ابتلعت ريقها وبقات تستنا شكون غادي يدخل وبقات تقلب على شي سكين باش تحمي بيه راسها محيت معارفاش شكون مقتحم الشقة هزت بشوية واحد سكين من حامل السكاكين اللي فوق البوطاجي وبقات كتشوف وتستنى شكون غايدخل من الباب لحظات طويلة ومرهقة فاتت عليها
تفتح الباب وهي مصدقتش راسها مالشي اللي شافتو شهقت وسدت فمها بيدها باش مديرش صوت وبداو الدموع ينزلو من عينيها...
ناديا(رمات سكين على الأرض مخلوعة والدموع محبسوش معينيها):- هئءءء ياااااسر
ياسر كان منظرو يخوف مضروب والدمويات معمرين وجهو وبحرا باش فتح الباب مشات تجري عندو دفعت الباب بيدها وسنداتو تاكلس على الكنبة
ياسر(بتعب):- شنو كديري هنا بوحدك فالدار علاش جيتي علاش؟
ناديا:- تقلقت عليك و معرفت فين نلقاك وجيت نشوفك هنا مي حكيلي شنو وقع شنو اللي دارلك هاد الحالة؟؟ فين كنت ؟
ياسر(ريشلها بيدو باش تسكت):- ناديا جيبيلي نشرب و جيبي عدة الإسعافات معاك
ناديا(زعفت من كلامو وناضت بعينيها الدامعين):-امممم
ياسر بقا يتحرك بصعوبة باش يحيد القمجة اللي كانو أطرافها ممزقين جابتلو كاس ماء وعدة الإسعافات وعاوناتو بصمت باش يحيد القمجة وهو شاف فيها بتأثر كلست على الأرض باش تجي فمستواه وعطاتو يشرب وجبدت عدة الإسعافات وبقات تمسحلو الدم اللي على وجهو بكل هدوء وعينيها مغرغرين بالدموع وهو كان مستسلم ليها وساهي فملامحها الحزينة مقادرش ينطق حزن لأنه تسبب ببكاءها وخوفها عليه وزاد زعف عليها غمض عينيه بتعب وهي سالات دارت فاصمة حاجبو ومجيت فمو واحد الجرح رجعت كلشي لبلاصاتو ومشات تهز صاكها وساروتها باش تخرج بصمت مطبق
ياسر(متفاجئ):- ناديا ... فين غادية؟
ناديا:- طمنت عليك غادي نرجع للدار
ياسر:-ممكن تخليك معايا شوية ؟
ناديا:- منقدرش نبقى معا واحد كيخبي عليا أمورو وكأني وحدة غريبة ماشي حبيبتو ديزولي أنمشي
ياسر(تنهد بتعب):- أجي كلسي حدايا
ناديا(شافت فيه وحطت صاكها ورجعت كلست حداه):- أنا مطلبتش شي حاجة على فكرة بغيت غير نطمن عليك هادا مكان
ياسر(شدلها يدها بين يديه):- عارف وسمحيلي زعفت عليك
ناديا:- تتت حكيلي دبا شنو وقع وفين كنت؟
ياسر:- خرجت نجيب شي حوايج وهو شي حد ضربني بعصا لراسي فقدت الوعي محسيتش إلا وأنا فواحد الكاراج بقيت نسمع الهدرة بزاف مقدرتش نحدد شكون هما ولا علاش دارو هاكدة
غمضولي عينيا بكتانة كحلة وجابوني لهنا
ناديا:- ومشفت حتى واحد فيهم؟
ياسر:- لاء مشفتش ..
ناديا:- ولا عرفت علاش دارو هاكدة؟
ياسر:- لا معرفتش..
