نزلت ناديا وهي كتقفل فبينوارها ومريم كتهرول من موراها حتى وقفت فجأة فالكولوار كتشوف من شق الباب ديال الصالة ودخلت فيها مريم مالخلف دفعتها كانت غادي طيح
ناديا(بهمس):- هششش مالكي غي شوية عليك
مريم:- ونتي ديري سينيال معرفتكش غادي توقفي
ناديا:- شتتت خليني نسمع شنو راه يخربق عليهم أونفهم وشا جابو لهنا أويلي والله إيلا دارها لكن والله متبقاها فيه شوفي شوفي كيف كالس مبرع وكيتكوس عليا معاهم أناري على غدايدي
مريم(باستغباء):- والله تانا حارلي فيه الأمر معرفتيش علاش جا ؟
ناديا(شافت فيها برجاء):- رحميني رحميني من غباءك اللي كيطيح عليك فالأوقات الغلاط أنا يالاه عرفت منك كيغاندير نعرف شنو جابو اففففف منك
عيسى:- ماشي وقت العتاب ..دبا أولدي ياسر تمشي تجيب حوايجك من لوطيل اللي نتا فيه وبوجهك تجي لهنا راك منا وفينا وتصرف بنتي ناديا مسحو فيا أولدي راه باقي عقلها طايش
مكتعرفش الصواب
عزيزة:- واه أولدي الدار دارك وانا غانوجدلك البيت لفوق ترتاح فيها وغادي تعرف على ابراهيم راجل مريم الله يعمرها سلعة باش تفاهمو فصوالح العرس ربي صيفطك لينا كي البركة أولدي ياسر
نوضي أمريم معايا كتبيلي شنو نجيب من السوق غادي تفوت عليا سعيدة واحد شوية
مريم(كتشوف فيهم وف ياسر):- وخا أماما بعدا باش تفهميني شي مسائل عائلية الواضح أنني وناديا ولينا من لائحة الجيران
عيسى:- ديوني معاكم نجيب الدومينو فخاطري نلعب شي طرح معا ولدي ياسررر جابلي الله اللي يونسني ويلعب معايا
مريم(قربت براسها لعند ناديا وهمست):- طرح ....؟؟
ناديا(قربت تاهيا عندها):- دومينووو ؟؟
مريم:- ولدي ياسر ؟؟؟
ناديا:- يونسني ...؟؟
مريم وناديا (فخطرة):- كِمممملت و احللللللللوِّت ... بخخ
ناضو كلهم إلا ياسر وناديا اللي كانت كتهدن فأعصابها مغمضة عينيها مباغياش تستوعب شنو كيوقع قدامها حتى قفز ياسر لعندها وشدلها يديها وفتحت عينيها بسرعة متفاجئة من تصرفو
ياسر:- حبيبتي؟
ناديا:- حيد يدك واش حماقيت بغيتهم يشوفونا
ياسر:- بصح فاجأتك
ناديا:- دبا غادي تشرحلي شنو واقع أنا مبقيت فاهمة تاحاجة
ياسر(نزل لمستواها هي على الفوتاي وهو على الأرض أونفاص ليها):- عادي غادي نسكن معاك وحداك شنو بغيتي أكثر من هادشي نشوفك وقتما بغيت
ناديا:- ماشي القصد مي فهمني أشمن أوطيل وكيفاش وقع تا حبوك بهاد السرعة لا والغريب مصرين تبقا هنا مع أنه من سابع المستحيلات جدي وخالتي يقبلو بهادشي شنو قتلهم ؟
ياسر:- سر المهنة ميخصش كلشي تعرفيه مهم النتيجة
ناديا(شدت على راسها):- شوف سمعني مزيان أنا فرحانة اللي درت هادشي عليا بصح بصح ميليقش خصك دبا تعتذر منهم وترجع لدارك منقدرش نقبل بهاد الشي
ياسر(لوا شنايفو كي شي طفل):- صدمتيني وانا اللي قلت غاتفرحي
