عزيزة:- يا لطيف منكم مكتساليوش هانا خارجة وغانصيفطلكم البنات باش تدخلو مريم للصالة عند الناس وسربيو راسكم وبلا تنهنيه
مريم كانت لابسة كسوة خضرة مطرزة بالذهبي كسوة ديال الحنة وكانت دايرة ماكياج ثقيل من النوع اللي جا معاها ودارت مشطة فوق منها تاج ذهبي وبلغة بيضة مطرزة بالذهبي حتى هيا جات رائعة الجمال وابتسامتها الخجولة مفارقتهاش أما ندوش فلبست قفطان اللي ختاراتو أزرق وفيه ورديات حومر وشعرها سرحاتو من جنب واحد وشداتو بمشط مرصع بالأحجار اللامعة فلون الفطان ودارات مايكاب مناسب ناسبها بزاف خرجت وهي شادة يد مريم والبنات موراهم كيصليو عالنبي ودخلوها للصالة والزغارت عمرت الدار كلسو مريم فبلاصتها اللي حضروها قبل وبداو الأهل كيسلمو عليها ويباركولها وبدات النقاشة خدمتها
عزيزة(قربت من ناديا):- تبارك الله عليك أبنتي جيتي النواور
ناديا:- أنا ديما منورة ولا عاد اليوم:(
عزيزة:- ههههه منورة يا نوراة الدار الله يفرحك كيما فرحتينا
ناديا:- هادا واجبي قدام ختي حبيبتي الله يفرحها
عزيزة :- أأأأأمين أبنيتي حقا بغيتك تشوفيلي ياسر أبنيتي باش يبقى فالباب يستقبل الدفوع مين يجيبوه
ناديا:- وخا أخالتي عزيزة تانا داكشي اللي كنت غاندير بعدا
عزيزة:- الله يرضي عليك أبنتي ويكمل كلشي بخير
ناديا:-غير هنيلي راسك مريم غاتكون بخير دبا تشوفي
عزيزة(بعينين أم سعيدة وهي كتشوف بنتها عروسة):- أمين أبنتي من فمك لربي هادا متمنيت من الدنيا غير نشوفها فرحانة فحياتها حتى نتي الله يجيبلك السعد الزين
ناديا(حشمانة):- امممم صاافي وقيلة بانتلكم فيا تهنيتو من مريم غاتشدوني نمشي نقلب على ياسر أحسنلي هههههههه
عزيزة:- ههههه سيري ألعفريتة سيري
ناديا وهي فطريقها للباب دياب الزنقة تقلب على ياسر كيقاتلها عزيزة كانت كتفكر فردة فعلو مين يشوفها بقفطان مغربي وبشكل مختلف خصوصا أنهم ماللي وصلهم صباح للصالون مشافهمش ولا حتى مين رجعو لأنه كان كيلبس لعيسى كسوتو وتلاها بيه بقات كتفكر فحجم شوقها ليه ولهفتها لعيونو لما يشوفها فجأة دخلت فيه خارج من بيت عيسى اللي كانت قدام الباب تقريبا
ياسر(قرب منها ودار يدو على عنقها):- حيت حبيبتي وباغيها ليا ومكنقدرش نقاومها
ناديا(بضعف):- ياااسر .. أيااااس......
مخلاهاش تكمل جملتها حتى غرقو فقبلة نساتهم حتى فين كاينين
حلت ناديا عينيها العامرين بالحب والهيام وشافت بخجل فياسر اللي عض على شنايفو بدون تصديق وكان فرحان بحبيبتو فوق الخيال هزها بين يديه وبقا يدور بيها فديك الغرفة كانت لحظات مكتتعداش الثواني مي بالنسبة ليهم كانت ساعات طويلة عاشوها فجو مشحون بالحب
وقفها وقربها منو
ناديا(وهي فحضن ياسر):- كتبغيني ؟
ياسر(بدلال):- امممم شوية وصافي
ناديا(بدلع):- صافي غير شوية
ياسر:- هههه كنموت عليك ونتي بهاد الحالة يا الحمقة أنا مكانبغيكش أنا كنعشقك ومعنديش من غيرك حد نبغيه ونخاف عليه كوني أكيدة عمرني نفرط فيك وغانخليك أسعد وحدة فالدنيا
ناديا:-بصح بصح أ.... ويلي شنو هادا كتسمع ناري هادي الدقة و اللواطا كيزمرو جاو جاو يالاه نمشيو باش نستقبلوهم
ياسر:- أجي هنا بغيت بوستي ؟
ناديا:- يوووه ولايني معيق كبير آه
ياسر:- كيفي ندلل عليك كوني سريعة راه وصلو الناس وغايبقاو يقلبو علينا وتنوض بلبلة وووووو
ناديا:- صافي صافي فهمت فهمت غادي تحكيلي قصة حياتك مثلا هاك هابوسة(باستو بسرعة)
ليلى:- فهادي عندك الحق ويا ستي غدا نهار الحنة يشبع منها وتشبع منو مين يبرزو بجوجهم
ناديا(كتشوف فمريم وشادة ضحكة):- اممم وصافي راه البنت حشمت شوفي كيف كتتبسم ملتحت لتحت
مريم ملقات مدير استسلمت لضحكة غمراتها من كلام ومقدرتش تسكت قلبها اللي كينبض داخلها بإسم براهيم اللي ملك كل مافيها من مشاعر
