عروس الملك السابعة الجزء 25

من تأليف Ghazal trust
2018قصة مُلغاة

محتوى القصة


رواية عروس الملك السابعة , زوجة الملك السابعة

محمد اصيل ولد عمت روح الندا وهي بنت خالو قراو مزيان غادي تفهمو .

والتاي راه باينة تحطو فيه جوج خلطات راه لاللة شمس الضحى خوات فيه حجاب باش ماينعسش وجات روح الندا لاحت فيه عشوب باش يخرج ليه العقل . وشرباتو هي والعدااااااو راه ماشي هوا اللي شربو شرباااتو هي ومانعسات ماشافتو بسبب حجاب لاللة شمس الضحى وطار ليها الفرخ بسبب عشوبها اللي دارت .. تجمعو عليها بجوج وكانت النتيجة كما رأيتم . قراو مزيااان والى كنت غا مدرمة قولوعا نبقا نشرح ونعاود حتى توضاح الصورة

زارت لاللة ياقوت راجلها فالقبة ورجعات ركبات عربتها وشدات طريقها راجعة للقصر . 
فالكشينة واقفة طامو وعبدية كيوجدو الفطور بلا عقل .. واقفة وحدة حدى وحدة ..وكل وحدة فاش شاغلة يديها .. شاغت طامو من تحت لتحت وقالت 
- المزغوبة شفتها ظهلات ماخرجات .. ياكما صفاها ليها؟ من لبارح فاش دخلات عندو ما عاودات خرجات 
عبدية : الليل كامل وحنا فايقين كنتسناو فيها مانعسنا ماشفناه ... تكون قتلاتو الكافرة بالله؟!
طامو قولي هوا اللي يكون قتلها ماشي هي... يعلم الله اش وقع .
وقف عليهم زعبول محمر عينيه وقال
- ااطلقي راسك ااتا.. واش بيتي تباتي فداك معدنوس تتكرضي فيه !
تلفتات عبدية وقالت : علاااع مافراااسكش!
زعبول: اش وقع تاني 
طامو: المتعوسة دخلات لبارح لجناح سيدي ومزال ماخرجات منو ... خلاتتا سهرانين كنتسناو فيها ترجع .. يعلم الله ااش جرا تما .. لاتكونش قتلاتو ؟
طلع زعبول حواجبو ويدو على جنبو وقال 
- كملي شغلك وحلي عينيك براكة من البهلان ... سيدي عاد دابا شوية طلب لفطور لجناحو وخرج يقضي شغلو... ونتي طلقي راسك بيت داك الربيع كامل يتقطع كامل قبل لا يدخل رمضان (شاف فعبدية ) ديك الشباكية مابيتيش تكمليها خلاص... بقات يوماين لرمضان ونتي مزال كاع مابيتي تساليها ... اش نحطو فالطبلة ديك الساعة ؟ طلقي رااسك 
مشا كيدور فالكوزينة حاضي كل واحد اش كيدير .. وكل مرة ينخزهم ويحركهم لاش يساليو دغيا . 
رجعات لاللة ياقوت للقصر تابعينها وصيفاتها ..ونيشان طلعات لجناحها ودخلات سدات عليها . حيدو عليها السلهام وهي كتقول
لاللة ياقوت : علمو الحريم وخبروهم ... الليلة عندنا تخليلة ... يكونو كاملين حاضرات ..بغيت نبدل الجو شوية قبل مايدخل رمضان 
حنات راسها الوصيفة وخرجات . بدات بجناح الشريفة هوا اللول ودخلات عندها لقاتها جالسة كتسبح فبيتها 
الوصيفة : لاللة الشريفة .. لاللة ياقوت بغات تخليلة هاد الليلة... وبغات حريم مولاي كاملين يكونو جاهزات 
الشريفة: ان شاء الله.
خرجات من عند الشريفة ومشات كدور من جناح لجناح .. عند عيالات عمام سيد الملك وعند عمته وبنات عمامو كاملات .. علماتهم كاملين ورجعات لجناح لاللة ياقوت اللي جالسة كيدلكو ليها رجليها . حنات راسها قدامها وقالت
الوصيفة : كلشي فخبارو يالاللة 
لاللة ياقوت : لاللة زينب لكبيرة خبرتوها؟
الوصيفة : مزال الاللة

لاللة ياقوت : سبقو منها هي اللولة... (قلبات وجهها) ماناقصني بنفاختها حتى هي.. جدات الملك كان عليكم تسبقو بيها. غتاخدي طبسيل ديال التمر معمر .. وتمشي عندها تعرضيها ، وسولي على سيدك فين هوا .. بغيت نشوفو .
