شاف فيها وجلس على ركابيه كيضحك يضحك يضحك وهي كتشوف فيه وضحك معاه وقالت
- علاش كضحك؟
هبط راسو ومسح وجهو بيديه وشاف فيها
- سبحان من خلقك !!! واش بصح كتهضري؟!!
روح الندى : والله
جلس حداها متكي موقف رجلو وحاط عليها يدو وقال
- واش ماعندك واليدين يقريوك ما قريتي فمسيد بحال الناس ما عندك خواتات يعلموك !
هبطات روح الندى راسها وتقرصلت من كلامو نغزها فقلبها وقالت
- ماعندي حد ... يتيمة من نهار عقلت على راسي
هز حواجبو بجوج وقال
- الله يرحمهم ... خلاوك بوحدك ؟ وهاد الوقت كامل فين دوزتيه
روح الندى : مع عمي دريس .... من نهار عقلت وانا كنعرف غير عمي دريس والقصبة (الدار) عمري خرجت من القصبة ولا شافوني الناس ولا شفتهم ... كان ديما ساد عليا ومحرم عليا حتى السطح ... قليل فاش كنطل منو بتخبية ... كنعرف رمضان غير بالعيد حيت فيه كيجيب ليا تواب جديدة انا والخدم اللي عندو ... وحتى الخدم كان محرم عليا نهضر معاهم وكنت كنشربو العشوب باش ينعس عاد كنهضر معاهم ولا مللي كيخرج للسوق... وهما عمرهم هضرولي على رمضان وعلى الصيام حيت كيقولو مزالة صغيرة
تعجب وهز حاجبو فيها : تبارك الله اللي شافك يقول مزوجة ماشي باقا صغيرة !! وفاش بلغتي ماعلموكش ديك الساعة؟
روح الندى : لااا.. انا بغلت فرحبة دالسيف فاش حصلوني ... مابلغتش فالقصبة ... ماشفتش الدم كااع وسخفت حتى حليت عيني هنا فالقصر وسمعت واحد المرى كتقول لواحد لمرى راه عليها حق الشهر ... كيحساب ليهم بالغة وجاتني ... وانا ديك الساعة عرفت راسي بلغت وسكت ماقلتها لحد ... هادي المرة الثانية اللي كتجيني فيها
تبسم وجرها من حنكها بالضحك وقال
- الزين مزال صغير وانا كيحسابني كبير .
هزات عينيها مبسمة وقالت : و كي جيتك ههه حسن من كبيرة ولا كرف منها ؟
- البلوغ هوا الوقيتة اللي كيتبدل فيها الجسم من بنت صغيرة لمرى ... وغتحسي بالجسم ديالك خرج على طوع يديك دقة وحدة .. كيبدا يكبر فيها الصدر ووتتبدل فيه البنت .. كيبدا الجسم ديالها يترسم كل وحدة كتشد رسمة فشكل... وكل وحدة وشنو كيبدا يكبر فيها كتر ... وغتوصلي واحد الوقيتة اللي صافي غيحبس متبقايش تحسي بيه كيتبدل ولا كيتزاد ولا كيتنقص .. وغيبقا على داك الشكل اللي خدا ... وعلى حسب ما دزت منو فاش كنت قدك .. كنت كنحس حتى بنفسي مريضة ... كنتخربق بوحدي ونضحك بوحدي ونتعصب بوحدي ... وكان يجيب ليا الله انا اللي كنفهم و مكيفهم حد بحالي ... ماكنتش نسمع الهضرة ولا نهز كلمة لشي حد ... وكنت كنحس براسي كبير كنعاند اللي كباار عليا ومكنبغيش اللي يحكمني .. حسيت بكلشي فيا تبدل .
جمعات الضحكة ورجعات طلقاتها نسات راسها وقالت : ومكاااانتش تحمل راسها هههههه كانت ديما تخرجني هههههههههههه كانت تغير منس ومن صوتي ههههه ... اااه وعرفتي شنو ههههههههو كاااااااع مكااانت كتحملني نغني كتوصل حتى لعندي وتفوتني وتعطي للي جيهتي تغني ااااااااخههههههههه
هزات يدها تا للسما وهي تنزل عليه للكتف رشقاتو وكملات ضحكتها ... شاف بنص عين جيهت كتفو ورجع طلع فيها عينزطو بلا ميضحك وهي جالسة على التكركير والتقهقيه بحال الى مجمعة مع طامو والسعدية عند الواد
دورات وجهها عندو شافتو كيشوف فيها مطلع حاجبو وهي تجمع الضحكة وسرطاتها وفالبلاصة تزنك وجهها وعاد فات براسها . حس بيها تزيرات وهوا يتبسم وجرها من يدها عندو حتى طاحت حداه ودرعها وقال
- جنية مع راسك هاا؟
رجعات ليها الضحكة وناضت جلسات كتكمل ليه لمعاودة وتموت بالضحك وتهز يدها كل شوية ترشق ليه فيدو .. وحتى رجع غير يشوفها هزات يدها كيحل يدو كيضحك . مكاين غير قولها وضحك عليها
سيد الملك : تعلمتي دابا تشدي السيف مزيان ؟
تبسمات كتشوف فيه وقالت : شكون اللي ميعرف يشدو وهوا تعلم على يدك
تبسم وقال : غني ليا شوية نسمع صوتك
تقدات فالجلسة وربعات رجليها شادة فحلقها
روح الندى : اااحم اححم .ههه ... شنو نغني ؟ عليك ولا عليا
تبسم وقال : بجوج
جمعات النفس وطلقات حلقها كدندن وتغني ليه وهوا كيسمع حتى قرب الفجر يأدن وتطرق فالباب ..دخلو ليه السحور لجناحو وحطوه وزادو مع الباب . شافت روح الندى الماكلة قدامها وهي تخرج عينيها وقالت
- هيييه!! غاتقتلني لاللى يااقووت .. وييلي تعطلت عليها غتقتلني
ناضت كتجري وتفتف بغات تخرج وهوا يشوف فيها عاقد حواجبو وقال
عروس الملك السابعة الجزء 31
محتوى القصة
شاف فيها وجلس على ركابيه كيضحك يضحك يضحك وهي كتشوف فيه وضحك معاه وقالت
يتبع
التنقل بين الأجزاء