جحيم التوبة الجزء السادس

من تأليف Wahiba yamo
2018

محتوى القصة

رواية جحيم التوبة بقلم وهيبة يامو

فمنذ ان احببتك!!
وأنا أغرق في بحر فراقك وأنتظر منك طوق النجاة
ومنذ ان عرفتني وأنت تنتشي بغرقي
وتُلقي لي بطوق خذلانك!!
منذ ان أحببتك !!
وانا أعاملك كأميرات الحكايا وفرسان الخيال
ومنذ ان عرفتني !
وانت تعاملني كفريسة الطريق وذئاب الغابة
كلما اقتربت بجوع الحب منك !
اقتربت بجوع الرغبة مني!
فضع عينيك بعين الله ان استطعت وأخبره !
كم مرة دعوتني بها إلى الحرام
وكم مرة صرخت بك :
( اني أخاف الله رب العالمين )

هذا نهار جديد كل و احد وحياتو كاين لعايش السعادة بعدما كان فرحان وكاين لعايش مغبون
نلصر ونوسيماء تعيشو شهر لعسل بعد شهور من العذاب ....وصال ومنير تتعدبو من حبهم المستحيل ....مريا جالسا فالبار غادي تصطا تقالت ربحات ناصر و غادي تجرو فصفهم وتخليه يحماق عليها ....ظنات راسها ربحات بعد مجربات معاه كاع الحيل ...وكاع وضعيات حميمية ...لكن فشلات .ودبا جالسا تبكي وتفكر فشي حاجة جديدة ...شي حاجة ماكرة ترجعو لصفها مهما كانت النتيجة .
✍✍✍✍
وصال فاقت صباح راسها تقتلها محاملاش لا راسها ولا حياتها
احساس مقيت بالموت يحتل روحها وو جدانها .....
الاحساس دمرها عاطفيا وقتل كاع الاشياء لجميلة فداخلها وتحولات الى روح مجرد.ميتة
ناضت مشعكة مبغا لتقرا لل والو مكرهتش تبقا غير. ناعسة لكن مخاصوش يشوفها بهاذ الضعف...مخاصهاش تبين ليه حبها وانها كتمو ت عليه....خاصها تحضر وتواجه مصيرها بقوة
لبسات سروال كلاص كحل مع قميجة بيضا ولافست فنفس اللون
طلقات شعرها القصير ودارت مكياج خبات فيه دبول عينها لتنفخو من شدة البكاء........ ضربات ليهم واحد التكحلة فاعلة تاركا ....دارات مكياج خفيف لكن فنفس الوقت بين انوثثها وخبا حزنها ....رشات عليها عطرها المفضل sexyوهزات صاكها وخرجات
لقات العائلة تفطرو جلسات تفطر معاهم بلا نفس وكتبتسم بزز منها
دوات معاها نوسيماء بعينها ردات علها بعينها انا بخير وخرجات
وصلات الكلية وهي ميتة. من الداخل كاتمة اهاتها واحزانها ....اتجهات نحو قاعة الدرس بلا متشوف واش بر وف منير. كاين ولا لا لقات تحية وجلسات بلا متعير اي شخص اي اهتمام لفيها كافيها ....اما منير ليس احسن حل منها لكن رضا بنصيبو وقرر يواصل حياتو ....تشوف فيها بكل الم لكن معندو ميدير
بعدما القى درسو قال هاذ كلمات لكان صداها مؤلم بين طلابه
منير :
اعزائي االطلاب هذا اخير. لقاء بيناتنا واخر. درس كنتمنا نكون خفيف عل قلوبكم ونكو ن وصلت ليكم الدر وس بشكل بسيط الصراحة غادي ندخل القفص الذهبي ونقدر نغادر الى امريكا ونعيش مع زوجتي هناك
الطلاب : ملي سمعو كلامو تصدمو وحسو بالحزن لغادي خليهم بروف كوميدي شرحو متفهم والاهم دغيا تتفاهو معاهم

ان لاتتمادى بالقسوة على نفسك وعلي
اكثر من طاقتى وطاقتك
فلم يعد فى العمر بقية لعذاب أكثر
ولم يعد فى الليالى طاقة لحنين أكبر
فكم أخشى عليك لحظة يقال لك بها
رحلت
وتقرأ عيناك ( (,,,,,,,,) فى ذمة الله)
فلا تتسع عندها أرض الله
لحزنك … وبكائك .. وندمك !!

قال هاذ الكلام وخرج من القاعة تحت ذهول الطلاب
وصال سمعات هاذشي مقدراتش تستوعب ان هاذي هي نهايتها ...خرجات تجري كالحمقة وكاتمة بكائها حتا وصلات قاعة الرياضة طاحت تما ...طاحت عل ركابيها وكتبكي.....
اهئ اهئ كنت كنبغيك بصمت امراد ....كنت كنبغيك وظنيت ان هذا اسوء انوع العذاب....كنت كنموت مني كنتفكر ان شي و احدة تقدر تاخدك مني شي واحدة تبغها ....كنت كنتعذب مني كنشوفك مع هاذي وديك لكن وخا هكاك كنت ر اضية بهاذ النار لشاعلة في ..غير متزوحتش تبني عائلة ...لكن دبا كلشي راح انت ضعتي مني وليتي مزوج وانا ضعت من غيرك وغادي نموت من شدة عذابي
( در ت ادي عل قلبي ) شتي اقلبي هاهو خلاك ياك قلت ليك نساه ومبغتيش قلت من غير وك من خلاق دبا كيف ندير انا ...كيندير نعيش بلا بيه....كيف ندير ....يدوز نهار . ومنشوفوش فيه
كيف ندير اربي كيف ندير اهئ ااهئ
✍✍✍✍
عند وصال لكتراجع لامتخان لقرب كتخد بليل ونهار بغات تنجح بنقطة عالية هاذ النجاح تعني ليها بزاف لحوايج
فرغم تغير ناصر لواضح الا انها متاقاش فيه خايفة يرجع لعادتو السابقة ...خايفة يرجع بعذبها....خايفة تخسر المعركة ...
لهذا كتحاول تسلح بعلمها لغادي نفعها ويدير ليها قيمة ونهار ناصر يكشر عل نيابو تقمشو
واقفا قدام لمرايا كتستعد تخرج حيث عندها امتحان فليسي
لبسات غوب كحلا طويلا مع شال بيض وسبر ديلا . دارات مكياج خفيف وخرجات
لقات ليلى جالسا فالصالون حطا واحد الة رياضية كتريني فيها بغا تحيد الشحمة
انا : (شفتها شداتتي الضحكة )،خالتي اش كديري
ليلى : ( كتجري ممسوقاش) خاصني نرجع رشيقة.
انا : ههههه مزيان جري عندط طيحي
خليتها وخرحت وانا كنضحك عل هبالها

مريا لجالسا كتندغ فلمسكة وعلامات الشر باينا فوجهها.. ...
من نهار ناصر جا من السفر قولو من نهار سافر معاها وهو متغير مبقاش ناصر ديال قبل .....ولا بارد معاه....متايقهاش ولا تايق راصو ....كانت كتصبر راسها بالخدمة ...لكن مني جاو من السفر وهو مشغول عليها... كتصل بيه ديما مشغول ....الفار بدا ي لعب فعبها كيف تقولو لمصر يين ....وبدات تفكر شنو لمغيرو. ... لقات متكون غير مرتو بدلاتو علها ....ولحب ديال سنين غادي دمر ....لهذا بقات تفكر اشديرر باش تحطم نويمساء لبر هوشة لخدات ليها ناصر ....فكرات وفكرات لقات الحل هو تنبش في الماضي تقلب عل اسرارها الدفينة ....تقلب عل شي خطا دارتو وتهاجمها بيه وتخلي ناصر يكرهها .
وفعلا هاذشي لدارات ...اول خطوة دارتها هي اتجهات لثانويتها لقديمة هاذشي لملقاتش صعوبة مع الحارس العام غير. ضحكات فوحههو السيد تحل وعطاها جميع اسماء لبنات لقراو معاها وحتا عناونهم ...شكراتو وبدات رحلة لبحث عن خطة لتدميرها
الخطة كانت مدروسة جدا ومصعيباش عليها ...طالما عندك لمال والنفوذ تقدري طمعي اي شخص ....وهاذشي لدارتو ....بدات تقلب عل عناوين لبنت وبدات تستنطقهم واحدة واحدة لكن دوك لتستنطقاتهم معارفين والو علها سوى انها طالبة كتقرا وداخلا سوق راسها .....ميئساتش بقات ليها طالبة و احدة مزال ممشات عندها ....ولسوء حظ نوسيماء هاذ الطالبة هي ماضيها الاسود الماضي لتابت منو و رجع يلاحقها من جديد
بعد مصونات عل الفيلا خرجات ليها بنت مزوقة مشهبة رايها لابسا منية وتشورط قصير كرشها باينة دايرا مكياج صارخ معيق بزاف .......
خارجا كتفرنس شافت مريا بقات مستغربة
مريا : سلام هدى هاذي
هدى : اياه شكون انت بعدا
مريا : ندخلو ندوو حشومة نبقا فالباب
هدى : اه دخلي
دخلات مريا وكتشوف فالفيلا لباينة فيها الترف كتضور عينها يمين يسار حتا بانت ليها بنت اخرى اجمل من هدى جالسا فالصالون وحطا رجل عل رجل ولابسا. فستان قصير فلخمر قصير بزاف مع سندالة عالية ....طالقا الشعر ودايرا مكياج معيق مع عكر احمر ....داك لبس بينها بحال عاهرات
شافت مريا بقات كتطلع وتنزل فيها ...حيث وخا هكاك مريا زوينة وانيقة تاهي مصيبا حالتها ومقدا مكياجها المثير لتليق بسيدات للاعمال وضاربا فستان اسود بلكمام تال ركبة مع حذاء عالي بزاف وهزا حقيبتها اليدوية.