حركات الوصيفة راسها وقالت : واخا الاللة .
مشات الوصيفة وجدات طبسيل التمر معمر.. وطلعات بيه لجناح لاللة زينب لكبيرة ، فتحو ليها الباب ودخلات لقات معاها كبيرة الوصيفات .. مرى كبيرة شوية فالسن . وجها معبس مكضحكش وجميع الوصيفات كيخافو منها . حنات راسها وقالت 
- لاللة ياقوت دايرة تخليلة الليلة.... وجيت نعلم لاللة زينب لكبيرة
شدات من عندها كبيرة الوصيفات الطبسيل وقالت 
- يالاه رجعي منين جيتي.
رجعات الوصيفة كتعتر وتلفتات كبيرة الوصيفات .. لابسة تكشيطة ومحزنة بمضمة .. غليضة وسمراء وعاقة شدة على راسها نازلة بالهدب من الجناب . مشات لسرير لاللة زينب الكبيرة .. ماشي كبيرة بزاف فير سميتها لاللة زينب الكبيرة.. وكلشي كيحتارمها ويضرب ليها لحساب.. حيت كلشي عارفها مساهلاش وكانت مجبدة فياماتها ومتعتق ماترحم . وجهها مكمش شوبة وشعرها شايب رطب .. مشا الزين وبقاو حروفو . ناضت وقفات بلا عكاز .. مزال عضامها صحاح تبارك الله صح من شخال من وحدة يالاه فتحات وردتها فالدنيا . كانت لابسة قميص خفيف ابيض وشعرها مطلوق .. خشات بلغة صفراء فرجليها وقالت بكبرانية
لاللة زينب لكبيرة : شكون عارض على شكون؟
قالت كبيرة الوصيفات جمعة 
- لاللة ياقوت الاللة... عمري كامل دوزتو حداك فهاد القصر عمرك تعرضتي .. ياكما يحساب ليها راسها وليتي برانية ؟
ضحكات لاللة زينب لكبيرة وقالت : غتمشي وتعرضي عل ولادي كاملين وولادهم .. بغيت العاءلة كاملة تجمع .. نشوفو شكون البراني فينا انا ولا هي
حنات الوصيفة جمعة راسها وقالت كضحك : هي اللولة الاللة.
خرجات جمعة عند الوصيفات فرقاتهم كل وحدة فين سيفطاتها. كلشي فالقصر رجع عارف بخبار التخليلة.. شحال ما داروها .. وفين ما كانو يديروها كتقلب الدنيا فالقصر وهادي عادة من العادات ديالهم .. فكل مناسبة كتجمع العاءلة كاملة بالليل . ولاكن هاد المرة وقفات لاللة زينب فطريق لاللة ياقوت بحال العادة وحضرات ليها حتى الرجال فتخليلتها اللي كانت باغا فيها غير الحريم ، اييه من سعد بنات العاءلة اللي كل وحدة فيهم كتلبس وتقاد وتوجد باش طلع حسن من لخرى.. كل وحدة كتقول ااانا وانا .ناهيك على حريم سيد الملك .. غير حوريات البحر منزلات وحدة تنسي فلخرى ، وحتى هما كيتقاتلو ويوجدو راسهم .. وكل وحدة توجد وتقول ما وجدت .. هنا كيتفرقو الهديات على ناس القصر كاملين .. من صغيرهم لكبيرهم . وكاملين بيهم لا هما لا بنات العاءلة كيطلبو الله يكون حاضر سيد الملك باش تزهى القضية وتحلى العشية
فجناح كبير واسع..سقفو عالي مضوية بالشموع كامل . مفرش بزرابي فالاحمر وفجناب حيوطو المنقوشة والمزخرفة مستفين مخاد كبار فالاحمر منفوخين بالريش جالسين عليهم جميع الجاريات .. هاللي طالقة سوالفها ها اللي دافراهم .. ها اللي معرية رجليها وها اللي اللي ناقشة الحناني .. كل وحدة فيهم لابسة الرفيع ... ومن طبعو سيد الملك كيتهلا فجارياتو واخا كينسا على وجههم والنص فيهم مكيعرفهمش وقليل فين كيعقل على شي وحدة فيهم .. غير الا مشات عندو شي نهار لجناحو . كيلبسو بحال الاميرات ومفششين عندو بحال الحمامات .. كيديرو ليهم الخاطر كتر من القياس . يوكلوهم ويشربوهم ويلبسوهم ويعطروهم وفوق هادشي كامل كيعلموهم ويقريوهم . اللي عندا شي موهبة كيعاونوها فيها . جالسات كاملات بقفاطن مطروزين .. الصالة كضوي بيهم والزين كيقطر منهم . الوصيفات غاديين جايين وحاضيين .. واش ناقصة شي حاجة .. ولا ياكما بلاصت الأمراء مطمشة من شي جهة .. غير يقادو ويوجدو ويجريو ويتجراو ، طباسل الحلويات داخلين واحد مور واحد .. الطبالي لوسط عامرين حلوى ومشروبات وفواكه شكال ونواع ، فراس الصالة فالجناب مخدة كبيرة من المخاد طوال عامرين ريش مديورين غير للأميرات والامراء . وعلى راسهم الوسط الفوق جلسة بيضاء محبدة من الحرير مطروزة بالمذهب بمخاد فالجناب على الارض . هاديك ديال الملك وحد مايتجرأ يجلس فيها ولا يطوف بساحتها .
