تقدم حل لباب بشوي ودخل عندها وعينيه ملهوفة ليها..الحهد لي جرا بيه من مطار امريكا للطيارة للسبيطار لغرفتها خلاوه اتهد فأهم لحظة عندوو..بان ليه جسدهل الدبدوب كيما كيسميه هو بينو وبين نفسوو..ملبسينها كسوة تالسبيطار حد ركبتها ورجليها مهزوزة للفوق حيت مهرسة..طاحت عينيه فوجهها الابيض ولي فيه جريحات فحناكها..دايرين ليها فاصمة على راسها..ناعساا برااحة..قرب منها وتنهد بحزن..شد يديها لي فيها قراصة طبية قربها لفمو وبااسها بحب وحزن شديد..ملقا ميقول..عيا يكتب وعيا ينشؤ وعيا يعبر وخانوه الكلماات فهاد للحظة..بغا يقول بزااف ولسانو تعقد ليه بغا يعبر على حزنو عليها وملقاس كيفاش..فرصة أنه كتاب ليها تعيش واوقف حداها خلاتو اوضر الكلماات وارجع الامل فأنها غتفيق
بعد عليها ويديه مفرقاتش يديها كيلعب بصباعها بين يديه..واتحسسهم بحب وعينيه على وجهها النائم..مد صباعو كيتحسس حنوكها بلطف وقال:كنت غنحمااق والله..بحالا أنا لي مضروري روحي تجرحاات معااك..
سكت شوي تنهد بحزن ورجع كمل:كون هي معيطتش ليك كان ممكن تركزي كثر فالطريق..انا مجبد لبلا انا لي ديما كنحكر علييك وتا فهادي ظلمتك
بقا كيشوف فيها ويبوس يديها ويدعي ليها بالشفاء غافل على قوم حاضيينو كاامليين من الزاج ومعجبين وشي كيشوف فشي..مستغربين ليه حيت طول عندها كيبوس يديها ورااسها وسخاش اخرج تادخلات الممرضة وقالت:موسيو خصك تخرج المريضة خصها ترتاح
بتاسم لتوبة وعاود قبل اديها وخرج بغير نفس مكرهش ابقاا معاها..ولاكن الاهم ارتاح من جهتها
خرج لقاهم كاملين واقفين كيشوفو فيه باستغراب وقال:مالكم؟؟
وردة:والو اولدي..
وفاء:😳😳
محمد:الحمد لله ولات بخير فففف(تنهد)خرجاات مني والله
هنا كلشي تلفت ليه وخرجو عينيهم فيه ممصدقينش اش قال أما هو مرضش لبال ليهم مشاا جلس وسرح رجل وحدا بتعب كأنو حيد عليه ثقل العالم كاامل رد راسو لور غمض عينو وبدا كيحكهم بقرون صبااعو مخلي كلشي كيشوف فيه
سليمة:(فوذن ختها)سمعتي خوك اش قال؟؟واش من نيتو
أميرة:ياودي على هذاا من نهار جا وهو كيهيطر بيها ههه الحمد لله ولات بخير
الساجدي:(مخاطب مرتو بشوي)واش محمد هرب ليه ريزووو؟؟
محمد:(مافيهش لي يهضر)يعني غنبقا تاتولي مزياانة ونشوفها ولات بخير ونرجع
سوزان:يعني مغتجيش فالويكااند كيما تافقنا؟؟
محمد"علاش كنا دايرين شي بلان الويكاند
سوزان:(بحزن)نسيتي؟؟اه كنتي غتجي تعرف على ماما😔😔
محمد:سمحي ليا مشاا من بالي مع كثىة المشاكل تدعقت
سوزان:معليش المهم هو تحضر
محمد:لا أجليها منقدرش نجي ونخليها
سوزان:ولاكت اه عندها واليديها؟؟
محمد:واخا هاكاك منقدرش هي نتهنا عليها ونجي
سوزان:واخا صافي(بحزن)شكراا
