سكتو وكل واحد فيهم فهمو..توبة كتمنا باها اقنع مها ومحمد كيقرا قشي وراق تالخدمة وتفكيرو فالساجدي كيتمنا ادخل ويقول لا مخلاتكش..دازت ربع ساعة خراا دخل الساحدي ونقزاات عليه توبة وقالت:اش gالت ليك
صمد:صاافي ا توبة مبقا ميتقاال تال منبعد ونهضرو..مبقات فيا هي الواليدة لي مقداتها فرحة غتجي عندها وتا خواتاتي جااو من ديورهم افطرو عندنا باش اتعرفو عليك ونتي فلخر مجااياش ..مقدر أن مك مخلاتكش عاادي ولاكن على الاقل كان عليك تعلميني قبل باش تانا نعلم داارنا
توبة:سمح لي😢😢
صمد:ماشي مشكل ليوم عاد عرفت قيمتي عندك مقدرتي حتا تهضري مع داركم علي وانا منهار عرفتك وانا كنهيطر عليهم بيك ونعاود ليهم عليك وفرحاان بتوبتي ونتي مقادرا حتا تواجهي باباك وتقولي ليه اه بيجي ولد نااس لداارنااا
توبة:واهي كبيتيني ندير..اه المشكل ماشي فنهضؤ المشكل فبابا رافض انني نتزوج فهاد سن..وراه عندو الحق اهئ ةهئ باقي صغيرة مشفت متشوفت وباقي مقرييتش
صمد:أهاه هي انا غنحبسك صاافي الله يخلف عليك أبنت النااس..أنا حاطك الفةق ونتي محاسبانيش كااع
توبة:(بغضب)لا مورا لفطور ولا من بعد لبااقيش نهضرووو كااع فوت علييك ساااحتي😡
قطعاات عليه وزفاات بتيليفون تاتشخشخ وتكات كتبكي مصدقاتش انه ممكن اقول ليها هاكا وهو لي عمرو تعصب ولا غوت عليها ولا قلل منها..بقات كتبكي وتشهق اليه..جرحها بهضرتو حسسها بلي هي مكدير تا مجهود باش تنجح علاقتهم..بقات كتبكي تاا عيااا ونااضت خرجات غضبااانة من بيتها وتوجهاات لبيت محمد..دقات عليه ودخلات لقاتو هاز مصحف كيقراا..محس ليها تاوقفات غليه وقالت:ياله نخرجووو
مجاوبهااش جلس تاكمل عاد سد القران وباسو وهز فيها راسو وقال:نعاام؟؟
محمد:سيري لبسي ههه حشومة عليك نتي..الهضرة ماشي درووك الهضرة مورا المغرب أما درووك اه غتقادي ليا داك شوي تالشارج لي بقا فيا
عوجات سيفتها ومشات لبيتها كتجدب وتدمع وتمسح ..حلات ماريوهل وجبدات دجين كحل وجبادور فوقاني فالكحل ومخيط بالكري وتتنكر:اهى اهئ واخا هاهي فمك المشكوودرة محمد واخا نخرج معااه وصمد لااا😢😢😢 للله يعطيه دقااا فهاد النهاار لي تيحل علي فمووو اهئ اهئ والله تنخرج نفوج مالو اش زايد دين مي
سالات وجمعات شعرها بمقبط ووجها مافيه والو..دارت صندالة فرجليها ووخرجاات عندو..ظقات عليه وهو يحل عليها مبدل حوايجو وقال:ياله مشينا
مجاوبااتوش وسبقااتو نازلة وهو مورااها..خرجو وركبوو فسياارتو وهي مغوبشاا ومىبعا يديها اما هو مافيهش لي يهضر حيت سالا معاه النهاار
ديماراا الاوطو وتحركو من قدام الريااض وكل واحد فيهم فاش كيخمم السكاات عم على الاوطو كيتسمع هي صوت الناس فالزنقة..توبة كتشوف من رجم وتحسر عقلها كولو مع صمد واش غيكون كيقول عليها دابا..محسات تاسمعات صوتو جيهة لباب عندها معرفات امتا وصلو ولا امتا حا حل ليها لباب:وصلنا
شافت فيه بحزن ونزلات..سد هو لباب وجا حداها بتاسم وقال:فايت ليك جيتي لهنا
توبة:لا
كتافات بلاا فقط مقدراتش تزيد تاكلمة معنظها خااطر لوالو..مقال حتا هو والو كتافا انه يمشي معاها فنفس الريتم..دخلو للمطعم لي متواجد فأحد احياء مرااكش وكيدير الفطور المغربي للناس لي كيبغيو ابدلو الحو وافطرو براا داار..داهم النادل لطبلة وسط النااس لي كلهم كيتسنااو المغرب اوذن..جر ليها لكرسي و جلساات ومشا لبلاصتو تاهو ..طلب فطور ليهم وحيت عارفها اش كتاكل طلب ليهم بجوج مشا النادل وبقاو بجوج..هي كدور فعينيها مكتشوفش فيه تانطق:غارقين ليك الباطواات مالكي
توبة:مماليش😠😠
محمد:أول مرة نشوف شي مرا عصبية بحالك هههه ياك لاباس
توبة:اوا هانتا شفتييها
محمد:سبخان من خلقك هاكا ههه عصبية وحنينة
توبة:(بتحدي)عمري حنيت فيك؟؟
محمد:هههه بالحراام انا كتعطيني هي لقااسح والمعيور والسباان وفينما كانت شي سبااا مختارعاها على قبلي عمرك قلتي مع راسك دام سيد غالطاا فحقووو ههه
توبة:(زاد طيح عليها ضيم)واش بصح ا محمد أنا خاايباا؟؟
محمد:(تقاد فجلستو وضحك)هههه مناش من نااحية
توبة:(دموعها فعينيها)زعما واش مكنتعاملش مزياان مع النااس
محمد:لا ننههه علاش؟؟
توبة:واا سولتك جااوبني واش بصح انا محنينااش
محمد:لا حنينة ولاكن ماشي مع كلشي هو ضااسراا ولسانك يالطييف ومبرهشا شي مراات ولاكن حنينة
بدا حتا هو كياكل ويفطر وهي تشوفو وقالت:مالك مكتاكل والو؟؟
محمد:كناكل هي مكنحملش نزرب فالماكلة
توبة:اه اوا على هاد الحساب مغتسوgر مع الجزارا والو ههه انا جايا
محمد:فين غادياا؟؟
توبة:للطواليط بيت نgاد شعري ونجي