واحد الشوية بداو يدخلو الاميرات بالتيجان والسوالف مطلوقة .. ناضو وقفو كاع الجاريات حانيين ريوسهم وهما داخلات كيتمخترو ويجرو فجلايلهم ويشوفو فحريم الملك بعينيهم .. عمرهم تلاقاو فشي مجمع ولا شافوهم كيف دايرات .. ولاكن الصدمة كانت باينة فعينيهم .. بالاخص لاللة شامة اللي داخلة هي اللولة . الغيرة بدات تاكل فيها وعمرها ضنات يكون عندو الشهد ماشي نسا .
جلسو الاميرات فراس الجناح بجناب الحيط فوق المخاد تانيات رجليهم .. هما ومواتهم الاميرات .. هازين ريوسهم وكيشوفو مبسمين بعينهم ويعبرو فحريم الملك من ريسوهم لرجليهم . 
شوية دخلو الامراء كاملين وجلسو مقابلين مع الاميرات على ليمن ديال الصالة . كل واحد فيهم هاز خنافرو فالسماء ويقول انا وانا .. تكاو على المخاد وعلى يديهم كيخضرو عويناتهم بالزين اللي قدامهم . 
من موراهم بشوية و وسط الغنايات والمطربات اللي جالسين مربعين رجليهم حدا الباب كيمدحو ويننو باصواتهم الرقيقة .. دخلات لاللة زينب لكبيرة بالتاج كامختر فرحانة .. ودايزة وسط ولادها وحفادها حاسة براسها وبكتافها المسخنين بولادها . جلسات فوق درجة مفرشة فالجنب جيهت الجلسة ديال الملك وجمعات يديها كتقاد فتوبها الاخضر. وحداها وصيفتها جمعة عند رجليها وقالت 
جمعة : لاللة ياقوت مجاتش! 
تبسمات لاللة لكبيرة : برانية علينا ... خليها فبيتها حسن ليها .. مكنقربوها مكتقربنا . باش نعلمها تعرض عليا فقلب مملكتي 
هزات خنافرها فالسماء كتسنط وتحرك هي والاميرات بريوسهم مع امداح الغنيات . بداو الوصيفات ميدخلو حانيات الراس هازين مبيخرات هما ولعبيد . سبقو من العءلة الملكية دورو عليهم البخور . وحطوهم فالارض فوق الزرابي. 
لاللة رحمة كل شوية اهز عينيها فالامير اللي سبق لروح الندى وزلعات عليه اتاي سخون . برا وصح وناض بحال العود ورجع يخنزر ويعبس وميضحك الا فوجه لاللة رحمة ويتسنا ويتمنى نهار يتطلق صراحو ويتجمع معاها فبيت واحد .
