جود خرج بزربة زادح لباب....بقيت كنرمش ماعرفت جاع شنو قلت....أنا:جود تفووو أشداني نتسرع لحمد الله مجمعش معايا....لمت راسي منكرش أو وليت كنحس أن لعبة ولات كتحكم في خايفة غير لا ديني شي مسار ندم عليه....شوية دخل نفس راجل لي وصلني ديك مرة....أنا:شنو بغيتي؟؟...راجل:سي جود قاليا نوصلك لدار....أنا:وايلي فين هو؟؟...راجل:معرفتش أمرني أو طلع معصب....أنا:ممم وخا ديني من هنا....
***حطني حدا دارنا أو دخلت ضايعة خصني نوقف هدشي ضروري....دخلت ماما كي لعادة شنقات علي....فيروز:خوك لا سولك قوليه مشيتي تسخري ليا...أنا:فين؟؟....نزل حكيم كيغوت من دروج وقفو بجوج مسمرين بلخلعة....حكيم:فيين مشيتي دويي؟؟....فيروز:را قلت لك تسخرات لي...حكيم:فين؟؟...أنا:فسميتو فففف....فيروز:عند لخياطة....حكيم:ممم سيري شدي لأرض أو قراي دكشي لي وصيتك عليه أنا طالع نعس....غير إختفى من حداهم فيروز جراتها لكزينة أو سدات لباب....فيروز:أمدرا شنو بغا؟؟....أنا:راك عارفاه ماما قررت واحد حاجة....فيروز:شنو؟؟...أنا:غنحبس هاد لعبة صافي بديت كنحس أنها كتخرج على سيطارتي....فيروز:(بتنهيدة إرتياح)لحمد الله ولله أحسن ما درتي...أنا:رجب سيد ضريف أو إلى ساق جود لخبار ناري شنو غايدير كاريتا مصيبة خلاها مول لغابة بحالها بحال دار....فيروز:ناري تبسل علي لمسخوط ههههه😂😍 ولله كون ما كنت مخلوعة كنت قلت ليه يدبر لي على عريس من عندو هههه....أنا:أويليي أميي لا لا تلاقيتو عندكم عقل سافل....فيروز:ههههه وا شنو جود بنفسو قالي غزالة أو باقي فايت في زواج هههه.....أنا:أو لولييد؟؟....فيروز:هأ الله يرحمو مشا عند الله شنو نبقى نتسنى لموت حتى أنا؟؟....أنا:ههههه😂 مي اويلي حشوما...فيروز:ويلي مشفتيش ديك نهار فسبيطار كان جالس خوك حدايا أو أنا مشيت مع داك لغول ديال جود بقيت كندوي بوحدي أو فلتات لي لقضية ديال احم احم أو سمعني....أنا:(ضربت حجري بلغوات)أويليي وحديي سمعك؟؟....فيروز:(بلا مبالاة)مالو خليه زعما هو معصوم را ديك نهار لقيت فقمجتو العكر مالو هو لي عليه الله....أنا:وا ميي فمك كياكلك بجهد أو داك مخ عندك عجيب عرفتي كون غير كان جود ولدك كتشابهو.....فيروز:هههههه مصاب.....
***في فيلا جود***:
تلاح وأخيراً بعدما كسر لبيت....جمع شعرو لور بغضب عارم...لون عينيه فقد هدوءهم الأزرق باش يتأجج بأحمر قاتم دليل على بركان يلا نفاجر....كلامها المستفز لرجولتو أو لحبو لها جبرو أنه يبدل ساعة بأخرى حسن ما يئدها....جود:(بصراخ)غنقتلك مرة جاية أعبق مييرد مكتخلينيش مرتاااح مييرد....(خدا غارو أو فنفس وقت دوز شي نماري فتلفون)....جود:ألو ملاباس ما زب***😡😡😡😡 غادي نحماق أساحبي مفيهاش ديك برهوشة كتركب في سكر أو لقلب كتستفزني...علامن كندوي اوليد على عباااق متفرعش كر*** حتى نتا شكون من غيرها لي مرضني....(سكت شوية كيتنهد بعصبية)...جود:وليد خصني نعلمك بشي حاجة.....أنا "طلقت"عبق.....
***في صباح***:
كانت عبق أو حكيم فشركة مع لوقت كيف لعادة....تلقاو في دخلة برجب جاي بخطوات سريعة راسم ضحكة فرحانة...عنق حكيم أو يلا جاء يدير نفس حركة مع عبق وقفو أو ردو لور...رجب:هههه سمحلي مرحبا بيك....أنا:شكراً بزاف سي رجب ترحب بيك جنة....رجب:مالكي رسمية ليوم بزااف علاش ديك سي؟؟....أنا:سي رجب نتا مدير ديالي خصني نحتارمك صراحة تبرهشت بارح بزاف عن إدنكم....خليتهم أو مشيت لمكتب ديال خويا.....رجب:مالها؟؟....حكيم:معرفتش ولله طريق كاملة أو هي ساكتة دخت بربي مابقيت فاهم والو....رجب:بصح صبر أخويا أنا كيهمني بعدا نشوفها ديما فرحانة...حكيم:هههه طحتي أولدي باغي تعنق ختي حدايا جمع يديك....رجب:هههه حاضر مهم خليتك نمشي نخدم....
في لغداء....عبق بقات لاصقة غير فخوها أو حبسات ضحك أو لهدرة زايدة....كلشي لاحض سكوتها لغير مبرر خاصة أنها خلقات لهم جو زوين باش جات....حكيم:مالكي يكما مريضة؟؟...أنا:لا خويا عادي...رجب:اااه دكشي يكما قلقتك؟؟....أنا:ماعندك حتى علاقة بهاد موضوع مهم بصحتكم....انسحبت بش نبدا نبعد على داك رجب أو منعطيهش فرصة يتقرب مني صافي عييت أنا منقدش على جود من أحسن نتكمش حتى يحن الله....طلعت لبيرو جلست كنخمم فيه البارح بقى في لحال عرفتو علاش خرج بزربة بش ميعنفنيش....أنا:(كنضرب سطح لبيرو)تفووو يخ يخ كنطير يخ على عقلي فااااك....رجب دخل مع هاد تصرف مضحك أو فعلا عبر عليه بقهقهات عالية....رجب:هاهاهاها مالكي حماقتي؟؟...أنا:احم لا والو وآالو غير معصبة....رجب:(جلس جنبها)وي لاحضت شوفي أنا نعاونك....تشجع أو مسك يدها مي تفاجئ بسرعة ردة فعلها....حيدات يدها أو وقفات مرتابكة....أنا:رجب قلت لك هنا أصدقاء متخلينيش ندم على هادي حتى هي....رجب:ممم فهمت درتي هدشي على ودي....أنا:للللا أنا احم بغيت نخدم صافي هدشي لي متحمسة ليه دابا....رجب:ولكن لي معارفاهش أن هدشي كيزيد يعلقني بيك....أنا:كفاش واش مكتفهمش؟؟...رجب:أنا مجابرك على والو غنخلي لك لوقت الكافي....أنا:وا لا وا عباد الله نجيك نيشان را راجلي سابق معاجبوش لحال أنا خايفة عليك نقدر نقولك راك فخطر بعد مني حسن لك...رجب:هههههه مالنا فسيبة منين جيتيني نيشان حتى أنا غنقولك صراحة راحة نتي كتعجبيني بزاف أو ناوي معاك طريق مفيهاش زواق خوك صاحبي أو خويا أو منقدرش نكدب ولا نضحك عليك....أنا:(بصدمة😮)كفاش؟؟....رجب:أما قضية داك راجلك مكيخلعنيش ياك طلقك دبا ماعندو حتى فرصة معاك أنا لأحق أو أنا لي خصني فرصة نبين لك نييتي حسنة....طحت على كرسي كنشوف فيه كيفاش كيهدر أو عروقو ولاو خارجين....رجب:مغنسمحش فيك فهمتي بجميع وسائل لطيفة طبعاً أنستنزف فرصي كاملة حتى نحرك قلبك أعبق كنواعدك....خرج مسرع ممسوعبش قلبي كيفاش تقبط عليا....أنا:ويليي😫😣 قفرتها اويلي بديتها بضحكة ولات صح ناري يا ربي هدا بينا ممفاكش شنو غاندير دبا مع جود؟؟....
نهار كامل أو أنا مخبية من داك رجب تفو ماعرفت منين خرج ليا جيت نكحلها عميتها....كنطل على تليفون 100 مرة فدقيقة مي جود رجع عند راسو ولكن سري جرحتو بزاااف....دخل خويا معاه كانوا غيخدمو بجوج...مخفاش علي كفاش كيشوف في بإعجاب تفو شنو كيحسابليه راسو...لا أو سيد واتق من نفسو أععع غنحماق....أنا:(بعصبية😡😡)خويا أنا عييت أنمشي دار بسلامة....هزيت ساكي دايزة من حداه بنضرة قاتلة....مع خرجت من مصعد وصلني ميساج....أنا:جود؟؟...فتحتو بسرعة لبرق لقيت رسالة من رجب:(((هربي قد ماتشبعي انسة عبق أنا من ديما معروف علي الإصرار أو نتي غتكوني من مهمات ديالي الأكتر جاديبية أو متعة😍😍)))....أنا:أعععع😠😠 لصقة لويل شنو ندير دبا مصيبة كحلة....
رجعت لدار مفقوسة معدبة نفسية ناري على حالة تكون مابين جوج مواقف من جهة عائلتك أو من جهة جود كولو بطولو أو عرضوا....أنا:أوووف علاش دخلت راسي فهاد لمصيبة....دخلت لبيتي كنفكر خصني نلقى حل مستعجل....
***بعد أسبوع***:
دخلت لدار مع خويا صفرا من كترة الهروب منو....أسبوع داز علي فحال لجحيم....رجب مبغاش يستسلم عييت منبعد عليه مي كيتبعني أو كيبغي بزز مني يدخل لحياتي...كندطر ندور شركة كاملة باش نبسع عليه....أما جود والو نساني....جاتني البكية عيييييت مليييت من هاد لوضع....أنا:هئ هئ😭😭😭😭 يا ربي عوني شوية صافي سمح لي ولله أسيدي ربي لاكنتي كتعاقبني على أغلاطي أنا صافي تبت ولله حتى حبست هئ هئ....دخلات ماما بجهد شيء لي خلاني نتفزع.....فيروز:نوضي أبنتيي سربيي....أنا:(كنمسح دموعي)شنو؟؟...فيروز:هداك سي رجب بغى يدوي معاك أو طلب من خوك الادن تمشي معاه لشي كافي باش تهدروا....أنا:أوووو حكيم وافق؟؟؟....فيروز:ممم وافق قالك بغى يدوي معاك فحاجة مهمة....أنا:أوووووف شنو هاد زهر عندي....(جلست شادة فراسي)مغنمشش معاه سيري علميه....فيروز:وخا بنتي....حلات يلا اتخرج طاحت فكرة فبالي...أنا:ماما بلاتي عرفتي شنو قوليه وخا نيت باغية ندوي معاه....فيروز:متأكدة؟؟....أنا:أكيد غنلبس علي شي حاجة خفيفة...مشيت لبست دجين أو فوقية رمادية....نزلت عندهم لصالون....كان جالس مع خويا كيضحكو عادي أما أنا نار شاعلة في....أنا:واجدة...رجب:سي حكيم خليت لك راحة نردها ماتخافش....حكيم:(بهمس)كون راجل مع ختيي را هي لي عندي...رجب:الله يا ودي من عيني بجوج....تقدم ناحيتي مبتاسم شفت فيه بخبت أو دعاني بيديه نخرج أنا لولا....ركبت معاه فسيارتو أو إنطالقنا....
وصلنا لقهوة هادية جات فمكان كالم بزاف....جلسنا جنب كانبانو مع دايرين زاجا كبيرة كطل على برا....رسمت لكلام لي نقوليه بش صافي يبعد من ساحتي....رجب:شنو تشربي؟؟....أنا:احم رجب سمعني مزيان أنا وافقت ماشي علا ود لهدرة....رجب:أنا؟؟...أنا:(ضربت طبلة)شششش سمعني لآخر حرف.....
جود فسيارة طفا تليفون أو عصروا بين يديه بعصبية....جود:(بصوت كيخلع)بلاتي أعبق كاديري غير لي فراسك مزيان بغيتي لعب نلعبوه لكن بطريقتي أنا....دوز نمرة جمال لي رد عليه طاير....جود:جمال دبر لي فموعد سري مع عتمان مدير شركة لي خدام فيها خو مرتي أو من أحسن يكون ليوم...
***في لمقهى***:
أنا:شوف رجب نتا راجل مزيان عرفت هدشي من ليلة لكبريه حسيت بيك أنك مشي من نوع راك عارف كي داير هادوك رجال لي كينتاهزو أي فرصة...أو زدتي كبرتي فعيني باش خبتيتي عليا...رجب:هدشي زوين ولكن علاش مباغياش تبداي حياة جديدة...أنا:حيت منقدرش أنا(سكت شوية كنفكر فجود)احم أنا مازال متعافيت من علاقتي براجلي أو زايدون منقدرش ندخل حتى فصداقة معاك....رجب:مالو كيخلعك ياك طلقك؟؟...أنا:وي مي أوووف شوف مغتفهم والو دبا الله يرحم لك لوليدين لما خليني عليك يقدر يسيق لخبار أو نمشي فيها أنا أو ياك....رجب:هههه يكما شي صعصع هدا أنا را مكيخلعني حد....أنا:أووف رجب الله يخليك تفكر غير ديك لقتلة لي عطاك ديك نهار هداك غير شوية من بزااف....رجب:غفلني مي مرة جاية نكون مستاعد ليه....أنا:واش أنا ربحة ولا كفاش راني بنادم بعدو مني نتا أو ياه مصيبة كحلة هادي....رجب:ههههه حيت نتي زوينة أو فنا....أنا:(ضربت طبلة)حتارم راسك أسي دبا بديتي كتعصبني ديال بصح....رجب:هههه بشحال كاتباني كتحمقي باش كتغوتي....أنا:أععع هدرة معاك حرام وخا قلب كلشي ضحك باش تجيبها فراسك متلومنيش....هزيت ساكي أو تميت خارجة معصبة....رجب:(تبعها بعينه)غنجبك أعبق حلفت أو مستحيل نتراجع
***في فيلا جود***:
دخل عتمان بخطوات خايفين تابع جمال....لحد الأن ممتقبلش أن جود لوكاس طلب إجتماع معاه....تاصلو به جوج مرات عاد بش تيق....بقى كيدور فعينه أو كيبلع ريقو بصعوبة....جمال:سي عتمان رتاح سي جود شوية أو ينزل عندك تشرب شي حاجة؟؟....عتمان:مكرهتش شي كاس ديال لما ريقي نشف....جمال:ههه هيا لولا.....
بعد ساعة من زمن...جود نزل بشوية عليه كيلعب فتيليفون....عتمان غير شافو ناض كيغزل بلفرحة....جود لاح تليفون أو ما سلم عليه ما والو....ترمى على كنابي بجلستو الهمجية مفرق رجليه أو من لفوق جبد سيجارة كيكمي بأريحية....جود:سي عتمان مرحبا جلس جلس بشوية عليك كاتبان ليا صفاريتي....عتمان:(بتلعتم)سسسي جوووجود مامتيقش أنني جالس حداك دبا....جود:لا غير تيق دارو معاك واجب ضيافة؟؟....عتمان:نعام شكراً بزاف....جود:مزيان لمهم ندخلو فالموضوع علاش عيطت لك....عتمان:إياه مرحبا ولله إلى هادي مفاجأة لحلم ديالي كان نخدم معاكم أسي جود شكون يصبح على إتصال أن وحش لعقارات فحالك يطلب يشوفني....جود:(بضحكة لا مبالية)خلينا من هاد هدرة حامضة معنديش معها سمع مزيان هاد إجتماع أول حاجة بغيتو يبقى سري...عتمان:من عيني بجوج....جود:لا من عينيك لا من نيفك تسنط....انخدم معك فشي صفقة....عتمان:(بفرح عارم)بصااح؟؟؟لا وش كنحلم....جود:غتندمنا فيق شوية معايا اندير معك صفقة لكن بمقابل....عتمان:أي حاجة طلبتها مني نديرها أسي جود....جود:لمقابل هو جوج أشخاص بغيتك تفضي لي معاهم....عتمان:شكون هما؟؟....
في ليوم لموالي...كان كلشي فشركة خدام عادي...حكيم حادر راسو على شي ملفات أو عبق كتخمم فجود أو فالحريرة إلى ساق لخبار أن راجل تاني بغى يحتل ماكانو أكيد غيخرج حماقو فيهم بجوج...مكانتش خايفة على راسها قد مخافت على رجب...أو دليل أن لحد الأن معرفاش اشنو دار لرضا....رن لهاتف جاوب حكيم بسرعة أو ناض بعدها...حكيم:ختي نوضي كاين شي إجتماع طارئ دبا...أنا:مافيا لي يمشي....حكيم:نوضي هاد سمانة مدرتي تا لعبة قيلتي غير فلجلوس أو دوران لخاوي هادي را شركة كبيرة ماشي جردة...أنا:(نضت معصبة)هاني أووووف...تبعتو لبرا لصالة اجتماعات لقينا كلشي جالس حتى من داك رجب غير لمحني ضحك كي لهبيل....ريحت منزلة عيني منو يخ لصقة....عتمان:شكراً على الحضور ديالكم....حكيم:شنو لمناسبة ديال هاد إجتماع شفت مجلس إدارة كامل هنا يكما شي صفقة جديدة؟؟....عتمان:هههه ديما كتعجبني لبداهة ديالك أسي حكيم اياه كاين صفقة أو ماشي أي صفقة بل شي حاجة أول مرة غنعملو عليها فشركة ديالنا...حكيم:ههه مزيان الله يقدرنا عليها....كلشي بدا كيضحك أو فرحان من لخدمة جديدة....عتمان:لكن للأسف عندي لكم خبر خايب حتى حاجة مكتجي كاملة للأسف شديد....(عم سكات طويل كل واحد كيشوف فتاني)....عتمان:ليوم أنقيل شخص منكم ولا بالأحرى جوج ديال ناس....حكيم:كفاش؟؟....عتمان:حتى أنا مجبور نقيل هاد ناس عندي أسبابي شخصية أو أنا متأسف بزاف لهم....لموضفين تخلعو على بلايصهم كل واحد كيلعق شفايفو صفرين بلخوف أو نساء توتروا لدرجة كانوا غيسخفو.....عتمان:سي حكيم أول شخص هي ختك....حكيم:شنو😮😮؟؟....عتمان:همم أنا لاحضت أن ماعندها حتى سبب لي تبقى هنا....حكيم دار شاف فعبق سيدة ساهية فدار غفلون....نغزها من تحت طبلة عاد فاقت كتشوف أن الأعين كلهم عليها....أنا:شنو واقع؟؟...عتمان:شفتي أسي حكيم قلة الإنتباه ديالها هدشي معندوش بلاص فشركة ديالي....أنا:شنو كاين؟؟....حكيم:(معصب😡)فاير أختي لمدير قالك....أنا:اويلي شنو درت؟؟....عتمان:أما شخص تاني هو لي غياخد تعويضات على هاد الإقالة حيت كان معنا من بشحال هادي....حكيم:سي عتمان مابقيت فاهم والو وش نتا لباس هاد صباح كيفاش تفرحنا جميع بصفقة كبيرة أو شوية تسمكنا بهاد لخبار شنو دارت ختي ياك وافقتي بصدر رحب أو شنو دار هاد شخص أو شكون بعدا؟؟....عتمان:احم شخص هو سي"رجب"....
