جود حل فمو أو زاد خطوة قبل ما توقف لحركة فرجليه.... تجمد أو هي كتدور على درجات بسرعة لبرق حتى إستقرات لتحت طالقة غوتة تردد صدى ديالها فحال رعد...بدا كيرمش لكلام حبس ليه فلحلق بصعوبة قدر يخرج سميتها متقطعة.....جود:ع....ب....ق.....نزل بشوية صورتها مليوحة رجليها مفرقين أو صوتها معدب دمراتو....وصل عندها أو حنا لمستواها ببطء شديد ممتيقش لمنضر لمؤلم لي سبو لها....تنفس ديالو ولا سريع أو حتى لمسة مساعدة مقدرش يحرك بها يديه....أنا:(كنموت بلحريق)جود عوني....جود:(بصوت مبغاش يتسرح) ع بق ....أنا:(بلغوات)أييييي أجود شي حاجة كتنزل مني أييييي....صراخها فيقو وأخيراً أو ضمها بقوة أو هي كتغوت بلحريق أو جسمها مشلول....جود:(برعب عليها)ششش موقع والو أحياتي...أنا:(بلغوات كنتقطع)أيييي هئ هئ😭😭😭 كنموت شي حاجة تقيلة كتنزل منيي أجووود....جود كان فعالم تاني نتاع لوم كيأنب راسو بشدة أو مزير على ضلوعها أو دموع غشاو على جفونو كيبوس فوق راسها....جود:كلشي مزيان ششش كلشي بخير....أنا:(كنشوف لبيوضة)جود عوني كنسخف جود كنحس بألم كبير....جود:(مغيب)كلشي مزيان كلشي بخير....عبق قلبات عينها أو لوجع كينخر تحتها...بدات كتحس بجسمها كيترخى أو نضرها كيتشتت أو صوتو كيوسلها مخنوق...غمضت عينيها أو مشات بعيد مخلياه كينطق سميتها أو كيبوس فيها بلا شعور....جود بقى على ديك لحال ديال الصدمة قوية خاصة أنها طاحت قدام عينيه بسرعة أو مخلاتلوش فرصة ينقدها....منين شافها سكتات مجبدة بلا حركة نزل عينيه أو زاد حل فمو من ضاية دم مكبد مفرشة تحتها أو كسوتها ولات حمرة...زاد تخلع مفهمش كفاش نتهت هاد لحادتة بهاد لكمية لكتيرة من دماء....جود:(بغوات حاد)عبااق؟؟ فيقي شنو هدشي؟؟...شد لها وجها لونو مخطوف بيض كيف تلج...سرحها على لأرض كيقطر بلعرق أو عينيه خارجين أما قلبو سكت نهائياً معلن عن كارتة حقيقية كان سبب رئيسي فوقوعها لحب حياتو....جود:(كيبوس حنكها)عبق فيقي عبق سمحليا مقصدتش عباااق....مرداتش عليه أو حالتها كتسوء بشكل مهول...هزها بخفة دموع نزلوا ليه خيوط طويلة على لحيتو أو ملامحها ولات كيف ديال لموتى....جرا لباب أو خرج بركض رجالو تجمعوا عليه محاولين يساعدوه....جود:(بلغوات)وجدو طنبل تحركوووو....(كسيرة حارس بسرعة سيارة أو نزل فتح لباب حطها جود أو دار لها سمطة كيبوس فوجها كامل)....جود:كلشي أيكون مزيان أحياتي متخافيش هانا معاك صبري شوية....سد لباب أو مد ليه راجل تريكو لبسوا حيت كان عريان عامر بدم أو طلع كيرجف لدرجة صوgان نسا عليه....بقى كيضرب فالفولون أو كيسب بأعلى نبرة غضب...بعد محاولات كتيرة عاد سيارة تحركات أو ورك على لكسراتور مخلي غير لعجاج وراه....
بعد مسافة طريق لي خدات أقل من وقتها بكتير حيت جود كلا طريق بسرعة فائقة....فرانا بجهد قدام أكبر كلينك فباريس أو خرج إتجاها....حل لباب أو هزها كيغوت يجيو يساعدوه...كان خايف لا يفقدها أو دم لون رجليها...شفايفها ولاو بيضين...جسمها ميت أما عينها مغمضين أو هدشي خلاه غير يغوت أو دموع كينزلو ليه بلا توقف....جود:(بلغوات)عباااق فيقي الله يستر عليك أحياتي مستحيل تموتي أنا سبااااب سمحلياااا عباااق....تجمعوا لممرضات عليه أو جرو بلانكار كيترجاوه يحطها أو كيجرو فدراعو دايرين على جسمها ضعيف أو والو مكانش كيستجب لهم.. معنقها كيبوس حناكها أو كيبكي بلا صوت غير بدموع....جود:عبق فيقي أحياتي كنواعدك مغنقربش لك مزاال غير حلي عينيك لي كنموت عليهم....جاء طبيب معصب من لمنضر لي كيشوف ديال جود مقرق عليها أو كلشي كيطلبو يحطها باش تسعف دغيا......(الحديت بلفرنسي).....طبيب:(بصراخ حاد)واش بغيتها تموت؟؟....كلشي سكت فلكلور طويل من نبرتوو لجدية....جود طلع عينيه لحمرين بدموع أو بنار الغضب...طبيب:حط لبنت أسيدي خلينا ندرو لواجب....رخاها بشوية أو لممرضات سرعوا يلتاقطوها أو يجريو بها فغرفة لعمليات....جود:(بصوت تهديدي)إلا وقعت شي حاجة لمرتي كنقسم لك غحرق لخضر أو ليابس كنواعدك..
دخل طبيب عندهم أو سدوا عليه لباب مخليينو بحدو كيتخبط فصراع داخلي من نواحي كتيرة منها لوم أو لغضب أو أهم حاجة لمسؤولية لي تحملها على لعاتق ديالو....تقابل مع الحيط كيتنفس بصعوبة أو كيخبطو بلكمات قوية....جود:أنا سباب أنا سباااب أنا سباااب....بقى كيردد لكلمة أو شوية فقد الأعصاب أو ولا حمرر أو بدا كيضرب فلكراسة فرعهم كاملين أو داز لمكتب لإستقبال....لممرضة هربات مني شافتو جاي كيعرعر أو دخل قلب لها كلشي لمفات أو هز لكرسي ديالها لاحو بعيد...شتت لوراق ردو مقلوب....جود:(بلغوات)أنا سبااااب كفاش معتقتهاش علااااش تسرعت؟؟....بقى كيدور شاد فراسو فالكولوار أو كيمشي أو يجي أو يضرب أو طلع عينيه فسقف أو يولي يجلس مزير على راسو كيغوت أو يسب أو يضرب لأرض برجليه...جبد سيجارة كيكمي ممعبرش لقوانين ديال لمستشفى....لممرضات أو لممريضين تخباو مور الحيط مخلوعين حتى حد فيهم متجرء يقرب ليه أو هو فتورة غضب...لممرضة(1):خلعني شوفي شوفي كيف كيبخ واحد مور تاني را ممنوع يكمي هنا سير نتا عندو...لممرض:منقدرش سري نتي بنت أنا يقد يهرسني مشفتيش كيفاش معصب...لممرضة(2):رجلا ديال آخر زمان عيطو لأمن....لممرضة(1):مافينا ليجبد شي صداع أنمشي نوقفو....تشجعات أو قربات منو بخوف كتلعتم فلكلام....ممرضة:احم سيدي را ممنوع تكمي وسط لمشفى يمكن لك تخرج برا...خسر عليها شوفة وحدة أو غبرات من حداه....ناض عوتاني حدا باب لعمليات أو بغى يدخل لقاه مسدود....جود:(بلغوات)علاش تعطلتوو حلووو لباب فين هي مرتي؟؟....خبط لباب ببونيا أو تكا كيسوط أو عرقان مغدد على تأخير فحالي كيشويوه على جمر....(تفتح لباب أو خرج طبيب بكمامة أو لبسة خضرة)....جود:(دخل فيه)مراتي؟؟....طبيب:تفضل معايا لمكتب خصني ندوي معاك فحاجة ضرورية....جود:كي بقات بعدا؟؟....طبيب:حالتها مستقرة دبا تفضل....سبقو أو جود تبعوا حتى دخلوا لبيرو...طبيب لبس طابلية بيضاء ناصعة...جود جلس مقابل معاه كيحك يديه بتوتر....جود:شنو داك دم لي خرج منها دوي را غنحمااق....طبيب متكلمش بقى ساكت كيتنفس بهدوء عكس جود....جود:(ضرب طبلة)تكلم كيف بقات مرتي نطااق؟؟؟....طبيب:مرتك حاملة......
جود طاح عليه لخبر فحال صاعقة كمش جبهتو أو بلع ربقو كيحاول يستوعب لخبر سار أو لحلم لي تحقق.... جود:كككفاش؟؟....إبتسم تلقائياً أو عينيه ضحكوا بفرح لكن طبيب تأسف أو بدا كيدي راسو أو كيجبو بنفي...طبيب:لكن للأسف تجهض سمحلنا بزاف أسيدي....تجلات صدمة معندهاش تعبير أو رموشو تغمدوو بقوة طالقين سيل من دموع حبيسة...خشى راسو مابين رجليه أو طبيب ناض حط يديه على كتافو بتشجيع...طبيب:تهدن أسيدي لمهم هو قدرنا نقدوا مرتك حسن من والو....جود:لا ميمكنش أنا سباب أنا سبااااب....(ناض غفلوا أو شنق عليه كيغوت أو محطم).....جود:(بلغوات)علاش كيفاش ولدي ماااات علاش منقضتوهش دوووووي علاااش مدرتيش لواجب ديالك....طبيب:(كيحاول يفك راسو)را كانت مريضة بإلتهاب حاد فرحم أو مع طيحة مبقاش أمل تهدن أو طلقني....جود دفعو غادي أو كيتسدم بغى يحماق كلشي مرون عليه....طبيب:هدشي لي بغيت ندوي معاك فيه جلس الله يخليك خليني نشرح لك....جود ترمى على لكرسي أو طبيب قاد حالتو برعب من ضخم لي كان غيخنقو....طبيب:نجيب لك كاس لما؟؟....جود:(بلغوات)نطق....طبيب:احم سمع أسي؟؟...جود:جود....طبيب:سمع أسي جود مراتك كانت حاملة داخلة فالأسبوع تالت فهاد لفترة كتكون صعيبة أو جوج أسباب خلاوها تفقد الجنين....جود:كانت حاملة بولدي ميمكنش (شد راسو)أنا سبااب أنا....طبيب:سي جود طيحة كانت سبب غير مباشر أما لجنين مكانش غيصمد أبداً....جود:علاااش؟؟....طبيب:حيت رحم ديالها كانت ملتاهب أو مضرور بزااف...لجنين مكانش غيصبر لداخل بسبب غشاء لبكرة كنتي عارف أن مرتك كان عندها مشكل فلبكرة؟؟....جود:لا رد....طبيب:مرتك كانت عندها بكرة سميكة كيف كانت أول علاقة كاملة بناتكم أو كيفاش ديفييغجتيها؟؟......جود:(بصوت مألم)غتاصبتها....طبيب خرج عينيه أو جبد كينة شربها بعصبية بلا ما....طبيب:ادن هدا هو لمشكل كفاش قدرتي دير هدشي واش كنتي عارف؟؟....جود:(ضرب طبلة)ماشي شغلك معارف والو سد كرك أو كمل....طبيب:احم طيحة كملات عليها أو ماقدرنا ندرو والو كان علينا نحيدوه لبقية حيت أصلاً نزفات لولد قبل متجيو عندنا....جود تنهد أو جبد يكمي بعصبية....جود:(كيبخ)كيف بقات مرتي؟؟....طبيب:حالتها الجسدية عبارة عن ردود أو عملية الإجهاض مإترة على أجهزة تناسلية ديالها أما نفسيتها منقدرش نحكم حتى تفيق....جود ناض كيلعب بلغارو فمو أو ركل لكرسي وراه....زدح لباب أو وصل عند لممرضة جرها من لكول ديال طبلية مخرج أو محمر فيها عينيه....جود:دوزي تقودي ديني عند مراتي....لممرضة بقات كدخل أو تخرج فلهدرة معرفات باش تبلات....جود:(بلغوات)تحركي...دفعها قدامو أو هي تعكل مع صحبتها....جود:تحركي نتي أو ياها بغيت مراتي تقودوو قدامي..
تمو غادين قدامو كيقفقفو بلخلعة أو طبيب كيناديه يوقف من لور....مدهاش فيه أو لممرضات وقفو حدا غرفة مسدودة بزااج....لممرضة:ميمكنش لك دخل....غمض عينيه كيستعد يطل عليها...مد لممرضة طرف المتبقي من سيجارة أو أمرهم يمشيو....غبرو من حداه أو هو يتقدم بشجاعة أو حل عينيه....حط يد على زاج كيتلمس وجها المخطوف من بعيد مخشي فمها تيو غليض أو الإبر مغروزن فيدها أو عريانة مغطية غير بلزار بيض...رجليها مفرقين شوية أو داير عليهم سلوكا رافعينهم على سرير على بعد سنتيمترات قليلة...دايرين لها جهاز تنفس فنيفها أو ساك أكسجين كبير فوق وجها....جود:(بصوت محسر)عبق....حس بلمسة على كتفو أو دار عند طبيب....جود:مالها مراتي علاش مدورينها بسلوكة واش حالتها صعيبة لهاد درجة؟؟...طبيب:حالتها مستقرة دبا تفضل خليها ترتاح حتى لغدا أو يمكن لك تشوفها سمع أسي جود راك نودتي روينة فلمشفى متفهم حالتك مي متخلنيش نعيط لبوليس....جود:(شنق عله)سير تقود نتا أو لبوليس فهمتي حتى حد مغيدني من هنا إلا مبغتش تخرج على بلاصتك تقود من قدامي...طبيب:(مخلوع)وخا وخا....رخاه أو دار كيتلمس زاج لفاصل بناتهم....جود:عبق فيقي أحياتي علاش كدبتي عليا؟؟كون خبرتني بلي شاكة مكانش غيوقع هدشي شكون سباب دبا لي قتل ولدنا....(ضرب زاج)شنو ندير دبا واش نلومك ولا نلوم راسي....بقى كيطلع فيها مدة طويلة تخلطو عله رواون محيلتو لغلطة ديال الإغتصاب محيلتو لولدو ولا بنتو لي مات ببساطة أو هو كان غيحماق أو يولي أب محيلتو لعبق محيلتو لكدوب لي وصلها لهد لحالة....شد وجهو لمحتقن أو تلاح على لأرض كيضرب مؤخرة راسو بقوة مع الحيط....جود:أععع غانحمااق مفيهااااش فوقاش أنفرح فحياتي معك أعبق غير فوقاااش.....
في صباح:
طبيب دخل ينقل لمريضة لغرفة مريحة أكتر حتى كيتفاجئ بصراخ جاي من لعناية لمركزة....مشى مسرع أو لقى جود كيدافع مع لممرضات أو لممرضين مانعين عليه دخول....جود:(بلغوات)حيدي نتي أو ياها خليوني ندخل عند مرتي....لممرضة:تهدن أسيدي دبا غنقلوها غير رتاح....طبيب وصل أمرهم يتفرقو....طبيب:سي جود أندخل ندير لها فحص tension أو دقات لقلب أو ديك ساع ممكن تشوفها كون هاني....جود:طلق راسك....كلشي تنفس صعداء و أخيراً....لممرضات مشاو أو طبيب دخل سد عليه....جود طل عليه كيفحس لها لقلب بسناطة أو قياس ضغط....هز لأنترفون أو طلب منهم ينقلوها....خرج عندو أو جاو ممرضين رجال دخلوا لبيت تبعهم جود مخلاهومش يهزوها....جود:أنا غنتكلف....تقدم طبيب حيد لها لؤكسجن خلا لها غير تيو رقيق فنيفها....حيد لها سلوك من رجليها أو شاف فجود بلي يقد يحطها فنقالة....قبل ميديرها بن يديه باس لها راسها أو حناكها أو قبلة خفيفة فمها....جود:سمحليا حياتي كنبغيك بزااف غتكوني بخير أو مازال قدامنا لوقت نجبو بنت كتشبة لك....(إبتسم لها أو هزها بلطف نزلها على نقالة)....جروها لبرا أو هو شد فيدها أو كيدوز بصبعو على شعرها....دخلوها لغرفة كبيرة لونها بيض أو فيها سرجم بستائر بيضة....سرير كان واسع أو مريح أو على جنابو جوج منضدات عليهم أزهار...طبيب:حطها أسي جود باش نركبو لها سيروم....دكشي لي دار نزلها برفق مبالغ فيه أو غطاوها....ركبت لها لممرضة سيروم أو علقاتو حداها...لممرضة:لمريضة تقد تفيق فأي لحضة مونسيور إلى كانت ردت فعلها مشي طبيعية برك على هاد زر لحمد الله على سلامتها....خرجت مع طبيب أو سدوا عليهوم....جود جلس حداها مألم من جوج جوايه....عليها أو منها...بدا كيبوس لها يدها مغمض عينيه مع كل بوسة....فجأة حس بصبع تحرك أو حل عينيه نيشان نزل كيقبل خدها يساعدها تفيق....جود:عبق فقتي أحياتي هانا حداك...حلات عينها كترمش أو ترجع تسدهم....بقات كتحاول عدة مرات حتى نجحات....أنا:فين أنا؟؟...
