مجنون بيبو الجزء 15 (الفصل الثاني)

عدت بموسم تاني مع بطلي لأكتر جنونا على الإطلاق وبطلتي العنيدة زائد شخصيات تكميلية رائعة ونتيجة رواية مختلفة و معبرة 

لن أتكلم بل سأدع أناملي تكتب بكل حب مصير عشق روحين جمعهما لقدر تحت سقف المعاناة هل سيكتب لحبهما التحليق فوق سحاب الجنة؟؟

آلامي سكنات لكن ردة فعلي الجسدية مستاجباتش يمكن حيت كنت فرحانة بزاف أو إلى هدرت ولا عنقتوو غنفقد لمكابح أو نبدا نبكي بلا توقف....بقى حاضني مدة طويلة غير كيتنفس بحرارة بلا كلام...بقيت كندعي فنسفي ينطق بديك لكلمة لغزالة لي كتفصلني على العالم...."عبق حياتي"........

جود فجهة أخرى وسط شعرها كان غايب أو متأتر بهاد لحضة كأنه فاق وأخيراً من غيبوبة....كأن الله رحمو من عداب جهنم على لأرض....عرف بل تأكد أن عبق هي فعلا عبق كل شيء كيدور حول جود لوكاس...جود:(بصوت حنين)عبق حياتي توحشتك....حس بارتجافة كتسري معها خوفاتو عليها أو ضطر يحيد راسو أو يشوف فيها...نزلها أو فتح فرقة شعرها معصب من اتار ضرب مي رغم دالك مازال جمالها متقاسش بنسبة ليه بل زادت جمالاً.....جود:عبق شهر داز علي فحال عوام مكانش علي نخليك حياتي نتي....رجع عنقها أو كيبوس فوق راسها....جود:(بتنهيدة محسرة)كنت خايف لتبقاي معيا داك لهاجس ديال إنتحار بقى معدبني كيخلني نتخيل أنك فأي دقيقة أتحاولي تخسري حياتك فكرت إلى رجعتي لعائلتك أتبراي مي كنت غالط بزاف منين حدرت داك زام*(مكملش تخسار لهدرة)بغيت نقول خوك......أنا:لا رد.....جود:كون مكانش خوك كنت غنقتلو بلا رحمة مي أعبق منقدرش نقلقك أو غيبقى عايش فهد دنيا بسبابك نتي....منين مرداتش عليه دفعها بلطف من كتافها مستغرب من سكوتها لغير مبرر...ياك رجع لها؟؟...ياك صافي مبقى حتى لغز أو كلشي عرف بعلاقتهم؟؟....علاش مبدلاتوش شوق؟؟....كيفاش بعد عليها هاد لفترة صعيبة أو مقدرات حتى تمد يدها أو دورها على عنقوو؟؟....جود:مالكي؟؟عبق هدا أنا جود(حط يدها على قلبو)هدا أنا راجلك أو غنبقى معاك ديما سمعني صوتك أو عطني غير ضو لخضر بش نديك من عندهم....أنا:(بألم)لحمد الله على سلامتك....جريت يدي عندي أو تخطيتو شادة فلحديدة من جديد حابسة البكية بقوة من حديد....جود تصدم أو دار مبلوكي كيشوف جسمها ضئيل أو مشيتها المهلوكة....حط صباعو على فمو كيشعر بغضب عارم من جهة حكيم حيت مقادر يدير ليه والو....يلى غيزد خطوة مراها سمع صوت بعت فاوصالو رعشة خفيفة من لكم ديال لحنان لي فيه زائد تعب نفسي مئتر عليه بنغمات بكاء يلا تحبسات....دار بشوية أو زادت صورة ديل الأم المتالية وضاحت ليه....بهيئتها صغيرة من حيت طول أو الاكتناز لمعروفة به أي مرأة كتوصل لعمر كبير....لباسها تقليدي أو غطاء راسها المحتشم.....كتشبه لعبق بزاف بعينها لواسعين رغم تقدم سنها لكن حكيم كيعطي لها أكتر من ملامحها المتبقية....كانت مكمشة جبهتها أو كتمسح حناكها من قطرات دموع خائفة....قرب منها أو مد لها يديه كيسلم عليها....جود:سلام أنا....طلعاتو بنضرة طويلة من رجليه تال راسو أو خدات ليها وقت بسبب طول ديالو لفارع....لوات فمها بعصبية أو نخلات يديه الممدودة داخلة لبيت...فيروز:تبعني.....جود:(كمش يديه)هي لولا....دخل أو سد لباب....فيروز جلسات فوق سرير شادة فجبنها بيد أو كتضرب حجرها بتوتر بيد تانية...أما جود تكا على حافة لمنضدة مربع يديه أو عينيه على الأم ولا بالأحرى نسبتو لمنتضر لقائها.....قطعت أفكارو بشوفة خطيرة إعترف أن عبق ورتاتها من عندها....فيروز:(بصراخ طفيف)علاش كنتي معنق بنتي؟؟شكون نتا بضبط؟؟فين هو ولدي شنو درتي ليه؟؟نطق وش نتا لكانت بنتي حاملة منو؟؟....جود:بشوية لالا أسئلتك كتيرة غنختسرها لك فجملة وحدة أنا سميتي جود لوكاس أو عبق مرتي أو جيت حيت توحشتها أو من طبيعي تشوفني معنقها....فيروز:(بصدمة)نتا هو جود لي كانت كدوي عليه فاحلامها أو حتى فوعيها أو كككفاش راجلها؟؟....جود؛(بفرح)أنا نسيبك آلالا فيروز تشرفت بمعرفتك....فيروز تعصبات أو ناضت عندو كلما كتقرب ليه كيبان لها طويل أو ضخم بشكل غير عادل على جسم بنتها صغير....فيروز:شنو درتي لبنتي؟؟دوي ولا نقتلك....جود جاتو ضحكة شدها بزز رغم أعصابو المتزايدة.....فيروز:علاش بنتي أنا خرجتوا لي عليها لا نتا لا ولدي؟؟...(بلغوات)كيفاش تزوجتي بها كفاش أكيد جبرتيها مابقيت فاهمة والو ....جود:كلشي غتفهميه دبا خصني نمشي عند مرتي سمحليا....تقدم خطوة أو فجأة حس بيدها كدور على دراعو أو تقلبوو بضعف....فيروز:(كتبكي أو تغوت)أجييي خليها فتقار خرج من حياتها تعرضات لضرب بسبابك....جود:بسباب ولدك كلشي بسبابو عبق كبرات خوف منو أنسيبتي ولدك تاحد من غيرو خرج على عبق....فيرر:لا هئ هئ 😭😭ولدي أو نتا بجوج بعدو لي منها الله يرحم لكم لولدين هئ هئ....جود دار بشكل كلي أو قبط لها كتافها منزل راسو عندها بإصرار....جود:عبق هي لي مغنبعدش عليها خليتها لكم شهر واحد أو شوفي كيف ولات سمحليا لالا مي عبق غتبقى معايا حيت أنا لي غنحمها أو تأكدي من كلامي....فيروز:شكون نتا هئ هئ؟؟شنو بغتي منها؟؟....جود:بغيتها هي أو مستحيل نخليها لكم أو خاصةً لولدك....فيروز تعصبات منين رمى فوجها داك شبه تهديد أن عبق تقد تبعد عليها مرة أخرى...محساتش بيدها حتى طارت لحنكو جامعة معاه بتسرفقة مقسحاتوش جسدياً انما طاحت عليه محملة بكمية كبيرة من الغضب....فيروز:(بلغوات)مغنسمحش لك فهمتي....

فيروز: مغديش بنتي إلى على لجتة ديالي....بدات كضرب فيه واصلة غير لكرشو أو كتبكي....فيروز:هئ هئ بعدو لي منها باركا تحكمتو فيها بزاف جاء لوقت لي غنوقف أو نحميها هئ هئ....جود خلاها على راحتها تخرج غير شوية أو ترتاح....فجأة تحل لباب على هداك المشهد باش جود شد يديها يحبسها....حكيم:(بلغوات)ميييي؟؟؟.....دارو بجوج عندو جود رخاها أو تلقى ليه بلكمة....حكيم إستدرك لموقف أو تشانقوو....فيروز خرجات عينها من منضر حكيم وجهو أو دم لي مزوق قمجتوو لبيضة....جود:(بصوت كيخلع)جتيي كون مكنتش خوها يا بربي ماتبقى حي...حكيم:هههه ضحكتني أنا لي غنقتلك أسي جود لوكاس أو ندوز ها لك نيت تلقاو فجهنم....جود:(ضربو براس)سد حلقك ولا نكمل على ديلمك نتا أخ نتا؟؟كيفاش تقدر دير فختك هاديك لحالة ولكن مغنخلهاش لك هي مراتي أو عندي كل الحق فيها...حكيم:(تعصب أو زاد شنق عليه)حتى نكون أنا ق*** عاد ديها....فيروز:هئ هئ 😭😭باراكا يا ربي منين تسلط علي حتى هدا مقدوني فيل زادوني فيلا.....بقاو هكاك مشانقين كيتسابوو حتى دخلات ممرضة كتغوت أو مخلوعة....ممرضة:نتوما عائلة عبق العلمي را طاحت فالكولوار فاقدة الوعي سربيوو.....رجعات كتجري أو فيروز غوتات تابعاها....جود دفع حكيم بغى يخرج لكن حكيم سبقو....لصقو بجوج على إطار لباب....جود:(بلغوات)حييييد ألق**** ماشي وقت مضاربة....حكيم:حييد نتا أزب*** را ختي هاديك....بقاو كيدافعو شكون لي يسبق لولاني....جود مبغاش يتعكس أو وسع ليه...خرج حكيم كيخنزر فيه....سرعوا خطواتهم تابعين مصدر بكاء فيروز....لقاوها قدام غرفة لعمليات كتموت أو تنتف راسها.....فيروز:وييك وييك على بنيتي غتموت ليا هئ هئ😭😭....مشى حكيم نوضها أو عنقها بقوة...حكيم:شششش أمي كلشي غيكون بخير....جود لصق على لباب كيفكر فجريمة فحق حكيم....جود:كلشي بسبتك شنو غندير لك إلى وقع لها شي حاجة....حكيم:نتا سباب دخلتي لحياتنا بلا اندار شنو بغيتي نديرو لك نصفقوو بلفرحة....جود توجه عندو بغى يضربو مي فيروز وقفات ليه كتبكي أو دفعاتو من صدرو.....فيروز:عفااك بنتي مريضة الله يخليكم😥....بقات فيه أو تراجع رامي جسدو فوق من كرسي كيمسح صفحة وجهو بسرعة....طلع عينيه فحكيم كان كيجلس مو أو كيمسح دموعها...ناض فيه جزء لغيرة عوتاني من جهة الأم ديالو....جود:معليش أجود غترد لك عبق أصلاً هي فيها كلشي....بقاو كيتسناو ساعة كاملة من نيران فقلبوو.....خرج طبيب أو لقى قدامو جوج ضخمي لبنية حدا كمارتوو أما فيروز مخرجة راسها بناتهوم كي لكميشة....جود:مرتي؟؟....حكيم؛ختيي؟؟....فيروز:بنتيي؟؟....طبيب:مرتك أو ختك أو بنتك لباس سخفات مع جوع أو توتر يمكن شافت شي حاجة غر متوقعة....جود:متأكد؟؟....طبيب:بطبيعة الحال لحمد الله على سلامتها....خلاهم أو جود خشى يديه فجيب دجين مرتاح نسبيا....جود:تكتبت لك عمر جديدة أنسيبي العزيز.....حكيم؛لا رد....رجعو ريحو بعاد فيروز مرة مرة كتخطف فيه شوفة....صراحة خلعها بشعرو المرفوع أو لحيتو الكتيفة....فيروز:حكيم شوف كداير ناري يا ربي بنتي كانت مع هدا؟؟....حكيم:هدشي عاد فهمتيه أميي باينة فيه ماشي راجل عادي.....فيروز:ميمتي على نسيب جديد عشنا أو شفنا يا ربي...نسات راسها أو بدات كدوي بهمس ناسية حكيم....فيروز:الله على بنيتي كي دارت نعسات مع هاد لغول ناري يا ميمتي أيكون فرشخها.....حكيم:(بلغوات)ميييي مال عقلك مسخ اش كتقولي حتى نتي.....

فيروز غرقات فبلصتها بلحشمة منين عاقت بلموصيبة لي خرجات منها....حكيم بدا كيشخط أو ينخط كيضرب لكرسي برجليه.. كيسوط أو مرة مرة يحك لحيتو بتوتر أو يطرطق سباعو....جود كأنه كيتسنا روح ديالو ترجع ليه خاصةً أنه موحشها بزاف....تحل لباب وأخيراً بصوت نقالة خارجة....جود أو حكيم وقفو مرتابكين أما فيروز تلاحت عليها دموعها سابقينها....عبق كانت فايقة أو ضحكت تلقائياً مع قرب فيروز منها....ولكن لي مكانتش عارفاه أن جود بهاد ضحكة لعفوية قدرات تخرجو من أتعس مراحل ليأس....حكيم تبلوكا أو هو كيتحسر على اتار ضرب لي خلقها على ختو مقدرش يتبعهم جلس شاد فراسو ممنتابهش لجود لي داوه رجليه بلا مشاورة لعندها.....

دخلوها لبيتها أو عونوها تجلس على سريرها....فيروز بقات شادة فيد بنتها أو غير كتبكي بضعف....جود بقى واقف حدا إطار لباب علاما سلاو لها تركاب سيروم....طبيب:انسة خصك.....جود:(مقاطعو)مدام أسي طبيب مدام لوكاس....دارو كاملين عندو أو هو يتحرك ناحيتها قبط يدها أو هبط باس راسها.....جود:هاد زين مرتي أنا....(عبق قلبات وجها لجهة تانية)....طبيب:احم مدام خصك ترتاحي مزيان حيت أي صدمة خرا تقدر متسلكيش منها....جود:كون هاني أصلاً حتى حد مغيئدها أو أنا هنا....حكيم:بصح؟؟....دخل بلا حس أو وقف فوجهو أو فك يديه مع يد ختوا....حكيم:يكما يسحاب لك أتقدر دخل بهاد لبساطة لعائلتنا بمجرد أنك راجل ختي؟؟....جود:مكتهمنش عائلتك أسي جيت ندي مرتي....حكيم:تجرأ أو ديها حدا عيني....جود:اهاه....دفعو بقوة أو دار بسرعة عند عبق لي كانت فاتحة عينها بعدم تصديق....حيد لها سروم قدام انضار طبيب أو فيروز أو حتى حكيم لمصدومة....خشى يديه من تحت رجليها أو تانية مر ضهرها أو هزها بخفة....حكيم:(بلغوات)شنو تادير؟؟....جود:غندي مرتي لأحسن بلاص ترتاح فيها مشي قدام متوحش فحالك.....طبيب:تهدن أسيدي حط لبنت ولا نعيط لأمن....جود بغى يزيد أو حكيم وقف ليه بمرصاد....حكيم:حط ختي بلا شوهة.....جود:(بصراخ)قود من حديا مشي شغلك مرتي أو من طبيعي تكون مع راجلها سير دعيني....حكيم:(بغى يجرها من عندو)جود بركا راني لحد الآن مطول بالي معاك....طبيب:غنعيط لأمن هدشي بزاف.....فيروز:هئ هئ بنتي....أنا:(بصوت مقتول)براكا علي نتوما بجوج أنا را إنسان عييت منكم متبقاوش تقرو فبلاستي حيت أنا مشي حمقة ولا عاجزة باش تعاملوني فحالي مكيناش حطني أجود مغنمشيش معاك أو نتا أحكيم زدتي فيه كرهتني فحياتي مكنتش كنضن أن مصيري فهد دنيا غيسالي هاكا وسط جوج رجال مجانين ولكن عبق غتبدل فور مغتخرج من باب هاد لمشفى أو حتى حد مغيقدر يقيسني من دبا فصاعداً أنولي وحدة جديدة كنواعدكوم....

***في ليل***:

دخلت ممرضة مع بلاتو لأكل مبتسمة....ممرضة:مدام عبق هههه جبت لك ألذ صوبا عدنا.....فيروز تلقات لها أو خداتها بفرح....فيروز:أااري ابنتي الله يرضى عليك أنا غنوكلها....ممرضة:اوكي مي كليها كاملة غدا انشالله اتخرجي لحمد الله على سلامتك.....(خرجات)....فيرور جرات طبلة المتحركة على حجر بنتها.....فيروز:يلا بسم الله....أنا:فين مشاو دوك جوج قبيلا؟؟....فيروز:ماعرفت لهم ابنتي كان مشيبنا غير خوك مشتي جبتي لينا صعصع تاني أتولي رgالطا عدنا فدرب غا سكتي.....أنا:ماما واااه براكا علي....فيروز:فتحي فمك....أنا:(كناكل)قسحت لهدرة ياك؟؟....فيروز:غزيتي فحسهم خلينا منهم أو عودليا فوقاش حملتي؟؟....أنا:(تقرست)احم ماما مبغتش ندوي فهد موضوع....فيروز:بنتي صافي دبا كلشي تكشف كيدار حفيدي حتى مات؟؟....أنا:(بألم)طحت من دروج....فيروز:😥😥 الله يا حبيبتي....أنا:تعدبت بزاف أمي كلشي بسبابي....فيروز:(باست راسها)صافي ابنتي نتي مازال صغيرة أو ربي غيعوضك....ان:هههه موحالش مبغتش نولد من داك راجل....فيروز:ناري ابنتي كيخلع صراحة نموت أو نعرف كي دار لك بش احم باش حملك....أنا:(بلغوات)ماما شنو كتقولي حشوما....فيروز:ورا نتي على قد لحال فيك جوج عضام أو هو قدو قداش مفهمتش.....أنا:ههههههههههه😂 ماما ضحكتيني....فيروز:هههه الله على ضحيكة أنا غشفتو دهشرت ابنتي بقيتي في.....أنا:(غنموت بضحك)هههههه سكتي هههه ويلييي حشمتيني.....فيروز:ههههه وا غا فهميني كفاش.....

