محمد:معرفتش..لدابا هي كنكتب وصافي مع الوقت نعرف سميتها
توبة:علاش كدوي؟؟
محمد:اوا هنا هداي علي خليها تاتنشر وقرايها
توبة:(عوجات عينيها)وامافيا لي يصبر هي عاود والله منgولها لشي حد
محمد:ماشي قضية تقوليها لشي حد ههه لا ..هي كل مرا وشنو الفكرة لي كنكتب عليها
توبة:اه اوا واشمن موضوع؟؟زعما واش درامي ولا رومانسي ولا اكشن
محمد:هههه كوميدي ههه من نيتك
توبة:اوا هضر بلا طنز
محمد:بين وبين ..راه غنحرق ليك المراحل
توبة:بففق واخا وامتا غتنشرها؟؟
محمد:معىفتش بضبط وقتما ساليتها غنشرها
توبة:مممم اوا لهلا تعطينا نقرااها
محمد:هههه علام نتي ههه غتقرايها...نواعدك كي نساليها باقي منحطهاش تنشر نعطيها ليك نتي لولة تقرايها اوك
توبة:(بتاسمات)اوك😊😊
محمد:ياله وا أري كادو تالعيد
توبة:هههه نتا لي خصك تعطيه ليا راه نتا لي رااجل
محمد:مسوقيش مجايبش ليك ههه
توبة:هههه مالك سقراام نتا خدام خصك تضور معايا يالع اراا
مدات ليه يديها وقالت:ياله كحب الحبة
ضحك وهو يقول:كح كح
توبة:هههه ولا دخل لعندي بشي حمراا
محمد:هههه
توبة:ياله اوا بيض
محمد:اوا هنا هداي علي راه بنادم ماشي فرووج باش نبيض هههه جمعي يديك أطلاباا
توبة:نهههه تفو على سقراام(وراتو سنسلة فعنقها)شوف هادي كان جابها لينا بابا فالعيد لول ليه مع ماما
محمد:اييه هاد سنسلة من صغرك وهي فعنقك
توبة:وخواتاتي عندهم كورمييط مكتوب فيهم أنا احببتك أولا
محمد:فكرة زويينة ههه كتجيك زويينة
توبة:وي ههه
بقاو مجمعيين كيضحكو وقدرات تنساا شوي مرا اتناكرو مرا اتصالحو تاتكااو كيشوفو فالقمرة وقالت؛حبستك على لكتبة هي كتب بلا منشطنك
محمد:مجاتش هه نتي حدايا ونكتب طار الالهاام خههه
توبة:مشي القرد هي كتب هههه
محمد:اوك
حل لبيسي ديالو وكمل الكتابة ديالو باريحية كيف لا والملهمة بحد داتها قداامو..عين عليها وعين على لبيسي..كأنو كياخد منها جرعتو..أما هي هزات تيلي وكتسنط لعظاامهادارت لكيت وطلقات الموسيقى وهو ينطق:ههه الموسيقى ههه راه باقي مخرج رمضاان ألحادكة هههه
توبة:ديها فرااسك ههه
ضحك ورحع عينو لبسي كيكتب ويشوف فيها فرحاان وقلبوو كيضرب دقاات متتالية معرفش شحال ديال الوقت قضا فالكتابة ولكن فاش هز ؤااسو لقاها غفاات والكيت باقي فوذنها..حيد لبيسي وناض لعندها..تحنا على ركاابيه كيوشف فيها بحب وكيتسائل اشنو هادشي لي ولا كيجرو ليها طفلة حنونة فريعان شبابها خلاتو احير وهو لي عقلو عقل واحد بعمر الثمانينات..مد يدو دوزها على شعرها الخريري وحيد ليها الكيت من وذنها..دار وحدا فوذنو بغا يعرف لاش كتسنط عندو رغبة كبيرة يتعرف على أدق التفااصيل فيها شنو كتسمع شنو كتبغي تاكل كيفاش كتهضر وزيد زيد لقاها طالقا أغنية multu sunzuz تركية بتااسم وقال:وحدا زوينة بحالها لاش غتكون كتسنط
شافها تكمشاات فداتها فوضعية جنين..ضحك وحك لحيتو وقال:على خر يامك أ محمد تولي حال فمك فهاد شاطا ماطا
سكت ليها الموسيقى وهز غطا من حداه وغطاااها..جاب غطاه تاهو وتكاا حداها كيشوف فيها باعجااب وفكل انش فوجهها كيكتب فعقلو فيها قصيدة..للبنت لي خلاتو فايض بالالهاام وكيكتب بدون توقف..فظرف رمضان قدر اكتب 130 صفحة فروايتو لي دوز فيها عام ونص وهو كل مرا كيبغي اكتب كيعجز ولا كيطير ليه لالهام..ممتيقش راسو أنه كيعيش أحاسيس جديدة عمرو كتب عليها ولا عرف نوعها..جرب نساء قلال وكل وحدا وشخصيتها ولاكن شخصية توبة وحدها شخصية خاااصة لا تمت للنساء الاخريات بصلة..غمض عينيه هو الاخر على وجهها كيتسناا فجر العيد تاحس بيها تخشاات فيه وتتنغنغ فنعاسها..محلش عينيه كتافا أنه يبتاسم ويلوح يديه عليها محاوطها ونعس تاهو
