو ولاو واضحين.. أما آلاء مبقاتش حسات بيديها لي مزير عليها.. و لكن كانت هي التالية كتقلب بعينيها على اكرام..
آلاء: لؤي عيط ليها.. راها هازة تيلي ديالها..
لؤي: (وقف و هو كيشوف فيها.. كيفاش مشات من بالو.. جبد تيلي بسرعة كيصوني عليها.. بقا واقف كيتسنا انها تجاوب.. و لكن لا كيصوني حتا يعيا و يقطع.. رجع دوز الاتصاب و نفس الشيء.. زاد تعصب.. بقا غادي بلا ميشوف قدامو.. الغضب تمكن منو.. كيفاش مبقاتش بانت و هي كانت معاه.. ميمكنش ارجع اضيعها من إديه و هو عاد لقاها.. وقف و رجع جبد تيلي ديالو.. دوز نمرة ديال واحد من رجالو.. الى كان داكشي لي فبالو صحيح.. ليوم غتنوض الحرب.. واقف كيتسنا على أعصابو حتا كيسمع صوت آلاء..
آلاء: اكرااام.. (لؤي لمجرد ماسمع صوتها دار و تبع حركة عينيها.. حتا جات عينو على اكرام.. كانت جالسة فمحل خاص بالمعقودة كتاكل و تلذذ معلابالهاش بيه لي كان كيغلي من الداخل.. هزات راسها لقاتو واقف عليها..
اكرام: ممم لؤي..
لؤي: واش باغا تسيطيني.. نص ساعة و انا كنقلب.. فلخر نلقاك كتخشي فوجهك..
اكرام: (هزات راسها كتشوف فيه بعينين دامعين و هدرات بصوت هادئ) صافي مكين لاش تعصب و تبدا تغوت عليا.. را غير تشهيتها بزااف و فاش شميت ريحتها محسيتش حتا لقيت راسي جالسة و كناكل..
لؤي: (غير شاف دموعها لي قربو يسيلو محسش حتا برد راسو.. فهم بللي غير الوحم هو لي دار فيها هاكا ماشي لخاطرها) صافي كليتي دبا..
اكرام: (هزات راسها باه و هي كتمسح فدموعها.. وقفات و مشا لؤي خلص و رجع عندهم.. رجعو خرجو.. و لكن هاد المرة قدامو و محيدش عينيه عليهم.. مشات آلاء هي لولة دخلات للمحل ديال الشوا.. جلسو و طلبو.. آلاء فقط لي طلبات.. اكرام مقداتش اصلا كلات فالمعقودة.. و لؤي معندوش مع هادشي.. حس لؤي على تيلي ديالو لي كيصوني.. هزو جاوب و ناض بعد على الصداع..)
آلاء: كتوحمي ياك؟!..
اكرام: (شافت فيها مطولا فالتالي حدرات راسها و جاوبات) اه..
اكرام: كنت حاطاه بعيد و مع الصداع مسمعتوش.. واا صاحبتي تكايسي.. تي دخلتي فالطبسيل طول و عرض.. را غيضرك داكشي..
آلاء: هه معندو ميضرني حتا نتي.. ..
بقاو جالسين كيتبادلو فأطراف الحديث واخا حسو على لؤي تعطل.. محسوش بيه حتا جلس حداهم.. هزات اكرام راسها فيه.. لا هاد المرة ماشي لؤي.. و لكن شكون هادا.. شافت فآلاء لقاتها غير كدور فعينيها..
الشخص: اووو شفت الزين جالس بوحدو..
اكرام: شكون عطاك الإذن حتا تجلس..
الشخص: ما تكونيش قاصحة.. بغيت غير نونس الزين..
اكرام: شفتي هاديك لي حداك مزوجة.. و الى جا راجلها دبا يفرشخ مك.. اللهم تهز من تم حسن ليك ا ولدي..
الشخص: هه على هاد الحساب نتي غتكوني سيلي..
اكرام: انا منصلاحش ليك ا ولد الناس😒..
الشخص: (حط إديه على فخدها العريان و غمزها) لاش ا زين.. منستاهلش..
