زادت وخلاتو واقف كيتسناها تدخل متلفتاتش باقي ومن مشيتها باينا داخلا معصبة تسناها تا دخلات عاد زاد تاهو معاجبو حال ومعصب..
دخلات للسونطر وجلسات فطبلتها تتسنا الاستاذ تاجا ودخلو التلامذ ووقع لي معمرها ظنات طيح فيه هو أنها متركزش فالدرس ومرداتش ليه كاع اش قال ولا فهمات شي حاجة وكيدخلات كي خرجاات..سالات الساعتين جمعات أدواتها وكتوبها وخرجاات هزات موطورها ومشات لدارهم عاقدا حجبانها وخصها هي معامن
دخلات للدار مغوبشا وتا رشيدة مهضراتهاش توجهات لبيتها ومحاملا تشوف حد..دخلات ليه بدلات عليها وكل شرويطا حيداتها كتجنن وتضرب بيها وتحيدها بنطرة تاحيدات كلشي ولبسات تاوع داار..صونا ليها تيلي هزاتو كترعد ومعصبة لقات نمرتو وهي تقطع عليه حيت عصبها وخافت تخرج فيه..جلساات فوق ناموسبتها مربعة رجليها والتيلي قدامها كتسناه هي يصوني وتقطع..عيا يعيط سوا فالواتس سوا فالنمرة ووالو كتقكع عليه تا عيطات نبيلة وجاوباتها معصبة:شنوو؟؟
نبيلة:مالكي تاني؟؟
توبة:(بالغوات)مصيفتك تشوفي مالي ولا اش؟؟
نبيلة:أبردي اديك الجحمومة مصيفتني حد مالكي شاعلا؟؟
توبة:مع داك الزمر تصمد معامن غنكون
نبيلة:أش دار ليك؟؟
توبة:(بعصبية)تدار ليه ان شاء الله كحلة زحلة..ولد الهبيل انا يعصبني ويخليني كنترطا فبلاصتي مالو علاش جاتو هاا
نبيلة:يا صاحبتي هضري هي بشوي وعاودي ليا اش واقع باش نفهمك
توبة:(لقات فمن تبرد جنونها)نبيلة سيري قبل منخرج فيك الله يرحم باااك
نبيلة:والله منمشي تا تعاودي ليا
توبة:ستقاودي
قطعات عليها ولاحت تيلي قدامها مغددة وعاود تاني كيصوني وتقطع عليه تادخلات نعمة وقالت:توبة نوضي تعشااي
توبة:مابيتش
نعمة:لا خصك تاكلي ممزيانش تنعسي بلا عشاا
توبة:نعمة خرجي راه مبيتش
نعمة:ولاكن اه..
قاطعاتها بالغوات:gلت ليك مابيتش خرجي فحااالك
قفزات نعمة من بلاصتها ملي غوتات عليها وهي تعاود تاني قفزاتها ملي غوتات عليها وقالت:براااا
خرجات نعمة مخلوعة ودموعها فعينيها هي نزلات مع دروج وهي تزيد تتبكي بجهد مبغاتهاش تغوت عليها وهي لي مولفاها هي الفشوش..سمعوها من صالة وياله غينوضو وهي تم داخلة كتبكي وتشهق تلاحت فحضن محمد لي ماقاهم والو
محمد:نعمة مالك أبابا كتبكي واش طحتي فدرووج؟؟
وردة:نونو مالك أحبيبة مالكي تتبكي(تتحاول تخرجها من حضن باها باش تشوف وجهها)
حط نعمة فحضن وردة وناض مخنزر متوجه لبيت توبة لي كانت شادا راسها بين يديها معصبة وكترعد..دخل عليها بلا ميدق وكان ناوي اتعصب عليها ولايني شافها كترعد هاكاك خلعاتو..عارفها ملي كتكون هاكاك كتوصل فيها لعظم..خسر ملامح وجهو وقال:توبة..مالكي
توبة:(هزات راسها بغضب)والو
محمد قرب ليها وجلس حداها وكاع غضبو مشاا ولا باغي يعرف هي مالها..حط يدو على كتفها ودورها عندو وقال:كتخبي علي؟؟
توبة:ممالي والو أبابا بيت نبقا بوحدي
محمد:وايلي(جرها معنقها)مباغاش تعاودي لباباك
توبة:فففف عياانة ومستريسيا مع الحفاظا وصافي
محمد:شوفي وكاان
توبة:(تنهظات بعصبية)وا مامالي والو بيت نعس
محمد:وعلاش غوتتي على ختك؟؟
توبة:مقصدتش هي جات فطريقي
صونا ليها تيلي وطلعات نمرتو هي شافتو خرجات عينيها وهزاتو وقطعات دغيا وخشات تيلي تحت فخاضها من جهة خرا تاتنوا محمد وهز حاجبو وقاا:علاش مباغاش تجاوبي؟؟
توبة:والو هي تبيلة مافيا لي يهضر معاها(محسات براسها تاتخشاات فيه)بابا عيااانة والله
محمد:أش عيااك احبيبة..خاصاك شي حاجة ولا عياوك السوايع الى مفيكش لي يمشي نجيب ليك بروف تال داار
توبة:لا أحبيبي هي ستريس تالقرايا وصافي..