ياسر:- وجد راسك اليووووم غادي تشوف أكبر هزيمة فحياتك
عيسى:- هيهي أنا مكانش اللي يربحني فالدومينو
ياسر(طلع يديه بستعداد):- دبا نشوفو
كلسو يلعبو وناديا باقية ممستوعباش شنو كيوقع هزت براسها يمينا وشمالا وناضت خرجت من الصالون دارت شافت فياسر باش تستوعب شوية اللي غمزلها بلقطة سريعة وكمل لعبو معا عيسى اللي كان سعيد جدا وناديا معمرها شافتو بهاد الحماس أو النشاط وحست بفرحة كبيرة داخلها مين عيسى فرحان بهاد الشكل برغم أنها رافضة اللي جرا نهائيا
ناديا(استلقات على السرير ودارت وسادة على وجهها):- مريم كوليلي الشي اللي وقع لتحت مجرد كابوس ياك ؟
مريم:- كابوس ههههه لواه مكحلة راه بصح ياسر موجود لتحت لكن سؤال علاش نتي رافضة بقاؤو معانا فسريلي أنا كنشوف مافيها باس وبيني وبينك حركة زوينة منو واضح أنه متيم بيك بزاااف لدرججة الجنون حتى أنه مفكرش فإمكانية حدوث العكس؟
ناديا:-أففف ممحتاجاش تفسير راه وجودو يعني يعني أففف معرفتش المهم مبغيتوش يبقى هنا ولا لحظة
مريم:- أنا نكولك علاش متقبلتيش فكرة أنه يبقى معانا خفتي لماما وجدي عيسى يفرشو حبكم لبعضياتكم كووني هانية كلها أيام ويمشي فحالو مبعد لعرس يعني مغاديش يدققو
ناديا:- نتي معارفة والو راه غادي يخرجلي لعقل أنا اللي كنعرفو أففففف غاناخذ شي دوش قبل منخرجو لصالون التجميل نتافقو معاهم على نهار الحنة باقي يومين وصافي بحرا من مورا الصالون غانمشيو لعند منظم الحفلات نتافقو معاه على الحوايج اللي باقييلنا المهم اليوم كارثي خصنا كلشي نساليوه
مريم:- وخا أنا نزل نعطي لماما الورقة ديال لحوايج اللي تجيب ونشوف الطرح اللي كيلعبو جدي عيسى وياسر بيه
ناديا:-مريم متنرفزينيش أكثر ماني منرفزة
مريم:- هههههههه لا واضح أيامي الأخيرة فهاد الدار غاتكون نكتة وصافي
جات تدخل للدوش وهي يجيها مساج فتليفونها فتحت وقرات رسالة من ياسر:- اممم كيجاك اللون الزيتي كيهبل يالمهبلتني أنا فرحان بزاف أحبيبتي أتمنى تشاركيني سعادتي بيك اليوم بيزووو متعطليش بزاف لفوق الطرح ديال جدك غاياخذ ساعات أنقذيني أنا فعارك :)
ناديا:- ننقدك ياروح خالتك دا أنا غادي ندمك على النهار اللي فكرت فيه دير هاد الفعلة الزينة صبرك عليا بس يا ياسر
دخلت للدوش وهي تحت الما كتحاول تطرد هاد الأحداث اللي فاتت وهدأت وبقات تفكر أنه ماشي من الضرر إلى بقا ياسر معاهم مي غادي يخنقها بوجودو لكن معندها مدير دبا إلا أنها تتقبل الأمر الواقع اللي حطها فيه بسيف عليها باش جدها وخالتها ميحسو بوالو
ناديا شافت فيه بعدم صبر وعجزت حتى تعبر عن غضبها أو شعورها والشياط خارج منها بقات ساكتة تاوصلو للصالون
ياسر:- شحال خصكم باش تساليو ؟
مريم:- شي ساعة تقريبا
ياسر:- تمام ساعة غادي نرجع ناخدكم
