قصة عاهرة العبري

من تأليف Fati El Chakir
2018قصة كاملة

محتوى القصة

رواية عاهرة العبري

في وسط مكان مجهول و شبه مهجور مستودع كبيير أو بالأحرى ضخم جالس شخص يكون فالربعينيات من العمر على كرسي خشبي قديم و مربوط عليه وجهو كلو دم فشلان مقادش اهز راسو حراس فكل مكان ببذلات كحلين و نظارات شمسية فنفس اللون أجسامهم ضخمة كتملأها وشوم مختالفة تحل باب المستودع عاد قدرات أشعة الشمس تدخل داخلو دخل شاب فالعشرينيات ولكن خبرتو فالحياة تفوت شخص فالخمسين من العمر نظرتو الحادة لي كتخلي كلشي يخاف منو خطواتو الثقال كتخلي الواحد اتسنا الموت على أحر من الجمر "جوزيف" وصل لوسط المستودع دار إشارة للحرس ديالو هزو رأس الشخص من شعرو 
- جوزيف: (جاب كرسي قلبو و جلس مقابل معاه) أحمد المودن هانتا طحتي بين إدي دبا
- أحمد: عفاك كنترجاك غير طلقني و نحاول نرجع ليك فلوسك فأقرب وقت أسبوع و يكونو عندك
- جوزيف: شحال ديال الفلوس
- أحمد: 10 المليون
- جوزيف: ديالاش
- أحمد: دولار
- جوزيف: غتوجدها فأسبوع واش كضحك عليا
- أحمد: غنحاول كنترجاك
- جوزيف: وااو نائب وزير الصحة كيترجاني هه الصحة ياك
- أحمد: لا.. التعليم
- جوزيف: بحال بحال ممطفرينوش ممطفرينوش 
- أحمد: جوزيف كنترجاك عفاااك غير متقتلنيش
- جوزيف: (جبد سلاحو و حطو فوق طبلة صغيرة كانت بيناتهم) واخا هادا لي غيقرر
- أحمد: كيفاش ؟؟!!!
- جوزيف: (كيضور فسلاح) إلى جا فيك الضهر ديالو عفيت عليك أما إلى جا فيك الراس فراك عارف اش غيطرا(ضور سلاح بقوة و بقا مفيكسي عينيه على أحمد نظرتو كتخلي لآخر يرجف بدون شعور أحمد بلع ريقو و هو كيترعد شوفة فجوزيف و شوفة فسلاح لي بقا مدة و هو كيضور حتا وقف أحمد اللون مشا من وجهو إدو كترجف و عروقو كيضربو جوزيف بدون ميحيد عينو على أحمد هز سلاح بخفة و تيرا فيه بحركة واحدة جاتو فوسط راسو عرف بللي أحهد خسر الرهان غير من خوفو ناض خشا سلاحو فسروالو من لور و تم خارج 
- جوزيف: كلهم أغبياء (خرج و خلا رجالو يهتمو بالجثة و يخبيو الآثار هادا هو جوزيف صقلي صاحب أكبر مجموعة شركات بالمغرب و عندو فروع كثيييرة خارج المغرب كازينويات أوطيلات كلشي كيضرب ليه ألف حساب عاد كيتعامل معاه حيت مكيرحمش عبري اي يهودي ولكن معندو حتا مشكل مع الإسلام بالعكس جد متفتح من هاد الناحية و كيتعامل مع كلشي على حد سواء هو زير النساء لي بغاها كتكون بين إديه إشارة منو كافية تجيب ليه أي وحدة عجباتو أكيد كياخدو حاجتو و سلام مفقلبوش ذرة رحمة كيتعامل بزااف مع المافيات الروسية و قلاال الناس لي كيتيق فيهم شخصية مرحة بعض الشيء لكن متقلبة و بسرعة كبيرة 

نمشيو دبا لبلاصة خرى فوقت مختالف 10 ديال الليل فتاة آية من الجمال عينيها رماديتين و مشفرين نيفها صغيور و مقاد شفايف منفوخين حنيكات طالعين و حمرين حجبانها مقادين من عند الله و شعرها البني الطويل نازل على عينيها جالسة فالأرض جامعة رجليها عندها و طالقة لعنان لدموعها تاخد راحتها فوق حنكها باغة غير ترتاح و لو غير يخف ألمها شوية تحل الباب بشوية و دخلات بنت خرى بلباس شبه عاري كسوة خضرة طالعة على الركبة بزااف مشبكة من جيهة الصدر قربات ليها
- البنت: إكرام صافي مديريش فراسك هاد الحالة
- إكرام: لا جواب
- البنت: (قربات كثر) شوفي ختي را كلنا محاملينش راسنا هنا و لكن الضروف لي جبراتنا
- إكرام: (مسحات دموعها و قوات راسها) هه اش قلتي الضروف ياك .. متبقاوش تخباو ورا الضروف حيت نتوما لي باغين تكونو هنا غتقولي ليا بابا مريض و شاد الفراش عندي خوتي صغار و بلا بلا لا كون بغيتي خدمة شريفة غتلقايها ولكن نتوما مقادين على تمارة أنا سبب بكايا حاجة آخرة ميمكنش تفهميها مبقيتش عارفة حتا شكون أنا أما راضية على وضعي و على خدمتي حيت أنا لي درتها بيدي 
- البنت: اه حيت نتي غير كترقصي و الله كون كنت نعرف غير نرقص مزيان و الله حتا ندير بحالك
- إكرام: هه غير تهناي ا زين واخا تبغي تكوني بحالي متقدريش.. اجي بعدا كيفاش دخلتي مكتعرفيش تستأذني و لا شنو تهزي خرجي شوفي اش ديري تقحبين ديال والو
- البنت: (فخاطرها) : تفو إكرام هي إكرام عمرها تبدل (خرجات و خلاتها بدلات حوايجها لبسات بدلة رقص عبارة عن صايا طويلة بيضة محلولة من الجناب أردافها كلهم باينن و سوتيان فنفس لون محجرين لبسات عليها كاب و نزلات عارفة الوقت ديالها كان الضلام على الخشبة دخلات و عطات بضهرها بدات كتخدم الموسيقى و هادية فلول دارت الأضواء جيهتها و بدات كتحرك فمؤخرتها بطريقة مثيرة و فنفس الوقت متناغمة مع الموسيقى تكات لور و نزات إديها و محبساتش من التمايل تجهدات الموسيقى و بدا الإيقاع ضارت و بدات كترقص بطريقة جد جريئة كلشي حال فيها فمو بالطريقة لي كتمايل فيها كتجذب الواحد كيفما بغا يكون اكون حتا حد ميقدر انكر اعجابو ليها كلشي فالقاعة باغيها تكون ليه من لكبيرهم لصغيرهم و فقيرهم لأغناهم كتبان ليهم بحال شي حلم صعيب المنال شي كيصفق شي كيصفر شي قيم عليها كلا و حالتو توقفات الموسيقى و سالا وقتها طاحت للأرض كتستجمع أنفاسها طاقتها كلها فرغاتها فالرقص وقفات طلعات للغرفة المخصصة ليها بدلات بسرعة لبسات سروال كحل مع قبية رمادية و نزلات كدور على البنات و هازة فيديها مذكرة بان ليها ياسين عيطات ليه
- إكرام: ياسيين ياسييين
- ياسين: (جاي عندها) ويي ختي خاصاك شي حاجة
-إكرام: ديك القحبة ديال سارة امتا آخر مرة نعسات مع شي حد
- ياسين: تسناي.. مم يمكن.. واحد شهر هكاك
- إكرام: شفتي التقحبين باغا تخرج عليا مالها تاني
- ياسين: قالت ليك مبقات حاملة حد اقيصها كتجيبي ليها غير شرف هه
- إكرام: لاباس عليها القحبة لي حطاتها بغاتني نجيب ليها البراهش بعدا شرف و بجيوبهم مقاداش على الحوى مدخلش فهاد دومين من لول تفو غيسطيوني
- ياسين: إوا اش غديري دبا إلى عرفاتها سمية غتحوينا
- إكرام: غير هنينا.. سمع شفتي داك الشارف تما
- ياسين: اه مالو ....