محمد:واخا
مشات عاطيااه بظهر وبقا هو هاز معلقة فيدو مقربها لفمو وعينيه عليها كي كتمشي بحال شي بتت عامين..وشعرها نازلين منو شعيرات فالتين من المقبط..بالجابادور لي مغطي ترمتها لي بقا حااضيها تاغبراات هليه وهو يتوكد ةقال:رجوع الله اعوذ بالله من الشيطان الرجيم
كمل فطورو تاهز راسو وبانت ليه جايا من بعيد طالقاا شعرها وهازا المقبط فيديها وكتسرح فشعرها..وعينيها كيبريو..بقا حال فيها فمو تاجلسات حداه وقالت:أ سبحان الله الموت تضوور
توبة:البندير نشاء الله كون هاني خصك هي تطلقنا خلااص ههه
مجازبهاش سكت دار فيها رااسو مقاق وهي تقول:أ مالك عطيتيني مشي ودافع علينا شبابك غاالي
محمد:الصمت
توبة:هيهو أه معاك تنهضر
مجاوبهاتش وهي تنوض من بلاصتها وجلسات فكرسي حداه وبدات تتنغز فيه بصبعها فكتفوو
توبة:ميموو عنعنعن تخاصتي معايا تانتا ياك😢
محمد:الصمت
توبة:(بدات كتحركو حتا ضرباات كتفو بيديها ب وضرب يدو مع زلافتو تاتكفحات عليه)😱😱😱هاااا..ناري ويلي ويلي
محمد:اححح فففف.
توبة:ناري سمح لي ولله مقصدت واش تتحرgك؟؟
ناض وقف وقال:لا تتهرني..بقاي هنا انا جاي
توبة وقفات حداه:ولاكن..
محمد:(خرج فيها عينيه)شدي لارض انا نغسلها نجي
توبة:وااخا😔😔
مشا محمد متوجه للحمام اغسل ايديه بالما بارد باش متنبلش ليه..اما هي بقات واقفا بلاصتها مجلساتش دايرا ضفارها فسنانها تتعض فيهم وتمشي وتجي بحالا شاعلا فيها العافياا شافتو تعطل وهي تمشي تابعاه وقفات قدام حمام رجال وبدات كتعيط:محمد ..محمد ياكما تنفخاات
مجاوبهاااش وهي تدخل حلات لباب عليه لقاتو واقف قدام اللافافو كيغسل يديه شافها وهو يغوبش وقال:واش مكتحشمييش خرجي راه حمام الرجاال
توبة بقات واقفا تتشوف فيه بعينين كلهم اسى وقالت:كضرك يااك؟؟
محمد تعصب حيت دخلات للحمام وقال:خرجيي
مسمعاتش ليه وتوجهات عندو حيت شافت يدو حمراا وقفات حدااه وقالت:هننن شتي اه gلت ليك خليني فدار با اه مافيا هي المشاكل
محمد حاول اتهدن باش ميتعصبش عليهاا وهو عارف راسوو من نوع لي مكيتعصبش بزااف ولاكن نهار كينووض مكيعقللش..خاف عليها منو وقال كيحاول ميغوتش:توبة خرجي راه حمام الرجاال
توبة:لا لا(شدات يدو ودارتها تحت لماا)اححح شو كيوللت
محمد مبقاش قادر يعضر وهي شادا يدو بين يدياتها كتخوي عليها لما بحنان وتحاول متقيسهاش باش متضروش وملامحها كيتأسفو على اش دارت بيه..غير داريا باش دارت فيه..تعقد لساانو وهو كيشوف فيها وفحنانها عليه..محس براسو الا وهو كيقرب منها كثر..عاطيااه بجنب وشعرها طايح مغطي نص فوجهها..كيحني راسو بجنب باش اشوفها ويقرا ملامحها..ناسي انهم فرمضان واخا ليل وناسي انهم فحمام الرجاال..قرب كثر تاولا محاصرها بيد وحدا وجسدو لتاصق بجسدها الدبدووب..بلا شعور حط يدو على يدها لي فيدو وتلفتات ليه وقالت بخوف:عنداااك اع غتعgر
محمد:ممم
شافت فيه لقاتو قريب ليها بزااف جات عينيها فنيفو لي كيتنفس منو بجهد..هزات عويناتها فيه وشفارها كيتلصقو بدميعات لي ملحقووش انزلو قبل..هي شافت فيه نزلو دغيااا..زعم وهز صبااعو مسح بيهم دمعهتها وقال بهمس:من صبااح ونتي كتبكي..مالك؟؟
توبة:هااء
بغات تبعد وهو يحبسها بيدو لي حط على كرشها وقال بحنان:علاش كديري هاكاا..نتي ماشي هاكا
توبة:(كترعد وتسرط فريقها)هاء نن .عع
محمد:شووو..متقولي والو بقاي ساكتا
زاد قرب ىيها ختا عصرها فبلاصتها وولا لحمو ملاصق مع لحمها ونفس واحد كيتنفسو منو..هي حانياا عينيها للارض مقدراتش تشوف فيه ومقدراتش تحبسوو معرفاتش علااش..متحس بيديه لي تحرقات كتحرك فيديها كان كيداعب صباعها بحب..قرب منها وهز شعرها لي كيحمقو بطرف صباعو كيلوي زغباات بحب على صبااعو..داز لوذنها وقال بصوت بورشها:أنت امرأة تملك من العطوور جبلا وعطرك يا سيدتي لا يخطئه أنفي
انت شجرة الياسمين التي لطالما تمنيت غرسها في حديقة قلبي وتمنيت ان لا يخرج الربيع كي لا تذبل
توقف الزمن عند توبة مبقات كتشوف والو من غير لحيتوو وشفاروو لي لاصقين عند شفارها..كتشوف فبؤبؤ عينيه ديركت بلا متحرك شي حاجة فيها..كتحس بيديه عند شعرها كيلعب بخصلاتو من لتحت ومحاصرها قاصد أنه يلوح عليها ثقلوو..عينيه كتمشي بين شفايفها وشفارها وعينيها..سمح لراسو أنه اقرب ليها كثر ويقول بهمس لمرة أخرى:لاش كنتي كتبكي..متبقايش تبكي(هز صبعانو شد بيهم شغارها تامسحهم من دموع)مكنحملش نشوفك كتبكي
توبة:هااا
ضحك بخفة وقرب كثر تاولا كيفصل بين شفايفهم هي بعض المليمترااات..فغفلة منها طلع شفايفو لجيهة نيفها وحطهم عليه بحب وقال:ضربتك فيهم
