حبيبي الأصم الجزء 80

كلس اسد على واحد الكرسي داير رجل على رجل كان غي بشورط دجين مخبوش و تيشووورط بيضة اديداس ... و صبادرين بيضة فرجلو و كاسكيط دجين مرجعها لور على عادتو .. وهي كتتتعوووم فالمااا و مغمضة عينيهااا .. لامااار ولات كتقلب دابا غي لي يرحيها و كلامووو كايتعاود فودنيها ملي قالها عطي قيمة لراسك باش يعطيوهاليك الناااس .. قالت هاد المرة علاش مانديرش بهضرتوو ... ولقات راسها بصح هاملا راااسهاا و نفسيتهااا و كترد لبال غي لشكلهاا و تنسى مورالها ... قررات تبعد من اي حاجة تسطيريسها على قبلها و على قبل جنينها ... حيت ملي فكرات و ردات سينتة لور لبارح وهي فدوش كدوش لقااات بلي كل مشاكلها غي هي لي خالقاهم لرلسها ... دابا غااااطلقها تسرح و فين مابغات تخرج تخخخرج ... من بعد نص ساعة فالما حسات بيديهااا عياااااو واخااا استحلات العووومة وطلعات منوو شعرها ساااااارد وهو متبع ليها لعين كيتفكرها نهار اوووووول مرة شااافها خارجة من البحر كانت بحال هاكدا تاماما ....شافتووو لامار كالس مداتهاش فيه و زادت كتمختتتررر شادة فوطة فيديها كتنشف بيها شعرها و طلعات ... وهو متبعهااا بعينيه

اسد : ( بابتسامة خفيفة ) هاااكداااااك نبغييك .... راااكي غدا مزيااان 

تننننفس مططططول و تكا على لكرسي مغمض عينوو ... 

لامار دخلات و عنيها مكتمشي غي لراس داك الغزال كييييييحمممقهاااا كتبغي تبقا غي تشوف فيه ... تفكرات الجيست دلبارح وهي تميك لاتصدق ماشيا تبوسو عاوتاني و طلعات لفوووق نشفات شعرها شداتو لفووق و لبسات شوورط قصير كحل و شوميز كحلة معقودة جيهة االبطن و لبسات بالغين كحلة و مشات لواحد الكارطونة د كتوباتها لي كانت كتشري ديال الحمل لقات جابهوم ليها ... وهي طيح عينيها على واحد الكتاب كانت شراتو تقرااه سميتو 100 قاعدة في الحب .. هزااتووو وحطاتو على لكوافوز وبدات تقلب تاسمعات لباب تحلات و دخل هو ووقفاات مشات عندو ...

لامار : اسد ... 

اسد : مم ؟ 

لامار : بغيت تيليفون نهضر مع ماما ..

جبد ديالو من جيب لوراني

اسد : هاكي ...

لامار : ماشي ديالك .. بغيت تيليفون لياا ا اسد ..

اسد : لا .. ماكنتيقش فيك مزال ..( بقات غي كترمش فيه ) شدي لاباغا تهضري 

لامار : صافي مابغيتش ...

ردو لجيب و تقلب حال لمجر كيقلب وهي دايرة راسها غضابنة زعما عالله يحن كيف منقبل سااعااااا والو عيات تعصر تما ماحاشاهش ليها و لقا الملف لي باغي وضار عنها شافها معبسة 

اسد : بلا مديري فيها مقلقة ... الى غي ماماك راه غاتطي عندك فالعشية ( رجع قرب عنها شدها من عنقها اور ) وببببرررربي و تخرجي شي كلللمة من هادشي لي طراااا هااد الوجه تاهوا مغاتبقايش تشوفيه ... غاتشوفي وجه كففففس منو .. واديري عقلللك 

لامار : ططططلق مني 

اسد : هاوا طالق ... 