رؤية ديالي مضبة أو حلقي ناشف...كنفتح عيني بصعوبة كيضربني شعا بيض مكنقدرش عليه أو كنفضل نسدهم...كنشعر بتقل فلجسم ديالي أو يلا كنحرك صبع واحد نتأكد بلي أنا فعلا عايشة...آه أنا عايشة هاهي ريحتو طاغية على نيفي أو لمسة ديالو على حنكي...جاتني البكية منين تفكرت شنو وقع بناتنا....كينادني ولكن مكنسمعش مزيان فحالي كيهدر فشي بوق....أنا:بغي.....ت...لما....جود:(فرح حيت سمع صوتها)وخا حياتي أنجيب لك كلشي غير فتحي عينيك....ناض بزربة كيبرك على زر لي فوق راسها حتى دخل طبيب أو جوج ممرضات....جود:فاقت بغات تشرب نعطيها؟؟....طبيب حيد سناطة أو حط ليها راس على لقلب....طبيب:دقات لقلب هما هدوك وي عطيوها تشرب....جود عمر كاس لما أو قرب جلس حداها بلطف....هز لها راسها أو شربها كيبوس يدها أو وجهو عاد تشرق بلفرحة....لممرضات جابو لها لباس لمرضى كيسناو طبيب يسالي لفحص روتيني...طبيب:كلشي مزيان لحمد الله على سلامتها....جود:لا رد...ساهي فيها أو كيبوس حنكها أو يدها على خدوا....جود:عبق فيقي أحياتي كلشي مزيان أتكوني بخير وخا؟؟...فيقي وريني عينيك لي كنموت فيهم....طبيب تراجع بلور كيشاهد لحب لكبير لي كيقدمو المتوحش لي رون لهم لمشفى لمرتو مولي حدها فحال بيبي صغير....طبيب:مدام لوكاس باش كتحسي؟؟....أنا:كن...حس بدو...خة....جود:انا دوخة هادي مالها؟؟....طبيب:عادي غير من منوم مازال ممشى مفعول ديالو....أنا:كر...شي كدرني شنو وق ع ليا؟؟....جود:(غمز طبيب)والو أحياتي غير طيحة بسيطة....أنا:(كنبكي)لا هئ هئ متكدبش عليا عفاك خرج لها شي حاجة كبيرة حسيت بها هئ هئ متكدبوش علي عفااكوم....طبيب:سي جود خصها تعرف ولا غتصاب بأزمة نفسية حادة....جود:من بعد خرجو دبا يلا....طبيب:اوكي مدام لوكاس كوني هانية حنا غنجاوبو على أسئلتك كلها عن إدنكم....(خرج تابعنوو لممرضات)....أنا:هئ هئ😭😭 حرام عليك علاش وصلتيني لهنا شنو درت لك؟؟....جود:(عنقها)شششش صافي أحياتي كلشي بخير....أنا:بعد مني ما بخير ما والو هئ هئ😭😭 أنا صافي موليتش عبق لبنت لنضيفة لعفيفة وسختني أجود بدم هئ هئ خرجتي علي مرمدتي كرامتي أو حياتي مبقى لها معنى هئ هئ😭😭....جود إبتعد عليها حتى وقف على بعد خطوات كافية يستوعب لمنضر ديالها بشكل كلي....كتبكي أو يدها لمحقونة بسروم على فمها كاتمة أنينها أو فعلا حالتها كتبكي...دورات زرقين حول عينها أو هيكل جسمها ضعاف بلا قياس...شعرها طوال هو لي بقى منها....أو ردود ديال طيحة مطبعين على دراعها....أنا:هئ هئ هلكتني أجود ضيعتيني خرجتي علي من جاع لجوانب مبقى لي سبب لي نعيش على قبلو شنوووو طرا لي هادي أخر حاجة كنتمنى تجاوبني عليها بصدق (بلغوات)عفااااك نطاق.....جود:كنتي حاملة أو مات أعبق ولدنا مات صافي مبقى فكرشك والو رتاحتي دبا؟؟....
***في المغرب***:
دخل حكيم لدار ديالهم شاد ساك صغير فكتافو أو حاكم فيروز مدور دراعو على ضهرها أو قابط يدها كيهدن فيها....حكيم:مي سكتي الله يرحم لك لولدين (باس راسها)الله يخليك لي مكنبغش نشوفك هاكا....فيروز:(كتبكي)شي حاجة واقعة لبنيتي هئ هئ😭😭 جيب لي بنتي ولا نقتل راسي...حل بساروت بزز أو دخلو لصالون حطها بشوية أو طلع لها رجلها فوق سداري أو دار لها لوسادة تكا عليها....حكيم:مي عاد جبتك من طبيب قالك خصك ترتاحي أو حبسي من لبكا....فيروز:(كضرب صدرها)بنتي يا ربي بنتي جيبووو لي بنتي عوك عوك أعباد الله هئ هئ...حكيم:(لاح ساك أو سد لها فمها)أمي سكتي غتفضحينا على والو هاني غنجبها لك....فيروز:(كتغوت)الله يا ربي الله حاسة ببنيتي قلبي مقبوط علي أو كيدرني هدا إحساس الأم مكيكدبش سير أولدي أنا راضية عليك جيب لي بنيتي(بغات تبوس يد حكيم أو جرها).....حكيم:حشا مي شنو كاديري....فيروز:جبو لي عبق ولا نتاحر بلا بها مبغتش نعيش هئ هئ....حكيم:(كيبوس راسها)هاني أمي أنجبها لك غير تهناي أنجب لك دوا ضغط أو نعسي ليلة كاملة أو حنا فلكلنك...ناد جبد من ساك ميكا دواء أو داز لكزينة عمر كاس لماء أو رجع عند ميمتو...نزل على ركابه وكلها لحبة أو شربها لما....حكيم:مي أنهزك نديك لبلاستك ترتاحي كتر اش بان لك؟؟.....فيروز مرداتش عليه عينها مقلوبين بلبكاء أو كتنخسس ليلة لي فايتة جاتها كريز على غفلة أو ضطر حكيم يخرج من خدمتو مسرع بغي يحماق منين علموه بلي مو سخفات حدا دار شادة فقلبها...هزها بخفة أو طلع لبيتها مضيق عينيه فحال صقر لجعان محلف على ختو أكتر من قبل حيت كان أيفقد الحب النقي ديال ميمتو بسببها....حطها على سريرها أو حيد لها صندلة أو غطاها مزيان....جلس جنبها فطرف أو كانت نعسات بلعيا....حكيم:(كيبوس راسها أو يدوز على وجها بحنان)متخافيش أمي أنجب ديك لكلبة أو نفرجك فيها مزيان بربي أعبق حتى نرد لمك ضهرك رطب من كرشك كنواعدك...
خرج حكيم من لبيت أو حل باب غرفة ديالو لقريبة...يلى ايزيد خطوة خطف نضرة على بيت عبق...سد بيتو أو مشى ليه حيت هادي مدة مدخل ليه مدة طويلة وقيلا من نهار مشات لفرانسا معتب ليه...فتحو أو تفاجئ من لحلة ديالو الأنيقة لي متبدل منها والو...بصح عبق غابت سنتين لكن بيتها نضيف أو كل حاجة فبلاصتها بلا زيادة بلا نقصان...؛سريرها لوردي برسومات لي كان يئمة كيسلخها عليه ولا كيجي فكل ليلة منين تنعس يبوس راسها أو يطلب منها سماح....بروها صغير من تحت سرجم حتى هو بشحال جلس عليه من مرة يقلب لها لفسبوك لكانت كتدوي مع شي دري أو مرة مرة كيحط لها عليه شكلاط أو يطلب من مو تكدب أو تقولها أنها هي لي شراتو لها ....حكيم:ههه توحشتك أختي....وصل ليه أو جلس على لكرسي هاز تصوراتها ....حكيم:(كيبوس وجها)توحشت ريحتك الصغيورة ديالي ههه....دمعو ليه عينيه مدكر ضرب لي مارسوا عليها أو ندم لي كيبقى ياكل فيه من بعد مكيشوف علامات تعنيفو عليها في نهار لموالي....نزلت ليه دمعة يتيمة طاحت نيشان على صورة....حكيم:سمحليا ختي كندير دكشي بلا مانفكر نتي لي عندي مبغتش نخسرك كنبغيك كتر من راسي نتي أو مي....حط صورة أو هز تصوراتها هي أو باه "حسن العلمي"....حكيم:(بغضب)نتا سباب معمري غنسمح لك أبا أنبقى حاقد عليك حتى نموت نتا لي عمرك بغتيني مي باش جات عبق عطيتها حنانك كامل أو بقيت فضل كنشوف كيفاش كتعامل بنتك لي يلى جات لدنيا أو أنا لي عشت معاك 6 سنين قبلها ماشفت منك والو كنكرهك أبا...(لاح تصويرا أو ناض شد فراس)....حكيم:(معصب)نتا ميت علاش كنفكر فيك؟؟علاش مقدرتش نتقبل فكرة أن ختي خدات حب وليديا كامل أو وليت كنعاقبها على هاد أساس؟؟....طلع نفس طويلة وجهو مقابل مع سقف جاع دكريات تكبو عليه....تنهد أو ترمى على سريرها معنق وسادتها....حكيم:غنجبك أختي أو أنولي قاسي كتر باش نقطع لك أمل أي حاجة أتبعدك علينا مرة أخرى...(باس وسادة)نتي أعبق نوارة دار كنعتارف من نهار مشتي مبقتش حكيم لفرحان ديال بشحال هادي مبقتش متحمس نرجع لدار ندابز أنا أو ياك هههه....غمض عينيه أو بقى تماك جايب ليه الله أنها فلحضن ديالو أو كيتنفس ريحة شعرها طويل.....
***في فرانسا***:
عبق بقات كتغوت أو جاتها نوبة هستيرية بعد ما طاح على مسامعها داك لخبر المدمر....جاو لممرضات بسرعة أو جود بقى بعيد يديه فجيب دجين كيتفرج فيها....واحد الجزء صغير بزاااف تحكم فيه أو منعو يعاونها بسبب ولدو لي ضاع نتيجة كدوبها عليه....يلا ايزيد خطوة دخل طبيب كيجري أو بلا مقدمات خشى فيها إبرة مهدئ أو شدوها شوية بشوية حتى سكتت أو غمدات عينيها....منين طمنو عليها لبسوها بجامة لمرضى أو دفروو لها شعرها....خرجوا أو جود جلس حداها شد فيدها أو كيدوز على وجها لمكسي بلمحة خسارة ولدها....مرت ساعتاين أو عينيه مفارقوش ولا لحضة رموشها....جود:عبق؟؟...رجعت كتحرك أو كدي راسها أو تجيبو كأنها فمصارعة مع كابوس خايب....جود:عبق؟؟....ناض برك على زر أو طبيب دخل مرعوب....طبيب:مالها؟؟....جود:معرفتش شوف وقيلا كتحلم....طبيب شد وجها أو شعل أداة بضو أصفر مقابل مع عينيها....طبيب:لا غير بدات كتفيق خصنا ندويو معها ضروري أللهم يجيوها صدمات دقة وحدة باش تخطاهم بسهولة....جود:(بصوت مدمر أو عيان)قلت لها بلي كانت حاملة أو داك تصرف لي شفتيه كان ردت فعلها....طبيب:أمم أي أم فقدات ولدها من طبيعي تجيها هاد نوبة لمهم هاهي أتفيق دبا....كحزو لور أو فعلا حلات عينيها بصدمة ناطقة بكلمة دمرات الإحساس المتبقي ديال جود....أنا:ولدي؟؟....
طبيب:تهدني أمدام كلشي مزيان....أنا:(بلغوات)انا حمل أو انا موت مافهمت والو علاش نومتوني؟؟وش كضحكوو علي وش بغيتو تحمقونعيي؟؟....طبيب:تهدني أمدام باش نشرح لك را إلا بقيتي كتغوتي أندطر نحقن لك إبرة تانية....جود جلس على لكنابي شاد فراسو أو عبق حطت راسها على لوسادة ساكتة....طبيب خدا كرسي أو جلس وسط منهم....جود طلع عينيه لقاها كتشوف فيه بعتاب أو قهرة...طبيب:سمعي أمدام دبا نتي كنت حاملة فالأسبوع تاني أو نتيجة...(شاف فجود أو حرك راسو بنفي)احم نتيجة العملية القاسية باش فقدتي لعدرية ديالك أو طيحة لجنين مات....أنا:(كنبكي)هئ هئ ميمكنش كنت حاملة؟؟....طبيب:اياه كيفاش معرفتش هدشي بسهولة را باينة إنقطاع دورة شهرية أو لوحم نعاس بزاف أو لعصبية هادو أعراض لحمل كيفاش أسيدي منتبهتيش لمراتك؟؟....جود:(بغضب) سولها هي هي لي كدبت أو أنا كي لحمار تيقتها كون عرفت هدشي كون حبستها فبيت بلا خروج....أنا:(بلغوات)نتا سباب الحقير نتا سباب هو لي تعدى عليا هئ هئ هو لي دفعني حتى طاح....طبيب:تهدنو بجوج عفاكم هدشي لي كتاهمو فيه بعض منافعش دبا....جود سكت كيتأفف أو عبق عبرات على الامها بلبكاء المرير....طبيب:مدام لوكاس؟؟....أنا:(بلغوات)كنيتي لعلمي مشي لوكاس مبغتش نتمي لداك لحمق لمجنوووون تفو عليك كنكرهك فحال سم طلقني أسيدي بعد مني عطني تساع خديتي مني كلشي وليت لا شيء حطمتني بزاااف مقاداش عليك عييت...سكت كنهج أو هو غير كيخنزر في أو ضارب طم أو هدشي لي كيقتلني.....طبيب:كالم stp خصك راحة خليني نكمل هدرتي عندي 30 سنة ديال خدمة عمرني سخفت بهاد شكل مع شي حد أووووف....مسح لعرق كيحاول يلطف لجو....طبيب:مدام احم ألمي(نطق فرنسي)كنتي عارفة بلي عندك مشكل فلبكرة ديالك كنضن سي جود كان عارف....أنا:(بصدمة)انا مشكل؟؟....طبيب:نوع لبكرة لي عندك سميك يعني منين جات تفض من الطبيعي كان خصها محاولات كتيرة باش رحم ميتقاسش أو كدلك إلا وقع حمل يكون سليم ولكن مع لمشكل ديال الإعتداء سي جود محترمش هاد نقطة أو هدشي تسبب لك فألتهاب حاد بزاف مستحيل أن لجنين يصمد لداخل ديالو أو حتى إلى مكنتش طحتي كنتي أتنزفي شي نهار....كل كلمة كتخرج من فمو كضربني نيشان لقلب ادن جود هو لي قتل ولدي هو لمجرم لكبير كان عارف بلي أنا مريضة أو تكرفس علي بلا رحمة بلا شفقة....طلقات عيونا حسيت أول مرة بلكره ديال بصح ماشي هداك لي كنخرجو فوجهوا فوقت لغضب لا كره من نوع تاني كره حقيقي أو عميق بزااف....طبيب:سمعوني بجوج أنا كنضن بلي بجوجكوم غلطانين نتي حيت كدبتي أو سي جود حيت محترمش لمشكل لي عندك إلى ستمر لوضع هاكا نقد نقولك أمدام بلي من المحتمل تولي عاقر أو عمرك متولدي....أنا:(كنشوف فجود خرج عينيه أو ولا كيرعد)إلا كانت حياتي أتكتب مع هاد لوحش لمجرم أنا كنطلب منك دبا تحيد لي رحم فخطرة باش عمرو مايسمع كلمة بابا على الأقل من ولد مني إلى بغى شي بنت يمشي عند شي مرأة تانية حيت أنا مستحيل نعطيه هاد لفرصة سالينا ..........
قلبت وجهي عليهم بجوج أو تغطيت....جود وقف مرتابك من اهانتها أو من تجريحها لكرامتو...بصح الأب ديالو هو شخص لوحيد لي عدبو بزاف أو خاصةً نفسيا لكن بهاد لكلام حس بلي آدم مدارش حتى 1% من لي دارتو هي دبا....جود:(محطم)عبق إلى مبغتش تجيبي لي ولد مضنيش بلي غنمشي نقلب عليه بلاصة أخرى بغيتو منك نتي بوحدك فهمتي شنو هي بوحدك....شاف فطبيب بنضرة خطيرة أو خرج زادح لباب وراه....أنا:هئ هئ عطيني منوم بغيت نعس ولدي مات اعباد الله حياتي دمرت كيفاش كان عارف أو دار في هدشي بغيت نموت هئ هئ كلشي بسبتوو مريض لاخر...طبيب حرك راسو معرف مايعمل أو غمض عينيه بيأس...جبد منوم مفعولو خفيف أو خواه فسيروم....بقى معها حتى نعسات طفى عليها ضو أو خرج عيان....
