قصتي مع هناء الجزء الخامس

قاليا راه لحاج مات ناري مات وخلا كلشي فسميتي ولكين مقالش ليا شنو خدمتو و مقالش ليا كيفاش غادي نبدلها خرجت وانا مزال مصدوم مشيت لدار وعيطت على نهيلة جات لعندي قالت ليا فخبارك لحاج راه ... قلت ليها اه فخباري مات قالت ليا وراه كتب ليك كلشي قلت ليها حتى هادي فخباري راه دويت معاه لبارح ولكين معطانيش راس لخيط منين غنبدا فهادشي لي خلا ليا قالت ليا إوا صافي نوض نمشيو نوريك داكشي لي عندو مشيت معاها داتني بهدا لواحد لفيلا قالت ليا أول حاجة هادي ولات فسميتك دبا دخلنا لداخل لمكتب وهيا تقوليا حيد معايا واحد طابلو كبير فلحيط حيدناه تيباليا باب فيه أرقام وراتهم ليا وحلاتها قالت ليا هادي لخزنة ديال لحاج دخلت تتباليا لفلوس لفلوس د بصح بحالا داخل لشي فيلم خرجت سدينا رجعنا طابلو قالت ليا يلاه نكملو داكشي لي ولا فسميتك قلت ليها نهيلة صبري صبري بغيت نعرف شنو خدمتكم بعدا فاش خدامين نتوما باش ديرو كاع هاد لفلوس واش حشيش ولى غبرة قالت ليا لا إوا شنو وهيا تدخل يدها فصاكها وجبدات واحد لعيبة بحال جاج كيف شديتها فيديا وحققة فيها بعينيا واهيا ناري بحال داكشي ديال لأفلام قالت ليا هاد لجوهرة صغيرة لي بين يديك خديناها من سوق سوداء ديال دولة أفريقية مكاملاش حتى مليون ديالنا حنا غنوصلوها لشمال فين غتمشي لأوربا وغتباع تما ب 200 الف دولار على لأقل قلت ليها مزيان إمتى نقدرو نحبسو هادشي قتلت ليا شنو نحبسو واش حمق تحبس واحد لحاجة تتدخل ليك 10000 دولار فسيمانة تقريبا قلت ليها بغيت نحبس كلشي لله يجعل لبركة ونديرو شي حاجة من غير هادشي تكون حلال هادي أخر حاجة قالها ليا قبل ما يموت قالت ليا خويا يوسف سمح ليا نتا معارف والو على ناس لي خدامين معاهم راه يقدرو ينحيونا انا ونتا و كلشي علاش تيحسابليك لحاج دوز عمرو فلحبس راه غير باش ميوصلوش ليه قلت ليها شوفي دبا بغيت نبدلو الخدمة سالينا غدا ديري ليا ورقة فيها كاع هادشي لي عندنا بدرهم و جيبي معاك لمحامي ديال لحاج لدار عندنا صباح قالت ليا صافي خرجات هيا بقيت انا فديك لفيلا حليت تاني ديك لخرنة ناريييي إلا جيت نحسب هاد لفلوس خاصني شي سيمانتين هزيت منها درتو فواحد صاك هزيت مزيان سديتها خرجت مشيت لدار دخلت قلت لواليد كينا شي أرض قريبة قايا أه جبدت ديك لفلوس وقلت ليه بني فيها شي جامع قاليا وضفاك منين جاتك لفلوس قلت ليه صافي الواليد متحكرش راه غير واحد لمحسن كلفني انا وقلتها ليك نتا قاليا صافي دبا ندوي مع مقاول يشدو يطلع ليك جامع ف 10 يام قلت ليه أهم حاجة يكون كبير وزوين وفشي بلاصة محتاجينو قاليا صافي مشيت لدار هناء صونيت عليا باش تخرج خرجات باش نمشيو لشي بلاصة خرجات مشينا لواحد لقهوى بركنا جا سرباي تنشوف فيه ناري تنعرفو هدا هشام عشيري وقفت هشام قاليا يوسف هناء ؟ إمتى خرجتي من لحبس قلت ليه بلاتي بعدا خليتك تتقرى شنو جابك هنا ... 

