السارقة الجزء 11

طبعا باش منساش وصف تدقيقي لأبطال روايتنا غانقدموليكم الآن

وغانبديبوسيم الرواية جعفر: هههه غير كنضحك تخيلوه معايا ..راه قرع وطويل كي التينكرافة 

عندو عينين كيخوفو باين فيهم الشرار يالطيف وصحيح بالرياضة اللي كيمارس دايما 

ودايمن يلبس جاكيطا كوير كيبدل فالالوان باش يبان خطير هههه 

كاين رئيسة العصابة المدام جميلة:- شعرها أصفر وبشرتها بيضاء بزاف وعينيها زورق غامقين 

هي للحقيقة مين راها ففيلتها وكتكون بكامل أناقتها كنلقاوها بوكوصة وتبان سيدة راقية جدا 

وكيبان عليها الرفاهية والثراء

وكاينبطلة روايتنا ناديا:-  عندها شعر بني أقرب باش تكون شقراء وعينيها زورق ما غامقين مفاتحين وبشرتها بيضاء ورشيقة جسم متناسق وخا ظروف معيشتها كانت قاسية الا ان جمالها الساحر كان كيخليها مطمع للكثيرين 

كاينمريم :- شعرها أسود وبشرة سمراء فاتحة قصيرة شوية على ناديا وجسدها شوية سمين

عندها خانة زايداها جمال على خدها 

السيدة عزيزة :- سيدة في الخمسين ملامحها كيبينو معنى الأمومة والحنان كينبع من عينيها الصافيين بزاف 

السي عيسى:- وهو الجد نظرا للمرض اللي خلاه يولي مقعد ترسمت على وجهو تجاعيد الهم والفقر 

وهادو هما شخصيات روايتنا للآن والباقي يجي مع الفصول 

نتابع الفصل 11 إذن 

ــــــــــــــــــــــــــــــــــــــ

 فالفيلا ديال مدام جميلة وصلت السيارة ونزلات ناديا منها اللي هزلها السائق الصاك

ديالها ودخلو للفيلا رفقة جعفر اللي مشا ديريكت عند الخدامة وخبرها فودنيها باش تقول

لمدام جميلة أن الأمانة وصلت 

جعفر(يشير للصالون):- كلسي اناديا 

ناديا(تنهدت بعمق وكلست):- اممم

جعفر(جبد سيجارة وبقا يدخن):-مكتعرفيش تكلمي شي لغة تانية ياك؟؟ 

ناديا(بتثاقل):- وزعما راه عندكم الملف ديالي كامل 

جعفر:- بغينا نجبدو حديث معاك مي الواضح غادي تعبينا  

جميلة(فكامل أناقتها المطلقة نازلة):- جعفر .. امم بشوية على ناديا راه يالااه قالت بسم الله

أهلا اناديا نورتي الفيلا ونورتي العالم ديالنا

ناديا(شافت منا ومنا):- كنضن بلا مجاملات وندخلو فالصح لا؟؟

جميلة(تنهدت بعمق):- سمعي اناديا مدامك هنا ودخلتي لمجموعتنا فبدءا من الآن نتي تحت الإمرة ديالي إمتا تنعسي إمتا تشربي إمتا تاكلي إمتا تخرجي إمتا ديري أي حاجة أنا الوحيدة اللي نأمر بذلك 

ناديا:- وهادشي كلو علاش باش تفهميني انك كتحكمي فيا ياك؟

جميلة:- هادشي لمصلحتك 

ناديا:- وفين هاد المصلحة وخصكم تكولولي اشمن شخص غادي نسرقوه باش نشوف واشا ندير..

جميلة وجعفر شافو فبعضياتهم وبقاو كيضحكو 

ناديا(باستغراب أبله):- قلت شي حاجة كضحك ياترى ؟؟

جعفر:- آنسة ناديا علاش فيك كاع هاد الاستعجال كلو كيمشي خطوة بخطوة 

ناديا:- مفهمتش

جميلة:- زينب ..زينب ..

زينب:- نعام أمدام جميلة 

جميلة:- خذي الآنسة ناديا لغرفتها راه خصها ترتاح واهتمي بها مزيان مفهوم؟؟

زينب:- وخا ألالة وخا ..

جميلة :- نوضي رتاحي دبا وفالمساء نتكلمو نشالله 

جعفر(شاف ناديا بغات تعترض وهو يريش براسو):- تفضلي آآنسة ناديا معا الخدامة

ناضت ناديا وهيا مستغربة من هادشي بصح تبعت الخدامة بصمت تاتشوف هادشي فين غايوصل

زينب:- آنسة ناديا أنتِ زوينة بزاف تفضلي هادي بيتك آه الحمام راه واجد 

وفيه كل اللي تحتاجيه ويلا بغيتي شي حاجة اخرى يكفي تعيطي باسمي نجيك فورا.