####
فجر العيد..فجر مختلف..فاق محمد هو لول على صوت الاذاان وحتا حيت تحرك شوي تالريح..حل عينيه عليها بتااسم وقاا فنفسو:كل عام وشجرة ياسمينك تكبر في قلبي
ناض من حداها وتتفوه على راحتو عاد وقف وهزها بين يدو غارقا فالنعااس ونزلها معاه لتحت..توجه بيها لبيتها حطها تماا وغطاها وخرج توجه لبيتو دوش وتوضاا وخرج للجامع هو والساجدي لي لقاه لتحت مع وردة..مشاو صلاو الفجر ورجعو فحالهم طلع كل واحد ابدل عليه باش امشيو لصلاة العيد فلمصلى..مشات وردة فيقات بناتها بالكشاايف وبالجران والنتيف لانها دائما حريصة على أنهم امشيو معاهم لصلاة العيد بغاتهم اترباو كيف ترباات هي على القناعة والبساطة رغم أنهم خانزيين فلووس ومن أغنياء مراكش ولاكن رباوهم على القنااعة لاغير..لبسات وردة جلابة فالازرق ودارت ليها شالها جبدات عينيها بكحل ولبسات بلغة فرجليها فحين محمد لبس جبادور فالاسود كيف العادة وبلغة فرجلو..واقف كيسرح شعرو تابانت ليه وردة مشا باس يديها وراسها وقال:عيدك مبرووك أ حبيبة قلبي
وردة:(طبعات قبلة حارة على جبهتو)كل عام وانا معااك
محمد:هههه أمين
خرجو مشاادين ونزلو للتحت فحين توبة لبساات جلابة فالاغوز بيبي وبليغة ديالها مخيطة بالرمادي ودارت شال فالرمادي خفيف..كتافات بقلم أسود زينات بيه عينيها..جرات بلغة وخرجات نزلات للتحت اما اكليل فراه لبساات جباادور فالابيض جاها قتال ودارت ماسكارا لاغير وخرجات شادا فنعمة لي تاهيا مسلمات من حوايج العيد التقليدين..تلاقاو لتحت وبداو كيتسالمو واتباركو العيد وابوسو بعضهم بحب وفرق عليهم محمد هداياهم كيف كل عاام وهومت كيبوسو فيه ويعاودو حتا تم ناازل محمد الكلاوي بفخاامته ووسامته الهائلة..لابس دراعية فالزرق مغلووص وبلغة معاها ماشط شعرو وريحة خفيفة منسمة داتو بالاضافة للفتحة لي فالفوقية مبينة بعض زغيبات من صدرو عطاتو رونق خااص والساعة اليدوية فالاسود يالهوييي..بتاسمات ليه وردة وقالت:عيدك مبروووك
جا عنقها وباسها وقال:الله يبارك فيك
نتابهات ليه توبة وبتاسمات باعجاب لكمية الرجولة لي مرافقاه دائما لا من ناحية اللباس لي كيختارو بعناية ولا من طريقتو فالسلام..كيسلم بوجهو ويد كيحطها على ذراع الاخر مع بتسامة نابعا نن القلب..قرب لعندها هو أيضا حمقااتو بالبلدي وقال:هانا تاني على بنت الساجدي هههه(جرها باسها فحنكها قدام كلشب)مبروك العيد
توبة تزنكاات وحافظات على بتسامتها وقالت:تعيد وتعاود المشكوودر هههه
محمد:ههههه ان شاء الله..تتبتاني زوينة معرت كيطراا
توبة:هههه هي نتا لي واقلة بديتي تتشوف موياان أما أنا غزالة من ديما وحااطا علييك ودابا غتحركوو للمصلى قبل منقندش ونصدق قالباها معا طاسيلتك على الصبااح
محمد:ياربي السلامة وااصبااح هو
وردة:دي متعودة هههه ياله
خرجو كاملين وركبو البنات مع واليديهم وتبعهم محمد فالاوطو ديالو تال المصلى..نزلو صلاو وعاو تلاقاو وشدو الطريق لدلر فتيحة والمختار فين موالفين كل عاام كيفطروو..شاد محمد فزهرة وكيضحك معاها باش متلفش..
