السارقة الجزء 12

ناديا بنت الحومة وناديا البرنسيسة ؟؟ 

يستحيل يكون شي وجه شبه بيناتهم تتتت لا علاقة واللي يستحيل أكثر اننا

نقلبو هاد الانسانة لانسانة اخرى مكتشبهش نهائيا للسابقة ،

وهادا اللي كان ماشي غير مستحيل بالنسبة 

لجعفر وجميلة اللي لقاو ان السكر والملح والضغط غايصيبهم معا هاد ناديا

اللي كان راسها اقسى من الحجر..

من بعد مدة بسيطة خدم جعفر لناديا كل الأوراق اللازمة باش يسافرو خارج البلاد من أجل التدريبات

نتاقلو كلهم لواحد الفيلا ديالهم بعدا فنفس البلد اللي سافرولو  

وفأول صباح أي يوم بدء جهنم كيما سماتها ناديا زينب فيقتها وقاتلها تخرج لبرة الجردة راه جعفر وجميلة كيستناوها رفقة شي ناس وحطتلها شي كسوة باش تلبسها وخرجت 

ناديا ( فالفراش وكتهدر):- الله ياربي على صبااااااح واش بنادم مينعسش شوية معاكم 

وشنو هاديك اللي حطت تما هاد زينب اممم كسوة انشوف ...(كتتصفحها)بخخخ كيا الالوان كيف دايرين مالني على هاد الوردي تقول مونيكا ديال باربي ماشي بنادم يخخ والله منلبسو

نلبس اللي جبت معايا تحيا الالوان الشعبية ههههه 

طبعا بلاما نعلق فهاد النقطة راكو عارفين الطبع غلاب هاكدة كان لبست ناديا

ملكسوة اللي جابت وغير شافتها جميلة حركت راسها حسرة يمينا وشمالا 

جميلة :- أنا قتلك اجعفر راه بمشيئة الله كاع الأمراض اللي فالكون غادي تصيبني

معا هاد الجلطة اللي سميتها ناديا 

جعفر(كيخبي ضحكتو):- ونصبرو عليها شوية امدام راه باقي محطت رجلها فأول درجة 

جميلة:- الصبر اربي الصبر 

ناديا(هزت تفاحة وعضت منها وبقات تهدر بلا مبالاة ):- صباح الخير.. امم.. شفتكوم دايرين مجمع على الصباح علامن كتحدثو؟؟

جعفر(شاف فجميلة للي كانت تتبخ بالاعصاب):-حطي ديك التفاحة و كلسي نعرفوك

على الناس اللي غاتدربي معاهم

نحب نعرفكوم كاملين هادي هي الآنسة ناديا اللي غانبداو العمل معاها والتدريبات من اليوم

ناديا انعرفك بأساتذتك معاك أستاذ الرياضة جوني وأستاذة الإيتيكيت واللياقة والبريستيج ليندا

أستاذة اللغات جينفير وأستاذ المبارزة كريم

أستاذ اختراق الحواسيب والأنظمة الأمنية كريستوفر أستاذة التدريب على الأسلحة كارلا

أستاذة الرقص نور أستاذ تعليم القيادة سفيان . كنضن أنكم غاتافقو نشالله وتكونو فريق جميل ياك اناديا ؟

دار شاف فناديا اللي كانت تلعب فالكرسي وتنزل وتهبط وهي حالة فمها فيهم وكتبتسم ابتسامة 

الصدمة كبلهاء حتى طاحت على الأرض 

ناديا(وهو كينوضها جعفر باش تكلس تاني على الكرسي وهي باقا فحالة ذهول):- يا حبيبي اهَيْ انا غادي فظرف شهرين نتعلم كاع هادشي ودقة وحدة ياكو هههه .....طبعا لاع      

جميلة:- سمعي اناديا راه باش تكوني كيف بغيناك خصك تفوتي على يدين هاد الأساتذة كلهم

والتدريب من اليوم غايبدا لا تيليفون لا والو مغايبقا عندك حتى اتصال بالعالم الخارجي

ناديا:- ولكن عائلتي ..

جعفر:- عائلتك حنا متكفلين بيهم ضيعنا الوقت بزاف فالخوا الخاوي 

من هنا لشهرين مغاتلقايش تا فوقاش تحكي راسك 

ناديا(بقات تحك فراسها وتشوف فالاساتذة):- وناري كيبالي مشييييت فكروسة الليل اعباد الله 

جميلة(ناضت مشات وهي كتتبخ ):- بففففففف بفففففففففففف بففففففففففففففففففف زييييييييييييييييييييييييننننننببببب

موسيقى الغباء والأساتذة وجعفر كلهم يشوفو فهاد البنت اللي الواضح

ان الحجر يسمع وهي لاء.

طبعا بعد مشقة الأنفس وعناء كبير يالاه قدرو الأساتذة يدخلو لناديا داكشي اللي بغاو

بدات فالتدريبات وخا بتذمر فالأول لكن مين خبرتها جميلة انها كلما سرعت كلما عادت

لعند عائلتها بحالي تقلب كيانها 180 درجة ولات باغية تتعلم كلشي دقة وحدة

باش توصل لمبتغاهم وتنفذو ومبعد ترجع لوسط الناس اللي تربات معاهم ..    

