زهرة:مالكي كذابة توبة باقي صغيىة هادي نيسليهاان مرات ولدي
توبة:ههههه راه نيسكافي شبعات مووت الله يهديك
زهرة:😱😱ماتت؟؟ايمتا؟؟ اجي بعدا شكوناهيا؟؟
الكل:😂😂😂😂😂😂
توبة:مرات العساس هههه
زهرة:وها مرت العساس حدايا(على اكليل)
اكليل:😂😂😂😂
بقاو مجمعين ومطلعينها على زهرة تا دخل محمد سلم عليهم وحلس وقال:توبة صافا أبابا؟؟
توبة:فوق فgيك هههههه
محمد:ههه صافي مواقع والو ههه
وردة:كينكو قهوة ولا اتاي
محمد:نتي هههه
وردة:😳😳😳😳
توبة:(كانت بيناتهم)الى حابساك اشريف دووز هههه
كملو ماكلتهم ضاحكيين وتوبة مقشبا هي ومها ..وتعشاو بنفس المنوال وبعدها كل واحد ناض انعس يرتاح من يوم شااق ومتعب
###
ياترى هل بدأت خيوط حكايتنا؟؟ من سيحيكها ومن سينسجها؟؟ تلك الحكاية القريبة البعيدة التي تتخد مسافات حسب الفصول والسؤال في أي فصل نحن؟؟
فاق محمد مع العشرة ناض دوش لبس حوايجو ونزل فطر هو وسوزان و اودعها حيت غترجع فحالها..نزل هو ياها متشابكين الايدي فرحانين بعد ليلة شعرية هائلة دازت كلها شعر وخب وقبلات مرا مرا..ركبها فالاوطو ومشا بيها للمطاار ودعها بحرارة ورجع فحالو لدارهم..تلاقا فؤاد على غير العادة فالدار وقال:الواليد ممشيتيش للشركة؟؟
فؤاد:نو غنخدم هنا فالدار عييت من جو الشركة وتا ماماك ولات تتشكا متنعطيهاش وقت
محمك:ههه نتا زعما هو العاشق والا فالا ههه تخلي الخدمة على قبلك مدامتك
فؤاد:نخليك نتا على قبلها هههه اه مبروك الكيرل فراند جديدة
محمد:ههه وصلوها ليك اسيدي الله يبارك فيك هه
فؤاد:شي حاجة تالمعقول؟؟
محمد:الى كانت مكتابا علاش لا؟؟
فؤاد:كتبغيها؟؟
محمد:معرفتش لي عرفت هو انه عاام وانا معاها ومرتااح بنت كاالم وكتسمع لهضرة ومربية وتاهي بحالي كيعجبها تقراا وفاشما جيتيها تلقاها بمعنى اخر عقلها عاامر
فؤاد:ايوا وتتبغيها؟؟
محمد:دابا نتا دوزتي هادشي كولو مسمعتيهش ههه
فؤاد:ايوا جاوبني
محمد"(سكت شحال ونطق)ممكن اه المهم كنرتاح معاها
فؤاد:كود لاك صوون
محمد:تانكيوو ههه ياله سير دابا عند مراتك
فؤاد:هههه هانا غادي اجي بعدا امتا غادي للمغرب؟؟
محمد:واقلة من هنا يومااين هه
فؤاد:اوك هه
مشا فؤاد عند وفاء وطلع محمد لبيتو حيد حوايجو وهز كتاب اقرااه
####
يوم رحلتو..فاق بكري تريض كيف عادتو فطر مع العائلة وطلب من الخدم انزلو ليه ليفاليز دياولو..وقفات وفاء وخواتاتو كيودعو فيه من وراها ركب فالاوطو وتوجه للمطار..
وصل ودخل دار الاجراءات الازمة وتسنا موعد طيارتو ..محمد رغم ان باه عندو طائرة خاصة الا انو كيفضل امشي عادي بحال النااس ويعيش متعة السفر مع الناس..تعلن على طيارتو وناض هز قلوعو وتوجه ليها..