وصلو للحي الشعبي القصبة..الدعوة مخلطة الجيران كيدخلو عند بعضهم اباركو ولي تلاقيتي معاه مكاين هي عواشرك مبرووكا وحجباانك مشروكة والضحك والنشااط..توجهو للدار ووردة كي درهم الحلال منيما دازت تتسلم..دخلو لقاو السالكة وانور ومراد وعيالتتهم كيتسناوهم على احلى طبلة تالفطور شهية فيها هر بر(معرفتش سميتو باللهجات الخرين)والسمن والعسل والصوني تأتاي والملاوي والبغرير والحلاوي بشكال والنوااع ومكاين هي النشااط..تجمعو لطبلة وحدا كياكلو ويضحكو كيف أي عائلة محسش محمد بتاتا بالفرق عارف راسو بحالا مع دارهم لي عيط ليهم قدامهم وهضرو معاهم كااملين..بارك لخوالو كذلك ولكاع معارفو لمسلمين ودوزو نهارهم كولو مع بعضهم كيضحكو تا وصل وقت الغداا والمفاجأة جاات اسماء خت محمد الساجدي شادا الطريق من الرباط فالصباح باش تلحق معاهم..دارتها مفاجأة قراس وردة بوحدها كلشي تفاجأ مشاات كتجري عنقااات مها وتبكي وتبةوسها وهي مفاهما تازفتاا مرا تعقل مراا لااا..تغداو مجموعيين ضاحكين وتجمعات العائلة وفلخر ختموها بالدقاا المراكشية برئاسة أنور ومرااد وتوبة ووردة وأكيد فتيحة لي حيدات عليها الحشمة مكااين هي دق
دوزو نهار العيد عائلي بامتيااز ورجع كل واحد لدارو ارتاح واستأنف أيامو تاني
####
نرت أيام العيد عادية جدا ولا من تغييير ..كانو جالسين على طبلة العشاا حتا نطق الكلاوي:ان شاء الله غدا غنرجع لامريكااا
وردة:لوااه بقا مزاال
محمد:ههه راه قربت نشد سكنا معاكم هههه
وردة:مرحباا بيك داارك هادي
الساجدي:صافي غترجع؟؟بقا مواال
محمد:براكاا راه رمضاان ودوزتو هنا والعيد وفؤاد له واقف علي عند راسي خصني نرجع
توبة:هههه بقا مزاال مالك ياك تاهنا خداام ولفنااك والله كنبغي هي معامن نتقابح
محمد:راه الحيط تقابحي معااه هههه
توبة:هالعار نوض من دروك فحالك هههه
اكليل: الله حتا ولفنااك أخوياا
نعمة:بقات معانا
محمد:ههه براكا علي ههه نمشي باش تعاودو توحشوني
توبة:هي سير والله ميتوحشك حد هههه
ضحك وقال:نتي بذاات متندويش معااك
وردة:امتا مسافر؟؟
محمد:عندي طيارة فالصباح
الساجدي:خليك باقي معانا انا نهضر مع باك
محمد:هههه الواليد مقال والو هي انا لي بيت نرجع خصني نقابل شغالي تمااا
وردة:اوا الله اعاونك على شغاالك
محمد:أمين
كملو عشاهم وناض كل واحد انعس..فالدروج طالعا توبة ومحمد واكليل وكيهضرو تامشات اكليل وبقاو بجوج وهي تقول:معايتش عندك الطيارة؟؟
ضحكات على راسها ومشات بدلات عليها وتكات بلاصتها كدور فاليس بوك ولانسطا تاعياات وحطات تيلي ونعسااات
##🌄🌄🌄🌄
أخر صبااح لي في مدينتك يعني أنه أخر صبااح لي مع تنفساتك ومع عطرك الشجي الذي يملأ حيااتي مسكاا
فاق محمد على صوت الغيفي طفاها وناض بنشااط دوش ولبس حوايجو لي عبارة عن تيشورت فالاسود ودجبنز وسبادري..رش بارفان خفيف وجر شانطاتو معاه نزلهم للتحت..تلاقا مع وردة كتحط فالفطور وقالت:صبااح النوور الحب تاعي
محمد:(باسها فحنكها)صبااح النورر الحيبان تااعي
الساجدي:اوا لواع اش هاد الخيانة هههه
محمد:متخاافش تتبغيك كثر مني ههه اش فيقكم دابا ياله سبعة
خرجو معاه تال لبرا وهو شاعلا فيه لبيضة بغا اشوفها اودعها اطفي نارو منها..ملقا حتا حيلة من غير انه يقول:نسيت تيلي ديالي لفوق انا نطلع نجيبو
الساجدي:بلاتي نصيفت كريمة(الخادمة)تجيبو ليك
محمد:(بامتناع)لا لا مكاينش لاش انا نجيبز
بتاسم ليهم وطلع بزربة للفوق والوجهة كانت بيتها..دخل بزربة لقاها باقي نااعسة كي شي أميرة قرب لعندها بشوي كيتمعن فيها كاره أنه امشي واخليها موراه..دوز يدو على شعرها بحب وباس أطرافو من لنحت..حتاضن يديها بين يدو وقبلهم بحرارة عاد قبل جبينها وقال:بيناتنا جباال ابنت الساجدي والجبال مكتهدش ولايني فحالتنا الجبال كذووب ماشي هي كتهد هههه غنتوحشك
باسها فحنوكها بجوج بحنان وناض من بلاصتو مساخيش اخليها..تاكان غيخرج هو يرجع بزربة لماريوها كيقلب تاطاح على شال كديرو بزااف على عنقها وهزو..شم فيه ريحتها طواه وخشاه فجيبو بزز واخا مقدش ..مواعيش اش كيدير ولا تصرفاتو لي صبيانيين فقط متبع قلبوو
نزل لعندهم لتحت مبتااسم برااحة وجر شوانطو سلم على وردة بحرارة وطلع فالاوطو مع محمد لي تاجه بيه للمطار ديركت
تجمعو كاملين علل طبلة كياكلو ويضحكو وهو كيعاود ليهم على مراكش والجو الرمضاني فيها ومنوراها كلها تكود لشغلو
داازو أيام وأياام على كل من توبة ومحمد لي ولاو على تواصل كل نهاار وكل ساعة كيهضرو سوا ميساجات سواا ابيل ويجلسو مجمعيين..
