تزوجتك رغما عني و أحببتك برضاي الجزء الثاني

من تأليف لمياء طاهري
2018

محتوى القصة

رواية تزوجتك رغما عني و أحببتك برضاي

خرجات نهال تاتجري و ماعارفة فين تمشي شدات طاكسي داها للدار طلعات نيشان لبيتها عاد تفكرات و بقات تاني تاتندم فراسها
نهال:أويييييبيلي على الشوووهة السيد عبر لي على مشاعرو و أنا قمعتو قمعة عاااالمية😳تفوووو على فم عنديييي !!!😣سابقني ....ديما انا بحال هاكا فينما كان تايقولي شي واحد راك كاتعجبينيي كنت تانولي وحدة خرى و فمي لي كايهضر بلا عقل تفوووو غلت ليك هاد فمي غايسيفطني للعافية اوووووف وا نااااري ماباقاش نقد نشوف فييه.....(الصونيط)
حللا ت خديجة ام نهال الباب كانت سلوى سلمات عليها و طلعات تاتجري عند نهال...🏃🏃
سلوى:كيداااز الموعد قووووليي
نهال:كي الزفت تفوووو (كاتضرب ف فمها)🙊🙊🙊
سلوى:اوييلييي يا المسخوطة اشنو درتيييي !!!!😮
نهال:ماشي انت لي درت فمي لي داااار عاوتانيي تفووووء😥😣😣
سلوى:وا اش قلتيي عاود
عاودات ليها بالتفاصيل و سلوى غا حالة فيها فمها😱
سلوى:شنوووز منين جاتك هاد الهضرة ياك كلتي ليا تزعطت و ماعرت شنووو😒
🙏نهال:ماعرفتش و لكن هو زرب عليا و تا انا بفيت تانهضر بالزربة بلا مانفكر هاد الشي لي خرج اوووف 😓😓صافي راني قلت ليه لا كان تيبغيني يجي لدارنا صااافي 
سلوى:ناااري نتيي والله ما تتفهميي ليا 
نهال:دبا نساتاي انا غانسااه و عااادي صافي سيري خلينيي ندوش شوية و نجي عندك......
مشات سلوى و نهال دخلات تدوش سالات ناجهات عند سلوى..دقات..(طق طق)
حلات ليها هبة دخلات بعد ماسلمات عليها دخلات للصالون و لقاتو كالس حاط رجل على رجل و تايشرب فالقهوة شافها بانت عليه علامات الصدمة سلمات على ام سلوى و سلوى و عصام وصلات لإياد مد يدو مابغاتش عاود تقمعو سلمات عليه و طلعات هي و سلوى لبيتها 
سلوى:اممم عاود ليا إياد
نهال:واش قالك؟؟؟
فلاش-باك:
سلوى:إيوا عاود ليا كيداز لقائك مع نهال
إياد:على ماقلت ليكش
سلوى:لاااا😓(بتوتر)
إياد:قالت لي ايلا كنتي تاتبغيني اجي خطبنيي
سلوى:(دارت راسها تصدمات)و نتا اش ناوي تدير 
إياد:نتي عارفاني ايلا قلت شي حاجة تانكون صادق فيها و هاد نهال حمقاتني و غاتكون ليا السيمانة الجاية غانجيب واليديا
سلوى:😮😮حلللف واش بصصصح اش قالك عمييي ؟؟؟!اه اه 😀😀
إياد:هههه شفتك تحمستي هه مازال ماقلتها ليه و لكن ماتانضنش بلي غايرفض حيت انا جيت للمغرب باش نقلب على بنت الناس لي تكمل معايا حياتي خوك كمل 27 عام 
سلوى:ما تصووورش شحال فرحتيينيي أنا غانعلم نهال أكيد غاتفرح😁😄
الواقع...:
ويلاه كنت جايا نفرحك و نتي تجي عنديي برجليك
نهال:😯😯😯😯😯حلفيييييي وااااو صدق ولد النااااي 😍😍😍😍 دابا كبر ليا فعييينيي قولي ليه مواافقة مواافقة ❤❤