محمد:(باسها فراسها)وهاد ستريس غيخليك تغوتي على نعمة حشووما
توبة:مقصدتش نبرد ونمشي نحزرها
محمد:اوا عاودي ليا مالكي؟؟اش عصبك
توبة:(ملقات مدير من غير تختارع شي حاجة باش متحصلش)واهي الفيزيك مفاهماش واحد درس ومبااش ادخل ليا وصافي
محمد:أو كان..متأكدة(بتشكيك)
توبة:اه
محمد:طاحت ولقيناها..متفورصيش على راسك فوتيه عليك واحد سبمانة تاتنسايه وعاودي قرايه أما الى هزينيه دابا ونتي ممركزاش مغتفهمي والو
توبة:فففف واخا
محمد:ياله نوضي تعشااي
توبة:(بامتناع)والله مافياا هي تعشااو
محمد:لا ميمكنش..نوضي(وقف وجرها معاه)ياله تاكلي شي حاجة
توبة:(بقلة حيلة)واخا..
هزات تيلي ديالها ونزلات معاه معنقها دخلو للصالة لقاو وردة كتسكت فنعمة لي باقي تتبكي..توجهات ليها ديركت وقالت:مقلقة مني؟؟
تجمعو للهشاا كياكلو ويهضرو وتوبة هي مبززا على راسها باش دير الخاطر وتيليفون خافتو افرشها وهي تطفيه..سالاو العشاا وحلاو وناض كل واحد لبيتو انعس..طلعات توبة مخنزرة ..دخلات لاحت تيلي فوق الناموسيو وتجبدات ناعساا وكافكر واش تشعلو ولا لا..تاعياات وتقلبات على كرشها وهزاتو شعلاتو وبداو الميساجان كيتدفقو فنمرتها وفالواتس بغا يحماق بلا ليزاابيل..ظخلات للواتس طلعات ليه vu زعما اه شفتهم ومبيتش نجاوبك وخرجات..سدات كونكسيون وحطاتو دارت مود افيون باش ميصوتيش ونعساات فالحين بكثرة العياا لي ورغم انه عصبها ولكن دقتها فيه كبيرة
صمد بات ليل كاامل كيمشي ويجي فبيتو ويعيط ويلقا تيلي مطفي..تشوش عليها وخاف تكون تعصباات ولا بكاات..مجاهش النعااس نهائياا تا وذن الفجر وهو باقي جالس فالبيت شاعل ضو وهاز تيلي كيدور فيه ويتفوه ويعاود..تا جات مراة كبيرة شوي لابسا بيجامة ودايرا حجابها وهازا زربية الصلاة..شافت فيه وقال:عبدو مالك أوليدي جالس هاد لوقيتا هنا؟؟
صمد:(محاملش اهضر)راه مواقع والو..سيري صلي ونعسي ترتاحي انا غنمشي ننعس بيدما توصل سبعة
ربيعة:قاري؟؟
صمد:(ناض من حداها غادي لبيتو)اه قاري
مشا وهلاها كتنهد على حالتو..فحين هو توجه لبيتو وتلاح على ناموسيتو كيقلب على نعااس وحلف لجااه بقا مقرق عينيه تا بان ضوو شاف فالساعة لقاها الستة ونص عرفها كتفيق فهاد لوقت..ناض غسل وجهو وسنانو وهز موطورو وخرج بلا فطور مع زك الصبااح وتوجه لمدرستها
ضحكو وكملو فطورهم تا سالاو وناضو لبنات للمدرستهم..
