دخلات هي و اسبرووو لدار هي غي دخلات تلاحت على لكانابي وحيدات طالووون كاتلوي فرجليها لي عواجو بقوة مابقات واقفة فالاجتماع .. و اسبرو مشا ديريكت لواحد كوزينة مفتوحة على صالون كب لراسو كاس د الما .. اريج باقا كتسوط على رجليها تادخلات ريتاج ...
اريج : الله الله على لالة رتاج خرجو رجليها الشواااري دابا عاد داخلة
رتاج : فوووتيني ( كلسات على لكانابي كتنهد )
اسبرو : امالكي مااتلك البعل و موحلك فاليتامى
اريج : ياك كنتي خارجة مع مستر الفرشة مالك راجعة مزنكة شي فرشة تاني ولا ههه
اسبرو : غاتكون هاد مرة مقداتش تصبر و غتصابتو خههه ااشوكولاته لا تقاوم هه
رتاج : انا داك زمر مابقيت فاهما فيه تااخرية ماتعرفيه عندو انفصام الشخصية متعرفي مال جدبوه .... مرة هاوا مزيان مرة يتقلب يضرب بالحجر ...دااا هيجججننني هيييجنني
اريج : وكاملين رجالة ضلعة عوجة هاكاك دايرين ماقتلكش انا تاشبع فيا بوسان عاد قاتلك مكنتش ناوي وزاد خلفة الى المجهول .. خخخ كنسهم مفشكل مخربقين غي مع مخهم لادرتي فيهم راسك يسوطيوك
اسبرو : ماتتعممميييش انا ماشي بحالهم
اريج : على نتا محسوب على رجاااالا بعدا
اسبرو : ( شير عليها بقرعة د الما ) غاااانفلق مك
رتاج : اجي نتي ... زعمااااا نسيتي يووونس مم
اريج : ياك هوو مشاااا و نساني انا علاش اتنبقا مصدعا راسي بدكرياتو ونتسنا شي حاجة لي اساسا مستحيلة
رتاج : وعلاش طول هاد سنين تسنيتيه
اريج : حيت مكانش عارف حبي ليه وكنت كنتلمس ليه اعدار كانقول نهار يعرف يقدر يحافظ عليا مي دابا راه عرررف ومدار والو دونك مابقاش كيهمني امرو ماتجبديهش ليا مزال كنحاول ننساه وونشوف حياتي تا انا كيفا ما شافها هو ...
رتاج : ااااه يعني غي نقبل العراضة ديال غدا
اريج : معاامن ؟؟؟؟
رتاج : مع شهااب .. بغا يعرض ليك اللغدا وقتليه مغتتبغيش قالي اوكي هي نتغداو مجموعين وجيبها معاك مسكين طايح فيك و باغي يدير اي حاجة غي ترضاي ...
اسبرو : اصبرو اصبرووو ( جا كلس حداهم ) داباااا داك بوراس عينو فهادي ولا شنو
رتاج : لا فيهااا ودنووو ... وكانقولك عارض ليها الغدا بقالو غاحوايجو ياكلهم عليها ... قريب يبكي بدموع
اسبرو : اريييج مافيها باس لاطربتي حضك اش فيها ؟؟؟ للامعجبكش سييبيه .. مهم عطي فرصة راسك ماتعرفيه ينسيك فيوونس وبقاااي كارمة هنا حدايا نتشاركو الخلل فالعواطف ناس يبوسو فشفايف وحنا نبوسو الخبز لي طايح فطريق .. تامن ربطة د الحبق ماتلقاي لي يجيبهالك فالفلانتاين العشاق يتسركلو و نتي اجي حدايا نتفرطع فوجع التراب اوجه البرود الجنسي
رتاج : خليها تفكرر مع راسها اجي نتا نوجدو مانتعشاااووو البحر و الحب كايجيبو جوع ..
عند لامار ...