بعد ساعات حطاات الطائرة فمطاار مراكش المنارة وخرج محمد لابس جينز وتيشورت داير كاسكيط ونظاظر وهاز فيدو كتاب كان كيقراه بعد الاجراءات خدا ليفاليز ديالو وبغا يخىج تا كيوقف عليه الساجدي بابتساامة:أفين الكلاوي
محمد:ههه الساجدي(تعانق معاه برجولية)
ساجدي:على سلامتك
محمد:الله يسلمك علاش عذبتي راسك كنت غنجي بوحدي
ساجدي:ايوا تامنكونوش بهجاوا ههه زيد ياله خليت وردة تتسناك
محمد"ههه توحشت ديك تيتيزة تمدامتك ههه
ساجدي:اهيا اه مراتي ههه
محمد:وايلي
خرج هو ياه كيضحكو ويسولو على الاحوال ركبو فسيارة الساجدب والوجهة الرياااض
فحين توبة كانت جايا من المدرسة خي واكليل فوق الموطور اما نعمة دازت ليها وردة..وصلو ودخلو بعجاجتهم لقاو وردة فالكوزينة تتأمر وانهي وتوصيهم ستغربو وقالت توبة:مالكي ؟؟جاي شي حد
توبة:متنحملووش برهووش وحمار وحيوان وكان غيهرسني ومتيتسرطش ليا..شوفي انا نعلمك من دابا الى بيجلس هنا فاارياض انا غنمشي عند خالي انور ولا مراد منبقاش معاه فدار وحدا
وردة:ومالو اختي كواك وهرب..غبري من gدامي gالاك ايهااي تفرعنتي الصفريطة
توبة:وهاحنا غنشوفو بقاو ليا هي ز*** نشوفهم فدارنا
وردة"غبرييي
مشات توبة معاحبها حال لانها كتكرهو كتمقتو على اخر مرة شافتو كان فعمرو 12 لعام جاو فاكونص وضرباتو ودفعها على الخصة شوي اطيحو سنانها وتضربات فنيفها..دخلات لبيتها تتبركم:لا لا صفااات والله بقا هي هو اجي استعمرني فريااض بااا والله يامو تنشوهو ونخرج معاه فمنعش ولا فنص اترو تالحليب ..كيضار لاخر معرت كيغيكون ولا..
دخلات اكليل لقاتها تتهضر بوحدها وقالت:الله يستر
توبة:ضربك قلوة للصدر ويخرgك سطل
اكليل:ق*** كيدايرا هي هازا شوكتك كي العgايز
توبة:تقحب جداك ماتبرا وتهزو ختك وبيه ماتسخى ياله واسيري يا كبيرتهم لجالسة فالرحبة لي جا تقول ليه مرحبا يا تريكة ما قل و دل فتقحبين وتلعبين و هزان رجلين من لثنين لخميس تتحبسو هي جمعة على قبل لوضو
اكليل:تفوووو عليك الكلبة على هضور
توبة:لولو😡😡 فوتيني
اكليل:دابا مالكي اش فيها الى جاا؟؟
توبة:(تتورك على لحروف)متنحملووووش ياختي متيتسرطش ليا
سمعو لهضرة لتحت عرفوه وصل وهي تنطق اكليل:هههه هاهو جاا
توبة:(معصبة)تجيه فرااس ان شاء الله انا غنوريه الىما كرهتو فطاسيلتو خليت دل
نزلات اكليل وبقات توبة تتغدد وتسب ولي هزاتها تضرب بيهم..حيدات حوايجها وبقات بدوبياس تتخبط دجيين وتضرب بيه..لبساات شورط حد ركبة وتيشورت ديالو شعرها فكات ليه الضفيرة وخلاتو مطلوق جا مموج تنفسات بعمق وقالت:الى مخلفت فيك ديك دقاا الله يعطيني لبااسر
حلات لباب وتتسمع لهضرة كثيرة لتحت نزلات من درووج ومحدها تتقرب والصوت كيعلا..كتسمع صوت غريب عليها ورجولي مبحبح..نزلات اخر درجة مغوبشا ودارت مع دورة وهو يبان ليها جسمو عاطي بظهر لابس شوميز فالاسود نص كم وسروال دجين وسبرديلة وجسمو عامر شوي مناسب سنو ماشي واقف هلى لخوا لخاوي..باينا ياله بدا كيخدم عليه..شافتها وردة وقالت مبتاسمة بزز:توبة
