دخلات توبة للصالة لقات زهرة هازا مجلة تتفرج فيها مشات عنقاتها على غفلة وقالت:تيتيز تمرااكش ههه
زهرة:ويلي شكون نتي
توبة:هههه جميعة الخدامة
زهرة:ومالكي معنقاتي؟؟ (بالغوات)سيري شوفي شغلك
توبة؛😂😂😂😂 واخا الالة(قرصاتها فحناكها)
فحين وردة شافت محمد وسوزان ومشات عنظهم..سلم عليها من الوجه وعنقها وقال:تيتيز تالساجدي
وردى:القوق تالكلاوي هههه على سلامتكم
محمد:الله يسلمك هههه امانتك هاهي وصلات
وردة:لهلا يخطيك احبيبي
وردة:(سلمات على سوزان)شكون هاد زويونة
محمد:سوزان حبيبتي..سوزان هادي وردة مامات توبة
سوزان:(ببتسامة)مشرفيين
وردة:ليا شرف ههه دخلو مرحبااا بيكم
دخلو معاها للصالة ولقاو توبة مطلعاها على زهرة ومتعصب فيها..جات وردة حداها وتحشاات فيها معنقاها وقالت:كون هي مشيتو معايا
وردة:صيف جاي نمشيو مجموعين..كيداز السفر
توبة:غزاال مفركع ههه ناري على داك لقنت زويين
وردة:بصحتك اكبيدتب هههه
توبة:فيناهي ديك لحولة هههه(ناضت من حداهت وتتعيط عليها من وسط الريااض)لولو هههه وا لولو اجي لولو
طلات اكليل من الفوق هي شافتها وهي تم نازلة كتدردك تلاحت عليها بتعنيقة تاخنقاااتها وقالت:هههه امتا جيتي البوالة ههه
توبة:(قرصاتها فبزازلها)شويا هذا الحولة ههه
اكليل:اححح بشوي جيتي ولا جاابوك ههه
توبة:نههه جيت..زيدي الحب توحشتك
تمات نعمة نازلة تتجري وهزاتها توبة تتعنق فيها وتبووسها وتعاود تعنقهم بثلاثة دخلو للصالة لقاوهم باقي جالسيين وقالت:هههه فين بابا؟؟
وردة:باقي مجاش من خدمتو ههه محمد ياكما برزطاتك توبة فالمجي
توبة:مالو مركبني فوق كتافو 😒😒
محمد:لا لا مكاين لا عذاب لا والو..دنيا هانيا
وردة:اوا بعدا مزيان تجي هي نشوفوك نتا أما ماماك اه من صيف للصيف
محمد:واش فؤاد غيخليها تجي بوحدهة هههه
وردة:هبيل داك باااك هههه
ضحكو كااملين الا سوزان لي بحال الاطرش في الزفا تا نطقاات وردة:سوزان حبيبة كيجاك لمغرب
سوزان:غزاااال وبزااف هناا
وردة:ضرتي شوياا
محمد:اول مرة تجي
وردة:اوا صافي انا نضورك هههه
سوزان:(بخجل)فصراحة انا مكرهتش نجرب الحمام المغربي
وردة:اهاه علاش لا..تاهو تجربيه ههه
اكليل:اش جبتي ليا؟؟
وردة:سلمي على الناس
مشات اكليل ونعمة سلمو عليهم وجلسو مجمعين شي نص ساعة عاد نطق محمد:نخليوكم دابا غنمشيو
وردة:فين غاديين؟؟
محمد"للرياض ديالنا اه موصيهم اوجدوه
وردة:الى بيتيني نكعا عليك سير..محشمتيش تجي تال هنا ومتبقاش معانا بيتيني واقلة نرجع وردة المشكودرة كيف كنت
محمد:هههه لا لا هي..