ناديا:- وكان غي مشقيتش راسك أستاذ ياسر كيما لاحظت تانتا ممساليش يعني خليلي اللوطو نتصررف بحريتي فيها ونتا سير قضي شغالك
ياسر:- وشكون قال أنا ممساليش بالعكس أنا فضيت كاع اللي مورايا ووليتو نتوما شغلي كلو
ناديا(تجننت):- اممممم اللهم طولك ياروح(نزلت و مشات)
مريم(قدام نافذتو):- فاش غانساليو نتاصلو بيك تجي دينا كون هاني
ياسر:- تت الله يكملك بعقلك أمريم مخابش أملي فيك كنت خايف حتى نتي تطلعي بحالها مخك بييييو (بإشارة من يدو) طاااااااير
مريم(بخوف كيضحك):- بييييو لالا الحمد لله باقي فيا الأمل هههه
ناديا:- مريييييم واش غادي تجي ولا شنو ؟
مريم:- يالاه باي باي
ياسر:- هههههه سلامو
ناديا(فباب الصالون وكتشوف فياسر):- لا أنا إلى بقا معايا هاكا 24 ساعة غادي توجدولي صاكي ندخل ل سبيطار المجانين عما قريب
مريم(بإعجاب):- وا تهدني يا صاحبتي لحد الآن راه كيوت مشفتش منو شي حاجة خايبة
ناديا:- أأأأخ أنا معامن كنهدر الحيط الحيط أعباد الله يرد عليا ويقولي عندك الحق
مريم:- بصح أنا مريم ماشي الحيط
ناديا:- والله وماجا عرسك فالطريق حتى نشوهلك داك الوجه زيدي قدامي زيدي
نرجعو لأهل الخاريج شوية فمكتب مستر وليد
جاد:- واجبي يحتمني نقولك باللي مبقيتش كيما كنت أوليد ماشي هادو هما أصول خدمتنا شنو اللي غيرك أصاحبي حتى الأوامر وليت تعارض فيهم ؟
وليد:- نكدب عليك إلى قتلك أنا عارف بصح مكاتغيبش عن بالي تفكيري كلو فيها شنو كدير معامن تكون ندمت بزاف اللي وافقت على أنها تسافر حتى البوس بهدلني فالمحادثة هاد صباح
جاد:- دبا أسبوع ولا 10 أيام كاع حسب الخدمة ونكونو عندها مقادرش تصبرهم؟
جعفر:- لا واضح فقدتي عقلك ولا عرق الأمومة فاق من جديد
جميلة:- 23 عام وانا محرومة منها نهار لقيتها نهار مقدرتوش تحسو بيا طول هاد السنين وانا مضحية بعمري باش هي تبقى فأمان ودبا حرام عليا ياك تانشعر باللي كنحس بيه
جعفر:- فخدمتنا واه حرام ليه من إمتا ولاو عندك مشاعر ولا أحاسيس؟؟
جميلة(كتبكي):- جعفر متجرحنيش اللي فيا يكفيني
جعفر:- أنا مباغيش نجرحك مي باغي نوعيك ونفيقك هادشي اللي كديريه لعب ولاد صغار
نتي أكبر من هاد المشاعر نسيتي مين كنتي تقوليلي البزنس فوق كلشي فوق حتى أحاسيسنا
جميلة:- منستيش وانا عاد عند كلامي بصح واش حرام إلى ضعفت شوية فيوم الأيام حرااام نشتاقلها أو نتمنى نحضنها بين يديا حراااام حسو بيا شوية حسوا راني بنادم ماشي روبو
جعفر(ناض ملكرسي وكلس حداها على السرير ديالها):- ماحرام ما والو وإنما كيعطل خدمتنا
دبا حنا ففترة حساسة ماشي وقت الأشواق والغراميات نوضي خودي دوش ساخن عندنا موعد مهم وضروري
جميلة(بخوف):- متكوليش طلب يشوفنا ؟
جعفر(شد يدها باش يطمنها):- متخافيش غانكون معاك
