الشيطانة الفاتنة الجزء الثالث

من تأليف هاجر الباحو
2018

محتوى القصة

رواية الشيطانة الفاتنة

عند روح فاقت مع ل 5 دصباح عينيها منفووخين بالبكا مشات دارت ليهم ثلج غاد دوشات نشفات شعرها ودارتو سامبل ومطلوق على طولتوا كيبان كحل بحال ليل عاطي سحر من نوع آخر قادات مكياج مثير ركزات على عينيها دارتو كحل باش يبرزو عينيها الخضرين وعكر بوردو ماط جا كيهبل على شفايفها المنفوخين مشات للدريسينغ بقات تشوف فشنو غادي تلبس فنهار مهم بحال هادا ختارت جاتها واعرة بكل المقاييس مستحيل يشوفها شي راجل وميطيحش فيها لبسات كعبها العالي رشات ريحتها هزات ساكها ونزلات كانت 6 دصباح مزال كلشي ناعس خرجات ركبات لوطو ديالها فاتجاه المقر وصلات ودخلات لقاتهم كيتسناوها فغرفة الاجتماعات دخلات جلسات على راس الطبلة
روح:كلشي واجد لهاد نهار
الكل:وي 
روح:دايمون لقيتي صورة البوص
دايمون:(بينها فالشاشة)هو هدا و متحتاجيش تقلبي عليها هو بين راسو مدارش بحال باه
روح:اووك
كيم: غادي دخلي ك سكريتيرة شخصية ديالو سميتك فتون نادر ايدخل فبلاصة واحد من رجال أحمد 
روح:تمام
كيم:خاصك تكوني تم مع 7h
ناضت أنا غادة دابا 
ناض عندها جوزيف بغا يركب ليها جهاز باش يدوي معاها من بعيد تفكر ليليا وبقا ساهي
روح:مالك
جوزيف:لا والو
دار ليها الجهاز جا عندها جابر عطا ليها واحد تيلي 
جابر:هادا منين اتولي دوي معايا مي غير فوقت الحاجة
روح:اووك 
نادر:أنا شوية ونلحق عليك اتلقايني وراك ديما
روح:نتا طلق غير ودنك و عينيك أنا قادا براسي
خرجات ركبات فلوطو ديالها فاتجاه المنضمة الارهابية ستاسيونات لوطو بعيدة ودخلات من داك الباب السري وبنفس الطريقة دخلات لبيت سكرتيرة بقات جالسة مدة عاد خرجات ولكن هاد المرة ماشي روح فتون لي خرجات (ردو البال ليليا بغاها قيس روح ايبغيها صرب أما البوص ايطيح فحب فتون) 

خادت نفس عميق حلات الباب وخرجات دارت شافت جنابها كانت دنيا خاويا سمعات جوزيف كيدوي فودنيها
جوزيف :راه كاين فالمكتب ديالو عندو شي حد سيري للمكتب لي حداه هو ديالك
مجاوباتوش مشات فاتجاه المكتب حيت كانت حافضة المنضمة شبر شبر بقات كتمشا شوية وصلات للكولوار لي فيه مكتبو لقات الدنيا عاامرة بالرجال كلشي لابس الكحل وكل واحد فيهم قدو قد السخط دازت من حداهم و كاع الاعين عليها كيف لا و داك الجمال كلو دايز من حداهم كلشي كيطلع فيها و يهبط هي محملاتش راسها مكرهاتش تجبد سلاحها وتيري فيهم كلهم للراس شوية حسات بشي دقا جاتها للصدر نيشان تساطحات مع شي حد وتوعتات حيت كانت بنيتو العضلية قوية هزات راسها فيه كانت غادي طيح بقوة ديك الدقة شدها بين يديه من خصرها وقربها ليه حتا تلاسقات مع صدرو شافت فعينيه و حتا هو سها فعينيها الخضرين كان هداك البوص لي شدها كانت حداه ختو و صرب و أحمد وستيف من الجهة الاخرى 
البوص:(كيستنشق عبيرها)شكون نتي
روح:(عرفاتو البوص زيرات على يديها ولكن تمالكات راسها وقالت بصوت انثوي كيترسخ فالقلب)فتون موسيو المساعدة الشخصية ديالك 
البوص:(شدها حتا وقفات مزيان وطلعها وهبطها و عينيه لتاهمو جسمها)امم يلاه بديتي الخدمة 
روح:(عافت من شوفاتو ليها)وي موسيو
البوص:اوك سيري وهاد المرة شوفي قدامك 
فتون:سمح ليا
تمات غادا فهاد الاثناء صرب كاعما شاف فيها حتا الشوفة كان مستغل انشغالهم و سيفط دغيا ميساج لجابر قال ليه بلي عطاليهم 8 دالمليار غادي يكونو كيخططوا لشي حاجة خاصهم يعرفوها سيفطو بالخف و دار شاف واش شافوه لقا كاع الرجال كيشوفو فبلاصة وحدة ولي هي روح لي كانت غادا فاتجاه المكتب بقا متبع ليها العين و كايشوف فورمتها لي هبلاتو حك على لحيتو شوية حس بيد تحطات على صدرو كانت داشا
داشا:موسيو صرب تجي معايا نوريك غرفتك
صرب:(بابتسامة ساحرة بانو سنيناتو مستفين وبيضين)إلا مكنتش اناخد من وقتك
داشا:(دوخها)مكاينش شي حاجة أهم منك موسيو...
صرب:مبقاوش بيناتنا الرسميات قولي لي غير صرب
داشا:اوك صرب (دارت عند خوها لي مزال عقلو مع فتون)خويا أنا اناخد صرب لجناحو
البوص:سيري و من بعد دوزي عندي للمكتب بغيتك 
داش:اوك 
مشات هي وصرب لجناحو و رجع البوص و أحمد للمكتب ديالو 
عند صرب 
داتو لواحد سويت كبير فيه حمام و دريسينغ كان خاوي و غرفة تاع النوم ب الشرفة ديالها كانت فخمة وراقية غير دخلوا سدات داشا الباب و قربات ليه هو كان كيشوف فسويت مداهاش فيها بلعاني بغاها هي تجبدو جات موراه وحطات يديها على كتافو كدوزهم بشوية دار عندها
صرب:(فيكسا عينيه ففمها)امم سويت زويين 
داشا:ديالي حداه (بدات كتقرب لفمو تعلات على صباااع رجليها حتا قربات و هو يدور مشا للشرفة وجبد كارو وبدا يكمي فيه خلا وراه قنبلة نووية على وشك أن تتفجر)
صرب:(دار عندها)أجي
مشات عندو وقفات حداه بقا كيكمي وهي واقفة حداه وصمت سيد المكان داشا المطارق كيضربو فراسها على هاد السيد مفهمات فيه حتا لعبة كيبين ليها شي حوايج بشوفاتو وكيدير عكسهم بتصرفاتو بغات تدويه بأي طريقة 
داشا:نتا مغربي
صرب:(دار شاف فيها وركز على عينيها زرقين)امم مكيهمش (قرب ليها)عينيك زوينين
داشا:(ثوثرات)شكرا
حط صبعو فوق الفرقة دصدرها وبقا مهبطو بشوية جا حتا لودنيها وقال بهمس
صرب:خوك كيتسناك
داشا:ا ا اه كيتسناني خاصني نمشي
صرب:(بعد منها)اوك سيري
دارت بغات تمشي وقفها صوتو
صرب:داشا
داشا:وات
قرب ليها وطبع قبلة خفيييفة تقريبا محطش شفايفو حدا فمها كانت اتسخف فبلاصتها هي براسها معارفاش اش هادشي كيطرا ليها عطاها بضهر وكمل كميانو بقات تشوف فيه شحال تفكرات خوها لي مكيحملش لي يتعطل عليه و خرجات هو غير سمع الزدحة دالباب جبد طيلي شاف واش جابر سيفط شي ميساج ملقا والو طرطق صباعو وعنقو و خرج ركب فلوطو ديالو فاتجاه قصرو يجيب حوايجو ويقول لمو ايسافر واحد المدة فالطريق عيط من تيلي لي دايرو غير لخدمة دالبوليس لقيس بقا يصوني شحال عاد جاوب
قيس:فين غاطس

صرب:ف 1-0 
قيس:حامض
صرب:فين شادها
قيس:هاد الساعة هي لي شادة ملتي
صرب:عولنا عليك بكري خاصني نجي نعطيك دروس نتا 
قيس:غير خليهم عندك كي غادي مع ديك المنضمة
صرب:دخلت ليوم جاسوس
قيس:وي عرفت ااكيدار وليت أنا اخر من يعلم لاش مقاتيهاش ليا البارح
صرب:جات غير صدفة ا دحش قالو ليا هاد صباح بغاو يديرو اجتماع معايا
قيس:اه و قدرتي تعرف شي حاجة 
صرب:خاصني نكسب تيقتهم
قيس:منخافش عليك يلاه بسلامة شي حد كيعيط ليا
صرب:تلاااح
قطع معاه 
عند روح
دخلات للمكتب كلسات طلبات قهوة مع مناعساش مزيان شدات شي دوسيات بدات تحل فيهم وتقراهم كتلف الوق شوية سمعات جابر كيدوي فسماعة
جابر:روح
روح:وي
جابر:وصلاتني معلومة بلي محتاجين 8 دالمليار خاصنا نعرفو لاش بغاوها و لشنو كيخططو
روح:اوك
جابر:ديري ليهم جهاز تصنت فالمكتب ديالو 
روح:اوك
شوية سمعات الهاتف دالمكتب كيصوني كان البوص لي طلبها تجي 
ناضت قادات حوايجها رشات ريحتها جبدات جهاز تصنت من صاكها و دارتو فصدرها رشات ريحتها و خرجات دقات فالمكتب ديالو سمعات الادن ودخلات كان جالس بوحدو وداير رجل على رجل فوق البيرو و شاد سيجارة كيكمي فيها بانت ليه داخلا بقا يطلع ويهبط فيها جابت ليه تمام 
البوص:قربي
قربات و جلسات فالكرسي لي مقابل معاه دورات وجهها بالخف فالمكتب بانت ليها كاميرا اونفاص معاها 
البوص:(حاط عينو على صدرها) آنسة فتون عارفة المنصب ديالك حساس أي غلط ماشي غادي يصيفطك للباب مي للقبر
فتون: اخلاصي و حياتي ليكم وللمنضمة
البوص:(هز ملف لي كان مزورة فيه غير الصورة وبدا يقرا) شنو كتعرفي ديري من غير هادشي لي كاين هنا 
بقات تفكر طاحت فبالها فكرة ناضت عندو ومشات مورا الكرسي ديالو هو غير كيشوف حطات يديها على عنقوا الله لي عالم بحالتها مكرهاتش تهز موس ودوز عليه من الودن حتال ودن مي مزاال الحال وهادي هي الطريقة لي بانت ليها بدات دير ليه مساج حتا حسات بيه ترخا وولا كيف العجينة استغلات الوضع وجبدات الجهاز بسرعة وركباتو فالكرسي مع كان فيه عيار و كملات ليه المساج وهي كتشبع فيه سبان فدماغها شوية حسات بيدين تحطو على يديها خادهم و حطهم فنيفو كيشمهم
البوص:ريحتك زوينة
حيدات يديها بالخف و رجعات جلسات كتسنا الفرج
البوص:اممم عمري حسيت بهاد الراحة 
روح:(بابتسامة) ميرسي 
سمعوا الباب تحل وتمات داخلة داشا و أحمد روح غير شافتو ولات حمرة حمرة بحال العافية ودخان خارج من ودنيها و عينيها هادوك العافية لي خارجة منهم زيرات على يديها حتا تغرسو ضفارها فيهم مي محساتش بقات تشوف وهو كذلك وكيحاول يتفكر فين شافها ولا شبهات ليه بشي حد قاطع البوص الجو المكهرب لي بيناتهم
البوص:فتون يمكن ليك تمشي