جود خرج من لمشفى شاد فقلبوا أو كاتم صرخة قوية مكرهش يفجر بها نفسو أو يتهنى...رمش عدة مرات أو خدة نفس طويلة....هبط درجات أو جلس شاد شعرو كينتف فيه...كيتغدد بغى يدير شي مصيبة بش يبرد....جر تليفون من جيبو أو فكر فأحسن شخص ممكن يخوي عليه....جود:ألو ريم ممكن تجي بغيت نشوفك ضروري...(تنهد بقوة)كنموت أريم مالقيت علامن نشكي من غيرك...أنا فكلينك ديال باريس أتلقايني برا ...قطع لخط أو ربع يديه خشي وجهو وسط رجليه كيتنفس بصعوبة....جود:سمحي ليا بنتي حيت متي أنا سباب أناااا....بقى هكاك كيلوم راسو فغار كيسمع فيه غير ضحكات بيبي صغير طرشات ليه ودنيه...جود:لا لا سكت صافي سكت سككككت....تحطات يد صغيرة على كتفوا نتاشلاتو بسرعة من كابوس ليقضة...طلع وجهوا لقى ريم عاقدة حجبانها...ناض عنقها بقوة كيدوز على شعرها فحالي كيقولها عاونيني بلا كلام....ريم:مالك أجود علاش نتا فلمستشفى واش واقعة لك شي حاجة؟؟...جود:لا رد....غير ضامها أو كيشوف بعيد عينيه كيشعلو أو هو غادي أو كيفقد أحلامو واحد مور تاني....ريم:(كتحاول تبعد عليه)جوود مالك طلقني ياك غلتي بغيتي لمن تفرغ اشنو واقع؟؟....جود:(بصوت مجروح)خسرت بنتي أريم ماتت بسبابي....ريم مافهمت والو بقات كترمش أو كتحاول تستوعب شنو قال....ريم:كيفاش بنتك؟؟....جود دفعها برفق أو دوز صبعو على وجها بملامحها لمصدومة....جود:أجي جلسي....بركو على درجات ديال لمشفى أو ريم كتحرق بغات جواب لكن بعد ما أربكها بديك لجملة هاهو سكت مخنوق كأن لجو مشحون بريحة غير أكسجين طبيعي....ريم:جود مالك؟؟....جود:عرفتي أريم ديما كنت كنحلم بيني أو بين راسي كان عندي كلشي فلوس ديور بنات حتا أصدقاء مزيانين ولكن بش كنحط راسي على لوسادة فليل كنقول هدشي مكيحرك في والو...ريم:جود مالك علاش متشائم هاكدا؟؟....جود:(شاف فيها بيأس)كنت كنحلم نلقى حب نقي يعوضني أو نولد حتى أنا بنت نبغيها بزاف أو لحياة مبغاتش تنصفني حتى قلت وأخيراً أو فلخر مشى كلشي....ريم:جوود عصبتيني إلا بقيتي كدوي بلالغاز أنمشي....جود:عبق حملات ببنتي أو ماتت....ريم كتمات شهقة مجهدة أو خرجات عينها....ريم:مستحيل....جود:حتى نتي كترمي فوجهي هاد لكلمة....ريم تلاحت عنقاتو أو هو دور يد وحدة على ضهرها....ريم:سمحلي بزاف ماعرفت منقولك كيف بقات بيبو؟؟....جود:(بضحكة مفقوسة)ههه عبق ولات كتكرهني ههه لا أصلا عمرها بغاتني أريم أنا عييت...ريم:هئ هئ صافي أجود كلشي أيكون بخير كيفاش وصلتو لهدشي؟؟....جود:علاقتنا غادية أو كتكفس ولكن منقدرش نتخلى عليها أبداً أو فنفس لوقت كنحس بلي عبق كتئزم بسبابي شنو ندير؟؟....ريم:(بصوت جدي)خصك تردها أجود الأمور بناتكم طولات أو نتيجة موت ولدكم نخاف غير لا يموت شي حد إلا زدتي فعنادك....جود حيد راسو من شعرها أو ضيق عينيه....جود:شنو زعما ا بربي لا خليتها تبعد عليا هي باش كنتنفس كنبغيها كنحماق عليها أصلاً كنت مسالي أو كملات علي..(جبد كيكمي أو كيدوي بعصبية)نخليها لخوها باش يقتلها أو نقتل ديلموو أنا من بعد آ؟؟..ولا بغيتي نتخلى عليها ببساطة بعد ما عشت حياتي خاوية بلا أم بلا أب هي فيها كلشي....ريم:ولكن نتا أناني هاكا بغيها تبقى معك غير باش مترجعش لخوا ديالك ياك؟؟...جود:(بلغوات)لاااا أريم أنا كنبغيها واش كتفهمي شنو هو لحب لا ماشي لحب شي حاجة كتر معندهاش سمية ولا غير كتهدري؟؟...ريم؛(بألم)لا أجود كنفهم مزيان نسيتي بلي واحد لوقت كنت كنبغيك؟؟.......
قلب وجهوا عليها كيكمي أو مكمش جبهتو حيت جبدت ليه نفس موضوع عوتاني....ريم شدت ليه فدراعو لكبيرة بيدها بجوج كتغوت....ريم:لاش كتميك منين كنجبد قصتنا لقديمة؟؟....جود:(كيكمي بنهم)انا قصة؟؟هداك ماشي حب أريم عرفتي علاش؟؟كنتي بنت صغيرة أو دغيا تعلقتي بي حيتاش هتميت بيك(بصوت جدي)لحب هو تحس بأنك كتقطع بمجرد تفكر أن شخص لي كتبغي يقدر يبعد عليك نتي مكتبغنش حيت هاحنا دبا ولينا فحال خوت أو كتر هانتي تقبلتي هدشي أولا؟؟...ريم كانت كتستامع ليه بإقتناع...طول مدة اعترافهم معمر معطاها الجواب المقنع لسؤالها....سكتات أو حتى هو خرج أعصابو فلغارو....قرات تنهي هاد ركود أو هزات يديه فوق حجرها....ريم:جود كلشي أيكون بخير أنعاونك توصل لحل....جود:مكان حتى حل كلشي طرق فوجهي...ريم:لمهم أندخل نشوفها أو متحاولش تمنعني...نادت كتنقز درجات أو مدايهاش فغواتو مراها....شدها من دراعها كتلوا ليه يرخيها....ريم:طلقني أنشوفها غير من بعيد....جود:را غتعيق بيك....ريم:بركا من لكدوب هانتا كتكدب مرة أخرى كيفاش بغيتها تيق فيك؟؟...جود:لا رد...ريم:صافي طلقني عفاك بغيت نطل عليها را صحبتي عزيزة عليا.....شاف حتى عيا أو طلقها مقدم لجهة سانسور أو هي تابعاه متخوفة....خرجوا لكولوار نتاع طابق فاش ناعسة أو قبل مايقرب لبيت...وقفها أو كلاها مع الحيط مدرقها بعيدة على أعين لممرضات لمتفحصة....جود:عندك نضادر؟؟...ريم:اااه فساكي....جود:دريهم....متاتلات لأمر ديالو أو هو حيد لها فولار من عنقها دارو على شعرها....جود:أنحل لك لباب شوية أو سيري حتى نعيط لك من بعد....حركات راسها بالإيجاب أو سبقها....دخل لقى عبق ناعسة أو خرج أشر لها تجي....تمشات عندو بخطى مرتابكة أو دخلها أو سد لباب....ريم حيدت نضادر شمسية أو دارت يدها على فمها دموع نزلوا لها بلا مشاورة....ريم:عبق هئ هئ....حنات حداها أو باستها فحنكها أو راسها....ريم:شو كي ولات هئ هئ😭😭😭 شنو درتي لها شنو هاد لحالة هادي ماشي عبق لي كنعرف....جود تكا على لباب يديه فجيابو او هز كتافو بمعنى مخيب....ريم:عبق هئ هئ سمحي لي ختي سمحي لي حبيبتي مبغتش نشوفك هكا هئ هئ.😭😭..جود تحرك ناحيتها أو عنقها كتبكي على صدرو حتى تهدنات....جود:سيري دبا قبل متفيق إلى سولك شي حد على هويتك راك عارفة شنو ديري....مجوباتش أو ولات باست يدها أو وجها أو خرجات بجرة دموعها نفاجرو....جود جلس فطرف سرير كيدكر كلامها ديال قبيلة....جود:وصلت بيك تحرميني من الأبوة أعبق من بنت منك؟؟....(كيدوز على شعرها)أنا مبغيت حتى ولد إلا منك حيت كنبغيك أو كنعشقك....(باس يدها)نتي كلشي بنسبة لي ولكن ماوصلنا لحتى طريق كتفرح...واش نتخلى عليك أو نفك سبيلك فخطرة ديك ساع أترتاحي من سمية جود لوكاس أو تكملي بوحدك....أو أنا غنفقد جوهرة جميلة وسختها بحماقي...شنو ندير؟؟....
فليل دخل طبيب لقى جود جالس على كنابي كيحك عينيه أو فيدو كاس لقهوة كيفيق راسو بها...طبيب:سي جود سلام كي بقات؟؟....جود:(قاد لجلسة)والو غير ناعسة محلاتش عينها واش هدشي طبيعي؟؟...طبيب:اااه هاهي أتفيق ناخدو لك شومبر ترتاح هادي يومين منعستي....جود:مشكيتش عليك مبغتش نعس حتى نتأكد أن مرتي بخير....طبيب:سمح لي على ود صباح كان علي نصدمها بكلشي باش تحسن حالتها....جود:صافي قلب علي راني مقود فدماغي....طبيب:وخا غدا فصباح يمكن لها تخرج ترتاح فدار حسن غنوصف لها شي دواء أو مراهم لإلتهابات أو ممنوع تقرب منها حتى تشفى...جود:فوقاش غتشفى نهائياً؟؟...طبيب:معرفتش هدشي كيعتامد على نفسية ديالها إلا بقات شادة فهاد دكرى أليمة غتزيد تعصب حاول تخلق لها جو لطيف أو تنسيها فكلشي أو كون معها فمراحل لعلاج حيت شخص لي كيئدي كيكون عندو سحر كبير على لمريض إلا هو بنفسو شفاه.....جود:انشالله....خرج طبيب أو جود ولا جالس بهمجية رجليه مفارقهم أو يديه مور راسو كيراقبها بحيرة أو حب....
في صباح:
جود عيط لرجالو يجيبوا لها ما تلبس أو فعلاً وصلوه لحوايج بسرعة لبرق....دخل عندها لقاها فاقت بعينين كحلين أو وجه صفر....عطا لممرضات لباس أو خرج كيتسنها....شوية خرجت ممرضة عطات ليه وصفة دواء أو خلات لباب مفتوح....طل عليها كانت معكسة لممرضة مبغاتش تلبس لها سبرديلة....جود:(دخل مبتسم)أنا غنتكلف عطي هادي لراجل لي برا يجيب دواء....خدات منو لممرضة لورقة أو خرجت...جود:نزل على ركابه يلبسها سبرديلة أو جمعت رجليها عندها....جود:عبق خصنا نمشيو بلاما تعكسي....أنا:لا رد...مبغتوش يقيسني بيدين قتلوا لي ولدي....جود:عبق أري رجلك....أنا:بعد مني مجرم....شاف فيها بزربة أو نزل عينيه خطف رجل بقوة أو خشى لها سبرديلة...داز لرجل تانية أو ناض خدا بوني لبسوا لها...جود:هاد صباح بارد شوية خفت لا يضربك لبر....(قطع كلامو منين بدات كضحك)....أنا:هههه مكتحشمش خايف علي من لبرد مسكين أو مخفتيش علي باش فرعتيني يا لمجرم أو معطاكش قلبك حتى تجيبني لطبيب أو كنتي عارف....جود:أنا؟؟....أنا:(سرفقتو بقوة)سكت تفو عليك مكنحملكش ....رمش بعينه متغاضي على صقلة أو هز جاكيت سخونة لبسها لي....أنا:وا مكنحملكش معندكش كرامة بسع مني بغيتي تقتلني عاد ترتاح....مجوبنش بقى كيخشي لي يدي أو وجهو ميت من أي تعبير....أنا:(بلغوات)كنكرهك أجود سمعتي وخا تربطني أنبقى كنكرهك كل دقيقة القتال....جود:يلا نمشيو ساليت....نودني بشوية او توجعت من تحتي...أنا:أحح أيييي طلقني نمشي راسي....جود:بلاتي....دار ساك وسط عنقوو من لور أو بغى يهزني....أنا:(بلغوات)متقسنش....جود تعصب مبغاش يعنفها شد لها يد أو باسها بقوة....جود:عبق مبغتش نأدك الله يخليك خلينا نمشيو من هنا بزربة....أنا:بعد مني أبنادم تفوووووو....غفلها أو هزها كتفركل أو ضرب صدرو أو تغوت أو تعض شنايفها....خرج لسنسور منوضة روينة بصراخها أو نزلوا هكاك حتى لتحت فرجة المارة....لقى طنبل بشفور حدا لكلنيك أو حل ليه لباب...حطها لور أو ركب لها صمطة أو هي مازال كتغوت أو ضرب فيه....أنا:(كنهج)حمار نفضل نزحف أو متمسش لحمي تفووو عليك....جود حتى هو سgع كتر منها...حكم راسها أو باسها فمها بقوة حنينة....سد طنبل مخليها مصدومة أو ركب حداها آمر سائق يتحرك....أنا:(بلغوات)حماااار كلب دحش أععع...(ضربات لكتفو أو هي تشد يدها كتغوت حيت تقسحات)....أنا:أييييي يدي أععع تفو تفووووو متوحش يخخخخ.....
بقيت كنغوت أو شفت غير كنمرض راسي هو قالب وجهوا لزاج أو ممعبرنش....سكت كنلهت أو قلبت كمارتي حتى أنا كنقيس فكرشي...كنت حاملة هازة طرف منو فكرشي....عييت منفك هاد معادلة انني نحمل من راجل بعيدة على عائلتي...انني مشيت من دارنا بنت نقية أنولي لهم شي نهار لتفكيت منو إمرأة فايتة هزات فكرشها جنين أو مات لها...خويا ماما سمعة ديالي زواج تحت ضغط قرايتي لعيش مع راجل وخا كتب علي أو عطاني كنيتو أيبقى فنضر ميمتي أو داك المتوحش ديال حكيم حتى هو راجل غريب....أنا:(بلغوات)أووووف راسي غنحماق أووووف زبل خرا....جود دار كيتفرج فيها كتخبط فلكسان قدامها أو كتحيد لبوني أو تغزو بسنانها أو تضرب أرض سيارة برجليها....بقات هاكك كتدوي أو تسوط غير بحدها....قلب وجهو مبغاش يشوفها هكاك متصارعة مع افكارها....
وصلوا لفيلا أو جود نزل يعاونها....جود:نزلي....أنا:ولله أو تقسني حتى نضربها لك بطرشة عالمية قدامهم....جود:تجرئي ديرها لمضربتش لمك بوسة عالمية ماشي قدامهم مي بوحدنا....جرها برفق أو هزها عوتاني...حلو ليه لباب أو عبق خشات وجها فكتفو منين شافت لبلاصة منين تكربعات....جود:شششش نساي أحياتي...طلعها لبيتهم أو نزلها ببطء شديد كيعاملها كيف لبيبي...جود: هاحنا وصلنا....هبط حيد لها سبرديلة أو لبوني أو جاكتة....جود:(حنا حداها)شنو مشهية تاكلي؟؟....أنا:هههه بعدما قتلتي ولدي مابقيت مشهية والو....جود:(تقرص)احم أنجيب لك ما تاكلي تكاي ....عاونها حتى إستلقات أو دار لها وسادة أو غطاها مزيان....جود:رتاحي أنا جاي....خرج كيشوف في حسيت بها شفقة....أنا:تفووو لمعيشة لعوجة....قست كرشي جاتني البكية لكن صافي ولدي مات مكينش لاش نبكي...كفاش مشكيتش بلي نقد نحمل....بطبيعة الحال عايشة وسط جوج رجال بابا أو خويا كنت كنمشي ديما لمعسكر أو حتى هادوك لجلسات مابين الأم أو بنتها عمرهم توفرو لي...معنديش ختي لي تورني أو نتناقش أنا أو ياها فأمور نسوية....أو باش كملتها جيت هنا أو وليت دري قدام ناس....مضنتش أن بهاد سرعة أنحمل....شديت فراسي حتى سمعت تحنحنتو...قرب مني أو ريحة لأكل قلبتني....جود؛عبق كلي مزيان باش تبراي شوية يجيبو لك دواء....أنا:خرج عليا ناكل فيه سم انشالله أو نتهنى منك....جود حط صينية فوق لفراش أو جلس باغي يوكلها زعما...جود:حلي فمك....أنا:(دفعتو ليديه أو طاح فلأرض)لا مبغتش....جود:(خدة دغمة جديدة)كولي باش تشربي دوا....أنا:(دفعتها من جديد)مبغتش خرج بسع مني....جود بدا كيتعصب لكن استحمل أو جرب مرات عديدة مصير دكشي لي كيهز كيتلاح لتحت....جود:مبغتش تاكلي؟؟....أنا:لا أو خاصةً منك....جمع لوقفة أو هز روينة مبرد....جود: على خاطرك....خرج فحالوا أو نضت كنتعوج....يلا أندخل لحمام قلت مع راسي نطل على لبالكون حلفت ما ندخل ليه ولكن شي قوة جراتني ليه....حليتو أو خرجت جات عيني فلبسين الغارقة....شديت فقلبي كتجيب لي دوخة أو إنعكاس راسي كيبان غير نقيطة بعيدة فلما....بديت كنرجف أو مفيقني غير لمسة ديالو على كتفي....جود:دخلي لبرد عليك....جرني من يدي أو داني لسرير....جود:عبق إلا خصك شي حاجة نجيبها لك....أنا:جيب لي ولدي لي مات....جود:احم خصني ندوش....دخل لحمام خلاني كنضرب ففخادي بلفقسة....أنا:هرب نتا لي جات معاك....طلق شرشارة بلعاني أو جلس على رخام أرضية لحمام كيتنفس بصعوبة أو حمل تقيل على كتافو...هادي تاني مرة كتحشي ليه لمعاني على ولدو....جود:واش كاين شي أب كيقتل طرف منو أعبق؟؟.....ناض بصعوبة خشى راسو وسط ما بارد أو غسل تعب ليلات لي فاتو...لوى عليه فوطة أو خرج لقاها متكية أو عاطياه بدهر....لبس بكسور أو شورت أو قرب منها بلا حس.....جود:عبق نعستي؟؟....أنا:(بلغوات)بعد مني....خلعاتو معرف باش تبلى أو ناض كيمسح شعرو...لبس تريكو خفيف أو جلس على كانبي سوداء يغمض عينيه شوية نعاس قضى عليه....سمعت صقيل فالبيت تقلبت لقيتو نعس...حيدت لكوفر أو نضت على صباع رجلي....خديت تليفون نساه فوق لكوافوز أو خرجت لبرا....بغيت نعيط لوليد نقوله كلشي....درت كلمة سر بسهولة "عبق".....أو دخلت ربيرتوار....بركت على نمرة وليد أو تسنيت رد....بقى كيسوني يسوني يسوني أو مجاوبنش....طفيت أو عاودت تاصلت بزاف مرات والو.....أنا:خرا زهري لعوج تفووو....بقيت كنبقشش فيه على الله نلقى شي حاجة أو والو...دخلت لستديو صور أو بتسمت رغم مني منين شفت بزاف تصور ديال جود أو وليد ونعم صداقة فحالي أنا أو ريم....بقيت كندوز بصبعي أو ضحكة واقفة بزز على شفايفي منين وصلت لصور لي خدينا حدا برج ايفيل بش ضرباتني تيفاني أو خرجت من مشفى....كانوا أيام زوينة مع جود لكن دبا ولا لعداب مكتوب فجبينا بجوج....مررت صور كتيرة أو دخلت لفديوات فتحت واحد بواحد كانوا غير ديال شغل عبارة على أراضي واسعة أو صوت راجل كيشرح لمساحات أو نوع لأرض أو فين جات أو معلومات أخرى فلفرنسية....واحد لحضة بان لي وجه رضا كيضحك فواحد لفيدو...قلبي خرج حتى لفمي أو عاود رجع...حلقي نشف أو سناني بداو كيشطحو بلخلعة....أنا:شنو هدشي؟؟....
