قصتي مع هناء الجزء الرابع

دازت ديك شهرين لولا غير بضحك قربات زيارة تاني فنهارها جا عندي لمحابسي قاليا مك تتعيط باغاك مشيت معاه لبيرو دويت معاها سلام لواليدة سلام قالت ليا ولدي سمح ليا منقدرش نجي راه باك لي غيوصلني مكينش خدام ومفيا لي يتبهدل فطاكسيات قلت ليها لواليدة شنو منشوفكش ، مرة فسيمانة لي تنبغي نشوفكم متقروش تصبرو فيها معايا حتى يدير لله حل بغيت تنشكي عليها وتنطلبها وهيا تقوليا صافي صافي دبا نجي أوليدي صبر غير نطيب ليك شي حاجة ونجي قلت ليها تنتسناك الواليدة رجعت لسيلون شويا كلشي تيمشي لزيارات كلشي خرج بقيت غير أنا و الشيباني قاليا شنو مغيجيوش عندك هاد نهار قلت ليه منعرف لواليد خدام ولواليدة قالت ليا مغتلقاش لمركوب وطلبتها باش تجي ومعرفتش تعطلات بقينا باركين شويا بنادم تيدخل سالاو زيارات لواليدة مجاتش معندها لكمة حتى تيدخل لمحابسي قاليا فلان عضم الله أجرك فميمتك قلت ليه شنو غير تتضحك قاليا بصح لله يرحمها طاكسي لي كانت ماجيا فيه دار كسيدة وماتو كاع لي فيه مقديت نقول والو صافي نبكي علاش غنبكي و أنا سبابها قالت ليا بلاما نجي وانا لي بززت عليها خرج داك لمحابسي دراري تجمعو حدايا شي تيبكي شي تيتشفى فيا أنا مزال مصدوم وحابس دمعة غير بزز شنو نقول قاليهم شيباني خرجو خليوه بوحدو يبكي باش يستراح خرجو هوما بقيت تنبكي وتنتفكر كلام لواليدة وضحكها معايا كامل معمرها خلاتني بحدي مقديتش نصبر سيمانة دبا معمرني نعاود نشوفها من هاد نهار مبقيتش حامل هاد لحبس ربعة لحيطان تيفكروني بلي هوما و انا سباب بلي لواليدة ماتت معدبة دوزت ديك 4 يام من ورى هادشي بزز قررت نخرج بأي طريقة نشوف قبر ميمتي ونشوف لواليد غنبقى هنا غندير شي حاجة فراسي مشيت عند شيباني قلت ليه لعميم نتا شفتي كاع لي وقع بغيت نخرج من هنا بأي تمن قاليا صافي دبا نتا معندك ما تخسر غتبقى هنا غتولي داير شي فضيحة صبر حتال لعيد لكبير راه بقات ليه شهر و نص ونشوفو ليك مع دراري ديال لعفو لملكي قلت ليه صافي ديك شهر ونص دوزتها غير بزز متيجي عندي حتى واحد لزيارة لواليد مبقاش تيجي عندي انا مبقيتش تنحيدش من ساحة د الحبس حيت هيا بحال شي لاصال تنجري ولونطريما معارفش شنو غنلقا برى و عاد 4 شهر باش داخل لحبس و ضعافيت وصل لعيد دوزتو تما مع دراري وشيباني فلحبس خرجت ف ثالث عيد قاليا شيباني قبل ما نخرج بلي غادي نتلاقا بشي بنت سميتها نهيلة برى هيا لي غتعاوني حتى نوقف على رجليا خرجت لقيت واحد لبنت تتسنى فيا كيف ما قال قالت ليا سلام سلام نتي نهيلة ياك مقالك الحاج والو قالت ليا اه مرحبا وصاني الحاج عليك بزاااف واش من العائلة ديالك قلت ليها بحال داكشي قالت ليا تبغي تمشي لدار ولا شي بلاصة أخرى موحشها قلت ليها ديني لمقبرة الرحمة وصلنا مشيت عند لعساس سولتو على لقبور لي تزادو فداك شهر وراهم ليا قلبت حتى لقيت لقبر ديال لواليدة بركت حداه وبديت تنبكي ديال بصح هاد المرة ميمتي تحت تراب معمرها ترجع ..