في دار فيروز....حكيم دوش أو خرج لابس غير شورت كيمسح شعرو بفوطة أو فنفس وقت كيبطا على أزرار الهاتف....حطو على ودنيه كيسوني فحال لعادة....حتى كان غيفقد الأمل أو تفاجئ بلخط كيتفتح....أو صوتها طفولي رنان كيجاوب....حكيم:(بلهفة)رييم؟؟....أخيراً جوبتي.....

مشى حكيم جلس كيستامع غير لصوت انفاسها المتلاحقة....حكيم:تهدني أريم كنت كنتاصل بيك بزاف مي مكترديش عليا....ريم:هئ هئ سمحليا سي حكيم كنت مريضة بزاف عاد صحيت كدايرا عبق؟؟.....حكيم:شوية أو صافي صراحة بغيت نشكرك حيت علمتني....ريم:أنا؟؟....حكيم:(بإصرار)ااااه نتي معرفتش كيفاش نرد لك خيرك....مرداتش عليه مدة خلاتو يتوتر....حكيم:ريم نتي معايا؟؟....ريم:اااه أسي حكيم أنا معاك تفاجئت كان كيحسب لي غتاخد مني نضرة خايبة.....حكيم:الله يا ودي خصني نشكرك بزاااف....قالها لجملة ديالو الأخيرة أو هو مضيق عينيه كيشوف فلقمر بلون نار عكس لونو الأبيض....ريم:توحشت عبق بزاف سلم لي عليها....حكيم:انشالله تهلاي فراسك أو فصحة ديالك غادي نعلم ختي بهاد إتصال بش نفرحها....ريم:مغتقولهاش انني كنت عارفة بلاصتها؟؟....حكيم:لا أصلاً ختي محتاجة لك مكرهتش تفكري تجي المغرب أو تبقاي جنبها؟؟؟....ريم:أنا؟؟....حكيم:اياه نتي ياك نتي صحبتها لمقربة....(قالها فحالي كيهينها)....سكتات عوتاني أو قلبها ضحك...حكيم:هههه مغدش نجبرك مهم أنبقاو على إتصال حتى نقنعك دبا تصبحي على خير (بصوت رقيق)متبقايش تعيطي لي سي حكيم كنفضلها حرفية من صوتك لحلو .....قطع عليها أو رمى تليفون معصب غيموت بلفقسة....حكيم:(بلغوات)غنجبك هي غنجبك أو ديك ساع أتعاقبي على كل كدبة الآلا ريم........

***في صباح***:

عبق خرجات من لمشفى جامعة بنفها أكبر كمية هواء منعش دخلاتو لرئتيها لي كانوا عامرين بريحة سبيطار المزعجة....كانت على كرسي متحرك جارها مها أو خوها جنبهم....حكيم:مي أنمشي ندماري طنبل أو نخرجها لبرا بقاو كتسناوني....فيروز داتها لاقرب كرسي أو جلسوا كيتسناو.....أنا:مما شنو غندير دبا؟؟نطلب طلاق من جود؟؟....اكتسح ضل كبير غطاهم بجوج من نور شمس.... جود:مغنطلقكش أعبق....شافت فيه بعتاب أو حركات عجلات لكرسي تمشي...مي جود جلس أو جرها عندو....جاو رجليها وسط رجليه....أنا:بعد مني....جود:تسنيت ليل كامل هنا مقدرتش نبعد أكتر أعبق فهمينيي....أنا:مشي شغلي سييير كتجبد لي صداع خويا هنا.....جود:وخا هاهو جاي شوفي موريا....أنا:وييليي بصح ماما؟؟....فيروز كتخلع منو مكتجرأش تقرب ليه كتقلبها بكاء.....جود:كيشوف فينا ياك؟؟.....أنا:علاش؟؟.... شد راسها أو جبدو عندو....ضحك لها أو غفلها بقبلة حارة....عبق مع صدمة حلات عينيها أو طلعات يدها على كتافو كدفعوو....مي جود لصق أو زاد في لا دوز أو بدا كيبوسها قدامهم على طريقة لقبل الفرنسية المشهورة.....

فيروز داخت أو تلاحت على لكرسي مشرعة فمها من طريقة لبوسان كتنعل لحاج العلمي كان مضيعها....فيروز:اويلي الحاج الله يرحمك شو ناس كيفاش كيبوسو أو نتا كنت قاتلني غير بلغوت.....حكيم:(بصراخ)عبااااق.....جود:(رخاها)مالك كنبوس مرتي شي مشكل اااه نسيت وقيلا عمرك جربتي هدشي هههه.....حكيم جر ختو عند فيروز أو وقفو من كول لقميص....حكيم:بغيتي تحمقني اش جابك عوتاني....جود:هههه أتولي تشوفني بزااف أنسيبي لعزيز....فيروز:(بهمس)زوينة هادي سيد واخد راحتو فتشلقيم....أنا:(حشمانة)ماما را هو....فيروز:(كتمنضر فيه)اااه يا بنيتي صراحة دكشي زوين كنا محرومين مع باك كيدخل ديركت....أنا:اويلي أماما حماقتي؟؟.....فيروز:سكتي خليني نعبر شوفي زين تبارك الله سعداتك أبنيتي دكشي لاخر معرفتش كي كايدر ليه شحفت حلقي معاك يا بنت لحرام مبغيتي تقول لي تفووو .....أنا:اويلي هادو حماقو مفيهاش.....مسحت فمي كنشوف فجود كيستفز فخويا بديك ضحكة لخطيرة.....أنا:مما غيتشاعلو هنا فكي أو نتي حالة فمك....فيروز:أبنيتي كيخلعني منين كنوقف حداه كنبان كي نقطة غا يديه قداش لا لا خليه منو لغول ديل خوك حنا غير وليات....أنا:أوف عولنا عليك بكري....(بلغوات)ااا دوك جوج براكا جووود فكو مبغينا صداع....جود:(دفعو)وخا حبيبتي.....حكيم:حبيبتي؟؟.....جود:ههههه كنت فحالك منكدبش لكن مع حلاوة زواج أححح أصاحبي دكشي ولا كيخرج بحدو بني أو بينك (همس ليه فودنوو)حنا رجال أو عارفين اش تيخرج ههههه....حكيم:(تعصب)غادي نهرس لدلمك فمك.....جود:هههه تكالما صاحبي دبا تجرب.....

جود طلقو كيضحك أو جاء لعندي....حنا لمستوى ديالي أو بقى ساكت الإبتسامة غادية أو كتبهات من وجهو لوسيم.....جود:يلا معايا عبق متوحشتنيش زعما؟؟.....أنا:(مخلوعة كنشوف فخويا)أنا أنا جججوود صافي سييير....جود:مازال كتخافي منو أو أنا حداك؟؟.....أنا:مكنخافش منو أنا بغيت نرتاح عييت بهاد صداع أجود صافي سيير من هنا أو طلقني....حكيم:سمعتيها مزيان اطلقها بزز منك كنعرف محاميين مزيانين أو بغيتي ولا كرهتي عبق مغتبقاش مراتك....جود:(برقة)بصح مبغيتيش تبقاي مراتي؟؟....أنا:لا رد....جود:بغاني نطلقك؟؟.....أنا:لا رد....جود:مبغتيش تبقاي معايا؟؟....أنا:لا رد....جود:مزيان عرفت جوابك أو نتي غتمشي معايا.....ناض بسرعة أو أو هزني غادي بي ممعبر حتى حد....فيروز:بنتييييي....أنا:شنو تادير أجود بعد منيي....حكيم:(جرو من كتفو)وقفف حط ختي معندكش لحق ديها....جود دار عندو معصب أو كنت كنحس بصدرو كيدغط على الجسم ديالي بتنفس غاضب.....جود:(بلغوات)مغنخلش مرتي معاك قود سييير قلب عليك فش تلاها ...حكيم:(بصوت كيهدد)حط ختي مبغاتش تمشي معاك....أنا:هئ هئ صافي بركا....جود:حياتي غنديك من هنا مستحيل نخليك....أنا:صافي أجود هئ هئ صافي متفرضش راسك عليهم فحالي درتي معيا أنا عطيهم وقت يتقبلوك عفاك مبغتش نمشي معاك هئ هئ....جود:(بصدمة)عبق؟؟.....أنا:سمعتي شنو قلت حطني عفاك بلا صداع.....حكيم تحرك أو خداها من عندو...لقى فيروز جايبة لكرسي حطها عليه بلطف أو باس لها راسها....حكيم:(كيدوز لها على شعرها بحنان)مغنتخلاش عليك أختي يلا نمشيو.....طلعت عيني كنطلب منو سماح....كان مدمر أو وجهو إكتسب لون أحمر كيدل على بركان شادو بسيف....دعوني من تماك أو درت كان مازال واخد نفس لوقفة فحال شي جبل كتعسف عليه رياح عاتية أو لمشكل أنا سببها....أنا:سمحليا جوجو......

وصلنا لدار أو حكيم عاوني نوقف....دخلنا أو طلعوني لفوق....أنا:ماما مبغتش ندخل لبيتي....حكيم:صافي دخلها لبيتك أمي أنمشي نشري لها دواء.....فيروز:وخا زيدي.....داتني بشوية أو جلساتني برفق على ناموسية....فيروز:بنتي لحبيبة اشنو مشهية؟؟....أنا:وآلو أمي بغيت نعس ردي عليا لحجاب عفاك.....فيروز:بنتي كتبغيه؟؟.....كأنها سرفقاتني بسؤالها خاصةً أنها رماتو عليا بهدوء عكس لعاصفة لي كانت داز منها لحب ديالي ليه....أنا:لا رد....فيروز:بنتي وش كتبغيه؟؟....أنا:كلمة كنبغيه قليلة اماما عرفتي بلا جود كنولي فحل الجسم بلا روح....فيروز:شفت مزيان كيفاش فرحو عينيك باش بدا كيعاملك هكاك....أنا:هههه جود كان كيدير كتر من دكشي أمي....نضت ربعت رجليا أو جاتني واحد الحماس انني نعاود لها معجزات الحب....أنا:(بفرح)ماما جود ماشي إنسان عادي بصح هو شوية مفروح هههه ولكن داك لحماق ديالو كيعجبني بزاف ههههه دار على قبلي أشياء حساستني بلامان بلفرحة كأنني ملكة على وجه لأرض من الأساطير لقديمة أو هو الفارس على الحصان الأبيض....فيروز دمعو عينها أو هي كتشوف طريقة باش كتعبر بنتها على راجل لي كتبغي....أنا:هههه ماما أنا مكنبغش جود أنا كنتنفس بسبابو....غلبوني دموعي أو ولا ضحك بكاء مرير....أنا:هئ هئ 😥😥أو قبيلا جرحتو هئ هئ😭😥 أنا كندير غير لحوايج لي كيعدبوه أو مبغاش يتخلى علي بلعكس كيزيد يتعلق بي هاعهئ.....فيروز جراتها كتبكي معها أو عنقتها تخفف عليها آلام عشقها....أنا:كنبغيه بزااف بزاااف ولكن كنبغيكوم حتى نتوما معرفتش شنو ندير....فيروز:(بإصرار)غنعاونك ابنتي حتى حد مغيوقف فطريقكم بجوج....أنا:بصح؟؟....فيروز:هههه اوا شنو نخلي نسيبي لبgوس يفلت من يدي هههه....أنا:ههههه 😂😂يكما تزعطتي فيه؟؟....فيروز:هههه أودي غير تزعطت أو سكتي....أنا:هههه هاي هاي هاي على فيروز السافلة ههههه 😂😂را كنت حاضياك فن كنتي كتشوفي قبيلا هههههه....فيروز:(حشمات)ههههه ويلي خليني نحنزز فرزق بنتي هههه.....أنا:(بستها)ههههه حنزي شكون منعك غا هو عندك دوري لي بيه.....فيروز:ههههه😂😂 معرفتي را عيني خضرة نموت على زين هههه.....

حكيم خرج من صيدلية أو قرر يبدا معها لعبة ....دخل سيارة حط دواء حداه أو بدا كيرطب صوتو لحرش أو كيفكر كيفاش يدخل لها....بقى كيصوني تواني معدودة...تفتح لخط أو جاوبات بأرق نغمة دازت على ودنيه شي نهار....حكيم:احم ريم هدا أنا حكيم....ريم:وي عرفتك أسي حكيم لباس عليك؟؟....حكيم:هههه شنو قلنا على وديت سي أنا بخير أو نتي؟؟....ريم:ههه أنا لباس....(عم سكوت مزعج)....حكيم:احم شنو تادري؟؟.....ريم:والو جالسة فدار را صيف أو صراحة ماكين ميدار....حكيم:(بتشجيع)مكتخدميش؟؟....ريم:لا بابا مكيخلنيش كيقوليا حنا ميسورين مكاين لاش.....حكيم:مكتجيوش المغرب؟؟....ريم:لا مشي بزاف بابا خدام هنا أو عائلتنا صغيرة تماك معندناش معاهم علاقة مزينة....حكيم:أو علاش ماتجيش عدنا؟؟....ريم:عندكم؟؟.....حكيم:بغيت نقول عند ختي تدوزي معها صيف أو فنفس وقت تبدلي لجو؟؟....ريم:لا ميمكنش أخويا بابا مغيخلنيش.....حكيم:علاش ياك هما كيعرفو عبق مزيان أولا؟؟....ريم:اه ولكن؟؟...حكيم:اوا صافي كيفما حنا أمناكم على ختي....(قالها كيمعني عليها)...ريم:لا رد....حكيم:ادن مافيها باس تجي عندنا تأكدي أريم بلي غدوزي أحسن صيف فحياتك....طول لجملة ديالو كأنه متوعدها أو هو كيورك على لفلون متخيلو عنقها....ريم:(بتردد)معرفش أحكيم....حكيم:هههه بلاتي بلاتي عاوديها....ريم:شنو؟؟....حكيم:أول مرة كنسمع سميتي بهاد لحلاوة....بدا كيوصلو عبر لخط توترها لواضح أو خجلها حيت سكتات عوتاني....حكيم:هههه كتحشمي زعما؟؟....ريم:(بخجل)شوية أو صافي.....حكيم:هههه باينة كتحشمي بزااف....ريم:مهم خصني نقفل دبا....حكيم:فكري فلموضوع لا بغيتي انهدر مع باك ختي خصها لي يدوز معها لعطلة أو مكاينش حسن منك....ريم:حتى أنا توحشتها بزاف أنفكر أو نرد عليك....حكيم:اوكي انكون سعيد بزاف إلى وافقتي أو ياريت توافقي بش نتلقا بيك....ريم:بسلامة.....طفات عليه أو حيد الهاتف ببطء كيعصروو بن صباعو....حكيم:بلاتي أريم كيفما فقدات ختي شرف ديالها حتى نتي أيكون مصيرك فحالها كنواعدك.....

