جحيم التوبة الجزء السابع

من تأليف Wahiba yamo
2018

محتوى القصة

رواية جحيم التوبة بقلم وهيبة يامو

دازات ايام وصال تشفات ورجعات لعائلتها وهي قلبها غادي طير من الفرحة ..وكيف لا وهي تاكدات من مشاعر منير لها...وانو تبغها كيف متبغه....وخا مزال خايفة من ر دة فعل للعائلة واش خوها وامها غادي قبلو منير .....غادي يتقبلو فرق السنين لبيناتهم ولا يرفضو .....التفكير غادي قتلها ...لكن وعدها منير انو غادي تصرف ويدوي مع والدها ....
دازات ايام وهي كتسنا وخايفة ليفرقوهم من جدبد
..دارات محاولات عدة تفاتح امها لكن كاع محاولاتها باءت بالفشل ...
( جالسا فوق سريرها حتا دخلات عندها نوميساء)
نوميساء: الحب فاش كتفكري ممم
وصال :( شافت فها وتبسمات ) في هاذ مشكلة خايفا لير فضو ...بابا نقدر نقنعو لكن ماما و ناصر صعيب
نوميساء: ناصر انا نقنعو خاصك تدوي مع ماماك
وصال : اختي ر ا صعيبة فما كنلمح ليها كتقول لي شي جملة كتخليني ننسحب ونبدل الموضوع
نوميساء: خاصك تغامري شوية اصحبتي طالما هو تبغيك ميهمك حد
وصال :(تبسمات ببلاهة)اه اختي شكون لقال تبغني خايفة غير نكون نحلم وهاذشي غير. كابوس زوين
نوميساء:( قرصاتها كتغوتات) ودبا تاكدتي
وصال :( احححح) وعتني اصحبتي هههع
وي اففف واخيرا ولا ننصببي بعدما كان غادي كون لنورة كون مسخفتش كون تزوج غير كنتفكر هاذشي كنحس بالغمة
نوميساء؛ نساي هاذشي من لماضي دبا تفكري غير. منير والحب والسعادة ههه لكن ردي بالك اياك يغرك شيطان وتندمجي معاه فالحب ....المشاعر بلا عقل كتخرج عل مولاها
وصال : كفاش زعما نسلمو راسي هههه لا هو تحترمني وميقدرش يطلب مني هاذ الطلب
نوميساء( ضحكات) ههعع مكاينش شي راجل يفوت هاذ فرصة وخصوصا راجل عاش وشاف و جال وعرف جميع اشكال النساء ....غير. ديري الحدر تديري عقدك
وصال : متخافيش علي
نوميساء : بهاذ البلاهة لكنشوف انا متاكدة غير قرب ليك دوبي هههه
و صال : هههه واياه اسكتي لكن كنفكر بالعقل ممتخافيش ...مهم كيف والو نمشي عندو. اش لبس
نوميساء: لي بغتي دبا شدتي صافي هههع متعطليش
وصال : اوكي غادي لبس سبور
نوميساء : اوكي نتلاقاو فليل ثانا عندي واحد امتحان
وصال : اه نسين مسولتك عل امتحانك امتا النتائح
نوميساء: الاسبوع جاي مخلوعة والله عرفت هاذ النجاح تعني لي بزاف الا نجحت فيه .غادي نكمل مشواري ونحقق داتي ونرفع راس ناصر وعائلتي واهم شيء نفسي لهملتها
وصال : ( عنقاتها) تستاهلي الحبيبة متاكدة غادي تنجحي وبامتياز
نوميساء: انشاء الله يلاه نتلاقاو. بليل
✍✍✍✍✍✍
اتجهات وصال للبلاكار جبدات منو غوب فلغوز. تال ركبة فيها حزام من لوسط وممعريا من الصدر. ...دارت تسريحة بسيطة ...ومنساتش طبعا المكياج لي دارتو بسيط بلا مبالغة وضعة نسمات من عطرها المفضل لتخلي فيها واحد الريحة رائعة ... هز ات حقيبتها وخرجات