خرجنا من المقبرة قلت ليها ديني لعند لواليد مشينا لدربنا داخلين كلشي تيشوف فيا دقيت فلباب وهو يحل لواليد قاليا ولدي على سلامة عنقني دخلنا لدار دخلات حتى نهيلة لبنت لي موصيها شيباني عليا بركنا مع لواليد تنضور عينيا فدار تتباليا حالتها بالغبرة قلت ليه لواليد عايش هكدا قاليا ولدي مني مشات مك مقدرتش ندخل شي وحدا لهنا قلت ليه عارف الواليد معزتها راه باقا فعينيا بحالا معانا غير لبارح ناض لواليد دخل لكوزينة وهيا تقوليا نهيلة يوسف نوض خاصنا نمشيو دبا لدار لي موصي ليك لحاج عليها قلت ليها بلاش غادي نسكن مع لواليد منقدرش نخليه بوحدو تاني قالت ليا صافي غير خلي تيليفونك شاعل باش نعيط ليك غدا نوريك خدمتك قلت ليها صافي خرجات هيا بدلت حوايجي سسنا أنا ولواليد دار نقيناها بحالا لواليدة معانا وهرجنا تسركلنا مزيااان كازا تبدلات عليا فهاد لوقت لي كنت فلحبس رجعنا لدار بقيت تنعاود ليه على يامات لحبس نعسنا لغد ليه فقنا خرجنا فطرنا مشى هو لخدمتو ورجعت أنا لدار بركت شويا وهيا تعيط ليا نهيلة قالت ليا خرج قدام لباب تنتسنى فيك خرجت لعندها لقيتها تتسنى فيا ركبت معاها مشينى لواحد لمريصة قالت ليا شوف من غدا غتولي عندك طوموبيل وعقل على هاد لمريصة غتولي تجي تهز شي سلعة وتوصلها لشي بلاصة ولي طلبتيها تحضر راه لحاج كل ساعة تيوصي عليك قلت ليها قلتي ليا طوموبيل أنا عندي بيرمي ولكين طوموبيل منين غادي نجيبها قالت ليا غنمشيو دبا ناخدوها مشينا فديك ساعة دخلنا لواحد لمحال تتباليا غي واحد لأودي A3 عند لباب قلت ليها صافي بغيت هادي بقينا تنقاد فلوراه صافي ولات فسميتي خديتها خرجنا قالت ليا صافي سير نتا لداركم غير متنساش غدا غتمشي لديك لمريصة باش تبدى لخدمة قلت ليها صافي غدا إنشاء لله تلقايني تما مشات هيا تنشوف فل A3 ناري بحلاوتها ركبت باقا بميكاتها مشيت تندور فلمدينة مزيااان ودرت ليها لبلان عاد ديتها لعند واحد لgرديان بعيد شويا على درب باش ميشوفهاش لواليد ويبدا يسول منين جاتك وشكون عطاها ليك وعلاش ... للهم ميشوفهاش دخلت لدار بركت مع لواليد شويا دخلنا لكوزينة تنطيبو فلغدا قاليا مزيان ملي خرجتي أولدي كنت تنموت بالوحدانية قلت ليه صافي الواليد ها أنا خرجت دبا وتنكيب معاك فطواجن بحال ديما قاليا أه فكرتيني سير جيب لخبز نزلت لقيت لمخبزة لي حدانا سدات شحال هادي مشيت لوحدا بعيدة شويا علينا خديت لخبز راجع دار حتى تتباليا هناء دايزا من بعيد هيا و واحد خونا معرفتوش وشادا ليه فيدو دمي شعل فديك اللحظة ...

