قصتي مع هناء الجزء الثالث

فليل حطيت راسي فوق المسند تنسمع غير لغوات ديال شي واحد باينا صوت دري ناري فينما كانت شي حاجة هكدا تلقاني أنا تما مجانيش نعاس والو كيفاش يجيك نعاس ونتا تتسمع شي واحد تيتعدب هكدا كيف يكون بنادم ولا حيوان ولا شنو بغى يكون شديت تيلي درت ليكيت وطلقت لمزيكة تنسركل ف لفايس ديالي باش ننسى زعما تنشوف فلباب تيباليا محلول نضت سديتو رجعت تنشوف فتيلي تنشوفو تيتحل تاني ياكما لبرد أشمن برد فوسط دار مشيت تنطل مكين حتى واحد رجعت بزربا تغطيت بالمانطة وتنفكر شنو هاد زبل تاني دبا تنسمع صوت جاي من تحت الناموسية ملقيتش جهد لي نطل تحتها بركلي لما فركابي ومقادش حتى نعيط على شي واحد معمري تخلعت هكدا لباب تيتحل وتنحس بشي واحد تحت سرير و لغوات صافي عقلي كان غادي يخرج بدا تيبالي خيال ديال شي واحد فلحيط قدامي وجاي وتيقرب حتى تتدخل خالتي شافت هادشي نوضاتني خرجاتني من تما جراتني حيت مع صدمة وليت غير تنتفرج خرجاتني من داك لبيت وغوتات على راجلها جا مالكم عاودنا ليه دموع تيخرجو من عينيا بلاما نحس قالينا راه شي واحد حل لباب ديال دار لقديمة باش قدر يخرج من تما شكون غيكون حتى تيخرجو بناتهم من لبيت كينين غير زوج قالو ليه بابا سمح لينا راه بقى فينا و تافقنا بلي لي خسرات فواحد تحدي غتمشي تعاونو تيبقى خونا وهو يبدى تيضرب فيهم وتيقولهم بلي بسبابهم خسر بنت أخرى دبا أنا غير تنتفرج ناري ميمتي علاش جيت هنا دبا بنت من لبنات داخلا لديك دار قلت ليه شنو غادي تسامح فبنتك ياك نتا فقيه و الرقية و صداع ولفلوس قاليا نتا معارف والو راه خسرت كتر من نص فلوسي على لفقهى وكلشي وعاد ما زاد داك ولدي تيغضب كل نهار خالتي وهيا تطيحي على يدي قات ليا ولدي لله يرحم ليك ميمتك لاما سير شوفلي بنتي تقدر تكون مدخلاتش تما تقدر تكون غير موضرى فشي بلاصة مقديتش نقوليها لا قلت ليها غنمشي و إلا وقعات ليا شي حاجة قولي لواليدة و لواليد لله ياخد فيكم الحق نتوما سبابي وعيشو حياة زوجية وصيفطو ولدكم لجهنم دبا ☺ سدينا عليها هيا وبناتها فبيت خرجت انا وراجلها لتما غادين وتنقرى فلقرآن والمشكلة انني من يامات لإبتدائي حافظ غي الفاتحة و قل هو الله أحد تنبقى نعاود فيهم يهودي وميديرهاش غادين وتنغوتو مريم مريم مريم واو تنسمعو غي صوت ولدو كالعادة تيغوت وعاد تيجهد تنحس بقلبي تيضرب بزربا ودم متيوصليش لصباع د يديا أما رجليا كاملين متنحسش بيهم غير غادي وصافي حتى وصلنا لديك دار طلقت لفلاش من تيليفوني تنقلبو مكيناش برى ولكين لباب ديال دار محلول قاليا صافي راه دخلات يمكن يلاه نرجعو تفكرت خالتي تتطلب فيا معمرها تنسالي قلت ليه عمي خاصنا ندخلو منقضروش نخليوها باشمن وجه غنشوفو فخالتي وهو يشوف فيا قاليا بغيتي تدخل دخل بوحد بقيت تنشوف فيه حتى أنا خايف ولكين ماشي لدرجة نسمح فبنتي ونخليها تما وخا أنا عرفتها غير 7 سوايع دبا ولكين منقدرش نخليها ...