ابراهيم(كيشوف فتلييفونو):- ناري ناري كيف جاااات لا خصني نمشي نشوفها دبا مقادرش نصبر أجواد
جواد:- لا والله إيلا خويت ومشاولك البالن واش عندك شي عقل عمرك شفت شي عريس كيحضر فنهار الدفوع ؟؟
ابراهيم:- ولكن منيش قادر نصبر روحي
جواد:- والله لوكان كلست معا ولادي وخا عصابة أرحملي ولا نكلس معا بز كبير دفوع عرسو هاد اليوم
ابراهيم:- كتضحك عليا ياك؟
جواد:- هههههه لا غير كنبكي
ابراهيم:- آآآآخ ولد الذين ياسر زايد وكيفرس فيا
جواد(ديرونجا من سمع بياسر):- علاش ... مالو؟
ابراهيم:- كيفرسني ويقولي هاني هنا كلشي تمام وداخل خارج فالدار بحالا مولاها افف غادي نشدو نجيفه على جنون اللي نوض فيا
جواد:- بركة غير قدرت نقنع ليلى كيتشوفو تميك عليه ودير روحها متعرفوش راه هلكاتني أسئلة علاش زوكيفاش بحرا باش قنعتها أنه من أجل الخدمة تدير عين ميكة ومع ذلك طلب زهرك راك عارف ختك والفضول وجهان لعملة واحدة
ابراهيم:- راني عارف غير الله يحضر السلامات معا هاد المجنون ياسر وفعايلو
------------------------
جواد:- هادشي والو دبا تشوف منبعد شنو غايوقع
ابراهيم:- شنو كتقصد؟
جواد:- مكنقصد والو اليوم راك عريس فحيد هاد الأفكار من بالك وعيش اللحظة
ابراهيم:- عيش اللحظة هههه مالك محسسني بحالا راني داخل فشي كومبا
جواد:- الحق يقال بحال داكشي
ابراهيم:- الله أكبر
جواد:- هههههه ناري عليك هادا هو البوليسي المغوار ديالنا خايف من زواج
ابراهيم:- ونتا كتيبس القلب الله يستر نوض نوض بعدني خليني فرحان نشوف فحبيبة قلبي وغزالتي ناري ناري على لخضر كي واتاها
جواد:- هههههههههههه الله يشوف من حالك أخويا
طبعا شكون فينا مكيعشقش أجواء العرس من بدايتها حتى لنهايتها وخا معظمها كيكون تمارة وشغل وعذاب وتعب مي برغم ذلك الفرحة كتنسينا فكلشي ،أول يوم فات راااائع بكل المقاييس مشاو الناس المعروضين وأهل العريس وخداو مريم ترتاح فبيتها مبعد مجابولها تعتق يعني تاكل محيت حنا المغاربة فينا ديوفو كنفكرو فماكلة الناس ونساو العروسة اللي عليها الأساس
مريم:- مي خرجت فيك أي حاجة كنديرها تكولك ديريها موراها
ناديا:- بحال البارح نهار حمام العروسة كتكولك لا غسلي معاها ياودي الله يهديك أخالتي عزيزة أما الطيابات شفتيهم كي لصقوني كاتلك وحدة نديك لولدي
مريم:- أغي سكتي هبلتني بضحككك هاديك ناري داكشي كيقر فيساع فيساع لا صافي مغاديش طولي من مورايا باين الجواب
ناديا:- تانتي بحال مك ونوض أنا منا باش تنعسي ويلا بغيتي شي حاجة عيطي غانكون فالبيت اللي حداك
مريم:- وخا أحبيبتي تصبحي على خير
ناديا:- بون نوي يا أحلى عروسة
باستها وطفات الضو وخرجت كانت لابسة لباس وردي ناصع بلا يدين وفوق منو بينوار بيض ومربوط بوردة مجيت الصدر وشعرها طلعاتو لفوق بعشوائية وشداتو بمساك صغير نزلت لتحت ولقات عزيزة مشات فسابع نومة ملعيا مسكينة نهار كامل وهي واقفة وعيسى حتى هوا لقاتو دخل فدنيا أخرى دخلت للكوزينة وجبدت عصير وكيت كات غير شافتها تفكرت مغامرتها معا ياسر مين كانو فالخاريج ونهار حمقت البوليسي بكيت كات ابتسمت وهزتها وطلعت لفوق لبيت ياسر دقت الباب مردش توقعت أنه ناعس وجات غادية وهي دورلها فالمخ وفتحت الباب شعلت الضو لكن ملقاتوش فالبيت اختفت ابتسامتها وحست بالقلق قلبت عليه فكاع البيوت لوخرا بلاما تحسس مالين الدار ومشات للباب ديال الزنقة لقاتو ممسدوش وهزت تليفونها تعيطلو مكايجاوبش زاد القلق والتوتر بشكل كبير ومعرفتش شنو دير ولا فين هو
ناديا:- أففف فين غايكون مشا هادا فهاد الليل فين غير دبا وهوو فالدار ومكاليش حتى ياربي شنو ندير شنو ؟؟