سلوى:شتييي ايوا نوضي باقي ليك غا سيمانة 
نهال:(عنقاتها)ئهئه جوطيييم الموصيبة
سلوى:هههه وا طلقي خنقتيني يا الخطية
ايوا بقاو البنات بحال هكاك هبطات نهال علمات مها طبعا دارت ليها لونكيط شكون هو فاش خدام مي غير قالت ليها عندو شركة ففرنسا بدات تاتزغرت...ايوا علمات باها....دازت سيمانة غير فالتوجاد...عند إياد علم واليديه لي فرحو فاش لقى لبنت لي بغى جاو ...و جا اليوم المعهود....

نهال:(بتوتر)ماما كلشي واجد
خديجة:اه بنتي بلا ما تخافي 
نهال:(تنفسات)اووك اووك
خديجة:طلعي معاها ابنتي سلوى تقاد راسها 
سلوى:(لخديجة)واخا اخالتي(لنهال)زيدي نتي قداامي هه
طلعات نهال و سلوى ....نخلي نهال دبا لي تعاود ليكوم.....
طلعت انا وسلوى صاوبات ليا ماكياج جيت واااعرة بصراحة انا تايجي معايا غير همرني درتو وحتى سلوى صتوباتو ليا حسن من الكوافورة ههه إيوا و نضت لبست واحاد تكشيطة خضراء انا كنت بغيت نلبس غير شي حاجة خفيفة مي ماما بزات عليا ايوا خليت شعري مطلوق طلهت تانحمق👸👸 على حساب ما قالتي سلوى(سلوى لي قالت انا ما قلت واااالو ههههه😂😂)إيوا جلست نساينهم يجيو ....بعد طول انتضار جاو نضت تانطل بانو ليا جايين فواحد الطوموبيل واااعرة🚘ههههه ايوا و مولاي سلطان هاز الورد (تفكرت ديك اللقطة باش غلط فالدار كان هاز الورد ههه)وشي حاجة خرى ماعرفتش شنو هي ....مو كاتبان ضريفة مبتاسمة اما باه كايبان عليه انسان صارم و لكن حنين حتى(هههه هاد شي كامل عرفتو هه) هو مبتاسم كلهم باينة عليهم الفرحة دخلو وأنا رجعت جلست حتى عيطات عليا ماما هبطت كانتفتف دخلت للكوزينة هزيت صينية و اتاجهت لعندهوم مو غير شافتني فرحات ...
الأم:اهلاااان اهلااان (تلفتات عند إياد)عرفتيييي تختار أولدي 
الأب:ما شاء الله عليك أبنتي 
سلمت عليهم و جلست بقاو تايشكرو فيا حتى ماقصروش قاليك عجبتهم بزااف ....
الأب:ايوا اسيدي كانضن عرفتو سبب المجية ديالنا....حنا جينا طالبين راغبين فيد بنتكم المصونة نهال 
بابا:إييواا ....خاصنا نعرفو بعدا رأي ديالها..ايلا كانت موافقة انا مانزيدكم غالخير 
ماما:ايوا اش قلتي ابنتي..
انا:الصمتت
اب إياد:(قال داك المثل الشهييييييييييير اي كايقولوه)ايوا السكوت علامة الرضى 
بابا:داك الشي لي بان ليا .....ايوا مبروووك
ماما:زغرتات لولولولولووووووي😂😂
جلسوني حدى إياد😍😍 و ركب ليا الخاتم الله على شعور تيقيس ليا ايديا ههه ❤❤ايوا تافقنا على العرس مور شهرين.....
مشااو و ماما و بابا عجبهوم الحال و ماما عجبها إياد قالتلي هادا ابنتي هو الراجل....
#بعد_اسبوع
ليوم غانتلاقا انا واياد لتالت مرة ولينا تانتلاقاو بزااف هو ضريف كتر ماتصورو و زويييين كتر ما تصورو و بان لي بلي كايبغيني بزاااف و بطبيعة الحال حتى انا...ليوم عارض عليا للغدى غادي يجي يديني دابا انا كانساين فيه لابسة كسوة تحت الركبة بشي شوية فالموف👗 و صباط بيض و شعري ضفرتو و رديتو جنب درت شوية الميكاب ههه....
اهاهو جا ....هانا غادة يلا بسلامة 👋