مريا : سلام انا مريا جيت عندكم بغيت نسولكم
مريم :(،كتطلع وتنزل فها بلؤم) علاش بغتي تسولنا وفين كنعرفوك
مريا : انا جيت بغيت نسولكم عل و احد لبنت قرات معاكم سمتوها نوسيماء
هدى ومريم بقاو مصدومات متوقعوش ان شحد يسولهم علها
مريم :( بخقد )،ديك لبرهوشة علاش كتسولي علها بنت كلبة غبر ات غبرة واحدة
مريا :(ابتسمات عرفات ان هاذ عاهرات غادي نفعوها )
تزوجات تكشي علاش
مريم وهدى حلو فمهم وتموتو بالسم كفاش هي دغيا تزوجات وهما ضيعو راسهم محال واش يقبل عل خنزهم شحد
مريم : تز وجات بنت حرام هي لصدقات ليها بففف
مريا : ( دموع تماسيح) اهئ اهئ خدات مني صحبي اعوام وانا معاه معرفش كفاش بدلاتو علي ولا تموت علها
هدى. : خدات منك صاحبك متاكدة
مريا : والله. ودبا صافي لاحني بغتكم تعاونوني بغيت اي شيء عندكم سر ولا ذكرى ولا صور ة بغيت نفرقهم ونرجع ناصر لي ولبغتوها انا معاكم ( جبدات شيك) هاكو كتبو لمبلغ لي بغتي وانا معاكم
مريم :(خدات شيك شركاتو ...) مبغتش لفلوس بغتها تدمر وبغيت نشوفها ضايعة وترجع عندنا تزاوك وتطلب ترجع معانا ولوحها بحال كلبة
مريا (استغربات من لحقد لكتكنو لها )
دارت ليك شحاجة تتكرهها هاذ الكره كامل
مريم :( كتضحك بحقد ) كنكرهها كثر متصوري كنكرهها حيث هي ديما متفوقة ....هي لمربية ....هي متخلقة.....مكتصاحبش........كنكرهها كلها ....فشلت نطيحها فالفخ.....فشلت ندمر ها....وفشلت نخلها بحالي....
مريا :( تبسمات ) هاذشي كامل اذن بامكاننا نديرو ايد فالايد وندمروها
مريم : اكيد فاش بغتنا نعاونوك
مريا : بغيت اي دليل تتبث انها دوزات لحرام قبل متزوج
مريم : اه ساهلا عندنا شي صور ينفعوك هههعع هدى جببي لي. البوم عندي شلا تصاور
هدى :(بنظرة اختقار ) وخا
مشات البوم كتقلب فيه حتا بانت ليها واحد طوف معيقة خباتها في صدرها وخلات شي طوف وخا خيبين لكن ماشي. معا ديك طوف لخزنات
ومشات داتهم لمريم لغادي تموت من لفرحة ...مدات لها البوم وجلسات فواحد ركن
وكتشوف بعينها
مريم : ( كتقلب فالبوم بدقة)هدى. واحد طوف كانت هنا فين مشات
هدى :(بتوثر ) مشفت والو هزبتو وجبتو
مريم : بففف علم الله فين مشات كون لقنا هاذيك كون طلقناهم لكن لقاها ونجيبهاليك مهم تفرجي فهاذو
مريا :( خداتهم من عندها و كتقلب طوف طوف وكتفرنس ...كتفرج فنوسيماء كتتدخن لكارو ولابسا لبس معيق
اما صورة لخبات هدى تقريبا عريانة وسكرانة مصورنها )
مريا : تهاذو قاضين لغرض نرحعو لي وديك ساعة نصفط عليكم تصيبو ليها الدقة ههع
مريم :( ضربات فايد مريا وطلقو ضحكة شريرة )
اوكي تفقنا انا فلخدمة اصحبتي
هدى :( كتضحك بلا نفس باش متبينش اسنتغلات الفرصة مشات طواليط حرقات صور ة وكبات علها لما وريحات طواليط باش متخلي تادليل ور اها ...عاد مشات جلسات بعد مجابت ليهم عصير وشي خلاوي وحطاتهم حداهم وهما تفرنسو. وتدرسو لخطة مزيان باش يوقعو نوسيماء فالفخ

خرجات من عندها وهي كتحس بطعم الانتصار والمكر والدهاء مسيطر عل تفكيرها ...بغا دمر رميساء وتستعمل معاها كاع اساليب الماكرة باش ترميها برا وتولي هي مدام ناصر واتجهت عند ناصر والادلة فاديها غير وصلات الشركة ابتسمات بشكل ملحوظ ..وقالت هاذ الكلام قبل متدخل عندو :
ناصر غادي ترجع لي قريبا جدا تواحدة مغادي تاخدك مني هههع وديك برهوشة غادي نورها كيفاش تجرا وتاخدك غادي تعيش ايام كحلا وهذا وعد مني
اتجهات لشركة ناصر والفرحة باينا عل وجهها
دخلات عندو لقاتو جالس فمكتبو بكل رجولة حاط رجل عل رجل وخدام بكل جدية شافها هز عينو فه معبرهاش رجع شاف فلكمبيوتر ...لكن هي مشغلهاش يبغها ولا لا مهم يكون ليها ....كتبغيه حب مرضي ...وغادي تدمر اي شخص يقربليه .... مشات عند بكل جراة قربات منو وباستو فخدو و كتفرنس
ناصر :( طلع راصو ببرود ) مريا انا خدام مكلعبش
مريا :( جلسات فحجرو وكتبوس فيه هو مستحملش يشوف فيها لمساتها كرههم لدرجة دفعها حتا طاح )
ناصر : را دويت را وقت لخدمة خدمة ووقت للعب لعب اش هاذشي امريا متخطايش حدودك راك كتعرفني ....ديك لمرة قلت ليك مني نكون خدام متقربيش من ديل مي
مريا :( ناضت من الارض ومحملتش راصها بلا متبين ورجعات جلسات وتقابلات معاه )
سمحلي احبيبي عارفني كنبغيك وتوحشتك وانت متلتيش كتسول في معرفتش واش درت شي خطا
ناصر :( رجع لمكانو ) قتليك ممساليش ليك امريا عندي شلا امور وراك كتعرفي شغلي مزيان موعدتكش انا بشخاجة
مريا : سي با كغاف كديرة نوسيماء لاباس علها بعدا
ناصر :( تفكر مرتو وخرجات ليه ابتسامة بلا ميشعر ديك ابتسامة شعلات مريا )
الحمد لله لاباس علها
مريا : ممممم شدات الطريق بعدا بعد تدخين والشراب .وووو
ناصر :( خنزر فيها ) اش كتخربقي انت
مريا : اه عل مرتك المصون مقلتليكش انها دوزات مراهقتها قبل متزوج بيك وتمثل عليك لعفاف
ناصر :( تعصب منها ومشا عندو بخطا سريعة وتقابل معاها وعينه فيهم غضب كثير )
اش كتخربقي جمعي فمك
مريا :( جبدات ليه صور من صاكها وعطاتهم ليه )
ناصر :( شدهم وبقا يقلب ونار شعلات فيه )
مريا : بلش تعرف راسك شكون واخد انا بغيت غير مصلحتك اناصر وديك برهوشة ماشي فمستواك يلا نتسنا تتلفونك
خرجات وخلاتو شاعلا نار فيه اما هي فغادي طير من الفرحة