دوزاتها توبة من دار للكور ديال الميدسين كتوجد للامتحان ديالها ومحمد هي الخدمة كيف العادة..كل نهار كيدويو واتبادلو اخبار يومهم تاولات عندهم عادة
محمد علاقتو بسوزان تراجعات مبدئيا هي تشغلات بشركتهت وهو وقتو مفرقو لعائلتو وللخدمة لتوبة ولكتاباتو وكل مرة هضرو كيتخاصمو فيها واتناقشوو..لحد الان مر شهر ونص ديال الصبف ووصل لخر تشهر ثمنية وفيه غدوز توبة لكونكور تاعها بعدما وجداات كلشي ومىاجعا ونااضيا مع الدعم المعنوي من واليديها والاقرباء أما صمد فشحال من مرا كيدير نمرا خراا ابغب ادوي معاها وكتعرفها ديالو وتقطع تتحرق عليه ولاكن كتفضل تولف غيابو على أنها تبقا معاه هو لي فلحظة غضب جفف بكرامتها وممكن فاي لحظة اديرها
اليوم فاقت توبة بكري دوشاات وبدلات عليها ولبسات جينز بيض لاصق وديباردور بيض بسميطات رقااق ومع زادت غلاضت ولات كي دبة ويديها تنفخو هوما ورجلييها..سرحات شعرها ودارت ايكرون وقلم لعينيها زرق برز لون عينيها كثر بتاسمات بحماس وقالت:ياربي يسر ولا تعسر
هزات صااكها وصندالتها نزلاتها تالتحت وتلبسها..
نازلة بالحفا كتجري لقات مها وباها كيف ديما كيفطرو باستهم وقالت:صبااح التوت الى تاات الخيبان ديالي لي واخا ادوزو القرون ميملووش من راسهم
وردة:هههه خمساا وخمييس علينا ههه
محمد:الموت هي لي غتفرقني عليها ههه
توبة:أحياانا عليك أكينكو واطرني رااك طاايح فيها عما شتي كون مكانتش مي والله تنبصم ليها سااحراا ليك
محمد:هههه سحراتني ماشي ساحرا ليات خهههه
وردة:(باستو فحنكو)اخليلي لمشكودر تاعي أنا😍😘😘
محمد:زيدي أحبيبة شي وحدا هنا(حط صبعو على فمو)
توبة:لعنة الله وعليكم هههه اعوذ بالله الخووت اشرفاا راه جالساا معاكم وااقلة
وردة:هههه باك أبنتي هو لي gالو عليه شرف وهو يهتر
توبة:اوا ضربي فيه لفgد الزغبية هههه راه زمانك هذااك
وردة:هههه فطري فطىي انا وياه اه مكنساليوش
توبة:(كتفطر)واش دوك المعجازات باقي جابداات علبييه هههه
محمد:ههههه بحال هاكاك هههه
توبة:والله تاظلم هوما لي غندهم الصيف انا منهار نجخت وانا فاتمارة تااني
وردة:هي تقبلي ان شاء الله وافوتك الحال وتولي حرة تانتي
ياله غتكمل قااطعها صوت كلاكسون سياارة جاياا جيهتها ومعرقلا خركة السير..توبة تضهشراات ومبااقيش قالت واالو كتشوف طونوبيل جايا مجهدة ياله غتعكس المنحى ديالها وهي تدخل فيها مجهدة وقبل طلقاات توبة غوتة كبيرة تسمعات فوذن محمد:اااااااااااععععععععع
بوووووم دخلات فيها طونوبيل من الجنب تاتلاحت هي والموتور وجات طايحاا ولكن قبل دخلات فيها الاوطو تانقزاتها من فوق الموتور
ترفعاات توبة تالفوق وطااح وجااا راسها فوق لارض
تسمع صوت محمد بالغواات:تووووووبة
تجمعات الجوقة على توبة لي مكسلة على كرشها فالارض مغيبة..وتيلي حداها تشخش تفك الباتري فقنت والباب ديالو فقنت..وهي كتلتاقط انفاسها بصعوبة كيبانو ليها فقط ارجل النااس لي كيتجمعو عليها..الضبابة على عينيها خيمات موراها فقدات الوعي
تجمعو عليها النااس لي تسمعات غوتتهم ملي شافو كيفاش دخل فيها..بينهم نسااء وفتياات لي صرخاتهم تسمعات تال وذن محمد قبل مايتقطع الخط..دايرين بيها وهي كيف الجثة مغيبة والدم خارج من وذنيها وراسها
..:أعباد الله عيطو لبووليس عيطو لمبيبلونص
..:واسيدة اه واقلة مااتت ويلي خارج ليها الدم نن وذنييها
كلشي كيهضر وكثر القيل والقال والناس مجوقا كيتأسفو عليها والاخرين وقفو مول الطنوبيل لي كان سكراان ياله راجع من لباار وبااقي مبوق..مخلاوش ازيد..جبدو الناس التيليفونات كيعيطو للاسعاف لي والله واخا تيبسوو ميجيو وهي كتحتاضر نوعاا ماا حيت الضربة فالراس..عياو اعيطو والطريق تحبساات مبقا منين ادوز البشر ..كلاكصون السياارات لي تحبسات عليهم الطريق وكذلك الماطر..
