قصتي مع هناء الجزء السادس و الأخير

لمهم حياتي تقادات لفلوس لمدام لخدمة ولات عندي 39وبجالا غي لبارح كنا صغار وبنتي لبرهوشة ديال 17 عام متتريحش ومتتحشمش ولات هيا لمشكلة لي عندي فحياتي خرجات ضلعة عوجة متتقرى موالو غي تتمشي وتجي تيحسابليها كاع تتصدق ليهم بحالي عينا منشرحو ليها ولكين راسها قاصح لدرجة تبدا تغوت على هناء وخا عيييت منضرب فيها واحد نهار منعرف علاش فليل تنتعشاو وهيا تناقش هيا ومها وانا بارك وهيا تقول لمها قودي محسيتش براسي حتى عطيتها واحد تصرفيقة تمسحت ليها لميموار ديال هاد 17 عام وهيا طيح بقات تتبكي بقيت بارك تنتعشى وهيا تنوض حلات لباب خرجات بقيت بارك تنتعشى وهيا تقوليا هناء نوض نوض جيبها ليل هدا قلت ليها تعشاي نتي وسكتي فين عندها متمشي غتلقايها فجردة ضسارتك لي خرجات عليها وهيا تشكت كملنا لعشا جات لخدامة جمعات طابلة هيا وهناء وبقينا باركين دازت ساعة والو لبنت مرجعاتش بديت تنتخلع طليت من شرجم ملقيتهاش تيباليا سيكيريتي عند لباب ديال صور قلت ليه مبانتش ليك بنتي سلمى قاليا راه خرجات قبييييلا رجعت لبست حوايجي هزيت طوموبيل وبقيت تنضور تنقلب عليها ملقيتهاش فليل تنعيط على هناء تتقولي راه مرجعاتش إلا مجبتيهاش مترجعش لعندي فين غتكون هاد البرهوشة بقيت تنقلب تنقلب حتال 5 ديال صباح عينيا تيتسدو بنعاس حتى تتعيط جاوبتها بزربا فينك أبنتي قالت ليا بابا أول مرة تقوليا من شحااال تقولي بابا قلت ليها مالك فينك قالت ليا معرفتش شدوني شي وحدين بطوموبيل ماشي غير بحدي وشي بنات وسادين علينا فواحد لبيت واقيلا ديال لحديد تيليفون كنت مخبياه مشافوهش قلت ليها تتضحكي باغا تخرجيها مني ياك قالت ليا تندوي بصح ولله بدات تتبكي قلت ليها واش بصح قالت ليا سمح ليا ولله حتى بصح ناري أش هاد زبل تاني ولكين ماشي وقت الخلعة ولبكى دبا قلت ليها شوفي ليا أي حاجة تقدر تعاونا ومتخافيش باك غادي يجي لعندك قالت ليا صافي قالت ليا راه ديال لحديد بحال صندوق ومشاو بيها شحااال غيكون كاميون و كينا ورقا فلقفل ديال صندوق فيها S_E_G بدات تتبكي تاني قالت ليا تيلي غادي يطفى دبا لباتري خاوي سمح ليا وقول لماما تسمح ليا وهيا تقطع رجعت لدار بزربا هتاء تتغوت فيناهيا لبنت دخلت لبيرو ديالي شعلت لبيسي كتبت S_E_G طلعو ليا شركة ظيال لبني لبنانية تتخدم ف إفريقيا و أوربا ولكين أشنو جاب رموك ديالهم باش يهزو فيه بنتي خديت لعنوان ديالهم باغي نخرج مها بزز باش خلاتني بلغوات قلت ليها دبا نجيبها ونرجع صبري مشيت لتما وقفت قدام شركة دخلت لعند خونا ديال لإستقبال ولكين معرفتش شنو نقوليه موحال واش غادي يعاونوني الحل الوحيد وهو نسول شي واحد من دوك ناس ديال لمناج لابدة تكون فخبارهم شي حاجة هوما تيضلو نهار كامل يضورو فشركة خرجت لباب لوراني وبقيت تنتسنى حتى تتباليا واحد لمرى خارجة وقفت عليها طلعي قالت ليا علاش مديت ليها 100 درهم قلت ليها طلعي بغيت غير نسولك طلعات قلت ليها شوفي بنتي غبرات وأخر حاجة سمعتها منها هيا S_E_G تقدري تعاونيني قالت ليا سمح ليا مديت ليها 200 درهم قلت ليها لله يخليك بنتي هيا لي عندي ومزال صغيرة مشافت والو وهيا تقوليا صافي صافي ولكين إلا عرفوني قلت ليك شي حاجة غادي نموتو بزوج ...