فتون:(كانت طالبة عليها ولا غادي دير شي جريمة)اوك موسيو
خرجات و خلاتهم مشات للبيرو تاعها و جلسات خدمات جهاز باش تسمع فاش كيدويو 
داشا:شنو درنا مع خوان
احمد:صافي كملنا الفلوس خدينا 8 دالمليار و كملنا بجوج من عندنا دابا غنقدرو نشريوهم
البوص:ديرو معاه اجتماع 
أحمد:سمعت داير حفلة من الافضل نحضرو ليها و تم نوقعو معاه العقد
البوص:اوك
روح:اش كيخراو هادو تفو
جابر:صبري دابا نعرفو خاصك تحضري لهاد الحفل
سمعو البوص دوا
البوص:7 صواريخ مبغيت حتا واحد يكون ناقص
روح:ها حنا عرفنا اش بغاو شنو انديرو
جابر:غادي يخصك تقتليه
روح:وي خاصني نحضر للحفلة ونقتلوا
جابر:أنا غادي نتكلف نجبد معلومات عليه
روح:اووك
سلات معاه الهضرة سمعات الصقيل عند البوص ناضت مشات عندو و لقاتهم مشاو من عندو دخلات هازا فيديها شي دوسيات
روح:موسيو خاصك تسيني على هاد الوراق 
البوص:(خادهم كيقرا فيهم)غدا غادي ترافقيني فواحد الحفل 
روح:(عينيها كيلمعوا)اوك موسيو
سينا وخرجات ضاحكة تالودنين و اخيرا الزهر ضحك ليها شافت الساعة سلا وقت الخدمة كيخدم البوص غير بالنهار حتا 12h معرفات مدير مشات لغرفتها حيدات حوايجها بقات غير بدو بياس زادت عليهم بينوار دالحرير الفوق قصيير بقات متكية شوية حسات بالملل خرجات للبالكون كطل
كان صرب واقف فالبالكون حتا هو من بعد مخاد حوايجو ورجع كان هاز كاس دالشراب ملابس والو الفوق وشورط لتحت دور وجهو وهي تبان ليه شاف فخاضها البيضيين و شعرها الطويل لي واصل لمؤخرتها تحركات وهو يبان صدرها كيطل بقا كيشوف فتفاصيلها وباغي يكتاشف كثر وكثر حس بسي بوالمهارز وقف وشعلات فيه العافية شوية دارت تبلوكا فبلاصتو مني عرف شكون كان ورا ليه جابر صورتها جبد تيلي بغا يتأكد وفعلا كانت هي بلع ريقو متوقعش تكون بهاد الجمال كلو مسخاش يحيد عينو عليها مزال شوية دخلات بلاما ترد ليه البال بقا كيفكر فجسمها المثير حتا قاطع تفكيرو دقان على الباب مشا حلو دغيا كانت داشا شافت صدرو والعضلات بلعات ريقها 
صرب:شنو بغيتي ا داشا
داشا:بغيت نقول ليك تخرج معايا عندي لقاء مع واحد الزبون مهم 
صرب:ولاش أنا 
داشا:اوامر البوص
صرب:اوك صبري نلبس
سد عليها الباب قبل متجاوب خلاها حالا فمها مشا لبس سروال دجينز فالزرق وقميجة مزيرة عليه فالزرق باارد وفيها زواقات بالزرق غامق قاد شعرو ورش ريحتوا وخرج كانت كتسناه شرعات فمها فيه
صرب:مشينا (لا جواب)ايييه فينك
داشا:ها أنا اوك يلاه
خرجو وركبوا فلوطو فالنواغ هو وياها لور و واحد من الرجال القدام و شيفور عاد تابعينهم ثلاثة د سيارات عامرين فلي كارد فهم صرب بلي القدية حااامضة وهاد الكليان ماشي اي كليان
بقاو غاديين فالطريق وداشا ممحيداش عينيها عليه رد ليها البال حد يظو على فخضها وبقا يدوز عليه ويرسم فيه دوائر

صرب:لاش كتشوفي هاكا
داشا:ا ا (حالا فمها)
صرب:(قرب ليها)كنتسناك اليوم بليل (غمزها)
سمعو صوت السلاح قفزات داشا دار صرب شاف منين جا لقا واحد الكاميو راكب فيه شي واحد هو لي كيتيري
داشا:(ولات صفرة)شنو واقع
صرب:متخافيش تحنااي 
تحنات شوية وهي تفراني لوطو دار بغا يعرف اش واقع لقا كاميو آخر حابس ليهم الطريق بداو يتيريو قتلوا شيفور و قتلوا الكارد و غاديين وكيقربو
داشا:هءهءهء انموتو
صرب:نو متخافيش بقاي هنا
جبد جوج فرادا و هبط تخبا ورا الباب و بقا يتيري كلهم جاتهم فالراس كايبان ليك كلشي مجبد فالارض و غارق وسط دماياتو تقادا ليه القرطاس ماجا فين يعمر سلاح حتا حس بفردي محطوط على راسو 
الشخص:تحرك نتيري فيك 
صرب:اوك شكون نتوما
الشخص:سول البوص ديالك وقف
وقف صرب وبقا غا.ي بيه لاخر وحاط سلاح عند راسو معرف دقا منين جاتو حتا طاح للارض على طولتو دار صرب لقاها داشا لي تيرات فيه جبتها ليه للراس ومشات كتجري عنقات صرب
داشا:هءهءهء شكون هادو
صرب:معرفتش صافي متخافيش 
بقا معاها حتا تهدنات
صرب:نرجعوا
داشا:نو خاصنا نتلقاو بالكليان حيت مهم بزاف راه عيطت لخويا مني كنتي مضارب معاهم دابا ايسيفط رجال اخرين
صرب:اوك 
بقاو يتسناو شوية جاو سيارات اخرين عامرين بالرجال دةبل ديال لولين ركبوا فوحدة فيهم ومشاو لواحد المستودع جا فواحد الحي صناعي كان خاوي دخلوا والرجال دايرين بيهم من كل جيهة لحمايتهم دخلوا ولقاو واحد الراجل شاارف بقات فيه غير النفس ومزال مكمل فالفساد مشاو وقفو حداه كان جالس على كرسي متحرك و دايرين بيه رجالوا حتا هما عرااام سلمات عليه داشا وصرب و جلسوا فالطبلة 
داشا:نعرفك هادا عضو جديد فالمنضمة صرب المريني
الشيباني:اوووه رجل الاعمال صرب المريني بشحمو ولحمو
صرب:وي
الشيباني:عارف نوع الخدمة لي غادي تحط فيها يديك
داشا:هه مزال مشرحت ليه
صرب:كنتسنا
داشا:نعرفك هادا فيكتور دوبريف
صرب غير سمع سميتو ولا حمر بالعصاب مكرهش يتلاح عليه يقجو قرا الملف ديالو شحال هادا فايام الجامعة هاد السيد مختص فتجارة الاعضاء البشرية وماشي أي اعضاء بضبط ديال الاطفال كيغتاصبهم عاد كيتخادو منهم الاعضاء
صرب:(مزير على سنانو)اووه ومن لا يعرفه 
فيكتور:امم اذن عارف شنو خاصك دير
صرب:نو
داشا:احم أنا انشرح ليك غادي تجينا مورا سيمانا البضاعة وغادي نبيعوها لواحد العصابة روسيا
صرب:نوعية هاد البضاعة
داشا:ياك عارفو شكون
صرب استهزء لقلبها الطيب مقدرات حتا تنطقها مقدراتش تقول راه دراري صغار بريييئين لي كيدبحوهم بطريقة وحشية و يبيعو اعضائهم مطرهش يشد داك راس و يرخخو ليها مع الحيط صبر راسو بزز
صرب:اوك أنا انتكلف بهاد البضاعة (ورك على الحروف)
فيكتور:نتمنى تكون عند حسن الضن
داشا:متخافش حنا مكنخدموش معانا أي واحد
ناضو وخلاوه و رجعو للمنضمة
عند روح
شافت الشاعة كانت الربعة دالعشية لبسات عليها و خرجات ركبات فلوطو ديالها و مشات للشركة طلات على الخدمة وكملاتها دغيا و مشات عند خوها للمكتب ديالو دقات ودخلات جلسات
اياد:ليليا فين كنتي هاد النهار
روح:غير خرجت نشم الهوا مشيت للبحر
اياد:اه ايوا مزيان احبيبة اشنو كتعاودي 
روح:صافا هاد الساعة ونتا لباس(بغات تقرب ليه)كاؤن شي حب
اياد:ديك صاحبتك غزل كتعجبني
روح:مزياان دويتي معاها
اياد:مزال الحال
روح:اوك برو
سمعوا الباب تحل دارت شافت شكون وقلبها بدا يضرب فالتسعين كان قيس
قيس:نتي هنا جيت عندك للمكتب ديالك ملقيتكش
روح:اه جيت نشوف خويا توحشتو
قيس:امم مزيان اياد سافا
اياد:وي ونتا
قيس:اوسي اش بان ليكم نعرض عليكم لواحد المطعم صيني