حكيم أو رجب أو أنا نضنا مصدومين....بقينا مخنوقين حتى لهدرة مبغاتش تخرج....دغيا طاح فبالي مول لفعلة....أنا:جود؟؟....معرفتش كفاش داوني رجلي بسرعة لبرا...دخلت لمكتب خديت ساكي أو خرجت بجري عندو....
حكيم:سي عتمان شنو تادير راك تدوي على رجب شرقاوي واش من نيتك؟...عتمان:هدا قرار شخصي أنا لمدير أو ندير لي كنشوفو مناسب....لموضفين بقاو حالين فمهم مفهمو والو واش بصح رجب راجل طيب المحب لخدمتو يطردوه من شركة....حكيم:(بنبرة قاسحة😠)سي عتمان فكر شوية واش رجب مدير لموارد البشرية لي خدم معنا هادي عام أو زيادة يتعرض لهاد لمعاملة حشوما عليك...عتمان:أياخد تعويضات كاملة.....حكيم:ولكن؟؟....جرو رجب من كتفو أو قلبوو لعندو بوجه ضاحك :) ....رجب:صافي أصاحبي إلى كان سي عتمان كيشوف أن خروجي من هنا فيه فائدة معنديش مشكل...حكيم:لكن أصاحبي نتا كتستاحق هاد بوست كفاش أتسمح فحقك؟؟....رجب:صافي عطا الله شركات لي نخدم فيهم....حكيم دار شاف فعتمان بعتاب رخا يديه من قبضة رجب المهدئة أو خرج ضرب لباب بقوة....
عبق وصلات بتاكسي لفيلا ديال جود....خرجات مسرعة حيت متيقنة أنه هو سباب في طرد ديال رجب....تلقاو لها دوك لحراس وقفوها....أنا:بغيت نشوف جود....لحارس:مكاينش هاد ساعة...أنا:أوووف راكم عارفين انني مرتو خليوني ندخل غير ندوي معاه....لحارس:ولله مكاين خرج مكنكدبش عليك....أنا:صافي أنتسناه....(مشيت جلست على تروطوار)....أنا:مغنخلكش أجود تخرج على مستقبل رجب اشنو كادير تفووووو غنحمااق يا ربي أهيء أهيء علاش عطيتيني راجل مصطي فحالوا تفووووو.....
داز وقت طويل حتى ضلام لحال حادية طريق أو أي سيارة دازت كنوض سحابلي هو....رجلي ضروني أو طرمتي حرقاتني من أرضية سميكة....أنا:زمر فين هو هدا؟؟؟....مشيت عند لحارس حيت بزاف على هاد تعطال....أنا:يكما كتكدب عليا راني طبت دخلوني عندو لكاين....لحارس:ولله مكاين ها هاهو جا....تقلبت ببطء عندو...هبط من سيارة مخنزر ولكن مخفاش علي نضرة مستفزة حيت عارفني علاش جيت....جود:أهلاً أهلاً زارتنا بركة.....أنا:(قربت منو)جود خصني نهدر معاك....جود:غبور هادي ولا جيتي على مصلاحتك....أنا:جود علاش كتعقد أمور سمعني....فتحو ليه لبوابة أو تبعتو كنجري مع خطواتو لكبار....أنا:جود لاش شنو دار رجب؟؟....فجأة دار شد فكها بقسوة أو قربها ليه....جود:(بلغوات😡😡)متخرجيش سميتو قدامي...أنا:جود عفاك متخرجش عليه بسبابي....دفعها متجلي على وجهوا تعبير إنتقامي شرس....جود:هادا غير لعقاب لول شنو يحساب لك أنك قادرة تلعبي معايا؟؟....أنا:جود براكا حسابك معايا أنا ماشي رج(مكملتش سميتو حيت خنزر فيا)بغيت نقول داك راجل....جود:مكيهمنيش....أنا:أنا وخا فهمنا ولكن كنطلبك ردوا الله يخليك أجود....جود:عبق خرجي بعضامك حسن منرتاكب فيك شي جريمة....أنا:(قربت منو)جود الله يستر عليك صافي أنا غنجلس فدار حاول متكونش أناني مابيني أو بينو والو أنا قلت نخدم نلاهي راسي فبلاصة منبقى نفكر فيك....جود:(بضحكة جانبية)كتفكري في؟؟....أنا:بزااف أهيء أهيء😭 علاش طلقتيني نتا جرحتيني بزااف هنتي كرامتي شنو بغيتيني ندير ااا؟....كانت كتهدر أو كتبكي مشعراتش بيه قرب لها بزاف حتى مبقى كيفصل بناتهم والو.....أنا:جود مكتشوفش أن حياتنا غادية أو كتخرب صافي أنا قبلت بطلاق أو بغيت نتعايش مع ألم انني خسرتك أو....دفعني مع لحيط أو حط يديه على حنكي كيمسح دموعي....جود:شكون قالك خسرتيني؟؟...أنا:حيت نتا....جود:(بنضرة شغف)أنا شنو؟؟....أنا:حيت أنا توحشتك بزاااف....
بقاو كيتشاوفو من جهتها بعينين مدمعين أو من جهتو بنضرة قوية نسا فيها جميع الألم لي سببات ليه أو حتل مكانو عبق خائفة أو لبنت لي فعلاً بغاها من قلبوو...هاديك البريئة لي معارفة والو...لفتاة لي عشق ملامحها طيبة....طلع صباعو كيمسح دموعها الغزيرة....شدات فيده كايبان عليها تعب أو الإحساس بلخوف....أنا:أهيء أهيء😭😭 جود عفاك نوقفو أنا أو ياك مبغتش ناس تأدى بسبابنا عفاك أهيء أهيء....جود:حتى أنا توحشتك كتر من مكتصوري....دموع بداو كينهامرو بشكل أقوى أو لبكاء مبقاش عندو قيد...ضمها لحضن ديالو كتبكي فوق صدرو غارزة ضفارها فقمجتو فحلا كطلب منو يحتاضنها كتر أو ميتخلاش عليها....جود:عبق خلينا نساو حتى أنا عمرني عييت فحال دبا أي حاجة كتعلق بيك كتخليني نضعف أو نفقد قوتي....أنا:أهيء أهيء😭😭😭 حتى أنا جود صافي بركا الله يستر عليك متعدبنيش حرام عليك شنو درتي في خليتيني حتى تعلقت بيك أو رميتيني كأن عبق مدوزات معك والو....دفعني لور شوية أو شد دراعي بجوج بعصبية....جود:مرميتكش مستحيل نديرها أنا بغيت غير تحسي بشنو كنسوا نتي أعبق درتي أسوء حوايج غير رجعي بداكرتك لور شوية أو تفكري لعداب لي دوزتيه علي....أنا:اااه كنعتارف درت ولكن كان عليك تسمعني ماشي تخليني كنطلب فيك فحال لحمارة أجود....جود:شنو غنسمع؟؟بلي خايفة من خوك قلت لك غنحميك من نسمة لهوى إلى قربات لك عرفتي بش حسيت منين شفت فعينك نضرة لخوف تصدمت قلت مع راسي جود مكيفرق بوالو فحياتك...رخاني أو دار معصب كيجمع شعرو لور أو جبد غارو كيرجف بن يديه....سربيت دغيا أو حيدتو ليه لحتو بعيد....خنزر في أو جر تاني حتى هو كان مصيرو ملقى على لأرض...أنا:سمعني أجود مدرتش هكا حيت خايفة من حكيم أنا بغيتك دخل بناتنا أو راسك مرفوع تخلي لهم وقت يتقبلوك فحالي تقبلتك أنا را صعيبة تحاول تفرض راسك على شي حد أنا را جربت هدشي مي من عرفت أنك راجل مكاينش فحالك فهاد دنيا كاملة بقيت معاك....جود:(بضحكة مقلمة)مشي سبب أبداً أنا أعبق مكان كيهمني حد منغيرك بغيتك غير نتي عمرتي علي حياتي لخاوية أو المملة كلما كنت كنحس بلفرحة ولا ضحكة معاك كنتخيل اننا غير بوحدنا لي مسمتعين بلحضات كانت قليلة غير فكريني فوقاش ضحكتي لي بنفس طريقة ديال بشحال هادي(بلغوات)غا قولي لي فوقاش ودني رجعت سمعات كلمة خارجة من قلبك غير فوقاش أنا غنقولك كلشي مات أو ماشي مني كنقسم لك جود بقى معلق بيك لآخر نقطة أو نتي لا فضلتي بزاف حوايج على هاد راجل لي واقف حداك دبا أو....قطعت أنفاسو قبلة قوية منها معرفش كي دارت لها...لكن لقى راسو هاد لمرة أسير شفايفها سخان كيف نار مخلط مع دموع طويلة عمرات ليه وجهو....
ساعدها فوضعيتها أو دور يديه على ضهرها....خدا وقت قليل مصدوم من أول مبادرة منها قبل مايخشي يديه فشعرها أو يتجاوب معها كليا....شدات فحناكو بجوج أو غمضت عينيها كتعاقبو بنفس طريقتو....بتو أشواقهم لبعض كأن هاد لقبلة ساحرة هي لي غتحكم واش غيعيشو مازال ولا الموت أيكون حليفهم لما كانتش صادقة كفاية....طلقاتو كتنفس بجهد...عنقاتو بقوة حاطة راسها فعنقوو أو دموعها كينزلو على طولو...أنا:أهيء أهيء 😭😭😭مفضلت والو عليك أنا عايشة غير على قبلك أجود أهيء أهيء....جود:(معنقها)ششش متبكيش أزين ديالي....أنا:هههه بشحال هادي مسمعتها....بعدها برفق عاجبو وجها الممزوج بين دموع أو ضحكة أو لمعان عينيها....جود:زين ديالي أو عبق حياتي أو أنا؟؟....أنا:هههه جوجو ديالي هههه😄😄....جود:أححح بشحال كتهبل هاد جوجو من فمك توحشتها أو توحشتك أو توحشت ريحتك أو نعاسك توحشتك كلك....ردها عندو أو خشى نيفو فشعرها كيستنشق عبيرو ناعم....جود:علاش كتحمقيني أو كدري دكشي لي كنكره علاش كتستفزيني أبيبو شيبتيني هاد الأيام مستحيل نتخيل أن أي راجل يقيس منك حتى شعرا وحدة....أنا:دبا نسى مغندير والو حتى أنا مكنتخيلش أن شي راجل يقرب مني من غيرك....جود:(بهمس)باغياني نقرب منك؟؟....أنا:بغيت نسى أجود عشت احدات صعيبة عفاك نسيني فراسي بغيت نكون معاك....جود:(نزلها)دعوة صريحة هادي ولا كفاش؟؟....هبط باس حناكها بجوج بحنية غمرتها لدرجة رجفات ليه أو حرارة وجنتيها طلعات...أنا:أنا احم أنا جود أنا؟؟....جود:(كيداعب وجها)شنو مكنسمعش مزيان همم؟؟....أنا:جود أنا نتا أنا أو ياك...طلع لي دقني فمو قريب بزاف من فمي....جود:أنا أو ياك غنعشو حياة كتحمق فحل عينيك أو هدشي غيبدا من هاد ليلة....دبت مع جمال عينيه...شعرت بملمس يديه ولا حنين أو جبدني عندو.....جود:متأكدة عبق؟؟....غرقت فلحلم لي كنعيش معاه....راسي تحرك بالإيجاب بحدو.....مقدرتش حتى نستوعب شنو درت...هزني أو تم طالع لطابق لعلوي....قلبي بدا فعملية نبض العالي...كل خطوة كيتقدم بها أو هو محاصرني وسط عينيه كتفرحني حيت و أخيراً تصالحت معاه....دخلني لبيت مضوية أو كبيرة بزاااف....جلسني على سرير بلطف أو نزل على ركابه شاد فيدي بجوج......جود:إلى مكنتيش باغية أعبق خلي حتى ترتاحي أنا مامزروب على والو لمهم هو أنك رجعتي لي من جديد....أنا:(بإصرار)بغيت.....جود:ههه واش هادي عبق ولا كنتخايل....أنا:(بخجل)وا صافي متحشمنيش ولا غنمشي....جود:(بمكر)بربي لا عتبتي خطوة من هاد لبيت....أنا:(كنحل ليه صدايف قامجتو)همم شنو غندرو؟؟....جود:ههههه نلعبو شي ماتش دايزو لكلام نتي البارة أو أنا لهداف....أنا:ههههههه😂😂 تفو سافل مكتحشمش....جود ناض جمع لوقفة بفرح كيلتاهمها بعينه....حيد لقميجة أو دفعها جات طايحة على لفراش كضحك....أنا:جود هههه اويلي شنو تادير؟؟....جود:هههه غنبوس مرتي مخلياني محروم شهور هادي ماشي حشوما عليك بربي متخيلت غنصبر هاد مدة....أنا:أو علاش صبرتي؟؟.....جود:حيت مابقات كتحلى لي حتى وحدة من غيرك....(باسها فمها)حيت كنكمل غير بيك نتي....
بداو انفاسهم كيتسارعو بجوج...كتمها جود بخطوة أولى أو هجم على فمها بقبلة مثيرة....طلع صباعو حل أزرار قميصها كامل....نزل كيوزع قبلات على طول عنقها أو كتفها....حس بها شوية مترددة لكن شجعها بلمسات حنان أو قبلات معروف بها غير جود لوكاس لسلب قلوب لفتيات مي مع عبق كان عندها وقع خاص غير لها بحدها....جود:(بهمس)باينة مغتفاكش معاك إممم....أنا:(غايبة)جود بشوية عفاك....خفف عليها شوق المتراكم أو حاول ما أمكن يبوسها بلطف....تخلطو انفاسهم لحارة بلحن رومسني مسموع أو كيتردد فانحاء لغرفة بولع كبير لبعض....عبق حطات كفها صغيرة فوق قلبو كتحس به كيفاش كيدق بجنون....أو يدها تانية استخدمتها في إكتشاف تفاصيل جسمو لمتالية....دوزاتها على كتافو أو صدرو أو إستقرات بها فنهاية مور رقبتو أو هي كتستقبل على بشرتها لي كتنادي بسميتو خواتم فحال شمع دايب كتحرقها بشكل مرضي لأنوتها.....جود:(كيبوسها)كتحمقيني أعبق حياتي....جزاتو على كلمتو زوينة بقبلة فرقبتو طلع وجهو على إترها مخرج عينيه فضحكتها أو إنحناءة فمها المغرية....جود:شنو درتي دبا؟؟....أنا:بستك....جود:قلبي غيسكت من هاد حركات لي كديرهم.....قلباتو على ضهرو أو طلعت فوق منو كنعوج فمي....أنا:هههه علاش جاتك غريبة؟؟....جود:بربي حتى كتخلعيني واش هادي نتي؟؟....أنا:ههههه بلاتي شوف....خشيت راسي فعنقو كنبوسو بشوية أو كنضحك....جود:لا لا لا عبق مديريش هاكا مكنتحملش....دفعني كنموت بضحك أو ناض كيمسح عرقو...أنا:اويلي مالك وليتي حمر مغدش نغتاصبك ههههه....جود:(بإقتضاب)أنا راجل ماشي نتي....أنا:(نضت عندو)ومافيها باس ولا كتخاف ضعف....قويت نضرة عيني كنلعب بصبعي فوق صدرو شيء لي خلاه فحالة إرتياب....أنا:(بإغراء)أنا كنكمل غير بيك أجود أو قلبي خديتيه صافي مبقاش ديالي....سكتات شوية كتبسم ليه أو كترمش بسرعة كأنها كتهزو عليهم أو تلوحو من أفق عالي....جود:مبغيتش أعبق هاد ليلة تخرجي منها مأدية....أنا:شكون طلب رأي ديالك أنا فجميع أحوال كنولي سعيدة معاك....قربت ليه لدرجة ولينا جسم واحد...طلعت على صباع رجلي أو شديت حناكو كنحاول نوصل ليه شعوري صادق....أنا:جود أنا عمرني مبغيت حياتي حتى دخلتي لها نتا عمرتي علي فراغ كان غادي أو كيوساع غمرتيني بكل إحساس جميل ماعمري نتخلى عليك وخا نموت أتبقى....جود قاطعها بقبلة خفيفة أو شوية لقبلات جهادت أو ولات سريعة....بقى كيزيد بها أو فنفس وقت كيحل من خصرها سنسلة تنورة....وقفو بجوج على بعد خطوة من سرير...رخاها كيشتاعل بنار رغبتو بها...أو هبط لها جيبا تا لتحت...بقات غير بلملابس داخلية لجدابة....مسح شنافتو كيطلعها بنضرة حارقة أو حتى هي كتبادلو نفسها مع خجل طفيف زين حناكها....جود:(كيحل سدايف دجين)متلومينيش على شنو غاندر فيك على ديك هدرة....أنا:وا بين لي هههه.....ضحك بسرعة قبل ميندافع مطيحها على سرير أو طالع فوقها كيشوف فعنيها لجريئين....باس جبينها أو وجنتها سخونة...أو منساش شعرها لي فرش لغطاء كيف ليل....جود:(بهمس)غتصبري على حماقي....أنا:حتى لنهاية.....