دبا انا نعاود ليكم....
ركبات معاه سلمات عليه كان فكامل شياكتو كالعادة ركبو و الطريق كاملة و هوما تايهضرو وصلو لواحاد الريسطو رااااااقية ديال الهاي كلاس (نهال خاصا تولف هه)دخلو و طلبو الماكلة وبقاو تايهضرو 
إياد:إيوا انهال هاحنا تخطبنا 
نهال:(بابتسامة)
إياد:باش تعرفيني كانبغيك....بصراحة انا عمر شي بنت ما طيحاتني فشباكها و لكن نتي جيتيني ماشي بحالهوم(هضاضايضاي ماشي بحلهووم اعمري نتيا ماشي بحالهوم اويلي ويلي ماشي بحالهووم هااا راي ماشي بحااالهوم ا سمحووو ليااا سهيت مع الأغنيه عاود هههه)من اول لحظة شفتك قلبي ضرب عقلتي فاش تخبطت معاك 
نهال:بتاسمات
إياد:داك الساعة شفت فعينيك الغزالين و لكن دغيا اختافيتي ....من بعد طلعتي صاحبة بنت عمي فرحت بزاااف حيت غانشوفك بزااف كنت بغيت نزيد نتعرف عليك باش نشوفك واش تستاهلي و لا لا والبلفعل كنتي كاتستاهلي (قبط فيديها)فراسك وليت كانبغيك بزااف....نقدر نعرف واش حتى نتي بحالي
نهال:اممم...حتى....كانن...
إياد:بلا ماتبقاي حشمانة مني حنا مور شهراين غانتزوجو....واش نتي ا نهال كاتبغيني
نهال:سكتات شوية وحنات راسها ....اه امم حتى انا 
إياد حتى نتي شنو
نهال:...حتى انا كانبغيك
إياد:ورك على يديها كانواعدك عمرني نتخلا عليك (بنضرااات قاتلة 😍😍)
تغداو فاش سالاو مشاو لجهة البحر و بقاو تايجريو و تايلعبو حدى الما دوزو نهار زوييين نهال عرفات مدى حب إياد ليها رجعها للدار وطلعات فرحاااااانة بغات تطييير ❤❤...ايوا باتو تايهضرو فالتيليفون هاكدااا دازو شهرين إياد و نهال تقريبا كل نهار تيتلاقاو الا ماتلاقاو تايهضرو فالتيليفون ولاو تايبغيو بعضياتهم بزاااااف عمر إياد ما قرب ليها كان كايبغيها بزاااف و حتى هي باقي سيمانة على العرس اليوم غاتمشي نهال و اياد يشوفو القاعة لي غايكون فيها العرس ماعارفاش بلي هاد الخرجة غاتغير حياتها....نخلي نهال تكمل...
اليوم غادة انا و عمري نشوفو القاعة ديال العرس فرحانة بزااف فنفي الوقت قلبي مقبوط ماعرفتش علاش قريت شوية القرآن و خرجت مع إياد ركبنا الطريق كاملة و حنا تانهضرو و فرحانيين وصلنا للقاعة الأولى نزلنا شفناها عجباتني بزاف و قلت لإياد بلي هي لي بغيت إيوا خليت إياد كايتفاهم معاهوم و انا خرجت قدام الباب....بان ليا واحد تايبيع الفرييز و مع انا تانموووت على شي حاجة سميتها الفريز مشيت بغيت نشريه مي كان خاصني نقطع الشانطي مشيت تانجري ما شفت لا قدامي لا ورايا بقيت تانجري ماخسيت حتى تهزيييت حتى الفوق و تخبطت على راسي ماعقلت على والو غير ضلااام 🌑🌑