اكرام: (محساتش براسها حتا وقفات و جمعاتها معاه بتصرفيقة خلات وجهو يدور.. كانو القرودة كيشطحو فوق راسها.. بدات كتغوت بلا متشعر) متحطش عليا إديك المسخة ا ولد الكلبة.. بزااف على مك انا سمعتيي.. وااااحد لي يقدر احط عليا إديه.. واااحد.. وااحد لي نسمح ليه يقيسني.. وااااحد.. سمعتيي من غيرو يستحيييل.. هو لي عندو الحق.. و حتا واحد من غيرو... (جلسات و هي كطلع فالنفس بصعوبة.. اما هو مرضاااش.. خاصة ان كلشي ضار كيشوف فيهم.. وقف و عينيه كتنفت النار.. يللا جا يجرها من شعرها حس بشي كروشية على حنكو حتا قرب يطيح.. دار شافو كان لؤي.. شدو من الكول ديال القميجة و زادو للحنك التاني حتا طاح هاد المرة.. دور وجهو كان لؤي كيمسح فيديه لي فيهم شوية النقاطي ديال دم..
حط إدو على الجرحة لي على حنكو.. الخاتم لي فيد لؤي لي دار هاكا.. يللا جا يهدر قاطعو لؤي..
لؤي: غتحيد من قدامي دبا.. و لا غنزيد نكمل على ديلمك... (معاودهاش معاه.. وقف و هو كيمسح فوجهو و مشا..)
لؤي: سكتوو.. قدامي بزوجات.. (مشاو للسيارة طلعو و كسيرا لؤي.. بقاو غادين فصمت تااام.. صوت عجلات السيارة الوحيد لي كيتسمع.. مسافة الطريق كانو قدام الرياض.. دار لؤي شاف فآلاء لقاها نعسات.. دور وجهو لعند اكرام لقاها هي التالية دخلات فنوم عميق.. ابتاسم لا إراديا من منظرهم المضحك و بقا كيشوف فيهم مدة طويلة عاد نزل و دار حل الباب لوراني و جر اكرام هزها بين إديه.. دخل بخطوات بطيئة حللو ليه رجالو الباب.. .
طلعها لغرفتها و حطها فوق سريرها.. حيد ليها الكونفيرس و جر عليها الغطا.. تقلبات و جرات المخدة عندها.. طلع عندها و حيد ليها الشعر لي نازل على عينيها و هو ساهي فيها.. ليوم كان تقدر تمشي من إدو.. حس بخوف كبيير إحساس خيب مبغاش يعاود يجربو.. كتبقا ختو.. ختو المنسية لأعوام طويييلة.. وقف فاش تفكر آلاء لي باقا فالسيارة طفا الضو و سد الباب وراه بشوية.. نزل حل عليها الباب و هزها.. دخل مباشرة لغرفتو حطها فوق السرير و حيد ليها صباطها.. مشا بدل عليه لبس شورط و جا تخشا حداها.. جرها عندو و هو كيستنشق فعطرها.. باسها بوسة خفيفة على عنقها و دخل فسابع نومة..
صبح صباح جديد حلات عينيها على ريحة البخور عاطية فالغرفة.. بدات كتكح.. هزات راسها لقات الخدامة هازة المبخرة فيديها و كدورها على أرجاء الغرفة.. حتا من الماريو..
الخادمة: (حدرات راسها) سمحيليا ا لالة و لكن هادو هما أوامر دادا.. ضروري متبخر الدار كاملة كللا صباح..
اكرام: من غير بيتي.. كح كح.. صافي غير خرجي دبا.. كح كح.. (خرجات الخادمة و ناضت اكرام حلات باب الشرفة لي كيطل على الحديقة..باش تهوى الدنيا.. دخلات للحمام دوشات.. كتحس بالعيا خرجات و هي لابسة بينوارها و كتنشف فشعرها.. جبدات كسوة حمرة بلا كمام و فايتة الركبة شوية.. جات كلوش من تحت و مزيرة من الفوق.. لبسات صندالتها و نزلات و هي كتسمع صوت الطرب الأندلسي مسمووع فالدار.. مشات للصالون لقات فاطمة متكية على المخاد مسرحة رجليها و خادمة صغيرة كدلكهم ليها.. تكون عندها ديك 14 ولا 15 عام.. عينيها خضرين كيثيرو ملامح طفولية و بريئة.. فمها صغيور و حمر.. ضافرة شعرها الحريري دايرة زيف فوق راسها و مخرجة منو الضفرة.. حوايجها مبهدليين بزااف.. قدام و باليين.. و محزمة بطابلية صغيورة ديال الشقا..
اكرام: (مشات جلسات) صباحوو دادا..
فاطمة: صباح النووور ا بنتي.. كيصبحتي؟!..
اكرام: الحمد لله..
فاطمة: واحد مرت خوك بانت لي مزال ناعسة.. مسخاتشي وائيلا؟!..