هزات لوطو. ديالها وانطلقات وهي مشعلا اغنية اليسا عل بالي حبيبي وكتغني معاها بجهد وفرحان ...كتحس براصها غادي طير من الفرحة
بقات طايرا مع العشق والغرام حتا وصلات كافي لدايرا مع منير فيه
هبطات وهي كتجري توصلات عندو ....وهو جالس لابس لباس انيق عبارة عن سر وال تجين وبودي فلبيض وبالغنة كحلة .... ..... شافها تبسم لكن غوبش بعد مطلع وهبط فيها
وصال ؛ هاي صفا
منير :( تطلع فها من راصها رجليها) شنو هاذشي لابسا
وصال ( كتوريه من نيتها ) غوب يلا خدتها ز وينة ياك عرفتها غادي تعجبك
منير :( خنزر فها ) عجباتتي قولي العكس شوفي لفتحة ديال صددرك باينى لمن كتوري هاذشي و...ركابيك باينين شنو هاذشي
وصال : منير اش كتقول انا ديما هذا هو لبسي
منير : كان لكن دبا غادي تكوني ديالي منبغي تاشماتة يطلع وينزل فيك
وصال :( مصدومة من كلامو معرفات متقول ليه وسكتات...)
منير. : اش تبغي تشربي
وصال : لبغتي
منير : (تشوف فيها كرهاه حس انو قسا عليها وهي ممولفاش هاذ لخكام حتا فدارهم )
وصال شوفي في ( هز ليها وجهها تتقابلات عينها مع عينيه )
منير : وصال و اش مقلقة مني را بغيت نفهمك ان دبا انت غدا تزوجي بي يعني غادي تكوني مراتي منبغي تر اجل يشوف لخير ديالي انت راك ديالي سمعت و كنغير عليك متقلقيش مني
وصال : ( دابت. فيه واقتنعت بهدراتو ) وخا صافي
منير :( بضحكة رضا ) او حبيبة بغتي قهوة ...عصير.....
وصال : قهوة بشكلاط ومبلفاي ديك المهورة
منير : هههعع اوكي
جاب نادل الطلبات خدات وصال قهوتها وبدات تشربها برقة اما هو فخدا قهوة كحلا ومقابلها تضحك علها وعل ماكلتها تكملات عل خاطرها عاد سولها
منير : فاتحتي ماماك فلموضو ع
وصال :( بنظرة. حزن ) مزال فما كنبغي نفاتحها لساني تتربط وكنخاف
منير : اه لموضوع صعيب ياك خليني انا ندوي مع ناصر ونشوف وانت بقاي بعيدة
وصال : والا ر فضو اش نديرو نهربو ونتزوحو
منير :( طلق واحد الضحكة) هععع نهربو لا احبيبتي مستحيل ندير فيك هكا غادي نتزوجو بر ضاهم متخميش
وصال : اوكي انشاء الله يوافقو لكن حاول دوي مع نلصر لكن بالعقل را مني تتعصب تولي شخص اخور
منيى : ( تجر ليها حناكها) خايفا علي هههه متخافيش حنا كبار وغادي نتفاهمو
وصال : يكون خير يلا وصلني مبغتش نتعطل
منير : وخا مشبعتش منك لكن. راحتك هي لولا مني تبغي تنعسي صوني علي وندوي معاك .
وصال : اوكي
خرجنا عل نظر ات لبنات لتطلعو وتهبطو في وبغاو ياكلوه لكن لعجبني فيه مشاف لاهوكا ولا هكا ارتاحيت ..حيث لملضي ديالو ولبنات كان خالعني لا يرجع لكن اليوم حسيت انو تبغني ديال بصح ولقبل مني كانو ولا شيء_
شد لي فايدي وخرجت وانا كنقلي ليهم السم بعيني

