تزوجتك رغما عني و أحببتك برضاي الجزء الثالث

من تأليف لمياء طاهري
2018

محتوى القصة


رواية تزوجتك رغما عني و أحببتك برضاي

#فلاش_باك
》》قبل 9 سنوات《《
(دبا هو كايفكر حتى نتوما بداو تخايلو حتى نتومة 😇💖)
كان عندي 18 عام كنت غليض شوية و شعري مشعكك ماكنتش زوين هادشي كان ناتج على فشوش واليديا الزايد فديك الوقيتة كنا جينا للمغرب لدار عمي هبطات شلمات علينا سلوى و كانت معاها واحد البنت زوينة بزااف تكون عندعا 11 ولا 12 عام كانو عينيها خضرين فنفس الوقت رماديين حتى هي سلمات علينا و خرجات قالت مرت عمي انها بنت الجيران نهال هنا سميتها ترسخات فذهني ما عرفتش علاش هي كانت صغيرة و لكن شي خاجة جدباتني ليها....كنا دايريين زيارة خفيفة كنا مزروبين باش نرجعو لفرنسا فاش خرجنا لمحتها كاتلعب مع البنات تلفتاا شافت فيا و لكن مانتابهاتش ما اعارتنيش اهتمام كانت مازال صغيرة و لكن صورتها دخلات لدهني و مافرقاتنيش رجعنا لفرنسا اول حاجة فكرت فيها اني نضعاف حيتاش وليت انسان شاب من داك النهار دخلت للسال و غانكون كانكدب ايلا gلت ما فكرتش فنهال كنت فيما نتفكرها نبتاسم ماعرفتش علاش كملت 20 عام فهاد السن قررت نتعلم شي حوايج فالشركة و منها نعاون بابا طبعا هنا كنت ضعافيت و وليت شاب وسيم و أي وحدة تتمناني و لكن صرامتي كانت كاتمنع البنات يتقربو مني فسن 22 كانت الشركة كاتمر بأزمة و بابا كان غايبيع الشركة و لكن انا منعت هاد الشي و رجعت وقفت الشرمة على رجليها هنا بابا ولا فخور بيا وولا داير فيا الثقة و كبرت فعينيه ...كملت قرايتي على سن 24 بديت الخدمة فالشركة بفضل دكائي(احم احم التواضع)استطعت نخلي الشركة تزداهر و تولي من أنجح الشركات ففرنسا كنت دائما مركز على خدمتي عمرني رتابطت بشي بنت ما عرفتش علاش....شي حاجة كاتمنعني....و صورة ديك البنيتة ماكاتفارقنيش...كملت27 هنا الواليد بغا يزوجني و عطاني الحق اني نختار البنت لي نبغي نكمل معاها حياتي قررت نرجع للمغرب ماعرفتش علاش اول خاجة درتها هي انني تلاقيت مع صاحبي....بت فالاوتيل كنت ناوي نمشي لدار عمي لكن صاخبي اصر عليا نمشيو لمارينا نتساراو منها نتساراح شوية ....مشينا....بقينا تانتساراو حدى الألعاب كنت غادي ختى دخلات فيا واحاد البنت خلات قلبي يضرب فالتسعين جاني وجهها مألوف لكن.....و لكن مشات عاود جمعاتني الصدفة و تلاقينا صدقات صاحبة بنت عمي سلوى هنا عرفت انها ديك البنت الصغيرة لي شفت شحال هادي كانت زوينة بزاااااف تغرمت بيها داك الساعة ما عرفتش كيفاش اصلا من النهار شفتها و هي فبالي.....تلاقيتها واحاد النهار باش نصارها بمشاعري ولكن صدقات بنت عاقلة و قالت لي الى بغيتها نحي نخطبها طبعا قررت داك الساعة اني نوافق اصلا هدا هو سبب المجية ديالي #الزواج 👫....واليديا فرحو بزاااااف انا....هي طبعا ماكانش فراسها اني كانبغيها ملي كانت صغيرة.....كنت تانمووووت عليها و كنت مستعد نفديها برووحي لكن دارت كسيدة....و نتوما عارفيين البقية...دبا فهمتو علاش كانبغيها عشق مجنوووون.....انا كانحاول دبا نتصرف معاها ببرود و لكن بمجرد ماتولي حلالي غانخليها اسعد مرة فالدنيا ❤❤❤

