صفحة قصة السارقة

السارقة الجزء 15

من تأليف الكونتيسة
2018

محتوى القصة


رواية السارقة كاملة بدون تحميل

ناديا عينيها لمعو نزلت مسدسها وهزت يديها لسما غير بشوية وهي تطاطي راسها 
وبلاما تدور عند البنت اللي كانت موراها خواتلها رجلها وطيحتلها الكابوس
 بحركة سريعة وديك البنت تفاجئت مين لقات ناديا مصوبة المسدس لراسها 
وهو داك الولد جبد مسدس وريش فطابلة جميلة وجعفر وخيرها يا تنزل المسدس
يا يقتلهم حركت المسدس باش تخرج رصاصة 
وفلحظة تهديد نزلت المسدس محيت خافت على جعفر وجميلة وخا ميستاهلوش مبعد
كاع اللي داروه مي ملقات مدير
 ناضت ديك البنت فيساع ورجعت هزات مسدسها اللي خداتولها ناديا وبجوج بيهم 
وجهوه لراسها وفلحظة بقات محاصرة بيناتهم
ناديا:- شكون نتوما وشنو بغيتو منا ؟
البنت:-
؟ I do not understand what you are saying this -
(منيش فاهمة شنو كتقول هادي؟)
قالها داك الولد:-
 I do not want to understand what matters
 now is that they will die 
(مبغيتش نفهم المهم أنها غادي تموت دبا )
ناديا(مرتبكة مين فهمتهم ومبغياش تتنازل):- 
Of course, not so fast
( أكيد ماشي بهاد السرعة هادي)
الولد:-
 i'm sorry your time it's over 
(سمحيلي بصح دبا وقتك انتهى) 
وهما ينطلقو جوج رصاصات فالهوا  
ناديا غمضت عينيها بخوف وارتباك وحلتهم لقات داك الولد غارق فدموياتو والبنت 
اللي كانت موراها حتى هي طاحت جراء إصابة
الناس اللي فالمحل كيهربو وجعفر وجميلة مكاينينش كاع فطابلتهم دارت موراها لقات 
شاب وسيم هو اللي ضرب دوك الجوج بمسدس ديالو نزل للأرض بخفة 
هز مسدسها وعطاهلها شدها ميدها وهي غير مبهوضة فيه وخرجها مالمحل وهما كيجريو   
طلعها فسيارة وبقا يسوق وهارب من واحد السيارة سودة ملاحقاهم 
وكل هادشي وناديا مخلوعة ومصدومة كتشوف فيه 
ناديا(عاد بدات تفيق مالصدمة):- شكون نتا؟
الشاب(بتذمر كبير وكيغوت):- بففف نتي مزال خصك بزاف بزاااف مقدرتيش ت
ضربي حتى رصاصة راه كنتي غادي تموتي إلى مكتفهميش العربية ونتي باقية 
حالة فمك فيهم   
ناديا(فحالة هستيرية):- نزلني هنا نزلني هنا شكون نتا بعد مني قتلك نزلني هنا ؟؟
الشاب(كسيرا اللوطو بعنف من بعد مشاف من لمراية أنه تخلص من اللي كانو تابعينو)
:- نزلي نزلي
ناديا خرجت لبرة وبقات تتنفس بعمق ونزل حتى هو 
الشاب:- شتي نتي فاشلة سمعتيني فاشلة وكاع الوقت اللي خديتيه خرج فالصو 
ناديا(بعصبية):- أصلا شكون نتا أواش دخلك فيااااا آآ معندك تاشي حق تهدر عليا 
ولا حتى تحاسبني مكنعرفكش أصلا بعد مني.. بعد مني  
الشاب:-ايلا مكتعرفينيش آآنسة راه أنا كنعرفك ومن الاول قتلهم هاد البنت فاشلة متعتامدوش
عليها مي مسمعوش مني وها الإثبات فأول موقف حقيقي ليك فشلتي لوكان مجيتش 
كانو كيترحمو عليك دبا 
ناديا(دفعاتو فصدرو):- بعد مني ماشي شغلك فيا
بقات تتمشى بعيد عليه ودارت عندو تزيد تعايرو وفيساع جبدت مسدسها وضربت
جوج رصاصات 
هو تفاجئ ودار مراه ولقا جوج مريشين عليه بمسدس و كانوا باغيين يقتلوه رجع للوطو