اياد:غير عفيوني أنا عندي اجتماع مع شي جابونيين نيت
روح:حتا انا...
قيس:نوو نتي متقوليش
اياد:سيري بدلي الجو الحب
روح:اوك يلاه
هزات ساكها وزادت قدامو هو دايب فجمالها كتجيه كتزيان نهار على خوه ركبوا فلوطو ديالو وداها للمطعم الصيني دخلوا ولي دازو من حداه يسلم عليه 
روح:معروف نتا هنا
قيس:وي فينما كنجي للمغرب كنجي ليه
مشاو جلسو فالطبلة وعيط للسيرفور
قيس:شنو بغيتي
روح:(هزات لموني معرفاتش الاكل اش فيهم)معرفتش هادشي عمري كليتو ختار نتا
قيس:امم اوكي
طلب ليها وليه بحال بحال جابو ليهم دكشي و حطو ليهم العواد وهنا فين وحلات روح مكتعرفش لداك العجب حتا مني جاب بيها جابر لي كونش لي يعلموها الادب دالاكل والبروتوكول عرفات كلشي إلا لدوك العواد رد ليها قيس البال ابتاسم وقرب الكرسي منها مبغاش يحرجها هز العواد و حكمهم وهز دغما وحطها لها ففمها ولاو حنيكاتها حمرين ابتاسم ليها و بادلاتو بابتسامة ديالها الساحرة بقا يوكلها ويوكل راسو حتا كملو الاطباق 
قيس:بصحتك
روح:شكرا
قيس:ايوا ا ليليا عاودي ليا على راسك
روح:شنو بغيتي تعرف
قيس:شكون هي ليليا و شنو مخبية ورا هاد الوجه الملائكي
روح ولات صفرة مني سمعاتو اش قال بدات غير كتفتف وعينيها خارجين رد ليها البال مفهم والو هو مقصد فيها حتا حاجة
روح:شنو كتقصد
قيس:غير بغيت نتعرف كثر على بنت عمي زعما واش فايت ليك رتابطتي واش كاين شي واحد فحياتك شنو كيعجبك شنو مكيعجبكش
روح:(تنهدات)لا مكاين حتا واحد وعمر شي واحد مكان فحياتي
قيس:مزيااان 
روح:أنا مستحيل نرتابط بشي حد ا قيس 
قيس:و علاش
روح:حيت أنا حيت أنا 
قيس:حيت نتي شنو مالك
روح:المهم أنا شفت فعينيك نضرات الاعجاب وبغيت نوضح ليك بلي مستحيل نكون معاك ولا مع غيرك 
قيس:عطيني سبب علاش
روح:مكيهمش السبب ا قيس بغيتي نكونو اصدقاء مرحبا شي حاجة كثر بلاما تبني احلامك عليا أنا منصلاحش ليك
تمات نايضة بغات تمشي تبعها وشدها من كتفها
قيس:على خاطرك نكونو اصدقاء 
روح:شكرا على تفهمك
قيس:(شدها من يدها)اجي معايا
روح:(تابعا)فيين
مجوبهاش ركبوا فلوطو وكسيرة مورا شوية وصلوا للمينة الملاهي
روح:(مستغربة)شنو كنديرو حنا هنا
قيس:انخليك تعيشي اجمل واحسن يوم فحياتك غير تيقي فيا
روح:غير بلاش خاصني نمشي
قيس:اتزيدي ولا نخطفك هه مغتندميش
روح:(ابتاسمات لهبالو لتامسات فيه روح طفل صغير)اوك
هبطو وشد يديها كيجري بيها هي شعرها كيطيرو البرد وكتضحك على هبالو
روح:وا بشوية هه بشوية
داها لواحد اللعبة قطع تيكي و ركبو فيها شوية بدات تدور وغادا و كتزرب كثر قيس طالق يديه فالهوا وكيغوت نسات روح الهم وعاشت اللحضة بدات حتا هي تغوت بحال البنات صغار وضحك كملات اللعبة ركبو فوحدة اخرا حتا هي طلقو حلوقهم فيها منزلو منها حتا دوخاتهم 
روح:هههههه هادشي زوين 
قيس:شتي
شد ليها يديها و داها خاد ليها غزل البنات كبييرة وفالالوان
قيس:هادي ليك الاميرة
روح:(اتموت بالفرحة)هه ميرسي
بقات تاكل فيها دازو من حدا الكلون وقفوا دارو معاه سيلفي و بقاو يعوجو ففامهم بجوج خرجو صور كيقتلوا بالضحك من بعد خاد ليها نونوس كبيييير كبر منها هي كلها 
روح:ويلي فين غادي نحطوه
قيس:عجبك
روح:حمقني
قيس:متخمميش فالباقي
روح:عييت
قيس:اوك نرجعوا
ركبوا فلوطو وصلوا للفيلا دخلوا وهي هازا نونوسها كان طايح عليها السر والفرحة باينة فعيونها الخضرين لقاوهم مجموعين فالصالون سلمو عليهم و جلسو معاهم شوية خدات منهم روح الادن هزات نونوسها وهي مبتاسمة و طلعات للبيتها مشات دوشات دوش خفيف ولبسات سوميج دو نوي خفيفة فالغوز وفيها فورير فالجناب والكمام بان ليها نونوس فالارض مشات جلسات فوقو معقاه ومبتاسمة كتفكر نهار كيف داز وقلبها كيزدح بجهد كتحس براسها فرحانة وطايرة فسما احساس فشكل و مليهش تفسير شوية سمعات الباب تحل دخلات غزل باين فيها معصبة

دارت شافت شافت جيهة الباب بانت ليها غزل ناضت وقفات نستغربة من هاد الدخلة
روح:اش كاين ا غزل مالك
غزل:(تهدنات وحاولات تسيطر على راسها و تكبت غضبها ولا نقولو غيرتها)لا والو ا حبيبة 
مشات غزل هزات صباغة كانت محطوطة فوق الكوافوز خاص بالمكياج وجلسات فالفوتوي لي كاين فالبيت و سرحات رجليها وبدات تصبغ ضفارها تحت نضرات روح 
غزل:امم ايوا فين غبرتي هاد النهار 
روح:كنت خارجة مع قيس
غزل:اه قال ليا ايخرج معاك
روح:(مستغربة) لاش قالها ليك
غزل:اووه على مفخباركش هاد الايام كلها و هو يدور بيا مخلانيش فين نتنفس قالك حكا ماتحكا كنعجبو
روح:(خرجات عينيها حسات بنغزة فقلبها)هاء كيفاش واش قيس قيس ولد عمي
غزل:وي حبيبة مالك استغربتي
روح:(قلبها ميزيد يضرها كثر ممتيقاش راسها وبلي لعبها عليهم بجوجات مشات جلسات فالسرير وكتشوف نقطة وحدة وفدماغها كيدور بلي الرجال كلهم وبدون استثناء من طينة وحدة)ميمكنش
ناضت غزل جلسات حداها
غزل:مالك ياك لباس شفت لونك تخطف
روح مكايناش هنا النار كتحرق فيها شوية تفكرات بلي هما مجرد اصدقاء ويمكن مني مبغاتوش هي ورفضاتو بغا صاحبتها ومن حقو نفضات الافكار من راسها وشافت فغزل تفكرات زغبي دخوها لي كتعجبوا خاصها تصارحو بالحقيقة قبل ميطيح فالحب دالشخص الغلط
روح: يلاه نهبطوا عندهم
غزل:اوك
ناضو خرجو يلاه كانو هابطين فالدروج وهي توقف غزل
غزل:سيري أنا انلحق عليك دابا
روح:(مرفووعة)واخة
كملات مشاها أما غزل رجعات لبيت روح دخلات ليه كتسلت و بقات تدور فالارجاء كتقلب على شي حاجة هي براسها معارفاش علاياش كتقلب مشات لحوايجها كتهز و تحط فيهم و تعوج فسيفتها لي ضاربها ضاربها على روح الغيرة والحسد كلاو ليها مخها و عماو ليها العينين 
هاكا كانت من الصغر ديما كتبغي الحاجة دغيرها اكبر مخلوضة عرفاتها البشرية غير كتشوف شي بنت فالمدرسة عندها مها و باها و هي لا كتحسدها و الشر ديك ساعة كيتغلغا فاعماقها حتا كتولي تحرق الخضر واليابس أما إلا كانت شي بنت معاها فالميتم غادي يتبناها شي حد وهي لا فكتكون مستعدة دير أي حاجة باش تحرم عليها عيشتها و متخليش هادوك العائلة
مشات لروايحها بدات ترش فيهم وهي كتقلب سمعات صونيت فالبيت قفزات ماشي طيلي ديالها بقات تقلب على مصدر الصوت حتا وصلات لساكها حلاتو لقات طيلي لي عاطيه ليها جابر ولقات مكتوبة جابر مزعماتش تجاوب بقا يصوني شحال سمعات الباب تحل حسات برجليها فشلوا واللون تخطف من وجهها مني بانت ليها روح جايا قاصداها