توبة:اه(مخدرة بلمسااتو)
حسات كأن العالم توقف وتاحاجة مكتحرك باقي تالهوا حبسو عليها كتنفس من الهوا لي كيخرج من فمو هو..محساتش تاحطاات يديها على لحيتو بتاسم ليها وحس بيها مستمتعة معاه..ياله قرب باش ابوسها ففمها وهي تشهق:هئ
محمد:مالك
فاق من القلبة وبعد عليها شوي وهي تعاود تشهق وقالت:هئ فياا الشهااقة هئ اهئ
محمد:هااا..وملقات امتا تجي
توبة:(غوبشات فيه)علاش قربتي لياا؟؟
بعدات عليه وتاهو كذلك رجع بخطوة لور..ممصدقش اش دار وكيفاش ضعااف قدامها وهو لي ميمكنش اضعااف قدام شي وحدا..ضعف قدام عينيها وشفارها وشفايفها لي شكلو ليه قصيدة..تحط قدامو هي ويكتب فيها لي معمرو كتبو فشي بنت المرأة ولي معمر شي راجل كتبو فشي مرأة ولي معمر القباني كتبو فبلقييس..حك عينيه بصبااعو وقال:توبة خرجي
توبة:ولاكن يديك..
محمد؛(قاطعها)خرجي راه حمام رجال هذا خرجي
توبة:واخا😔😔
حناات رااسها وخرجات متأسفة عليه وعقلها خدام كيدوور ويقلب وكيفكر فهادشي لي عاد وقع..حنوكها كانوو حمريين وسخاان..سدات لباب وبقات واقفا كتسنااه حاطا يديها غلى حناكها تقيسهم وتحطو على قلبها..داخلا فحوار داخلي مع مشاعرها وعقلها:اويلي أ توبة اش درتي ..كان غيبوةسك اويلي مكتعرفي لا رمضان لا شهباان اويلي وفخر يامك تبااسي وفين؟؟فحمام الرجاال هاويلي وصمد😢😢ناري كنت غنغدر صمد وهو لي لبوسة باقي مشدهاش من عندي😭😭😭
بقات طتمشي وتجي متوترة ومعجبهاش انها خلاتو اتقرب منها بداك شكل..تاتحل لباب وخرج هو كيمسح فيدو لي حماارت وقال:مالكي واقفا هناا؟؟
توبة:لا بابا بوحدة لي ممكن اديرها ههه(قرصاتو بالقرصا فذراعو)وشي معقد بحالك داير لمرا فبلاصة عالية ولايني عقل عليها غتجوج شي وحدا تخلي دار بووك فسطااح على ها. ضرافا ديالك هههه زير أصاحبي شوي
محمد:ههه واش كيتسحابك انا مكنتعصبش على لمرا هههه اكبر دليل هو معااك..باش نكون معاك صريح المرا انسان رقيق ونقي كيخصنا حنا الرجال نرفعو من مقامها..المرا خلقها الله أمانة عندنا حيت عنصر حساس والى أنا لي محنيتش فيها ومرفعتش قيمتها شكون غيديرها..غتقولي ليا مرا بحالها غنقول ليك الرجل ماشي بحال المراا..الى لكلمة الزوينة جات من الرجل غتفرح لمراا..تانا كنتعصب على الواليدة وعلى خواتاتي وتا على سوزان ولاكن ماشي ديما وكنحاول منجرحهومش حيت فالاخير كنبقا انسان والداني مراا ورباتني مرا وغنتزوج مراا ونولد مراا
توبة:ههه اودي والله تابحالك قلالو هاد لخشبيش لي عندنا هنا تيتصحابو لمرا هي ديال تمارة وضلعا عووجة
محمد:كيفما عندنا عيوب عندنا مبزات والكمال لله وحده ..شوي هاكا وشوياا هاكا..أما باش نعاير لمرا ونقول عليها ضلعة عوجة راه ماشي رجولة..راه ساهل تزاد ذكر ولاكن صعيب تكون رااجل واول خطوة نحو الرجولة هي تعامل لمراا مزياان ..هي أنك تحسسها أنها مرااا وبأنوثثها
توبة:هههه سعدات سوزان
محمد:(باهتمام)علاش؟؟
توبة:حيت عندها نتا ههه واخت أنا بحالك مندخلهم من شتا ولاكن أه شخصيتك زوينة..مثلا كتناقش بأدب وكتهضر بشوي مكتقابحش وعااد أهم حاجة ماشي عصبي
محمد:ههه باغاني نكون عصبي خهه الله ينجيك من عصبتي نهار نكون معصب هي بعدي علي
توبة:أمنيتي نشوفك معصب باش نكفرط ههه ونزيد نجهلك
محمد:ههه اوا تحملي النتيجة ههه
توبة:(حلات شرجم)اححح الله على هواا..مكرهتش نمشي لوريكة
محمد:هههه ياك
بقاو كيضزرو تاوصلو حدا الكتبية لي كيكون عامر سوا بالناس لي غيصليو ولا الناس لي جاو اشمو الهوا وأكيد السيااح..باركا الاوطو ونزلو كيتمشااو ويهضرو..وتوبة دغيا نسات أنها كانت كتبكي ولا شي حاجة بقان مجمعة معاه وكتناقش معاه فشلا حوايج فينما جاتو تتلقاه عاامر وعندو ميقول وتاهو كيحاورها باللتي هي أحسن..جلسو فواحد الكرسي حاط رجل على رجل ويدو وراها هي وكيهضرو حتا أذنات العشاا وقال:بقاي هنا أنا نصلي هي العشاا ونجي(حط ليها سوارت الاوطو وتيلي فيديها)هاهوما ابقاو عندك
توبة:وااخا(شافت مول الكلية وقالت بدلع)اوا عطيني باش نشري الgلياا ههه
محمد بتاسم وجبد 50 درهم عطاها ليها وقال:هاكي شري الكلية ههه هي متفاوتيش من هنا
توبة:صافي كون هاني
مشا وخلاها واقفا عند مول الكلية تتشري وكل مرا اضور اشوف فيها مبنااسم واعاود اضور..فحين هي شرات جوج ساشيات الكليو وكلاتهم وبقات جالسا حاضيا الغادي والجااي..بغات تلعب بتيلي ديالو لقات فيه الكوود..تاشافت مول الصووفا ونااضت تتجري عندو وبدا كيقاد ليها ويعطيها وهي كي الهيشة كتاكل وتعاود تقول ليه زيدني..