جلس و حاط اديه عل راصو وتشوف الدنيا كدور عليه مبعاش يطيق واش لملاك لخدا هي نفسها هاذ لبنت لفصورة ....ممتيقش انو تزرف ....انو دغيا ثاق بيها ....هز سوارتو مشا يجري لدارو والشر غادي خرج من عينيه
ساق بسرعة سريعة حتا وصل لفيلا .....طلع يجري في اتحاه غرفتو مرد بال للمو لكتناديه بقات مصدومة من تصرفو
غير حل لباب لقا نوسيماء كتستعد باش تخرج شاف فيها بكل حقد
ناصر : فين غدا
نوسيماء :( تبسمات ليه ) غدا المركب الثقافي عندي مسابقة احبيبي فتلاوة القران غادي جيبو واحد لمقرئ من السعودية هو لغادي يمتحنا انا خايفة ومتشوقة باش نحضر لهاذ لمسابقة
ناصر :(،ونظرات الاتهام كتسري فعيونو ) يلاه نوصلك
نوسيماء: بصح احسن حاجة
( هبطات تجري وهو تابعها وتخمم
اكيد كتخطط لشحاجة وانها دايرة سبة بالصلاة والقر ان ولحجاب لكن ليوم غادي نكشفها عل حقيقتها )
ركبو فلوطو وساق وهو متوثر اما هي فكل شوية كتجبد لقران تراجع حتا وصلو .
نوسيماء: صافي احبيبة هاحنا وصلنا دعي معايا نجح وتانتا الله ينجحك فخدمتك باستو فخدو وهبطات تجري للداخل
بقا متبعهاوبعينيه تدخلات ووقف فواحد مكان يتسناها تخرج مرات نصف ساعة مبنتش ليه وصبرو تقاد عاد اتجرا يدخل لللمركب
غير دخل بان ليه صمت رهيب ...غير عائلات مشاركات لحاضرين فهاذ المسابقة وبضع علماء
جلس فواحد لمكان فالخلف وعينو كتقلب عل مر تو وتتمنا ان كاع شكوكو يكونو خطا وان دوك تصاور مجرد كدبة لا غير.
مرت دقائق حتا بانت ليه هي بجلبابها لمستور زوحجابها الانيق والنور تضرب فوجهها تقدمات من المشاركين وجلسات فواحد الكرسي وبدات تلو سورة البقرة بخشوع تام ومنساتش طبعا قوانين التجويد لحافظاهم عن ظهر قلب .
خلات جميع المشاركين وحتا شي اساتذة تما منبهرين بخشوعها وصوتها الشجي بداو يصفقو ليها بكل حرارة و رجعات لبلاصتها
واستمرات المسابقة شي ساعات حتا علنو عل لفائزات
تقدمات واحد السيد باين علها لوقار والطيبة وبدات تعلن عل اسماء لفائزين
غير نطقات اسم نوسيماء الدهشة اصابت ناصر ماشي غير الدهشة. احد احساس مكهرب تحس بيه ممتيقش داكشي لتشوف
حتا قربات نوسيماء من المنصة والدموع تعلو وجهها وممتيقاش انها ربحات فهاذ المسابقة

قربات منهم وهي كتبكي من شدة السعادة
الحاجة :(مدات ليها و احد القلادة فيها قران دهبي )
بنتي علاش كتبكي خاصك تفرحي حيث ربحتي وشرفت مدينتك وشرفت عاپلتك انت فخر لعائلتك تقد.ري تعيطي ليهم ينضمو ليك
نوسيماء: (بحزن )تحد محاضر مظنتش اني نجح تكشي علاش
الحاجة : من اول مرة قريتك عر فتك غدا تنجحي انت كنت مثابرة وصبورة وتحديتي ظروفك انا فخورة بك سعدات عائلتك بيك لمن تبغي تهدي هاذ هاذ الفوز
نوسيماء: : ( كتبكي ) كنهديه الله اولا لعمرو. سد علي بابو بعد متسدو كاع ابواب فوجهي لقيتو باب رحمتو مفتوح ثم نهديه لراجلي ثانيا لبلا بيه عمرني كنت غادي نخطو هاذ خطوة ...لقسوتو هي لفتحات لي عيني وقربااتني من الله وخلاتني نفتح صفحة جديدة مع راسي ونغير نفسي ونتحول من بنت لمعارفا والو فالدنيا ورفقاء سوء بغاو يخرجوها للطريق لكن زواجي منو حماني .... معرفتش كون متزوجتش بيه اش ندير كون ضعت
اهئ اهئ ر بي صفطو لي باش يرجعني للطريق انا تمنيت كون كان حاضر
ناصر :( دموع خرجو ليه من عينه حس راصو غادي انفجر من لبكاء فاضطر يخرج من القاعة ومشا ركب سيارتو وانهار عل الاخير
انهار من شاف كلماتها ...صوتها الشجي ....كره راصو ....كره قسوتو وانانيتو .....كره تفكرو لمريض....كفاش قدر يتهما بالعهر ...غير عل قبل مجرد صور..يتهمها ويحاسبها بلا ميعرف .....ندم عل معاملتو ليها ....ندم عل غبائو ....
هو ميستهلش امراة بحالها...امراة متعرف حدودها مزيان ....مراة كتخاف الله .....امراة عمرها هزات صوتها عليه....امراة محترمة نفسها وزوجها....
حس بالحرقة فقلبو والضمير تياكل فيه
هز سيارتو ومعرف فين يمشي حيران مهموم اما نوسيماء خدات هديتها واتحهات نحو لفيلا وهي كتموت من لفرحة
غير دخلات صدعات الفيلا بالضحك والنشاط غير بانت ليها وصال مشات تجري عندها
نوسيماء: وصال باركلي نجحت
وصال :(بوجع) مبروك
نوسيماء:( عنقاتها ) صافي احبيبة حاولي تنسايه باش تعيشي متعرفي الا بعد عليك تنسايه
وصال :(،كتبكي )،تحد محس بي تحد وكتشير لقلبها ❤ هذا تضرني هذا تبكي هذا مقدرش يعيش بلا بيه اشندير. انا حسو بي اناس حسو بي اهئ اهئ
انا :(عنقتها وبديت نبكي معاها حيث ماشي ساهل عليه هاذشي انسان لكتبغي بقا ليه نهار ويتزوج كيف غادي دير الله يحفظ. وصافي
طلعتها لبتها نعسات اكيد بابقران حيث حالة لوصلا ليه لقر ان هو لغادي هدئها
وهبطت وقفت مع ميلودة. شوية. وطلعت لبيتي ارتاح
تدخل ناصر مهموم ونظرو طايح فالارض لقا تخية ودخل دوش خلاني مشو كة عليه بزاف

بقيت مقابلاه وكنشوف فيه وهو متشوفش في برزط لي دماغي مشيت عندو وانا خايفة لتكون طاريا ليه شحاجة
انا :( قربت منو. بخطا خائفة...)
ناصر مالك واش طاريا ليك شحاجة
ناصر :( تشوف فها بحزن مشا بعد وجلس فوق السرير تبعاتو )
انا : ( كتداعب شعرو )،حبيبي مالك شنو لمقلك خلاك منهار عاود لي متعرف نخفف عليك
ناصر :( غير قالت ديك لجملة بحنيتها لمعهودة خلات داك لجبل ديال لقسوة ينهار عل اخره ويتخشا في حضنها الدافئ كما تتخشا شي طفل بغا حضن امو )
ناصر :( تخشا فيها ودموع خرجو ليه ....اول مرة يبكي ....اول مرة ينهار... لكن لشاف ماشي بساهل ....كان غادي يتهور ويظلمها وعمر و ميلقا بحالها ....لكن الله بين ليه برائتها ....الله لقادو عندها وندمو عل معاملتو ليها.... حس انو متسواش لعندو زوجة بخصالها
نوميساء : مالك اناصر واش عندك مشكل فالخدمة
ناصر :(،هز راصو بشكل سريع وتشوف فمحبوبة قلبو كفاش كتشوف فيه وخايفة عليه )
نوسيماء واش كتبغني
نوسيماء:( وجهها ولا شلال من سؤ الو بغات تعاود ليه كلشي ....حبها ليه....بعدو عليها.لتدمرها....قسوة اهلها علها....صديقاتها لبغاو يخرجوها لطريق وهما سبب فتخطيم زواجها قبل مربي يعطها فرصة ثانية ....ناصر تشوف فيها وتتسنا اجابتها لكتعني ليه بزاف لحوايج
نوميساء : (،كتشوف فيه بحب وعينها عامرين بالدموع مشعرتش تتخشات فيه وكتبكي تاهي
اه انلصر متخلنيش عفاك بحال لول كنبغيك ....مدرش لي بخال والدي....متقساش علي .....مظلمنيش بحالهم اهئ اهئ
ناصر. :( قلبو ارتاح وفرح وتمسح ليها دموعها ) لا مستحيل احبيبة قلبي هههه واش ليوم غادي نبقاو نتبكاو يلا قولي لي اش درت فالمسابقة
نوميساء : ( رجعات ليها الضحكة ) هههع نجحت عرفت اختار وني انا لفائزة مكرهتش كون كنت حاضر
ناصر :( تبسم ) وشكون قاليك مكنتش حاضر
انا :،( خرجت عيني فيه
ناصر. : ههعع كنت وشفتك كتبكي وكتشكري في هههع منصحباش راسي عزيز عليك
انا :حرام عليك وعلاش مبنتيش وموقفتيش معايا خلتتي بوحدي
ناصر ؛ ( بخزن ) مقدرتش والله كنحس براسي متستاهلكش عدبتك وضربتك..ووو و انت صبرت وعانتي ....ضرني قلبي والله
انا : ( ماسكا ليه راصو بادها
..حبيبة شوف انا مسامحاك حيث انت ربي لصفطك لي وعوضني عل ايام لهم لعشتهم عدابك هو. لخلاني نعيش فجنتك بلا عدابك مكنتش غادي نقوا. ونولي راشدة ونتبع طريق الله
وخا اناصر تعدبت بزاف والله ماما قبيحة وبابا مشغول دايما وانا بوخدي خلاو شي بنات يبغو خرجوني للطريق....ظنيت ان لبس ولخروج هو الدنيا ....حتا زواح كنت واخدة غالطة عليه
ناصر :( مطلع واحد لخاجب وتفرنس ) لا نظرتك هي هلذيك
انا :( ضربتو راصو ) ناصر
اوا من بعد تز وحت بيك وحمتني من هدى ومريم كنت فرعون صافي
ناصر : ههههه ياك وتدبا فرعون اطفلتي المدللة اجي عند باباك
انا : هههعع بابا الكبير
ناصر : زوجتي الصغيرة الله يخليك لي نوضي لبسي نتعشاو برا نغيرو روتين
انا :( نضت نقز ) اه نيت مبغتش ندخل كوزينة ههعع
ناصر : هههه نتعشاو بر ا

قولوا له !!
ان يقرأ آيات الله على ضريح الحكاية بخشوع..فليلة البارحة ..أشعلت النار بي ..وأحرقته!