روح:نتي شنو كتديري هنا ولاش هازا تيلي ديالي
غزل:أنا أنا اه أنا نسيت تيليفوني هنا و جيت نهزو
سمعات روح تيلي مزال كيصوني خطفاتو ليها
روح:إلا لقيتيه خرجي
خرجات غزل خلات الباب مشقوق و حطات ودنيها على الباب
روح:وي جابر اه غادي نمشي وا غير نتعشى معاهم و نمشي غادي يعيقو اه اه صافي واخا بسلامة
قطعات معاه غير سمعاتها غزل طلقات رجليها للريح ونزلات للتحت جلسات معاهم وكأن شيء لم يكن
خرجات حتا روح ونزلات عندهم و غادا بشوية عليها و البينواغ كان قصيور مبين فخيضاتها كلهم شافها قيس بلع ريقو حس براسو مزير مشات جلسات حدا ماماها لي عنقاتها و خشاتها فحضنها كانت محتاجة لداك الحضن الدافي و داك الحنان لاحضات شوفات قيس ليها لي كانو اياكلوها ميكااات ودارت بحال إلا مكينش معاهم كتحس بحال الخناجر كيدبحو قلبها هاد الاحاسيس لي كتحس بيهم ملاقياش ليهم تفسير وحتا قيس بدورو رد البال ليها كانت كتشوف فيه فالشكل ودابا شكل اخر بحال إلا هزيتي ليليا وحطيتي ليليا اخرا حاول يتفكر واش دار معاها شي بلان خايب ولكن اخر حاجة عقل عليها كانت فرحانة و الفرحة كتنقز من عينيها اما غزل هاديك فكانت فعالم خااص درها طنطون تاع راسها لحم مخها كياكلها جالسة على الجمر باغا تعرف بأي طريقة شكون جابر و فين غادي تمشي مغدي تهدا حتا تعرف واخا تعرف تعطي حياتها من جيهة اخرى كان اياد جالس ووكيتأمل تفاصيل غزل ووجهها البريئ اييه كون يعرف روحها كيف دايرة يحقد عليها من برا الله الله و من جوا يعلم الله خلاوها المصريين 
محمد:و أخيرا تجمعات العائلة كلها ها نتا الحاج اش بغيتي مزال
الحاج:مبغيت والو اولدي مزال إلا بغات تجي الموت دابا غير تجي
لمياء:ويلي على الموت حنا يلاه قلنا باسم الله مزال تشوف ولاد حفادك إن شاء الله
الحاج:الله يدينا فضو منمحنو منتمحنو ابنتي
محمد:الله يطول لينا فعمرك و يخليك فوق راسنا
الحاج:(شاف فاحفادو) محدنا كلنا مجموعين بغيت ندوي معاكم فشي حاجة
محمد:تفضل الوليد اش كاين
الحاج: غادي نحرم أحمد من الورث
كان قيس ساهي فروح حتا سمع صوت باه هز راسو عاقدهم كلهم شافو فالحاج
الحاج:غادي نحرمو و حقوا اياخدو قيس
قيس:مزال الحال على هاد الهضرة ا جدي
الحاج:معرفنا الموت امتا ادق بابي بغيت نطرق هادشي محدي فالحياة حيت عارف هداك غادي ينوضها مني غادي نموت المهم راني كتبت وصيتي و عطيتها للمحامي
كلشي بان على ملامحو الحزن خوفا من خسارة الحاج حتا من روح واخا مكتعرفوش مزيان مي دخل لقلبها قاطع الجو الخدامة لي علماتهم بلي العشا واجد مشاو تجمعو على الطبلة وبداو الاكل كلشي ملهي مع ماكلتو روح تهز راسها تلقا قيس كيشوف فيها كضربها ليه بمولاتي تخنزيرا و تهبط راسها ثاني مفهم والو
لمياء:اه نسيت بعد غدا عندي حفل فالجنعية ديالي أنا و كنزة بغيتكم كلكم تحضرو حيت الصحافة اتكون
كلشي وافق

كملوا الماكلة وكل واحد طلع لغرفتوا دخلات روح لغرفتها مشات للدريسينغ جبدات سروال كحل سليم و تريكو قصير شوية من الكرش و طايح من الكتاف فالبوردو خلات شعرها على راحتو دارت مكياج خفيف شوية سمعات تخرشيش فالبالكون طارت منها بان ليها خيالو عرفاتو هو مشات طايرة للفراش تخشات فيه وتغطات مزياان ودارت راسها نااااعسة
دخل بانت ليه ناعسة استغرب لكيفاش نعسات بهاد السرعة كان بغا يخرج ني شي حاجة جدباتو ليها بدا يقرب ليها بقا يتأمل تفاصيلها ابتاسم بلاما يشعر باسها فراسها و رجع منين جا غير خرج ناضت جلسات حطات يديها على بلاصة البوسة و ابتاسمات ولكن جمعاتها مني تفكرات غزل وهدرتها تعصبات من راسها و من هاد الاحاسيس لي كيجيوها من جيهتو ناضت كتسلت خرجات و ركبات فلوطو ديالها و زادت بسرعة البرق ولي معارفاهش هي غزل عسات عليها و شدات طاكسي وتبعاتها
وصلات روح للمنضمة الارهابية ركنات لوطو ديالها فمكانها المعتاد دخلات من نفس البلاصة كتسلت حتا دخلات لبيت فتون عاد رتاحت 
أما غزل شافتها مني هودات ولكن كان الضلام معرفاتها فين زادت بقات تدور عينيها فالاخير رجعات منين جات 
عند صرب
مني رجع هو و داشا للمنضمة دخل دوش و لبس سروال دالسبور فالرمادي و تريكو فنفس اللون مزييير على عضلاتو رش ريحتو و خرج لقاهم فواحد لاصال مجموعين غير المجرمين كان البوص هاز كاس فيديه و حداه داشا لابسة شورط قصييير فالغوز و كتشوف فسيهم صرب عينيها حوالو كان جالس حتا احمد و ستيف و بيدرو و حتا نادر كان واقف تم كيراقب تمكن انه يشد بلاصة هداك
البوص:(موجه هضرتو لصرب)عاودات ليا داشا على شنو درتي كنهنئك دابا بديتي تكسب ثيقتي طلب لي بغيتي حيت عتقتي ليا ختي
صرب:هادا واجب مكاين لاش
البوص:تكلفتي باول مهمة نتمنى ميوقعش شي مشكيل لي يخرج ليك على هاد الثقة
صرب:(كيضحك وكيستهزء لغبائهم)كون هاني 
البوص:ستيييف عيط على فتون
ستيف:امرك سيدي
مشا ستيف لغرفة فتون دق عليها شوية حلات ليه 
روح:شنو كاين
ستيف:(كيطلع ويهبط فيها و ففورمتها)البوص بغاك
روح:اوك أنا جايا غير سير
سدات عليه الباب مشات بالخف بدلات حوايجها لبسات كولون مزير عليها و تيشرط عريان من الكرش وطويل من اللور دارت عكر حمر بارد رشات ريحتها وخرجات مشات لفين كاينين جوزيف لي قال ليها وصلات عند الباب حلاتو وقلبها كيضرب لاول مرة هزات عينيها فيهم كلهم مجموعين دارو شافو فيها كلهم طلعها صرب وهبطها سكاناها كل شبر من جسمها عبرو مخلا حتا قنت طلع عينو فمها لعينيها وحتا البوص نفس الشيء دار 
البوص:(دايب فيها)فتون أجي قربي
مشات وقفات حداه وصرب غير مقابلهم بغا يعرف شنو بغا منها
البوص:تشهيت الماساج لي درتي ليا قبيلة
شافت روح فيهم كلهم مرداتش البال لصرب شافت غير فاحمد و داشا و نزلات عينيها للبوص مشات موراه وهي مطايقااش راسها حطات يديها على كتافو وبدات دير ليه المساج 
ابتاسم صرب بجنب فمو وقال فنفسو: وا طلعتي شويطينة الالة روح البنيسي

بقا مقابلها كدير ليه مساج و عينو محيداتش من صدرها (المكبوت لاخر) هو مدارش هاد شي حيت عجباتو مي باش يخلي داشا تغير و بالفعل داكشي لي كان محملتهاش داشا وتمنات تكون بلاصتها
البوص:اوووه (مغمض عينيه ايجيبو غير بالماساج كحل العفطة) زيدي تم تم
روح غمضات عينيها و مزيرة عليهم بالفقصة حلاتهم دارت شافت نادر غمزاتو بالخف دار ليها بيديه بالخف اشارة زعما كلشي تحت السيطرة هادشي مخفاش على صرب لي طالق الرادارات مي معرفش لشنو كيخططو بالضبط
شوية تمات داخلة الخدامة حطات الشراب فوق الطبلة وبدات تكب فالكيسان
البوص:فتون براكة اجي جلسي (دار بيدو حداها)
مشات جلسات حداه وهي كتعوج فمخرتها مدات ليه الخدامة كاس يلاه ايحطو ففمو حبساتو روح
روح:لاا
كلشي دار كيشوف فيها خادت من عندو الكاس
روح:نتي شربيه (مع الخدامة)
عطاتو ليها بدات كترعد والدموع محجرين فعينيها لاحتو فالارض وطاحت على ركابيها كتبكي
البوص:(ناض بحال كلشي)شنو واقع هنا
روح:مني كنت جايا سمعتهم بالصدفة هي وواحد الراجل بغاو يسمموك
داشا:كييفاش
جبد البوص سلاحو وتيرا فيها جاتها للراس غمضات روح عينيها وعروق جبهتها بانو كانت باغا تعتقها ولكن هو زرب عليها حلاتهم وحاولات تكالمي راسها
البوص:هزوها عليا من هنا و شوفو كاع الكاميرات لقاو ليا هاد الزامل (غوت)يلاااه
ناضو بلهلا يطليه ليهم مشا البوص عند أحمد وقف ليه عند راسو 
البوص:كيفاش قدرتي تغفل على بحال هادشي كون دابا تسممت
أحمد:سمح...
تيرا ليه فرجليه مخلا ليه فين يدوي مزال
أحمد:ااااااااه
حسات روح بواحد الاحساس مكيتوصفش كانت شوية تلاح على البوص تعنقو بالفرحة بتاسمات حتا بانت ليها ضرسة العقل
هزو حتا أحمد يتعالج مشا البوص عند روح
البوص:فتون هادشي لي درتي دابا غادي يخليك تكسبي مكانة خاصة عندي
روح:(بدلع) هادا شرف لي لي موسيو
حل فمو صافي داخ مبقا عارف شنو يسبق ولا يوخر حتا قاطعاتو ثاني
روح:إلا مبقيتيش محتاجني نقدر نمشي
البوص:وي سيري ستييييف
جا كيجري ومخلوع
البوص:حط جوج دلي كارد حدا بيتها لحمايتها ومن اليوم هي أمانة عندك منبغيش الشعرة تقاص فيها
ستيف:امرك سيدي 
نزل راسو ودار ليها الطريق باش تزيد قدامو
اجيو نشوفو صرب لي كان فمو مشرع على الاخر كيحاول يفهم اش وقع وكيفاش قدرات تدير هادشي كامل فنهار واحد هو لي 17 عام وهو يوجد وعمرو طاحو عليه هاد الافكار الجهنمية تزاد اعجابو بيها ولا حاطها فراسو 
صرب:أنا غادي نعس بسلامة (غمز داشا)
خرج ومشا لبيتو وقف فالشرفة شاف البالكون ديالها ابتاسم