جميلة(ببكاء):- منقدرش نشوفو راه غادي يفرشني ويطلب مني شي حاجة أخرى وانا والله مبقيت قادرة نكون قاصحة معا بنتي بنتي يا عباد الله ومقادراش نضمها بين يديا ونقولها أنا مك أنا خليتك باش نحميك وباش ميقتلوكش بصح مين كبرتي طلبوك أبنتي وانا جبتك ليهم بيديا.. اهئ اهئ
جعفر:- ويلا ممشتيش غادي يهدم الدنيا فوق راسك هو مكيفكرش بحالك ومعندوش هاد المشاعر اللي عندك هو قلبو حجر وخدمتنا هادا متتطلب لذلك بركة من الدلع ونوضي عندك ساعة تكوني واجدة أي تأخير عليه ماشي فمصلحتنا نوضي أجميلة عفاااك سمعيلي
جميلة:- أهئئئ امممم ياااااربي إمتا يكمل هاد لكابوس شنو باغي تاني شنو مكفاهش اللي لهفو منها يخليها تعيش شوية يخليها تعيش فسلام اهئ اهئ مكفاهش أنها تربات يتيمة لا أب ولا أم لا خال ولا حتى حنين يحن فيها من غير عيسى هو الوحيد اللي وقف معايا داك الوقت آآآآه يا جعفر نااار كتغلي فيااا كلما تفكرت اللي فات
جعفر(بنظرة خوف):- إلى بقات معانا فالخط مغايصيبها والو وخدمتها معا مستر وليد ماهي إلا خطوة لكن إلى قررت تنسحب ساعتها ؟؟؟؟
جميلة(بقوة):-مغاديش نسمحلو يأذيها حتى لناديا وخط أحمر غادي نوقفلو هاد المرة مغاديش نسمحلو يحرمني منها من جديد ولا يخليها تتعذب نضن باللي جا الوقت باش نقول لا
وصل ياسر للمكتب ديال ابراهيم وهو داير كاصكيط ونضاضر باش ميعرفوهش الموظفين
ياسر(دخل وسد الباب موراه):- مولاي السلطاااااان
ابراهيم:- اممممم ضحك ضحك عليا بهاد التبلعيط ديالك باش منسولكش
ياسر(حيد الكاصكيطة والنضاضر وكلس على المكتب):- أودي وخا نجيبلك الباردية هنا غاتسولني تسولني
ابراهيم:- هههه لذلك ارحمنا من عناء السؤال وجاوب
ياسر:- كنبغيييييها وغادي نبقى معاها فدارها حتى يسالي العرس من مراه يحلها مولاك
ابراهيم:ههههه هاد المعلومة قديمة المخبرة ديالي وصلتلهالي هات شي جديد
ياسر:- ناري هاد المخبرة غاتخرج عليا
ابراهيم:- ياسسسر نطق
ياسر:- سمع أسيدي لبارح فكرت مزيان فاللي فات واللي وقع معايا لحد الآن والصدف شنو جابت فطريقي ولقيت باش يكون مستقبلي كيما بغيت أنا نضمنو من دبا
ابراهيم:- مفهمتكش وضحلي؟
ياسر:- قررت ندير النقط فوق الحروف
ابراهيم(بفرح):- يعني صافي درت عقلك كنت عارف أياسر غادي تعرف خطورة مغامرتك لاجيت للعرس وأحسن قرار غاتاخدو أنك متحضرش وحتى متتعرضلكش أسماء من جديد
ياسر(متفاجئ بانفعال):- أشمن أسماء وأشمن منحضرش ابراهيم مالك كتزرب فالهدرة ؟
ياسر:-تتت لا حول ولاقوة الا بالله سمعني المهمة ديالنا ناديا عضو رئيسي فيها وبيها باش غانلقيو القبض على الحوت الكبير ومبعدها غاتكمل القضية وتقفل وناديا غاتعرف الحقيقة وغادي تكرهني اللي خبيت عليها لذلك باش وقتها تكون أمام الأمر الواقع أنا قررت ....