ناديا:- الموضوع فيه إن علاش ختاروك نتا بالذات عرفت لوكان خليتنا مشينا للبوليس ودرنا محضر حنا معارفينش شكون هما هادو ولا شنو بغاو منك مسرقو تاحاجة يعني مستقصدينك
ناديا:- إيوا غانصوني لجميلة أكيد هادو من لهيه خصنا نفهمو أياسر ولا يمكن نفوتوها بالساهل والله حتى ندمهم على هادشي اللي داروه
ياسر:- مكان لا جميلة لا والو عرفتي خصني غير نرتاح وغانصبح مزيان وهاد لجروح اللي فوجهي يامات ويمشيو غدا مغانجيش للدار تحججي بأي شيء وقولي بأنني مريض ولا شي حاجة ولا عندي خدمة وقولي باللي محتمل منحضرش لنهار العرس
ناديا(باستغراب):-لكن علالالاش؟
ياسر:- ديري اللي قتلك وصافي أنا غادي نتصل بيك ونطمنك عليا فكل وقت باش ترتاحي
ناديا:-ياسر
ياسر:- وي حبيبتي؟
ناديا:-نتا ممخبي عليا تاحاجة ياك؟
ياسر(شرد فعينيها الحيرانة):-لا لا أحبيبتي ممخبي عليك والو يستحسن ترجعي للدار دبا باش ميتقلقووش عليك
ياسر:- معارفش مي والله مغانفوتهالو أبراهيم وخا تلاقا السما معا الأرض
ابراهيم:- وشكون قالك باللي هو اللي دارها عندك شي دليل؟
ياسر(واقف معصب):- كيفاش دليل واش نتا حمق راها باينة كي الشمس هو مولاها وراني فاهم هاد اللعب الحقير كنا مشاركينو بجوجنا هادي شحال شكلو نسا باللي أنا مول هاد الأفكار
ابراهيم:- أفففف أنا منضنش توصل بيه لهاد الموصل آواه توصل بيه يعطي أوامر يضربوك
خرجت بلاما تفهم تصرفات عيسى ولا كلامو في حين هو حط الجورنال والنضاضر وحط راسو على الحيط ودموعو مقدرش يقاومهم وبقا يتفكر السيدة اللي جابتهالو باش يربيها مزال عاقل على شكلها لحد الآن وجعو قلبو بزاف ناديا ماشي حفيدتو ولا يعرف واليديها حتى كيف دايرين بصح مكانش قادر يجرح طفلة مزال معارفة والو كتشوف فيه بعينيها بريئتين شفاتو خذاها فحضنو واحتواها وعزم باش يربيها ويعلمها وتكونلو حفيدة يبغيها وتبغيه وهادا اللي كان دبا ولات روحو فيها وهي روحها فيه وميقدرش يصارحها بهادشي لاحقاش غادي غير تتأزم نفسيتها وماشي بعيد تكرهو وهو هادا ميقدرش يتحملو فقرر يلتزم الصمت حتى يدي مول الأمانة أمانتو وإلى عرفت مغاديش يكون باش يتعذب وغايخلي المسؤولية لياسر اللي بغا يخبرو بهاد السر وكل مايتعلق بيه فالقريب العاجل
ابراهيم(فالتيليفون):- العميرة ديالي لحبيبة وكان عرفتي شحال أنا فرحان باقي نهار واحد وتكوني بين يديا الزينة ديالي
مريم:- شششش كون تتحشم راه كنهدر معاك غير سرقة مخلاونيش نعيطلك
عزيزة(متأثرة وطاتلها على الجرح اللي دفناتو من سنين):- الله أعلم أبنتي بصح منضنش يكون نساك لاحقاش كان يبغيك واللي يبغي عمرو ماينسى وخا دير فيه الدنيا مادير
مريم:- تمنيت لوكان كان واقف معايا فعرسي وهو اللي يسلمني لراجلي
عزيزة:-بعد المرات المستحيل معمرو يكون ممكن دعي ربي يهديه ونتي الله يفرحك