محمد خرج من الجامع لبس سبرديلتو ورجع لفين مخليها ملقاهاش..دور عينيه على لبلاصة وتتبان ليه عند مول الصوفا تتاكل..بتااسم وقال فخاطرو:ساليتي معااياا ههه
تمشا جبهتها بخطوات بطيئة باغي ابقاا حاضيها كيف كتحرك وشعرها لي كتحركو بزربو ومع خفيف دغيا كيمشي واجي..محسات بيه تاوقف موراها شافت يديه كيهز ليها الصوفا..تلفتات ليه وقالت:زgااا متاكلووش ديالي
بقات كتعاافر معاه تاكلا ليها وحدا كاملة وهي كتجنن..كلات لوخرا وهي شد ديالتو وهي طير عليه جرات ليه منها النص وخشاتو دقا وحدا ففمها ودغيا ذابت ليها ..ضحكات بطفولية وقالت:ههههه عبرت على والدييك ههه
مشات ليه بغات تمسحو فيه وهو يهرب ليها وتماات تابعاه كضحك فكراتو هي فاش كانت صغيرة كتبعو مغبنة والليكوش كيعكلها..ضحكاتو ووقف كيشوف فيها تاقربات ليه وشد يديها بجوج من المعصم وقال:هههه هداي ياله تغسلي يديك
محمد:(جر توبة لعندو وحاوطها بذراعو)شوف أ شريف ال عندك شي حاجة متقولها هضر مقاد وبشوس نتبقااش تتغوت عليناا هنا
توبة:صمد أنا اع هي تخنقت
صمد:(جهل ملي شافو جرها ودارها تحت جناحو)ينعل بوو لي ميتعصبش مع طااسيلتك😡😡دايراني ضحكة ياااك أنا فجيب ولاخر فلقلب..انا نطلبك ونرغبك شهر كاامل بااش تجي تفطري عندنا وباش مي تعرفك ونوجدو لسيادتك ونصايبو باش تكوني اليز ونتي خدامة علي أه راه ماما مخلاتنيش وتتدمعي علي فالتيليفون وماي نخرج نلقا جدك كتضحكي وتفرنسي وعايشااا حيااتك وانا لهلا يقلب بدينميي دوييي
المرا:نعل شيطاان اولدي ياله فحالك الله يهدييك واش هي هادي كون جبتيها مكنتش ندهلها لدااري..لي باقي تتخرج مع العزارا متصلاح تكون عرووستي😠😠😠متضيعش الحجراات معاها
صمد:طلقي مني أ مي طلقي..خليني نتفاهم مع ربهاا..لي خارجا ليا مع زاامل ديال الخلا ومخليلني انااا
توبة:(بغضب)صمد حدك تماا..دي مك وسير ولا رااه غنوليو فسليخ المعزيي
صمد تجرأ وجرها من ذراعها تال عندو مكنزز عليها وقال:علاااش أاوبااا علاااش؟؟
هنا محمد مقدرش اصبر وبدا كيتعصب..عقد حجباان و وجاا جرها من عندو قال مخنزر:تعاود تحط عليها يديك متلوم الا رااسك
صمد حس بالحجرة ونفض يديه من توبة وهو يدفع محمد من صدرو بقوة وقال:ديها فك&*** راه صااحبتي وانا حر فيها..نتا ماالك
محمد:(بتاسم باستفزااز وشد يد صمد لي بقات شانقا عليه لواها بسهولة وبلا ميتحرك من بلاصتو )نهار تعاود تهز يديك عليها ولا تقول عليها صااحبتك انا لي غنتفااهم معااك..والى صااحبتك بزعطاا كي تتقولو(ببرود وكيورك على يدين صمد)تانهار تعقد عليها وشتف عليها نتا كااع أما دابا غادي تضور فحالك ولا غنوريك فعايل اابرااهش
محمد مركز عينيه فصمد وكيهضر مبرد وصورتو وهو كيجر فيها قدام عينيه مرضااش وحس برااسو كيتهان فرجولتو وهي معااه..كيفاش قدر هز يديه عليها ولا يحاول حتا يجرها ديك جرة..تفكر تعابير وجهها ملي جرها كيف تحولو لالم وعاد مزاد تعصب:طلعي
توبة:وااطلق منو أبنادم اه غتهرسووو
النرااا:وااعتقووو الرووح أعبااد الله وااا طلق
محمد:(محافظ على هدوئو)طلعي للاوطو
توبة تعصباات من محمد وقالت:وااماشغلكش طلق منوووو
محمد شاف فيها مخنزر وكانت اول مرة تشوفو هاكاك وقال:طلعي للاوطو حسن ليك
شافت فصمد لقاتو كيتألم ويديه لخرا شادها محمد وهي تنهد بعصبية وحلات لباب وطلعاات فحين محمد هي شافها سدات لباب وهو يطلق منو ببرود وقال:سير فحالك أسي صمد
صمد صعر ومرضااش وبغا يضارب معاه وهي تجروو مو تتغوت عليه:واابراااكا براااكا واش بيتي ضارب معاه على بنت الزنقة على كلبة تالخلاا..كون كاانت مراا ونص متخرجش معاااه..