بركت عليه خايفة لنشوف شي كارتة أو فعلاً غير تحققت من وجهي ناعسة حداه أو هو عريان كيضحك أو كيبوس في نزلوا لي دموع أو ألم قوي فصدري بدا كيكبر مع كل تانية كدوز من لفيدو قدامي أو أنا مغيبة أو صوت ضحكتو كتقتلني..أنا:(كنبكي)هئ هئ هئ😭😭😭 ميمكنش جود شاف هدشي ميمكنشششش.....
بكيت حتى شحفت بكيت على حياتي لي مشات بكيت على نهار لي حطيت رجلي فهد لبلاد....مسحت دموعي أو هدأت راسي بلكشايف...خرجت بروح غادية أو كتموت شوية بشوية معرفتش فوقاش أنرتاح إلى بقيت على هاد الحال مستحيل نصمد...رجعت تليفون بلاصتو أو تكمشت أو صورة رضا كتنخر لي فلعقل فحال الكونصير....ادن جود كانت ردت لفعل ديالو بديك لقوة حتاش شاف هاد لزبل لي سيفط ليه رضا....دكشي علاش تعدى علي أو ضربني أو تصرف بداك سوء.....أنا:هئ هئ مدرت والو كنت مغيبة الله ياخد فيك ألحق أرضا.......
فليل جود فاق مدهشر داوه عينيه محسش بنوم لي غلب عليه....جود:(مقلوب)بشحال نعست؟؟....ناض غسل وجهو أو برد عنقوو بلماء...أو خرج عندها مكورة فلفراش....جود:(كيحركها بلطف)عبق مازال ناعسة؟؟....مجوباتوش أو حيد لغطا عليها قاس جبهتها لقاها سخونة....جود:عبق فيك سخانة....جلس حداها أو جرها لصدرو....جود:عبق زين ديالي خصك دواء باش تصحي صافي نساي لي فات أنا مبغيت والو لا بنت لا ولد يكفي غير نشم ريحة شعرك أو تبقاي حدايا وي كنت غالط نتي مازال صغيرة يلا عندك 21 عام حتى تبغي على خاطرك صافي؟؟....أنا:لا رد...جود:(باسها فراسها)عبق أنزلك تاكلي أو نخرجك لبرا دوري فجردة ....أنا:في جوع....جود:ههه وخا نجيب لحياتي لي بغات....هزني حتى لتحت أو جمع لي شعري سفنجة....جلست كنتسنى فيه كيطيب أو يدور يتبسم ليا...بقات في ديك لحضة منين كان وصلوا هاد فيديو لي شفت ولكن لي مبغاش يتفهم لي علاش موراهش لي؟؟؟....جود:عقلتي أعبق على ليخت باش مشينا لدبي كنفكر صراحة نديرو شي خريجة عوتاني بما أن صيف دخل أو نجلسو شي يومين فلبحر اش بان لك؟؟....منين ماوصلو حتى رد دار عندها لقاها ساهية أو كتخمم بعينين مقتولين....جود:(قرب منها)عبق حياتي مالك؟؟....أنا:إلى مت شنو غدير أجود؟؟....جود قلبو تقبط عليه أو مشعرش براسو حتى عنقها بجهد لدرجة شك أنه سمع تقرقيب عضامها.....جود:(بخوف)اشنو كتقولي أعبق لش دكرتي لموت وش بغيتيني نحماق (كيتنفس بصعوبة)نتي هي حياتي إلى متي نتي يعني نقطة نهاية حتى لي أنا....أنا:لكن ولدنا ضاع بسببي....جود:(شد يدها أو كيبوس جبهتها)نتي ماليك والو أنا لمدنب لول أو لخر أنا أعبق نتي بريئة من كلشي صافي أحياتي (رجع عنقها أو صدرو غير مكيزد يتقطع)....أنا:لعشا كيتحرق.....خلاها كيقفقف أو طفا على لبوطة وجهو مفارقش ملامحها العيانة....حط لعشا فطباسل أو وجد الكيسان لما أو لعصير أو حتى بعد لفواكه لمقطعة....جود:كولي بصحة....خديت لفرشيطة أو بديت كنحس به كيدوز لي بحال سم مي صبرت راسي بزز....جود:(فنفسوا)الله يخليك لي حياتي كنواعدك أيامنا جاية أتكون سعيدة بزاف....
منين سلاو لعشا جود طلع جاب لها كاب سخون....هبط دوروا لها على ضهرها أو بغى يهزها لكن منعاتوو...أنا:أنتمش راسي بغيت نسرح رجلي....جود:اوكي لي بغيتي بلاتي نجيب لك دواء....حل لمجر جبد ميكا دوا كبيرة أو بقى كيقلب فلوصفة يشوف إنا وحدة خصها تاخد....جود:خصك كينا ديال لحريق أو قبل متنعسي نعطيك وحدة ديال ألم الإجهاض احم هاكي....مدها لها أو شربها....جود:يلا زين ديالي بشوية عليك...شدني مور ضهري أو بقى كيتمشى بشوية على حساب خطواتي حتى خرجنا....شميت هوى ليل أو أضواء خافتة على رصيف لحديقة مع ريحة أزهار أو نسيم نقي كيدوز على بشرة وجهي بلطف....جود:عييتي؟؟...أنا:لا ماعييتش....جود:هههه مزيان بشوية عليك نزلي درجة بدرجة أنا مسالي ليوم نمشك فحال إسكارgو(حلزون) ههههه....داني لجهة لورد أو بقيت كنشم وحدة بوحدة...أنا:زوين هاد الورد أجود فين هو ألفريد علاش مبقاش كيجي يهتم بهم؟؟....جود:متفكري فوالو دبا أجي...شديت فيديه أو تمشينا لجهة تانية لي فيها لبيسين أول مرة نقرب لها....وقفت حداه كاتبان صورة جسمي على إنعكاس لما واضحة خير من هاديك لي لفوق....طلعت وجهي لبالكون أو نزلتو نشوف لمسافة....أنا:جود دبا إلى تلاحيت أنا من البلكون لهنا (شيرت لمسبح)مايوقع لي والو؟؟..
خرج عينيه أو جرني من دراعي مطلع دقن ديالي بصبعو.....جود:واش حماقتي؟؟....أنا:لا غير سولت أجي نتمشاو.....شديت فدراعو حتى بعدنا أو دورت وجهي لبالكون أو لمسبح....زدنا شي دقايق أو عييت.....أنا:جود بغيت ندخل عفاك....جود:(بلهفة)وخا حياتي....ردني مهزوزة حتى لبيت....جود:عبق مفياش نعاس أنزل لتحت نخدم نتي رتاحي أحياتي مبغتش نصدعك....(باس لها راسها أو بغى يمشي لكن شداتو)....أنا:جود خليك حدايا كنحس بلخوف بقى معايا.....جود:(حن فيها)وخا زين ديالي بعدي شوية ندخل....وسعت ليه أو تخشى حديا....حطيت راسي على صدرو أو زيرت عليه مزيان....جود:هانا حداك معندكش مناش تخافي(كيبوس جبينها).....بقى معنقها كيشعر بإرتجفات فسائر جسمها....جود:فيك لبرد؟؟...أنا:لا خليك معنقني....غمضت عيني لفكرة لي فبالي كتزيد تركز أو يمكن هي لي أترحيني من دنب ديال موت ولدي......
في صباح:
شرقت شمس ضاربات وأخيراً بعد مدة طويلة من إنتضار....جود نعس قبلي بشوية...بستو فحنكو أو نضت ندوش....خديت دوش بماء باردة كنبكي حيت صافي قررت أو مكينش رجوع.....خرجت لبست من لحوايج لي جابهم جود فالمستشفى كانوا طوال بزاف....زدت عليهم مونطو أو شال غطيت به شعري....مشيت لبيت تانية معرفتش لقبلة فين جات وليني بغيت نصلي بزااف أو ندعي الله يغفر لي...سرحت فولار أو بديت صلاة توحشت نهبط جبهتي لأرض أو ندعي الله فصعاب لي كتواجهني....ولكن دبا بغيت ندعيه يسامحني....أنا:(ساجدة)هئ هئ ياربي مقدرتش نتحمل هاد دنب غير هاد نهار كيفاش غنهزو على كتفي حياتي جاية هئ هئ ولدي مات بسبابي أنا لي كدبت عليه هئ هئ يا ربي تسمح لي....مشعرتش براسي غير انني صليت بزاااف....نعست فوق لأرض حناكي غارقين بدموع....أنا:سمحي لي ماما سمح لي خويا سمح لي جود سمحوا لي كاملين لكن صافي وصلت لنقطة عندها باب وحدة هي لموت ديك ساع أنرتاح أو نمشي عند بابا أو ولدي اااه كلشي سلا.....
خرجت نطيب لفطور أو قبل مندخل لكزينة سمعت جود كيدوي فتلفون....طلقت ودني حتى كنتصعق عوتني بصدمة جديدة....جود:لارا شوفي أنعطك دوي مع مراتي لكن وياك تقول لها بلي قتلت ألكساندرا نفسيتها صعيبة إلا عرفات أتمشي فيها وخا؟؟....تم خارج أو لقاني لون وجهوا تخطف....جود:(كيبلع رقو)عبق فوقاش جيتي؟؟....تمالكت راسي بزز أو ضحكت ليه....أنا:والو غير دبا شنو تادير؟؟.....جود:(براحة)والو هاكي لارا بغات تدوي معاك....أنا:(بعد تليفون)لا مبغيت ندوي مع حد....جود:لكن؟؟....أنا:صافي مبغيت ندوي مع حد قولها تسمح لي بزاف أو كنبغيها هي أو بيتر فحال خوتي....جود مفهم والو أو دار تيلي فودنو خارج لبرا....شديت فلبطاجي نفسي كتقطع كل شوية كنتأكد بلي صافي أي حاجة بغيتها كتختفي.....أنا:تهدني أعبق متبكيش....خديت كاسرونة خويت فيها لحليب أو درتو يسخن....بقيت كنشوف فلبيوضة ديالو كانت روحي نقية أو صافية كيفو لكن توسخت أو هاد لعفن لي وسخني به رضا زيد عليها لحب ديالي لجود لي موصلش لفرحة زوينة موت ولدي كلشي دمرني لأشلاء عمرها تجمع ....جود دخل حتى فاجأها بعناق من لور....جود:نمشيو لشي بلاص ليوم؟؟....أنا:لا مبغتش بغيت نبقى بوحدي ليوم أجود إلى سمحتي نفطر أو نطلع بوحدي....جود:اوكي اندير لي بغيتي أنبقى لتحت حتى تعيطي لي بخاطرك....أنا:أمم مزيان أجي نكملو...باسني فحنكي أو غمضت عيني مستقبلاها بحب كبير....جود:نعطيك دوي مع مك؟؟....أنا:لا مبغتش إلى سمعت صوت شي حد عزيز غنتئلم كتر....جود:اش كتقسدي؟؟....أنا:هههه لا والو هاهو لحليب سخن....حطينا لفطور أو كليت مزيان....جود:شهيتك تفتحت مزيان أحياتي....أنا:(فنفسي)حيت هادي أخر مرة أناكل فيها....كملنا فصمت أو نضت....أنا:جود شبعت أنطلع بلاما تدخل علي بغيت نبقى بوحدي....جود:اوكي رتاحي مزيان....(باس يدها أو بتسم لها)....أنا:جود ممكن نعنقك؟؟.....جود:أجي عندي....دورت يدي على عنقوو أو خشيت راسي فكتفوو....جود:مالكي؟؟....أنا:والو غير توحشتك....جود:(مزير عليها)أحح حتى أنا....بعدت شوية أو بستو فمو بوسة خفيفة...أنا:أنطلع نعس....
طلعت بخطى مدمرة...لقيت نضرة أخيرة على لفيلا...تنهدت أو سديت لباب ورايا....مشيت نيشان لمكان لي مخبية فيه دفتر لي كنكتب فيه...وسعت بلاص فوق لكوافز أو بديت كنكتب....كتبت بلفرنسية باش يفهمني بما أنه مكيعرفش العربية....كل كلمة كنزيدها كنبكي معها....كنشهق😭😭😭 حيت صعيب لواحد يقرر ينهي حياتو بيدو....كل تانية زوينة ولا خايبة دكرتها مبغيت نسا والو....ستمرت وقت طويل كنخطط بحروف كنتنزف دم أو كلشي خارج من قلبي من أعماق عمرني تخيلت انوصل لها بشدة شي نهار...سديتو أو خليتو تماك...جمعت لوقفة أو حليت لبلاكر خديت تركوه أو شميت بريحتو رجولية....أنا:بشحال أنتوحشك أجود همم ريحتك أو لمساتك لكن منصفتنش خلتيني كنوحل حتى قتلت جزء مني أو قتلتك حتى نتا قبل من ولدي....عنقتو بقوة أو رديتو بلاصتو....تنفست حتى عمر صدري أو طلقتو كامل....حليت لبالكون على جوج جهات أو تعلق نضري بسما....أنا:سمح لي ربي اندير هدشي حيت نتا أكتر واحد عالم بحالتي سمح ليا بزااف....شديت فالحديدة أو طليت بشجاعة هاد لمرة....حيدت يدي أو دخلت نعس حتى ليل عاد نفجر القنبلة الموقوتة لي فلداخل ديالي...تخشيت فلفراش أو جاني نعاس زوين داني فلمحة عين....
حل ليل بنجومو ساطعة أو لباسو الأسود....جود سد باب لمكتب أو خرج عيان كيتفوه....داز لكزينة شرب قهوة محضرة أو طلع عندها....فتح لباب كانت عاطية بضهر من لبالكون مدورة عليها شال خفيف....جود:عبق؟؟....أنا:(درت مبتاسمة)جود جيتي؟؟....بغى يقرب لكن وقفتو بحركة من يدي....أنا؛بقى تماك عفاك بغيت ندوي....جود:دخلي بعدا صوتك معجبنيش....أنا:هههه لا خليني هنا اشنو حسن من انني نفرغ فهاد ليلة زوينة.....جود:(مخلوع)عبق مالكي كدخلي أو تخرجي فلهدرة دخلي من تماك ياك كتخافي من ديك لبلاصة؟؟.....أنا:لا مابقيت كنخاف من والو ههههه عرفتي شنو كنحس بلحرية ههههه ...جود حس بلي كتمهد لشي مصيبة كبيرة أو بغى يزيد لكن وقفاتو بلغوات هاد لمرة....جبدات من مور ضهرها شفرة حلاقة حادة أو حطتها فوق شرايين يدها....أنا:(بلغوات)قلت لك متقربش بقى تماك ولا نقطع يدي....جود رجع جوج خطوات بلور كيحرك راسو بنفي....جود:(بصراخ حاد)عبق شنو كادري حطي دكشي من يدك...أنا:إلى قربتي خطوة وحدة أنخشيه فعنقي....جود:(وجهو صفار أو قلبو سكت بلخلعة)صافي هاني أحياتي هاني مغنقربش دوي لي بغيتي سبيني عايرني ديري لي بغتي غير حيدي من تماك...أنا:هههه طلبتك بزااف مي صافي أجود سآااافي نتا كنتي كتسرفقني ديما برفض لقاطع أو بغيتي تبني سعادتك على تعاستي أنا برافوووو هانتا وصلتي لخط نهاية كنهنإك نتا لي فزتي أو أنا لي خسرت....جود:عبق لا أحياتي متخلعنش بيك....أنا:هههههها ضحكتيني لا أجود أنا مكنخلعكش بغيتك تسمع شنو كيدرني هنا(شديت فقلبي)....مسحت دموعي أو بقيت حاطة لموس فوق معصم يدي....جود شوية يخواو عليه رجليه خاصةً أنه كيشوف فتعبير على وجها تصميم على شي كارتة....أنا:مزيان دبا سكت غير مرة باش أنا لي نهدر أو نتكلم أو ندوي أو نفرغ أو نخرج أو نخوي عليك....جود:لا رد...ساكت مدهشر أو كيفكر فشي طريقة يفصل لمسافة لي بنتاهم...أنا:سمعني دبا سمعني مزيان أو وياك تقرب خطوة وحدة نخشيه فعنقي بلا تفكير عرفتي علاش حيت مليت أو مابقيت كنخاف من وآلو....