قاطعاتو:مكاين لا هي ولا هوو..غتبقاو هنا وسدات مداام
محمد:ههه مصرة تحرجيني
وردة:داركم هادي ههه جلس تركن
توبة:😒😒😒
اكليل:اش جبتي ليا؟؟
توبة:لما من لحمام بيتيه ههه
اكليل:مالكي حامضة متgوليش ليا مجبتي والو والله تنرجعك منين جيتي
توبة:ههههه اش بيت نحيب ليك
اكليل:نوضي تهزي ياك قاولتيني فالواتس
توبة:فالاوطو مافياش لي يجيبهم
اكليل:نوضي البقرة نوووضي
توبة:فففف تفووو على جنس
ناضت وقالت لمحمد بلا متشوف فيه:عطيني سوارت الاوطو
محمد:تسنااي نوض معاك اه ثقال عليك
ناض معاها وهي بحقات فيه وتمات غاديا قدامو ممعبرهاش..خرجو وحل ليها الاوطو وهزات الفاليز كينزلهم ليها وقالت بلا متشعر:شكرااا
محمد:الصمت
توبة:(عصبها)اوا نشيك ويمشي ميخلي فيك لاعظم ولا شي ان شاء الله أ خبز الخلا😡
محمد مجاوبهااش وسد الاوطو وجر وحدا من ليفاليز اما هي تعصباات وطلعات ليها القردة للراس وقالت:gاعلا تهضر..تدوي من جنابك انشاء الله..سري انا لي مكبرا الشان لبوجعران راه gالوها كبر الشان لي معندو قيمة احساب روحو فلان وهو هي بهيمة
محمد:(ربع يديه مطمر)شوفي أتوبة نضحكو ونجمعو معنديش مشكل..نديرو حتا ليدين فالضحك دنيا هانيا ولكن حياتي الشخصية بقاي بعيدة عليها حسن لييك باش نكونو واضحيين انا منوع لي كنكره الفضول فبنادم وابقا مطلعها علي..دونك ديك لبسالة ديالك خليها عندك وعلاقاتي وشنو تندير فحياتي ابقا بعيد عليك ماشي عطيتك وجه غطيري دااكوغ
توبة:(طلعات معاها السخونية وولات حمرااا)الصمت
محمد:ياله زيدي دخلي
مجوبااتوش سكتات ودخل هو خلاها واقفا مصمراا بلاصتها مظناتوش اجاوبها هاكاك ..ولااات حمرااا ومرضاااتش تا تغرغرو عينيها..والشمتا والفقصة طلعات معاها حيت عطاتو كثر من وقتو..تنفساات بزز وعضات على شفتها لتحتانية وجرات لفاليز ودخلات وسداات لباب وتوجهاات للصالة فين خلاتهم..مشافتش جيهتو محاولاتش حتا تقلب عليه..طلع ليها فراسها فلحظة وكرهاتو..حلات ليفاليز وبدات كتجيد لكل واحد اش جابت ليه وتتمثل بلي مواقع والو اما هي بقاا فيها الحااال بزاااف منووو خاصة انه ولفها هي لي كدور فيه وتقمعو وهو ديما مسالم معاها..
وصلات السبعة دخل الساجدي مبتاسم وهي كانت عاطياه بظهرها وقال ضاحك:غيزو غيزو ههه
تلفتات بزربة لمصدر الصوت وناضت كتجري تلاحت عليه عنقااتو تاتهزو رجليها من لارض وهو كذلك محتاضنها بشوق وكيبوس فشعرها وهي لقانها من الجنة والناااس وطااحت دمعة خفيفة من عينيها تلاوها شهقاات قوية تسمعو فوذنيه وتبدلو ملامح وجهو ملي سمع بكااها..وقف من بلاصتو بلا ميشعر وتوجه لعندها وهي فحضن باها وكلشي مستغرب من حالتها..حضنها الساجدي بجهد وقال:مال لحبيبة ديالي كتبكي ؟؟
توبة:(كتشهق فعنقوو بقوة والهضرة مبغاتش تخرج ليها)اهى اهئ اع اع اعئ اعئ
محمد:(وقف حداهم ملامحو مشوشا)مالكي أتوبة؟؟
زادت فالبكاا ديالها تا كلشي وقف غندها وهي كتبكب..وملي حسات بلي راه عاقو بيها وهي تمسح دموعها وقالت كتنخصص :اهئ والو اهئ هي توحشتك بزاااف
بقات فحضن باها وشفارها ملصقين بدموع وحنوكها ولاو حمرين..كلشي تيق انها بكات على باها الا محمد لي كان عارف انه عليه هو..وتفكر كيفاش هضر معاها..جلسات مخشية فيه وتتفادا تشوف فمحمد وناضت عطات لباها كادوه لي هو دراعية صحراوية ..تقلب الجو ورحعاات كضحك وتنشط ممسوقااش ليه تاتحط كاسكرووط مغربي منوع وكلشي كيرحب بسوزان ويعاود..من وراها طلعات توبة لبيتها دوشات وحيدات عيا تالسفر وتلاحت على ناموسيتها تتفكر تا صونا تيلي ..هزاتو لقات عبد الصمد بااسمات وجاوبات:الو
بقاو مجمعين مني منك وكيتغزل فيها وهي كتحشم وتسد فمها باش مضحكش..نساها اش وقع معاها وخلاها تجاوب معاه فاحاديث طويلة مرا يضحكها مرا اشد فيها مرا اتغزل فيها..تا جات اكليل وقالت:توبة نوضي نعشااي
توبة:(باقي شادا تيلي فوذنها)واخا هاني جايا
نزلات اكليل وقالت هي لصمد:صمد كيعيطو علي للعشاا نخليك.دابا
صمد:اوك بصحتي أ زوينة ديالي تاترجعي ونهرو فواتس
توبة:واخا ياله بسلامة
صمد:(تنهد)بسلامة احبيبة
قطعات معاه والابتسامة مفارقاتش وجهها ونزلات للتحت كضحك هي مع ملايكتها وتتفكر فيه..كيجيها هو الوحيد من غير عائلتها لي متقبلها كيما هي بإصرارو عليها رغم انها كتخسر لهضرة ورغم انها قااسحة وكراكتيرها صعييب..