قلت ليه كيفاش ياك خليتك تتقرى قاليا صافي نسى ديك ليام أخويا راه تقودات على دار و حتاجينا لفلوس لله غالب قاليا ونتا سمعت بلي حكمو عليك ب 15 عام كيفاش خرجتي ياكما هربتي هههه قلت ليه لا العفو لملكي و حياة جديدة و هناء لقديمة هههه برك معانا قلت ليه حيد لبلوزة ديال لخدمة قاليا علاش قلت ليه حيدها غادي تخدم معايا قاليا فاش قلت ليه من بعد دبا هاك 200 درهم خود شي حاجة وسير لداركم غدا دوز لدارنا لقديمة وغادي نفهمك مشى هو بقيت انا و هناء قالت ليا شوف عاود ليا قلت ليها شنو قالت ليا عاود ليا كيفاش درتي ليها طوموبيل لفلوس لي غير تتشاير و جامع لي تيبني باك فدرب قلت ليها منقدرش ناودليك دبا فلبلاصة قالت ليا تبدلتي فيناهو لولد لي تيعاود ليا كلشي بحال دوك لأيام قلت ليها صافي دبا ناود ليك عاودت ليها على شيباني وبلي كتب ليا كلشي و كيفاش دايرا خدمتو قالت ليا ناري دخلتي راسك فلمشاكل تاني علاش ياك قلتي بلي غادي نعيشو حياتنا بهدوء قلت ليها صافي هادشي مزيان باش نديرو لينا واحد لحياة زوينة و لعرس لي تتحلمي بيه نتي وداركم ودار لي ناخدو فيها راحتنا سكتها بهاد لكلام قالت لا صافي نتا لي تعرف وهيا تعيط ليا نهيلة سلام سلام قالت يا أجي لديك لفيلا لي قلت لك ديالك بزربا قلت ليها صافي قطعت هزيت هناء وصلتها لدارهم رجعت لديك لفيلا دخلت قالت ليا شوف كنتي قلتي ليا بلي لحاج قالك عندو شي خطة باش يبدل متنا قلت ليها أه ولكين راه مات قبل ما يشرح ليا قالت ليا لقيت ليك لحل وهيا تعيط على واحد شيبانية هازا ديك لعبة ديال ويجا و صاك فيه كتاب قديم بركات حدانا قلت ليهم شو هاد زبل متقولوش ليا داكشي لي فبالي د إستحضار لأرواح قالت يا أه خاصنا نعرفوه شنو كان باغي يدير لابدة قلت ليها نهيلة نتس معارفة والو ولله انا ديجا محاك بشي حوايج بحال هادشي ومعمرهم يتنساو ليا قالت ليا صافي متخافش شنو غادي يوقع كاع راك عارف لحاج قلت ليها إلا رجعناه راه مغاديش يكون لحاج لي تتعرفي ولا عرفنا غانا ديجا محاك بهادشي من عندي نساو ولكين مبغاوش عييت معاهم ولكين كلاولي دماغي ب خاصهم يعرفو لحاج فاش كان تيفكر يدير قلت ليها صافي ولكين شرحو ليا كيفاش تيخدم هادشي وراتنس ديك لمرى قالت ليا شوف غتحرك هادي وتقول هاد الكلمات قلت ليها صافي بركنا ضايرين ب ديك طابلة د العبة حطينا يدينا وبدينا تنقول دوك لكلمات تنحس بيديا تيتحركو فوق الطابلة بوحدهم وتنسمع لمشاش تيغوتو برى رجعنا للخلعت تاني ؟ ...

تنسمعو لمشاش تيغوتو برى ويديا تيتحركو فوق طابلة بوحديتهم عرفت بلي شي حاجة ماشي حتال لهيه أنا ديجا واقعيلي بحال هاد لبلانات ماشي بحال لخلعة ديال لمرة لولا ضواو بداو تيطفاو ويشعلو وهيا تشعل تلفازا فيها غي طشاش تنشوف فنهيلة و ديك لمرى قلت ليهم وفكوها دبا أبنات طحاب تتبقاو تقلبو على لحاجة حتى تتزبلوها نهيلة خرجات تتجري تبعاتها ديك خيتي هزيت سوارت وغادي خارج حتى تنسمع يزف بلاتي صوت الحاج هدا تنضور ملقيت مشفتوش غادي خارج تاني حتى تنسمع "مسمعتينيش قلت ليك يوسف " لما بركلي فركابي أش هادشي قاليا متخافش هدا غي أنا معرفتش كيفاش تتقدر تسمعني وشنو جابني هنا ولكين مزيان كنت باغي نشرح ليك وأنا نتهز فسمى لصقت مع صقف قلت شنو علاش شنو تيوقع قاليا متخافش غير تنجرب فهادشي قلت ليه نزلني لله يرحم لواليدن قاليا صافي متخافش مالك غتشوهنا نزلني قلت ليه شنو باقي تقوليا دوي بزربا راه غنحماق تندوي مع لحيوط دبا قاليا صافي دبا ديك لخدمة لي كنت باغيك ديرها غنديرها بوحدي ونتاقم على لأعوام لي دوزتها فلحبس قالها وتنسمع صوتو مبدل مرجعش شيباني لي تنعرفو قاليا صافي سير لداركم انا غادي نخرج دبا نمشي نقلب على هادوك خوتنا غادي خارج وهو يقوليا أه