أنا:ههههه شفتي كيفاش كتكون زوين أو نتا ساكت...أول حاجة بعدا قبل منبدا بغيتك تعرف بلي عبق لي خطفتها ماتت لحضة مات ولدها....هههه أنا دبا وحدة جديدة مغيكونش عندها عمر طويل غير لحضات قليلة تعطيك لمحة بسيطة على لجبل من ألم لي كبر فقلبي....جود:(عينيه تغشاو بدموع)شنو كتقولي؟؟....بغى يزيد مي وقفتو أو جرحت شوية من يدي....جود:لا صافي هاني واقف....أنا:من لحضة جيت عندك صبرت على دل ليامات لولين قلت مع راسي يمكن أتمل أو تخليني نمشي ههههه ولكن كنت غالطة ياك كلامي صحيح؟؟....جود حرك راسو بالإيجاب كيراقب لموس أو وجها المخطوف....أنا:إياه دبا عد كتسايرني فكلامي؟؟علاش منين طلبتك حتى شحفت مرديتش علي هاكا؟؟....جود:عبق الله يهديك مديريش في هاكا....أنا:ههههههههه على نتا لي درتيه في قليل بلاتي نفكرك أول غلطة جيت واحد نهار عند جداتك ماريا نسيتها هههه ولا كان يحساب لك مكنتش عارفة.....جود مدار حتى ردت فعل كل همو ينقدها.....أنا:ستغليتي جداتك باش توصل لي هههه تفكيرك زوين بشحال أنا حمارة تقت فيها أو حاسبت راسي سحابلي تأدات بسبابي...لا أو محبستش هنا كملتي على لكدبة أو تزوجتي بي تحت ضغط أو هددتني بخويا هههه....جود:عبق؟؟....أنا:(بلغوات)قلت لك سكت أنا لي غندوي سد فمك تحكمت في بزاف مغنسمحش لك مازال ياكما يسحاب لك أنا هدشي باغياه لا أجود ولكن جربت جميع لوسائل معاك هربت أو شديتني حاولت أو منعتني....جود:عبق أنخليك تمشي فينما بغيتي غير حيدي من تماك را قلبي أيسكت.....أنا:ههههه فات لفوت أجود وليت فحال المعادلة لي مبقاش عندها حل للأسف....اااه بلاتي هادي زوينة مشيت معك حتى لدبي الله الله أو قلت معلش أعبق عشت يمات زوينة فحالي فحال لخلق أو بديت كنتقبل لفكرة أو وليتي إنسان لأول فحياتي أو بقيت معاك فلمزرعة درت فراسي مهمة انني نواجه لعالم على قبلك طلبتك أو وعدتيني متقربش مني على الأقل حتى يعرف كلشي أو من تماك بديتي كتنقض لوعد أو حاولتي تاخد مني دكشي لي بغيتي...حتى هادي فوتها أو جاء رضا كيهددني أو أنا غير بنت بسيطة مكنعرف والو من مؤامرات أو لخطط مشى فبالي ديركت أنك أتبقى فلحبس بسبابي ضحيت براسي أو مشيت معاه أو لحضة باش خرجتي من سجن حضرت لها أجود أو بكيت بغيت نجي نعنقك مي شنو غيدر لميت قدام غسالو؟؟....جد:(بصراخ مدوي)عبق بركا من لحماق عفااااك أحياتي كنتعدب من هاد لهدرة....أنا:(بلغوات)إلا كنت نتا كتعدب أنا را مت أو هي مزيرة على قلبي مت أجوود داخليا علاش أنبقى عايشة بجسد خاوي؟؟....(بغى يزيد أو جرحت يدها حتى خرج دم).....أنا:متقربش خليني نكمل شنو دار لي رضا باش على لقليلة نوضح لك قبل منموت هئ هئ هئ....جود خشى صباعو غرزهم فشعرو أو دار مخرج عينيه كيتنفس بصعوبة أو خنقة.....جود:شنو كاديري؟؟عبق لا حياتي راك حياتي إلى تأديتي غنتبعك.....أنا:هههه مغتقدرش أجود حيت أنا قوية عليك....جود:(بلغوات)نتي أكبر فاشلة بغيتي تهناي مني بهاد طريقة؟؟.....أنا:حسن من والوو كلشي تسد أو شخص كان غايكون ولدنا مات بسبابي....جود:مشي بسبابك كان مكتاب عليه يموت أعبق....أنا:لا لا هههه أنا لي كدبت ياك....جود حس بها فحالي حماقت أو زاد تقدم 3 خطوات قبل متفق أو تغرز مازال لموس فشريانها....أنا:وقففف رضا ستغلني بيك قال لبا أتبقى 20 عام فلحبس أو داني لكن كنحلف لك مكان بناتنا والو أو هداك لفيديو هئ هئ سرفقني أو غبيت باش سافطو لك أو كدب علي من بعد سمحلي أجود هئ هئ....جود:(بصدمة)انا فيديو؟؟....أنا:شفت كلشي هئ هئ علاش مورتهش لي؟؟.....جود:(كيبكي غير بدموع)مقدرتش معطاتنش خاطري دخلي أعبق نتفاهمو....أنا:يخخ بشحال حسيت راسي مسخة ...أما باش صورني كنشطح معاه هههه هادي غتعجبك أنا مأكدة عرفتي شنو قال؟؟....قليا كلشي بقيت معاك 5 شهور أو والو ممعري عرفت لاش درتي في هاكا جاء هو فيومين أو بوووم فجر رمانة صراحة هدا هو لخير الوحيد لي دار فيا....جود نزل على ركابه دموع نازلين حتى لعنقو....جود:عبق را كدب عليك....أنا:هههه لا قال صراحة ماقلت لك والو أو مبغتش ندافع على راسي لحضة غتصبتني حيت مبغيت نسمع منك حتى مبرر مقنع لي يخليني نسمح لك....لعبتيها مزيان برافو عليك...أو باش كملتها عدبتني أجود هاديك ليلة كلشي تضرب مع الحيط أو موقفتش عودتيها مرة خرا أو متهنيتي حتى حملتيني بل"بنت" لي ديما كنت باغيها أو ماتت....جود زير على راسو معرف ما يدير أو هي كتقلب عليه لمواجع أو طعنو طعنة مور ختها....أنا:صبرت حتى عييت لكن مقدرتش على كبدتي أنبقى نلوم راسي إلا بقيت حية....جود:لا عفاك أعبق ما تعاقبنش هكا كنوعدك أنردك لداركم أو معمرك تشوفي وجهي...أنا:فات لفوت نهايتي قربات....رجعت بلور كنطق شهادة فنفسي أو دموع غلبوني شوشو رؤية ديالي قلبي كيشطح بلخلعة....جود:(بلغوات)عبق لا لاااا....بلعت ريقي كنحفر ملامحو فداكرتي....أنا:جود سمحليا قبل بغيت نعتارف لك بكلمة كنبغيك أجود........
كنعشقك من لحضة لحتيني فلما فدبي عرفت بلي نتا هو حبيبي الوحيد....جود حل فمو أو دموع خدامين فحال شلال...لحت لموس أو طلعت كنقفقف على لحديدات ديال لبالكون.....جود لصقات ليه كلمة "كنبغيك" فحال مفعول سحر غيباتو نهائياً لدرجة نزل راسو دموع كيسيلو حتى لدقن ديالو أو يتعلقو فلحية تواني معدودة أو يطيحوا مدمرين...شفايفو نشفو أو راسو موقفش من حركات نفي أو لميلان يمين أو يسار....أنا:هااعهائ جود هئ هئ هعع😭😭😭😭😭 سمح ليا حياتي ولله حتى كنبغيك رغم لعداب لي دزنا منو بجوج سمح ليا....جلست على لحافة دكشي تحتي كيخلع غمضت عيني شفت فسما أو قبل منطلق بستو بقبلة طائرة مع إبتسامة كبيرة....أنا:الوداع جوجو ديالي هههه.......حليت سباعي أو فجأة فلت أو ضهري بسرعة لبرق تقلب على الحديدة أو تكورت طايحة ناحية لما....غمضت عيني كنبكي أو أخر كلمة خرجت مني هي سميتو....محستش بلمسافة حتى لقيت راسي مخشية فلما أو بقوة هائلة ....تقطع لي تنفس أو أخر حاجة شعرت بها هي ضربة مجهدة نيشان لراسي مع سطح لمسبح أو فقدت لوعي للأبد.......جود جرا الحديدة كيموت طالق صرخة مدوية بسميتها....جود:عباااااااااااااق....حل فمو :o أو هو كيشوف دم كيتخلط مع لما مكون بقعة ضخمة أو غادي أو كيوساع....جود:(بصوت معكل)ع.....با....ق...عبااااق لا مو....ست...تحل.....رمش عدة مرات مدهول أو يلا بغى يتلاح مراها تراجع ناحية لباب بركض كيغوت بسميتها....جود:عبااااق....خرج كيحيد تركوه أو تلاح فلما....كانت طافية بجسمها صغير لمنهوك بتعب وصلها "للإنتحار" أو مغمضة عينها أو دم كيخرج من راسها....قرب منها أو خطفها فلمحة لبصر لفوق....خدة نفس عميقة كيعيط بسميتها أو لبكى مفرز بوضوح على عينيه....جود:عبق عبق فيقي أحياتي علاش درتي هدشي فيقي حتى أنا كنبغيك كنموت عليك فيقي (قاس شعرها أو دخل ليه صبع فجرحة مفتوحة متوسطة على طول قلقولة راسها)....جود:شنو هدشي؟؟لا ميمكنش عبااااق علاش نتحرتي أحياتي غادي تعيشي مغنخلكش تموتي....عام بها أو خرجها فوق رخام لمحيط بلمسبح....طلع كيقس شرايين عنقها أو دقات قلبها لقاهم بطيئين فنبض....جود:(مخلوع)مغتموتييييش أحياتي....حنا باسها ففمها لمتلج أو مشى خطف تريكو دورو لها على راسها على ود نزيف لي مبغاش يحبس....جود:(بلغوات)وجدوووو طنبل تحركووووو....جاء راجل كيجري تخلع من لمنضر أو رجع ينفد لأمر....جود:(هزها كيجري)هانا أحياتي غنعتقك لاش ضحيتي بحياتك على ود راجل مكيستاهلكش علاااش؟؟....وصل لخرجة لفيلا فازجين بجوج أو عبق غادية أو كدهور...لاح عليه راجل مانطة سخونة أو نزلها على المقعد لخلفي ببطء أو غطاها بمانطة تانية....جود:أتكوني بخير أحياتي كنواعدك....باس وجها أو إنتقل لمكان لقيادة أو زاد بقوة خلات رويضات يطلقوا صرير مجهد مع الأرض.....
***في المغرب***:
فيروز كانت فرحانة كتمجع باليزة صغيرة لولدها حيت غيسافر لباريس...فيروز:ولدي ندير لك دجين ولا جوج ولا تلاتة؟؟...حكيم كان شاد ملف كيدرسو أو طالق ودن معها....حكيم:لا دييري سبعين أمي را غير يومين نجيب ديك لحلوفة أو نولي....فيروز:وا أكيد أتعطل مازال خصها تجمع حويجاتها أو تقاد مسائلها ياك؟؟....حكيم:أمي دكشي نهار ماكاملش ديري لي غير لبسة وحدة....فيروز:وخا فوقاش عندك طيارة؟؟...حكيم:معرفتش هاد لخدمة مكتحبسش كنت غنمشي البارح لكن سي عتمان خرج لي هاد صفقة من جنب عييت....فيروز حطات دكشي أو قلبها مازال مزير كتحاول تناسى بما أن فكرة أن بنتها أتجي منسيها فدوك دقات لمجهدين فصدر كل أم حنون كتعشق بنتها....جلست حداه أو حيدت ليه لملف بلطف....فيروز:حكيم ولدي أمنيتي فهاد دنيا هي نشوفك نتا أو ختك متاحدن را حنا لعندك أو هي لي عدنا أو أنا أو ياك لي عندها فهمتي منين تجي رخف عليها را ولات عندها 22 عام تبركله متزيرهاش الله يرضى على وليدي وخا؟؟.....حكيم:(بس يدها)انشالله أمي مايكون غير خاطرك عرفتي كنفكر نزوجها علاش لا هههه....فيروز:تزوجتي حتى نتا الشارف حيد علي خليني نكمل لك توجاد....خلاتو كيضحك أو كيفكر فلمرأة لمكتابة ليه....حكيم:(كيتمتم)هههه غنتزوج أمي مي حتى نلقى سيئة لحض هههه.....
***في فرانسا***:
دخل لنفس لكلينيك كيغوت عروقو خارجين أو تريكو لي على راسها تلون كامل بدم....جود:(بصراخ حاد)ففيييين هو طبيب مراتي كتموت محتاج مسااعدة عباااق أحياتي صمدي شوية الله يخليك...تكبو عليه ممرضين كتار مع نقالة لمرضى أو حطها غادين بها بسرعة فلكولوار جود شاد فيدها دموعو شلال....جود؛عبق تحملي شوية زين ديالي حتى أنا كنبغيك أو كنحماق عليك سمحليا بزااااف...فلتات يديه بصباع يدها لباردين أو سدوا فوجهوا غرفة لعمليات....تلاح شاد فراسو عريان غير بسروال لمبلل كيتنفس بصعوبة كلامها كيسفعو فودنه أو خاصة اعترافها بلحب....جود:(كيضرب راسو مع الحيط)علاااش أنا لي خصني نموت ميمكنش لك تخليني يا ربي خديتي مني كلشي متدهاش حتى هي قتلني أنا أو هي لاااااا....بقى هاكاك خاشي راسو وسط رجليه مدة طويلة بزااف كيدعي لأول مرة الله من قلبو يحفضها ليه....خرجاتو حلة لباب من لقلبة أو غير شاف طبيب ناض شنق عليه بعينين حمرين أو نفسية مدمرة لدرجة صوت ديالو مبغاش يخرج بشكل واضح....جود:مرا....تي؟؟....طبيب حيد يديه جمعهم بجوج أو شاف فيه بنضرة يأس....جود تخلع حس بقلبو سكت أو طاح على ركابه كيترجاه بعينين متوسلين....طبيب هبط لمستواه أو شد ليه فكتفو بتشجيع....طبيب:سمح لينا أسيدي لبركة فراسك خسرنا لمريضة سمح لينا بزاف..