فور مانزلات للتحت توجهات لصالة خراا كبيرة وواسعة مفرشة بالتقليدي ..كتشوف الخدامات كيدخلز الاطبااق المغربية والمنوعات..دخلات كضحك هي طاحت عينيها عليه وهي تقلب وجهها بنفخة وغوبشات فيه
قلبات عليه عينيها وشافت فمها ومشات جلساات حداها كتوريها فتيلي تصاور تالرحلة ممسوقاش ليه تانزل محمد الساحدي وجا جلس وتجمعو للعشا لي مكون من اطباق مغربية اصيلة اتهز طبق واتحط لاخر فجو ملئ بالضحك والنشااط من غير العافية والما لي مكيتلاقاوش..تعشااو وناضت وردة ورات لسوزلن بيتها وكذلك لمحمد عزلات ليهم لبيوت..طلع كلشي فحالو
وردة كتقاد لنعمة ففراشها وتدوز على شعرها باش تنعس..تاغفاات اما اكليل راه كتسرح عجول لاخرة..بقات هي توبة هازا التيلي كتكونيكطا فالواتس مع صمد ولي كيجاوبها فالبلاصة..شافتها وردة وهزات حاجبها ومشات كتسلت تاغفلاتها وشفرات ليها نيلي وقالت:معامن تتهضري وتفرنسي هااا
توبة:هههه اوا نتي لي خدامة علي لgلاوي هذااك منتعرف عليه فسبيل الله..متنحملوو حيت متيحملنييش
وردة:واخا خليني دايا من الكلاوي نتي وياه اه متتgادوش من ديمااا..عطيني المفيد فين تنعرف انا هذاا
توبة:(حكات يديها مع بعضهم)ممم سميتو صمد..دري لي درت معاه داك نهار كسيدة
وردة(كتفكر)كمممم معقلتش عليه كنت مدوخة معاك داك نهاار
توبة:اه هو هذااك صراحة ضريف والله ..كيعاملني مزيااان ومعمرو تقص مني..تصوري فالرحلة كنت كنقمعو ونعايرو ويرجع اهضر معايا..يعني متقبلني كيما أنا بلا منتبدل واخا عارفني باقي مراهقة
وردة:(بجدية)ونتي كي كيجيك باش كتحسي من جيهتو؟؟
توبة:معرفتش..تنرتاح معاه بزااف وكيعجبني
وردة:(كدوز على شعرها بيديها)توبة..حبيبة ديالي..انا ماماك وكنعرفك مزيااان كثر من راسك تنعرف اش اصلاح ةاش لي ميصلاحش..انا ماشي غنحبسك ولا نgوليك لا بعدي عليه راه غيضحك عليك..لالا بالعكس انا غنكون فرحانة الى لقيتي لي يبغيك كثر مني واخا مكاينش هه ولكن لي نوصيك عليه هو متحطييش راس باباك فالارض وملي كنهضر على هاكا اه تنقصد بيها متخليهش اقرب ليك واخا هي ببوسة..كلنا عارفين ولاد هاد الجيل كيطيرو وتابعين هي زنطيطهم..سي حبي وعيشي لاموغ حيت هو احسن حاجة فهاد الحيااة ولاكن معمرك تخليه احط عليك يدو واخا هي ببوسة..حيت ابنتي جرح القلب كيداوا ولايني تالكرامة عمرو ميداوا..الى حبيتيه وخلاك وتفارقتو كوني على يقين غتنساي مع الوقت وقلبك غيبرا ويرجع اضري من جديد ولايني الكراامة الى مشات معمرها مكترجع ومعمرها مغترجع..دونك رضي بااالك مزيااان ..مبغيتش نحبسك من هادشي ولاكن الى ساق باباك لخباار مغيعجبووش الحال
تزبة:لا لا مغيكون فراسو والو..اصلا انا منظنش اصبر ليا والله وعلم
ونزلات سابقاهم موقفاتش باقي خلات محمد مستغرب وهو لي كان معول القاها نسات شوي ولايني واش لي مقداتش تنساا دقا كلاتها فنيفها فصغرها غتنسا مخاصمة وقعات هي لبارح..نزل حتا هو حااير ويديه مشابكة مع يد سوزان اما عقلو نرفووع مع توبة..تلقاو الساجدي راجع من السبور صبح عليهم وقال:صباح الخير