صرب: 7...6...5...4...3...2...1...0
حس بيدين تحطو عند ضهروا ابتاسم ودار بسرعة تلاح على شفايفها كيعض فيهم و يلتاهم دورات يديها على عنقو و رجليها على خصرو هزها و لصقها مع الحيط و هو كيلتاهم فشفايفها دخل لسانو و كمل عليه اما يديه فعراااوها بلاما تحس ولا تعرف كيفاش ولا امتا حتا لقات راسها زبطة بحال كيف ولداتها مها خشا يدو فشعرها وتحول للرجل السادي ولكن لي جاه فشي شكل هو فينما يغمض عينو تجيه صورة روح داها لفراشو وحطها فوقو هي عاد ردات البال لراسها وبلي ملابسة والو ابتاسمات وعضات على شفايفها مشا جبد السمطة ورجع عندها شافتها بلعات ريقها
صرب:متخافيش
خاد يديها ربطهم بجوج مع بعضياتهم عاد ربطهم بالكادر دالفراش هي مفاهمة والو ولا شنو كيحاول يدير اييه ابنيتي مع صرب الحلوة عندها طعم آخر جيتي ليها برجليك
نزل على عنقها كيمص فيه حتا كيخلي بقع حمرة وعادي تولي زرقة و نفص شيء لصدرها كيجر من الراس حتا كتغوت عاد كيطلق ناض مشا للفاليز ديالو حلها وجبد السوط لي مكيخطاهش نزل هليها بيه فكرشها و فخاضها و طوطو كيهزها لسما و يخبط و ظاشا كتهز معاه نزل لطوطو بدا يبوس فيه و يعضو و يلحسو حتا خلاها اتحماق وناض عليها ثاني و كيضربها بالسوط مستمتع بغواتها لاقصى حد 
داشا:ااااه صرب صافي حبس حبس هءهء
صرب:صبري احبيبة 
حيد حوايجو كلهم بقا صولو قرب جا فوقها شد يديها مزيان و خشاه فيها حتا غوتااات بجهد تلاح على فمها كيبوس فيه خنقها وبقا فعمليه المد و الجزر حتا بانت ليه سخفات عاد طلقها دخل دوش بالخف و لبس حوايجو ومشا للشرفة يكمي وهاز شراب فيدو حتا

كتبان ليه روح واقفة فالجردة وكتشوف بعيد مشا خرج بالخف فاتجاهها بدا كيقرب حتا وقف حداها مرداتش ليه البال كانت شاردة فهمها كتفكر دوك لي غتاصبوها و خوها لي غتاصبها و مها رحمة لي مشبعاتش منها و مودعاتهاش كتفكر كيف كانت وكيف ولات وختها لي مبين الحياة والموت نزلات دمعة وتبعوها وحدين اخرين حسات بشي حاجا حداها دورات وجهها بان ليها واقف كانت اتغوت سد ليها فمها حتا عضاتو وطلقها كيتألم
روح:شنو كدير هنا
صرب: جيت نشم الهوا
روح:اوك باي
مشات وخلاتو
صرب:مبغيتيش تعرفي شكون أنا 
روح:(دارت عندو) و شكون نتا
قرب ليها ونزل عينو لشفايفها المنفوخين تشهاهم هي وتروها شوفاتو بظا كيقرب وهي بحال المصدومة حط شفايفو على دياولها بحنااان و كيجر بشوية حسات على راسها بغات تبعد منو شدها من خصرها و قربها ليه بزز و كيلتاهم فيهم بدات تضرب ليه فكتافو وتحاول تبعدو مي بلا نتيجة جاو فبالها القطايعية و الاغتصاب عضااتو حتا طوش الدم و بعات كتنهج و حتا هو كينهج حط يدو على فمو شاف دم ابتاسم هي هزات فيه عينيها وهزات يديها حتا هزاااتها و عطاتها ليه للحنك تسمعات التصرفيقة بجهد
روح:حيواااان شماااتة حقييير آخر مرة تقرب مني سمعتي آخر مرة ولا قسما بلي خلقني و خلقك اندفنك حي 
مشات وخلات جمرة وراها دخاخن خارجين من ودنيه عينيه كيبانو حمرييين سنانو مغززين وعروق جبهتوا باينين
صرب:(بنبرة حااادة وقوية)اندمك ا روح اندمك اتمناي الموت ومغتلقايهاش غير صبري هااااع 
ضرب يدو مع الحيط بالجهد حتا طاح التفرتيت و زاد لكمة اخرة يقدر يدوزها لكلشي إلا شي حد سبو فرجولتوا 

طلعات روح للبيتها معصبة وجنون راكبينها دخلات وردخات الباب حتا كانت اطيرو
روح:تفو الحيوان الحمار سير الله يلكيها ليك كحلة زحلة (بدات تمسح فمها مني تفكرات بوستو كانت اتخرج عندو ثاني تبرد فيه غدايدها غير لعنات الشيطان)اووف كلكم بحال بحال غير الشماتة على ثاني يخخخ على جنوس
بقات على هاد الحال تعاير وتسب فالرجال كلهم يلاه صدمها قيس وعصبها جا كمل عليها هادا معارفا حتا سميتو حتا تهدنات ومشات تكات ففراشها كتحاول تنعس ولكن النعاس طار منها
أما صرب بقا يكمي كارو ورا لاخر حتا كمل الباكية وشياطن كينقزو ليه فوق راسو مغيبرد حتا يدوز عليها العداب من بعد طلع لبيتو بانت ليه داشا ناعسة محملش ينعس حداها كيكره شي وحدة تنعس ففراشو ديما كيدير ليهم غرفتهم بوحدها مشا تكا فوق الفوطوي يلاه جا قد ضهرو مع تبارك الله العضلات غير مشتتين دار يدو تحت راسو وكيفكر ف روح والتسرفيقة وكيزيد يحقد عليها حتا داتو عينو
صباح جديد
فاق قيس بكري وعيط على صرب دارو مع بعضياتهم يتلقاو فالبحر يديرو فوتينغ حيت مبقاش صرب مزال يقدر يشوفو فالكوميسارية 
ورا نص ساعة تلقاو عند البحر
قيس:اهلا دحش
صرب:سلام (مخنزر)
قيس:مالك على الصباح
صرب:لا والو غير معصب شوية نتا اش كتعاود 
قيس:ها أنا كنسلك العشير
بداو يجريو فصمت هادشي لي ممولفش قيس عرف صاحبو معصب نيت كملوا جراهم و مشاو لريسطو كاين فلا كوط طلبو كافي نواغ وجلسو شوف فيا نشوف فيك اطجين الحوت
قيس:و زدتي فيه اصاحبي تقول غارقين ليك البابر
شاف فيه صرب وخنزر مجاوبش
قيس:صافي عرفت شي بنت هادي ماشي بحالهم هههه
صرب:قود
قيس:اكييد مات شي يهودي فالملاح ولا كنحلم دابا صرب المريني عصباتو شي وحدة بغيييت نتعرف عليها ونعطيها الوسام هههه
صرب:(ولا حمر)انزل على مك بشي دقا انصدق عاطبك
قيس:وا شرح ليا اش كاين

صرب:قود
قيس:اكييد مات شي يهودي فالملاح ولا كنحلم دابا صرب المريني عصباتو شي وحدة بغيييت نتعرف عليها ونعطيها الوسام هههه
صرب:(ولا حمر)انزل على مك بشي دقا انصدق عاطبك
قيس:وا شرح ليا اش كاين
عاود ليه صرب دكشي بضبط غير مقاليهش بلي كيعرفها عرفها ليه على أساس فتون السكرتيرة الشخصية دالبوص
قيس:وا إلا جينا نشوفو راك نتا لي كيدار
تلاح عليه صرب شنق عليه
قيس:ههه كالما كالما
رجع جلس فبلاصتو ومخنزر
قيس:نتا جيتي شديتيها و بستيها معندك حتا علاقة بيها اي وحدة كانت اتصرف هكاك العشير
صرب:باركا دير لهداك ماساج و تقحبن عليه وأنا جايا دير عليا عفيفة شريفة والله لا دوزتها ليها
قيس:يهديك الله بعد من سيدة واش من نيتك داوي عطاهم الله البنات صافي قلب
صرب:أنا عارف شغلي معاها صافي قلب الموضوع احم فين وصلتي مع ديك القضية لي تكلفتي بيها (عارف روح هي لي قتلاتهم بغا يشوف واش عرف شي حاجة)
قيس:عرفت بلي هي مرا اصاحبي ومزال كنبحث
صرب:منخافش عليك قدها وتفوتها و بنت عمك مزال مدوخاك
قيس: غير خلي داك الجمل راكد ديك البنت مفهمت فيها حتا لعبة مرة تكون فشكل شوية كتقلب عاد قالت ليا نكونو اصدقاء هي مستحيل ترتابط
صرب: امم اش غادي نقول ليك(بقا سااااهي وكيشوف نقطة وحدة وكيدوي بجدية) الكاراكتير ديال المرا فشي شكل ولكن خاصك تلقا ليها المودباس ديالها و خاصك تعشش فدماغها بلاما دي ولا تجيب حتا تلقا راسها كتفكر غير فيك
قيس:هه طيرتيني ا ولد العبد ههه افلاطون ومقالش هادشي فالمرا 
صرب:تا أنا داير فيك راسي تهز نشوفو خدمتنا
مشاو كل واحد فلوطو ديالو رجع قيس للقصر لقا مو و مرت عمو مقابلين الخدامات كيحطو الفطور باسهم فراسهم عاد طلع لبيتو دوش و لبس سروال كحل و تريكو حمر قاد شعرو جا كيهبل نزل عندهم باس جدو فيديه ومشا جلس ضور عينو كيقلب عليها والو مبانتش ليه كانت اونفاس معاه جالسة غزل لابسة كسوة حد الفخد فليموني وطالقة شعرها على طولتو دايرة ليه بوكلي من لتحت ودايرة مكياج مواتي الكسوة كانت عاطية للعين مي الشخص لي بغاتو يشوف فيها محشاهش ليها وعمرو رد ليها البال كانت كتشوفو كيشوف وكيقلب على شي حاجة عرفاتها ليليا لي كيقلب عليها زيرات على يديها وكتوعد فخاطرها بلي اتندمها وبلي قيس ايكون ليها
لمياء:ايوا ابنتي كيف غادا مع الخدمة بديتي تولفي