دخل حكيم لدار....سمع ضحك جاي من لكزينة....طل على أحب إنسانتين على قلبو....مو كتغني هاداك لحن لقديم أو عبق شادة تفاحة كتاكل فيها أو كتضحك أو تغني معها من دكشي لي حافضة....حكيم:سلام أو عليكم....إنتابهو ليه أو فيروز ردات سلام ناقص....حكيم:جبت دواء لعبق....فيروز:حطو تماك أو دوز تعشى.....أنا:ماما أنطلع نرتاح....جيت خارجة حتى كنشعر بيديه كدور على دراعي....حكيم:ختي ممكن ندوي معاك؟؟....أنا:بغيتي ضربني عوتاني؟؟....حكيم:مكنبغش نضربك أختي ولكن دكشي كان قوى مني أجيي.....جرني لصالون أو جلس مقابل معايا....شد لي يدي بجوج أو باسهوم...ستغربت بزاف من هاد تعامل.....بدا كيقس ضرب لي فوجهي أو كيبتاسم.....حكيم:ختي عارفة بلي نتي هي روح ديالي....أنا:كككفاش؟؟.....تصدمت بلمعقول خويا كيعبر لي على الحب؟؟اش هاد تخرمييز وقيلا جود عاداهم بحماقو....أصلاً شكون ميقدرش يتإتر بجود لوكاس.....حكيم:جاتك غريبة ياك أختي؟؟؟لكن صدقيني أنا كنبغيك كتر من حياتي او بسباب هدشي فقدت أعصابي مرضيتش أن ختي صغيرة البريئة زوينة لفرحة ديال دارنا تزوج بلا خبارنا أو تكون دايرة علاقة مع راجل....أنا:خويا أنا؟؟....حكيم:شششش خليني نكمل لك أختي بصح عندك الحق تكرهني.....أنا:(سدت ليه فمو)مكنكرهكش أخويا ولكن كنخاف منك بزاف.....حكيم:عبق نهار بش تزاديتي كانت عندي 8 سنين معمري قلتها لكن فرحت بزااف بيك هههه كنت وحيد ولكن ضحكة ديالك رداتني نشيط لدرجة كنت كندعي فالقسم فوقاش نوصل دار أو نلعب معاك أو نهز لك رجلاتك نعبرهم مع صبعي هههه.....أنا:(كنبكي)ههههه....حكيم:مازال كنعقل على نهار فش مرضتي بغيت نحماق كنت صغير أو تخيلت أنك غتخليني أو نولي وحداني بقيت كندعي هاديك ليلة كاملة فنفسي الله أو فعلاً حسيتو إستاجب لي....لكن ماشي بيدي أختي من تعامل ديل لوليد راك كنتي كتشوفيه مزيان كيفاش كان ديما كيحتاقرني هوا لي ربا في لعنف أو رحمة ديال البراءة ماتت من هديك ليلة فاش علقني فسطح أو تكرفس عليا بضرب علاش غير حتاش رديت عليه لهدرة....أنا:خويا سكت عفاك هئ هئ.....حكيم دور وجهو لقى مو حتى هي بدات كتبكي أو كتمسح دموعها.....حكيم:ختي أنا كنعاود لك لقلة من لعداب لي داز عليا من جهة بانا بش تعدريني شوية أو تسمحي لي على تصرفات ديالي مكنعرفش نترجم بشنو كنحس بلكلام أنا كنبغيكوم نتي أو مي أو نتوما لي عندي فهاد دنيا را كنموت إلى تخيلت أن شي أدى يقدر يتعرض لكم بجوج أو خاصةً نتي أختي حيت كنتي بعيدة على عيني...سكت شوية كيتنهد أو بكاء مو أو ختو مازال خدام.....حكيم:مبغتش نزيد نبرر أغلاطي كتر أختي أنا كنعتارف بلي أنا راجل يدي سابقاني أو مكنفكرش حتى كنلقى يدي دارت لعكس تماماً بشنو كنحس ديال بصح....بغيتكم تسمحوا لي نتي أو مي.....فيروز قربات ليه بلطف أو باست ليه راسو...فيروز:أو حنا معدناش من غيرك أولدي حتى حنا كنبغوك بزاف أنا من جهتي مسمحاك ختك لي خصها تغفر لك....حكيم:(بترجي)ختي؟؟....ماجاء فن يكملها حتى كانت طارت عليه معنقاه.....أنا:هئ هئ حكيم كنبغيك بزاف أخويا ولله شاهد علي ماتقولش هكا أنا غلطت بزاف فحقكم حتى نتوما سمحوا ليا بزاف....حكيم دور يديه على خصر ختو أو ضمها بقوة كيبوس شعرها.....حتى فيروز عنقاتهوم فرحانة بولادها لي بياض لخط بناتهم في نهاية كيبقو إخوة ولاد كرش وحدة أو مستحيل حد فيهم يتخلى على تاني.....

أما جود كان راكن سيارة فداك ضلام.....حدا زنقة ديال دارهم....كانت زنقة كبيرة باينة أنها متموقعة فصف الأحياء راقية بحيت أن ديور لي فيها كاملين كبار أو عصريين....أصلاً حسن العلمي هدا هو لمقام لي يليق به....زنقة كانت هادئة أو نضيفة أو لا طير يطير لا وحش يسير....كان صقيل طاغي على أرصفة طريق لمؤدية لها....جود كان مشبت بعينه بضوء سراجم لي كينباعت من دارهم كيحلم يطير أو يدخل عندها من أي طريقة لمهم يشوفها.....كان كيكمي بنهم أو كيتغدد مع كل نترة على ديك معاملة سيئة....جود:كنت كنضن أنك أتخلاي على جبال أعبق على ودي مي أمل ديالي تبخر...جاء لوقت لي نتخلا عليك فيه أنا هاد لمرة أو منين غتحسي بفقدان جود فحياتك ديك ساع أنولي إنسان جديد جود لوكاس لمجنون بيك صافي مات.....

في صباح....خرج حكيم من دار بقلب جزئياً مرتاح حتاش تصالح مع ختوا أو مو لحبيبة....أو دوزو ليلة البارح بسعادة على طابلة لعشا أو حتى من وراه....كان لابس كستيم عملي فحال لعادة مستعد لخدمة لي تهاون فيها بزاف مؤخراً....حرك طنبل تسخن أو جبد تليفون....حكيم:مغنساكش أريم خصك دفعي تمن أو نعرف علاقتك بجود ضروري....في رسالة نصية:"سلام يا أحلى صوت أنثوي بدنيا صباح الورد مازال مبغتيتي تستسلمي أو نشوف وجهك لي باينة أيكون جميل فحال نغمة صوتك لي كتخلي نهاري فحال لمسك".....كمل لكتابة بعصبية بمجرد ترسل لاح تلفون فوق لكسان عروق عنقوو تنفخو بغضب مع ضد تماماً بباش كيحس فعلياً....حكيم:(كيضرب فلون)تفووو هدشي كامل بسبب جود لي ماعرفت اش كتجمعك به ميييرد....تنفس شوية هوا صباح أو كالما مخو خصو يكمل أو يحفض أعصابو فتلاجة باردة علاما طاحت لفريسة فيد صياد...حكيم:حتى حد مغيخرج من هاد لعبة لي درتو لختي بلا مياخد جزاء ديالو كنواعدك أريم....حرك لكسراتور أو زاد فطريق شركة.....

في طريق...حكيم دائماً كيشعل راديو أخبار صباحية أو كيفتح سرجم مع داك لهواء العليل لي كيلفح بشرتو سمراء أو كيخلي شعرف لأسود يطاير بسلاسة...فحال شي طقس كينشطو خاصةً أن لمسار لي كياخدو طويل أو خاوي تقريباً من سيارات....بدا داك صوت ديال لكالم لمتخلل بنسمات باردة أو صوت أغنية بسيطة فلحنها كيمتعو شوي بشوية....حتى هجم على هاد الهدوء كلاكسون مجهد من لور....سحابله غا شي برهوش متطفل من محبين سباق....حكيم:هدشي لي كان ناقص تفووو.....طفا راديو أو جهد سرعة....لكلاكسون جهاد حتى هو أو محرك سيارة ضخمة بدا كيتقدم إتجاهو....حكيم طل من زاجا لقدامية كاتبان ليه طنبل فخمة لونها أسود لامع رباعية دفع أو زاجها فومي مكيبنينش.....حكيم:شكون هدا عوتاني؟؟.....سيارة بدات كتزيد حتى بلوكاتو أو وقفات بصرير جرح لأرض بروداتها لكبار أو طلق صوت كيصمك.....حكيم بعدما برك على لفرامل بأعجوبة ممصدقش باش تبلا كون مكانش حزام الأمان كون مات لا محالة....طلاقات سيارة لمقابلة مع وجهو لمخطوف لونو أو خرج منها آخر شخص ممتخيلش يشوفوا حتى بصدفة .....ولكن بهيئة جديدة هاد لمرة..... 

حكيم:جود؟؟.....ضهر من لباب ديل سيارة فحال شي راجل يلا تعلم قوانين تعقل.....كان لابس سروال كحل ديال توب أو معطف أزرق لون بين عضلات جسمو لمتالية....أو أكيد شعر مجموع أو لحية مقادة....دار ليه بحركة مستفزة يهبط عندو....أو فعلاً قدر يوصل لمرادو....حكيم:(بلغوات)مالنا على هاد سوgان لعوج يكما كيحساب لك طريق ديال باك....تقابل معاه راس حدا راس باينة لعما أن مغناطيس كهربائي خفي كيحرق عيونهم لي كتمتاز بنضرة الأسد من طرف جود أو بنضرة نسر من حكيم....حكيم:راني كندوي معاك لاش تابعني كدبر عليا؟؟....جاوباتو ضحكة أشد استفزاز أو زاد عليها شوفة فساعة كأنه معندوش لوقت....جود:لا دكشي مبقاش كيعمر لي عيني أسي حكيم جيت ندوي بلطافة أو نمشي فحالي....حكيم:(بإستغراب)معجبنش هاد صوت نتا أكيد ناوي على شي حاجة مع ختي شوف بربي.....جود:(قاطعو)كالم داون أسي حكيم ماعندي حتى نية مع ختك جيت ندوي راجل لراجل....حكيم:(ربع يديه)اهاه حتى هدا نضر....جود:سمع بصح أنا معنديش معاك أو مازال معصب حيت تصرفتي مع مرتي بطريقة قاسية لكن عندي يقين من حاجة وحدة....حكيم:بركا من دروس لحسنية أو طلق شبغتي تقول تابعاني خدمتي....جود:كالم أصاحبي تبعتك بش نوصيك عليها أنا متئكد أنك اتقد تحميها فغيابي....حكيم:انا غياب؟؟....جود غمض عينيه كأنه كيتئلم أو رجع حلهم بقوة أكبر....جود:غنغيب فترة أنبعد على عبق أو نبدا نخدم فشغلي هنا فلمغرب أنا مكنقولكش هدشي باش نبرر لك ولا تدين انني ستسلمت لكن كنعلمك انني مازال قريب فحالة تهورتي معها....حكيم:(بفرح)إياااه خبار زوينة هادي مزيان بديتي كتفكر بلمنطق أو كتفهم أنك معندكش بلاصة بينا....جود:هههه مشيتي بعيد أنا كون قالي لي عقلي نتمسك بعبق مغاديش يمنعني واحد فحالك مي أمور ماتقدرش تستوعها وقعات بناتنا لي خلاتني نتاخد هاد قرار ماشي نتا ولا غيرك ولكن كتبقى مرتي أو منبغيش نسمع أنها تعرضات للضرب.....حكيم:هههه مزيان أسي لوكاس طريق سلامة غندير ما فجهدي بش ختي تنسى عليك أو تكمل حياتها برتياح....جود تبسموو عينيه أو قرب ليه خطوة حتى تلاسقوو وجوهوم....جود:وخى دير لها فقدان داكرة عبق عمرها تنسى هاد راجل لي قدامك كنقسم لك.....رجع بعد منو أو دار يديه فجيابوو.....جود:تهلا فيها كنتيق فيك أو متخلهاش بحدها أو وياك تمس شعرا وحدة منها كون راجل معها أو أخ محتارم راسو أو حاجة أخيرة متجبدش على فمك هاد لقاء بيناتنا بغيت نساحب بهدوء حيت صخب لي بديت به علاقتنا ما نفع بوالو لعل وعسى لعكس هو لي ينفع....ركب أو قبل مايسد رد لعينيه هاديك شوفة المجنونة بلحب....جود:(بصوت كئيب)حكيم دير عبق بن عينيك وخا لمسافة أتبعد مي لقلب لا....سد بسرعة أو زاد بهمجية خلات حكيم يطلق ضحكة واسعة....حكيم:ههههه مزيان دبا عاد لعب بدا كيحلا أسي جود لوكاس.....

في دار فيروز....عبق دارت دواء ديالها أو بغات ترجع صحتها فأقرب وقت...كلات مزيان فلفطور فجو نشاط أو منتاضرة فأي لحضة يجي جود أو يهجم عليها أو تشوف على وجهو علامات لحماق بها....فيروز:مالكي فرحانة هههه؟؟....أنا:هههه تخيلي معايا يجي جود أو يديني معاه؟؟....فيروز:لا لا يجي مرحبا به لكن يديك لا....أنا:(عنقتها مر ضهرها)ماما توحشتو عرفتي كنحماق عليه ناري شكايدر في....فيروز:هههه اويلي على مسخوطة سكتي لا يجي خوك يسمع لك أو نصدقو داينيك تخيطي عوتاني....أنا:(بلغوات)مشي شغلي وكنبغيييه اعباد الله ههههه أيييي....شيرات علي بمعلقة أو بديت كندور على سالامونجي أو هي باغية تشدني تسكتني....أنا:(خرجت لساني)وا ماما وا فيروز زوينة وكنحماااق عليه وييييك وييك هههه😂😂....فيروز:سكتي أبنت لحرام را ولله منفكك.....أنا:ههههه لا جود حياتي قلبي عمر أححح على زين ديالي بشحال كتحمقني هههه.....فيروز:(كضرب حنكها)وييلي لمسخوطة سكتيي....أنا:ويييلي يا ماما منعاودش لك باش كيبوسني كندوب هههه أيييي لموس لاا اويلي تسطيتي....هربت لبعيد كنموت بضحك.....فيروز:أجي أبنت لحرام مبقتيش كتحشمي....وقفت لها وسط دروج كنلوز حيت عرفاها متقدش تبعني خصها 100 عام بش طلع....أنا:ياك نتي لي بغيتي تعرفي إوا سمعي هههه أحح يا ربي أما باش كيبدا يدخل لأعماق صافي ولله حتى كنموت ههههه .....فيروز حلات فمها أو لموس طاح بصدمة....فيروز:ويلي وحدي.....أنا:ماما كنبغييه ولله كنتوفى عليه وا كنتش...روط....تخنقت كلمتي الأخيرة أو ماعرفت كيف لبكا خرج لي بلا اندار....أنا:هئ هئ😭😭 كنبغيه أو جرحتو بزااف جوجو ديالي ميستاهلش....نزلت كنبكي أو كنشهق محسيت حتى جراتني ماما كتسكت في....أنا:مااماا بغيت جود هئ هئ عفاك ديري شي حاجة ولله حتى كنضل نبكي فليل على قبلوا ماما الله يرحم لك ماعز لك بغيت نحس به حديا....فيروز:ششش ابنتي حبيبتي أولاً خصكي تغيري على قبلو شوفي وجهك أو حالتك كدايرا إلى بغتيه ولي حيوية أو كيفما عرفك قوية مشي بكايا أو ضعيفة را راجل مكيبقاش متحمس لمرا لمسالية قبها....أنا:ولكن أماما مكنقدرش را حاولت فلول بش تلاقينا لكن نزلت اسلحتي كاملة بمجرد شوفة من عينيه.....فيروز:ميمتي على لبنت طاحت او حتى حد ما سما عليها ياك كنتي كتقولي راجل لي فحياتك كان هو باك....أنا:لا أو حتى جوجيا....فيروز:هههه دبا يجي يا لحبيبة خلاتها لحمداوية وا نوضي مسحي علي هاد خنونة أو دموع أو أنعاون بنتي تصح أو هاكا أتلقاي سي جود بن يديك....أنا:بصح؟؟.....فيروز:وايلي حنا كنلعبو ضما يلى بنتي دبا يجي خوك حتى هو بيني ليه أنك متشبتة بجوجو ديالك.....أنا:(مسحت دموعي)اااه بصح أمي نتي فنة.....بستها أو طلعت لفوق....حليت بيتي بلهفة أو نيشان بلاكار....أنا:أنا مرا مشي بنت صغيرة بش جود يبغيني كتر خصني نبان ليه مرأة قوية مشي بنت صغيرة....هزيت كلشي لحتو فلأرض....هبطت على ركابيا كنعزل لملابس مالقيت حتى قطعة مزيانة لمخططاتي لمستقبلية....أنا:تفووو شنو كنت كنلبس شوهة شووووهة....نضت لحمام خدت سلة نشير أو رجعت خويت فيها داك تبهديل.....أنا:(هابطة فدروج)ماما أجييي.....فيروز:ياك لباس؟؟...أنا:هاد حوايج مبغتش نعاود نشوفهم هنا خصني نبان مرا مشي برهوشة....فيروز:هاي هاي هاي على لمرا أو فين بسلامة؟؟....أنا:احم أنخرج نشري منلبس بطبيعة الحال انشري غير لي كيناسب مرات جود....فيروز:وخا بنيتي اريي أو سري تقداي حتى هادي فكرة....أنا:أري سوارت طنبل....فيروز:انا طنبل؟؟....أنا:ديال بابا ولا بغيتيني نتجرجر فتاكسيات أو وجهي مشوه.....فيروز:آه وخا بلاتي نجيبهم لك من بيتي....أنا:وخا أنلبس سبرديلة....دكشي لي دارت فضرف دقائق جابت ليا سوارت أو لفلوس....فيروز:هاكي هاهما زايدين شري لي عجبك....أنا:(عنقتها)وكنموووووت فيك الحب أنا مشيت.....ودعتها شوية ندخل فلباب فلفرحة...كنتهيأ جود شايفني بلوك مرأة كتليق به.....مشيت لجراج ااااح توحشت طنبل بابا حبيبي....أنا:هااااي هاني رجعت توحشتك هههه....بستها أو ركبت متحمسة....أنا:هانااا جود اندير أي حاجة تمنيتيها في أو غنبين لك انني كنبغيك أو أنوقف فوجه خويا حتى لآخر عرق بش تولي واحد من فاملتنا (تنهدت)أو أنك راجلي بحدي جوجووا زوين هههه.....حركت طنبل أو زدت باعتة لأوصالي أمل عميق...متكوب بخط عريض 'جود او عبق".....