شفت فيه وقلت ليه شوف راه غادي ندخل بغيتي تدخل معايا مرحبا بنتك هاديك قاليا إلا دخلنا معمرنا مغادي نعاودو نخرجو من تما قلت ليه توكل على وهو غادي يعاونا مالك أنا عندي قلب د دجاجة وتنزعم فيك نتا وهو يقوليا صافي بدينا تنقربو وصلنا عند لعتبة ديال لباب ضلااام لداخل طلقت لفلاش باش يبالينا تيلي فيه 45% داخلين وهو تيقرى فلقرآن وغادين تنقلب على لبنت بعدنا شويا على لباب ديال دار سمعناه تسد ناري راجل خالتي عطاها لدرادك فدار شديتو قلت ليه موقع واو غي لباب تسد كون راجل بدينا عاد داخلين وهيا تبالينا بنتو تتجري دخلات لوالحد لبيت وسدات تبعناها دخلنا تنقلبو تما ملقيناهاش وهو يتسد علينا لباب فداك لبيت بدينا تنغوتو لمشكل بزوجنا خوافا دبصح مكينش لي يصبر لأخر بديت تنشم ريحة ديال دخان فدار حطيت يدي على لباب تيباليا سخون بحالا نار من وراه شفت فشرجم تيباليا فيه لحديد معندنا منين نخرجو دبا تيباليا غير واحد شاقور ف الماريو شداتني لفرحة ملي شفتو هزيتو وبديت تنضرب فلباب تنضرب حتى هرستو لعافية شاعلة د بصح بدينا تنجريو تما حتى وصلنا لباب لي دخلنا منو بديت تنضرب تنضرب حتى بدا تيتهرس ولعافية تتقرب لينا وانا نسمع بنت خالتي تتغوت لفوق شفت قباها قلت ليه سمع بنتك مزال لفوق فلعافية قاليا مزال باغي تعتقها نخرجو حنا بعدا لحت داك شاقور لأرض هزو هو بدا تيضرب فلباب باش يخرج مفهمتش هاد راجل طلعت تنقلب عليها وفين تتغوت لقيتها طايحة حدا واحد لكسي تيتحرك بوحدو مشيت وانا مخلوووع هزيتها موقع والو نازل بيها فدروجا حتى تيباليا واحد لعود كبير نازل من سقف غيطيح قدامنا فدروج وهو يبقى معلق واقف مفهمت والو ولكين دزت بزربا غير دزنا وهو يطيح يكون داك لولد تيعاونا ؟ مي علاش ؟ وصلنا لباب لقيت راجل خالتي مزال تيضرب فلباب مبغاش يتهرس ليه شديت داك شاقور ضربتو مرة وحدا درت منين نخرجو خرجت جريت لبنت يلاه بغيت نجرو هو وهو يبدا تيغوت قاليا شدني راه تيجرني لداخل تنجر فيه والو بحالا 100 راجل تيجروه من الجهة لأخرى وانا تنتجر معاه وأنا نطلقو طلقتو وهو يشد ليا فرجلي تيجرني وهيا ناري طلقني والو شاد دبصح تنتجرو بزوج لداخل فلعافية محسيتش براسي حتى ضربتو طلقني خرجت بزربا هزيت لبنت بعدنا على دار شويا تتباليا كلها شاعلة وتنسمعو داك صوت ديال ديما تيغوت و باها تيقول سمح ليا معرفتوش معامن داوي وعلاش حتى طلق واحد لغوتة ديال بصح أخر مرة سمعنا شي حاجة بقينا باركين شويا تما لبنت فاقت قالت ليا شنو وقع قلت ليها راه جينا نخرجوك وشعلات لعافية خرجتك ولكين باك تجر لداخل ويمكن مات وهيا تشوف فدار وقالت ليا يستاهل قلت ليها كيفاش قالت ليا هو لي قتل داك خونا منو قلت ليها كيفاش قالت ليا يلاه لدار ونعاود ليك مقداتش تمشي على رجليها هزيتها وصلتها لدارهم لقيت خالتي وبناتها واقفين عند لباب تيتسناو شافونا جاو تيجريو عندنا ناري بحال شي فيلم حسيت بيهم غادي يتزعطو فيا قالت ليا خالتي فيناهو عمك قلت ليها براسي بلي صافي قالت لينا لبنت دخلو نعاود ليكم دخلنا بركنا فصالون بدات تتعاود لينا بلي داك باها مني ماتت مراتو لولا لقاها كاتبة كاع داكشي لي عندها لداك لولد وخوها بغى يمشي عند شي خالتو برى يبقى معاها هنا باها عرف بلي كلشي غادي يمشي من يديه ودار مع شي شفارة باش يدخلو ويديرو ديك المسرحية ويقتلوه باش يورتو هو وهادشي لي دار ولكين خوهم ممشاش بهاد سهولة وبقى تيتعدب بسباب هادشي تما حتى نتاقم شفت فيها قلت ليها كيفاش نتي عرفتي هادشي كامل قالت ليا هو عاود ليا مكانش باغي يأدينا كان باغي غير ينتاقم وصافي ...