بانت ليا ناء غادا هيا و واحد خونا فطريق مشافتنيش أنا مصبرتش لحت لخبز من يدي وتميت غادي عندهم صافي معول ندير علاش نرجع لحبس وأنا نتفكر لواليد حالت كيف كانت رجعت خزيت خبزي وراجع لدارنا حلبت لباب حطيت لخبز فلكوزينة وهو يشوفيا لواليد مالك ياك يلاه خرجتي تتضحك راجع شاعل شنو وقع قلت ليه لواليد شفت هناء مع واحد خونا مزال مكملاتش حتى 5 شهر باش دخلت لحبس بدلاتني قاليا كون راجل أصحبي أشمن بدلاتني تمالك فراش ونتا مدويتيش معاهم باش تعرف هداك شكون قلت ليه لا معرفتوش لمهم غادين وشادين فبعضياتهم قاليا إوا سير حدا دارهم وسول شي واحد لبست حوايجي ومشيت لحانوة لي حدا دارهم وقفت عليه مديت ليه 100 درهم قاليا مرحبا كين شي منقضيو قلت ليه ديك لبنت لي ساكنة هنا سميتها هناء تتباليا تتخرج مع واحد خونا ديما شكون هو قاليا أه هداك واحد ولد خالتها غادي يخطبها سيمانة لماجية قلت ليه باش عرفتيها قاليا وايلي راه تقداو من عندي لمقادير ديال لحلوى ونزيدك راه ناوي يتزوجها ويمشيو لأمريكا هو ساكن تما قلت ليه صافي لله يرحم لوالدين تنضور باش نمشي لقيتها واقفة قدامي ب بيجامة ديال دار قالت يا يوسف ؟ كيفاش ؟ إمتى؟ خليتها واقفة ومشيت خليتها تتعيط رجعت لدار دخلت ملقيتش لواليد مشى لخدمة يمكن دوشت يلاه يبرد دمي شويا و بدلت حوايجي وبارك فصالون وتنتفكر يامات كانت تتجي لعند لواليدة وتتبقى معاها حتال 9 ديال ليل داكشي كامل نساتو صونات عليا نهيلة قالت ليا شوف دوز لمريصة راه وجدات واحد لخدمة ليك ليوم تنلبس حوايجي حتى تنسمع دقان فلباب ؟؟ قلت غيكون غير لواليد حليت لباب لقيت هناء شنو تتديري هنا قالت ليا نتا لي تتسول عليا بغيت ندوي معاك نقدر ندخل قلت ليها لا معندك علاش تدخلي وهيا تدفعني ودخلات وضفاك دخلات لصالون سديت لباب و تبعتها علاش دخلتي قالت ليا مالك تتعاملني فحال هاكدا قلت ليها سمحيلي أختي نتي غادي تخطبي مبقى ليك والو غيشوفك شي واحد عندي هنا تولي فلمشاكل وهيا تبقى ساكتة شويا وقالت ليا وسمع بعدا نتا راه كنتي داخل للحبس وعندك 15 عام ديال لحبس و مبقيتيش تتعيط ليا وطراو بزاف ديال لحوايج فهاد 5 شهر نتا معارفهمش وهداك ولد خالتي يلاه دخل لمغرب وبقاو عليا لواليد تزوجي بيه تزوجي بيه لدرجة ضرب مقديتش نبقى نعاند فيهم قلت ليها دخلتي لحبس لخاطري انا داخل راني دخلت مضلوم أبنت ناس يهديك لله قالت ليا صافي نديرو بحالا موقع والو لله يخليك وراه موقع والو قلت ليها موقع والو غير لقيتك تتقادي لحلوى لخطبتك من خونا قالت ليا صافي ديك لحلوى نحطها ليك نتا وعمي منين تجيو تخطبو قلت ليها من نيتك قالت ليا أه خاص غير لواليد يوافق راه قلت لك هو لي باغي يزوجني ومخلا مدار ليا باش وافقت قلت ليها صافي أنا غندوي معاه قالت ليا إوا بزربا راه مبقى والو ويجي يخطبني داك ولد خالتي قلت ليها غنمشي دبا خرجات هيا مشيت هزيت طوموبيل من عند لgرديان عارف باها عندو واحد لقهوى قريبة وقفت حداها دخلت لقيتو بارك فواحد طابلة بوحدو بركت حداه قلت سلام مردهاش ...