مشيت لمدينة....كاين تماك مول كبير...ركنت سيارة او درت كاسكيت أو نضادر...كان في حماس كبير أو طريق كلها أو أنا نخطط شنو نشري أو نفصل كسوات على الجسم ديالي....دخلت لمول تجاري عامر فحال لعادة أو مع صيف متلقاي منين دوزي....ماهمني والو من غير نوصل طابق لمخصص لسيدات لمحترمات فحالي....أنا:أوووف زحام زبل خرا....اويلي شنو كنقول خصني نصلح فمي يخ...دخلت أو ستقبلاتني عاملة....أنا:عفاك بغيت نشري حوايج من نوع خاص....عاملة:فحلاش زعما؟؟.....أنا:هانا نقولك يكونوا كيبينوني مرأة أو عاطية لعين أو شيك أو فنفس وقت محترمين أو كيدلو على انني سيدة راقية....العاملة:ممم فهمتك عدنا لي كتقلبي عليه أجي أمدام....أنا:مدام لوكاس ههههههههه😁😁 احم سمحليا نجارفت شي شوية مع لكلمة....مفهمات والو حمد الله أو بدات كتوريني...عجبني ستيل أو حتى لمواصفات نفسها....بديت كنعزل حتى شبعت....بقيت عندهم شي سعتاين شيبتهم باش لقيت لباس لي يجي مع مرات جود....دزت محلات آخرين عجبوني شي تويشيات عندهم....أو من ساليت توجهت لصبابط....خدت طالونات حيت أنقول بسلامة سبرديلات أو صنادل....أو ختاريت غا لواعرين أو اكسسوارات أو حقائب....بقى ليا لماكياج حتى هو منسيتوش....أنا:أووف سليت لحمد الله زيرو درهم....بقات لي واحد 10 دراهم عطيتها لدري عوني في حمل الأغراض....حطينا كلشي فالكوفر أو رجعت في حالاتي....أنا:ناري جود أيتصدم بش غيشوفني مئنتكة هههههههه😂😂😂 الله يا ربي الله أنطلع تيتيزة....

وصلت لدار محملة كنت غنطح أنا أو ياهم كون ما ماما عتقاتني....أنا:لوالدة طبيت لك فكلشي زيرو درهم...فيروز:مشي خسارة فنسيبنا لعزيز هههه....أنا:وا طلعتي طميمعة هههه....فيروز:ولله حتى دخل لي لخاطري أجي نتي لغتلبسي هاد شي يا لالا بعدا هو حالتو فشكل ديما دجين أو تركوات أو شعرو طويل لي مايعرفوش يقول عليه غا شي شمكار....أنا:بزاااف على هاد لحمير لي يعايرو جوجو هداك را رجال كيديرو منو هاه أو كيبداو شطحو زومبا من كيبان لهم وا تي نوضي را عندو أملاك أو كيخدم على أراضي لمgمحة....(حطينا ميكات أو جلسنا)....فيروز:فاش خدام؟؟....أنا:معرفتش ما كنتش كندخل بزاف فخدمتوو لكن واقلا فدكشي ديال أراضي أو بيع أو شراء....فيروز:ممم مزيان لكن مال حالتو مبهدلة؟؟....أنا:وااا مي را هو هكاك كيبغي يبقى مرتاح فدجين أو تريكو سامبل أو بوغوص مشي فحال دوك رجال لي دايرين فحال لعيلات نهار أو مطال أو هما مقابلين مرايا كيلبسو آخر ما يكون أو روايح أو لحالة بلعكس جود راجل عادي عارف قيمة فلوسو ولكن مشي مبجج أو زايدة فيه نغزة هو إنسان طبيعي كيلبس لي يريحو أو كيجي معاه...أو كما شفتيه كيبان تبارك الله همة أو شان....فيروز:لا تبارك الله بديتي كتهترفي به....أنا:أو مالو راجلي يأ أو نزيدك شتي جود متواضع أو بزاف أو مفهش داك لبخ لخاوي بصح فلول كان كيجيني همجي فلباسو أو حتى فتصرفات مي من بعد تيقنت أن جود هاديك هي شخصيتو أو مستحيل يبدلها إلا لا طرات شي حاجة خطيرة....فيروز:أو كتخيلي أن هاد حاجة اتوقع شي نهار؟؟....أنا:(تخلعت)اويلي أما را غير كيقلب علي كنبغي نحماق مكيمكنش يتبدل جود جاي معاه حماقو أنا كنبغيه هكاك إلى مشى حتى تغير غنهبل....فيروز:اوا هي لا نضتي جمعتي راسك....أنا:(وقفت)هاني جامعة راسي ناري خلعتيني أمي عرفتي شنو غنمشي نستف هدشي بيدما نسيت.....طلعت دكشي دفعة بدفعة أو مع كل تنقييلة داك كلام كيطبخ لي فراسي....أنا:لا ميمكنش جود يتبدل مستحييييل هو مجنوني أنا بحدي لمن أنعيش إلى فقدتو....رغم لمواساة داخلية لي كنت كنقنع بها راسي كان عندي واحد لحدس أن شي مصيبة جديدة أتبان فصورة أو جاية منو هو.....أو تماك بضبط غندمر كليا.....

حكيم فليل رجع فرحان....خرج من سيارة كيصفر أو شاري سعادة....دخل لدار ناشط جاء طاي طاي مع فيروز لي ستغربات من هاد لفرحة زايدة على لقياس.....حكيم:لوالدة أجي نبوسك أجيي....فيروز:هههه اويلي مالك؟؟.....جرها معنقها أو باس راسها أو يدها....حكيم:ميي زين ديالي نتي مكاينش لمرا لي تقد تاخد بلاصتك....فيروز:أويلييي على راجل امالك يكما باغي تخطب؟؟....حكيم:هههه لا لا كاين ميتحنجر فين هي ختي؟؟....فيروز:را هي من صباح أو هي تبدل أو تصور أو توريني مابقيت فاهمة والو....حكيم:شنو كتبدل؟؟.....فيروز:أجي تبعني لكزينة حنا تعشينا راك تعطلتي بزاف....تبعها لمطبخ أو جلس كينقب من طاجين.....فيروز جرات كرسي أو بركات مقابلة معاه.....حكيم:كيفاش هاد لقضية مي؟؟....فيروز:شوف أولدي را لبنت بغات راجلها أو خايفة منك لاتعكس لها الله يرضى عليك....حكيم:(بخبت)هههه لا لقاتو تمشي ليه معنديش موشكيل....فيروز:(بصدمة فرحة)بصح يعني نتا موافق؟؟....حكيم وسع ضحكتو أو بدا كياكل ممعبرش سعادة لي تجلات على تعابير فيروز....حكيم:(فنفسوو)لبسي أختي هههه ولكن جود ديالك بح مشى هههه....شاف فيروز مشات كتجري أو زاد هداك الإنتصار كيدغدغ أحاسيسوو....

فيروز دخلات مضرمة لبيت كتزغرت بشوية....فيروز:وييلي ابنتي فرحي فرحي....أنا:(كنقيس)شنو؟؟....فيروز:وا دويت مع خوك أو بان لي رطاب من جهة جود يعني ابنتي لحبيبة غا توكلي على الله....أنا:(بلغوات)حلفيييي؟؟....جوباتني بالإيجاب أو بدينا كنقزو معانقين.....أنا:هههه وا ناري لحمد الله يا ربي أوف كنت هازة لحمل...فيروز:وا دبا هاد جود حتى هو غبر ليه الاتار مخلا لنا حتى نمرة....أنا:دبا يجي أنا متأكدة ميقدرش يعيش بلا بيا مهم أجي نوريك تصاور جاني هدشي زوين...........

في صباح:

غير شرقات شمس....كنت فايقة لبست حوايج سبور أو قررت نبدا رياضة....درت موسيقى فودني أو خرجت كنجري....ضربت حتى لكورنيش أو رجعت....مخفاش على تفكير ديالي هاد لغبور ديال جود يمكن كيوجد شي طريقة ماشي عنفية باش يتكلم بها مع خويا؟؟؟ولا بغى يخطفني أححح مكرهتش....ولا بغى يجي يطلبني رسميا من عندهم؟؟....بقيت كنتخبط فحال لحوتة فهاد أفكار مزعجة وليني ديما كنخرج بنتيجة مقتانعة بها أن جود معمروووو أيتخلى علي....وصلت دار...سلمت على مامي أو دوشت....هبطت فطرت.....أو درت دوا.....أنا:ماما وااا ماما.....فيروز:مالكي مصدعاني؟؟....أنا:وا جود مبغا جاع يجي يخ توحشتو بزاف....فيروز:سر والديك نتي لي باركة عليه سير أو بعد مني خليه غزا فيك....أنا:ودبا عولنا عليك تعاونيني ماشي تزيدي علي....فيروز:معرفتش ابنتي مخلا حتى نمرتو....أنا:وآيه فينك أجود فينك؟؟...................

بدات الإيام كتمشي حتى قفلات سمانة...عبق كتفيق كل نهار على أمل جديد أن جود يجي عندها فأي لحضة وخا كضل تبكي عليه بحرقة كل ليلة....كتفق تجري أو داوي وجها لي بدا كيشفى....كتاكل مزيان أو كترد صحتها بزز منها أولا بالأحرى بسيف على مشاعرها داخلية لمدمرة.....حكيم ولا كيشد لهدرة بسوايع مع ريم لي حتى هي فحلا ترخات معاه أو والفات أنه يعيط لها كل عشية...يسد على بيتو أو يبدا فسلسلة من كلمات الحلوة....أما عقلو من جهة جود مرتاحة حيت عارفو أنه مغيدرونجيهش مع ختوا....أما فيروز هي لي جات بين جوج عافيات...محيلتها تسكت بنتها أو تعطيها امال كادبة محيلتها لولدها لي ولا بعيد أو مقنت فبيتو لا خسر عليها كلمة "أنا خارج".....

أنا:ماما ماااماا فينك؟؟....فيروز:(خرجات من كزينة)مالكي؟؟.....أنا:وا جود والو ماجاء متاصل أنحماق وقيلا رجع باريس أو خلاني هنا.....فيروز:ناري يا ربي هاد سمانة مرضتيني جاع داك لعام لي كنتي غايبة فيه بصداعك خرجتيه في هاد الأسبوع....أنا:ماشي بيدي فين مشى هدا عوتاني يا ربي كناكل فراسي بلفقسة.....بديت كندور فصالون فحال لهبلة شادة فمخي كل شوية فكرة جديدة كتنقز فبحر لمخيلات ديالي....أنا:ميمكنش هئ هئ😭😭 أنا كنتحسن على قبلو أو هو غبر ليه شقف أمي غنموووت لا خلاني....جود رجع لي عفاك عفااااك أحياتي نتا أنا بلا بيك والو وآاالوو......

حكيم كان فالبيرو ديالو مخلي شغل أو داك لهدف كيحس به غادي أو كيقرب....حكيم:ألو ريم هدا أنا هههه وليت مصدعك....ريم:هههه لا كيمو وليت مولفة تتاصل بي....حكيم هههه حتى أنا إلى مسمعتش صوتك كنحس شي لعبة ناقصة اوا اش قلتي مازال خصني نقنعك أنك تجي....ريم:ولله ماعرفت دبا بابا موافق نوس عبق مي؟؟....حكيم:مي شنو مبغتيش تشوفيني أو أنا متلهف غير تباني حدايا....ريم:(بخجل)كتحشمني أحكيم كلامك كيوترني.....حكيم:غتولي تسمعي مزيان هدشي را تجمع فقلبي أريم....ريم:احم اوكي أنا موافقة....حكيم جمع لقبضة ديالو بحركة نصر...حكيم:(بخفوت)ييس....ريم:غنقطع طيارة أو نعلمك فوقاش نجي....حكيم:ولله أريم لا هدا أحسن خبر أنسمع فحياتي ختي أتفرح بيك أنخليها مفاجأة حتى تجي اوكي؟؟....ريم:ههه بصح اوكي انشالله يلا بسلامة....حكيم:بسلامة كنتسنى طيارة تجيبك لبلادك.....طفا تليفون أو بدا كيضحك بجهد فحلا كان مربوط.....حكيم:هههههه مبقى إلى لقليل أريم أو طحي بين يدي كيفما طاحت ختي بين يدين جود أو حتى حد مرحمها أو للأسف حتى حد مغيرحمك مني.....

رجع فليل كيف لعادة لدار بعد نهار شاق....بانت ليه من دخلة لباب عبق عاقدة راسها بفولار أو كتمسح وجها بكلنيكس...أو فيروز حتى هي طالعة لها لقردة لسطح....حكيم:سلام مالكوم يكما مات شي حد؟؟....فيروز:فمك لحسوا كلب.....أنا:دبا فين مشى جود فيين ولله إلى حشوما ديرو لي شي حل؟؟.....حكيم:سيد مبقاش باغيك فهمي فين هي لكرامة أو عزة نفس كون بغاك كون جاء أو درنا لواجب معاه....أنا:سكت ضروري عندو شي عدر مخلانا حتى نمرة تفووو أنا لي حمارة أو خص والديا لعصا....حكيم:موجودة إلى مسديتيش داك درغوم لي فرحانة به....أنا:بعد مني يخ على عائلة متنفعو ما ضرو أنا طالعة....حكيم:(بأمر)بركيي عندي منقلكوم.....فيروز:أشكاين؟؟....حكيم:مي علاش متمشيوش عند خالتي فشرق جلسو عندها شي يمات تماك اش بان لك؟؟....أنا:مبغتش بغيت نتسنى جود....حكيم:مكنطلبكش على فكرة سيري بدلي لجو أو أجي أصلاً جود مغيجيش....أنا:(بستغراب)كفاش عرفتي؟؟.....حكيم:(تفعفع)لا وآلو غا قلت سيرو غدا كانت كطلبكم تمشيو....فيروز:فكرة هادي....أنا:أو جود؟؟....فيروز:جود لا بغاك را عارف كيف يلقاك....حكيم:مزيان ههههه......أنا:علاش كضحك؟؟....حكيم:لا والو هههه.....ناد جمع لوقفة أو تم طالع فدروج كيفتاخر بنقطة لي وصل لها....حكيم:مزيان أريم دبا أنبقاو أنا أو ياك راس فراس.....

في صباح....ناضوا كاملين مع لفجر....فطرو أو هز حكيم لبالزات خشاهم فسيارة....أنا:دايني بزز دبا حتى نمشي أنا أو جود غيجي....فيروز:صافي فرعتي لي راسي لويل ركبي أو سكتي....طلعت لور أو ماما ركبات حداه.....طليت بلهفة في الأرجاء....ساعا لقيت لخوا لخاوي.....شديت دمعة بلكشايف أو زاد بنا لمحطة.....حكيم:مي هانتي جلسو شي سمانة أو وليو....فيروز:اه وخا أو نتا؟؟....أنا:نقد نجيبكم فرجعة انشالله أو تهلاي فعبق....فيروز:(دارت طلات عليها)مسخوطة هاد لبنت تا قلنا رجعات لكن عقلها طاير مع راجلها...حكيم:(تعصب)مدكريش هاد كلمة قدامي أمي راجلها بئشمن صفة؟؟...فيروز:حكيم ولدي رجعنا عوتاني لمرض ديالك صافي سوق أو سكتني....حكيم:هاني أمي ساكت.....

وصلهم لمحطة أو قطع لهم جوج بلايص فساتيام.....دا لهم لحقائب عند لجريسون أو رجع عندهم....حكيم:مي لكار أيمشي من هنا ربع ساعة طريق سلامة....عنقها أو باس حناكها بجوج.....كانت عبق حداهم مربعة يديها أو كتشوف بعيد ساهية....جرها عندو أو باس جبينها....حكيم:ختي دبا تنساي مع بنات خولاتي أو طلقي غوباشتك....أنا:(كنتغبن)حتى تلقى لي جود عفاك أخويا ياك أنا ختك عزيزة عليك....حكيم:احم سيرو دبا الله يوصلكم على خير.....فيروز جراتها أو مشاو طلعو شدو بلايصهم.....شير لهم بيديه زعما بسلامة أو طار لطنبل....حكيم:دبا بقيتي غير نتي أريم ضروري نقضي معاك لمسألة قبل ميجيو......

(((سيارة كحلة كانت مور لكار بمجرد تحرك حتى هي زادت مراه.....وصلو إتصال أو سائق رد بلا تعطال.....راجل:ألو سيدي وي أنا تابعها كون هاني أتوصلك كل حركة منها ماتخافش أتبقى بين عيني))).....

في لكار....عبق بدات كتنفس بإختناق مانعة بقوة إنهيار كيتكدس فقلبها....مقدراتش تقبل أن جود يتعامل بهاد لبرود معها....جود اعباد الله لي كان كيتبعها فحال خيالها خلاها سمانة كفاش عطا ليه قلبو يعدبها بهاد شكل لي أقسى من الموت....فيروز:(كدوز على ضهرها بحنان)دبا يجي ابنتي صبري شوية.....أنا:توحشتو أمي بزاااف هئ هئ هئ😭😭😭.....