- ياسين: اه مالو
- إكرام: عرفتي اش طلع عندها عطيها واحد ثلاثة القراعي ويسكي غير شي ماركة رخيصة قولها تشربهم ليه ياك تبقا تبحلس عليه تا ينعس و فالصباح تفيق بدو بياس حداه و طلب الثمن لي بغات عنداك طلب ليا 200 درهم ولا منعرف طلب القليلة شي ألف
- ياسين: اهاه و إلى عاق بيها
- إكرام: معندو باش اعيق باينة أول مرة جا لهنا و جاي بجيبو عامر متخافش هه
- ياسين: ها حنا غنشوفو ا لالة (خلاتو طالع عند سارة و مشات عند الشارف)
- إكرام: بس بس
- الشارف: مممم زين 
- إكرام: (كتعض على شفايفها بطريقة مثيرة) شنو كتقلب على شي حاجة نجيبها ليك (مدات ليه قرعة ديال الويسكي)
- الشارف: (حلها و كيشرب) اححح غير على شي وحدة بحالك
- إكرام: (جراتو من الكرافاط و تمات طالعة بيه و هي كتمايل) ممم واخا لي بغيتيها تحضر (بقات غادية بيه و هو مرة مرة كيشرب من القرعة حتا وصلو قدام واحد الغرفة حلات الباب و دفعاتو بطريقة جد مثيرة فوق السرير)
- إكرام: تكلفي بيه
- سارة: مم واخا (خرجات إكرام و سدات وراها الباب)
- إكرام: بففف غبي.. (دارت عند ياسين) درتي داكشي
- ياسين: اه.. (يللا بغات تهدر) و را مقلتش ليها نتي مولات الفكرة غير تهناي
- إكرام: مزيان راك عارف مكنبغيهمش ادصرو عليا 
- ياسين: عارف.. اه صافي را البنات كلهم دبرو لريوسهم هاد ليلة خلاو بنات أسية غير كيشوفو خخ
- إكرام: و أخيرا طفروه شي مرة بقات لي غير هاد سارة را ماشي كللا مرة غتلقا شي حد ضحك عليه و إلى عاقت سمية خلاااص.. لمهم أنا غنزل نشوف الأجواء من بعد نقود بحالي را الواليدة تاهي مريضة ليوم
- ياسين: اه الله اشافيها مسكينة
- إكرام: آمين يا رب.. يللا تلاح (نزلات كدير النظرة الأخيرة واش كلشي هو هداك يللا غطلع تبدل و تمشي فحالها حتا كتسمع شي حد كيهدر)
- الشخص: اوو زين كيعجبوكم غير شرف ولا اش
- إكرام: (دارت خنزرات فيه وزادت حتا كتحس بشي إد شاداها من إدها)
- الشخص: هاديك القحبة شنو تصحابي كرك حتا تنخليني 
- إكرام: (دارت و عطاتو بمرفقها جاتو فنيف حتا رعفاتو) معمرك تفكر تحط إديك المسخة عليا مزال سمعتي يا شماتة يا عيفة الرجال تفووو
- الشخص: كنقسم ليك غندمك
- إكرام: أوو خلعتيني ماماتيي عتقيني.. دور تقود و لي فجهدك ديرو عمرك تعاود تقيسني زمل على ديلمك الضمير ولا اش ..

طلعات لبيتها وخلاتو غيطرطق مرضاش تمنا الأرض تشق و تبلعو و ميطيحش فبحال هاد الموقف لبسات نقابها بالخف و نزلات دازت من حداه كان كيعاير و يتحلف عليها ضحكات فنفسها و خرجات أكيد مشافهاش حيت بكل بساطة كانت مغطية وجهها غادية كتمشا بالزربة و مكتلفتش وراها نهائيا واخا معرت اش تسمع وصلات لدربهم الدنيا خااوية و الصقيل بالسيف و 5 صباح هادي طلعات لدارهم جبدات سوارتها كتحل الباب بشوية باش متفيق حد غير دفعاتو لقات مها جالسة قدامها على أعصابها
- إكرام: (سدات الباب و طلعات نقابها) مزال منعستي ا ماما
- خديجة (الأم ديالها) : لا ا بنتي مزال مقدرتش بقيت مشطونة عليك بزااف
- إكرام: (قربات و باست راسها) معندك لاش تشطني ا ميمتي هانا جيت
- خديجة: لا ا بنتي خاطري مكيتهناش عليك كون غير درتي بالناقص من هاد خدمة ليل.. حاولي تخدمي غير بنهار عفا بنتي راني ممرتاحاش هكا
- إكرام: ميمتي كيندير بنهار راك عارفة المصاريف كثار عليا و الخلصة بالليل حسن و يللاه يللاه كنسلك مع هادشي
- خديجة: و نتي تعرفي ا بنتي
- إكرام: غير رتاحي ليا نتي و متفكري فوالو كلشي غيفوت إنشاء الله.. اجي كيكتحسي براسك دبا شويا ؟؟
- خديجة: اه ا بنتي الحمد لله فاتني.. يللاه نوضي تنعسي
- إكرام: واخا غير نبدل (بدلات و تخشات ففراشها كتفكر فدوا لي مزال مشرات و مزال متخلصات تنهدات خلات كلشي على ربي و نعسات ......
فاقت صباح على صداع كيف كللا نهار
- غيثة: ا ديك العوجة تكعدي خلاص را 3 هادي الربيع نبت تحتك
- إكرام: أوووووف و شغلك ديها فراسك و ولادك ليل كللو و أنا خدامة و حتا نعاس منعسوه تفو
- غيثة: را غنجي نهرس لمك داك الفم غا نتي لي كتخدمي
- إكرام: سيري الله الكيها ليك يخ على ماركة كنصبحو عليها (لاحت المانطة و ناضت غسلات وجهها مشات الكوزينة نيشان جبدات متاكل و جلسات تم كتاكل)
على لسان إكرام : هادي هي حياتي عاهرة بليل كنرقص باش نجيب طرف ديال الخبز ولكن هادشي ماكافيش لجميع المصاريف داكشي لاش اضطريت نتكلف بالبنات لي تم أكيد ماشي كلشي غير مجموعة أنا لي مكلفة بيهم و كناخد خلصتي على حساب شحال ديال الكليان جابو بفف دومين مسخ بزااف متمناهش لعدوك مي هادا أحسن حل بالنسبة ليا و أنا مندماناش على هاد الإختيار و عمري ندم حاجة وحدة لي محافضة عليها هي شرفي عمري نتحمل يضيع مني ...

حاجة وحدة لي محافضة عليها هي شرفي عمري نتحمل يضيع مني عندي 19 عام و عندي حتا الباك مي مفادني فوالو عايشة مع ماما و ختي غيثة مطلقة و عندها ولد عندو 6 سنين و بنت عندها 3 سنين كاريين فدار بسيطة على قد الحال علاقتي بماما مزيانة أما ختي فيوميا مضاربين لا ماشي مضاربة الخواتات تقدرو تقولو الأعداء كرهت الحياة كاملة دائما معصبة كنفاعل على أبسط الحوايج مي ماشي لخاطري بنهار كندير نقاب مبغا حد اعرفني معنديش مع بنادم بزااف كلشي كيقول طبعي صعيب من بعد مكليت درت على حقي من الشقا و جلست شديت تيلي
- غيثة: هاديك الحلوفة تكعدي و نتي خاصك غير امتا تشدي داك المشقوف 
- إكرام: يلعن طاسيلتك اش باغا تاني
- غيثة: تهزي وجدي الغدا ولا كتسناي الخدامة توجدو ليك
- إكرام: واش نتي مكتحشميش نضل ليل كلو خدامة عليكم و بنهار منرتاحش سيري قلبي ساعة بخرى حسن ليك هاد النهار ولا عرفتي اش سيري جيبي ولدك را 12 هادي
- غيثة: تفو سيري الله الكيها ليك
- إكرام: أمييين إلى كنت غنتهنا غير من كمارتك 
- غيثة: (لبسات جلابتها بالنفخة و خرجات ناضت إكرام للكوزينة كتوجد لغدا واخا قالت ليها لا مي غيجي الولد من المدراسة خاصو ياكل باش ارجع تاني متقدرش تخليه بلاش رجعات ختها لقاتها فالكوزينة و سكتات مشات عاوناتها فداكشي لي باقي بلا ميهدرو مع بعضهم حطو الغدا غيثة مشات دجعات ولدها و إكرام جمعات الدنيا و خرجات تاخد الدوا لماماها رجعات بقات شادة تيلي شوية تا وصلات 6 و خرجات لخدمتها أكيد بنقابها غير وصلات جات عندها ليلى كتجري (ليلى حتا هي عاهرة خدامة تم تحت إشراف إكرام)
- ليلى: إكرام.. إكرام عتقييي عتقي (و ملامحها بادي عليهم الخوف)
- إكرام: يلعن حسك اش كاين تفو متخليو حد فخاطرو
- ليلى: و إسراء.. إسراء
- إكرام: مال جد بوها تاني
- ليلى: حاولات تنتاحر راها مليوحة فبيتها دبا
- إكرام: (دارت إد على إد) اهاه و ماتت ولا مزال
- ليلى: (بصدمة) واش نتي مفقلبكش الرحمة ولا شنو
- إكرام: (دفعاتها قدامها) زيدي زيدي قدامي و هنينا (طلعو للغرفة لقات كلشي مجموع عليها)
- إكرام: حيدو عليا فاش كتفرجو عندنا سينما هنا يللا كلا وحدة تقود بحالها تفو هادشي لي كان ناقصني هاديك (كدوي مع ليلى) جري عيطي ليا لياسين طيري (كلشي مشا دخلات لداخل لقاتها طايحة فالأرض و الكشاكش خارجة من فمها قربات ليها و هزات إيدها كتقيص النبض لقات مزال النبض فيها وقفات لقات ياسين عند راسها بعدات شوية على البنات)
- إكرام: طير دبا عيط على لومبيلونص قبل لا تموت لينا هنا
- ياسين: واخا دبا هي اللولة
- إكرام: اجي عنداك تعيط للمخزن را ميجيو تاك غدا فصباح عيط لشي كلينيك قريب
- ياسين: اهاه و شكون اخلص
- إكرام: مشغلكش أنا غنضبر راسي غير سربي قبل لا تموت لينا هنا ..