لامار : ماشي منحقك ديرلي هاكا 

اسد رجع تكا على لكوافوز مربع يدو 

اسد : اها ؟؟؟ واش بغيتي ندير ليك ... نعطيك تيليفون لااا احسن نقيد تا رقم دااك .. اااش .. فككريييني احبيبة اش سمييتووو ...( لامار غي كتلعب بعينيهااااا بعصبية ) ااااااه فهدوووشي ... كوولشي تسرط ليا الااا هادي ماازاااال كتتتاكل فيا ... ولاا نعيطلو يجي عنك تعاودو شي خرجة.. هاديك كنضن فسدات عليكم ... ونيت مزال ماشبع من لاكوووب لي عاااجبااااه خصو يشبع مزال تفراااااج فمممرتي ياك ؟ ... سيري تكككلسي وحيدي منك داك الخفة بلا متمرضي ديلمي على صباح ...

لامار : ( قربات عندو بجرأة وعينها فعينو ) قبل ماتتبدا تربي وتصلح فالاخطاء ديالي ... فكر حتى فدياولك و صلحهم ... غايتحيد علينا نص الهم ... حيت ماشي ديما غي انا لي غالطة .. 

اسد : اخطائي كلهم رد فعل ... مكنجيش و نديرهم من الخواا .. 

لامار : هههههه ( بغنج ) 

خلاتو و ضارت كضضضحك ومشات لداك لخصلة ضرباتها بصبعانها بدات تمشي و تجي و ضارت كتشوف فيها كدير فيه شي شوفات كيججنووووه كيبغي ينوض يلسقها مع الحيط و يشبع غي بوووسان 

لامار : وتانا اغالاطي كلهم رد فعل ... قطعت شعري حيت هملتني وبغيت نفقصك تلاقيت فهد حيت نسيتييني وبغييت نطلعك فين مخبي ... جريت عليك من لاكلينيك حيت ماسمعتيش لكلامي و من سارة كاع ماااحميتييني ... تانا اغللاااطي رد فعل احححبيبي ....

خلاها وضاار كيقاد ملفوو كيضور فرااااسووو بنفاد صبر معاها و باش مايشوفش عندها غير كتجنن فيه وهو ضابط راسو بمشقة النفوس ... و جات تاني عندو وهزات داك الكتاب قدامو ... 

لامار : 100 قااااعدة في العشق ...( عطااتو ليه ليديه ) قراااه غاايفيدك 

اسد : ( رجع ضار عنها كيطالع معاها وهي مبتسمة ) اسد : منحتاجش نقراه ... حيت بااااين اول قاعدة هي كيفاش تعرف راسك كتحب شي واحد ...و 99 لي بقاو كيفااااش تحملو .. على فكرة اروووحي وصلنا لتسعود وتسعين فقاعدنتا ...( غمييزة) ...

للامار : ( جمعات ابتسامهتا ) هدا كامل حقد فيك

اسد : عععدل .. هذا عدل احبي عدل ....ماشي حقد

لامار : كيفاش عدل ؟

اسد : نساوينا ... غلطت وعدبتني وغلطتي وهنا كنعدبك 

لامار : وامتى غانتساليو هادشي 

اسد : نهاررر نديرو عقلناااا ارووووحي ( بابتسامة لامار بقات غي ساهية فيها ) 

لامار : فاصعب الاوقات لي محتاجين فيها بعضنا بعدددنا ... 

اسد : نتي لي ربما كتحسيني بعيد ... اما انا .. سكناني هنا ( اشار لقلبو ) 

لامار : نسميوه غزل ؟ 

اسد : منضنش ...

لامار : حب اذن 

اسد : ربما

لامار : ههه !!! لي كيبغي كيييتححمل حبيبو بعصبيتو بقسوتووو عليه و مكااايتخلاش عليك كيفما درتيليا نتا فامريكا .... 

اسد : آ بصااح ! ونتي كاتبغيني ؟

لامار : عندك فيها الشك ؟؟.؟؟

اسد : ااااذن طبقيهااا هادشي تاعليك وخليني نتعلم منك الحب و قواعدووو اروووح الرووح ( شدها من يدها و هبطها فدروج وهي تابعاه تاوصلووو قدام البااب وحط ليها يدها على لبصمة و بدا يبرمج فيها تأكتيفاهااا تحل بالبصمة ديالها و طلق يديها و تحلات لباب ورجع شاف عنها وهي مافهماش اش باغي يدير ) يلاه تحححمليني بقسووتي و بعصبيتي وعنااادي ... ومتتتخرجيش من هاد لباب ...