غزل:وي خالتي علمني اياد وبديت نولف شكرا حيت حليتو ليا باب داركم
محمد:دابا وليتي وحدة منا ابنتي متقوليش هاكا صحابات ليليا هما بناتي
غزل:ميرسي عمي
كان اياد هايم فيها كمل ماكلتو وناض
اياد:تبغي نوصلك
غزل:(فنفسها)منين خرج ليا هاد اللسقة (ابتاسمات بزز)نو غير سير أنا انتسنا ليليا
اياد:اه لي بغيتي
مشا وبقاو هما كيفطرو
محمد:شفت ليليا منزلاتش سير طلع ا الياس طل عليها
إلياس:واخا
مشا طلع شوية نزل 
إلياس:مكيناش فبيتها
لمياء:ولات هاد الايام كتمشي تجري متشطنوش عليها
بقا قيس غير كيتصنت جاتو غريبة حتا هو خرج بكري متلاقاهاش حس بلي مخبية شي حاجة 
قيس:يلاه بسلامة 
الحاج :الله يسهل عليك الولدي
قيس:أمين 
خرج قدام الباب وبدا يصوني ليها مي لا من مجيب شوية حس بشي حد واقف حداه دار وهي تبان ليه غزل
غزل:اوه دابا ليليا مكيناش شكون ايوصلني
عيط قيس للشيفور
قيس:وصلها فين بغات
مشا وخلاها اتموت بالفقصة كانت بغاتو يوصلها صدمها
عند روح
ناضت معطلة شوية شافت ساعة ناضت كتجري دخلات دوشات ولبسات  قادات مكياجها و صاوبات شعرها شافت فالمرايا راسها تحولوا ملامحها للحزن مني تفكرات توأم روحها ختها هزات طيلي ديالها وعيطات لجابر طمنات عليها عاد خرجات للمكتب ديالها طلبات فطور عمرات كريشتها و بقات خداما على شي دوسيات شوية سمعات تيلي دالمكتب كان البوص لي طلبها وقفات تنفسات من اعماقها و مشات عندو دخلات لقات العصابة كلها مجمعة تم كانت داشا جالسة فوق الفوتوي كانت لابسة كسيوة فالحمر عريانة من صدر و قصيرة ومع هي رقييوقة زادت بينات ضعفها ولاو يبانو فيها غير العضام حتا طرف ماهازاه فين تبان قدام روح لي جسمها يصرخ بالانوثة حداها جالس صرب لابس جينز زرق و تيشورت نواغ و كويرة زرقة جا هو الاخر كيهبل ومع بنيتو العضلية الضخمة يطيح زرزور من فوق الصور باستثناء روح لي غير شافتو ضرباتها ليه بتخنزيرة فاعلة تاركة مكانش من العاكزين ردها لي بتخنزيرات كون كانو قرطاس كون عطاتكم روحها مشات كتعوج فمشيتها ومع السروال مزير عليها كاع الطروفة كيبانو طالعين هابطين البوص كان حال فيها فمو
البوص:كيف صبحتي ا فتون
روح:(بصوتها المغري)الحمد لله موسيو
البوص:فكرت هاد ليلة وقررت واحد القرار
داشا:ولي هو 
البوص:فتون مبقاتش اتكون سكريتيرتي الشخصية مي يدي ليمن
داشا:يلاه جات البارح وبغيتي ديرها يديك ليمنة كيدرتي ليها
البوص:(شاف فيها واحد شوفة زعزعاتها) ندير راسي مسمعتش 
روح:اووه موسيو هادا فغيمون شرف ليا شكرا 
صرب غير كيخنزر محملهاش تجي منو و دير دكشي لي هو كيخطط ليه عمرو كلو 
داشا:نتا تعرف ولكن عنداك تندم ومفهمش كيفاش تاخدتي هاد القرار بهاد السرعة
البوص:مغتورينيش شنو ندير وشنو منديرش أنا البوص هنا
داشا:ولكن
البوص:مكاين ما ولكن
خنزرات ف روح و خرجات معصبة
البوص:الهمم معلينا صرب اتحضر اليوم حتا نتا للحفل و متحيدش من حدا داشا عارفها متهورة تصدق دايرة شي روينة تم
صرب:اوك
البوص:فين هو أحمد
ستيف:رجلوا مزال مريضة اسيدي
البوص:بان ليا بدا كيشرف داك خاينة
روح:(فنفسها)متخافش نهايتو قرييييبة
البوص:سيري وجدي راسك ا فتون اترافقيني فهاد الحفل مبغيت حتا غلط
روح:حاضر
مشات خرجات وصرب غير مقابلها دخلات للبيت و مشات لدريسينغ جبدات كاع الحوايج و الكساوي طاحت فوحدة حطاتها فوق الفراش و حطات معاها صباطها و خرجات من بعد مسدات البيت ركبات فلوطو ديالها فاتجاه الفيلة دخلات لقات حتا واحد مكاين من غير جدها سولاتو عليهم قال ليها كل واحد فشغالاتو بقات معاه شوية خرجات مشات للشركة دارت شوية خدمتها كتحاول متغبرش باش ميعيقوش بيها تغدات مع اياد وباها فريسطو لي حدا الشركة شوية تمات داخلة غزل شافها اياد عيط عليها جات

جلسات وهي ضاحكة تالودنين روح تحسرات لخوها وبدات تفكر كيف تفاتحو بالموضوع
غزل:غدا نخرجوا أنا وياك ا ليبيا نديرو شوبينغ للحفلة لي دايرة خالتي لمياء
روح:نو مراشقاش ليا اصلا عندي منلبس
اياد:واش هادي ليليا ولا جاب ليا الله ليليا لي كتحماق على شوبينغ مراشقاش ليها عليه
روح:الانسان كيتغير ا خويا
بقات تشوف فيها غزل وكتجمع كاع الاحداث كتحاول توصل لشي الاستنتاج
روح:مي صافي نمشي معاك متمشيش بوحدك
غزل:اوك حبيبة
روح:بابي مغنتعشاش معاكم اليوم انمشي للانيف تاع صاحبتي 
محمد:واخا ردي البال لراسك ومتشربيش
روح:اوك بابي
تغداو ورجعزا للشركة تسلتات روح ورجعات للمنضمة دخلات لبيتها كانت باقا ساعتين على الحفل دخلات دوشات ورجااات عضامها نشفات شعرها وصايباتو بوكلي خفيف جلسات كتصايب فالمكياج ديالها ومركزة فيه صرعااتو جات فاتنة لبيات الغوب و الكعب ديالها دارت الاكسيسوارات من بعد رشات ريحتها شافت ساعة كانت ديك ساعة 8 دليلي سمعات الدقان هزات صاكها وحلات الباب كان البوص لي ولا يفكر فيها غير هي لابس كوستار اسود مع قميجة كحلة جا وسيم طلعها و هبطها الفيزيبلات ديال دماغو طيراتهم ليه ملقا ميقول هز يديها باسها 
البوص:جيتي زوينة بزااف
روح:ميرسي
هادشي شافو صرب لي كان دايز من تم هو وداشا بجوجهم خنزرو فيها داشا حيت محملاتش هاد السرعة باش دخلات بينهم و غارت منها و صرب حيت خلات البوص يقرب منها و هو دارت عليه العفاااف 
شدات روح فكتفوا و زادو حتا بانو ليهم صرب وداشا زادو قدامهم و هما وراهم كيشوف صرب تفاصيل جسمها جاتو على الكااانا
ركبوا فليموزين بربعة ورا صرب محيدش عينو من روح أما هي حطات راسها على زاجة وصلوا للواحد لوطيل نزل صرب شادا فدراعو داشا وقدامهم روح شادا مشاداش فدراع البوص مي غاديين مع بعضهم ولي كارد دايرين بيهم من جميع الزوايا دخلوا والاعين كلها عليهم على البوص من جيهة لي أول مرة يوري وجهوا كان باهم مخبيهم على كلشي ومن جيهة اخرى على روح لي فتنات كلشي بجمالها لي مليهش مثيل و من جهة ثالثة لصرب المريني و كلشي كيتسائل اش كيدير معاهم و اشنو دخلوا ليهم
البوص:(مع الكارد)بغيتك تحيد كاع الصحاغيين نلقا صورتي فشي قلا** سير حفر قبرك
الكارد:امرك
دخلوا للقاعة لي فيها الحفل كانو الناس من طبقات البرجوازية غير اغنياء الكون لي حاضرين تم الامراء و الشيوخ و سياسيين و صحاب النفود و لي عندهم حجرة ثقيلة سواء فالبلاد ولا خارجها وقفو بربعة فطبلة شوية جا عندهم واحد تابعينو جوج رجال قصير و كرشو قدامو منفووووخة و شعرو طويل وشايب و سنانو كلهم مغلفين بالذهب غير شوفا فيه تخليك تقيا كيعيف 
جوزيف:(فودن روح)هو هادا خوان لي ايبيع ليهم الصواريخ
شافت فيه وابتاسمات ليه
خوان:(اسباني و كيدوي بالداريجة مخربقة عندو)اهلا مرخبا بالبوص عندا خنا(هنا زعما😂😂)
روح:(فنفسها) و غير سد فمك اتبقا تخنخن علينا هنا
البوص: راك عارف سباب مجيتي لهنا
خوان: معلووم عارف 
روح:(فنفسها) الملايير لي اتحط و مغيكومش عارف بالمكلخ لاخر