تلفت ليها الكل وهي واقفا عاقدا حجبانها وكتسكاانيه..تلفت ليها ملي سمع سميتها متشوق اشوفها كي ولات..ضار وهي طاحت عينيه عليها هز حجباانو حيت شافها عاقداهم فيه..طلعها وهبطها بلباسها..تفحصات عينيه وجهها لي متبدل فيخ والو..باقي كبر حجم عينيها ولونهم الاخضر وحتا الخالة لي فوق شفايفها والحواجب الغليضة لي كتمتاز بيهم..بتاسم بجنب وقال:توبة
خزرات فيه كثر وقالت:اييه
تقدم لعندها مبتاسم بجنب ومد يديه ليها وقال:كبرتي
توبة:كيشتي مالقيت مندير لبارح وانا نgول والله تنكبر هيهي
محمد:ياك
تدخلات توبة لي عرفاتها محملاتوش وقالت:ههه متديش عليها عزيز هليها تضحك وتقشب
طلع فيها حاجب ومد ليها لكااس عمراتو وياله هزو وهي توقف توبة وضربات برجليها فطبلة تا تزعزعات وحيت ركبتها قاسحة والخشب تالطبلة كثر منو تقسحاات ولكن ماهمهااش فاش شافت محمد يدو تكب عليها اتااي سخون..نفض يديه بزربة والكل شهق
وردة:ويلي ويلي تحرgتي 😱😱😱
فتيحة:أ رسول الله ويلي وبلي
توبة:(كتمثل)واكواك الحق وااهياا ناري زاعيطو لامبيلانص تحرgتي هيييه
خزر فيها باها وقال:توبة😡😡
محمد:ماشي مشكل (كيسوط عليها)فففف
تزبة:نوض معايا كب عليها لماا لتنبل ليك
محمد:لا لا بلاش
توبة؛(وقفات)ويلي نووض يا زغبي راه بتنبل ليك نوووض كب عليها لما بارد
فتيحة؛اييه نوض نوض
وردة:بلاش بااش انا نديه
توبة:والله لمشيتو انا ندي سيدي محمد الزين اغسل يديه اححح الله عوينا وصابتك(وقفات حداه)يا تgعد
ناض معاها معاجبوش الحال وعارفها مولاتها..سبقاتو معوجة سيفتها وهو تابعها مخنزر هي خرجو من الصالة وهي تجرو من يديه بزربة مخنزرة وصلاتو لولحد الضورة وقالت مغوبشا:شوف أداك اه غدخل تغسل يديه وتمشي تgوليهم بسلامة ولا غنبداو فلعب دراري صغاار
محمد:باقي ضااسرة وخاسرة ومتتحشميش
توبة:وغنخسر معاك بالفري الى مهزيتيش قلوعك من هنااا..حيت الى بقيتي هنا بربي تا مغيعجبك حاال
محمد:علاه بسلامة واخد ليك الورث ولا شنوو؟؟ولا باقي عاقلا
توبة:اييه منسيتش البرهووش..فاش دفعتيني عااقلا شو منخري كي ولا بسبابك عوااج الله يعوج لطواسلك السعد والله كون ما مك وباك مزياانين تانجبدهم ليك فجملة مفيدة
محمد:زعايمية مع رااسك هه كنت عارف مغتنسايش باقا مسمومة
توبة:(عصبها حيت مبرد)مسمومة وواعرة عليك يخ على دري كيداير ..دابا من لخر غترجع عندهم تسلم عليهم والطيارة لي داتك تردك معندك متgجدر هنا
محمد:والا مبغيتش؟؟مراكش فسميتك ولا شنو؟؟حيدي من قدامي نبرد هاد ليد لي حرقتيها المسمومة
توبة:دخل الله يحميها هليك فجهنم اوجه المحة اتريكة البطااش يخ
دخل كيضحك للحمام وخلا لباب محلول كيغسل يديه بالما باش تبرد ويشوف فيها مغوبشاا..ضحك كيسنافزها وقال:افكي دوك الحجباان اصلا خاايبا وزيديها تا بالغوباشة