قطعات عليه مخلاتوش اهضر باقي بقا فيها الحال لانه كان غيتلاقا بمها اتعرف عليها..محملش راسة فاش دار ليها هوكاك رد التيلي لجيبو ورحع حداهم جالس كيتسناوها تفيق
مرت ساعات أخرى تاطاح ليل..كانت سبعة تالعشية جالسين عاصريت على قهوة باش ابقاو فايقين ولاكن رغم ذلك قهرهم العيا وصابرين..تاجا دكتور افحصها كيف كل سااعا وتعطل تاخرج عندهم مبتاسم وقال:الخمد لله فاقت
نقزو كاملين من بلاصتهم وناضو تعرمو عليه كي ذبان تاخلعوه وقال:البنت عندكم قوية ههه فاقت
وردة:حلف حلف ههه فاقت بنتي يااك فاقت ومابيها والو
الطبيب:كلشي هو هذاك من غير الكسر لي عندها فرجليها ويديها مقسحاا
الساجدي:داكشي حالو مع الوقت انقاااد المهم تكون مزياانة
دفعاتو بجهد ومخلات حد اشد فيها وبدات كتنتر تحيط الخيوط وتنزل رجليها..ومحمد الكلاوي تصدم فيها ومشاا شدها كيحبس فيها هو وباااها :ششش توباااا حبسيي براااكت
توبة:(كدفع فيه)وااابعدووو منيييي😭😭😭😭واا عباااد الله مشااا كلشي كلشي..حياتي كاملة وانا تنتسنااه ومشااااا اااااااع(تضرب فراسها وفالجرحة وتجرد وجههابضفارها)
شدها محمد من ذراعها كيبغي يحبس يديها لي كضىب بيها رااسها..ضربااتو براسها فصدرو وغوتااات:طلللللق طلللللق منييي اععععععع
عيا معاها تتعصب وتاحد مقدر اشدها تاخرج فؤاد اعيط لطبيب فحين الكلاوي تعصب لاقصى درجة وهي كتنتر وتتأذي رااسها لدىجة جروح لي فوجهها سيلات دموو..
محمد:(بالغوات)سكتييييييي
توبة:اااااااااع بعد منييييي بعدددد اععععع(كتجر فرجليها لي مهرسااا بغات تفكها)ااااااع😭😭😭😭😭
هز يدو تال السما وعطاها ليها لوجهها بلور تيديه تا سكتاات وسكت معاها كلشي مخرجين عينيهم فيه..متوقعوهاش منو هو لي معروف عليه ماشي غصبي ومعمرو ضرب شي مراا..
سقلات توبة ودموعها طاايحين وتتشوف فيه ووجها حمر تصرفيقة سكتاتها تيتسمع هي تنخصيصها..خرج الساجدي عينيه فيه مبغاهش اضربها وفنفس الوقت عرف بلي دارها باش اسكتها..أما الكلاوي ندم أشد الندم ملقا ميدير من غير أنه اضربها باش تسكت ولكن ندم فاش شاف ردة فعلها..كدمع بحال شي بنت صغيرة وجامعا شواربها..محس برااسو هي جاارها خاشيها فحضنو ومزير عليييها وهي تفركع بالبكاااا فصدرووو بجهد كتبكي بصوت مسموع بلا متقوول والو..حسات برااسها ضاعت وتعبها كولو مشاا ..حلم حلماتو سنين ملي كانت صغيرة كنشوف مها طبيبة وعتابراتها قدوة ليها باغا تولي بحالها..قرات وكافحات باش تجيب النقطة المطلوبة ووجدات للكونكوور مزياان وكل نهار كيزيد حمااسها وفرحتها كتزيد أنها غتقراا الطب ولكن ليس كل مايوده الانسان يدركه..تصدمات صدمة عمرها مشا الجهد مشا العمل ومشا حلم الطفولة..