خرجت وانا كنقلي ليهم فالسم غير. وصلت لباب عوجت فيهم خليتهم غادي حماقو باش يتعلمو يشوفو حاجة ماشي ديالهم ....
زيرت ليه عل اديه وطلعت راسي كنشوف فيه بفرحة ممصدقاش ان هاذ الراجل ولا ديالي بوحدي. وان تبنت مغادي تكون ليه ...حس بي كنشوف فيه شاف في وابتسم ابتسامة نابعة من اعماقو
منير : كتكوتة لش هاذ شوفات كديري في عندك تاكلني هههه
و صال : (،بحب) ههععع ممتيقاش ان كاع لحزن ولغم تحول لسعادة وانك دبا معايا تحاجة مغادي تفرقنا يا ك
منير :( عنقها بجهد ) لا احبيبتي تحاجة مغادي تقرقنا .....انت لي وانا ليك ثقي بي وثقي بحبنا ...
وصال :( تبسمات ليه ) واثقة فيك واثقة فربي فبعد هاذ لكومة ديال لحزن ولبكاء حبنا تخطى كاع لعقبات وتخطى حتا لموت. وتحاجة مغادي تفرقنا وخا يكون خويا ناصر
(وصال كتعبر عل منير وكتسنا منو يجاوب طلعات راصها فيه ...لقاتو مصدوم تعابير. وجهو توحي بان شي حاجة مضايقاه ....اما هو فبصرو مركز عل واحد الاتجاه وتشوف فواحد الشخص تشوف فيه ونظرات العتاب كتجري بيناتهم
وصال : منير مالك مصدوم اش كاين
منير : ( نعت لي واحد الاتجاه)
وصال : {شافت الاتجاه في نعت ليها وهي تصدم تاهي وحلات فمها ورجليها فشلو عليها ولات كلها كترعد}
منير هرب انا غادي فهمو هرب امنير
منير : ( تشوف فيها بحزن) كفاش نهرب واش كنبان ليك شماتة اجي حنا غادي ندوو معاه وندافعو عل راصنا حنا ماشي خوافة مكندروش شي حاجة لندمو علها
( جرها بادها بقوة واتجهو عند ناصر لتشوف فيهم بكل بغضب توقفو خداه )
منير : ناصر خاصنا ندوو ونفهموك متفهمناش غلط
ناصر:( تشوف فاختو لمقدراتش تشوف فيه وعينها منزلاهم الارض)
اش غادي تقول را شفت كلشي بعيني اختي اش كدير معاك دوي وانت البعلوكة. اش مخرجك معاه طوالو رجليك
منير. : متدويش معاها بهاذ الطريقة كلامك معايا انا انا لغادي متحمل المسؤولية
ناصر :( نظرات تحدي بينهم) انا در تك صاحبي وتغدر ني
منير: والله مغدرتك اصحبي انا نفهمك كبشي لكن خلي وصال تمشي ووعدني متآذيهاش
ناصر: اوكي
سيري للدار انت تنجي وندوو
منير : متخافيش اوصال غادي نحل لمشكل
وصال :( تبسمات ليه بخوف ر كبات لوطو ديالها ومشات خلات غير ريح ور اها}
عاد ناصر لمنير
ناصر: اوا فهمني اختك لش كدير معاك
منير :( توثر معرف منين يبدا اش تقول ليك غادي نجيك من لاخر انا كنبغي اختك وبغيت نتزوح بها
ناصر:( تشوف فصاحبو متوثر وتعرق وتتشف وتشوف فيه وخايف من ردة. فعلو هو بتفركع بالضحك خلا منير تشوف فيه ومفاهم والو )
ناصر: عشت وشفت منير تدخل ويخرج من لهدرة وعلامن عل وصال البرهوشة
منير :( خنزر فصاحبو ) متقولش ليها برهوشة
ناصر: هههععع ضحكتتي اجي نشربو شحاجة وعاود لي

اما وصال خدات لوطو ومشات تجري وقلبها غادي وقف من الخلعة
دخلات لغرفتها وكتتسنا في مكتوبها ....مخلوعة عل منير ليصفها لي ناصر....خايفة عل قصة حبها
ناري امنير خايفة غير لايصفها ليك داك وحش
اهئ اهئ 😭😭😭
جلسات فواحد زاوية وبدات تبكي من لخوف ..غيى كتفكر نظرات خوها كتبغي تحماق
بقات غدا جايا فلبيت قلبها غادي وقف
تدخلات نوميساء كالعجاجة
نوميساء : حبيبة كيف دازات لخرجة
وصال :( شافت فيها بحزن وتفركعات بالبكا)
ليوم نلصر يصفها لمنير ويتبعني ليه مفهاش
نوميساء: علاش اش طرا
وصال :حصلني معاه ولمشكلة معنقني مشيت فيها والله
نوميساء:(،حابسها الضحكة)لافوت فيك علاش تخليه يعنقك ناري مشتي فها
وصال : انت لضحكي اما انا فحريرتي حرير ة والله اهئ اهئ تقلت قريب نتجمعو هاخنا غادي يفرقونا تاع بصح ناصر مستحيل يوافق عل زواجنا بفف عل ممتوب كون صحاب كون مت ولا هاذ النحس لداير بي
نوميساء: نوضي مسحي خنونتك را ناصر قلت ليه عل حبك لمنير مني كنت سبيطار راه موافق عل زواجكم بغا يخلعكم شوية باش ديرو بالاصول
وصال :( والفرحة فعينها) حلفي دبا هو موافق كنت غادي نحماق والله ....الحمد لله .... لكن علاش دار لينا هكاك
نوميساء: حيث خايف عليك انت صغيرة. ...و منير بعقلو وعندو تجار ب لا تعد ولا تحسا وانت لا ... وناص بغا يتاكد واش هو راجل قادر يتحمل مسؤوليتك ولا لا .....واش غادي دافغ عل حبكم ويواجهو ولا غادي هرب فهمتي
وصال :( كتضحك ببلاهة) ثايقة فيه راجل ونص وغادي حمني
نوميساء: شتي لحب زين ياك
وصال : (تكات فوق السرير)
اه بزاف لحب اجمل احساس خصوصا الا لقتي لبغيك وتبغيه كتحسي بحلاوة لحب....غير كنتفارق معاه كنتوحشو ...منير دا لي عقلي وروحي
نوميساء: نوضي من احلامك وهبطي عند ليلى لا تاخد ليك عمرك ههع
✍✍✍
عند ناصر لجالس مع منير فلكافي وتشوف فيه متوثر بحال غادي دوز امتحان
ناصر : اوا طلقنا امتا كتبغي اختي
منير :(تمسح عرقو بواحد منديل) مني كانت صغيرة
ناصر :امتا مني كانت صغيرة را لدبا مزال صغيرة. نطق دخلتي الشك
منير : لالا كنبغها والله مني كانت درية صغيرة مزال معارفا والو فالدنيا ....عارف ان هاذشي يجيك غريب لكن را بصح تانا مفهمتش هاذشي لطرا لي ...انا كنبغي اختك بجنون ومبغت حد غيرها عفاك عطهالي ونتهلا فيها والله
نلصر: ( تشوف فصاحبو وحس انو صادق فمشاعرو وانو غادي يتهلا ليه فاختو
طحت طايحا خايبا المسخوط اوا دوك عاهرات لجمعهم بيك اش غادي تقول ليهم
منير :( شاف فيه بجدية) انا مبقيت مع حد انا وصال هي لكنعتبرها امراة اما دوك والو وانا عمر ني تفليت علهم عارفين كندوز معاهم غير ليلة وكنساهم لكن حبي لوصال شحاجة اخرى نساتني كاع عيالات والزمان والمكان ....كنتفكرها غير هي ....لكن انت كنت عارف هاذشي شكون لخبرك حيث هاذ لبرود لفيك وهاذ الضحك ماشي ديالك
ناصر:( ضحك ). مدام خبراتني فاش كنت وصال فسبيكار الا باقي عاقل انا قلت ليك حلو مشاكلكم خلاص. ....لكن انت كان غقلك غايب عل الوجود