توجهات توبة مكسيريا مكتشوقش قدامها ..وصلات وهزات ساكها ياله تهز راسها وهو يبان ليها صمد واقف بطروة كيشوف فيها كيتسناها تسد للموطور وامشي عندها..هي شافتو وهي تخنزر وقلبات وجهها وتجاهلاتو وبغات تدخل تا تبعها وشد يديها..غمضات عينيها بغضب وتلفتات ليه وقالت؛ياك لاباس أ خوياا؟؟
صمد:اجي نهضر معاك ودخلي
توبة:غادي طلق من يدي هو هذاك ولا راه غنتشوهو
صمد:(جرها)اجي ندوي معاك وسيري ديك ساعا
ملقات متقول تبعاتو تال حدا موطورو ولي داخل للمدرسة طيشوف فيهم وهي كدور فعينيها كي البومة وهو ينطق معصب:لاش طافيااا التيلي لبارح مخلياني كي الحمق تنضور ليك
توبة:(بغضب)لاش غنجااوبك أ سيدي باش تسمعني داكشي لي بقا
صمد:(مسح على وجهو)ومالكي متصبري على خبيزتك ونتي كطيري خلينا نهضرو ونحلو لموضوع بحال أيتها النااس
توبة:اش غنحل معاك ونتا ملي وقفتي علي ونتا خدام علي مشوفك نهضر معاك نهضر مع باااك واش تتريgل علي
صمد:واش أعبااد الله قلت شي حاجة تالعيب يااك جيتك نيشاان بيت نكمل معااك
مشات من حداه كضحك وفرحانة حين تصالحو وتتحس بهم ونزاح على كتفها..تلاقات نبيلة واقفا ليها عند لباب مربعا بديها ..شافت فيها وباستها فحنكها وقالت:الحب ديالي ههه
نبيلة:باااز لكمارتك بااااز هي لبارح كنتي تتزبلي فالهضرة ونعاودي اش غير حالك
توبة:زيدي الحب زيدي هههه ياكما تقلقتي لبارح ههه
نبيلة:مشي كون تقلقت غتلقايني واقف مقرضا ليك هنا..
توبة:عارفااا أبب خههه زيدي نقراو على راسنا
دخلو بجوج للمدرسة ودوزو نهارهم عاادي القراية وصافي..وصلات ثلاثة وخرجو وكل وحدا مشات لدارهم
مرت أسبوعين طايرا كلها فاش دوزها..توبة دازت كلها عندها فالقرايا وصمد لاغير..اليوم غيجيو الكلاوي لمراكش وكان يوم سبت..قرات توبة فصبااح لاغير ورجعات فحالها دوشاات ونزلات للتحت كتسنا بفارغ الصبر اجيو..
فحين عائلة الكلاوي كانو على أهبة الاستعداد وخداو الطيارة الخاصة بيهم فاتجاه المغرب كلهم الا محمد لي بقا بوحدو مقابل شغل باه
بعد ساعااات حطاات الطائرة الكلاوية بالمغرب وبالضبط فمطار مراكش المنارة..
نزل فؤاد الكلاوي راجل الاعماال الاروبي من جنسية مغربية شاد فمرراتو لالة وفاء الانصاري وكيبانو كوبل يحمق..شادا فذراعو وهو فرحان بيها كيشمو هوا البلاد لي شحال مشموهش..وماأدراك مالغربة..اكفس حاجة انك اعيش فبلاد مديالكش وملي كترجع لبلادك كتحس بروح رجعات ليك..تبعاتهم سليمة الكلاوي لابساا سروال دجين مقطع وديباردور فالازرق ومعاه جاكيط خفيفة وشعرها مقطوع كي دري ودايرا نظاظر..وموراها أميرة الكلاوي لابسا دجين لاصق فالاسود وشوميز فالاسود كذلك مبينين فصالتها الممشوقة وشعرها حد كتافها وعيونها العسلية..عاد نزل أشرف الكلاوي أخر العنقود نازل كيتمختر ويقاد فشعرو ممسوقش وخرج نسخة مصغرة ديال عمو سعيد الكلاوي مقابل هي بريستيجو لاغير..وموراها نزلات مرأة فمفتبل العمر زوينة ودايرا الحجاب وستيلها بحال وفاء وزوينة سميتها اشراق شادا فيد سعيد..أصغر عنصر فعائلة الكلاوي باقي شاد فراسو وعاطي العين..تصافو كاملين ومشاو كملو اجراءتهم وخرجو ومتبعين ليهم ليفاليز ..