بغات تبعد عليه وزاد زيرها عندو حاط ذقنو على راسها وهي تنتر :ااااااع ااااع
زيرها كثى وهي تبدا كتبكي بجهد وعضااتوفراس بزولتو مع كان لابس تيشرت خفيف جات فيه لاصقاا فراس اليزولة عضااات وزيىااااات عليها بسنانها تاقال:اااااحححح
دخل فؤاد مع طبيب وتشرعو عينيه ملي شافو معنقها وقدام باها بالعلالي اما الطبيب مشا كيقاد ليها فالخيوط وقال:علاش عصبتوووها علااش؟؟
محمد:فاقت وسمعات انها مغتدوزش الباك سيتوو
عطاها الطبيب مهدئ ضربو ليها فالسيروم وهي فحضن محمد لي مطلقهاااش تاحس بيها دورات يدها لي مضاراهاش عليه وعنقااتو وبداو عينيها كيتسدوو بشوب بشوي..أما هو مرفووع مبقا تيشوف لا باهت ولا خوالها ولا بااه المهم عندو تكاالما
الطبيب:صافي نعساات حطها
سمعو وبعدها عليه بشوي تاشافها غفاات وهو يحطها وقاد ليها راسها..وقال:داوي ليها وجهها اه جرداتو(كيهضر ببرود)وقاد ليها رجليها
الطبيب:واخا خرجو عفاااكم
خرج محمد ببرود شارب الفقصة من جيهتها وتبعوه البقية مافاهمين تاوزة كانو هي متفرجيين
شاف فيه ببرود وناض وقف وتم تابعو عاقد دوك الحجباان..تالحق عليه وتيبان هو وياه كي تواام هي واحد بالشيب ولاخر باقب جون ولاكن نفس التكديرة..خرجو براا لكلينيك للجردة ووقفو وقال فؤاد:اش نفهم من تصرف لي درتي داابا؟؟
محمد:أشمن تصرف؟؟
فؤاد:معنقها وكتبوس رايها بلعلالي وقدام بااها
محمد:(ببرود)وفين المشكل؟؟
فؤاد:لا لا مكاين حتا مشكل..واش مسطي راه المغرب هذاا
محمد:ومالي اش كنت كدير..البنت مرييضة وغتحمااق ماشتيهاش كيف تضرب فرااسها مشتيهااش هاا..مشفتيش شحال تعصباات ومكنززرة كانت غطيح بكريز..مسمعتيش نتا صوتها فاش غوتات..انا كنت معيط ليها فاش تضرباات..تسمعات غوتتها عندي فوذني ..ندمت لاش عيطت ليهاأما كون رضات لبااال..ندمت ندمت(بغضب)كااره راسي هاد ليوماين على قبلها..كون جات فيا ومتجيش فيهاا..كوم أنا تضربت غنصبر ولاكن هي مغتقدرش تصبر..غضرها رجليها ورااسها وداتها كلها وبسباابي
فؤاد:الله يهديك اشمن بسبابك أه هي قضااء وقدر..غتأزم فلول ولاكن غتولف المهم هو بقاات عايشاا ولباقي كيتعوض
سكت محمد وكتم غضبوو فحين باه بقا واقف كيشوف فيه خاشي يديه فجيابو..كيبان ليه معصب واصلا فيه لعظم..بتااسم تلقائيا وقال:بسبس كتعجبك بنت الساجدي؟؟
تلفت ليه محمد وهز فيه حاجبو بحالا كيقول ليه اش كتقصد..وهو براسو ممجاوبش بينو وبين راسو على هاد السؤاال ورافض اجااوب معارفش اش عندو معاها..مكتعجبوش لا فتصرفاتها لا فوالو ولكن مهتم بيها ماشي من نوع تالنساء لي ممكن اثير انتباهو..كان مامرة ماجوج كيقارن بينها وبين سوزان زكيلقا أن المواصفات لي باغي فسوزان ولاكن اهتمامو مايل لتوبة لي لا تمت بصلة لاش بغا..