سمعاتو دخل كيدوش و خرجات لبالكون وقفات تمااا و ريح كيلعب بشعرها مممددة وهي مستحليا داك النسيم وكتخيل راسها نهار تولد واش كيفاش غايولي روتينها ... و كبفاش غاتغير حياتها واش غاتقد بالمسؤووولية وتربية طفل .. واش غاتكون أم ناجحة ... لانها كتلاحظ مزال متوفقات تكون زوجة .. الالاف الاسئلة جاو لبالهااا تاااحساتو و قف تاهو حداها كيشوف لسما بدون كلام ....وشافت عندو تاهو شاف لشفايفها ...
لامار : غانكون ام مزيانة اسد ؟؟؟؟
اسد : ( تنهد ) مغنكدبش عليك .. مخوفني الموضوع ...
لامار : علااااش ؟؟؟ مغانقدرش ؟؟؟؟
اسد : تبغي ولادك يخسرو الهضرة الامااار مم ! تبغي تشوفيهم كيرددو ألفاضك ( لامار غي سكتات قلبها لواه ليها بناد الهضرة ) تصوري يسمعوك ؟ كيفاش هضرتي مع الخدامة و يقلدوك ؟ ونتي مافرقتيش بين الشمع و القالب كيفاش غاديري لتربيتهم ؟ غير كنجي و نتعصب عليك ؟ غير كنجي و نقولك نضجي الامار وخدمي عقلك هو لول قبل ماتصرفي ( لامار مسحات دمعتها بالخف ) غير جيت وقلتهاا ..
لامار : نتا عارفني كيدايرة ... وعلاش تزوجتي بيا من لول و فرحتي بحممملي الى مغانكونش ام مزيااانة لولادك ...
اسد : طرحتي نفس السؤال من قبل و جاوبتك عليه ... و الجواب راه مزال عندك .....
لامار : معععرفتوووش
اسد : طلللعي راسك و شووفي فيا غاتعرفيييه ....
طلعات راسها فيه وبدات ترمش و فنفس اوقت حشماانة ....ورجعات هباطتو
اسد : عرفتييه دابا !
لامار كتحرك راسها بآه ..
لامار : ( بنبرة البكاء ) لاكنت عوجة غاتسرحني ....
اسد : ماازيان ...
لامار : واخا هاكاك .. ماتقوليش هاد الهضرة فوطهي كرامتي تمرمدات قدامك بما فيه الكفاية .. حاول عليا شوية
اسد : بيني و بينك مكاينش كرامة و نتي كنعتبرك نفسي ... سولتني و مغنقدرش نافك ونزوق ونكدب عليك هداك نوع من الغدر وانا ماشي غدار .. هضرتي القاسحة غير باش ديري فيك النفس حيت لابقيت كنقول برافو حبيبة عمرك غاتزيدي لقدام ... اااه نتي هاكا دايرة من للووول و هاكا عرفتك تااااول نهار جيتي فيه عندي و شفت شفايفك كيفاش هضرو ملي قلتي هاوا ميشوف لفمي الراحل نقطة صعفو لي تحتو باقي عاقل عليها ( لاملر غي كترمش عرفاتو ماكينسى تاتفصيل غي الله يحضر معاه سلامة و كتقول اربي اش طيحني معاه انا ماشي قدو ) ... واااخا هاكاك مهمنيش الامر عااادي لي فقلبك على لسانك و معندكش الحباسات ... انا بغيتك بعيووووبك .. انا بغيت نصلحهم ... حسدت ماماك وباباك لي علموك كولشي .. وبغيت ناخد بلاصتهم تانا ... عندك ليا شي مانع ؟؟؟
لامار : ترربيني زعما ؟؟؟؟ ( بقهرة )