بناتو وخالتي ملي سمعو شنو وقع وشنو داير مبقاش فيهم لحال حيث مات لحمد لله تاني مرة غادي نخرج راسي بسلام قلت لخالتي باش تمشي عندنا هاد لمدة بعدا وهادشي لي دارو بداو تيجمعو حوايجهم وحتى انا غادين نطلعو لكازا حتى تنسمعو دقان فلباب وضفاك شكون أيكون حليت لباب لقيتهم ليجونداغم زربو عليا شدوني دارو ليا لمينوط أنا مفاهم والو علاش خرجوني برى وخالتي تتغوت فدار مفاهما والو قلت ليه شاف علاش قاليا صبر وهو يجي واحد خونا باينا فيه غير من دوار لابس لباس عادي قاليهم أه هو هدا قلت ليهم أشمن هو هدا شنو درت أنا قاليا داك جدارمي بلاما تنكر سيد لي شعلتي عليه لعافية فديك داك وضربتيه مات وهادا هو شاهد عاد فهمت دبا مني ضربتو برجلي غيكون شافني هاد خونا دبا سكت ليا لحس ناري سالينا لمستقبل د ديلمي ضاع بهاد القطة شنو غندير مبقى ميدار دبا أنا وليت قتال وبدليل غادين بيا وتنفكر ف لواليد و لواليدة و هناء و صحابي فكازا مغاديش يفهمو بلي هادشي لي وقع غي حادث وصلنا لابريغاد كلشي تيشوفيا حيت مموالفينش يشدو شي واحد بتهمة بحال هادي وداير جريمة بحال هادي بركوني حدا واحد طابلة فيها داك شاقور و شي وراق فيهم لبصمات قاليا شوف شاقور فيه بصماتك وكاع لبيبان و شاهد كان حاضر و لقينا لجثة تما محروقة يعني معندك فين تهرب عتارف حسن ليك قلت ليه شاف أنا ضربتو ولكين لعافية ماشي أنا لي شعلتها ولله كان تيجرني لداخل وكنا غنموتو بزوج قاليا وخا يكون هادشي بصح نتا قتلتيه هادشي لاصق فيك عندك شي واحد من عائلتك تبغي تعيط ليه قلت ليه أه لواليدة عطاني تيليفون عيطت على لواليدة سلام سلام ولدي بيخير نمرة ديالمن هادي قلت ليها نمرة واحد لكوميسير سمحي ليا أميمتي مدرتش علاش ندخل لحبس نتي ربيتيني وعارفاني ولكين زهري لمقود دارها بدات تتسول بزربا متنفهم والو حيت تخلعات مسكينة خدا واليد تيليفون قاليا مالك شنو واقع قلت ليه لواليد راني فواحد لابريغاد عند خالتي و موحال نخرج منها هاد المرة جيتي راك با ونتا لي عندي مجيتيش ومقديتش على شوهة راني فاهمك قاليا أشنو تتقول نتا ولدي وانا عارفك متقتلش حتى دبانة ها حنا جاين قطعت عطيتو تيليفونو نوضوني قلبوني د بصح بعاو ليهم غير لمصارن مقلبوهمش داوني ل لبنيقة بااااردة بحالا فتلاجة مشيت لواحد لقنة وانا نعس معقلتش على راسي بعد هادشي كامل ناعس وتنطلع ريق غير بزز حيت عارف راسي غنحل عينيا وغنلقا غير 4 حيوط تاني حتى نوضوني قالك غتمشي لحبس حتى ترفع لمحكمة داوني لتما دخلت هنا مزال شويا كين فاش تنعس مدخليني مع 6 ديال صباح مبقاش فيا نعاس بقيت بارك وتنشوف فلحيط ناري على زهر مكانش عليا نجي لهنا من لول علاش ديما فينما مشيت تيتبعوني لمشاكل من صغري ...