دات لينا طريق سوايع طويلة....وصلنا فليل لمحطة لكيران لقينا خالتي كاتسنا فينا....استقبلتنا بالأحضان....بقات كتباوس هي أو ماما شي نص ساعة جابو لي ضيقة....فيروز:كي راكي يا لحبيبة؟؟....طلات علي خالتي أو جراتني عندها....أنا:كي دايرة طاطا لباس؟؟....مشعرتش حتى لقيت راسي وسط دوامة قبل لا متانهية...طيباتني وليت طالبة شرع....زهرة(إسم لخالة):عبق كي راكي يا زينة توحشتك كبرتي أو زيانيتي تبارك الله....فيروز:هههه يلا نروحو(نمشيو)دروك(دبا)ليل هدا....زهرة:هي لولا تبعوني....طلعنا معها فطنوبلتها أو تحركنا.....

دار خالتي جات فمنطقة جبلية نقية... لجو زوين بزاااف ريحة لعشوب أو أزير دشجر شميتها على بعد أمتار...كتنعش نفس أو ترد فيك روح....زهرة:ولله إلى فرحنا باش عيط لينا حكيم بمجيتكوم أختي بناتي كانوا فرحانات بعبق مسيكينات قنطو....فيروز:هههه واه أختي تا بنتي من نهار جات من فرانسا أو هي هاكدا ساهية.....زهرة:هههه ماتقولش لي بلي غتgعدوو يوماين أو تروحو....فيروز:هههه منعرف شي سيمانا اوا؟؟.....أنا:تفووو هاهما بداو فنميمة أشداني نجي يخ....

دخلنا لدار ديالها....دايرة فحال لبادية....ولكن متقدمة....بحيت أن كل واحد بلمنزل ديالو دايرة به جردة كبيرة...ركنت سيارة أو لقينا بنات خولاتي حدا لباب...هما 3 وحدة كبيرة عليا أو تانية قدي أو تالتة هي صغيرة....سميرة:مرحبا بخالتي هههه....(تباوسوو أو تعانقوو)....حتى أنا مزgلونيش....

راجل لي كان تبعهم وقف جنب طريق لمضلمة...أو فتح لباب بهدوء....وقف مدرق كيصور....منين سلا برك على شي نماري أو وصلوا رد بسرعة....راجل:سي راهم وصلو لشي دار فمنطقة جبلية أو ماتخافش أنوصل لك خبارها كاملين اوكي الله يعاون....

دخلنا لدار...كانوا موجدين لماكلة....هادو هما صحاب شرق ديما طبلة عامرة....سميرة أو مروة أو جيهان مبغاوش ينزلوا عينيهم عليا....فحلا جاية من فضاء....كبو لينا لقهوة أو أنا غير ساكتة ماما لي كدوي أو تجاوب فبلاصتي حيت وصاتني منقولش لهم بلي أنا مزوجة....سميرة هي لكبيرة معنديش علاقة مزينة معها أو فيها دخول شبوقات بلا قياس....أما مروى قدي كنفهمها طاير ولكن أسراري عمرني قلتهم لها حيت بروالة....وليني صغيرة جيهان جنية كطير أو لدلك كنحس بها برهوشة بزاف ....زهرة:اوا بنيتي امالك ساهية سمعنا صوتك....سميرة:وقيلا لقط كلا لها لسانها هههه....أنا:لا لحمد الله كبرنا أو ترزنا مشي شارفن أو كنبقاو نفهمو داك لفهمات الخاوية....حسيت بها تعصبات أو مكرهتش نقولها أنا مزوجة بش نزيد نفقسها....زهرة:ههههه وايه باينة فيك متبدلتيش غا بسلوك صراحة زيانيتي على أخر مرة شفتك فيها خصك غا زواج....أنا:(كنشوف فسميرة)ويتزوجوا لكبرات بعدا هههه....سميرة نادت معصبة أو هزات بلاطو بلعاني....سميرة:ما لقهوة بردات أنسخنها أو نولي....مروة:عبق توحشتك بزاف فوقاش جيتي من فرانسا؟؟....أنا:واحد شهرين أو نص أزينة....فيروز:يلى بركا علينا خلينا نرgدو بش نفيقو صباح بكري أو تعاودو قداش ما بغيتو....زهرة:هي لولا ختي يلا لبيت لي قاديت لكم....نضنا كاملين أو تساطحت مع سميرة حدا لباب...ضحكت لها ضحكة صفرا أو بقات مخنزرة في....أنا:تصبحي على خير آااا بنت خالتي....

***في صباح***:

.حكيم كان فطريق مقاداه فرحة حيت ريم وأخيرا جات المغرب بعدما علماتو الأمس أنها قطعات رحلة أو اتوصل ليوم....حكيم:مبقى والو أريم أو نشوف وجهك لي مخبيا وراه لفعة سامة....وصل لمطار أو هز معاه لافتة مكتوب عليها...."Bienvenue Rim".....حكيم:(بإصرار)جاء وقت لعب الحقيرة أنعلمك كفاش ضحكي على ختي مزيان أو غدوقي من نفس لكاس....غمض عينيه كيستعد نفسياً أو حتى جسديا يبان فأحسن حلة بحيت أنه لبس أجمل ما عندو أو قاد لحية أو الإبتسامة الخلابة....كلشي فمحلو بقات غا ديك نضرة لولا يدوبها بها باش يدخل بين عضامها.....تحرك لمدخل أو نيشان توجه لجناح فاش ناس كيتسناو مسافرين....وسع ليه مكان بينهم أو قابل لافتة مع لمدخل....حكيم:يلا ريم باني خلاص خصك طيحي في باش ما كان....بقى كيتسنا أو رجليه كيتهزو بتوتر....كيبانو ليه أجناس مختلفة خارجة أو هاد ريم لي معمر ما عرف وجها كي داير من غير صوتها لعدب مبغاتش ترحمو من ستريس ديال الإنتضار.....حكيم:تفووو فينك أريم باني خلاص....

فناحية أخرى كانت لمنتضر لقائها يلا داخلة مع ناس متخوفة أو جارة حقائبها....كتشوف يمين أو شمال أو لخلعة راكبة فيها من مطار فرانسا...تنادم معها لحال لكن كان فات لفوت أو لقات راسها محلقة فلهواء....ريم:أشداني نجي آربي أووووف خصني نتهدن قدام حكيم لانبان ليه مخلوعة....بلعات ريقها أو كملات فمصارها حتى خرجات مع مجموعة غلقوا عليها زاوية نضر لقدامية....بقات كدافع معاهم باش تسلك....أو فجأة ما شعراتش غير بيد قوية كتجرها من داك لحشد أو ملقات وجها حتى تضرب مع صدر عريض مسكرها بريحة خطيرة بعتت فأوصالها رعشة أو نبهات جهاز تحذير فمخها أن هاد شخص ماشي عادي....طلعات وجها كتحارب شعورها أو تسارع دقات قلبها المتضاربة....شهقات منين تلقات عيونهم أو مخفاش عليها توسع مقلتيه حتى هو....دور يديه على جسمها حاميها من تدافع أو بقاو مركزين على بعض كأن حتى حد متجرا يعفي على تاني من هداك سحر لي ربما يقد يكون حقيقي.....بصعوبة قدرات تنتاشل راسها من دراعو.....ريم:شششكون نتا؟؟.....حكيم:بلا شك نتي هي ريم كنت حاس أن أجمل صوت مغيخرج غير من أجمل بنت شافتها عيني....ريم:(بصدمة)حكيم؟؟ممصدقاش هدا نتا؟.....حكيم:(شد لها يدها)وي أنا علاش كنتي كتنتاضري واحد غيري بغيت نستقبلك أحسن إستقبال.....أو من يدها جرها بلطف أو هبط على طولتو قبل حنكها لأول....منين لمس سكونها داز لتاني أو كانت أشد حرارة....حكيم:(حدا ودنها بهمس)ريم نتي زوينة بزاااف دبت فخدورة عينك أو وقيلا مازال غندوب كتر حيت فيك بزاف حوايج جميلة بزاااف....طلع بزربة لاحض بشكل كبير تغير انفاسها أو لون وجها للأحمر....ريم:كككنت كيحسابليا بلي عبق أتكون معاك؟؟....حكيم:هههه ختي عاد لقيتهم سافروا ولكن متخافيش أيجيو فلقريب....ريم:سافرو؟؟أو أنا فين أنبقى؟؟....حكيم:أتبقاي معايا فدار علاما يوليو مستحيل نخليك تفلتي من يدي.....

ريم:(متوترة)كككفاش؟؟....حكيم:هههه بغيت نقول ندير معاك واجب ضيافة.....ريم:لا خويا نمشي لفندق حتى تجي عبق....حكيم:وايلي دبا مكتيقيش في أصلاً أنا كانكون نهار كامل خدام ديري دار فحال دارك أو عتبريني مكاينش....ريم:لا عفاك....حكيم تقابل معها أو جر خصرها برفق....ريم حلات عينيها أو داك لون أخضر زيتي زاد هبلو رغم أنه كيكرها.....حكيم:دبا غنتسمى ماشي مصواب نخليك تجي أو فلأخر نخليك تحجزي فلؤطل أو دار يجري فيها لعود....ريم:(بتردد)أنا أخويا.....حكيم:ششششش أنا مشي خوك مبغتش نكون خوك يلا دبا نمشيو كنواعدك أنهتم بيك مزيان.....ريم ملقات حتى فرصة ترفض أو هي أسيرة يديه من جهة او باليزاتها من جهة أخرى....بدات كتمشى بسرعة بش تلحق على خطواتو لواسعين أو هي كتشوف غا ضهرو.....بقات كتمنضر فعضلاتو من تحت تريكو بيض رقيق أو كتافو أو طولة...مكانتش متخيلة أن أخ صديقتها المقربة أيكون بهاد لوسامة كاملة.....حتى باش كان كيتاصل بها ضنات أن شجاعة لي جمعتها كانت كافية تواجهو بها لكن مرآاه غير لها لكفة لأسوأ....وصلو لبرا أو دار بضحكة خلابة حل لها باب سيارة أو دخلها....لكن قبل مايسد لباب نزل بخفة على بعد شعيرات من نيفها....ريم كحزاات لاصقة مع لكرسي أو ضحك أو هو كيركب لها حزام الأمان....حكيم:مرحبا بيك فلمغرب أريم كنتمنى دوزي أجمل أيام حياتك....سد بجهد أو خشى لبالزات....وقف شوية كيتنفس محاول يكالمي أو جلس جنبها....حكيم:يلا مشينا؟؟....حركات راسها بالإيجاب أو زادو......

عند خالة عبق....خرجاتهوم كاملين يدورو بين شجر فلغابة لي كتكون عامرة بناس....كانت غير زهرة أو فيروز أو عبق أو مروة أو جيهان أما سميرة رفضات تمشي....فيروز أو ختها شدو بعضياتهوم كيتفكرو الأيام الخوالي أو كيضاحكو....أما عبق أو لبنات بقاو دايرين بها كل وحدة من جيه.....مروة:عبق أجي نتصورو؟؟....خدات تليفون أو دارو سيلفي بتلاتة....أنا:أجيو ناكلو البلوط البنات....مشينا كنجريو كان غير مزلع فلرض....جمعت لي قديت عليه أو ربعت كنقرقش....جيهان؛عبق قولنا مشفتيش شي حد زوين ففرانسا؟؟؟.....أنا:أححح غا سكتي.....مروة:كفاش واش تعرفتي على شي حد؟؟....أنا:احم لا غا بغيت نقلكم أن تماك دراري زيينين على هنا بزاااف....جيهان:عاودي لينا....تفكرت جود أو ما حستش براسي حتى بديت كنوصف فيه حداهم....أنا:أشمنك يا زروقية لعينين أو أشمنك يا رجولة الله يا ربي أو طولة أو تجريدة أما صوت يا سلام....جاء بين عينيا أو دموع علاين ينزلو....أنا:أو أهم حاجة كفاش كيهتمو بيك فحالا نتي لي كاينة...مروة أو جيهان بقاو حالين فمهم فيها أو مإترين مع صوتها حتاش تبدل من لفرح للافتقاد....أنا:(تنهدت)لكن كلشي ضاع للأسف....استجمعت راسي أو خطفت لها تليفون....أنا:يلا ضحكو شوية ههههه تشيييييز.....

ولكن لي مكانتش عارفاه عبق أن لحضة فاش كانت هي كضحك أو كتصور راسها كان نفس راجل كيلتاقط لها بزاف صور مماتلة....تخبا ورا شجر أو رسلهم لرئيس ديالو....تسنى شوية أو جات ليه رسالة نصية....راجل:"صافي بركا رجع متبقاش متبعها مهمتك سلات"....ميييرد علاش أسي جود كنت مدور حركة علاش مبقتيش باغيني نحضي لك مراتك مييييرد.....

وقف حدا دار أو نزل بسرعة حل لها لباب بلطف مبالغ....حكيم:تفضلي دار دارك....حطات رجليها بإرتباك كتدور عينيها لخضرين على الأرجاء....أو لمحة صغيرة ديال لمعان ردات سطح نضرها فحال لمرايا....يمكن جاتها البكية أو كتحاول تمسكها بجهد مضني....ريم:ماكنتش عارفة بلي بيبو عندها أخ أو دار زوينة فحال هادي باينة حتى لأم ديالك ضريفة فحالكم نتوما عائلة زوينة بزاف....حكيم:علاش كتقولي هاكدا؟؟....ريم:هههه لا والو....حكيم ميك على لموضوع أو مشى جبد لحقائب أو تقدم كيدعيها تبعو.....حل لباب بهدوء أو خوا لها طريق بحركة راقية....حكيم:زيدي متئكد أن دارنا أتعجبك لوالدة تقليدية بزاف أتكوني توحشتي لبلاد أو أصالتها....ريم:(متفاجئة)ياااي ههههه هدشي زوين كيحمق....تمشات دايزة بيدها على ديكورات أو فنفس وقت كتشوف بقلب فرحان المنزل لي عجبها بدفء ديالو أو بلمسة مغربية لي فتاقداتها هادي سنين.....ريم:حنا معدنش هادشي تماك سعداتكم وخا هاد الأمور بسيطة لكن منين كتوحشها كتولي عندها قيمة كبيرة....حكيم ربع يديه هايم مع تفاصيل جسمها لأنتوية لغير مبالغ فيها.....شعرها لكستنائي لمايل لون لبني بلون شوكولا أو وجها دائري الأبيض من تلج....أما عينيها كيختازلو قصة عنوانها لجمال النقي....فمها صغير لأحمر أو أسنانها لبيضاء...قامتها صغيرة أو ضعف لمتجلي فملامحها كاتبان متعة لنضر....ولكن هدشي مغاديش يغروا....حيت متئكد أن وراء هاد لهالة من سحر لي سلب ليه عقلو كاينة بنت غدارة أو كدابة منافقة أو أكيد غدفع تمن مضاعف....إسترجع وعيو بصعوبة منين بدات كتدوز يدها على بعد سنتيمترات من وجهو لمحقون بنار الإنتقام....ريم:سي حكيم فين شردتي؟؟....حكيم:اااه؟؟أنا هنا احم عجباتك دار؟؟....ريم صفقات بيدها أو بانت ليه كأنها طفلة جاب لها باها هدية خاصةً مع ضحكة البريئة لي زينات محياها....ريم:كتحمق بزاااف أحكيم أما داك صالون واعر واعر عرفتي كيبان ليا انضغط على ماما دير لينا واحد فحلوا فدارنا ففرنسا....حكيم:هههه أجي نوريك بيتك بغيت نقول ختاري لبيت لي بغيتي كاينين غرف لفوق خاوين....ريم:اوكي شكراً....حكيم:(هز لبالز)مازال كاينين حوايج زوينة فلمغرب من فوقاش مجيتيش؟؟....ريم:من نهار توفات جداتي هي لي كانت سبب أن بابا يجي هنا كنت صغيرة أو من ديك لحضة قطعنا رجل فخطرة لكن كنت موحشة لبلاد كتبقى أصلي فنهاية أو ما رغبتش بابا بزاف حيت حتى هو حس بي أو عبق كانت سبب زائد حيت كيتيق فيها أو عزيزة عليه....حكيم:مم مزيان حتى هنا كنتيقوو فيك....شعر بها سكتات عند بالها كيدوي عفويا ولكن هو بلعاني كيمعني عليها باش يحسسها بتأنيب....فتح شومبر أو تبعاتو حانية راسها....حكيم:عجبك؟؟....ريم:اااه زوين شكراً....حكيم:ماكين حتى مشكل لمهم دبا رتاحي من سفر أو دوشي لا بغيتي أنمشي ندومونضي على لقص مكنعرفش نطيب هههه.....ريم:هههه اوكي في جوع نيت.....حكيم:(بإصرار)حتى أنا في جوع في واحد جوع قتال كون نصيب ناكلك أو منرحمكش.....