- إكرام: مشغلكش أنا غنضبر راسي غير سربي قبل لا تموت لينا هنا (مشا ياسين يعيط على الإسعاف و رجعات هي عند إسراء كتمسح ليها فمها من الكشاكش)
- ليلى: متقوليش ليا غيعيط على سبيطار المخزن را ميجيو حتا تموت فيدينا 
- إكرام: اه بلاتي غيعيط ليا على كلينيك بنت لمك خدامة فوزارة الداخلية ولا شنو و زويينة هادي تاني 
- ليلى: فعلا مكترحميش مبقاتش فيك البنت لي غتموت فيديك
- إكرام: حتا ترحمني أنا الدنيا بعدا.. هي لي باغا تموت اش ندير ليها مالي أنا لي ضربتها على إدها و دخلتها لهاد المجال بسيف (صوت سيارة الإسعاف كيقرب)
- ليلى: بففف مالها داخلة ليه بخاطرها را الضروف لي حكمات عليها (دخل ياسين و هز إسراء بين إديه منزلها)
- إكرام: ياسين سير معاها للسبيطار أوك أنا خاصني نقابل هادشي
- ياسين: و نخليك بوحدك
- إكرام: راني هدرت غير سير 
- ياسين: واخا (نزلها بسرعة دخلها لسيارة الإسعاف و طلع حداها مشاو مباشرة للمصحة)
- إكرام: (ضرباتها بزوج صبعان على حنكها بشوية) لحوب ماباقينش تخباو ورا الضروف حيت نتوما لي درتوها بيديكم يللاه نزلي شوفي اش ديري و عنداك اتصحاب ليك مواصلانيش خبارك على الكليان لي ضربتي 
- ليلى: اهاه نتي من حقك ضربي لي بغيتي
- إكرام: تقودي أنا ماشي هي نتي سمعتي راني سكت ليك هاد المرة.. المرة جاية غنتفاهمو مزيااان (خرجات و خلاتها كتعاير نزلات كدور حتا عيطات ليها سمية /سمية هي المديرة تم و هي لي مكلفة بكلشي/ مشات عندها دخلات للمكتب لقات أسية آية و رقية حتا هما تم و كل وحدة فيهم حتا هي مكلفة بشي مجموعة ديال البنات تماما بحال إكرام)
- إكرام: أووو كلشي مجموع هنا
- سمية: على السلامة لالة إكرام وليتي نتي الشافة هنا
- إكرام: (جرات كرسي جلسات و دارت رجل على رجل) قولي اش عندك بلا هدرة خاوية الله ارحم باك
- سمية: (وقفات و ضربات إدها مع البيرو) يلعن الزامل تاع بوك واش بنت ليك حمارة هنا و لا ناعسة على ودني.. لبارح ضاربة واحد باه رجل أعمال كبييير محشمتيش فاش درتيها
- إكرام: يعاود لراسو المهم أنا ميحطش عليا إديه و سلام راك عارفة شروطي
- سمية: اهاه هادي دوزناها و البنت لي حاولت تنتاحر و مسيفطاها لكلينيك على ضهري بنت ليك كنفرق فالفلوس هنا ولا اش
- آية: ههه اه أكيد حيت نتي لي مطلعا لجد بوها البعرة و مخلياها دير مبغات
- إكرام: أول حاجة أ ديك القحبة ديها فكرك و بناتك مبقاش تلاحي ليا أنا و نتي ا سمية متفرعيش ليا كري مقلتش ليك خلصيه ليها أنا صيفتها و أنا غنتكلف بيها ..

مقلتش ليك خلصيه ليها أنا صيفتها و أنا غنتكلف بيها 
- رقية: شفتي ها لي قلنا كتجاوب بحال إلى هي المديرة هنا
- أسية: اهاه و بسيف مالها شكون بحالها كترقص و مكلفة بزوج بنات و كتحكم فينا من الفوق 
- إكرام: (غير كتشوف و ساكتة كتسنا الفرصة)
- سمية: صافي ساليتو بعدا هي فاشة لي قلبي دايرة خدمتها واخا غير كترقص الفلوس لي كيتحطو عليها مكيتحطوش عليكم نتوما لي عاطيينهم كلشي و البنات لي عندها دايرين خدمتهم و واقفة على كلشي مزيان
- آية: اهاه حيت نتي عاطياها بنات مزيانات ماشي بحالنا حنا مات ليهم الحوت
- إكرام: تقودو كاملات تفوو يخ على ماركة مكتساليوش من نكير كلكم عارفات بللي البنات عندي تا وحدة ما مقادة ولكن قاديت جد بوهم بالسيف ولا نسيتو بللي دازو قدامكم نتوما لولات و مبغيتوهمش
- سمية: صافي هنيونا خليونا فالمهم و لاش جمعتكم
- إكرام: و أخيرا دوي خلاص
- سمية: المهم كاينات بنات جداد و هاد المرة أنا لي غنختار كل وحدة فمجموعة من غتكون باش نتهناو من هاد الصداع يللا زيدو قدامي (خرجو و نزلو الكراج تحت كانو تقريبا شي 17 بنت بدات كتفرق فيهم بحال شي سلعة رخيصة كلا وحدة فمجموعة حتا بقات وحدة و حارت معامن تخليها
- البنت: مداام سمية ممكن أنا نختار معامن نكون
- سمية: واخا ا لالة هاحنا غنشوفو
- البنت: (غادة كتلوا دازت من قدامهم و هي كتلعب بشعرها و تمدغ فالمسكة وقفات قدام إكرام) مممم باين ليا غنبقا معاك حسن
- إكرام: (طلعاتها و نزلاتها) ممم... كنظن بلاش مغنحتاجكش (دارت إشارة لبنات باش اسبقوها)
- البنت: واش نتي مسطية ولا اش.. سعداتك حتا مااااجدة تبغي تخدم معاك
- إكرام: (موجها كلامها لبنات) صبرو.. تسناو شوية (دارت عندها) نعام ا حبيبتي و لاش بسلامة ا زين ياكما تصحابي راسك منعرف اش راك مجرد عاهرة كياخدو منك مابغاو متنسايش راسك 
- ماجدة: على الأقل عندي كلياني
- إكرام: (بابتسامة جانبية) هه باينة مدوزة شحال من وااحد معندي مندير بيك ا زين بااينة مالينك و أنا خاصني الجديد ا لحووب
- ماجدة: بحالة دبا نتي باقا بيو
- إكرام: (طلعاتها و هبطاتها دارت ابتسامة استفزازية و جرات البنات مشات بلا متجاوبها خلاتها كتغلي طلعات البنات وراتهم غرفهم و علماتهم بخدمتهم شنو خاصو يدار و شنو لا و خلاتهم يرتاحو هاد ليلة حتا يولفو على هاد الجو عاد ابداو فخدمتهم بقات كدور على البنات لاخرين و تشوفهم واش قاديين الغراض سلات حتال 3 و رجعات لدار أكيد كيبقا ياسين مكلف وراها و هو لي كيتخلص فكل وحدة الصباح عاد كتعاود تخلصهم إكرام كللا وحدة على أش جابت وصلات لقات كلشي ناعس تخشات حتا هي فبلاصتها نعسات حاولات ما أمكن متفكر فوالو خلاتها على الله و نتاقلات لعالم آخر .....

صبح صباح جديد خيوط الشمس الحريرية واصلة لقاع الغرفة حلات عينيها و هي كتمنا كون محلاتهمش وصلات لدرجة كرهات فيها حياتها مبقاتش عارفة أصلا لاش عايشة و شنو الهدف من حياتها فاقت ليوم شوية بكري ناضت غسلات وجهها لقات غيثة وجدات الفطور و جالسة كتفطر هي و خديجة (الأم ديالهم)
- إكرام: (باست راس خديجة) صباح الخير 
- غيثة: صباح النحس مللي مصبحين على وجهك يا ربي السلامة
- إكرام: لاا إلاه إلا الله الصباح هادا ا زمر
- غيثة: ممم دبا نتي كتعرفي شي رب بعدا الله امسخك
- إكرام: را غنجي نهرس لجد بوك داك الدلقوش خشي فوجهك و سكتينا حسن ليك
- خديجة: صافي البنات هنيونا الله ارضي عليكم واه مكتساليوش من الصداع
- غيثة: هاهي ساكتة
- إكرام: ماما كولي باش نمشيو لطبيب دغيا
- ماما: واخا ا بنتي (كملو ماكلتهم فجو من الصمت لبسات إكرام نقابها و خديجة غير جلابتها و شال فوق راسها مشاو عند طبيب لي متبعا معاه باش دير دياليز حيت مريضة بالكلاوي سالاو الحصة و خرجو)
- إكرام: ميمتي هانتي شدي طاكسي و رجعي لدار أنا نقدي شي غراض و نمشي
- خديجة: واخا ا بنتي غير متعطليش 
- إكرام: أوك (شدات ليها طاكسي من بعد مخلات ليها الفلوس و كملات على رجليها وصلات قدام مصحة كبييرة حلات الباب الزجاجي و دخلات كتمشا بشوية كلشي كيشوف فيها و حاضيها يمكن النقاب لي دايرة أو خطواتها الموزونة و الثقيلة وصلات لا ريسيبسيون كانت تم بنت فالعشرينيات من العمر لباسها قصير و وجهها مقاد مزيان و وقفات قدامها
البنت: ويي لالة فاش نقدر نعاونك
إكرام: ختي عفاك واحد البنت إسراء جابوها البارح حاولت تنتاحر 
البنت: وااو من صوتك باينة مزالة صغيرة
إكرام: اه عادي
البنت: هه لا حيت لي شافك هكا بالنقاب كيعطيك عمر كبير
إكرام: هه كطرا
البنت: اه قلتي حاولات تنتاحر
إكرام: (كتسنا بفارغ الصبر) اه اه
البنت: ممم أمك تسناي (كتقلب وسط ملف التسجيل لي عندها) اه لقيتها الغرفة 59 
إكرام: (كتشوف فيها و كتسناها تكمل)
البنت: اه غطلعي الطابق الثالث تاني غرفة على إدك الليسر
إكرام: شكرا.. (بصوت منخافض) أووف شحال فيها ديال الهدرة
البنت: قلتي شي حاجة ا ختي
إكرام: لا والو شكرا مرة أخرى (طلعات للغرفة لي وراتها بخطوات ثقيلة و موزونة كتحسس فأرجاء المصحة بعينيها لقات ياسين واقف قدام الغرفة ......