جا فراسها تساؤلات كبيرة ودخلت لبيتو وبقات كطل من البالكون على برا كتستناه لربما بانلها جاي أما هوا الله وحده يكون عارف فين كاين بقات كتستتنا فداك البالكون ومبانلو حتى أثر وغاصت فبحر أفكارهاا وتفكرت نهار للي جا فيه ياسر لدارها ابتسمت بحيرة وقلق واللي زاد من خوفها الإتصال للي جاه من يومين بالضبط نهار اللي هربت عليه هي و مريم
~قبل يومين~
ناديا:- اممممم بلاصة المنصة هو هاداك غير شنو هو غاتزيدلي إضاءة عليها وتحيد اللون الأحمر مجايش بالنسبة للورد اللي غاتحطوه فوق الطوابل خليه بيض وحمر معاجبنيش الوردي الديدجي مكانو غيرو عفاك وجيبو أونفاص للمنصة ومابين الإتنين غاتكون ساحة الرقص وياريت تهتمولي بالإضاءة والألوان الله يخليك بالنسبة للعاملين على خدمة العرس والماكلة ليتريتور عفاك باغية تنظيم على أعلى مستوى ومباغياش تخاذل فتقديم الخدمة ديالهم حنا دافعين فلوس هنا باش الكل يكون هو هاداك
مول القاعة:- كوني هانية أآنسة أكيد غانكونو فالمستوى كل الأمور هي هاديك وتم الإتفاق معا الدقايقية وعيساوة وحتى الفولكور الشعبي الخاص بالجهة ديالنا العرفة والشيووخ باش يقدمو لوحة آه والدبكة اللبنانة غاتكون ضمن محطاتنا
ناديا:- مزيان باقي غير النكافة وهادي غايكون لينا معاها اتصال مباشر
مريم:- باقي لموني خصنا نشوفو الأطباق اللي غاتتقدم
مول القاعة:- اللي بغيتيها موجودة بطبيعة الحال اللي غايدخل للقاعة غانستقبلوه بالحليب والتمر وقطعة شوكولا روشيه كيما بغيتي والطبق الأولي كاين مقبلات عبارة عن ميلفاي وعصير مبعدها كيجي العشا اللي غايكون حسب اختياركم وموراه غانفرقو حريرة و كرويش وبيتزات صغار ولي شوصون شوية موراه وغانقدمو لاتاي وباقي الحلويات وفالأخير كاين لاطارط ومعاها غانقدمو عصير فريش وتوزع العروسة آخر شيء من شجرة الحلوى اللي غاتختارها كيف بغات وهدايا للمعروضين عبارة على مجسم صغير يجي ديكور فالمنزل وهذا تصمم حسب اختيار العروس وجاهز للموعد
ناديا:- امممم كلشي مناسب باقيلنا غير العشا شنو بانلك أمريم؟
مريم:- معرفتش شوفي نتي
ناديا:- مثلا فالعشا اللول بصطيلة متنوعة دجاج وحوت وموراها شوا يعني نصف كبش فكل طابلة والسلايط بايننين بلاما ندققو فيهم أما الديسير بغيتو يكون شامل نوعا ما حسب فاكهة الموسم ويتقدم من مور الديسير كلاصيي دائريرة فكل طابلة
مول القاعة:- سجلت أولدي كاع الملاحظات ياك؟
واحد الخدام كان كيتكتب ملاحظات ناديا:- وي الشاف
ناديا:- بخصوص الموسيقى مبغيتش ناس توقف من شطيح وهادا راجع ليكم وللديدجي والجوق يديرو بيناتهم تنسيق وضروري متنوض العروسة والعريس يدونصيو وغاتكون هادي آخر محطة فاش تتحط لاطارت ويكون الخير إن شاء لله باغياها ليلة متكونش ناقصة من أي حاجة وبحلاوتك أكيد
مول القاعة:- سعادتنا لسعادتكم ولا عليك كلشي اللي طلبيته غايكون كامل مكمول وحتى نقدرو نفاجئوك بشحال من حاجة
ناديا:- كنتمنى يكون داكشي هو هاداك آه نسيت أهم حاجة بالنسبة لشاشات إلصيدي اللي فالقاعة حسب مكنشوف كاينين غير 2 كبار إلى كان ممكن بغيت 4 خورين يعمرو القاعة ووحدة فالدخلة ديال الباب والكاميرا بغيت المتنقلة اللي كتكون كتحرك أتوماتيكيا إضافة للكاميرامان اليدوي والمصور باغية جوج مصورين ومبغيتش لقطة من العرس متتصورش ومنوصيكش على الزواق والبساط الأحمر اللي غايمتد ماللي توقف سيارة العرسان
مول القاعة:- شنو بغيتي يكون فاستقبالهم الدقايقية ولا عيساوة أو شنو؟
ناديا:- امممم بغيت يكون فانتظارهم استقبال ميري
مريم(حلت فيها عينيها):- ميري ؟؟
ناديا:- آه ميري
مول القاعة:- صراحة طلباتك غريبة مي موجودة وممكنة صافي كوني على يقين كلو غايكون أحسن مما تتوقعين وبيناتنا اتصال
ناديا:- صافي اتفقنا نخليوك دبا ونهار العرس غانتصل بيك وإلى خصاتك أي حاجة رقمي معاك اتصل في أي وقت
مول القاعة:- أوكي الله يسخرلكم إن شاء الله
مريم(وهما خارجين):- استقبال ميري مالني خارجة من الجيش الوطني؟