 منخفيش عليكم وسط كل هادا وذاك راه ناديا كانت ولا أنجلينا جولي

كتدرب مبين رياضة وسباحة لتعلم لغات لتعلم إيتيكيت ولياقة كيفاش تهدر كيفاش تتكلم

كيفاش تكلس كيفاش تاكل كيفاش تلبس كيفاش تتنكر كيفاش تستعمل بيريك يعني الشعر المستعار ، لتعلم المبارزة بالخناجر وبالسيف ، لتعلم الرماية بالمسدس  ، لتعلم اختراق الاجهزة الامنية والإلكترونيات كذلك أشعة الليزر ..تعلم الرقص لتعلم القيادة أيضا إلخ ....  

كل هادشي كان مطلوب يوميا منها وكانت ديرو يوميا بعزم وبإصرار وبلاما نخبركم على اللقطات اللي كانت تفشل فيهم وكانو الاساتذة يتذمرو منها لكن بقاو واقفين بجنبها

وهي كانت تتمتع بروح مرحة يعني وخا مكانتش طبق شنو كانو يآمروها كانت كضحكم

وتجي فايتة جميلة وهي كتحسبن وتقول لا حول ولا قوة الا بالله وتقول كذلك محال

هاد البنت غاتوفق فداكشي اللي باغيين مي شوية بشوية قدرت ناديا تتعلم وتتعلم

فعلا اللي كان مطلوب منها وبدات كتقنو كذلك قطعت شوط كبير تقريبا فات شي شهر

وهي على ذات الحال لكنها تعبت بزاف نفسيا ماشي جسديا  

وجا يوم انهارت فيه محيت الضغط الضغط الضغط من جعفر وجميلة والمدربين

كان عليها بزاف وإصرارهم باش تعلم هادشي كلو بسرعة زاد خلاها تفقد أعصابها

وتنهار وكل هادا بيني وبينك بسبب انها توحشت عائلتها يعني بين قوسين حبة دلع ...

ناديا:- يكفي صافي صافي أنا مبقيتش قادرة نتحمل عيييت عيييت

جميلة:- لا مجال للتراجع راك قطعتي نص الطريق أناديا مبقا إلا القليل وتولي عز المطلوب 

جعفر:- ناديا متنسايش ان هادشي كتعلميه باش تقدري تعتامدي على راسك مستقبلا 

ناديا:- مبقيت باغيا تاحاجة خليوني فحالي ..

مشات ناديا لبيتها وسدات عليها وبقات كتبكي وهي تجي جميلة دق عليها وحلتلها

وولات نعست وهي كتمسح دموعها 

جميلة:- أنا فاهمة شنو بيك .. نتي توحشتي جدك .. مريم.. وعزيزة ياك بسيف راه شهر

ونتي بعيدة عليهم ومعارفة عليهم والو 

ناديا:- لاحقاش نتوما حرمتوني من تيليفوني من أول نهار جيت عيطت وقتلهم اني وصلت من تما ماوليت عرفت عليهم تاحاجة وخا نتي قلتي انكم متكفلين بيهم ماديا لكنو مكافينيش 

جميلة:- ولذلك جبتلك تيليفون باش تكلميهم وتطمني عليهم

ناديا(ناضت بفرحة وهي كتمسح دموعها):- بصح بصح؟؟

جميلة:- هاكي بصح مطوليش ومتعطيهم تاشي تفصيل على موقعك وخا أنا خارجة 

ناديا:- وخا وووخا ههه 

ركبت ناديا رقم مريم بلهفة كبيرة ودارتو فودنيها وبقات تستنا ترد

مريم:- ألو 

ناديا:- ألو مريم مريم حبيبتي أنا ناديا أنا ناديا

مريم(متفاجئة):-يااااااه ناديا حبيبتي كيراكي دايرة لاباس عليك توحشتك بزاف 

ناديا:- طمنيني عليك على جدي كيراه وخالتي عزيزة

مريم:- حنا كاع لاباس متقلقيش علينا والله نتي كوليلي فينك وفين وصلت خدمتك ؟

ناديا:- أنا مزيانة شوفي راه منقدرش نطول كيوصلوكم الفلوس اللي كنصيفط ياكي 

مريم:- واه اختي راه بفضلك راحنا مزيانين فالمعيشة الحمد لله 

ناديا :- والحمد لله مريم سلمي عليهم كاملين تانرجع نتصل بيكم وخا احبيبتي

سلميلي على جدي وبوسيلي يديه وقولو يدعي معايا

مريم:- وخا و.. و تيت تيت تيت

ناديا:- أفففف قطع ياربي تتتت بصح الحمد لله قلبي رتاح دبا 

نزلت ناديا كتجري لتحت 

جعفر:- ودبا شنو ؟؟

ناديا(بابتسامة رضى):- أنكملوو تدريباتنا

جعفر(بخبث لطيف جا راجع لقاعة التدريب ):- غير متعوديش وصافي اممم

ناديا (سبقاتو كتضحك):-أنا نفوت ليديز فورست هع

يتبع..