كان الساجدي فانتظاارهم واقف كيتسنا هي قشعهم وبتاسم بفرحة وشير ليهم من بعيد..توجهو لعندو وتلاحت عليه اميرة عنقااتو وتاهو ضحك وحضنها وقال:الخنفووسة كبرااات ههه
اميرة:(باستو فحنكو)توحشتك أعمو خهه
محمد:تانا أحبيبة(باس يديها)شهاد زين كولو
سليمة:(ترمات عليه من جنب معنقاه )وانا متوحشني حد ههه
محمد:(عنقها تاهي)شكون ميتوحش هاد لووز ههه
عنقوه بجوج تانطق فؤاد:اوا خويو الطريق راه توحشت صاحبي
وفعلا داكشي لي دارو طلعو فالاوطو وشدو طريق للريااض لي كانو اللمساات الاخيرة على قدم وسااق وردة واقفا كتوجد أخر التحضيرات وطبيلة عاامرة بالمملحات ودواز أتاي وصينية على حقها كتسناهم بأشهى المقبلات المغربية..كانت لابساا كسوا طويلة فالاصفر بارد وعندها كمام مفرفرين وشعرها طالقا مموج..تانزلات توبة كتحري وقالت:ماما جاو ههه
مشات كتجري حلات عليهم باب رياض متسوقات لحد كانت حاضيا هي لبناات لي هي شافوها جااو كيجرييو طارو عليها بتعنييقة كببيرة تافقدو التوازن كون مالحيط كانو غيطيحو لارض
توبة:ههههه واااااااع وااتوحشتكم ههه
اميرة:ههه تاحتاااا
سليمة:(كتبوسها فحنوكها)طبوزة ههههه
توبة:تنحبكم انا(باستهم فحناكهم)
كلشي واقف كيضحك عليهم متسوقو لحد تاسالاو السلام عاد مشات عنقاات وفاااء وكتبوسها فحنوكها حيت عزيزة عليييها ومن صغرها وهي كتعاملها بحال لبناات..وقالت:ايهاي على طاطا وفاااء تتكبر وتتزيااان مسخوطة صافي اش تديري
فؤاد:ههه بعدا نتي اه عزيزة عليه هي داك نهار قالها لينا
توبة؛ممم الله يجعلني نثيق
وردة:اوا بعدا فاش كنتي صغيرة كان يضربك وميخلي لي يضربك من بااك الى غوت عليك تيخنزر فيه هههه بسلامتو تبدل بزااف والله كان فصغرو ضااسر ودابا تكالمااا
اكليل:كيت شي ناس لي من صغرهم مصعورين وبقات الصعرا لاسقاهم😒😒
توبة:(فهماتها خشات ليها لهضرة)اوا الله يخليني فصباغتنا اه ماشي بوصيحا باش نبقا نبدل فاللون
أميرة:نااري العافيا والما ياربي سلامة هههه
وفاء:هههه واييه مكذبتيش كاع العذاب لي عذبني فصغرو دابا تكالماا مبقااش بالعكس ولا ضد العنف
وردة:مزيانة بعدا متبقايش هازا ليه هم
محمد:لالا صرااحة تبدل هزيتي واحد وحطيتي لاخر..تكالما وولا كيعمر وقتو بالمفيد وتبارك الله عندو باج فيسبووك مشهورة كيكتب فيها
سليمة:واحد نهار قالي غيكتب شي كتاب وينشرو
اكليل:الله يسهل عليه
الكل:اميين
توبة:خهههه سالي اميرة يالهو معاايا ههه
سليمة:فين؟؟
وردة:جلسو غنحطو لغدا
توبة:(وقفات)هي واحد شوي ونجيو لولو تهزي تانتي
وقفو كاملين ومشاو معاها فرحاانين بقدومهم لمراكش كيف لا وهوما مربيين من صغرهم مع بعضهم واخا كل واحد فبلاد الا انهم كانو كيتلاقاو فالعطل بزااف شي كيمشي عند شي وبقات علاقتهم متوطدة رغم فارق السن بينهم
دخلو لبيت توبة وتلاحو على ناموسيتها وخلاوها هي واقفا وقالت:جيتو ولا جابوكم
دخلات أميرة للدوش وبقاو هوما مجمعين وكيضحكو وصوتهم مسموع منين ومنين مجموعين هي على قلة للعرض..تاخرجات اميرة وقالت:بااز ليكم هي دخلت ونتوما تبداو تتضحكو ههه تسناوني
سليمة:أجي أخالتي الرونضا لي تتسكن فالدووش هههه هاني دخلت
دهلات تا سليمة ومشات اميرة لبسات من حوايج توبة وجاوها عراض حيت توبة غليضة عليها وقالت:تنباان كي الخنشا هههه
توبة:اوا نتي لي مسلوتا ههه
اكليل:اه نتي لي خنشا ههه
توبة:اوا اللهم اللحم والطرف ولا العظام هههه