منير: اه مدازش علي لكثير. الله كنت غادي نحماق والله اجي انت اش درت مع مريا باقي معاها ولا لا
ناصر: هههه لا صافي درت عقلي اصاحبي تزوحنا دبا ومفاهم مع مرتي
منير :(،شاف فصاحبو وتعحب) واعجوبة هاذي ناصر شد الطريق اوا لمدام عندها فقيه صحيح
ناصر: خخخخ ممحتاحاش فقيه هي بحد داتها را الماس لي يلاه جيب لورد وجي خطب انا ندوي مع والدي
منير:( بفرح) السبت نجي
الوالدة قلتها ليها وجايا تجري من فرنسا هي والوالد
ناصر: مزيان غادي نتسناوك يلا نمشي من صباح ولمدام كتعيط علي
منير. : اوكي سلم علها
خرحو من لكافي كل واحد اتجه لوجهته منير اتجه لوبيطال اما ناصر فاتحه لبيتو
دخل لمنزل لقا عائلتو كتستعد باش يحطو العشا
ناصر: السلام عليكم محدكم مجموعين بغيت ندوي معاكم قبل منحطو لعشا
نوميساء:( نغزات وصال حيث عرفاتو. اش بغا يقول وهي مولاة لفكرة)
ليلى:خبار لخير اش كاين
عادل : اش كاين اولدي
ناصر:( تشوف فوصال لمتوثر ة بزاف )
الصراحة وصال جاوها لخطاب
عادل: اخطاب شكون لخطبها
ناصر: منير بغا وصال
ليلى:( اتفاجئت) بغا بنتي واش عرفت شحال بيناتهم را فرق كبير مالو حماق
ناصر: الوالدة متنسايش اني تانا تزوحت بنوسيماء وهي صغيرة بزاف
ليلى:( شافت فيه بسخرية) ولكن كاين فرق كبير نوسيماء كانت حالسا غير فالدار اما بنتي اناكتقرا مزيان وبغا تكون دكتورة انا مموافقاش عل هاذ الزواح سمعتو
وصال :( حسات بالدنيا كدور بها تفاجئت من قرار امها القاسي ...شافت فيها بعتاب وناضت تجري لغرفتها تبعاتها نوميساء وهي تجرحات من كلام عدوزتها لكن مبغاتش تبين
ناصر: علاش مبغتهش الوالدة را طبيب ناجح وبعقلو وتبغي بنتك وانا ثايق فيه
عادل : تانا من راي ناصر را بلا بيه مكناش غادي نشوفو وصال كانت غادي تموت ...حنا كنا يئسنا لكن هو مبغاش يئس بلا بيه عمر وصال نشوفوها.
ليلى: ماشي سبب هذا هو دار خدمتو لا غير انا بنتي بغتها تقرا وتاخد راجل قدها
ناصر: والدة واش كتعايرني ولا شنو را تاناخديت نوميساء وحنا عايشين بخير ولحاجة لمبغتش تفهمها انا منير تبغي وصال وان وصال كتبغه كثر من لقياس وبسبب هاذ لحب. كنا غادي نفقدوها و اش بغتي بنتك ضيع منك
عادل : انا موافق عليه بنتي مشيطاش علي وممستعدش نخسرها قوليه يجيب والديه و انت اليلى حكمي عقلك واش بغتي. نخسرو لبنت
ناصر: اه كون مكنش قد مسؤولية منوافقش عليك لكن موافقت عليه تعرفت اختي غادي نعطها راجل فكري اماما مزيان كنتمنا متظلمهاش
ليلى :( كتفكربعمق فبنتها خايفة لتفقدها من جديد
بعد شبح لموت لكان داير بها تنقدها منير ...كون مكانش منير كون ماتت ...را هو ل عتقها بعد اطباء مفشلو
هذا ماشي حب هذا هذا هوس

