صفحة قصة السارقة

السارقة الجزء 18

من تأليف الكونتيسة
2018

محتوى القصة


رواية السارقة كاملة بدون تحميل

 جعفر:- ياسر ... ناديا فينكم ؟؟
ياسر شاف فناديا بتفاجئ بقاو مصدومين شي عدة ثواني عاد ياسر مد يدو وفتح باب الدوش
ولقاو جعفر أونفاص ليهم كيشوف فيهم بغرابة
شاف فناديا وهي بديك الفوطة وفياسر اللي بقمجة مفتوحة وفهم الفاهم (*.*)  

جعفر(كيريش بصبعو ليهم بجوج):-أوبس !!! أكيد مقطعتش بقدومي شي حاجة هنايا ياكو ؟؟
ياسر وناديا(شافو فبعضياتهم بغضب ورجعو شافو فيه وقالو فخطرة بانفعال):- موقع والو 
جعفر(بمكر خبيث):- اممم وخرجو من تما خرجو بعدا نتكلمو فالصالون
ياسر شاف فناديا وبجوج بغاو يخرجو من باب الدوش فمرة فنحاصرو ميقدروش يفوتو 
تراجع هو باش يخليها تفوت وهي فاتت نافخة ريشها ومشات وقفت فالصالون
حدا جعفر وهي عاد بفوطتها وشكلها الساحر
ياسر:- أفف توقعناك شي حد منهم مقتحم الشقة
جعفر:- امم كان خصني نتصل قبل باش نعلمكم بقدومي (كمل بلهجة ماكرة)أقلو منقاطعكمش
ياسر وناديا فمرة عاوتاني :- قلنالك موقع والو 
جعفر:- اوكي اوكي فهمت بلا انفعال سيرو كملو شنو كنتو ديرو آه ماشي اللي كنتو ديرو
اللي قلتولي كنا نديرو مهم راكو فاهميني هههه محيت راني باغيكم فشي كلام
(شافهم عاد باقيين مسمرين فمكانهم شي يحمَّر فشي )
يلااه سيرو ولا بغيتوني نخرج كاع باش منقلقش راحتكم وتكملو بدون إزعاج..نخرج؟
مشات ناديا بسرعة باش تنفي فكرة جعفر وبقات كتتأفف من كلامو وكذلك 
ياسر دار بحالها وكل واحد فيهم دخل لبيتو هاز نيفو للسما
وهنا جعفر بقا يشوف فيهم باستهبال ويضحك هههههه
جعفر:- وناري على هاد الجوج سينيما وصافي هههه فينك أجميلة تجي تفرجي هههههه
لبست ناديا لباس سواريه أسود واصل حتى للركبة بجوج حمالات رقاق وجاي مناسب
لجسمها الرشيق ودارت اكسسوار أبيض وطلعت شعرها للفوق بشكل متناسق
ولبست طالون أسود وحقيبة
سودة ودارت فورير أبيض مريش بشكل زوين تعطرت من بعد محطت مايكاب دخاني
على خوخي ومحدد للعيون أبرز جمال عيونها الزرقاء الغامقة وملمع شفاف بلون التوت 
وخرجت عند جعفر لقات ياسر لابس طقم رجالي كوسيتم أسود وتحتو قمجة بيضا
وكرافاطا سودة وواحد المنديل أبيض على شكل وردة فجنب الجاكيط وكالس حدا جعفر 
كيتكلمو جاها منظرو زوين بصح مبغاتش تبين إعجابها بيه محيت باقي فنظرها متعجرف  
ناديا:- احم أني جيت
جعفر تبسم مين شاف ياسر اللي حل فمو فجمالها خصوصا ماللي طلع عينيه
 فيها من لفوق لتحت بإعجاب مقدرش يخفيه  
جعفر(كيشوف فياسر بمكر):- اممم سعدات اللي غايكون رفيقك فهاد السهرة
ناديا(حاولت تكسر نظرات ياسر):- احم ياسر قالي غادي نخرجو برا لذلك لبست وتجهزت ؟ 
ياسر(فيق راسو من دوامة الإعجاب):- آه آه كنت غانوريها معالم المدييييييينة
جعفر:- أنا قتلكم راني جيت في وقت غير مناسب لكن للضرورة أحكام 
ناديا:- بمعنى ؟؟
جعفر:- بمعنى الخرجة تأجلت لوقت آخر والآن كاين حاجة أهم لذلك أجي كلسي حدا ياسر
وانا غانخليلكم هاد السي دي وتبعو اللي فيه 
بدون أغلاط وكل فترة غاتستالمو بحالو من أجل المهمات ووسيلة اتصالنا 
غاتكون عبرو فقط والاتصالات غاتكون للضرورة وبس للضرورة أناديا ماشي 