ناديا:- ناري شحال فيك وكان غير راجلك ماشي بوليسي أون بليس راه هو اللي لفت انتباهي ليها غير كوني هانية
مريم:- أختي مين وليتو تافقو من مورايا نهني راسي علاش لا
ناديا:- ههههه ناري على ريحة الشياط كي طالعة منك كتخنق
مريم:- سكتي سكتي وزيدي قدامي نشوف
طاااااااااااف
ابراهيم:- بسم الله الرحمن الرحيم أمالك واش هبلت خلعتني ااصاحبي؟
ياسر(رما النضاضر والكاصكيطة على المكتب):- سكت أبراهيم سكت منيش نشوف قدامي اليوم تلعب بيا أصاحبي تلعب بيا آآآآآآخ بصح والله متبقاها فيها دبا تشوف
ابراهيم(ناض من مكتبو كلس قدامو بقلق):- أتا مالك داخل بعجاجتك غادي تهرسلي باب المكتب وشكون هي اللي كتحلف فيها حكيلي شنو واقع؟
ياسر:- ناديا أبراهيم ناديا اليوم ردتني أضحوكة بنت الذين يااااا باباها ونشدها أجي هنا بعدا مالك نازل فيا أسئلة نسيتني كاع علاش جيت بغيتك دبا تتصل بمريم تشوفلي فين راهم دبا دبا
ابراهيم:- وغير بشوية عليك وفهمني اللي وقع وانا نعاون خويا
ناديا:- مستر وليد مواقع والو مغير أن عائلتي عندها مناسبة حاليا لذلك وقتي كلو ليهم وأظن تافقنا أن أول أسبوع إجازة لي ومبعدو غايبدا الجد فمنيش عارفة علاش نتا مقلق مني ؟
وليد(مرتبك من سؤالها):- ك.. كعاملة عندي الواجب ديالي كيحتم عليا نعرف تحركاتك ونعرف أخبارك لأنك مهمة جدا بالنسبة ليا نتي اللي معول عليك فالخدمة ديالنا حاليا وأي ضرر يصيبك غايعطل مصالحي
ناديا(منرفزة):- كون هاني أمستر وليد تاحاجة مغادي تتعطل ومصالحك غاتمشي كيما باغيها ودبا سمحلي مضطرة نقفل فرصة سعيدة
وليد(بعصبية):- ونتي الأسعد سلام .. تيت تيت
جاد(كان حداه):- علاش كلمتها بهاد الطريقة؟
وليد:- معرفتش تانا .. مي نرفزتني بلا مبالاتها
جاد:- لامبالتها باش بالضبط ؟
وليد:- معرفتش ومدققش الله يخليك للي فيا يكفيني
جاد:- عموما هانتا طمنت عليها وعرفت أنها بخير وأنها مشغولة فعرس ديال ختها لذلك كيما قال البوس لا داعي للسفر حاليا باش منتيروش الشبهات علينا
وليد:-بففف متفكرنيش بالبوس مفهمتش علاش منعني نسافر أما كنت باغي نفاجئها ونشوف شنو كتخدم من مورايا
جاد:- البوس فاهم شنو كيدير لذلك معلينا إلا نفذو الأوامر ديالو
وليد:- معليش لاحقين على كلشي ودبا يبان المستور يلاه أنا خارج دبا عندي موعد معا سارة فلبارك
جاد:- معا سارة ولا معا هيلين ؟
وليد:- وقيلة تخالطولك السلوكا قتلك هيلين مبقاتش كتعنيلي تاحاجة مي مضطر نقابلها من أجل سارة وصافي
جاد:- اممم اممم فهمتك وا بوسهالي معااااك
وليد(بدعابة):-شكون فيهم سارة ولا هيلين ؟
جاد:- هههههههههه اللي عجبك
وليد:- مجنون بااااي
مريم:- مال وجهك تلون شكون اللي اتصل بيك؟
ناديا:- غير مالين الخدمة وصافي متديش فبالك أجي ناخذو شي عصير فريش آخر حاسة روحي تخنقت
مريم:- وي اللي بغيتي
ناديا:- إي خويا عفاك واحد جوج عصير فريش بحال اللول
النادل:- وخا أختي دقيقة يكون عندك
مريم:- متأكدة أنك مزيانة؟
ناديا(تنهدت بتعب):- غانمشي للحمام ونرجع أوك
مريم(مفهمتهاش):- وخا وخا تت
ناضت ناديا للدوش ديال الكافي ووقفت تشوف فراسها بحزن بغات تتهنى من كابوس وليد وكاع اللي عاشتو فالخاريج بغات تبدا صفحة جديدة معا ياسر ويبعدو على كاع هاد التخربيق مي متقدرش حاليا حست روحها مقيدة ومربوطة بيهم حتى لو رغما عنها ، غسلت يديها وعدلت زينتها وخرجت تفاجئت بياسر كالس بلاصتها وداير رجل على رجل كيستناها شافت فمريم اللي شيرتلها بعلامة تعجب مرتبكتش وكملت طريقها وكلست
ياسر:- هي أنا دبا مضيق عليك ياكي امممم مكنتش حاسب الأمور هاكدة خذي راحتك من دبا مغاديش نزعجك وغانكمل العرس كيف واعدت جدي عيسى وخالتي عزيزة ومبعدها مغاديش تشوفيني سلام
ناديا(شداتو من يدو مين وقف):- مقصدتش نجرحك بكلامي بغيت غير نوصلك فكرت...