أحداث اليوم فاتت سريعة ناديا وياسر مشاو لمحل ديال الموبيليا ختارو هدية للعرسان طبعا مخافيش عليكم شحال تشادو من مرة باش تافقو على الكادو اللي غايقدموه بجوجهم نهار يمشيو يزوروهم فدارهم ، سالاو شغلهم وموراها وصلاتو لدارو باش يرتاح وهي مشات لعند مريم فيقتها وتغداو خداو دوشات ومشاو للصالون باش يجهزو نفسهم لليلة الحنة اللي كانت رووووعة بزاااف بصح فرحة ناديا كانت ناقصة محيت حبيبها مكاينش معاهم ، لبست داك القفطان اللي ختاراتو الرمادي وفيه وريدات حومر ودارت مايكب دخاني جاها رائع وشعرها طلعاتو لفوق وشداتو بمساسك وخلات شي شعيرات طايرين جاها روعة بزاف أما عروستنا فلبست القفطان الوردي اللي ختاروه من عند النكافة بيه بالإكسسوارات ديالو ودارت مشطة خفيفة وفوق منها تاج مناسب للطقم ديال القفطان والبنات اللي معاهم تاهما كل وحدة شنو دارت ومشاو للدار دخلو بالصلاة والسلام والزغارت ووصلو مريم للصالة تكلس وسط الضيوف بيلاما جاو أهل العريس بالحنة
البلاصة اللي كانو جهزوها دار مريم باش يكون فيها الحفل كانت قدام باب الزنقة بناو خيمة نتاع العراسات ومونطاج فوسطها ومنصة وكراسة وطوابل للحضور باش يتعشاو ويكملو السهرة تما وجابو كذلك مول ديدجي يحيي ليلة الحنة .. الضيوف ديال عائلة عزيزة والجيران كاملين كانو كالسين تما وكيستناو موكب الحنة يوصل تسللت ناديا غير بشوية على الحضور ومشات تهرب دقائق عند حبيبها ولو عبر التليفون
ناديا:- ياسر راني كارهة نتا ماشي معايا منيش قادرة نفرح والله حاسة باللي شي حاجة ناقصاني
ياسر:- ياعمري راه مكرهتش نكون معاك مي ضروري منجيش اليوم أحبيبتي راه باقي عيان
بغيتيني نجي يبقاو يسولو فيا مالك مالك عالأقل غدا غانكون ريحت ونقدر نحضر
ناديا:- راحتك عندي أهم مي راني غير نشرحلك إحساسي اممم
طبعا جنون العاشقين إلى مكانش هاكدة كيف غادي يكون وراتو شنو لابسة وهو عقلو بغا يخرج محيت كان زوينة بزااااف ومين زعرة والقفطان رمادي غامق رد على بياضها وجاها واعر بيه بالمايكاب اللي دارت وغيرة ياسر كانت بلا حدووود لكن قدرت ناديا تهديه
موكب العريس وصل جاي بجلابتو البيضة فوق العود ومداورين بجنبو نسا العائلة وعلى رأسهم ليلى كانت لابسة دفينة فالذهبي وشال مذهب وكيلمع جات زاز بيها وكانت هي وعائلتهم هازين المكاب اللي فيهم جهاز العروسة والدقايقية كيحيحوها والضياف مستقبلينهم بالزغارت ومول الكاميرا شاد كاع هاد اللقطات وقفت ناديا وعزيزة فاستقبال الموكب دخلو العريس بالصلاة والسلام وصلوه لعند عروستو اللي كانت كالسة فالصالة سلم عليها فراسها وهو مرتبك وهي غارقة بالحشمة كتر منو كلس حداها شوية وخرجو لعند الضياف فالقاعة
اللي وجدوها ورا الدار في حين عائلة ابراهيم كانو كيوصلو المكاب لوسط الدار وبدا مول الديدجي خدمتو
ابراهيم(حشمان مالموقف وفرحان بحيبيتو):- مبروك علينا العمر ديالي جيتي واعرة تبارك الله عليك ناري مينش قادر نحيد عيني عليك
مريم(حشمانة وكتبتسم):- ههه ربي يخليك والله يبارك فيك أحبيبي
ابراهيم:-باقيلنا غير غدا وتكوني فداري راه كملت كاع الأثاث
مريم:-احم مزيان الله يكمل علينا بالخير
ابراهيم(بحماس):- أمين الغزالة ديالي أمين
ليلى:- ناديا هادي خت راجلي أسماء ... أسماء هادي ناديا خت مريم عروستنا
أسماء غي شافت ناديا كرهتها ومحملتهاش طلعت معاها واحد سخانة مهمتش علاش مي مبغاتش ناديا اللي تاهيا حست بشي حاجة غريبة تجاه أسماء مي مدققتش سلمت عليها عادي