اميرة:راه البنة فالعظام ههه
اوبة:اوا ديريهم فالحريرة😂😂😂
كملو ضحكهم تاخرجات سليمة دغيا ومشات لبسات من حوايج توبة ونشفات شعرها لي تقريبا مكاينش حيت دايراه بحال دري..ونزلة للتحت لقاوهم حطو للغدا وكيتسناوهم..طبلة عامرة بلي حليتي عليها فمك تلقاها من جميع المأكولات والضحك والفرح مزين الجلسة ومشكل رفقة الحب العائلي لوحة رائعة..سالاو وجلسو شوي معاهم وهي تنطق توبة:بابا غنمشيو للمدينة واخا
محمد:علاش؟؟عاد جااو خليهم اتساراحو
سليمة:انا لي قلتها ليها ههه توحشتها والى بغيتو يالهو تانتوماا
فؤاد:انا غنراجع شي خدمة مع محمد وفاء تبغي تمشي
وفاء:ممم وزعما تخليني😒😒 تامنكون كنعرفك هه لا لا هي سيرو ديو معاكم أشرف وإشراق الى بغات
إشراق:مشهيا هي نعس وصاافي
توبة:اوا صافي ياله نلبسوو
طلعو للفوق لبيت توبة ولقاو شوانطهم حيت طلبات توبة الخدامات اطلعوهم لبيتها بيدما اوجدو ليهم بيوتاا..كل وحدا جبدات حوايجها..سليمة لبساات سروال مقطع وعريض ديال الهيب هووب وديباردور فالابيض ونظاظر فحين أميرة لبساات سرزال وشوميز وصندالة اما توبة لبساات جينز كحل وصندالة فالبوردو مع شوميز فالبوردو وخرجو رافقتتهم إكليل..هزات توبة فلووس وكلشس لي تحتاج وخرجو من الرياض على رجليهم حيت قريبا ليهم السااحة..تمو غادين وكيضحكو ولي داز انبروو عليه تاوصلو جامع الفنا وما أدراك جامع الفناا فالعشية كتكون عاامرة والاجواء مخلطة..والروايح تتقلية والطاجين والحوت والكرعين مخلطة والشواا وأكيد القهاوي لي كيكونو مسطوكيين والدنياا عامرة..تنفساات أميرة بحب وقالت:الله ههه على ريحة
توبة:باقي مشفتي والو زيدي ههه
سليمة:لبربوش هو لول ههه
توبة:البربوش مايفلت بينديك عند واحد العزوا عشيري تيدير شي بربوشاات تاكلي مصرانك مورااهم
أشرف:ياله الالة ورينا
توبة:ليوما تنعسو على تراميكم تيوزوزو هههه
تمشات بيهم تالوسط جامع الفناا ولقات واحد لي باقي حاط قدامو كروسة فيها كميلة كبيرة عامرة بربوش والناس مجموعين عليه لابس طابلية بيضة وداير طربوش بيض وتيعمر بيد الزلافة وليد لخرا شدها بيها ومعنكر..وقفات عليه وقالت:أفين أعويناتي
هز فيها عينيه:أشاتا نتي هادي ههه فين غبرتي الحتروفاا
توبة:مكاين هي جري علي نجري عليك هههه أشكا كاين شي زليفات ولا نمشي نرورك فقنت أخر
..:واعيب عليك هاد الهضرة بنت وردة ونردووها أوهو خايبا تالتعاويدا(شاف الباقي)شكون هاد الفريزات لي معاك؟؟
ياله غتجاوبو وهي تنطق سليمة:الدنجال هذا نعام أس
...:ههههه(كيضحك بالثقالة ويسربي الناس فنفس الوقت)هادشي ديالنا واطرني هههه مغربيا يا سيدي
سليمة:بحالا علمك الله هههه عمر ليا خلاص شي زلافا الله يعطيك منويتي
...:نعمروها لمولات لعوينااات لي دات قلبك أمصطفى ههههه
عمر ليها زلافة ومدها ليها وعطاها عود باش تاكلو وهي تنطق توبة:شتك شتيها ونتا تلف بلاك علي وعمر شي زلافة
مصطفى:هي لي متعاود ههه هاكي شدي
توبة:اوا وهاد الخوت لخرين؟؟
مصطفى:سمي صاابر وهاهو تيعمر هههه
عمر ليهم زلايف خرين بالبربوش والماء ديالو وسليمة مستمتعة بيع وكتاكل وتعاود تقوليه اعمر تاضربات ربعة تزلايف وعطاتو مزال ازيدها وهي تنطق توبة:اوا زيدي الخامسة وقلبي فين تبااتي وغدا غتصبحي بالباسر وتفرجي ديك سااع أ براكا غليك
سليمة:ماشي قاطعا البحور باش ناكل ربعة عمر عمر الغزاال
أشرف:ان شاء الله الى غيباتو بالقنابل والصواريخ😂😂😂عطيهم مزاال