إكرام: كي بقات
ياسين: شوية قال ليك تزاوجات مرحلة الخطر
إكرام: (حلات باب الغرفة بشوية لقاتها ناعسة فوق سرير كبير الآلات ضايرين بيها و إديها الصفرين كلها أنابيب شعرها الحريري مليوح فوق الوسادة شفايفها بيضين و عينيها ذابلين كتشوف فالسقف بنضرة شبه ميتة جسمها كللو عيان كتستاجب لدوا بسيف سدات إكرام الباب بشوية باش متحسش عليها) 
إكرام: (طلعات النفس و نزلاتها بقوة) أوووف يا ربي متستاهلش هادشي لي طاري فيها بنت 17 عام يا حسرة 17 مزالة صغيرة باش تشوف هادشي كللو
ياسين: أنا مكنفهمكش مرة ضللي تعايريهم و مرة تأسفي على حالهم
إكرام: واش كاين شي حد ابغي هاد العيشة لشي إنسان كيفما كان بالسيف عليا كنقصح قلبي باش ميدصروش عليا و نبقا متحكمة فيهم
ياسين: نتي تعرفي
إكرام: المهم دبا أنا نزل نخلص و قوليها توجد راسها باش ترجعها
ياسين: فين غنرجعها مشفتيش حالها
إكرام: و الله ا خويا مكرهت نخليها ترتاح مي معندي مندير راك عارف كلينيك هادا و كلما تزادت شي ليلة كيزيدو عليك فالمصاريف
ياسين: اه عندك الحق...
إكرام: المهم دبا فاش ترجعو خليها ترتاح فبيتها مكيناش خدمة عندها فهاد الأسبوع.. (كانت نازلة تفكرات شي حاجة و رجعات) اه و مشفتيني مشفتك
ياسين: هه صافي مشات ا ختي
إكرام: هكاك (نزلات دغيا خلصات و رجعات لدار)
** بعد مرور أسبوع من الروتين عند إكرام نمشيو دبا لبلاصة خرى قاعة كبيرة ريحة الكارو شيشة و الشراب بأنواعه كتملء المكان طبالي صغار كيدور بكل طبلة زوج كراسة و لا ثلاثة من الخشب القاصح خشبة صغيرة لقدام كيرقصو عليها الراقصات كيحاولو يطيحو فريستهم فطبلة جات الوسط جالس المفيوزي الأكبر فالمغرب و قدامو يوسف رجل فالعشرينيات من العمر و صديق قديم ليه
جوزيف: واش ملتك على قلة البلايص فين نتلاقاو
يوسف: صافي ا صاحبي هنينا راك عارف العصابات و المافيات لي فالمغرب كلهم قالبين عليا الدنيا فين بغيتيني نتلاقاك
جوزيف: هه نتا لي كطير هادوك فعايل هادوك
يوسف: كضحك دبا إذن كنتي عارف
جوزيف: هه من لول
يوسف: اه داكشي لاش ساعدتيني
جوزيف: باش تعلم و نتا دايرها قد راسك
يوسف: صافي أنا تبت غير نخرج منها دبا (قربات راقصة من جوزيف بدات كتمايل حداه و تحرك فمفاتنها لي كانو مكشوفين فبدلة الرقص تعصب و دار ليها إشارة بيدو باش تمشي)
جوزيف: أووف ا صاحبي ملقيتي تا شي بلاصة حسن حتا من الراقصات لي نمتعو عينينا فيهم تا وحدة فيهم ماتحمر الوجه
يوسف: ههه باغي غير تمتع عينيك تسنا ليوم اش
جوزيف: الخميس.. لاش ؟
يوسف: هادا هو نهارها 
جوزيف: شكون ؟ .....

جوزيف: شكون ؟ 
يوسف: الراقصة لي موقفة هاد الكاباري كلشي عليها خاصك تشوفها و الله تا دوخ ا صاحبي
جوزيف: هه باين دايز عليها البشرية كاملة راك عارف مكيعجبونيش هاد النوع
يوسف: بيوو
جوزيف: هه زعما
يوسف: 100 احح امتا تقبل بيا خخخ
جوزيف: بففف متأكد ماشي من النوع لي كيعجبني
يوسف: و إلى عجباتك
جوزيف: منظنش.. دبا خلينا فموضوعنا فاش باغيني
يوسف: كيفاش فاش باغيك ؟!! أكيد باغيك تعاوني و لا شنو غتخليني واحل فهاد المصيبة
جوزيف: هه مزيان باش تربا (طفا ضو فوق الخشبة مبقا كيبان والو من غير خيال فتاة كتمايل بجسم متناسق و شعرها واخد راحتو فوق كتافها مع موسيقى هادية خلات كلشي مبهور فيها و فالطريقة لي كتحرك مفاتنها)
يوسف: هااهي جااات
جوزيف: (دار كيشوف فالخشبة بلى مينطق بحرف واحد دار الضو فجهتها و تزاد نيفو ديال الموسيقى لي كانت عبارة على نغمة شرقية دارت و هي كتحرك بسرعة واخدة راحتها فوق الخشبة كانت لابسة بدلة رقص عبارة عن سوتيان فالأحمر محجرين و كيلمعو مع صايا طويلة فنفس اللون بزوج فتحات كبار من الجناب زادت بينات فورمتها لي كانت منحوتة مزيان شي حال فمو شي كيصفق شي كيصفر حتا حد مقدر اخبي اعجابو بيها حتا من جوزيف لي بقا منباهر لطريقة رقصها و تمايلها كتجذب أي واحد كيفما بغا يكون اكون نزلات من على الخشبة كتقدم بخطوات ثابثة و واثقة من نفسها و فنفس الوقت مزالة كتمايل و ترقص على أنغام الموسيقى لي كانت منساجمة معاها بشكل كيخلي الإنسان حائر بكل خطوة كتقرب جوزيف كيتشوق كثر باش اشوف وجهها لمجرد وصلات قدامو مقدرش اتيق راسو شنو كيشوف من غير جسمها الفاتن و المتقون بطريقة رائعة آية من الجمال فارضة نفسها و أنوثتها مداتهاش فيه حيت أصلا دماغها مرفوع لبلاصة آخرة كتسنا على أحر من الجمر إمتا تسالي ساعتها و ترجع فحالها و الفلوس كينزلو عليها من كل ناحية كلشي كيتمناها و حد الآن حتا حد مقدر اوصل ليها بقات مدة لا يستهان بها و هي كدور من طابلة لطابلة حتا سالا وقتها قلبات دورا و محبساتش من الرقص حتا خرجات من القاعة واخا تا حد مكرهها تبقا مدة أطول من هادي)
يوسف: شفتي اش بان ليك فيها دبا ا صاحبي ....