اسد : لا اش غادي نربي ؟. معنديش شك فتربيتك ... نتي مربية و اخلاقك زوينة هاديك مانسمحلكش تشكي فيها ... بغيتك غير تنضجي هادا مكان ..... والديك رباوك احسن تربية لي خلات بنت رااقصة تحااافظ على شرفها طيلة ربعة و عشرين سنة وتضحك فوجه الكل و تسااامح و متحتقرش متعداش و متآديش .. كيف ماشايف عيوبك شافك مزاياااك لي هوما كتار علي راااسك معندكش علاش تهبطيه .. واليديك رباوك و طلقوك للحياة ... وانا لي غانعلمك الحياااة .... نبغيك ونعشقك ونتزوج بيك مكيعنيش انك غاتبقاي فالهامش دعلاقة مقدسة باردة باهثة تافهة بلا معنى ... تديري واجبك و وتولدي و تحملي و طيبيي و تقني الفرااش .. وانا عليا وجبات الزوج و مصباح علاء الدين لي يشريلك كولشي و يجي بليل يخوي فيك كبتو تحت اسم الحق الشرعي و يضور ويخليك ... هدا ماشي زواج ... زواح هو نعلمك و تعلميني .. هو نربيك و تربيني .. هو نتشاركو كولشي .. ماشي نعيشو حياتنا كيف كاع المتزوجين انا هادوك مكيهمونيش ... زواج مكنشوفش فيه مراتي غي للواجب المنزلي و الفراش بحالهم لي ينعسو مع مرتهم و بالهم ماشي معاها و خا مقلقين لاراضاتهم بشوميز دونوي ينعسو معاها و يستسلمو وخا باقين غضبانين .. انا نغانعس معاك مانبوووسك حتا نكون راضي عليك واخا بوستك مشهيها الى مابستكش عشقا مغانبوسكش نيفاقا انا هاكا داير باغي انا و مرتي مانعيشوش بحال لوخرين نخلقو حنا روتينا بوحدنا انا و ياك و نخليوهم هوما يديرو بحالنا
لامار غي دايرة راسها فالارض و كتسمع
اسد : بغيت نتاشركو كولشي ... ماشي غي صفاتنا الزوينين .... تاحد مكامل الامارر ( لامار كتسمع ليه و دموعها كيقطرووو و صوتو هااادئ هااامس و حنييين فضو اليييل وقمرو كيدخلل للقلب و يزعزع عرش شرايينو ) تانا واحد نهار قلت تاوحدا مغاتبغي دفن راسها مع واحد فيه اعاقة فالجانب لي كاين بزاااف د الشباب كيسمعو كيشوفو كيتمشاو .. تحي عند واحد ناقص من واحد الحاسة ؟ و جيتي نتي و معطيش لامر اهمية بالعكس بانلي واجهتيها البرود ... نهار عرفتيها عبارة قتليها منسيتهاش وريما شبتتني بيك .. قلتي ليا عااااادي اش فيها ياك كتشوف بعينيك اوا صافي و منبعد .. قلتيها بهاد طرييقة بحالا مامسوقااااش ... واستهنتي بواحد الحاجة لي كنا كنظنها كبيييييييرة ورجعتلي ثقتي فودني لي كرهتهم .... تقدر نتي ماحشيتيش بيا ولاكن هاد العبارة خدمات بزاف فقلبي ... مكنتش غالقا هادشي لي فيك فوحدة اخرى كاااملة ... كنت غالقا هاد روح غير فحبيبتي الهبيلة لي ختاريت من بين الملاين ... نتي مكترثتيش لعيوبي و انا نكترث لعيوبك ؟؟؟.... درتي جهدك و بغيتي تصللحيهم تانتي و رجعتي لوكر العمليات و الجراحات ... وعلى قبلك درتها و بغيت نصلح عيبي ... كيف كتشوفي مازال ماعرفاش واش نحجات واش لا .. الاهم هو انك نتي نجحتي و رديتي من هاد الكخلوووق لي راسو قاسح هاااد العصبيي لي قدامك واحد مطيع وسمع لهضرتك وتحدا نفسو .. كدالك انا الامار .. باغي نرد من هاد الهبيلة لي نية بلا قياس اااي و عنيدة وصعييييبة... مراة قوية مثثقفة واااازنة و ثقيلة ... وغانجح ..... مخصكش تحشمي من عيوبك قدامي و نقزلي حقاا تتشتتات كرامتك هادشي ماشي معايا ديري مع البراني ... ... بجوجنا بحال بحال وقد قد .. مانتي مورايا مانا موراك .. حنا حدا بعضنا الامار ....