صمد كيتجبد بغا يطير على محمد وحابسااه مو..هاد الاخير معاروش هتمام وطلع لازطو مبرد ماشي خوفا منه انما هو معندوش مع العنف وكيكره اتحط فبحال هاد المواقف واليوم قدر انه اتحط فيه ملي شافو كي جرهااا..ديمارا الاوطو وخلا صمد كيسب ويعرعر من سمطة لتحت ومو تتشد فيه وتحبسوو
توبة:(زادت جهلات)اطلع ليك تالخراا للراس..باشمن حق تتدخل بيناتنا..ماشي شغلك لااش بيتي ضربووو لااش..بيني وبين حبيبي ونتا اش حرg شطاتك
محمد بغضب حبس الفران فنص الشانطي تاتسمع حتكاك الروايض وسقل الشارع كيشوفو تسحابهم كسيدة:سكتييييييي(باغواات)متهضىيييش سكتييييي😡😡😡😡تزيدي هضرة نتفااهم مع حسك..حبيبك ولا خراااك اش هاد نيفو لاش وااصلاا
توبة:(بعصبية)متغوتش علي الله يرحم باااك ومشغلكش فياا هي جوج
محمد:خااارجاا معايااا دونك شغلي وكثر(كيغوت)جاي برهوش ديال لخلا داير ليا فيها معرت شنوو وشايفااه باغي يضربك باغاني نسكت ليه..ولا نني كتموتي على لي كيذلك واصبنك😡😡😡
توبة:غادي تجمع فمك تبارك الله مبيتيش غادي نرونوها حتااا هنااا..دخل سوووق ؤااااسك بيني وبينووو
محمد صعر وبدا كيهلل ويحرك فيديك:أش بينك وبينووو من الاصل هااا أش بينكم 😡😡😡فين كتعرفييييه نتي أصلااا..عاطيك بااك ثقة عمية ونتي كضيعيها باش تخرجي تشوفي ليا هاد الشمكااار هااا
توبة:(تاهيا كتغوت)دخل سوووق راااسك
محمد:مدااخلش الالة مدااهلش وهاد لخراا لي عاد درتي غتحااسبي عليييه ومزيااان كاااع..كنت حااسبك لفوق وبنفسك ومتسكتيش لشي حد ولايني دابا راه ةليتي مساوياا واالووو عندي حيت كااع ديك القفوزية واللسان الطويل حادك معايا هي أنا ودااك ميخي تا لخلا لي جاي كيهلل عليك بحالا معرت اش داايراا وتيسب بحالا عااقد عليك..ونتي سااكتا ليه وملي بيت نربيه بديتي كتغوتي وتهللي..لاش هادشي كوولو هااا تسحاابك معشوق فيك راه هي بغا على من ابين رجولتووو..نص للمغاربا مكيلقاو فمن احكمو وكيحكمو فصحااباتهم حيت لاقيين دين مك نتي ويااهم مسااليات ومذلولات وبلا كراامة لي تخلي هاداك ماهو راجلك ماهو خطيبك اغوت علبييك وديك لمرا لي معاك تتلوح ليك لهضرة بالعلالي ونتي تتحامي علييه هااا وتتقولي ليا حبيبي (ضرب يدو مع لفولون)حبيب الزمر والوييل
تسمع صووت طيييط طيييط فالشاارع لانه وقف وسط الشارع ومتسوقش أما هي عقدات فمها وبقاات كتشوف فيه مغددة ومغرغرين عينيها كأنها مرضاتش انه رد لبال لهادشي كولو..بقات كتنفس بجهد وتغدد أما هو ضور للفولون وديمارا وتحرك مع الطريق متلاش دواا بعدما تنادم معاه الحال على اش قال..بطبعوو كاالم ومكيتعصبش ولاكن الى نااض مكيعقلش..عرف رااسو جرحها وبقا كيخرج نفس معصب وحجبانو معقودين..طول الطريق سااكتيين مهضرووش وكان حسن لانهم بجوج شااعلين والىدواو عاد مغتزيد حدة النقااش..وقف قدام الرياض وحيد صمطة وهز سوارت ونزل بلا ميقول ليها تاكلمة دق فلباب وتيتسناهم احلو فحين هي زاد.كمل عليها وهي تخرج وردخاات لباب ووقفات حداه كيتسناوهم احلو عليهم
حلات رشيدة ودخلز مهضرووش ومحمد كيزرب باش اطلع لبيتوو مخليها مورااه بأحاسيس مخربقاا تاجات اكليل وقالت:توبة جيتوو
توبة توجهات لمها وطلعات حداها فسرير دوزات يدها على شعرها وقالت:حبيبو دياالي أنا لي عصبتها يااك(كيطيحو دموعها وحدا مورا لخرا)اهئ اهئ عصبتها اهئ تخئ
محمد جا موراها مبتاسم وقال:واش هبيلة ولا مالك..راه كانت مزياانة تاطااحت واصلا هاد لياام كتشكا من رااسهاا
توبة مسمعاتش ليه وكملات على بكاها فصمت وتهز يد وردة وتبووسها..كان مرض امها كفيل باش تطلق دموع لي كبحاتهم قدام محمد..تعرضاات للاهانة من طرف صمد لي جلس كيسب فيها هي بالفن بحجة الغيرة والكذوب أما محمد فهو عطاها علاش كتقاب بلا حجة بلا والو..
