عروس الملك السابعة الجزء 24

من تأليف Ghazal trust
2018قصة مُلغاة

محتوى القصة


رواية عروس الملك السابعة , زوجة الملك السابعة

القصة عامرة الغاز ومكنسا حتى حدث . علاقة العنوان بالقصة غيبان فالوقت المناسب هوا وباقي الاجوبة اللي كتسناو لتساءلاتكم واليوم هوا الوقت المناسب باش نعرفو روح الندى شكون هي واشنو علاقتها بالملك والام ديالو . كل حاجة كتبان فوقتها .

تكا على ضهرو عاجبو الحال . صدرو كينهج عريان . هزات راسها كضحك وتكات عليه كتلعب فشعيرات صدرو القوي
: شاف فيها ضاحك وقال
سيد الملك : باقا عزبة ! 
روح الندى : اه 
سيد الملك : مزيان ... تقصحتي؟ 
حركات راسها وقالت : بزاااف ... مكانش يحساب لي هادشي قاصح بحال هاكا .. صافي منعمرني نعاود 
ضحك كيدوز يدو على خدها وقال : المرة اللولة ... من بعد غيعجك الحال .
روح الندى : لا بلاش 
سيد الملك :
باسها وقال : علاش بلاش؟ خايبة غير فالاول ... موراها كتجي ايام زوينة ... واش معجباتكش حتى حاجة ؟
عنقاتو وقالت : عجبني كلشي غير قصحتيني . . . انا مامولفاش بهادشي بحالك (قلبات عينيها كضحك )
سيد الملك : بنت ليك مولف ؟ امم؟
روح الندى : اييوا نتا عندك عرام ديال النسى وكل مرة كتجي عندك وحدة 
قال كيلعب فشعرها : ماشي كلشي بحال بحال 
روح الندا : كييف كيييف .. كيف هادي كيف هادي 
سيد الملك : مجرباهم؟
روح الندى : لا .
سيد الملك : ايوا سكتي .
عوجات فمها وقالت: وكفاش دايرين؟
تنهد كيضحك: بحال فاش كتاكلي الليمون .. كيكون لون واحد كامل وكيبان ليك كيشهي ولاكن فاش كدوقيها مرة طيحي فيها حامضة .. مكتقدريش تاكليها .. مرة ناشفة حتى هي كتسمحي فيها ... ومرة باسلة تقدي تكمليها بزز .. ومرة حلوة كتعجبك .. ولاكن قليل فاش كطيحي فيها حلوة عامرة ماء وطرية ولونها جديد وزوينة .. غير ليمونة وحدة كتكهمك مكتخليكش تاكلي حتى وحدة اخرى 
روح الندى : ايوا ديك الليمونة فاش كتعجبك كدوق منها كلشي باش يعرفوك طحتي فيها حلوااااا
قلب وجهو كيضحك ورجع شاف فيها وقال
سبحااان من خلقك! مكندوقش انا .. ديالي كتبقا ديالي ... ماشي حيت ملك. لاكن طبعي هاكا . واخا تكون ديك الحاجة ديالي وطالعة لي فراسي وماعجبانيش منبغيش نشوفها عند واحد اخر 
حطات يدها على خدها فوق صدرو مغطية بغطاه الاحمر وقالت
- ايوا وانا ؟! اشمن ليمونة فجنان ليمونك؟ ؟
ضحك وشد ليها نيفها وقال : اش بان ليك؟ 
روح الندى : وباش نعرف وانا مشايفاكش كفاش كتاكل ليمونك !
سيد الملك : مابغاش تنعسي؟ 
روح الندى : مافياش عاود ليا دابا عافااااك عفاااك شنو كيدخلو دوك بلارجات يديرو عندك واش حسن مني ولا انا حسن منهم قولياااا (لحناتها)
شد راسها بين يديه وقال : الى مابغيتيش تنعسي غناكلك 
روح الندى : لعشوب اللي درت ليك فاتاي كيجيبو حتى النعاس .. ولاكن طار عليا انا 
قلبها على ضهرها كيرمش فيه النعاس وحال عينيه بزز .. غطاها بجسمو كامل وقال
- هانتي فيقتي ... (غمزها*)
روح الندى : عجبتك ياك؟
ميل راسو للجنب كيضحك ورجع شاف فيها وقال
- بلاااتي حتى تفيقي ... داكشي اللي درتي كيفكرك من بعد ولا صافي كتنساي كلشي
هزات راسها كضحك وقالت : واا كيفكرك فكووولشي ههههه باش فاش تفيق تنتاحر بوحدك بلا ميقتلك حد ههههه
ضحك بالجنب وقال : نوجد ليك المشنقة تعلقي فيها راسك ولا حتى توجديها راسك ؟ 
لحنات ليه صوتها كتبلحس عليه وقالت : وا قوول ليا واش جبتك ؟(حطات يدها على دراعو ) زوين هاد الوشام ... واش دابا كاع دوك الجاريات ديالك عزبات؟ ....... واش فيهم اللي عيالات؟ ........ قول لي واش انا حلوة ولا باسلة ولا سكرة؟ .. .... عفاااك 
مجاوبهاش ... مرة مرة يسكتها ببوسة ، باس فمها وزير عليه وقال
- ششش.. سكتي شوية
هبط راسو لتحت كيشوف وبدات تاني تسول مابغاتش تسكت حتى غوتات من حر الايلاج وقمشات ليه كتافو و قلبات الهضرة غواات 
الفجر كيأدن وروح الندى متكية .. مزالة مزال كتسول وهوا حداها كيسمع ويضحك عليها ... شاف الضوء كيدخل من الشرفات و تلفت عندها متكي على كرشو ويديه مربعين وقال
- فوقاش كيمشي مفعول داكشي؟ 
روح الندى : دابا انا خايبة؟ ... زوينة ؟ .... شكون اللي حسن فالجواري ديالك ... غنوض نمشي نجري عليهم كاملين من تما 
بغات تنوض وهوا يشدها : نعسي ... مافيكش النعاس؟ اللي كامل فايقة وكتاكلي فالعصا ماعييتيش؟ 
روح الندى : لا 
تبسم وجرها : واجي مللي ماعييتيش.
شدها تاني ... ولاكن هاد المرة بدات تنعس ليه وترمش قبل مايقيصها .. كتهضر وتنقص فصوتها و تسول حتى غمضات بين يديه وميلات راسها للجنب ، غطاها وناض مابقا ليه نعاس.. الشمس شرقات و كلشي ناض و و قت فياقو حتى هوا هوا هادا . دخل لحمامو وخلاها ناعسة كتقلب فالفراش من ليمن ليسر
الدخلة ديال زمان وبالاخص ديال المبوك واللامراء كانت فيها شي حوايج لا تخطر على البال راه قريت عليهم ونهضرو فالتفاصيل من بعد