واحد المرا تتغوت محنبة حدا توبة ومقدراتش تحط عليها يديها:وااا عباااد الله وااعباااد الله واراه سيدة تتموت عيطو لمبيللنص
..:وا الواليدة اه عيينا بتضواار اه متيجيوش الى معيطوش البولييس
نطقات واخد الشابة:هاواحد السطافيط داايزاا وقفوها
وفعلا وقفات السطافيط ملي شافت الطريق محبووسة نزلو جوج مخازنية كيبعدو فالطريق تاوصلو عندها..تحنا عندها واحد قاس نبضها فعنقها وقال لزميلو:عيط لمبيلونص دروووك البنت باقي عاايشاا
..:واخا الشااف
وفعلا دوز مكالمة لاومبيلونص ومشا شد داك لي ضربها ومع لقاه فحالة سكر قال لواحد معاهم:دي هذا حتا توصل وقتو(مخاطب النااس)النااس بغدو وي ونتوما جووقتوو
تسمع صفير الاومبيلونص منين ومنين كتعلن على قدومها وخواو ليها الناس الطريق وقفو وجاو بزربة ببياص داروها فيه وهي دورو ليها وجهها كلشي قلب وجهو من المنظر كان دم خارج من راشها ووذنها مغطيه ليها تقريبا كولو..داروها فالاونبيلونص وصفرات تاني ومشاات كتغوت باش اخويو ليها الطريق..موقفات لا فسطوب لا فوالو ديركت لاكبر نستشفى حكومي فمراكش والخاص بالكسايد بن طفيل او المعروف بسفيل
###
فأمريكا محمد واقف بغا يخرج ليه عقلو كيعيط ويعاود فنمرتها والخط طاافي..بغا يحماق واقف ويمشي وسجي ولا حمر ومعصب..كيحس براسو غيتفركع وقلبو كيضرب فتسعين ملي كيتفكر غوتتها فوذنو..عيا يعيط فالاخير قلب لخط لباها وتسنا بعض الرنات عاد جااه الضوت:الو
محمد:(بزربة)عمي فين كااين؟؟وفبن توبة؟؟
محمد:غادي لخدمتي علااش؟توبة راه مشاات دوز كونكور ديالها
محمد مسح على راسو بعصبية وقال:تووبة دارت كسييدة
وردة:(غوتات)ااااااه اشنوووووو
كان داير الهوت باغلووغ فالاوطو حيت كان غادي اوصلها لخدمتها لان سيارتها خاسرة ..شهقاات وتاهو حبس الفران بجهد على ليمن وهز تيلي وقال بخوف:كيفااااش؟؟كيفاش كسيدة
محمد:معرفتش معرفتش كنت كندوي معااها تاتقكع الخط وتسمعات غوتها..وصوت الكلاكسوون
محمد:واش كضحك
الكلاوي:(بعصبية)واا ش وقت الضحك البنت واقعا ليها شي حاجة قلب عليها انا جااي
مشا سعيد كيسول مخلي الساجدي ووردة بيتفركعو والوجهة لفااك لي غدوز فيهاا ووردة تتبكي وتغوت بغات روحها تخرج..كتفكرها وتتقول غتوقه شي حاجة وتزيد تبكي..حبس محمد الفران حدا لافاك وياله غينزل تسمع ضوت سعيد لي قال:الو خوياا محمد
محمد:نعام اخوياا امدراا
سعيد:هادي ربع ساعة وقعو جوج كساايد وحدا بطوموبيل فيها رااجل ولخراا فيها بنت صغيرة
وردة :اهئ اهئ اهئ
محمد تنفس بخوف وقال:اشنو سميت البنت
سعيد:مممم بلاتي(مخاطب زميلو)رضوان اش سميت لي دارت الكسيدة
رضوان:لقاو ساكها فيه كارط ديالها فيها فاطمة توبة الساجدي
تصدم محمد والنفس تحبساات فيه أما وردة كلقات غواتها تاني تتبكس وضرب فراسها وتقول بنتي بنتي..معرفو ميديرو..من غير انه اديماري الاوطو وقال موجه لكلام لصاحبو:سعيد فين داوها؟؟
سعيد:أكيد لبن طفيل..شوف اخويا الى محتاج شي حاجة انا فذمة
ع.الرحمان:كنأكد ليك غنديرو لي علينا وتبرا ان شاء الله
محمد:هي تخرج غنديها لكلينيك حسن
ع.الرحمان:مكاين لااش هنا قايمين بالواجب وانا نوضي عليها
وردة:😭😭😭😭😭اهئ اهئ اهئ الله علل حبيبتي الله اهئ اهئ مشاا ليها كلشي اهئ اهئ
عنقها محمد مسكتها وبقاو جالسين على اعصاابهم والمسؤول معاهم وتاخبر مكاين دازت ساعتين عاد خرج الطبيب من لبلوك وتم جااي معارفش اصلا شكون كيتسناها تاتلاقات ليه الممرضة وقالت:دكتوور سي عبد الرحمان كيتسناك حدا الكولوار