توبة:😂😂😂😂 زيدهم وعمر ليا تانا ولحساب علخر😂😂
إكليل:الحمد لله مغتباتوش معايا
عطاهم تاني وبقاو هاك بالاك على لبربوش ويضحكو ويتصورو تا عمرات الكريشة وجبدات توبة خلصااتو وهو يقول:أري الله يعطيك الخير بقاي ديما تيجيبي ناس بحال هاكا نضورو معاهم الحركة
توبة:متخاافش عهههه
رد عليها صرف وتحركو من حداه وهي تنطق إكليل:أمدرا عمرات الكريشا ولا مزال؟؟
سليمة:بنيين بزااف والله ههه مكرهتش ندي معايا شي شوي
توبة:(جراتها)زيدي والله لرجعنا عندو باقي راه حدايا حدامن غتنعسي هههه
أميرة:غزاال..(جبدات تيلي)انديرو سيلفي
صوراتهم وصيفتاتها لخوها فلبلاصة وكملو دورانهم فالسمارين وباب فتوح والدخاشش تالمدينة القديمة دخلاتهم ليهم منيما دازو تيشريو حاجا مرا شكارا تالجلد مرا صينية تأتاي وكيساانها مرا بلارا كل مرا وااشنو..ولي دازو من حداه تينبر عليهم وتجاوبو سليمة هههه
خرجو لجيهة الساحة تاني وقال أشرف:توبة شي بلاصا نشربو فيها الحريرة
توبة:مال مك مكانتش تتgادها ليكم تما؟؟
أميرة:بالعكس كل سبت تتقادها تيطلبها بابا ولايني تاع جامع الفنا فشكل ههه
توبة:زيدو شحفتو دينمي اليوم معمركم شتو الحريرة هههه
مشات بيهم عند واحد سميتو سعيد كيبيع الحريرة ووقفات عليه وقالت:أبا سعيد أرا عمر شي خمسة تزلايف تالحريرة وشي قريعة تالخل وشي جوج حامضاات ولا ثلاثة وشباكية الله يرضي عليك
فهاد الاثناء خرجات توبة من الحمام مدورا عليها فوطة تال حد الفخض وشعرها جامعاه فوحدا صغيرة فنفس لون الاولى الاحمر..مرداتش ليه لبال كااع
محمد كان خاشي راسو فالتيلي وهز راسو بصدفة حيت سمع شوي تخرشيش ..هزو وعاود نزلو وعاود هزو بزربة ملي شافها وهي كتحرك فالبيت بالفوطة الحمرا على لحمها مبينا سيقاانها وفخاضها المطيبزين ولونهم البلق..ركز عينيه على كل انش فجسدها وفمو محلول اما تيلي طاح من يدو وجا فحجرو..سكاناها كلها تا من ركابيها شافهم لقاهم بيضين كي الحليب..كانت كتقلب فالمجورا على كريمااتها تاللحم وتالشعر وتهضر مع راسها:ويلي فيناهوما فففف غتكون هي رشيدة لي حولاتهم عنغنعن(قلبات مجر أخر ولقاتهن)هاا هاهوما ععه
فحين محمد فقد السيطرة على عينيه ولا مفكسيهم عليها لاغير..كيشوف جسمها العامر ولي رغم أنه كيكره الغلض وكيعجبووه الرقاقات والنحيلات الا أن جسمها شدو خاصة أنه مزين بفوطة حمرا كملات ليه البلان..تعجب واش هادي هي توبة ولا كذب..تسارعو دقات قلبوو بجهد وكمش عينيه مساخيش احيدهم كيف لا وهي كتبان قدامو كااملة..تقاد فالجلسة وشافها وقفات فاص ليه بلا مترد لبال للبيسي .حيدات فوطة تشعرها ونزلات راسها لتحت وبدات كتنشف فيه وتعاوود تضربو بالفوطة وعيون محمد متبعينها..نشفاتو وهزات سيروم دارتو ليه وجمعاتو بقراصة مسحات وجهها من قطرات الماء لي نزلو عليه من الشعر..محمد فهاد اللحظة تدعق وتشوكا وهو التفاصيل الصغيرة فالمرأة كتجدبو واخا تكون هي كلمة منها عادية كتستعملها هي عادي فحيااتها تقدر هو تجيك كلمة عجيبة ويستنتج منها قصيدة..أما حركاتها كتخليه اتنشوا ويعطي أحسن ماعندو وهو الملقب وسط صحابو الشعراء والكتاب بقيس المرأة لانه أكثر واحد كيلاحظ أدق تفاصيل أي مرا..