دبا انا لي غانعاود....
داك الساعة ضرباتها طوموبيل حتى تهزات تخبطات على راسها خرج إياد شافها مشا تايجري 
اياد:نهاااال هنااال نوضي نوضي ...😦نهاااال حياتييي ماتمشيش عرسنا سيمانة جاية ...نهااااال عيطو لامبيلونض
بداو الناس تايعطو جات لومبيلونص هزات نهال و إياد مشى معاها و شاد ليها فيديها و كيردد ماتمشيش ماتمشيش😦....وصلو لكلينيك دخلوها لغرفة العمليات كانت مضروبة فراسها و نزفات إياد علم دارها و ظارهم جاو كايجريو مها كانت غاتموت بالخوف على بنتها لي ما بقى الا سمانة على عرسهها،،ليلة عمرها و طرى هاد الشي بعد وقت طويل ماحبوش شحال خرج طبيب وجهو ماتايبشرش ...
إياد:دكتور...واش فاقت هي مزيان جاوبني عافاك 😯
دكتور:امم😓...سمحوليا ولكن
خديجة:شنو ادكتور 😭ئهئهئه جاوبنا
دكتور:بنتك الالة دخلات فغيبوبة و مامعروفش امتى غادي تفيق
😱مها داك الساعة سخفات داوها لغرفة إياد خبط الحيط حتى بغى يتهرس مو كاتعنقو سلوى بقات تاتبكي بجهد باها شد راسو دبا نهال دخلات فغيبوبة و مامعروفش امتى غاتفيق تقدر تبقى بزااااف ديال الوقت😞.....

بعد مرور شهر...
مازال نهال مافاقت كلشي مرض خصوصا مها ...إياد ديما كايزورها على أمل أنها تفيق و لكن مازال ما كاين حتى جديد مازال ناعسة ....هاهو إياد غادي يدخل عندها دبا...
إياد:شد يدها...حياتي انا جيت عاود ..عقلتي فاش قلت ليك عمرني مانتخلى ليك ....انا باقي عند وعدي أ نهال عافاك حتى نتيا كوني على وعدك و ماتخلايش عليا...(فهاد اللحضة كان شاد فيديها و حس بيديها تحركات )نهال (ناض)تحركتي احبيبة فيقي حلي عينيك
نهال:حلات عينيها ...امم اانا...فين
إياد:فقتييييييي عمرييي .....خرج تايجري مشى عند مها و باها كانو برا فرحهوم و مشى عند الطبيب جا دخل عندها....
الطبيب:على سلامتك انسة نهال
نهال:ششكون نتا...شكون نهال؟؟
الطبيب:انا الطبيب نتي هي نهال راه شهر و نتي فغيبوبة يلاه فقتي 
نهال:كايدرني راسي بزاااف ماعاقلة على والوو اوووف امتى جيت علاش شكون انا ئهئهئه
الطبيب خرج عيط على ممرضة دكات ليها مهدئ و الطبيب خرج عندهم....
الطبيب:سمحو ليا عندي ايكم خبار ماكاتفرحش 
خديجة:بنتييي..شنو وقع لبنتي 
الطبيب:بنتكم فقدات داكرة 
خديجة:كيفاااش؟؟؟
الطبيب:للاسف ممكن ماترجعش ليها حنا كنا حاسبين هاد الاحتمال ضعيف و لكن للأسف....
إياد:واش كاين احتمال ترجع ليها 
الطبيب:ماعرفناش احتمال %1 و لكت كلشي ممكن 
خديجة:نقدر ندخل عندها...بغيت نشوف بنتي
الطبيب:للاسف ماغاتعرفش عليك تقدري دخلي عندها لكن حتى تفيف 
مشى الطبيب و هما غير ما زادو مرضو حيت احتمال تفقد ظاكرتها بمرة.....
فاقت نهال و غادخل عندها مها....
خديجة:إياد ولدي أنا غاندخل عندها انا مها و تقدر تعقل عليا 
دخلات و جلسات حداها 
خديجة:بنتي 
نهال:شكون نتي؟
خديجة:انا ماماك ابنتي واش حتى انا ماعرفتينيش
نهال:شكون انا انا ماكانعرف حتى حد ما عقلت على والو هئهئهئ عافاك عاونيني
خديجة:عنقاتها....بنتيييي ئهئهئهئه نهاال 
نهال:واش انا سميتي نهال؟؟
خديجة:اه ا بنتي و انا ماماك خديجة 
نهال:(عنقاتها و شمات ريحتها)ئهئهئه علاش ما عاقلاش علاش ماكانتفكر والو راسي غايطرطق ئهئهئه
خديجة:بنتي غير تهدني انا غانعاود ليك كلشي 