دادا: عادي و من بعد.. خلليها هي و راجلها..
فاطمة: لا معاديشي..
اكرام: دادا عفاك قوليلهم ماباقينش يدوزو داك البخور على بيتي.. و مدخل ليه حتا وحدة عفاك..
فاطمة: علاه مال البخور ا بنتي..
اكرام: كيخنقني داكشي..
فاطمة: اش غنءول ليك.. عمل لي تحب ا بنتي..
اكرام: احم دادا مكينش الفطور هه..
فاطمة: فطرنا بكريي حنا.. و لكن تسناي دبا يجيبوه لك.. ..
كانت جالسة فالصالون دايرة رجل على رجل و كتشرب فقهوتها ببرود.. تنهدات بصوت مرتافع... القصر خوا عليها فاش مشات اكرام.. فعلا كانت كتحس بالراحة معاها.. واخا غامضة شوية و مكدويش بزاااف.. و لكن فعلا قدرات تخللي أثر فنفسها.. عمرها تنسا صداقتهم.. رغم داك الشخصية القوية لي بانية و لكن الداخل ديالها حنيين بزاااف و سهل يتهرس.. اصلا راه تهرس.. و لكن الحمدد لله مللي لقات عائلتها.. خرجها من أفكارها صوت السيارة لي وقفات بحكم اها جالسة فالصالون لي حدا الباب.. فكرات أنه غيكون جوزيف و وقفات.. حتا كيبان ليها يوسف داخل.. كان داير إدو فجيابو و لابس بدلة فالأزق جات القميجة لاصقة على عضلاتو السداسية.. داير نظارة ديال الشمس فعينيه و غادي بخطوات واثقة.. بقات كتشوف فيه بانبهار عمرها لاحظات هاد الجانب فيه.. متقدرش تنكر وسامتو.. دغيا مسحات هاد الأفكار من بالها و هي كتفكر فيه على أنه مجرد صبياني بتصرفاتو..
ميساء: احم.. سي جوزيف مكينش دبا و لكن تقدر تسناه فالصالون..
ميساء: (كدور فعينيها و كتحاول تجنب الشوفة فيه) ااا.. ءءء.. لا.. م م مقصدتش..
يوسف: (هي كتمتم و تخربق فالهدرة و هو كيزيد اقرب ليها.. حط إدو على شعرها الذهبي المسدول على كتافها و قربو ليه كيشم فيه..
جوزيف: احم احم.. يوسف..
يوسف: (دار عندو و رجع خشا فيدو فجيابو) جيتي.. على سلامتنا.. عندي موضوع مهم معاك..
جوزيف: واخا يللا للبيرو.. (مشاو و خلاوها واقفة غطرطق.. و كلما كتفكر كيفاش قرب ليها قلبها كيبدا يجري.. و جوزيف شافهم.. اش غيكون فكر عليها دبا.. اصلا هو مداهاش فيها.. دماغو مسافر مبقاش كيهتم حتا شنو ياكل عاد اهتم ليها.. بقات مضاربة مع أفكارها.. وحدة ديها و لاخرة تجيبها.. حتا ساست داكشي من بالها و مشات تشوف شغلها....
خلف باب المكتب جلس جوزيف فوق البيرو و يوسف واقف قدامو..
جوزيف: اش كاين؟!!..
يوسف: عرفت شكون علم الشرطة الدولية و وصل ليهم الأخبار.. كنت باغي نعلم لؤي و لكن مقدرتش نوصل ليه.. .
جوزيف: دبا نتا عرفتي شكون علم الشرطة؟!..
يوسف: اه.. علاش؟!!..
جوزيف: معرفتش.. المهم مكيهمش هادشي دبا.. شكون؟!..
يوسف: مغتقدرش تيق شكون غنقول ليك..
جوزيف: بديتي كتخلعني.. دوي بلا متبقا تلعب ليا على أعصابي... شكوون ؟!!..
يوسف: ..............
***
فبلاصة خرى دبا.. كان جالس هو و ياها فالشرفة كيفطرو.. كان شاد ليها فيديها و هي غير كتدوي.. مبقاتش بغات تسكت.. كان ساهي فملامحها و يمكن ما كان كيسمع لحتا كلمة من غير شفتيفها لي كيتحركو.. كان كيشوف فيهم بكل شهوة مكرهش يلتاهمهم.. قاطعو من سهوتو صوت الهاتف ديالو كيرن.. جبدو و هو كيأفأف غير شاف المتصل ابتاسم لا إراديا..