فؤاد:(ضرب على كتفو)طحتي أوليدي طحتي ومكاين لي يهزك ههه غرقتي ومالقيتي فمن هي فبنت ساجدي ووردة خههه
محمد:مقلتش طحت قلت تتعجبني وصاافي ههه
فؤاد:(عنقو كيضحك)هي ماهي هههه هاكا وقع ليا مع مك فاش بدا القليب تايحبها هههه بصحتك هي هو أه باااز ليك فمن طحتي سلاكا مع الينت ولايني باها هههه ميعطيهاش ليك
محمد:هههه زيد زيد ونتا بديتي كتخرف
فؤاد:عقل عليها اوليدي الى ماتولي تطلب هي تشوفها راه الكلاوي الله يرحمو مولدش الرجاال
ضحك محمد ورجع هو وياه فالسبيطار وبقاو كيتسنااو شحاال كيهضرو مرا مرا واسكتو موراها تامشات فتيحة وانور ومراد والسالكة وعيالاتهم وداو معاهم تا البنات بعد إصرار من وردة ورفضها أنها تمشي هي..طلبو من الطبيب اخليهم ادخلو عندها ووافق بشرط نيصدعوهاش وميهضرووش وفعلا دهلو وجلسو فالفوتويات وبقاو سااكتين لاحراك كيشوفو فيها نااعسا محاساش ووردة كل مرا تنوض تبووسها وترجع..تابدات كتحل عينيها وتنين:ممننننن نننننن
الساجدي:لا لا خصكي تاكلي..انا نوصيهم اجيبو لبنتي الزوينة أحسن مااكلة
فؤاد:(كيدوز على راسها)غتبرااي ان شاء الله
توبة:ان شاء الله😔😔
كان الحزن طاغي على ملامحها..خاصة ان هي فاش كتبكي كيتجمعو عينيها وكيتنفخ تحتهم..تتشوف رجليها مهزوزة عرفاتها مهرساا ويدها لي عاطياها الصدااع وراسها غيتفرع..بقا محمد حاضي ملامحها وملامحو كيتكشرو كلما حركات شفارها ولا عينيها بألم..شاف فيه فؤاد بتاسم بشر ونغز وفاء شافتو وحبسات ضحكة..
خرج الساجدي اوصيهم على ماكلتها وبقاو معاها وهي تسولها وفاء:كضرك شي حاجة ابنتي من قبيل ونتي كتحركي
ناضت حيدات سباطها وطلقات شعرها وتسندات على الاريكة لي مكاودا مع سرير توبة..
توبة:غمضي عينيك ونعسي
بتاسمات ليها وغمضات عينيها
نعسات وردة من فرط للتعب لي دوزاتو فيومااين أما توبة بقات فايقا كتألم من رجليها ويديها تاجات الممرضة تشوفها وتشكات ليها وهي ضرب ليها برا تالصدااع عاد زكا عليها..خداها تفكيرها لبعيد فحياتها كيف كانت كيف ولات..بين ليلة وضحاها تبدلات تغيير جذري..معرفاتش واش راها قادا تواجه عام كولو من الاشيء..فسنها أي بنت كتحب قرايتها كتألم لهاد الموقف..شكون فالبنات لي غضرب 12 العام تالقراية وواضعا بين عينيها حلم واحد وهدف محدد توصل ليه..وحتا كيبقاو ليك خطوات قلال كيدخل القضاء والقدر وماعلى الانسان الا أنه يقول الحمد لله وااشكر لله والخير فيما ختاره الله
طاحت دمعة من عينيها لي منشفوش وخلاتهم سايلين براحتهم بلا متصدر صووت..تتفكر فالقادم وفالمستقبل لي بحال شي وحش بالنسبة ليها..طوالو دموعها ومبغاوش اتحبسو والمورال عندها زيرو
فالرياض..دخلو كااملين ولقاو نعمة بغات تسطا بالبكاا..هزها باها كيسكت فيها وهي تتقول هي توبة توبة..عنقها وسكتها وداها طلعها لبيتها أما اكليل شبعات بكا فحضن وفااء عاد مشات تنعس حتا هي بجنب وفتء لي مخلاتههومش
أما محمد الكلاوي طلع للبيت لي كان شااد ديجا ماي كان هنا..ملقاش باش ابدل وضطر اخرج اشوف شي محل اشري منو واخا كانت تسعود تليل..فطريقو تلاقا بالساجدي :مالك اولدي فين غادي؟؟