ناديا بابتسامة رضى طبعتها على وجهها ردت على زينب اللي خرجت من الغرفة 

وغرفة واشمن غرفة كانت بالنسبة لناديا دار كاملة محيت كانت أكبر بكثير من السطح اللي عايشين فيه هي ومريم وجدها وعزيزة ..كلست على السرير

وتشهات لوكان عائلتها راهم معاها لكن غمضت عينيها وعزمت باش تخليهم يعيشو مرتاحين وهيا علاش راها دير كاع هادشي هاكدة سولت راسها وبقات تقلب على الصاك ديالها فالغرفة ملقاتوش وهي تعصب وعيطت ل زينب الخدامة بالغوات 

زينب(متفاجئة):- ياك لاباس ابنتي ياك لاباس ..؟؟

ناديا:- فين الصاك اللي جبت معايا؟؟

زينب:- راه مدام نجاة أمرت باش نرميوه 

ناديا(مخلوعة):- باش شنوووو إلا صاكي يجيني دبا ولا بربي العزيز...

جميلة:- شتتت شتتتت مالك على هاد الغوات؟؟ 

ناديا:- بغيت الصاك ديالي هادي راها تقول باللي نتي أمرتيهم يرميوه

جميلة:- زينب سيري جيب الصاك لناديا

زينب:- ولكن ألالة راه..

جميلة(بحزم):- ديري اللي كتلك ... ونتي تعلمي تخففي صوتك 

ناديا:- وصافي صافي تال الهدرة علموهالي

جميلة(بنرفزة):- انا خارجة دبا نشوفك بالعشية ..

خرجت جميلة براسها كيتبخ ولقات جعفر فوجهها

جعفر:- ولايني غادي تعبنا معاها هاد الناديا

جميلة:- أفففف أجي للمكتب نكملو هدرتنا اجي

 تمسُّك ناديا بداك الصاك مكانش على الكسوة اللي فيه او شي حاجة أخرى ياترى لا فقط لأنه كان فيه تصويرة جدها وتصويرتها هي وعزيزة ومريم وتصويرة ديال امها وباها دايراهم فواحد زطام صغير

ومحتفظة بيهم فعينيها فين مامشات كتاخدهم لذلك دارت عليهم كاع هاد التحييحة 

المهم رتاحت خدات دوشها ولبست من ملابسها ماشي من الملابس اللي موجديلها 

وخرجت لقات زينب جايبالها لغدا للبيت تغدات وبقات تقلب فالتلفزة وحست بالملل وجات تنعس شوية لكن والو مقدرت دير تاحاجة وهي تبانلها تنزل لعند جميلة وجعفر 

ناديا:- أنا مليت فوقاش غادي نسرقو؟؟ 

جميلة :- لا حول ولا قوة الا بالله عرفتي هاد تسرعك هو اللي غايخرج عليك

جعفر:- اسمعي اناديا هنا محناش فحومتكم او فالبيئة اللي تربيتي فيها هنا وضع مختلف

ناديا:- وفين الاختلاف فحومتي كاين شماكريا كيسرقو الناس وهنا تانتوما كسترقو الناس

جميلة:- بففف ناديا متكونيش عاصية هاكدة 

ناديا(وقفت):- وفهموني نسد دلقومي ونسكت

جميلة:- جعفر تكلف بالشرح ... زينب .. زينب واحد الأسبيرين عفاك 

جعفر:- ناديا خصك منا لشهرين متبقايش ناديا اللي كتعرفيها دبا 

ناديا:- علاش غادي ديرولي تغيير جنسية؟؟ 

جعفر(تاهو وقف ومشا اونفاص لناديا):- لا غادي نديروليك تغيير جذري لشيء اسمو ناديا 

ناديا(ببلاهة):- مفهمتش

جعفر(بحماس بقا كيتكلم ويدور حول ناديا):- غادي تتغيري كلك على بعضك ..

اللوك ديالك.. اللهجة ديالك.. طريقة المشي .. طريقة الحديث.. طريقة الأكل .. طريقة الرقص..

بزاف بزاف الحوايج غاتعلميهم 

غادي تنساي ناديا اللي كنتي كتعرفيها وغادي تولي ناديا اخرى براسك متقدريش تعرفيها

ناديا(بتالعت ريقها):- قممم لكن .. غادي نتوما قلتولي باللي غادي تعلموني نسرق ماشي غادي ترضوني عارضة أزياء

جميلة(بعينيها كيلمعو):- وهادا هو المطلوب أنك تولي "ليدي" 

ناديا(كلست وحست بدوخة):- أنا مبقيت فاهمة الذي بعث

جميلة:- متستعجلي تاشي حاجة كلو بوقتو حلو 

جعفر:- سمعي أناديا إلى بغيتي توصلي خصك تسمعي الهدرة من غدا غايبداو دروس 

ناديا:- على هاد الحسبة كيما قلت تغيير جذري وغير نقول من غدا غايبدي الجحيم 

جميلة(بعصبية كبيرة):- آخخخ زينب زيييييييينب فين الأسبرين ؟؟؟

ناديا شافت ببلاهة فجميلة اللي راسها تبخ وجعفر اللي غير بقا كيشوف فهاد الكائن اللي خصهم يغيروها فظرف شهر ويحولوها من تربية شوارع لبرنسيسة راقية 

لكن السر هنا علاش بغاو يردوها برنسيسة ..... اممم العجب 

وانساو الفصل الجاي ونشوفو 

يتبع.....