خلاها مشوكية أو سد لباب فوجها....ريم:معرفتش علاش كيخلعني بهدرتو أووف تهدني أريم دبا شنو ندير؟؟.....مشات حلات لبالزا أو جبدات حوايج مريحين....حيدات سباط أو الجاكيت....جمعات شعرها سفنجة أو خدات تروسا كتحتوي على مواد تجميلية....جلسات حدا لكوافز كتحيد لماكياج....من بعد حيدات تريكو أو دجين أو لبسات تريكو خفيف بلون وردي أو سروال كيطما مورد....جبدات صندلة ديال صبع أو رجعات فكات شعرها قاداتو قدام لمرآة....ريم:مزيان سالنا دابا شنو ندير نزل ولا نبقى حتى يعيط لي؟؟....أو هي وسط تساؤلات دق عليها...حكيم:ريم سليتي؟؟....حنحنات بشجاعة أو فتحات ليه....رجع حكيم خطوة لور كيطلع فيها بشغف....حكيم:ماعمري كنت كنضن أن لغوز زوين لهد درجة أو جمالك طبيعي كاتبان فحال لملاك ....ضحكات ليه بخجل كتخشي خصلات شعرها ورا ودنها أو عينيها فلأرض....حكيم:احم سمحليا را وليت كنقول شي حوايج معرفتش منين كيخرجو....ريم:هههه عادي....حكيم:علاش عادي كنتي كتسمعي بزاف لغزل من رجال؟؟....ريم:لا شوية لكن فحالك نتا جامي هههه.....حكيم:اوا منعرف هبطي تاكلي.....دار راسو معصب أو شعر بها نازلة كتفرنس وراه....ريم:ياكما غرتي؟؟.....حكيم:منعرف أريم أنا را ديجا قلتها لك فتلفون وليت كنحس بشي حاجة ناقصة إلى مدوتش معاك أو دبا كتلوحي فوجهي أن رجال كانوا كيتبسلو عليك شنو بغيتي ندير زعما؟؟....دار فجأة أو هما وسط دروج غفلها برجليه لكبيرة لي تساطحات مع خطوتها أو جات طايحة عليه شدات غير فكتافوو بش تستدرك لوقعة.....حلات عنيها حدا وجهو لقريب لدرجة موت قلبها على نبض....حكيم شد خصرها بتملك أو طلع يديه لجناب كرشها أو زاد قربها ليه....قبل متفكر فئي مهرب لقات راسها سجينة شفتيه....جرها عندو حتى تلاصقوو أجسادهم....أو طلعها لمستوى ديالو كيبوس أو يعاود فحالي عمرو قبل شي مرأة من قبل....غمدات أو إستسلمات ليه كلياً....شدات ورى رقبتو أو هو بقا كيمص شنايفها بقوة خاشي يديه فشعره لكتيف أو فنفس لوقت مدوبها بلحن رجولي كيخرجو بصوتو لحرش....بقاو على داك لوضع دقائق طويلة قبل مدفعوو أو تغبر من حداه....حكيم مسح شفايفو بمعصم يديه أو عينيه زادوا شعلو بغضب....حكيم:هادي غير لبدية أريم مازال غنلعب معك حتى لخر حتى لنقطة أن حياتك أدمر على يدي....

دخلات ريم بسرعة أو سدات لباب كتنفس بإختناق....خواو عليها ركابها أو طاحت كتمسح جبينها أو تلهت.....ريم:(كتندب حناكها)اويلي شنو درت؟؟اويلي يا ربي....شدات قلبها تسكت صدرها لي كيدق فحلا كيخبروه بموت مفاجئ أو ولات حمرة بلخوف....قاست فشفايفها أو بدات كتدوز بلسانها عليهم....ريم:شنو هدشي آربي مال قلبي فرحان أو منادماش يكما؟؟....نفضات لفكرة قبل متخرج لواقع أو نادت جمعات شتات جسمها من حدة صدمة....

حكيم مشى خوة لها لأكل فصينية كيدكر لقبلة....علاش مبغاش يتوقف؟؟....علاش كان بغى يهينها بها ساعة صدق هو لي دايب فيها؟؟...كيفاش قدرات توهمو بهشاشتها أو تعزز فيه قوتو كراجل أو هي بن يديه؟؟...ضرب سطح لمغسلة كيتغدد بلفقسة....حكيم:مغنسمحش لك أريم ديري معايا هاد لعبة غدمرك هي غندمرك....هز لبلاطو أو طلعو لها راد لصفحة وجهو لهدوء المصطنع....حكيم:(كيدق لباب)احم ريم عفاك حلي لباب....جاوبو صمت أو عاود دق بلطف عكس تعابيرو لقاتلة....حكيم: ريم سمحليا بغيت نوضح لك شنو وقع خليني نشرح لك...أو فعلاً ردات عليه أو فتحات ليه حانية وجها بحشمة....حكيم:ريم جبت لك ما تاكلي شوفي أنا كنعتادر معرفتش شنو ركبني....دخل أو هي بقات لاصقة تماك....حط لبلاتو أو ولا عندها..جر يدها أو جلسها على سرير....حكيم:ريم أنا كنعتارف مبقتش كنتحكم فراسي يمكن جمعت بزاف أحاسيس أو منين قربنا لبعضياتنا قلبي غلب على عقلي....ريم:شنو كتحاول تبين؟؟.....حكيم:معرفتش يمكن عاد بادي فدكشي لي كيسميوه ناس الإعجاب....شافت فيه بتساؤل أو زاد حط يديه على وجنتها لحمراء....حكيم:ريم أنا راجل أو دوزت بزاف علاقات ولكن هادي ول مرة كنحس بقلبي مزير أو كيتعسر أو نتي سباب....ريم:أنا؟؟....حكيم:اااه نتي شوفي ريم أتجيك غريبة نطلب منك هدشي فأول لقاء بينا مي كنحس انني كنعرفك من بشحال هادي غير من صوتك دخلتي لنقطة عميقة بقوة إلى بغيتي طبعاً علاش ما تقبليش نبداو علاقة أنا أو ياك بإحترام إلى وصلنا لدكشي لي كيحلم به كل كوبل أنطلب منك زواج أو تكوني مراتي....ريم بدات كترمش أو حلات فمها أو طنين مجهد ضرب لها فحال صاعقة فكيانها كامل....حكيم:مغنحكرش عليك أريم فكري علاما جاو عائلتي أو نخبروهوم تخيلي صاحبتك المفضلة تكون لوستك هههه مهم أنخليك دبا....ناض بروية أو باس لها راسها زاد شتتها بكلامو لصادم أو لحلو فنفس لوقت....غير خرج سيدة طاحت بضهرها على لفراش أو طلعات رجليها لسما....بقات كتضرب وجها باش توقد أو ضحكتها كتوساع بلا شعور....ريم:هههه لا أامبوسيبل دنيا وأخيراً ضحكات لي هههه وأخيراً غيكن راجل ولا كيبغيني فحياتي لا ميمكنش يدخل لحب فقلبي بهاد طريقة لمفاجأة هههه ناري يا ربي كنمووت بلفرحة لحمد الله ههههه يييس فناالي....

بدا الأسبوع كينصارم.....حكيم إختار طريقة دكية....بعدما لاح على مسامعها خبر يقدر يخرج أي بنت بدا لحب كيتسلل لحياتها من أسوء لكوابيس....ولا كيخدم بزز باش يرجع دغيا عندها أو يقضي معها لوقت الكافي أو لازم لي يطيحها فيه....ولاو كيضحكو أو كيقديو وقت زوين بجوج.....إستغل بزاف نقط من خلال حديتها أو بدا كيعمل عليهم منهم مراهقتها صعيبة أو مشاكل وليدها لمتكررة لي أترو سلبا عليها أو احتياجها لأخ ولا أخت لي كان غيعمر عليها وحدتها....أو هدشي كامل باش يزيد فجرعة لحنان أو يحاوطها بها....كان نهار رابع بضبط على غياب عبق أو مو وصل فيهم لها بشكل سرع من لي تخيلوا حيت جاتو غبية بزاف...إكتاشف أن لحب ديما كان حلمها لوحيد أنها تكون معشوقة لراجل يآمن بها أو بإيجابياتها أو حتى بسلبياتها....يمكن عبرات ليه على كلشي من غير معرفتها لجود....دخل لدار بلكوستيم لي كيعجبها تشوفو عليه...لقاها جالسة كتهدر مع مها فتلفون....ضحك لها أو جلس باس حنكها مع عضة صغيرة كيداعبها بسنانو....انهت لمكالمة دغيا أو تفرgعات بضحك....ريم:ههههه حكيم قلت لك متبقاش دير لي هاد حركة كتهرني......حكيم:هههه شنو ندير حنكك بنين شميت ريحة طياب ياكما؟؟....ريم:وا حمد الله كنعرف نطيب سباجيتي لقيتها حسن من ماكلة زنقة سر بدل باش نتعشاو....حكيم:هي لولا مراتي لمستقبلية.....ريم:شششنوو؟؟.....غمزها بلا جواب أو طلع كيفرنس لها.....حيد لكوستم أو لقميجة أو لبس غير شورت كحل....بقى عريان من لفوق أو نزل عندها هكاك...بدا كيقلب عليها أو فعلاً ريحتها بنكهة الفراولة هيا لي وصلاتو لها....كانت عاطياه بضهر أو كتوجد طبلة....حكيم:ريم؟؟....دارت بسرعة أو طيحات لمعلقة...كحزات لور أو حتى لكرسي طاح....بلعت ريقها أو حلات عينيها فيه....شنو غادير من غير ضياع أو راجل وسيم وقف عليها أصلاً قضى غرضو فلعب بمشاعرها أو دبا كيكمل لباهية....جسمو رياضي أو عضالاتو لمفتولة كتخلي أي بنت فلعالم دور بها دنيا أو تغرق فلإعجاب لقعر لحد غيلوحها بلا شك لبحر لحب.....حكيم:ملكي بشوية عليك....ريم:احم لا والو غا نادتني لي فجأة سمحليا....قرب منها أو حاصرها وسطو ما مخلي لها حتى مهرب....حكيم:صهد أريم مع لجو أو حتى معك هههه شوفي....(قابلها معاه أو شد وجها)أنا هاكا كندور فدار منين كيسخن لحال بغيت نوري لك حكيم لحقيقي باش نكشفو وراقينا من لبداية....ريم:ولكن لي مبغاش يتفهم لي علاش مأنبتينيش حيت كنت عارفة بلاصة عبق....حكيم:حيت متئكد أنك ضحية فحالها أنا جبتك هنا باش تفرحي أو تنساي لماضي أريم وخا؟؟عيشي حياتك لأنك كتستاهلي بنت نقية أو ضريفة فحالك مبغتش نشوف فعينك لمحة لإنكسار....ريم:منقدرش درت شي حوايج خايبين بزاف فناس كنكن لهم غير لحب....حكيم:نساي معايا أنا....جر دقنها أو باسها بوسة خفيفة....حكيم:دبا يلا نتعشاو في جوع نيت ندوق طياب مراتي هههه.....جبد لكرسي أو جلسها منباهرة....حكيم:ريم أنا صراحة بلدي مكيعجبنيش هدشي ديال سباجيتي خصك تعلمي طواجن ههههه.....ريم:بصح كدوي؟؟....حكيم:إممم عمرني كنت معقول لهد درجة أنا رتاحيت لك أو هدشي لي ملقتوش فبنت أخرى....ريم:حتى أنا...أنا موافقة على لعرض ديالك....حكيم:(بفرحة)بصح؟؟....باس لي يدها أو عنقها بجهد مداعي سعادة الغامرة.....حكيم:هههه شكراً أريم حيت عطيتيني هاد فرصة....ريم:حتى نتا شكراً أحكيم كتقنعني بزاف بلإهتمام أو كلامك زوين حتى أنا خصني فرصة نعالج راسي أو مكينش صراحة حسن منك...حكيم:غنكونو أسعد كوبل كنواعدك....

مرات سمانة لحتى نهار لي غتجي فيه فيروز أو بنتها....فاق فصباح دوش أو لبس مزيان....ليوما غيقدي الغرض معها....حيت صافي وحلات فشباك ديالو بسهولة تامة....حكيم:رييم فينك خصنا نمشيو....ريم:هانا حبيبي ساليت....خرجات عندو بشورط دجين معري أو تريكو كحل نص كم مع قلادة كبيرة فعنقها أو سبرديلة كحلة نايك....حكيم:شنو هدشي سيري بدلي أريم ولا غنتعصب ديال بصح....ريم:هههه شنو؟؟.....حكيم:مال دوك رجلين عريانين ولا فرحانة بهم سيري يلا عندك 2 دقايق....ريم:هههه هاي هاي على لمغيار ديالي....تعلقات فه أو باستو فحنكو بوسة طويلة.....ريم:الله يا ربي أخيراً دنيا عطاتني نصي تاني هههه عبق أتفرح حيت أنا أو ياك دخلنا فعلاقة ياك....حكيم:بزاااف غا هو غتحمقوني نتي أو هي....ريم:هههه أنا جاية نلبس أسيدي سروال غا بقى لي على خاطرك....أو فعلاً خرجات لابسة مستور أو زادت جاكيت من لفوق....حكيم:(باسها)هاكا نبغيك العمر هههه يلا نمشيو.....ريم:دبا غنجيب خالتي فيروز او عبق ياك؟؟....حكيم:اااه أو نفاجئهم بيك....ريم:ياااي أنا متحمسة بزااف نشوف عgوزتي هههه....حكيم:هههه غتشوفها مزيان يلا لحب ركبي....طلعو لطنبل أو كسيرا لبلاص عارفها غير بحدو.....

فرانا حكيم حدا محطة لوقود....حكيم:ريم نعمر لمازوط طريق طويلة بزاف أو نشريو شنو ناكلو اوكي بقاي هنا.....ريم:وخى حبيبي....باسها فنيفها أو نزل....طلب من راجل يعمر ليه أو بعد مسافة كافية جبد تيلي أو سونا لمو.....حكيم:ألو مي أنا لباس أو نتوما؟؟...شوفي مغنقدرش نجي عندي ميدار أجيو فلكار ماعليكم والو وخا؟؟....كدايرة ختي؟؟....زادت فيه مابان لا جود لا غيروا قولها تجمع راسها ولا نبالي بها اوكي الله يجيبكم على خير بسلامة.....حكيم:دبا أريم جات نوبتك.....رجع عندها بإبتسامة أو كمل طريق....بقاو كيضاحكوو فطريق أو كيغنيو مع لموسيقى...دازت ساعات طويلة حتى ضلام لحال حكيم عيا بسوقان أو ريم حتى هي....ريم:في نعاس....حكيم:نعسي شوية مازال طريق جبدة....ريم:وا هاد دار فين جات؟؟....حكيم شوفي واقيلا مغنوصلوش أنا مهلوك أحببتي كاين واحد دار ديال صاحبي فهاد لمدينة عندي سوارتها نبقاو تماك تال صباح أنعيط لمي تسنى اش بان لك؟؟....ريم:أنبقى أنا أو ياك؟؟....حكيم:ههه وا بقيتي معيا سمانة على قدها طرات لك شي حاجة،؟.....ريم:ههه لا صافي ماشي مشكل.....حكيم:اوكي هي لولا...قلب لمسار مع ضحكة جانبية صغيرة....وصلو لدار فحي مكالمي....كان ليل غير هما لي طالقين لحس....فتح لها لباب أو شبك يدها معه جارها وراه....دخل أو شعل لأضواء....حكيم:سمحليا ريم مكنتش باغي هاد لحالة....ريم:ويلي أحكيم أنا معاك كنحس بدنيا أو مافيها دار زوينة بزاف أو صغيرة ديال صاحبك؟؟....حكيم حط سوارة أو لبزطام أو تلفت لها....حكيم:وي كنا كانجيو لها بشحال هادي رتاحي....ريم:اوكي فين هو لحمام؟؟....حكيم:(كيشير بصبعو)را هو تماك....خلاها حتى مشات أو حيد لقميجة بقى غا بسوفتمة....تسناها حتى خرجات محيدة جاكيت أو قرب منها....خطف لها الفوطة أو بدا كيمسح وجها أو كيدير فيها نضرات تاع رغبة.....حكيم:مابقيتش صابر أريم سمحي لي نبين لك بشحال كتحمقيني....ريم بدات كترعد أو طيحو الفوطة...غفلها بعناق خشى وجهو فشعرها أو بدا كيشم أو فنفس وقت كيتلمس تفاصيل جسدها....ريم:لا عفاك أحكيم خلي حتى نهدرو مع عائلتك....حكيم:شنو غادير عائلتي بش تطفي نار لي كتشعليها في ريم نتي ديالي أو عمرني أنتخلى عليك....سكنات شوية أو هو كيحيد شعرها طرف تاني لآحو على كتفها أو دفن فمو وسط رقبتها موزع قبلات حارة....ريم تحلات معاه أو إستقبلات شوق بصدر رحب....تحرك بها لفوق لفتاي أو طاحو بجوج عليه....حكيم زاد من جرعة أو ريم فقدات الإحساس بلمنطق....بقاو كيتباوسوو مدة طويلة حتى سخفها...بعد شوية كينهج معها أو هزها لبيت نعاس....حطها فوق سرير أو قبل متفيق من لقلبة أو تعكس ليه حيد سوفتمة أو نزل بتقلو عليها....باس عنقها أو وجها أو إنتاقل لمناطق بفمو أو هو كيحيد تركوها....بقات غا بلملابس داخلية...حكيم:ريم توحدت أرواحنا أحببتي بقاو غير أجسادنا أو نكونو لبعض....قطع أنينها بقبلة أو هي شدات فعنقوو كتبادل ما أعمق منها....