فتيحة:😂😂😂عروسة نصرانية لا خليها لماليها..جات معاك عشقااا
محمد:ههه ياك شكراا
جات وردة لتاحقاات بيهم هي ومحمد ونعمة وجلسو كيفطرو ويهضرو ومحمد وتوبة النضرات بيناتهم دايزا..تايشوف فيها تاكينويها وتهز فيه العين ويعاود اقلب وجهو..عزات غليه تبكي لبارح وفاهم انه ضرها بهضرتو..وشخص بحالو كاتب وكيتفنن فوصف المرأة مغتجيهش ساهلة ان مراا تبكي بسبابو خاصة الى كانت قاصر وباقي طفلة كيما كيشوفها
سالاو لفطوور وبقاو مجمعين الا توبة لي كتميساجا فالتيلي تاصونا ليها وهي تمشي للبيت لفوق تهضر على خاطرها مع صمد..
فهاد الاثناء محمد نااض من بلاصتو وقال:انا راجع
مشا فاتجااه بيتها عارفها غتكون تما حيت شافها طلعات وغرضو انه اوضح معاها سوء الفهم واعتاذر..دق باب بيتها ودخل لقاها عاطياه بالظهر والتيلي فوذنها..تافتات للباب على اثر صوتو وتلغات بتسامتها وقالت:كاين منقضيو؟؟
محمد:باغي نهضر معاك
صمد:(من تيلي)توبة شكون؟؟
توبة:والو والو هي واحد ذبانة كتزنزن انا نقتلها ونعيط ليك
قطعات عليه مخلاتش ليه فرصة فين اجاوبها وربعات يظيها مطلعا حجباانها وقالت:ياك لبااش فاش بيتي تهضر معايا
محمد:على لبارح!! علاش كنتي كتبكي؟؟
توبة:(بحزم)ونتا اش مشا ليك نبكي ولا نبول ولا نقز من سطااح اش ليك؟؟
محمد:انا لي بكيتك ياااك؟؟
توبة:(بسخرية)شويا لابااس أعشيري علاش غنبكي بسبابك
محمد:حيت قلت ليك ديك لهضرة
توبة:اه على داك زابور لي عرضتي علي..لالا دنيا هانيا عند لفورة اباان الحساب
توبة:شوف أخا الكلاوي غادي ديري دومي تور وترجع منين جيتي قبل ماخباارك اجيبوها لخرين كان كيحساابني بنادم كبير وبعقلو ونقدر نضحك معاك ولايني صدقتي على سبا خص هي لي يجبدك
محمد:عمري عقبت على الضحك ولايني ديال تدخلي فحياتي الشخصية لا هاداكشي بعيد عليك ونتي صغيرة ماخصكش هادشي كااع تعرفيه..انا لبارح مقصدتش نبكيك ولا نجرحك
توبة:مبكيتينيش..هي تيبان ليك
محمد:(قرب ليها)حلفي بالله
توبة:اييه مبكيتينيش علاش بيتنبكي عليك
محمد:(وقف قدامها وحط يدو على خدها)سمحي ليا
توبة:(تنهدات بعصبية)حيد يديك الله يعطيك الجرباا والجداام حيد يديك
قطع معاها وقفات تتشوف قدامها وحجباانها معقوودين ..محساات براسها هي نازلة لتحت لقات مها وقالت:ماما بصح الكلاوي مشااا؟؟
وردة:اه عاااد مشااا علاش؟؟
توبة:والو والو
مشات من حداها مستغربة ومعارفاش مالها جاتها فشكل انه يمشي يمكن احساسها كيقول انها عمرها مغتشوفو..وفعلا كاانت اخر مرة تشوفو فيها ومعمرها متصادفاات معاه باقي
حكايتنا لعب بها القدر الدوائر..جعلنا نتذوق الالم من دون ان ندري أننا نحتاج الى شيء ماا..كل ماكان سيخفف عنا هو الحضن..ولم يخلق الحضن الا بعد ان خلق الغيااب..وكيف للغياب المرير ان يجعل من ذاتي تبقى على نفس اشتيااقها واهاتها وحتى نظراتها..كيف لي أن انتظر وعدا لم تعده بعد..وكيف لي أن أدري إن كنت لازلت تتذكر حكاية لم تخلق بعد..هي حالة خاصة ونادرة ..