بقات تفكر مني بنتها دخلات اوبيطال واش دار عليها لدرجة تحدى الموت ....هي كتبغي بنتها وبغا ليها غير لخير ...و اذا كان لخير مع منير. معندها مدير غادي تقبل وخا كانت بغاتها تقرا عاد تزوج مع ولد قدها ..لكن طالما هاذي رغبتها متقدرش توقف ضدها....كتبقا ام وللام متهمها غير سعادة ولادها.
بعد تفكير طويل قررت طلع عندها ....حلات عليها لباب ولقاتها منهارة وجنبها نوميساء ...شافتهم نوميساء اعتذرت. وخر جات باش يدوو. بجوج عل خاطرهم
وصال :( شافت مها بحزن ودموع هابطين ليها )ماما عفاك مترفضيش را منير والله تولد الناس
ليلى :( قربات من بنتها وجلسات فواحد الزاوية و كتمسح دموعها ) عارفا ابنتي را بغتك تتكملي قرايتك عاد نشوفو زواج راك مزال صغيرة
وصال : ر ا منير مغاديش يمنعني من لقرايا را هو لتشجعني وقال لي نكمل نخدم معاه فلوبيطال عفاك اماما قولي
ليلى :( ضحكات ) اوا قولو انتوما مقرين احنا اخر مم يعلم
وصال : هههه الصراحة اه كنا خايفين لترفضو والله منير تبغني كيف مكنبغيه
ليلى: ممم كبرت وليتي تنتي تبغاي ههه او ا صافي ابنتي طالما انتوما متفقين معلنا غير نقول ليكم اه
وصال :( والفرحة فعينها عنقات مها بكل حرارة)
شكرا اماما انت اروع ام فالدنيا كنبغيك بزاف
ليلى: ههه ياك الله يمسخك يلاه اتصلي بيه يجيب مو ويجي
وصال : ( خدات تلفزن وبغا تصوني عليه توقفاتها امها)
ليلى: وانت تنمشي معرفت مالكم مزروبين عل زواج قولو رجال غادي طيرو ناري عل جيل

عند نوميساء لهدرات ليلى جرحها ومبغاتش تبين ...دخلات غرفتها لقات ناصر جالس تما ابتسمات ليه ابتسامة مصطنعة ....هزات شحاجة من بلاكار ودخلات دوش وهو مراقبها وهي مغيبة
دوشات لبسات بيحامة عبارة عن سروال فلحمر وتشورط .في نفس. لون جمعات شعرها عل شكل شفنجة
خر جات لقات ..ناصر مفرشخ فوق السرير ..داير ادو تحت راصو ومقابل دوش غير شافها خرج عينيه فيها
اما هي خارجا مخنزر معرفاش تمثل ....قربات من السرير وجلسات فواحد الكرسي بان ليها واحد الكتاب دارت سبة بيه .. ....
اما ناصر فمقابل معاها وتشوف فها وهي كتشوف فيه من تحت لكتاب تاطلعات ليه دم ناض لاح ليها كتاب ....طلعات راسها فيه وكتشوف فيه باستغراب
ناصر : مالك انت مني دخلتي وغوبشة اش كاين
انا : والو اناصر. غير مقلقة عل قبل اختك
ناصر: مدريش سبة بختي را كتعرفك مني كتقلقك شحاجة واش مقلقة من ماما ياك را مقصداتش را هي هذا طبعها
انا :( بحزن ) اه عرفت ممقلقاش منها والله هي معصبة مغاديش ندير راسي فها
ناصر: اوا فكي هذيك غوباشا واجي را توحشتك نهار كامل وانت غايبة علي
انا :( مشيت عندو وخشاني فصدرو)
ناصر: امتا غادي علقو ليكم
انا : فهاذ اسبوع عرفت خايفة والله
ناصر: متخافيش مرتي غادي تنجح وتحقق لي بغات اجي اشمن توجه غادي تسلكي
انا :( شفت فيه بتحدي) بيزنيس بغيت نافسك
ناصر :تتافسني كاع هههه وخا غاددي نشوفو و اش تقدري ولا لا
انا :؛هانت غادي تشوف اراجلي ...خفت عليك مني
ناصر: ههههه وخا غادي نتسنا هاذ نهار بفارغ الصبر