توبة:ايوا العما لذبان الى انا خايبا نتا اش تكون؟؟ راك تقيا غاديا على رجليها اطايرا بقر
محمد:وايلي امحمد معامن تلات ليك هه
توبة:نتا خرتك غدخل لجهنم بلاصتك حدا لبرمة وانا غيعطيني الله شي دار فجنة نطل عليك منها نفقسك
محمد :ههه الى دخلتي ليها
خرج كيمسح فيديه ويصوت عليها..وهي تتخنزر فيه حتا نطق:دابا لعبتي يااك وانا درت ليك الخاطر..تبرهيشك معنديش معاه(خزر فيها)حتارمي راسك قبل منرجع معاك برهوش كيف كنت(هز صبعو كيحذرها)معنديش مع هاد الفعايل ت 16 لعام😡😡
مشا وخلاها واقفا ياله غتجاوبو وقمعها وزاد بقات هي تتشوف تبعاتو تتزرب علاه تلحقو تسمعو المنقي من خيارو ساعا لقاتو دخل عندهم جلس وقالت وردة لي قلبها ممهنيهاش:امدراا بردات
محمد:ماشي شي حاجة حرقا خفيفة
الساجدي:وانا لي كنت معول نلعب معاك شي كومبا هه
محمد:تادابا مواقع والو هاني معاك خهه
الساجدي:حتا ترتااح ونهضرو ههه
دخلات توبة مخنزرة وجلسات تاني تتخزر فيه تا تحط الغدا المشكل والمنوع وكلشي كيرحب بيه وهو حشمان..
توبة:رياض باه هي فالدورة وكبر من ديالنا ويجي ازاحمنا وااه
الساجدي:(حمر فيها)توبااااا
اكليل:على باسلة متتعرفيش تهضري😏😏
توبة:براكا هي نتي تتعرفي تهضري
محمد:شكرا ليكم ولكن غنمشي للاوطيل
الساجدي:(هز حاجبو)هي باغيني نخسر معااك هااا
محمد:ههه لا ماشي هاكاك هي مبغيتش نبرزطكم
وردة:علاش غتبرزطنا؟؟ نتا ماشي براني علينا
توبة:توما خليو السيد براحتو..شتي والله تاحسن ليك لوطيل حنا فراعات تنبقاو نتغاوتو وغواتنا تيسمعوه من لاربعا سخر اللهم سير لشي وطيل
وردة:سكتي😡😡 ولدي اجي معايا نوريك بيتك متديش عليها
تزبة:بنت ليك مقطعة لورااق الله يستر ماتتبيوش لي يgول لحق😠😠
ناض محمد بلا هضرة بلا جوج ومعجبووش تصرفها وتبع وردة لي كتبتاسم وتحاول تنسيه فهضرتها..طلعاتو لفوق وداتو لبيت مخصصينو للضياف وقالت:هاهو بيتك رتاح اولدي..متديش على هضرة توبة راه هي جيب يافم وgول ههه
محمد:ههه عادي راه باقي صغيرة وتوبة بحال ختي هي هي باقي عقلها لاصق فذكريات صغر
محمد:هي باش كيهضرو فالدار هي فبرا فاش تنهضرو بالاونكلي
وردة:مزياان ياله دخل ترتاح والى حتاجتي شي حاجة عيط ليا
محمد:(باسها فيديها)كيف ديما حنينة ههه
وردة:هههه بصحتك
مشات وخلاتو مبتااسم لبراءتها ولحنيتها من ديما عزيزة عليه وكيقدرها تا ملي كان ففرنسا كان كيعيط ليها ويهضر معاها..دخل للبيت لي غطاوه لي كان موجد ومجهز وحاطين ليه فيه شوانطو..دور عينيه غليه وبتاسم وقال:مكاين ماحسن من بلادنا
فك صدايف القميجة وحيد صباطو وتلاح على نموسية كيرتاح من عيا السفر
فحين لتحن كان محمد كيصبن فتوبة :اش هاد تصرف هاكا كيتعاملو النااس مع ضيااف مالكي على هاد قلة الادب😡😡 كل مرا كنقول دابا دير عقلها ونتي عاد مزايدا فيه(بغضب)غنبدل تعاملي معااك أتوبة