بركت مع باها قلت ليه سلام مرجعهاش عرفتو عارفني شكون وعلاش جاي قلت ليه عمي نتا عارفني يمكن لمهم بغيتي لخير لبنتك ها أنا قدامك غدا نجي أنا ولواليد شاف فيا وقاليا سير سير تلعب بعيد متستاهلهاش ونتا تاريخك غي حباسات بنتي غتزوج بولد خالتها عاد جاي من أمريكا وعرفتي شحال عاطي فصداق وأنا نوض وفقت على رجليا وعطيتو واحد تصرفيقة خخخخخ بقى تيشوف مفهم والو يلاه كنت تندوي بأدب عمي وقلبتها معاه مغاديش يفهم بديك طريقة مني صرفقتو تصدم بقى ساكت عاد بركت تاني قلت ليه شوف بلاما تخليني نوريك وجهي لخايب حيت غتولي نسيبي ومجاتش نضربك بغيتي فلوس متخممش قلت ليه يلاه غدا غنجي أنا ولواليد مع 2 وخرجت مشيت لمريصة لي وراتني ختنى لبارح وقفت تنتسنى شويا وهيا تجي نهيلة قالت ليا تبعني بدينا داخلين وسط دوك لبيوت لي فالمريصة دخلنا لواحد لبراكة عطاتني واحد الصاك قالت ليا متقلبوش وصلو لتطوان وعطاتني لعنوان خرجت طلعت لطوموبيل حطيت صاك حدايا غادي وتنفكر شنو غيكون فيه موحال واش حشيش ولى شي لعبة صاك صغير بزااف مقديتش نقلبو هادي لمرة لولا يقدرو يكونو تيجربوني طوموبيل طيارة أول مرة نشد بيها طريق غادي ولي تيشير يا تنوقف ليه نوصلو ومنها نشد ستون معاه فطريق حتى وصلت مشيت لداك لعنوان لقيتها دار دقيت وهيا تخرج ليا واحد شيبانية مديت ليها صاك عطاتني صاك أخر صاك تقيل دبا ديتو لطوموبيل وراجعت لكازا تلاقيت ب نهيلة فديك المريصة عطيتها صاك قالت ليا موقع والو قلت ليها لا والو عطيتها صاك وعطاتني هدا قالت ليا مزيان حلات داك صاك وهيا تجبد لفلوس تتحسب مليون زوج تلاتة وقالت ليا هاك بقيت مصدوم معمري شديت حتى زوج مليون مقادة فيدي طلعت طوموبيل هاد لمرة حطيتها قدام دار خرج لواليد قاليا منين جبتيها قلت ليه راه خدمت فواحد شركة وعطاوهالي نبقى نجي ونمشي عليها متيقش ولكين ملقا ميقول قلت ليه طلع طلع دبا قالي فين قلت ليه طلع وغادي نعاود ليك طلع مشينا لواحد لمارشي حدانا خدينا شي لعبات نديوهم معانا غدا ديك تلاتة لمليون غادي نطبها فداك نهار رجعنا لدار خبيت لفلوس لي باقين عندي عندي فدار مشيت انا ولواليد لحمام مرجعنا حتال 12 ديال ليل نعسنا لغد ليه مفقنا حتال 11 بزز باش قدنا لوقت قادينا لحوايج لي غادي نديو وديت طوموبيل لاvاج مع 2:00 جبناها لاصقة واقفين عند لباب ديالهم دق لواليد عليهم حتى تيحل باها لباب سلم على لواليد دخلنا تنشوف فباها وحابس ضحكة غير بزز تنتفكر لبارح مني صرفقتو وليوم بارك تنقوليه وي عمي لا أعمي قدام لواليد بقى تيسول فينا شعندكم فاش خدامين ديالمن طوموبيل لي جيتو بيها ... أنا صابر عليه غير على وجه هناء وصافي متيحشمش لواليد مرض ولا غير تيشوف فيا خرجات مراتو تعيط على هناء وهو يقوليا نتا غي محابسي تقدر ترجع لحبس فأي وقت وديك ساعة شنو غيوقع لبنتي ...