خيوط زرقة بدات كتلون سماء معلنة على بزوغ صباح جديد....جود أو عبق كانوا مازال كيمارسو لحب من كل نواحيه....طلقها وأخيراً كتغوت بصرخات مثيرة....تلاح جنبها سخفان أو عرقان حيت كانت ليلة طويلة أو ممتعة تسارا فيها على جسمها كامل بثغرو لعطشان....جرها فوق منو حيت وخى هكاك عارف مزيان أنها تإدات لأنه فقد سيطرة على نفسو أو جهد عليها فوق طاقتها....حتى هي مسهلاتش عليه لمأمورية أو زادت هيجاتو بقبلاتها أو أنينها لمستمر أو صوتها لعدب كطلب فيه ميتوقفش....جود:عبق نتي بخير؟؟...أنا:لا رد....خشيت راسي فيه مقسحة بزاف من جسمي كامل لكن رغم دالك عشت فحلم كيفوق الخيال....نزلت دمعة من عيني يمكن حس بها أو دوز بلمسة حنينة على طول ضهري....جود:علاش كتبكي أحياتي؟؟...أنا:هئ هئ أهيء حيت كنت غبية معاك أجود سمحلي بزاف....جود:ششش نتي لي سمحي لي كنت قاسح....أنا:لا رد....عنقتوو بجهد أو حتى هو مقسرش بقى حاضني فوق منو مدة طويلة....جود:دريتك أحياتي سمحليا كنت هههه كنت شوية محروم....أنا:هههه غا شوية راك هلكتيني....جود:نتي لي كتهبلي أحح عليك....طلع لها راسها أو عوتاني دخلو فسلسلة من قبل لا متناهية....دورها برفق تحت منو أو يديه كتقيس فخاضها أو أي مكان بصموا بسميتو....زاد فجرعة أو إنتاقل لرقبتها أو شوية بشوية بشوية كيسل لفراش....أنا:أممم جود باركا هههه واش مكتشبعش صافي خليني.....دفعتو بلكشايف...لويت علي لغطا ولكن مقدرتش نوض....أنا:أحح جود....جود:(لبس بكسور)مال زين ديالي؟؟....أنا:كيدرني بزاف...جود حنا قدامها كيبوس يديها بجوج....جود:عادي غير حيتاش بشحال هادي منعسنا دبا تولفي يلا نديك ندوشو....عاوني نوقف غادي بي لحمام....أنا:فين بلاتي صافي كتجري علي....جود:(هزها ناحية سرير)نبرهن لك؟؟.....أنا:هههه لا لا عفاك ولله حتى نموت ديني لبالكون بغيت نشم هو صباح....جود:هي لولا....
وقفنا بجوج على منضر رائع لي كطل عليه لفيلا....أو نسمات لهواء الباردة كطير شعري من لور....أنا:جود أنا فحلم ولا غنفيق غنلقاك مكاينش؟؟....قرب مني أو عانقني من لور كيحط على كتافي بوسات أقل حاجة نوصفها بهم أنهم كيسلبو لفؤاد ديالي معاهم....جود:دكشي لي درناه كامل أو مازال ممتأكداش؟؟....أنا:أنا فرحانة بزااف أجود ممتخيلاش أنك معايا دبا....قلبني عندو كيباتسم بضحكة خيالية أو أهم حاجة فرحانة....جود:نتي معايا مع جوجو هههه أححح ولله مكرهت ندوبك كيف شمعة....أنا:ههههه كلامك كيحشمني....جود:بصح اوا سمعي مزيان حيت كتعجبيني بش كتحشمي...نزل حدا ودنيها أو بدا كيهمس لها أو كلما كيزيد كلمة كتحمار أو تخضار بلخجل...بدات كترجف ليه أو شوية يخويو عليها رجليها....جود:هههه نزيدك ولا بركا هههه....أنا:بركا عفاك منين كتجيب هاد لكلام ناري بشحال سافل....جود:ههههه ولله حتى كنحتارمك فوق مكتصوري حيت نتي مرتي ماشي فحال أي وحدة....
عجباتني مراتي كيفاش خرجها بإصرار....أنا:جود نطلبك عفاك....جود:أي حاجة ندير ها لزين ديالي....أنا:احم بغيت هاد لعلاقة بناتنا تبقى مستورة أو مخبية....مكنتش كنضن أن هاد جوج كلمات أيحولو سعادة لمتجلية فوجهوا لغضب أو إقتضاب....جود:علاش؟؟....أنا:عفاك أجود خليني نشرح لك؟؟....خلاني كندوي بوحدي أو دخل معصب....جود:(بلغوات)مالي كنسرق ولا كنشفر كفاش مخبية معرفتش علاش كتعصبيني بهاد لفهمات لخاويٍين ديالك....أنا:جوود فهمني عفاك أنا بغيت نلقى طريقة لي نعرف عائلتي بيك بجود كيفما كنعرفو أنا أو هدشي مكيضمنش غا ماما أو خويا را تبارك الله فاميلة على قدها كاتسنا غا غلطة مني وش تبغي نكون سمكة فكل لسان....جود بقى غير كيشوف فيها كفاش جاتها البكية أو ماقادر ينطق بحتى حرف....جات لعندو أو هزات باست ليه يديه....أنا:جود فهمني عفاك نتا كتستاهل تدخل من لباب ماشي من سرجم.....جود:أنا مكرهتش تولي تعيشي معايا من دبا....أنا:هههه ولله حتى نديرها لكن غير شوية وقت وخا؟؟....جرني بعناق حار راجعة ليه ضحكة وأخيراً....جود:مكنقدرش نرفض لك طلب صافي غنوافق بشرط هاد فترة مطولش بزاف غنعطك شوية وقت ولا نمشي نهجم بكل إحترام عليكم....أنا:ههههه وخا...مشى يدوش أما انا لبست حوايجي أو شوية كيخلعني بعناق من لور....أنا:ههه جود دوشتي؟؟....جود:أمم ريحتك كتحمق....أنا:وا خليني نمشي دبا خصني نفكر فشي كدبة أو خويا غيصبني غير سكت....جود:خليني نواجهو أو تشوفي واش غيهدر....أنا:لا جود مبقتش باغية دباز ولله مليت دبا حكيم رطاب شوية أو أكيد غيجي نهار لي مغيلقاش شنو يقول....جود:(بعدم إقتناع)مم لا مسك أتكون معاه هدرة بليدين....أنا:ههههه يخليلي لي كيخاف علي موااح....جود:هههه يلا تفطري بعدا...أنا:لا جود خصني نمشي لكن قبل بغيت منك احم ترد رجب لشركة....جود:أوووو هانتي كتعصبيني عوتاني داك سيد مغيرجعش عقاباً ليه صافي سدي على موضوع....أنا:عفاك أجود حشوما تخرج ليه على رزقو ولله حتى مابيني أو بينو والو غير كنا كنتلقاو فشركة.....جود:(بنبرة خشنة)أو لبواط؟؟يكما كيحساب لك نسيت عليه ملفو كامل عندي رجب شرقاوي أولا؟؟....أنا:أووف أجود هداك سيد مكيعتابر والو فحياتنا الله يخليك ياك قلنا نبدااو صفحة جديدة صافي خليه مسكين ولله حتى ضريف....جود:كتشكريه قدامي؟؟....أنا:هههه لا زعما بغيت نبين لك أنك غير خديتي عليه نضرة غالطة إلى بصح كنت كنهمك ردوا....بديت كنتعوج عليه أو كنتحلون أو كنلعب فلحيتو باش يرطاب....أنا:جوووجووو؟؟....شاف في بنص عين جاتو ضحكة...أنا:عفاااك جوجوتي....جود:هههه دبا أنا غنبقى نوافق لك ديما على طلبات ديلك على هاد حساب....أنا:غتردو؟؟....جود:دبى نشوف....أنا:(عنقتو)هههه ياااااي شكراً جوجو ديالي مواااح.....جود:بركا من لبوسان ولا نبدل رأيي....أنا:هههه وخا....
توادعنا حدا بوابة لفيلا بلوبل أو بشحال شد في على لمشية العجيبة ههههه.😂😂😂....داني وصلني داك لحارس حطني بعيد على دارنا شوية....شكرتو أو تميت نازلة كنخطط لكدبة أو نهدئ راسي باش مانتفرشش.....حليت لباب بشوية بلا حس مع كان عاد صباح بكري....أنا:أوف لحمد الله ناعسين....طلعت لبيتي بهدوء تام....يلا غندخل تصدمت من حكيم معصب شاداه ماما من يدو أما هي مخنزرة أو حمرة بلاعصاب المكبوتة....حكيم:(بلغوات😡😡)فين كنتيي دويييي طلقيني أمييي دسرتك شوية بغيتي طلعي لسما....فيروز:فين كنتي واش هادي هي تربيتي لك....أنا:(كنرعد)ككككنت في....
بقيت كنقفقف لدرجة وليت كنشوف دخان كيخرج من ودنين حكيم ...تلاح جرني من دراعي بعنف....حكيم:فين كنتي بايتة برا دار نطقي ولا نقتلك فييين غطستي سونيت عليك حتى شحفت....أنا:(بخوف)أيييي كدرني أخويا را تليفون دشارجا لي....حكيم:(بصراخ حاد)فيين كنتي غابرة نطقيييي....شفت فماما تعاوني لكن قلبات وجها أو معبراتنيش....حكيم:ناري كتعصبني بهاد سكات غنضربك فمن أحسن تدوي...أنا:(كنتبوحط)دبا أخويا أنا مرضيتش يجري علي سي عتمان حسيت بلإحتقار أو أنا يلا بادية معاكم كان كلشي كيستهزأ مني أهيء أهيء 😭😭😭😭أهيء أو عاملني خايب أهيء أهيء....حكيم خفف لقبضة ديالو أو دار كيشوف ففيروز لي كانت حتى هي متأترة....جرها جلسها وسط منهم كتبكي أو دموعها شلال أو كل شوية تقولهم "حرام عليه"....حكيم:صافي أختي متبكيش...أنا:أااععع جرى علي فحالا مكنسواش أعععع هئ هئ 😭😭كنتقطع بلفقسة....فيروز:(كتمسح دموعها)صافي حبيبتي صافي صافي يمشي يعاودها راسو شارف لهاتر الله يلغيها ليه...أنا:جرحني أمي أهيء أهيء 😭😭جرحني بواحد شكل رهيب....حكيم:صافي دبا فين كنتي؟؟....أنا:احم أهيء أهيء كنت عند صاحبتي مبانش لي فين نمشي دغيا فكرت فيها أو بت عندها....قلبت عيني عندهم بانو لي لحمد الله بداو كيتيقو....حكيم:فين كاينة هاد صاحبتك؟؟....أنا:أاااااععع جرحني أماما قالهم مكتصلاحش شارف أهيء أهيء....عنقتها بش نبدل لموضوع كنبكي بجهد أو كنتنخسس بلعاني....فيروز:صافي اولدي باينا عيانة سير خدمتك....حكيم:وخا مي عبق هادي أخر مرة تباتي برا دار أما موضوع شركة صافي نسايه تترجع تقراي....غير خرج بشوية صدرت حتى ماما بسبب أنني مباغية نشوف حد.....نضت كنضحك على تمتيلية ناجحة.....دوشت لبست بيجاما سخونة...تخشيت ففراشي نعس شوية....حتى كنحس بتليفون كيسوني.....كان جود مصافط لي أوديو فيه نفس كلام لي قالوا لي فودني.....أنا:ههههه😂😂 ناري سافل لاخر مكيحشمش....عيط عليه بعدما سديت لباب حيت ماما كدخل مدرمة....أنا:ألو حبيبي هههه ويلي كندوي بشوية كنت غناخد قتلة لعصا هي هاديك....لا لاا غير بقى مقاسنش درت ليه تبهلة😎😎 أو مشهد درامي نييت طيحتو فشبكة أو تيقني....ههههه اوا شنو دميعات عند العيلات لاش كيصلاحو.....شوف دبا نعس شوية راك بيتيني احم سهرانة أو نعيط لك أنا وياك تراسلني وخا موااح بسلامة هههه وباركا سافل.....قطعت لخط كنضحك من نيتي أو قلبي كينقز بلفرحة باش وصلني صوتوا مليء بسعادة....أنا:ااااه بشحال كنبغيك <3 .....
حكيم فالبيت ديالو لبس بدلتو الأنيقة كيشوف صورة كئيبة فلمراية أو هو كيقاد كرافات حيت وجها عمرو مفارقوو أما صدى ضحكتها ديما كينوضو فاليل مفزوع أو عرقان.....خرجو رنة لهاتف من تخيلاتو لي ديما لبطلة ديالها صاحبة العينان لخضراوتين.....حكيم:ألو رجب هاني غادي غا بزز لخدمة ولله معصب معرفتش علاش عتمان دار هاكك مكنتش غنمشي كون محلفتي....أجي أجي مال صوتك فرحان؟؟....تقلب متكي على لكوافز بإستغراب أو رجب كيضحك فلخط بحماس....حكيم:واش نتا مجري عليك أو كتفرنس....كفاش؟؟....(بفرحة)ردوك متقولهاش حتى بضحك هههههه مبروك ولله إلى فرحت لك مبروك بربي لا جبل أو تزاح على كتافي وخا صاحبي نتلاقو تما....
عبق دخلات فنعسة حلوة كتسترجع فحلم جميع احدات ليلة لماضية أو هي بن يدين حبيبها كضحك غير بحدها....زعجها تليفون كل لحضة كيتهزز يخبرها أن رسالة نصية وصلات.....أنا:أووووف خليوني نحلم شكون لي مصدعني؟؟....نضت شعري طالع لسما نشوف لمساجات كنلقى مغزاهم خصني ضروري نعيط ليه....أنا:ألو حبيبي هاني ناعسة كنحلم بيك ههههه أممم توحشتك أجوجوتي هههه....بغيتي نتلقاو؟؟...وخا نشوف غدا....أوف أجود منقدرش راك عارف لوضع....(مخلوعة))لا لا وياك تجي واش حماقيتي صافي أنا أنجي عندك ليوم ندبر كفاش نخرج من دار....عرفتي كنحس براسي فحال دوك لمراهقات هههه....وخا حبيبي أصلاً أنا موحشاك بلا قياس....
بعد أحلى نومة فالكون...خرجت نفطر بسكات مداعية لألم...فيروز:وا بنتي صافي لاش كديري فقلبك يمشي يموت شارف...أنا:صافي أمي الله ياخد فيه لحق مي شوفي أنا خصني نخرج نستراح شوية من هاد جو دار مبقتش حاملاه....فيروز:فين غتمشي باش لا سول خوك نقوله....أنا:مممم أنمشي عند صاحبتي قالت لي نخرجو نفوجو....فيروز:شكون هاد صاحبتك فكريني فسميتها....أنا:اااا مجدولين كانت كتقرى معايا فالباك كنت كنعرفها قبل منمشي فرانسا....فيروز:مبقتش عاقلة مهم سيري أو متعطليش بزاف....أنا:وخا ههههه....فيروز:هههه مالكي كضحكي؟؟....أنا:لا والو أنا أنمشي نلبس....جمعت لوقفة كنتعوج حتى نداتني ماما بنبرة حادة...فيروز:عبق مال ديك لمشية؟؟....أنا:ايينا مشية هههه هاني....زدت كملت طريقي محاولة نبينها طبيعية ناري أجود كلشي منك....دخلت لبست دجين أو فيستا خزية....درت ماكياج خفيف هزيت ساكي أو خرجت ناحية لحب ديالي...
وصلت لفيلا دخلوني لحراس هاد مرة بترحيب....لقيت جود كيتسناني حال يديه....مشيت كنجري عندو حتى لقيت راسي بين دراعو معنقني....أنا:هههه توحشتيني دغيا....جود:ممم بلاتي...نزلني بزربة أو سد لباب بجهد دفعني عليه أو تلاح على فمي بقبلة طويلة مارديت نفس حتى طلقني كنهج....أنا:وا جود بشوية هههه هاكا ناس كيبوسو....طلعت على صباعي بستو بحنان.....أنا:ههههه شفتي....جود:باغية نخشي مك فالبيت أو بتحديد فوق لفراش....أنا:ههههه لا لا ياك قلتي بغيتي تهدر معايا....جود:لي يشوفك يبقى عاقل على شي لعبة أحح ولله مكرهت معمري نخليك تعتبي من هاد لباب....أنا:ههههههه وا هياناري وطلقني شنو بغيتي تقوليا....جود:أمم بغيت نقتارح عليك فكرة....أنا:شنو هي؟؟....جود:اش بان لك نمشيو نسافرو شي يمات لشي بلاص؟؟....أنا:هههه واش نتا شوية لباس ميمكنش.....جود:علاش شفتي أنا رديت رجب أو لبيت لك طلب ديالك....نزل كيبوسها فحناكها يساعدها توافق....أنا:هههه لا أجود بلاما تستعمل ديك طريقة را آامبوسبل نسافر......جود:شتي دبا صلابة لخاوية غير نهاار انديك بلاص كتحمق فحالك....أنا:فيين زعما؟؟....جود:لا هههه مفاجأة.....أنا:أو شنو غنقول لماماا أو خويا؟؟....جود:عندي سبب مقنع أو بزااف....
بعد ما وصاني جلست كنشوف فيه بعدم إقتناع أو هو كيشجعني....أنا:ألو ماما أنا لباس بخير شوفي را ديك صاحبتي مسكينة ماتت لها جداتها أو عاد عيطو لها غا ليوم علموها مسكينة ولات صفرة أو غير كتبكي....اااه مسكينة الله يرحمها صافي متبكيش....جود:هههههه كملي...أنا:(غطيت سماعة)حشوما عليك....جود:هههههه لموت ضحك ههههه😂😂😂 سيري هبطي دميعات.....أنا:أهيء أهيء😭😭 مسكينة بقات في دبا خصها تسافر أو طلباتني نمشي معها أمي خصني نوصلها لدارهم حيت مع لبكا أتكون تالفة مسكينة قطعات لي قلبي.....جود جابلي لفقايس جالس شاد فكرشو أو كيموت بضحك....أنا:مي واش نقدر نمشي غا يوم ولا يوماين أو نرجع لحوايج هي غتسلفني؟؟....وخا صافي شكراً يلا بسلامة أنا نعيط لك سلمي على خويا....لحت تليفون عليه بش يسكت....أنا:ولله إلى كتكرفس علي عرفتي مسكنة مي بشحال بكات....جود:هههههههههه😂😂😂😂 مقدرتش بدموع شوفي....أنا:نتا لي جات معاك هههه سافل....جود جرها عندو فوق ركابه كيشم شعرها....جود:وا كدبي أو قولي بلي كلامي مكيعجبكش....أنا:هههههه لا كيجيني سافل فين تعلمتي هدشي أجي واش عندك شي شهادة ولا والو....جود:هههه والو علماتني لحياة ماعندي حتى لباك....أنا:وايلي واش كنتي جليجة فصغر كيفاش درتي لفلوس؟؟....جود:وا لفلوس ماشي بلقراية دكاء ديالي هو لي نفعني أو تجارب لي خديتهم من لحياة زيد عليها تقزدير أو تخراج لعينين ههههه.....