توبة:متنحملووش معنديش معاه هو سبابي تاعواج ليا منخري😠😠
محمد:قضاء وقدر..وزايدون ضربك ونتي صغيرة وحتا هو ومكانش عاارف..مالكي على هاد طيران
توبة:دايا شتي جا هي دابا وجبد ليا صداع معااك
محمد:تهزي لييتك قبل منتصرف معاك خاايب اه عيقتي بزااف
دخلات وردة وخزرات فيها وقالت:نوضي لبيتك
شافت فيها توبة بترجي وقلبات وجهها وهي تنوض نيت زاطما فرجليها وتتنكر وتسب فيه:بلاتي فيك أ زا*** ولله حتا موريك شغلك مزييان جيتي هي ولد لبارح وبيتي تخورني مع بابا واخا زاخا والله ياوليديك تانهرس ليك بيضاتك نوريك تعوج ليا منخري يخ تفوووووو..وجهو بحالا كيضل يطلي فالخراا تفووو حشاا نعمة الله ..اما صوتو هي شيخة وداويااا يعععع رجلة اخر زماان جاي مكنزز ليا فديك شرويطة بقا ليه شوي ويولي يدير ثمانياتون بتاعتووو يخ..وجهو تيقطع الخميرة من دار لازين لمجي بكري يخخخ كمارتو بحال شي قلوة الى حرgها لمااا تلووضوو زرgاااا ولايني هي بلاتي دابا نبيضها لوللدييك
طلعات لبيتها تتسب فيه وتعاير ومكفاهاش دخلات
دخلات لبيتها وبقات غاديا جايا فيه كتخمم وتفكر اش دير ليه تا يطج..وتغزز فسنانها لدرجة طلعات ليها لحمورية لحناكها..جلسات فوق ناموسيتها مربعة رجليها وكدور فعينبها كي موكة..تادخلات اكليل عليها هازا خنافرها وقالت:واش نتي لسانك باري منك راه غاديا وتتكفسيها مع بابا
توجهات للكولوار لي فيه بيت محمد كتسلت كتسمع صقييل فالريااض..وقفات حدا باب البيت تضيااف وحلاتو بشوي كتضغط على شفايفها وعينيها مغمضيين..رمات راسها وطلات بانو ليها رجليه بوحدهم نقيين وحمريين..دخلات وخلات لباب محلول باش تهرب ملي تسالي..قربات ليه على قروون صبااعها تاوصلات عندو وشافت فيه لقاتو ناعس على ظهرو ومرتااح لابس شورط حد الركبة ومايو اكس..خرجاات البوماد وحلاتها يالله غتديرها ليه للحجباان وهو يتحرك وهز يديه لاحها على وجهو تا تغطا تعصباات وكتفكر اش دير وشوي طاحت عينيها على باطو لي مززغب شوي فالاسود..بتاسمات بشر وهي تخرج لبومادا وقرباات ليه عصراتها على باااطو بجهد وبدات كتسرحها وحيت هارفاه من صغرو مكيجيهش هر سرحانها مزيااان وكتحبس فالضحكة..دارتها هي فقنت وااحد اليد لخراا كانت مغطية مقدراتش تديرهاا...سدات لبومااد وبغات تخرج وهي طيح عينيها على تيلي ديالو فوق الكوافوز كيصوتي بوضع صاامت طلات بشوي لقات اسم سوزان بجكاات وهي تقطع ودازت فحاالها كتحبس فضحكة دارت ليه قضية الحسانة بلا ماااء ههه خرجات وسدات لباب بحالا موقع والو وشاقت لي فاليز ديالو باقي محطوطين..دخلات لبيتها ميتة بضحك وكتسنا تشوف ردة فعلووو..تتركل فالارض بضحك واكليل معجبة فيها..دازت نص ساعة وباقي موقع والو كلاها راسها وناضت تطل عليه..عاوداات دخلات لقاتو باقي نااعس تعصباات ومشات خارجا نزلات لكوزيتة ديريكت لقات الخدامات وقالت:خالتي خالتي كاين جاافيل؟؟