قالت ليا شوف وحل ودنيك مغاديش نعاود هادشي قلتي خادو بنتك راه تياخدو لبنات وتيطلعوهم لشمال ومن تما تيديوهم لإسبانيا تيخدمو تما قلت ليها إنا بلاصة فشمال قالتلي طنجة ونعتات ليا لبلاصة ونزلات مشيت رجعت لدار بدات هناء تتغوت تاني مع دخلت طلعت هزيت لباصبور و وراقيا متعرف شنو يوقع خارج وهيا توقف قدامي هناء قالت ليا شنو واقع متخلينيش هكدا غنحماق قلت ليها سلمى خطفوها شي وحدين وداوها لطنجة دبا ومن تما لإسبانيا يمكن بدات تتبكي نوضتها قلت ليها ماشي وقت لبكى دبا خاصنا نجيبو بنتنا خليتها فدار حدى تيليفون متعرف شنو نحتاج هزيت طوموبيل وطالع لشمال لوطوروط بزربا وصلت فساعة وشي حاجة مشيت ديريكت لديك لبلاصة لقيتها مريصة وفيها دوك صنادق ديال لحديد كبااار بزاااف بغيت ندخل وهوما يحبسوني واحد سيكيريتي رجعت لكوموبيل تسنيت حتى طاح ضلام عاد دخلت تنضور وسط دوك صنادق تنسمع صوت شي واحد لداخل حليت واحد منهم مسدودين غير من برى حليتو حتى تنتصدم تيبانو ليا بنات قد بنتي تقريبا منهم دوك لأفارقة مخلطين تنشوف لا تكون سلمى معاهم والو مكيناش قلت ليهم ميخافوش انا جيت نعاونهم وباش يبقاو هنا شويا حتى نقلب على بنتي ونحل على لأخرين ونرجع نخرجهم خليتهم تما بديت تنحل فدوك صنادق واحد واحد تنلقى بنات منهم لي مغاربة ولي بابنا فيهم من أفريقيا لتحت ولكين ملقيتش سلمى معاهم صافي حليت كلشي متأكد مكيناش غيكونو داوها لشي بلاصة أخرى تنشوف بعيد تيباليا واحد خونا بارك عند لباب ديال ديك لمريصة مشيت من وراه مشعل لعافية وبارك حدا واحد لبيت عند لباب شديتو من لور مفهم والو بقيت شانق عليه تتباليا سكوتش ف لبيت مديت يدي شديتها ربطت ليه يديه وراه رجليه بركتو حدا لعافية قاليا شنو باغي راه معندي والو قلت ليه مجيتش نشفر جيت ندي بنتي لي جابوها لهنا فحال هاد لبنات قاليا قلب أخويا فصنادق تقدر تلقاها معاهم قلت ليه قلبت ملقيتهاش قاليا شوف راه أنا غير خدام فاهمك بلي بنتك وكدا ولكين ملي ملقيتيهاش راه معندي منديرلك قلت ليه ياك إوا صافي تكيتو حدا لعافية وقربت ليه راسو بقى تيقوليا راه معارف والو أ*بي وراه معارف والو أخويا تميت غادي نخرج دوك لبنات وهو يقوليا صافي صافي رجع أنا غادي نقولك رجعت قاليا شوف راه مفيدك مدير ملقيتيهاش هنا يعني راه داوها لإسبانيا ومتقولش ليا إنا بلاصة حيث ولله معارف لمهم تيديوهم من هنا وبعد شي ساعتين غيجي لباطو يديهم تيهز صندوق كامل فكرت مزيااان صافي خاصني نمشي مع داك صندوق باش نعرفهم فين تيديوهم حليت ليه يديه ورجليه قلت ليه شوف أنا مبغيت والو غير بنتي راه هيا لي عندي ونتا تتشوف كبرنا مبقيناش قد شي تبهديل قاليا عارف حتى انا عندي ولاد ولكين راه لي تنعرفو قلتو ليك مكرهتش كون نقدر نعاونك قلت ليه تقدر غادي ندخل لواحد من دوك صنادق مع لبنات غادي تسد عليا غيديوني فين داو بنتي قاليا واش حمق تقدر تموت مخنوق فطريق ولا يلقاوك لهيه ويقتلوك قلت ليه كون كانت بنتك متديرهاش قاليا صافي صافي دبا شنو لمطلوب مني قلت ليه تسد عليا فداك صندوق لي غادي يمشي ليلة قاليا صافي مشينا حلينا على دوك لبنات دخلت شفت فيه واقف عند لباب قاليا لله يعاونك أخويا تلقاها وترجعها إنشاء لله وسد لباب ....