أنا:هههه وايلي من نيتك دبا نتا ما فرصيدك والو.....جود:(شاف تحتو)لا عندي ما حسن من شواهد....أنا:تفووووو بشحال عقلك مسخ معفووون تفووو....جود:هههه ياك غير البارح كنتي طالبة عليه؟؟....أنا:وا صافي بركا من داك لبسالة ديالك....جود:ههههههه يلا نوضي باش نشدو طريق....أنا:فين غاديني؟؟....جود:دوينا أتبقى مفاجأة لكن متئكد أتعجبك حيت أنبقى غير أنا أو ياك....أنا:بوحدنا زعما؟؟.....جود:(بهمس)بوحدنا راس فراس أو نعلمك بزااف حوايج....أنا:ها حنا ولينا لسفالة يا ربي لحبيب غادي تفسد لي أخلاقي....جود:وا مال عقلك خامج أنا نعلمك لقنص أو نتي علميني نكتب بلعربية....أنا:(حشمت)احم وخا نعلمك....جود:ههههه يا سافلة ديال بصح أجي نورك لحوايج لي شريت لك....جرني لبيت ديالو مشى جبد من بلاكار أكياس حطهم قدامي....جود:جبت لك حوايج سبور كيعجبوني عليك أما لكلاس كاتباني جدية بزاف...أنا:شكراً الحبيب ديالي....جود:شنو؟؟.....أنا:هههه والو......جود:يلا نمشيو أو من بعد تقولي بزااف لكلمات بزز منك هههه....غمزني أو قلب ضهرو كيجمع لوازم سفر....
شدينا طريق سيار برا لمدينة....شبكت يدي معاه فجو ديال ضحك....باش زوين جود أن قلبو طيب أو ضارب دنيا بركلة مكيهمو حد من غيري أو هدشي كيبينو لي من خلال بزاف حوايج أو كلمات معبرة....معقلتش على راسي نعست حييت طريق خدات وقت طويل....نضت مقلوبة بدوخة أو جوع اش دار فيا....لقيت راسي فطنبل بوحدي أو ضلام طاغي على لمكان...زدت تخلعت باش سمعت صوت البومة أو لحشرات....ريح كان كيدخل بريحة شجر من سرجم أو نسمات باردة كتلفح وجهي دليلا على غرابة لبلاصة....أنا:اويلي فين أنا؟؟جوووود؟؟.....بغيت نهبط أو خفت لياكلني شي ديب....أنا:تفووو فين مشى هدا يا ربي....طليت من زاجا كنقلب عليه بعيني فنواحي والو ماعندو أتر....أنا:فين مشيتي جووووووووود.....;...........بقات عبق كادور فبلاصتها أو قلبها كيضرب بقوة...خاصةً أن لمكان غريب بزاف أو هادئ لدرجة أي صوت مرعب كيجيب لها الله شوية يهجم عليها....أنا:جود اويلي شكون جابني هنا؟؟؟جود أهيء أهيء 😭😭😭يا ربي اش هاد لوحلة....بدات كتبكي بجهد شادة فمها حتى كيتحل لباب فجأة أو يلا غادور تشوف شكون يد كبيرة كتهجم على فمها....عطاتها لتفركيل أو لغوات لمكتوم أو ضرب فينما جات....ليد زيرات عليها مازال حتى كانت أتخنق جراتها كلها لبرا أو عبق بغات تحماق من كترت لبكا أو صراخ من تحت يديه....أنا:أمممممممم أهيء أهيء😭😭😭 أممممممممم....شخص بقى كيجبدها وسط لغابة لمضلمة بعنف نحو لمجهول....
بغيت نموووت بلغوات مقادرة حتى نخرجو....يدو الصلبة زيرات على فكي أما قوتوا كانت جبارة....بقا جارني وسط شجر أو صدى ديال البومة أو لكلاب من بعيد غادي أو كيجهاد....بقيت كنبكي أو نضرب دراعو بأي حركة تقد تفكني منو....أنا:(من تحت يديه)أممممممممم أععع بعد منيي أهيء أهيء😭😭 أععع عاونوونعيي جوووود.....لمسار كان طويل أو أنا بنفس حالة ديال هيجان نفسي أو كتر كلما كيزيد يجرني لداخل بغيت نحماق مكرهتش كون فقدت الوعي لكن لخلعة كانت أكبر أو شعرت أن نهايتي قربات....وصلنا لواحد لمكان مضوي على شكل دائري رخاني طايحة كنلهت....لأرض دارت بي أو قلبي علاين يخرج لي من فمي....أنا:(بنبرة خائفة)شكون نتا فين هو جود أهيء أهيء عفاك متأدينيش.....""جود:وآ نودي يا لحي أو ميت مافيك حتى صحة"".....درت بسرعة عندو غنموت بلفقايس أو لغضب....أنا:(بلغوات😡)اش هاد ضحك لباسل حشومة عليك كان غيسكت لي لقلب أهيء أهيء أهيء😭😭 حمق لاخر ناس مكضحكش بهاد أسلوب سحابلي غير غنموت فحال دوك الأفلام ديال رعب....طلقات دموعها لعنان أو بدات فسلسلة من سبان أو لمعيور أما علامات صدمة كانوا مزالين واضحين عليها....جود حنا لمستوى ديالها أو بغى يعنقها مي لقى نيشان شبه صقلة على حنكو....أنا:بعد منيييي أهيء أهيء😭😭 واش نتا مريض ولا مالك اشنو هاد لعب كنت غنمووت واش هدشي كيضحكك كيعجبك تشوفني مئلمة؟؟.....جود:سمحليا كنت باغي غير نورك هاد لبلاصة لي وجدت لك بطريقة عصرية....أنا:أهيء أهيء لا زوينة تبارك الله طريقة فنة هادي.....خشيت وجهي مابين رجلي كنرد نفس خرجها مني خلعة.....بقيت مدة كنكالمي راسي من تهرنين حتى حسيت براسي تهدنت.....طلعت عيني كنمسحهم من بقية دموع لي غشات على رؤية ديالي....غير توضحاات تسلبوو أنفاسي مع روعة لمكان....نضت مبهورة من لجو لمخلوق بين ربوع شجر أو نباتات....كان عبارة على مساحة كبيرة دايرة بأعمدة حديدية أو سياج متين...لوسط كانت متمركزة خيمة واسعة فلأبيض أو جنبها طاولة خشبية بجوج كراسة.....نار مشعولة قريب من لخيمة زايدة ضوء طبيعي جميل مع لحن لعافية الهادئ.....أنا:واااو زوين هدشي😍😍....تمشيت حتى لخيمة أو دخلت....كانت دافية مع بزاف لغطاوات لمريحين أو لوسايد لمنفوخة.....لمت راسي شوية حيت زدت فيه أو جود مسكين داير لي هاد مفاجأة رائعة....خرجت نقلب عليه فالارجاء....حتى كيبان لي جالس على صخرة كيهرس خشب أو ساهي.....أنا:جوووود؟؟....خسر علي نضرة خاطفة أو رجع لمواساة لخشبة أو هي كتهرس بلا شفقة....جلست حداه ساكتين بجوج حتى حد ممقرر يتنازل....أنا:جود؟؟....جود:لا رد....أنا:جود سمحلي كنت خايفة ولله كنعرف لمسة ديالك معايا ديما كتكون حنينة أما هاديك كانت قاسية....جود:عجبك؟؟....أنا:شنو؟؟....جود:عجبك لمخيم ديالنا؟؟....أنا:هههه وآه زوين كيحمق.....جود:كنت بغيت نضحك معاك حتى نتي سمحيلي ليا....أنا:ههههه ماشي مشكل الحبيب ديالي....كحازيت عندو كتر أو عنقت دراعو بيدي بجوج....أنا:جود نتا أغلى إنسان عندي كنت خايفة بزاااف عليك كيحساب لي غير قتلوك سمحليا بزاف....جود:(عنقها)متخافي من والو أو أنا جنبك غنحميك بروح ديالي أعبق....طلعت راسي فاجأني لبريق المشتعل فعينه ناحيتي حسيت فعلاً أن كلامو أصدق من صدق بنفسو.....خصني نطفي داك نور قبل ميشتتني بلحب كبر من هداك لي فقلبي حيت إلى زاد غير شوية مستحيل نقاوم....قربت من فمو أو بستو كأنها أول قبلة بناتنا....جود غمض عينيه معها كيستقبل شوقها ليه لمرسوم بوضوح على وجها لجميل....هزها غادي لخيمة أو هما مازال كيتبادلو لقبلة....دخل منزلها ببطء على لفراش غاطسين بكيانهم مع أطول تلاقي شفاه غتكون ديما متيمة لبعض....
في صباح لباكر مع زقزقة لعصافير أو لجو لطيف ديال صيف كتحرك أوراق الأشجار بهدوء....عبق فوسط لخيمة مع جود ناعسين بعد قبلة ساحرة دامت دقائق عديدة أو كانت نتيجة ديالها فقدان وعيها ...إحتاضنها بقوة حيت هي فعلاً أملوا فلحياة بلا بها هاد الأخيرة كتفقد لونها أو كيبان ليه كلشي بيض أو كحل....شعرها لمليوح على وجهو فيقو من نومو المريح....حيد خصلات دخلت ليه فمو أو حل عينيه ضاحكين لوضعيتها لمألوفة...باسها فحنكها محاول ما أمكن مافيقهاش....خرج بلا حس من خيمة كيتكسل....مشى لسيارة جبد لأكل أو لملابس....ولا عندها حط لها ما تبدل أو لماكلة داها يجهز لفطور ...شوية فجأتو بعناق من لور كتبوس ضهرو أو مدورة يدها على كرشو بحنان.....أنا:جود صباح لخير....جود:صباح نور أجي تفطري....جلسنا كلينا فسكات كنحس بلحشمة حيت عوتاني سخفت كي لهبيلة....
أنا:جود وخا نهدر مع ماما....جود:مم اوكي را تليفون لداخل فساك....
بعد تواني معدودة عبق خرجات وجها صفر أو مرتابكة....أنا:جود واقعة مشكلة....جود:شنو ياك لباس؟؟....أنا:معرفتش ماما غير كتبكي أو قالت لي ضروري نجي....جود:اوكي تهدني شوية شنو قالت لك بضبط؟؟....أنا:قالت بلي كاين مشكل كبيير بزاااف أو كتبكي مافهمت والو من غير انني ضروري خصني نكون تماك....جود:اوكي يلا نمشيو.....
بعد مسافة طريق لي خدات أقل من وقتها بكتير....جود نزلني بعيد على دار كيهدن في معرفتش بغيت غير فوقاش نوصل...باسني مإكد علي أهمية نعلمو بلمشكل....جود:غتكون ماماك مريضة شوية أو خصها لوناسة....أنا:كنتمنى أهيء أهيء😥😥😥😣 سمحليا مكملاناش تخيام مرة جاية وخا؟؟...جود:ماشي مشكل يلا سيري أو عيطي لي من بعد....أنا:(بستو)وخا شكراً بزاف....خرجت كنجري ناحية دار....حليت بلكشايف خايفة لايكون واقع شي موت لشي حد فالعائلة أو ماما مكتستحملش مع ضغط أكيد غتصدم.....دخلت كنغوت بسميتها.....مشيت لصالون غير شفتها مقديتش نزيد....شديت فالحيط متراجعة بلور أو عيني خارجين فشكلها لمتغير....ماما مجبدة كتبكي فوق سداري أو حكيم شاد فراسو جنبها أما هي ناضت كاتمة شهقة بيدها....أنا:ريم؟؟....
ريم:هئ هئ😭😭 عبق؟؟.....أنا:ريم هادي نتي....مشيت عنقتها أو حتى هي مقسراتش عاد دموعها مزادو كتروا أو نحيبها مألم حدا ودني خلعني بجهد عليها....أنا:مالكي أحبيبة شنو واقع لك علاش جيتي لمغرب؟؟....ساد صمت طويل مافهمت والو ماما كتبكي أو حكيم منزل راسو لتحت أما ريم غير كتنخسس أو كتغطي كرشها....جلسات كتمسح دموعها أو عينيها مقلوبين....أنا:بلاتي نجيب لك كاس ديال لما....طرت لكزينة عمرت لها لكن جاء فبالي جود...عيط ليه رد علي طاير....أنا:(بسرعة)ألو جود ماما بخير لكن ريم صاحبتي جات عدنا يلا بسلامة....مخليتوش حتى يرد طفيت عليه أو لحت لهاتف فلكوزنة...ديت لها تشرب كندوز على شعرها أو فنفس وقت كنطل على حكيم كيبان معصب....أنا:ريم مالكي علاش كتبكي؟؟....حتى حد ماجوبني عوتاني كلشي ضارب طم....أنا؛حكيم مالكوم شكون عطا لريم عنوان دار؟؟....(الصممممت).....أنا:أووووف وا دوييو.....ماما أخيراً رحمتني أو جمعت راسها فيها دوخة أو غير خدامة كتبكي....أنا:ماما مالكي واش مريضة؟؟....فيروز:أهيء أهيء😭😭 مصيبة ابنتي مصيبة أو طحنا فيها....أنا:إنا مصيبة أمي كتخلعوني....يلا غتجاوبني تفجعنا كاملين بدقان مجهد فلباب أو صراخ بصوت رجولي مألوف....أنا:جود؟؟....حكيم:كملات....ناض يحل ليه لباب....مافهمت والو بقيت غير كنشوف فهاد لمشهد داز سريع....جود:(بصراخ)رييييييم؟؟....تم داخل مدرم كيلهت....ريم هاد لمرة عطات لعينيها لإدن بشكل صريح.....جود تبلوكا فبلاصتوو مطلعها من رجليها لوجهء لمنتفخ لأحمر من شدة لعويل....جود:ريم؟؟....ريم:جود أهيء أهيء😭😭.....قرب لها ببطء شديد كل خطوة كيزدها إتجاها كيفقد لحنان أو كيتحول لصفة الإجرام أو الجنون لمعروف بها منين كيبدا يفقد أعصابو.....فتح يديه لها ضامها لصدرو كيبوس فوق راسها....أنا طحت بصدمة مشا لي لمنطق أو جود شوية يبكي مع صاحبتي المقربة....شفت فماما حتى هي تعاليمها مابين تأنيب ضمير أو لقهرة....حكيم واقف مربع يده مقدرتش نوصف بضبط باشن كيحس...أما أنا شكون غخرجني من هاد ضلام لي رماني فيه...شنو واقع؟؟شنو علاقتو بريم؟؟؟.........جود:ريم شنو كاديري هنا علاش كتبكي فهميني غنحماق....هز لها راسها كيمسح دموعها لمنهمرة....بقات كدي وجها أو كتجيبو بعلامة نفي أو لكلام وقف لها فلحلق فينما تجي تحل فمها شهقة لبكا تسكتها.....جود:(بلغوات)مالكي اشنو لي جابك هنا نطقييي....ريم:أهيء أهيء 😭😭جود أنا أهيء صافي نتاهيت...جود:كفاش؟؟؟.....ريم:جود أنا أعععحئ أهيء أهيء....(بصراخ أليم) حااااملة.....
لجو ولا هادئ تماما....تقطعو أنفاسهم خاصة عبق لي شكلها كان كيوحي بحالة أقرب لسكتة لقلبي....وجها ولا بدون تعبير متعلق نضرها بهم ولا بالأحرى لخونة لي دمرو لها حياتها.....دموع حتى هما حبسوا لها فجفونها رافضين يخفوا شوية من ألم بوجع لموس لحاد شرg صدرها بشعور لخيانة من أقرب شخصين لها....ناضت كترجف ناحيتهم بخطى ميتة....أنا؛كيفاش قدرتو ديرو في هدشي؟؟....جود مشوكي كيشوف غير فريم بتسأل أو كيتمنى منها أنها تسرفقوو أو أن المشهد يكون غير عبارة على كابوس ولا خدعة مرعبة.....مي للأسف دموع ريم خبروه لعكس أو هي مازال كتبكي دم.....جود:(بنبرة مرتابكة)ككيفاش؟؟.....ريم:أهيء أهيء😭😭 أنا حاملة أجود أهيء أهيء....بقات كتخنق بلبكا أو وجها تنفخ كيف لكرة....شدات فقلبها لي ولا كيضرب حتى حرقها أو فجأة طاحت بن يدييه فاقدة لوعي....جود إلطاقتها بسرعة كينهج ما فاهم والو....رجع لواقع بصعوبة نيشان تصدم مع وجها أو باينة علي معالمها أنها وصلات لأقصى درجة لفوران....جود:عبق مافهمت وآلو أنا...قطعاتو بسماكة لوجه....أنا:(بلغوات)سكككككت حقير أهيء أهيء😡😡😭😭😭 مكتسواش وتقت فيك أو رجعتي كدبتي عوتاااني كنكرهك صاحبتي يا حسرة حاملة منك ااااه؟؟كنكرهك مكنحملكش خرجو عليا براااا....جود داخ بلمعقول ولا كيشوف فريم المنفصلة على لعالم أو شوية فعبق كيفاش كتبكي أو تغوت أو تنتف فشعرها....فيروز كتنخسس أو حكيم كيتفرج أو ساكت مي مخفاش عليه أنه عندو علاقة بلمشكل غير من نضرتوو لريم....هزها بسرعة نزلها بلطف فوق سداري مع بوسة خاطفة فوق جبهتها....حيد جاكيت شير بها على حكيم أو بلا مقدمات تلاح عليه مزيرو من عنقوو بشكل خانق....جود:(بصراخ حاد)جيني نيشان اشنو درتي لها؟؟...حكيم معارضش بل هبط عينيه لتحت مإكد لجود شكوكو كاملين....جود:(بلغوات)دوييييي شنو درتي لها ولا نقتلك فوت ليك بزاف حوايج أسي حكيم كنتمنى متكونش نتا....شوية عبق بدات كضرب فيه فضهرو أو كتجروو بكل قوتها من عنق خوها....أنا:أهيء أهيء😭😭 طلقووو بركا الكداب كفاش كانت عندك علاقة مع صاحبتي أو حاملة من لفووق ماشي حشوما عليك شنو درت ليك عطيتك فرصة أهيء أهيء عطيتك فرصة تانية أو غدرتيني الحقير....جراتني ماما لور كنشوف لغدر مرسوم بوضوح كيفاش تيعرف رييم كيفاش سلمت ليه راسي فحال لحمارة كيفاش كنت غبية لهاد درجة كيفاش تعميت مع كلامو لحلو أو نسيت أنه خاني أو عدبني....أنا:أهيء هيء لهنا أو باراكا جود لوكاس طلق من خويا أو دي الحقيرة لي معاك أو دي ولدك لي فكرشها أو خرجوا لي من حياتي بعدو منييي خرجتو على حياتي دمرتووو كل حاجة زوينة في برااااااكاا عيييت من صدمات كنكرهكم....حكيم مقدرش يشوف حالة ختو على وشك لهلاك...دفع جود مع كان ساهي مع حببتو لي كطعنو بتهم خاطئة....حكيم:صافي أعبق بركة من لحماق....توجهو ليه الانضار بضبط ديال جود المليئة بلغضب أو الإجرام.....حكيم:جود ماعندو حتى علاقة أنا هو الأب أعبق دكشي لي فكرش ريم ولدي أنا.....