خرج سيد الملك من بيتو بحوايجو الرسمية .. وفطريقو صادف وصيفات لاللة شمس الضحى ، حناو ليه الراس حتى داز عاد هزو عينيهم كيسرقو منو الشوفة . . . زادو مشاو وهما يصادفو لاللة ياقوت بوصيفاتها ، حناو الراس حتى دازت .. كتشوف فيهم معبسة مكتحملهم لا هما لا لالاهم . مشات هازى رايها كتجر فتوبها حتى لجناح الملك ووقفات كتسنى يفتحو ليها الباب .. الحرس بقاو فبلااصتهم شادين الطريق برماحهم .. ، ما مولفينش يبقاو تابتين! مولفين ديما يحلو ليها الباب سوا كان ولا ماكان عقدات حواجبها وحمرات فيهم 
لاللة ياقوت : كنأمركم تحيدو من طريقي داابا .
قال العبد حاني راسو : سيدي مكاينش الاللة . . . وآمر مايدخل لجناحو حتى مخلوق الاللة 
لاللة ياقوت : وعلاش هادشي ؟ 
العبد : الله وأعلم الاللة 
جمعات النفس وتلفتات راجعة بحالها 
لاللة ياقوت : جيبي ليا سلهامي.
خرجات لاللة ياقوت لبرا حدا خصة كبيرة دالماء ، وجدو ليها الكروسة بالعودات من الخشب مزوقة بتوب كخل فيه الهدب .. طلعات فيها وطلعاو معاها وصيفاتها .. مشات خرجات وخرجو موراها شلا حراس على الخيل.
دخلو الوصيفات لبيت لا للة شمس الضحى اللي واقفة شاعلة فيها النار وغادية جايا 
الوصيفة : لاااللة لالللة لاللللة ... لاللة 
جرات عندها لاللة شمس الضحى وقالت : اشنو اش واقع .. شفتوووه؟
الوصيفة : شفتووو الاللة 
جراتها لاللة شمس الضحى بوحدها بعداتها وقالت 
- خرجو نتوما .. حتى نعيط عليكم .
حناو الراس وخرجو .، بقات هي والوصيفة الراس فالراس كتبحت فيها 
لاللة شمس الضحى : كي بان ليك؟ ناعس مناعسش؟ كي جاك ؟
الوصيفة : جاني مناعسش... عينيه مجبدين واقيلا بايت سهران 
لاللة شمس الضحى : هي سحوري قر فيه وبيتو سهران حتى أدن الفجر... هي مانعس ماشافو وماحلم بوالو .. (سهات ) مزياااان .. ونيت فاش كيأدن الفجر صافي واخا ينعس مايحلمش بداكشي اللي فات فداك النهااااار... كل ليل بنهارو ... الى هوا نعس .. راه يعرف اش طاري ... ويلى بقا فايق حتى للفجر صافي مشا عليه اش وقع ... ديك النهار . افففف (حطات يدها على صدرها) عاد رتاحيييت... هي صافي سحوري كيشد فيه ...(كتحلف) ايوا الى مادرت فيك دابا شرع يدي وبقيت نبيتك بلا نعاس ... هي انا ماشي مرى.... غير حجاب شللتو ليك فأتاي وشوف اش دار فيك ! .

