السارقة الجزء 19

ركبو فالسيارة وانطلقو لهاد السهرة الغريبة اللي خصهم فيها ينفذو المطلوب منهم

وبدقة كبيرة حطو السيارة فالباركينغ لتحت وطلعو فسانسور لفين كاينة السهرة ولقاو

واحد واقف فالباب كيرحب ويكتب أسماء لي كوبل قبل ميدخلو ياسر شد يد ناديا

اللي حاولت تمتنع لأنه فاجئها فهمس فودنها غير مشيها بروتوكلات وتهناي وابتسمي 

أحبيبتي اممم ههه

ناديا ابتسمت بغيظ وتقدمو ككوبل عائلة ليف لعند هاداك الأخ وقدمولو البطاقات

 ديالهم ورجعو خداوهم

السيد(بابتسامة):- ويلكوم مستر ليف آند ميسز ليف أتمنى لكم سهرة ممتعة  

ياسر:-Thank you very much

دخلو الكوبل ديالنا لوسط الحفلة اللي كانت مليئة بالشخصيات وخداو بجوجهم 

شراب من عند النادل واستقرو فواحد الركن مبعد متعرفو على صاحب الحفلة

مستر سميث

ياسر:-هاي مستر سميث أنا جوناس ليف صاحب شركة ليف للنسيج

وهادي زوجتي هوب ليف سعداء بدعوتك لينا 

(ملاحظة الحديث باللغة الإنجليزية وباش ميطوالش الفصل كتبتهم بالعربية بدون ترجمة)

مستر سميث (بامتنان كبير):- أوه أهلا وسهلا بيك سيد جوناس ليف تشرفت بمعرفتك حقا وأهلا بالجميلة هوب ليف اممم مستر جوناس أنت محظوظ بها أكيد تشرفت بمعرفتك سيدتي