رشيدة:اش بيتيه؟؟
توبة:كيشتي فواحد المادة تيقريونا داكشي تالمحلولات وgالو لينا خلطو جاابير مع شي حاجة مغتفهميهاش عطيني قرعة
رشيدة:اييه واخا(جبداتو ليها من بلاكار)هاهو وهزي شي حاجة عندااك اقيسك غيتنبل ليك لحمك
توبة:ههه كوني هانيا
شداتو وطلعات كتجري تاني لبيتو وهو تاني ناعس مجايب خبار ونعاسو ثقييل ومع العيا كملات..دخلات وتتقكر واش تخويها عليه ولا تكبها فحوايجوو ولا ديرها فشامبواان تا شافت ليفاليز ديالو حلاتها وهزات منها شي حوايج ديالو وداتهم للحمام هادشي كولو كتسلت على قرون صباعها وتشوف جيهتو..هي دخلات وشدات الحوايج لاحتهم فالجاكوزي وخوات عليهم القرعة كاملة وكتزيد عليهم الماا بلا وتبتااسم بشر..ياله غتنوض تخرج وهو يتحل لباب خرجو عينيها باقي كاع مضارت تشوف شكون
كرزات على سنانها مغمضة عينيها تتسنا اش غيوقع تا كتسمع تحنحينتو بصوت بااح عرفات راسها شقاتها ضارت بالعرض البطيء لعندوو لقاتو واقف فالباب ويد فالجيب تشورط ويد فالحيط كيطلع فيها ويهبط وحجباانو معقوودين..شافت فيه وسرطات الريق وقالت:عمو فؤاد فقتي(بسخرية)
محمد:(الصمت وعاقدهم)
توبة:واش تزيزتني ولا شنو؟؟هضررر ولا عرفتي شنووو حيد بالاك خليني ندوز مغنبقاش نحفي معاك ريقي
جات خارجا دافعا الجبهة ممسوقاش ليه زعما اه درت وعبرت..محساات هي بيديه جراتها ورداتها قدامو علاين تزلق
توبة:اححح الحمااار زgي مكافشك😡😡
محمد:اش كنتي كديري فبيتي؟؟
توبة:بيتك؟؟جبتيه معااك فالطياارة ولا خلاه ليك الباشا الكلاوي😏😏
محمد"لاخر مرة غنهضر بفمي اش تديري هناا؟؟
توبة:(خرجات فيه عينيها)شغلك؟؟ سوقك؟؟ دار باا وندير فيها مابيت..نضور فينما بيت وندخل لفينما بيت
توبة:اييه ونزيدك حسنت ليك تا تحت بيطانك يااله gول بااق تفركع
طلق منها مصدووم وهز يديه للفوق كيقلب تحت بيطانو لقا واحد سارد ياله حد عليه يديه وهو يتجر الزغب كولو ومبقاا والو..هزو فصبعانو تيشوف فيه مصدوم وهي مبتاسمة بسخرية..معمرو تعصب بحال هاكا اخر مرة تعصب كانت هادي ربع شهوور ودابا جبداتو هي..هز فيها عينيه وعويشا طالعا ليه ونيفوو كيسووط وزادت بتسامتها عصباااتو ..هزها على غفلة منها ولاخها فالباانيووو نص فجافيل جا فظهرها..هي حطها وهي تغوت تتبغي تنوض تيشدها ويؤدها:واااع واااع وااا مامااااا ولاااا لاااا اهنهنهنه
محمد"الى منبدل ليك الجلدة ليوم راه مولد فيا الكلاوي هي لخلا
توبة:(تضرب فيه )وااا عتقووو الررووووح وااكواااك(شداتو من كتفو ونقزاات عليه)عنعنعنعن
بسرعة نقزات عليه حيت جافيل حرقها فلحمها وهي عندها حساسية منووو كيحرق ليها اللحم..شدات فكتافو ونقزات ودورات رجليها عليه ومع جاتو على غفلة مشدش التوازن وطاح للارض وجات هي فوقو..وشعرها على وجهوو ويديه على خصرها..