ستغرب ساجدي من حالها وجلس حداها وقال:توبة مالك أبنتي؟؟من صباح ونتي كتبكي معييتيش..راه ماماك مابيها والو كون بيها شي حاجة انا لول كنت غنتخلع
توبة:هنهنهنهن😭😭😭😭ماما اهئ اهئ اهئ ماما
عنقها محمد كيطبطب عليها وهي يديها مفرقووش وردة لي كانت ناعسة تافاقت على تنخصيصها..حلات عينيها بشوي كتشوف فتوبة كتبكي مربعة رجليها حدااها وهي تشرعهم وقالت:توبة.مالكي؟؟
توبة:اوا معرفتك واش غتجيبي ثمن ولا لا ..ماما حبيية(باستها فحنكها)فاتك الحاال؟؟
وردة:راه هي كبرتي الموضوع راه مزياانا ههه نتي فوجتي شوي مع محمد
توبة تفكراات اش وقع وهي تغوبش وقالت:شوياا وصاافي
محمد:ياله نوضو تعشاااو
ناضو كامليين نزلو للتحت الا توبة ستأذنات بغات تبدل عليها..دخلات لبيتها بدلات عليها مغوبشا وموقف قبيل كيتكرر فمخها..شافت تيليفونها مليوح فلارض ومشات هزاتو شعلاتو وهو يبداو الابيبلت كيدخلو والميسااجات وكلهم من صمد..خزرات وقالت:باقي عند جد مك الوجه لي تعيط ليااا واخا
ياله غنخرج وهو يعاود اصوني..غوبشات وشدات الخط وقالت:مالناا اش كااين؟؟لاش فارع ليا مخي
صمد:(بالغوات)علاش مبيتيش نجااوبي هاا ولا معندك متgولي
توبة:(طلعات صوتها)علاش غادي نجااوبك هاا..قول علاش..نصفق على دينمك ولا نgول ليك الله يخلف عليك هااا دوي..خدامة عند طاسيلت مك أنا حتا تهضر معايا هوكاك اه اه ولا فرعنتي وليتي حبيبي ياك..ياكما تسحابك انا معند جد مي قلب هي تغوت علي ونحني رااس ونخااف راه باقي متتعرفنييش راخ مصعوورة ولسااني بااري مني..تسحابك حيت اونكوبل ؤاه غنسكت على ديك الهضرة لي كنتي تتgول gبيل(كيبغي يهضؤ وكتقاطعو)متزيد تاكلمة ..تبارك الله كنتي نااوي تخلي ضاار بوياا اوا لهلا يحبيك أقرد الجباال تاتحطهم علي gاع متتحطهم علي قبل عسااط داابا ولايني كون هي جربتي ديرها وتشوف..الكوميساريا المخيرة فمرااكش تباات فيها والعصاا المخيرة تااكلها تسحابك حيت صااحبي غنرضى بذل ونحني الرااس هاا..بزااف عليك لا نتا لا مك لي الحمد لله ممشيتش عندها..تسحابك انا شايطاا على دارنا تانجي نشوفها فقااع دارخا وجايا حالا علي فمها بحالا معرت شكوون..اخليك ويخلييها..وبالعربية تاعراابت مكنتش بيت نجي عندكم حيت مبقيتش بيتك بالفريتي كااع وااه ..ربي بين ليا وجهك من دروك لا نتا لا ديك مك لي عامين ونتا تزينخا ليها راه ضريفة رااه مصوابة وديرك بنتها..بوك وبوو مك وgالس تتربب علي وتجبد فالله ..بنتي ماشي هي شمكاار بنتي نيفوو طايح وطيحتيني معااك وجوج كلماات نعطيهم لييك لباقيش تجي تعرفني حسن لييك ونسااني عليييك حسن لييك بحال متتنفعش معاهم الصرااحة كون كذبت عليك كون راك مرتاااح اما ملي جيتك فاص وgلت ليك أ فلان مخلاتنيش ماما بديتي علي وعلاش وكييفاااش هااا بنتي على حقيقتك
صمد تصدم من هضرتها ومعرف باقي ميقول وقلبات عليه الكفة وولا هو لي غالط وسمعاتو لي عمرو سمع منها وهن لي كان معول اغضب عليها وقال:توبة اش هادشي تتقولي اه هي تنتناقشوو
توبة:(هللات عليه)تنااقش بوحدك ومع عظاامك وفوت عليك ساحتي حسن ليك نهار بااقي تعيط لياا برب تانوريك الساجدي اش والد وراك عارفني اش تنسواا
توبة عضاات على شفايفها بغضب وقالت:وانا مكنبغيكش أ صمد..فوتني عليك
مخلاتوش مزال اكمل وفطعات عليه وبلوكات نمرتو ومشات تالواتس وبلوكااتو من واتس والفيس والسناب وتا الانسطاا مخلات ليه منين ادوز ليها..وهزات تيلي ونزلات مغووبشاا والدنعة فعينيها محملاتش تقول ليه ديك الهضرة ولاكن كان هو السبااق فأنه اجرحها وكرامتها فوق كلشي..كيفما كان الحال راه دوزات معاه عامين كلها عسل وفرح معمرو خسر ليها ولا شي حاجة وكان بالنسبة ليها مثال للرجل المناااسب ليها بكل معنى الكلمة وفلحظة هدم كلشي بيناتهم ومقدراتش تسكت على هضرتو وكان كلام محمد هو لي دفعها تساالي كلشي ومترددش رغم أنها عارفت بلي غيخلي بلاصتو عليها بزااف لان أي وحدا منا كانت على علاقة بشي حد واخا متكونش كتبغيه هي غيبدا يخرج من حياتها غيخلي بلاصتو عندها والفراغ غيكون كبير..وبالنسية ليها صمد كان الحبيب والصديف والانيس والانقلاب لي وقع فحياتهم بجوج خلاها ترجع خطوة للور وترد الاعتبار لرااسها
محمد ملي دخل توجه لبيتو معصب..حيد تيشورت ومشا تكسل فوق الفوتوي معاجبوو خال كيفكر كيفاش كان غيضربها ولا فاش كان كيهز عليها صوتو وكيزسد اتعصب..كتعيط بيه سوزان ومكيجاوبش..دخل دوش وعاود خرج باقي مغدد مشا هز لابتووب وجلس كيكتب علاه اخرج ديك الشحنة السالبة فالكتابة وأوروع ماكيكتبو الكتاب هو فلحظة غضب او فلحظة ضعف..قضاا وقت وهو كيكتب محسش براسو حتا بداا كيبرد تدريجياا ستغفر الله ونعل الشيطاان وتفكر اش قال ليها..ياله كان غيخرج اهضر معاها وهو يتدق بلب لبيت وقال:دخل