وبحركات توبة وعفويتها قدرات تلفت انتباهو لاول مرة كمرأة رغم أنه شايف شحال من وحدا بالفوطة وشحال من وحدا نشفات شعرها قدامو الا انها هي ولات حالة خااصة خلاتو يأمن ان الكتابة عمرها مغتكون مجال للاعتزاال طالما ابقا اشوف كل نهار بحال هاكا فغيبقا حياتو كاملة كيكتب فقط باش اتغزل بيها..نتهت دوامتو تالنظراات بالحلا ديال الباب وكانت أميرة لي رجعات وتمناها كون هي مرجعاتش ناشي حيت باغي اشوف توبة عريانة لا انما فقط باش تزيد تطوال لحظة نفرادو بيها كإمرأة هادئة..تهز من بلاصتو دغيا ومشا لجهة خرا ممشدوداش عليها لاكام باش ميبانش فحين أميرة شافت توبة وشهقات وقالت:أشد كديري؟؟
توبة:تنقي القمح ديري يديك معانا راه العوين فالنصارة والجلاس خسارة😂😂
أميرة:أويلي ياكما حيدتي ديك لفوطة راه كنت كندوي مع محمد فالسكايب
بان ليها فالصورة كيبان ضخم من كي شافتو اخر مرة زادو كتافو عمرو ولحيتو دايرها قيااس كيشرب فقهوة..اما هو شافها وبتاسم دغيا تا بانت غمازتو وقال:واا كبرتي أشنيولة
توبة:(كتعوج فعينيها)اوا بعدا كبرت وزيانت كيت لي خيااب ولي لعام لي يجي يلقاه خويب
توبة:بزااف غليك تا خايبا اوا العما للذباان مالك مكتشوفش تا خايبا الى لقيتي بحال عينيا نعطيك لي بغيتي
محمد؛كاينين عطا الله وحسن كاع من ديالك ههه
توبة:لا أبب هاد لعوينات عند جوج انا ونيسليهان الله يواليها برحمة الله أما نتا أسكع لياام أ الهيش تالخلا أ الحلوف الجاري وسط البرما المعلكا راه بحالك مخلوق فجوج شكال ونتا والقرود الشامبانزيين معندك مادير..وجهك وجه الموتا لي ماتو فألف وتسمعمية وحزق وشم😂😂😂😂
أميرة:😂😂😂😂😂😂
محمد ضحك بخفة عليها وقال:لا موتا وقرتيهم لا حيين نتي بلاصتك فجهنم
توبة:هههه ونتا بلاصتك فالبرمة حدا أبو لهب وسينا نتا أصلا غتكون هو الشيفور لي سايق الكار لول لي غادي لجهنم وانا بيعطيني الله شي دار فالجنة ونعود نطل عليك
محمد:😂😂😂😂😂يااربي هههه
أميرة:😂😂😂😂لا لا نتي بزاااف
محمد"(حاط يدو على صدرو وميضحك)ههههه الله باقا كيف خليتك
توبة:مكتبدل هي بوصيحة لي تضل تبدل فلواان
محمد:هههه لا لا أنا هو هو معادا الى غتبدل شي حاجة فالمستقبل الله وعلم ههه
توبة:(تكات على كرشها وهازا رجليها لفوق)هههه تبغي نضرب ليك لكاارطاا؟؟
توبة:الكارطا هي الكارطا باش كنلعبو نيت ياكو وكيشدوها الشوافات زعما السحاراات ياكو هههه كيديرو بيها علم الغيب ههه زعما كتمشي عندها وكتبدا عليك عندك هادي وضاراك هادي هههه
محمد:يعني الشرك بالله؟؟
توبة:ستغفر الله العلي العظيم الله يمسخك عليها كلمة الشيطاان راه gلت ليك بلاصتك فين ههه
محمد:ههه واخا الي بلاصتها فجنة وريني هاد للكارطا كيكديرو ليها هههه(محمد مغرضوش لا بكارطا لا والو باغي هي يجمع معاها وصافي حيت أسرااتو بهاد المفهموم)
توبة:(على نيتها)شوف دابا معنديش كاارطا ولايني غنلعبها ليك بصباعي هانتوما شوفو(وراتهم ثلاثة من صباعها)هذا قلبي وهذا تخمامي وهذا باش ياتيني الله هههه
محمد:😂😂😂😂اوا
توبة:اول عاودها مرا خراا ههه ياله
محمد:(وراها صباعو)ها قلبي ها تخمامي ها باش ياتيي الله(غلبو الضحك)ههههه
اوبة:لباقيش تضحك اه gالس عند شوافا ماشي فدار بااك
محمد:أستسمح الالة الشوافا كملي ههه
توبة:(بدات كتحط على كل صبع وتقول كلمة)خصك السربلك مقفرها مع مولاك ساحرا ليك مرا ما طويلة ما قصيرة منخرها احركو بيه الطنجيو فالفرناتشي..الشبة واللبة وذراع الكلبة وزنطيط الفيل اليتيم وسراق الزيت الزوفري..عليك بلي ليك ولي عليك ونهز ليك يديك ونهز ليك دليك ونضربو ليك وعمر الشيطان ميضور بيك وطلب سلامة ههههه