ياسر(رد على تليفونو اللي صونا):- وي .. أنا هو .. شكون معايا.. شكون نتا اللي كتهدر..
ناديا:- كيفاش منهتمش ياكما هادو من لهيه وتبعونا لهنا ؟
ياسر(شرد ففكرتها ومبغاش يقلقها):- لا أحبيبتي ماشي ملهيه نوضي نمشيو من هاد المكان
ناديا:- وخا أحبيبي مي بغيت نعتذر منك تسرعت فكلامي
ياسر:- عارفك مجنونة مانديرش عليك
ناديا:- هادا مقدرك الله تكولي ونعم الكلام
ياسر:- هههه حمقة ديالي
خرجو وهما شادين يدين بعضياتهم بحب ومريم حلت فمها وقالت:- الله يستر الله يستر غي دبا خليتهم مشادين شوية وغادي يتقاتلو ودبا شوفهم سمن على عسل وماللول يديروها وهما قالبيلي راسي تتتت لا مشيت نهبل معا هاد الجوج باينة باينة ..
ركبو فاللوطو وياسر بقا يصوك
مريم:- شفتكم تصالحتووو؟
ناديا(بنظرة حب فياسر):- طبعا أنا وياسر منقدروش نبعدو على بعضياتنا ونبقاو مخاصمين
ياسر(بنفس نظرة ناديا):- طبعا أحبيبة ديالي
مريم(مصدومة فيهم بجوج):- والله يخليكم ديما هاكدة
بعد مرور 3 دقائق
ياسر(كيصوك بغضب):- لالالا مسكينة بغيتيني نسمحلك فالإهانة اللي هنتيني متصوريش منظري كيف كان وانا هاز الآيسكريم وفالتالي تلعبيهالي وتهربي عليا
ناديا:- تستاهل نتا اللي لاحقني فين ما مشيت
ياسر:- نعلي الشيطان أناديا ولا والله تانديرلك حظر تجول متخرجي متعتبي باب الدار
ناديا:- مسكككييين علاش راجلي ولا والي عليا أسمع راه داكشي اللي فبالك لا يمكن يصير
مريم فخاطرها:- ويستمر الصراع بخخخخ قالك ميقدروش يبقاو مخاصمين راه العكس كيبالي ميقدروش يبقاو مصالحين كالاك :((((
فديك الليلة الجميع على طاولة العشاء
عيسى:- آه أولدي ياسر عندك الحق ضروري ماغدا نرتاحو فيه باش نقدرو نوقفو فالعرس
ناديا:- أشمن راحة يا جدي راه اللي باقيلنا أكثر ماللي درناه
عزيزة:- واه أعيسى غير خلينا ساكتين
ناديا:- ناري راه غدا أكثر من ليوم خصنا نمشي للصالون باش نبداو فالتجهيزات وضروري منفوتو عند النقاشة أما خالتي عزيزة فغادي تمشي عند السخارة اللي غاطيب هنا نهار الحنة ومولات الكاطو كذلك يعني بكرة يوم ملوش زي
ناديا:- اففف ودبا نتي تشكي عليا وتجي فيا يانا ماشي هادي أول مرة لذلك بعيد البلا مقلتش باش استقرت أوضاعي ونتي كتخوفيني وزايدون هاد الإنقباض كيجي لأي عروسة يعني عادي جدا
ياسر:- أنا غادي فين مامشيتي لذلك غير حركي اللوطو من هنا
ناديا:- تتت أستغفر الله
صاكت اللوطو وهي فقمة غضبها وحاسة بالخنقة معرفتش علاش ياسر كان فاهها مي مبغاش يضغط عليها أكثر خلاها على راحتها وصلت للكورنيش مجيت لبحر ونزلت بلاما تكول لياسر تاكلمة وقف هو اللوطو وسدها وخرج وقف قدامها هي كانت غارقة فحزن كتشوف فالبحر وتشكيلو وهو كان مقابلها كيشوف فهاد الحزن اللي فخاطرها وعينيها الدامعين مقدرش يتحمل سحرهم وخا وهما فحالة وجع
ياسر(بعد مدة صمت):-ناديا مالكي ........ ناديااا..؟
ناديا(انتبهتلو):- امممم شنو أياسر؟
ياسر:- باغي نعرف مالكي؟
ناديا:- ممالني والو غير راني مصدعة شوية وصافي
ياسر(قرب منها بلطف وشدلها يدها):- راكي باردة تتتت سناي
حيد تريكو اللي كان دايرو فوق لقمجة ودارو على كتافها وهي لا حياة لمن تنادي كانت غايبة تقريبا عن الوعي
ياسر:- دبا قولي لحبيبك مالكي وعلاش راكي مخنوقة؟
ناديا:- ياسر أنا عييت بزاف وبغيت نستقر فحياتي معاك ونعيشو فراحتنا هما مغاديش يخليونا فحالنا مغاديش يخليونا فحالنا أنا عارفة
انفجرت بالبكاء وياسر بقات فيه بزاف وخداها فحضنو وبقا كيمسحلها على شعرها باش تسكت
ياسر:- ناديا راه تاحاجة مغاتفرقنا أنا وياك كوني أكيدة