الحب عذاب ولوعة واشتياق ...الحب لهيب ونار وفراق .... عل قول عبد الحليم قربك نار وبعدك نار.....
الحب جحيم العاشقين وملاذ المحبين ....


وصال الطفلة المدللة كبرات ونشات وهي البنت الصغرى. ...لقات لحب والاهتمام....حلات عينها عل حب خوها ناصر ...ومنير صاحب اخوها لا بل اخوه..... .....من طفولتها وهي كتحس باحاسيس اتحاها منير. ...تفرح مني تلعب منها.....تغيب كتوحشو. ....تضيع الا غبر عليها ...مكنتش عارفا والو عل مشاعر ها....طفلة فعمرها عشر سنوات اش غادي تعرف عل لحب .....دارت ايام وهاذ الطفلة كبرات وبدات تحس بمشاعر سيطرات عليها.....بدات تحس بحبها لهاذ الشخص....بدات بغا تكبر دغيا باش تجوج بيه.... بدات بوادر. لغيرة كتمكن من قلبها....بدا الم يمتلكها....لكن خبات حزنها والمها فقلبها....باش متضيعوش...باش متخسروش.....باش ميفهمش مشاعرها غلط ...ومنير الرجل الكبير الطبيب الناجح.....العاشق السري .... لي تبغي هاذ الطفلة بياس بلا امل.....مقادرش يقرب منها باش ميفقدهاش ويفقد صديق عمرو....حاول يبعد علها ويعرف الاف لبنات باش ينساها.....لكن مقدرش....عمر لحب لحقيقي تتنسا ....تبقا راسخ فقلوبنا وفي ارو احنا ....
في الفيلا كلشي فرحان بزواج منير الشاب المستهتر واخيرا تاب من نزواتو وغادي يتزوج ويدير ولادو
الكل سعيد الا هاذ العاشقين لتبغو بعضهم بجنون تحد مقادر يعترف لاخور
وصال جهزات نفسها للعرس وهي قلبها محاس بيه غير. خالقها ....لكن كبريائها اقوا منهم ....هل هناك حب بلا كبرياء...وهل هناك امراة بلا كرامة....اكيد لا طبعا...لهذا جهزات نفسها خاصها تكون في احسن حلة باش تودع حبيبها الى الابد
جهز ات نفسها باهتمام كبير ...تعمدت تبان جميلة وهي كتبارك ليه زواجو بلختارها قلبو ....
لبسات تكشيطة رمادية عل شكل غوب سواري رقيقة من لفوق ومن الداخل مزوقة من الصدر والوسط عل شكل طاووس وفي الوسط مزيناه بمضمة بيضة خفيفة
لبسات حذاء عالي جا فلون الاسود...اماشعرها الاسود القصير فخلاتو ملولب ودارات ليه مشطة عبارة عن شفنجة واخدة شكل ورود....زينات وجهها بلمسة انثوية باضفاء الوان زاهية عل عيونها ولعبات عل عيونها الصغار زادات كبراتهم بانت اكثر شباب واكثر نظار ة .

ان لاتتمادى بالقسوة على نفسك وعلي
اكثر من طاقتى وطاقتك
فلم يعد فى العمر بقية لعذاب أكثر
ولم يعد فى الليالى طاقة لحنين أكبر
فكم أخشى عليك لحظة يقال لك بها
رحلت
وتقرأ عيناك ( (,,,,,,,,) فى ذمة الله)
فلا تتسع عندها أرض الله
لحزنك … وبكائك .. وندمك !!

هبطات عند العائلة لكتسناها عل نار كلشي جاهز ....ناصر لابس بذلة رسمية انيقة مع كرفاطا كل ساعة يرخفها حيث ممولفش عليها ....شعرو مرجعو اللور ولحيتو جد مثيرة .....نوسيماء لابسا قفطان بيض تلمع مع مضمة غليظة ودايرا حجاب فنفس اللون ومكياج خفيق ...و ليلى لابسا تكشيطة فالصفر فلكرونة موردة مع مضمة تاهي موردة شعرها درتو عل شكل شفنجة غليضة ودارت مكياج خاص بالاعراس ...اما عادل تاهو لابس بذلة رسمية جد جدابة فالون الاسو د .
ليلى :( شافت بنتها بقات تشوف فها بانت ليه زينت وكبرات دمعو عينها )
نوسيماء:(،كتشوف فوصال بحزن ودوات معاها بنظرات عيونها جاوباتها انها بخير بلا متنطق حرف)
ناصر : يلا طلقونا راه تعطلنا
ليلى : اوكي غادي نسبقوكم حنا وتبعونا
نوميساء: اوكي
كل واحد ركب فسيارتو واتجهو نحو الحفل لمقام فواحد الاوطيل
نزل ناصر خدا ايد مرتو واتجهو نحو الداخل ووصال معاهم ...داخلا وحادرة عينها. ...كتحس بهم الدنيا كلو تحط عل قلبها ....ليلى شدا في ايد راجلها وداخلا عرس بكل تباهي بالدهب لي لابسا وبتكشيطة الغالية لخيطاتها عند احسن المصممين
عند داخلا واقفا مريا مع شي بنات غير. شافت ناصر مع مرتو ضربها الضو تفاجات كثر من القياس ....اووو كفاش بعد داكشي لدارات وباقي معاها ....مستحيل هاذشي ..... غذا طرطق من االفقصة فمشات تجري عندهم وكتطلع فنوميساء بكره كبير
مريا :( بكل غيض ) اهلين ناصر صفا نوميساء
نوميساء:( من غير نفس ) اهلين
ناصر :(،عنق نوميساء قدامها وجرها ليه باش تفهم شوية وتبعد عليه مبغاش يقصح مغاها لهدرة ولكن مزال مفهمات راصها )
اهلين مريا صفا
مريا : ( كتشوفو تعاملو مع مر تو بغات تجهل ) اه صافا سمحولي نمشي عند وصال
نوميساء:( كتطلع وتهبط) سيري
( مشات وبقات تعوج فيها )
بليدة اففف مكنحملهاش
ناصر : ههههع كتغيري
نوميساء : انت تقرب ليك نخسر معاك
ناصر:( تبوس لها ادها بشكل رومانسي ) اش غادس ديري كاع
نوميساء: ناصر اويلي ناس تشوفو فينا
نلصر : لعل بو الناس مر تي وحر فيها مشغلهمش
انا : زيد نباركو منير بركا من رومنسيتك لجات من غير وقتها
ناصر : ههعع ياك انتوما عيالات متعحبكمش العجب العجاب

هي لم تُفرط به . .
هي أحبته جدا . . وتمنته جدا …
لكنه لم يُكتب في اللوح لها !

