صفحة قصة السارقة

السارقة الجزء 21

من تأليف الكونتيسة
2018

محتوى القصة

رواية السارقة كاملة بدون تحميل

ناديا ارتعبت وبقات أفكارها كتضرب أخماس وأسداس ياسر شنو باغي منها ؟
وهاد التصرف ديالو شنو موراه ؟ مكلستش تفكر بزاف ياسر مبعد مسد الباب
بالساروت بقا كيقرب منها هي بقات كترجع للخلف 
تحاول تبعد عليه وعينيها كيطرحو مية سؤال وسؤال وهو كان راسم على وجهو ابتسامة
خبيثة متحيدتش حتى مين بانلو خوف ناديا منو 
ناديا (وهي منفعلة بزاف وخايفة) :- إيي بركة متقرب شنو باغي ؟
ياسر(كيضحك):- مالكي خايفة مني ولا ؟
ناديا(كتريش بصبعها فوجهو): أشوف راني راني نقدر نرتكب فيك جريمة بعدني لهيه
وشرحلي شنو باغي مني ؟
ياسر(كيهدر بصوت خافت):- غير بشوية عليك الشي اللي غانديروه مخصوش الأعصاب ..  
بالعكس خصو الهدوء والسكون والتركييييييز التام ..
ناديا :- ش .. شنو كتقصد ..؟؟؟؟؟
ناديا ارتبكت وقلبها بقا يخفق بزاااف خصوصا من كلامو الغريب وبقات كترجع للخلف
بلاما تشوف موراها حتى طاحت على الناموسية 
وياسر فيساع شد يديها وبلوكاهم فوق السرير وانحنى عليها وكان تقريبا تقريبا فوق منها
 وهي تخلعت من قربو بداك الشكل المخيف مقدرتش تتحملو بقات تحس راسها ضعيفة بزاف
بين يديه مقدرتش تقاوم اي حاجة منو وبصعوبة قدرت تهدر مبعد محاولت جاهدة تسترجع
انفاسها اللي خذلتها محيت استسلمت لأنفاس ياسر بسهووولة تامة  
ناديا (بعينين دامعين):- إيي ... شنو باغي مني بعدني بعدني ؟؟
ياسر بحالي مكانش مستوعب شنو كان يدير لأنه مالأول كان باغي غير يلعب معاها لكن
هو الآخر سرح فملامحها اللي اول مرة يتصفحهم عن قرب شعرها خدودها شفاهها تفاصيل
وجهها واكثر شيء عيونها اللي ايضا أول مرة كيشوفهم و ينتبه للونهم الأزرق الغامق
اللي كانو بحال شي بحر عميق من روعتهم غرق غرقة مكانش ضاربلها الحساب وحس ببزاف الحوايج مقدرش يبعد عليها وداك الوضع اللي كانو فيه 
ولد بزاف الاحاسيس فقلبو مكانش يسمع كاع لناديا اللي كانت خايفة 
استغلت ناديا سرحانو وصمتو وغرقو فعينيها ودفعاتو وناضت وهي كترجف ..
ناديا :- سمعني أنا أنا يستحيل نبقا معاك هنا فمكان واحد نتا .. واحد مجنون 
ياسر(وهو كيفيق من أسر عيونها):- ن.. ناديا أنا كنعتذر منك مكانش قصدي نخوفك
ناديا:- متكولي والو بغيت نخرج منا دبا حلي الباب 
ياسر:-سمعي انا مجبتكش لبيتي باش نخلعك أ .. كنت باغي غير نضحك معاك ونتي ونتي
خفتي صحابلك بغيت منك شي حاجة .. أولا وأخيرا هادو ماشي من أخلاقي
ناديا(كتسترجع وضعها الطبيعي):- وتصرفك شنو تفسرو ؟
ياسر(دار يقلب على شي حاجة):- أ.. عادي 
ناديا(متفاجئة بلا مبالااتو):- عادي ؟؟؟ (بدات تفقد اعصابها) قتلك حلي الباب ولا غادي نهرسو 
ياسر:- ندوشتي ريلاكس عندي ليك مفاجئة كلسي سناي  
 مفهمت والو من هاد المتعجرف اللي غادي يهبلها بقات تشوف فيه وهو كيتحرك
بخفة من درج لدرج حتى جبد واحد المفتاح قالها تجي توقف حداه مجيت الدولاب ديالو
بتردد وقفت وهي ممستوعبة تاحاجة ..فتحو وشد ناديا من كتافها اللي رتعدت من لمسة
يديه وبقا هو موراها 
ياسر(بابتسامة):- شفتي داك السحاب اللي مور لي كوسيتم دياولي؟
ناديا(كتهدر بسيف):- وي مالو؟ 
ياسر:- جبديه
ناديا:- أه دبا نتا باغي تلعب بأعصابي ولا شنو بانلك عليا غبية لهاد الدرجة