ناديا(شافت فيه ببراءة):- هادشي غير كلام باش تسكتني وصافي راني عارفة
ياسر(لمس وجهها ومسح دمعها):- لا أحبيبتي هادشي ماشي كلام وانا نواعدك تاحاجة مغادي توقف فطريق سعادتنا لذلك خلينا نتزوجو فأسرع وقت ممكن وبهاد الطريقة تاشي حد معندو عندو حق يدخل فينا
ناديا:- كينديرو نتزوجو أياسر وعقدي معا وليد .. وجميلة وجعفر نسيتهم تتتت راه إلى عرفو غايقتلونا بلا رحمة ولا شفقة
ياسر:- نخليوه سري بينا حنا وعائلتك فقط أنا باغيك تكوني ليا وبصراحة جدك أنا فاتحتو فالموضوع وهو موافق وبشكل متصوريش
ناديا:- أشنوووو؟؟ هدرت معا جدي عيسى ناري على مجنون
ياسر:- وقلت نضرب الحديد محدو سخون
ناديا:- هادشي والله إإيلا جنون أصلا الفكرة مستحيلة شوف أياسر خلينا نكملو معاهم ونشوفو فين غايوصلونا
ياسر:- حنا مكملين معاهم مي فلحظة يتماداو فيها غانخبر الكل أنك مراتي على سنة الله ورسولو وعندي الحق فأي حاجة تتعلق بيك
ناديا:- راني خايفة أياسر مباغياش تاشي حاجة تحرمني منك منقدرش نتحمل والله
ياسر:- ياعمري تتت عرفتي شنو أجي نمشيو لدارنا ونكملو تما هدرتنا هنا الجو بدا يبرد ونتي ملابساش مزيان راه مخصكش تمرضي خصوصا فهاد الفترة
وبقات تدور فالدار نتبهت لواحد المكتبة قديمة ومشات تتفحص فيها وجبدت كتاب قديم تما وحلاتو ولقات فيه تصويرة لثلات أولاد صغار كيلعبو الكرة ورجحت أن واحد منهم هو ياسر خداتها ومشات عندو للكوزينة
ناديا:- بيبي شكون هادو اللي فالصورة؟
ياسر(تصدم وتلعثم مي ضبط راسو):- هاديك صورتي أنا وصحابي كنا فالإبتدائي صورة قديمة بزاف فين لقيتيها؟
ناديا:- فواحد الكتاب من الكتب اللي فديك الفيترينة
ياسر(خدا الصورة منها ومشا ردها بلاصتها وولا عندها):- امممم ريحة الكاكاو كتشهي لا؟
كانت وقيتة رائعة ليهم بجوج شحال ضحكو فيها على بعضياتهم وعلى أحداث داك اليوم ومين هربت وخلاتو كانت ناعسة على رجلو وهو كيلعب فشعرها وكيهدرو حتى داتها عينها بلاما تحس هزها ياسر بهدووء وخداها لبيتو ونعسها فبلاصتها اللي نعست فيها أول مرة حيدلها الكعب ديالها وغطاها وخرج للبيت ديال البيانو وبقا يعزف أغنية كلها مشاعر فياضة
صيفط مساج لمريم باللي ناديا نعست وتالغدا صباح ويرجعو ويلا سولو مالين الدار تقولهم فاقو بكري تجنبا لأي حرج ردت عليه بأوكي وغرقت تاهيا فبحر الأحلام ديالها
دخل لبيتو وشاف منظر ناديا كيضحك وهي ناعسة بتعب واضح عليها ونعس حداها وشد يدها كان إحساسو بوجودها حداه كبير وعظيم بزاف
ياسر:- منسيتش مي اليوم مختلف غانفطرو أول فطور لينا فالمغرب
ناديا:- إلى هاكدة وانشوف حداكة يديك بعدا وموراها نفكر
ياسر:- سيري خوذي دوش وغاتاكلي أطيب فطور على وجه الأرض
ناديا:- الله الله الناس تايقين فراسهم
ياسر:- حتشوفي يختي حتشوفي
خدات دوشها الصباحي وكانت سعيدة بزاف لأنه وقعت أمور كتيرة خلاتها تكون فرحانة باللي كيوقع معاها خرجت وهي لافة على راسها فوطة ياسر ونشفت شعرها غير بالفوطة ومشات عندو لكوزينة هاكدك
ناديا:- لا خاصني نجيب شي حوايج نسائية هنا أووو مكاين تاحاجة أنثوية عندك
دارو داك الورد فالفاز وكلسو يفطرو وكان فعلا مثل ما قال فطور مكاينش بحالو وناديا كلات بشهية وخا مكتفطرش فالصباح مي داك اليوم كان سبيسيال كيما قال ياسر مختلف وفيه كلشي زوين
كملو فطورهم فداك الجو الرومانسي وهما شد فيا نشد فيك ومرة مرة الحب كيغطي على كلشي
خرجو ومشا ياسر وصل ناديا لعند النكافة خلالها اللوطو باش تتحرك وهو مشا لبلاصة الكوستيمات باش ياخذ شي واحد واتفق معا ناديا يتواصلو بار وات ساب ويوريها لي كوستيم وكيجاوه وتعطيه رأيها من على بعد