مك سلمات عليك وضفاك ضرت تنشوف فلحيوط غير تتضحك ياك مشفتيهاش قاليا داوي معاك بقى هكدا راه مرتاحة فقبرها بسبابك وديمة تتقولها ليك نتا غير متتقدرش تسمعها خرجت من لفيلا فرحان مشيت لدار دخلت جبدت تيلي عيطت على هناء قلت ليها شوفي نقربو لعرس نديروه بعد 2 سيمانات قالت ليا صافي نديروه صبر نقولها لدار قطعات عيطت على لواليد قلتها ليه حتى هوا صافي كلشي تقاد دبا خاصني حتى ديك لفلوس لي فلخزنة لي فالفيلا ديال لحاج نجيبها مشيت ديك معايا واحد صيكان عمرت 3 صيكان ومزااال عمرت لمالا ومزال فيها مشيت لبنكة دخلت ومخلي لفلوس ف طوموبيل دخلت عند خونا قلت ليه بغيت نحل كونط قاليا مرحبا شحال باغي تحط قلت ليه محسبتهمش قاليا فيناهيا لفلوس خرجت معايا واحد 2 سيكيريتي هزو معايا داكشي دخلنا لواحد لبيت فيه ماكينة تتحسب بداو تيحطو وهيا تتحسب بقينا واحد نص سساعة عاد خرجنا وهيا ناري 270 مليون قاد ليا كونط عطاني كارطة لكود لعيبات رجعت لدار مشيت انا ولواليد كرينا واحد لقاعة وشفنا ثريثور يقاد لينا لمسائل مشيت معا هناء وباها ومها خدينا لخواتم وكدا وريتهم لفيلا لي غنتحولو ليها بعد العرس وحتى لواليد غيسكن معانا تما صافي تقاد كلشي دبا وبقات يوم واحد على لعرس باغي نعس حتى تنسمع سميتي صوت ماجي من تحت سرير ناري أش عاد لقلاوي تاني ...

تنسمع سميتي وصوت ماشي من تحت سرير ناري لخلعت و بعد لغد ليه عندي عرس أش هاد لعب حتال دبا تنطل تحت سرير متيباليا والو حتى تنحس بشي حاجة بركات حدايا لفوق رجعت بركت وانا تنموت خايف حتى قاليا واااع هادشي كامل فيك خوف هدا غي أنا لحاج قلت ليه هدا نتا خلعتيني أواه قاليا غير تنضحك معاك بغيت نشد فيك شويا قلت ليه كون عرفتك نتا منخافش قاليا بغيتك فواحد لخدمة ولله حتى أخر طلب غادي نطلبك قلت ليه شنو قاليا راه مشيت تنقتل فهادوك ناس باش نتاقم وميتبعوكش من بعد قلت ليه أه وشنو قاليا راه واحد منهم معرفتش كيفاش عرف و جاب شي واحد من الهند دار ليه شي لعبة فدار متنقدرش ندخل ليها معندي كيفاش نديرليه قلت ليه وشنو قاليا نتا بغيتك تمشي وتقتلو قلت ليه لعميم سمح ليا راه بقا ليا غير غدا وغادي نتزوج صبر واحد 5 يام ونشوفو حل قاليا لا ميمكنش راه كل نهار تنحس بلي تنتجر لقبر ديالي تاني نقدر نرجع فأي لحظة نتا لي عندي نقدر نعول عليه وبعد هادشي غترتاح راني كاتب ليك كل ما أملك و مغيبى حتى واحد تابعك قلت ليه صافي خليني نعس دبا و غدا نمشيو بزوج لتما قاليا صافي نعس انا غير هنا قلت ليه صافي داني نعاس فلبلاصة فقت صباح لقيت دار مرونة كلشي تيغوت وتيقاد حيت غدا لعرس فطرت هزيت سوارت وخرجت لطوموبيل طلعت وانا نسمع صوت لحاج قاليا يلاه نمشيو بدا تيوري فيا طريق بقينا غادين حتى وقفنا عند واحد لفيلا كبيرة قاليا شوف خوتنا راه لداخل بغيتك تدخل تقتلو عارف هادشي صعيب ونتا غادي تزوج وباغي تبعد على صداع ولكين إلا مدرتيش هكدا غيبقى تابعك قلت ليه صافي ولكين حتال ليل دبا نهار كلشي تيشوف قاليا صافي حتال ليل رجعنا لدار ومشيت لقاعة لي تيقادو فيها على ود لعرس غدا تلاقيت بهناء و باها و مها و أكدت عليهم بلي العرس غادي يكون غدا إنشاء لله معرفتش كيفاش داز نهار بزربا وصلات 6 مشيت لديك لفيلا ديال لحاج خديت واحد سلاح كان باليا فلمجر هزيتو قلبتو خرجت مشيت لتما تتباليا دنيا خاوية نقزت من صور للداخل مكين لا كلاب لا عساس لا والو دخلت تنطل من شرجم تيباليا سيد بارك لكالم حدا تلفازا متيتحركش لداخل مشيت لباب دفعتو لقيتو ديجا محلول دخلت مشيت ديريكت لصالون نشوف خونا لقيتو بارك حدا تلفازا ولكين ديجا مقتول شي واحد سبقني و تيرى فيه غيكونو شفارا واقف تما تنفكر حتى تنسمع صوت ديال طوموبيل د البوليس ناري ...