شدها محمد مزير عليها وكيجرها عندو وهي بغات تموت بالغوات تاعيط طبيب للممرضة جابت بيااص بزربة وحطوها فيه كتغوت ومحمد شاظها وهو براسو خص لي يشدو..ضربو ليها براا فيديها دوخاتها فلبلاصة وقال الدكتور:ديوها ترتااح
داوها باقي كتنهج وتنخصص تاشد فيها المهدئ أما محمد بقا مع الطبيب وقال:كاين احتماال نحولها لكلينيك
الدكتور:هاد 48ساعة لا خليوها تاتفيق بعدا وحولها أما دابا نوو خطير عليها
محمد:وحالتها واش صعيبة بزااف
الدكتور:مكاين منخبي عليك..البنت تقصحاات بزااف توقعو أي حاحة ممكن توقع
ربت على كتافو ومشا أما محمد مسح وجهو بقلة حيلة وجلس فكرسي كيتهند بحسرة ماعارف ميدير..كيشوف بنتو الاولى والفرحة الاولى كتصارع المووت..كيتفكر جسدها هزيل مديالش الدق كولو وحلمها لي نتهى باقي حتا مبدااش..مشعرش طاحت دمعة خفيفة من عينيه مسحها دغيا وجمع يدو علة شكل قبضة حاطها على فمو
محمد الكلاوي صعر وتعصب كيعيط لباها ومها ومكيجاوبوهش ومكاين لي يعطيه خبار عليها..دوز الخط لبااه لانو عندهم ليل وتشناه اجاوبو ومجاوبش..وزاد الطين بلة خرج من بيتو معضب ومشا كيردخ لباب على باه ومو تاخرج فؤااد مدعووق بالنعاس وقال:مالك أولدي؟؟
محمد:دابا اوجدو الطيارة ديالك الخاصة باغي نزل للمغرب(غادي فانجاه بيتو)
فؤاد:علااش؟؟ياك لباااس
محمد وهو كيجري لبيتو باش اهز وراقو:توبة دارت كسيدة
خرجو عينين فؤاد وحتا وفاء لي عاد ناضت وسمعات اخر جملة وهي تغوت:اااععع اشنو
لقات هي لبرد اجاوبها محمد دخل لبيتو وللحمام ديركت لبس حوايجو بزربة وهز وراقو والتيلي لاغير لقا باه فالبيت كيسولو:فهمنا اولدي شواقع كيفاش توبة دارت كسيدة
باقي مكملش هضرتو كان محمد خرج ومشاا كيجري خدا اول اوطو لقا قدامو فالباركينغ تالسيارات ديالهم وقلع للمطاار رابط الاتصال مع الناس لي مكلفين بطياىتهم اوجدوها ليه..قطع معاهم والخوف كياكلو فقلبو خااف اكون ميعاودش اشوفها..خايف تمشي وميبقاش اسمع حسها ولا نكيرها ولا قوافيها..متحملش الفكرة ضربو الضو وشللو الماا ماقدرش باقي اصبر معارفش لاش مخلوع هاكا المهم خصو اكون معاها وحدااها ملايين الافكار نزلو على رااسو وهي السلبية وعيا ميحيدهم ولكن لابسينو
وقف قدام المطار طويل ماهاز لا فاليز لا والو..دخل بسرعة وتلقاو ليه مد ليهم وراقو وتوجه لبلاصة الطيارة وبحكم مكانة عائلتو كلشي كيسهال عليه وهو لي عمرو ستعمل اسمو فشي حاجة ضطر اليوم استعملها..
قلعات طيارتو بعد عدة محاولات منو فالاتصال بااساجدي ووردة ولاكن من دون جدوى فالاخير ضطر اطفيه وجلس تيتسنا توصل الطيارة على احر من الجمر وكمية من الخوف نزلات عليه
بقاو ساكتين حاطا راسها فحضنو شحال ولا من جديد تاجا عندهم عبد الرحمان وقال:محمد خوياا هضرت مع طبيب والى بغيتي تقدر تحولها للكلينيك
ناض محمد وقال:ولاكن قال لينا خطر علييها
ع.الرحمان:الى بغيتي الاحسن خليها هنا ولاكن متقدروش تبقااو هنا راكم عارفين سبيطاى تالدولة
وردة:اهى نحولوها لكلينيك وانا نتكلف بيها وااخا
ع.الرحمان:واخا غتسناو 24 ساعة عاد تحولوها
محمد:واخا
مشا وخلاهم تاني على نااار كيتسناااو تاعيطات فتيحة وخبرها محمد بلي كااين جات كتجري للسبيطار نوحاات وبكات تاعياات وتنخصصات وشدات لارض كتنخصص بصمت وتحسر عليها
تحول الجو الكوميدي عندهم لحزن ونكد ودمع..الانتظاار خاايب بزااف ومؤلم خاصة الى حياتك محتمة عليه
فالمطار مراكش المنارة حطات الطائرة الخااصة الكلاوي مع ثلاثة تالنهار نزل بزربة بطا عليه امتا انزل بعد 8سوايع جحييم معرف فيها اش حس ولا اش عااش وجفونو مغمضاتش..