رجع سكوت طغى على لغرفة لأن صدمات المتعاقبة مكتصدقش من لوهلة لأولى أو خصها وقت تستاعب من كل طرف مداري بوالو....عبق حبست لبكاء أو تحول شوية بشوية لإبتسام تم لضحك تم لهستيريا ممزوجة مابين دموع أو قهقهات عالية....جود دمعو عينيه على ختوا صغيرة المليوحة بكرش أكيد جات عن طريق عملية عنيفة بزاااف....جود:(بصوت مجرح)تعديتي على ختي؟؟....أنا:هههههههههه😂😂😂 ماما ههههه أهيء أهيء😭 واش أنا كنحلم ولا كفاش هههه قالك حكيم ولد ريم ولدو أو جود كيقولها ختي ههههههه أو أنا شنو هههه أنا شنو؟؟.....أو في لحضة دازت فحال لبرق....جود غوت بألم مهاجم حكيم بضراوة....معقلش كفاش نزلو لأرض أو بدا عليه بلكمات مبرحة كيضرب أو يغوت لمهم يدير أي حاجة أو ميتخيلش لمنضر ديال ريم مابين يديه....جود:(بصراخ أو عروق وجهو بارزين)علااااش شنو دارت لك هي علااااش أزا*** تعديتي لي على ختيييي....فيروز مستحملاتش أو سخفت مشاركة ريم فسباتها أما عبق سكتت شادة فمها من ضحك لمجنون أو كتسمع "ختي"كتخرج من قلب جود لدرجة شكات واش ريم بصح ختوا لا بل تإكدات أنها شقيقتو الفعلية غير من لحدة ديال ضرب أو سبان أو لمعيور لموجه لخوها....خافت على حكيم أو بلا إدراك لخطورة لوضع.... مشات نقزاات على ضهرو بش تفكو زعما مي مضناتش أنها اتلقى راسها حتى هي سخفانة كتحل عينيها بزز بفعل دفعة قوية من جود أو هو فتورة غضبو.....جود نوض حكيم من كول لقميص أو عطا ليه الكرش عدة مرات متتالية كيموووووت بمشاعر متضاربة رداتو لنقطة لقاءهم لأولى....جود لي حماها أو تهلا فيها هو لي عطا لها حنان الأخ هو لي شاف مراحل نموها من لمراهقة لرشد...وخا خطة ديالو من بداية هي الإستغلال كطريق وصل لعبق مي لحب لي كبر من جهتها تعدى الحدود أو عتابرها طرف منو بنتو ختوا مو منين كتعطيه دعم أو شعور الأمان فأوقات صعيبة....ريم تشارك معها لحضات زوينة بزاف رجع معها الإنسان طبيعي لمشتاق لحياة....علماتو حب الأخوة رغم إنعدام صلة دم....كيفاش يكون مصيرها فالأخير بين براثين منتقم مكانش داير ليه لحساب أبدا أنه يقد يوصل لها شي نهار....خبطوا مع لحيط كينهج بنار كتشعل🔥🔥 كلما كيدكر ضحكتها لجميلة أو عينيها صافين....جود:(بنبرة تهديد صريحة😡😡)صبرت لك بزااف تخليت على مرتي باش تبقى على راحتك مجبرت راسي على حتى حد فيكم أو خليتها لكم وخا تعدبت مي قلت كتبقاو عائلتها أو نتا شنو درتي تجرأتي على انسانة وحدة عندي فهاد دنيا قبل منعرف عبق كانت كلشي بنسبة لي....حكيم قدر يفتح عينوا لمنفوخة بجهد كيكحب أو دم كيسيل ليه من فمو....شنق على جود أو قربو لوجهو كيغزز على سنانو.....حكيم:أو شنو درتي نتا أنا نقولك خطفت لي ختي أو علم الله بإن طريقة وحشية عدبتيهاا سحابلك ملاحضتش حالتها من ضياع أو بؤس عبق ختي لي خرجات من باب هاد دار واحد لوقت ماشي هي لي رجعات ختي ولات بنت مريضة بسبابك متلومنيش بوحدي أسي لوكاس ستف أخطأك قدام عينيك مع ختي أو مغتلقاني درت حتى 1% من بحر لعداب لي داز عليها.....دفعوا كيمسح نيفو من دم كيتشاوفو بجوج بكره دفين....جود مكرهش يقتلو أو يكون هدا أخر نهار فحياتو لكن كلامو خرجو لديك ليلة بضبط أو الإنتحار أو فقدان ولدو....رجليه لسقو مقدرش يزيد عندو وخا كيبان ليه فيه لكن حتى هو مدنب سواءً حكيم ولا جود فهما بجوج محطوطين فنفس لكفة عبارة على رجال دمروا حياة جوج بنات أو تكرفسو على أحلامهم بكل بساطة غير لفرق أن لول كيبغها بشدة أما تاني قلبو عمر غير بالإنتقام....تقدم حكيم ناحية ختوا أو هزها بضعف....حطها فوق سداري كيمسح جنب جبهتها دم نتيجة ضربة لقوية....حكيم:هاهما أفعالك أسي جود هاد دم غير شوية من بزاااف (بلغوات)هادو يديك لي عدبوو ختي أو قهروها يديك لي بكاوها أو ألموها كفاش بغيتينيي نسكت على روح ديالي عبق هي روحي أو نتا لي قتلتيها متلومش لاخرين أو تنسى أنك سبب فكلشي....
ناض كيقرب منو أو مواجهو بلا حتى نقطة وحدة ديال ندم....جود:شنو درتي لختي يكما؟؟؟.....حكيم:دكشي ماشي شغلك....جود:(بلغوات)كفاش مشي شغلي....تحرك عندو ناوي يكمل عليه لكن وقفوا أنين ريم أو غواتها لمكتوم ....مشى تلاح حاني عليها بتقلو معنقها بجهد أو علاين يتسطى على حالتها....تبدلات بزاف عينيها فقدوا بريقهم أو كحالو بدوارات سوداء دليل على لبكاء أو سهير....غلاضت بلحمل أو وجها تنفخ بزاف...جود:رييم ختي فيقي حلي عينيك شنو دار لك عطيني غير جواب أو نفرجك فيه واش تعدى عليك؟؟اااه جوليا عفاك رييم....ريم:أهيء أهيء😭😭 صافي أجود أنا عييت بزااف جيت على ود هدشي لي فكرشي إلى عرف بابا غيقتلني أهيء أهيء....جود:شنو دار لك كيفاش جيتي لمغرب أو فوقاش أو علاش دوييي....شدات فيديه ساعدها تقعد....غير جات عينيها فحكيم نزلتها دغيا لتحت....جود:(طلع لها راسها )شوفي في ريم شنو دار لك كنأمرك تجاوبيني دبا....ريم:مدار لي والو أنا لي مشيت معاه بخاطري أنا لي كنت غبية أو تقت أن شي حد ولا كيبغيني أو أخيراً تعطات لي فرصة دنب كلو ديالي أجود حكيم كان غير طريق بينات لي قيمتي لي مكتسوا وآلو....جود:(عنقها)ماتقولش هكا قيمتك عندي كبيرة....ريم:(بصراخ)كي لأخت دائماً كتبغيوني كيف لأخت حتى أنا بغيت شي حد يبغيني من قلبو أو شفت هدشي فيييه لكن كدب علي أو صدق مكيبغينيش حتى هو أهي أهيء😭😭.....جود:لا رد....تفكر باش عتارفات ليه أو صدها أو دبا حكيم خرج عليها أو حملها بقى غير كيشوف فيها كتبكي أو تمسح دموع لحgرة....ريم:أو من جيهة خرا نستاهل أنا تعاقبت على دكشي لي درت لعبق حنا دبا متعادلين كلنا لوحيدة لي مضلومة هي عبق....جود:غادي نحل كلشي شوفي ريم انكون مسؤول عما ولدك أو باك ضربيه على حسابي مغيقدرش يمسك إلى ضطريت غنتزوج بيك وخا صافي متبكيش نتي.....قاطعوا حكيم بسرعة أو جرو من عنقوو....حكيم:شكون عطاك لحق دخل لي فولدي ولا تكون مسؤول عليك يكما أنا ولية نتخبى مر ضهرك😡😡.....جود:(شنق عليه)نسا عليك ريم أو لي فكرشها عمرك غتشوف شعرا وحدة منهم أو حتى عبق غانديها من هنا مستحيل نخليها.....حكيم:(زير عليه)سد فمك.....فيروز:(بصراخ)بركا نتا أو ياااه حبسووو تا حد مغيمشي من هنا أو أنا لي مستحيل نخلي حفيدي يبعد على باه أو موو غتسمعو كلامي كامل حيت بزاف صبرت حتى عييت لكن جاء لوقت لي فيروز تفرض كلمتها.....
ناضت فيروز كتخنزر فيهم حتى طلقو بعض كل واحد تخبط على سداري....قربت من عبق أو باست لها حنكها كتحاول تفيقها....فيروز:عبق فيقي أكبيدتي فيقي نتي لباس فيقي أمي....بقات معها هكاك حتى حلت عينيها مدهشرة من دقة....أنا:مي فين أنا واش كنت كنحلم حلمت بريم....فيروز:(بحسرة)نتي محلمتيش كلشي بصح ابنتي كلشي بصح.....أنا:أهيء أهيء😭😭 لعاعا لا أهيء أهيء😭 مستحيل يديروا فيا هدشي كيفاش غدروني بجوج....عنقت ماما خاشيا راسي فكرشها كنتغدد دبا أنا لي صدقت طالع معايا صبع فهاد لقصة كاملة....بقات حاضناني حتى سكت كنتنخسس أو كنشهق بلفقسة أو ضلم لي مارسوه عليا....فيروز:كلشي غيسكت أو أنا لي غنهدر هاد مرة....ريم:عبق سمحليا....أنا:(بلغوات)سكتيي حقيرة كدابة منافقة مكتسوايش صدقتي كتعرفييه أو داعيتي البراءة ههههه خسارة فييك كنت كنشوف فيك راسي مي بينتي لعكس شكرا أريم.....جود:أنا لي جبرتها على كلشي أعبق....خسرت عليه نضرة وحدة أو قلبت كمارتي لجهة خويا....أنا:أو نتا كنتي عارف أو سكتي لعبتي عليها زعما كتنتاقم لي حتى نتا حقير كلكم كدابين كلكم كنكرهكم أهيء أهيء.....شديت فمخي لا ينفاجر كنبكي بحرقة ممتقبلاش أنني كنت لعبة هاد مدة كاملة.....فيروز:سمعو مزيان....
تقدمات حدا ولدها حاقدة عليه حد لموت....حكيم:مي؟؟.....فيروز:(سمكاتو)سد فمك أو سمعني...أحسرا تعداب لي تعدبت عليك هدا هو ولدي لي ربيتوا أو تعبت عليه؟؟نتا هو حكيم ولا كدبت نتا هو راجل صالح لي كيخاف على ختوا أو موو لا برافو اشنو خليتي لخرين مايقولو؟؟....اشنو بغيتي تبين بهاد تصرف زعما حسيتي براسك راجل أو نتاقمتي لختك لا ولدي غير ضحكتي على راسك إلى كانت عبق حملات نقولو كانت مزوجة أما نتا بئشمن حق تدير فلبنت هكاك....حكيم:مي أنا؟؟....فيروز:سد حلقك منسمعش حسك دبا كلشي تغير لبنت حاملة منك أو بحفيدي من لفوق غطبق كل حرف غنقولو لك وإلى نهار نموت غنوصي وصية وحدة هي متخليوش شي حد سميتو حكيم العلمي يبوس لي جبهتي قبل منتدفن تحت تراب....تصدم من قسوة كلامها أو ناض كيرعد بغى يشد فيها....حكيم:مي شنو كتقولي؟؟؟...فيروز:(بعدات عليه)بعد مني دبا لمهم هو لبنت قبل ماضيع فحياتها أو تخرج عليها أو ولدك لي فكرشها....حكيم:ندير لي كتشوفيه مناسيب أمي...فيروز:مزيان قبل متكبر الكرش غنوجدوو لعرسكم سيمانا جاية انشالله أو تاخدها مراتك أو حلالك....جود:(بلغوات😡)مغنسمحش بهدشي....فيروز:نتا سد فمك حسابك معايا هو لأخر....
دارت عند حكيم إستفسراتو بعينها أو جاوبها بإيجاب....فيروز:مزيان دبا ندوزو لريم تبرك الله عليك فتي لكدوب لهيه....وقفات عليها أو جرتها من يدها...طلعت لها راسها كتحقق فعينها باستغراب....فيروز:لي يشوف البراءة لي فهد لعينين معمرو يشك فيك....ريم:أنا خالتي كنت أهيء أهيء😭😭.....فيروز:لا داعي لأسبابك دبا عرفنا لمدنب لحقيقي نتي غتزوجي بولدي تستري راسك أو ولدك موافقة بعدا؟؟....ريم:بابا غيقتلني لا ساق لخبار أهيء أهيء معنديش شي حل آاخر....فيروز:مرجعتيش فرانسا؟؟؟.....ريم:لا كانوا عندي لفلوس أو كريت هنا فلمغريب تعدبت بزااف أو كانوا كيبانو في أعراض لحمل صافي تهت معرفة ماندير كنت كنكدب على بابا أو ماما كنعطي لهم يهدر مع مرا أخرى زعما نتي بش يطمنو علي حتى نتأكد من شك ديالي أو أهيء أهيء😭😭(سكتت شوية كتبكي)أهيء أهيء أو منن عرفت راسي بصح حاملة جيت عندكم تلقاو لي حل.....فيروز:صافي أو لحل لقيناه أنا لي بقى في كيفاش كانت كتعطك خاطرك تكدبي علي فتلفون....ريم:خالتي كلشي كان فوق طاقتي را بزااف مسائل لا نتي لا عبق غتصدقوها.....فيروز:بنتي خليوها عليكم فتيقار من ليوم لي عاود دخل فيها نسمعو خل ودنيه براكا لكدوب لي عيشتوها فيه أو لعداااب لدرجة فقدات ولدها أو مسكينة حتى تفاجات شوية أو شوفو حالتها كدايرا أترجع تمرض غير بسبابكم.....جود عاد رجعت بيه سينتا لخطء لي رتاكبوو.....قرب لها مي فاجآتو دغيا أو ناضت كتمسح دموعها أو ترد نفسها....عقدات حجبانها أو مكلفاتش عينيها حتى يرحموه بأي نضرة وخا ديال لكره....لكن معبراتوش أو قلبات وجها عليه....أنا:لا ميي مغدش نمرض مرة أخرى على أشخاص مكتستاهلش لي غنقولكم هو الله ياخد ألحق أو مبروك عليكم.....جود:عبق؟؟....زادت منخلاه كأن لا وجود له فحياتها....وقفات حدا ريم ضحكات لها بإستهزاء أو قاست فكرشها بسرعة....أنا:مبروك أريم زيادة غير هو علمي ولدك ميطلعش كداب أو منافق فحال مو....وجهات من بعد أنضارها لحكيم أو ضلات موووودة سآاهية فيه بإحتقار....أنا:أو نتا حكيم برااافو عليك قدما حميتيني من ديااب ديال رجال قد ما طلعتي أكبر ديب على وجه لأرض....جود:(بلغوات)أو أنا عبق ديري أي حاجة غوتي نعتيني بأي صفة غير متجاهلينيش....بقات عاطياه بضهر ساكتة أو جامدة كيف صنم....أنا:ماما بغيت نتعشى في جوع.....
مشات عبق لكزينة....كيسمعوها من صالون كتخبط لكيسان أو لمعالق أو تقرقب هنا أو هنا....حكيم شاف حتى عيا أو طلع لبيتو....ريم جلسات كتمس كرشها أما جود عاد برد ليه لما فركابي معمرو ما خاف قد وضعو لحالي....عاد كانوا سعداء كيفاش تقلب كلشي سفاه على علاه كيفاش وصلوا لهنا؟؟.....بغى يزيد مي فيروز وقفت ليه بلمرصاد أو شيرت بيدها لباب....فيروز:خرج بإحترام حسن ماندير صبعي فودني أو نجمع عليك جوقة.....جود:بغت نشوف مرتي أنا غنشرح لها كلشي....فيروز:قلت لك خرج أسي جود لحد دبا كندوي معااك بهدوء....جود:لالا فيروز را عندي أسباب خليني نفهمها بلي....فيروز:(بنبرة حادة)برا بنتي مابقات عندها صلة بييك ياك أسيدي طلقتيها صافي عتابرها ماتت.....جود:(بألم)منقدرش....فيروز:ادن تعدب مكنهتمش غادي نسمح لك تحضر لعرس أو من تماك متفكرش حتى تبان قدامي ولا نتاهمك....رجع بلور نادم بزااااف أو دار عند ريم......جلس جنبها معنقها أو نوضها بشوية ناحية لباب....فيروز:فين داي لبنت؟؟....جود:أتمشي معايا.....فيروز:ريم ولات محسوبة علينا خليها هنا أو سير حتى حد مغيقرب لها أو أنا جنبها.....جود:ريم بغيتي تبقاي هنا؟؟.....ريم:لي كتشوفو خالتي أنا موافقة عليه....باس لها راسها أو خرج من صالون مدرم لكن وقف بعيد على لكزينة بأمتار كيستامع لضجيج لي كتخلقو بألم كبير....عارف أنها معصبة أو كتحس بلخيانة عارف أنها كتكرهو دبا لمالا نهاية....جود:سمحليا عبق درت هدشي كامل بش نحميك....نزلت ليه دمعة طويلة مسحها بلخف أو خرج من دار.... بقلب محطم أو نفسية مدهورة هاهو رجع لنقطة صفر بعدما عاش غير يومين ديال سعادة كأنه فوق سحاب....خسر حتى ختوا صغيرة أو بقى فالأخير بحدو رجع لزمن لمضلم عوتاني أو هاد لمرة وقيلا فخطرة....