لامار طلعات فيه عويناتها كيلمعوو بدموعهم و فيهم براءة خفيفة لي هي الحاجة لوحيدة لي كيحكاق عليها اسد و مغطيا كاع عيوبها ...
لامار : معمرك غاتمل مني اسد
اسد : نمل من روحي؟؟؟؟
لامار : يعني نتا سمحتيلي
اسد : لا ... هاد القضية مزال ماتحسمات وانا راه قتليك امتى غانسمح ليك
اسد : غاتقدري .. وبنسبة لألفاضك انا مغانقدش نسيطر عليه ونا براسي كنقولهم و مانقدرش نمنعك على شي حاجة مقادش منعنها راسي .. ولاكن كنضن ولدنا لي جاي غابسيطر عليهم .... حيت لا انا لا نني غانبغيوهم يسمعونا كنهضرو هاكداك وهوما لي غايربيونا قبل مانربيوهم ... انا قتليك داك الهضرة حيت عارفك غاديري فيك للنفس .. ومغاتبغيهش يدويو بحالك .. وغاتولي تردي لبال لكلامك كتر ... الى مكانش على قبلك .. فعلى قبل ولادك ... حيت عارف نفسك حارة و مغاترضايش .... وغانريبهم احسن تربية كونيزمتأكدة ولادنا غاتمسعي غي الله يرحم من رباهم ...
لامار : وعلاش و باباهم سبع ...
اسد : هه وماماهم لبووءة معكسة !
لامار ( تنهدات و بقات شحال ساكتة كترمش هنا وهناا ببتررددد وكتحبس فالبكية ) ننن نقدر نطلب منك واحد الحاحة ؟
اسد : شنو ؟
لامار : نقدر نعنقك مم ؟؟؟
اسد ابتسم و فتح يديه وجات تلاااحت عليه معنقاه ببججججججهد بحرارة حضن زوجة لزوجها ... حضن حبيبة لحببها حضن بنت لباباها وحضن تلميدة لاستاذها ....هو نهار قاليها غانكون اب و ام وكولشي ... كاع مكددددببب ... وماشي غي قالها باش يتغزل بيها .. هو راه قد ليها ... وكمل على تربيتها ... لامارررر لبنت لي مكملاتش قرايتها وتربات فحومة شعبية فيها غي القيل والقال و مكاينش ذرة د الوعي ولا ثفافة ولاكن تعلمات معاهم الكرررم والقلب الكبيييير و تكون شرسة و دافع على حقها تعلمات معاهم النفس الحاااارة و الكرامة .. تعلمات الغيرة على حاجتها .. تعلمات الوفاااء .. وشي لاخور جات عندوو هو يعلمو ليها واخا الامر صعيب شوية ... ولاكن قدام هاد حب لي كوولووو احترام و تقدير و عشق خاااالص متبادل .. اكييد غاكون الامر ممكن .. كل واحد فيهم كيقلب باش يسعد لا خور و اول خطوة لاسعاد الطرف لاخور هي يتغلبو على عيبوهم ... ولي فيهم عوج يتسرح و يبقاو مع ببعض ... رغم انهم كتنو بعادين كل البعد على بعضهم ...
بعداات منو كتشمر و تمسح على دموعها هو غي دايو يدو فجيبو كيشوف فيها ...
اسد : حيت انا عاشقك بقلبي ماشي بعقلي ...و عقلي لي مقلق ... قلبي بااقي هو هو .... ونهار ترضيه غاترديني ليك ليك كيف لول ونهار تشوفني قربت لييك و بسسستك ... غاتعرفي راجلك رجع ليك ..... ومغارنجعش غي ليك نتي ... غانرجع تالراسي .. حيت نهار بعدتي عليا بعدت على الحياة ... بعدت على صلاتي و على مابادئي لي قررتهوم فلول دزواجي ورجعت للشخص للقديم كحداد على علاقتي لي تهرسات ... نهارررر ترجعيني ليك غاتكوني رجعتيني لطريق الصحيح ... اسد دابا بين يديك ... واش تهديه واش تقتليه ... فايلا مكنتيش باغا تبدلي عليا قبل راسك ... تبدلي على قلبي انا باش ترجعني للحياة .. كيف ماعلمتك الصلاه .. رجعيني ليها .... مصيري بين يديك ... جحيمي و جنتي تاهوما قرار غاتاخديه... ارووحي ... تصحبي على خير
ضرب فنيفها بصبعووو ومشااا كيرد فشعرو لور ...