لامار : انا ماشي بحالك ... غاااانتحملك يقسوتك و بعصبيتك ... ومغاااانتخلاش عليك وخا معرفت اش دير ولا اش تقول 

اسد : تاهادا كلام ... ها لباب محلول ... الى عتبتيه و مشيتي .. غاتسمااااي خسرتي الرهااااان الغزاااالة ( ضرب بصبعو فنيفها بحركة دلوعة ) ...

لامار : مغاااااانخسرش ..

اسد : غانفكرك بيها مزال ... 

عطاها بوسة فالهوااا و خلاهااا و هبط فواحد دروج لاكااف فين عندو لاصال وهي كلسااات على واحد كرسي متبعاه ...

لامار : مغاانخسرش و مغانتخلاش وهاد الباب مغانخرحش عليه تانرد راااجلي لعندي ... وغايعرف بلي انا قد الثقة ... و قد الحب ..

حساااات بقلبها مروع و طلعات دغيا لدوش ردااات و غسلات وججها .. ودخلات لبيت ديال لببييبي كيعجبها تشوف فيه و كلسات على واحد الكرسي تاااغفاات تما ... اسد طلع من لاصال كيقطر بالعرق خرج شحنتو كااااملة و دخل دوش وخرج لبس الرسمي حيت غادي للخدمة وهو كيقلب عليها بعينو فين غطسات عاوتاني تاكيصوني ليه تيلي لقاه عادل ...

- سيدي .. راهم عيطو من الميكسيك ... كاع ندواتك و المؤتمرات لي كنتي أجلتي مور زواج راهم تراكمو عليك هاد ااشهر و لاجوندا عامرة .. عيطولينا بلي غدا عندك اول مؤتمر صحفي بخصوص داك برنامج ديال الاطفال الصم .. و عاد المزاد و حتا الجزيرة لي خصصتيها للورود خصها تدشين .. ( اسد غي كتتنهد ويدوز يدو على شعرو القضية . غرق ااسفن نسااااتووو فاعمالو لي على برا ولي مراطمين عليه دابا ) تبغينا نلغيو شي حاجة او تقوم بيهم ؟ 

اسد : لا بلاش .. وجد الطاقم يمشي هاد ليلة .. انا تالصباااح 

عادل : حاصر اسيدي رحلتك غاتلقاها واجدة .. غاتكون بوحدك ولا تالمدام لامار باش نجهزو الطايرة . ؟ .

اسد بقا يفكر شحال ....

اسد : لا غي بوحدي .. 

عادل : حاضر اسيدي ...لاجوندا اتتوصلك بليل مع تقرير ... نهاركم مبروك اسيدي ..

قطع عليه و لاح تيليفون كيتهند هاد السفر كان ناسيييييه .. ناض كيقلب عليها بعينووو تالقاها فبيت لبيبي ناعسة عنقها عوج على الكانابي و تكا على لحيط كيتفرج فيها حيت جا معاها لبيت كتبان كيف شي ييبي تاهي وبداك لبيسة زادت كملات .. بقا شحال كيشوف فيهاا و يتهند يعيا يكككككره و يححححقد و يتعععصب كتبقاااا بنتوووو الدلوووعة ماشي غي مرتو .. هزها بين يديها بشوية باش ماتفيق حطها فسرير .. غطاها بازار و هز تيليقونو وخرج ... 

لامار ضرباتها بنعسة تالربعة دالعشية عاد ناااضت على جووووع والهيمري كيسري فمصارنها ويزغرت 

لامار : الله اولدي الله شهاد الجوع جايني بيه ... غاتبقاااا تاااكل هاكا تايولي راسك قد كرعة سلاوية وتفررركككزززز لمك فشلوقها .مايخرج راسك تاتخليه ليا وسع من خيال نزار قباني اااولدي ... داك ساع باك ينوض يحكو مع الحيط .. غايزلي يتخشا هو وترمتو و شوف تشوف ... لابقينا على هاد جوع ... مغايبقاش عند مك فشلوق غايولي عندي دخلة د السوووق يااا كبتاه ...