جود خرج عينيه يلى بغى يجاوب...خرجت ممرضة يدها عامرين بدم جرات طبيب كتغوت....ممرضة:سربي دكتور لمريضة رجع لها نبض....طبيب فرح أو جود ناض بعد ما كان مات رجعت ليه روح أو عوتاني تسد عليه لباب من جديد...ضربوا أو بقى كيتنفس بخنقة كأن الأكسجين توقف على دوران.....جود:(شاد فراسو)يا ربي لاااا لحمد الله حيت ردتيها ليا...بعد ساعة من تخبط أو ضرب فئي حاجة جات قدامو أو صراع داخلي أو نفسي خرج طبيب كيناديه من بعيد....جرى إتجاهو بأمل أو سولو بنضرة مليئة بلعطف على حالتو....طبيب:لحمد الله حالتها ستقرات نبض توقف لكن بمعجزة رجع مزيان خيطنا لجرح أو نزيف حبس أو لحمد الله نزيف داخلي ملقناهش حيت جبتيها فلوقت....جود ضحك بإبتسامة واسعة أو عنق طبيب بحرارة...جود:هههه لحمد الله يا ربي شكراً بزاف هههه....طبيب دوز ليه على ضهرو كيشاركو فرحتو أو خلاه كيضحك بجهد د صوت ديالها كيتردد فلكولوار بخشونة.....جود:ههههه لحمد الله عبق رجعت ليا....جلس كيفرك وجهو لي وخا ضاحك لكن لداخل ديالو تحطم من لقطة الإنتحار قدام عينيه....ناض لمكتب الإستقبال أو هز تليفون عيط لرجالو يجيبو ليه حوايجو أو تليفون ديالو....رجع لبلاصتو متنفس صعداء أو لباب ديال غرفة لعمليات ولا تحل على جوج جوايه....طلع عينيه لقاهم مخرجينها...تصدم من حالتها أو تلاح عليهم دفعهم كاملين قابط يدها كيبوس وش أو gفى....جود:عبق حياتي عارفك قوية شكراً حيت رجعتي كنبغيك بزااااف غتكوني بخير....بقى كيبوس سباعها أو طبيب جنبو كيتمشاو فمسار طويل....ممرضة كدفع نقالة أو وحدة على ليمن شادة لها لأكسجين أو تانية سيروم....عبق ولات على هيئة ميتة...وجها بلا لون أو شنايفها زرقين....ملوي على مخها ضمادة كبيرة أو على عنقها أداة مساعدة بش يتبت...فلحمها مغروز ابر كتيرة أو عينيها مدورين بهالات كحلين....جود مقدرش يشوف فيها أو دموع بداو خدامين فمقلتيه بلا توقف....داوها لغرفة كبيرة أو هازوها بلغطى لي تحتها على سرير ضخم...هداك لبيت كان ديال لعناية المشددة جود مدخلش لكن لصق على زاج مكرهش يدخل فيه...جود:(كيبكي)عبق حياتي أنا سباااب أنا لي خصني نكون تماك مشي نتي.....ركبوا لها عوتاني خيوط تساعدها على تحمل أو ضجيج الألات كيدخل فحال لمطرقة أو يهرس ودنيه....سلاو من لعملية بلكشايف أو نتيجة كانت كتبكي كتر....عبارة على هيكل فيه غير شعر وسط كوم من سلوك أو لأدوات....جود نزل على لأرض الباردة كيبكي مبقاش قادر كيعيى مايقوي راسو ولكن بزاااف صافي فاض لكاس به خاصةً أنه هو لمسؤول على هاد لفيضان....طبيب منين شافو هكاك كيشهق حنا حداه أو بدا كيواسه ولكن جود تسدو ودنيه أو عقلو أو قلبو حتى هو دبا ميت بفارق أنها هي مغيبة أو هو مستيقض....طبيب:ستحمل أولدي مراتك بخير أو أنا متئكد فاقت غير بسباب حبها لك....جود:كفاش أنا أديتها بزاف...طبيب:منين دخلناها فاقت واحد دقيقة عرفتي شنو قالت؟؟....جود:(بأمل)شنو؟؟....طبيب:قالت بلي كتبغي جود كنتمنى تكون نتا هو لمعني بلأمر؟؟....جود:(بإبتسامة وسط دموع)اااه أنا حتى أنا كنموووووت فيها....
مشى طبيب أو جود وقف كيطل عليها حتى نغزو راجل تابع ليه من كتفو أو عطاه لأغراض لازمة....دار باس زاج متخيلو حنكها أو مشى لبيت بدل حالتو أو جلس كيتسنى أو فنفس لوقت كيفكر شنو يدير معها...بقى كيفرك وجهوا بتوتر أو ينفخ أو يدور فالبيت أو شوية يترمى على لكنابي أو عوتاني يحل سرجم يتنفس حتى وضعية ماكانت مريحة بنسبة ليه...مشى قلب فساك لقى باكية سيجارة أو بلا وعي حط وحدة فمو كيبخ حدا سرجم قلبو كيتقطع على كل حرف خرج بألم أو ديك لكلمة لي تسناها بزاف أو عمرو تخيل بلي أتسرفقوو بها أو هي كتقرر تنهي حياتها...جود:(كيكمي)دبا كون متي أحياتي معمر مغتكون عندي فرصة نقول لك كنبغيك أو كنحماق أو نموت عليك...لقى راسو مع تفكير سلا لباكية كاملة أو بغى لمزيد مي مجابوش ليه غير علبة وحدة...شير داك ساك بعيد أو تخبط مجبد على سرير...جود:(كيشوف فسقف)أنحررك أحياتي قريب أتهناي مني كنواعدك....
في صباح:
جود منعسش أو منين جاه لخبار بلي اتنقل مشى طار عندها....فرح حيت على الأقل مبقاتش تحت سطوة هاديك الكمية من سلوكا لي غير من بعيد خنقات روحو كأنها كتجيف فيه....داوها بنقالة لغرفة مريحة أكتر...بقى شاد فيدها طول لمسار او مرة مرة كينزل يبوس لكدمة فوق جبينها....طبيب دخل معهم بعدما جهزوا لمكان أو تأكدو من سلامة أجهزة لي دايرة بها....جود حنا حدها كيلتهم تفاصيل وجها المضروب أو جاه زوين بزاف...رغم أنه مزوق بعلامات زرقين لكن جود طبع قبلة على كل جهة متضررة....طبيب:باينة كتبغيها بزاف....جود:(كيدوز على شعرها)لا لحب شي حاجة قليلة مكتعبرش على دكشي لي كنحس به هي كلشي بنسبة لي عرفتي كون ماتت كون تبعتها بلا تردد.....طبيب:سعداتها بيك أمنسيور لوكاس....جود:(شاف فيه بيأس)لا أنا عدبتها بزاف مكنستهلش ملاك فحالها...طبيب:جاو لبوليس حيت حنا منين كتجي شي حالة إنتحار كنبلغو لبوليس هادو قوانين مستشفى ولكن بما أنها مغيبة أيبقاو يتسناو حتى تفيق سمحليا....جود:مبغيتش لبوليس عفاك قولهم لمعني بلأمر جود لوكاس أو هما غيفهمو دبا خلينا من هاد تخربق فوقاش اتفق حبيبتي؟؟ (هدشي كامل كيقولو أو هو كيبوس يدها)....طبيب:انشالله أتفيق هدشي مؤكد لكن أتعاني شوية ألم مع جرح فراس أو أكيد نفسيتها أتكون محطمة شوية هدشي كامل خصو علاج نفسي....جود:(باس حنكها)أنجيب لزين ديلي أحسن أطباء باش تصح غير فيقي لي أو حلي دوك العوينات هدشي لي كنطمح ليه أو كنواعدك أعبق عمرك تشوفي وجهي أنخليك تكملي حياتك بلا بي بصح أنا أنعدب ولكن حتى حاجة متسوى قدام راحة ديالك أو سبب أنني كنبغيك بزااف جود أو عبق صافي أتسلا قصتهم مي لحب ديالهم معمرو غينتهي.....
نهار أو مطال فلمستشفى أو جود مقابل وجها ما عيا ما مل....كيتسنى بفارغ صبر حركة منها مي والو...جود:فيقي أزين ديال جود أو سمعيني جوجو ديالي هههه....مرداتش عليه أكيد أو هي كأنها مقتولة برصاص...شاف حتى عيا أو ناض يخليها ترتاح...خرج جاب كاس قهوة أو ولا جر كرسي صغير على لحجم ديالو أو جلس مقابل معها شاد فيدها....جود:تصبحي على خير أحياتي....
في نهار لموالي عوتني نفس شي حتى جديد...جود تعصب خاف ليكونو كيكدبو عليه لتكون دخلت فشي غيبوبة مي طبيب كلماه أو شرح ليه حالتها أو أن لغيبوبة بعيدة عليها كل لبعد....دخل لبيتها أو نيشان هبط على فمها بقبلة خفيفة أو استطعم مرارة على شفايفها....جود:عبق زين ديالي فيقي غير نشوف عينيك متخلنيش معدب...للأسف لا رد من جهتها سوى صمت لهالك....باس جبينها بحرارة أو جلس شاد فيدها....جود:أتكوني بخير بلا بي أعبق حياتي أو أنا غنولي كفس مما كونت بلا بيك نتي داوتي جرح عميق مي غتفتحي جرح أكتر منو خطورة بفراقك وخا هكاك كنفضل نشوفك سعيدة....
***في مطار فرنسا***:
خرج حكيم متأهب بروح قوية يواجه بها ختو أو ميضعفش قدامها...يلا أيحط رجليه فرصيف ديال تاكسيات لي كيكونو مسفتفبن قدام لمطار جاه إتصال من عند الأم ديالو بعدما صافط لها نمرة جديدة فرسالة....حكيم:ألو مي لباس حمد الله وصلت هاني خارج من لمطار...لا لا كنقلب على تاكسي نمشي لفندق أو نرتاح أو من بعد نمشي لجامعة....أاه ضروري غخليها معايا مغفرقهاش...كيفاش إلى مبغاتش تجي أو أنا علاش معدب تل هنا أو مخلي خدمتي راك شفتي متفكيت بلكشايف أو عتمان مسمحليش نغيب كتر من يومين....(شير لتاكسي وقف ليه أو نزل هز ليه الأمتعة ديالو أو ركبو)أمي بربي حتى نوكل ديلمها واحد جود طرشات نيت نعلم جدارة ديال بوها كيفاش تنسى بلي عندها مها أو خوها خايفين عليها...حتى ديك ريم خص بوها شي طرشة باش داك تقفقيف فلكلام مايبقاش فيها الله ينعل دلماتهوم بجوج بنات....(بغى يخسر لهدرة لكن وقف إحتراماً لفيروز)احم سمحليا مي را معصب أو صافي...(نغز سائق فكتفو يقوله لوجهة)...حكيم:Hotel du primtemps(إسم فندق فباريس)...سائق:avec plaisir monsieur....حكيم:مرسي مي شوفي انقطع حتى نسالي أو نعيط لك بسلامة وجدي لعبق لماكلة لي كتبغي بعد غدا نجيو انشالله ههه وخا تهلاي فراسك حبيبتي....
حطوا قدام لؤطيل أو نزل كيشكرو مقدم ليه لأجرة ديالو....دخل حكيم لردهة الإستقبال أو مخفاش عليه نضرات نساء لمتفحصة بإعجاب...بغاو ياكلوه بعينهم أو علاش لا أو هما تصدمو براجل طويل عريض بحروف عربية من عيون سوداء مرمشة أو شعر مرتب أسود أو لحية خلابة مزينة وجهو رجولي الأسمر لون كبقية بشرتو سمراء لقمحية....نضرتو القاسية المليئة بلفخامة أو لخطورة هي لكتميزو أما كل حركة نابعة منو فهي بحد داتها مصدر جادبية رجالية خاصةً أن جسم ديالو رياضي أو متناسق...عضلات صدرو أو يديه بارزين من قميص زهري لون...أو عنقوو طويل مع أكتاف عريضة....طول ديالو الفارع سمح بوضوح أنه يبين ما مدى صلابة ساقيه تحت سروال أزرق من توب....إستخف ففنفسو من نوع الإكره على قلبو من العيلات لي كاتبين اعجابها برجل بوضوح أو يمكن هدشي لمنعوا يتزوج لحد دبا حيت ملقاش بنت قوية ناضجة فكرياً أو مستقلة أو نوعاً ما متخلهش يتحكم فيها بلحزم لي غايكون من الأساسيات فشخصيتها...طول عمرو كيصادف إستهتار أو فقدان نطق فتيات بشوفة منو بلا ما حتى ميتكلم...... وقف كيتسنى نوبتو قدام صف من زبائن أو شوية يد رطبة موراه بدات كتلمس فيه....دار بعصبية أو هي ضحك ليه بنت شقراء بإغراء... مسكينة معرفاش أن هاد حركات مكتنفعش معاه....ضيق عينيه أو بلا اندار جرها من يدها خارج لبرا بخطوات كبار....هي سكتات فرحانة متيقنة أن جمالها لفرنسي أسرو لكن بمجرد وصل لخارج قدام باركينغ دفعها حتى تكربعات أو خنزر بإزدراء فجمسها العاري....حكيم:قلة ترابي تفووو...
وصل ليل هاد لمرة كحل على نفسية جود أو عبق فجهة لأخرى مبغاتش تفيق....جود:عبق فتحي عينيك أحياتي فتحي قلبك أتعرفي بلي كنتسناك بفارغ صبر....ضرب زاج لفاصل بناتهم أو عطاها بضهر أو ضربات ليه فعقلو ريم...جر تليفون مبتاعد من لغرفة أو حط لهاتف على ودنيه كيتسنى رد....جود:ألو ريم...نتابه بوضوح لتنفسها المخلوع فحالي عرفات أن شي حاجة خايبة وقعات....جود:ريم عندي لك خبار قتلاتني أو رداتني لحياة بمعجزة....بدات كتغوت أو تبكي فلخط أو هو مبعد تليفون حتى تسالي نحيبها طويل...جود:عبق نتاحرات....سمع ارتجافات صريحة أو سكون حانق فلمقابل...تخلع عليها أو يلا ايدوي غوتات بسميتها أو دموعها كأنهم كيقطرو من تليفون....جود:ريم تهدني عفاك خليني نكمل الله يخليك هي دبا بخير كلشي مزيان مماتش كون ماتت أكيد أتسمعي خبر موتي حتى أنا....بقات كطلبو تجي أو كل كلمة قتخرجها بصعوبة....جود:وي أجي أنا فلكنيك طابق لعناية لمركزة كنتسناك.....قطع أو ولا عندها كيتفرج فملامحها لي تعدبو بسبب الجنون ديالو....جود:سمحليا عبق أنا لي وصلتك هنا لكن كلشي سلا....
ريم خرجات مسرعة كتشهق من دارهم أو حلت سيارة باها أو زادت كضرب فالفولون أو كتغوت....ريم:هئ هئ آاااااه أنا سباااب هئ هئ هئ تفووو علي أنا حمارة أو كلبة تفووو يخ على حياتي أنا لي خصني نموت أعبق نتي بريئة حنا لي مجرمين هئ هئ سمحليا بزاااف هااعهئ هئ هئ....بقات كتسوق بتوتر حرقات أضواء توقف بإستمرار كل همها توصل لمشفى....ركنات حدا طريق أو سدت لباب بلوكنطاكط...قطعت شارع بجري أو نقزات درجات نحيب صوتها سابقها لدرجة لي داز من حداها كيستغرب...دفعات ناس لي كانوا كيتسناو فلمصعد أو دخلات قبل منهم....ريم:(بلغوات كضرب فرسها)حيدوووو بغيت نشوف صحبتي حيدووو هئ هئ أنا لي خصني نموت أناااا....خلاوها حيت لاحضو أن حالتها مسعورة...طلعت لطابق لمعلوم أو سولات عليها فالإستقبال....مخلاتش حتى لممرضة تمشي معها أو زادت بركض فلكولور لمؤدي لغرفة....لقات جود عاطيها بضهر....ريم:(بلغوات)جووود....دورة لي غيدور رخات يدها أو جمعت معاه بصقلة قوية...لاحت ساكها أو شنقات عليه رغم أن حجمها ضئيل مسعدهاش لكن بدات كضرب فصدرو بلا توقف....ريم:هئ هئ حنا سباب الحقير نتا لوصلتها لهكا حشوما عليك قلت لك فك لبنت ولكن نتا اناني هئ هئ أنا حمارة لي تقت فيك أو وافقت نساعدك دبا كون ماتت كنت غنقتل راسي أو نتا أجود أتكون مسؤول على جوج رواح فهمتي؟؟....خلاها كضرب فيه حيت كيستاهل أو منين تهدنات عاد دفعاتو بضعف أو مشات كتبكي على زاج....ريم:بيبو سمحليا ختي ولله حتى كنت مجبورة هئ هئ سمحليا بزااااف....بغات طيح مي جود دغيا شدها من لور أو عنقها كيبوس مقدمة راسها أو ضامها بشعور أخوي....جود:شششش بركا أريم كلشي أيكون مزيان....ريم:هئ هئ مسكينة كيف ولات أنا مبقتش قادرة نوقف جود أنا....غيبت بين دراعو فاقدة الوعي من كترت دموع...باسها فجبينها أو هزها لغرفة قريبة....دخلات معاه ممرضة أو حقنات لها إبرة مهدئ....ممرضة:طاح لها tension غتكون مزينة لحمد الله على سلامتها...شكرها أو جلس جنبها كيقس حنكها لملصقٍ بدموع جافة....جود:أنا سباب أريم نتي ماعليك والو كلشي لمصائب دارهم هاد لحمق لي حداك كنواعدك حتى نتي مغتبقايش تشوفيني سمحو لي بجوج....
بعد ساعات طويلة ريم ناضت مقلوبة كان كيحساب لها بلي كلشي كابوس خايب مي غير شمات ريحة لمشفى أو تإكدات من شومبر لبيضة لهادئة أو لسروم لمغروز فيدها عرفات أن لحقيقة لمرة لا مهرب منها...ولات كتبكي بحرقة أو فنفس لوقت كتحيد الإبرة....يلا اتخرج تحل لباب فوجها كان جود....جود:شنو كاديري رجعي رتاحي....ريم:(بصوت كيهدد)حيد من طريقي متدوش معايا براكة أنقولها كلشي مبقتش قادرة نعيش بهاد دنب بزاف علي مليت حيييد أجود ولا نوض لك شوهة هنا....جود:(شدها من دراعها دفعها لجهة سرير)جلسي أريم عبق مازال مغيبة....ريم:(كتحاول تنوض)حيد نتا لي وصلتيها هوكا حرام عليك....جود:(بيأس)كلكم أتهناو مني...ريم:كفاش؟؟...جود:والو رتاحي شوية أو سيري كنواعدك مغنخلش عبق حتى توقف على رجليها من جديد...رمشات بقلة حيلة أو تكات تسترجع انفاسها.....
هبط معها جود لبرا أو ودعها أو أيضاً مواعدها يهتم بصديقة ديالها....ريم:بسلامة....جود:ريم متخليش بالي مشطون عليك....ريم:مبقتش ديك بنت صغيرة لي كتحكم فيها كما بغيتي وليت راشدة أجود أو كنعرف شنو كندير....حس فكلامها لمحة تهديد مي مدار حتى ردت فعل أو باسها فجبينها....دفعاتو معصبة أو نزلات درجات مصممة على حاجة وحدة بلي عبق مغتبقاش مع جود مازال....