أسماء(وجعها خاطرها وجاها تأنيب الضمير):- سمحلي أتوفيق مي ... راه شرحتلك موقفي ونهار جيت خطبتني قتلك أنا مباغياش كاع نتزوج ومحيدة الفكرة من راسي نهائيا
ديزولي خصني ندخل
توفيق بقا متبعها بعينيه بحسرة كيبغيها منهار شافها فالليسي وكانت عاد تقرا وهو حاضيها ومراقبها من بعيد حتى نهار اللي وقع اللي وقع مسمحش فيها بالعكس ساندها وبقا معتني بيها ولو من بعيد وبعادها عنو وعدم قبولها بيه مين جا يخطبها مبعد مترسم فالسربيس حتى هو زاد كرهو لياسر بل ضاعفو ومع الوقت كيخليه ميشوفش قدامو ويلا بانلو ماشي بعيد يهرسلو وجهو لأنه حارمو من أغلى إنسانة تعلق بيها قلبو
عزيزة:- أففف وشتي وكان حضر ياسر يوقف معا الرجال بعدا يالطيف معرفت مين جاه هاد الشغل وداه علينا
ناديا:- خالتي عزيزة العشا راه واجد وقيلة نكول لي تريتور يبديو يحطو الغسيل
عزيزة:- شفتك كتلفي الموضوع كلما جبدتلك ياسر شنو واقع وزايدون حوالك هاد ليام معاجبينيش
ناديا:- واشا درت يا خالتي عزيزة راه غي قتلك العشا واجد
عزيزة:- حممم قلبي حاسسني كاينة إن فالموضوع دبا يصبح ويفتح نوضي نقابلو الناس حشومة و نرحبو بيهم عاد نحطو العشا
أجواء الحنة معروفة مبعد مقدمو لي تريتور أطباق العشا اللي كانو ضوماناوهم معند السخارة قبل وكان العشا دجاج محمر وموراه لحم مرقة بالمشماش والبرقوق واللوز والشي لا خور باين بقاو يتعشاو على أنغام الطرب الأندلسي وكانت طابلة العروس والعريس كالسين فيها ناديا وعزيزة وعيسى وجواد وليلى وأسماء وفاطمة وكرسي كان خاوي نتاع ياسر خلاتو ناديا حداها
فاطمة:- وكان حيدتي داك الكرسي أبنتي باش ترتاحي فكلستك
ناديا:- لا معليهش راني مزيانة أنا بغيتو
عزيزة:- هاداك ديال ولد فاميلتنا راه عندو شي شغل اليوم مقدرش يجي بصح غدا يكون هنا ونعرفكم عليه
جواد(ابتلع ريقو):- غدا غايجي ؟
ناديا:- على حسب الظروف أخويا
فاطمة:- آه إن شاء الله
شافت فاطمة باستغراب فناديا اللي كانت سرحانة فكرسي ياسر اللي بقا خاوي وهي شاردة التفتت لمريم اللي بتاسمتلها ومسحت الأسى اللي تنرسم على وجهها مريم كانت تعيش أحلى لحظات حياتها بجنبها راجلها وحبيبها ابراهيم اللي كان طاير عقلو بيها وبجمالها ومكانش متيق روحو أنه فعلا حضا بيها وكانت من نصيبو ..
جواد(طاطا عند ابراهيم يهدر معاه):- الله يسخر
ابراهيم(كان مبتسم وحس بغصة فقلبو):- أمين
جواد:- ليلة روعة هادي متوقعناهاش هاكدة
ابراهيم:- فعلا مكنتش متوقع أن ياسر ميحضرش ليوم
جواد(كره):- ياسر عاوتاني ياك قلت ميقدرش يجي
ابراهيم:- محيت خداوه غدر مالوكان رجال وواجهوه بصح كان وسطنا دبا
جواد:- راك شايف أسماء والواليدة راهم معانا ايلا جا شنو غنقولهم خوه التوام ولا شنو ندير
ابراهيم:- دبر راسك هو متوقع يجي غدا إيلا سلكت اليوم شنو غايسلكك غدا والديب اللي ميطيحش فالحفرة جوج مرات
جواد:- شنو كتقصد؟
ابراهيم:- ولوو نتا سيد الفاهمين نوض نوض دربلك شي ركزة خلينا من شي حوار عقيم
ليلى:- أويلي ياكما سرقولو شي حاجة ولا دارولو شي ضربة واعرة؟؟
جواد:- هشش نقصي صوتك لالا مداولو والو غير شي رضوض وصافي عنداك تكوليها لشي حد أليلى راه خدمتنا كلها على المحك