وأخيراً وصل لكار لمدينة....هبطت عبق بإشراقة على وجها....جو لجبل نفعها زينها أو عطا لملامحها جمال مضاعف....لكن هدشي كامل كان ضد تماما باش كتحس...فيروز:يلا بنتي نشدو تاكسي لدار....أنا:وخا مي....خديناه فمحطة أو مشينا بعدما دوزت أكفس أسبوع مع اسئلة بنات خولاتي أو خاصةً باش شافوني ديما ساهية أو حسلاتني وحدة فيهم كنبكي....توحشت جود أو بغيت غير يودعني كما يجب على الأقل إكراماً لحضات زوينة بناتنا ميخلينيش معلقة....كفاش سولات ليه نفسو ينخلني حتى باش كان خويا كيتاسل ماجبدش حسو....أنا:كنكرهك أجود حمار تفو عليك....فيروز:عايريه أو شوية بكي عليه غنحماق معك اهاد لبنت....أنا:خليني مفيكوم ربح لا نتي لا داك ولدك قلتي لي نعاونك ماشفنا والو....ضرباتها لها بقرصة حسي مسي مع مول تاكسي بقى طالق ودنيه....فيروز:تال لدار أو نبالي بيك توحشتي لعصا....أنا:تفو خليني جود كان داير لي فحال لماء لقليل إياه خصني لعصا حيت فضلتكم عليه....فيروز:سكتي أبنت لكلب واش رجعتي لنفس سينتا....أنا:(ضربت فمي)ها هو ساكت بعدو مني خلوني نهلوس أو نتا سوق أسي أو جمع عينيك....فيروز:الله يصبرني معاك وليتي هبيلة بطابع....كملنا طريق تال لدار...طلعنا لبالز أو دخلت ملجأ لي كنرتاح فيه...دخلت لبيتي طحت على كرشي مبغاش يتمحى لها جوجو من بالي....جوج سيمانات من عداب مشي لحماق هدا وليت مجنونة بقاليا غاندور فزناقي نقلب عليه....نضت بدلت أو غسلت...ماما كانت نعسات مفيهاش مع عيا...هزيت تليفون أو دخلت الفيس صحاب فرانسا مشبعيني مساجات حتى رسالة من عند ريم ولا نوال ولا حتى نهال غبرو ولاد لحرام.....أنا:أعععع😡😡 كلشي قلب علي حمييير كنكرهكم كنبغي غا جود موتو بسم....بقيت طالعة هابطة لصفحات كلشي ممل....لحت داك لمشقوف أو طفيت لفيوز نقلب على نوم لي كنبغيه بعد لمرات بش جوجو كيدهر في أحلامي أو هدشي كافيني.....

في صباح:

فيروز دخلت لبيت ولدها تفيقو ساعة تفاجأت بسرير مازال كما كان مرتب أو خاوي....فيروز:فين مشى هاد لولد؟؟....خرجات مرتابكة كتعيط ليه...مجاوبهاش أو فنفس أتناء تار إنتباها باب بيت مسدودة....مشات مسكات لمقبض أو والو مبغاتش تحل....فيروز:اويلي مال هاد لباب عاود علاش سدو هاد لمسخوط يا ربي غيقتلوني هاد جنون لي عندي....مشات عوتاني كتفيق عبق...ولكن ما حقاتش مرادها حيت صابتها حالة عنيها أو كدمع....فيروز:عوتاني لبكا؟؟....أنا:أمي مقدرت هئ أهيء 😭😭وا توحشتو اعباد الله وااا جووووود أميمتي كنموووووت....بديت كنضرب ففخادي أو حناكي....ماما شداتني أو كيف ديما عنقاتني حتى سكنت على كتفها.....فيروز:كون بغاك كون جاء عندك صافي نسايه....أنا:هئ هئ نسا راسي أو هو لا أنا لي دبرت عليها معاه حتى ركلني هاكدا....فيروز:صافي أحببتي صافي نزلي تفطري خوك مكاينش يلا....أنا:وخا نشوف فيس أو نجي.....سبقاتني لتحت متأسفة لحالي....هزيت تليفوني أو شعلتو كنمسح دموع....مع حلة لفيسبوك....كاتبان لي روينة نايضة أو لبنات فواحد لموقع أخبار مشهور كيتغزلو فشي حد....أنا:(كنقرا)ناري بشحال فن ويلي غنموت أشهد تيتز فلمغرب اويلي يكما شي ممتل هادا عرفتو شكون هادا را راجل أعمال كبير البنات ناري لكستم جاء عليه قتال.....أنا:علامن كيدويو هادو؟؟....طلعت تصويرا عيني خرجو ....قلبي سكت😮😮 ولا عاد حيا مبقتش عارفة بضبط....بديت كنرعد أو لعرق كيتسبب مني...شديت راسي كبرت صورة نتيقن أنه هو لا ميمكنش هو ولله حتى هو....دمعو عيني أو تنفس ديالي يلا تفاجا....بان مبدل بزاااف لابس كوستيم أو جامع شعرو أو كيتبسم لكاميرا....كاتبين فعنوان لمقال...."وحش لعقارات أخيراً في لمغرب".....أنا:(بلغوات)مااااماااا وااا جوووووووود......

فيروز دخلات كتهرول شادة فقلبها بخوف....فيروز:امالك أبنت لحرام خلعتيني....مسكت طرف قميصها مع لهدرة مبغاتش تخرج لي أو تليفون فيدي لأخرى كيتهزز بإرتباك....أنا:جو هو هن ماما أنا كنت ناري يا ربي هو جو....فيروز:ما فهمت والو طلقي داك تليفون....خطفاتو لي أو صغرات عينيها فصورة أو بعد مرور تواني من تركيز رجعت حتى هي فحالي....ولينا تارة نتشوفو فبعد أو تارة نحقو فيه....أنا أو ماما:(دقة وحدة)😮😮جووووود؟؟....طرت عليها أو دفعتها على ضهرها فوق سرير كنبكي ضحك....بديت كنبوس حناكها أو نيفها جبينها أما هي تسطات بضحك أو لغوت لفرحان....أنا:(بصراخ أو بكاء أو حتى حماس)ماما 😭😭😭😂😂😂هئ هئ جوجو ديالي رجع ليا حمار لاخر لابس كوستيم جاء زوين هئ هئ موااح مواااح ياك هو ياك ييييس يااااس حمد الله مواااح....فيروز:ههههه اديك لمسخوطة خنقتيني ههههه😂😂 اويلي طلقيني....أنا:مواح يا لحبيبة ولات دنيا كاتبان لي وردية يا مامي مواااااح لفنووووون....فيروز:هههه يا ربي هاد لبنت حماقت نوضي اويلي....فكيتها سخفانة أو طرت لخزانة...جبدت أحسن ما عندي أو لحتو فوق ناموسية....أنا:ماما ختاري معايا يااي متحمسة بزاااف أكيد غيخلوني ندخل عندو....فيروز:علاش فين كاين هو دبا؟؟....أنا:علاما قريت كاين فشي شركة كبيرة هنا دار معهم شي صفقة أو صحافة أو روينة مي أنا عبق لوكاس هههه أكيد غيدخلوني.....فيروز:اااه مزيان وا سيري بلاتي نختار معاك....

بعد ساعة كاملة....كملت لوك أو وقفت قدام لمرايا كنحط لمسات الأخيرة أو ماما كتقاد شعري من لور....ركبت حوالقي أو رجعت بلور نقيم شكل....أنا؛ماما كي جيت؟؟....فيروز:خمسة أو خميس عليك بنتي مرا أو نص يا ربي كبرت حتى شفت بنيتي لحبيبة مرأة مجتمع....أنا:هههه وا مي هي أنا عبق مهم فين هما سوارت طنبل؟؟...فيروز:هاهما يلا تحركي الله معاك....أنا:(بستها)الله يخليك لي ماما دعي معايا بسلامة...نزلت كنجري أو كنتعوج مع لكعب العالي...أنا:هههه أنا جاية جود توحشتك الحبيب ديالي...وصلت لسيارة أو زدت نحو لحب لي بكترت ما كلا لي قلبي عليه كنطلب من الله غا نلمح نفس نضرة المجنونة لي كيغمرني بها أو ديك لحضة تسالي لحياة إلى بغات.....

وقفت حدا شركة بمسافة كبيرة حيت كانت دنيا مطرطقة أو سيارات لا تعد ولا تحصى أو غير لحديد ديال لفريع....مشيت كنقز بطالون علاين نطيح أو مرة مرة نهبط تنورة لتحت....وصلت بلكشايف لمدخل أو لقيت حيوط آدمية مستحيل يخلوني نعتب....زكيت لأرض رديت أنفاسي المتسارعة أو قلبي كيضرب بجهد فحالي أول مرة أنتعرف عليه....أنا:أووف تهدني أعبق كالم كالم مزيان دبا غتهدري بشوية يلا آاربي بسم الله احم احم....قربت منهم بتقة زايدة أو طلعت وجهي فحالة خدامين عندي مع حاجب مقوس....أنا:سمحوليا ندوز....لgارد:شكون نتي؟؟....أنا؛هههه ضحكتيني ماعرافش شكون أنا....

أنا؛هههه ضحكتيني ماعرافش شكون أنا....لgارد:لا مدام اش حب لخاطر ممنوع دخول إلى صحافة أو شخصيات لمهمة....أنا:أنا صحافية جبت شي وراق مهيمين أو بغيت نرجع لخدمتي....لgارد شاف فصاحبو أو عاودوا طلعوا في بتفحص أو تساأل على رغم من أن شكل كيوحي تماما بالرشد أو بلمسؤلية....لgارد:ممم تفضلي سمحلنا مشفناكش خارجة....أنا(فنفسي)ياااس بشحال دكية أنا....ضحكت لهم بشكر أو تقدمت....كان ضجيج أو بزاف صحافيين شي هاز ميكرو شي هاز كاميرا شي كيصور شي كيهدر روبورتاج....لمهم أو لإستنتاج لي جاء فبالي أن جود خلق حدت عاجل بمجيتو المغرب....باب شركة لقدامي كان محروس من رجال لأمن أو صحافيين كيتسناو برا متأهبين....بلعت ريقي بصعوبة أو تشجعت ندخل وسط منهم....أنا:سمحولي شوية عفاك أختي خليوني ندوز...تلقيت رفض من سيدات أما رجال وسعو لي بلاص مع نضرة إعجاب....بلكشايف شديت مكان صغير يكفيني فزاوية لقدامية لأهم أنها باينة أو إلى خرج جود أكيد غيلمحني....حسيت بشي حد كينغزني فكتفي....درت عندو كان راجل طويل لابس قميجة كحلة أو سروال دجين أو على عنقوو بادج....أنا:شنو؟؟.....راجل؛نتي صحافية؟؟باينة فيك ولكن معمري شفتك فالإداعة؟؟....أنا:بزاف عليك أنا مدام لوكاس....تفرقع بضحك ولد لحرام كيستهزأ مني....راجل:وكتحلمي بزاف شنو قلتي مدام لوكاس ههههه.....أنا:مالك ياكما سحابلك كنكدب عليك دبا غيخرج راجلي أو نورك....راجل:ههههه😂😂😂 ناري عمرني ضحكت هاكا وخا احنا أنتسناو هههه....أنا:وجه لكفتة سيير بعد مني تفووووو....بدا كيهمس لصحابو أو كنسمعهوم شادين في....أنا:فينك أجود باش نسكت لفام فينك تفوووووو......

بعد وقت طويل طابو رجلي بالوقوف أو زحام....صراخ أو كل صحافي باغي يسبق باش يقدم لقناة لي خدام فيها الأخبار حصرية.....أنا:أوف عييت يا ربي فينو هدا يجي يديني من هنا....فلحضة دازت فحال لبرق مخلاتنيش حتى نستاعد نفسيا نتلقى به مجددا....حراس الأمن توزعو على لمدخل بشكل دائري....بدا لغوات أو دفيع شوية يعجنوني....كلشي إندافع لقدام أو لأمن بناو درع بأجسادهم ضخمة على لباب...الميكروات أو لكاميرات طلعوا لسما....مالقيت كندير أو تخشيت لوسط....بقيت كنحفر بيدي بين الأجسام لمتدافعة أو كنحس أن لوك ديالي ولا كاريتي....استقريت بجهد جهيد لقدام وخا مهازة والو معايا غا روحي لي كتعشقو....مكنتش متخيلة أن لقلب كيرجع لنبض بشكل مميت كان هدا شعوري فور شفتو خارج غزال يا ربي كيبان فحال شي ملك من أساطير رومانية....مغطي على لي حداه بطول ديالو أو لهيبة لي عطاها ليه الله...كان كيحضك مع راجل كبير فسن أو تسالمو بحرارة....صحافة تهجمات شوية منين بان لهم قريب أما أنا بقيت حالة غا فمي....ولا جود واحد جديد بحلة أنيقة كتوجع لقلب من لوسامة ديالها...عينيا دمعو مع كل إبتسامة لكاميرا فاش كيتصور الله بشحال توحشتها....مقدرتش ندوي لحروف تشتو فحلقي أو حتى لحركة عجزت عليها نهائياً....بدا كياخد صور بحرفية أو كلشي كيسولو لدرجة تحول صدى الأسئلة غا لضجيج مخلط مابين أصوات رجالية أو نسائية....شير بيده مودعهم أو أنا تماك عاد ضرباتني لفيقة....أنا:(بصوت عالي)جوووووود....متسمعش صوتي جاع أو ضطريت نقز الحديدة لفاصلة باش نتير إنتباهو....حيدت طالون أو تعلقت فدرجات ديال الحديدة...ترميت لجنب تاني لكن مكملش لحلم ديالي أو لقيت دراعي أسيرة يدين كبار شدوني بقوة....أنا:(بلغوات)طلقني نتا أو ياه بعدو منييي جووووود عونيي عفاك جووووود....الحارس:تحركي من هنا ممنوع دخلي ....أنا:هئ هئ أنا مرات جود ولله طلقوني عفاكم وا جوود عفاك دور هانا جيت جووووووووود....حلقي تجرح أو فعلا صرخة قدرات توصل لمسامع ديالو أو وقف عاطيني بضهر....تنفست صعداء هاهو داير عندي....ضحكت باش لمحني من بعيد....أنا:جود جوود عفاك أنا جيت قولهم يطلقوني نمشي معاك عفاك...بقينا هاكاك كنتشاوفو أو تقريباً لفام سكتو خلاونا مستمعين بلقاء وخا غير بنضرات لي حسيتها من ناحيتو مضلمة أو ماشي حنونة بل متجهمة أو غريبة علي....أنا:وا جود قولهم يخليوني نجي عندك....حرك يده بعصبية يرخيوني ....مشعرتش برجلي كفاش داوني حتال عندو أو عودوا وقفوا علي جوج قد لحيط...بديت كنقز باش نوصل لوجهو يا ربي منين كيجيبو هاد غوال ....أنا:جود أنا هادي عبق لاش كادير في هاكدا عفاك...تقدم بوجه ميت من أحاسيس فحلا مكيعرفنيش أو مغبرش علي اسابيع....فتحوا ليه ثغرة بسيطة.....أنا:وا مافهمت والو مالك ساكت دويي جود هادي أنا اااه فهمت مادهاش فلباسي مي أنا عبق مراتك توحشتك بزااف علاش مسولتيش في؟؟....سمعت شهقات نسائية واضحة أو سكوت عم لمكان كأنهم كيتفرجو فمسرحية هزلية.....أنا:جوود؟؟.....جود:شكون نتي مكنعرفكش أنيسة علاش خليتو هاد أشكال دخل هنا خرجوها حالاً.....

قلب وجهو أو دخل بلا حتى تأنيب على لمصيبة لي سرفقني بها لسيارة...سد عليه سائق أو زاد مخليني فحالة يرتى لها كون غا قتلني حسن....جروني مستسلمة كلياً لهم أو دموع محجرين فجفوني....كنموووووت كنتقطع أعضائي داخلية كيتحاربو معرفتش شنو صابني من غير أنه جرح أعماق قلبي بديك لكلمة...مكيعرفنيش ههههه كفاش مكيعرفنيش؟؟كفاش انسة كيفاش أشكال لي دخلوهم هنا؟؟....طلقوني كنرجف أو كانت دنيا خوات تقريباً أو لمجمع تفرق....هبطت على ركابيا كنتنخسس أو شادة فصدري....حسيت بلمسة صغيرة على كتفي....مدرتش عرفتو شكون غا من رحتو لمقرفة لمخلطة مابين لعرق أو عطر رجال مجهد...صحافي:هههه طلع راجلك بزاف ههههه نتي أكبر مهووسة فتاريخ عطي قيمة لراسك را داك سيد مغتشدهش وخا طيري....سديت ودني كنبكي دبا عد تسرحوا دموع فحال شلال...أنا:هئ هئ أهيء أهيء😭😭😭 جود حرام عليك حمار كلب كيفاش مكتعرفنيش كفاااش آربي علاش كيعاقبني شنو درت لييه أهيء أهيء😭😭....أصعب بلان يوقع لك هو هادا معبرنيش محسش بوجودي قريبة ليه مسمعش ندائي قلت معليش ولكن باش يقمعني قدام ناس هادي لي جامي تخيلتها أتكون....أنا:(مصدومة)كفاش جود لا هههه مشي جود هادا أكيد جود لي كنعرف كيحس بيا وخا نكون بعيدة اااه مشي جود هداك هئ هئ هئ 😭😭هو آااعع حمار كفااش مكتعرفنيش أو أنيسة أهيء أهيء....مسحت وجهي بقلق أو نضت نقلب على سباطي خصني نلقاه ضروري....أنا:(معصبة)نموت أجود أو متخلينيش معدبة....خرجت كنجري نيشان لطنبل....كسيريت بسرعة مفقوسة مقهورة ضايعة ولكن أهم حاجة كرهتو لدرجة دبا متخيلة نبدا نبوس فيه حتى ترجع ليه داكرة....أنا:(بلغوات)😡😡😡حمار كلب مشعكك وخا تلبس أغلى كوستيم فالعالم عمرك اتبدل أجود أتبقى ديماا جود لمجنون بيا أنا أناااا....