نتزوجها فالسر!!
ابراهيم(مخلوع ناض من كرسيه وجا أونفاص لياسر):- واش حماقيت غادي تزوجها باش تضمن بقائها معاك لا حماقيت رسمي إلى كان هادا هو تفكيرك فنظرك بهاد تصرف مغاديش تخليها تزيد تحقد عليك وتكرهك أكثر وتطلب الطلاق أون بليس مستحيل تزوجها وحنا فعز المهمة لالالا راك غي تخربق أياسررر راك غي تخربق أخويا إيييه وجواد و أسماء
أياسر واش مفكرتش فيهم ؟
ياسر:- واش أنا شبح أسماء غايبقى لاحقني طول حياتي مكتوب عليا نعيش الحزن معاها ولا؟؟ أسماء غلط غلطو ودفعت ثمنو 5 سنين من عمري وانا عايش فتأنيب الضمير نهار قلبي نبض وختار شريكة حياتو بان لجواد يذكرني بيها ونتا دبا
ابراهيم:- مكنقولك إلا الواقع وهادشي راك عارفو وإنما كتهرب منو باش اللي راك باغيه يمشي وخا على حساب مشاعر الشعب
ياسر:- دبا واش أنا حرام عليا نعشق ولا نبني أسرة وكلو علاش على خاطر لالة أسماء علا مالني نرهن حياتي عليها وندمر سعادتي وهي أصلا مكاتعنيلي والو من غير خت صاحبي اللي ندمت على كلشي جرالي معاها
ابراهيم:- تت معرفت منقولك أصاحبي مهم كمل شنو ناوي دير؟
ياسر:-أنا كنبغي ناديا وهي اللي باغيها تكون مراتي وأم ولادي مي حفاظا على سلامتها فكرت فالموضوع من جميع النواحي ناديا كتبغيني وإلى كانت مراتي فراه غادي تعرفني كنبغيها فعلا وشاريها علاش تزوجتها حاليا فالسر اللي منبعد غانعلنو ونديرها عرس نخلي المغرب كامل يهدر علييييه
ابراهيم(شد على راسو):- آآه راسي وجعني ياسر راك غي تخربق هادشي ميمكنش يوقع راك كتغامر بروحك وبروحها حتى هي ..مفكرتش إلى ساقو لخبر اللي لهيه شنو غايكون موقفهم تجاه الأمر أكيد غادي يصفيوها ونتا قبل منها
ياسر:- مغاديش نعلنو الخبر فقط غي حنا والمقربين
ابراهيم:- وجواد و الطاقم ديالنا ياااا ياسر بخطوتك هادي غادي تقدر تهدم كلشي قضيتنا اللي سنين وحنا ماشيين فيها حنا فالمرحلة الأخيرة وبسهولة بغيت تدمرهالنا بشوية مشاعر راك كتلعب بعمرك سمع مني أصاحبي وخليك من هادشي حبها عشقها كيما بغيت إنما الزواج خليه من بعد المهمة ومن حقها تاخذ فرصة تختار مين تعرف الحقيقة ، بتصرفك هادا وكأنك وكأنك كتخونها وكتحتم عليها تكون ليك وبهاد طريقة غادي تخسرها للأبد
ياسر(وقف متأثر):- واش صحابلك مفكرتش فهاد الأمور كلها أابراهيم فكرت مي باش منتحرمش منها مبعد ناخذها ليا من دبا.. كنبغيها أبراهيم ناديا بالنسبة ليا ماشي بنت عادية هي كلشي ليا فحياتي ماشي مبعد ملقيتها نخليها ضيع من بين يديا وزواجنا غايفرحها بزااااف
ابراهيم(وقف وجا موراه ودار يدو على كتفو):-نتا خويا ماشي غي صاحبي وأكيد اللي تريحك غانساندك فيها وخا عارفها فكرة مجنونة مي واجبي كيحتم عليا نوقف معاك وخا تافهبالك