دازات يومين وجاو عائلة منير يخطبو و صال وهي لفرحة غادي طير من وجهها اما هو خلاص ..جا لابس بدلة شيك ..مقاد.لحيتو. بشكل ملفت بان انيق وبكوص ومعاه امو ....سيدة شيك بزاف ...تقول لمثل الا مشا زين تبقاو حروفو ....دبا عاد عرفت تبكويصة منير منين جابها....لابسا جلابة ...حيث مطروزة فلون الزهري مع حداء عالي ..مشطة شعرها دايراها بوكلي ..جات كيووت .....واب ديالو لابس جلباب تقليدي فلببيج مع بلغة .....هازين بوكي ديال و رد ....وبلاطو ديال حلويات .....حيث التقاليد كتقول ان العروسة ضروري تدخل علها عدوزة بالحلويات ...فال زوين عليها.....اما ووصال لبسات قفطان بيض مرصع بالحجار الكريمة و مضمة بيضا غليضة ...صيبات وجهها بشكل مثير.. شعرها دارتو جنب مع لافغونش خلاتها مطلوقة من الجوانب ..غير شافها لعريس بغا يحوال ... اما امو خلاص ...فرحات حيث ولدها اخيرا دار عقلو ..واختار زينة البنات ...
اتفقو لعائلات بعد شهرين يديرو العرس وخا منير. مكرهش من ليوم ...لكن ليلى رفضات بحجة خاص لعرس يكون اسطوري....وخصا تبان عل صحابتها.. وتجيب احسن مصور....واحسن نكافة....واحسن تر يتور....
معليهم غير تيقبلو ....مصدقو انها قبلات
✍✍✍✍
دازت ايام من بعد لخطوبة .وجا وقت تعليق نتائج لبكالوريا ..انا مخلوعة كثر من لقياس......خايفة لنسقط و نخسر ثقة راجلي وخالتي بي ......
خر جت من الدار ...خليت تلفوني وخليت كلشي ...خلعة لاعبا علي ....معرفش الا سقطت اشنو ندير ....كفاش خالتي غادي تشوف في ....بعد النظرة لخدات علي ...مزال كنتفكر مقارنتها بي مع بنتها وتفضيلها علي ....هدرتها مزال كتضرني والا سقطت معناتو انا انسانة فاشلة ومكنستحقش ولدها
خرجت متوثرة وخايفة وكندعي الله يوفقني وميخيبنيش
شديت طاكسي وصلني حدا الثانوية لغادي تعلقو فيها الارقام....كان امكاني نشوف نجاحي فلكمبيوتر لكن مزعمتش بغيت نتاكد مباشرة ....بغيت نحس وانا مقابلة مع لائحة ارقام .....بغيت نجرب احساس ولذة النجاح ....حيث كاين فرق بين تكوني وسط اصدقائك وبين تكوني خلف شاشة الكمبيوتر ...ماشي نفس الاحساش اكيد
وصلت المدرسة ....ورجلي مهزنيش وانا كلي خايفة....قلبي كنسمع دقاتو كتقول
تك تك تك تك