ايوا تافقو على العرس بعد شهر بينما عاودو وجدو....إياد فهاد الفترة كان كايحاول يتقرب من نهال و لكن هي دائما كاتصدو....هاد المرة هو لي تكلف بكلشي هي ماتدخلات فوالو حيت هي اصلا ماراضياش على هاد الزواج من الاول نقدرو نقولو انها غاتزوجو رغما عنها....ايوا باقي دبا يوماين للعرس....نمشيو عند نهال تعاود ليكم شوية...
اوووف باقي يوماين للعرس و غانتزوج بداك إياد ماعرفتش شي حاجة فقلبي فرحانة و لكن انا ما فرحاناش....اوووف ماعرفتشش!!!!😞 ..
سلوى:العروسة ديالنا مالك مقلقة
نهال:اوووف اصحبتي اسمن عروسة غانتزوج بواحد ماكانعرف عليه والو 
سلوى:اويييلي يا صحبتي عاى ماكاتعرفي عليه والو راك كاتموتي عليه دابا تشوفي ملي غاتزوجو ماغاتبقايش قادرة تبعدي عليه شحااال كنتي تاتعاودي ليا و تقولي انا كانبغيه ما كانبغيه ههه
نهال:(حاولت نتدكر)اوووف صافي ما باقاس تكولي لي هكا راه كايضرني راسي....انا نهال جديييدة ماشي ديال شحال هادي...هاد الشي هو لي بغيتكوم تفهمووه!!
سلوى:صافي احبيبة غير ماتقلقيش...يلاه نوضي نمشيو للحمام راه غدا العرس
نهال:اوووف....واخا واخا
مشينا للحمام غسلنا بالصلاة و السلام راكوم عارفين داك الشي عاوظ رجعنا بالصلاة و السلام ايوا ديك العشية حناو ليا داز داك الشي غير مع العائلة و شي جيران....سالينا و طلعت بدلت داك الشي و نعست.....

جاء اليوم المعهود...
نضت فطرت دوشت من بعد مباشرة مشيت عند الكوافورة....شحااال من ساعة و انا عندها...و هوما فالقاعة واقفين على داك الشي لي انا مامسوقاش لييه بفففف البنات فاش كيتزةجو تيكونو فرحانات و انا معبسة و ماعجبني حال حتى الكوافورة لاحظت بففف....ايوا سالينا و مشيت...حتى للقاعة عاد غانلبس...اولا مشينا لواخاد الغرفة...طبعا غانديرو العقد حيت مازال مادرناه....شحال سولني العدول ختى شحفتو مسكين عاد قبلت...اووووووف دبا انا وليت مزوجة ئهئهئه حتى كنت باغة نتزوج بواحاد و لكن حتى نعيشو لاموغ بفف على زهر ئهئه....لبسوني و أنا مامسوقاش خرجت بالصلاة و السلام شوية جا شد فيا شي واحد ماعرفتش شمون باينا...هه راجلي خايبة حتى للنطق 😬 اووف شد فيا و انا ما طلعتش فيه عيني دخلنا للقاعة درت ابتسامة مصطنعة غير على قبل ماما و ماماه حتى هي ضريفة بقاو تايقولو لي ضحكي (غير بالاشارات)...ايوا مشيت ركبت فالعمارية ناااااري شحال تخلعت كاااع دوك الفيديوات ديال فاش تاطيح العروسة طاحو فباليي....بركت اول حاحة هي دوك التصاور بفففف على حموضة طلعت عيني فإياد وااااو كنت غاندوخ كان لابس جلابة بيضة انييييقة بزاااف واااو ههه عمرني شفت بحالها ماعرفتش فشكل موديغن...بقيت شحااال كانشوف ماعرفتش السبب ههه حيت عجبني...وا بصااارحة راه بوكوص احم ههه...حانت اللحظة...
هزوني وااااااع كنت غانبكي بقيت شادة فالعمارية و كانترعد بغيت غير امتى ننزل وااااع.....نزلوني و انا باقة كانترعد نزلت شديت فيد اياد بيدي لي مازال كاترعد ههه دار واحاد الابتسامة خطيييييرة هه خلاتني نبتاسم تانا لا شعوريا.....