مشاا اسد لسرير نقص الضووو .. ودخل فبلاصتو تنهد مطول على الله يكون هاد الدرس ليه نتيجة وقسح فيه معاها حيت ااااااخررر درس من دروسو ليها ... الى منجحاتش فيه غاتكون خسراتو بالمرة ....
غمض علينيه و نعس وتمنى فالوقيقة لي غايغيب فيها يجي يلقا لامار جديدة .. وهي بقات فالبالكون شحال شادة على كرشها ووتعاود هضرتو حمل على قدو دابا حطو على ضهرها مصيرو ومصيرها و مصير امومتها كولو بين يديها عطاها المشعل ومشا .... عرف يحرك عزيمتها كأنثى ... بقات كالسة و شادة على العقد لي كان قطعو وعاودات عقداتو وودارتو فعنقهاا شحاااال كتفكر و تبلاني و تعيد النظر فحياتها تاااتحرك البرد وتناصف الليل ودخلات لفراشها كان ناعس و دخلات تااهي موراه .. وبقات تشوف فيه شحاال و قربات بشوية لشفايفوو وباستووو بوسة حنئييينة مطووووولة تاطاحت دمعة على وجهو من عينيها و مسحاتها بطراف صبعانها فوق لحيتو ...
لامار : غاادي تبوسني تاااننتا واحد نهار ونتا راضي عليا .... وغانكون قد ثقتك ... نتا حافضتي عليا وبغيتي ليا غي الخير عمرط فكرتي تبدلني رغم ان راهم انهم حداك اشكال انواع عقلياتها و ثقافة .. سلكتي معايا الطريق الصعيبة واخا كان بإمكانك تدي وحدة ساهلة .. حافظتي عليا و على شرفي كتر ماحفاظت عليه انا .. ديرتيلي قيمة و عمرك ضحكتي عليا ملي عرفتك ونتا كتعاتبني غير على مصلاحتي .. وديما كتسبق خاجتي على حاجتك . .. نتا ماشي غي رااجلي ... نتا مدرستي .... يا #استاذي_فالحياااة
خلاتو وضارت لجنبها وطفات ضو بمرة وونعسات من بعد تنهيدة قوية....
جااا صبااح اخوووورر على قلعة الروكاااان لي فيها لامار عروس رهينة بين حبها و العزيمة ... الوقت كيدوز عليها فقلعتو طويل كيف ديما ... غير تشوف للخصلة لي مدلية وسط البيت تفكر انها محبوسة بجريمة ...
بدات كتفييييق و تحل فعويناتها توضح الروؤية ... وترجع الداكرة لي تلفها النوم ... وشافت لجهتو بانتليها غير بلاصتو لي مرونة هو مكاينش .. وتكات على وسادتو تشمهااا ديما كيخلي فيها ريحتو لي مميز بيها .. ولي كتبين وتقول بلي رااااجل كان هنا وتامن وسادتو شاهدة بروجلتو ..... وناااضت لحمام بروتينها للصباحي و صلاتها لي منلي لسقها فيها اسد ماتخلاتش عليها كتخس فيها راااااااحة كبيرة مكرهاتوش يرجع ليها ويحس تاهوا بهاد الراحة .. ودعات الله يعاونها وترجاتو فسجودها و ناضت لدريشنيغ لبسات كسوة بيج بسماطي دارت فوقه فيست جين و بالغين و خلات شعرها مطلوق و هبطات للتحت خرجات لجردة و جابت ليها رجاء للفطور
لامار : رجاء فين اسد ؟؟؟؟؟
رجاء : مشا بكري الالة ..
لامار : معرفتيش فين !!
رجاء : لااا ..