فالأول تجيبني لبيتك وت .. وت .. 
ياسر(همس فودنها بمكر):- وت .... شنو ؟؟
ناديا (بغيظ):- أفففف... ودبا كتقولي نجبد السحاب اللي كيشعل الضو فالدولاب
مالني عمية ولا ساذجة باش ندير على هبالك ؟؟
ياسر:- الله الله كتبهريني بالذكاء الخارق اللي كيجيك أحيانا مي للأسف كيجي غير فالأوقات
الغير مناسبة ؛ تي جبدي السحاب بلاما تخرجيني من طوعي
ناديا :- وخا وخا هانا هاااااااااااااانا
ناديا شافت بتردد وعصبية فياسر وولات شافت فداك السحاب وجبداتو وهو يتفتح
باب سري من مور الدولاب سبقها ياسر وشعل الضو وشد يدها باش تفوت
ودخلت كان الظلام بزاف مرة وحدة ترك يدها ياسر وبقات متفاجئة ومبهوضة
بالشي اللي كيوقع
شوية سمعاتو فتح واحد الباب بالساروت وبنظام أمني دخل عدة أرقام 
   و تشعلو الأضواء تما بتسلسل وبان مستودع كبير نبهرت انبهار شديد باللي فيه
ناديا(بعينين لامعين وتفاجئ):- 
هادي هي المفاجئة ... oh my good..!!
 كان مستودع و كأنه دار الأحلام فيه كل ما مكايحتاج أي واحد فيهم فالمهمات الجاية
سواء ياسر اللي كان عندو تما ملابس رجالية من كل الأنواع والأشكال
وأحذية كرافاطات حواجب موصطاشات ولناديا أيضا كانت  
ملابس فاخرة أحذية مجوهرات بلا عدد أعداد هائلة من الشعر المستعار
ليهم بجوج ماكياجات لا تحصى حقائب مسدسات بكل الأحجام وقنابل
وملابس بلاستيكية للتسلل وحبال للتسلق بزاف الحوايج ناديا بقات حالة
فمها فيهم وكتتلمسهم واش حقيقين ولا كيتهيألها
ياسر(كان كيخرب فشي أزرار بلاما يشوف فيها):- اممم شنو رأيك أمس ناديا؟
ناديا:- لا يعقل هادشي كلو هنا ودبا عاد موريهولي؟؟
ياسر:- الوقت المناسب هههه  أجي حدايا تشوفي
ناديا:- شنو باقي عاد؟ 
ياسر(ضغط على الزر الأخير):- ههه باقي مشفتي والو  
 واحد الحيط تفتح كان مجرد حاجز وبانت مراه شاشات كمبيوتر بزااف وفالوسط 
شاشة كبيرة وياسر دار المبنى اللي فيه العقد وكبر صورتووو 
ناديا:- واوووو مختبر دكستر هههه
ياسر(بتعب):- يا ربي عليك نتي إمتا غاتكبري أجي حدايا
 وقفت حداه وبقاو كيشوفو فداك سيدي مبنى وكي غادي يديرو يدخلولو 
ويتجاوزو كاع الحراس اللي حارسينو والزينة كاع كيغايديرو يتخطاو أجهزة الأمن 
اللي دايرين لمدة بقاو ساكتين وكيشوفو فداك المبنى 
ناديا:- خصنا ندخلو للمبنى قبل العملية 
ياسر:- داكشي اللي فكرت فيه خصنا ندخلو ونحطو كاميرات مراقبة أي حاجة
تقدر تساعدنا عندنا 24 ساعة موراها نفذو العملية 
ناديا:- خصنا خطة محكمة باش ندخلو للمبنى شوف ديرلي مسح وشوف شنو كاين 
كاع فداك المبنى ؟؟
ياسر:- أوكي عطيني دقيقة اممم كاين بزاف ركن للاتصالات دكتورة نسائية 
نادي رياضي قاعة للرقص كوفي هادو اللي عطاوني ونضن أنهم مدايرينش شركة
تصليح العقد مي حنا متأكدين بأنها فالمبنى شنو بانلك فهادشي كاع ؟؟
ناديا(وهي تحك راسها وتفكر):- لقيتها اممم شنو بانلك نعاودو 
سيناريو مستر ليف ومسيز ليف مي هاد المرة بشكل مغاير
ياسر(دار يشوف فيها باهتمام):- وضحي
ناديا:- سنا الأول ندور هنا نقلب على شيء مهم إلى مكانش موجود كلو معندو داعي 
اممم هنا أو هناااا كنت لمحت شي حاجة آآآآآآآآآه هاهووووواك 
ياسر(شافها مشات تجري هزت بطن منتفخ مستعار):- وهاد الكرش شنو باغية ديري بيها
حضرتك هههه متقوليليش قررتي تولي بيغ مام ؟