نهال:ئهئهئه 
خديجة:(بالبكى)كانت باقة سيمانة على عرسك
قاطعاتها نهال:عرسي ؟؟!
خديجة:أه أبنتي كنتو كاتبغيو بعضياتكم و داك النهار مشيتو تشوفو القاعة لي فيها العرس من بعد أبنتي نتي خرجتي و ضرباتك طوموبيل حيت كانتي كاتجري و متشفتيهاش شهر و نتي مغيبة يلاه فقتي ولكن للأسف فقدتي الداكرة ئهئهئهئه(مابغاتش تقولها بشكل دائم حيت خافتها تزيد تأزم)
نهال:علاس ماعاقلاش ئهئهئه اوووف راسي غايطرطق ئهئهئهئه
خديجة:صافي أ بنتي حاولي تهدني و رتاحي شوية حاولي تنعسي(مسحات دموعها انا برا أبنتي
خرجات خديجة لقات إياد عاودات ليه ....نمشيو عند نهال..
ملب حليت عيني كنت بحال شي وحدة فعالم غريب بغيت غير نتفكر واالو تاحاجة ماعقلت عليها دخل عندي الطبيب قالي نهال مافهمت والو حاولت نتفكر شكون نهال و اش جابني لصبيتار واالو ئهئهئه عييت مانحاول كايضرني راسي بزاااااف من بعد نعست فقت لقيت واحاد المرى كاتبكي مسكينة ماعرفتهاش و ماعرفتش علاش كاتبكي فاجئاتني فاش قالتلي بلي هي ماما ...كيفاش ماما ماعقلتش عليها ئهئهئه خبراتني بلي كنت غانتزوج ...وكان غايكون عرسي مور سيمانة كون مادرتش كسيدة قالت لي بلي غيبت شهر فاش فقت للأسف فاقدة الداكرة ئهئهئه علاااش ا ربيي والوووو ماعاقلة على والو ماعرفتش شكون لي كنت غانتزوج بيه قالت لي بلي كنا كانبغيو بعضياتنا علاش ماعقلتش عليه اوووووف راسيييي غانحاول نعس على الله نرتاح شوية....
فقت فالصباح على يد كاتقيس لي فشعري و تلعب فيه فالأول يسحابلي ماما حيت هي الإنسانة الوحيدة لي تانعرف دبا و لكن كان راجل يمكن بابا كان كبير و باينة فيه حنين(واخا فقدات الداكرة باقة فيها ديك القاعدة غاتشوف شي واحد كاتحلل ليه شخصيتو 😂😂)
الأب:بنتي على سلامتك 
نهال:شكون نتا 
احمد(باها):انا باك ا بنتي واش ماتفكرتينيش
نهال:(حركات راسها بمعنى لا)
احمد:بنتي كانضن بلي ماماك عاودات ليك كلشي 
نهال:أه ئهئهئه ولكن ما عاقلة على تا حاجة ئهئه
احمد:غير تهدني أ بنتي ان شاء الله يكون خير ....ناض خرج بعد ما باس لي راسي و خلاني وسط حزن كبيير و حيرة ....بقيت جالسة شحااال شوية دخل واخاد الولد ما شاء الله وسيم بزاااف و كان لابس لباس أنيق (إياد ختار فاش تشوفو يبان فأحسن حلة )واااو بقيت غاتانشوف حتى قرب ليا و جلس فالكرسي لي حدايا و هز يدي و نطق...
إياد:السلام عليكم أنا سميتي إياد أنا عارفك موحال تعقلي عليا أنا خطيبك
نهال:(فنفسها...أواااااه أنا كنت خطيبة هدا وااو ولكن بحالا متكبر شوية)بصح انا ماعاقلاش 😞
إياد:أه انا عارف أن عقلك ماعاقلاش و لكن كانضن أن قلبك مازال عاقل حيت حنا كنا كانبغيو بعضنا بزااف
نهال:(فنفسها:بصح فاش شفتو حسيت بشي حاجة غريبة فقلبي و لكن ماعرفتش كايهضر معايا ببرود و ثقة فالنفس ما عرفتش جاني متكبر)أنا ماعرفتكش و ما عقلتش عليك كااع (دمعات😢)وماعاقلة على والوووو ئهئهئهئه😭😭
إياد:ناض جلس فطرف الناموسية و عنقعها و هي ماعرفات باش تبلات....ولكن دغيا بعداتو ...
نهال:هييييه شمو نتا واش ماتاتفهمش انا ماكانعرفكش ماعاقلاش عليك يمكن كنت تانبغيك و بكن دبا نسيت كلشي كلشيي..و عافاك ممكن ماتقيسنيش (طلقات العنان لدموعها😢😭😭😭 و جرات عليه)...