فجناح الملك المضوي بشموع قليلة .. ضوء القمرة داخل ضارب فسريرو نيشان . ناعسة روح الندى فدات سهير ليلة كاملة على قدها ومتكي حداها سيد الملك بجبادو ازرق مغلوق .. مبسم كيشوف فيها وملوي على يدو تسبيح كحل شاد الطرف ديالو كيهر ليها نيفها وودنها بيه وهي كل مرة تحرك راسها وتقلب على جنبها .. كتافها عريانين مغطي النص فصدرها وشعرها مزلع حداها وكل شوية يطيح على وجهها . بدا تاني كيهر كتافها وعنقها وهي كتهز يدها تحك وترجع فالنعاس . برزطها وبدات تعبس وهي ناعسة حتى جابت ليه الضحكة . رجعات نعسات على ضهرها قالبة وجهها للجهة الاخرى وهوا يهرها فودنها حتى بغات تبكي
روح الندى : اننن انهننن
تقلبات عطاتو بالضهر وهوا يهرها من ضهرها .. بدات كتعوج مرة تقلب مرة تعوج حتى تقلبات جيهتو دايرة يديدها بجوج تحت حناكها تبسم كيشوف فيها وهز التسبيح كيهر فعينها ويدوزو على شفارها .. قربو لنيفها وهي تكمش وجهها وبدات تحك ومع الحكة بدات تخل فعينيهت بشوية .. حتى كتقرب تفيق وكترجع تنعس ولاكن هاد المرة قبل ماترجع فالنعاس تكلم وقال
سيد الملك: ماباغاش تفيقي؟

حلات عينيها بزز كتشوف فيه وترمش .. قالت بصوت مبحبح 
روح الندى : خليني نعس .
تقلبات على جنبها بغات تنعس . يالاه غمضات عينيها وهي ترجع حلاتهم على كبرهم وناضت جلسات .. هي نلضت والغطاء هبط .. جراتو بالزربة على صدرها وجلسات كتشوف قدامها مخرجة عينيها . وجهها احمر ويديها على صدرها كتمتم 
روح الندى : ااو اووا عاو عاو عاو .. امم ااان عنن . شك شك شكا شكا شكنكنكنكنكنكن . كنكن دير هنا 
هز راسو فيها شابك يديه مع بعضهم ومتكي على يدو وقال 
- سولي راسك 
قالت كتشوف قدامها مصدومة .. 
- يااااربي نكون غا كنحلم ... ياربي فوقاش نفيق 
ناض من حداها هاز راسو ووقف قدامها عاقد حواجبو . دغيا دورات وجهها للجنب مشافتش كاع فيه وبدات كتهبط فاللحاف وتعصر وتخبا ، هز راسو وقال
- دخلتي برجليك لهنا ... ناوية تشربيني داك العجب اللي درتي . تفكرتي ولا نفكرك بطريقتي؟
غرغرو عينيها وتمنات لوكان تشق الارض وتبلعها . واحد الشوية تفكرات كلمة قالها ليها فودنها " كنت كنموت معاك" حلات عينيها في ساع ومشات البكية .. كمشات رجليها وبدات بالتمسكين والتبوحيط واخا مقادراش دور وجهها 
روح الندى : انا اصلا ميتة ... والى بغيتي تقتلني شربني شي حاجة باش مانحسش 
تنهد وقلب عينيه .. حفض الموال ديالها ديال ديما وعارفها كتخاف وترعد من الموت واخا شحال من مرة مجرباها . هبطات وجهها كتبكي وتنخصص بوحدها وطل بنص عينيها تشوف واش باقي واقف كيشوف فيها ساعا عطاها بضهرو ومشا حل الباب وخرج . مع الخرجة لاحت الغطاء ووقفات فوق السرير على ركابها كتغرت 
روح الندى : لولولوللولوللولووو قحححقححح 
دغيا طاحت وغطات وجهها كامل باللحاف فاش تحل الباب ورجع قال
- ماتفوتيش هاد الباب .
قرمات ماعاوداتش هزات الراس حتى سمعات الباب تسد وهي طل من تحت الغطا وناضت جلسات وجهها حمر .
روح الندى : كنطييير كنطييير .. كطيييري يا روح الندى حرااام واش كتبتي . ااااح اربي رزااني فسلطاني بغيت ربي يرزيه فعضامو .. ياربي ماتسمعش مني راه غا داويا خاويا .(حطات يدها لتحت وناضت ) اااح اش درت ..اااش درت تشوهت وتفضحت اااش درتي يا روح الندى اااش درتي هانتي تفرعتي وطرطقتي ومشا بيك كلشي 
دارت بجنابها مالقات ماتلبس وهوا يبان ليها قميصو اللي رما عليها بالليل وجراتو مبسمة حشمانة غير بوحدها . هزاتو شمات ريحتو وقلباتو على وجهو لبساتو. جاها نازل حد فخادها وواسع عليها بحال شي جلابة . ماستر فيها والو حيت توبو شفاف وكيبين كاع جسمها . ناضت وقفات ومل شوية دوز يدها تحتها وتقلب راسها بصبعها كتوجع . جرات الغطاء باش كانت مغطية بالزربة لقات طبايع الدم منقطين الوسط فين كانت ناعسة . جراتو بالزربة لاحتو للجنب بغات تبدلو .. يالاه جراتو وهوا يتحل الباب ورجعات نقزات بالزربة فوق الفراش وغطات راسها . 