دخلو الناس بقفافهم ومانطات جايبينهم لاهلهم لي ناعسيين فالسبيطار الماكلة والغطاا..كان محمد ابكلاوي من بينهم دخل كيجري بحالا مشارك فمراطون..تلاقا مع واحد السكيريتي اخر وقال:عفاك بلاصة الكسايد
..:سير العزوا من هاد طوالة
مشا ديركت كيزرب وغرضو اوصل عندها هي اشوفها هي..اطمأن قلبو عليها..بان ليه باها من بعيد هو ومها ومشا كيجري عندهم محسو بيه تاوقف عليهم كيلهث وقال:فيينها؟؟فينهااا توبة
هز فيه الساجدي راسو باسى أما وردة مخشية فيه كتبكي وقال:باقي فالخطر
محمد بحالا كبيتي عليه سطل لما بارد فعز الشتاا..تصدم مظنش تكون تال هاد الدرجة الكسيدة خطيرة..
محمد:كيفاش خطر؟؟أش وقع ليها بضبك؟؟
الساجدي:فففف ضربات فراسها ومهرسا من رجليها ومن بلاصة خراا واقلة
محمد:😳😳😳😳فففف الله اربي الله(مسح بيديه بجوج على وجهو)واش شفتووها؟؟
فتيحة:😭😭😭😭اححح على كبيدتي اححح كانت تضل تضحك وتبتااسم شهوا منهاا شهواا..متعشق من البنياات هي هي اهئ اهئ قوسوو عليها بنيتي اهئ اهئ
وردة نفاجرات تاني باكيا بغات تاكل راسها عنقها محمد اما الكلاوي معرف ميدير..حدو قال:فينو الطبيب اخليناا نشوفوها
الساجدي:قالو دابا ميمكنش تادوز 48 ساعة عاد اشوفو
محمد:اربي ففففف(جلس)
عم صمت على الجاسة ديالهم وشي غادي وشي جااي عليهم وهوما ماحاسينهش مكيهضروش كيتسمع فقط تنخصيص وردة وفتيحة..
أما محمد الكلاوي تفكيرو مخربق..عقلو عند توبة لدااخل وقلبو معصوور عليها..كيحس براسو كيخسر بزااف واقف على الحافة
وأصعب حالة هي أنك توقف على حافة نهاية الشيء الجميل..لي جمل حياتك وخلى عندها معنى أكثر..كيحس أنه شاد يديها وحدا وهي مليوحة من شي جرف غطيح..للحظة حط يديه جامعهم على فمهم كيخمم ويشوف فحيط اونفااص ليه ساهي فيه وكيقول مع راسو الى وقعات ليها شي حاجة شنو غيحس وشنو غيدير وكي غتكون ردة فعلوو واشنو ممكن ادير من بعدها..كلعا أفكار جرفاتو نحو لانهاية نحو الجنون..طلع ليه الدم من عقلو لي كيجيب ليه هي الافكار السلبية وقف بزربة بحالا ضربو ضو كينفي الافكار وكيستغفر لله..
خيم عليهم الحزن والالم على قلبوو وعلى عائلتها أما هي كتصارع الموت لداخل
مرت ساعات وسااعات وهوما على نفس الحال وتاحد مقدر اقول ليهم خرجوو من السبيطار لان وقت زيارة سالا ببساطة حيت الساجدي ضاحب احد المسؤولين..بقاو تماا كيتيناو وكل واحد فيهم مخنوق على لاخر تاجاو وفاء وفؤاد وبناتهم أما أشرف خلاوه تماا..
كل واحد عنق صااحبوو..وفاء عنقات وردة لي لقاتها فرصة حرا باش تبكي وتنفش وفؤاد عنق الساجدي كيوااسيع وبقاو كيتسنااو تماا لسااعات وساعات مكلاو مدارو والو تا وصا فؤاد رجالو اجيبو ليهن مياكلو..بززو عليهم تاكلاو أما الكلاوي مكلاش مدلر والو حدو شرب قهوة كحلة ومركن فكرسي كيفكر وعقلو ممعاهش
دازت 24 ساعة وهوما فالسبيطار متحركووش مدارو والو..الظموع والهم والحزن مخيم عليهم تاجا طبيب دخل فحصها وخرح عندهم وقال:فين واليديها؟؟
نقز الساجدي ووردة من بلايصهم لعندو وقالو دقا وحدا؛حناا
الطبيب:البنت حالتها باقي هي هي..متحرك فيها والو..