ووصلت وانا معلقة عيني فباب الثانوية وحدايا شي بنات .كل ساعة نقولو هاهما غادي علقو ...هاما غادي رحمونا من الخوف والتوثر....كندعو الله فسرنا ....كل واحد هنا عندو هدف بغاه يحققو.كاين لباغي رفع راس والديه ويوصل احسن المناصب....وكاين لبغا ينجح باش يحقق داتو .....وكاين لممسوق لنجاح لوالو ...
كل شخص علاش جاي ....الفرق لي بيناتنا هو انا هاذ نجاح تعني لي كثر منهم....هاد نجاح هو لغادي نبين ليهم اني رحعت نوميساء الدكية المتفاپلة....مبقتش ديك لبنت مستهترة لريح لجا يديها....هاذ نجاح هو بداية نوميساء الجديدة
مرات ساعة بالضبط و حنا قلوبنا غادي تسقط من اجسادنا عاد كنشوفو الحارس خارح وهز الصبورة و حنا قلبنا غادي خرج من لفوق وعينين خرجو مع الصبورة لعلق
غير. علق مشنا نتجارو نقلبو عل ارقامنا .
دعيت فسري غمضت عيني وحليتها ودخلت وسط لبنات لي منظرهم تخلع حالين عينهم فالصبورة ...وكاينا لي سخفات ...وكاينا لانهرت من الدموع...منظر يدمي القلب....اقتربت من الصبورة
وشفت فها بكل استسلام وكنقلب عل رقمي
لا ميمكنش نجحت والله تنجحت ممصدقاش راسي والله
عيني دمعو لي من لفرحة اللحساس لتمنتو هانا عشتو واخيرا دقت مداق النجاح...واخيرا غادي نهز راسي عاليا ونقول ليهم نجحت انا نجحت والله تنجحت وغادي نهز راس راجلي وعائلتي
يارتو كان معايا وعاش معايا هاذ الطعم ....رجعات بي الذاكر ة اللور عندما كنت كنمنك ونمشي ندور...ونشيش ....ونخون ثقة و الدي ...كنت غالطة ..ظنيت اني كنتقم منهم ...ومن مجتمعي....لكن انتقمت غيى من راسي ...لكن دبا كوشمار سلا وغادي نبدا حياة جديدة
مسحت دموعي وتميت غدا وانا سعيدة من الداخل
خطوت جوج خطوات وهزيت ر اسي وانا نتصدم
بقيت نحل عيني ونسدها
لكن مكنحلمش والله تاهو ناصر
مربع اديه وتشو ف في وهو تبتسم لي .....معرفش باش حسيت ...وهو جاي لعندي يشاركني فرحتي ويشجعني ....مشعرش براسي تمشيت نجري عندو ....اما هو فتح لي درعاتو لي كتحسي بيهم بالامان ...عنقتو ....هو تضحك وتطبطب علي
ناصر: اكبر. بكاية فالعالم انت تفرحي تبكي تخزني تبكي ..تخافي تبكي ...امتا مكتبكيش
انا :( هزيت راسي وكنشوف فيه بحب) لوقت لكتكون حدايا مكنبكيش
ناصر: هههعع الله يخليني ليك مبروك النجاح را نجحتي ماشي غير نجحتي راك جتي اولا فمدينتنا
انا :( حليت فمي من الصدمة) انا جيت لولا
ناصر: اه امرتي جتي لولا مالك حكرتي ر اسك انت مثال عل انسان لتتثابر تيحقق لبغا وعل اثر هاذ النجاح خاصنا نحتفلو
انا : مممم بصح وفين
ناصر: مممم نديرو حفلة نعرضو فيها عل عائلة ونسافرو يومين اش قلت
انا :( بستو فخدو) موافقة اصلا بغيت نستفرد بيك هههه
نلصر:( عنقني وغادي بي لوطو) وانا موافق خاصك غير تكوني قد كلمتك
انا : هههه قدها ودبا تشوف

دخلنا للدار والابتسامة غادي تفركع من وجهي ....كنفرنس بحال شي حمقة ...فرحانة بزاف كثر من لقياس ...اش نبغي كثر ....التفوق الدارسي ....وزواجي لي بدا ينجح ... الخمد لله ربي كبير عمرو متسد علينا جميع لبيبان ضروري شي باب تبقا مفتوح ....لكن حنا لعميين تكون النور حدانا ...وكنقلبو عل الظلام ....رغم دالك توجهنا بطريقة دكية بزاف ماعظمك يارب
دخلت لفيلل شدا فايد حبيبي لكل ساعة يغمز ني ههع تاهو فرحان لفرحي ....شكون يقول يجي يوم وهاذ الراجل يبغني ويدير عل وجهي المستحيل ...بعدما كان تبغضني....سبحان الله عسى ان تكرهو شيئا وهو خير. لكم
دخلت لفيلا سعيدة للغاية لقيت العائلة مجتمعة خالتي .عمي وصال ومنير كلهم كاينين جالسين فالصالون شافونا استغربو حيث كنفرنسو بحال لمجانين
ناصر :( بوجه سعيد ) قولو مبروك للمدام
خالتي :( مستغربة ) اش كاين
نلصر: لمدام نجحات بامتياز وجات هي لولا فمدبنتنا
وصال :( بفرح مشات عنقات نوميساء) ياك قلت ليك غادي تنجخي مبروك احبيبة
انا : الله يبارك فيك ازين تانا فرحانة و الله ولفضل يرحع لخالتي
ليلى:( شنتات شوية) اه تستاهلي ابنتي شتي باش تعرف خالتك علاش قادا
عادل : هههه وياه مبروك ابنتي عقوبة لدبلوم لكبير عرفت اش من توجه غادي ديري
ناصر: بيزنس طبعا مرتي بغات تنافسني
منير : ههههه مبروك عليكم اوا خاصنا نحتفلو بهاذ المناسبة
ناصر: اكيدليلة نختفلو الوالدة تكلفي نعيطو علا لحباب والصحاب والعائلة طبعا
ليلى: طبعا انا من دبا نتصل بصحباتي ومعارفي
عادل : هههه هاذشي لبغات ليلى تموت عل السهر ات والتنظيم
وصال : اذن خاصنا نحهزو نفسنا لليلة نديرو شوبينغ ونغيرو لوك نوميساء الى العمل
منيى: سوق نسا خاوي ههه بموتو عل شوبينغ
وصال : اش تعرفو عل الاناقة والشياكة ...كنتعدبو باش تشوفونا في احسن حلة
ناصر: خخخخ محنات يلا منير نمشو تابعانا لخدمة المصور ....ولغادي تكلف لينا باطعام الحضوو ر خايف غير والدة. تعرض عل المغرب كامل
وصال : بحالا شتيها بعينك ههع
ليلى مشات تعيط عل صحاباتها بلش تفوح عليها بعروستها.....ووصال ونوميساء مشاو يخهزو نفسهم للحفل ...مشاو عند اقرب مول وبالضبط المحلات التحارية الخاصة بفساتين السهرات .
دخلو واول متجر. لتبيعو فيه فساتين كلاص ومناسبة لجميع النساء سواء المتبر جة او المتحجبة
نوسيماء بقات تشوف فالفساتين لي ناسبها ويكون فنفس لو ن مستور و فنفس لوقت عصري...حتا ثارها واحد لفستان فلون الاخضرالبارد افازي شووية من الصدر ومن. لتحت واسع ومنفوخ تفكرك بايام زمن الجميل .. وفيه حزام في الاصفر من جهة الخصر .. لكن عيبو انو. عريان من الصدر لففف
ةصال : عجبك ياك تخمق والله سبقتتي كنت غادي نختارو
انا : بففف عريان انا مكلبسش هادشي
وصال : ضروري نلقاو شي حل ليلى ليلتك خاصك تباني اجمل و احدة.