دخل سيد الملك عليها ومشافش كاع جيهتها وماهضرش معاها .. هز عباية كحلة دارها عليه ووقف قدام مرايتو بالتاج رقيق على راسو كيقاد كمام يديه .. عطر يديه بحال العادة ومسح فلحيتو وعطاها بالضهر خرج خلاها غير كتشوف بنص عين . مشا عند لاللة ياقوت لبيتها لقاها واقفة فرحانة كتسناها من بعد ما طلباتو يمشي معاها للتخليلة وحس بيها غتجلس وحدانية وسطهم . فرحات بيه ولبسات وقادات راسها وخرجات بجنبو هازة راسها مبسمة . 
استغلات طامو وعبدية الوجيبة وبالخصوص فاش شافو سيد الملك مشا للتخليلة وكلشي مشغول معاهم مشاو بجوج لجناح الملك ووقفو فالباب كيرغبو العبد يخليهم يدخلو . 
سمعات روح الندى حسهم من لداخل وناضت من فراشها مشات جيهت الباب حطات ودنها كتسمع .. عرفاتهم وبدات تعيط من لداخل 
روح الندى : عبدياااا. طااامو انا هنااا مزالة حية ... عبديااا 
العبد : ممنوع شي حد يفوت الباب ويدخل .. سيدي أمر حتى ناموسة ما دخل مع هاد الباب
عبدية : روووح الندااا حنا هنااا .. واش كتسمعينا ... عفاااك خلينا نطلو عليها راه الفطور ديال الصباح مزال تما وقالو لينا نجيبو الصينية... روووح الندااا واش كليتي؟ 
روح الندا : بااارد علاش مسخنتوه ليا ؟ 
طامو كترغب : خلينا نسخنو ليها غير الفطور مسكينة غتموت بالجوع
عبدية : ورااه جبناه الصباااح الروح الندى وغير يحط زعبول العشا نجيبوه ليك 
روح الندا : بالتبوحيط) وراه مالقيت مانلبس وبغيت ندوش .. وفيااا الجوووع 
طامو : هيييه! علاه نتي عريااااناااا وعلاش باغا دوشي؟!!!!!
عبدية : نخزاتها) مكيدوش غير اللي داير علاش... راه عندو الحمام تما لداخل على ليسر 
روح الندى : وشكوون يحك ليا ضهري
طامو : ياك حكيتو ليك البارح !!
روح الندا : وكياكلني! 
العبد : حمر فيهم) الى مامشيتو من هنا غادي نهبطكم للحبس
طامو : هااا العار خليني ندخل نحك ليها ضهرها 
روح الندا: جيبي ليا لحوايج ... اااه ويكونو جداد كبريو وزوينين نقيين ... وجييبي ليا العشاء وقولي لزعبول يدير ليا الحار.. شنو دايرين فالعشاء 
طامو : شوينا الحوالا الليلة شعبانة
روح الندى: جيبي ليا شوية والله مانسمح ليكم الى ماخليتيو ليا حقي ... جيبي المشطة الرقيقة نمشط شعري 
دفعها الحارس بيدو وهوا يخرز فيهم العبد
- مابفيتوش تمشيو ؟
عبدية : غير نشوفو شنو نجيبو وصافي .
روح الندا : عبدياااا ..طااامو ... جيبو لي الحنا والداد والخزامة ... كي ندير ندوش بوحدي !! شعري شكون يفكو ليا !!!.... شكون يغسل ليا؟!! بغيت حتا انا نمشي لشعباانة .. واش كيغنيو ويشطحو ؟ واش سيدي تما ؟ واش كيشطحو ليه!!!! اويييلي ! عبدية؟ .. طامو ... اافيينكم ؟

تقطع حسهم وبقات غير هي كتهضر بوحدها . رجعات خاشية يدها كتمشى عوجة وتقلب تحتها غادية جيهت الميدة . جلسات ورعبات رجليها بجوج كتشمشم ماتاكل . لقات كلشي برد وجلسات كتبرد هوايشها فالفاكية .