صافي سد عليا مع دوك لبنات بقاو تيشوفو فيا وخايفين كاع ديرين ليهم لمينوط قلت ليهم متخافوش راه خطفولي بنتي بحالكم و أنا باغي نعرفهم فين تيديوهم دوك لبنات ماشي غير من المغرب بينهم سورين و لأفارقة واحد شويا تنحسو بصندوق تهز من لأرض وتحط فوق شي حاحة غيكون باطو صافي غيديونا بقيت بارك مع دوك لبنات تما واحد 2 سوايع تنحسو بلي غادين فوق المى حتى وصلنا تنسمعوهم برى حطو صندوق فالأرض ومشاو بقى صقيييييل واحد المدة طويييلة حتى تنسمعو شي واحد جاي لبنات عاملوني داروني وسطهم حل لباب واحد خونا تيدوي بالونغلي قاليهم يخرجو خرجو مجموعين و أنا وسطهم متنبانش تنشوف فخونا غادي قدامنا بديت تنخرج لقدام ديال لبنات وتنشوف واش كين شي واحد أخر بانت ليا دنيا خاوية كين غير هدا جبدت سنسلة من جيبي وأنا نتلاح عليه مع الخلعة و الجو تبدل عليا إسبانيا هادي خنقتو بقيت شادو مدارش لحس حتى مبقاش تيتحرك طلقتو وهوما يبداو بضربو فيه دوك لبنات خخخخ هزيت سلاح و واقف تنتفرج حتى تنسمع شي صوت فواحد طواليط فزنقى تما مشيت وقفت عند لباب شديت سلاح حليت لباب لقيت خونا خدااام تيفرغ كرشو مفهم والو بدا تيقولي وضفاك ويطلقها عليا بلونغلي قلت ليه غتحرك غتموت شهيد نداء طبيعة بقى بارك هنا جبت ديك سكوتش ربطت ليه رجليه و يديه ورا لكرسي ديال طواليط خلعتو موحال واش تبقى تجيه لخرية هاد 2016 قاليا شنو باغي قلت ليه بنتي جابوها من المغرب لهنا فيناهيا قاليا قلب إلا لقيتيها ديها ولله ما نحبسك مشيت تنقلب لقيت بيت فيه شي بنات تنشوف فيهم ملقيتهاش تاني قلت ليهم يخرجو يهربو من هنا رجعت عند خونا قلت ليه مكيناش تتكدب عليا درت بحالا غنتيري فيه قاليا صافي غيكونو داوها حنا هنا غير تنوصلو سلعة و أنا نعطيه وااااحد مولاتي مسمنة مغربية فوجهو قلت ليه بنتي ماشي سلعة يا ولد لعبد قاليا حنا غير تنخادوهم هنا وتيجيو لي تيديوهم لمدريد ومن تما تيفرقوهم ف أوروبا كاملة عطاني لبلاصة ولعمارة قيدت داكشي فتيلي خليتو وغادي نقلب على هاد مدريد وهو يقوليا زرب إلا فاتت مدريد معمرك غتعاود تلقاها تنضور عينيا ف تما تيباليا واحد Suzuki Hayabusa مكلاصي هو تاني عالميا متيقتش عينيا رجعت عند خونا قلت ليه ديالمن داك لموطور قاليا ديالي قلبت ليه جيوبو لقيت سوارت خديتهم خرجت غادي وتنسول كلشي تيدوي بالإسبانية قليل ليتيعرف لإنجليزية وأنا لونغلي بيني وبينها من يامات لافاك لي تنقوليه مدريد تيقوليا سيييييير مزااال موصلت حتى خوى لموطور تيشرب ليصانص وصلت لتما وقفت قدام ديك لعمارة عااالية مقالش ليا أشمن طاج ...