ناضت بغات تهبط وهي ترطع توقف مطلعا حاجبها 

لامار : انا اش جابني لسرير ؟؟؟؟؟؟ ياك كنت لهيه !!!!!!! ... ( كترمش ) زعمااا ؟؟؟؟؟؟؟؟ ل لل لاا للااااااا منننضنش .. ( بدات تبتسم ) ررربي ببي .. يكون هو لي جاابني ... ففففف خرا غانبقا نحلم هناااا ونكون غي انااااا لي ضربني بوغطاط جابنب هنا .. 

لبسات بالغينتها و هبطات صونات لخدامة جات عنها

لامار : ( كتمص فشفايفها ) مممممم ب بغغغيت ش شي حااااااجة .. فففف شي حاجة تكززون حلوووووووة يااااك .. و ويكون فيها الكراااااميل ( كتسرط ريقها ) وشووكوووولااا بزاااف .. مهم تكون حللللللوة كتقطر بالحلاوة ... و و وبغيت زززعزع تاهوا ويكون فيه عسل حححر ديال نحلة مايت ليها الراجل .. فففف ( ريقها سال ) ولوز و كركاع و كولشي .... مهم فين مكاين شي عجب خلطيه و طلعيه ليا ...

مشات الخادمة مستتتغربة وهي طلعات لبيت كتمشي و تجي كتسنا فحلاوتها طلع ... وترد داكرتها واش نيييييت نعساااات هي فوق سرير ولا هو هزها ... و اسد فلبيرو خدام وكاميراتها محطوطة حداه مرة نرة يلوح عليها عينو ... 

طلعات ليها الخادمة بلاطو تللاحت عليييه حطاتو قدامها كان كوولووووو كييييشهي و كلسات ربعات رجليييهاااا فوق سرير و بدا تلتهم فدااكشي و تمص فصبعااانهاا ولات كوووولهاااا شكلاط... كتاكل بيدها بجوج و نيفها كامل كرااااميل و اسد كيراجع فضواسا ويضحك عليها .. كالسة كتلحس فصبعااانها ووجهها كولو مججلخ ... تاااااتكرعاااات بالحلواة تككهمات و ضربات داك بلاطو و بقات تلحس فصبعانهاااا حسات براسها غاترد و دخلات دوش تقيااااات عاد رتاحت و خرجات لبالكووون كالسة كتفرج فلبحححررر .... تاكتحس بشي حاجة كتاكلها فتررمتها و بدات تحك فوق الكوووورسي .. و تعووووج معاه ديكشي كيااااكلها .. ناااااضت وعطات ترمتها للحيييط و بدات طلع و تهبط وللووووو ... و دخلات لداخل كتتتتحك بيدهاااا داكشي غي مزايد و كيييااكول 

لامار : وناااااري مي لحنوووووشاااا .... هدا ماخص مي غي دووود ... بااااركا غي دود ليا فيا نزيد تا.يال الحلاوة اش داني لشي عسسسسل اش داني ... ويلي ويلي على حالة هادو ماشي كياكلو هادو مزززردييييين دايرين الكديدة على ظهرري ... 

بدات كتمشي و تجي كتحك لوور و تخيلهم دايرين عررررس فترمتهااااا ودودة طالعة فوق القعدة كتتتشطططح بغاااات تموت نص ساعة وهي كتحك مابغاو يبردو .. 

لامار : خراااااا اش كيدييييرو لهااااد دوود دابا ....

بدات تقلب فالمججر على لبيسي ديالووو تالقاتو فوق واحد طبلة... و شعالتووو و دخلات لكوووكل .. وبدات تطلع اش دير ليهم تاكيطلع ليها الموضوع عرفات بلي الحمل هو سباب حيت اغلب الحوامل كيجيوهم الحنوشا ... و لقات بلي الحل هوو الشمع " القويلبات " ديرهم لووور ... و فتحات عينيها 

لامار : هاااااااا ودابا غانتهنا منكم .. ففف خاصني شمع ....

نااضت بزربة هبطات ز صونات تاني لخدامة 

لامار : شوووفي غاااتطلعي ليا لبيتي دابا بااااااكية د شمع البلدي بزززربة ...

الخادمة : ها ع علاش ضوو مقطوع ؟

لامار : تررررمتي لي كتتتقطع طلعيليا دغياااا الشمع ....

يتبع