يوسف: شفتي اش بان ليك فيها دبا ا صاحبي 
جوزيف: (الصمت مزال ساهي)
يوسف: (كيدوز إدو قدام عينين جوزيف) هييهوو را معاك داوي
جوزيف: ويي شنو كاين
يوسف: ههه باااين ليا إكرام طيحاتك فشبكتها
جوزيف: (مطلع حاجب و منزل لاخر) شكون إكرام
يوسف: جداا.. هادي لي بقيتي حال فيها فمك دبا
جوزيف: ممم صفي نسا.. خلينا فالمهم عرفتي أش غدير
يوسف: ويي عتقني
جوزيف: غتمشي عند لؤي بقا عندو غنتاصل بيه دبا و نهدر معاه
يوسف: و لاش لؤي كتعرفني معنديش معاه
جوزيف: مكيهمنيش هو الوحيد لي كنتيق فيه و منقدرش نغامر بعلاقتي مع المافيات الخرين على ودك ماشي خايف منهم و لكن راك عارف الأمور كيكدوز عندي معاهم صفقات مهمة غتسنا بما هدات الأوضاع شوية و حاولت نصلح الأمور و ديك الساع بان
يوسف: واخا (مد ليه إدو باش اسلم عليه) شكرا بزااف وقفتي معايا فالوقت لي كلشي دور وجهو عليا 
جوزيف: (بادلو بسلام) هانيا ماشي شي حاجة.. يللا تلاح (غادي فاتجاه الملهى الداخل)
يوسف: مغنخرجوش بزوج
جوزيف: (غمزو) لا مزال عندي مايدار (مشا قبل ميخليه اهدر)
يوسف: (بابتسامة جانبية) جوزيف هو جوزيف عمرو ميتبدل (خرج بزربة و حاول بلا ميلفت الأنظار)
مشا بخطوات ثقيلة دخل لداخل الملهى مقسم على 3 الجهات قاعة الرقص لي كيرقصو فيها قاعة فجنبها لي بغا شي عاهرة كيجي ليها عاد الطابق الثاني مقسوم على زوج غرف البنات و فجهة بعيدة شوية مكتب سمية و أكيد الكراج تحت.. لقا إكرام واقفة مع شي حد و باقا بنفس حوايجها تكا على الحيط مقابل معاها و ربع إدو حاضيها و البنات كيتغامزو عليه
الشخص: واا إكرام مزال مبغا يحن قلبك علينا و لا اش
إكرام: (خنزرات فيه) لا
الشخص: (جبد دمصة ديال الفلوس و لاحها فوقها نظراتو ليها كلهم شهوة و عينيه ذابلين فجسمها) غير طلبي شحال بغيتي و كلشي يكون ليك
إكرام: (بضحكة استهزاء) مبغيت والو و فلوسك غجمعهم عندك مكنتباااعش (دارت باش تمشي و عاودت رجعات) اه متنساش شوف ليك شي وحدة تبرد العافية لي شاعلة فيك دبا ههه (و عينيها على المعلم دارت و خلاتو مصدوم كلشي كان كيشوف فيهم و أكيد حتا حد مستغرب حيت بكل بساطة كلشي ولا عارفها مزياان دازت من قدام جوزيف بلا مترد ليه البال)
جوزيف: 10 المليون ...

جوزيف: 10 المليون....
إكرام: (وقفات و دارت عندو) را واقيلا قلت مكنتباعش
جوزيف: تاخديها دبا و من بعد 10 آخرين (كلشي تصدم و بقا حال فمو حتا حد متوقع بللي ممكن اتحط على شي وحدة مبلغ بحال هادا كلشي كان متشوق و كيتسنا على أحر من الجمر جوابها)
إكرام: (بعدات شوية طلعاتو و هبطاتو بقات واقفة مدة بدون متحرك ساكن عاد نطقات) شوف ليك شي وحدة من هادو (كتعبر بيديها) غير مليون كافيهم مكين لاش تخسرهم عليا حيت مغتاخد مني والو (مشات و خلاتو واقف كلشي مصدوم من غير جوزيف لي كان مبرد و ملامحو ممفهومينش)
جوزيف: (بصوت منخافض) هحنا غنشوف ا لالة إكرام لحد الآن مزال متزاد هادا لي يقول ليا لا
ماجدة: بس الزين (غمزاتو) كون هاني معندك مدير بيها أنا نعوضك و غنكون حسن منها
جوزيف: (شاف فيها مطولا دار ابتسامة جانبية كاستهزاء و مشا بلا ميجاوبها خلاها كتغلي غير بوحدها) 
نرجعو لإكرام طلعات لغرفتها تبدل حلات الباب و رجعات سداتو بساروت وقفات قدام المرايا و كتحل لي سوتيان و كتهدر مع راسها
إكرام: بففف قالك 10 المليون معند جد بوه مايدار.. وااااااااع (قفزات من بلاصتها و قلبها كيضرب فالتسعين شافت الخيال ديال غيثة ختها فالمرايا)
إكرام: غيي.. غييثة أ.. أ أش كديري هنا
غيثة: ا مالكي كتفتفي شفتي جن
إكرام: حي.. حيت خلعتيني كنبدل ما بيا ما عليا تا خرجتي ليا من حيث لا أحتسب
غيثة: صافي دبا هادشي فاش خدامة.. هادشي لاش كتسهري ليالي.. هادشي باش معيشانا...
إكرام: (جلسات فوق السرير و تنهدات) اه عارفاها صعيبة عليك ولكن هادشي لي عطا الله أنا مجرد عاهرة و هادي هي الحقيقة 
غيثة: (جلسات حداها) هادشي را حرام لي دايرة فراسك را مغتعرفيش بحقو دبا أكثر واحد كيعرف بقيمة شرف المرا هو أنا (نزلو دموعها بلا متشعر) أهيءهيء واخا تزوجني ولكن بقا ديما كيعاود فيها كرهني فعيشتي فحياتي فكلشي أهيءهيء داكشي لاش طلقنا بليل بنهار فصباح فالعشية ندير أبسط غلط كلمة وحدة على لسانوأهيءهيء قحبة.. هجالة واخا..أهيءهيء واخا هو براسو لي ضيع شرفي (مسحات دموعها و حاولات تقوي راسها) و نتي دبا شكون غيعقل عليك البرد.. حتا حاجة مكتعوض شرف البنت ا إكرام حتا حاجة شرفك أهم من فلوس الدنيا كاملة
إكرام: راني عارفة هادشي و شفتي إلى كان غير البكرة را مزالة محافظة عليها (حدرات راسها) أنا غير كنرقص هنا و مكلفة بشي بنات
غيثة: و مالكي ا ختي على حالتك ياك عندك الباك على قلة فين تخدمي
إكرام: هههه الباك أشمن باك داوية عليه الناس عندهم باك +5 و مطفروهش غنطفرو أنا بالباك را حنا غييير فالمغرب ابنتي را فيا ميخدم بعرق كتافي و نجيب طرف ديال الخبز بالحلال ولكن مبغيتش عارفة الخلصة غتكون قليلة و المصاريف كثيييرة عندي ها الماكلة و الشراب ها دوايات ماما لي مكتساليش الما و ضو و زييد و زييد 4000 درهم و ماكتقدنيش ...

غيثة: كديري هادشي كامل غير على ودنا
إكرام: واش تسطيتي راكم عائلتي
غيثة: هه عائلتك.. حنا ماشي عائلتك الحقيقية ا إكرام
إكرام: (تنهدات ببرودة و وقفات كتبدل حوايجها عاطياها بالضهر و كتشوفها من المرايا) اه عاارفة
غيثة: (تصدمات و مشات وقفات جنبها) كيفاش عارفة اش كتقولي من امتا و نتي عارفة
إكرام: من شحااال هادا و عارفة هادشي لاش كتكرهيني
غيثة: (حاطة إدها على فمها) دالا راسك و خدامة فهاد الويل باش تصرفي علينا واخا عارفانا ماشي عائلتك 
إكرام: (دارت و شدات من إدها) نتوما كثر من عائلتي نتوما را ربيتوني و كبرتوني فحين عائلتي الحقيقية تخلات عليا و أمركم كيهمني أكثر حاجة
غيثة: (عنقاتها مزيرة عليها و كتبكي على كتفها) أهيءهيء سمحيليا.. سمحيليا أهيءهيء أنا ضلمتك بزاااف كرهتك فالوقت لي نتي مخليتي مادرتي على ودنا الكره عما عيني من نهار كتاشفت بللي نتي حسن مني فكلشي من نهار بابا الله ارحمو كان ديييما كيفضلك عليا
إكرام: (كترتب على ضهرها) صافي غيثة هادشي فات صافي ماطرا والو و هاحنا عايشين
غيثة: (بعدات عليها و مسحات دموعها) دبا عاااد عرفتك لاش دايرة النقاب عارفاه ماشي إيماناا و حباا فالله.. قولي نتي دايراه غير على ود بنادم ميعرفكش يااك
إكرام: هه اه ... أجي نتي بعدا كيدرتي تا وصلتي لهنا.. ممم دوي
غيثة: اه نسيتي تيليفونك و لحقت عليك باش نعطيه ليك تا وصلت لهنا (كتقلب فساكها و جبدات تيلي) اه بعدا هاهو
إكرام: ااه شكرا.. و شكون دخلك لهاد البيت
غيثة: دخلني ياسين.. اه بعدا بلا حشمة بلا حيا كتسيفطيه اتسخر لينا وايني وجهك قاصح
إكرام: ممم واخا حسابو معايا تال من بعد هاداك.. يللا يللا دبا قودي فحالك قبل ميشوفك شي حد و خليني نبدل فخاطري و نشوف خدمتي
غيثة: ياك ا لخانزة كتجري عليا
إكرام: تي تهزي را تابعاني الخدمة.. اه و عنداك ذكري شي حاجة من هادشي لماما راك عارفة صحيحتها على قد الحال أي حاجة ممكن تأثر عليها 
غيثة: اه ويلي بلا متحتاجي توصيني
إكرام: يللا تلاحي با باي
غيثة: ها هي غادة تفو (هزات ساكها بنفاخة و خرجات بلا متزيد كلمة وحدة سدات وراها إكرام الباب بدلات و نزلات كملات خدمتها عادي وصلات 4 ديال الصباح و رجعات فحالها لدار لقات غيثة كتسناها)
إكرام: (بصوت منخافض) نعسات الوليدة و الدراري
غيثة: اه
إكرام: و نتي أش مزالة فايقة كديري
غيثة: كنتسناك ا لقردة بدلي و دوزي تركدي
إكرام: هه واخا .....