ايوا خرجنا من القاعة باش نبدلو لبست تكشيطة موفية و داك الشي ديالها خرجت و تلاقيت مع إياد لي كان لابس كوستيم زرق انيييق و داير شي لعيبة موفية فالجيب زعمة باش نبانو اسوغتي ....شد فيدي و دخلنا بالصلاة و السلام عاود تاني هاد المرة بقينا تانتصورو مع العائلة....داز الوقت دغية و وصلات الكسوة البيضة مشيت لبستها كانت نص كم و مفرفرة حمقاتني👇👇 طلقو ليا شغري و دارو ليا دي زاكسيسوار معاها الصراحة فاش شفت راسي فالمرايا تزعطت فراسي والله هه....
ايوا خرجت و تلاقيت تاني بإياد كان لابس كوستيم كحل انيييييق جا كايهبل بقى تايشوووووف فيا يمكن عجبتو هه بصح راني جيت غزاالة إيوا تشادينا و دخلنا بالاغنية ديال ماجدة الرومي (طولليييي بالأبيض طليي يا زهر الريحان....)ايوا دخلنا لبسنا بعضنا الخواتم و تصورنا.. فالأخير قطعنا الكاطو لي كان متكون من خمس طبقات كل وحدة فجهة قطعنا الكيك وكلتو ووكلني مانكدبش عليكم كنت قرحانة ما عرفتش لاش ايوا فالأخير لحت الورد و جى فسلوى صاحبتي ههه إوا سالا العرس ركبت أنا و إياد فلوطو بوحدنا كانو موجدين ليا لي vاليز مشينا فالطريق ساكتين انا داني نعاس ....

فقت لقيت راسي فولحاد البيت بقيت شحاال تانشوف عرفت راسي فاوتيل كان ضو قلبت تيليفون لقيت 4:30 نضت لقيت راسي مازالة بالكسوة مامعايا حد دخلت دوشت و خرجت لاويا عليا فوطة قصيرة و جيا مامسوقاش للعالم حيدت الفوطة و ماكنت لابسة والو ماشفت لا ورايا لا قدامي لبست على خاطري و نشفت شعري و هاد الشي كامل و انا ملفتة خليت شعري قهوي مطلوق و فازك و مشيت للمراية و درت ماكياج خفيف ايلاينر و عكر غووز بارد كنت لابسة كسوى غوز قصيرة و صباط طالون كحل يلاه تلفتت و انا نلقى...