وصلت لدار عروق راسي علاين يطرطقو كنحس بقوة رجال لي طاح قدامي دبا نعجنو....أنا:(بلغوات)مااااما مامااا فينك أجييييي....فيروز:(متلهفة)نعااام هاني أمدرا اويلي مالكي؟؟....أنا:(بصراخ حاد)قالك مكيعرفنيش طلع مقطر كفاش مكيعرفنيش غادي نتسطة مفهاااش أمي😡😡....بديت كندور مشية أو مجية شادة فراسي أو لحرقة ديال ديك لكلا غادية أو كتقتل في بلا رحمة....أنا:هههه عرفتي قالهم خرجوا عليا هاد أشكال علاش دخلتو هاد أشكال هنا نااري بغيت ندابز باش نبرد أمي قدام ناس أو باش شافني مداهاش في كأن حتى حاجة موقعات بناتنا كأنني محملتش طرف منو فكرشي أهيء أهيء أمي كنموت....فيروز عتعات بنتها قبل مطيح أو دارتها بين يدها كتشهق أو وجها حمر بلاعصاب...داتها كتمايل لأقرب مقعد أو حنات حداها كتمسح دموعها....فيروز:دبا مالكي لاش كتبكي شنو دار لك؟؟....أنا:كان هو أهيء أهيء😭😭 كنت عيط ليه أو هو قلب علي كان قريب أو شدوني أمي تخنقنت أعع تخنقت مبقتش قادرة نتنفس....جريت لبرا أو طلعت وجهي لفوق كنشم لهواء أو كنبكي....ماما بقات كتهدني بلمستها لحنينة أو كتبوس شعري نسكت لكن لا ولا نور ضلام بسبابو أنرجع نمرض عوتاني....أنا:حرام عليك أهيء أهيء أهيء شنو درت لك أجوود من غير أنني بغيتك من قلبي وهبتك كلشي أو فلخر طلعتي مكتعرفنيش أهيء أهيء....حكيم:مالنا؟؟....دارو بجوج عندو من منجيتو لمفاجأة أو عبق محسات براسها حتا نقزات عليه أو جمعت معاه بصقلة دايزها لكلام....أنا:(بلغوات)نتا سباب نتاااا لي خرجتي علي الحمااار تفوووووو عليك أو عليه أو على حس رجااال الله يقطع لكم ربي جدر من دنياا أو نتهناو منكووم....

حكيم يلا بغى يشدها من شعرها لكن فيروز رفعات صبعها فوجهو أو دارتها مراها....فيروز:وياااك بالله مندوزها لك هاد مرة....حكيم:برهوشة حتى نشد مك أنا أو ياك أو نعلم طواسلك تهزي دوك ليدين....فيروز:أجي فين كنتي بعدا يلا دخلو علي نتا أو ياها فقستوني تفو....عبق مسحات فمها أو طلعات كتجري لبيت...أما حكيم تخبط على سداري جابد تليفون كيلعب به...فيروز جلسات حداه كدور عينيها عليه....فيروز:فين كنتي لبارح نهار كامل؟؟....حكيم:وا مي كنت خدام راني ديجا قلتها لك فتلفون كيف جيو بعدا مزيان؟؟....فيروز:وا مزيان ولكن داك لبيت لي لفوق مطرق علاش سادو؟؟.....حكيم:وا مي داير فيه شي وراق صافي بركة من اسئلة أنا طالع ندوش أجي بعدا مال ديك مسعورة غادية أو كتحماق؟؟.....فيروز:وا سكت سكت مشات عند راجلها ساعة من لي فهمتو مدهاش فيها....تجلات ضحكة خفيفة على فمو أو هو نايض....حكيم:هههه سرها نيت كلشي قرب يرجع كيفما كان.....طلع لبيت ديالو حيد حوايجو كاملين أو تخشى من تحت دوش بارد كيفكر ليلة لبارح أو وهج مؤلم فعينيه كيحرقو بتأنيب أو عكس تماما لدكشي لي كان ناوي يشعر به منين يسالي....حكيم:صافي نسا أحكيم كملتي انتقامك طوي صفحة هاهو جود قرب يمشي أو عائلتك أترتاح فخطرة.....

فيروز وجدات كاس لويزة سخون أو طلعاتو ليها....مع دخلات مع ضربات حجرها أو بدات كتولول....بسيف أو عبق منهارة على الأخير...لكحل سايل أو رجليها مسخين من لتحت...لبيت مقربل أو لحوايج لي كانت لابسة مشرgين على لأرض...شعرها منتوف أو دموعها كأنهم خزان مبغاش يتقدا....فيروز:جلسي قتلي راسك هنا أبنت لحرام شدي شربي....أنا:هئ هئ😥😥 قالك مكيعرفنيش الله يعطيه غبارة....فيروز:وا سرك سرك سرك بقيتي معفرة حتى جبتها فضلوعك....أنا:وا داك لحمار ديال ولدك كان خالعني قلت مع راسي حتى نسلك اموري معاه دبا صدقت لا ديدي لا حب لملوك....فيروز:دبا سكتي أو تهدني خلينا نفكروا بالعقل ياك دبا أيكون غا مصدوم ولا مقلق دوي معاه بلخاطر را داك تنوعير لي فيك هو لي كيخرج عليك....ربعت رجليا عندها أو بقيت طالقة ودني....فيروز:را مفيهاش بناتكم ورقة زواج شتي يميك حتى سبععين عام يرجع بلهلا يطريه ليه....أنا:شنو ندير؟؟....فيروز:أتنودي تجمعي لي هاد حالة أو عليك بصبر....أنا:عوتاني؟؟....فيروز:اااه أكيد أكيد غا يعيط لك أو ديك ساع شرحي ليه شنو كنتي ناوية ديري مع حكيم....أنا:أو أيبغي؟؟.....فيروز:اييه أيبغي ابنتي صافي؟؟....أنا:(عنقتها)مام حبيبة ربي يخليك لي أنتسنة جوجو معمرو يخليني ياك؟؟....فيروز:انشالله ابنتي.....

في صباح لموالي...فيروز كانت فلكوزنة كطيب لفطور....أو شوية خرجها دقان لباب من شرودها لمتمتل فولدها لي كان فشي شكل ليلة لفايتة منزلش ياكل أو مبغاش يهدر باش دوات معاه حتى خدمتو مدارهاش كيف لعادة أو ليوم خرج بكري ممعبر حد....حلات لباب لقات راجل رقيق لابس بدلة رسمية ديل سياقة أو طربوش....إبتاسم لها أو بادلاتو لطف....فيروز:اش حب لخاطر؟؟...راجل:احم كاينة انسة عبق؟؟...فيروز:شكون بغاها؟؟....راجل:أنا سائق أو جيت نديها....فيروز:فين بسلامة أو سائق ديالمن؟؟....راجل:أنا جاي من طرف سي جود لوكاس صراحة أمرني نجيب ليه انسة عبق....فيروز:(بصدمة ممزوجة مع فرح)وخا بلاتي....نسات الآم مفاصلها بسعادة أو طلعات بخفة لعند عبق...دخلات عليها فحال تراكس أو جرات لغطا جامعة معها لطرماحة بضربة عالمية نادت عبق على اترها كتنقز....فيروز:وا تي نوضي جوود بغاك نوضي....أنا:(مدهشرة)وا مي شنو فين هو جود؟؟...(بلغوات😮😮😮)اويلي جوود فينو؟؟.....فيروز:شششش جاي شي حد يدييك....أنا:اويلي فييين هو لتحت؟؟....فيروز:اااه لبسي دغيا كيتسنا.....فرحت بقيت غا كندور فبلاستي ماعرفت إنا طريق نشد....داتني ماما لحمام بزربة غسلت وجهي أو حكيت سناني....ماما وجدات لي سروال سيغي كحل أو تريكو كلاس فلبيض...طلقت شعري مموج أو درت شوية مكياج....لبست كعب فلأسود أو ساعة دليد دهبية....رشيت ريحة مفضلة ديالو دلياسمين أو أخر لمسة بوسة من نبع لحنان....وليت متحمسة يعني صراع أو لكوابيس لي بنيتها البارح اختفت كلياً....خرجت عند سائق غنطير بلفرحة....أنا:يلا ديني عند راجلي...سائق:تفضلي انسة....أنا:ومدام أنا مدامتو ماشي انسة....حنحن بإحراج أو فتح لي لباب....

أول مرة كتجيني طريق أطول من دهر.....شديت فقلبي كيدق فحال طبل لكن ميهمش أووووف خصني نتكالما مزيان بش نعرف كيف ندوي معاه أو نشرح ليه أن حكيم مبقاش هاز ضغينة أو مطلع شوكتو لسما....ركن جنب زنقة أول مرة تخيلتها كاينة فلمدينة....اويلي اشهاد شي حنا فالمغرب ولا كدبت؟؟....حل لي لباب بلطف أو مع لخلعة زلقت بطالون....أنا:فين هو جود؟؟....سائق:تفضلي را سي جود كاين فلقهوة أنوصلك...حركت راسي بنعم أو تمشيت موراه كنراقب لمكان راقي...عبارة على شارع طويل كالم أو شاد على أرصفتو مجموعة سيارات فاخرة....لقهوة لي غادية لها كبيرة أو دايرة بسياج حديدي...كانوا واقفين فلمدخل رجال ضخمي لجتة....تقدمت مع سائق وسط منها....متكونة الكافي من جوج طوابق لولاني سلب عينيا معاه بديكور ديالو لخيالي كلشي مصنوع من خشب كيلمع بحال مرايا لكراسي أو طوابل مستفين بأناقة بعاد على بعض أو عددهم قليل أصلاً باينة كافي ديال شكون أو شكون 5 نجوم ماشي أي واحد يقد يدخل هنا....لكن لغريب فالأمر أن دعوة خاوية أو لمقهى فارغ مافهمت والو....شفت فسائق بإستغراب أو دغيا فهمني أو شير بيديه لفوق....سائق:انسة؟؟....أنا:ومدام....سائق:احم سي جود لفوق طلعي عندو....أنا:واش حنا بوحدنا؟؟....سائق:اييه هو حجز لمطعم كامل بحدو....أنا:ياااه هدشي كولو على ودي وخا شكراً....عنقت ساكي أو قريت لفاتحة فنفسي ....أنا:بسم الله ياا ربي كون معايا....

دخلت بإرتباك...لتاج خاوي لكن بتصميم مغاير....كيطل على جانب صاخب من مدينة....لكن رغم دالك كيمتاز بالهدوء....لبالكون طويل بزاج كيشعل على جنابو طاولات رخامية عصرية....قلبي شوية يسكت أو لكلام تخربق يا ربي شنو أتكون ردت فعلي تانية منين نشوفو عنداك يجري علي؟؟...ولا يحشمني؟؟....أنا:أووووف فينو هدا؟؟.....درت على حافة فاصلة أو فجأة متع عينيا بلقاؤو...جالس رجل على رجل شاد جورنال أو على طابلة جنبو كاس قهوة كيفوح بهواء ساخن.....وقفت كنتأملو لأن جود جديد بلوك المغاير لحد دبا رفض عقلي يستوعبو....كان لابس كستيم gري شيك أو قميجة بيضاء...جامع شعرو متل مرة سابقة أو كيبان متعة أو متال لراجل رزين لحكيم لمتالي....مي هدشي مقنعنش أنا عزيز علي جوجو بدجين أو تركوا العادي أو شعر المفتوح لي كان فينما كيبوسني كيدخل أو نغرق وجهي فيه....توحشتو بزااف توحشت جود لمجنون لحمق لمفروح ديالي...طلع عينيه في كأنه رمح جامح تخشى وسط قلبي او فعوض ما يصفيها لي رد لي روح....كأنه جاوب على سؤالي أو فهم اشتياقي لحاد ليه...حط صحيفة أو هز كاس خدا منو رشفة....أو دور وجهو كيتفرج فلمنضر الأمامي.....رمشت بعيني حابسة البكية واش ديل ألم ولا فرحة معرفتش مهم انني شعرت برغبة كبيرة فالبكاء....تحركت لعندو أو جلست مقابلة معاه....أنا:جود؟؟....جود:سي جود الله يخليك...بانت لي يديه قريبة أو غير بغيت نشدها فلتها من صباعي لمرتاجفين....أنا:جود توحشتك بزاااف علاش درتي البارح هكاك كنت غنموت بلخلعة أو لقهرة....جود جبد تليفون أو سكتها بصبعو رامي بإحساسها لبحر تجاهل....جود:وي مدموزيل ههههه أنا هنا معنديش فين نمشي....أنا:(بصدمة)ما ....دمزيل؟؟....جود:اوكي ضروري أيكون عندا عشا أنا أو ياك ههههه عندي مسألة بسيطة نسالي معها دبا أو نشوف جدول اعمالي أو نعلمك اوكي الله يهنيك....طفا تليفون أو حطوا جنب....حك لحيتيو شوية أو خلاها حتى تسترجع وعيها مع كانت مضطاربة أو ملامحها مخطوفين....جود:احم سمعي انسة عبق لعلمي ياك قلت سميتك هي هاديك؟؟....أنا:(مخرجا عيني)لا رد....جود:عندي لك جوج كلمات نسربهوم معاك وقتي عامر أو منين شفتك بارح عاد تفكرتك صراحة عندي أشياء أهم مي جابتك لوقت نكملو هاد تخربيق ليوم....

أنا:تخربي....ق؟؟.....جود:احم كيف بقيتي بعدا؟؟كنشوف أنك وليتي أجمل من قبل هههه....أنا:لا رد....جود:هادي فوتناها بنسبة لمضهر ديالك تبارك الله كتباني لي تقدمتي بزاف ولتي كتعرفي كيفاش تباني زعما من داك نوع شارب عقلو ولكن ماشي عليا....(خدا رشفة من قهوة بهدوء تام)أما بنسبة لينا بغيت نقول لك نتي حيت أنا قربت نخرج من هاد مسألة كاملة....شديت فقلبي نعاونو على صمود أو قبالتي أبرد وجه فتاريخ البشرية أو هو كيلقي على اداني كلام مسموم....مقدرتش ندوي غير سناني لي بداو فعملية من إصطكاك المرعب أو لعرق فجبيني أما رجفة كنت كنحس بها طالعة من صبع رجلي صغير....اشنو تيقول هادا؟؟وش هادا جود ولا غير راجل بارد مختلف حقير أناني جالس فبلاصتو؟؟....جود:سمعي أعبق مليت من لعبة لقط أو الفار لي كنت كنديرها معاك يمكن أتجيك غريبة كفاش كنتعامل دبا لكن هادا هو جود قدام ناس غير نتي لي كنت مخلي على كبريائي كراجل باش نفرحك يكما كضني أن جود لي كنتي موالفة عليه كان بداك لحماق قدام رجال لا أعبق غير لك نتي لي كنت كنستسلم أو كنضحي على قبل إبتسامة وحدة منك....أنا:(بتلعتم)ش...نو؟؟كتق...ول؟؟....جود:كنقول لي كان خصو يتقال من بشحال هادي بعدما عائلتك عرفوا لحقيقة نتي شنو فضلتي؟؟....أنا:لا رد...جود:أنا نقولك فضلتي ترجعي مع خوك ضالم أو تسئ لي ماشي غير بتصرف واحد انما هما عدد....أنا:ولكن ؟؟.....جود:شششش انسة عبق كلمة لكن مبقاش عندها مكان فالقاموس ديالي...بديت كنفرك صباعي بغضب أو كنبلع ريقي بصعوبة كأنني كندوز لحجر الصلب....جود دور وجهو عند راجل كان مورانا واقف أو دعاه بحركة يقرب....جود:سي جمال جيب لأنسة ما تشرب باش تبرد على راسها....جامع:شنو بغيتي تشربي انسة؟؟....أنا:جيب لي ش كاس فيه سم باش منبقاش نسمع هادشي أسي....غمزوو ينصارف أو ربع يديه كيحاول بلعاني يفقسني بنضرة لبرود....جود:مزيان بقينا بوحدنا دبا عندي لك خبر (شاف فساعة)تعطلت بزاف على لموعد لكن ماشي مشكل بما أن هاد لقاء غيسالي بقضية مفيدة....أنا:شنو كتقول أجود هدا ماشي نتا مستحيل دير في هدشي أنا غنشرح لك كلشي بتفصيل دبا خويا؟؟....جود:(مقاطعها)بلا خوك بلا والو داك سيد مابقاش من اهتماماتي إدا عبق ضروري خصني نعلمك بلماجي....حسيت بلي غنسمع شي حاجة أضيعني زيرت على مفاصل يدي بقبضة بحالة كنعصر دماغي نلقى شي كارتة من غير دكشي لي كنفكر فيه....جود:عبق غنطلقك....

يتبع