عبق حطت لعشاء فطبلة....عمرات كيسان لما لكل واحد أو منساتش حتى طبق لريم....وجها كان ميت أو قلبها كيضرب بعنف...أما خيالها تشتت بأحلام مزورة بناتهم على أساس كادب....أو طلعو محلهم صور مضلمة ليه لراجل لي دمر حياتها أو حولها لبقايا أنثى متيمة بكل تفصيلة فيه....أنا:(بصوت مائل للبكاء)ماما أجي نتعشاو.....جلست مربعة يدي كنشوف فلحفرة لي رماوني فيها دبى تقة مبقاش لها محل فقاموسي شادة بكيتي بزز أو قلبي كيتحرق نفسي فحالة كيسلبوها مني...أنا:أووف لا عبق متبكيش متبكيش تا حاجة مابقات كتستاهل دمعة منك....زيرت على يدي كنقاومها بكل قوتي...خرجاتني ماما من لحرب نفسية بلمسة حنينة على حنكي....فيروز:بنتي بكي لا بغيتي حتى حد مغيشوفك حد من غير ميمتك....أنا:(بضحكة صفرة)لا ماما مغديش نتعشاو شوفي أنا حطيت طاجين ياك سلاطة ديال روز أو جلبانة كتعجبني هههه أو فلفلة حارة منسيتهاش على قبلك....فيروز كتمت شهقها مقهورة على بنتها بديك لحالة المزرية.....فيروز:بنتي بركا باركا تا حاجة متستاهل....أنا:(كنبكي)ااااه أو منسيتش حتى لخبز ديالك مسوس كنت ديما كنساه منحطوش هههه ياك أماما باقية شي حاجة خرا اااه دييسير خصني نوجدو أهيء أهيء....بغيت نوض نخبي دموعي مي فيروز كيف ديما رداتني لصدرها لحنين أو عنقاتني شيء لي فجرني حسيت بشفقة بأي شعور خايب فدنيا تكدس فقلبي منووو.....أنا:أهيء أهيء😭😭 ماما أهيء كفاش كدبو علي كانوا كيلعبو بي هو أو ياها أو حتى حكيم شكون عطا لهم لحق يدخلو لي فحياتي حشوما عليهم أهيء أهيء....فيروز:صافي أهيء أهيء صافي أحبيبتي أجييي أجييييي عباااق....خليتها بجرا لبرا....كنمسح دموعي أو كنبرك على شاشة تليفون نجبد نمرتو حيت إلى مفرغت لحتى حد غنحمااق....أنا:ألو أهيء أهيء😭 رجب عفااك بغيت نشوفك ضروري عاوني عفاااك.....عطاني لبلاصة فين نتلاقاو شديت تاكسي كنسد على فمي مغطية وجهي من دل ديال ديك ليلة فش قررت نسمح ليه....حطني حدا لكورنيش ديال لبحر....لمحت رجب أصلاً كان غير بحدو تماك مي مع لغشاء ديال دموع شوش على رؤية ديالي...قربت ليه ببطء شديد أو مشعرتش براسي حتى عنقتو بجهد مزيرة على لمعطف ديالو أو حتى هو محرمنش من يدين سخان على كتافي كيمدني بشعور مطمئن مع كلمات مشجعة....رجب:ششش عبق صافي أنا معاك....أنا:أهيء أهيء😭😭 ضحك عليا عوتاني كداااب سمحت ليه بزاااف أو غدرني....شوية فشلوا علي رجلي أو قبل منطيح عتقني برفعة لصدرو كنشوف فتقاسيم وجهو لوسيمة كضحك ليا هادي أخر حاجة عقلت عليها مغمضة عيني بتعب لعالم لخفاء....رجب تمشى بيها لسيارة ديالو عينيه مفارقوش رموشها لفازgين.. فمها شعرها حناكها كلشي فيها كيجدبو كيف المغناطيس...نزلها شاد فخصرها مزيان حل لباب أو عاود طلعها لمقعد الأمامي دار لها حزام الأمان....باس لها جبينها بلطف أو كحز كيشاهد وجها لجميل رغم لحزن ضاهر عليه بقسوة....رجب:مغنسمحش فيك أعبق هادي فرصة أو نفس وقت سبب بين لي أنك أتولي غير ليا بحدي....
طريق مضلمة كتفتح عينيها ببطء رهيب كيرجعو يتلسقو بدموع لكن كتقاوم بعنف حتى تفتحوا كليا....رجعت بلور متخوفة او بسرعة نزلات يد رجب على ركبتها بإطمئنان.....رجب:متخافيش هادا غير أنا....أنا:ششششكون جابني هنا فين أنا؟؟....رجب:نتي لجيتي أعبق قلتي باغية تهدري معايا أو فقدتي الوعي....أنا:ااااه احم سمح لي كنت....رجب:عادي أي واحد فينا كيتعرض لصدمات فحياتو أو من أحسن يلقى كتف يحط عليها راسو تأكدي أعبق أنا هو شخص مناسب....تبادل معها نضرات من مرايا قداميا أو كملها بضحكة ساحرة خلاتها تحل غوبشتها أو تحرك شفايفها بطيف إبتسامة معدبة مي على أقل رضات نفسيتو....رجب:شنو بان لك نمشو لبحر كنضن أنه أحسن مكان أنك تخوي قلبك فيه....أنا؛(برفض قاطع)لا إلا لبحر.....رجب:علاش؟؟....أنا:حيت هو أكتر مكان وليت كنكرهو أكتر مكان دوزتي فيه أحلى لحضات كتولي بنسبة ليك أكفس دكريات بلاش عفاك....رجب:اوكي مايكون غير خاطرك انديك بلاص زوينة موافقة؟؟....أنا:وخا....
وقف رجب فباركنغ لمخصص لمدينة لملاهي....من حسن حض ديما كتكون فصيف أو فضل أنه يجيبها تستمتع بلأجواء أو يلعبو بجوج علاش لا....رجب:نزلي مالكي مسمرة بلاصتك هههه....أنا:رجب علاش جايبني هنا عفاك بغيت نبقى بحدي أنا مبغيت نشوف حد....رجب:نزلي أعبق حتى حاجة متستاهل تقلقي على ودها كلشي كيهون بضحكة منك كنواعدك تنساي الأمك كاملين يلا كوراج....أنا:(مترددة)واخا....هبطت كنمسح وجهي أو كيبان لي كلشي فرحان عكسي أنا....تلقى لي رجب أو شد فيدي بجوج...رجب:ليوم نرجعو ليامات صغر نلعبو نضحكو نشطو ناكلو كورني لفريت اااه نسيت بشحال كتحمقني هاديك لعبة ديال سيارات لي كيتناطحو أححححح شي 10 سنين مركبتش عليها اش بان لك يلا يلا متخلينيش نطلبك....جاتني ضحكة من تصرفاتو صبيانية لغريبة على راجل طويل عريض فحالوا....رجب:هاهي ضحكة بدات تبان هاهي يلا يلا جووووول.....أنا:ههههههه رجب كيفاش رجليك غيدخلو فيها هههه....رجب:ندخل يماهم لمهم هو أنك ضحكتي هههه يلا أجي...
مشى رجب شرا براسلي لعب أو رجع عندها غيطير بسعادة....ركبو لها فيدها أو عطا لها ديالو تركبو ليه....رجب:باش نبداو؟؟....أنا:لي بغيتي....رجب:أنا كيعجبني لعلو اش بان لك نبداو بلقطار لي كيدور؟؟....أنا:وخا حتى أنا كيعجبني لعلو بزااف....رجب:هاهي أول نقطة مشتركة بناتنا هههه يلا....داها لعبة لأولى....ركبو فمكانهم لي كان مخصص لجوج دناس....رجب:عبق مستعدة كنشوف بلي صفاريتي ياك لباس....أنا:(مخلوعة😖)وا ميمتي هدشي فشي شكل رجب إلى سمكتك هانية....رجب:مت هانية ههههه غوتي حتى تشبعي.....أو فهد الأتناء لقطار بدا فتحرك...عبق مسكات فمقبض لي قدامها أو سدات عينها بجهد....رجب حس بها مرعوبة أو دور دراعو على كتافها....دارت عندو بإستفسار مع تعنيقة كانت شوية حميمية مقربها لصدرو بزاف....رجب:ههه غير بغيت نزيد لك لحماية متخافيش اوكي...أنا:اووكي....لقطار بدا كيطلع لفوق أو لجو ولا مقلوب بغوات سيدات....أنا غير تكمشت كنقفقف لكن غير تران تقلب بسرعة طلقت غوتة ربي لي خلقني...أنا:رجاااااااااااب عتااااااق....رجب:ههههه شدي مزيان وووووو.....بقيت كنغوت أو منين حليت عيني زاد لما طاح لي فركابي كنشوف شعري مقلوب أو لأرض لتحت كاتبان بعيدة....تخشيت فدراع رجب معنقاه بكل قوتي....رجب فجهة خرا نسا كلشي أو سهى مع احتضانها ليه أو شعرها لي كيقس وجهو أو كيدوز على فمو مرة مرة منين كيتقلبوو لتحت.....زاد قرب منها لدرجة حط فكو على جبينها...مشعرات بوالو حيت كانت مدهية مع صراخ أو لغوات أما هو كان اناني أو إستغل لفرصة بسارح لعبارة.....باس بسرعة جبهتها أو حمد الله على هاد دقائق رغم أنهم على غفلة منها لكن كخطوة أولى كان فرحان أو مكتافي بهم....
نزل وأخيراً لكن ماشي بربعة رجلين...انما رجب بحدو أو هازها كيموت بضحك عليها....رجب:هههههه😂 عبق من نيتك مكتخافيش راك سخفتي هههه....أنا:أععع في تقية هادي أو توبة ناري كرشي نزلني سربي....حطها كتجري لواحد لقنت خوات فيه كرشها كلها...حنا حدها أو جر كلينكس من جيبو مدو لها....رجب:كون كنت عارف أتولي حالتك هكا منركبكش را عندي رغبة كبيرة في ضحك....أنا:أميمتي ضحك نتا لي جات معاك....نوضها جبد كلينيكس تانية كيمسح لها جناب فمها....رجب:وليت كنخاف من أي حاجة تقد تمسك بضرر....أنا:(بجدية)علاش كادير معايا هدشي كامل أو أنا كنت غير كنحتاقرك أو مني عيط لك جيتي بزربة أو أنا مادرت معاك حتى حاجة مزينة نتا عاونتيني بزاف رجب أنا....سكتها دغيا منزل صبعو على فمها أو يدو تانية حيد خصلات طايرين على وجها....رجب:كندير هدشي كامل لسبب واحد تيقيني أعبق لحاجة وحدة أو مستاعد ندير ما كتر....(سكت شوية كيحل فمو أو يرجع يسدو بإرتباك)....رجب:(بتصميم)عبق أنا كنبغيك.....
لاحض بوضوح خلو وجها من أي تعبير من غير هداك ديل صدمة....رجب:شوفي أنا مجابرك أو مغنجبرك على والو كيكفيني نبقاو أصدقاء نخفف عليك أحزانك تعرفي علي بصح شكون هو رجب يمكن تبغيني شي نهار....أنا:ميمكنش إلى فتحتي صدري دبا أرجب أتلقاه خاوي كنقسم لك قلبي عند راجل مكيستاهلش أنا مبغيتش نستغل طيبتك نتا راجل خصك كل لخير أو بنت تبغيك من قلبها تعطيك لقدر ديالك أنا منقدرش أنا وليت مريضة بيه حرام عليه عدبني أو وخا هكاك مازال كنبغيه شنو ندير عفاك نصحني....رجب:أنا براسي خص لي ينصحني حنا على فكرة فكفة وحدة أنا كنبغيك نتي أو نتي كتبغيه هو يعني خلي الأيام تكلف بعلاقتنا....أنا:أو غتصبر زعما على لجفاء ديالي حيت أنا معمري غنعطك وآلو.....رجب:غنصبر وخا 70 عام هههه....أنا:هههه نتا إنسان مزيان بزاااف عرفتي شنو حسيت براحة معاك دبا عد فهمت طلعتيني فلقطار باش نفرغ أو نخوي قلبي أو شنو غاندير مرات جاين؟؟.....رجب:ندير أي حاجة تنسيك فلهم أو مصائب أو لمشاكل هههه غير بغيت منك حاجة وحدة متعتابريش أن تعامل ديالي معاك أنتسنى منو شي مقابل....أنا:هههه وخا سي رجب كنت غالطة فيك بزاااف سمحلي بزاف....رجب:دبا يكما كاديري هدشي باش منلعبش أنا را مازال بغيت نركب على طنبل.....أنا:ههههه وخا وخا سيدي يلا....جرني مراه كيضحك مي وقفت ليه أو تقلب مبتاسم بإستفسار....رجب:مالكي؟؟....أنا:شكراً بزااف أرجب معمري منسى لك هاد لخير...رجب:ماتقولش هاكا أنا ديما بجنبك....
بعد ساعات من لعب أو نشاط....خرجو شادين كورني لفريت أو كيضحكو لي يشوفهم يحلف عليهم أنهم كوبل يلا عتارف بلحب لبعضياتو.....رجب:غلبتك ههههه صدقتي مسالية....أنا:هههههه لا أنا لي غلنبتك أرجب نسيتي ههههه ضحكتيني فلعبة لكلون جيتي زوين بنيف حمر....رجب:ههههه لوقت تعطل بزاااف مغيخلقش هدشي مشكل مع لوالدة؟؟....أنا:لا أنا أصلاً مبغيت جاع ندخل لديك دار....طلعوا جلسوا فسيارة ساكتين أو فبال رجب لموضوع ديال هاد لمشكل كامل....رجب:احم عبق واش راجلك دار لك شي حاجة؟؟....أنا:ماشي راجلي صافي داك سيد وخا نعرف نموت معمري نسمح ليه....رجب:واش هادا كلام نهائي؟؟.....أنا:بطبيعة الحاال كلام نهائي....رجب:(بفرح)مزياان مشينا؟؟....أنا:أمم كانت خريجة زوينة....
عبق نزلات كتشكر فيه رغم أن جرحها مازال خضر إلى أنه قدر ينسها أو ساعدها تخرج مكبوتاتها كاملين.....دخلت بقلب فارغ من أي شعور رجع الألم ضرها فور تقدمها من باب دار عارفة أنها غير كتكدب على راسها أو ماكين حتى شي قوة تقدر تجرها من نفق لي لآحو فيها حبها لوحيد....طلعت لبتها بهدوء كتفكر كون غير مسلماتش نفسها مكانش غتإنب ضميرها لدرجة الموت كون غير بقات واخدة موقف أو طرا شي بلان مردش لمياه لمجاريها....دخلت لبيت غير شعلات ضو بانت لها فيروز عاقدة راسها أو هازة تليفون مع غمغمات خفيفة ديال بكاء مكتوم....أنا:ماما؟؟....تفجعات بوجودي أو فجأة نقزات كتبوس أو تعنق كأنني يلا فقت من غيبوبة....فيروز:بنتي لحبيبة فين كنتي تشوشت عليك صونت لك أو وآلو مكترديش....أنا:هاني حداك خرجت نبدل لجو....دفعتها بلطف حيدت جاكتي أو تلاحيت على سرير....فيروز:خوك خرج ما ولا....أنا:أو ديك ريم؟؟....فيروز:عييت فيها تاكل على ود لولد لي فكرشها أو والو را نعسات فلبيت مسكينة ولله إلى عزات عليا....أنا:(بإستهزاء)مسكينة كانت كتعرفو أو جاية عندي بلا حشمة بلا حيا باااز أنا بعدا متهدر معايا منهدر معها....فيروز:وا كون تشوفي من صباح أو أنا ملاجة مع ولديها كدبت 100 كدبة بش تيقوني يا ربي تسمح ليا أو مها سعيدة عجبها لحال لكن باها جاني ممتيقش....أنا:دبر راسهم معها....فيروز:وا نكمل لك دبا را غيجيو سمانة جاية قبل لعرس باش مها توجد معها أو يعرضو على شي وحدين من عائلتها أو باها قالك بغى يدير لبنتو أحسن عرس بما أنها هي لوحيدة لي عندو صراحة تلفت .....أنا:وا مي دبا لاش كتحرقي لي فراسي أنا مشوغليش....فيروز:ولحمقة را نهار غيجيو بغيتك تولي نتي أو يها سمينة على عسيلة علاش بش حتى حد ميشك أو تا خوك غيدير نفس شي....أنا:(بصراخ)مستحيل....فيروز:لا كندوي بصح....أنا:أوووف كفاش غنمتل أنني فرحانة لوحدة وليت كنكرها....فيروز:مجبورة شي يمات على ممشاو متنسايش غتولي لوستك أو ولدها أتكوني عمتو يعني نتي أو ريم لا بد علاقتكم تصلح متحكمش عليها مسكينة را بقات في لبكا لي بكاتو ليوم نعاودو لحفار قبري أكيد جود كان جابرها على شي حاجة....أنا:كضني؟؟....فيروز:معرفتش هدري نتي أو ياها غدا انشالله عطي لها فرصة أو متنسايش عطي لجود فرصة أو خوك متخليش أعصابك يقرروا فبلاستك....أنا:لا داك راجل مبغيتش نعاود نشوفو....فيروز؛مهم أنا أنمشي نطل عليها....أنا:بلاتي بشحال عندها من أسبوع؟؟....فيروز:داخلة فشهرين المسخوطة أو لحمل كيبان على تلاتة شهور يعني لعرس خصنا نفضيو منو....