الساجدي:نقدرو نحولوها لشي كلينيك عفاااك
الطبيب:وي تقدرو دابا ولاكن حاولو تديوها لشي واحد تكون العناية فائقة..
وردة:هالعار أمي متديريش هاكا ؤاه بناتي بوحدهم وخفت عليهم سيري قابليهم لي كان نعلمووك بيه
فتيحة:واخا واخا😢😢😢
ناضت طلعات نقابها ومشات كتجر فرجليها حزينة على حال حفيدتها الاولى اول فرحة
بعد نص ساعا دهلات اموبيلونص لابن طفيل ودخلو بيااص وقف عليهم الطبيب تا هزوها من بيت الخطر بألاتها وتمو مخرجينها..هي شافوها وقفو كااملين مضدومين ووردى بغات تمشي عندها وكيردها الساجدي لي قلبو معصور عليها..كانت مغيبة والاوكسجين فنيفها ورجليهل مهرساا معلقاا الفوق مجبصاا ووجها مجرد شوي من الطيحة لي طاحت فالارض..
اما الكلاوي تهز قلبوو فاش شافها وتبعها بلا هواه كي الحمق مرادش لبال لتا حد..باغي يتسطا ملي شافها ساكتا وكالم على غير عادتها..مولفها مشاغبة ومكتسكتش ..الى هي بكات كيتحسر أما دابا فاش ناعسة ومكتدويش واحتمال متفيقش راه شلل ليه دماغو
بقا تابعهم تا طلعوها للاومبيلونص وعو يمشي للاوطو لي فيها شيفور دق عليه فيقو وقال:نزل هي سير لدارك وارا سوارت
وقفات الاومبيلونص ووقفو معاها السيارات كااملين دقا وحدا الشيء لي لفت انتباه الناس..نزل الكلاوي بزربة واقف كيتسناهم انزلوها تاشافها وزاد تحسر مكرهش امشي عندها واعنقها واخبيها من كلشي مكرهش كون جات فيه وماشي فيها..هو ممكن اصبر ملي يفيق اما هي عارفها بوحاطية..
تبعوها كاامليت تادخلوها تاني لبيت الخطر بتجهيزات كاملة موجدينها ايها..وبقاو واقفين قدام الباب كيشوفو فيها من الزاج وهي كتنفس بالاوكسيجين وصوت الة القلب كتسمع طوط طوط طوط..
دازو سااعات وسااعاات وكلهم باقي واقفين كيتسناو شي مؤشر ننها انها تفيق..مرا اجلسو مرا انوضو اتقابلو مع زاجة البيت فاش كاايناا تادخل عندها الطبيب بعد خمسة تااسوايع من الوقوف وعاود خرج وقال:الحمد لله حالتها كتحسن
...:أكيد الحق العام مغيخليهش..لانه سايق فحالة سكر ومواعيش ودمو عامر كوكاايين وعاد زيد عليها ضارب بنت فخطر
الساجدي:وس باغي نرفع شكاية ولاكن ماشي باغي تعويض لا بغيتو يدخل لحبس اترباا😠😠
بقا البوليسي كيسول فيه تاسالاو ومشاااو وبقاو البقية تمااا متحركوووش أبدا..تفكر محمد صلاتو وتحرك من حداهم بلا ميقول والو..وقف واحد الممرضة وقال:غفااك لي طواليط فين
المنرضة:لتخت على يديك ليمن
شكرها ومشا دخل حيد لمكانة وتوضاا وخرج مشا كيقلب على شي غرفة فين اصلي..لقاها وصلا جوج ركعات شكر لله أنه نجاها ليهم ودعا معاها بالشفااء وناض لبس سبرديلتو ورجع فين كاان..جالس كيخمم فحالتو..عاد وعا على رااسو اش كان كيديى وكيفاش تصرف وكيفاش فكر..
مرت ليلة كاملة وهوما جالسين تاني..ثاني ليلة بلا نعاس منغسو ماشافوه..الى عياا شي واحد كيسند على كتف لاخر ..داو وردة لبيت اخر نعسوها فيه حست عياات وبقات معاها وفاء أما البنات فكل وحدا حاطا راسها على كتف باها وكيتسنااوها تفيق لانه ممكن تفيق فأي لحظة..وكل ساعة كيجي طبيب افخصها وامشي كيف لا وهو باها موصي علييها مزياان وحاط عليها لفلوس صحيحة المهم عندو هو تبراا..
أطل فجر جديد به خلم جديد حلم ان تتنفسي معي هواء هذه المدينة الحلوة مثللك
على الصبااح كيتفوه كل واحد من فرط العياا وارد راسو لوور تابانت ليهم وردة ووفاء جاايين من بعيد كيتهدااو..وقفو عليهم وكل وحدا مشات عند راجلها
وردة:باقي مكاين والو؟؟
الساجدي:باقي أحبيية..كون هي ساعفتيني ومشيتي للرياض ترتااحي شو كيوليتي
حكايتنا الجزء 14
محتوى القصة
التنقل بين الأجزاء