ناديا(باسلها يدها بطريقة ترحيبية):- شكرا ليك سيد سميث هذا كله من ذوقك

مستر سميث:- أوه بليز من أجلي استمتعو بالحفلة 

ياسر(بابتسامة مين بعدو عليه):- المكان كلو مراقب خصنا شي طريقة نطلعو بيها 

لفوق سمعيتيني ولا باقية عاجبك حالك مين سمعتي إطراء مستر سميث ليك ؟ 

ناديا:- وعلا مالني ماشي بيوتيفل وايف ماجاياش عليا ولا؟

ياسر:- آخخخ دبا غير قوليلي واش هادا وقت نقاش عائلي فنظرك ؟؟ 

ناديا(عاجبها موقفو مي مبغاتش تبين):- اممم كاينة وجعلي راسي شحال فيه هدرة 

ياسر(عجبو الحال مين مداتهاش فداك سميث):- تعودي أماي وايف ههه فكري 

معايا كينديرو نطلعو

ناديا:- هاها وخا أماي هازبند خليني نشوف كيبالي مكان تاشي كاميرات هنا

ياسر:- هنا مكيدخل إلا اللي معروف لذلك نظام الكاميرات مكيستخدموهش 

ناديا دارت منا ودارت منا :- سمع غادي ندير حركة وانتا تصرف

بلا متسناه يجاوبها كبت على راسها داك الكاس اللي كان فيدها وياسر فيساع رتجل

مين شافو فيهم الناس 

ياسر:- اوه أحبيبتي حادث بسيط  خصنا نمشيو لأقرب حمام باش تنظفيه سمحولينا 

قربت منهم سيدة وقالتهم أن الحمام لفوق وشكرها ياسر وطلعو وهو حاضن ناديا

ناديا:- حممم شفتك مستمتع بحضني ياك

ياسر:- بففف منك نتي ماشي ساهلة يلاه دبا بدا الجد غانمشيو نقلبو على المكتب 

واللي لقاه فينا يتصل بالثاني اك آه ومتنسايش اللي قالتو جميلة بلاما كل واحد فينا

يخدم بوحدو

ناديا مشات بلاما تسمعلو وهو هزز راسو بيأس أنها تعقل شي مرة بقاو كيدخلو 

من غرفة لغرفة ومين يتلاقاو شي حد يبتسمولو ويسولوه على الحمام باش

ميفيقوش بيهم أخيرا لقاه ياسر واتصل بناديا اللي جات من بعد لحظات 

ناديا:- لقيت الملف؟

ياسر:- طبيعي مغايحطوش فدرج المكتب بهاد سهولة 

ناديا:- إذن غايكون فشي خزنة امم ومور شي صورة وكيما كتشوف مكتبو 

كلو صور

ياسر(شاف فيها باعجاب):- تخيلت أن مخك مخدامش مي طلعت غلطان

ناديا:- ومتبقاش تخيل بزاف باش متصطدمش بالواقع خلينا نشوفو هاد صورة

ولا هادي اممم على حساب ماشفت هاد المستر سميث نسونجي بمعنى

كيعجبو الجنس اللطيف فأكيد مغاتكون الخزنة إلا من مور هاد الصورة 

ديال هاد السيدة اللي اووووبس نصف عارية   

ياسر(فيساع ياسر مشا يشوف ولقاها):- يا عيني الحدس عندك قاتل والنظرة ثاقبة 

مي افف كاين مشكلة الخزنة تفتح بالأرقام

ناديا(جبدت من شعرها مساك حديدي):-معندنا كينديرو للأرقام إيلا حاولنا ماشي

 بعيد نبلوكيوها فنختصرو الطريق شد فتحها بهادا وانا غانقلب على شي 

مِبرد فدرج المكتب نعاونك بيه 

ياسر:- وكان كنت بوحدي مكنتش غانلجأ لهاد التعب كلو 

ناديا:- وشنو كنت غادير الفهيم؟

ياسر بقا يشوف فالغرفة ولقا طفاية الحريق هزها وقال لناديا تبعد شوية 

رشها على مكان الأرقام اللي خربو فالشاشة قرب من راس ناديا وحيد مساك آخر

وهي غير كتحسبن فيه شد جوج مساسك لواهم بسنيه ودارهم فلوحة الأرقام 

وجبد لعندو جبدة وحدة وتحلت الخزنة وناديا بينتلو إعجابها بإيماءة رأس هادية

وفجأة نتبهت لحركة فالخارج وحلت لباب غير بشوية 

وقاتلو جايين جوج رجال للمكتب هز ياسر الملف المقصود دارو فجاكيطو ورجع الصورة

 بسرعة وتم تم دخلو دوك الجوج رجال اللي كانو يديرو جولة يراقبو المكان 

الرجل:- المكان آمن هنا مكاين والو 

الرجل الثاني:- طيب خلينا نمشيو نتحققو من شي مكان آخر

الرجل:- وخا يالاه نمشيو

سدو الباب وهنا ياسر وناديا كانو مور الباب ياسر واقف وناديا موراه شادة فظهرو

طبعا الإحساس اللي حسوه فديك اللحظة غريب بزاااف بصح من شدة الإحراج 

فيساع تلفوه

ياسر(مرتبك):- أففف مشاو 

ناديا(كتهدر بسيف):- آه مشاو ومشات معاهم تا روحي وراك قطعتلي التنفس 

ياسر(تكاكا باللي كان قبلها وحابسلها أنفاسها بقربووو الكبير):- آه سمحيلي بزاف 

يلاه نخرجو من المكتب وكأن شيئا لم يكن تفضلي أمسيز ليف 

جاو خارجين من غرفة المكتب وهما يشوفوهم دوك جوج رجال 

الرجال:- هيي وقفو بلاصتكم

ناديا:- آ آآآآ ها اللي مبغيناش 

ياسر:- دخلي فيساع

رجعو للمكتب فيساع وسدوه بالساروت وياسر بقا يدور بعينيه وشاف سرجم

 تما وشد يد ناديا باش ينزلو من تما فعلا نزلت ناديا وتبعها هو وخرجو دوك جوج رجال

 يطلو عليهم وهما نازلين من الدروج الحديدي بقاو كيضربو بالرصاص عليهم

لكن كان فات الأوان

هربولهم ياسر وناديا ومشاو يجيرو للباركينغ ركبو فسيارتهم ومشاو

ناديا(ماللي طلعت وهي تضحك):- هههههه شفت هاداك القرع كيشبه لجعفر مسكين كيدار

فينا قالك وقفو مكانكم هههههههه

ياسر:- حمق صحابلو هوبالا باش نوقفولو

ناديا:- قلبي غايسكت بالضحك ناري على هربة ههههه استمتعت بزاف

ياسر:- تعودي هادي حياة الإجرام 

ناديا:- لا واضح أن أخلاقي ستفسد 

ياسر:- ههههه أوو عندك حس دعابة كيهبل 

ناديا:- الأهم أنهم معرفوناش شكون نكونو 

ياسر:- وشكون قالك ياك حنا مستر ليف ومسيز ليف ولا نسيتي هههه

ناديا:- هههههه

 اتصلو بكريستوفر باش يبدل مكان اللقاء محيت خافو يكونو ملاحقينهم ونزل

عندو ياسر عطاه الملف ورجع بسرعة لعند ناديا وساق السيارة رجوعا للبيت

وصلو للدار وهما باقيين كيضحكو على اللي وقع 

ناديا(رمات الفورير على الكنبة وحيدت طالوها):- افففف عيينا منو لله جعفر قالك سهرة

فيها كلشي كاع متعشيناش جعت

ياسر(سد الباب بالمفاتح وحيد جاكيطة حطها على الكنبة):- شنو بالك نخرجو نتعشاو

فشي بلاصة؟؟

ناديا:- الأحسن اليوم كاع منبانوش برا تحسبا لأي طارئ امممم شنو عندك فالثلاجة 

ياسر:- منعرف سيري وشوفي 

ناديا شداتو من يدو قبل ميكلس على الكنبة وداتو للثلاجة وفتحتها 

ناديا:- كاع هادشي وكتقولي منعرف وشكون يعرف ههه غانوجدلك عشا مدايرش 

ياسر:- أهاه وطباخة الأخت 

ناديا:- ولو وشنو صحابلك مي خصني شيف آخر يساعدني فتحضير الأكل

ياسر(مشا يجري دار مريلة على كسوتو وحطلها مريلتها):- صدقيني راه مغاتلقايش 

كيفي شيف يسمعلك 

ناديا(وهي كتلبس المريلة اللي عطاها):- تانا داكشي اللي كنقول معا راسي

ياسر:- مي سمحيلي امعلمتي أنا مكنعرفش نخدم بلا موسيقى

ناديا:- ياعيني يا عين وسير ديرلنا شي حاجة واووو واجي فورا فورا غانحط الحوايج

ياسر(مشا يجري):- طياااااارة 

يتبع..