في صباح لباكر....فيروز دارت مع لخياطة موعد أو فعلا بدات فتجهيزات الفعلية للعرس....صوبات لفطور أو طلعت تفيق ولادها.....دقات على حكيم لقاتو مكينش....زادت عند عبق حتى هي مكيناش بقات لها غير ريم...دقات عليها بشوية محاولة ما أمكن متجرحهاش وخا معصبة منها بزاف....فتحت لباب دغيا حن قلبها عليها....ناعسة متكورة على راسها كتبكي....فيروز:صباح لخير ابنتي نوضي تفطري بركا من لعناد غير على حفيدي يلا بنتي....نوضاتها أو مسحت دموعها ناحية لحمام...غسلت لها وجها كيتبادلو شوفات فلمراية...فيروز:بنتي بلاما تحسبي انني كنكرهك ولا شي حاجة أنا مازال مصدومة منك أو حتى عبق أو مقلقة من حكيم لكن متخافيش كلشي أيتصلح مع لوقت نتي غا قولي أسباب لي دفعاتك تعاوني جود....ريم:دبا خالتي جود براسو مقالي والو أنا معارفة ماندير بغيت نشرح لكم لكن مفهمتش علاش جود خطف عبق أقسم بالله تيقيني....فيروز:أو نتي لاش معودتي لها والو لاش بش كان خاطفها ما خبرتيش؟؟....ريم سكتت شنو غتقولها بضبط واش منين بدات هاد لعبة كانت متيمة بيه لحد الجنون أو كتوافق على أي حاجة طلبها منها ولا أتقولها مني بغات عبق فحال ختها أو كنات لها شعور لمحبة لخالص كان فات الأوان....ريم:معرفتش كنت مدهورة أما جود ماعندو حتى دنب لي نقد نقولك أخالتي أن خويا عندو أسبابو أو غنحاول ما أمكن نصالحو مع عبق أنا مجرد حمارة نهار دخلت لحياتها درت غير لمشاكل....فيروز:ماشي نتي جود هو لي خرب لبنتي حياتها داك سيد مافهمت منو والو من غير أنه كيخلع أو ما ماموازنش....ريم:هههه....فيروز:لاش كضحكي؟؟.....ريم:حيت بصح جود فشكل لكن قلبو بيض بزااف كنتمنى تعطيو ليه فرصة.....فيروز:ممم خصو يحضر لعرس راني دويت مع لخياطة أنمشو عندها لعشية تاخد لك لقياس...ريم:بهاد سرعة؟؟....فيروز:كرشك مخصها تبان منقصنا شوهات....ريم تصدمات أو فيروز حتى هي دغيا عاقت بفظاعة اشنو خرجات من فمها....فيروز:سمحليا بنتي مشي غير عليك كنقسد حتى على عبق را حتى حد من فاملتنا مسايق بخبار زواجها دكشي علاش....ريم:عادي أخالتي نستاهل....فيروز:أوووف دخت مهم دبا خلينا نوجدو لهاد لعرس أو يدوز بيخير....
عبق حطها رجب قدام دار بعد فطور صباحي رائع.....رجب:شكرا حيت مرفضتيش دعوة ولله حتى صافتها على ربي....أنا:هههه كنت فايقة أو قلت علاش لا أصلاً منعستش تفكير حرق لي راسي....رجب:من صباح أو أنا كنخطب عليك نساي أعبق هادا هو لحل بدلي راسك لبنت أحسن أو تعفاي من....قتلاتو نضرتها لدرجة مقدش يكمل....رجب:نسايه....أنا:ههه بشحال كتخرج ساهلة لكن تطبيقها صعيب بزاف عرفتي شنو كنحس بلبكية حيت كنشفق على راسي كنلقاه أاداني من جميع نواحي أو كل نهار كنقول صافي غنحقد عليه كنلقى راسي عاد مازال غرقت...رجب:لحب كيضر بهاد لحدة؟؟....أنا:بزاااف....رجب:أو إلى شي نهار طحت في نفس وضعك؟؟....أنا:ويااك منكرش أن تفكيري البارح شملك حتى نتا شوف رجب متبغينيش عفاااك حبس كرهني بأي وسيلة....رجب:(مسك يدها)منقدرش نتي حالة خاصة فحياتي من لحضة شفتك بقيتي لاصقة فدماغي أو مكنتش عارف أن لقدر أيلاقينا مرة خرا لهدا أنتشبت بيك....أنا:أو أنا مغنخلش لك لفرصة لهدشي مهم خصني نمشي دبا....نزلت مودعاه بإبتسامة رئيفة....كيبقى في رجب رغم أن عينيه منين كيشوف في خالية من أي نوع ديل شفقة على حالتي إلى أنني مكنحسش معاه بقلب كينبض بل غير بالأمان أو راحة لبال....دخلت لدار تصادفت ديريكت مع ريم لابسة بجامتي أو خارجة من كزينة شافتني زلعات كاس لما متراجعة بلور أو لون وجها تخطف....تجاهلتها ناوية نطلع لبيتي حتى كتوقفني ماما بأمر....أنا:شنو؟؟....فيروز:خصك تدوي مع ريم....أنا:مي مكنهدرش مع لخونة....ريم تخطات ماما أو وقفات قبالتي براس محني....ريم:عبق أنا سمحليا بزااف عفاك سمعيني عفاك غير مرة وحدة كنترجاك أنا بصح فوضع خايب معاكم كاملين لكن عندي أسبابي أو مستعدة نقولك كلشي ماتحرمينيش ندافع على راسي أنا ولله حتى كنبغيك بزاااف نتي ختي لي معنديش خليني نشرح لك....
دخلات عبق لبيت أو خوات لرييم مساحة تبعها....ريم جلسات مرتابكة كتفرك صباع يديها مع بعضهم.....جرات كرسي بعنف خبطاتو قدامها أو جلسات رجل على رجل مربعة يدها....أنا:يلا دوي....ريم:احم أنا بعدا بغيت نطلب سماحة....أنا:أوووف هدري ولا خرجي برا....ريم:وخا أنا ممولفاش عليك بهاد لبرود معايا دكشي علاش كتخلعيني منك....أنا:وقيلة كضحكي علي؟؟....ريم:لا لا غنبدى نهدر دبا تعرفت على جود قبل 5 سنين يعني قبل ماتجي نتي لفرانسا بتلت سنين كنت صغيرة بزاف أو طايشة كنت كنمر بضروف صعيبة مع وليديا تخيلي أعبق ديمة مدابزين أو مخاصمين بابا كان مبلي بلقمر أو ماما محاملاش لحالة كفاش كضني أن نفسية وحدة مراهقة أتكون مع هاد ضغوط كلها؟؟....عبق حلات غوباشتها شوية أو فكات حتى عقدة يديها كتستامع بإنتباه كبير....ريم:واحد نهار عرضوا علي صحابي بين قوسين وخا ماكانوا كيكنو لي حتى شعور ديال صداقة أو مع طيش أو قلة تفكير مشيت من دخلة جاني كلشي غريب صداع شراب لعرا دراري سكرانين العهر محستش براحة عاد تزير قلبي كتر...شديت كوان لساعات طويلة كنفكر فراسي لا ولدين لا خوت لا دنيا زوينة لوحدانية قتلتني وليت كنشوف غا سواد مليت أو كرهت حياتي....كنت كنحسد أي واحد عندو أخت ولا أخ يدابز معاه هههه تخيلي؟؟؟...معرفتش فين داوني بضبط شي دراري وقفوا علي ديك لحضة حسيت بلخطر أو يلا توgدت لقيت راسي مليوحة فلما من جسر عالي هبطت لتحت تخنقت قلت لحمد الله ربي إستجاب لدعائي أو مت سعا يدو جراتني لهواء أو غير لمحتو طحت فلحب ديالو....أنا:شكون؟؟.....ريم:جود هو لي عتقني داك نهار من لموت....عبق بدا تنفس ديالها كيتقطع أو ناضت جلسات جنبها كتحقق مزيان فوجها.....ريم فهمتها بسرعة أو حركات راسها بنفي....ريم:مبقيتش كنبغيه متخافيش جود دبا غير خويا الوحيد....أنا:دبا نتي كنتي كتبغيه؟؟....ريم:أو سكتي أنا را وليت كنحلم به خاصةً أنه غبر ورا لحادتة....أنا:أو كدرتو تلاقيتو مرة خرا؟؟....ريم:هههه نقدني عاوتاني كانت غدهسني طنبل مع بالي كان ديمة معاه لدرجة شكيت أنه مشي إنسان تماك فاش سالا معايا جاني وسيم بزاف أو أول مرة شي حد كيهتم بيا أو يراقبني...عطاني نمرة تليفون ديالو ولا كيتاصل بي أو يسول في كل نهار...هدشي بنسبة ليه كان يمكن عادي أما أنا كنت عايشة فأحلام وردية كنفرفر فحال شي فراشة....أنا:حتى نتي دوبك فحالي حقير معرفتش بشحال من بنت كدب عليها....ريم:لا جود عمرو معامل شي بنت فحالك أعبق أنا كنشرح لك بش نوصل لواحد نقطة خليني نكمل....دبا منين شعرت أنه كيعاملني بديك لطف سحابلي كيبغيني هههههه بشحال كنت غبية أو نهار عترفت ليه شرح لي أنه كيبغيني فحال ختوا منحكيش لك تعصبت تقهرت مرضت لكن فالأخير تقبلت الحقيقة أو تيقنت أن شعوري كان غير تعلق براجل عطاني لحب لي كنت محتجاه....مي لمشكل كان فات لفوت أو داك لعام بضبط كنتي جيتي لفرانسا أو موجب علي نكمل فلعبة....هادوك شهور لي كنت كندوي فيهم معاك نساوني فيه أو فعلاً بديت كنحس أن حياتي كتعمر بناس كنبغهم...هو باش طلبني ندخل لك فكرة لهجرة لبالك كنت مازال طايحة فيه أو وافقت بلا منعرف سبب مي منين صدمني أنه مكيبادلنيش لحب أو لفترة فاش بديت كنكبر أو كنوعى متخلية على لمراهقة أو لبسالة ديال دراري صغار أو أنك دخلتي لحياتي سولتو علاش بغيتي ديك لبنت كان كيرفض يجاوبني أو كيهددني هههه راك عارفة جود كيداير....أنا:دبا من هدشي كامل نتي معرفاش جود لياش كان كيخطط؟؟....رم:لا لحد دبا كنت كنفد غير اش كيطلب مني حتى وصلتك ليه.....
سدات عينها بقوة كتحاول ترتب افكارها لمدهورين...بعد مدة قصيرة رجعات فتحات جفونها بتصميم....أنا:شوفي ريم قصتك إترات في بما أنك حتى نتي ضحية ديالو....ريم:(بسرعة رد)لا لا عبق متحكميش عليه دغيا حتى تسمعي ليه را فنما كان كيتلقى بي مكيخافش علي أنه مرعوب من شي حاجة منين كيدوي عليك كان ديما صوتوا كيرجف عفاك كيفما سمعتيني سمعيه حتى هو بنسبة لي مهازة حتى قطرة دنب على خوك حيت بصح نستاهل كنت غبية معاه أو سمحت لراسي نتاغبى مرة تانية أو زيدون كلشي غيتصلح عفاك....أنا:بلاما تكتري فلكلام أريم عطيتو بزاف فرص بلا شك عرفتي انني فقدت ولدي بسبابو أو فايتة عدبني أو أكيد أتكوني عارفة قضية الإنتحار حتى هي؟؟....ريم:مغنكدبش عليك مازال أنا لي عيطت لحكيم داك نهار يجي يديك....أنا:كفاش؟؟....ريم:اااه حيت حضرتو قبل نهار مات لبيبي أو فاض بي لكاس بش نتحرتي سمحليا بزاااف أعبق مقدرتش نشوفك بديك لحالة جوج مرات فالمستشفى علاين تموتي....أنا:هههه ممتيقاش دبا أنا لوحيدة لي كنت فدار غفلون؟؟....ريم ناضت عندي أو شدات فيديا بجوج....بقات ساكتة كتحزرني بعينها أو كتعوج فمها بتوسل....ريم:سمحليا عبق أو حطي راسك بلاصتي عفاك أنا شرحت لك كلشي مغتبغيش ندوز هاد فترة أو حنا مخاصمين انكون محتاجة لدعم ديالك أو زايدون بابا أو ماما غيجيو هما مولفين يشوفونا قراب أو فرحانين عفاك أعبق أنا متأكدة أنك مازال كتبغيني بحال لول أو هاد ردة لفعل بينتي بيها بلي كنهمك بزاف كون كنت زايدة ناقصة مكنتيش أتحقدي علي لهد درجة ياكي؟؟....أنا:(جاتني بكية)أو مني عارفة هدشي الحقيرة لاش كادبة علي أجي لهنا....تخشات في كتبكي أو كتعنق في بافتقاد كبير....ريم:أهيء أهيء😥😥 عبق شكراً بزاااف سمحليا أختي كنت كنتعدب كل دقيقة معرفتش أن هاد لخطف أيوصلك لحالة خايبة بزاااف.....أنا:صافي أريم سكتي راك حاملة....بعدتها بلطف كنمسح دموعها الغزيرة....قست من بعد فوق كرشها كنبتسم لولد خويا جاي فطريق....أنا:غنولي عمة هههه خسارة كون مماتش ولدي ولا بنتي كون لقى معامن يتوانس لكن.....تخنقت لحضة دكرت لوقعة أو لخبر صاعق ديال ديك ليلة المشؤومة....ريم:متقلقيش أعبق مازال ربي غيعطيك لولد لي كتحلمي بيه....أنا:هههه معامن.....ريم:جود........أنا:إلى بصح بغيتيني نسمح لك داك راجل مبقيتش نبغي نسمع حسو فحياتي....ترميت على سرير كنتنفس بصعوبة كنحك راسي نوقف عقلي على تفكير فيه علاش مازال محتل كل خلية من عقلي علاش مزااال مقدرت نكرهو ديال بصح شي راس تيقوليا نمشي نشبعو تسرفيق أو نيشان نعاقبو كيفما كيعاقبني....ريم:عبق سمعيه ضروري أيكون سبب ديالو أقوى من لكره لي كتربيه فقلبك دبا إتجاهو....أنا:(بضحكة إستهزاء)ههه بش غينفعني سبب ديالو أو أنا أصلاً عارفة علاش خطفني....ريم:(بإصرار)حلفي عاودي لي هو قالها لك ياك....أنا:لا المحسينين هما لي خبروني بشحال داك سيد حقير أو إستغل ضعف ديالي بش يوصل لمراد ديالو سامحت ليه مرة لولا أو تانية أو تالتة عطيت ليه شلة فرص لكن ديمة كيكدب علي ديمة كيعيشني أوهام بكلام زوين بشحال طلعت حمارة أو نية تخيلي أريم طلقني أو عطيت ليه فرصة هدشي يبقى بناتنا....ريم:(حركات راسها بالإيجاب)....أنا:هدشي معرفاه لا ماما لا حكيم أو حمد الله معلمتهمش أنا أو جود رجعنا فترة صغيرة مدامتش حتى يومين قبل ماتجي نتي....ريم:نااااري حلفي؟؟....أنا:ولله أو درت غلط أنا نعست معاه....
ريم:(بصدمة)اويلي وحدي؟؟....أنا:أووووف متزديش علي عفاك فينما كنتفكر هاد لفعلة كنبغي نقتل راسي يخ تفو عليا سحابلي كلشي أيتقاد سعا كنت غير كنحلم أحلام يقضة....ريم:أنا سباب تفووو مكنتش عرفة انكم رجعتو جيت خربت غير حياتكم....أنا:بلعكس نتي وريتي لي طريق صحيحة أريم كون مبنتيش فساحة من جديد كان مازال غيكدب عليا.....ريم:مسكين جود ولله مايستاهل....أنا:براكا أنا لي مسكينة من نهار شفتو وليت فدوامة معندهاش نهاية أو من أحسن نساليو هاد لقصة.....ريم:غيحضر لعرس كنتمنى تصالحوا أعبق هو كيبغ....(مكملتش جملتها أو فجأة سمعو طرق في لباب)....فيروز:عبق ريم صافي تصالحتو؟؟....أنا:هههه ماما اااه صافي ريم شرحات لي كلشي....فيروز:ههههه لحمد الله منين صفات لخواطر نقدر نضربها بشي تزغريتة؟؟.....ريم:ههههه وخا خالتي....فيروز:صلاة أو سلام على رسول الله.........لولولولولووي هههه أجيو أبنياتي....تعانقنا كاملين كنضحكو ولا يمكن غير متشاركة معهم لفرحة المؤقتة لأن جود مازال محتل ببساطة كياني كلو.....
في لعشية خرجنا أنا أو ماما أو ريم عند لخياطة....دوزنا لوقت لازم في إختيار أتواب أو لقياس لمناسب لينا....رجعنا عيانين حيت ممعري ضنيت أن توجاد لعرس كيكون صعيب أو هادي غير لبداية....ماما:عبق حكيم عييت نعيط ليه والو تخلعت عليه....أنا:راه راجل أو كيتسنى ولد من لفوق أتلقايه سكران كيف لعادة....ريم:علاش حكيم كان كيسكر؟؟....ماما:صافي بدلو لموضوع أجيو تعشاو غدا انشالله تمارا تبعاني....ريم:خالتي شكراً بزااف كتعدبي راسك معايا....فيروز:لواه ابنتي را عرس ولدي لوحيد لي درتو أيكون قليل فحقو..........كلينا فصمت عيني على ريم جابتلي الحنين لديك لفترة فش كنت كنتوحم...مسيت كرشي بلا وعي متمنية كون بصح مفقدتش ولدي يا ريت زمان يرجع بلور كون مكدبتش عليه كان متشوق بزاف نولد ليه بنية كتشبه ليه....أنا:ماما غنطلع نعس تصبحو على خير.......دخلت لبيتي كاتمة صرخة ألم....هزيت تليفون جبدت نمرتو كنشوف فيها بعينين دامعة.....أنا:فينك عيطلي على لقليلة علاش كنوحشك علاش منسيتكش تفووو عليك أجود دمرتي لي حياتي كلها مبقيتش كنكمل بلا بيك...لحت تليفون أو تخشيت ففراشي نقلب على نعاس لي مخاصمني هادي شحال....