شافت روح فخوان و باحتراف غمزاتو و عضات على شفايفها مرد ليها حتا واحد البال من غير سيهم صرب لي حاضيها وشاف تصرفاتها كلهم وتعصب مزال متسرطات ليه لاش مخلاتوش
روح:(قربات حدا ودن البوص و قالت بهمس حتا قلبو تهز) أنا جايا
دارت شافت فخوان و ابتاسمات ليه باغراء و دارت ليه براسها إشارة باش يتبعها مشات قدامهم و كاع الجنس الخشن مخرج عينو فيها دخلات لحمام ديال الرجال من حسن حضها كان خاوي بقات تدور راسها فالغرفة بانت ليها واحد الخرسة ديال ثرية ابتاسمات 
روح:جوزيف قول ل نادر يتبعني ورا 10 دقايق
جوزيف:اوك
سمعات الباب تحل تم داخل خوان مبتاسم حتا ودنين قرب ليها ضحكات ليه حطات يديها على عنقو غفلاتو طرطقاتو ليه بكل قوتها مات ديك الساعة وطاح على طولتو مشات بالخف حلات ساكها جبدات قنبة طلعات فوق الرخامة و خشاتها فالخرسة هبطات ولوات ليه الجيهة الاخرة على عنقو شوية دخل نادر
نادر:صافي سيري أنا انتكلف بالباقي قبل ميشكو فيك
روح:بيراطا جوزيف الكاميرات
جوزيف:اه كوني هانيا
روح:اوك رد البال
خرجات من الحمام مشات لواحد الطبلة هزات كاس دلما شرباتو كتحاول تجمع قوتها بان ليها البوص و داشا واقفين مع شي وحدين تنفسات حيت مردوش ليها البال شوية حسات بنفس و را عنقها و بدا يدوي غير الكلمة لولة لي قال خلاتها تبلوكا و تجمد فبلاصتها ومدورش لا هك و لا هك و مخرجة عينيها على الاخر
صرب:روح البنيسي عميلة فالمنضمة البيضاء والقاتلة ديال البوص وجاسوسة اممم (زاد قرب)بغيت نعرف ردة فعلهم مني انقول ليهم هادشي (حيد شعر من عنقها و باسها بةسة خفييفة) وبلي عاد دابا خسرتي ليهم سفقة كتسوا الملاير مني قتلتي خوان
دارت بالعرض البطيئ لون مشا منها حسات بالسخفة كون مشدهاش عينيها خرجو على الآخر فمها واخا دايرة لو العكر ولا بيض بيض بييييياض
روح:(كترعد بحال إلا مركبين فيها ضو) شنو شنو شنو بغ بغيتي مني
صرب:اممم ساهلة ا زوينة 
جبد من ورا يدو شي وراق
صرب:توقعي على هادو
هزاتها كتقرا فيها وعينيها كيزيدو يخرجو حتا كانو ايطيحو هزات راسها فيه ونزلاتها ثاني للورقة جاتها فديك ساعة ضحكة
روح:ههههههههههههه وا هههههههههههه

صرب مفاهم والو متوقعش هاد ردة الفعل
بداو ينزلوا دموعها تمنات كون غير شنقات راسها بلاصة هداك خوان دابا بغاها تزوج بيه وتولي كيف العبدة عندو واش هاد الدنيا مكفاهاش لي دارتو فيها واش مكفاهاش طعن لي طعناتو فيها عقدات حجبانها ودوات بواحد النبرة تزعزع جبال
روح:عطيني ستيلو
مدو ليها سينات بلا كلمة بلا جوج
صرب:(ضاحك) دابا وليتي روح المريني ا زوينة
روح:(كتشوف فيه باحتقار مكرهاتش تقجو) ترحم على راسك نهايتك قربات
صرب:قلتي شي حاجة ا مدام
روح:ها أنا درت شنو بغيتي بغيت هادشي يبقا هنا
صرب:(دور عينو بان ليه حتا واحد مكيشوف جيهتهم قرب منها)اممم ايبقا بيناتنا إلا كنتي مطيعة القطيطة
بعدات منو مخنزرة فيه
صرب:غدا فصباح (مد ليها كارط فيزيت) سيري لهاد الطبيب
روح:(مفقووووصة) لاش بسلامة
صرب:امم باش يقلبك الحب ويعطيك طريطمون ديال مانع ...
روح:(قاطعاتو) اشمن حمل ولا زمر والله وتقرب ليا حتا ندبحك
صرب: راكي وقعتي الزين ووليتي على دمتي لمدة 20 يوم(غمزها)
تلاحت عليه قجاتو صافي مبقا كيبان ليها حتا واحد قدامها لا البوص لا غيرو المهم هو تصفيها ليه شد ليها يديها و زير عليهم حتا توعتات و دورهم ورا ضهرها ولسقها مع صدرو و جات عينيه فعينيها غرق فيهم مشاو ليه الكلمات حتا بدات ترطا عاد وعا على راسو وتفكر تصرفيقة لي عطاتو و سب لي سباتو تعماو عينيه ثاني بالغضب جرها للحمام دالعيالات دخلها سد الباب و لسقها مع الحيط
صرب: نو نو امرتي زوينة اللعب على اصولو عاد بدا خلي قوتك لمن بعد (قرب ليها) سنيتي على العقد حيت دايرة فبالك فاول فرصة اتصفيها ليا (باسها فودنيها حتا تبورشات) نو حبيبة درتي اكبر غلاط هادا لي قدامك ماشي ساهل باش تصفيها ليه
هزات يديها بغات تنومو مغناطيسيا شدها ليها
صرب: بلاما تحاولي مغتمشيش معايا هاد اللعيبة المهم احبيبة ديالي(نزل عينو لشفايفها مركز فيهم و هما كيترعدو بالعصاب) غدا سيري للطبيب وفالليل اتلقاي لوطو كتسناك عند الباب الا ماجيتيش(شد طرماحتها عجنها حسات بضو ضربها) انفضحك وراك عارفة شنو ايوقع من بعد
صافي وصلات بيها للعضم هزات رجليها حتا هزاتها و عطاتها ليه للمعلم حتا كان ايفكس عينيه خرجو طلقها و شدو كيتعصر بالألم 
روح:ناواوي لي غادي ندير سمعتي القلا** إلا شميتي مني شي زمرة قال ليك يقرب ليا واخا تحلم بيها بالبلون كاسي زامل لاخر يسحاب ليك اتخلعني بهاد جوج كلمات لي مفخباركش نخرج دابا وقدام هاد امة محمد نتيري لداك البوص ديالك فراسو سير شوف ليك شي قحبة دوز عليها هاد دكاكة و طلق ليا من كري أنا شماتة لاخر(تمات غادة باغا تخرج)

صرب بحال إلا كبيتي عليه ليسونس و شعلتي فيه العافية ناض جمع الوقفة و عينيه خارجين منهم شرارة ولا حمر بالعصاب وكينهج بحال ثور لمومو ديال عينيه تحولو من الاسود للاحمر بحال الدم تماما جرها من شعرها بجهد ولسقها مع الحيط وهو مزال مزير هز يدو للسما و صقلها حتا خرج الدم من نيفها هزات يديها حتا هي بغات تجمعها معاه شدها ليها وورك حتا صافي كان ايهرسها ليها و بقا كيزيد يورك حاولات ما امكن تحبس دموعها ولكن الالم كان قوى منها طلقاتهم بغزااارة 
روح:هئ هئ اي طلقني الحيوان
زاد زير مني سمع ديك حيوان حتا غوتات
روح:اااااااي هءهءهء اااي وا طلق طلق
صرب:(عاقد حجبانو حتا تلاقاو و داير فيا شوفة القتيلة دوا وهو مزير على سنانو) نسمعك سبيتيني ثاني انشعل فمك العافية ونتي حية حسن ليك متعصبينيش وديري لي قلت ليك ولا دكشي لي غادي نديرو فيك ايكون مضاعف اضعاااف
طلقهاا شدات يديها و هي كتلوا بالالم 
صرب:تكعدي قادي حالتك وخرجي عندهم قبل ما يشكو فيك
مشات بثتاقل للباب يلاه بغات تحلوا سمعاتو دوا وقفات
صرب:اه قبل منسا طلعتي مكلخة كان يسحاب لي دكية خوان سينا معاه العقد قبل متقتليه و دابا 7 الصواريخ ولاو عندو فكري الحب كيديري تحيديهم ليه
حسات برجليها فشلوا عليها جلسات على ركابيها صدمة ورا الاخرة شاف فيها ضحك واحد ضحكة مفادها الاستهزاء و خرج خلاها على ديك الحال تقطع القلب 
روح:الله با ربي الله هءهءهء فين كنتي مخبي ليا هادشي واش ماشي من حقي نرتاح ا ربي شنو درت حتا تجازيني بهادشي هءهءهء ماشي كفاية عليا لي دوزت هءهءهء ياك تجرعت من كاس المرار لاش كتزيد تغرقني فيه يا ربي نتا القادر على كل شيء لطف عليا برحمتك راني عييت هءهءهء 
بعد كل صبر عضيم بطبيعة الحال كاين جزاء اعظم الواحد يخلي ثيقتو فالله كبييرة و يكون متأكد بلي ربي عمرو ما يخيبو 
ناضت بطلتنا مي هاد المرة مابقات فيها حتا بصيص قوة ولات ضعيييفة ماشي جسديا ولكن نفسيا نييفها ولا حمر بالبكا و دم نازل معاه و حتا عويناتها مشات للروبيني حلاتو عمرات يديها بلما ودارتو فعنقها غمضات عينيها مدة وحلاتهم شافت راسها فالمرايا
روح:مزال ما جا الوقت باش نستسلم حتا نصفيها ليكم واحد واحد ونشوفكم كتموتو قدام عيني بداية بيك ا سي احمد و سي صرب
جوزيف:روح ديزولي مكنتش شاد معاك الاتصال مشيت طليت على ليليا احم قال لينا طبيب بلي حركات صبعها يمكن قريب اتفيق
روح:(كاع داك الالم و العداب لي عاد عاشتو مشا مني سمعات عاد الخبر بحال إلا الله سمع دعوتها) كيفاش واش متؤكد
جوزيف:وي متؤكد
روح:ههه و اخيرا الحمد لله 
ضحكات و قادات عكرها شافت راسها رجعات لطبيعتها عاد خرجات عندهم
لقات الدنيا مشقلبة والبوليس جا بان ليها قيس واقف مع البوليس كيدير تحقيق مع الشهود لي فالحفل طارت منها و تخبات عليه ورا واحد الحيط بان ليها البوص و داشا و صرب واقفين بعاد وباينة على البوص معصب بقات كتسلت حتا وصلات عندهم بلاما يشوفها قيس
البوص:(معصب) هاااع شكون هادا لي تجرئ يقتلوا شكون
داشا:تهدن اخويا خاصنا نمشيو قبل مايبغيو البوليس يديرو معانا تحقيق
البوص:(لاحضها مزال صفرة)فين كنتي ا فتون
روح:مريضة شوية
قرب ليها تحت نضرات صرب لي اياكلوه
البوص:شنو ضارك
روح:غير كليت شي حاجة ضراتني
البوص:مني نرجعوا يجي طبيب يشوفك (دوز يديه على حنيكاتها)
صرب بتاسم ديك ابتسامتوا المعتادة ولي كدل على الاستهزاء

