داوها لبيت الماء.. كسلوها وفركوها فنصاص الليل وفكو ليها شعرها المخبل بالماء وللزاز حتى رجع رطب . لبسات حوايج جداد نقيين فالكحل . جبادور بلدية بالطرز ورشبيل ، دفرو ليها شعرها فالنص ودوروه على راسها . دارت زيف ابيض غطات ليه شعرها الور وخرجات كضوي شادة فيهم كتعرج على رجلها ، مشاو كيتسلو للكشينة تاني عطاوها تاكل حتى عمرات كرشها وجلسو كيتجمعو ويتعاودو ويضحكو على نل ظارو لاللة شامة حتى قرب الفجر بأدن وهما ينوضوها ولوات عليها خنشة ورجعات للحفرة كتحبو على رجليها حتا وصلات وهي طيح طيحة وحدة نعسات.
صبح الحال فالقصر مهدن .. لاصدع لا مشاكل لا هم يحزنون... رجع كلشي كما كان لحال اللول .. الحريم كيتعلمو ويقراو وكل وحدة باغا تبان حسن من الاخرى .. كتمنى وتسنى من مولاي السلطان يعيط ليها .
ولاكن اللي ماصبحاتش مزيانة بحال ديما .. هي لاللة شامة ... صبحات مجبدة ففراشها حازمة راسها ومخرجة عينيها فتوب ابيض رطب مفرفر من اليدين ومشبك من العنق ... جالسة حداها الشريفة فالارض مربعة رجليها ... وفوق الفراش رطب حرير جالسة مها لاللة شمس الضحى .. شعرها كحل دايرة ليه فرقة .. وحجبانها ملاسقين رقاق شوفتها فاصحة ومن عينيها وغباشتها باينة مسميمة . كشتوف فيها مربعة يديها ونشارها توبها قدامها
لاللة شمس الضحى : كنتي غير كتحلمي ... سكتي ماتعاودي هادشي لحتى واحد لا يحسابوك خرج بيك العقل وتسطيتي ... يديروك ضحكة وعمر مولاي يتلفت ليك ...
دارت فيها لاللة شمس الضحى حتى هي وقالت : طول حياتك كتجي من الحريم ديالو ولا عمرك جيتي من جيهتنا .. زعنا باغا تكسبي حبو ليك ويروم ليك ويمسع كلامك وبدير بيه
فالت الشريفة المسكينة مجروحة من كلامهم وحادرة راسها
الشريفة : ماغراضي لا يروم لي ولا يدير بكلامي ... ربيت وكبرت وجهدي كاع درتو باش نكبرو على طاعة الله ... يكون حقاني مايضلم . والى جيت من جيهة الحريم ديالو وشديت جناحهم .. راه غير حيت كيبقاو فيا دوك الحريم ... ماعندهم لا والي لا تالي وعايشين هنا غير باش يسعدو سيدي .. حياتهم هي هادي .
ضحكات لاللة شمس الضحى وقالت : سوليهم واش يخرجو ولا يبقاو فهاد العيشة اللي عايشينها ... وشوفي باش يجاوبوك ياللي كتحني فيهم .. يا مولات القلب لكبير . كل وحدة سيفطها باها هدية فرحان بيها .. يلبسو غير الرفيع .. ويتعلمو و ياكلو .. اش بغاو حسن من هاد العيشة ... وكل ليلة تمشي وحدة عروسة عندو وترجع محملة مجملة بالذهب واللويز والتواب الرفيعة .