اما عند وصال لواقفا مع مريا والكلام تخرج من لسانها غير بزز...كتحس بالسكاكين تتخشاو فقلبهم ...
غير شافتو شاد فمرتو و شدا فيه والفرحة باينا علهم حسات بالجحيم تسري فعروقها
نورة طبيبة معاها فنفس مستشفى 27عام سمينة شوية .....شعرها طويل .... لابسا فستان ابيض مثي عريان من الصدر مع طرحة ...دايرة مكياج صارخ.ناسب بشرتها لبيضاء
غير دخلو استقبلوهم
بالزغاريت والتبريكات
كلشي. مشا يهنئهم بهاذ المناسبة السارة .
اما منير لي لايقل ألما عن محبوبته الصغيرة خصوصا مني شافها بقا يشوف فيها بكل حزن ....شعرها لتحمقو ....عينها صغار لتغرق فيهم تغيبوه عن الواقع ....فمها الصغير.....وجنتاها الورديتان...تحسر عل نفسو وعل راصو ....كفاش هاذ الوجه لتتصبح عليه يوميا بسهولة غادي تحرم منو .....
تحسر عل حبو لغادي طير من اديه بقا سرحان بلا هواه حتا فيقو صوت صاحبو
ناصر : مبروك اصاحبي الله. يكمل بالخير مبروك امدام
نورة : الله يبارك فيك اناصر
نوميساء : مبروك عليكم
منير :( مغيب عن الوحود تنغزاتو نورة)
منير : الله يبارك فيكم
شوية تقدمات وصال منهم بقلب جريح وهي كتبتسم او كتصطنع الابتسامة
وصال:( عينها فعين منير كانها كتقول ليه لا عفاك متخلنيش لكن انه القدر)
مبروك عليكم نتمنا ليكم من قلبي السعادة
نورى : مرسي حبيبة عقبالك
منير:( مبقا عندو ميقول اشمن سعادة يقدر يعيشها بلا وصال فاضطر انه يسكت اكتفى فقط بالنظر الى وجهها الطفولي عساه يشبع منها ويودعها الى الابد
ليلى : واخيرا جاو الناس يلاه اولداتي استعدو باش الاحتفال يبدا.
نورة :( بكل فر ح،جرات منير ومشاو يجلسو فواحد لمكان زينوه بطوابل والورود هو لغادي كتبو عقدهم فيه
جلسات حداه. وكتوشوش ليه وكتضحك معاه بشكل عفوي ...حتا جاو العدول لغادي كتبو لعقد .وغادي تحول منير من. عازب الى متزوج.
وصال كتشوف فيهم وقلبها تبكي دما ماشي دموع ....وكتشوف لمساتها ليه....ضخكاتها....قبلاتها لجننوها ....غير جاو لعدول وقلبها كتحس بيه تزير .وها هما تسولو نورة واش تقبل بمنير زوجا ليها شافت فيه وتبسمات وباستو فخدو. وقالت نعم اقبل
وجا دور منير سولوه وسكت وبقا تشوف وصال بزاف كانو تودعها وهي كدالك كتشوف وكتبكي بلا دمع .
يلا بغا ينطق نعم اقبل وهو يشوف ةصال طاحت لا مطاحتش تردخات
الكل دار عندها وتشوف فوصال طايحة فالارض
مشعرش براصو غوت باعلى جهدو ....
وصااااااااااااااااااااااااااااااااال

هل أصارحك بشىء ؟
لايرعبنى الموت بمقدار مايرعبنى تخيل وقع النبأ عليك !!
ترى كيف سيصلك نبأ رحيلى ؟؟
وأين ستكون ..؟؟
وكيف ستمارس طقوس حزنك علي ؟؟
لم تمنحنى يوما حقا من حقوقى بك !!
فهل ستمنحنى حق الحزن علي جهرا وعلنا؟؟


منير مشعرش براصو غوت باعلى صوتو صوت مخلط بالالم والمعاناة ... صوت حزين تحمل في طياتو يأس وخوف كپير .....خلا نو رة لكتشوش ليها باش يقول اه ويتحولو. ازواج ......اما هو فمكاينش هنا مصدوم مني. شاف محبوبتو الصغيرة طاحت بل تردخات بعد نظرات الحزن والعتاب لتبادلوها باعينهم
مشعرش بر اصو تمشا يجري وقلبو غادي وقف من خوفو علها
وصل عندهم لقاها طايحة مكتحر كش والناس مجموعين علها ....نسا الناس ولحدو د والتقاليد ونسا حتا الفوارق
طاح عليها تغوت باعلى جهدو
وصااااااااااااال وتقلب فيها بجنون تام
ليلى شافت بنتها مرمية. ومنير تقلب فيها
مشات تجري وتبكي وتنوح عليه وكتقو ل كلمات غير مفهومين اما هو فمغيب تماما كتبان لي غير. وصال
ونوميساء:طايحة عل وصال وكتبكي بمرار ة حيث هي الوحيدة لي عارف مدى احساس وصال
ناصر جالس فجنب منير ومخلوع لكن بزا ف تساؤلات تدور و. فبالو خصوصا من شاف تصرفات منير الحنونية اتجاه وصال.
منير :( تحاول يفيقها وهو كلو متوثر مقادرش يركز تحاول يفيقها من الغيبوبة والدوخة لهي فيها ....لكن بلا نتيجة ...تهزها فحضنو ومشا يجري بها لمستشفى
اما نورة فمفهمات والو وبغا تبخ الدم حيث زواجها غادي تعطل هزات كسوتها وركبات فلوطو وتبعات منير للمستشفى
الكل هز لوطو ديالو و تبعو منير ....
وصل منير مستشفىى وهو تعرق وتنشف وتزاوك قيها تفيق
منير.:( الخلعة باينة فملامحو كل ساعة يقيس ليه النبض لخفيف )
حبيبة ديالي عفاك فيقي متعذبنيش هكا بغيت نساك لكن ماشي للابد بليز رحمي هاذ راجل ....مبغيت والو غير تكوني بخير
هزها في ايديه وهي كالطفلة مشا يجري بها لمستشفى. وهو. مخلوع
شافوه اطباء تبعوه
امر ممرضات باش يحهزو غرفة عمليات
مشا لبس طابليتو وكلو تعرق ومعصب
احمد :منير بقا انت مستحيل نخلوك تدخل وانت بهاذ حالة. ارتاح وحنا غادي نديرو لازم
منير : ميمكنش منكونش معاها ضىوري نكون
احمد : اوكي حضر معانا لكن حنا لغادي نتكلفو بالمريضة
منيى :( شاف تعيا وتقبل الامر حيث خاف ليدير شي غلط من كثرة التوثر لهو فيه)
ماهي الا لحظات تدخلات نور ة معصبة. حيدات غو اب ومشات لبسات بدلة الطب و انضمات ليهم وهي كتغلي
دخلات عندهم لقاتهم تتجهزو باش يقومو بالعملية ومنير جالس فواحد قنت و حاط اديه عل راصو وتخمم

نورة :شنو عندها ااحمد
احمد : مشكلة فالقلب ضعيف بزاف خاصتا نكونو حدرين مبغناش نفقدوها
منير :( غير سمع يفقدوها وهو ينوض) مستحيل نفقدها سمعت وصال مستحيل تموت انا غادي نقوم بالعملية ورجعها بزز
نورة : لا منير شوف حالتك مخاصناش نغامرو سمعت
منير : مستحيل شحد يدير لها عملية من غيري انا لغادي ندير لها العملية
الاطباء تشوفو فيه عارفين انو الا دار راصو فشحاجة. تحد ميقدر يقوليه لا ولعملية لدخل ليها مستحيل يفشل فيها
وقف معاهم وبداو العملية هو واحمد وواحد الطبيب اما نورة. فمجرد كتعاونهم
اما ليلى دخلات مستشفى هي وعائلاتهم وهي منهارة غير كتبكي وتنوح
عادل وناصر مشاو يجرو الاستقبال يسولو عل وصال لقاوها فقاعة العمليات تحد مقدر يعاونهم فزادو خلعة عل خلعة
ليلى: فين بنتي جيبو لي بنتي عفاكم
نوسيماء: ( معنقاها و كتبكي معاها )
ناصر: عندها عملية تحد مقدر يفيدنا خاصنا نتسناو
( مشا جلس فواحد لكرسي ودار ادو عل خدو ومنهار اما باه كثر. منو غادي جاي فسبيطار)
ليلى : اهئ اهئ الله ياربي فين كان مخبي لينا هاذشي
شنو طار لي بنتي و انا معارفاش شنو طاري خلاها طيح هاذ الطيحة وهي عمرها مرضات
نوسيماء:( كتخمم لكن مقدراش تنطق ) الله يسمعنا خبار لخير خالتي دعي معاها تنوض وترجع لينا
ليلى : اه ابنتي الله معانا يلاه نسولو لبنت متعرفي يكون عندها شي خبار شدي في را كنحس براسي رجلين مبقاوش هاز ني
نوميساء:( شديت فيه ومشنا عند ديك لبنت استقبال )
اختي عفاك كاين شي خبار را غادي نحماقو
ليلى :،عفاك ابنتي لريحنا الله يريحك را مخلوعين علها معارفين والو فين هو منير
لبنت : ( بقات فيها امها لكتطلب وتبكي) منير هو لغادي دير ليها لعملية اخالتي غير تسناو مبقا والو ويخرج وير يحكم
ليلى : اهئ اهئ اشمن راحة ابنتي اشمن راحة
نوميساء: اجي اخالتي جلسي. ارتاحي نجيب ليك شحاجة تاكلها باش متطحيش
ليلى : ( كتحس بدوخة مقادراش تزيد كتحس بالدنيا كدور بها شافتها واحد ممرضة عرفات هاذي دوخة سكر مشات تجري عاونات وصال فيها ودخلوها و احد لغرفة