محمد:جيت من امريكا بلا حوايج بلا والو غنخرج نشري شي حاجة
الساجدي:مغتلقا تاحد حال دابا اجي نعطيك من دياولي ضيباني تال غدا وخود لي خصك
محمد:واخا
الساحدي:ياله معايا نعطيك
مشا معاه لبيتو وعطااه كلشيي وتا بوكسر جديد ..ضحك وقال:نتشاركو تا سليباات😂😂
كحمد:ههههه ومالها اش فيها
شدهم وخرج مشا للبيتو..وديركت للدوش..حيد لعياا والعرق ورتاح نفسيا عاد خرج بدل عليه ومشا تكا على سريرو تيقكر فيها حاول انعس رغم أنو عياان ولاكن مقدرش..مجاهش النعاس ناض من بلاصتو وهز سوارتو لبس سبرديلة مع سورفيت الساجدي الكحلة كولها وتيلب وخرج من لبيت كان سقيل فالرياض نزل لتحت خرج وسد لباب ركب فالاوطووالوجهة لعندها ..لاقي راسو غادي ومعارفش لاش..المهم امشي عندها راودوه افكار كثيرة ولاكن مبغاش استسلم ليهم..حيران بين عقلو وقلبو لي كل واحد كيلغي بلغاه..
وقف الاوطو قدام الكلينيك بلاصاها ونزل..والطايح كثر من ناايض والكحل جاه قتاال وشعرو فاازك وعينيه مشفرين بالنعاس ورغم ذلك جا لعندها..طلع للطاج فاش كاينا ومشا لبيتها..حل لباب بشوي باش ميصدعهاش تسحابو ناعسا..دخل ولقاها باقي فايقا ووردة ناعساا..ستغربات وقالت:محمد نسيتي شي حاجة؟؟
محمد:(تقدم جيهتها)لا منسيت والو..جيت نشوفك
بتاسمات ليه رغم الدموع لي معمرين خدها وقالت بصوت مغنغن:ههه علاش؟؟
شاف حنوكها حمرين بالدموع وقرب ليها كثر..وسمح لراسو انه يحط يديه على خدودها ويمسحهم بحنان:علاش كتبكي؟؟محرامش عليك
شافت فيه باستفهام وهو يرجع كيفول وهو كيجر كرسي وجلس حداها؛مبغيتكش تبكي
توبة ضحكات بخجل وقالت:وعلاش؟؟
تمعن فوجهها مزياان كيقرا حروفها أما هي مقدرش عقلها اتقبل كمية الحنان لي فيه وقال:هاكاك ههه متبقايش تبكي كيتنفخو عينيك وكتولي خاايبااا
محمد:(بحنان)هي برااي وغلبيني وتعايري معايا تاتعيا والله منجاوبك
توبة:(عجبها الحال)ومغتبقاش تضربني؟؟
مجمد هز فيها حاجبو:فين عمرني ضربتك؟؟
توبة:اييه هرستي ليا منخري وكنتي كتسرفقني
محمد:ههههههه كتعقلي على جد النمل تانتي هههه
توبة:منساهاش ليك ههه
ضحكو بجوج وسكتو..عم صمت رهيب بيناتهم من غير تحنحين محمد لي مرا مرا كيتسمع كيشوف فيها بلا ملل أما هي كتحاول تغمض عينيها ووالو تاعيات وقالت:ففففف النعاس هرب
محمد:هههه حيت شبعتيه..واش عياانة؟؟
توبة؛عظامي مسخسخين عليا وبيت نعس شوي
ناص وقف وجلس فطرف السرير مقابل معاها مد يدو لشعرها وبدا كيفركو ويحكو بحنان وقال:غمضي عينيك وغتنعسي دغيا
ضحكات وقالت:كتسطيني هاكا هههه
توسعو عينيه بالفرحة من الكلمة لي قالت وضهرات بتسامة ساحرى على وجهو وقال:هههه متسطاايش ههه
ضحكات ليه بخجل وغمضات عينيها براحة ويديه كتحك شعرها بحنان أما عينيه كلاوها..تفحص وجهها كاامل وفروة شعرها بورشااتو خلاتو احس أنه كيدير دور رجولي فحياتها..هو كراجل هارف أن نقطة ضعف لمرا هي الحنان فاش كتلقا راجل احن عليها اعطف عليها واهتم بيها كتولي ذايبا فيه ولقاتو اوقت هو المصنع الاول لحنان..