جو الغنا والطرب قايم فالصالة والواسعة الكبيرة على راسهم سيد الملك وبجنبو فالدرجة اللي تحتو جالسة لاللة ياقوت كتمايل عاجبها الحال بجنب ولدها ورافع راسها وسط كلشي. 
جالس متكي على جنبو تاني رجلو وحدا مهزوزة والاخرى مطوية كيتفرج فعبيد كيلعبو بالعافية قدامو عريانين لابسين سراول واسعين كينقزو واحد على واحد . كاع عينين بنات عمو عليه . انا الجواري ديالو كل وحدة كتعوج فبلاصتها وتسنا منو يشوف فيها . سرح عينهم فيهم كاملين وشاف فيهم عادي وكل مرة يشوف فين عجبو . شوية هز راسو للجنب عند عبد من عبيدو اللي ديما بجنبو .. هبط العبد راسو وهمس ليه سيد الملك فودنو بكلام . خرج العبد نيشان من الطرف ومشا للكشينة دخل عليهم . كلشي وقف كارم فبلاصتو تكلم العبد وطلب زعبول يخرج معاها . تبعو زعبول ووقف قدامو كيسمع 
العبد : غتوجد صينية دالعشاء وتسيفطها مع شي حد لبيت سيدي ويسد فمو وعلمو يلا هضر ولا نطق وخرج شي كلمة غييتقطع راسو 
زعبول : سيدي اللي طلب هادشي؟
العبد : وقال ما تخرجش الهضرة .. اللي غيدي العشاء يسد فمو ونتا تعرف معامن تسيفطو .
زعبول واخا هي اللولة 
مشا العبد ورجع زعبول كيجري ويعيط من هنا ومن هنا 
زعبول : عبدياااا . طااامو ... طاامو .. ااافينكم اجيو عندي دغيااا.. ارااو الصينية . دغيااا
وجد العشاء وعمر جوج صينيات بالماكلة وغطاهم .. هزاتهم عبدية وطامو وفيديهم معلقين كمامس الحوايج ومشاو كيطير لجناح الملك لقاو العبد اللي هضر مع زعبول واقف تما مخنزر .. عطاهم الحق وفتحو البيبان ودخلات طامو وعبدية غياكلو البيت بعينيهم كيقلبو على روح الندى ... حطو الصينيات وتسد الباب موراهم وبداو يدورو كيعيطو 
عبدية : روح النداااا . ااارووح الندااااا .. وييلي فين هادي 
حلات طامو عينيها على كبرهم مخلوعة كتشوف فالارض بجناب السرير منادل بيضين فيهم الدم مشتتين . دارت يديها على حناكها 
طامو : هيييييه!!! ويييلي شهادشي ؟
وقفات عليها عبدية مخلوعة : هييييه الدم ... ياكما وقعات ليها شي موصيبة!

هزات عبدية منديل شافت فيه وقالت 
- ياربي السلامة ! اش هادشي
مزال كاع ماكملات كلامها وهي تسمع صوت روح الندا جاي من الحمام كتعيط ومشاو كيجريو عندها لقاوها جالسة زبطة فحمامو المبني بالرخام وفالقنت سقاية ديال المااء كتخرج ما سخون من عوينة كيجي طايب نيشان لحمام سيد المالك . مربعة رجليها وفارقة شعرها فالنص مقاتلة معاه . حيدو بلاغيهم بالزربة ودخلو كيجريو عندها دارو بيها وبداو بشعرها كل وحدة شدات نص كيفكوه ويسولوها مخلوعين 
طامو : اش طرا ؟ اش وقع؟ اش ديك الدمايات اللي طالية الدنيا ؟!
عبدية : ياكما درتي شي موصيبة ؟
هبطات راسها شاداها بيديها وقالت : سكتو ها العار متفكرونيش... راه اتاي شربتو يانا واللي درت لبارح عمرني درتو ولا غنديرو ... تفضحت ا عبدية ... تفضحت اطامو غادي يوقل عليا شي وحدة مدودة 
عبدية : وييلي علاه اش درتي ؟
حطات صبعها لحت كتقلب 
- روح الندى : اااحححح ... مكنقدرش نحط يدي كنوزوز 
طيحات طامو الشعر من يديها وقالت : هيييه! اش درتي .. ياكما!!!!