تلك كانت وستكون حكايتنا
$####
فاقت توبة بحيوية على غير عادتها..حكات عينيها من العمش وتفوهات عاد دخلات بانطوفتها فرجليها وتوجهات لحمامها الفردي..شعلات ضو وغسلات وجهها وسنانها وسرحات شعرها..وضعات مرطب وجه وخرجاات فجيهة الغرفة الصغيرة لي ملاصقا مع حمامها..جبدات سروال جينز فالزرق طاي هوت ولبسات معاه شوميز خفيفة فالشيبي باارد جات بلا كمام وهابطا على كتف شوي..طلقات شعرها دارت عكر مااط فالقهوي باارد..هزات ساكها لي فيه كتوبها واجدين ودخلات رجليها فبالغينا فالازرق بارد كذلك..
خرجات من بيتها مبتاسمة وتلاقات مع وردة خارجا من بيت لبنات لي مبقاتش مشاركاه معاهم حيت كبرات وبقاو فيه هي هوما بجوج..بتاسمات ليها وقالت:توتا ههه مالكي صابحا منوراا؟؟
وردة:تادابا مgلتش ليك لاا تاتشدي الباك بعداا..ديها فقرايتك اه الباك عندك هاد العاام الى منجحتيش دابا هي كبي لما على gلبك
توبة:والله تغنجح وغتحيب مونسيوون دابا تشوفي
وردة:هههه شبهتيني فالذكااء كون شبهتي باك كون راك مكلخة😂😂
تسمع صوت محمد من لور:زعما انا مكلخ
تلفتو بجوج وبتاسمو ليه هو لي رجعات لياقتو البدنية بعدما رجع للسبور وداوم عليها وخفف غليه الضغط ديال المشاريع..ولا كيسير لاصال ديالو والمطغم لا غير أما باقي الفروع فالمغرب دار مسؤول على كل واحد اتكلف والتقارير كتجيه فخر شهر.
وردة:نتا لي مكلخ ههه
محمد:ياك أحبيبة تتقولي على كينكو ديالك مكلخ
توبة:(باستو فحنكو)حاشا تا مكلخ هي سم لي قاتلها هههه
خرجات اكليل ونعمة من لبيت لي حداهم..اكليل كبرات وولات فالجدع الشترك..نضجاان وولات مسخة طبق الاصل من وردة مع نظاراتها لي كبينو غباءها ههه اما نعمة كذلك كبرات ولكن بقات هي هي البنت دلوعة والحنينة لي كتدوي بشوي وكالم وكتسمع الهضرة..نزلو كاملين كيضحكو للتحت لقاو زهرة كتفطر ممسوقاش مع مساعدتها جلسو حداها كيفطرو ويضحكو تاوصلات لوقيتة باش كل واخد اخرج اقضي مشاغلو
هزات توبة موطورها وكذلك اكليل لي شراه ليها باباها ملي جابت النقطة لولة فالكاطرياام على مستوى المدرسة..وشدو طريق بجوج ونعمة ورا اكليل..كيداحسو فطريق ويضحكو تاوصلو وكل وحدا دردباات لقسمها..