بارك تنفكر وهو يدخل لمحابسي قاليا نوض والديك جاو مشيت وانا حشام باشمن وجه غنشوف فلواليدة وكيفاش غادي نتفارق معاها بعد شويا د الوقت انا لي كنت نهار كامل حداها دخلوني باركين غير هوما بزوج عنقوني وكدا قالت ليا لواليدة عاود ليا شنو وقع قلت ليها دبا تعاود ليك خالتي كلشي لمهم انا مداير والو كنت غير تندافع على روحي قاليا لواليد صافي حتى نتا دبا نخرجوك غدا مكين والو يوماين لي غادي تدوز تطلع لمحكمة البرائة إنشاء لله لحبس لرجال أولدي تيقول هادشي غير باش يصبرني باينا فيه خايف قلت ليه لواليد هني راسك راني عارف كلشي و لحمد لله مكتابة ليا نكمل حياتي هنا شفت ف لواليدة قلت ليها لواليدة سمحي ليا و قولي لهناء تنساني حسن ليها قالت ليا لواليدة لا أولدي دبا تخرج وهو يدخل البوليسي قالينا صافي سالا لوقت وليت نشوف عائلتي بالوقت بعد ما كنت طالع ليهم فراس خرجو وخا لواليدة خرجات غير بزز رجعت لسيلون لي فيه أنا دخلت وانا نعس حتى تيفيقني واحد شيباني قلت ليه سلام قاليا سلام واش بغيتي تبقى غير ناعس خاصك تنوض تقلب على ما تاكل وتدير شي حاجة باش يدوز لوقت قلت ليه بحالاش قاليا يلاه تاكل بعدا مشيت معاه بركت فطبلة مع دراري تناكلو كلشي تيسولني واش بصح حرقتي شي واحد هوما كاملين داخلين يا إما بسرقة ولى المخدرات كانو خايفين مني ولكين مني دويت معاهم عرفوني كيف داير كلينا مشينا لساحة ترينينا شويا رجعنا بقينا باركين وتندويو تاني جا لعندي لمحابسي قاليا غدا غادي تطلع لعند وكيل لملك ناري نفس مبقاتش باغا تطلع دبا شنو غيديرو معاها وأنا عام منقدش نصبرو هنا ناري مبقاتش راشقة ليا مشيت رجعت لبلاصتي وتنفكر وهو يجي عندي داك شيباني قاليا ولدي راني محكوم بالمؤبد هنا ودازو قدامي بزااااف ديال ناس دويت معاهم وعرفتهم كيف دايرين بحالك دبا و إلا كنتي تقدر نتا تقتل شي واحد نعاود ندوز حياة أخرى هنا وقاليا نعس دبا غدا يكون خير متعرف لله شنو غيدير لك هادشي لي درت ولغد ليه فايق بكري مقديتش نبقى ناعس توضيت صليت وبقيت بارك حتى جا عندي لمحابسي خرجني خليت دراري كاملين تيدعيو معايا تما طلعوني فصطافيط مشينا دخلوني تيباليا لواليد و لواليدة باركين تما وخالتي و بناتها وعمامي كلشي جا وخا كنت عارف هناء مغاديش تجي ولكين قلبت بعينيا مكيناش دخل داك وكيل لملك ودوك خوتنا وقفت قدام لقاضي قاليا فلان ولد فلان بن فلان هو نتا قلت ليه أه قاليا متهم بالقتل العمد و تشويه قلت ليه أه قاليا شنو غادي نقولك أولدي تتبان مزااال صغير على هادشي شحال عندك من عام قلت ليه 20 قاليا مزال صغير أشداك لهادشي بديت تنعاود ليه شنو واقع متيقنيش شكون غادي يتيق مني تبدا تقوليه أشباح و جنون ناضت خالتي قالت ليهم بلي راجلها هو لي دار هادشي كامل وبلي أنا كنت غي تندافع على راسي وحتى بنتها ديك لي خرجتها من تما وكانت حاضرا قالت هادشي ودخل داك سيد من داك ضوار لي شافني فديك ليلة قاليهم بلي شافني مني ضربتو برجي حتى دخل لداخل ديال دار ومات صافي جمعو لوراق دخلول لواحد لبيت تما بقاو واحد 20 دقيقة وانا غي بارك فواحد لكرسي وتنشوف فلواليدة و لواليد ناري منقدرش نبعد عليهم حتى دخلو تاني قال ديك لجملة لمشهورة ديالهم و بعد البحث وتدقيق فالقضية حكمة المحكمة حضوريا على المتهم فلان وهو يبقى ساكت واحد شويا ...