لؤي: جوزيييف.. ............ (داير ابتسامة جانبية) عرفتي خطأك بعدا.. و تنازلتي على هضرتك😏.. ..................... كيفاش؟!!.. ...................... (تغيرو ملامحو من مسخرة لنظرة حادة طاغية عليها الجدية فلحظة) شكون؟!.. ................... بهاد الفعلة غيكون علن الحرب.. و حكم على نفسو بالموت.. (كان كيشوف لبعيد و هو مبتاسم.. و أخيرا بداو كيبانو الحقائق.. خاصو يزيد يبحث فهاد القضية.. سرعان ما أنهى الاتصال و رجع شاف فآلاء لي كانت مراقباه بنظرات كلهم استغراب..)
آلاء: نتا هاد خدمتتك كتجيب ليا الشك.. (وقف و قرب ليها حيد ليها الشعر من على كتفها و باسها بوسة خفيفة)
لؤي: ههه معندها ماتخلعك.. منقدرش غنمشي غير لشي خدمة ضرورية و نرجع بلا منعدبك معايا.. غنبقا أسبوع على الأكثر..
آلاء: أسبوووع؟!.. لا لا ا خويا غير ديني معاك..
لؤي: (خنزر فيها و هضر من تحت سنانو) آلاء.. صافي را دوينا..
آلاء: (خلعاتها نبرة صوتو و تكمشات فبلاصتها.. خرج لؤي نزل قالها لجداه و حتا اكرام.. دار شي اتصالات و خرج باش اطلع فسيارتو و خرجو يودعوه.. مكانش محتاج لأنه يرجع يجمع حوايجو حيت عندو فالقصر ما يكفي.. باس إيد فاطمة و رضات عليه سلم على اكرام و مشا عند آلاء لي مضورة وجهها للجهة التانية مربعة إديها و هي زعفانة مباغاش تشوف فيه.. قرب ليها دور إدو على خصرها و الإيد التانية حطها على وجهها)
لؤي: شنو حبيبتي مقلقة مني؟!..
آلاء: اه و بزااااف..
لؤي: (جرها لعندو بقوة عنقها) غنتوحشك..
آلاء: (محساتش براسها حتا بادلاتو بنفس الشيء بدون الاهتمام لنظرات فاطمة لي قربات تقتلها.. كون كانت قرطاس كانت غتيري فيها) .....
طلع فسيارتو كسيرا و لي كارد كورد تابعينو..
فاطمة: ايييه على لالة آلاء.. ءالك غضبانة..
آلاء: (دارت شافت فيها و تمات طالعة لبيتها بلا متجاوبها مقادة على صداع)
فاطمة: فين غادا بالسلامة؟!..
آلاء: (وقفات و دارت عندها) غير لبيتي..
فاطمة: ايييه سير.. من بعد و نتفاهمو.. مزال الحال.. غنزيد نتعرف على كنتي من بعد..
(بقات آلاء واقفة مدة كتشوف فيها و كتحاول تستوعب هضرتها.. دارت فاتجاه غرفتها و هي مزال مافاهمة قصدها..)
كان جالس فوق السرير شاد فيديه سنسلة ديالها و كيقلبها بين إديه.. فكر فأنها نساتها.. خلاتها فوق الكوافوز و مشات..كان ساهي كيفكر فيها و صورتها قدام عينيه و هو كيتفكر كل لحظة دوزوها بزوج.. نهار كانت كترقص فالملهى بكل براعة.. و كلشي كان حال فمو فيها.. كان جا على ود يوسف.. مكانش عارف بللي ديك الليلة هي لي غتغير مجرى حياتو.. وقف حط السنسلة فين كانت حل الباب و خرج و هو عازم أنه غيبدا مرحلة جديدة من حياتو.. مرحلة البحث فالمجهول...
أسدل الليل غطاءه أخيرا.. و زينت النجوم السماء فوقنا.. كانت متكية فوق فراشها كتقلب.. جاها الملل مكين ما يدار من غير غرفتها.. حتا آلاء مابانتش ليوم.. حالا باب الشرفة و داخل ريح قوي كيطير الخوامي المدليين عليها.. سمعات دقة خفيفة فالباب و ناضت حلات.. كانت آلاء..
اكرام: (و هي راجعة لبلاصتها) اووو و أخيرا الزين شرفنا..
آلاء: ا وديي. خفت نخرج و تشوفني جداك.. مقادة على صداع معاها حتا هي..
اكرام: (جلسات فوق السرير و جلسات جنبها آلاء) ههه.. علاه مالها غتاكلك.. كتزيدي فيه حتا نتي..