فقدام القسم لقات توبة نبيلة واقفا كتسناها سلمات عليها وقالت:اش هاد الاناقة كااملة؟؟
توبة:اوا حبيبي جاي ليوم مجاتش نتلاقاه وانا مهشكرا
نبيلة:هههه ناس يالالة تيتسنااو الحب ههه سعدااتك
توبة:والله تاتوحشتو أو شهر وهو غاابر
نبيلة:شكون gال توبة لي تضل تعاير فهذا وتنقص من هذا وتعيب فهذا تحب تاهيا شي نهاار وتوحش شي قندووح
توبة:وبااقي كيما أنا هيهو ختاريت رااجل ماشي خرياا هههه طلع معايا راجل داكشي باش حبيتو(باست صباعها)فن داك سيد عسل هههه
نبيلة:اوا الى عسل لتلعقيهش كولو هههه أربي واش معندوش شي ولد عموو بحالو
دخلو للقسم وكل وحدا شدات بلاصتها تاظخل الاستاذ وبدا الشرح وهوما منتابهين لانو الباك هذا وعارفين بلي خصهم اجمعو راسهم..داز نهارهم عاادي وثقيل على توبة لي بغات هي امتا اسالي النهار باش تتلاقا معااه
وصلات الثلاثة وسالا دوامهم وخرجوو..لقات اكليل دات نعمة أما هي غيطات لمحمد باباها وقالت:الو بابا
محمد:نعام احبيبة
توبة:شوف مغنجيش للغدا غنتغدا عند نونو بينا نراجعو عندنا متحاان
محمد:اشمن امتحان..لي عارف مزال موصل
توبة:(بتوتر)لا لا ماشي متحان هي تست وصاافي واخا نمشي
محمد:(وا خا متيقش)واخا سيري والى خصاتك شي حاجة تاصلي بيا
قطعات توبة مع بااها وتلفتات لنبيلة وقالت:طلعي طلعي نوصلك لداركم عاد نمشي نشوف صمد
طلعات نبيلة وراها وشدو طريق لدار نبيلة فكيليز..حطاتها قدام الدار وقالت:الى جاب الله عيط ليك بابا علميني
نبيلة:باباك متيعيطش كااع ههه سيري وسلمي عليه
توبة:هههه مبلغ
ردات الكاسك وشدات الطريق تااني والبسمة مفرقاتش وجها..كيف لا؟؟ وهي غتشوف الشخص لي سكنها لمدة سنتين..عامين كلها دوزوها مجموعين بالحلوة والمرة كان معاها رااجل وعمرو طالبها بوالو ديما كيتلاقو فالوقت المناسب ليها وتيتعامل معاها مزياان قليل فاش كيتخاصمو..قدرات فهاد العامين تعرف احاسيس جديدة عليها وأهمها الانوثة..ولات كتلبس حوايج مؤنثين وزوينين باش تزيد تعجبو كثر وهو أكيد مكيبخلش عليها بتعابير الغزل ديالو..دوزو عامين كلها مرح وفرح وفيها أحزاان خاصة ملي توفات ختو لي كبر منو وقفات معاه وبجنبو وعاوناتو تا تخطا الازمة
وصلات قدام واحد السناك فالداودياات ووقفات الموطور وبقات جالسا عليه تتسنااه والشمس كضرب فراسها ومع شهبة كانت محط الناظرين تما..تاوقف عليها صمد بالثروة(نوع من الماطر)..شافتو ورسماات بتساامة خجولة على وجهها وعينيها كيبريو وهو كذلك أكثر منها مقداه فرحة أنه شافها..نزلو بجوج من فوق ماترهم وهو يقرب شد يديها باسهم بجوج وباس جبهتها وقال:عفاااك عنقيني اليووم اه موحشك ههه
ضحكات عليه وتخشاات فحضنو معنقها بيدياتها وهو محتاضنها بحب وبراااحة وكيشم شعرها ويضحك:هههه توحشتك توحشتك العمر دياالي
توبة:تانا ههه بزااف
بعدها عليه شاد يديها بجوج فيدو وقال:زيانيتي هه
توبة:كتغبر شوي تتgول ليا زياانيت ههه على سلامتك
صمد:الله يسلمك ..توحشتك بزاااف اجي ندخلو نتغدااو
توبة:ههه واخا
دخلو مشابكين ليدين لسناك متواضع تما وجلسو فطبلة وهو يديه محيدوش من يديها وقال:أخر مرة نبقا نمشي بلا بيك..الرحلة الجايا ياله معايا