توبة:(بدات تتبكي)😭😭😭ااااه اه اه كيحؤق ااااه(بدات تتنتف فيه بحر الحريق)عنعنعنعمه الحمااار عندي حساسية عنعنهنعنعنعم
وردة:(تابعاه كتجري وهي صوتها عاد مكيزيد)اربي شووو صافي احبيبة
طلعها باها للدوش وكلشي تابعهم تلاقاو محمد لي نازل مخلوع مابقا فهم والو..زهرة تابعاهم باغا تعرفهم شكون هوما بعداا فحين وردة طارت لبيتها تتقلب وسط حمامها على بومادا ديالها ديال الحساسية..لقاتعا وخرجات تتحري عندهم لبيت توبة لي كان باها دخلها للدوش وطلق عليها الرشاشة وهي تتبكي وتحك فلحمها لي ولا طاايب كتافها ويديها وسيقانها وعنقها بقا الما طايح عليها ومحمد واقف معرف ميدير تا دخلات عليع وردة وقالت:صافي هي خرج غنحيد ليها حوايجها وندير ليها لبومادا
محمد:انا برا واخا
خرج ولقا كلشي واقف الرياض كولو بسكانو والخدم فبيت توبة..فحين وردة دخلات معاها كتحك ليها لحمها تا برد عليها وهي شهقاتها مسموعين تال عندهم..سدات عليها وردة الما وخرجاتها عرياانة لابسا هي سليب تتشهق ولحمهت حمر جلسااتها فوق كريسي وبدات كتدهن ليها البومادا على لحمها وعينيها حزينبن:الله ابنتي اش قربك ليه هااا؟؟عارفااه كيضرك اش دااك ليه
توبة:(تتنخصص)اهئ اهئ اهئ اح بشوي
وردة:نتي غتسطيني داك شوي تالعقل لي باقا تنكسااب غطيريه..شوياا دابا؟؟
توبة:اه😢😢😢
سمعو دقان فالباب وصوت محمد:وردة واش صافا؟؟
وردة:اه اه مزياان انا درووك نخرج
اكليل:اش داها لشي جاافيل وهي عارفاه كيكرفسها؟؟
محمد:معرفت معرفت كنت جالس تا سمعت غوااتها
رشيدى:(بصوت خائف)انا اسيدي لي عطيتو ليها
محمد:(خنزر)علااش؟؟
رشيدة:وا سيدي اه gالت ليا بدير بيه شي حاجة فقرايتها ووصيتها تلبس شي حاجة باش ميحرgهااش ولايني..