بقا كيحك ليها شعرها بيد تاحس بيها غفاات ..وحبس الحكان وناض قرب منها باس يدياتها وجلس حداها تاني كيمتع عينو فيها.وهي غارقاا نعااس وحلات فمها محس براسو تاغفاا تاهو عاد حلا ليه النعااس وتعبو بان ..نعس جالس ولاكن مرتااح حيت حاضن يديها فيديه ومتكي راسو
####
لم أكن أدري يوماا أن للعشق طقوس..الى أن عشقت تفاصيلك الصغيرة صغيرتي..كيف لرجل قضى سنينا يقرأ الكتب والروايات ويسطر على الابيات الشعرية أن يكتب فيك كلاماا غير ماذكر في ملايين الكتب..وكيف لي أن اراك تقولين مرحبا وأقرأها أحبك..هل أنا محمود شاكر؟؟ أبدا..ماأنا إلا رجل اقتحم مملكتك يا لؤلؤة وأراد ليلة بين ذراعيك يسقي ذاته بحنان امرأة تبتسم في كل حالاتها
أصبح الصباح وشرقات شميسة حلوة فمراكش..فاقت وردة هي لولة تتفوع وتعاود..مرتاحة حيت رتاحت على بنتها..تلفتات ليها وتيبان ليها شي حد جالس حدا توبة وحاط راسو بين يديه فوق السرير وغاافي..ستغربات وناضت من بلاصتها باش تفاجأ بيه محمد..بتاسماات لمنظرهم بجوج ..هو ناعس ويديها بين يديه وهي ملفتا لجيهتو وتتضخر..ضحكات وقالت:هاكاوا هههه هاكا يكونو النسااب والا فالا هههه زغبي وااكلها فقلبو
مشات لبسات صباطها ودخلات لحمام غسلات وجهها وخرجات..وقفات تشوف فيهم شحال وتبتاسم كي البهلة فالاخير قررات تستاغل وقت نومها تنزل تفكر..خلاتهم بوحدهم
أما توبة فديك ساعا تحركاات حلات عينيها بتعب وجاو فرااسو ديركت..فلول مدارت تاردة فعل ولكن موراها بتاسمات تلقائيا وقالت :الحمق نعس هنا هههه
مشاو ورجع هو عند توبة نااشط باغي ينفارد بيها..دخل لقاعا باقي تتاكل وقال:باقي تتاكلي؟؟براكا علييك متندمنيش حيت جبتو ليك اه غيضرك
توبة:لا ههه(بطفولية)مكيدير لياا والو
محمد:(سرح فيها)ههه واخا بصحتك
توبة:(شافت فيه بامتنان)شكراا بزاااف أ محمد مخليتينيش
محمد:(قرب وقف حداها)مغنخليكش ههه
توبة:كنتي معايا وجيتي على قبلي من أمرييكاا
محمد:كون مجيتش كنت غنحمااق..ملي سمعت الغوات ديالك مكنتش غنرتااح
توبة بتاسمات ليه وجرات يدو شدات فيها وقالت:نتا عزيز علي بظااف والله
محمد رمش بسرعة متصورهاش تقول هاكا..قالت هي عزيز عليها خلات قلبو يدق قرب كثر تاولا وجهها فكرشو ويديها باقي فيديه وقال:نتي شي حاجة سبيشل ههه ماشي بحالهم
توبة:حيت كنعصبك ونغددك وفينما كانت شي زبلة مجرباها فيك ههه
محمد:(ضحك)هههههه ياك بعداا عارفااها هههه
توبة:ايييع ههه الله يسمح لياا منك ههه