جود طلع لطابق كيتفقد كل تانية خلية من أعصابو لمدمرة....خرج من سانسور أو فجأة لمح ممرضة جاية كتقلب عليه بكنيتو....ممرضة:(بلغوات)مونسيور لوكاس؟؟....قلبو دق بفرحة أو مشى عندها كيجري...جود:شنو؟؟....ممرضة:(بإبتسامة)مدام لوكاس حلت عينها أجي معايا....على شوية أيعنقها مي سبقاتو أو تبعها كيضحك بخشونة....دخلو لغرفة أو كان طبيب مغطي على وجها...تمشى بخطوات بطيئة بزاف مقدرش يشوف عينها كأن أخر لقاء بناتهوم كان قبل سنوات بعيدة....طبيب حس بحركة مترددة وراه أو دار كيفرنس....طبيب:أهلاً سي لوكاس مراتك فاقت الأميرة نائمة هههه.....خوا ليه لمكان أو جود وصل عندها بصعوبة كأنه قطع مسافات طويلة رغم أن لخطوات مابين لباب أو سرير معدودين....كانت مدورة وجها لجهة تانية قدر يشوف غير رموشها لمفتوحين.....هز يدها ضحكتو كتوساع مع كل ترميشة من عوينتها لكبار....جود:(بسعادة كبيرة)عبق حياتي فتحتي عينيك وأخيراً هههه متصورش بشحال فرحان دبا....بقى كيبوس صباعها الباردين أو كيتمنى غير دور وجها يستمتع بمرأى ديالو لجميل....جود:عبق مالكي نتي بخير موقع لك والو ماكنت غخلي حتى حاجة تأديك...طبيب:يمكن مازالها تحت تأتير صدمة أسي لوكاس....جود:عبق جاوبني أحياتي غير بكلمة وحدة بيني لي بلي نتي بخير...رحماتو من عداب لي خدة مدة طويلة كيطلبها تهدر...دارت عندو كتلاحض وجهو لمشرق أو إبتسامة كبيرة....حيدات يدها من لقبضة ديالو أو تكمشت بلاصتها....عبق:شكون نتا؟؟....
تصدم أو دار عند طبيب يستفسرو بنضرة خايفة....طبيب غمض عينيه بإطمئنان أو خرج....نزل عينيه عندها أو كانت مازال كتعاتبو بشوفات قاسيين....أنا:شكون نتا آه؟؟..ماشي نتا لي وصلتيني هنا هاني دبا حية أجود برافو حتى فلموت مخلتنش نوصل لها....جود:عمرك مازال طويل أعبق علاش درتي هكاك علاش خترتي أضعف طريق تواجهني بها؟؟...أنا:حيت عييت دبا أنا مفرحناش فخبارك تصدمت بش لقيت راسي حية أنولي نرجع لجحيم ديلك مرة أخرى....جود:صافي سكتي أعبق خليني نشوف وجهك توحشتو بزاف توحشت صوتك أو عينيك أو شعرك....أنا:ههه علاش بقات في شي حاجة صحيحة كنحبس بألم فراسي أو وجهي مبوقل أو جسمي مدقدق اشنو لي بقى في زوين دمرتني برا أو لداخل كنكرهك بزاااف خرج علي مبغتش نشوفك برااا....جود:وخا حياتي أنخرج من لبيت أو قريباً أنخرج من حياتك كلها....نزلت دمعة من عيني منين سمعت لجملة الأخيرة أو دورت كمارتي حتى سد لباب عاد بديت كنبكي حيت فرحت منكدبش على راسي فرحت منين فقت فدنيا أو مامشيتش عند ربي مدنبة....ندمت على فعلتي بش تزدحت مع لما دازت حياتي فحال شريط سينمائي قدام عيني أو غوت تحت لما ينقدني شي حد ولكن ديك ضربة فراس انهت كلشي...أنا:يا ربي تسمحليا يا ربي منبقاش نعاود هئ هئ هئ😭😭😭😭 كنكرهك أجود...
في صباح:
حكيم خرج من لفندق يجيب ختوا...البارح محسش براسو حتى طاح نعس مافاق حتى لعشية أو مصاب شكون يسول داك نهار أو خاصةً أنه كان الويكأند....تاصل بلجامعة مجوبو حد...تعصب أو هو كيشير لتاكسي....وقف ليه واحد ركب كيكرر إتصالات أو لا رد....حكيم:ميرد تفو....طلب من سائق يديه لجامعة فين كتقرى ختو أو رجع كيعيط عوتاني...
حطوا تماك أو دخل لقاها مسدودة أو لجرياج لكبيرة مطرقة....خرج عندو لحارس كيسلم عليه...(الحديت بلفرنسي)...حكيم:سلام بغيت نسولك؟؟...حارس:تفضل...حكيم:احم جيت نسول على واحد طالبة هنا سمتها عبق العلمي....حارس:صراحة معرفتش علامن كتكلم لجامعة كبيرة أو حنا سالينا قراية أو طلبة دوزو إمتحانات هادي شهر...حكيم:بصاح؟؟ بغيت ندوي مع شي حد هنا كنسول على ختي واش نتائج خرجو؟؟...حارس:اااه خرجو بغيتي نتيجة ختك؟؟...حكيم:وي إلى كان ممكن....حل ليه باب صغيرة أو دخلو لسبورة كبيرة فيها أسماء فوراق متعددة....حارس:شوف واش سمية ختك هنا أو إلى بغيتي عطني بطاقة وطنية ديالك نشوف وش نتا خوها بصح أو نعطيك دبلوم ديالها...طلع حكيم درجات أو بقى كيقلب بصبعو طالع نازل حتى تفاجئ بسميتها...حكيم:هههه مزيان أختي نجحتي...شير للحارس وراه سمية أو لبطاقة....لحارس:مبروك أسي العلمي تفضل نعطيك دبلوم....دخل لمكتب أو قلب على ملف ديالها أو عطاه ليه كامل....خداه حكيم بفرحة...شكروا أو خرج مع شك قليل على سابق....شير لتاكسي أو قرر يمشي لستديو(شقق صغيرة فلمساحة) لي كاريا فيه....أو هو غادي فطريق فتح لملف أو جبد دبلوم مفتاخر بها....حكيم:مزيان أختي مبروك عليك هههه ولكن علاش مجاتش خداتو؟؟....رجع شك بضهور في عقلو مع تساؤلات كتيرة أو ملقى حتى أداة ربط....وصلو تاكسي لعمارة أو طلع كيسول على صاحب شقة....وراوه ليه جيران كان راجل رقيق كيف لعود أو هاز سوارت متكي على حيط لعمارة مع مجموعة رجال...تقدم منهم مبتاسم...حكيم:مونسيور ممكن دقيقة....راجل خرج من جماعة أو وقف حداه كيبان قصيور....راجل:نعام؟؟...حكيم:عفك ستديو ديال عبق العلمي فين جاء؟؟....راجل:ماعندي حتى وحدة بهاد سمية هنا....حكيم:هههه بغيت نقول بيبو كتسكن هنا عطاتني سمية لعمارة أو لحي أو كنضن هو هدا...(وراه صورة فتلفون)...راجل:(شافها)اياه هادي هي لعمارة أو هاد سمية بيبو فايتة كانت عندنا مي 5 شهور باش غابت...حكيم مفهم والو بقى كيرمش أو قلبو بغى يسكت....وراه تصويرة ديالها أو راجل زاد تيقن من لبنت....راجل:إياه هادي هي لبنت بيبو كانت عزيزة علينا هنا ولكن رها مشات هادي 5 شهور أو من تماك ما شفتها....حكيم:احم فين مشات واش كرات فشي بلاص أخرى؟؟....راجل:معرفتش أصلاً ماشي هي لي جات خدات حوايجها جات بنت أخرى كان عندها سوارت ديل ستديو أو هزات كلشي لملابس أو مشات....حكيم:كيفاش فين كانت ختي أو شكون هاد بنت؟؟؟...راجل:بنت معرفتش قالت لي بلي بيبو هي لي رسلتها حيت ولات خدامة فجهة بعيدة أو كانت خايفة بزاف....حكيم:كيدايرة هاد لبنت؟...راجل:(كيعقل راسو)أمم قصيرة أو غليوضة شوية زوينة فوجها بيضة أو شعرها قهوي أو عينها حتى هما مايلين لخضر لقهوي مركزتش....حكيم:(تعصب)وخا شكراً....مشى كيخبط لأرض برجليه أو وصل لشارع معرف فين يمشي....حكيم:أععع غنقتلك أعبق غير بلاتي....خدا تليفون أو جبد نمرة ديل ماريا....تاصل حتى شحف أو مجاوبو حد...رمى لهاتف فجيبو أو دار معصب كيشوف فالعمارة....حكيم:بنت قصيرة أو عينيها خضرين زعما متكونيش نتي أريم؟؟....
الأطباء بقاو داخلين خارجين عليها أو جود جالس فاقد لقدرة على دخول....كل طبيب كيخرج كيسولو عليها أو كيعطيو ليه أخبار سارة....وصل ليل أو كانت أخر وحدة سدات لباب ممرضة ركبات لها سيروم جديد أو بدلات لها ضمادة راس...وقف عليها جود يسولها....ممرضة:ههه أسي لوكاس مراتك بخير كتستاجب لعلاج بشكل مزيان أو كلات لوجبة المحضرة لها كون هاني....جود:خايف عليها بزاف شوفي بغيت ندخل عندها....ممرضة:اااه دخل....جود:لكن هي مبغاتش وخا تعونيني....ممرضة ضحكات بموافقة أو جرها جود يوصيها شنو تجيب ليه.....
في ضرف ساعة رجعت لممرضة مع جوج خرات محملين بوورود جميلة أو مختلفة أو بالونات أو نونوسات على شكل دببة على صدرها قليبات....جود:هههه مزيان شكراً بزاف....عطاو ليه كلشي أو حتاضنهوم بحب....دق عليها أو دخل كيضحك بجهد....جود:عبق شوفي شنو جبت لك...دارت عندو بضعف أو كان هو كيحط الورد أو نونوسات فوق طبلة لي حداها أما لبالونات عقد لخيط ديلهم مع حافة سرير....كحز يقيم نهاية ديال صورة أو زاد من نبرة ضحكة رجولية....جود:هههه كتحمقي أحياتي....أنا:سحابلك بهاد جوج بالونات أو هاد ننوس غادي تراضيني؟؟....جود:لا أحياتي أنا بغيتك تفرحي....أنا:مافيا لي يغوت خرج عليا فرحتي هي منشوفش وجهك عفاك خرج عليا....جود:أنا؟؟....أنا:عفاك أجود....جود حنا راسو أو قبل ميلبي طلب ديالها قرب منها أو باس راسها....جود:تصبحي على خير.....خليتو يبوسني أو مشى بكتاف طايحين....مديت يدي تعافرت بسيف....لتاقطت ننوس صغير ضاحك أو مريش عنقتوو....أنا:سمحي لي ماما كنت غنشوي قلبك عليا سمحيليا بزاف...غمضت عيني خاشية دب فصدري....
***في لفندق***:
دخل حكيم كيتغدد لبيتو لاح جاكيت أو لملف...حيد سبرديلة أو تلاح على أقرب كرسي كيمسد رجليه....حكيم:تفو على نهار رجلي طابو بلمشي أو ديلمها ماعندها أتر....تليفون بدا كيسوني عرفها فيروز....ناض بتتاقل أو خداه من جيب جاكيت....حكيم:ألو مي لباس لباس...ااا عبق؟؟....عبق تكلمت معها أو هي مسافرة لمدينة أخرى غدا تجي...هههه اااه توحشاتك بزاف...بقى كيسمع ضحك أو تزغريت من طرف تاني....حكيم:مي ألو مكينش ريزو ألو مي...دارها بلعاني حيت كتعدب هاكا أو هو مكيعرفش يكدب عليها...قطع لخط أو لاح تليفون معصب....حكيم:(بلغوات)أععع نهايتك على يدي أختي...اااه ريم هي لي غتفك لمشكل.....
في صباح لموالي...طبيب بعد جميع لفحوصات لي دارهم لها لقى كلشي مزيان أو بصحة جيدة....خبر جود بلي لمريضة تقد تخرج أو من أحسن ترتاح فدار...تاصل جود برجالو يجيبو لها ملابس سخونة....دكشي لي دارو...بعد نص ساعة لقى سيكان من ماركات كبيرة فيدو...دخلهم يلبسوها خلا لباب مردود أو بقى كيسترق نضر عليها....ناضت بضعف كبير أو حيدو لها وزرة لمرضى....نزل عينيه مبغاش يتعدب من لكدمات لي على كتافها أو صدرها....بقى كيسمع أنين جاي من لداخل أو قلبو كيزيد يتألم....طلع وجهو كانوا سلاو لها أو لبسوها حتى صندالة خفيفة....جمعوا لها شعرها أو حيدو لها ضمادة خلاو لها غير وحدة وسط راسها....ممرضة:ههه هاحنا سالينا لحمد الله على سلامتك....أنا:شكراً بزاف....لممرضة:هههه عجبوك الورود أو دببة؟؟....أنا:اااه زوينين جمعيهم لي...ممرضة:من عيني بجوج راجلك برا نعيط عليه يعاونك؟؟....أنا:لا بغيت كرسي متحرك....ممرضة:اوكي مايكون غير خاطرك....جود بتاعد أو مشى الإستقبال سنا شي وراق ديال لخروج أو خلص...تلقى مع طبيب عطاه دواء أو وصاه يعاملها بلطف كبير....جود:متئكد مافيها والو عضامها ممهرسنش ولا احم كانت دارت عملية إجهاض متأتراتش بها؟؟....طبيب:لا لما ساعد بزاف أو هز الوزن ديالها حتى لعملية لي تحتها متمساتش حتاش جاء راسها لتحت....جود:اااه شكراً بزاف على مجهوداتك....تسالم معه أو ولا لبيت كانوا كيجلسوها على لكرسي المتحرك....جود:عبق؟؟...شافت فيه بزربة أو قلبات وجها....لممرضة:سالينا أسي لوكاس يمكن لغزالة تخرج....وقف مراها أو قدم لهم ضرف فيه فلوس....جود:شكراً بزاااف خليناكم على خير هادي أخر مرة نحطو رجلينا هنا ياك أعبق؟؟....باسها فودنها أو هي تبعد كتأفف....جود:هههه يلا بسلامة....ودعوهم أو جود جارها فرحان على الأقل هاد لحضة....هبطو لتحت أو منين وصلو لدروج...حبس لكرسي أو هزها بخفة....جود:إلى نزلتك هنا أنخاف لنردك عوتاني هههه....خنزرت فيه أو بدا هابط لجهة سيارة....جاء راجل أو حل لباب لقدامي حطني أو ركب لي سمطة....جود:لحمد الله على سلاماتك أحياتي....باس راسي أو سد لباب أو طلع حدايا....أنا:فين غديني؟؟....جود:أنمشو لفيلا زوينة أتعجبك جات فموقع هادي....أنا:هادي ولا مهاديش اتبقى دار من ديور جود لوكاس لي كنموت فيهم كل شوية أو وقيلا أنخرج مقتولة منها مفيهاش....بتاسم لي أو دور لمحرك زاد في إتجاه لجحيم جديد....
سيارة أخرى حتى هي زادت مراهم....بقات تابعهم بتصميم...ريم:(حيدت نضرات الكحلين)صافي أجود سلا هاد الإختطاف مستحيل نخلي عبق معاك....
جود بقى سايق أو سيارات موراه ديال رجالو أو وحدين قلال ديال ناس عاديين....مرة مرة كيطل عليها كتكون ساهية ولا كطل على لزاج من مناضر لي كيدوزو من حداها....شد يدها أو طبع قبلة على صباعها واحد بواحد....جود:عبق نساي كلشي غيتبدل متفكري فوالو وخا؟؟...أنا:هههه منفكرش كنت غنموت بسبابك أو بغتيني نسى؟؟....جود:مغنحكرش عليك خصك راحة أحياتي....أنا:(بلغوات)ماتقولش حياتي أيييي...درني راسي بزاف أو شديتو بألم...غمضت عيني كنتوجع أو حسيت بسيارة وقفات....جود:(بصوت مخلوع)عبق مالكي يكما درك بزاااف غنردك لمشفى....أنا:لا أنا بخير مبغتش نبقى تماك....جود:متأكدة زين ديالي؟؟....أنا:أنا مشي حياتك أو مشي زين ديالك أوف بعد مني....جود:وخا قربنا نوصلو صبري شوية...رجع حرك طنبل أو تم غادي بسرعة....فعلاً وصلنا دغيا بقنا داخلين فحي كبير فيه غير لفيلات لكبار أو من برا كيحمقو....سيارات غير ديال لوكس مصفوفين على جنب طريق نضيف....وقف حدا أكبر فيلا....خرج بزربة أو جا ناحيتي...جرني بشوية أو بقيت كنشوف الجمال ديال زنقة باينة شي بلاص ديال شكون أو شكون....درت راسي مهامنيش أو بدينا كنزيدو ببطء على ود دوخة لي كتشدني فراسي....جود:حياتي أتواعدني ترتاحي مزيان أو تشربي دوا أو تاكلي باش تصحي لي اوكي....أنا:بغيت نصح لراسي مشي لك بعد مني....جود:وخا صحي لك نتي أو من بعد يكون خير...قال لكلمة لخرا بألم يمكن هي حسات به أو دارت كتشوف فيه بحزن....جود:بشوية عليك حطي رجليك بشوية نهزك؟؟....أنا:أمم عييت....جود:(هزها)هاني أزين نيت ترتاحي مزيان....كان لباب محلول أو دخلني أنفاسي تخطفات....كلشي زوين لفيلا تصميمها عصري بزاف أو حتى اتات ديالها هادئ أو بألوان مريحة....طلعني لفوق لبيت كبيرة أو نزلني على فراش رطبة...دورت عيني فلغرفة الواسعة صراحة بعيدة كل لبعد على لبيت لمضلم فاش نتاحرت....كان هدا بألوان كتفوج مابين لبيض أو لوردي أو لبلوسييل...جود:عبق رتاحي نعسي مزيان ياك أو النجيب لك لماكلا اوكي؟؟.....دفعت يديه من فوق ركابيا أو طلعت تجبدت....جود تحسر من معاملتها الباردة أو خرج كيوسي على دوا أو أكل صحي لها....