بتاسمات ليه وكانت غتخرج وهو يقول:نعمة ختك توبة لتحن؟؟
نعمة:اه
بتاسم ليها وخرجات فحين هو لبس تريكوه ونزل تبعها كيتسماا اشوفها..دخل عليهم لصالة لقا كلشي مجموع سلم وجلس حداهم وعينيه على توبة لي مكتهضرش هي هازا تيلي وكدورو فيديها ملاحظاتش حتا وجودو..بقا مرااقبها بلا كلل ولا ملل تارد ليه محمد لبال وغوبش شافتت وردة وهي تهمس بينها وبينو:أ مالك عاقدهم؟؟
محمد:والو
وردة:تامنكونش كنعرفك ههه فرق عليك دري
محمد:شو كيكيشوف فيهااا
وردة:هههه واعميهم لييه ههه
محمد:فنظرك معاملتو ليها نورماال
وردة:من صغرو كيعاملها هاكاك هههه واخا كان كيضربها ولاكن عزيزة عليه وفاش كيجيو اه مكينعسش من غير حداها
محمد:ديك ساعا كانو باقي صغااار دابا كبروو..زغما ممكن تكون كتعجبوو؟؟
وردة:هههه بحال والو..نتا لمباارك الى بات ليك هذا ههه
محمد:باقي عليهاالحال(غوبش)ماشي وقتها دابا
وردة:هههه مسااخيش وثاافي..وا حبيبي اه لبنات هي ضيااف فديورهم وغيجي واحد النهار وغيمشيو ونتا مع والد هي لبنات خرتك هي معايا أنا هههه والى دات محمد راه مباااركاا ههه بعدا وفااء تربات على يديها وكتعرفها ماشي بحال الى مشات لبرااني
محمد:واش جاب وفاء للهضىة؟
وردة:عجوزة ضريفا ماشي بحالي أنا😒😒
محمد:هههه كتعقلي على جد نمل هههه مدام زهرة معاقلاش عليك كااع بقا هي تعقل اش كانت كدير معاك
وردة:هههه الله يستر اوا جمع عينيك من سيد خليه اشوف
محمد:خاصني نعرف اش تحت رااسو
وردة:فوت عليك دري الله يهدييك ههه
تحط العشاا عاد نتابهات توبة لمحند لقاتو كبشوف فيها سرطات الريق وحنات راسها حشمات منو على الموقف أما هو قرا فعينيها الحزن وتنهد وبداو كيتعشااو ويهضرو ومحمد عينو فطبسيل وفتوبة ومعا العائلة..تعشاو وسالاو ونطقات توبة:انا غنمشي نعس غييت
وردة:وليتي كتنعسي بكري
توبة:العياا تالباااك بدا كيرجع معايا وصاافي
باست واليديها وجداواتها وطلعات تنعس او بالاحرى هي تنفارد براسهل صافي..ونفس الوقت تبعها الكلاوي بحجة النعااس والساجدي مرضش لبال حيت لهاتو نعمة لي كتلعب معاه وتضحك وهو كيهرها..
طلعات لبيتها وياله غتحل باب بيتها تحطات يد على كتفها تلفتات لقاتو محمد وقالت:مالك
محمد:(بعد صمت)بغيت ندوي معااك
توبة؛(بامتناع)مافياش أ محمد درووك تال من بعد ونهضرو
محمد:هي صبري وسمعيني
توبة:فففف اش كااين
محمد سمح لرااسو وقرب منها كثر شد يد وحدا ديالها بيديه وقربها لفمووو وبااسها قبلة حنينة خلاتها تخرج عينيها مصدومة وقال:سمحي ليااا
توبة :هاااء😳😳😳😳
محمد:(كيتحسس صباعها بيدو)سمحي لياا على قبيل مقصدتش نغوت عليك ولا نقوليك دييك الهضرة لحظة غضب وصاافي
توبة:هااء
باقي مصدومة والرعشى كتجري فجسمهل من شدة لي شاد يديها..قريب منها ويديه كتلعب فصباعها بلا ميشعر وعاود قال:مقدرتش نصبر ليه كيهضر معاك هاكاك ومحملتوش ادوي معااك هاكاك واخا معرت شنو مابغاا يكوون
توبة:ءء أنا هي
محمد:متقولي والو من جهة حيااتك هااديك ولكن(سكت لمدة)مبغيتش ندخل لفضول ولاكن بغيت نعرف شنو بينك وبين داك سيد
حنات راسها وهو فهم جوابها..تنهد بغير رضا وقال:علاااش؟؟شنو خاصك؟؟
توبة:كيفااش؟؟
محمد:علاش تكوني معاه هو علااش..ميستاهلكش شوفي هي طريقة بااش كيهضر معااك
توبة:(بصوت حنين خاشيا راسها بين كتافها وهازا فيه عينيها مغرغرين)هي كان معصب
محمد:كان غيضربك
توبة:لا (طاحت دمعتها)مكنتيش غتخليه يااك؟؟
محمد بتاسم بخفة تابانت غمازتو وقال؛لا كنت غنهرسووو قبل ميديىها
توبة تنهدات وبداو الدموع كيطيحو ليها..بلا متحس قرباات وتخشات فحضنو الحنين وعنقااتو من كرشوو رتااح نسبيا وضمها ليه كثر جا ذقنو فوق من شعرها..لحيتو مع شعرها كيتحاكوو..كيسمع تنخصيصها وحنكهت لي كتحكو مع صدرو باش تمسح دموعها..أما هو كيحضنها ويزيد اخشيها فيه وعلى فمو كلمة وحدا:سمحي ليااا
توبة كانت محتاحة لحضن او بالاحرى لحضنو هو..وصلات لمرحلة ديةل أنها باغا حضن جديد غير ديال مها وبااها ومحمد بحنيتو كيجيب ليها لبكية فلقاات ان السبيل الوحيد هو ترماا فحضنوو وتحاوط كرشو بيديها
بقاو لمدة هاكاك وكيتنهدو تتبردات وهي تبعد وقالت:هئ اهئ عيييت
محمد:(شد وجهها بين يديه)صاافي كااالم..موقع والو..واش كابغيه تال هاد درجة