محمد كيلعب بصباعها بين يديه وقال:اميين ههه بيتي شي حاجة خرا دابا؟؟
توبة:هههه والو كليت شكلاك وعاد تغديت
محمد:واخا ههه(مسح على شعرها بيد خرا)غتبراي انشاء الله وديك ساعا نديك معايا لامريكا
توبة:هههه من نيتك ميخلينيش بابا
محمد:ضربيه على حسابي..تمشي معانا تفوجي شوي وتونسي مع لبنات بيدما تبراي كثر
توبة:لا لا مغيبيش بابا والله..شتي الصحرا وبزز مخلانيش
محمد:دابا كبرتي(كيشد زغبو من شعرها والويها فصبعو بحنان)ومغيحبسكش متخاافيش ولا ياكما مباغاش تمشي معانا
توبة:(كتشوف فيه باعجاب)ههه بيت واو ههه غنجهلكم تماا واخا كنت بيت نكمل قرايتي😔😔
محمد:قرايتك العام جااي كمليها مزربانين فين..معندك هم ماهازاه لواليدين تصرفي عليهم..باك حالتو المادية مزياانة يعني ماشي خصك تقراي باش تخدمي دغياا..دونك متمرضيش راسك بهاد الهضرة..بشوي عليك تاتبراي وتوقفي على رجليك ومن بعد قرااي تاتعياي
توبة:واخا😢😢
ضحك وقال:وا مداام دمييعة واجمعي دموعك خلاص ههه
توبة:هههه تفوو هههه
محمد:شوفي تسناي غنزل نصلي لعصر ونجي واخا
توبة:صافي واخا
بتاسم وقرب طبع قبلة على راحة يديها عاد مشا نخلي الفراشات كيغوتو فكرشها..
خرج للجامع وبقات هي راسمة بتساامة على ثغرها وتفكر فيه وتقول:احح شحال حنين ها ديال الماكلة ههه
ضحكات على راسهة وقاست حنوكها لقاتهم حمرين وكيوزوزو وسخان..أول مرة تحس هاكا ..كمية الرجولة كتقطر منو جيهتخا كيفاش كيتحرك وكيفاش كيبتاسم أما فاش كيحنحن حيت كيضرو حلقو كيسااي معاها..تفاصيل ولات كترد ليها لبال عمرها شافتها فيه يمكن حيت عمرها شافت فيه كرجل ديما كصديق ولا ولد صاحب باها أما دابا ملي بدا هتمامو بيها خلاها تحس أنها كتعجبوو كثر من بنت..كتعجبو كتوبة
وهي فغماار تفكيرها تحل لباب ودخل كيشوف فيها بأسى دورات وجهها جيهة لباب وتلغات بتسامتها وهو ينطق:حبيبة
تلغات بتسامتها فور مشافتو وخزرات فيه وقالت:صمد اش جاي دير هنا؟؟
صمد قرب منها وملامحو كتأسف على حالتها وقال:توبة..حبيية
توبة:داكشي لي دوزتي دوزت ضوبل ديالك..واش تسحابك كان ساهل علي ننساك ولا منبقاش مولفااك راه تعذبت ولكن نسيت ومبقيتيش تتعني ليا والو..راها عامين أ صمد تسحابك نسيت دغياا..دزت من الموت وشفتها بعيني وملقيت هي دارنا وعائلتي لي كانو غيتسطاو علي ونجي فلخر ونطعنهم فضهرهم..لا لا
صمد:واش غنديرو شي حاجة حراام يا هاد البنت اه ناوي نجي نخطبك وباغيك للمعقول