اكرام: (دارت جلسات مربعة و تقابلات معاها) وا تي كوني تحشمي.. السيد غادي خدام اش بغا يكجدر بيك..
آلاء: علاه مالي غنتبعو لخدمتو.. غيخليني غير فالدار واااه..
اكرام: شفتي هما ثلاثة.. لؤي يوسف و جوزيف.. خدمتهم كتجيب ليا الشك.. و حتا ياسر الله ارحمو كان معاهم.. كانت قالت ليا ميساء بللي عندهم شي علاقة بالمافيات..
آلاء: 😱😱😱.. ا ويلي على المافيات😨😨..
اكرام: (قربات و سدات ليها فمها حيت غوتات بلا متشعر) اللقوة انشاء الله.. تفو على مصيبة مكتسكتيش..
اكرام: اللقوة انشاء الله.. تفو على مصيبة مكتسكتيش..
آلاء: (حيدات ليها إيديها لي على فمها و رجعات كتهضر بصوت هامس) واش متأكدة من هادشي..
اكرام: (هزات راسها باه) علاه مالنا كنلعبو هنا😏..
آلاء: ميمتيي.. حكلو ديما داوي فتيليفونات.. ها مرة القاتل ها مرة سلعة.. ها مرة غنوض الحرب.. كان كيسحابلي غير المجاز...
اكرام: النم كالا المجاز..
آلاء: و نتي كيدرتي حتا عرفتي هاد شي؟!..
اكرام: خخخ كانت نافعاني ميساء الله ارضي عليها هه..
آلاء: ههه شوقتيني حتا نشوف هاد ميساء..
اكرام: هه منظنش تقدري.. هي أصلا مكتخرجش من القصر..
آلاء: اشمن قصر؟!..
اكرام: (تنهدات) قصر جوزيف..
آلاء: كانت بيناتكم شي علاقة كبيرة ياك..
اكرام: انا و جوزيف زعما؟!..
آلاء: (هزات راسها باه و اكتافات بالصمت.. مبغاتش ضغط عليها باش تعاود.واخا الفضول تمكن منها)
اكرام: (طلعات النفس و رجعات نزلاتها بقوة) سمعي.. انا غنعاود ليك.. اولا حيت تقت فيك و تانيا مبقاتش كتهمني هاد الحقيقة.. مابقا ليا منخبي.. انا كنت خدامة راقصة.. كنشطح فملهى ليلي.. مدوزاها و ضاربة الدنيا بركلة.. و كنقول كلشي غيفوت مدام مزال مخسرت شرفي.. و لكن لا كنت غالطة.. غالطة بزاااف.. المهم قابلت جوزيف.. عجبتو و بغاني كعاهرة ليه.. فداك الوقت أكيد مكنتش كنعرف لؤي نهائيا.. رفضت فلول.. حيت مبغيتش نبيع شرفي لحتا حد.. و لكن مكانش الخيار فيدي.. مشيت معاه و رجعتو قحبتو.. كيدير فيا ما بغا و ماشي من حقي ندوي.. دازت مدة و حنا هاكاك.. ولا كيبغيني.. و حتا انا نفس الشيء.. و عرفت راسي حاملة.. طلب مني الزواج.. و لكن رفضت..
آلاء: حمارة لاش رفضتي؟!..
اكرام: خليني نكمل بعدا.. رفضت حيت معنديش خيار آخر.. هو ليهودي و انا مسلمة.. من بعد عرفت حقيقة ان لؤي خويا هربت و جيت معاه..
آلاء: من نيتك ا بنت العبد😒😒..
اكرام: شنوو؟!..
آلاء: كنتي عاهرتو الخاصة.. مهمكش الدين ديك الساع.. دبا عاد وللا كيهمك.. مدام كتبغيه مخاصك تخللي حتا حاجة توقف فطريقكم.. خاصك تحاربي العالم على ود علاقتكم..
اكرام: سااااهلة ا آلاء الهدرة.. (ختارقات دمعة صغيرة عينيها الشيء لي خلاها تنفاجر بالبكا) ساااااهلة بزااااف ا آلاء اهيءهيء.. راك محاساش بقلبي لي كيتقطع.. اهيءهيء.. مبقيتش قادرة.. اهيءهيء.. مكرهتش نهي حياتي و نتهنا.. اهيءهيء.. عييييييت من هاد الدنيا عييييييييت.. اهيءهيء...
عاهرة العبري الجزء الثامن
محتوى القصة
التنقل بين الأجزاء