ضحكت وبقات توشوشلو فودنو بفكرتها اللي أثارت إعجابو بامتياز 
فاتت ديك الليلة بتحليل وتنظيم لخطتهم واتافقو باش ينفذوها بحذافيرها  
غدا ليه دخلو للمستودع السري من جديد وكل واحد مشا يجمع حوايج اللي يحتاج 
باش يمشيو يستكشفو المبنى ويحطو فيه كاميرات صغيرة على شكل حشرات كان
خدمهم كريستوفر للتجسس.. 
ناديا هزت شعر مستعار بلون أسود ولباس عريض واصل للركبة باللون البرتقالي
البارد وفيه جوج حمالات يجيو فوق تريكو خفيف ختاراتو باللون البيج البارد ونص كم
وهزت صاك أخضر منيتير يتلبس على الجنب وسبردينة بيضا وهزت داك البطن 
المنتفخ وشوية مايكاب للتنكر ومشات لبيتها
لبست ديك البطن المنتفخ اللي يتلصق من الخلف ولبست التريكو البيج فوقو وزادت
داك اللباس البرتقالي اللي جاي بسباتيه الفوق وكلست جنب مرآة المايكاب 
دارت شوية مايكاب للعيون مشماشي على مارون وركبت شفار 
مبعد مقادتهم ودارت محدد عيون باللون البني وماسكارا باللون البني أيضا
وللشفتين دارت ملمع شفاه يشبه لون بشرتها جمعت شعرها الحقيقي بواحد البونضة
خصوصية وركبت داك البيريك اللي كان أسود وطويل شوية ومن فوقو دارت شال 
جاي بحال البونضو على راسها باللون البرتقالي 
ولبست سباردينة ديالها ودارت الصاك على الجنب و وقفت
حدا مرايتها وبقات تشوف فبطنها المنتفخ وابتسمت ابتسامة بريئة مين بقات
كتحسسو وخرجت تستنا ياسر اللي كان فبيتو تاهو يتحضر وكان جاب
من المستودع بيريك رجالي باللون البني ركبو وواحد اللحية قليلة حتى هي باللون البني
ركبها وركب حواجب بنفس اللون ودار نضاضر للشوف لبس كوسيتيم باللون
الرمادي المايل للون الأزرق وقمجة باللون الأزرق سماوي وفوقها تريكو في مافيهش
لكمام باللون الأزرق ناصح وكرافاطا باللون الكستنائي بلع كوسيتمو وبقا يشوف فراسو
فالمراية وضحك هز واحد الحقيبة رسمية تتهز فاليد وخرج 
 ياسر(خرج لعند ناديا وتفاجئ بمنظرها بزاف):- واووو أنا وشكيت أنك فعلا امرأة حامل
ناديا:- آه ونتا الزوج ديالي وخصك تاخدني لعند الدكتورة اللي ..
ياسر:- فنفس المبنى اللي فيه العقد يا سلام 
ناديا(بقات تشوف فيه):- اممم حتى نتا لوكان مكنتش متعجرف ومعروف بالنسبة ليا
منشكش فيك
ياسر:- والحمد لله جيت متعجرف وتكشفيني مابين ميات واحد 
ناديا:- اففف إنتا متصدق جبت داك الشي اللي وجد كريستوفر؟
ياسر:- أكيد بغيتي نوريك شي وحدة 
ناديا (خايفة):- لالالا متورينيش وخا عارفاهم ماشي حقيقيين لكن جسمي كيقشعر منهم
ياسر:- اممم بينتيلي نقطة ضعفك دبا شي يوم ندير فيك شي فيلم بيهم ههه
ناديا(حلت الباب باش يخرجو وشافت فيه):-لالا أبردك منشفكش
ياسر(وقف أنوفاص ليها فالباب وقرب كأنه غادي يحضنها بنظرة حنان وهو يجبد
الساروت اللي كان لاصق فالباب اللي كان موراها وابتسم ):- احم فعلا تشفيني 
ناديا(بغضب):- حمممم شفت غاتنسيني فأهم حاجة سير جيبلي الكيت كات اللي فالثلاجة
ياسر:- كيت كات وعلاش؟
ناديا:- بغيت كيفي يا أخي أنا امرأة حامل وبانتلي فكيت كات سير جيبلي ومتسولش بزاف
ياسر:-اليوم منمشيوش وخا الالة مسيز ليف وخا اأم إبني العزيز مين تيقتي الفيلم
هانا ماشي نجيبلك من عينيا طبعا ،
(وهو ماشي)صبرني يارب كيت كات الله الله هه ياربي تسترنا من شي هبال ديال بونسوان ..



يتبع ..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.