ليلى(بنظرة شك):- جواد ياكما عندك يد فهادشي اللي وقع لياسر:؟
جواد:- الله ياربي كيفك كي خوك واش نتوما هوبالة هاداك راه صاحبي
ليلى:- وغير سولتك(بغضب كل واحد فين دار يشوف)
سالاو العشا ورجعو العرسان للمنصة ديالهم في حين بداو بنات وولاد العائلة كيعبرو على فرحتهم بالشطيح اللي كيتمشى فعروق كل واحد فينا :)
كانت الأجواء رائعة لناس ولبعض ناس كانت متوترة بحال أسماء منزلتش عينيها من على ناديا وكأن قلبها خبرها بأنها غاتكون عندها معاها شي حاجة .. وناديا مكانتش جايبة خبر لنظرات أسماء الجاحدة كانت كتبتسم وترحب بالناس وتقابل أوضاع العرس ومرة مرة تمشي عند جدها تعنقو وتكلس بجنبو حتى فاتت ليلة الحنة هاكدة روحو دار العريس وبداو لي تريتور والخدامة يجمعو داكشي اللي برا ومشاو يرتاحو كانت الساعة شي 2 ديال صباح مبعدها طلعت ناديا ومريم للبيت وعاونتها بتغيير ملابسها وحيدات معاها داك الجبل إكسسوار اللي كانت لابساه
ويستمر الحديث الليلي اللي مكانش بحالو فعلا نعست ناديا على صوت ياسر وخلات تليفونها مفتوح كيما طلب منها هو غير حس بيها نعست هز راسو ومشا للدار كانت شي 6 ديال صباح
فتح الباب بشوية وكان فيدو وردة حمرا تلاقا بواحد السيدة فمحطة الطاكسيات كالسة فالأرض كتبيعهم جاب عليها وحدة مبعد معطاها قيمة بوكيه كامل فرحها بيه على الصباح شحال زوين الخير عند المقدرة متبخلووش متعرفو كاع فاش يرجعلكم من بعد :)
نوليو للوردة قبل متقلقولي دخل كيتسحب باش ميفيقش مالين الدار ولقا عيسى كيقرا القرآن ومقدرش ميفوتش عندو دق الباب وبقا يستناه تاكمل شوية
ياسر(دفعها بيديه وكرازا يديها معا الناموسية):- شتتت متحركيش ناري على ملامحك شحال كيحمقو ونتي مخلوعة لالا خصني نولي رسام ونرسمك في كل حالااتك كتبهريني
ناديا:- ياسر حبيبي ياكما فيك السخانة مالك محسسني بحالي راني برنامج آراب كوت تالنت
ياسر:- لا معاك مواهبي كاع تفجرت منقدرش نسيطر على نفسي
ناديا:- أي يدي راك توجعني
ياسر مخلاهاش تزيد تنطق حرف نزل لمستوى عنقها وباسها بحنان وباسها فذقنها وصولا إلى شفتيها دار قبلة خفيفة قبل مايغرق ويغرقها معاه فقبلة عنيفة تفرغ كل أشواقهم لبعضياتهم
وهما في عالم آخر لا علاقة له بالوجود تدخل لالة مريامة عروستنا المصون وتخرب اللقطة
مريم فتحت الباب على مصراعيه دون استئذان ومين شافت اللي مينشاف ياسر فوق من ناديا كيبوسها الله أكبر مصدقتش وولات أدراجها كتوطى فجلالالها ناري على موقف :) :(
ناديا(كالسة على السرير وشادة فوجهها مالحشمة):- ناري ناري ويلي على موقف افففف اففف
طبعا موقف محرج جداااااا مريم كانت فبيتها كالسة على طرف الناموسية وحاضنة وسادة وساكتة منظرها كان كيخلع ملامح وجهها صارمة بزاف وواضح معاجبهاش الحال ماللي شافتو
ناديا دخلت بتردد دقت الباب ومسمعت تاجواب دخلت بحال شي طفلة صغيرة دارت غلاط وخايفة من العقاب ، تقدمت مجيهتها وبقات تحاول تقرا ملامح وجهها اللي مبانلهاش فيه الضو وباينة الدعوة كحلة
ناديا(بتلعثم):- ... م.. مريم ..
مريم = لا رد ....
ناديا(بتودد):- مريم ردي عليا
مريم = لا رد ...
ناديا:- وااا مريم سمعي راه اللي شفتيه غي...