وصلات لاللة ياقوت لقبة كبيرة البني ديالها ابيض وعلى حيوطها حراس عاسين عليها . نزلات هي و وصيفاتها ..وقفات فباب القبة وقالت
لاللة ياقوت : بقاو هنا حتى نخرج.
دخلات برجلها ليمنية لابسة سلهام والقب على راسها . بدات تسرح عينيها فالقبة المزلجة من لداخل ... الشمع داير ببها وريحت العود والمسك فايحة منها ... وسطها قبر مغطي بتوب اخضر وعلى راسو رخامة فيها اسم المرحوم الملك راجلها ... بقات كدور بالقبر ودوز يدها حتى وصلات لراسو وقفات ساهية فيه وراسها مرفوع .. تنهدات كتنخصص وقالت
لاللة ياقوت : طغيتي ... ودرتي اللي بغيتي ... كنتي ملك ضالم ... وبسبب طغيانك مشا ليا ولدي ... ولدي اللي ولدتو من كرشي (دمعو عينيها) ومن قلبي كنتمنى مايخرجش ليا محمد اصيل بحالك ... يضلم ويقتل بلا موجب شرع 
عقلتي...
عقلتي ... فاش كنت وردة فقصر با ... با اللي كانت سميتو تفرح اي واحد سمعها ... كان نعم الملك ... نعمة جاد بيها الله على شعبو ... كان كريم ... سخي ... كنا عايشين فالسلم والسلام ... شفتيني وقلتي من هادي نخلاق ... قطفتيني وردة فجنان قصرنا ... جبتيني من بلادي لبلادك ... من ديك الساعة بديت نشوف وجهك كيتبدل عليا ... وباش كنت كنجاوبك بالملك با ونوريك باش حسن منك هوا ... معجبكش الحال ... بغيتني نحني ليك الراس... كفاش نحنيه بيك وانا عشت حياتي براسي مرفوع فبلادي... (تنهدات) علنتي الحرب علينا.. وبلا حتى سبة تعايبتي مع شعبنا ومع با .... هجمتي على بلادي على غفلة ... مابغيتيش يكون با حسن منك ... هه! حيت وحيت حاكم جوج بلدان قلتي نقتلو ونشد بلاصتو هه! مانساش نهار تطلق المدفع كيعلن الحرب ... وعلامن ؟ على بلادي؟ رجعتيني شرويطة اللي جا يمسح فيا رجليه ... قتلتي عاءلتي كاملة ... قتلتي كبار وصغار ... ولاكن ربي فاش كيبغي يطول لشي حد فالعمر كيوهبو حياة جديدة ... عند بالك دابا صفيتيها لكلشي ... حتى الامير خويا اللي غيخلف با ويحكم من بعدو قتلتيه وهوا نعاس ففراشو .. ماحنيتيش فولادو ... (مسحات دموعها) واليوم جيت نقول ليك باللي وحدة من داك القصر فلتات ... كانت غتكون بنت الملك من بعد با ... جيت نقول ليك باللي ربي طول ليها فالعمر ... كنتي تجلسها على حجرك وضحك معاها ... وكنتي كتقول تزوجها لولدك محمد اصيل فاش تكبر ... و فاللخر بيديك خربتي حياتها وحياتي ... كبرااااات البنت ودخلات حتى للقصر عندك ... ولاكن الدنيا ضالمة بزااااف ومامكتابش ليا نفرح ... ديك البنت تغرم بيها ولدك الى مافخباركش .... تغرم بيها بلا ميعرفها ... وبسبب سلالتك المعفنة اللي خليتي موراك بيدو قتلها ... قتلها قبل مانعنقها ونشبع منها . وحسن كاع حيت كن عرفات بشنو درنا فيها وبعاءلتها اللي قتلنا ليها .. ويتمناها وهي صغيرة ... كانت طعم الموت غيمرار عليها كتر من الموتة اللي ماتت دابا وهي معارفة والو ..... نفيتيني فقصر با بلعاني .. ماحكمتي شعبو ما درتي والو .. خليتي الشعب مقطوع ليه الراس ليومنا هادا ... مابان بيك فين تنفيني غير فداك القصر .. باش كل نهار نموت كتر وكتر ... بين ارواح عاءلتي وبين ضحنا وبكانا ...ودوزت حياتي فقصر با منفية .. شويتي قلبي على عاءلتي وعلى ولدي اللي مات فديك الحرب . تمنيت كن عرفت حقيقتك قبل ما نولد معاك ... خساارة ... خساااارة جبت منك جوج أمراء ... واحد قتلتيه بيديك والتاني قتل بنت خويا بيديه ... ربيتي ولدي مور ضهري بوحدك .. قصحتي قلبو وحجرتيه باش يكمل على مادرتي . ولاكن واخا كرهتيه فيا رجعني فنهار بدا حكامو .. هانا رجعت ... وها لاش كيصلاحو الولاد .. عيتي دفن فيا ساعا تدفنتي قبل مني ... منسمح ليك لا دنيا لا آخرة على مادرتي فيا ... قتلتي دراري صغار اش دارو ليك ؟ حتى من روح الندى بنت خويا فلتات من يدك وطاحت فيد ولدك تبعها للمراحيم

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.