مرات ساعات والعائلة كترقب يخرج شي طبيب يعطهم خبار مفرح عل بنتهم
ناصر جالس وتخمم فختو وتحاول يربط الاحداث مع بعضها ....شي ايام وهي سارحة حزينة ...كلامها قليل ....محبوسة فغرفتها....وليلة ز واج منير ....حس بحزن رهيب فعينها....حس بشحاجة كاينا ....شنو لخلا اختو طيح.....واش عندها شي مشكل.... كفاش.نساها ومحسش بيها كفاش
جالس حاط ادو عل خدو تجات مرتو جلسات حداه
نوميساء:( بنبرة حزينة ) واخيرا نعسات ارهقات راصها تطلع ليها طانسيو
ناصر :( طلع عينو فها ) معرفتش مالها وكفاش انا حستش انها بها شخاجة كفاش اهملتها لطرات لها شحاجة عمر ني نسامح راسي
نوميساء:( كتفكر تقول ليه حقيقة مرض اختو ولا تسكت ....واش هذا هو الوقت ولا مزال ....)
الصبر اناصر هاهما يخرجو ويقولو لينا اش ككاين
نوض تاكل شحاجة ليطرا ليك بحال ماماك
نلصر : كيف بقات شوية بعدا
نوميساء: شوية را نعسات بعدا. الله يحسن عوانها نوض كول
ناصر : معندو منين يدوز لي والله منرتاح تيقولو لي اختك فاقت .
مرت ساعة ولعائلة منهارة الكل خائف منهار
حتا فجاة خرجو الاطباء عرقانين موثرين علامات التعب عل وجوههم اما منير فغادي طيح من كثرة الارهاق
ناصر مشا يجري عند منير مخلوع
ناصر : منير متقولش لي اختي بي شحاجة
منير :( علامات الحز ن عليه) تخطينا مرحلة الصعيبة الحمد لله لكن قلبها ضغيف بزاف خايفين للحالة ترجع ليها
نميساء:( كتحس بدنيا كدور علها تشدات في الحيط )
كفاش متقولش لي وصال مريضة تال هاذ الدرجة
نورة : منقدرو نقولو والو دبا غير تفيق وغادي نعرفو را عملية نجحات لكن تقدر ترجع ليها حالة
ناصر :( ضرب فالحيط)كفاش اختي انهارات كفاش اختي وصلات هنا شنو. لوصلها لهاذ الحالة شنو
منير :( بنظرة استسلام) معرفتش تانا غادي نحماق وللله كانت صحة وسلام كفاش تطاحت هاذ الطيحة
نورة : يكون خير بعد ساعات تفيق ونشوفو منير خاصك ترتاح راك ارهقت نفسك بزاف
منير : لا مبغيت والو مارتاح تتفيق
نورة :( علامات الشك فوجهها ) لا خاصك ترتاح باش تفيق المريضة نعاينو حالتها
نلصر : عندها لحق سير ارتاح شوية تاحنا نمشو ناكلو شحاجة معندنا مندير ديار ديال الله معندنا منديرو غير ندعو معاها
نوميساء:اه الله معاها ياربي تشوف من حالها
نمشو نشوفو خالتي ونطمنوها وخا غير شوية را مخطمة هي وعمي

منير اقنعتو نورة وداتو يرتاح فغرفتو وهي مئة سؤال تدور فراسها
وهو مهمو تحد باغي غير ترجع ليه حبييتو حاول يرتاح ....لكن كفاش يرتاح ووصال معرفش مالها وشنو لوصلها لهاء لحالة.....غادي سكت ليه قلب من كثرة اعصاب مبقا عندو جهد لاي حاجة
خرج انضم لناصر و عائلتو لتهما ماشي اقلومنو جالسين عل نار تتسناو فيه صغيرتهم تفيق وترجع مثل الاول .
ليلى : ولدي علاش خرجتي خاصك تر تاح
منير : ( مشا جلس حداها ) مقدرتش اخالتي كفاش نرتاح وانا مزال معرفت مالها و علاش قلبها ضعيف هاذ درجة
نوميساء؛( لهلا يوريك مالها راك انت سبابها معرفتش اش مخبي لقدر ليكم واش ندوي ولا نسكت )
عينا من الانتظار والله قلبي مبقاش باغي يسكت من لخوف
ناصر :( طل عل مرتو وجلسها فوق لكرسي) اجي ارتاحي واحدة را ناعسة لداخل معرفناش مالها متزديش تنتي وطيحي لينا تكايسي عل صحتك
نوميساء: اهئ اهئ عيت والله خايفة عليها هاذ الانتظار غادي قتلني
كلشي شافو فيها بصمت وحزن حقاش احساس لكتحس بيه هي تاهما تحسو بيه
مر لوقت وكل واحد تدعي فسرو ....كل واحد مترقب شي مفاحاة تحصل وتفيق وصال....مرت ساعات والخوف تملكهم ....حتا منير سمع صوت الالات مشا يجري للداخل وصونا على واحد الزر وتبعوه الاطباء
لقاو نبضات المريضة فتزايد تصدمو مشاو يجرو باش ينظمو دقات قلبها لكتزداد بطريقة سريعة
منير غير مقابل دقات قلبها لغدا وكتضعاف مشعرش براصو تخدا الة وبدا يحاول يرجع ليها الدقات بشكل طبيعي واللطباء مراقبين ليه الات والعائلة كتشوف بذهول كلشي مصدوم ومنهار
تبدات دقات قلبها كتنحفض وكونات خط مستقيم هنا منير. جن جنونو وبدا يسارع بالضغط عل قلبها باش ينبض لكن لا خركة
الاطباء استسلمو وتعابير وجههم توحي بحزن شديد
ليلى طايحة في الارض وكتبكي وحدها راجلها تحاول يصبرها .....ناصر واقف مصدوم مقدرش يستوعب داكشي لتشوف ...اما نوسيماء فولقفا وكتحس بتانيب وكتقول فنفسها يارتتي خبرتو بالحقيقة عل اقل مكناش غادي نوصلو هنا
منير :( دموع تطيحو من عينو وقلبو ) مستحيل تموتي سمعت انت خاصك تعيشي اوصال انت قوية متحطناش ماقتلناش منقدروش نعيشو بلا بيك
احمد :( قرب من صاخبو بحزن) منير صافي ماتت

منير :( دفعو )،لا مستحيل تموت سمعتي غادي تعيش
نورة. : ماتت فيق من احلام شوف قلبها سكت وجسمها ميت عائلتها تقبلو لخبر تانتا خاصك تقبلو
منير :( الصدمة والالم والضياع كلشي حاس بيه لكن مبغاش يتقبل الامر )
لا مستحيل حبببتي تموت وصال فيقي عفاك مديرش في هكا غادي نحماق الا مت وخلتني
العائلة كتشوف فيه بذهول لكن معندهم ميديرو
ليلى قربات من بنتها وطاحت كتبكي وحداها راجلها
اما ناصر فواقف فواحد بلاصة وتبكي وخداه نوميساء

منير : (معارفش اش تقول....) سكتو وصال غادي تعيش ميمكنش تخلنا ميمكنش
الكل تشوفو فيه بحزن ويأس وهو عينيه مغرغرين معرفش اش تقول منهار ...نورة كتشوف فيه وحزينة حيث قال كلشي بعينو وتصرفاتو ....قال لمقدرش يقولو بلسانو ....ناصر محلتو لختو لجثة هامدة ماتت بلا ميودعها ماتت بلا ميعرف مالها....محلتو لصديق عمرو لكشف عن مشاعرو لخقيقية لخباها سنوات ....ليلى كتبكي عل صدر بنتها هي عادل تبكو بمرارة. ليلى كتحاول تفيق ف بنتها .... لكن الاطباء بعدوها بعد مسخفات من كثرة الصدمة
اما نوميساء فواقفا كتبكي فصمت عل صديقة عمرها لكانت نعم الاخت ونعم الصديقة ..ندمات حيث قصرات معاها ...ومحاولتش تعاود لمنير عل حب وصال ليه ....كون قالت ليه الحقيقة كون راهما مجموعين وتحداو العائلة
منير؛(تغوت علهم )،سكتو منسمع حد وصال مغاديش تموت سمعتو
ورجع يدير ليها الضغط وعينو عليها وعينو عل التلفزة وتحاول يزرب مبغاش يفقد الامل ....لدرجة لعائلة ولا اطباء فقدو الامل واستسلمو للقدر واتجهو نحو الباب ....غير وصلو وهما الات بداو يغوتو دارو بسرعة ...لكن المفاجاة هي ان النبض رجع لها ...دقات قلبها رجعات كيف اول ...فكل طبيب خدا مكانو ...اما منير فتضحك بحنون لان شاف وصال حالات عينها ورجعات سداتها ....وبدا يضحك بهستير يا
هههع ياك قلت ليكم وصال غادي تعيش وصال رحعات
ليلى :( هز ات ادها للسما وكتدعي ) الشكر ليك يارب
احمد : مممن تخرحو خلونا نكشفو عل مريضة
نورة : عفاكم خرجو ( دفعاتهم برا وسدات الباب ..اما منير فجلس تما ومقابل مع وصال وتضحك ببلاهة ونورة مقابلاه وكتفقص )
احمد: الحمد لله كلشي هو هذاك الضغط رجع لطبيعتو ...منير معايا
منير :( عاد فاق من فرحتو )
نعام اش قلت
اخمد :( ضحك بجهد ) نوض شوف
المريضة رجع ليها النبض كيف كان لكن خاصها تحاول متعصبش وتبعد عل مشاكل حيث قلبها مزال ضعيف
منير : عندك لحق خاصنا نراقبو قلبها مزيان ونشوفو تفاديا لمضاعفات
نورة : وي دبا خاصنا نخلوها ترتاح غير تفيق وغادي نعرفو واش القلب ضعيف من سنوات ولا كثرة المشاكل هي لتضعفوه
منير : لا هي عمر كان فيه قلب كانت نشيطة مهم تفيق نعرفو كلشي يلا نكملو شغلنا ونفرحو عائلة