مريم:- غير أشنو أناديا غير أشنوو غير لحظة ضعف لحظة طيش تتتتت ناديا ماشي أخلاقنا اللي تربينا عليها تصرفك غلاط مكانش خصك تسمحيلو
مريم:- عارفة كلامي معاجبكش مي تبدلو فيك بزاف الحوايج ماشي نتي ناديا اللي وصاتني قبل متمشي نحافظ على راسي نسيتي أول مرة تلاقيتي فيها بابراهيم وشنو وصيتيني نتمنى اللي وصيتيني بيه تمشي عليه هادا معندي نقول ... هاني نازلة عند ماما :(
ناديا:- أفففف أففف أفففففففففف
كلست بغضب على السرير في حين مريم جات نازلة من دروج وعينيها عامرين دموع واستوقفها ياسر انحرجت مين شافتو وحتى هو مي كان لازم ميتكسر هاد الحاجز
ياسر:- بغيت نعتذر منك ناديا معندها تاشي دخل أنا اللي متحكمتش فنفسي عارفو تصرف غير لائق خصوصا هنا فالدار
مريم:- أنا كنعرف اللي كيبغي شي واحد كيحافظ عليه ويقاوم باش فالأخير يحظى بيه
ياسر:- ناديا راها حبيبتي مراتي مستقبلا و أم أولادي غير مسألة وقت وصافي هادشي خصك تعرفيه أنا مكنتسلاش بيها أنا عرضت عليها الزواج وإنما لظروف مضطرين نخليو الموضوع سري حاليا
مريم:- ربما تلقا كلامي غريب بصح إيلا كنت كتبغيها حقا فناديا كتستحق تكون فالمكان الصحيح ديالها غير هاكدة كيعتبر لا يجوز وفهمك كفاية سمحلي بزاف على كلامي لكن ناديا ختي
ياسر:- وانا مقدر هادشي بالعكس أنا فخور وسعيد لناديا محيت عندها أخت بحالك كتخاف عليها ونحب نطمنك مغاديش يفوت وقت طويل واللي فبالك يتحقق غير دعي معانا الله يوفقنا
مريم(عاد ابتسمت وحست بالفرحة):- أمين أخويا ياسر ..
مريم:- أكيد ... هههه بصح دقيقة شفت وجهك فيه شي جروح ياك لاباس ؟
ياسر(انتبه للجروح):- آه هههههه قصة عادية خلي ناديا تحكيهالك وانا ننزل عند خالتي عزيزة نشوف إلى خاص شي حاجة للفطور
مريم:- اللي بغيت ههههه
بالعقل رجعت الإبتسامة لوجوههم من جديد ورجعو يفكرو فيومهم المنتظر اليوم ديال العرس اللي فيه أمور وأمور غاتوقع ، ضروري مغايكون البكا فنهار العرس وكانت أول حصة دموع من نصيب مريم وناديا
مريم(داخلة متأثرة بكلام ياسر لعند ناديا اللي كانت مقهورة):- ناديا
ناديا(هربت من مريم وتخبات موراه):- جدي حبيبي صباح الخير والربح والورد والياسمين والفل والحب والفرح والأنس (باستو فخدو)
عيسى:- أكولي ابنيتي كولي شنو دايرة لمريم بلاما تحلوني راه منسلككش وخا تجيبيلي مو كلثوم هنا تغنيلي هل رأى الحب سكارى
ياسر:- هههههههههههه الله أكبر
مريم:- ههههههههه هاكاك أجدي عيسى هل رأى الحب سكارى
عيسى:- وليه مالني معجبتكمش راه أنا ياما غنيت وسمعت فاش كانت الصحة والشباب
ناديا:-كيبالي شوية وغاتقولنا ليت الشباب يعود يوما
مريم:- أنا فهمت اللي فيها دبا مين جبتي لجدي عيسى داك الكوستيم لعبتلو فراسو فعلا وقال ندبر على راسي فالعرس البنات مكان غير هوما بعدا نضمن شيبتي ههههههههههههههه
جواد:- هههه لا لا غير بغيتك تكوني مرتاحة هادا مكان
أسماء:-والله مطلعاتلي عليه مشيت لبارح وندمت كاع علاش حضرت غير حشمت من ليلى
واليوم كاع متكولش مغانجيش خليها فغادي توليلي مبعد
جواد:- صافي غير تهناي يلاه نشوفك بالليل
أسماء:- بسلامة أخويا
جواد فرح بزاااف مين أسماء مغاديش تحضر وطمن يعني لا بغا يجي ياسر غير يجي أهم شخص هو أسماء والشي لاخور ممكن السيطرة عليه في حين أسماء كانت مرتاحة أن خوها جا فصفها معارفاش مسكينة أن ما خفي كان أعظم وربما تتقلب الأحداث من يدري
السارقة الجزء 36
محتوى القصة
التنقل بين الأجزاء