انا : ياريت والله عجبني لكن منقدرش لبس هاذشي ناصر يدبحني وللله
وصال : انا نسول لبنت ولش عندو شي شال ولا شي لعبة تستر الصدر شوية ضروري تكون شحل وليكون سي ستيل خاص لمحجبات
انا :( بزعاف ) وخا
مشات وصال عند لبنت لمسؤ ولة تما
وصال : اختي صحبتي عجبها واحد غوب وحمقها وليلة عندنا سهرة خاصة عل شرفها لكن دوماج هي متحجبة ولفستان جر يئ شوية
لبنت :( تبسمات ) ماشي مشكل اي فستان هنا تقدر تلبسو متبرجة وحتا متححبة حيث ببساطة جميع لفساتين طوال لهنا معاهم شال ديالهم
وصال : حلفي بصح فرحتني والله اذن المشكلة تحلت مرسي اختي
لبنت : لعفو
مشات وصال عطات نوميساء لفستان تقيسو ومشات هي تقلب عل فستان شيك وميكونش فاضح حيث موسيو. منير متلاش باغها تعرا
بقات تدور فالمحل حتا لقات طلب لبغات فستان مستور وفنفس الوقت مثير. فلون الرمادي طويل افازي من لتحت واسع قليلا ومطروز بالورود ...شفاف من ليدبن واعلى الصدر ...دخلات قيساتو عجبها جاها زوين ...ممعيقش وتحتفظ بانوثثها و احترامها

تقابلات مع لمرايا كتشوف راسها عجبها تغيير جديد .....وفالطرف المقابل نوميساء تاهي خرجات تشوف لفستان كجاها ...شافت راسها بغات تهبل جاها مثير علها وداك الشال لفنفس لون الفستان خبا ليها الصدر والظهر ....جهة لبغات دور تقابلات معا و صال لتهي كتشوف راسها فلمراية نوميساء:( كتشوف فصحبتها كيف حاها لفستان حمقاتها ومشات عندها )
وصال واو جيتي مختلفة بزاف بهاذ ستيل
وصال :( كتطلع فنوميساء) ناري تتيزة انت يشوفك ناصر يهبل جاك لفستان خطير اصخبتي
نوميساء: بصح ياك تاتا عجبني بغيت نرفع ليه راصو ليوم
وصال : لحمقة هو عاحباه بلا هاذشي راه طيحتيه ميف درتي
نو ميساء': سر لمهنة هههع يلا حطي داك لعحب ونمشو عند اقرب صالو ن نحهزو راسنا مبقا والو ويظلام لحال
بعدما خدينا لفساتين مشنا عند اقرب كوافورة صيبات لينا شعو راتنا انا در تو. سامبل حيث غادي نغطيه بشدة تركية مناسبة للحفل ... فقط ركزت عل مكياجي وعوناتي لكبار .....اما وصال فصبغات شعرها بلحمر ودارتو بوكلي ودارت مكياج مثير عطاها اطلالة شبابية جريئة .
انطلقو الفيلا بعدما ليلا صدعاتهم بتعياط ...ركبو فلوطو ومشاو يجرو. للفيلا
غير دخلو بانت ليهم حركة بزاف....

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.