خرج اياد معصب و لكن قرر انه ما يستسلمش....اما نهال فبقات تاتبكي حتى داها النعاس
مر اسبوووع....اايوم غاتخرج نهال...
خديجة :نهال بنتب يلاه 
نهال:اوك
خديجة:عنقاتها و خرجو كانت طوموبيلة اياد قدام الباب شافتو تعصبات لكن ركبات ما بيدها مادير .....وصلو للدار نهال عيات ما تفكر او والو واخا هاد الدار سكنات فيها من طوفولتها و لكن للاسف متدكراتش😞 ايوا دخلات طلعات لبيتها لي كان مزين تكات شوية دخلات عندها سلوى....
نهال:سلوى جيتي(تعرفات عليها حينت كانت كاتجي عندها للمشفى)
سلوى:اه احبيبة قالت ليك ماماك نزلي تغداي
نهال:اوك انا جاية
نهال جلسات كان اياد مقابل معاها
::عند نهال::.
اوووف هدا علاش جا قداامييي....اوووف عصبنييي عين فيا و عين فالطبسيل اوووف ماكانحملش لي كايبقى يحنزز فيا...
بابا:بنتي شفتك ماكاتكليش 
نهال:يلاه خرجت من المشفى ما عندي شهية 
اياد:حيت يلاه خرجتي من المشفى خاصك تاكلي باش تردي طاقتك
انا في نفسي:اووووف نتا مالك نردها ولا لا(جاوبتو بتغوبيشة)
كملنا الغدا ماما بغات تغسل الماعن لكن قاطعاتها سلوى قالتلهت انا نغسلهم بغيت نعاونها واخا كلشي رفض لكن اصريت ايوا مشينا كانغسلو حتى سمعت الصونيت(هههه باقة كاتعاود ليها هاد اللقطة)مشيت نحل تلاحت عليا واحاد المرة بالتعناق و البوسان والله ما عرفتها كان معاها شي رجل حتى هو فرحان