صبح صباح جديد حامل فطياتو أحداث جديدة كيف كلا نهار حلات إكرام عينيها على خيوط الشمس الحريرية فاقت معطلة شوية غسلات وجهها طرفات حالتها و مشات الكوزينة تفطر لقات غيثة كتوجد فالغدا
إكرام: (جرات كرسي و جلسات تفطر) صباح الخير
غيثة: صباح النور.. نسخن ليك أتاي؟
إكرام: لا بلاش.. ماما فينها
غيثة: را مشات عند ديك ثرية جارتنا فالدار القديمة قالت ليك مريضة بزااف و مشات تشوفها
إكرام: مشات تااال تم!!.. على أساس هي صحيحة دبا زعمة.. الوليدة تاهيااا.. !!
غيثة: صافي معندك مديري خليها فراحتها.. (سكتات شوية عاد كملات) أجي نتي بغيت نهدر معاك
إكرام: (و هي كتمدغ) خبار الخير
غيثة: تي خوي ا فمك بعدا
إكرام: دوي ا لخرا بلا متشحفيني
غيثة: (حطات داكشي لي فيدها و مسحاتها بالطابلية ديال الشقا جرات كرسي و جلسات مقابلة معاها) احم فالحقيقة بغيت ندوي معاك ففف... (كدور فعينيها و كتحاول تهدر)
إكرام: (حطات الخبز لي فيدها و غمزاتها) أش كاين تاني؟؟.. شوفي جيني من لخر
غيثة: من لخر ؟!!..
إكرام: اه
غيثة: فالحقيقة على ود خدمتك
إكرام: مالها خدمتي عاود
غيثة: واش من نيتك كيفاش مالها عاودي فكري ا حبيبتي مزيان فالقرار لي خديتي هادي را مخدما ما والو.. عفاك حاولي تقلبي عليك على شي خدما خرى و حتا إلى مقدرتيش على المصاريف كاملة أنا نخرج نخدم و نعاونك غير عاودي فكري ا حبيبتي
إكرام: معندي فاش نفكر و نتي معندك فين تخدمي قردي لرض بحالك و حضي غا ولادك هاد الخدمة أنا لي ختاريتها منادماش عليها و عمري مغندم عليها غير كوني هانيا و راني عارفة اش كندير ميختافش عليا
غيثة: (تنهدات) غيجي واحد النهار و تندمي عليها و غتحسي بهاد شي لي كديري هانا فين قلتها (دقات فوق الطبلة و ناضت كملات شغلها خلات إكرام غارقة وسط أفكارها زعما ممكن إجي شي نهار و تندم على هادشي لا محدها مباعت راسها لحتا حد معندها مناش تخاف بقات مدة و هي جالسة على نفس الوضعية فكرة ديها و فكرة تجيبها حتا صونا الباب و قفزات باش تحل حلات لقاتها خديجة ماماها
إكرام: على السلامة ميمتي
خديجة: الله اسلمك ا بنتي (دخلات لصالون و جلسات مسرحة رجليها و إديها فوق المخاد لي جنبها) أوف أوف يا بنتي عيييت الصحيحة مشااات
إكرام: (حاطة إديها فوق الرخامة و متكية عليها) و قوليها لراسك ا ميمتي غاديا ليا لقرطة حنة باش تشوفي المرا !!!.. لاش.. مختارعين التيليفون بالسلامة ؟!! همم دوي !.. ....

خديجة: و صافي ا بنتي المرة را مريضا بزاااف و شادة فراش الموت نهار غنكون فبلاصتها تانا غنبغي لي يجي يشوفني واخا ينسيني غا فهمي
إكرام: متقوليش هكاك ا ماما راك عارفة صحيحتك على قد الحال كنقول هككا غير حيت خايفة عليك
خديجة: معندك مناش تخافي مشينا غير زوج خطوات آجر
إكرام: (غادة فاتجاه الكوزينة) لا يكلف الله نفسا إلا وسعها ا ماما (مشات تعاون ختها فالغدا دوزات العشية عادي مع تمام السادسة لبسات نقابها بالخف و خرجات بخطوات خفيفة و موزونة دخلات لملهى كلشي حاضيها و متبعها بعينيه مداتها فحتا واحد و لا هزات عينيها فشي حد حتا كتجي عندها وحدة من البنات كتجري
أمنية: إكرام.. إكرام عتقيي
إكرام: غير بشوية.. (حيدات النقاب من على وجهها) اش كاين تاني!! شكون باغا تنتاحر هاد المرة؟
أمنية: ولا ماشي هادشي
إكرام: (دارت إد على إد) و شنو ؟!!
أمنية: شي حاجة كتخصني أنا
إكرام: واش غتهدري و لا نجي لمك
أمنية: احم فالحقيقققة...
إكرام: واش ديلمك معندك مايدار طلقينا خلاص نمشي نشوف اش ندير
أمنية: (قربات ليها و همسات فودنها) خاصني لاسير ولا غازوار لي كان المهم غير نقضي
إكرام: (غوتات) شنووو !!! (كلشي دار كيشوف فيهم)
أمنية: (بصوت منخافض شبه مسموع) ويلي غير بشوية فضحتينا
إكرام: احم صافي (دارت عند لاخرين) يللا كلشي لشغالو بقاو حاضينا.. و نتي زيدي قدامي
أمنية: هي لي متعاودش (طلعو للطابق التاني و وقفاتها)
إكرام: اش بغيتيها
أمنية: ا ويلي على اش بغيتها نتصور معاها مثلا
إكرام: (خنزرات فيها) هاديك القحبة براكة من التفلسيف فين باغا ديريها زعما
أمنية: لحمي فين فنظرك
إكرام: 😨😨 كديري غازواغ للحمك !!!!
أمنية: اه بعض المرات لما لقيتش باش نقضي و دبا وحلت ملقيت تاحاجة و راك عارفة سمية مانعا علينا حنا الخروج
إكرام: يااا ربي اش هاد قحبات آخر الزمان لي لحتيني معاهم واش مرضتي وليتي بوشعيب نتي.. و قالك باغين اجيبو الكليان
أمنية: بحالة دبا نتي عمرك درتيه
إكرام: شفتك واخدة راحتك فالهدرة لا ؟! تهزي و جمعي عليا كرك.. داكشي ماشي معايا
أمنية: احم ديزولي.. دبا غير عتقيني الله ارحم باك
إكرام: قودي عليا دبا لبيتك و أنا غنشوف اش ندير
أمنية: واخا هي لولة (مشات كتجري و خلات إكرام كتهدر مع نفسها)
إكرام: أووف فرعات ليا راسي بالهدرة.. إيوا صافي هادشي لي بقا ليا قالك غازواغ ههه 😅😅
ياسين: بس بس 
إكرام: ياا ربي السلامة منين كتخرج نتا
ياسين: مالك كضحكي غير راسك
إكرام: هه والو نسا
ياسين: ممم واخا
إكرام: اجي نتا بغيتك
ياسين: نعام خبار لخير
إكرام: تلاح سير جيب ليا فيت بوماد دبا دبا تا نخلصك
ياسين: مممم فيييت.. قررتي تحني فيا و لا شنو 😏😁😁 هه
إكرام: (خنزرات فيه و ضرباتو فكتفو) الله امسخك
ياسين: اححح مقبولة منك
إكرام: و تا تجمع شوية.. را ماشي ليا لدك الويل ديال أمنية طير جيبها دغيا
ياسين: خدام ديال باهم أنا ....