لقيت خونا ميت و لبوليس جاو عند لباب معقلتش على راسي ضربت سلاح فجيبي وعطيتها لدرادك تلاحيت من شرجم نقزت صور غادي لواحد دروبا حدا ديك لفيلا تنضور تيبانو ليا لبوليس جاين تابعيني شافوني مني نقزت عطيتها لدرادك فداك درب تنخيط فديور ولبوليس تابعيني مع الخلعت معارفش راسي فين غادي حتى تتباليا لواحد لقنطرة مشيت تنجري ليها شفت فيهم فيهم مزال بعاد وأنا نقز تما بقيت غادي مع لما واحد لمساااافة ومع ضلام متيباليا والو حتى تنتضرب مع شي حجرة دم سخون محاس بوالو لمهم نهرب منرجعش لحبس تاني وغدا عرسي بعدت مزيان خرجت من الما خرجت منو مشيت لواحد شارع باليا تنشير على بنادم متيوقفش تنشوف فلتيشورة لي لابس كامل دم مع داك لحجر لي تنتضرب معاه بقيت واقف تما حتى وقف ليا واحد شيباني عندو بيجو 205 قاليا طلع كلعت قاليا مالك شنو وقع ليك قلت ليه راه طحت من القنطرة قاليا فين داركم نعتها ليه وصلني حتال لباب تتباليا دار عامرة كلشي تيتسناو فيا باش نستاعدو لغدا داخل عامر دم وراسي تيسيل بدم كلشي تيشوف خرجات هناء من لبيت شافتني هاكداك وهيا تسخف خليتهم تيفيقو فيها حيدت تيشورة دخلت لدوش دوشت وطهي كامل مضروب وراسي كامل مبهدل خرجت قاليا لواليد شنو وقع شكون دارليك هكدا قلت ليه متسولش الواليد دبا عطيتو ضوبل ديال سوارت طوموبيل قلت ليه جيبها مشيت لعند لفرماسيان لي حدانا عطاني واحد دوى يبرد لحريق رجعت لدار لقيت هناء وباها ومها تيتسناو قالو ليا واش نأجلو لعرس ميمكنش نديروه ونتا هكدا قلت ليهم نديرو حسن نعرفناش شنو يقدر يوقع غدا للهم نزربو عليه قاليا صافي صافي غدا إنشاء لله طلعت نعست محسيت براسي مع لعيا فقت لغد ليه تنشوف فوجهي مع لمرايا تيباليا كامل منفوخ وكحل ناري أنا يهودي ندوز نهاري هكدا معياو معايا نأجلو قلت ليهم والو ندوزو ليوم وهادشي لي درنا هانية وخا مضروب داز زوين بنادم غي تيشوف فيا ولكين مديتها فحتى واحد مكين غي شطيح وضحك حتى داز داك نهار طووووب و واحد ليلة لولا معقلتش عليها كاع عضامي ضاريني دوزناها غي بزز لغد صافي هكدا دازت لأيام بريت فديك سيمانة تحولنا أنا وهناء ولواليد لديك لفيلا ديال لحاج لي ولات فسميتي ودرت بالوصية ديالو بنيت جامع و بدلت ضومين ديال لخدمة حياتي تقادات بعد ديك عامين تزادت عندنا بنت سماتها هناء سلمى وبعد 4 سنين لحق على لواليدة على لواليدة لله يرحمهم بقيت غير أنا و هناء وبنتنا ومها وباها حتى هوما بداو تيموتو واحد بواحد كل عام محدنا تنكبرو وحنى تنخسرو ناس لقراب حتى بقيت انا وهناء وديك بنتنا سلمى راس فراس لا جد لا جدة مي هانية هاديك هيا لحياة لبنت ولات عندها واحد 17 عام لمرض تتبقى حاضيها نهار كامل تتقوليها ديري زيف أبنت ناس تتفوت دار تتحيدو ولبسها فشكااال جيل ديال تاكلني هنا ولا تديني معاك لدار و بديت تنحس براسي كبرت 39 عام لمهم حياتنا تقادات حتال واحد نهار ...

يتبع