خر جو عند العائلة لكانت كتسنا عل نار غير بانو لهم الاطباء خرجو مشاو يجر و عندهم
ليلى. : ( بلهفة كبيرة )ولدي فاقت ياكو مماتش عفاك طمنونا الله يطمنكم دنيا واخرة
منير :( فرحة باينة عليه عل وجهو ) اه اخالتي بنتك نحات من لموت غير تفيق دخلو. عندها
نلصر :( تشوف فصاحبو معرف يعنقو معرف يعاتبو )
شكرا جميلك عمرنا نساوه
عادل: اه ولدي انت مفقدتيش امل وحنا فقدناه الله يرحم ليك والدين
منير : هاذي خدمتي اعمي ودرت لحتمو علي ضميري
ناصر : ( تشوف فيه بشك) شكرا
نورة : غير تفيق نشوفوها عاد امكانكم دخلو خلينا ممرضة مقابلها
ليلى : كونو هانيين
مشاو اطباء وخلاو عائلة فرحانين رجع ليهم امل بعدما فقدوه
ليلى: واخيرا بنتي فاقت حمدتك اربي وشكرتك
عادل :( عنق مرتو. ) الحمد لله ربي كبير منير عمرنا نساو خيرو دار كثر من الازم جميلو. غادي بقا فوق كتافنا
ناصر :( تسمع كلمات والديه وحس ان عندهم حق لكن عقلو تقول هدرة وقلبو هدرة اخرى ...جالس وعقلو يدي ويجيب تمدات ليه نوميساء سندويش)
كول راك مكلتي والو عل قبلي كول
ناصر :(،ابتسم فوجهها و
خداه من عندها )
تخربقت بهاذشي كامل لطرا لي طرا لختي شوية وتودعنا ومنير وحبو لها كفاش يتجرا ويبغي اختي نسا فرق السن لبينتهم اش هاذ لوقاحة
نوميساء:( خنزرات فيه ) انت براسك تزوجتي بي وانا صغر منك بزاف علاش حلال عليك وحرام عليه
نلصر : لكن انا حالة خاصة
نوميساء: كفاش حالة خاصة بالعكس هو عندو خافز قوي تبغها لدرجة عمرو. هز عينو فيها متجر اش وطلبها منكم ...خاف ليخسركم وعرف ان طلبو مرفوض...ةشوف هو اشنو دار عل قبلها...بلا بيه مكناش غادي نرجعو نشوفوها
ناصر :( حدر راصو ) عندك لحق هاذشي لخمقني وخلاني مخربق معرفش واش نعنقو ولا نضربو
نوميساء: هههع باغي غير ضرب وسير عنقو وزوجو لختك شخص بهاذ الحب والصبر مغاديش تلقا بحالو
ناصر: اختي مزال صغيرة مكنضنش توافق عليه
نوميساء: غادي تو افق وتزغرت كاع هو لقدر يرجع لينا وصال لقديمة ثيق بي
ناصر : كفاش توافق كتعرفي شخاجة ومخبياها علي
نوميساء: صراحة اختك كتبغي منير من شحال هاذي ومني سمعاتو غادي تزوج مقدرتش تستحمل
نلصر :( خنزر فمرتو ) وعللش مقلتهاش واش هاذ سبب بتخبا
نوميساء: اش غادي نقول وانا معارفاش منير تبغها ولا لا واش نفضحها ونقول ليكم اجو را وصال كتبغي منير لفها يكفيهغ وعداتني انها غادي تنساه لكن مسكينة الصدمة صعيبة علها
ناصر : ولو كان عليك تقولها لي
نوميساء: كول را وقيلا باغي تخاصم بزز انا والله منتخاصم معاك
ناصر :( ضحكاتو ومفيه لضحك) هههع حمقة وانا نقدر نتخاصم معاك غبر كون علمتني سابقا
نوميساء: وانت دبا و متقبلتيش منير يبغي اختك كو ن علمتك غادي تبعد اختك وتقدر تقسا عليها لكن دبا ربي جمعهم وهو لحل هاذ لمشكلة من بعد الياس وفقدان الامل

نوميساء: لكن نورة وضعها حساس اش يقدر. يدير
ناصر : دبر راصو يحل مشكلتو هو لمشا يتزوج وقلبو مع واحدة اخرى
نوميساء: مدخلش اناصر خليهم يحلو مشاكلهم راسهم وحنا معلنا غير نراقبو تالفشل ندخلو
ناصر : اوكي
✍✍✍✍✍
عند وصال لحالات عينيها عل الات والاطباء حداها معرفت باش تبلات غير. كدور فعينها حتا لمحوها وبداو يفحصو فيها وهي مصدومة .. خصوصا مني بان ليها منير تما وهو تتبسم ليها تصدمات ....لكن غير تفكر ات انو تزوج طاح ليه الضيم
منير :( دا كرسي ومشا جلس حداها ) وصال صافا كتحسي بشحاجة ..كضرك شحاجة
وصال :( بالم ) لا مكضرني والو
نور ة :( كتفحص فيها وكتخنزر في وصال ووصال كتخنزر فيها لحرب لباردة بيناتهم )
منير : الحمد لله مني رجعت لينا خلعتنا عليك والله
نورة : من امتا كتحسي بالم فقلبك
وصال ؛ معرفتش مفي لدوي منير : بلام تعصبي نورة خليها ترتاح من بعد وندوو معاها
نور ة : ( بغضب وكبغا تفقصها حيث حسات بلخطر ...) اوكي حبيبة يلا نمشو ناكلو راك مكلتي و الو وانا خايفا عليك لينزل ليك الضغط
جراتو من ادو قبل يرفض خلاو وصال غادي تفقص
.وكتخمم ترى واش تزوح بها ولالا.....واش تبغها ولا لا ...بقات هكاك حتا دخلو لعائلة وعلامات لفرحة تظهرو عل محياهم
ليلى وعادل مشاو يعنقو بنتهم ويبكو
وصال : ( كتكحب) قجتوني هههع لاباس علي
عادل : علا سلامتك ابنتي كنت غادي ضيعي منا
ليلى : اه احبيبة قلبي لمن كنت غادي تخلنا لمن اهئ اهئ
وصال:( كتمسح لمها دموعها ...)،انا بخير. اماما منبقاش نخليكم وعد
ناصر :( مشا في اتحاه اختو وتشوف فيه بحب وجلس حداها )
علا سلامتك اكتكوتي بغتي تخلني وتمشي ماشي حشومة عليك
وصال؛(،عنقات خوها ) متخافش اخو يا انا عمرني نخلكم مزال والله
نوميساء مبغتيش تجي عندي
نوميساء: ( دموعها هابطين توحشات صديقتها وكتحس بتانيب الضمير. )
مشات تجري عندها عنقاتها
بالعكس توخشتك اصحبتي كنا غادي نحماقو وانت مغيبة متبقايش تلعبي معانا هاذ اللعب
وصال : هههه ابدا
ليلى. : بنتي علاش طحت هاذ طيحة واش شي مشكل عندك
وصال ؛ ( زناكت وتوثرات ) لا اماما معرفتش مالي
ليلى : شي عوبنة هاذي مفهاش لخرجات فبنتي
عادل : انت كلشي كتسبيه فالعين يهديك الله هاذ المراة
ليلى : سكت لش تعرف ياك العين خق