دخلت لديك لعمارة لقيت خوتنا باركين فوق واحد طابلة عند لباب بركت قاليا شباغي قلت ليه بغيت من داكشي لي تتبيعو قاليا شنو كيفاش قلت ليه بغيت شي بنت قاليا سمح ليا راك غالط فلعنوان بغا يصدرني جبدت سلاح حطيتو فوق الطابلة قاليا صبر صبر نتفاهمو ولا باغي يبرد قلت ليه بغيت غير بنتي ونمشي عرفتهم مباغينش يتشوهو جبدت تيلي وريتو طوف ديال سلمى وهو يقوليا بحالا شفتها صبر جبد واحد لكتاب تيخليو فيه تصاور لبنات و فين تيمشيو حل لكتاب بدا تيدوز فتصاور وهو يسدو وقاليا معرفتش مكيناش غيكونو صيفطوها لشي بلاصة أخرى قاليا هانتا شوفليك شي وحدا من هاد لبنات فهاد لبيت ديرها بنتك مرتك لي بغيتيها ومتخلصناش بداو تيضحكو صافي شعلت هاد صداع كامل على والو كحالت دنيا فعينيا تيريت فلول وهوما يجمعو ضحك تيريت فتاني لي بقى هو خونا لي كنت تندوي معاه بغى يهرب طيحتو قاليا صبر صبر قلت ليه بنتي هاديك نرجع على ديلمكم لحبس يلاه غنتيري قاليا صبر تعرف بنتك شنو وقع ليها بعدا قلت ليه ياك قلتي مكيناش ؟ قاليا غير مبغيتش نقولك خفتك تعصب قلت ليه شنو قاليا راه خداتها واحد لمرى عندها نفس فصيلة دم باش تبرع ليها بقلبها قلت ليه شنو إمتى قاليا بلي غيكونو دارو لعملية دبا قلت ليه ملي تلاقا مع بنتي لفوق قوليها قالك باك تيبغيك يلاه غنتيري فيه وهو يقوليا صبر راه عندي ولاد وعائلة صبر نسولو ديك خيتي بعدا قلت ليه بزربا جبد تيليفون بقى تيقلب على نمرة جهد صوت قاليا هادي ديك لمرى لي خدات بنتك قلت ليه سولها قاليها واش درتي لعملية ولا مزال قالت ليه أنا غادا دبا عند طبيب نديرو لعملية حيت طبيب كان مسافر هاد سيمانة يلاه جا قلت ليه سولها على بنتي سولها قالت ليه راه ناعسا فصبيطار مبنجينها قطع خونا قاليا راه غيديرو لعملية دبا زرب سير موحال توصل فلوقت قطعت ديك لورقة لي فيها تصاور سلمى وكلشي وخديت لخونا تيليفون و خليتو تما وحداه دوك خوتنا لي ضربتهم طلعت لموطور شديت بيه 160 فدوك شوارع ديال مدريد عامرين غنولي غير داير شي كسيدة شانطي عمر وليت غادي ب 20 وتنوقف خليت لموطور تما وبديت تنجري حتى وصلت لديك لمستشفى معقلتش على راسي دخلت هاز سلاح فيدي ...