توبة:هههه كون هي نقدر ولايني بابا ميبيش راك عارف..الرحلة لي تلاقين معاه فيها هي حيت ولد عمو لي صيفتني ومبااش اردها ليه فوجهو
صمد:ان شاء الله نتزوجو ونمشيو فينما بينا ههه مكااين لي يحبسنا
توبة:الى كتاب خهه
صمد:كيفاش الى كتاب؟؟مبيتيش نتجوجو؟؟
توبة:معلوم بيت ولايني الى مكانش فمكتابنا اش غنديرو
عيط للسرباي وشدو غداا مشكل خفيف ضريف على حساب ميزانيتو المحدودة ومع ذلك عمر توبة محسساتو انها اكثر منو ماديا ولانها كابرا وسط نااس بسطاء فالمدينة القديمة مكانش كيشكل ليها فرق..قدراات فهاد العامين تتعرف على جوانب كثيرة من الحيااة وأهم جانب هو الحب..لي واخا انها عتارفات ليه بحبها الا انها باقي مترددة
تغداو فجو ملئ بالضحك وكيتعاودو على الحال والاحواال لي وقعات فغياابو محسو هي بربعة ونص وصلات عيطات ليهاوردة وقفزاات:اه ناري ماما
صمد:ومالكي نقزتي gولي ليها معاياا
توبة:لا لا غتخاااصم
صمد:ياك عارفانا بجوج؟
توبة:اييه فراسها ولايني مفراسهاش بلي بينا نتلاقاو اليوم
صمد:(معجبووش الحال)واش حنا غنبقاو حياتنا كاملة هاكا..ياك gلت ليك نجي نخطبك بعدا هي نبررو هاد دخول والخرووج
صمد:(منفخ)ومالنا على هاد الحالة كاملة..خليني نمشي نهضر مع باباك بعدا
توبة:(خرجات عينيها)واش حماقيتي أصمد أه والله تيذبحني بالله راك مكتعرفش الساجدي الى طلعات ليه القردة للgصبة..ناشي دابا تا نشد لباك بعدا ونتا تضمن خدمة باش تا الى بيعلق ميلقا قااش أما دابا اه باقي الحال وانا مكملتش قرايتي
قطعات عليها ونزلات للتحت دارت معاهم كاسكروط وجا باها وجلسو مجموعين تاوصل وقت السوايع وهزات ساداكدو فيه كتوبها ومشات للسوايع من سبعة لتسعود..رجعات مهدودة للدار..لقاتهم ياله غيتعشاو تعشاات وكمخاات دغياا
صبح صبااح جديد فاقت فيه توبة على رنة هاتفها بموسيقى هادئة فيقاتها من قاع نعاس هزاتو فتحات لخط وهو يتسمع صوت صمد:حبيبا ديالي صبااح الخير
توبة:(بصوت مغنغن)صبااح النوور
صمد:فيقي المعجاازة..كي صبحات عمري؟؟
توبة:(تفوعات وتقادات فبلاصتها)الحمد لله ونتا؟؟
صمد:بخيير..بيت هي نفيقك ونgوليك بون جوغني
توبة:شكراا أ بب..تانتا بون جوغني
صمد:ههه جوتيم ياله باي
توبة:اش مفيقك دابا؟؟
صمد:صليت ومجانيش نعاس ههه
توبة:اه الله يقبل..باي
قطعات معاه وعاودات تفوهات وتعجزاات والتيلي فيديها حتا كطيح عليها فكرة..شدات تيلي كتقلب فيه ودوزات نمرة وبقا شحال كيصوووني شحاال عاد تفتح الخط وتسمع صوت بنت رقيوق ومبحوح:الو
توبة:باك خرا فسرواالو هههه
..:الله ينعل بوو الجد تأصل مك الق**
توبة:😂😂😂 كيدايرا بخير(كتلعب على أعصابها)أمورك مزياانة؟؟
سليمة:(تقادات فالنعسة)طوااسل تمك الله يغبر لدينمك الشقف فاااك يووو
وردة:(دورات يديها على عنقو معلقا فيه)هههه مالك عقلك فديك لي ورااك
محمد:هههه لا فديك لي وراك نتي ههه(هزها)هوب هههه زيدي احبيبة زيدي باقي كيتسناك الجهااد
وردة:هههه أهاد لهبيل اه بيشوفنا شي حد
مجمد:مالي شافرك هههه باغي حقي
ضحكات وتخشاات فيه وطلعها للبيت لفوق لغرفة تالعمليات
###
فأمريكا..وبظبط ففيلا الكلاوي ..فوسط بيت كبير كتوسطو ناموسية مدوراا كان فؤاد كيقبل فوفاء بجنون ومندامج معاها فممارسة حنينة..تاطاح عليها مهدود كينهج..وتسمع صوتها بحنان:حبيبا ففف تقلتي علي