ناصر : والدة خاصك ترتاحي نوضي نمشو رجعو. غدا
ليلى : لا غادي نبات معاها ميمكنش نخليها بوخدها
نوميساء: خاصك ترتاحي اخالتي لايطلع ليك طانسيو ومتنسايش ان منير هنا وغادي قابلها
عادل : اه بصح خلوها ترتاح وحنا نرتاحو وغدا نرجعو نشفوها غدا انشاء الله
وصال : غير سيرو ا
انا بخير والله
ليلى :( باست راس امها ) يلا ابنتي غدا نتشاوفو غدا
بعد مطمئنو علها خرجو كل تلاقاو مع منير. واقف مع اطباء شافهم جا يجري
ليلى. : ولدي عفاك لحضي معاها را امانة عندك كمل خيرك عارفين مثقلين عليك
منير : ( ضحك ) كوني هانية متحتاجيش توصني
نلصر :( وشوش لصاحبو ) تهلا وحلو مشكلتكم خلاص
نوميساء:( كتضحك فسرها ..)
اما منير فتصدم جاتو بحال موافقة ناصر عل حب منير لختو فرح من كل قلبو ...حيث واحد لعائق كبير انزاح من عل صدرو
وعدهم انو يتهلا فيها ودعهم مشا يحري عند وصال لكتاكل ظفارها ونورة كدور علها وكتقاد في شي الة تما ووصال كتخنزر
منير :(داخل مبتسم) كديرة كتكوتنا شوية بعدا
وصال : ( كتخنزر فنورة ) صافا
نورة : مزيان حالتها استقرات دبا يلا امنير نخلوها تنعس
وصال :( شافت فيها بكره كو ن طلقو ها كون كلاتها )
اه سيرو نبقا راصي بلا منبرزطكم
منير : نورة بليز اعتني بالمريض لكاين في الغرفة 6خدمي فبلاصتي نعوضها ليك
نورة :( كتشعر باهانة حيث كلماتو اهانوها كانو تقول ليها خليني معاها بوحدنا )
اه وخا
خرجات معصبة ردخات لباب خلات وصال مصدومة
وصال : هاذي مالها معصبة ابوحدها
منيى :( ضحك ) دبر راصها قولي لي انت صافا بخير متضرك والو
وصال ؛( تضرني قلبي تقدر داوه لي ) لا متضرني والو
قولي تزوجتي بيها
منير ؛( صدمو سؤلها وحاول يتهرب )
وصال : كتبغها ياك
منيى مصدوم من هاذ جوج اسئلة لجواب علهم ساهل ولكن مبغاش يجاوب معرفش علاش ....واش خايف يجاوب ويقول ليها كنبغيك انت ومبغيت حد غيرك وخايف نفقدك........خايف لترفضو وتتخبا بنو رة باش يختفظ بكرامتو وميدلش رحولتو ....حيث الا رفضاتو غادي موت....وفي نفس الوقت تتفكر كلام صاحبو لخلاه مصدوم واش هو راض عل علاقتهم ولا غير جاب ليه الله
وصال : منير واش كتبغها علاش ساكت واش كتبغها لهاذ حد ياك ....الصراحة سعداتها زوينة ...وكبيرة ....وفنفس مهنتك.....كنحسدها وفي نفس الوقت كنكرهها
منير :( شاف فيها بصدمة وتطل عل تعابير وجهها لحزينة وعينها مدمعة غادي طلق واحد لبكية كانت حابساها من زمان هو تجمد فبلاصتو مفاهم والو....علاش كتكرهها ....ولاش كتحقد علها حتا طلقات واحد لبكية. صدماتو وخلعاتو
مشا يجري عندها وتقلب فيها
منير : مالك كتضرك شحاجة قولي لي
وصال :( كتدفع فيه) بعد مني كنكرهكم بحوج يارتنس مت ولا هاذ لعذاب
منير :( بحزن ) علاش بغا تموتي بغتي تقتلني ياك حرام عليك ديري فنا هاذشي
وصال ؛ حرام عليك انت كتعدبني وباغي تقتلني باش هي حسن مني باش ...انا تغيرت عل قبلك.
..وغيرت راسي عل قبلك....ودخلت كلية الطب عل قبلك ....ورغم دالك معجبتكش
منير ؛( هاذ كلام ماشي غير صدمو ...زعزعو من اعماقو معارفش شنو هاذشي لكتقول ولاش كتقار ن راسها بنورة
منير :( مشا قرب عندها وعينيه فغينها ) علاش كتقارني راسك بها انت احسن منها وانا دبما غادي نبقا حداك وخا نتزوج
وصال :( دفعاتو) الله يحرقكم انت زهواني وهي معر ت تفووو انا لكامبوا اعتبرني مقلت والو
منير : :( بغباء) قولي لي مالك معصبة
وصال : والو عفاك ممكن تخليني بوخدي
منير : صافي متقلقيش مهم متعصبيش انا نخليك ولكن غادي ر جع نطمئن عليك
وصال : كنتمنا نموت وتلقايني ميتة باش ترتاخ
منير :( تشوف فيها بحزن خرج وردخ الباب )
خلاها حزينة ندمات تلمحات ليه ...حسات بالم وفي نفس الوقت بالاهانة

خرج من عندها حزين مهموم ...مخنوق....حاس انو اتعس راجل عل وجه الارض...وخا تعامل مع نساء كثيرة...لكن هاذ الصغيرة معارفش يتعامل معاه....معندوش الجراة يعترف لها بحبو ...خايف من الرفض...خايف تفهمو غلط....
جلس فواحد الكرسي مقابل مع غرفتها وتخمم فلهدرة لقالت ...حتا شافتو نورة. وجات جلسات حداه
نورة :( بقلب مجرو ح وصوت حزين ) كتبغها ياك
منير :( مركز نظرو عل غرفتها ) اه لقلب منقدرش نتحكم فيه لكن زواجنا غادي بقا هو هو
نورة :لا امنير انا بغت قلبك وحبك ماشي جسدك الا تزوجنا مغاديش نقدرو نكملو مع بعضنا ويقدر نتفارفو من الاحسن عرفت مشاعرك قبل منتزوج بيك وخا انت مني عارف راسك كتبغي انسانة اخرى مكانش عليك تطلب مني زواج
منير :( قلبو محطم ) سمحلي كنت مخربق ظنيت الا بعدت نقدر نساها لكن كنت غالط بزاف
نورة. :( تبسمات بكل الم ) سعداتها كنحسدها
منير :( ضحك بسخرية ) انت كتحسديها وهي كتحسد.ك معرفش علاش
نورة : رغم تجاربك الكثيرة الا انك هنا تكلختي خهه كنحسدو بعضياتنا عليك طبعا
منير : انت عارفاك كتحسديها حيث كتبغها وهي غلاش كتحسدك
نورة : سولهاههه باينة اويلي امنير مالك تكلختي را بنت مريضة تكايس عل قلبها
منير : والله تعرفت را كندير كثر مفجهدي لكن معرفش مالها معصبة ابوحدها علاش معرت
نورة :( تبسمات ) اجي قلت ليه متزوحناش ولا مزال
منير :لا وخا سولاتني من بعدها ولات معصبة
نورة : دخل عندها وحل مشكل را باينة كتبغك من عينها باين كلشي وانا نبقا صديقتك ونفتخر بصداقتك
منير  :( مصدوم ) زعما كتبغني حلفي وقولي والله
نورة. : هههع دخل عندها و تقول ليك الغبي وناري متير تكلختي وبزاف جابت ليك هاذ البنت تمامو طيرات ليك لمخ ههه والله يلاه انا نخدم فبلاصتك بالشفاء
منير :(عينيه ولاو تبرو خلاها ودخل بلا هواه غير حل لباب لقا وصال كتبكي شافتو بدات تمسح دموعها
منير :(قرب منها بلا ميتكلم وجلس حداها وهي كتشوف فيه بدوك عوينات صغورين لتحمقوه ....مخرجا عينيها فيه
منير :( تمسح ليها دموعها وتشوف فيها بكل حب )
حبيبة مالك كتبكي واش بغا تجهلني ولا تصفطني روضة بلا وقت مالك غل هاذ لعصب كامل
وصال : ( عينها فيهم حزن كبير والم و اضح مكرهتش تقوليه غير عنقني بغيت ارتاح ...بغيت نتهنا من هاذ آلام لتقتلوني ..لكن .....
منير : مالك شنو لمغير حالك فين هي وصال لضحكة مكتفارقهاش...فين هي وصال لحبابة لعزيز عليها الضحك ...
وصال ؛( مقدراش تجاوبو شعرات بخزن فقلبها مقدراش تعبر فشلات فالتعبير عن مشاعرها ومنس كتفشل كتعبر. بلغة الدموع ...كتستعد باش تبكي يلا بغا تجمع قنانفها وهو يجمعها معاها منير بقبلة نساتها راسها نساتها حتا نورة اندمجات معاه..كانت محتاجة امل بسيط ولقاتو فديك لقبلة ...
غير كمل بوستو شاف فيها بخب وتبسم ابتسامة كبيرة اما هي فنزلات راسها الارض
منير :( تضحك) صافي متبقايش تبكي را كتضريني هنا ❤❤ وهذا عيا من الالم سمعت ..حبيبة روحي كنبغيك كثر متصوري عفاك رحمي قلبي ....كنت غادي نموت وانت طايحة فالفراش ....كنبغيك كثر متصوري
وصال :( سمعات اعترافو فرحات من قلبها )
✍جحيم التوبة ✍
بقلمي انا وهيبة يامو
وصال :( وعينها تبرو لدرجة طاحت عل صدرو و كتبكي كانها بغا لحماية وبغا امان وهو تداعب شعرها بحب
الغرفة سادها صمت رهيب غير صوت قلوبهم الي تنتشر. فالغرفة ...بقاو شي ساعة وهما هكاك ..
حتا نطق منير
منير :( تفرنس) اوا من امتا وانت كتبغني
وصال : ( بخجل ) مني كانت عندي عشر سنو ات
منير :( مصدوم) زعما ذاك لوقت مزال صغيرة .... مغاديش تعرفي شنو هو لحب
وصال : لا كنعرف ....كنت كتلعب معايا....وكتخرجني.وتشري لي مثلجات ...وكنت ضر يف بزاف
منير : ههههع هذا هو لحب عندك را تناصر تدير هاذشي
وصال : هههه لا انت حاجة اخرى ومني كنت كتغيب كنوحشك بزاف تاكبرت عاد بديت نعرف شنو هاذشي
منير : هههه ككبرت المسخوطة وانا مجايب خبار اوا اش نديرو دبا فقصتنا
وصال : خويا غادي رفض لكن انا غادي نتمسك بيك
منير :( تشوف فيها بكل حب كقطعة شكلاط حداه خصوصا مني كتشوف فيه بعينها صغار... تحماق...لعن شيطانو وتساخر.

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.