 فيساع وركب ناديا اللي قلبها مبقاش عندها ودخلت فحالة جنون 
ناديا(بهستيريا كبيرة):- أنا .. أنا .. قتلت .. هادوك ماتوا دبا ياك ياك هههه قتلت 
ههه انا ماشي من هاد العالم لاء أنا أنا مخصنيش نكون هنا 
اهئ اهئ  هههه اهئ هههه
الشاب:- شتتت سكتي أناديا سكتي أناخدك باش ترتاحي شتتت
ناديا:- اممم هههه انا شت ماشي فاشلة أنا أنا مجرمة ههههه ياك هاكدة بغيتوني ياك هههه..
الشاب بقا يشوف فناديا اللي دخلت فعالم آخر من الهذيان محيت قتلت وهادا 
بحد ذاتو إنجاز عظيم كيما تصورت خذاها الشاب للدار ديالو ودخلها باش ترتاح
ناديا(بدات تسترجع وعيها وهي كالسة فالكنبة وعينيها منفوخين بلبكا):- حنا فين؟؟
  الشاب(حيد جاكيطو ومسدسو حطو فوق طابلة):- فداري
ناديا:- وشكون نتا؟؟
الشاب(مشا للمطبخ):- عميل بحالي بحالك 
ناديا:- وأكيد عميل عندو إسم
الشاب(جابلها كاس ما وجا موراها للكنبة وهمسلها وهو كيقول كل حرف بوحدو )
:-ي ا س ر ... تفضلي
ناديا:- ياسر اممم .. شكرا 
ياسر عطاها بظهر وجا غادي وهي تحط الكاس بلاما تشرب هزت كابوس ياسر
 ودارتو على راسو 
ناديا:- شكون نتا وشنو باغي مني؟؟؟
ياسر (بقا يضحك):-الواضح أنني ستخفيت بيك 
ناديا:- متحركش وإلا غانفرغ هاد المسدس فراسك
ياسر:- هههه مسدسي فارغ أصلا 
ناديا(رتبكت وفتشت المسدس ولقاتو خاوي وهي تجبد ديالها):- إلى كان فارغ فديالي ماشي فارغ
ياسر(شاف فيها بغرور كبير وفتح أزرار قميصو غير شوية لفوق وبحركة مثيرة
عض على شنافتو لتحت ):- وحتى أنا مقاومتش هاني مستسلملك وصدري مفتوح ليك ضربي 
ناديا(فتشت مسدسها لقاتو تاهو فارغ ):- اممم
هنا تقدم ياسر عند ناديا بعنف شد المسدس اللي فيدها ورماه وشدها ميديها بجوج
وكرازاها معا الحيط
ياسر(بقا يهدر بحنقة):- الأحسن متعاوديش تلعبي معاي أ مِس ناديا
ناديا(كتتنفس بصعوبة من قرب ياسر):- طلقني راك توجعني
ياسر:- وأنا بغيت نوجعك اممممم
ياسر رخف بشوية يدين ناديا اللي أحست بأنها كتضعف أمام قربوو وكتستسلملو بسهولة 
مرر يدو على شعرها وشدها من خصرها بعنف جرها لعندو وبقا كيشوف فيها 
وهيا كتشوف فيه بعينيها كلهم خوف وارتباك وتساؤلات وغمضتهم 
ناديا(بقات تحس براسها غتفقد الوعي):- خصني نمشي 
ياسر(تنهد بعمق ومسخاش يطلقها):- امم وخاا آناخدك للفيلا 
 ناديا:- واه خدني منا بغيت نمشي خصني نمشي 
ياسر طلقها ومشا يلبس جاكيطو وناديا بقات كتشد فراسها لأنها حست بدوخة
مرة وحدة سخفت وأغمي عليها
ياسر(بابتسامة سخرية كيهدر):- فاشلة من يومك أبنتي صحابلك دايرلك شي منوم فالماء اللي
جبتلك باش تشربي لذلك مشربتيش
 لأنك غبية ومعارفاش أصلا أنني درتولك فالكاس بمجرد متلمسيه بيدك كنتي غاتفقدي
 وعيك مبعد 5 مينيت ههههه ناري على عالم ههه

بسرعة ضوئية كيتفكر كيفاش قام بالعملية مين كان فالمطبخ ورش منوم فالكاس
وهزو بطرف منديل وحطو فالطابلة مين كاين يهمس لناديا بإسمو وهي كاع معايقاش
بشنو كيدور حولها 
بييني وبينكم البنت باقية خام خصها بزاف باش تتعلم ونظن الأستاذ الجديد هو ياسر هههه

يتبع ..



التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.