لفتت و انا نلقى إياد جالس و مربع يديه و حابس الضحكة 😨😨كون لقيت الارض تحل و نتخشى وسطها😳
انا:ا..ا..ت..ا..ن.ت من ا..م..ت..ى...انت من امتى و نتى هنا 😖
إياد:(حابس الضحكة)ملي تحيدات الفوطة 😂
انا:😲😲 اوييليي (دغيا دخلت للطواليط تخبيت و بقيت كندم فراسي )
#عند_اياد
خرجت برا نجيب لنهال ما تاكل و نفيقها...رجعت لقيتها فالدوش قلت حتى تخرج....خرجات مشات نيشان للحوايج كاعما بنت ليها حتى انا بقيت ساكت ههه نشوفوها فين غاتوصل لاحت الفوطة و بقات ما لابسة والو ههه (انا غاااا راجلها)و لبسات داكشي كلو بلا ماتلفت انا بقيت حابس الضحكة حيت هي مامسوقاش للعالم كون كان شي حد اخر و الله ما تديها فيه فاش تلفتات تصدمات ما عرفت باش تبلات بقات تاتفتف ضحكاتني هههه و لكن ههه مانكدبش عليكم عجبني الحال هههه
#عند_نهال
اوووووف علاااش شاف تفوووووو ناااري....يا ربي يكون خرج (حلات الباب طلات لان ليها سداتو دغيا ههههه)اووووووف كيفاش مازالا غانشوف فيه......ماشي سوقي غانخرج و لي ليها ليها اصلان شاف غي من لور....اووووووف....ناااري مانقدرش نخرج (تسمع الباب تسد)...خرج يمكن (طلات)😫 الحمد لله خرج ...
نكمل انا.....
خرجات و هي كاتمشى على صباع رجليها شوية جا لصقها مع الحيط ما عرفاتو منين خرح😵😵 
نهال:اا ا منين خر..ج..تي 😨😨
إياد:نتي مراتي حلالي ماتبقايش تحشمي منيى...انا كانبغيك و فالحلال حتى نتي كاتبغيني غير ما عاقلاش(بقى تايقرب ما حدو كايهضر و هو كيقرب و نهال غا حالة عينيها)
نهال:اا...ا..شش..كا...دي..ر بعد..(كاتحاول تهرب من عينيه)
اياد:(كيقرب لشفتيها)ماتخافيش مني انا راجلك (قرب حتى باسها فمها بوسة طويييييلة عامرة بالحب و الشوق و كلشي و نهال غمضات عينيها)
#عند_نهال
يلاه بغيت نهضر و هو يتلاح على فمي بقى تايبوس و انا ماقدرت ندير والو جاتني غريبة اول مرة فحياتيي غمضت عيني مانكدبش عليكم عجبني الحال و لكن مابينتش سالا و بعد
إياد:حبيبة غانخليك على خاطرك حتى تبغي....ماشي دبا...هادي غير حيت مابقيتش قاد نصبر (غمزها) 😉