ياسر(دار بفرحة لعندو):- كنت عارفك مغاديش تخليني بوحدي الله يخليك ليا أخويا لعزيز ويفرحك يارب(تعانقو)لكن أهم حاجة جواد وليلى ميسيقوش الخبر
اابراهيم:- راني فاهمك كون هاني و إلى محتاج شي نصائح فأمور الزواج وننن.. خوك موجود
ياسر:- ههه لا غير رتاح عندي الماجيستير فهاد الخصوص
ابراهيم:- هههههههه ياك العفريت بتذاكر من ورانا
جواد(داخل فجأة سد الباب موراه):- ابراهيم أنا محتاجك تت.... ياسر.. شنو كدير هنا ؟
جواد(فات عليه ياسر وعيطلو قبل ميخرج):- ياسر درت عقلك ولا باقي عايشلنا فجو المراهقين؟
ياسر(دار بعصبية مكتومة شاف فيه):- باش متوجعش راسك نصيحة متخليش خيالك يمشي بعيد أنا اللي قلتلو مغاديش نولي فيه ولو على حساب معرفت أشنو
جواد(منرفز وكيغلي من رد ياسر):- يعني مصر على هبالك وخا وخا دير اللي عجبك دبا نشوفو فالأخير علامن غادي طيح الموس
ياسر(دار نضاضرو بابتسامة):- سلامات يا ..... صاحبي
خرج وقفل الباب موراه بجهد ومشا جواد كي البحر الهايج عند ابراهيم
جواد:- شرحلي دبا شنو كان يدير هنا عندك وكيفاش سمحتلو يجي للمكتب واش عداك مبقيتش تانتا تميز بين الصح والغلط؟؟؟؟
ابراهيم:- بشوية عليك أجواد وياسر مغلطش أنا اللي طلبت منو يجي لعندي غي بغيت نستاشرو فشي أمور مكان علاش تكبر المسألة وهانتا تشوف دخل وخرج وما أحلاه
جواد(كلس بتعب على الكرسي):- أفففف أنا وضعكم مبقاش عاجبني غير الله يستر من اللي جاي وصافي طلبلي قهوة قاسحة نريح بيها أعصابي
ابراهيم:- هي اللولا مي تهدن و حاول تحط راسك بلاصتو لو كنت مكانو كنت غادير نفس الشي معا البنت اللي كتبغيها
جواد:- لا متقارنيش بيه لو سمحت أنا عندي مخ نفكر بيه
ابراهيم:- ههههه واه واه تبارك الله باينة عليك
جواد:- شنو كتقصد أسي ابراهيم؟
ابراهيم:- مقصدنا والو هانا نطلب لخويا حبيبي كاس قهوة يروق بيها دماغو هههه قال مخ قال
جواد اكتفى بشوفة خطيرة فيه باش يجمع راسو وخا كان ميت بضحك عليه
وصلت سيارة جعفر وجميلة عند بوابة قصر كبييير عامر بالحراس فتحولهم البوابة الحديدية ودخلو بالسيارة تاوصلو لباب القصر ونزلو ، جميلة ارتبكت قدام الباب بتلعت ريقها وشافت فجعفر اللي غمض عينيه وفتحهم باش تطمن
دخلو لقاعة وسط القصر الفخم وخداتهم الخدامة للصالون يكلسو
الخدامة:-دقائق نعطي للبوس خبر
جميلة:- جعفر راني نرجف أفففف
جعفر:- جميلة جميلة متبينلوش خوفك وإلا غادي يستغلو كوني قوية من أجل ناديا