خرج محمد مرتاح بعدما قنعو وهو ختار انه امشي باش اتفادا اي مشكل معاها وابقا مرتاح لانو عارف الى بقاو مني منك غتجيبها فراسها اللهم امشي وهو كيعجبو اتفادا الصدااع والهرج..داز سلم على وردة واكليل وطلع انزل حوايحو..داز من حدا بيتها ووقف ودق مجاوبو حد ودخل تسحابو غيلقا اكليل ساعا لقاها هي ..سمح لراسو ادخل وقرب منها كيلقاها نااعسا ومعنقاا المخدة ولحمها باينا طااايبا وتتقشر..ضرو خاطرو من جيهتها..قرب وحط يديه على رجيلااتها الصغار كيتحسس لحموية لي فيهم تا حس بيها تحركات
تحركات توبة فنعاسها وتقلبات لجهة لخرا وتعكراات وهي تنين بلا متفيق فحين هو سحب يديه بزربة تسحابو وهو لي عكرها..شاف فيها مطولا وقال:هه برهوشة
خرج فحالو هاز ليفاليز ديالو لقا محمد كيتسناه برا وداه للاوطيل لي حاجز فيه..اوطيل المامونية اكبر اوطيل فمرااكش..نزل وخدا ليفاليز وودعو ومشاا خدا سوارت سويت لي كان ديجا حاجز قبل مايعرضو عيه عائلة الساجدي..
دخل للسويت الفخم لي خدا وجابو ليه مسائلو اول حاجة دار هي قلب على اجونص للسيارات ل vip فالانترنيت وعيط ليهم ودومندا على وحدا..حك تيلي ورحع لبلاصتو تكااا على ظهرو واحد شوي وناض هز بيسي ديالو حلو وبدا كيكتب تاني كيف العادة..كيشعر ويعبر فروايتو بي بداها كثر من ثلث سنين وباقي مسالاتش
"هلوسات"
في ملتقى المقامات
في عزف البيانو
في دق الطبول
انت هنا حتما تعزفين ثانية
تعزفين حتى علا صوت العزف وتجاوز الشرفة
فطل الجار وقال غاضبا مخاطبا اياها:
مابك لا تدعينا ننام؟
لم تتوقف عن العزف وقالت وهي تبطئ منه:
انما هي مجرد هلوسات
والهلوسات تسمع اكثر من المقامات
والعزف سيدي اخد منا الكثير
لدرجة اننا اصبحنا نظنه الهواء
صمت الجار وراح يحدق فيها وهي تعزف
ولا احد يعلم لما هي تعزف؟او لماذا؟
انها فقط تعزف عسى ان تلتقي باحدهم عن طريق الموسيقى
سد لبيسي ديالو وناض هز قرعة تالعصير من الثلاحة لي فالسوييت وهز كتاب اقراه
وهادي عي عادتو..مكايشربش ومكيكمييش مكيمشيش لي بوااط..عندو شخصية خاصة به بوحدو..من نوع لي كيعجبو التأمل والاستكشاف كيلقا متعتو فالابحار فالكتب الادبية بجميع اللغات..كيتركن ويشد قهوة ولا شي عصير ويقرااا ويعمر رااسو بالمفيد كينعس فالوقت ويفيق بكري والرياضة ديما مواضب عليها وماكلتو صحيا مئة بالمئة..لي شافو فصغرو كيقول هذا غيطلع نسخة من باه الا انه طلع العكس..وصل واحد السن وتهد..دوز مراهقة صعييبة لانه كان كيتعاطا المخدراات لادروووك وملي باه اكتاشفها ضربو ودخلو بزز للمصحة حتا تعالج وخرج منها واحد لخر مخالف على لي دخل..كالم ورزين وتقدر تناقش معاه فشتى المواضيع ويقنعك ..كيحتارم للاخر وكيجاوب بالعقل وكيقدر المرأة..صحابو من الكتاب كيلقبوه بدرويش لانو ديما كيهضر بالمنطق واغلب كتاباتو على لحرية والمرأة..وهذا كيفسر ارتباطو بسوزان لي كتحيه كتكملو وكتزيد تعمق معااه فالهضرة..
حكايتنا الجزء الثالث
محتوى القصة
التنقل بين الأجزاء