صمد صعر ومشا بغا يشنق عليه بيديه وهو يحبسو محمد وقال:رجلة أخويا ماشي هاكا هه داك نهار باغي تضربها ودابا تتغوت عليها وجاي تتقولها بالعلالي راه حبيبتي..بحالا كلمة حبيبتي مشرعها ليك الله ولا القانون(هز يدو وشنق عليه )محدي باقي مصواب معاك خرج برااا
جرو كيتعافر معاه تاخرجو وقال:تعاود ترجع ننحي حسك راك باقي مكتعرفنيش راني الكلاوي سول علي ودابا تعرف راسك معامن
سد لباب بجهد تاقفزات نوبة لي كانت كتبكي لداخل وزاد محمد ملي رجع لعندها ومخنزر نفس تخنزيرة ديال نهار حصلهم صمد..طلعها بتغوبشا وقال:أش جا يدير هاد الحيوان هناا؟؟مفراسيش واش باقي تتعرفي هاد الاشكاال؟؟
تزبة:هنهنهن😭😭😭😭متنهضرش معاه اهى اهى
محمد:وعلاش جاا؟؟(تسناها تهضر مهضراتش وهو يغوت)هضريييي😡😡😡
محمد بقات فيه وعاود حن فيها تاني وقرب منها خشاها فحضنو وجلس كيداعب شعرها بعدما تهدن ..هدنو كلامها وقال:صاافي شووو كلشي غيتعوض كنواعدك..
توبة:😭😭😭😭😭
عنقها بجهد وحتا هي متفاوتاتش مع حضنو تاتهظنات وترخاو عليها عينيها ونعساات..أما هو متيقش كلامها حيت سمع هضرتهم كااملة ومن خبرتو امكن اعرف المرأة امتا كتكذب وامتا لا..ظن أنه ممكن قالت ليه لا فقط باش ميقولهاش لبااها..خلاها تارتاحت هي أما هو العافية شهلات فيه
الغيرة تولد من اشتيااق وبعد وخوف من فقدان الاهر..الغيرة هي أسوا الاحاسيس المندرجة في الحب وفي نفس الوقت الغيرة هي من توضح لامراة مدى حب الرجل لهااا
#####
مر أسبوع طااير عليهم دوزاتو توبة فسبيطار برفقة عائلتها لي مفرقوهاش كيمشي فوج ويجب فوج ..كلشي زارها صحابها وصحاباتها وتا نبيلة جات كتجري من الشمال..أما علاقتها بمحمد بقات عادية ولكنها لاحظات أنه قلل من حديثو معاها ..كيهتم بيها ولكن الحديث قلال ومبقاش كيبات معاها كيجي اشوفها مرا فنهار وامشي واخا كيبزز على راسو ولكن كيصبر..
هو بطبعو رجل كرامتو فوق كلشي وميمكنش ابزز راسو على وحدا هي اصلا قلبها مامعاهاش..
اليوم توبة غتخرج من السبيطار..لبساتها مها بمساعدة الممرضة وداروها فكرسي متحرك..خلص باها السبيطار وداوها معاهم للرياض لي كانت العائلة كلها فيه فاستقبالها
دخلو للرياض وهي على كرسيها حيت مكتقدرش تمشي ولقات كلشي كيضحك ليها وفرحانين بيها وموجدين سفرة عاامرة عل قبلها تجمعو عليها كاملين ودارو فطور عائلي بمتياز وتوبة عينيهت على محمد لي هضرتو قليلة وضارها قلبها من جيهتو وحتا هو طيسرق فيها شوفات
حكايتنا الجزء 15
محتوى القصة
التنقل بين الأجزاء