البوس:-ترجع فورا لهنا بقائها تما مغادي يسبب إلا أضرار والولد الصايع اللي لحقها للمغرب بغيتو يجيني هنا لمكتبي تعدى حدودو بزااااف ونتوما فاشلين معرفتوش توقفوه عند حدو
هاد الولد موتو غايكون على يديا إلى متعدلش
جعفر:- سيدنا إلى سمحت الولد خدمتو ذهب وإلى خسرناه فهاد الوقت غايكون خسارة كبيرة لينا نطولو بالنا عليه وكلشي بالحيلة كيتمشى
البوس:- أنا معنديش الوقت للخزعبلات ديالك أجعفر باغي كل الأمور تولي كيف كانت من قبل
وليد غلط مين خلاها تسافر بوحدها وعطيتو أمر باش يلحق بيها فظرف أيام ويكملو الخدمة المطلوبة تما خصنا نسرعو البوليس حالين عينيهم و أي خطأ ممحسوبش غايطيحنا فشبكتهم
جعفر:- ميكون غي اللي تشوفو أسيدنا
البوس:- تفضل أجعفر يمكنلك تخرج
جعفر ناض متردد مباغيش يخلي جميلة بوحدها معاه مي ضروري مينفذ الأمر شاف فيها بسرعة وهي بدات تترعد وترجف خرج جعفر وسد موراه الباب وهنا ناض البوس من مكتبو وجا مور جميلة مباشرة ولعب فشعرها المتدلي وهي غمضت عينيها كترجف وهو بعد عليها شوية كيشوف من النافذة
البوس:-أنا عارف كلشي اللي كديريه أجميلة واللي كتحاولي توصليلو كيجيني تقرير بالنفس اللي كتتنفسيه لذلك تكمشي عند حدك باش متوصلكش ناري
جميلة(استجمعت قواها ووقفت موراه شوية):-أنا مكنحاول ندير والو من غير أنني نحميها
تقضي عليهم هادا إلى بغيتي متعرضيهاش للخطر وبالنسبة ليها إلى مبقاتش معانا فالخط ومقبلتش تصرف كيف بغينها مصيرها غايكون كي دوك اللي كتقرايلهم الفاتحة كل جمعة
جميلة(بدموع):- ديما قلبك قاسي ومعمرك تبدل مكفاكش 23 عام حرمتني منها شنو باغي منها تاني ياك جات خدمت معاك خليها تعيش حياتها كيف بغات
البوس:- كلامي منعاودلوش جوج مرات الولد اللي لحقها يرجع ويتفارقو وإلى مشا حتى وقع العكس واحد فيهم غادي يتصفى وكنضن كلامي واضح دبا ليك
جميلة:- نتا أناني ومكتفكرش إلا فمصلحتك حس شوية حس بيها فنظرك ميكفيش 23 عام وهي عايشة يتيمة آآآه ميكفيكش أنها تكون قدامي ونقسح قلبي وتعاملي معاها فقط باش متحسش بيا ونشوه صورتي باش تكرهني وتزيد تكرهني ... أنا عارفة هادا مبغيت طول عمرك ونتا كتعاقبني تعاقبني وباش ببنتي أ..
هزت صاكها وشافت فيه بكره وخرجت لتخت موراها الباب لقات جعفر كيتسناها شافها منهارة كتترعد وتبكي مبغاش يزيد يضغط عليها كروشاها وخرج بيها من داك المكان
أما البوس كلس بتعب على مكتبو وجبد مفتاح من جيبو فتح الدرج وجبد تصويرة قديمة مقطعة وملصقة بالسكوتش كان التصويرة لجميلة هازا فيدها بيبي وجنبها راجل واقف محيد وجهو من الصورة بقا متمعن فيها لوقت طويل حتى غرق مجددا في بحر الذكريات اللي فاتت...
السارقة الجزء 34
محتوى القصة
التنقل بين الأجزاء