توبة:اهئ اهئ اهئ معرفتش اهئ لي عرفت هو بيت نبكي وصاافي
بقا معنقها كيطبطب عليها وعقلو كيمشي ويطي بالافكاار..كان بغا يروي فضولو من جيهتها يعرف باش كتحس من جيهة صمد يفهم راسو من رجليه ولكن معطاتوش راس الخيط ودموعها خلاوه انساا شي حاجة كتهمو فقط باغيها تسكت من البكاا
حس بيها عاودات عنقااتو وبتاسم وقال:بغيتي تنعسي؟؟
حركات راسها بلايجاب وهي كتعنفج فوجها فصدرو..حل لباب تبيتها ودخل هو وياها معانقين او بالاحرى هو لي معنقها..دوزها للحمام هو لول شعل ضو ودخلها معاه وقفها فاص ليه كيحقق فوجهها لي كيجيه ملائكي دغيا ولا حمر وتحت عينيها تنفخ..حل روبيني وبدا كيغسل ليها فوجهها بحنية مسحو ليها وجرها تاني مساخيش اطلق من يديها..لي شافهم غيتفكر فاش كانو صغار وميغوت عليها باها كان طيجرها معاه هاكاك..داها للسرير تكات بتعب وعينيها باقي كيتساقطو بدموع..عزات عليه وجلس حداها فطرف سرير..شد يديها بين يدو كيداعب صبيعاتها لي كيحمقوه حيت عاامرين ومطبزين..وقال:حاولي تنعسي ياله تال غداا وفكري واخا
توبة:(بصوت منغنغ)واخا
غمضات عينيها كتسنا النوم اجيها تحت أنظارو هو لي يد فيديها ويد فلحيتووو ويتبع عينيها ودموعها وفمها وحناكها..بقا لمدة هاكاك بلا ميمل تاتأكد أنها نعساات وبغا يجر يديه ساعا كنززات عليه بتااسم وقال:خههه شويطينة
حاول اجر يديه بشوي بلا متحس تانجح..غطاها بايزار خفيف وقف غادي خارج تاتفكر شي حاجة ورجع عندها طبع قبلة على جبينها حنينة وخرج بملامح ممفهومااش مخليها غارقا فنعاسها
محمد:ههه عند بنتك مع ماشاء الله انا وياها مفاهمين بزااف
وردة:ههههه اشكنتو كديرو؟؟
محمد:هههه والو هي هضرنا وصاافي راخ نعسات بلا متمشي عندها
وردة:غنمشي هي نرد عليها لغطا حيت كتعراا فليل
محمد:غطيتها عاد خرجت هههه
وردة:(هزات فيه حاجبها)زعما نتوما اه منافقين مهار كولو ونتوما تناكرو وفليل تمخشش فيها وتمخشش فيك
محمد :هههه من ديما ههه(باسها فحنكها)بونوي
وردة:هههه بونوي
مشا كل واحد لبيتو ينعس وعم السكون فالريااض كلشي نعس الا محمد لي كان كيكتب كيف عادتو وعاصر على قهوة كحلة كيكتب لمدة طوييلة تاجاه نعاااس شاف الساعة لقاها جوج تليل ناض شرب المااا مزيااان ومشا نعس فانتظاار غد جديد..حتا فاش جاو فيقوه متانع وكمل نعااسو
###
مرت أيام رمضاان كلها عادية عند الكل الا عند محمد وتوبة هاد الاخيرة كان نعارها عاادي جداا ولكن ليلها سيء كتبقا تفكر شنو وقع بينها وبين صمد وتزيد تبكي..الدموع مكينشفوش من عينيها فليل..كتبكس على أيامهم وأنها ولفاااتو كان شخص حنين فيها ومتقبلها كيفما هي بلا مشااكل وبلاصتو مقدر اعمرها تاحد واخا محمد ديما كيحاول معاها اهضرو ولاكن كتغلق على رااسها وتاهو خلاها على راحتها ودخل فدوامة من التفكير فيها وفحالتو معاها..نهارو ماهواش نهاار خاصة انها مبقاتش كتقاجح وتناكر ولات منغالقة على راسها رغم ان صمد مخلا حتا شي وسيلة باش اتواصل معاها بدل النمرة وكيعيط ليها وتباوكيه كيعيط بريفي وتقطع واصيفت بالفيسات خرين ووالو ولانها طول هاد الفترة مخرجاتش معرف كيدير تواصل مع نبيلة تشوف مالها ولكنها رفضات تعاود لشي حد..داز عليها رمضاان حكل رغم محاولات دارهم ومحمد ولاكن مقدراتش تحمل أن صمد الشخص الحنين اخرج فيها هاكاك..
اليوم كان أخر أيام رمضاان فطروو بضحك والنشاط كيودعو أخر طبلة ترمضاان
وردة:الله يجعلو مغفرة للذنوب
الكل:أميين
فتيحة:انا مورا الصلا غنمشي لداري ندوز العيد تماا
وردة:ومال هادي ماشس دارك😒😒
توبة:ههه الله يعميها لييك أفتيتوح
فتيخة:هههه اوهو هي توحشت داك لقنت والعيد تماا فشكل كندهل عند جيراني وحباابي ونجمع ههه ياك تانتوما كتجيو لتماا
الساجدي:اوا بقاي تاتمشي معانا غداا
فتيحة:لا لا خصني نشوف واش كاينا شي حلوة نgادها ولا شي جنجلان نحمروو
كملو الفطور وناضو سلاو اخر صلاة رمضان لهاظ العام وتجمعو تاني للعشاا بنفس الشكل سالاو وناض محمد هز بيسي ديالو وطلع للسطااح للجليسة الفوق بغا يكتب تاني..تسلل من وسطهم بكل أدب وكلع للفوق كيكتب تاسمع خطوات فالدرووج..تلفت بانت ليه توبة لابسا سروال قندريسي وتريكو نص كم بيض كتنفس بجهد..بتاسم لمنظرها وقال:توبة الفراعة
نتابهات ليه وقالت:هااا نتا هناا
محمد:الى بغيتي ههه أش طلعك لهنا
توبة:ويلي راه دارنا ههه اش كدير(شافت البيسي)واش وقتما شفتك كنلقاك هاز داك لبيسي وهادي كاملة خدماا
حكايتنا الجزء 13
محتوى القصة
التنقل بين الأجزاء