وقفات لاللة الشريفة ماقادرة تزيد تسمع لكلامهم المسموم وخرجات على عكازها في فمها غير كلمة " لا حولة ولا قوة الا بالله العلي العضيم " وعارفة لوكان تشكي بيهم لسيد الملك كان يحكم في حقهم بحال حكامو فالحريم والعبيد ... مايعرف بنت عمو من وحدة من الخدم ... اللي دار الدنب يستاهل العقوبة
فدروب القصر كتمشى لاللة ياقوت رافعة الراس ، بجنابها وصيفاتها مرافقينها ، طالقة شعرها الاسود الطويل فوق عبايتها الحمراء وحاطة تاج ابيض كيبري على راسها ، وقفات قدام باب سيد الملك مبسمة . حنى ليها البعد الثالت والةاقف الوسط راسو وهوا طريقو ... وجمعو الحراس رماحهم الطويلة من قدام الباب ودارو ليها طريق دخلات ، وقفات لداخل مبسمة كتسناه حتى يسالي الصلاة . سلم ووقف كيطوي سجاداتو البيضاء فيديو .. تلفت عندها وقال
سيد الملك : شنو واقع تاني؟
تبسمات وقربات منو : الحمد لله ما واقع والو ... جيت نشوف ولدي ماشي الملك ... كي بقيتي؟
عقد حجبانو وقال : كيفاش كي بقيتي؟
لاللة ياقوت : لبارح كنتي معصب وحتى المجمع دالوزراء مامشيتيش ليه ... وحتى العشاء متجمعتيش معانا فيه؟! ياكما مريض ولا بيك شي حاجة؟
جاوبها مبرد وقال : مابيا والو ... ضاروري يكون بيا شي حاجة باش نبات شي ليلة بلا عشا ولا مانمشيش لمجمع الوزراء،
لاللة ياقوت : ايوا حيت ماموالفاش ليك ... جيتيني ماعجبك حال مامرتاح ؟ ... اشنو بان ليك نوجدو ليك شي ليلة مع الحريم ديالك ... شحال ما نشطتي
عطاها بالضهر كيلبس عبايتو وقال : اللي عجبك ... حسن قولي ليهم يشوفو بنات جداد .
لاللة ياقوت : الحريم ديالك مزال مكتعرف فيهم حتى وحدة ... علاش بغيتي الجداد؟
دار عندها وقال : حيت حتى وحدة من هادوك ما كتجيني على الكانة ... مكيعرفو يغني .. مكيعرفو يضحكو ... غير كيقفقفو عليا ... واش مع هادو غادي ناخد راحتي؟
لاللة شمس الضحى : رمي الحجر وخلينا نتهناو من هاد الصدع ... شكون ساق ليها الخبار واش ماتت ولا باقا عايشة.
حناو لعبيد راسهم وبداو يهزو فالحجر ولوحو .. تسمع غوات روح الندى تاني ... ولاكن فاش لاحو الحجر الكبير تقطع صوتها و تيقنو باللي صافي دا مول الامانة امانتو ... الحجر كبير وغير وحدة الى جات على راسها صفيها ليها . بردات لاللة شامة ورجعات هي ومها للقصر مهنية مطمنة
دفعات روح الندى الخشبة بيديها وخرجات راسها شادة فيه والدم كيسيل . يلاح لاحت راسها جات فالارض وهوا يبان ليها زعبول واقف مخرج عينيه ماعرف باش تبلا ... ماعرف يهرب ولا يبقا واقف يشوق اش واقع ... شافت فيه مخلوعة وقالت
روح الندى : زعييبيلة ... زعبوولتي اعىء اهىء اهىء اهىء
ضرب فخادو وقال : روح الندااااا !!!! منين خرجتي يا المتعوسة ياك لاحوك فالمطمورة ؟!
بدات كتبكي شادة فراسها والدم كيشرش من قلقولتها .. كتخصص وتبكي مابقاش ليه الجهد باش تهضر .. سمع زعبول الباب تحل ومشا كيجري وقف على طباخ كان ناوي يدخل وقال ليه
زعبول : سييير ..سيير دير الماء يغلي دابا راني بيتو ... يالاه سييير ونتا تابعني فين ما مشيت
- بيت اللويزة والتومة وصافي
زعبول : هانا جايبها ... سير حط الماء فوق المجمر هاني جاي ليه .
كطل روح الندى غير بعينيها خايفة وهي جالسة فالارض .. ماتهنات حتى شافت زعبول راجل بوحدو
زعبول : اش وااقع ؟ ... مال راسك
روح الندى : بغاو يقتلوني وهربت بجلدي ازعييبيييلة ديااالي اهىء اهىء اهىء .. كنت ناعسة فمطمورتي حتى جاتني حجرة فراسي وانا نهرب ... شفت الحجر كيهبط قدامي فالمطمورة بحال الشتاء ..بديت نغوت غير بوحدي حيت عرفتهم بغاو يقتلوني وبغيت نقطع ليهم لياس... عاوني شو راسي مضروب ازعيبيلة
حيد ليها يدها على راسها بان ليه الزيف الابيض اللي دايرة رجع حمر بالدم .. حيدو ليها وبدا يحط ليها فالتحميرة ويكمد حتى تقطع الدم .
روح الندى : عيط على عبدية وطامو يجيو يعاونوني ... ويرحم والديك ضبر ليا فشي حولي ميت ولا مدبوح راه عندي بيه الغرض
عروس الملك السابعة الجزء 18
محتوى القصة
يتبع
التنقل بين الأجزاء