خللني حالة فمي و زاد مافهمش حتى مشى عاد ضربات ليا فراسي اهيا ناري بقيت شادة فمي شعور زوين خصوصا مع واحاد زوين هههه و راجلي هههه و لكن انا كانحس براسي ماكاملاش خصوصا فاش كيقول لي بلي تانا كانبغيه كانحس بلي هاد الشي بصح و لكن عقلي مكيستوعبش ماعاقلاش و كل ما حاوبت راسي كايضرنيي بزااااف....ماعرفتش واش هاد الزواج ديال بزز غايكمل ولا لا ....دبا انا فين؟؟؟ (طلات)فاوتيل مي فين ؟؟؟؟؟....كان محطوط الغدا لي جاب اياد فالطابلة فيه سرابت عليهم اسم لوتيل كنا فاكادير عرفتها غامن الاسم....ماعرفت فين نمشي جلست ناكل كان داكشي بنين بزاف ساليت كانت 7:30 بغيت نخرج لكن ماعارفة فين شوية دخل إياد مادرت حتى رد فعل جا برك فالكرسي لي قبالتي..
إياد:نهال تبغي نخرجو هاد الليلة نتساراو فاكادير حيت عندنا غير يوماين موراها غانمشيو لفرنسا 
انا:(هضر نعايا بطريقة زوينة و مأدبة و حسيت بلي ماموراها والو و مع انا عمري ما جيت لاكادير ماعرت اصلا واخا نكون جيت مانكونش عاقلة)واخا
إياد: إوا نوضي لبسي شي حاجة 
انا:انا لابسة من قبايلة
إياد:بغيتي تخرجي بهاد الحوايج فخاضك كلهم باينين
انا:(هضر معايا بطريقة جدية و صارمة خلاتني تخاف منو مع داك صووت)و..واخا
إياد:فنفسو(مراتي كاتسمع الكلام 😂😍)
مشيت لبست كسوة طويلة نص كم مع الصيف مستيلية عجباتني هو لي شراها ليا مع الدهاز....خرجنا كل واحاد فقنت مابغيتش نشد فيه لا يصسر و يفهم غالاط....عجباتني الخرجة وصلنا لبحر فالليل كان زويين شد ليا فيدي و قال...
إياد:شدي لي فيدي راني راجلك
انا:اووف اووك
اياد:علاش اوف
انا:ما تبقاش تقول لي انا راجلك
اياد:(تلفت عندي و قال )علاه انا ماشي راجلك (سد فيدي بجوج و قرب ليا)عافاك ماتبقايش كارهاني انا كانموت عليك
انا:سكت و شديت فيديه قبل مايدير مادار فالصباح و المشكلة فالزنقة
تمشينا جهة البحر و بقى تايعاود ليا على طفولتو و ملي كان غليض شبعت ضحك عاد اكتشفت فيه الجانب الكوميدي....هو كايعجبني بزااف كانحس بحالا دبا حنا كانتعارفو قبل مانتزوجو غير الفرق هو تزوجنا عاد بدينا كانتعارفو طبعا انا ما عندي مانعاود ليه حيت ما عاقلة على والو هنا جاتني البكية ...
اياد:(شد فيدي و جلسنا فواحاد الكرسي كان حدانا)مالكي
انا:ئهئهئهئه علاش انا ماعاقلاش على طفولتي علاش ماكانتفكرهاش....ئهئهئه توحشت ماما و بابا ئهئهئهئه(فهاد اللحظة تخلط عليا كلشي وليت كانبكي بغزارة هو عنقني و بدا تايربت على كتفي بحنان حسيت بالدفئ و الحنان من جهتو سترخيييت و لكن دموعي ماحبسوش نسييت بلي حنى برا نسست كلشي حتى غفيييت)...

بعد ما نعسات نهال فحضن اياد هزها و حطها فالطوموبيل و داها للوطيل خلاها ناعسة فالناموسية و مشى للفوطوي.....
صبح الصباح ابطالنا مازال ناعسين يلاه 7:00.....هاهو اياد بدى تايفيق....ناض لجهة نهال لكانت ناعسة بحال الملاك بقى تايلعب فشعرها و وجهها حتى حلات عينيها....
نهال:(مبتسمة)اياد كاتهرني
اياد:مع كان تيلعب فوجهها بصبعو بحالا كايهرها....صبلح الخير ا أجمل بنت شافتها عيني
نهال:(وهي كاتمسح فعينيها)صباح الخير
اياد:شنو تبغي فالفطور
نهال:أي حاجة
اياد(هز التيلي و طلب الفطور يجي للبيت)هاهوما غايجيبوه لينا 
نهال:واخا..
ناضت نهال للدوش بدلات حوايجها و لبسات سروال دجين بيض و قاميجة داخلة فيه فالشيبي و خرجات....حتى اياد دخل للدوش و لبس سروال دجين و تريكو كايبرز عضلاتو الجدابة....و خرج عند نهال لي بقات غا حالة فمها فيه ههه جا واااعر.....

ههه لاحظ انها كاتشوف فيه و ساهية و هو يحنحن 
اياد:احم احم
نهال:ا..ا.ال.فطور..فين...ا الفطور فين هو
اياد:(تسمع الدقان)اا بمكن هو هادا 
ظخلو الفطور و جلسو نهال كان فيها الجوع و مع داك الشي كان زين طاحت فيه عمية ....لما اياد بقى غيير تايشوف فيها هه كاتخشي فحناكها و تعاود و حابس الضحكة سالاو....
اياد:اليوم اخر نهار فاكادير تبغي نمشيو للبحر
نهال:اهاه بغيييت(بحماس)
اياد:ايوا جمعي حوايجك بينما قضيت شي غراض نجي نلقاك واجدة.....

يتبع فالجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.