هز فيها راسو مرا خراا عينيه مثقليين وقال:واش كتكبري وتحلاي ولا حلاوتك ضرباتني سنين هادي
وفاء:ههعععههه معرفتش ههه
عضها فعنقعا وقال:وشكون عرف جيران؟؟هههه كنبغيك أوفااء كنبغييك
وفاء:حتا أنا(باستو ففمو)كنمووت عليك اوا نوض علي أه ثقيل
تلاح على ظهرو ولاح عليهم ايزار..تكات على جنبها ويديها فلحيتو وقالت:بب غنسبقو رباط ولا مرااكش؟؟
سليمة:اوا هادشي لي عطا الله هههه نوض ونتا وليتي قد سخط أربي سلامة اش تتاكل
محمد وقف وهو يبان ليها مكدر وعامر من جيهة الكتااف مهبر..وضلوعو قااسحيين وتمشا جيهة الحمام وعضلاتو كيتحركو معاه وقال:وا حضيني
سليمة:على زينك ههه
خرجات من عندو وخلاتو دخل للدوش..حيد تريكوه وسروالو ودخل تحت الرشاشة كيغسل عظامو ..سالا وخرج لاح عليه فوطى وداز لدريسينغ لبس حوايجو وهز سوارت وتيلي وخرج من البيت وتيلي فوذنو كيدوز مكالما تاجاه صوتها:بب
محمد:صباح الخير
سوزان:صباح النور ههه كيضبحتي احبيببي
محمد:بخير ونتي
سوزان:مزيااانا..غادي للخدمة
مخمد:وي عاد غادي
سوزان:بونجوغني أبب تانا غنزل للشركة
محمد:اوك باي
قطع معاها ونزل للتحت وتوجه للسفرة فين كان فؤاد جالس فراس وحداه وفاء من ليمن وسليمة واميرة من ليسر..حدا وفاء كان جالس أشرف وفراس لاخر تاطبلة كانت بلاصة محمد..توجه باس لفؤاد يديه ووفاء فحنكها وقال:صبااح الخير
وفاء:صبااح النور الحبيب ديالي
فؤاد:صبااحو
محمد:(عنكش اميرة)ههه كيصبحتو
الكل:الحمد لله
جلس بلاصتو وجابو ليه فطورو الصحي لي أغلبو من القمح والفواكه تانطق فؤاد:الخدمة مزياانة؟؟
محمد:الحمد لله هه داكشي هو هذااك
فؤاد:هاكا نبغييك كلاوي
محمد:راك عارف اش والد ههه
وفاء:غتمشي معانا للمغرب؟؟
محمد:لا لا غنبقا هنا شكون غيقابل الخدمة
اميرة:كون هي مشيتي معانا أخويا تبدل لجو..شحال نيت منزلتي للمغرب
فؤاد:الى بغيتي ياله الخدمة كاين لي يقابلها
محمد:لا لا هي سيرو الى مخظمتش دابا امتا غنخدم..هي سيرو انا اصلا معندي مندير فيه ضايرو كولو
سليمة:متوحشتيش عمو محمد وطااطا وردة والبنااات توبة اكليل ونعمة
محمد:(ضحك)هههه هاديك توبة بذات متوحشتهاش هههه
وفاء:هههه حلوة ديك لبنت بزااف
محمد:كيقطر منها العسل ههه أنا لي عارفها
فؤاد:هههه الكره مشترك بيناتكم ههه
محمد:ماشي كره ههه عارفها مكتكرهنيش وتانا مكنكرهاش هي هي ضااسرااا
وفاء:واش كابرا فقاع مراكش كي بغيتيها تكون ههه وزايدون اه بنت وردة
محمد:هههع فاتت هي وردة للهيه هعه
اميرة:بالعكس ضريفا ةالله ياله معانا وجيب تا سوزان
محمد:سوزان بحرا مقادات امورها فشركة عمها مغتجيش نديها..غنزل فالصيف ان شاء الله
فؤاد:اوا راحتك ههه
كملو فطورهم كيهضرو ويتناقشو تاسالاو وكل واحد مشا لشغلو بقات هي وفاء لي مكدير والو هي دار..
ركب محمد فالاوطو ديالو تابع لوطو تبااه لي بشيفور فطريق الامبىاطورية الكلاوي
بعد دقائق وصلو قدام شركة كبيرة او بالاحرى مجموعة شركات الكلاوي..نزل كل واحد فيهم وتمو داخلين قد قد بنفس الهيبة والهيئة من غير أن فؤاد مطمر ومحمد مبتاسم فوجه الموضفين..طلعو لاسانسور وطلع بيهم للفوق كاع فين كاين لبيرو ديال كل واحد فيهم
حكايتنا الجزء الثامن
محتوى القصة
التنقل بين الأجزاء