روح:(مثوثرة و مخنوقة من شوفات صرب بغات تعرف لاش كيضحك خنزرات فيه ودارت عند البوص مبتاسمة) مكاين لاش انولي بيخير
البوص: لي قلتو غادي يدار بلا زيادة او نقصان
روح:اوك
شدات ليه فكتفوا و زادو و وراهم داشا معوجة سيفتها ففتون شادة فكتف صرب لي غير كيشوف ف هاد روح يلاه كانت منهارة مفهمش كيدارت حتا جمعات و طوات وصلوا للمنضمة مشات روح لغرفتها من بعد ما وصلها البوص و قنعاتو بلي ولات لباس غير سدات الباب مشات جلسات كتفكر فكيفاش اتصفيها لداك لويل لي خرج ليها من جنب تفكرات هضرتو كلها تكدب على راسها إلا قالت مخافتش منو أول واحد كينوض فيها الرعب مي حالفة حتا تبعو على خوتو بقات فكرة ديها و اخرى تجيبها حتا سمعات شي حاجة فالبالكون وخطوات جايين حلات صاكها جبدات منو موس و وقفات كتسنا شكون جاي شوية تشعل ضو وبان ليها صرب لابس شورط وعضلات رجليه مرسومين و تيشورت مزير عليه على ليزابدو لي كانو مستفين داير كاسكيط و مرجعها لور هزات الموس فاتجاهو
روح:شنو كدير هنا خرج
صرب:(كيقرب ومخايفش و كيشوف فيها بتحدي) اممم شنو قلت ليك قبيلة هاد الحركات مكيمشيوش معايا (زاد قرب حتا ولا فاصلهم على بعض غير يديها ولموس)امم شنو باغا ديري تقتليني مثلا
روح:اتخرج و ولا (كتحرك الموس يمين وشمال)
شد ليها يديها ولكن مزيرش عليها فلتاتها منو حتا جرحو الموس فالوسط تاع يدو
صرب:اااح الاه يحرق طاسيلتك القح**
روح:مقلتش ليك جي عندي فنصاصات ليل
صرب:(طلق يدو وشاف فيها) توحشت مرتي زوينة وجيت نطل عليها(بدا يقرب ليها كثر شد باليد سليمة خصرها و زير عليه) اش بان ليك نضربو شي ماتش خفيف مشهيك من نهار شفتك
صافي روح وصلات لطوب دالعصاب الفار بداو يخرجو ليها كتغلي لواتو ودارت ليه الموس على عنقو ابتاسم
صرب:احح كنموت فالقطيطات المصعورات
روح:كنصحك متلعبش باعصابي راك شفتي كنقتل بلا عقل
صرب:قتلي نشوف
مكانتش من العاكزين وركان بالموس على عنقو هو شافها اديرها بصح شد ليها يديها و لواها حتا لاحت الموس لاحها فوق السرير وجا فوقها واخا يدو مجروحة نسااها و شد يديها بجوج طلعهم للفوق و قرب ليها حتا تخالطو انفاسهم
صرب:اخر مرة نحدرك متحاوليش تقتليني ولا هاد المرة العقاب ايكون عسيييير (شاف فعينيها)اممم عرفتي لاش تزوجت بيك ا زوينة (هبط عينو لفمها) لجوج اسباب اولا باش نوريك واش أنا راجل ولا شماتة وثانيا (قرب لفمها كثر) تشهيتك القطيطة
جمعات الدفلة ففمها ولاحتها ليه على وجهوا ناض طلقها دخل للحمام غسل وجهو وخرج لقاها مقنتة فالسرير و خايفة منو
صرب:(كيحاول يكبح عصبيتو) أجي الحب أجي (متحركاتش وهو يغوت) قلت ليك اجييي
ناضت بلهلا يطريه ليها جات حداه ودموع واقفين فطرف عويناتها كاع قوتها مشات قدام هاد الوحش يلاه كانت واصلة لنص ديال صدرو كيدير منها 4 
صرب:(شدها من شعرها وغادي و كيزير عليه) عارفة باش اتخلصي هاد الفعلة (لا رد) واااااش عاااارفة اشنو درتي ابنت الكلب (كيحرك فيها )أنا انوريك غدا اتعرفي شنو العقاب ديال هادشي غير صبري 
خنزر فيها واحد تخنزيرة نوضات فيها الرعب من صبع صغير تاع رجليها حتال اخر زغبة فشعرها طلقها وخرج منين جا بقات واقفة مدة كتستوعب شنو عاد وقع ولاش جاها هاد الاحساس د الخوف من جيهتو بقات غادا جايا و كتاكل فضفارها كتحس بمصارن كرشها كيتلواو ولكن ماشي بجوع إنما بالخلعة 
روح:تفووو كنكرهك حيوان
بقات على داك الحال مثوثرة وعندها احساس بلي لي جاي اسوء بكثير من لي فات حتا عيات ومشات تكات كتحاول طيب نعاس مي بلا فايدة أما صرب رجع لغرفتو بقا يكمي كارو و را لاخر شد قرعة الشراب سكحها دقا وحدة ولكن مشدش فيه سمع تيلي ديالو كيصوني هزو وجاوب
صرب:اش كاين فهاد ليل
جابر: (رجع سمع تسجيلات وعرف اشنو دار)غير حشمت أما نجي نوريك اش كاين فهاد ليل
صرب:أنا عارف شنو كندير ا الوليد
جابر:واش كتمرغن عليا ولا شنو ها واش واكل شي حاجة هاديك راها بنت ختي يعني بنتي انقول ليك جوج كلمات يا غادي تبعد عليها يا غادي تنسا بلي أنا باك فهمتي
صرب:الوليد سمعني هي صافي ولات على ذمتي مجيتش غتاصبتها ولا تعديت عليها كلشي درتو معاها بالحلال مفهمتش لاش مصعبها
جابر:وااش باغي تقتلني ا واااش أنا معارفش شنو كدير للبنات لي كتزوج بيهم راه حرام عليك هادشي لي كدير البنت مزال مخرجات حتا من الصدمة لولة ونتا باغي تزيد عليها فخبارك بلي 4 ....
صرب:هادشي مكيهمنيش أنا هي دارت علاش ودابا كتاخد عقابها
جابر:(مغدد) خسارة جهد لي ضيعة باش نربيك طلعتي هاكا ايوا من اليوم نسا شي حد سميتو جابر اه و حاجة اخرة غير نتلاقا بيها انقول ليها شكون نتا أنا لي حمار مدرتهاش من لول
صرب:ع...
قطع عليه تعصب ردخ تيلي مع الحيط هادشي غير مكيزيد يشعل نار الحقد فيه من جيهتها كثر وكثر

صباح جديد و باحداث جدييدة
فاقت روح شوية بكري دخلات دوشات وراسها اينفاجر عليها بكثرة الاسئلة فشنو غادي يدير فيها ربط ليها يديها و رجليها ندمات لاش زربات وسينات فاقت من شرودها لوات عليها فوطة و خرجات نشفات شعرها بسوشوار عاد بليسوغ لبسات كانت كتقاد مكياجها تفكرات بلي خاصها تمشي للحفل ديال ماماها طاحت عينيها على لاكارت فيزيت لي عطاها ولات حمرة بالاعصاب ثاني كمشاتها و لاحتها فالأرض ناضت لبسات طالونها رشات ريحتها و خرجات كانت غادا فالكولوار حتا حسات بشي يد جراتها ودخلاتها فواحد البيت صغير و مضلم لسقها مع واحد الحيط وشد يديه بجوج حابسها بيهم مخلا ليها فين تحرك ولا تغوت هي غير من ريحتو عرفاتو شكون
صرب:اممم ريحتك زوينة
روح:بعد مني(قلبها كيضرب)
صرب:كيف صبحات لقطيطة ديالي
روح:قلت ليك بعد مني
صرب:ديري راسك مريضة وخودي ادن ليوم و سيري لطبيب لي قلت ليك الحب كوني ضريفة باش نبقا ضريف
روح: (دفعاتو) مغادا نمشي لحتا طبيب ومغنمشي معاك لحتا بلاصة
صرب:اوك نتي تعرفي
خرج و خلاها اتموت بالفقصة بقات شوية عاد خرجات مشات للمكتب ديال البوص نيشان دخلات لقاتو كاين بوحدو
البوص:فتون كيف بقيتي
روح:لباس ونتا
البوص:مزيان إلا بغيتي رتاحي اليوم
روح:نوو وليت لباس
سمعوا الباب تحل و تم داخل صرب
صرب:مسالي بغيت ندوي معاك
البوص:دوي
صرب:بغيت نقول ليك شي حاجة على باك
روح بدات تصفار وتخضار غير بوحدها كاع الوان الطيف دازو ليها فوجهها حسات بالدوخة شدات فالبيرو ناض البوص عندها بالخف
البوص:مالك ا فتون
دارت عند صرب دارت ليه براسها بلي موافقة ابتاسم
روح:احم كنحس براسي عيانة
البوص:صافي غير سيري رتاحي ليوم
روح:شكرا
خرجات وهي كتخنزر فيه بغات تاكلوا بعينيها 
البوص:مالو الوليد
صرب:غير جثتو خرجوها البوليس نقدرو نتسلموها
البوص:اوك

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.