محمد"(ميت بالضحك)😂😂😂😂😂
توبة:(خرجات عينيها)اوا طلب سلامة
محمد:(كيهضر ويغلبو الضحك)هههه سسههههخ سلامة
توبة:(يدات كضحك)😉😂😂😂😂ترمتك حمرا وفيها علامة😂😂😂😂
على إثر هاد لخرة تلاحت أميرة كضحك بجهد أما محمد رجع راسو لور ميت يبضحك تسالاو ليه رغم انه مكيحملش تخسار الهضرة الا انه سالان معاه بهضرتها وتاهي زادت كضحك وكتشوف فيه عاجيها انها ضحكاتو وحاضيا ضحكتو لي كتبان على اثرها ثقبة الزيين..جاتو هستيرية تضحك هو وأميرة اما هي كضحك وتسكت وتعاود تضحك تا ساحو دموعها
###فالمكتب عند الساجدي جالس محمد وسعيد وفؤاد كيشربو عواصر محيدين الشراب وأكيد الكارو وكيهضرو فالاعماال
فؤاد:كنفكر نحل مطعم أخر بشكل أخر وبسلسلة خرا هنا
محمد"والله أسيدي لشديتو ليك ههههه براكا علي
فؤاد:😂😂😂 اودي غنشوف سفياان اسيرو هي ييدما ندخل للمغرب بمراا
سعيد:كتفكر تدخل؟؟
فؤاد:وي شحال وانا مغرب وولادي مكبرهم تما كون ماكناش انا ووفاءوالواليدة الله يرحمها كنهضرو بالعربية ونزلو بيهم للمغرب والله ميكونو هاكا
محمد:عندك صح الغربة صعيبة واخا فيها الفلوس ولايني راحة البال كاينا هي فبلادك لا غير والتربية دياب هاد للجيل اه صغيبا انا عايش هنا وكنحاول منغفل على والو
سعيد:وي كاينا صعااب بزاف هي محمد اعطييك العربون
فؤاد:(نطر نطرة)فففف متفكرنيش كون تسمع مو اش دار والله تاتموت بفقصتو
سعيد:الحمد لله بعدا عقتي بيه وعتقتيه أما كون حياتو كلها ضاعت
فؤاد:تانا مكنتش راض البال كااع كنت كنقول مكدير والو وثايق فيه ونسيت بلي راحنا فأمريكا
محمد:لادروك ماشي سااهل والله..هو تبلا بيه بزااف باقي كنعقل كي شتو فاش كان فالمصحة واه واه تحلف عليه حمق
فؤاد:خرجها مني ..مكان فراس حد من غيري حتا مو مفراسهاش
سعيد:كون دارت ليك جنازة ههه راه كان كيمووت
فؤاد:من ناحية اه هاد الفترة هي لي كالماتو وخلاتو اترودا..حيت موراها هزيتي دري وحطيتي لاخر ولا كالم ومرزن وميهزش العين
محمد:غيكون شي حد أثر عليه تما
فؤاد:وي وي كان عندو طبيب كبير مسالي رااسو وكيخدم بالضحك كان ديما كيجي يطلعها عليك ويمشي ومحمد اتعصب ولتغدد ووالو واش كيفور عليه ههه تال واحد النهار شدو شنق عليه ويضرب والطبيب كيضحك ممسوقش وعاد مزاد عصبو ههه
سعيد:مصعور بحال بااه ههه
فؤاد:لا لا هادا مشبهنيش والله ههه تكالماا ولا كيتناقش واهضر بالرزانة وميهزش صوتو عليك
محمد:الصراحة كاينا هادي ههه بالامارة فاش جا عندنا كان هو وتوبة شد ليا نقطع ليك ومعمرو ماقسح معاها
فؤاد:كتعجبني حياتو شي مرات انا لي والدو تنقول كون هي كنت بحالو عاطي لكل حاجة وقتها كياكل فالوقت واكتب فالوقت والخدمة فالوقت..بهادشي باش تخرج عمر شي غلط دارو فخدمتو نهائيا وموفق بين الماستر والخدمة من عندي راضي عليه دنيا واخرة وعارف الى قررت نجلس ونتقاعد مخلي راجل مورايا
محمد:مدازتش عليه قليلة ربع شهور وهو فالمصحة لا مو لا بااه لا خوتو وتيتعالج من ادمان صعيب طبيعي اترودا واتقاد..الوقت هو لي خلاه ارجع بنادم
وقفو كاملين بعدما طفاو الكارو وخرجو من للبيرو ورجعو للصالة لقاوهم كاملين مجموعين دخلو لقاو السلام وكل واحد جلس حدا مرتو وهي تنطق توبة كتنش على نيفها:بصحة البخور أسبعة رااطين😂😂😂واتبخيرة هي معندي ميتسالكم هه
حكايتنا الجزء التاسع
محتوى القصة
التنقل بين الأجزاء