ياسر(شاف بتذمر فناديا اللي محال تسمع لكلام):- مفهوم أسي جعفر توكل عالله
ياسر مشا يجيب اللابتوب باش يشوفو السي دي
جعفر(شد يدين ناديا):- اممم فردي داك الوش وابتسمي وأهم حاجة استمتعي فهمتي  
ناديا(بحال مسمعت تاحجة لا حول الله هه):- فوقاش غانرجع للفيلا ؟
ياسر سمعها بصح مهتمش 
جعفر:- فالوقت المناسب  ..
خرج جعفر وجاب ياسر اللابتوب وقبل ميدير السي دي ريش براسو لناديا باش 
تكلس حداه اللي كانت عاد تفكر إمتا غادي يخليوها ترجع للفيلا تأففت فخاطرها وكلست
ركب السي دي وبقاو يتسناو 
السي دي كان فيه جميلة كتهدر وعطاتهم واحد المكان فيه حفلة للدبلوماسيين والسفراء
:- خصكم تمشيولها وتجيو هاد الملف ضروري حنا بحاجة ليه وصلنا معلومة أنه غايكون
فمكتب صاحب السهرة مستر سميث وخص العملية تكون نقية وسريعة
وأهم شيء تخدمو ككوبل وبلاما تاشي واحد فيكم يحاول يدير هادشي بوحدو 
والا غاتكشفو راسكم وتكشفونا ، ناديا هادا ماشي اختبار لذلك وظفي كلشي تعلمتيه
منبعد متحصلو عليه سلموه لكريستوفر اللي غايكون يستنى قدام المكان فسيارة سودة كبيرة. 
توقف كلام جميلة وكمل السيدي وياسر جا يخرجو وهو ينفجر غي بشوية بدون أضرار 
غير شوية دخان وناديا تفزعت وشدت فيد ياسر تلقائيا وولات حيدتها فيساع
لأنها انحرجت  
ياسر(سد اللابتوب ووقف):- خصك تعودي على هاد الأمر وخصك تقوي قلبك متبقايش
هاكدة خوافة يالاه نمشيو عندنا وقت قصير باش ندخلو للسهرة معا الناس
سناي نشوف (بقا يقرا البطاقات التعريفية اللي خلاهم جعفر فوق الطابلة)اممم مستر
جوناس ليف ومسيز هوب ليف (وهو مخلوع) أووو مدامتي يعني ههههه
ناديا(بانزعاج شدت عليه بطاقتها):- كنضن حاجة مضحكش راحنا كنخدمو وهادشي وارد
ياسر(فهمها انحرجت هزت صاكها وتوجهت للباب):- امم وارد فعلا أأملي سناي عندك
ناديا (وقفت باستغراب شافت فيه):- شنو؟
ياسر(جبد من جيبو قابصة صغيرة حمراء كان عطاهالو جعفر قبل متخرج من بيتها):- 
حنا فمجتمع غربي وكيحرصو على الإهتمام بأدق التفاصيل لذلك 
(فتح القابصة كان فيها جوج خواتم واحد نسائي بحجر ماسي روووعة والثاني رجالي)
 ضروري متلبسي هادا وانا نلبس هادا
ناديا(حاولت تخبي ابتسامتها):- اففف برغم من أنني مكنشوف تاشي داعي لهاد
البروتوكولات الخاوية 
ياسر:- للضرورة أحكام هاتي يدك
ناديا:- نقدر نلبسو بوحدي 
ياسر(تنهد بتعب):- عارف تقدري تلبسي بوحدك راني نشوف فيك ماشي مشلولة الحمد لله
ناديا:- اففف شحال فيك لبسولي يالاه 
ياسر:- أشنووو؟؟
ناديا:- قتلك لبسولي دبا 
ياسر:- حمم الصبر وعلاش التكعرير مالأول 
هز ياسر الخاتم وشاف فيها وتنفس بقوة وركبولها فيدها وهي فقمة غرورها بصح
مع ذلك عجبها الحال وجا يمدلها خاتمو وهي تقولو
ناديا(مشات حدا الباب):- طبعا غاتلبسو نتا يالاه غانتعطلووو سربينا
ياسر(شاف فيها بغضب بحالي لعباتلو قالب ركب الخاتم بزربة رغما عنه):- آآآآخ تفضلي
والله يخرج هاد الليلة على خير 
ناديا:- غير زيد مغاديش نحشَّم بيك أزوجي العزيز هاهاها
ياسر(تبخ بالمعقول):- يا حبيبي (ديال كونان طبعا هههههه)
يتبع ..



التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.