ياسين: خدام ديال باهم أنا 
إكرام: را أنا لي مسخراك ا زمر
ياسين: وا هي لا حنيتي فيا
إكرام: لا لا نتا خاصك واحد الطرح ديال العصا مفيهاش يللا تقاد
ياسين: ههه ياك محشوماش..
إكرام: واا معرت
ياسين: احم راك عارفة راسك كثر من ختي.. اه تفكرت ديك إسراء كنظن ولات شوية دبا را داز كثر من سيمانة 
إكرام: معرفتش و الله تا نشوفها بعدا كيبقات مدام حاولت تنتاحر إلا و را يأسات من الحياة
ياسين: بصح.. تلاحي نمشي نجيب ليها فييت خخخ
إكرام: سير سيير (مشا و طلعات إكرام لغرفة إسراء حلات الباب بشوية و بقات واقفة كانت متكية فوق السرير عينيها ذابلين كيشوفو فاتجاه واحد بطريقة كتخوف شعرها الكحل مطلوق و نازل على كتافها وجهها شاحب مشا منو اللون و الحيوية لي كانت فيها تمحات قربات إكرام بخطوات بطيئة و جلسات جنبها)
إكرام: مكين لاش ديري فراسك هاد الحالة
إسراء: (لا جواب غير ساهية بدون حراك)
إكرام: راني داوية معاك هاد الحالة را مغتنفعك بوالو
إسراء: (كتغوت) بعدي منييي مشغلكش فيا علاش عتقتوني خليوني نمووووت حسن ليا هكا يمكن غنرتاح من هاد العيشة غير شوية
إكرام: (وقفات و بدون سابق إنذار جمعاتها معاها بتصرفيقة تا دار ليها الحنك بلا متنطق)
إسراء: (دموعها نازلين كيف الشلال) اهيءهيء هادشي لي كتعرفي ليه ياك اهيءهيء عمرك غتحسي بيا حيت نتي عايشة حياتك و معلا بالكش بالدنيا اهي هيء داكشي لاش ممنحقكش دخلي فيا
إكرام: أنا محاساش بيك اجي نتي حسي بداكشي لي فداخلي عاد تفهمي.. كيفاش ترتاحي من هاد العيشة؟!!.. شفتي هاد العيشة نتوما لي ختاريتوها داكشي لاش بالسيف عليكم تقبلوها سمعتي
إسراء: واش نتي مريضة اهيء هيء واش كاينة شي وحدة كتبغي تكون عاهرة اهيء هيء تبغي تبيع لحمها تبغي تبيع شرفها حياتها مستقبلها و أحلامها اهيءهيء أكيد مكينااش
إكرام: شكون ضربك على إدك
إسراء: (مسحات دموعها و حاولات تقوي راسها) أ أنا را غتاصبني ولد خالتي سمعتي ولد خالتي (الدمعة محجرة فعينيها) قال ليا مدويش سكتي و لا نفرشك أنا لول.. راني أنا راجل اهيءهيء أنا الراجل و أنا لي غيصدقوني ماشي نتي أهيءهيء و كان عندو الحق مكدبش واخا هاكاك سكت هيءهيء الحاجة لي ندمت عليها أنني سكت أهيء نهار حملت و عاقت الوليدة مخلاوش ليا تا لفرصة باش ندوي و فاش عاودت ليهم جات مو كتندب بحالة هي لي موجعا قالت ليهم ولدي ميديرهاش ولدي مربي و فلخر رجعت أنا لي ممربياش أنا.. أنا لي ممربياش لدرجة جبروني نقتل ولدي اهيءهيء اه قتلت ولدي هادي هي الحاجة لي عمري نسامح ليهم فيها (عاودات مسحات دموعها) صافي هربت و لقيت راسي هنا مكان عندي فين نمشي
إكرام: (نزلات دمعة من عينها و مسحاتها دغيا قبل متشوفها إسراء) هادا ماشي مبرر كان بإمكانك تمشي لشي بلاصة خرى و تخدمي على راسك ولكن نتي ختاريتي هادي ختاريتي الطريق الأسهل و مهماتكش النتيجة (وقفات و خرجات قبل مضعاف قدامها بلا متزيد كلمة وحدة) 
إسراء: (بقات مصدومة من هدرتها و شاكة بللي واش عندها ولو ذرة رحمة واخا يكون قلبها حجر ميكونش رد فعلها هكا)
إكرام: (غير سدات الباب مشات جرية وحدة لغرفتها سدات عليها تكات على الباب و طلقات العنان لدموعها ياخدو راحتهم فوق خدودها ....

*** علمتني قسوة الحياة كيف أدفن دموع عيني.. ألا اكتب همومي إلا على جدران قلبي.... 
** علمتني قسوة الحياة أن أدفن صرختي في الصمت.. وأمسح قطرات الدمع .. حتى إذا كانت الخناجر معلقة في طريقي....
** علمتني قسوة الحياة أن لا أطأطئ رأسي أمام الملأ.. بل أبقى شامخا ولو إن أشاعو أنني انكسرت....
** علمتني قسوة الحياة أن الشموخ لا يهان عند الانكسار.. بل يزداد قوة ليبدأ في سرد قصة شموخه....
** علمتني قسوة الحياة أن أبكي داخل حدود قلبي.. وأبتسم للملأ..!! أن أفرض على الجميع الصمت..حين يروني!!!
*** علمتني قسوة الحياة.. أن الصمت أجمل.. ***
حرقها قلبها على بنت صغيرة شافت هادشي كللو مكرهاتش تعنقها و تواسيها تحاول تخفف عليها و لكن فنفس الوقت مقدراتش خاصها تكون قوية قدامهم هادشي لي كتفكر فيه هي كتحاول متخلي تا حد اشوف دمعتها ولا حتا ضعفها رغم أن الداخل ديالها كيتحرق أكثر حاجة مؤلمة ممكن تعيشها هي متعرفش شكون نتا شنو أصلك شكون أهلك معارفهمش ميتين ولا حيين جرات السنسلة لي فعنقها بقات كتشوف فيها و الدموع نشفو من عينيها هادي آخر ذكرى ليها من عائلتها زيرات على إدها و قرباتها من قلبها لي كان كيضرب نزلات بشوية تا جلسات على الأرض جمعات رجليها عندها و تكات راسها على الباب نزلات دمعة حااارة من عيونها تبعها شلال ديال الدموع و هي كتشهق بقات مدة لا يستهان بها و هي على نفس الوضعية حتا نشفو عينيها من الدموع مرة أخرى خدات نفس عميق مسحات دموعها بكمها و وقفات حيدات نقابها و لاحتو فوق السرير بقات بسروال جينز كحل مع تيشورط فوشيا بكتبة فالكحل مشات فاتجاه الحمام غسلات وجهها بقات كتشوف فالمرايا و دماغها فيه 100 سؤال مزال مقدرات تلقا ليهم أجوبة تنهدات و مسحات وجهها بالفوطة رجعات السنسلة لعنقها و غطاتها بتيشورط باش متبانش قادات حوايجها و خرجات تلاقات بياسين هو لول فوجهها
ياسين: فينك اش كنتي كديري ساعة و أنا كنقلب عليك
إكرام: (بصوت مبحوح) والو لاش كتقلب عليا اش كاين
ياسين: مال صوتك هكا (حط إديه على كتافها) اش طاري معاك
إكرام: (حيدات إديه) را قلت ليك والو دبا جاوب اش كاين
ياسين: غير على ود فيت ديال أمنية ساعة فاش ملقيتكش ديتها ليها
إكرام: هادشي لاش مكين حتا حاجة خرى
ياسين: لا
إكرام: أووك هانا غنزل نشوف اش ندير (نزلات بلا متزيد كلمة وحدة)
ياسين: (فنفسو) عارفك كتعدبي بزاااف و حتا واحد محاس بيك رغم أنك حاسة بكل واحد عارفك طيبة بزاااف و قلبك كبيير واخا بانية ديك الشخصية القوية مكينش لي فاهمك قدي (مشا حتا هوا يشوف اش يدير ....

كملات إكرام خدمتها كيف العادة مع 3 ديال الصباح لبسات نقابها و خرجات مع الخرجة ديال الباب كيلفت نضرها جوزيف متكي على سيارتو الفخمة من نوع فيراري ابيرتا بيضة شاد فيدو سيجار كيكمي فيه و مقابل مع الباب تأكدات فعلا من مستواه دازت من حداه بخطوات متسارعة حيت هاديك هي طريقها ضربات فيها ريحتو رجولية معطاتش للأمر أهمية و كملات طريقها وصلات لأحياء راقية و من طبيعتهم كيكونو هاديين بليل و بعض الأوقات حتا بنهار كتسمع شي صوت خطوات ثقال وراها متلفتاتش و بدات كتسرع فخطواتها شوية.. حتا كيوقفها بصوتو الرجولي
جوزيف: مخبية فالنقاب خايفة بنادم اعرفك على حقيقتك
إكرام: (وقفات و متلفتاتش جيهتو) أشمن حقيقة داوي عليها
جوزيف: (كيقرب ليها كثر) ممم أشمن حقيقة (وصل وراها مباشرة و همس فودنها بطريقة مستفزة) حقيقة أنك مجرد عاهرة.. ممثلااا
إكرام: (استافزها بعدات شوية حيدات النقاب من على وجهها و دارت تقابلت معاه) اش كاين اش باغي تاني (دارت إد على إد كتهز فرجلها بنفاذ صبر و كتسناه اهدر)
جوزيف: هههه سمعي ا ديك القحبة أنا إلى بغيت شي حاجة كنديرها (غمزها) مكنتشاورش ا حبيبة
إكرام: إلى كان غير هكا فكون هاني معندك متصور مني (دارت باش تكمل طريقها)
جوزيف: (شدها من مرفقها بقوة و هدر ببرودة الشيء لي خلاها تزيد تجعر) متأكدة ؟؟!!!
إكرام: (تنترات منو بجهد) عمرك تعاود تحط إدك عليا مرة خرى يا لمكبوت بزاف على مك أنا (هزات صبعها فوجهو) و عمرك تعاود دور بيا مرة خرى حسن ليك مستحيل تاخد مني شي حاجة .. سمعتي.. مستحييييل (دارت نقابها و كملات طريقها)
جوزيف: (شبك إديه ورا عنقو و دار ابتسامة جانبية) ممممم واخا غنشوفو ا لالة إكرام (دار كمل طريقو هو التالي بخطواتو الرجولية و نضرتو الحادة لي كضيف على شخصيتو هبة كبر عكس كيف كان دبا شوية)
** وصلات إكرام لدار حلات الباب بشوية لقات كلشي ناعس دخلات بخطوات خفيفة على صباع رجليها بدلات عليها و لبسات بيجامتها عبارة عن شورط و ديباردور فالخضر قطنية و رطيطبة تخشات فبلاصتها و دخلات فنوم عميق...
فاقت إكرام ليوم على شي صداع و السوسان حلات عينيها بشوية و هي كتكحب
إكرام: (حالة عين و سادة لاخرة) كح كح اش كاين اش كديري
غيثة: (كتسوس فسداري لي حداها باش تحيد تلميط) اش كندير كنحيد تلامط
إكرام: (حيدات عليها الغطا و جلسات) لاش
غيثة: كيفاش لاش باش نصبنهم
إكرام: و لخرا لاش باغا تصبنيهم يللا شهر باش خملنا
غيثة: واخا ا ختي (كتمسح على نيفها بلور ديال إديها) قهراتني الغبرا و الحساسية و شوفي كي ولاو حالتهم
إكرام: أوووف مكتساليوش زعما (وقفات فاتجاه الحمام)
غيثة: (مضاربة مع المضربة مبغاتش تثنا ليها) براكة متبقاي تأفأفي عليا و تهزي سيري غسلي و زيدي عاونيني
إكرام: هاهي غادة (مشات غسلات و رجعات تعاون ختها ....