ريم خدات جنب شوية بعيد من فيلا كتشوف سيارات ديال رجالو مقدراتش تقرب ولكن شافت بوضوح إنا فيلا فيهم....كانت أكبر وحدة بعيدة نوعاً ما على لفلل لخرين شيء لي بين لكبر ديالها مع بوابة كبيرة محيطة بها أو بزاف رجال واقفين برا أو لداخل....بقات تماك تأكد أن جود مغيبدلش بلاصة ديالو....ستمر لوضع ساعات طويلة طال ليل لاحضات بزاف لحوايج...أولهم سيكان كتيرة من لحوايج كيدخلو أو أكل مجهز فميكات ديال مطاعم مشهورة ....ريم:ادن أتبقى هنا أجود مزيان...ريم:(حاطة تليفون فودنها)ألو خالتي فيروز هادي أنا ريم بغيت ندوي مع حكيم ضروري.....
جود دوش بلخف أو خرج حط لها لأكل أو طلعوا لها....لقاها بدلات بكسيوة كحلة تال ركبة أو جامعة شعرها بإهمال...إبتاسم لها أو هو كيدق.... جود:ممكن ندخل؟؟...أنا:لا....جود:هههه باينة فيك جوع جبت لك أحسن ماكلة صحية ففرانسا شمي غير ريحة تعطيك لخبار....حط بلاطو حديا أو ربعت يدي قالبة وجهي لهيه....أنا:مبغتش....جود:عبق كلي عفاك أو نواعدك ولله متشوفي كمارتي....أنا:مبغتش جمع علي هدشي أو سير....جود:عفاك...تنهدت مالقيت ماندير خصني نصح باش نقد نرجع المغرب مزيانة....أنا:وخا....بدا كيوكلي الحوت سلامون مبخر أو معه شي صلصة بنينة...كليت طبسيل كامل أو شربت عصير فواكه....جود:مزياان دبا شربي دوا أو نبدل لحبيبتي لفاصمة ديال راسك أو نعسي مزيان....استسلمت ليه أو هو كيشربني لكينات...دار لي مرهم أو بدل لي لفاصمة....جود:(باس راسها)good girl ....أنا:ممكن تخرج دبى مبغتش نشوفك....جود:(تألم)وخا حياتي تصبحي على خير....بتاعد عليها أو سد لباب...تكا عليه كيغرز دفارو فشعروو....جود:سمحليا عبق بزاف كنبغيك بزاف ولكن خصني نفكر كي نردك صافي قصتنا سلات.....
ريم خدات نمرة أو هي مصدومة من خبر أن حكيم هنا فباريس....عطات لها فيروز نمرة ديال لخارج أو بقات كتبرك على أزرار كترعد....حطات تليفون على ودنها كتسمعو كيسوني أو لعرق كيتسبب منها....وصلها صوت لحرش لي خلعها هاديك لمرة لوحيدة فاش حلفات مدوي معه مرة أخرى....حبسات شهقة بسيف أو هو كيردد ألو ألو....ريم:حححكيم؟؟؟....أنا أنا احم أنا رررريم....سمعت غوتة طرشات لها ودنها ولكن ما إستسلماتش صافي قررت أو لا مجال لرجوع....بدات كتبكي بضعف أو صوتو مازال كيزيد يجعر عليها....ريم:هئ هئ هئ سمحليا بزاف أسي حكيم ولكن خصني نقولك حاجة ضرورية....تسنى شوية عفاك خني ندوي هئ 😭😭😭😭هاعهئ....سكت شوية كينهج أو هي طلقها قبل ماتخاف...ريم:أنا عارفة فن هي ختك عفاك أجي عتقها دغيا قبل متمشي فيها هاد مرة ديال بصح.....
قطعت لخط كتموت بلبكى أو حركات سيارة مغادرة بعنف....
حكيم بقى كيشوف فتلفون ممسدقش شنو طاح عليه....بقى كيتراجع ببطء أو صوت ريم الحنون لقى على مسامعو خبر صادم....حكيم:لا ميمكنش عبق ختي...لبس بزربة مونطو طروا كار أو خرج بجرا عرقو كيتسبب غزير فحالي خاشينو ففرن حامي من دل أو لعار إلى بصح كان هدشي حقيقي أو عبق طول هاد لمدة كانت مع رجل غريب.....وصل لخرجة مدهول أو تالف معرفش إن أرض يشد....حكيم:(بلغوات)عبااااق...............
***في فيلا جود***:
كانت ضربات فوق 12 ليل....جود دخل عندها عند بالو ناعسة...حل لباب بأقل ضجيج ممكن مي تفاجئ بها واقفة حدا سرجم مسدودة من زاج كيلمع...كطل على حديقة لخارجية أو بولات مضيئة في لحي....جود:عبق احم أنا مهم تصبحي على خير....مرداتش عليه أو ما قلباتش وجها تشوف فيه..... دار خارج مي واحد لحضة وقف كيفكر بتأنيب أو رجع ساد لباب أو متاجه لها....جود:عبق ممكن ندوي معاك....أنا:شنو بغيتي؟؟....جود:بنسبة لماريا أنا معرفتش كيفاش احم بغيت نقول....أنا:مالك كدخل أو تخرج فلكلام صافي أجود تقداو لك كدوبك كلو تفضح ماريا أو سباب خطفك لي من هاد نقط بجوج عرفت مزيان بشحال ستغلتيني....جود:لا أحياتي مستغلتكش.....أنا:براكا من لكدوب أجود بركا طلعتي لي فراسي مازال كتنكر....مد يديه لدراعها بلطف أو جرها عندو....بقى كيقيس فوجها بحنان....جود:شوفي في شوفي مزيان فعنيا أعبق وش لقيتي شي إستغلال؟؟....أنا:بلاتي نشوف للأسف اااه أو بزاف ستغلتي جداتك بش توصل لي أو (غلباتني البكية)هئ هئ😭😭 أو عدبتيني حتى وصلتني لموت هئ هئ😭😭 بعد مني....دفعتو لكن مرخانش أو عنقني كيسكت في....جود:شششش صافي أعبق بغيتك غير تعرفي بلي جاع دكشي لي قال داك ز*(بغى يخسر لهدرة أو تراجع)...احم داك رضا كلو كدوب....أنا:بعد مني نتا لي كداب نتا رضا على لأقل مخلانش عايشة فضلمة أو وراني حقيقتك....(دفعتو بعنف)نتا كداب أو وحش دمر لي حياتي...جود بقى ساكت يمكن أحسن حاجة تعلمها يبدلها فشخصيتو معها أنه كيفاش يتحكم فراسو أو يستامع لأخطأو هدشي لي مكانش كيقبلو قبل....كان متئكد أن رضا كادب عليها حتاش هي موخداش شي موقف من باها لي هو سبب لمشكل أو باينة رضا كحل ليه دوسي مزيان مخليه هو راس لحربة....جود:را كدب عليك....أنا:(بلغوات)صافي براكا سكت أيييي.....درني راسي بزاف هاد لمرة أو جرحة عطاتني صداع حتى لرجلي....شديت فلحيط من شدة دوخة أو يدين جود دايرين على خصري بخوف....جود:صافي أحياتي أنا قابل تسميني كيفما بغيتي غير رتاحي دبا من بعد نشرح لك كلشي....أنا:أييي صافي بعد مني كانكون لباس إلا مجبتش هاد مواضيع أو ماعندك متشرح حيت كنزيد نمرض....جود:وخا هاني ساكت أجي جلسي....أنا:بغيت نبقى هنا خرج عفاك مدخلش عليا خرججج.....جود رخاها برفق أو باس راسها بزربة أو مشى مهموم كتر.....
هبط لتحت جلس فدروج شاد فراسو دموع واقفين ليه فجفونو....شكون قال بلي جود لوكاس ايبكي شي نهار على ود مرأة؟؟....فجأة دق عليه راجل بجهد....جود:دخل....راجل:(مخلوع)سي جود واحد راجل منوض لحيحة برا أو شديناه ولكن راح معصب بزاف أو كيعرف كيفاش يضرب سلخ بزاف من رجالنا أو كيتقدم نحو لفيلا....جود:(ديق عينيه فحال صقر أو عرف أن نهاية وصلات)درتيها أريم.....
ناض وقف بقوة أو حرك يديه بأشارة زعما سبقني....خرجو بجوج لبرا فين تجمعوا رجال أو حلو ليه بوابة لجرياج كلما كيزيد خطوة صوت لغوات المدوي كيتردد فأرجأ زنقة فحال لإعصار....جود:فين هو دبا؟؟....راجل:فمقدمة لحي أو را كيقول ختي ما ختي....جود:خليوه يجي....رجل:متئكد أسيدي؟؟....جود:(خشى يديه فدجين)تحرك....مشى مسرع يلبي لأمر أو جود رجع داخل بخطى ميتة دمعة وحدة طاحت ليه أو واعد نفسو بلي أتكون الأخيرة فحياتو....وقف حدا دروج مخرج تنهيدة طويلة....جود:أنتوحشك أعبق غتولي حياتي ضلمة بلا بيك....شوية دخل حكيم فحال تور كيغوت بسمية ختو أو كيفحص دار بعينين مرتابكن أو خايفين مي ساعرين فنفس لوقت....حكيم:(بلغوات)عبااااق ختي....تلاقات عيونهم بجوج مع كان ضلام أو جود شعل أنوار جات من ترية كبيرة أضأت لمساحة كاملة.....حكيم خرج عينيه فراجل ضخم لي واقف بلا مبالاة....متكي على مقبض درج يديه فجيابو لا أو لأغرب في لأمر جبد سيجارة أو دارها فمو كيشعلها بشوية....جود:(كيبخ)مالنا هاجم علي فداري اااه؟؟....حكيم مهدرش كيحاول يتيقن بلي راه فعلم ماشي فحلم....
عبق جاها نعاس أو تكمشات بلاصتها كتحس بدنب من تصرفها لبارد معاه....بقات كتقلب يمين أو شمال أو نوم كيتسلل لجفونها....سدت عينيها كتسمع غوات خفيف بصوت مألوف أو كتخشي راسها من تحت لوسايد....أنا:أوووف علاش كنتخل صوت خويا؟؟نعسي أعبق قبل متحماقي أووووف.....داك صوت سكت أو حمدت الله حيت هدشي غير من وحي تهيؤات ديالي.....
جود قرب منو أو طلق دخان فوجهو نيشان فيقو بها....جود:شفتك نعستي أسي كتسالني شي حاجة؟؟....حكيم إسترجع الوعي ديالو بصعوبة أو شنق عليه بضراوة....حكيم:شكون نتا؟؟...فين هي ختي دوي ولا نقتلك....دفعوا أو كلم ليه بونيا قوية.....جود تراجع جوج خطوات كيمسح شوية دم خرج من شنافتو تحتانية....حكيم كان غاضب بزاف أو بلا اندار تلاح عليه مزير على عنقوو أو كيمخد فيه....حكيم:(بصوت مجهد)شكون نتا فن هي عبق دويييييي...جود تعصب أو فحركة سريعة قلبو جاه ضهر حكيم على صدر جود أو لو دراعو لقوية على عنقوو....جود:تهدن أسي حكيم ولا ندخلو أنا أو ياك فمقاتلة مغتفكنا غير لموت....
جود رخاه أو جمع شعرو بحركة وحدة من قدام لور....حكيم ما فهم والو مازال مدهشر من سميتو لي خرجت من عند راجل مألوف بزاف بنسبة ليه....حكيم:كيفاش عرفتي سميتي؟؟....جود طفا لغارو أو دار عندو بضحكة مستفزة....جود:هههه هدشي ساهل أسي حكيم...حكيم:(شاد فراسو كيدور بغضب)مستحيل هدشي يكون حقيقة أنا أكيد كنحلم....جود:للأسف لا مكتحلمش سمعني أسي حكيم....ماجاء فين يكمل لجملة تلاح عليه بغى يغفلوا بلكمة مي جود إستدرك لموقف دغيا أو خوة لضربة فلمحة بصر....حكيم:(بغوات حاد)شكون نتا بش تنطق سميتي الحقير فين درتي ختي؟؟...هز فاز أو شيرو عليه جا مفرتك مع الحيط....جود ملقى ميدير أو هجم داخل فيه طاحوا بجوج على لأرض....جود:(بصراخ)تهدن مبغتش ندابز ختك معايا....حكيم خرج عينيه بصدمة كتر من سابقتها أو دورو بحركة محترفة أو كلم ليه بزاف بونيات بلا توقف....جود ستقبلهم بترحاب مشي حيت مقدرش يوقفو مي كان عليه يتعاقب بشي طريقة من إنسان عندو نفس لقوة ديالو.....حكيم:(كيغوت صوتوا حراش)شنو درتي لختي فين هي شكون نتا دوييي....
في لبيت لفوق...عبق دخلات فنوم مضطرب كأنها ناعسة أو مناعساش سحابلها كتحلم بننفس كابوس ديل خوها مي فلقطات مختلفة....بقات كترعد فوق سرير أو كتزير على لفراش بيدها....مع دكشي تزاد بزاف أو نتشلات جسمها بقوة من لفراش طالقة معها شهقة أو لعرق كينزل حتى لرقبتها.....أنا:استغفر الله لعضيم يا ربي شنو هاد لحلم....مسحت جبهتي أو هزيت كاس لما....يلا انشرب رجع داك صراخ من جديد بشكل أقوى...أنا:يا ربي وش مازال كنحلم شنو واقع؟؟....بديت كنرجف سادة ودني مي حتى حاجة مسكتات كنمسع صوت رجال كيضاربوو أو واحد منهم فحالي كنعرفو.....أنا:لا هئ هئ مستحيل غير كنحلم اااه هئ هئ مستحيل يا ربي عييت رحمني شوية....مستحملتش أو نضت كنرعد إتجاه لباب....شديت فلمقبض كنبكي حيت تأكدت انني مكنحلمش...غير فتحت رجعت سديت كنموت بلبكاء....أنا:هئ هئ خويا لا ميمكنش يكون هو هئ هئ....تشجعت أو حليت مرة تانية كنسمع صوتو مجعور أو بزاف لحوايج كتهرس أو ضرب أو جود حتى هو ساعر....شديت فالحيط مخبية أو حليت فمي من لمنضر المرعب....كان جود شانق عليه أو حكيم خويا كيسب من تحت لحزام غفلوا بنطحة أو ركلو لرجليه طاح مقسح....حكيم:غنقتلك الحقير فين هي ختييييي؟؟؟.....جود دخل فيه فكرشو أو بدا كيضرب فيه بلا رحمة....جود:(بلغوات)قلت لدلمك تهدن مبغتش ندابز دكشي علاش ختك كتكرهك ديما متسرع هاااك....أنا:(بلغوات)خويا هئ هئ هئ براكا عليه حبسو حكيم عفاك هئ هئ خويا....حكيم دخلو صوتها فحال رصاص حيت كان باقي ليه أمل أن كلشي كدوب....جود رخاه أو حكيم ناض كيرمش من منضرها لعيان...ضعافت بزاف أو شعرها طوال غطى على وجها لحبيب على قلبو....كل خطوة زادها عندها كيكتاشف حاجة جديدة تبدلات فختوو....جسمها مضروب أو حالتها كتشفي لعدو....شد فمو كاتم شهقة صدمة....وصل عندها أو بقى كيقيس بريبة كأنه ممتيقش أن هادي فعلاً عبق...أنا:هئ هئ هئ خويا.....حكيم:عبق؟؟ختي شنو هدشي؟؟....تلاحت عليه أو دورت يديا على عنقوو كنبكي على كتفو....حكيم حتى هو طلعها من لأرض مزير عليها أو خاشي راسو فعنقها كيشم ريحتها لي عمرها تبدلات....حكيم:(دموع فعينه)ختي فين كنتي أو شنو دار لك هاد راجل مافهمت والو....أنا:هئ هئ عفاك أخويا توحشتك بزاف سمحليا أخويا هئ هئ ديني من هنا ياك أنا مكنحلمش ياك؟؟....جود رجع بلور كيتنفس بصعوبة أو هو كيشاهد أخر لحضة لوداع بينو أو بينها....جود:(بصوت مألم)أنتوحشك أحياتي متنسايش شي حد داز فحياتك سميتو جود لوكاس....
مجنون بيبو الجزء 13
محتوى القصة
التنقل بين الأجزاء