مشات هي و لامار كملات فطورها تاكتشوف عجاجة داخلا مع لباب
اريج : انا جييييييييييييت شوفلك الحلوفة كافطر بووحدها نااااري صكعة كنت خايفة عليها كييييييييتي شوفلك فين عايشة
ريتاج : ناااري الهبيلة ظيالي شحال توحشتهاااا ...
لامار غي مطرطقة فيهم عينيها واش كتحلم واش حقيييييقة منيييين بعثوووو... و جاو كيعنقو فيها ويبوسوووو
رتاج : راااااقي يااااجدك راااااقي و االبساطة عندوو كاتفشلني عرررفتي شحال من جريدة صحافية باعا دير معاه غي لقااااء فدااروو ومااانع كولشي .. ناس فيهم دودة يعرفو فين عايش ...كون كان شي واحد فثروتو كوراها شيد شي قصرررر ولا شي امبراطورية .... هووو دار غي هاد لميني فيلاااا و نااري كولها واعرة فففففف تحححفة والله لي هندسها فنان المرايات ديالهاااا كيبنيو البحررر واااع
اريج : ورا غا زاج لي داير ساوي ثمن قصر . عرفني اشمن نوووع هذااا راه مكيتهرسش دغيااا و كولو مسيكيريزي
لامار : اداااااك البرمة و الكسااااااس باركا من نميمة بلاتي و هضرو فدااار دابا وافمهونيي بلا ماااتشحفوني الخر... ففف هانتونا غانطيح الهضرة تاني
اريج : نااااري القملة تقلقات
رتاج : ههههه بعيديلي من لامار نتي ... فقصناها تاقالت بناقص كون غي بقا نافيها مانع دخول ههه حين ماتشوف كمارتنا ههه موهيم االالة باش مايضركش راسك ....سياادة الروكان بلحمه و شحمممه جاا و شرفنااااا .. و قالينا تقدرو تمشيو عند لامار .. حيت هو مسافر و مابغاكش تبقاي بوحدك و عاارف ماعندكش من غييرنا طبعا بكل توااضع ..
لامار : حبسو حبسووو كيفااااش مسااافر ؟؟؟؟؟
اريج : هادشي لي قالينا و مزال فين يرجع ... و طلبنا ندوزو معاك رمضااان و العيد ومانخليوكش بوحدك تالحظظظظة غانهزو عندك قلوووعنا ...
لامار : مغايدوزش معايا رمضااان ؟؟؟؟؟؟؟؟؟ كتسطاااااو و لا مااااالكم مااايمكنش يخليني فاول رمضان لينا بجوج نااااري لاااااا بغيتوو يكون معايا اشمن سفر هداااا
اريج : راااه مشغووول داكشي علاش... مهم هاحانا معاك .. مم راه رجع ليك حريتك وهلا تا اسبرو يجي غي راه خدام شداتو اريج فشي فاكسات ... سمح ليه يجي عندك قالينا عارفك متعلقة بيه و فنفس الوقت ماسمحش ليه يخدم عندو حيت قالك ماشي قد الثقة ...
رتاج : مهم لابغيتي تخرجي معانا راه رد ليك حريتك .. (جبدات من صاكها تيليفون ) وخلا ليك هدا .. قال منين يصوني جاوبيه فلبلاصة ...
لامار : لا ميمكنش .. لاا لا لا تفوووو ديما كيديرهالي تفوووو ... اجمل اوقات حملي مغايكونش معايا ...
رتاج : بالعكس جاتني فرصة زوينة تعاودو ترتبو وريقات حياتكم .... نتوما محتاجين لهاد الفترة ...
اريج : ثبتي فيها راسك الامار و نضجي .. خليه فاش يرجع ... يلقااااا واحد اخخخخرى .....
حبيبي الأصم الجزء 83
محتوى القصة
حبوباتي جيت نعتدر مغغانقدش نكتب هاد ليلة حيت عتدي ضياااف غايقسرو معايااا مدرتش بحسابهم ... موعدنا غدا روكاناتي
الف اعتدار 💓 وغداا تعويييض اكيد
التنقل بين الأجزاء