بقى ساكت شويا وهو يشوفيا قاليا 15 عام غير حيث نتا مزال صغير خففنا عليك الحكم ناري 15 عام هادشي غير قالك خفف مغادي نخرج حتى تولي عندي 35 أشمن مستقبل بقى و أشمن حياة مقديتش نشوف فدارنا شفت فالمحابسي قلت ليه ديني لله يخليك مشيت معاه لسيلون لي كنت فيه قاليا شيباني شنو دارو معاك قلت ليه 15 عام قاليا صافي حتى نتا دوك دوز بزربا راني 45 عام هنا بحالا غير لبارح قلت ليه نتا تقدر أنا راه مخلي عائلتي و قرايتي ومستقبلي و ... قاليا صبر معندك ما دير بقى تيدوي معايا رجعلي عقلي بعد ما كحالة ليا دنيا فعينيا متفارقتش معاه ديك سيمانة لولا تيعاود ليا على راسو وبلي كان كونونيل كبير فلعسكر و كان هو لي تيدخل كاع لادروغ لي تيدخل من دزاير ولكين تاب و غير مخبي هنا ميقدرش يخرج إلا خرج ينحيوه دوزت واحد 10 يام بزز دازت بحال 10 سنين بديت تنطلب فداك شيباني باش يخرجني من هنا وخا غير يهربني ولكين قاليا ''شوف معمرك تعاود تقوليا هاد لكلام حيث إلا خرجتك انا عول غادي ترجع شي نهار لابدة وتولي معطوب فصحتك غير حيد من بالك بلي شيباني غادي يخرجني شي نهار'' صافي حيدتو من بالي ميقدرش يعاوني ومبغاش يقوليا علاش بقيت معاشرو متنتفارقوش حيت حسن ليا معاه تندوز لوقت غير ضحك و متنخدم موالو حتى وصلات زيارة لولا بارك انا وشيباني بوحدنا لي بقينا كولشي جا يزورو شي واحد دخل لعندي لمحابسي قاليا يوسف عائلتك تيتسناوك برى قلت ليه قوليهم لا مغاديش يجي قاليا شيباني علاش قلت ليه غادي نبرك معاهم تاني شويا نولفهم وغادي يفرقونا للهم بلاش قاليا شيباني نوض نوض خرج تشوفهم وحمد لله عندك عائلة تسول عليك درت بكلامو ومشيت عندهم لقيت لواليدة و لواليد شافوني عنقوني بزوج عند لباب فلبلاصة مخلاونيش حتى ندخل بداو تيسولو فيا كيفاش داير شنو تتاكل واش تيقلقك شي واحد لداخل قلت ليهم راه ماشي دارنا هادي راه لحبس هدا كيفما كان خاصني نولفو لواليدة بدات تتبكي مالك الواليدة مخاصنيش ب بكى تزيدي عليا الواليدة ومقاودة عليا قالت ليا لا أوليدي شوف كيف ضعافيتي و لونك تبدل لا حول ولا قوة إلا بالله يهديك لله الواليدة راه دخلوني غير 11 يوم هادي بركنا تنعاود ليهم على شيباني لداخل حيث هو لي دارلي عقلي وتيصبرني قاليا لواليد ميقدرش يخرج هنا بغيت نشكرو قلت لمحابسي تقدر تعيط على لعميم قاليا أه مشى يعيط ليه جى بزربا مكين لا يسولوه لا والو عارفينو شكون برك معانا قلت ليهم هدا لعميم لي متيفرقنيش بدات تتدعي معاه لواليدة قاليها صافي أختي راه ولدي كيف ما هو ولدكم ومتخافوش عليه مغادي يوقع ليه والو هنا غيدوز 15 ديالو ولى قل كاع إلا بقى مهدن هكدا سالا لوقت ديال زيارة كلشي خرج بغاو لواليد و لواليدة يخرجو قاليهم بركو بركو خودو راحتكم مكينش لي ينوضكم ونتوما معايا هنا واصل واصل بقينا باركين واحد ساعتين حتى مليتهم خخخخ مشاو دخلت ديك لماكلة لي جابت ليا لواليدة فرحان راحة شويا دبا بارك انا وشيباني تيعاود ليا على مغامراتو وأنا تنفكر غير ف شنو غتكون هناء دارت زعما تكون بدلاتني أنا عارفها زوينة مغاديش تلقا مشكل تقدر تبدلني ف دقيقة بارك وتيقوليا راسي بزاف ديال لبلانات حتى قاليا شيباني وا يوسف رجوع لله مالك قلت ليه كنت مع واحد لبنت توحشتها معرفتش شنو غتكون تتدير قاليا شوف أولدي خلي هادشي برى لحيوط دبال لحبس حيث معندك مدير بيه هنا بقينا داوين تيعاود ليا حتى نعسنا لغد ليه نفس لحاجة تنبقاو ناكلو نترينيو ندويو نهار كامل هكدا و كل سيمانة تيجيو لواليدة و لواليد تيبقاو معايا بسوايع حتى تنمل منهم دازت ديك شهرين لولا غير بضحك ...

يتبع