حركات روح الندى راسها وقالت : وكتر من هادشي ... درت كتر 
شداتها عبدية نوضاتها وقالت 
- نوضي طلعي فوق الرخامة نشوف .. نوضي نشوف 
ناضت روح الندى طلعات على الرخامة على ضهرها ونعسات . حلات رجليها وهي تشد ليها عبدية فرجليها وقالت 
عبدية : شكون دار ليك النبالات ديال الذهب فرجليك؟ 
روح الندى : هوا 
تبسمات طامو وهزات راسها قالت
- اول مرة يديرها !!! 
روح الندى : وعلاش؟! مافهمتش؟
دارت طامو يدها على النبالات ديال الذهب كتشوف فيهم وقالت
- الدكَ القديم والذهب الحر ... اللي مادارتوش مدارت والو!! (شافت فروح الندى) عرفتي هادا مكاديرو غييير لااااللة مولاتي ومكاينش كااع ... والى دارو ليك هادا كيعني بااللي متميزة على غيرك 
قالت عبدية كدور راسها وكتشوف بين رجليها 
- يديرها السلطاان يديرها ... عجبتيه يا الزغبية ودارو ليك فرجليك شكون بحالك .. مدارو ليك حتى فيديك .. فرجلييييك وهادشي كيعني عجبتيه وبرعتيه باش جزاك بهادشي 
روح الندى : خي من ناحية برعتو براااااعتو غير الله يمسخني وخلاص.. ااااح كضريني 
عبدية : صافي نوضي ماوقع ليك والو ... غير مابقيتيش عزبة وخلاص 
طامو : ماماتش غير خرجو مسارنو 
ناضت جلسات بشوية وقالت كتشير بيديها
روح الندى : بقيت نقول شي هضاااضر.. شي هضاااضر .. ماعرفت الحشمة ديالي فيين مشات .. بقيت غير كنهضر وكون غير عطاني شي طرشة نسكت .. اما داكشي اللي درت معاه تقووولي قريت عليه ولا عزمت عليه .. فين تعلمتو الله وأعلم نزل عليا بووحدو يا عبدية ... فييين نخبي وجهي قولي ليا 
كسلوها على كرشها وقالو
-- عاودي اش وقع وياااك تنساي شي حاجة .. راه عمر شي وحدة خدات الدكَد ديال الذهب فيه التاج بحالك .. كياخدو غير داكشي الخفيف والرقيق وقليل اللي كيعطيها الذهب كيعطي النقرة واللباس ... دوي اش درتو وكفاش وقع 
روح الندى. : نعاودها ليك يا الحبيبة بحال المنامة ... مللي شربت اتاي وشربو ليا بزز بحال الى طيحها ليه شي حد فودن وقال ليه راه حطيت ليه تما شي حاجة .. تلفت وتفضحت وتفرشت ومشيت لفراوش وتكسلت

عبدية : ايوا؟
روح الندى : ماحشمت ماراعيت.. بقيت نضحك بوحدي وهوا كيمسح ليها الشوهة اللي دايرة فوجهي ويدي ورجلي 
عبدية : هيييه! مسح ليك رجليك !
طامو : سيدي !!!! 
روح الندى اااااايه وكتر من هادشي بلاتي تسمعي ... المهم بقيت عليه كتعجبني ما كتعجبني وكنسولو واش كنعجبك مكنعجبك الله يعطيني بوعجعاج فمي كياكلني ولساني سليط خليها سلعة وليت نسولو كيجيتك كي ماجيتك وخويت ليه المزيودة جاب الله نسيت شي هضاضر اخرين ماقلتهومش ليه .. نسيت دريس ونسيت شلا حوايج .ولاكن عاودت ليه على زبايلي . ماحسيت حتى لقيتو كيحيد ليا حوايجي وبقيت زبطة بحال اللي كتشوفوني دابا .. وكملتها وجملتها هزيت رجلي حطيتها ليه على وجهو وييييلي 
طامو : هييييه!!! سيدي
عبدية : ويييلي ماقطعهاش ليك؟
روح الندى : كيييتك باسها و...