لواليد ملي سمعو تيقولي ديك لهظرة وأنا محملتش راسي وهو يوقف وهو يعطيه وااااحد تصرفيقة صدمني كيفما درتليه أنا داك نهار فلقهوى وبرك قاليه شوف ولدي هدا تعاود تقول عليه شي حاجة هكدا نقتل ديلمك هنا ، جينا نخطبو ونشطو فين ولينا تاني شديت لواليد قلت ليه صافي يلاه نمشيو تمينا خارجين وقفاتنا هناء ومها قالو لينا ولله ما تخرجو قلت لهناء صافي باك مبغاناش معندنا علاش نبقاو قالت ليا إوا تسناني غادي نمشي معاكم مبغانيش نمشي معاك فلحلال نمشي فلحرام ونشوفو شنو غيقول وهو يخرج باها من لبيت قاليا ولدي صافي ريحو تغداو قلت ليه مبقى عندنا فين ناكلو وهو يشد لواليد قاليه ولله حتى تدخلو رجعنا بركنا سيد تبدل فكلامو مني سمع بنتو تتقول داك لكلام عليا قالينا تتبان ليا متافق مع لبنت ومفاهمين ديرو غير وقت وتكاتبو و شي عرس كبير راها لبنت لوحيدة لي عندي قلت ليه صافي ف صيف إنشاء لله قاليا صافي كان مزال على صيف شي شهر ونص خرجنا الحمد لله كلشي تقاد دبا طلعنا لطوموبيل لواليد بدا تيضحك قاليا شفتيه شفتيه مني صرفقتو قلت ليه واييييه حتى أنا صرفقتو داك نهار فلقهوى وتنقول يدي طويلة لمن خارج بقينا غي تنضحكو مشينا لدار بركنا وأنا نتفكر الشيباني شحال هادي مشفتو قلت لواليد هاني راجع هزيت طوموبيل مشيت لحبس قلت ليهم بغيت نشوف الحاج مكين لا وقت زيارة لا والو لحاج هداك ميقدروش يدويو تنتسناه فواحد لبيرو حتى دخل عنقتو معقلتش على راسي كون ما هو كون درت فراسي شي حاجة خيبة بركنا قاليا شنو تتعاود قلت ليه بلي خطبت هناء و بلي عايش بيخير مع الواليد فرح ليا وهو يقوليا واش بديتي لخدمة قلت ليه أه قاليا حضي راسك مزيان متدير تيقة فحتى واحد قلت ليه صافي أصلا انا خدمتي غير تنوصل داكشي وتنمشي لدارنا وهو يقوليا شوف راني مريض هاد لأيام بزاااف بزز باش خارج عندك تيباليا مبقى ليا والو و فحياتي معمري عز عليا شي واحد فحالك راك كتر من ولدي أنا معنديش لي يورتني وتستاهل نكتب ليك كلشي وهادشي لي درت لبارح نتا دبا مول هادشي كامل بعدي نوصيك تبرع بشي حاجة فسميتي ولا بني شي جامع و بدل ضومين ديال خدمتنا عارف هادشي صعيييب وغادي يجبد عليك مشاكل كتار وبزاااف ديال ناس غادي يحقدو عليك ولكين نتا راجل وغتقد حيت مبغيتش نموت ويبقاو يوصلوني خطايا ديال بنادم قلت ليه نتا مغادي يوقع ليك والو مزال غتحضر لعرسي و لولالدي قاليا داوي معاك بصح دبا كلشي فسميتك كون راجل دبا سير راني عيت حتال غدا وعاود دوز عندي نكمل ليك كيفاش غادي تدير باش تبدل خدمتنا وشناهيا خدمتنا حيت تتبالي مزال معارفهاش قلت ليه صافي غدا إنشاء لله خرجت مشيت لدار دويت مع هناء شويا دبا ولات خطيبتي بقينا داوين حتال 11 و نعست عيييت ليوم لغد ليه فقت طيبت لواليد لفطور فطرنا مشى هو لخدمتو ومشيت أنا لعند شيباني لحبس باش يشرح ليا دخلت قلت لمحابسي كلمو ليا قاليا لحاج لله يرحمو لبارح مع 3:00 ديال ليل مات ...

يتبع