حيدو لفراش ديال الدار كاملة بزوجات و طلعو لصطح اصبنو داكشي و خلاو مهم كتوجد فالغدا غيثة تكلفات بطلامط المانط و ليزور أما إكرام صبنات الزرابي و الحساير و عاد الفراشات الصغار نزلو تغداو بالخف و طلعو يكملو و خديجة هي لي دات منير لمدراستو أما تسنيم باقا مدخلاتش تقرا نعساتها عاد خرجات كملو لبنات الصابون نشرو داكشي و قادوه عاد نزلو كانت 4:30 ديال العشية دوشات بالخف لبسات عليها يللا غتخرج
خديجة: اجي ا بنتي فين غادة
إكرام: لخدمتي ا لواليدة.. فين
خديجة: واخا و غير كولي ليك شي حاجة بعدا
إكرام: لا مفياش تا نوصل و ناكل شي حاجة مزروبة دبا
غيثة: (هازة فيديها طبسيل ديال الحلوى) شدي كولي و هنينا عارفاك غتنساي راك من بعد و تبقاي بلاش
إكرام: ممفاكينش
غيثة: (حركات راسها بمعنى لا)
إكرام: (تنهدات و خدات طبسيل كلات ثلاثة الحبات و هي واقفة بالخف) صافي هاني كليت بسلااامة (خرجات دغيا كتمشي بسرعة حتا وصلات لملهى طلعات لغرفتها حيدات نقابها و نزلات دير خدمتها وقفات مع ياسين شادة فيديها مذكرة و ستيلو كدير شي حسابات هي و ياه حتا وقف عليهم رضا حتا هو خدام معاهم تقريبا نفس مهمة ياسين غير هو تابع لآية
رضا: اووو واش نتي لي حطو عليك 20 مليون و رفضتي (كيعوج فالهدرة تقريبا بحال البنات)
إكرام: (بدون متهز فيه الراس) اه هي أنا و سير قلب ضورا حسن ليك ا حنيني
رضا: معرفتش اش عاجبهوم فيك اوووف مفهمتش
إكرام: (كتعض على ستيلو و كتورك عليه كتحاول تفكر) خاص تكون راجل باش تفهم اش عاجبهم يللا دور تقود بحالك خليني نحسب فخاطري
رضا: اش هاد المستوى فينها الأنوثة ديال البنت
إكرام: (حطات المذكرة و ستيلو فوق كرسي كان حداها وااا الزمر وااا التب فرقني عليك و شفتي ديك الأنوثة خليت جدها ليك طفرتيه بيها نتا بعدا يخخ متخليو حد خدام فخاطرو تفوو على ماركة (هزات المذكرة مع الستيلو و دارت موجهة كلامها لياسين) أنا غنمشي نكمل الويل راسي و نتا طلع شوف البنات عفاك
ياسين: أووك مشات
رضا: أجي فين غادة مزال مسالينا الهدرة
إكرام: (مشات و خلاتو بدون ماتجاوبو و هي كتجر فجلايلها و تبركم غير راسها شادة المذكرة و كتضرب بيه على إدها من شدة التوثر و الغضب) تفوو يخخ شكون سلط عليا هدا تاهو بقا ليا غير المخنثين بالحساب يلعن طواسلو هو لي خاصني نيت
نرجعو لياسين طلع كيدور على البنات واش خاصة شي حاجة دايز من قدام غرفة إكرام حتى سمع صوت شي حاجة طاحت وسط الغرفة رجع زوج خطوات لور و قرب للباب بخطوات ثقيلة و موزونة حط إدو على البواني و ....

حط إدو على البواني و حل الباب بانت ليه ماجدة محدورة باش تهز شي بواطة صغيرة 
ياسين: (بنظرات كلهم استغراب) اش كديري نتي هنااا ؟؟!!!
ماجدة: (هزات البواطة و وقفات حطاتها فوق كوافوز حداها و بدات كتقاد فحوايجها بدون اهتمام) ماشي شغلك
ياسين: (شدها من كوعها بقوة) كيفاش ماشي سوقي راني سولت جاوبي اش كديييريي هنااا (و كيورك على هدرتو)
ماجدة: (تنترات منو بجهد و خنزرات فييه) اييييه متقيسنيش!!.. بقا ليا غير عبد اكرام بالحساب
ياسين: (بقل واقف مدة كيشوف فيها مزال مقدر استوعب هدرتها جرها بقوة من شعرها حتا نزلات لعندو) اش كتقصديي!!... (كان كيهدر بصوت رجولي و فنفس الوقت صارم)
ماجدة: اي اي طلقنيي المتوحش لااخر
ياسين: (زاد زير على شعرها بلى مينطق يكفي غير عيونو لي كانت كتنفت النار)
ماجدة: قصديي راه واضح علاه مالي كدبت؟! مالك ماشي عبد عندها و خدام تحت إمرتها؟؟!!!
ياسين: (جرها بخفة و لسقها مع الحيط بعنف ادو كانت كتحاوط عنقها كان مزير عليها بزاااف لدرجة ولات كتلقى صعوبة فالتنفس) هانا غنوري القحبة لي حطاتك شكون العبد هنااا!!
ماجدة: (بابتسامة جانبية) حادك غير فيا أنا فينها رجولتك فدام اكرام ا شماتة عيفة الرجال
ياسين: (زاد زير عليها و هو كيطلع فيها حتا مبقاتش لامسات رجليها الأرض عروقو كانو خارجين و الجنون كيشطحو فوق راسو) هانا غنوريك لملتك الرجلة بقات ليا غير عاهرة جامعة كل وسخ الدنيا تحل عليا كرها
ماجدة: (كانت كتركل بجسمها النحيل قدام جسمو الضخم الهائج وجهها ولا زىق و النفس تقطعات منها كتحاول تقاومو بدون فائدة كان اقدر اقتلها لولا تدخل اكرام لي كانت سمعات الصداع فآخر لحضة)
اكرام: ياسين طلقها... ياسييييين.. ويلي مالك هبلتيي !!.. (قربات ليه و حاولات تبعدو عليها دخلات حتا سمية و شي بنات خرين باش قدرو يفكوها من اديه)
اكرام: (بنظرات استفهام) ياسين اش طرا بالضبط؟؟!!.
ياسين: علميها بلي حسن ليها تبعد مني حيت المرة جاية مكين لي غينقدها من بين اديي(ضرب ادو مع الحيط و خرج زعفاان
اكرام: (موجهة كلامها لماجدة) اش كاين هنا و مالك مع ياسين
ماجدة: اوووف ماقلت والو من غير لي كاين
اكرام: اش قلتي ؟؟!!!
ماجدة: واه على مالو معارفش راسو غير خدام عندك و مجرد عبد كيطيع الاوامر
اكرام: (بصدمة) نعاااام 😨😨 !!!!!
آية: (لي جات حتا هي لمجرد سمعات الصداع) ماااجدة زيدي قدامي دبا حسن ليك حتا لمن بعد و نتفاهمو
اكرام: معندها فين تمشي انا لي غنتفاهم معاها
ماجدة: (كتبعكك و تورك على الحروف) ويلي على مالي شنوو ددرت
اية: سكتي نتي و هنينا😡 دايراها قد راسك و مزالة كتهدري... اكرام راك عارفة ماجدة محسوبة عليا و انا الوحيدة لي عندي الحق ندخل و نتحاسب معاها
اكرام: واش كطنزي عليا.. محسوبة عليك فبلااااصتك.. ماشي وسط بيتي و تحاسبي معاها يللا برااا.. قودييي خلاص
اية: اووف هاهيا غادة يخ (خرجات و خلاتهم) ...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.