بقيت غاتانشوف ما فاهمة والو حتى نطقات...
هي:بنتي ماعرفتينيش انا الام ديال إياد
الرجل:و انا باه ابنتي 
هي:على سلامتك ...عاودات عنقات و بقات كاتبوس 
إياد:ماما..بابا..جيتو 
هما:اه اولدي 
مشاو جلسو فالصابون و بقاو شحاال كايهضرو و انا و سلوى بقينا فالكوزينة شوية عيطو عليا مشيت جلست...نطق بابا...
إيوا ابنتي ما عندنا مانخبيو عليك قبل الكسيدة نتي رلك كنتي مخطوبة باياد و حتى دابا راك باقة...
كمل بات إياد:ادن ماكاين لاش نتعطلو نتومة راكوم كنتو كاتبغيو بعضياتكوم ابنتي ادن ماكين لاش نتعطلو من الاحسن تزوجو فأقرب وقت حيت هاد الشهر هملنا الخدمة و خاصنا نرجعو لفرنسا...
انا بحالا كبيتي عليا سطل ديال الما بارد تفوو حgلو من ابصباح و هو يحنزز كان عارف اووف مانقدرش نتزوج بيه انا مابقيتش هي انا انا وليت وحدة خرى و الحاجة لي متأكدة اني نسيتها هي حبي ليه...اوووف مافهمتش انا كيدرت حتى بغيتو المرة اللولة يمكن حيت زوين او بوgوووص نقدرو نقولو تيتييز هههه ولكن زين ماشي هو كلشي ...انا بقيت ساكتة ماهضرتش
ماما:ايوا ابنتي اش gلتي
انا:الصمت...نضت طلعت لبيتي تبعاتني ماما...
ماما:بنتي علاش طلعتي واش ماموافقاش
انا:ماما انا مابقيتش نهال ديال شحال هادي نقدر نكون تانبغيه و لكن دابا لا
ماما:مايمكنش ا بنتي الولد ملي كنتي فالسبيطاار و هو معاك سمح فخدمتو و فكلشي و بقى معاك 
انا:ماما سمحي لي ولكن
ماما:و لكن غير بفيتي تقلقيني عليك....سمعي ابنتي راه إياد عمرك تلقاي لب يبغيك فحالو و غاتعيشي ففرنسا
انا غاسمعت فرنسا و انا نقز:فرنسا؟؟! واش نتي حمقة انا مانقدرش نتفرق عليكم 
ماما:سمعي ا بنتي راه فدوى(ام اياد) كاتعاملك بحال بنتها لي ما عندهاش و راها كانت عزيزة عليك
انا:مامااا..😞
ماما:شوفي ابنتي ايلا كنتي نسيتيه و مابقيتيش كاتبفيه الحب راه كيجي مع الوقت 
انا:(ماما هي الشخص الوحيد لي عزييييز علي كتر من اي حاجة فهاد الدنيا هي اول شخص شفتو فاش حليت غيني وسط ضلمة هي لي نوراتها ما نقدرش نرفض ليها طلب و لكن حطاتني فوضع صعب انا ماكانحملش هاد إياد)اممم ماما بغيت ندير خاطرك و لكن...
ماما:عافاك ا بنتي غير على ودي 
انا:(بنفاد صبر)واخا 
عنقاتني و باستني فرحات بزاااف 

ماما الحنينة شحال كانبغيها هي و باب هما لي نقظر نتيق فيهم....ما عارفاس المصير ديلي مع هاد إياد و لكن كنضن بلي بصح كايبغيني....ماما خرجات و انا بقيت جالسة تانفكر....اوووف كيفاش نقدر نتزوج بواحاد ماكانبغيهش علاش ما بغاوش يفهمو انني وخدة خرى (عينيا غرغرو و جمعت فمي)و ماعقلت على والو 😢 ئهئه ما عرفتش واش غانتزوج بالشخص الصحيح....علاش كايقولو بلي كنت كانبغيه...كون كنت كانبغييه ما كنتش نساه....ما عرفتش اووف درني راسي عاود...نضت شبرت الدوى لي وصفو لي الطبيب...من غمضت عيني و مشييييت....
----عند إياد----
فرخت بزاااف فاش هبطات خالتي خديجة و قالت بلي وافقات و هنا عطيت وعد اراسي اني نخليها اسعد وحدة فالدنيا حيت انا ماكانبغيهاش.........انا كانعشقها كانمووووت عليها...طبعا غاتقولو كيفاش عشقتها بسرعة و خطبتها بسرعة ...يعني قبل ماتفقد ااداكرة...انا كنت كانعرفها شحال هاديي ...بدى تايفكر و رجع الزمان اللور

#يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.