طامو : هاااااه!!! سيدي محمد اصيل باس رجليك 
عبدية : نوضي تكعدي اشمن .. براكة من لكدوب
روح الندى : الله يعطي لشامة الغاملة تشتيتة حتى بااسها ليا 
طامو : قولي الله يعطيني العمى ونمشي حفيانة فالضلمة واللي طلاقاني يخوي عليا الماء حتى باسها 
روح الندى : الله يعطي لشامة العما وتمشي فالضلمة مضهسسة حيط يرميها لحيط حتى طيح فشي زوبية فيها تفتا حتى باسها 
عبدية : دعي فراااااسك الكدابة 
تقلبات عطاتهم بقزيبتها وقالت 
- ايوا لهلا فين تيقو مالي على هاد القرشال الحافي نمضي ليه سنانو اااش غيقرشل ليا 
طامو صااافي صاافي تيقناك .. ايوا مللي باسها 
تلفتات عندهم وتقلبات على ضهرها كضحك 
- بدا يبوس فرجليها وفخادي وكرشي وصدري وعنقي ووجهي وكلشي .. تعرا عليا يا المساخط شفت اللي ماشفتو فحياتي كاملة ... ااااش نقول ليك واااش نعاود ليك ... بغيت ربي يقاضي العيالات ماتبقا حتى وحدة دخل عندو من غيري انا ... واااااحد العضااامة يااا الحبيييبة ... وااااحد القلدة ماعرفت يدو من عنقو من فخادو ... لحمو قاااصح بحال الحجر وجلدو رطب بحال الحرير 
حلات طامو وعبدية فمهم وجلسو مربعين رجليهم كيسمعو وريوكهم سايحة 
عبدية : ااااح ايماااا .راااه كحارب الحبيبة كيقتل 4 دقة وحدة والسيف اللي كيهز ماتقديش تهزيه بيديك بجوج . 
روح الندى : سهاااات كتوصف ليهم ) هيييييه ... غيييير صدرو وااااسح بحال رحبة دالسيف ... اما شعرو بلااااا منقول ... رطب كندوز عليه يديه كيزلق ... ولحيتوووووو... ااايماااا على لحيتو فين ما يدوزها حدا عنقي كنحس بالموت داخلاني... تحليييييت بحال بيبان شي بيت ناوي يتخمل . 
طامو : حالة فمها ) وخملك؟!!!
روح الندى : سديت عيني يا الحبيبة ومشيييييييت .. مت مت مت مت الله يرحمني 
عبدية : وداكشي لاخر فيه ولا مافيه والو؟
حلات روح الندى عينيها وقالت 
- فيييييييه يا الحبيبة . عندووووو مايقول وعندو علاش يتعفر .. ودار ليه خاتم عل قدو مذهب وفاش سالا خلا فيا الخاتم ...بغيت نحيدو ماخلانيش
عبدية : اااااه عاد فهمت .... عرفتي شنو ... راه هما مكيدخلوش على العزبة ... العزبة كتحلها مرة كبيرة وحتى تبرا عاد تمشي عندو 
روح الندا : وعلاااش!!! ويييلي علاه مالو عمرو ....
عبدية : لاا ... كتجي عزبة ماقربها حد ... ولاكن مكيبغيش يصدع راسو معاها ويبقا عاد يحل ويسد ... ويلي !!!! حيدتي الخاتم المتعوسة عاد رديت البال !!! علاااش حيدتيه رديه ويييلي وحي!!! نوضي نقلبو عليه فين لاحتو دغيا 
طامو : ششش خليها تكمل ... ايوا وفاش دار ليك الخاتم اش وقع 
روح الندى: عاود ناض حيدو وكمل على مابقا .. وركبو تاني ... واحد الخاتم عادي صفر لحيا كي داير... فشكل .. رقيق ماغليضش ولاكن بحال شي كاس طويل شوية كنحس بيه مزير عليا وفين ما نبغي نحيدو مكيخلينيش ... علاش كيلبسو ويخليه فيا ؟
عبدية : حيت ....
طامو: ششش خليها تكمل... ايوا وفاش حيدو .. شنو كنتي تقولي ليه وشنو قال وشنو وقع ... تقصحتي .. كي داير كي جاك كي دار معاك ؟ سعدااااتك تفتحتي على يديه كيت هادوك اللي كتشدهم الشريفة تحلهم ويجلسو سيمانة عاد يسيفطوها ليه

هادا جهدي عليكم معلومات صحيحة كانت فعهد الملوك .

لتذكير : رجال ديك الوقت ماشي هما ديال دابا؟ كانو طوال وعامرين الى غير واحد فيهم وقف مع رجال هاد الوقت غيولي يبان قدامو بحال شي برهوش . و المحاربين كانت عندهم بنية قوية مشدودة وقوة كبيرة .

اي حاجة حطيتها كنبحت موراها عاد نجيبها 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.