الأيام الموالية ولات روتينية جداً....ماما كتسارع زمن مع تحضيرات....كل نهار عدنا مهمة جديدة...ختارينا لقاعة لي كتمتاز بسمعتها لمشهورة فلمدينة أو كبرها أو حتى جماليتها....وجدنا بطاقات دعوة أو وزعناهم على ضيوف لي بلا شك بعض منهم تصدم من خبر زواج حكيم طامعين يكون من نصيب بناتهم....كلفنا حتى مجهز لحفلات بنسبة لأكل....بقات مجرد نقط أو لعرس ديال حكيم العلمي يتقام و أخيراً بعد طول إنتضار ....أنا:ريم سربي ماما غتبقى تغوت....هبطات كتجري من دروج جامعة شعرها بإهمال أو طايح عليها سر بشحال ولات فنيونة....أنا:وا سربي ازمر مبقى والو لعرس أو مازال شلة حوايج....ريم:فين حكيم؟؟....أنا:را وقيلة كيعرض على صحابو.....ريم:في لخلعة بزاااف وش بصح بعد غدا أنتزوج؟؟....أنا:أوووف بركا بشحال من مرة أتسولني هاد سؤال.....ركبنا فسيارة أو مشينا لخياطة نجيبو تكشايط أو دهب حيت غدا أنديرو ليلة لحنة أو أيجيو ضياف....فساعة من زمن قضينا لغرض دزنا لصالون حلقنا على لحالة ولا بالأحرى بتنا تماك هدا هو تعبير صحيح....درنا لا صيغ أو ريم قصات شوية من شعرها خلاتو فلونو....تا أنا مزعمتش نبدل شكل شعري كيعجبني طويل ...اكتفيت غير بعناية لوجهي أو ضفاري....سالينا معطلين لكن على لقليلة بديت كنشوف علامات الإرتياح على ريم أما أنا حالتي غير مكتزيد تكفس....
وصلنا لدار تلاقينا نيشان مع ماما أو حكيم محملين حتى هما بكم من ملابس ديالو من جلابيات أو أطقم....أنا:ماما حنا جبنا كلشي واش خالتي سعيدة غدا أتكون هنا؟؟....حكيم مهدرش مع ريم عاون ماما أو طلع لبيت.....فيروز:اااه ابنتي غدا ايكونو فصباح خصني نوض بكري نخمل دار أو عاد خوالتك أو بناتهم حتى هما أيجيو مهم روينة أو صافي....أنا:كوني هانية لحب نعاونك تا لخر....فيروز:ربي يخليك لي ابنتي اوا بنتي ريم طلعتي غزالة تبارك الله عليك جات معك لحمالة....ريم:هههه ربي يخليك أخالتي....فيروز:غير هو هاد موضوع عنداك يتجبد غدا فلحنة را بنات عائلتنا شوية فيهم لفضول لي سولك ضربي لميم....أنا:متخافيش وصيتها خاصةً واحد لعقروشة ديال سميرة هههه....فيروز:(بإرتباك)أو جود مغيجيش؟؟....أنا فحالي ضرباتني بضو....رجعت بلور كنقفقف من لقاءو لقريب من جديد....ريم:وا غيجي عبق عطيني نمرة ديالو نوصيه....رمشت ممستوعباش انني غنشوفو غدا أو أيبدا نفس صراع بقيت كنفكر متجاهلة نداءتهم كلياً....فيروز:(نغزتها)وا بنتي عطي لبنت تليفون تدوي مع جود....أنا:اااه هاكي....مديتو لها أو خرجات لبرا كاتسنى رد....مرت دقائق معدودة رجعت داخلة بوجه بشوش....ريم:هدرت معاه قالك ميقدرش يجي غدا لكن نهار لعرس أيكون فلقاعة....أنا:كيفاش كان صوتوا؟؟....ريم:أول كلمة قال منين تفتح لخط هي "عبق".....
جريت ريم لقنت أو استفسرتها غير بعيني....ريم:كيبان صوتو عيان سولني عليك نتي لولا قلت ليه را باقية شوية مقلقة أو قالي نسلم عليك بزااف أو فرح حيت تصالحنا أنا أو ياك صافي قلت ليه لعنوان ديال قاعة أو بارك لي مشدش معايا هدرة بزاف....أنا:أمم مزيان....ريم:علاش راسك قاسح أعبق علاش وليتي هاكا سمعي ليه الله يستر عليك...أنا:صافي هو يمكن تولف على فراقي مهم أنا غنمشي نشوف ماندير....ريم نزلات دراعها بقلة حيلة حالفة حتى تدخل بخيت أبيض نهار زفاف....
***في صباح***:
لجو ولا عائلي بإمتياز....لعائلة كاملة وصلت سواءً ديال فيروز ولا ديال راجلها المتوفي أو حتى أبوين لعروسة....نسا داخلين فدوامات من قبل أو تهاني أو لعناق لحار أو رجال منهم حكيم لي مداعي لفرحة فأحاديت صخب بأصواتهم لعالية....رحبات بهم فيروز بحرارة لابسة قفطان أخضر خفيف يساعدها فتحركات ديالها مع فولار زهري رماتو بإهمال على شعرها كادور كيف نحلة فزوايا لبيت لكبير توري لكل واحد لمكان المجهز ليه....عطات لولدين لعروسة بيتهم يرتاحوا من عناء سفر بعدما سلمو على بنتهم بلبكاء كيعبرو على مدى شوقهم لها....لبنات لعزبات تجمعو فبيت عبق طالقين ضحكات عالية من فرحة أو أكيد بعض مشاعر لغيرة أو لحسد لعروسة لي خدات منهم غنيمة ممتازة فحال حكيم.....خواتات فيروز ساعدوها فتحضيرات لحفلة لحناء شي كيطيب شي يقاد لحلويات شي يستف لهدايا....بلمجمل الأعمال كانت غادية على قدم وساق طول صباح....
في لمساء أو بعد يوم شاق بنسبة لجميع حيت كلشي دار يدو فتقويم لعرس لي سماه بعض من ضياف "مزروب"....جاو دقايقية أو نقاشات. طيافر فصالون لي وجدوه قبل بكوامو أو مقامو مخلط مابين لون أبيض أو أخضر....طوابل مرصوص عليهم مختلف أنواع لحلويات أو صواني اتاي أو لعصير...ريحة ند عاطية بنسمة لعود أو موسيقى هادية كينباعت من مسجلة عاطي هالة جميلة للمكان....
لبنات كانوا حتى هما فلبيوت كيلبسو قفاطنهم أو يصاوبو لماكياج وحدة كتعاون تانية أما اخصائية تجميل كانت مخشية مع ريم أو مها كيلبسوها لقفطان لخضر لملكي...جمعت شعرها على شكل كعكة مرتبة أو زادت تاج ناصع من دهب جابو لها الأب ديالها كهدية بسيطة....زينات وجها لجميل بمكياج إحترافي....لبسات لها سعيدة براسليات دهب أو حوالق غلاض أو كملات بكعب عالي...سعيدة:تبارك الله على بنتي أهيء أهيء😥😥 كتحمقي لولولولوي....ريم:ههه ماما لحبيبة ربي يخليك ليا....عنقاتها كيتبكاو أو فهاد أتناء دخلت فيروز....فيروز:لالا سعيدة يلا لحفلة اتبدا هبطي نتي خلي لبنات ينزلو ريم....سعيدة:وخا ختي الله يكمل عليك بالخير ابنتي...باستها فوجنتها أو خرجات مع فيروز أو لكوافرة....ريم:عباااق وخرجي من حمام أجي تشوفي كيف جيت....دار مقبض لباب أو تقدمات رجل بكعب أسود بلون لفحم...أو ادى بأجمل مرأة كتضهر مرأة بشحال تعدبات لكن رممات أو جمعات شتات نفسها أو فالأخير ندوب قلبها أو روحها زهرات بورود عطات لها سحر خلاب....لابسة جامبسوت فلكحل ملصقة على إنحنأت جسمها لأنتوية....طالقة شعرها لأسود بعفوية أو إهمال كيناسبو....حتى لميك آب كتفات بكحل زين عينيها لكبار أو عكر أحمر قاتم ماط....ريم:وااااو جيتي زوينة....
سرعت عبق قدام لكوافز أو رشات ريحتها المفضلة....دارت بضحكة واسعة أو يدين على خسرها بوقفة عارضات الأزياء....أنا:ههه أو دبا كملت كي جيتك؟؟....ريم:وااا فنا فنا😍😍 ناري غادي تاخدي مني الأضواء أنا لعروسة هههه....أنا:هههه متخافيش تا نتي طلعتي قرطاسة أجي نبارك لك....ضميتها بعناق حار....جريتها بلطف من لحضن ديالي أو جريت لبلاكر نقدم لها هديتي حتى أنا....أنا:كنت شريتها لك بتخبية كنتمنى تعجبك....ريم:(بفرح)أري نشوف....حلاتها بغبطة أو فعلاً شعورها كان غير متوقع....ريم:عبق واااو كنحماق عليك زوينة بزاف شكراً شكراااً.....باستني أو دغيا لبسات لخلخال فرجليها....أنا:ويلا نهبطو دبا بلاتي نعيط لبنات....تقدمت من لباب كنتبسم لها غير فتحت تكبو كاملين لداخل....أنا:ههه بشوية دريات يلاا نخرجو لعروسة لي عندها شي صوت مدعدع تبدا تصلي على نبي.....نقزاات بنت عمي لكبيرة كتصلي على نبي أنا أو بنت خالتي شدينا فريم كل وحدة من جنب أو هبطنا لها شال خضر على وجها.....أو جوج بنات خرين هزو لها لقفطان من لور....نزلنا كاملين كنغنيو أغنية تقليدية ديال هاد لمناسبة أو مرة مرة وحدة فينا طلق زغروتة.....نساء خداو منا ريم أو داوها لصالون يجلسوها على حسب لعادات....لجو ولا مليئ بزغاريد أو لهيلالة....دار مطرطقة بلبشر رجال أو عيلات أو حتى دراري صغار لجميع فرحان إلا أنا قلبي عامر.....دخلت لصالون مع لبنات لي كانوا بداو بشطيح أو رديح مع لموسيقى شعبية....كتافيت بتسفاق كنتخيل راسي بلاصتها بشحال جات زوينة أو طاح عليها سر حتى ضحكتها طفولية عطاتها سحر خاص بها أصلاً أي بنت أتكون فرحانة في مكانها يا ريت كون حتى أنا تزوجت وسط أهلي أو حبابي كنت غنكون أسعد عروسة خاصة مع راجل لي كنحماق عليه....أنا:أووف براكا متفكري فيه أعبق تفو....دخلات نقاشة معها جوج خرين رحبت بيهم كنستقبل تهانيهم ببشاشة...لكبيرة فيهم جلسات جنب ريم أو تانيات تكلفوا كينقشو لدريات صغار....ريم كانت معجبة أو هي مادة يديها أو رجليها لحنا يمكن حيت عاشت بعيدة على تقاليدها لمغربية....جاء لمصور أو إلتاقط لينا كاملين صور تحت أنغام أو أهازيج دقايقية لي كانوا كيقربو شوية بشوية لينا.....أنا:ريم حكيم هاهو غيجي بش يتصور معاك...مكنتش عارفة أن جملة ديالي أتأتر عليها لدرجة تحول لون وجها من بهجة لفرح للأحمر لمعبر على خجل....شجعتها بحركة كنا كنستاعنو بها فلحضة ضعف دغيا خففات عليها....أنا:لبنات أيدخل تيتيز وا تخيروا ههههه....خرجت كنضحك جيت نيشان مع رجب لابس كوستيم أسود لامع....وقف شوية كيطلع في من رجلي تا لراسي لنقطة فش تلقات عينينا أو ضحك بحب كينبع بوضوح من قلبو لي....رجب:تبارك الله على خت لعريس مشاء الله....أنا:هههه شكراً حكيم جاي؟؟....رجب:اااه را لوالدة ديالك قالت لي نشوف وش ريم سلات لحنا بش ندخلو نحيحو هههه....أنا:اااه سلات عيطو عليهم....رجب:مبروك عليه لعقبة لك...غمزني بخفة أو ولا كيجري لبرا....صرطت لمعنى بصعوبة أو رجعت عند ريم....أنا:هاهو جاي يلا لبنات شي تزغريتة صلاة أو سلام على رسول الله......
دخلو دقايقية لدار مع حكيم أو صحابو....كانوا دايرين به كيسفقو أو ناشطين عكسو هو لي باين عليه من طيارة أنه غير كيمتل لفرحة...كان دايخ أو تالف وجهو صفر....كيخرج الإبتسامة بجهد كبير...لابس جبدور بيض بسفيفة رقيقة أو بلغة صفرة مع تقاشر بيضين....مرتب شعرو بأناقة أو محسن لحية خلاها خفيفة ضريفة....خدا نفس عميق أو دخل لعندها....
تمشى ناحيتها ببطء كيطلع فيها بغرابة....حتى ريم منزلاتش منو عينها بل حلات فمها كترمش بسرعة فيه....أنا:هههه أتبقاو كتشاوفو را حنا عارفنكوم كتبغو بعضكم يلا خويا متحشمش....قلبناها ضحك أو بداو عوتاني كيزغرتو....باس لها راسها أو جلس جنبها....أو فجأة كلشي دخل نساء أو رجال صحاب حكيم تا من براهش...صالون عمر بلحيحة رقص لغوات ضرب على طبول أصوات جهدات بشكل مروع ماحسيت براسي حتى فلت بجلدي لبرا...سديت ودني غادية بسرعة لجردة....غلقت لباب عد رتاحيت أو خفاف داك صداع....ولا كيوصلني غير صدى لموسيقى....جلست على كرسي معنقة راسي كنشم هوا ليل صافي كيتغلل بن أعماقي....غمضت جفوني لي كيطلبوني نبللهم بدموع كتعمر فخزان دفنتو لتحت أو مستحيل يبقى صامد....شعرت انني مشي بوحدي...غير من ريحتو عرفتو شكون....أنا:رجب؟؟....رجب:(مس كتافها)مالكي؟؟لش خرجتي قلبت عليك نتصور معاك....أنا:هههه أنا هنا....رجب:حتى حاجة مزوينة لداخل بلا بيك....أنا:هههه متزدش فيه شو لعروسة تبارك الله بشحال كتهبل....رجب:كلهم كيتشابهو حتى من لباسهم إلا نتي دائما كتكوني منفردة....أنا:ههههه كدوي على لقفطان أنا نشرح لك دبا....رجب:(قاطعها)نتي متميزة مكاينش لاش تشرحي عبق كنحس أن لحب ديالي لك كل شوية كيكبر فقلبي لك....غفلني بتعبيرو لجياش تحت ضوء لقمر أو شد فيديا لباردين بكفوفو سخان بنار كاتبان لي كتشعل فمومو عينيه.....رجب:عبق أنا كنبغيك بزااف بغيتك تكوني أم لولادي....مسك حناكها بجوج أو بدا كيقرب فمو لجهة فمها كيدور نضرتو حارقة فوق ملامحها لي كيعشقهم....
لحلم ديالو ولا حقيقة أو هو كيقرب لشفايفها لي شكلو ليه لغز مستحيل يتحل....غمض عينيه أو قلبو كيدق خاف غير لا يتوقف قبل ميوصل لنبع لي غيموت أو يشرب منو....فجأة تحطت صباع رقيقة باردة كيف تلج على فمو....حل عينيه فاقد الأمال من جديد...رجع بلور متغاضي على دموعها لي بداو كيعمرو فوق جفونها....رجب:سمحليا معرفتش شنو جرا لي....أنا:متبقاش دير معايا هاد أفعال نتا عارف مزيان انني مرا لراجل واحد علاش كتضغط علي....رجب:(بنبرة معصبة😡)عبق فيقي من لقلبة شوية نتي مشي دريا صغيرة تبقاي كتبكي عليه شوفي حالتك كلشي فرحان إلا نتي علاش كتبتاسمي بزز منك علاش جامعة دموعك علاش كتمرضي قلبك علاش مبغيتيش تنوضي من هاد لكابوس؟؟....أنا:كون كنت عارفة الجواب ديل هاد اسئلة ديالك كلها كنقسم لك مكنتيش غتلقاني فهاد لحالة من ضياع....رجب وقف بإقتضاب أو عقد حجبانو مع غضب أول مرة كيبان عليه....رجب:نتي لي مبغياش تعافي داتك سيد مطلقك أو كادب عليك أو باينة لعمى خلق فيك جرح معمرو يتنسى لكن قررتي تبقاي مقوقعة تماك فبلاصة كحلة أو مضلمة سمحليا أعبق مي طلعتي ضعيفة بلا شخصية.....تسلطات عليه فهد أتناء صفعة على حنكو غير متوقعة....أنا:(بصراخ)سكت أرجب صافي زدتي فيه مشي عطيتك فرصة دخل فحياتي تجرأ تعايرني فوجهي....رجب شد حنكو مسح عليه بسرعة...دار يديه فجيابو متنفس مزيان قبل ميبادلها نضرة مليئة بعتاب أو يغبر من حداها....جلست كنرجف مزيرة على عيني من بكاء طويل مباغياش نخسر عليهم هاد لفرحة أو تصدق فجنازة اااه فجنازة عنوانها أنني فقدت أهم عنصر كيستمد منو الإنسان نباضات لعيش هو "قلبي"....أنا:متبكيش أعبق متبكيش أووف يا ربي عييت رحمني من هاد الألم.....
بعد ليلة طويلة من زغاريت تصاور رقص صراخ طبول تهاني لورد لهدايا الأكل كلشي كان كيدوز بين عينيا بسرعة فحلا راني فيلم كوميدي أو أنا شرير لي غيدمر على عائلة سعيدة بهجتها...طايح علي ضيم مموالمنيش هاد لجو بغيت غرفة هادئة أو سوداء نبكي فيها حتى نشبع بغيت حضن ديالو دافئ توحشت صوتوا توحشت كلامو أو قبلاتو توحشت كلشي فيه علاش كنغرق أو مازال ماجاء يجرني كيف ديما من الموت....ودعت مع مام أو خويا آخر ضيوف بنفس ضحكة المصطنعة......... نساحبت طالعة لبيتي عيانة بتعب ماشي ديال لوقوف ولا عياء جسدي انما تعب نفسي قاهر كيكون أشد بأضعاف....سديت بيتي بساروت مباغية نشوف حد....حيدت لكعب أو تمديت على سرير مربعة يدي أو كنشوف فسقف متهيئة صورتو فيها....أنا:هههه حماقيت فحالك أجود آااااه بشحال توحشت غير ريحتك....درت على جنب نمحي إنعكاس وجهو من عيني...هربت دمعة من عيني مسحتها بلخف....مديت يدي لمجر حدايا خديت كينة نعاس...شربتها بسرعة أو بعد دقائق دهبت مع لحلم لي على لقليلة كنمتع عيني بلقياه....
مجنون بيبو الجزء 17
محتوى القصة
التنقل بين الأجزاء