شتو التكلونوجيا شحال كتنفع ههههههه :)
وصلت لعند مريم اللي كانت على نار كتستنا فيها
مريم:- ما بدري ياختي
ناديا:- أحم بدري من عمرك يا عنيا
مريم:- كتضحكي ؟؟؟
ناديا:- خليني غير نشرحلك للول وعاد ظلميني براحتك
مريم(كتعد فصبااعها):- بايتة فالزناقي ومعا شاب أعزب هاللولا الزاوجة نصوني مكاتجاوبيش الثالثة صابحة ناعسة تكولي دار باك واخذالي راحتك على الأخير الرابعة جاياني روطار ونتي عارفة اليوم شحال عامر يعني الدقيقة فيه كضيع كيتأجلو المواعيد معا الناس وكترتي كترتي يا ختي كتتتتتتترتي بالبيان كاع
ناديا:- واه عندك الحق مي متقلقيش راه كلشي غايتقاد اليوم كيف متافقين عليه
مريم:- امممم اللهم طولك ياروح عرفتي وكان مكانوش الأعصاب ممزيانينش للعروسة وكيرهقو بشرتها وكان مرشتك على الجنون اللي نوضتي فيا
ناديا:- مبزاف موالو تاحاجة متغلا عليك شفت أونصومبل داك النهار فالكاتالوك وطلبتو وغايوجد نهار العرس إن شاء الله باش تلبسيهم بالهنا
مريم(عنقتتها بحب):- يخليك ليا أحبيبتي كيفرحتيني
ناديا:- وصافي غاتخلينا نبكيو وحنا باقي مبدينا والو هههههه
النكافة:- الله يدوم محبتكم
ناديا:- آه تفكرت بخصوص النكافات اللي غايرافقوها بغيت 3 ديال النكافات وياريت يكونو شوية صغارات ويجيو هنا ديريكت للقاعة ومعاهم لكساوي واتمنى يجيو أبكر باش يوجدو فالبيت اللبسات كل وحدة على جنب ويكونو لابسين قفاطن موحدة
النكافة:- موجود كاع اللي بغيتي ميكون غي خاطرك إلى كان هادا كلو فراه كتبتهم ويارب كلو يكون تمام
ناديا:- على بركة الله ومتنسايش تشرفينا نهار التقصيرة فالقاعة مرحبا بيك وسهلا
النكافة:- ربي يخليك الضرافات
مريم:- شكرا بزاف خلينالك الراحة
ناديا:- الله يعاونك
خرجو من تما وهما كلهم حماس ومشاو ديريكت للصالون اللي كانو كيستناوهم باش يبديو خدمتهم دخلو لجهة الستيتيسيان أول شي ودارو ماسكات لوجههم و عدلو شحال من حاجة موراها دارو مساج وخرجو لعند الكوافير واحد بدا يخدم شعر مريم ولاخور ناديا مريم طلبت يقطعلها شوية من شعرها باش يجي معا المشطة اللي ختارتها ويديرلها شوية لون أحمر لشعرها الأسود يعطي انعكاس فقط محيت هي بيضة فغايزين بشرتها أكثر أما ناديا فدارت شعيرات فيهم ليميش يجيو ممزوجين معا شعرها القهوي ويعطي لمعان أكبر وختارت قصة مختلفة لشعرها وهما كيعدلولها كانت كتهدر معا ياسر فالوات ساب اللي كان كيبدل فالكوستيمات وهي معجبها تاواحد فيهم وصونالها بار سكايب
ياسر:- دبا نتي هبلتيني معجبك تا طقم وزايداها بالفهامات راه سخفت بكلع حط
ناديا:- وحبيبي تاحاجة معجبتني وتاحاجة مجات عليك
ياسر:- عرفتي شنو غانديرلك لاكام ونتي ختاري الكوسيتيم اللي جا على هواك أنا قابل بيه
ياسر:- عارف أختي مريم والله يجازيك بالخير مي خليو الراجل يفرح بعرسو ووعد إلى استمرت هاد الإزعاجات غانخبر البوليس بنفسي
ناديا:- دبا طمنتني اففف الله يبعد عليك ولاد لحرام
مريم:- أميييين ياربي
قلق ناديا مكانش أكبر من قلق ياسر خصوصا أنهم ضاعفوه هاد المرة بطريقة أشد ياسر مبغاش يبين تاحاجة للي معاه رجعو للدار تغداو وكملو شغلكم لداك اليوم صونات عزيزة لليلى وتافقو على الوقيتة اللي يجيبو فيها الدفوع وعلى الأمور اللازمة ودخل كل واحد لبيتو ينعس باش يبدي اليوم المنتظر اللي هو أول يوم من أيام العرس ، فداك الصباح فاقت مريم أول وحدة وخرجت للبالكون ديالها وبقات تتأمل فجمال الجو وفداك الهدوء بديك الحالة كانت كتودع أيام عزوبيتها معا عائلتها وتفتح باب آخر من حياتها اللي غادي تبني فيه أسرتها الجديدة عاهدت نفسها تعيش فحب ووئام وتعطي كل ماعندها من حنان باش تبني بشكل صحيح العائلة اللي كتحلم بيها من وهي صغيرة العائلة السليمة اللي مكتنتهيش نهايات مأساوية بحال يسمح الأب فعالزوجة والأولاد ويمشي يعيش حياتو ويخلي موراه ضحايا للمجتمع ممكن يخرجو سليمين أو ينحرفو بقا عند مريم تخوف من أن ابراهيم يجيه يوم ويسمح فيها كيما دار باها لكن حبو ليها طمنها بأنه غايكون معاها تحت أي ظرف من الظروف لأنه تاهوا حبها من أعماق أعماق قلبو والعلاقة اللي كتبنى على حب لا بد متسالي بشكل صحيح
مفاجأة لبنات كانت فالجردة الخلفية للمنزل كانت موجدة فيها ناديا زحلايقون يعني أرجوحة و كذلك ديك اللي كيطلعولها بالدروج وينزلو زالكين وديك اللي كينقزو فالهوا وبزاف الألعاب مكانتش تخطر على بال مريم أبدا تكون هادي هي المفاجئة نزلتها ناديا وهي مغمضة عينيها ومين قالت واحد جوج ثلاثة حلتلها عينيها باش تتفاجئ بجو طفولي البوابق الملونة طايرة فالسما وكذالك البواقات المائية معمرة الجو والموسيقى رتفعت فحين وصولها وجروها البنات باش يلعبو فالألعاب كانت عند ناديا ومريم هاد الحلم نهار يتزوجو يلعبو قبل مايدخلو دنيا الإرتباط وهاد احلم كان قديم فطفولتهم حلمو بيه ونساتو مريم وناديا عمرها منساتو ومين كان فقدرتها تحققو مترددتش وخلات مريم تعيش أحلى لحظات فحياتها داك الصباح
الضحكة مفارقتش ملامحهم وهما كيفطرو فطور الصباح وعزيزة كتصب لهم القهوة وكتضحك معاهم وعيسى وياسر نازلين انتقادات فناديا اللي كانت مطنشاهم بلعاني باش متشدش فياسر اللي كان كيقلب عليها بزز باش يعصبها محيت كتعجبو وهي ثائرة ومجنونة هههههه
فات داك الصباح هاكدة ومين سالاو الفطور توجهو لبنات كاملين للصالون باش يوجدو راسهم تما واستقبلوهم مالين الصالون بالحليب والتمر فرحا بالعروسة و بداو فتحضيرها دارولها المشطة اللي ختارت مالكاتالوك واللي تجي معا كسوة نقش الحنة هي والمايكاب في حين كانو البنات وعلى رأسهم ناديا كيتجهز بدورهم ناديا دارت غير مشطة بنوتية خفيفة خلات مطلوق ومشدود من واحد الجنب بمشط يجي معا تكشيطها ومين سالاو صونات لياسر اللي جا باللوطو كيزمر قدام الباب داير حالة ركبو معاه وتوجهو للدار هو طبعا محيدش عينيه من على حبيبتو وغزالتو ونوارة قلبو ناديا اللي انحرجت قدام البنات اللي معاهم وصلو ودخلوها بالزغارت ديريكت طلعوها لبيتها باش ترتاح
ناديا:- أففف مكيجاوبش فتيليفونو أكيد واقعالو شي حاجة منقدرش نبقى هاكدة غادي نخرج نقلب عليه
تقلقت ناديا على ياسر اللي مرجعش للدار والساعة كانت تقريبا شي 2 ديال الليل هزت سوارت لوطوها والدار وخرجت بلا متحسس مالين الدار ومشات ديريكت لدارو حلتها بالساروت اللي عطاهلها ياسر ودارلها نسخة عليه ودخلت قلبت عليه وسط الدار وفكاع البيوت لا أثر له
كلست على الكنبة بعجز وخوف وبقات تفكر حتى سمعت صوت سوارت فالباب فيساع طفات الضو وتخبات مور باب الكوزينة
ابتلعت ريقها وبقات تستنا شكون غادي يدخل وبقات تقلب على شي سكين باش تحمي بيه راسها محيت معارفاش شكون مقتحم الشقة هزت بشوية واحد سكين من حامل السكاكين اللي فوق البوطاجي وبقات كتشوف وتستنى شكون غايدخل من الباب لحظات طويلة ومرهقة فاتت عليها
تفتح الباب وهي مصدقتش راسها مالشي اللي شافتو شهقت وسدت فمها بيدها باش مديرش صوت وبداو الدموع ينزلو من عينيها...
شنو شافت وشنو وقع في الفصل 36 وعد مغاديش نتعطل فيه وعذرا منكم على التأخير اللي فات كانت ظروف رغما عني أعتذر أنني قلقتكم مني وخليتكم تستناوه مي الله غالب أتمنى تفهمكم
السارقة الجزء 35
محتوى القصة
التنقل بين الأجزاء